Gazeta Si – Republikanët e Dhomës së Përfaqësuesve kanë nisur procedurat për shpërfillje të Kongresit kundër Bill dhe Hillary Clinton.

Ish-çifti presidencial refuzoi të dëshmonte në hetimin e Jeffrey Epstein, pavarësisht se kishte marrë një thirrje në gjykatë para Komitetit Mbikëqyrës të Dhomës së Përfaqësuesve. Disa përfaqësues demokratë në Komitet gjithashtu votuan në favor të procedurës.

Çfarë ndodh më pas? – Sipas mediave kryesore amerikane, ky veprim – megjithëse i pritshëm – shënon një përshkallëzim të mprehtë në grindjen midis Clintonëve dhe administratës Trump, e cila, që kur u tërhoq nga publikimi i dosjeve “Epstein”, e ka synuar në mënyrë agresive ish-presidentin, i cili u shfaq vazhdimisht në fotografi të publikuara në dhjetor.

Me miratimin e Komitetit, çështja tani do të kalojë në sallën e Dhomës së Përfaqësuesve. Nëse do të jepej një dritë jeshile tjetër, çifti në mënyrë efektive do të detyrohej të dëshmonte.

Kjo ndodh, edhe sepse çështja do t’i referohej Departamentit të Drejtësisë, i cili nuk do të hezitonte të vazhdonte me akuza penale kundër Bill dhe Hillary Clinton. Në këtë pikë, Clintonët do të përballeshin me një gjobë deri në 100,000 dollarë dhe deri në një vit burg.

Tentativë për ndërmjetësim – Në orët e fundit, pikërisht për të shmangur akuzat për shpërfillje të Kongresit, avokatët e Bill Clinton i kishin paraqitur Komisionit një zgjidhje alternative: ish-presidenti do të dëshmonte vetëm duke folur me dy anëtarët kryesorë të Komisionit.

Kjo ofertë u refuzua nga ligjvënësit amerikanë, duke e quajtur atë “absolutisht të paarsyeshme”. Kryetari i Komisionit, James Comer, komentoi: “Kërkesat e fundit të Clintonëve e bëjnë të qartë se ata besojnë se mbiemri i tyre u jep të drejtë për trajtim të veçantë. Thirrjet dypartiake të Komitetit Mbikëqyrës të Dhomës së Përfaqësuesve kërkojnë që Clintonët të paraqiten për dëshmi të betuara dhe të transkriptuara”.

Ghislaine Maxwell dëshmon para Kongresit më 9 shkurt – Ish-partnerja dhe bashkëpunëtorja e financierit Jeffrey Epstein, Ghislaine Maxwell, do të dëshmojë para Komitetit të Mbikëqyrjes dhe Reformës Qeveritare të Dhomës së Përfaqësuesve më 9 shkurt, sipas Kryetarit të Komitetit, James Comer.

Njoftimi erdhi gjatë shqyrtimit të procedurave për shpërfillje të Kongresit kundër Bill dhe Hillary Clinton, të cilët refuzuan të zbatonin thirrjet në gjyq për t’u paraqitur në dëshmitë e planifikuara javën e kaluar si pjesë e hetimit të Komitetit për rastin “Epstein”.

Ekipi ligjor i Maxwell ka parashikuar tashmë që ajo do të ushtrojë Amendamentin e Pestë (të drejtën për të heshtur), duke refuzuar të bashkëpunonte me pyetjet e ligjvënësve.

The post ‘Epstein’, Dhoma e Përfaqësuesve në SHBA nis procedurat kundër Clintonëve appeared first on Gazeta Si.

Nga Gazeta ‘Si’- Kryetari i Grupit Parlamentar të PD-së, Gazment Bardhi theksoi në Kuvend se ftesa për të marrë në Bordin e Paqes sipas tij nuk është bërë ndaj kryeministrit Edi Rama por ndaj Shqipërisë dhe kombit shqiptar.

Nga Foltorja e Kuvendit, Bardhi theksoi se kombi shqiptar, në Shqipëri e Kosovë, ka treguar se është pro paqes dhe prandaj ka ardhur një ftesë e tillë, ndaj nuk duhet që të bëhet propagandë nga qeveria. 

Bardhi po ashtu kujtoi edhe deklaratat e Ramës më herët kundër Trumpit, ndërsa shtoi se janë kundër shqyrtimit me procedurë të përshpejtuar të këtij projektligji në kundërshtim me rregulloren dhe Kushtetutën.

 “Ka qenë Rama i vetmi lider botëror që i është drejtuar presidentit të SHBA me termin përfaqëson turpin e njerëzimit. Një deklaratë që nuk i shkon as marrëdhënieve të Shqipërisë dhe kombit me SHBA, një deklaratë që vë në rrezik sigurinë dhe marrëdhëniet mes kombit shqiptar, dhe SHBA. Erdhe këtu e fole për Shqipërinë. Ne nuk ndihemi të vlerësuar për partneritetin që ka vetëm Shqipëria me SHBA, por krenarë për marrëdhëniet e shkëlqyera që ka kombi me SHBA. Prandaj edhe ftesa i është drejtuar Shqipërisë dhe Kosovës.

SHBA kishin ftuar në këtë bord Shqipërinë dhe Kosovën për shkak të rolit që ka kombi jonë jo thjesht në paqen në Ballkan por në Evropë dhe më gjerë dhe për shkak të raportit të shkëlqyer strategjik me SHBA. Nuk mund të bëhet propagandë apo të talleni me SHBA që të flasësh për arritje historike ndërkohë që përpara vitesh e ke quajtur njeriun kyç të paqes sot në botë, turpi i njerëzimit”, tha Bardhi.

Ai theksoi se opozita nuk është kundër pjesëmarrjes së Shqipërisë në Bordin e Paqes, por shtoi se kjo duhet të bëhet në respekt të Kushtetutës.

“Kemi shansin të respektojmë Kushtetuën, të marrim një javë, gjatë kësaj jave i kërkojmë presidentit që marrëveshja të hyjë në fuqi menjëherë dhe brenda një jave. Zbatoni Kushtetutën dhe e bëjmë efektive marrëveshjen brenda 7 ditëve. Pse duhet të shkelni rregulloren”, u shpreh ai.

