Nga Gazeta ‘SI’ – Deputetja e opozitës, Jorida Tabaku paraqiti sot në Komisionin për Evropën dhe Punët e Jashtme rikthimin e skemës së akcizës së diferencuar për prodhuesit e vegjël të birrës, një masë që synon të mbështesë prodhuesit vendas, të rrisë konkurrueshmërinë dhe të nxisë investimet në industrinë artizanale të birrës në Shqipëri.

Sipas saj, në projektligjin “Për një ndryshim në ligjin nr. 61/2012 “Për akcizat në Republikën e Shqipërisë”, të ndryshuar, parashikohet ndryshimi i një tatimi për të përcaktuar disa kritere të reja sa i takon birrave artizanale, me qëllim mbrojtjen e prodhimeve “Made in Albania”, nga rënia e euros apo dhe ekonomia informale.

Sipas saj, propozimi ligjor ka një bazë të krahasuar me praktikat e BE-së.

“Ky projektligj propozon rikthimin e një skeme të diferencuar të tatimit, që mbështet prodhuesit e vegjël vendas dhe harmonizohet me praktikat e mira të Bashkimit Europian,” tha Tabaku, duke vënë në dukje se kjo masë është në përputhje me Direktivën 92/83/KE dhe 92/84/KE.

Sipas Tabakut, ndryshimet e fundvitit 2022 që unifikuan tarifën në 710 lekë/HL për shkallë alkoolometrike dhe hoqën trajtimin e veçantë për prodhuesit nën 200,000 HL/vit, sollën pasoja të padëshiruara: rritje të kostove për prodhuesit vendas, ulje të konkurrueshmërisë dhe dobësim të trendit të investimeve në industrinë artizanale të birrës, një sektor me potencial zhvillimi, punësimi dhe turizëm kulinar.

Ajo tha se taksat e larta e kanë ulur me 11% prodhimin vendas ashtu siç e ka ulur prodhimin bujqësor TVSH-ja , apo rënia e eksporteve të fasonerisë nga politikat e larta fiskale.

Projektligji parashikon dy nivele të akcizës: Për prodhuesit deri në 200,000 HL/vit, tarifa reduktohet në 372,2 lekë/HL për shkallë alkoolometrike. Për prodhuesit mbi 200,000 HL/vit, vazhdon të zbatohet tarifa 744,4 lekë/HL për shkallë alkoolometrike.

“Kthimi i skemës së diferencuar nuk dëmton administrimin fiskal, lejon monitorim efektiv dhe redukton hapësirat për shmangie. Projektligji synon të vendosë një balancë të arsyeshme ndërmjet objektivave fiskale dhe nevojave të zhvillimit ekonomik të sektorit të birrës” tha Tabaku.

Sipas deputetes, rikthimi i akcizës së diferencuar do të rrisë konkurrueshmërinë, punësimin dhe formalizimin e industrisë së birrës, duke mbështetur prodhuesit vendas dhe zhvillimin e sektorit artizanal.

Relatori i projektligjit për rikthimin e skemës së akcizës së diferencuar për birrën, deputeti Erion Malaj, deklaroi se iniciativa e propozuar nga deputetja Jorida Tabaku nuk është parashikuar në Planin Kombëtar për Integrimin Evropian 2024–2026 dhe se nuk është konsultuar me qeverinë dhe grupet e interesit.

“Projektligji nuk është pjesë e planit kombëtar dhe synon diferencimin e akcizës për birrën. Rikthimi diferencial nuk cenon administrimin fiskal deri në 200,000 HL/vit, por çdo ndryshim ka impakt financiar” tha Malaj.

Ai shtoi se, sipas Kushtetutës, çdo projektligj joqeveritar që kërkon ndryshime në shpenzimet e buxhetit duhet të marrë miratimin e Këshillit të Ministrave brenda 30 ditëve nga paraqitja, si dhe të shqyrtohet me grupet e interesit.

“Projektligji nuk është i shoqëruar me tabelë përputhshmërie me legjislacionin e Bashkimit Evropian, ndaj nuk e mbështesim miratimin e tij”, tha Malaj.

Në fund të diskutimeve, propozimi i Tabakut nuk u miratua.

The post Tabaku propozon rikthimin e akcizës së diferencuar për prodhuesit e birrës. PS e rrëzon appeared first on Gazeta Si.

Filmi “Taxi Driver” i Martin Scorsese, i nominuar për katër çmime Oscar dhe fitues i Palmës së Artë në Festivalin e Kanës 1976, është një portret i ashpër dhe i alienizimit urban, dhe konsiderohet gjerësisht si një nga filmat më të rëndësishëm amerikanë të të gjitha kohërave.

Njëkohësisht, është padyshim edhe një nga më shqetësuesit.

“Taxi Driver” kanalizon zemërimin, paranojën dhe ndarjen sociale të një dekade amerikane të formësuar nga kriza ekonomike, dhuna imperialiste dhe skandalet politike. I vendosur në degradimin e një Neë York-u në deindustrializim të shpejtë, filmi ofron një portret të dëshpëruar të një shoqërie që po shpërbëhet.

Në thelbin e tij qëndron një vizion tepër shqetësues i maskulinitetit, i lidhur me racizmin dhe mizogjinë.

Forcat sociale dhe psikologjike që “Taxi Driver” nxori në pah nuk janë zhdukur. Në fakt, ato thjesht janë zhvendosur, duke gjetur shprehje të reja në kulturat digjitale të formësuara nga shprehja e pakënaqësive, mllefi estetik dhe monetizimi i zemërimit mashkullor.

Egzistencializmi amerikan

Travis Bickle, interpretuar me intensitet shqetësues nga Robert De Niro, është krijim i skenaristit Paul Schrader, i cili u frymëzua shumë nga përvojat e tij personale të izolimit dhe krizës emocionale. Schrader gjithashtu u referua në letërsi, duke përmendur “Njeriun e Nëntokës” të Fyodor Dostoevskit si një ndikim formues.

Duke vendosur heronjtë ekzistencialë europianë në kontekst amerikan, Schrader shpjegoi: “Zbuloni se ai bëhet më injorant, i pashpjegueshëm ndaj natyrës së problemit të tij. Problemi i Travis është i njëjtë si ai i heroit ekzistencial: a duhet të ekzistoj? Por Travis nuk e kupton që ky është problemi i tij, ndaj dhe fokusohet diku tjetër, dhe kjo është një shenjë e pjekurisë së pamjaftueshme dhe rinisë së vendit tonë.”

Schrader gjithashtu u frymëzua nga ngjarjet bashkëkohore, përfshirë atentatin e dështuar ndaj politikani të djathtë George Ëallace nga Arthur Bremer. Rezultati ishte një personazh që kristalizoi konfuzionet e dhunshme të epokës.

Si Bremer, Travis mban një ditar. Shikojmë pjesë nga ai ditar gjatë filmit dhe dëgjojmë fragmente në zë:

“Të gjitha kafshët dalin natën. Prostituta, homoseksualë, të sëmurë, të korruptuar. Një ditë, një shi i vërtetë do të vijë dhe do të lajë gjithë këtë papastërti nga rrugët.”

Travis, një tregues i pasigurt dhe i paqëndrueshëm, pretendon se ka shërbyer në Vietnam dhe merr një punë si taksist sepse ka probleme me gjumin. Ai punon kryesisht natën dhe, i tensionuar, lëviz në qytet në një gjendje shqetësimi të vazhdueshëm.

