Kjo e dielë e korrikut ka shënuar një nga ditët me fluksin më të lartë të hyrjeve në Portin e Vlorës. Sipas të dhënave zyrtare, gjatë ditës së djeshme kanë mbërritur 599 pasagjerë, shumica prej të cilëve janë shtetas shqiptarë që jetojnë në Itali dhe kanë zgjedhur të kalojnë pushimet në atdhe, kryesisht në bregdetin e Vlorës.

Krahas tyre, një numër i konsiderueshëm turistësh të huaj kanë zbarkuar gjithashtu në qytet, duke konfirmuar trendin pozitiv të turizmit në këtë sezon veror.

Së bashku me pasagjerët, kanë hyrë edhe një volum i konsiderueshëm mjetesh, përfshirë:

120 makina,

1 karrocë me rimorkio,

5 kampingë (camper),

2 minibusë,

4 autobusë,

10 kamionë,

1 furgon,

2 motoçikleta.

Ky fluks dëshmon jo vetëm për rëndësinë e Portit të Vlorës si një pikë hyrëse strategjike për jugun e vendit, por edhe për rritjen e interesit të emigrantëve dhe turistëve për të kaluar pushimet verore në Shqipëri.

Muaji korrik pritet të shënojë rekorde të reja, duke e kthyer Vlorën në një nga destinacionet më të frekuentuara këtë verë.

LEXONI GJIHASHTU:

• Gjendet trupi i pajetë i një personi në ujërat e liqenit të Pogradecit
• I kërkuar ndërkombëtarisht për trafik droge, kapet në Qafë Thanë 34 vjeçari

The post Fluks i lartë në Portin e Vlorës: Rriten ndjeshëm hyrjet e pasagjerëve dhe mjeteve appeared first on Euronews Albania.

Kryeminstri dhe kryetari i PS, Edi Rama shkarkoi dy ditë më parë kryetarin dhe nënkryetaren e PS në Vlorë Admir Malaj dhe Vilma Bello, dhe në vend të tyre emëroi Klevis Kason dhe Erjona Ismailin.

Në një intervistë ekskluzive për emisionin Now me gazetaren Greta Topjana, Kaso u shpreh se ishte i surprizuar por edhe i vlerësuar për këtë detyrë.

Ai komentoi edhe kritikat e fundit të kryeministrit ndaj bashkisë që pasuan me dorëheqjen e 21 drejtorëve, duke i argumentuar me vëmendjen e madhe që kreu i qeverisë ka ndaj Vlorës.

“Nuk e prisja fare dhe nuk e kisha idenë por duke qenë se bëjmë pjesë në strukturat e PS shumë aktive, ne jemi gati në çdo moment për çdo nevojë që partia ka dhe është kënaqësi dhe përgjegjësi të drejtosh PS e Vlorës, një nga bastionet më të mëdha në vend. Vlora është një qytet që gëlon ndaj problematikat duhet të marrin zgjidhej po aq shpejt, nuk ka probleme që nuk zgjidhen por njerëz që nuk i zgjidhin. Kryeministri ka vëmendje shumë të madhe ndaj Vlorës, ndaj reagimi duhet të jetë në lartësinë e duhur”, tha Kaso.

The post Flet kreu i ri i PS në Vlorë: Jemi gjithmonë gati për çdo nevojë të partisë appeared first on Euronews Albania.

Atird Hoxha, anëtar i Këshillit Bashkiak të Vlorës, nga radhët e PD-së komentoi në një intervistë për Euronews Albania përplasjen e kryeministrin Edi Rama me bashkinë Vlorë dhe dorëheqjen e 21 drejtorëve të kësaj bashke pas ultimatumit të këtij  të fundit.

Sipas tij bëhet fjalë për një përplasje mes klaneve brenda PS për shkak të prishjes së interesave të mëdha financiare në këtë qytet.

“Kjo është një përplasje e brendshme në PS në të cilën Rama tashmë ka marrë pozicion duke përkrahur një grup të caktuar në PS për të sulmuar Dredhën, është një luftë mes klaneve në PS. Nuk mundet kurrsesi të detyrosh të dorëhiqen në grup 21 drejtorë, jo për t’i mbrojtur, por çfarë përgjegjësie ka me pastrimin drejtori i teatrit, të pallatit të sportit? Janë të gjithë të PS këta. Portalet e PS në Vlorë po bëjnë një luftë të shëmtuar kundër Dredhës. Interesat në Vlorë në sektorin e ndërtimit janë shumë të larta dhe ndoshta Dredha dhe të tijtë janë bërë pengesë për ta kthyer Vlorën në kantier kullash ndërtimi dhe mendoj se kjo është arsyeja e vetme”, tha Hoxha.

LEXONI GJITHASHTU:

• Rama parlajmëron bizneset: Lironi hapësirat publike që keni uzurpuar, do ua shembim
• VIDEO| Edi Rama feston 61-vjetorin, pritet me duartrokitje dhe lule në selinë rozë

The post Përplasja në Vlorë, zyrtari i PD: Luftë klanesh brenda PS, Dredha u bë pengesë appeared first on Euronews Albania.