The post Bardhi në Kuvend: Ftesa për ‘Bordin e Paqes’ ndaj kombit shqiptar, jo ndaj qeverisë! appeared first on Gazeta Si.

Nga Gazeta Si- Djemtë e moshës 13-vjeçare në Shqipëri janë përfshirë për herë të parë në programin kombëtar të vaksinimit kundër HPV-së (virusi i Papilomës humane).

Që në ditët e para të këtij viti, ka nisur aplikimi i vaksinës kundër HPV-së te djemtë e moshës 13 vjeç, si një hap në politikat e parandalimit të sëmundjeve infektive dhe onkologjike.

Rovena Daja, drejtuese e programit të vaksinimit pranë Institutit të Shëndetit Publik, bën thirrje për prindërit që të vaksinojnë djemtë kundër HPV-së.

Sipas saj, “HPV nuk prek vetëm vajzat. Përvoja ndërkombëtare tregon se vaksinimi i të dyja gjinive çon në më pak infeksione dhe hedh bazat për eliminimin e kancerit të qafës së mitrës”.

“Kur djemtë vaksinohen, ulet ndjeshëm përhapja e HPV, reduktohet transmetimi i virusit te partnerët dhe forcohet imuniteti i popullatës, duke mbrojtur edhe ata që nuk janë vaksinuar”, thuhet në apelin e saj.

Gjithashtu, Daja shprehet se “HPV është një infeksion viral që mund të shkaktojë sëmundje, lezione prekanceroze, madje në të ardhmen mund të shkojë deri në kancer, jo vetëm te vajzat, por edhe te djemtë”.

Prej nëntorit të vitit 2022, në kuadër të kalendarit kombëtar të vaksinimit aplikohet te vajzat 13 vjeç. Aktualisht, që në ditët e para të janarit 2026, kjo vaksinë aplikohet edhe te djemtë 13 vjeç.

The post Daja apel prindërve: Vaksinoni djemtë kundër HPV-së, forcohet imuniteti i popullatës appeared first on Gazeta Si.

Nga Gazeta ‘Si’- Kreu i grupit parlamentar socialist Taulant Balla, prezantoi ‘Bordin e Paqes’ në Kuvend, gjatë seancës së sotme plenare.

Balla tha se kjo ftesë sipas tij është dëshmi se sot madhësia e një vendi nuk përcakton peshën e tij politike, por sipas tij përcaktohet nga vendosmëria dhe transparenca.

Ai iu bëri thirrje deputetëve për të kaluar marrëveshjen në votim me procedurë të përshpejtuar.

“Sot Kuvendi thirret për të marrë një vendim me një peshë tepër të veçantë politike dhe historike që shkon përtej rendit të zakonshëm të ditës. Shqipëria dhe kryeministri janë ftuar të jenë vend anëtar themelues dhe anëtar i bordit. Kjo ftesë përbën një vlerësim të drejtpërdrejtë ndërkombëtar për rolin konstruktiv dhe të besueshëm të Shqipërisë dhe shënon një moment të paprecedent pozitiv. Kuvendi shihet si një aktor që kontribuon në zgjidhe të rëndësishme globale për paqen dhe jo si dikur pjesë periferike.

Kjo ftesë, nuk është diçka e zakonshme, nuk është formale, dhe as simbolike, në letrën zyrtare drejtuar Ramës, Trump e cilëson këtë nismë si një përpjekje historike duke thekuar nevojën për një qasje të re për ndërtimin e paqes, e orientuar drejt rezultate konkrete për të sjellë paqe me një fokus të veçantë Gazën.

Shqipëria është shtuar të jetë jo më si vëzhguese, por si bashkë-arkitekte për paqen. Kjo ftesë, konfirmon forcën dhe besimin e ndërsjellë në partneritetin tonë strategjik, një partneritet që mbetet boshi ynë kryesor  i politikës së jashtme. Shqipëria shikohet, konfirmohet si aktori pa agjenda të fshehta, i aftë të kontribuojë në procese të ndejshme diplomatike sikur janë proceset që do të fillojnë që nga java e ardhshme me një prezencë të Ramës”, tha ndër të tjera Balla.

The post Aderimi në Bordin e Paqes, Balla thirrje opozitës: Ta votojmë unanimisht! appeared first on Gazeta Si.

Nga Michel Setboun- Në këtë moment, po ndjek lajmet si të gjithë të tjerët dhe po lexoj të gjitha këto histori mbi Iranin. Thjesht, kur shoh të gjithë ato asamble, takime, mbledhje ku ka njerëz që nuk kanë qenë kurrë atje, që nuk dinin asgjë për revolucionin, që madje nuk kishin lindur ende në atë kohë, që kanë jetuar pesëdhjetë vjet në Perëndim… sigurisht që kjo më nervozon pak. Sepse, është dëshpëruese.
Dëgjoj të gjitha llojet e fjalimeve kontradiktore, nostalgjike, një idealizim të caktuar të kohës së Shahut. Atëherë, thjesht për informacion, për të freskuar kujtesën kolektive, po publikoj këto imazhe.

Sepse unë isha atje gjatë revolucionit të vitit 1979. E di mirë që sot është e lehtë të kritikosh këtë nostalgji për Shahun. Modernizimi i shpejtë, projektet e mëdha. Por nuk duhet të harrojmë se ky modernizim prekte vetëm dhjetë përqind të popullsisë, kryesisht qytetarët. Në fshatra, ishte vërtet mjerim. Dhe këtë  modernizëm të imponuar nga lart, njerëzit nuk e donin domosdoshmërisht. Ishte shumë shpejt për ta.

Ne kemi tendencën ta paraqesim Shahun si modernistin par ekselencë, njeriun që donte të fuste Iranin në shekullin XX. Por kur shohim gjithçka që ndodhi, duhet të pyesim veten. Jo vetëm të mjaftohemi me tregimin simplist: moderniteti kundër arkaizmit të fesë. Realiteti ishte shumë më kompleks, dhe shumë më i dhunshëm gjithashtu.

Kam qenë dëshmitar i hapjes së burgut Kasr kur Shahu i Iranit, përballë revoltës  popullore, vendosi të hapë burgjet. Një moment historik, kaotik, i mbushur me shpresë dhe zemërim. Ndër të burgosurit e liruar atë ditë ishte edhe Ayatollah Taleghani, një figurë e respektuar e opozitës fetare, që kishte kaluar vite të tëra pas hekurave. Ai vdiq disa muaj më vonë, në shtator 1979.