Një mëngjes, pas një turni të gjatë, ai vë re një grua të re përmes dritares së një zyre në Midtoën Manhattan. Kjo është Betsy (Cybill Shepherd), një punonjëse ambicioze e një fushate presidenciale.

Betsy shpejt bëhet objekti i fiksimit të Travis. Ai qëndron afër taksisë së saj, duke e vëzhguar nga larg, dhe më vonë arrin ta bindë të dalë me të, por takimi nuk shkon mirë.

Socialisht jo i aftë, ideja e Travis për argëtim është një vizitë në një kinema pornografike në Times Square. Ai duket i habitur kur Betsy vendos të largohet dhe ndërpret çdo kontakt me të, gjë që vetëm e thellon zemërimin e Travis dhe çon në një konfrontim të dhunshëm në zyrën e saj.

Travis fillon të përkeqësohet, duke i rrëfyer një kolegu taksist se ka “disa ide të këqija” në kokë. Ai vendos një plan veprimi. Hyrjet në ditarin e tij bëhen edhe më shqetësuese.

Ai fillon të stërvitet, mbush taksinë me armë dhe planifikon vrasjen publike të shefit të Betsy. Dhuna politike bëhet një mënyrë për të formësuar pakënaqësinë e tij, duke e kthyer zemërimin në një ëndërr të jashtëzakonshme. Ai praktikon të shtënat përpara pasqyrës në apartamentin e tij të zymtë.

Fjalia e improvizuar e De Niro, “You talkin’ to me?”, u bë sipas studimit të filmave “ndoshta skena më e cituar në historinë e kinemasë”.

Kur plani i vrasjes së Palantine dështoi, Travis drejton vëmendjen tek Iris, një vajzë 12-vjeçare prostitutë interpretuar nga Jodie Foster. Ai vendos ta “ndihmojë” të largohet nga tutori, duke besuar se veprimi i tij është moral.

Filmi përfundon me një notë ironike dhe të paqartë.

Një trashëgimi e errët

“Taxi Driver” ndau kritikët, por pati sukses të menjëhershëm tek publiku. Fuqia e tij shqetësuese nuk u dobësua me kohën; madje, pasardhësia e tij ka qenë po aq shqetësuese sa vetë filmi.

Në 1981, John Hinckley Jr., i fiksuar me filmin, tentoi të vrasë Ronald Reaganin për të impresionuar Jodie Foster. Ky incident tronditi Scorsese, i cili për një kohë të shkurtër mendoi të linte kinemanë.

Travis Bickle është ngritur herë pas here në statusin e anti-hero. Personazhi ka lënë një hije të madhe kulturore, më dukshëm në “Joker” të Todd Phillips (2019).

Një serial dokumentar i vitit 2025 për karrierën e Scorsese rikthehet tek ky pyetje e trashëgimisë. Regjisorja Rebecca Williams i thotë Schrader-it se ka përshtypjen se “ka shumë Travis Bickles, sidomos tani”. Schrader përgjigjet prerë:

“Të gjithë po flasin me njëri-tjetrin në internet. Kur i shkrova për herë të parë, ai nuk po fliste me askënd. Në atë moment ishte Njeriu i Nëntokës. Tani është Njeriu i Internetit.”

Një mendim që të bën të reflektosh thellë./theconversation

The post Filmi ‘Taxi Driver’ i Scorceses mbush 50 vjeç dhe ende mbetet pasqyrë shqetësuese e realitetit appeared first on Gazeta Si.

Gazeta Si – Kryebashkiaku i Rrogozhinës, Edison Memolla dënohet me 1 burg edhe nga Apeli i GJKKO-së për veprën penale të “korrupsionit në zgjedhje”, teksa është lëshuar dhe urdhër-arresti për të, pasi ai nuk ishte i pranishëm në seancë.

Sipas burimeve, GJKKO ka refuzuar kërkesën e Memollës për konvertim të masës së sigurisë, ku pretendonte një zbutje të saj. Përpos 1 viti heqje lirie, Memollës i ndalohet për 5 vite ushtrimi i funksioneve publike.

Janë shpallur fajtorë edhe dy bashkëpunëtorë të kryebashkiakut, Blerim Xhamani dhe Isuf Tosku. Ata janë dënuar përkatësisht me nga 1 vit dhe 8 muaj burg, ku për Toskun dënimi u pezullua duke u vendosur në shërbim prove.

Pjesë e kësaj dosje është edhe Ndriçim Tafxhafa, dënuar me 1 vit burg po për korrupsion aktiv në zgjedhje.

Hetimet për kryebashkiakun nisën pas publikimit në media të një audio-përgjimi, ku dëgjohet Edison Memolla, në atë kohë kandidat për Kryetar Bashkie në Rrogozhinë, teksa ndikon tek një elektriçist, për të mos i ndërprerë energjinë elektrike një abonenti debitor.

Kryebashkiaku u dërgua në gjykim nga Prokuroria e Posaçme kundër Korrupsionit dhe Krimit të Organizuar së bashku me tre të pandehur të tjerë, Ndriçim Tafxhafa dhe Blerim Xhamani të akuzuar “Korrupsioni aktiv në zgjedhje” dhe Isuf Tosku, i akuzuar për falsifikim të dokumentave, kryer në bashkëpunim.

Sipas SPAK-ut Memolla ndikoi tek Blerim Xhamani, elektriçist pranë FSHU Durrës, për të mos i ndërprerë energjinë elektrike një abonenti debitor, me qëllim për të votuar në favor të tij në zgjedhjet lokale, si dhe komunikon me Xhamanin, për punësime në Bashkinë Rrogozhinë, po ashtu në këmbim të votës.

I pandehuri Ndriçim Tafxhafa, i ka premtuar shtetases për shlyerje të detyrimeve ndaj OSHEE dhe për strehim, ndërsa Blerim Xhamani dhe Isuf Tosku kanë falsifikuar të dhënat në procesverbalin e ndërprerjes së energjisë elektrike, duke paraqitur të dhëna të rreme.

The post Kryebashkiaku i Rrogozhinës Edison Memolla, drejt arrestimit pas dënimit për korrupsion zgjedhor appeared first on Gazeta Si.

Nga Gazeta ‘Si’- Kreu i Partisë Demokratike, Sali Berisha ka komentuar sërish vendimin e Kushtetueses për pezullimin nga detyra të Ballukut, duke u shprehur se gjyqtarët, të cilët votuan 4 me 4, sipas tij kanë dhënë vendimin nën diktatin e Edi Ramës.

“4 gjyqtarë të saj votuan kundër heqjes së pezullimit, votuan duke shkelmuar ligje dhe kushtetutë, votuan në diktatin e egër të Edi Ramës. Faktikisht, Balluku mbeti e pezulluar, por gjykata pezulloi veten e vet”, tha Berisha.

Më tej, kryedemokrati u ndal edhe te deklarata e Ramës pas mbledhjes së grupit të PS-së ditën e sotme, ku tha se kreu i qeverisë kërcënoi në mënyrën më të paskrupullt Prokurorinë dhe Gjykatën e Posaçme.

“Edi Rama kërcënoi në mënyrën më të paskrupullt prokurorinë, gjykatën dhe u zotua se do mbrojë gjer në pikën e fundit të tij veten dhe Ballukun.