Pas vizitës së Kryeministrit Edi Rama në qytetin e Vlorës, administrata qendrore dhe vendore është vënë në lëvizje për të garantuar një sezon turistik sa më të qetë dhe efikas. Mësohet se ministri i Mbrojtjes, Pirro Vengu, do të pozicionohet në qytetin e Vlorës, ku sipas burimeve do të angazhohet së bashku me strukturat e bashkisë dhe ato qendrore për mbarëvajtjen e sezonit turistik.

Mësohet se Vengu ka kërkuar që të gjitha strukturat të jenë në gatishmëri të plotë për të menaxhuar fluksin e turistëve dhe për të përballuar çdo situatë që mund të paraqitet gjatë muajve të nxehtë të verës.

Burime bëjnë me dije se do të ngrihet një Task Forcë e posaçme për muajt korrik dhe gusht, teksa në bashkëpunim me të gjithë deputetët e Vlorës do të ndahen edhe prioritetet e punës në tre drejtime kryesore, duke përfshirë edhe të gjitha strukturat vendore dhe qendrore, të cilat konsistojnë tek: pastrimi dhe mjedisi, mirëmbajtja e infrastrukturës, siguria dhe shëndeti.

Sipas burimeve, administrata qendrore dhe vendore do të jenë në gatishmëri edhe fundjavave për porositë e lëna. Mësohet se Pirro Vengu, Bledi Çuçi, Vullnet Sinaj dhe deputetët e tjerë do të organizojnë takime të shpeshta për të analizuar edhe performancën e çdo drejtuesi.

LEXONI GJITHASHTU:

• Rama dha ultimatum për lirimin e zonës pranë “Muradies” në Vlorë, bashkia në aksion
• Rama vizitë të papritur në Bashkinë e Vlorës, mbledh gjithë stafin dhe deputetët
• Rama “furtunë” në Vlorë, kërkon shkarkime masive në bashki! Zbardhen porositë e lëna

The post Pas kritikave të Ramës, ngrihet Task Forcë e Posaçme për Vlorën: Kush do ta drejtojë appeared first on Euronews Albania.

Kreu i Partisë Demokratike, Sali Berisha, ka vijuar akuzat ndaj mazhorancës, duke e cilësuar procesin zgjedhor të 11 majit si një “farsë elektorale” të organizuar nga kryeministri Edi Rama.

Nga pamjet e publikuara nga kryedemokrati shihen persona që shoqërojnë votuesit në dhomën e fshehtë dhe që votojnë së bashku.

“Në këto pamje faktohet në mënyrë të pakundërshtueshme se ky proces ishte farsë, farsë dhe vetëm farsë. Ky proces nuk ka asgjë të përbashkët me fshehtësinë e votës, por përbën një kontroll të plotë mbi vullnetin e qytetarëve,” deklaroi Berisha.

Ndërkohë, Berisha komentoi edhe shkarkimin e drejtorëve të bashkisë Vlorë nga Kryeministri Rama, duke e cilësuar këtë një akt brutal ndaj autonomisë së pushtetit vendor dhe një përpjekje për të hedhur hi syve të qytetarëve.

“Së pari, qëndrimet e tij janë dëshmi flagrante e asaj që kemi denoncuar prej kohësh: Shqipëria është kthyer në një parti-shtet. Vetëm në regjime të tilla shkelmohen kompetencat e pushtetit vendor. Kushtetuta dhe marrëveshjet ndërkombëtare i njohin autonominë e plotë qeverisjes vendore nga qeverisja qendrore, por këto akte ndodhin sot vetëm në Korenë e Veriut apo në kohët më të errëta të diktaturës staliniste”, tha Berisha.

Sipas tij, shkarkimi i drejtorëve në Vlorë është “akt i kokave të turkut” për të mbuluar dështimet e qeverisë në këtë qytet.

“Pasi ka dhunuar zgjedhjet në Vlorë, pasi ka katandisur qytetin në një gjendje mjerimi, pasi mbush brigjet me ujëra të zeza dhe djeg çdo dy javë qindra ton plehra që helmojnë qytetarët, Rama u jep si kockë disa shkarkime drejtorësh. Këta drejtorë janë vartës të kryetarit të bashkisë dhe jo të kryeministrit, por gjithçka u bë për të mbuluar përgjegjësitë reale”, përfundoi Berisha.

LEXONI GJITHASHTU:

• Rama dha ultimatum për lirimin e zonës pranë “Muradies” në Vlorë, bashkia në aksion
• Rama vizitë të papritur në Bashkinë e Vlorës, mbledh gjithë stafin dhe deputetët
• Rama “furtunë” në Vlorë, kërkon shkarkime masive në bashki! Zbardhen porositë e lëna

The post Berisha: Shkarkimi i drejtorëve në Vlorë dëshmi e regjimit dhe partisë-shtet appeared first on Euronews Albania.