Vite më vonë, u ktheva në Iran. Në muzeun e Savak-ut, kjo polici sekrete e Shahut, simbol i shtypjes.
Në mure, imazhe të kohës së të gjithë atyre që ishin në burg. Atje gjenden fytyrat e atyre që i njohëm pas revolucionit: Rafsandjani dhe të tjerët. Më shoqëroi një burrë që kishte kaluar dekada në burg nën Shahun. Ai më rrëfeu historinë e tij, qeli pas qelie.
Sepse sot është e rëndësishme të tregojmë, të mos harrojmë se cili ishte shkaku i kryengritjes së vitit 1979. Është e rëndësishme të kujtojmë pse miliona iranianë dolën në rrugë. Pse të gjitha këto tendenca politike kaq të ndryshme u bashkuan. Savak torturonte. Burgjet si Kasr dhe Evin ishin të mbushura.
Të gjithë kundërshtarët burgoseshin në qeli ose përfundonin të ekzekutuar.
Ky ishte një realitet konkret, i dokumentuar, i përjetuar nga qindra mijëra familje iraniane.

Këto fotografi janë dëshmi. Një provë materiale kundër harresës dhe kundër tundimit për të rindërtuar historinë sipas frustrimeve të së tashmes. E kaluara e idealizuar, nostalgjike e kohës së Shahut, fshin këtë realitet i cili ishte arsye të thella dhe të ligjshme për këtë kryengritje popullore.

Kjo është kujtesa që duhet të ruajmë. Jo si gjykim, por si dëshmi. Faktet ashtu siç ndodhën. Sepse kujtesa e shkurtër është ajo që lejon të harrohet pse historia ndryshoi.

Shenim: Michel Setboun është fotograf francez, i cili ka punuar për revista të njohura ndërkombëtare, si : “Geo”, “Figaro Magazine”, “New York Times”, “Life”, “Paris Match”, “Stern”.  Filloi të punojë si fotograf në vitin 1978 duke mbuluar konflikte ndërkombëtare për agjencinë SIPA, si Revolucionin në Iran, Luftën për Pavarësi në Angola, Afganistan, Luftën Iran-Irak dhe me vone luftën civile në Liban. Ndersa në periudhën kohore 1985-1991, ai mbulon reportazhet per Korenë e Jugut, Shqipërine, Mongolinë dhe Rion për agjencinë RAPHO. Që nga viti 1991 punon si fotograf i pavarur.Ka marë çmimin e parë në World Press për reportazhin e tij për dy milionë refugjatët e dëbuar në Nigeri. Setboun është gjithashtu autor i librave të shumtë.

The post Irani dhe kujtesa e shkurtër appeared first on Gazeta Si.

Gazeta Si – Ka nisur në Gjykatën Kushtetuese seanca publike pas ankimimit të kryeministrit Edi Rama për të zgjidhur konfliktin e kompetencave pas vendimit të GJKKO-së për zv/kryeministren Belinda Balluku, e marrë e pandehur nga SPAK për abuzim me tenderin e Tunelit të Llogarasë.

Përfaqësuesja e qeverisë, Irma Qosja, sqaroi se kërkesa për pezullimin e vendimit, ka të bëjë me marrëdhënien mes tre pushteteve dhe nëse Gjykata Penale ka të drejtë të pezullojë një ministër njësoj siç mund të pezullojë çdo zyrtar tjetër të pushtetit ekzekutiv.

“Kërkimet kanë të bëjnë me marrëdhënien mes tre pushteteve dhe në thelb të këtyre kërkimeve qëndron pyetje. A ka të drejtë Gjykata Penal të pezullojë nga detyra një ministër njësoj siç mund të pezullojë çdo zyrtar tjetër të pushtetit ekzekutiv? Ne vlerësojmë që jo, megjithatë argumentet për këtë i përkasin themelit të çështjes”, tha Qosja.

Përfaqësuesja e saj tha se Këshilli i Ministrave është organi që i është pezulluar veprimtaria në një prej fushave të tij, fushën e infrastrukturës dhe energjisë.

“GJKKO duke pezulluar ministrin nga detyra pezulloi jo vetëm vendimmarrjen e ministrit brenda ministrisë përkatëse, por edhe vendimmarrjen e Këshillit të Ministrave në atë fushë sepse tashmë ministri i pezulluar nuk mund të propozojë asnjë projekt-akt në kompetencë të tij”, tha Qosja.

Rama kërkon “zgjidhjen e mosmarrëveshjes së kompetencës së krijuar ndërmjet Kryeministrit dhe Këshillit të Ministrave nga njëra anë dhe Gjykatës së Posaçme të Shkallës së Parë për Korrupsionin dhe Krimin e Organizuar, nga ana tjetër, lidhur me pezullimin e ushtrimit të detyrës së anëtarit të Këshillit të Ministrave”.

Si subjekte të interesuara janë ftuar përveç institucionit të Kryeministrisë, edhe ai i Presidencës, Prokuroria e Posaçme dhe Gjykata e Posaçme.

GJKKO ka njoftuar se nuk do të marrë pjesë, pasi vlerëson se “nuk mund të legjitimohet si palë në gjykimin kushtetues me kërkues Kryeministrin e Republikës së Shqipërisë”.

Gjithashtu GJKKO thotë se “për sa kohë një çështje konkrete penale është e varur përpara juridiksionit gjyqësor të zakonshëm nuk mund të ndërhyhet nga autoritet të tjera shtetërore pa cenuar nenin 145 të Kushtetutës”. 

Numri 2 i qeverisë aktualisht është rikthyer në detyrë pas një vendimi të Kushtetueses, deri në shqyrtimin e plotë të ankimit të kryeministrit Rama dhe shpalljes së vendimit përfundimtar nëse do ta ‘lejojë’ ose jo precedentin e krijuar nga GJKKO me pezullimin e një anëtari qeverie.

Vendimmarrja e Gjykatës Kushtetuese do të vijë në një kohë kur SPAK ka dorëzuar në Kuvend edhe kërkesën për autorizim për arrestimin e Ballukut.