Ai është thirrur sot në Bruksel. Sipas medieve, sepse nuk dihet, por mediat shkruajnë se ka takim, është thirrur direkt nga numri një i Këshillit të BE për t’i komunikuar qëndrimin e prerë të BE ndaj qëndrimeve të tij antikushtetuese, antidemokratike, ndaj zotimit të tij për të vazhduar grushtin e shtetit.

Pra, ju e patë, ju e shihni, ai shkon në Bruksel me fustanin e Ballukut, në kuptimin që shkon si avokat i turpshëm i saj dhe të gjitha i ka për veten e tij.

Në Bruksel, dhe në mbarë kryeqytetet, është kuptuar se çfarë përfaqëson, çfarë kalbësire përfaqëson Edi Rama. Është kuptuar se autori i aferave të Ballukut është direkt Rama. Është kuptuar se Edi Rama, për fatin e mirë të shqiptarëve, është Ergys Agasi.

Është kuptuar se ata, në sipërmarrjen e dominuar tërësisht nga familja e tij, në agjencinë e dominuar tërësisht nga familja e tij, AKSHI, jo vetëm kanë vjedhur qindra milionë, por kanë urdhëruar pengmarrje dhe krime të shëmtuara”, tha Berisha.

The post Çështja Balluku/ Berisha: Rama kërcënoi në mënyrë të paskrupullt SPAK dhe GJKKO appeared first on Gazeta Si.

Nga Gazeta ‘Si’- Kreu i PD-së Sali Berisha akuzoi kryeministrin Edi Rama se ka vetëm suksese imagjinare.

Duke iu referuar vizitës që Rama do zhvillojë në Bruksel sot, Berisha tha se sipas tij Shqipëria nuk plotëson asnjë kusht për integrimin në BE.

“Rama po shkon drejt fundit të merituar. Ai po zhbën edhe procesin e integrimit europian të Shqipërisë. Shqipëria nuk plotëson asnjë kusht për integrim në BE. Rama ka vetëm suksese imagjinare. Tirana plotëson vetëm kushtin gjeo-strategjik. Duke thënë këtë, garantoj partnerët europianë se Partia Demokratike ka prioritet integrimin e vendit në BE, por jo në mënyrë mashtruese, por gjithçka në meritë e performancë.

PD ka bërë më shumë se çdo parti tjetër në integrimin e vendit drejt Bashkimit Europian. Ishte Partia Demokratike që arriti Marrëveshjen e Stabilizim Asocimit. Ne liberalizuam vizat. Ne kur përmbushëm kërkesat e BE-së, nuk iu lutëm askujt, por çdo gjë ishte shumë serioze. Shqipëria sot është një vend ku të drejtat e njeriut dhunohet masivisht. Rama ankohet sot se janë mbushur burgjet. Por, burgjet i mbushi Rama, që i la shqiptarët pa të drejtën e procesit gjyqësor. Rama do shkelmojë në Bruksel interesat e shqiptarëve, do mbrojë interesat e tij. Nesër është dita e qytetarëve. Ftoj qytetarët e Tiranës dhe të Shqipërisë, se ne nuk mposhtemi kurrë nga një klikë që kërkon të vjedhë vendin”, tha Berisha.

Po ashtu, Berisha paralajmëroi se nuk do të ketë asnjë votë për këtë qeveri, që siç tha, e ka mendjen të vjedhë qytetarët.

“Rama nuk do të ketë asnjë votë. Asnjë bashkëpunim me Ramaduron. Ne jemi partnerë me qytetarin dhe jo me këtë qeveri hajdute. Në lidhje me protestën në Rrjoll, ne jemi kundër prekjes së tokës të pronarëve privat, qoftë edhe një metër kartrorë tokë. Ne nuk pranojmë që të tjerëve t’ju merret toka e tyre”, u shpreh ai.

Berisha përsëriti se e vetmja rrugë për të rrëzuar qeverinë janë protestat dhe vetëm protestat.

“Ne e kemi thënë se e vetmja rrugë për të rrëzuar këtë qeveri janë vetëm protestat. Ne nuk do të rreshtim, derisa ta rrëzojmë këtë regjim gjakatar”, deklaroi Berisha.

The post Berisha: Rama ka suksese imagjinare. Shqipëria nuk plotëson asnjë kusht për integrimin në BE appeared first on Gazeta Si.

Gazeta Si – Partia konservatore Liberale Demokratike (LDP) e kryeministres, Sanae Takaichi fitoi me shumicë dërrmuese në zgjedhjet parlamentare të mbajtura të dielën, më 8 shkurt, në Japoni.

LDP fitoi 316, nga 465 vendet e disponueshme dhe do të ketë shumicën e vetme në Dhomën e Përfaqësuesve.

Koalicioni me Partinë e Inovacionit (IPP) do të fitojë gjithashtu 36 vende. Kjo është fitorja më e madhe për një parti japoneze që nga Lufta e Dytë Botërore dhe një rezultat që e forcon më tej Takaichi-n, e cila kishte bërë thirrje për zgjedhje të parakohshme posaçërisht për të konsoliduar stabilitetin e qeverisë së tij.

Aleanca e Reformës së qendrës, opozita kryesore ndaj qeverisë, fitoi vetëm 49 vende. Përpara se Dhoma të shpërbëhej, koalicioni që bashkon Komeiton dhe Partinë Kushtetuese të Japonisë të qendrës së majtë, kishte 172 vende.

Partia Demokratike për Popullin e qendrës dhe populiste njëkohësisht, fitoi 28 vende, ndërsa partia e ekstremit të djathtë Sanseito fitoi 15.

Sanae Takaichi ka qenë në detyrë për rreth tre muaj dhe kishte shpërndarë dhomën e ulët të parlamentit, ku koalicioni qeverisës kishte ruajtur një shumicë të vogël.

Votimi i së dielës kishte të bënte vetëm me këtë degë të parlamentit, e cila përbëhet nga 465 përfaqësues, të zgjedhur sipas një sistemi të përzier (gjysma mazhoritar dhe gjysma proporcional).

Parlamenti japonez, ose Dieta Kombëtare, ka gjithashtu një Dhomë Këshilltarësh, të përbërë nga 248 përfaqësues dhe e cila nuk mund të shpërndahet nga qeveria.

Ajo do të rinovohet me zgjedhjet në vitin 2028, por ende ka një rol dytësor, pasi vetëm Dhoma e Përfaqësuesve mund të votojë mosbesim ndaj qeverisë.

Sondazhet parazgjedhore i kishin dhënë LDP-së një epërsi të fortë, duke sinjalizuar një rigjallërim të popullaritetit pas disa vitesh të vështira, pavarësisht se kishte dominuar politikën japoneze për 70 vitet e fundit.

Rezultatet e zgjedhjeve shënojnë një ndryshim të rëndësishëm, të mundësuar kryesisht nga Takaichi dhe popullariteti i saj, falë strategjive të tij të reja të komunikimit që i kanë sjellë mbështetje të papritur, madje edhe midis të rinjve.

Vlerësimet e saj të miratimit që kur mori detyrën kanë luhatur rreth 60-70 përqind, një përqindje shumë e lartë që u ul vetëm në javët e fundit pas shpalljes së zgjedhjeve të parakohshme në një kohë të vështirë për Japoninë, veçanërisht për shkak të inflacionit të lartë dhe rënies së jenit, monedhës së vendase.

The post Kryeministrja Sanae Takaichi fiton bindshëm zgjedhjet në Japoni appeared first on Gazeta Si.