Gjatë vizitës të zhvilluar ditën e enjte në qytetin qytetin e Vlorës, kryeministri Edi Rama dha “ultimatum” për lirimin e hapësirave publike në zonën historike pranë “Muradies”.

Burime bëjnë me dije se teksa ndaloi për të pirë një kafe, kreu i qeverisë u irritua nga zaptimi i trotuareve nga lokalet përreth, që sipas tij pengojnë lëvizjen e qytetarëve.

Kërkesa e shefit të qeverisë u pasua menjëherë nga veprimet e autoriteteve lokale.

Mëngjesin e sotëm, inspektorët e Bashkisë së Vlorës dhe Policia Bashkiake ndërhynë në zonë, duke kërkuar nga bizneset lirimin e hapësirave të zaptuara.

Kujtojmë gjithashtu se pas ultimatumit të kryeministrit për të shkarkuar të gjithë drejtorët e bashkisë në Vlorë, shumica prej tyre kanë dhënë dorëheqjen këtë të premte.

LEXONI GJITHASHTU:

• Rama vizitë të papritur në Bashkinë e Vlorës, mbledh gjithë stafin dhe deputetët
• Rama “furtunë” në Vlorë, kërkon shkarkime masive në bashki! Zbardhen porositë e lëna

The post Rama dha ultimatum për lirimin e zonës pranë “Muradies” në Vlorë, bashkia në aksion appeared first on Euronews Albania.

Shoqata e të Zgjedhurve Vendorë ka reaguar pas ndërhyrjes së Kryeministrit Edi Rama në Bashkinë e Vlorës, i cili kërkoi shkarkimin e të gjithë drejtorëve në pushtetin vendor.

Shoqata në reagimin e saj e ka konsideruar këtë veprim si të papranueshëm dhe në kundërshtim me Kushtetutën.

Shoqata shpreh shqetësimin për atë që e cilëson si “ndërhyrje të përsëritura të Kryeministrit në çështjet administrative të bashkive”, duke përmendur rastet në Bashkinë e Tiranës dhe së fundmi atë të Vlorës.

“Ndërhyrjet e fundit përbëjnë një praktikë të papranueshme, e cila bie ndesh me parimet themelore të Kushtetutës së Republikës së Shqipërisë dhe të ligjit nr. 139/2015 ‘Për vetëqeverisjen vendore’,” thuhet në deklaratë.

Shoqata thekson se Kushtetuta garanton autonominë vendore si një nga shtyllat e pushtetit lokal, ndërsa ligji për vetëqeverisjen vendore përcakton qartë kompetencat dhe mekanizmat e llogaridhënies brenda bashkive. Sipas saj, çdo ndërhyrje e pushtetit qendror cenon këtë autonomi dhe bie ndesh me parimin e ndarjes së pushteteve.

“Është e papranueshme që përfaqësuesit politikë të nivelit qendror të ndërhyjnë në mënyrë të drejtpërdrejtë në emërime, shkarkime apo vendimmarrje administrative në bashki, të cilat janë institucione të pavarura dhe të zgjedhura me votën e qytetarëve,” thuhet më tej në qëndrim.

Shoqata u bën thirrje institucioneve mbikëqyrëse të reagojnë dhe të mbrojnë integritetin ligjor të pushtetit vendor, ndërsa kërkon nga aktorët politikë të respektojnë kufijtë kushtetues të përgjegjësive të tyre për të mos cënuar funksionimin demokratik të qeverisjes vendore.

LEXONI GJITHASHTU:

• Rama vizitë të papritur në Bashkinë e Vlorës, mbledh gjithë stafin dhe deputetët
• Rama “furtunë” në Vlorë, kërkon shkarkime masive në bashki! Zbardhen porositë e lëna

The post Rama “shkarkoi” drejtorët në Bashkinë Vlorë, reagon Shoqata e të Zgjedhurve Vendorë appeared first on Euronews Albania.

Kryeministri Edi Rama zhvilloi këtë të enjte një vizitë të papritur në Bashkinë e Vlorës, ku mbajti një mbledhje me dyer të mbyllura me drejtuesit lokalë.

Gjatë takimit, Rama shprehu pakënaqësi të theksuara për menaxhimin e sezonit turistik, problemet me furnizimin me ujë të pijshëm dhe ankesat e qytetarëve lidhur me cilësinë e shërbimeve.

Burime për Euronews Albania bëjnë me dije se Rama u ka kërkuar drejtorëve të bashkisë të paraqesin dorëheqjen, së bashku me disa drejtorë rajonalë.

Sipas të njëjtave burime, Rama ka qenë veçanërisht i ashpër me kryetarin e bashkisë, duke ngritur shqetësimin për furnizimin me ujë të pijshëm dhe menaxhimin e mbetjeve urbane në qytet. Kryeministri ka theksuar se situata është e papranueshme dhe ka kërkuar përgjegjësi të drejtpërdrejtë nga drejtuesit vendorë.