Kjo lëvizje e SPAK erdhi menjëherë pasi Kushtetuesja e ktheu Ballukun në detyrë, ndërsa mbledhja e radhës e Këshillit të Mandateve është më datë 28 janar.

Belinda Balluku u pezullua nga detyra si zv/kryeministre dhe njëherësh ministre e Infrastrukturës dhe Energjisë më 20 nëntor, pas hetimeve për tenderin e Unazës së Madhe. Gjykata Kushtetuese e ka pezulluar këtë vendim deri në shqyrtimin e plotë të çështjes.

The post Seanca në Kushtetuese për Ballukun, qeveria: Gjykata Penale nuk ka të drejtë të pezullojë një ministër appeared first on Gazeta Si.

Vaksina kundër herpes ngadalëson procesin e plakjes biologjike. Sipas analizave dhe studimeve të deritanishme, është vërejtur se kjo vaksinë ka zbehur disa procese qelizore tipike të kalimit të moshës, përfshirë inflamacionet.

Herpes është një infeksion i shkaktuar nga riaktivizimi i virusit të Lisë së Dhenve, që qëndron në organizëm i fjetur dhe, kur aktivizohet, shkakton shpërthime në lëkurë, përveç simptomave të tjera.

Vaksina kundër herpes zoster bëhet ndaj atyre që janë të prekshëm nga patologji kronike. Mbi studimet e kryera te pacientët, kërkuesit e Universitetit të Kalifornisë kanë vërejtur ndryshimet në organizëm dhe se kush ishte i vaksinuar kishte parametra më të mirë në krahasim me moshatarët, në kushte të njëjta, veçanërisht në plakjen biologjike, duke u bazuar në 6 parametra mjekësorë.

Plakja biologjike nuk është gjithnjë koherente me plakjen anagrafike dhe është procesi që mat gjendjen e vërtetë të indeve dhe organeve të trupit. Është një proces që sjell humbjen e efikasitetit të mekanizmave riparuese në nivel qelizor dhe molekular të organizmit.

Sipas hipotezave, mendohet se kjo vaksinë redukton të gjitha inflamacionet në organizëm, ndërkohë që parandalon riaktivizimin e virusit të lisë së dhenve dhe, njëkohësisht, bllokon procese të dëmshme.

The post Vaksina kundër herpes ngadalëson procesin e plakjes appeared first on Gazeta Si.

Nga Gazeta ‘Si’- Një raund i ri i dialogut mes Kosovës dhe Serbisë, në nivel kryenegociatorësh, pritet të mbahet sot në Bruksel nën ndërmjetësimin e të dërguarit të posaçëm i Bashkimit Europian për dialogun, Peter Sorensen.

Takimi do të zhvillohet pas vizitës së Sorensenit në Prishtinë dhe Beograd javën e kaluar dhe mësohet se i dërguari i bllokut do të zhvillojë bisedime të ndara me kryenegociatorin e Kosovës, Besnik Bislimi, si dhe atë të Serbisë, Petar Petkoviç.

Më pas pritet edhe një takim trepalësh mes tyre.

Mësohet se në agjendë të rundit të ri do të jetë Deklarata e përbashkët për personat e zhdukur, për të cilën kishin arritur pajtueshmëri më 2023 kryeministri i Kosovës, Albin Kurti, dhe presidenti i Serbisë Aleksandar Vuçiç.

Palët u pajtuan për zbatimin e plotë të deklaratës së përbashkët për personat e zhdukur gjatë një takimi trepalësh mes kryenegociatorëve në dhjetor 2024 në Bruksel.

Takimi i parë ishte parashikuar të mbahej në janar, por pala serbe nuk pranoi të merrte pjesë për shkak të veprimeve për mbylljen e zyrave që mbështeten nga Serbia në Kosovë.

Takimi i sotëm do të jetë i pari në kuadër të dialogut për normalizimin e marrëdhënieve ndërmjet Serbisë dhe Kosovës këtë vit.

The post Rikthehet dialogu Kosovë- Serbi, kryenegociatorët takohen në Bruksel appeared first on Gazeta Si.

Nga Gazeta ‘Si’- Udhëheqësit e Bashkimit Europian do të takohen sot në Bruksel për të gjetur një përgjigje të përbashkët ndaj presidentit të SHBA-së Donald Trump në lidhje me aspiratat e tij për Groenlandën.

Ai duhej të vendoste një tarifë shtesë prej 10% për mallrat nga disa aleatë europianë nga 1 shkurti, por dje ndryshoi mendje.

Trump kishte thënë se tetë vende europiane do të përballeshin me tarifa më të larta derisa Shtetet e Bashkuara të siguronin atë që ai e përshkroi si “blerjen e plotë dhe totale” të Groenlandës së administruar nga Danimarka

Trump tha se nuk do të përdorte forcën dhe hoqi dorë nga kërcënimi i tij për tarifa ndërsa përmendi një marrëveshje të paspecifikuar të NATO-s mbi ishullin Arktik.

Përpara samitit, disa zyrtarë theksuan se BE po përpiqej të zgjidhte situatën dhe se blloku do të merrte në konsideratë zbatimin e kundërmasave vetëm nëse tarifat e kërcënuara do të vendoseshin.

”Java e rrëmujës me Trump do të thotë se marrëdhëniet transatlantike janë në një udhëkryq”, tha presidentja e Komisionit Evropian, Ursula von der Leyen përpara samitit.

”Europa preferon dialogun dhe zgjidhjet, por ne jemi plotësisht të përgatitur të veprojmë, nëse është e nevojshme, me unitet, urgjencë dhe vendosmëri”, theksoi ajo.

The post BE zhvillon samit për planet amerikane për Groenlandën appeared first on Gazeta Si.

Nga Gazeta ‘Si’- Kuvendi i Shqipërisë do të zhvillojë seancën e radhës plenare.

Në rendin e ditës është parashikuar që të kalojë projektligji për aderimin e Shqipërisë në Bordin e Paqes.

Kujtojmë se Këshilli i Ministrave e miratoi të mërkurën projektligjin për aderimin e Shqipërisë në Bordin e Paqes pas ftesës së presidentit amerikan, Donald Trump. Partia Demokratike ka deklaruar se nuk kanë marrë njoftim për mbledhje të seancës plenare gjatë kësaj jave dhe se është thyer rregullorja.