Nga Gazeta ‘Si’- Me kërkesën për 45 vite burg për secilin nga ish krerët e UÇK-së, Haga ka rikthyer një pyetje që ka shqetësuar ekspertët për vite me radhë: a po e humb drejtësia ndërkombëtare sensin e kontekstit historik?

Mes zërave më të qartë që e ka artikuluar këtë dilemë është Daniel Serwer, ekspert amerikan për Ballkanin dhe profesor i marrëdhënieve ndërkombëtare, i cili që në fazat e hershme të ngritjes së Dhomave të Specializuara paralajmëroi se Haga po rrezikonte të bënte një gabim themelor, jo vetëm juridik, por edhe politik dhe moral.

Në një artikull të shkruar në blogun e tij në tetor të vitit të shkuar, të titulluar ‘Tribunali që ka humbur rrugën’, ndërsa ndante një takim që kishte zhvilluar me Hashim Thaçin në Hagë, Serwer argumentoi se mënyra se si janë ndërtuar aktakuzat dhe procesi gjyqësor kundër udhëheqësve të UÇK-së është sipas tij problematik.

Paralajmërimi i tij bëhet veçanërisht relevant sot, ndërsa prokuroria kërkoi dënimin ekstrem prej 180 vitesh burg në total për Thaçin, Veselin, Krasniqin dhe Selimin.

Duhet theksuar se Serwer nuk e ka vënë kurrë në dyshim nevojën për drejtësi apo hetimin e krimeve individuale por sipas tij mënyra se si po ndërtohet procesi ndaj ish-krerëve të UÇK-së po krijon një ekuilibër të rremë mes agresorit dhe viktimës.

Më poshtë Gazetasi.al sjell artikullin i cili jep pikëpamjen e tij të plotë pse Serwer mendon se Dhomat e Specializuara të Kosovës në Hagë po devijojnë nga drejtësia.

Postuar nga Daniel Serwer – 18 tetor 2025

Dje kalova 40 minutat e mia të caktuara me ish-presidentin e Kosovës, Hashim Thaçi, në seksionin ndërkombëtar të burgut holandez në Hagë. Doja të rinovoja një miqësi të vjetër. Është e njohur në Kosovë që ne patëm një përçarje pak para se ai të shkonte vullnetarisht në Hagë për t’u përballur me gjyqin. Doja gjithashtu të kuptoja më mirë realitetin pas Dhomave të Specializuara të Kosovës, që po zhvillojnë gjyqin e tij. Prandaj u takova edhe me zëdhënësin e tribunalit, Michael Doyle, të cilin e njoh që nga shërbimi i tij i shkëlqyer pranë përfaqësuesit të lartë Inzko në Bosnje.

Kujdes lexues. Nëse po kërkoni ndonjë detaj “pikant” për atë që më tha Hashimi, mos lexoni më tej. Bisedat tona kanë qenë gjithmonë private në të kaluarën, dhe kjo do të mbetet po ashtu. Përveç zyrtarit të burgut që ishte i pranishëm për të dëgjuar, sipas rregullave. Do ta respektoj konfidencialitetin e asaj që tha Hashimi. Por ai gjithmonë ka respektuar të drejtën time për të shprehur publikisht çfarë mendoj, dhe jam i sigurt që ende e respekton

Parahistoria

Unë dhe Hashimi takoheshim sa herë që shkoja në Kosovë ose ai vinte në SHBA. Ky zakon filloi në vitin 1999, kur ai ishte pjesë e udhëheqjes shqiptare të Kosovës që Instituti i Paqes i Shteteve të Bashkuara e solli në një resort në Lansdowne, Virginia. E bëmë këtë sepse dhuna ndërmjet shqiptarëve po shtohej pas luftës NATO/Jugosllavi. Kishim frikë se mund të çonte në luftë civile. Krime, pa dyshim, kishin ndodhur pas luftës.

Hashimi gjithmonë ia ka atribuar kthesën e Ushtrisë Çlirimtare të Kosovës drejt politikës atij mu këtij takimi në Lansdoëne. Ai përfshiu pothuajse të gjithë liderët kryesorë politikë, të shoqërisë civile dhe të medias të Kosovës pasluftës. Deklarata që u nxor nga ai takim u bë udhërrëfyes për përpjekjet e mëvonshme politike, shoqërore e ekonomike. Kjo nismë çoi edhe në një takim dy vjet më vonë me udhëheqësinë serbe të Kosovës në Airlie House, si dhe në një fushatë të madhe kundër dhunës, ku Hashimi luajti një rol kyç.

Marrëdhëniet me Shtetet e Bashkuara

Në bisedimet e dështuara të Rambujesë, në fund të vitit 1998, Hashimi ishte padyshim një nga të preferuarit e amerikanëve. Si zëdhënës politik i UÇK-së, ai arriti më në fund t’i bindte komandantët e ndryshëm të firmosnin marrëveshjen e propozuar. Refuzimi serb çoi në bombardimet e NATO-s ndaj Jugosllavisë.

Por pas luftës, ai as nuk u ngjit shpejt, as nuk pati mbështetje të pakushtëzuar amerikane. Amerikanët u shqetësuan kur Hashimi emëroi kryetarë të rinj komunash në Kosovë, duke e pretenduar këtë autoritet si “kryeministër” i një “qeverie të përkohshme” të krijuar disa muaj më herët. Kryetarët që ai emëroi zëvendësuan ata që “presidenti” Rugova i kishte vendosur gjatë dekadës së shtypjes serbe. Ne e paralajmëruam Hashimin në Lansdoëne se këta “kryetarë” nuk do të mund të përmbushnin pritjet dhe do të mbaheshin përgjegjës për dështime në zgjedhjet e para komunale.

Ato u mbajtën një vit pas luftës. Amerikanët donin të shmangnin gabimin e bërë në Bosnje, ku zgjedhjet kombëtare u mbajtën vetëm një vit pas luftës – dhe përfunduan duke rikthyer në pushtet të gjithë udhëheqësit e palëve ndërluftuese. Në Kosovë, zgjedhjet komunale përmbysën shumë nga kryetarët e UÇK-së, ashtu siç kishin parashikuar amerikanët. Do të duheshin vite që Partia Demokratike e Kosovës e Hashimit të rimëkëmbej. Hashimi luajti role të rëndësishme gjatë protektoratit të OKB-së, por shija e parë e pushtetit ekzekutiv i erdhi në vitin 2008, kur udhëhoqi shpalljen e pavarësisë dhe më pas u bë kryeministër.

Tribunali

Thaçi u ngjit në postin e presidentit në vitin 2016. Deri atëherë, amerikanët dhe evropianët po kërkonin me ngulm krijimin e një tribunali që do të gjykonte akuzat për krime lufte dhe krime kundër njerëzimit që kishin ndodhur kryesisht pas përfundimit të luftës, në vitin 1999. Më tronditëset ishin pretendimet se UÇK-ja kishte rrëmbyer serbë, i kishte çuar në veri të Shqipërisë, u kishte hequr organet dhe i kishte vrarë. I kisha dëgjuar këto akuza menjëherë pas luftës, por gazetari që m’i përmendi më tha se nuk mund të përmbushte standardet gazetareske për t’i botuar. As raporti i Këshillit të Evropës i vitit 2011, që i bëri publike, nuk ishte më i mirë.