Përveç kësaj, u kërkua largimi i një pjese të administratës së Bashkisë së Vlorës. Rama kritikoi edhe deputetët e qarkut për performancën e tyre të dobët gjatë periudhës së fundit.

Vizita e papritur dhe kërkesat për ndryshime rrënjësore në administratën lokale vijnë në një moment ku problemet me ujin e pijshëm në kulmin e sezonit turistik kanë shkaktuar shumë pakënaqësi.

LEXONI GJITHASHTU:

• Rama vizitë të papritur në Bashkinë e Vlorës, mbledh gjithë stafin dhe deputetët
• “Do pezullojmë totalisht AKU”, Rama: Më shumë bën dëm se sa punë

The post Rama “furtunë” në Vlorë, kërkon shkarkime masive në bashki! Zbardhen porositë e lëna appeared first on Euronews Albania.

Kryeministri Edi Rama ka bërë ndryshime në strukturat drejtues të Partisë Socialiste në Vlorë. Admir Malaj dhe Vilma Bello nuk do të jenë më bashkëkryetarë të degës, ndërsa në krye të Partisë Socialiste Vlorë është komanduar Klevis Kaso si kryetar, ndërsa bashkëkryetare është emëruar Erjona Ismaili.

Ditën e sotme kryeminstri Edi Rama zhvilloi një mbledhje në qytetin e Vlorës, teksa mësohet se kyeminstri shfaqi hapur pakënaqësitë e tij për performancën e Bashkisë së Vlorës dhe institucioneve lokale.

Burime nga mbledhja bëjnë me dije se thelbi i kritikave të Ramës ka qenë menaxhimi i dobët i sezonit turistik, mungesa e ujit të pijshëm dhe ankesat në rritje të qytetarëve për shërbimet publike.

Kryeministri ka kërkuar dorëheqjen e disa drejtuesve të institucioneve në qytet, të cilët, sipas tij, nuk kanë treguar efikasitet dhe nuk kanë përmbushur detyrat funksionale, si në rastin e largimit të Admir Malajt dhe Vilma Bellos.

LEXONI GJITHASHTU:

• Kryemadhi akuza ndaj Tedi Blushit: Po e manipulon Metën, e largoi nga shtëpia
• Aksidenti me 1 të vdekur në Fushë-Krujë, arrestohet drejtuesja e njërit prej mjeteve

The post Rama ndryshon drejtuesit e Partisë Socialiste në Vlorë appeared first on Euronews Albania.

Kryeministri Edi Rama ka zhvilluar sot një vizitë të papritur në Bashkinë e Vlorës. Burime pranë bashkisë bëjnë me dije se kreu i qeverisë do të zhvillojë një mbledhje me të gjithë stafin e institucionit, ku është kërkuar edhe prania e deputetëve dhe ish-deputetëve të qarkut Vlorë.

Në fokus të diskutimeve pritet të jenë problematikat e qytetit dhe sfidat e qeverisjes vendore.

Pamjet e siguruara nga Euronews Albania tregojnë kryeministrin Rama teksa hyn në ambientet e Bashkisë së Vlorës i shoqëruar nga ministri i Shtetit për Pushtetin Vendor, Arbjan Mazniku, dhe kryetari i bashkisë, Ermal Dredha.

Kjo vizitë vjen pak ditë pas 34-vjetorit të Partisë Socialiste, ku Rama dhe Dredha u vunë re në disa momentet të tensionuara mes tyre. Gjuha e trupit e kryeministrit në bisedën mes tyre, u interpretua si pakënaqësi ndaj punës së kryebashkiakut.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Në fuqi marrëveshja Shqipëri-Itali për pensionet, Rama: Lehtësi për mijëra emigrantë
• “Do pezullojmë totalisht AKU”, Rama: Më shumë bën dëm se sa punë

The post Rama vizitë të papritur në Bashkinë e Vlorës, mbledh gjithë stafin dhe deputetët appeared first on Euronews Albania.

Qentë endacakë të cilët shëtisin të lirë në territorin e qytetit të Vlorës janë kthyer në problem për turistët e huaj.

Elena Moliboshko është një shtetase me origjinë nga Polonia, e cila prej disa vitesh jeton dhe punon në Vlorë. Për të, kjo situatë e qenve endacakë që shëtisin të lirë është jo normale.

“Siç ju e dini, këtu në qytet fatkeqësisht ka një numër të lartë të qenve endacakë dhe kjo nuk është një gjë e mirë. Unë dua t’ju them juve që pjesa më e madhe e këtyre qenve janë miqësorë. Unë deri tani nuk kam pasur probleme. Por kjo situatë këtu është e tepërt dhe fatkeqësisht ata janë kudo, në vende publike, në bar-kafe, në vendet ku luajnë fëmijët”, thotë ajo.