Megjithatë pavarësisht kësaj, ata deklaruan se do të marrin pjesë pasi mbështesin presidentin Donald Trump.

“Pavarësisht shkeljes së të gjitha rregullave procedurale kushtetuese dhe të Rregullores së Kuvendin, si një provokim të ulët ndaj opozitës dhe qytetarëve shqiptar, nga njeriu që ngërçin e tij me SHBA dëshiron t’ia imponojë Shqipërisë apo të mashtrojë shqiptarët sikur kjo nuk ekziston, ne DO TË MARRIM PJESË nesër në seancë, si mbështetje ndaj përpjekjeve/angazhimit të Presidentit të SHBA për paqen dhe sigurinë globale”, thuhej në një lajmërim të PD-së.

Sjellim ndërmend se presidenti amerikan Donald Trump njoftoi më herët këtë muaj planet për krijimin e një Bordi për Paqen (Board of Peace) për të mbikëqyrur zbatimin e një plani 20-pikësh për Gazën, një iniciativë që synon të çojë drejt paqes mes izraelitëve dhe palestinezëve.

Por në fokus të saj nuk do të jetë vetëm kjo çështje, por të gjitha konfliktet në botë.

Kryeministri Edi Rama pas marrjes së ftesës nga Trump, të cilën e ndau me ndjekësit e tij në rrjetet sociale, shprehu gatishmërinë e plotë për të kontribuar në këtë përpjekje.

Ai tha se ky angazhim i Shqipërisë për të qenë pjesë e Bordit do t’i përcillet së shpejti Kuvendit për miratim.

The post Aderimi i Shqipërisë në Bordin e Paqes, Kuvendi mblidhet sot për ratifikimin e marrëveshjes appeared first on Gazeta Si.

Nga Gazeta ‘Si’- Presidenti amerikan Donald Trump ka njoftuar se nuk do të vendosë tarifat që kishte paralajmëruar për Groenlandën dhe vendet e tjera, pas një takimi të cilin e përshkroi si shumë produktiv me Sekretarin e Përgjithshëm të NATO-s, Mark Rutte.

Sipas Trump, gjatë bisedimeve janë krijuar kushtet për një marrëveshje të ardhshme që do të përfshijë të gjithë Arktikun dhe do të sjellë përfitime për SHBA-në dhe vendet aleate.

Presidenti theksoi se marrëveshja e propozuar është e bazuar në mirëkuptim dhe bashkëpunim, duke hequr kështu shqetësimet për tarifat që ishin planifikuar të hynin në fuqi më 1 shkurt dhe që do të rriteshin në 25% nga 1 qershori për mallrat e importuara nga disa vende evropiane.

Ai shtoi se do të ketë diskutime të mëtejshme për çështje strategjike që lidhen me Arktikun, duke siguruar se SHBA-ja dhe aleatët e saj do të punojnë së bashku për sigurinë dhe stabilitetin e rajonit.

Gjithashtu, Trump theksoi se nuk ka asnjë plan për të përdorur forcën ushtarake për të marrë Groenlandën. Ai u shpreh se marrëveshja do të jetë e shkëlqyer jo vetëm për SHBA-në, por edhe për të gjitha vendet e NATO-s, duke nënvizuar rëndësinë e bashkëpunimit ndërkombëtar në çështjet strategjike. Presidenti përmendi gjithashtu rëndësinë e marrëveshjeve ekonomike të drejtuara nga dialogu dhe mirëkuptimi, duke treguar se planet për tarifat ishin një mjet presioni që tani nuk është më i nevojshëm, për shkak të progresit të bërë me aleatët.

Ky zhvillim shënon një kthesë të rëndësishme në politikat amerikane për rajonin Arktik, i cili ka marrë gjithnjë e më shumë rëndësi për shkak të resurseve natyrore dhe pozicionit strategjik. Vendimi i Trump për të tërhequr tarifat dëshmon përpjekjen për të ruajtur marrëdhënie të forta me aleatët dhe për të shmangur tensionet. Ai theksoi se bisedimet e ardhshme do të jenë të fokusuara në sigurinë, si dhe zhvillimin ekonomik.

The post Trump takon Rutten: Do kemi marrëveshje për Groenlandën, pezullohen tarifat për Europën appeared first on Gazeta Si.

Nga Gazeta ‘Si’- Në një bashkëbisedim me qytetarët këtë pasdite, kreu i Partisë Demokratike, Sali Berisha, mbajti një fjalim, ku kritikoi ashpër qeverisjen e Partisë Socialiste, duke e akuzuar për korrupsion, sundim të patronazhistëve dhe pengim të rotacionit demokratik.

“Opozita ka mbijetuar furtuna dhe kurrë nuk është zhdukur. U ngritëm më të fortë, sepse qëndruam më të fortë me shqiptarët”, tha Berisha, duke përmendur sfidat që sipas tij ka kaluar PD-ja gjatë viteve të fundit. Ai shtoi se gjatë periudhave kur Partia Demokratike ka qenë në pushtet janë marrë vendime të vështira, por sipas tij gjithmonë në shërbim të një ideali. 

“Ne kemi marrë vendime të dhimbshme, që i kemi marrë në emër të një ideali. Kur morëm pushtetin transformuam vendin në mënyrë të jashtëzakonshme”.

Megjithatë, sipas Berishës, korrupsioni i madh i qeverisë aktuale nuk ka nxitur reagimin e duhur qytetar. 

“Nuk kemi arritur që korrupsioni i madh në qeveri të krijojë reagimin e duhur qytetar. Ky është një defekt i yni. Duhet të mos lodhemi ta shpjegojmë këtë”.

Berisha theksoi se gjatë mandatit të tij kishte korrupsion, por gjithashtu edhe një luftë të madhe kundër keq-qeverisjes. Ai shtoi se tani korrupsioni ka kapur majat. 

“Edhe gjatë qeverisjes sonë kishte korrupsion, por kishte luftë të madhe kundër korrupsionit dhe keqqeverisjes, ne ishim parti e taksave të ulëta. Dyfishuam rrogat, dyfishuam pensionet, ndërtuam rrugë, shkolla, kopshte”, u shpreh Berisha.