Por kur prokurori amerikan Clint Williamson raportoi në vitin 2014 se kishte bazë të mjaftueshme për ngritjen e aktakuzave ndaj anëtarëve të UÇK-së, presioni diplomatik u bë i pakontrollueshëm. Si president, Hashimi përdori ndikimin e tij për t’i bindur deputetët të miratonin një amendament kushtetues që krijonte një gjykatë të Kosovës, por që do të zhvillohej në Hagë dhe do të ishte plotësisht e stafuar me ndërkombëtarë. Edhe unë u shpreha në mbështetje të saj, duke besuar se do të merrej kryesisht me akuzat për trafik organesh. Dhomat e Specializuara të Kosovës u bënë funksionale në vitin 2017, në një objekt që Norvegjia pagoi për ta rinovuar dhe që financohet nga Bashkimi Evropian.

Nuk e kisha imagjinuar kurrë që “Dhomat Speciale” do të bënin atë që bënë. Në vitin 2020 ato ngritën aktakuzë ndaj Hashimit dhe tre bashkëluftëtarëve të tij të UÇK-së për “ndërmarrje të përbashkët kriminale” që kishte kryer krime lufte dhe krime kundër njerëzimit – pa përfshirë fare akuzat për trafik organesh. Ai dha dorëheqjen nga posti i presidentit dhe shkoi në Hagë, ku qëndron i burgosur që prej atëherë: 2.5 vite në paraburgim dhe tani 2.5 të tjera gjatë gjyqit.

Çka është problematike me këtë pamje?

Ka shumë gjëra që nuk shkojnë – ose më saktë, në mënyrën si unë e shoh këtë pamje.

Së pari, mashtrimi me pretekstin. Parlamenti i Kosovës besonte, ashtu si edhe unë, se fokusi kryesor i tribunalit do të ishin akuzat për trafik organesh. Mbrojtja e ka ngritur këtë pikë në gjykatë dhe e ka humbur, sepse në raportin e Martyt ka edhe akuza të tjera. Por për një laik – si unë – nëse do që “klienti” të mbetet i kënaqur, nuk i shet një gjë dhe i dorëzon një tjetër. Sigurisht, tribunali s’ka ndonjë arsye të kujdeset për mua si “klient”, por në njëfarë mënyre jam. Tribunalet e tilla duhet të ofrojnë drejtësi, jo hakmarrje të bazuar në mashtrim. Asnjë lëvizje çlirimtare në të ardhmen nuk do të pranojë një tribunal të tillë.

Së dyti, natyra e akuzave. Akuzimi i gjithë udhëheqjes politike dhe ushtarake të UÇK-së për “ndërmarrje të përbashkët kriminale” jep përshtypjen se po kriminalizohet vetë revolta kundër shtypjes serbe. Sigurisht që UÇK-ja ishte e paligjshme sipas ligjeve serbe, ashtu si revolucioni amerikan ishte i paligjshëm sipas ligjeve britanike. Por SHBA dhe NATO e mbështetën UÇK-në sepse besonin se kauza ishte e drejtë. Tribunali thotë se kjo nuk është çështje e rebelimit, por e veprave konkrete. Por provo t’ia shpjegosh këtë dikujt në Kosovë (ose në Serbi).

Së treti, juridiksioni i gjykatës nuk përfshin Serbinë, ku gjithashtu janë kryer krime pas luftës. Tre vëllezërit Bytyqi u vranë atje pas luftës, ashtu si edhe të tjerë. Po të kishin këmbëngulur diplomatët që tribunali të trajtonte edhe ato krime, ndoshta sot ose nuk do të kishim tribunal fare, ose do të kishim një që do të shihej më me simpati në Kosovë. Fajësoj veten që nuk e ngrita këtë çështje në atë kohë.

Më e rëndësishmja

Së katërti, dhe ankesa ime kryesore sot, është koha absurde që Hashimi dhe shokët e tij janë mbajtur në paraburgim dhe gjatë gjyqit. Parimi “i pafajshëm deri në provimin e fajësisë” nuk duhet të mbetet një slogan bosh. Të gjithë këta njerëz dhanë dorëheqje dhe shkuan vullnetarisht në Hagë – diçka që kundërshtarët e tyre në Serbi nuk e bënë. Si mund të justifikohen pesë vjet burgim (në një burg me siguri të lartë, nga sa pashë vetë) pa e ditur ende nëse dikush është fajtor apo jo?

Përgjigjja zyrtare është frika nga frikësimi ose manipulimi i dëshmitarëve, që sipas tribunalit ka qenë problem. Nuk e pranoj si shpjegim të mjaftueshëm. Tribunalit do t’i duhej shumë kohë më parë t’i kishte liruar këta burra. Asnjëri prej tyre nuk do të arratisej. Të gjithë mund të mbikëqyreshin pa u mbajtur të mbyllur në Hagë.

Fajtor apo i pafajshëm

Nuk e di nëse këta udhëheqës të UÇK-së janë fajtorë apo të pafajshëm. Nuk i kam lexuar të gjitha procesverbalet e gjyqit. Edhe sikur t’i kisha lexuar, përgjegjësia i takon tribunalit, jo mua. Shpresoj vetëm që vendimi të mos ndikohet nga pritjet e qeverive evropiane për të marrë disa dënime në këmbim të qindra milionave euro që kanë investuar në këtë proces.

Një histori e fundit për Hashimin, mjaft e vjetër saqë qeveria amerikane duhet ta ketë deklasifikuar tashmë. Para 26 vitesh, në Lansdowne, u gjenda me të dhe me një nga komandantët e UÇK-së në mëngjes. Për të bërë pak bisedë, thashë se duhej të ishte e çuditshme për ta të gjendeshin në një resort luksoz në Virxhinia, kur vetëm disa javë më parë kishin luftuar në malet e Kosovës.

Hashimi pa komandantin që rrinte me të, i cili i ngrysi vetullat, dhe më tha: “Unë në fakt kurrë s’kam qenë luftëtar. Kam qenë zëdhënësi politik.”

Mendoj se mu në atë çast Hashimi ishte nën shumë presion për të më thënë të vërtetën.

The post Tribunali që ka humbur rrugën: A po devijon drejtësia në Hagë? appeared first on Gazeta Si.

Gazeta Si – Një prej autorëve të dyshuar që dhunoi avokatin Kujtim Cakrani në një pikë karburanti në Vlorë, është identifikuar.

Sipas policisë, bhet fjalë për 40-vjeçarin Skerdilajd Xhindi, banues në Vlorë, i cili u shpall në kërkim për veprën penale “Plagosja e rëndë me dashje”, kryer në bashkëpunim”.

Në dëshminë e tij, avokati Cakrani, tha se dy persona të panjohur për të e kanë sulmuar në momentin që ai po furnizohej me karburant në hyrje të Vlorës.

Fillimisht, ata e kanë ofenduar dhe sharë, ndërsa dyshohet se konflikti ka nisur për shkak të një parkimi , edhe pse avokati shprehet se nuk beson se ky ka qenë shkaku i vërtetë.

Më pas, dy personat kanë ushtruar dhunë fizike ndaj tij, duke e goditur me një mjet prerës në pjesën e pasme të kokës.

The post Identifikohet një nga personat që dhunoi avokatin Kujtim Cakrani appeared first on Gazeta Si.

Gazeta Si – Inspektori i Lartë i Drejtësisë ka miratuar në Mbledhjen e Përgjithshme të Inspektorëve, më 30 janar 2026, planin e inspektimeve në prokurori e gjykata për vitin 2026.