Ky fenomen më parë ka qenë tepër i përhapur edhe në Poloni, por që u zgjidh falë sterilizimit masiv.

“Unë vij nga Polonia. Disa vite më parë në vendin tim ishte e njëjta situatë dhe u kthye shumë e vështirë për t’u kontrolluar ky problem. Por në Poloni u krye një sterilizim masiv i qenve endacakë dhe më pas tek ata u vendos edhe nga një çip. Në vendin tonë ne nuk i vramë ata, por ndaluam riprodhimin”, tregoi turistja.

Në shumë raste qentë endacakë në Vlorë, të cilët shëtisin lirshëm dhe pa pronarë, kanë kafshuar edhe turistë të huaj. Liljana Breshani, animaliste, e cila administron një qendër për strehimin dhe sterilizimin e këtyre kafshëve, ka folur në lidhje me këtë situatë.

“Kafshët endacake sulmojnë në momentin që ndihen të kërcënuara. Ata përcaktojnë habitatin e tyre ku kanë të siguruar burimet ushqimore dhe ujin, dhe ku ndihen që njerëzit i duan. Arsye tjetër është momenti kur kafshët janë në momentin e shumimit. Ndaj bëni kujdes: kur një kafshë është e qetë dhe në habitatin e vet, mos e godisni, mos shprehni rrezikshmëri”, u shpreh ajo.

Dhjetëra raste paraqiten çdo vit në spitalin rajonal të Vlorës me kafshime apo dëmtime trupore nga qentë endacakë. Shumica prej tyre janë qytetarë të Vlorës, ku nuk mungojnë as fëmijët e vegjël, por edhe shtetasit e huaj.

The post Qentë endacakë në Vlorë problem për turistët e huaj: Të sterilizohen appeared first on Euronews Albania.

Një konflikt në qytetin e Vlorës është parandaluar falë ndërhyrjes së menjëhershme të Forcës së Posaçme “Shqiponja”.

Policia bëri të mundur arrestimin e shtetasit me iniciale A. Ç., 36 vjeç, banues në lagjen “Osman Haxhiu”, i cili kishte shkelur masën e “arrestit në shtëpi” dhe kishte kanosur me thikë një 35-vjeçar në lagjen “Uji i Ftohtë”,

Ngjarja mësohet të ketë ndodhur pas një konflikti për motive të dobëta. 36-vjeçari ndodhej nën masën e sigurisë “arrest në shtëpi”, për veprën penale “Vjedhja”.

Gjatë ndërhyrjes, shërbimet e “Shqiponjave” arritën të neutralizojnë situatën pa dëmtime dhe të vënë në pranga autorin, duke shmangur rrezikun për jetën e qytetarëve.

Në përfundim të veprimeve procedurale, specialistët për Hetimin e Krimeve në Komisariatin e Policisë Vlorë arrestuan 36-vjeçarin për “Kanosje”, “Largim të të burgosurit nga vendi i qëndrimit” dhe “Mbajtje pa leje e armëve të ftohta”.

Policia e Vlorës deklaroi se vijon angazhimin për parandalimin dhe goditjen e çdo rasti që cenon rendin dhe sigurinë publike.

LEXONI GJITHASHTU:

• Kërkoi lirimin nga qelia, Apeli i GJKKO merr vendimin për Pajtime Fetahun
• “250 mln euro kredi për bujqësinë”, Rama: Do zhvillojmë sipërmarrjen në fshat

The post Vlorë: Theu masën e arrestit dhe kanosi me thikë një person, arresohet 36 vjeçari appeared first on Euronews Albania.

Një 38-vjeçar është arrestuar nga Policia e Vlorës pasi dyshohet se ka ndezur në mënyrë të përsëritur zjarr në pikën e grumbullimit të mbetjeve urbane.

Zjarri ka shkaktuar ndotje të konsiderueshme të ajrit dhe mjedisit, ndërsa flakët kanë rrezikuar të përhapen drejt zonës së banuar dhe pyllit të Sodës, një zonë e mbrojtur me rëndësi të veçantë ekologjike.

Materialet procedurale në ngarkim të të arrestuarit i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Ndotja e ajrit”, e parashikuar nga neni 201 i Kodit Penal.

“Në vijim të veprimeve hetimore për identifikimin dhe vënien përpara përgjegjësisë ligjore të autorëve të zjarrvënieve të qëllimshme apo dhe atyre nga pakujdesia, strukturat e Komisariatit të Policisë Vlorë arrestuan në flagrancë shtetasin: E. I., 38 vjeç, banues në lagjen “24 Maji”, Vlorë. Ky shtetas, në dy raste të ndryshme, konkretisht në datë 30.06.2025, rreth orës 20:50, dhe sërish në datë 01.07.2025, rreth orës 12:00, ka ndezur zjarr në mënyrë të përsëritur në një grumbull mbetjesh urbane, në vendin e quajtur “Pika e grumbullimit të inerteve, Jalli, Nartë”, duke shkaktuar ndotje të ajrit dhe të mjedisit, si dhe duke rrezikuar me përhapjen e flakëve qendrën e banuar përreth dhe pyllin e Sodës, një zonë kjo e mbrojtur”, thuhet në njoftimin e policisë.