Sipas tij, Partia Socialiste ka lindur nga krimi dhe tani qeveris si një parti e lidhur me interesat kriminale. 

“PS ka lindur në krim, në pushtet është partia e krimit, ajo ka mbijetuar në shtypjen më të egër të shqiptarëve. Partia Socialiste po vjedh dhe po shkatërron kombin shqiptar”. 

Ai komentoi gjithashtu mënyrën sesi funksionon sistemi i patronazhistëve. 

“Patronazhistët kudo mbillnin terror dhe votohej automatikisht për kandidatin që nuk duhej, sot jemi në diktaturë, që pranon pluralizmin”.

Në lidhje me procesin zgjedhor, Berisha tha se sipas tij Rama ka shndërruar zgjedhjet në një fares. 

Ai akuzoi krimin e organizuar për pengimin e rotacionit të pushtetit dhe për ndikim në zgjedhje.

 “Zgjedhjet në Shqipëri janë si monizëm, ku partia-shtet është e favorizuar qartësisht. Krimi i organizuar nuk lejon rotacionin e pushtetit. Kartelet e drogës kanë rol të madh në vjedhjen e zgjedhjeve. Ne mbrojmë të vërtetat”.

Berisha deklaroi gjithashtu se e di fare mirë se opozitarët janë të lodhur, duke shtuar se misioni i PD-së është në kilometrin e fundit.

“Edi Rama nuk ka fituar zgjedhjet as në 2021 dhe as në 2025. Votat janë vjedhur. Një qeveri që vjedh votat e qytetarët, ajo meriton hu dhe vetëm hu. Farsa zgjedhore dhe vjedhja e qytetarëve heq çdo legjitimitet të kësaj qeverie”, tha kreu demokrat.

The post Berisha: Do e përmbysim Ramën, jemi në kilometrin e fundit appeared first on Gazeta Si.

Nga Gazeta ‘Si’- Kryeministri Edi Rama ka mbërritur në Vlorë, ku pritet të zhvillojë një takim me Ivanka Trump.

Vajza e Presidentit Donald Trump, Ivanka, ka mbërritur këtë të mërkurë në qytetin bregdetar.

Vizita po zhvillohet nën masa të shtuara sigurie, ndërsa nuk janë bërë ende publike detaje mbi axhendën dhe temat që do të diskutohen gjatë takimit.

Megjithatë sipas burimeve mësohet se kryeministri Edi Rama dhe Ivanka Trump do zhvillojnë një darkë pune, së bashku me grupin e punës të cilët janë mbi 50 arkitektë nga e gjithë bota për të diskutuar rreth mënyrës së realizimit të projekteve turistike në ishullin e Sazanit dhe në Zvërnec.

Dhëndri i Presidentit amerikan ka marrë statusin e investitorit strategjik vitin e kaluar, pas prezantimit të projektit të tij turistik në ishullin e Sazanit, me një sipërfaqe prej 562 hektarësh, i cili është përdorur vetëm si bazë ushtarake.

Vlera e investimit parashikohet të jetë 1.4 miliardë euro. Projekti parashikon “marinë turistike, struktura akomoduese elitare, rezidenca me standard të lartë, zona gastronomike dhe zona shplodhëse me shërbime në funksion të tyre”.

The post Rama takim privat me Ivanka Trump në Vlorë, fokusi tek investimet strategjike appeared first on Gazeta Si.

Nga Gazeta ‘Si’– Parlamenti Europian ka vendosur të pezullojë marrëveshjet tregtare midis BE-së dhe SHBA-së, (për çështjet e tarifave dhe tregtisë – Marrëveshja Turnberry).

Siç u tha në Strasburg nga Kryetari i Komitetit të Tregtisë Ndërkombëtare të Parlamentit dhe raportuesi i përhershëm për SHBA-në, Bernd Lange (Socialistë dhe Demokratë), Parlamenti Europian po punon shumë për të përcaktuar qëndrimin e tij mbi dy propozimet legjislative të Turnberry, në mënyrë që të jetë në gjendje të fillojë negociatat me Këshillin dhe të zbatojë angazhimet e BE-së sipas marrëveshjes BE-SHBA.

Sipas tij, Marrëveshja Turnberry do të kishte pezulluar tarifat për të gjitha produktet industriale amerikane dhe do të kishte vendosur një sistem kuotash tarifore për një numër të madh produktesh agro-ushqimore amerikane që hyjnë në BE.

Megjithatë, duke kërcënuar integritetin territorial dhe sovranitetin e një shteti anëtar të BE-së dhe duke përdorur tarifat si mjet shtrëngimi, SHBA-të po minojnë stabilitetin dhe parashikueshmërinë e marrëdhënieve tregtare BE-SHBA.

“Sot, raportuesit në hije të Komitetit Ndërkombëtar të Tregtisë përsëritën angazhimin e palëkundur të Parlamentit Evropian ndaj sovranitetit dhe integritetit territorial të Danimarkës dhe Groenlandës. Duke pasur parasysh kërcënimet e vazhdueshme dhe në rritje, përfshirë kërcënimet tarifore, kundër Groenlandës, Danimarkës dhe aleatëve të tyre evropianë, nuk na mbetet alternativë tjetër përveçse të pezullojmë punën për dy propozimet legjislative të Turnberry derisa SHBA-të të vendosin të kthehen në një rrugë bashkëpunimi në vend të konfrontimit, dhe para se të merren masa të mëtejshme”, theksohet ne reagim.

Sipas Lange, komisioni përkatës i Parlamentit Evropian do t’i kërkojë zyrtarisht Komisionit Evropian të përdorë “instrumentin anti-shtrëngim”, të ashtuquajturin “bazukë ekonomike” në arsenalin e BE-së për t’iu përgjigjur tarifave tregtare.

The post Kërcënimet e Trump për Groenlandën/ BE pezullon marrëveshjet tregtare appeared first on Gazeta Si.

Nga Gazeta ‘Si’- Gjykata e posaçme e Apelit ka ndryshuar masën e sigurimit për Taulant Tushen, i arrestuar në kuadër të çështjes së 5D.

Apeli i Posaçëm e ka liruar nga qelia duke e dërguar në masën e sigurimit arrest në shtëpi.