Sipas njoftimit, thuhet e inspektimet tematike dhe institucionale do jenë edhe gjatë vitit 2026, instrumenti me të cilin Inspektori i Lartë i Drejtësisë mat eficencën e drejtësisë në vend, ndërsa këtë vit, në mënyrë të dedikuar, do të monitorojë edhe zbatimin e rekomandimeve të lëna nga inspektime të mëparshme.

Në Mbledhjen e Përgjithshme të Inspektorëve, u paraqit analiza e të dhënave mbi llojin e pretendimeve të ankuesve, qytetarë apo institucione deri në dhjetor 2025, si dhe pretendimet e ankesave të trajtuara me vendimmarrje gjatë vitit 2025.

Sipas të dhënave, pjesën më të madhe e zënë pretendimet për vendimmarrje të padrejta, pretendimet për zvarritje gjykimi, zvarritje të veprimtarisë hetimore dhe vonesa në dorëzimin e vendimeve gjyqësore.

Në Mbledhjen e Përgjithshme të Inspektorëve u evidentua se gjatë vitit 2025, sipas traditës, Inspektori i Lartë i Drejtësisë i ka dërguar kërkesa për tematika inspektimesh për planin e inspektimeve për vitin 2026, institucioneve të drejtësisë, Prokurorit të Përgjithshëm, Këshillit të Lartë Gjyqësor, Këshillit të Lartë të Prokurorisë, Ministrit të Drejtësisë dhe Dhomës Kombëtare të Avokatisë.

Në mbledhje u vlerësua angazhimi i tri institucioneve, që kanë përcjellë propozime për inspektimet tematike ose institucionale, konkretisht Prokurori i Përgjithshëm ka propozuar 2 tematika inspektimesh, Këshilli i Lartë i Prokurorisë, 4 tematika inspektimesh dhe Ministri i Drejtësisë 5 tematika inspektimesh.

Pas diskutimeve mbi të dhënat e ankesave të përcjella, të propozimeve të ardhura nga tri institucionet e drejtësisë, si dhe të prioriteteve të punës së ILD-së, edhe për shtrirje gjithëpërfshirëse gjeografike të inspektimit në gjykata e prokurori, Mbledhja e Përgjithshme e Inspektorëve miratoi gjithsej 9 inspektime për t’u realizuar gjatë vitit 2026, 8 inspektime tematike dhe 1 inspektim institucional.

E veçanta këtë vit është miratimi i 2 inspektimeve tematike mbi ndjekjen e rekomandimeve të inspektimeve të mëparshme.

Nga trajtimi i ankesave të qytetarëve dhe institucioneve, kohëzgjatja e proceseve civile gjyqësore, shpallja dhe arsyetimi i vendimeve gjyqësore, respektimi i afateve të paraburgimit, trajtimi i referimeve dhe kallëzimeve penale ndaj punonjësit të policisë së shtetit dhe atij të burgjeve për keqtrajtim, kalendari i inspektimeve për vitin 2026 përmban.

The post ILD miraton 9 inspektime për vitin 2026, propozimet vetëm nga 3 institucione appeared first on Gazeta Si.

Nga Gazeta ‘SI’ – Një projektligj i ri për administrmimin e pasurive të konfiskuara nga krimi, i hap rrugë krijimit të një portofoli digjital për kriptomonedhat e vëna nën sekuestro.

Një draft i propozuar nga ministrja e Brendshme, Albana Koçiu,  që tashmë i ka shkuar deputetëve për shqyrtim, thotë se Agjencia e Administrimit të Pasurive të Sekuestruara dhe të Konfiskuara, AAPSK, do të ketë në përgjegjësi edhe kriptomonedhat që sekuestrohen. 

Rregullat dhe procedurat e administrimit të këtyre monedhave, do t’i përcaktojë qeveria, thotë drafti.

Ligji i ri i jep fuqi AAPSK-së dhe drejtuesit të saj të nxjerrin në shitje apo të japin me qira pasuritë e konfiskuara, pa nevojën e “bashkëpunimit” me institucionet.

Po ashtu, Agjencia do të menaxhojë edhe konfiskimet nga organet administrative edhe organe të pushtetit vendor, pra jo vetëm vendime të gjykatave, por edhe të institucioneve, duke zgjeruar ndjeshëm fushën e aktivitetit të kësaj agjencie.

Kriptomonedhat kanë qenë një shqetësim për Prokurorinë e Posaçme, pasi Shqipëria nuk ka një portofol digjital, për t’i ruajtuar ato.

Pak para se të linte mandatin, ish-kreu i SPAK, Altin Dumani tha se në 2024-n, Prokuroria ka sekuestruar mbi 11 mln euro kriptomonedha, por nuk ka një hapësirë digjitale për t’i ruajtuar.

“Nuk kemi një portofol për të ruajtur kriptomonedhat e sekuestruara. As Agjencia e Administrimit te Pasurive te Sekuestruara dhe te Konfiskuara nuk ka portofol dixhital. Vetëm në 2024 kemi sekuestruar mbi 11 milionë euro vlerë të kriptovalutave dhe kemi hasur në vështirësi. Problemin e zgjidhëm duke bashkëpunuar ngushtë me një vend të BE që na u vetëofrua, ishte një sforco shumë e madhe. Jemi në proces ngrirje të një shume më të madhe se 11 milionë euro, janë të ngrira”, u shpreh në tetor 2025, Altin Dumani.

The post Qeveria i hap rrugë krijimit të portofolit për kriptomonedhat e sekuestruara nga grupet kriminale appeared first on Gazeta Si.

Nga Gazeta ‘Si’– Kur Emmanuel Macron të shfaqet këtë të enjte në një takim të liderëve europianë, ai do të vijë me një vizion shumë francez për të ardhmen ekonomike të Europës.

Por ai nuk duhet të presë mbështetje nga Gjermania dhe Italia, dy vende që janë gjithnjë e më të rreshtuara mes tyre në vizionin për bllokun. Të dyja janë skeptike ndaj planeve ambicioze të presidentit francez dhe po mobilizojnë mbështetje për një agjendë tjetër, me theks më të madh te tregtia e lirë dhe aktiviteti tregtar.

Ambicia e Macronit është ta shndërrojë takimin e liderëve të Bashkimit Europian në fshatrat e Belgjikës “në një moment të vërtetë”, tha një person pranë presidentit francez, i cili, si të tjerët e cituar në këtë shkrim, foli në kushte anonimiteti për shkak të ndjeshmërisë së përgatitjeve.

Plani i tij, i ndarë me presidenten e Komisionit Europian Ursula von der Leyen dhe presidentin e Këshillit Europian Antonio Costa gjatë bisedimeve në Pallatin Elize javën e kaluar, parashikon një Europë me investime publike më të larta, varësi më të ulët nga partnerët tregtarë, diversifikim, mbështetje më të fortë për industrinë vendase përmes rregullave dhe më pak burokraci.

Megjithatë, kancelari gjerman Friederich Merz dhe kryeministrja italiane Giorgia Meloni nuk ka gjasa ta mbështesin këtë qasje. Ata e kanë bërë të qartë javët e fundit se favorizojnë një strategji që synon ringjalljen e industrisë europiane por me një profil më pak proteksionist, për të mos larguar partnerët potencialë të tregtisë dhe investimeve.