Drejtoria Vendore e Policisë Vlorë apelon për kujdes maksimal në çdo veprim që mund të rrezikojë mjedisin, jetën apo pronën, dhe fton qytetarët të denoncojnë çdo rast zjarrvënieje apo veprimi të kundërligjshëm në numrin 112, duke garantuar anonimatin dhe një reagim të menjëhershëm nga strukturat policore.

LEXONI GJITHASHTU:

• VIDEO/ Zjarr i madh në Durrës, tregu i plazhit përfshihet nga flakët
• PAMJE/ Disa banesa rrezikohen nga zjarri i madh në Hoshtimë, flakët përhapen nga era

The post I vendosi flakën fushës së mbetjeve urbane, arrestohet 38-vjeçari në Vlorë appeared first on Euronews Albania.

Një zjarr me përmasa të mëdha ka përfshirë zonën pranë varrezave në fshatin Hoshtimë.

Dy mjete zjarrfikëse janë nisur drejt vendngjarjes, ndërsa forcat zjarrfikëse po punojnë për izolimin dhe shuarjen e flakëve.

Zjarri ka nisur në afërsi të varrezave të fshatit dhe për shkak të përhapjes së tij, janë në rrezik ullishtet dhe tokat bujqësore të zonës.

Më në distancë ndodhen edhe banesat e fshatit, të cilat gjithashtu mund të rrezikohen nëse flakët avancojnë.

Situata paraqitet e vështirë për shkak të terrenit dhe erës së fortë, e cila favorizon përhapjen e flakëve.

Zjarri po avancon drejt fshatit Kërkovë po rrezikon dy shtëpi dhe një stan.

Të gjitha strukturat përkatëse ndodhen në vendngjarje, me qëllim vendosjen sa më shpejt të zjarrit nën kontroll.

Zjarr i madh afër varrezave në Hoshtimë, flakët përhapen me shpejtësi nga era
Një zjarr me përmasa të mëdha ka përfshirë zonën pranë varrezave në fshatin Hoshtimë.

Dy mjete zjarrfikëse janë nisur drejt vendngjarjes, ndërsa forcat zjarrfikëse po punojnë për izolimin e flakëve. pic.twitter.com/aW2lB4E8zk

— Euronews Albania (@EuronewsAlbania) June 29, 2025

Në ndihmë të zjarrfikësve janë angazhuar edhe forcat e FNSh-së dhe një helikopter i emergjencave civile, për të vënë situatën nën kontroll.

1 of 14

LEXONI GJITHASHTU:

• VIDEO/ Zjarr i madh në Durrës, tregu i plazhit përfshihet nga flakët
• Muzeu i Pavarësisë në Vlorë, mbi 3500 vizitorë vetëm në muajin maj

The post PAMJE/ Disa banesa rrezikohen nga zjarri i madh në Hoshtimë, flakët përhapen nga era appeared first on Euronews Albania.

Njoftimi i plotë i policisë

Strukturat e Drejtorisë Vendore të Policisë Vlorë, konkretisht Sektori për Hetimin e Krimeve Ekonomike dhe Financiare si dhe Komisariati i Policisë Vlorë, në mbështetje dhe të Policisë Bashkiake, kanë kryer kontrolle në terren me qëllim lirimin e hapësirave publike të zëna në mënyrë të paligjshme dhe të shfrytëzuara si parkime private kundrejt pagesës.

Gjatë kontrolleve, në zonën e quajtur ish “Shkolla e Marinës”, në lagjen “10 Korriku”, u evidentua një rast ku në hapësirën publike ishin vendosur tabela dhe trarë elektrikë për ta shfrytëzuar si parkim privat me qëllim përfitimin e të ardhurave.

Në përfundim të veprimeve procedurale, u referuan materialet në Prokurori dhe nisi procedimi penal për shtetasin R. F. (M)., 44 vjeç, banues në Vlorë, i dyshuar për veprat penale “Pushtimi i tokës” dhe “Fshehja e të ardhurave”.

Në mbështetje të Policisë Bashkiake, automjetet e parkuara në këto hapësira u tërhoqën me karrotrec, me qëllim lirimin e hapësirës publike.

Gjithashtu, u referuan materialet në Prokurori për shtetasin E. I., 30 vjeç, me detyrë drejtor i Policisë Bashkiake Vlorë, i cili dyshohet se nuk ka kryer detyrën për të ndaluar këtë rast të paligjshmërisë.

Drejtoria Vendore e Policisë Vlorë mbetet e angazhuar për garantimin e hapësirave publike dhe nuk do të tolerojë asnjë rast shfrytëzimi të tyre në mënyrë të paligjshme. Ftojmë qytetarët të denoncojnë çdo rast të tillë në numrin 112″, thuhet në njoftim.