Taulant Tusha, ish-drejtor i Planifikimit të Punëve Publike dhe komisionit të prokurimeve publike në bashkinë e Tiranës, akuzohet për shkelje të barazisë në tendera, e kryer dy herë dhe e kryer në bashkëpunim.

Për periudhën 2016-2020, SPAK ka zbuluar se “5D Konstruksion” sh.p.k ka marrë 12 tendera publikë, duke shkelur rregullat e prokurimit dhe duke siguruar përfitime prej rreth 192.7 milionë lekësh.

Po kjo kompani, ka marrë pjesë në tendera të organizuar nga UKT, Bashkia Tiranë, “Tirana Parking” dhe “Klubi Sportiv Tirana”, duke u favorizuar nga të pandehurit që ushtronin funksione publike. Përfitimet monetare janë përdorur për blerjen e pasurive dhe financimin e aktiviteteve të tjera tregtare.

The post Dosja 5D/ Apeli i GJKKO-së heq arrestin me burg për Taulant Tushen, lihet në arrest shtëpie appeared first on Gazeta Si.

Nga Gazeta ‘Si’- Donald Trump dhe presidentin ukrainas Volodymyr Zelensky do takohen nesër (e enjte, 22 janar).

Zelensky është sot në Kiev, tha zyra e tij, dhe ata ende nuk e kanë konfirmuar vendndodhjen e takimit.

Presidenti ukrainas fillimisht kishte planifikuar të ishte në Panairin Ekonomik Botëror, por e anuloi vizitën e tij të martën në mbrëmje.

Ndërkohë, të dërguarit e Trump, Steve Witkoff dhe Jared Kushner, do të shkojnë në Rusi të enjten për të diskutuar luftën në Ukrainë.

Trump deklaroi se një marrëveshje për t’i dhënë fund luftës mes Rusisë dhe Ukrainës është “relativisht afër” dhe se, sipas tij, ekziston vullnet politik nga të dyja palët për të ndalur konfliktin.

Ai e përshkroi luftën si një tragjedi njerëzore dhe një “masakër të panevojshme”, duke theksuar se prioriteti i tij është ndalja e gjakderdhjes dhe arritja e një zgjidhjeje përmes negociatave.

Një pjesë e rëndësishme e mesazhit të Trump-it lidhej me rolin e Evropës dhe NATO-s. Ai përsëriti qëndrimin e tij se barra kryesore për mbështetjen e Ukrainës duhet të bjerë mbi vendet evropiane, duke argumentuar se Shtetet e Bashkuara nuk mund dhe nuk duhet të mbajnë peshën kryesore financiare, ushtarake dhe politike të konfliktit.

Sipas tij, Europa duhet të marrë më shumë përgjegjësi për sigurinë e saj dhe për zgjidhjen e krizave në kontinent.

The post Zelensky nuk shkoi në Davos/ Trump do të takohet me liderin ukrainas të enjten appeared first on Gazeta Si.

Gazeta Si – Pasi ndaloi protestat masive të javëve të fundit me vrasje masive, regjimi iranian po vazhdon të shtypë disidentët.

Regjimi po persekuton gjithashtu kundërshtarët përmes mjeteve gjyqësore, me arrestime dhe konfiskime, dhe ka vendosur kufizime të mëtejshme mbi median, e cila ende nuk është e lirë.

Pavarësisht të gjithave këtyre, interneti vazhdon të jetë i bllokuar në vend, duke e bërë komunikimin shumë të vështirë dhe duke kufizuar disponueshmërinë e informacionit rreth asaj që po ndodh.

Gjatë protestave në fillim të janarit, më të mëdhatë që nga Revolucioni Islamik i vitit 1979, Prokurori i Përgjithshëm i Iranit, bëri thirrje për konfiskimin e aseteve të protestuesve në shenjë hakmarrjeje.

Gjyqësori ka vënë nën hetim 25 individë të njohur në vend për shprehjen e mbështetjes për protestat, në disa raste duke urdhëruar sekuestrimin e aseteve të tyre.

Është urdhëruar gjithashtu sekuestrimi i rreth gjashtëdhjetë bareve, të akuzuar për lehtësimin e protestave duke i mbyllur ato.

Këto shifra janë të vogla në krahasim me ata të vrarë gjatë protestave, por janë simbolikë të qëllimeve ndëshkuese të regjimit.

Over 300 hours have passed since #Iran imposed a national internet blackout to hide atrocities. Meanwhile, the regime uses whitelisted networks and places op-eds to shape opinion abroad.

Attempts to obscure the truth will be documented in real time: The world is watching. pic.twitter.com/UdesRCOyUg

— NetBlocks (@netblocks) January 21, 2026

Vrasjet e konfirmuara variojnë midis 3.428 dhe 4.519, sipas vlerësimeve të fundit nga OJQ-të iraniane bazuar në dëshmitë në vendngjarje.

Numri i vërtetë është ndoshta shumë më i lartë dhe madje edhe regjimi ka pranuar se numri i të vdekurve është në “mijëra”.

Duke përdorur retorikë manipuluese, regjimi fajëson protestuesit për të shfajësuar veten: për shembull, ai ia atribuon vrasjet e kryera nga forcat e tij të sigurisë armiqve të jashtëm.

Në rastin e rrëmbimeve, gjyqësori pohon se asetet përdoren për të kompensuar dëmin e shkaktuar nga demonstratat.

Është i njëjti parim që përdor për të synuar personazhet e famshëm, përfshirë sportistët dhe aktorët. “Ata që u bënë thirrje njerëzve të mbyllin dyqanet e tyre dhe mbështetën shkaktarët e problemeve me mesazhe dhe histori [në mediat sociale] janë përgjegjës për dëmin”, argumentoi një anëtar i Komitetit të Punëve të Brendshme të Parlamentit. Këta individë janë në hetim për mbështetje të drejtpërdrejtë ose të tërthortë të terrorizmit.

Disa nga aktorët kishin nënshkruar një deklaratë në mbështetje të protestave nga Shtëpia Iraniane e Kinemasë, shoqata tregtare e industrisë së filmit.