“Duhet ta bëjmë ekonominë tonë sërish konkurruese”, u tha Merz ligjvënësve gjermanë në fund të janarit, duke u ankuar se Europa po mbetet gjithnjë e më shumë pas SHBA-së dhe Kinës prej më shumë se një dekade.

“Tani duhet ta përmbysim këtë trend.”

Merz dhe Meloni kanë bërë të qartë se preferojnë një qasje që synon të japë hov industrisë europiane — por me më pak proteksionizëm, për të shmangur largimin e partnerëve tregtarë dhe investues.

Estonia, Finlanda, Letonia, Lituania, Holanda dhe Suedia janë edhe më hapur kundër planeve franceze “Prodhuar në Europë”.

Ato paralajmëruan në një dokument të përbashkët që u shpërnda përpara tërheqjes së liderëve se nxitja për preferencë europiane rrezikon “t’i largojë investimet nga BE-ja”.

Do të jetë e vështirë për Macronin të bindë “çiftin e ri të pushtetit” në Europë përballë një kundërshtimi të tillë, veçanërisht duke pasur parasysh se presidenti francez shihet në Bruksel si një “rosë e çalë”, që do të largohet nga detyra për pak më shumë se një vit.

“Je aq i fortë në Bruksel sa je edhe në shtëpi”, tha një diplomat i BE-së. “Po të isha Macron, do të shqetësohesha nga bashkëpunimi gjithnjë e më i ngushtë mes Merz dhe Meloni.”

Ekuilibër i ri

Motivimi më i fundit i Macronit për të trazuar ujërat buron nga përplasja transatlantike lidhur me kërcënimet e presidentit amerikan Donald Trump për të marrë Groenlandën.

Edhe pse tensionet me Uashingtonin janë zbutur, Parisi beson se Brukseli nuk duhet të ulë vigjilencën dhe duhet të përqafojë plotësisht “pavarësinë europiane”, siç u shpreh një person nga rrethi i ngushtë i presidentit francez.

“Përplasje si ajo për Groenlandën do të ndodhin sërish, ndoshta për diçka tjetër. Do të kemi turbulenca”, tha një tjetër zyrtar francez.

Por edhe sa i përket mënyrës së menaxhimit të Trumpit të paparashikueshëm, qëndrimi i Macronit duket se ndryshon nga partneriteti i ri italo-gjerman.

Meloni dhe Merz kanë ndjekur një qasje më të kujdesshme, ndërsa presidenti francez i cili për një kohë të gjatë e quante Trumpin mik tani po përqafon publikisht një qëndrim më përballës.

“Si Merz ashtu edhe Meloni janë më pak të gatshëm se Macron të zemërojnë presidentin Trump”, tha Alberto Rizzi, studiues i politikave në Këshillin Europian për Marrëdhëniet me Jashtë.

“Roma dhe Berlini janë më të ekspozuara në aspektin e prokurimeve publike, veçanërisht për pajisjet ushtarake, krahasuar me Parisin.”

Zyrtarë italianë pranë Melonit nuk e kanë fshehur së fundmi se ajo është më e interesuar të forcojë lidhjet me Gjermaninë sesa me Francën.

Muajin e kaluar, Gjermania bashkënënshkroi me Italinë një dokument që përcaktonte prioritetet e tyre për samitin, një lloj dokumenti që tradicionalisht e hartonin bashkë Franca dhe Gjermania — duke mbështetur një qëndrim më të butë ndaj preferencës europiane, që do të zbatohej vetëm për “sektorë strategjikë thelbësorë”.

Berlini i detajoi më tej prioritetet e tij në një tjetër dokument pozicioni të qarkulluar përpara takimit, siguruar nga POLITICO, i cili fokusohet në shkurtimin e rregulloreve dhe lehtësimin e ofrimit të shërbimeve ndërkufitare nga kompanitë, për të thelluar tregun e përbashkët.

Dokumenti nuk përmend masat “Prodhuar në Europë” të mbështetura nga Franca.

“Kur bëhet fjalë për vizionin francez të autonomisë strategjike të BE-së, vende si Italia dhe Gjermani, fuqitë kryesore industriale dhe tregtare të Europës duhet sigurisht të jenë të kujdesshme që të mos dëmtojnë veten dhe, në këtë mënyrë, të dëmtojnë forcën ekonomike të BE-së në tërësi”, tha një diplomat i dytë i BE-së.

Ky dallim qëndrimesh ka dalë sërish në pah teksa Komisioni përpiqet të finalizojë Aktin e Përshpejtimit Industrial, një masë kyçe që po drejtohet nga komisioneri për Industrinë Stéphane Sejourné, një aleat i ngushtë i Macronit. Akti është shtyrë tashmë dy herë për shkak të mosmarrëveshjeve mbi dispozitat “Prodhuar në Europë”.

Meloni, Merz dhe kryeministri belg Bart De Wever — por jo Macron — po organizojnë po atë ditë një takim përpara samitit me mbi një duzinë vendesh me mendësi të ngjashme për të diskutuar prioritetet.

Macron ishte ftuar, por deri të premten nuk e kishte pranuar ende ftesën, sipas një zyrtari kombëtar të njohur me përgatitjet e takimit.

I pyetur të premten nëse Macron do të merrte pjesë, zyra e presidentit francez nuk dha menjëherë përgjigje.

Burimi: Politico/Përshtati Gazeta Si

The post Macron po shet vizionin ‘Made in Europe’ por Gjermania dhe Italia thonë jo appeared first on Gazeta Si.

Gazeta Si – Një vit pas arrestimit në zyrën e tij nga BKH, Gjykata e Posaçme ka kaluar për gjykim dosjen në ngarkim të kryebashkiakut Erion Veliaj, i akuzuar nga SPAK për disa vepra penale.

Pjesë e të njëjtës dosje, janë edhe bashkëshortja e tij Ajola Xoxa, si edhe 28 persona të tjerë, përfaqësues të shoqërive, të cilët dyshohen se kanë bashkëpunuar me njëri-tjetrin. Në dosje është e përfshirë edhe ish-deputetja socialiste, Klotilda Bushka për veprime që pengojnë zbulimin e së vërtetës.

Vendimi u mor sot nga gjyqtarja Etleva Deda, ndërsa vetë Veliaj nuk ishte i pranishëm në seancë, por kishte dërguar vetëm avokaten e caktuar kryesisht, Valentina Teodoresku.

Avokatët e të pandehurve të tjerë, mësohet se kanë bojkotuar seancën e sotme, pasi pretendojnë për shkelje të rënda të procesit ligjor gjatë seancave paraprake.

Kryebashkiaku i Tiranës ndodhet në “arrest me burg” që prej 10 shkurtit 2025. Ndaj tij, SPAK ka renditur 13 akuza, si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.

Shumica e akuzave është ajo e korrupsionit pasiv e kryer në 9 raste, në raport me disa kompani, për të cilat SPAK thotë se ka marrë përfitime të parregullta në formën e shumave monetare dhe pasurive të paluajtshme, të cilët nga ana e tyre kanë marrë leje ndërtimi dhe përfituar fonde publike nga Bashkia e Tiranës.

Edhe bashkëshortja e tij, Ajola Xoxa, akuzohet nga SPAK për korrupsion pasiv në 9 raste në lidhje me subjekte tregtare dhe organizata jofitimprurëse, njëjtë si Erion Veliaj.