LEXONI GJITHASHTU:

• U konfliktua për një parkim dhe dhunoi shqiptarin, në pranga një prej turqve
• Qëlloi me armë zjarri taksistin për parkimin, arrestohet pas 2 muajsh 32-vjeçari

The post Hapësira publike u bë parkim, referohet në Prokurori kreu i Policisë Bashkiake Vlorë appeared first on Euronews Albania.

Muzeu i Pavarësisë në Vlorë ka regjistruar një numër më të lartë vizitorësh përgjatë këtij viti, ku vetëm në muajin maj kanë qenë mbi 3500. Pjesa më e madhe e vizitorëve janë të huaj të apasionuar pas historisë së Shqipërisë.

Muzeu i Pavarësisë në Vlorë është një ndër pikat më të vizituara të qytetit bregdetar, ku vit pas viti numri i personave që duan të njohin historinë e vendit tonë vjen duke u rritur. Sa i përket 2025-ës shifrat janë pozitive, sidomos përgjatë muajit maj.

“Numri i vizitorëve këtu në Muzeun Kombëtar Pavarësia Vlorë është rritur ndjeshëm e duket jashtë mase duke filluar që nga janari, shkurti, marsi dhe maji. Tani që ne kemi mbyllur statistikat në maj – 3501 vizitorë. Duket një shifër kolosale kjo dhe falë promocionit që ne i kemi bërë muzeut nëpërmjet aktiviteteve të ndryshme që zhvillojmë”, thotw Kozeta Halili, drejtoreshë e muzeut.

Shifrat kanë një përmirësim të ndjeshëm nga viti në vit.

Historinë e shtetit shqiptar dëshirojnë ta mësojnë edhe të huajt, të cilët përbëjnë numrin më të lartë të vizitorëve.

“Është një shifër e kënaqshme, nga janari deri në maj numri i vizitorëve është 6450 vizitorë, ku 70% e tyre janë të huaj. Këtu kemi ata që vijnë nga vendet nordike, kemi nga Italia, Gjermania, Spanja, por dhe shqiptarët që jetojnë në trevat e Kosovës, Maqedonisë, Preshevës, të cilët studentët vijnë dhe nxënësit e shkollave të mesme se kanë dhe ata orët mësimore, edukimin nëpërmjet kulturës – për të parë traditat, vendin, kulturën”, shprehet Halili.

Përgjatë verës, muzeu do të qëndrojë i hapur me orar të shtuar në mënyrë që të jetë sa më i aksesueshëm nga vizitorët.

LEXONI GJITHASHTU:

• Muzeu kushtuar Musine Kokalarit, qendër kulturore për vizitorët në Gjirokastër
• Fëmija dëmton pikturën e Rothkos me vlerë 50 milionë euro në muzeun holandez

The post Muzeu i Pavarësisë në Vlorë, mbi 3500 vizitorë vetëm në muajin maj appeared first on Euronews Albania.

Kolegji Zgjedhor ka rrëzuar këtë të enjte edhe kërkesën e radhës së Partisë Demokratike për shpalljen e pavlefshmërisë të zgjedhjeve në qarkun e Vlorës.

Ky vendim i hap rrugën certifikimit të rezultatit të 11 majit edhe në qarkun e Vlorës, ndërkohë që më herët kjo ka ndodhur edhe për qarqet e Korçës, Kukësit, Lezhës dhe Gjirokastrës.

Sakaq, dje komisioneri Celibashi shpërndau mandatet për deputetët e zgjedhur në këto 4 qarqe.

LEXONI GJITHASHTU:

• Berisha: Zgjedhjet farsë, rinumërimi nuk është kërkesë e partisë por e kandidatëve
• Arrihet marrëveshja për administrimin zgjedhor, Bylykbashi e Vasili: Rama u përpoq të kapte komisionet

The post Certifikimi i zgjedhjeve, Kolegji rrëzon kërkesën e PD për qarkun Vlorë appeared first on Euronews Albania.

Një makinë ka dalë nga rruga në aksin nacional Novoselë–Vlorë, ndërsa brenda mjetit ndodheshin shoferi dhe dy turistë anglezë, të cilët kanë mbetur të plagosur.

Fatmirësisht, të tre të dëmtuarit nuk kanë pësuar lëndime të rënda trupore ndërsa menjëherë pas ngjarjes, kalimtarët e rastit kanë ndërhyrë për të dhënë ndihmën e parë.

Në pamjet e siguruara nga Euronews Albania shihet momenti kur qytetarët nxjerrin shoferin nga makina e aksidentuar e cila sipas burimeve nga vendi i ngjarjes ishte taksi e prenotuar nga dy turistët anglezë.

• EMRI/ Arrestohet shoferi që aksidentoi 3 të miturit me monopatina në bulevard
• Aksident i rëndë në aksin Peqin-Elbasan, makina bie nga ura

The post VIDEO/ Aksident i frikshëm në Vlorë, taksia me dy turistë anglezë del jashtë rruge appeared first on Euronews Albania.