خبرگزاری‌های داخل ایران، دوشنبه ۲۹دی۱۴۰۴ خبر داده‌اند که روزنامه «هم‌میهن» به دستور هیات نظارت بر مطبوعات، توقیف شد.
بخوانید: https://t.co/D8DP4AVwX8 pic.twitter.com/HWMY7P12RR

— ایران وایر (@iranwire) January 19, 2026

Regjisori Jafar Panahi, fitues i Palmës së Artë në Festivalin e Filmit në Kanë të vitit të kaluar, denoncoi vrasjen e kolegut të tij, Javad Ganji dhe kërcënimin e ri: “Regjimi po përpiqet të fshijë masakrën e protestuesve duke kërcënuar artistët dhe duke varrosur të vërtetën nën represionin gjyqësor”. Për shembull, regjisorët Majid Barzegar dhe Behtash Sanaeeha u morën në pyetje për orë të tëra.

Hakmarrja ndaj botës kulturore është shoqëruar me kufizime të reja mbi median. Të hënën, autoritetet mbyllën gazetën reformiste “Ham-Mihan”, një nga kryesoret në vend, për shkak të një editoriali që krahasonte protestat e javëve të fundit me ato të vitit 1979 dhe për shkak të një artikulli që dokumentonte situatën në spitalet e bastisur nga forcat e sigurisë së regjimit.

“Ham-Mihan” kishte qenë një nga mediat e pakta iraniane që raportonte mbi vrasjet, në një vend ku shtypi kontrollohet.

Për më tepër, regjimi po përpiqet të krijojë pengesa të reja për komunikimin e jashtëm. Shpërndarja e informacionit është tashmë jashtëzakonisht e vështirë për shkak të bllokadës së internetit, dhe qëllimi është fshehja e provave të masakrave dhe kontrolli i rrëfimit.

Zyra e Prokurorit të Përgjithshëm ka thënë se do të konsiderohet krim të kesh kontakt ose të ndash materiale me mediat e opozitës që veprojnë jashtë vendit.

Një nga mediat kryesore është Iran International, me seli në Mbretërinë e Bashkuar: dërgimi i fotove ose videove do të konsiderohet si bashkëpunim me një grup terrorist.

Falë punës së mediave, si “Iran International” dhe agjencisë HRANA, të cilat mbledhin dëshmi që anashkalojnë bllokadën, po dalin informacione të mëtejshme në lidhje me shtypjen e protestave.

Për shembull, në shumë raste, forcat e sigurisë shkuan shtëpi më shtëpi duke kërkuar protestues. Po qarkullojnë edhe video që tregojnë gjurmë gjaku të mbetura të dukshme në rrugë në ditët pas demonstratave.

Përshtati: Gazeta “Si”

The post Në Iran, represioni i regjimit nuk ka ndaluar appeared first on Gazeta Si.

Nga Gazeta ‘Si’- Në Forumin Ekonomik Botëror, në fund të fjalës së tij, Trump u ndal shkurt edhe te çështja e tarifave.

Ai i konsideroi ato të drejta dhe tha se ua ka imponuar vendeve me deficite të mëdha ekonomike.

“Ju të gjithë jeni palë me to, në disa raste viktimë e tyre, por në fund të fundit është një gjë e drejtë dhe shumica prej jush e kuptoni këtë”, thotë ai.

Në disa raste, si në Zvicër, Trump thotë se fillimisht vendosi një tarifë prej 30% përpara se ta ulte atë, sepse nuk dëshiron t’i dëmtojë njerëzit.

Ai thotë se “SHBA-të po e mbajnë të gjithë botën mbi ujë” dhe duhet të paguajnë normën më të ulët të interesit nga çdo vend tjetër.

Në fund tha se amerikanët “janë shumë të kënaqur me mua” për faktin se ka realizuar “kthesën ekonomike më të jashtëzakonshme në histori”.

Ai e mbylli fjalimin e tij duke thënë: e mbylli fjalimin e tij duke thënë: “SHBA-të janë rikthyer, më të mëdha dhe më të forta se kurrë më parë Do të shihemi vërdallë.”

The post Trump: Tarifat janë të drejta dhe shumica prej jush e dini këtë appeared first on Gazeta Si.

Nga Gazeta ‘Si’- Tregjet amerikane u rimëkëmbën pasi Presidenti Trump i tha Forumit Ekonomik Botëror se nuk do të përdorte forcën për të blerë Groenlandën, duke lehtësuar frikën e tregut.

Menjëherë pas këtij sinjali, S&P 500 dhe Dow Jones Industrial Average u rritën të dy me rreth 0.3%, dhe Nasdaq gjithashtu shënoi fitime modeste. Rendimentet e thesarit ranë ndërsa çmimet u rritën, ndërsa dollari pakësoi humbjet.

Investitorët brohoritën nga ky koment i Presidentit: “Njerëzit menduan se do të përdorja forcë. Nuk kam nevojë të përdor forcë. Nuk dua të përdor forcë. Nuk do të përdor forcë.”

Aksionet kishin rënë ndjeshëm të martën për shkak të tensioneve të lidhura me Groenlandën dhe kërcënimeve me tarifa.// BBC

The post Tregjet amerikane rimëkëmben pasi Trump përjashtoi mundësinë e forcës në Groenlandë appeared first on Gazeta Si.

Nga Gazeta ‘Si’-Trump ndërsa foli për kostot e naftës nën presidencën e paraardhësit të tij, ish-presidentit Joe Biden, kritikoi ato që ai pretendon se ishin çmime të fryra për shkak të politikave të gjelbra.

Ai tha se nën presidencën e tij, prodhimi i naftës dhe gazit është rritur.

Ai foli për 50 milionë fuçi naftë që pretendon se u sekuestruan nga Venezuela dhe u sollën në SHBA.

Ai thotë se “pasi sulmi mbaroi, ata thanë, ‘le të bëjmë një marrëveshje’. Më shumë njerëz duhet ta bëjnë këtë”.

Si kujtesë: SHBA-të arrestuan Presidentin Venezuelan Nicolás Maduro nga një kompleks në Karakas në fillim të këtij muaji. Që atëherë, Trump ka lavdëruar zëvendësuesen e Maduros, presidenten në detyrë Delcy Rodríguez.

“Venezuela do të fitojë më shumë para në gjashtë muajt e ardhshëm sesa ka fituar në 20 vitet e fundit”, pohon ai.

The post Trump nga Davosi: Venezuela do të fitojë më shumë para nën drejtimin e SHBA-së appeared first on Gazeta Si.