Policia e Vlorës ka arrestuar në flagrancë shefin për lexuesit e matësve të energjisë elektrike të OSSH-së në Vlorë.

35-vjeçari akuzohet për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”, pasi u kap në flagrancë duke marrë 100 euro nga një subjekt privat, me qëllim favorizimin për pagesën e energjisë elektrike, përmes ndërhyrjes në aparatin matës.

Gjatë operacionit u arrestua në flagrancë edhe shtetasi 42-vjeçar L. H., për veprën penale “Largimi i të burgosurit nga vendi i qëndrimit”, pasi u konstatua së bashku me shtetasin M. S., duke thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.

Në kuadër të operacionit “Matësi”, në cilësinë e provës materiale u sekuestruan 100 euro, dy celularë dhe një automjet.

Njoftimi i plotë i policisë

Finalizohet nga Seksioni për Hetimin e Krimeve Ekonomike dhe Financiare, operacioni  policor i koduar “MATËSI”, goditet një rast i korrupsionit dhe i shpërdorimit të detyrës.

Kapet në flagrancë duke marrë para për të favorizuar një subjekt privat dhe vihet në pranga punonjësi i OSSH-së.

Vihet në pranga dhe 42-vjeçar që theu masën e sigurisë “Arrest në shtëpi”, për të shoqëruar punonjësin e OSSH-së, gjatë aktit korruptiv.

Në kuadër të hetimeve të zhvilluara nga Seksioni për Hetimin e Krimeve Ekonomike dhe Financiare, në bashkëpunim me Seksionin për Mbështetjen Operacionale të Hetimit, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, u finalizua me sukses operacioni policor i koduar “MATËSI”.

Si rezultat i operacionit u arrestua për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”, shtetasi:

1. S., 35 vjeç, me detyrë shef ekipi për lexuesit e matësave të energjisë elektrike, pranë OSSH Vlorë.

Ky shtetas u kap në flagrancë duke marrë 100 euro nga një subjekt privat, me qëllim favorizimin për pagesën e energjisë elektrike, nëpërmjet ndërhyrjes në aparatin matës.

Gjatë operacionit u arrestua në flagrancë edhe shtetasi L. H., 42 vjeç, për veprën penale “Largimi i të burgosurit nga vendi i qëndrimit”, pasi u konstatua së bashku me shtetasin M. S., duke thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.

Në kuadër të këtij operacioni, në cilësinë e provës materiale u sekuestruan 100 euro, 2 celularë dhe 1 automjet.

Nën drejtimin e Prokurorisë, vijon puna për dokumentimin e rasteve të tjera të mundshme të kësaj veprimtarie kriminale dhe për identifikimin e shtetasve të tjerë të përfshirë.

Materialet iu referuan Prokurorisë, për veprime të mëtejshme.

LEXONI GJITHASHTU:

• Kaloi 840 litra naftë kontrabandë, AMP arreston oficerin e policisë së Tropojës
• Dënohen me burgim të përjetshëm vrasësit e 14-vjeçares dhe pensionistit në RMV

The post PAMJE/ Kapet shefi për lexuesit e matësve të energjisë në Vlorë, për çfarë akuzohet appeared first on Euronews Albania.

Genc Deromemaj, ish-kryetar i Partisë Demokratike, për degën e Vlorës, është emëruar drejtor i ri i Kadastrës në Vlorë.

Ai merr këtë detyrë pas largimit të drejtuesit të mëparshëm të këtij institucioni, Erjon Galanxhi, i cili dha dorëheqjen pas vetëm 3 muajsh në detyrë.

Pozicioni mbahej në mënyrë të përkohshme nga Paola Sulaj, e komanduar në këtë rol pas dorëheqjes së Galanxhi.

Burime zyrtare konfirmojnë se emërimi i Deromemajt është bërë zyrtar dhe ai tashmë ka marrë detyrën në mënyrë të plotë.

Ky është ndryshimi i tretë në drejtimin e Kadastrës së Vlorës brenda dy viteve të fundit, pas largimit të Ina Lucit dhe më pas të Ergys Skënderit, që gjithashtu u tërhoqën nga ky pozicion.

Kadastra e Vlorës është një nga institucionet më të rëndësishme në qytet dhe kohët e fundit ka qenë në vëmendje për shkak të problematikave të pronësisë në zonën bregdetare.

LEXONI GJITHASHTU:

• Si e pushtoi mafia e pronave, Kadastra e Vlorës turpi i shtetit shqiptar
• Si nisi zaptimi i tokave në bregdetin e Jugut
• “Drejtori nuk i’u përgjigjet, kompjuteri po”- Revolucioni i dytë me pronat

The post Ish-kreu lokal i PD-së, Genc Deromemaj, emërohet në krye të Kadastrës së Vlorës appeared first on Euronews Albania.