Më herët, mbrojtja ka pretenduar se janë 60 mijë faqe që duhen analizuar. Nuk kanë munguar përplasjet mes palëve në sallën e gjyqit, aq sa kryebashkiaku depozitoi një kërkesë zyrtare pranë GJKKO-së për përjashtimin e gjyqtares Deda nga çështja penale ndaj tij. Mirëpo, kërkesa e tij u rrëzua me argumentin se “nuk ka shkak të ligjshëm”.

Po ashtu, Veliaj ka pretenduar se i ishte mohuar e drejta për një mbrojtje efektive, në kundërshtim me parimet themelore të procesit të rregullt ligjor.

Sipas mbrojtjes së tij, edhe vetë avokatja e caktuar nga gjykata, nuk ka pasur mundësi reale për t’u njohur me materialet hetimore, as për të komunikuar me klientin e saj në mënyrë të plotë.

Vetë Veliaj, ka bërë kërkesë vazhdimisht që të njihet me provat dhe faktet përmes një laptopi në ambientet e paraburgimit në Durrës, për pesë veprat penale që i atribuohen.

Në 1 shkurt të këtij viti, GJKKO rrëzoi kërkesën e kryebashkiakut për zëvendësimin e masës së sigurisë “arrest me burg”.

Gjykata vendosi të pranojë kërkesën e dy prokurorëve të çështjes, Altin Dumani dhe Olsi Dado, se masa duhet të vazhdojë pasi provat mund të manipulohen.

Çështja e masës së sigurisë ndaj Veliajt është duke u shqyrtuar ndërkohë edhe nga Gjykata Kushtetuese, e cila më 3 nëntor vendosi me shumicë votash në favor të tij, duke e kthyer në detyrë, pasi u shkarkua nga Këshilli Bashkiak.

The post GJKKO kalon për gjykim dosjen e kryebashkiakut Erion Veliaj 1 vit pas arrestimit appeared first on Gazeta Si.

Disa persona raportojnë se përjetojnë ëndrra më të gjalla vetëm disa ditë pasi reduktojnë marrjen e kafeinës. Çfarë po ndodh?

A e keni ulur së fundmi konsumin e kafeinës dhe ndiheni sikur po shihni ëndrra që duken si të vërteta?

Edhe pse ulja e kafeinës ka disa përfitime të mundshme, si dhëmbë më të bardhë dhe më pak nevojë për të shkuar në tualet, shpesh përmendet edhe një anë negative: shfaqja e ëndrrave shumë realistike (dhe ndonjëherë të frikshme).

Është një efekt i çuditshëm dhe specifik, për të cilin shumë njerëz thonë se shfaqet brenda pak ditësh nga ulja e konsumit të kafeinës.

Por a ka vërtet bazë shkencore? Le të shohim çfarë thotë kërkimi shkencor.

Si ndikon kafeina në gjumë

Kafeina është një stimulues që na bën të ndihemi vigjilentë dhe zgjuar. Ajo vepron duke bllokuar një substancë kimike në tru të quajtur adenozinë.

Adenozina grumbullohet gjatë ditës, ndërsa jemi zgjuar dhe aktivë. Në mbrëmje, rritja e adenozinës në tru na ndihmon të ndihemi të përgjumur. Gjatë gjumit, adenozina pastrohet dhe zgjohemi idealisht të freskët, gati që cikli të fillojë sërish.

Kur konsumojmë kafeinë, ajo bllokon sinjalin e adenozinës. Pra, edhe pse adenozina është ende e pranishme, ne nuk e ndiejmë aq fort përgjumjen. Kur efekti i kafeinës mbaron, dëshira për të fjetur rritet ndjeshëm (i ashtuquajturi “crash” nga kafeina).

Kafeina ka një gjysmë-jetë rreth tre deri në gjashtë orë, që do të thotë se gjysma e sasisë së konsumuar mbetet ende në trup pas kësaj kohe dhe vazhdon të ndikojë në adenozinë. Kjo shpjegon pse për shumë njerëz kafeina në pasdite ose mbrëmje e bën më të vështirë rënien në gjumë.

Cilësia e gjumit dhe ëndrrat janë të lidhura ngushtë. Duke ndërhyrë në sinjalizimin e adenozinës, kafeina mund ta bëjë gjumin më të fragmentuar dhe të reduktojë sasinë totale të tij, veçanërisht gjumin e thellë dhe rigjenerues jo-REM (NREM). Studimet tregojnë qartë se sa më vonë gjatë ditës të konsumohet kafeina dhe sa më e madhe të jetë sasia, aq më negativ është ndikimi në gjumë.

Nuk ka shumë studime direkte që tregojnë nëse ulja e kafeinës i bën ëndrrat më të gjalla. Shumica e kërkimeve fokusohen te ndikimi i kafeinës në gjumë, jo te përmbajtja e ëndrrave. Por kjo nuk do të thotë se nuk ka lidhje.

Pse më pak kafeinë mund të nënkuptojë ëndrra më të gjalla?

Edhe pse nuk ka prova të drejtpërdrejta, shumë njerëz raportojnë të njëjtën përvojë: sapo ulin kafeinën, brenda disa netësh ëndrrat bëhen më të detajuara, më intensive ose thjesht më të çuditshme.

Edhe pse ulja e kafeinës nuk i shkakton drejtpërdrejt ëndrrat e gjalla, ekziston një lidhje e besueshme. Meqë kafeina redukton sasinë totale të gjumit dhe rrit zgjimet gjatë natës, sidomos kur konsumohet vonë, ulja e saj mund të krijojë një efekt “rikuperimi”. Kur flemë më shumë, rritet edhe sasia e gjumit REM (lëvizje e shpejtë e syve).

Çfarë janë ëndrrat e gjalla?

Ëndrrat e gjalla janë ëndrra që duken shumë reale. Ato janë jashtëzakonisht të detajuara, me imazhe intensive dhe emocione të forta, dhe shpesh mbahen mend edhe shumë kohë pas zgjimit.

Gjumi REM është faza kur trupi është i relaksuar, por truri shumë aktiv. Është edhe faza kryesore e ëndrrave. Më shumë gjumë REM do të thotë më shumë mundësi që truri të prodhojë ëndrra të gjalla dhe komplekse. Studimet kanë treguar se personat me përqindje më të lartë të gjumit REM kanë më shumë gjasa të raportojnë ëndrra të gjalla.

Gjumi REM është gjithashtu faza nga e cila zgjohemi më shpesh gjatë natës. Kur zgjohemi nga REM-i, kemi më shumë gjasa t’i kujtojmë ëndrrat, sepse ato janë ende “të freskëta” në kujtesë.

Kështu, ulja e kafeinës mund të çojë në më shumë gjumë REM, që do të thotë më shumë ëndrra dhe më shumë kujtime të tyre.

Sigurisht, gjumi është kompleks dhe ëndrrat po ashtu. Jo të gjithë do të kenë menjëherë ëndrra të gjalla pasi ulin kafeinën, dhe efekti mund të zgjasë vetëm disa ditë ose javë.

Përfundimi

Nuk ka shumë prova të forta që lidhin drejtpërdrejt uljen e kafeinës me ëndrrat e gjalla, por një lidhje e mundshme ekziston. Kafeina ndikon në gjumë, gjumi ndikon në ëndrrat dhe, kur kafeina reduktohet ose hiqet, truri mund të ketë më shumë kohë për të kaluar në fazën REM.

Gjithçka varet nga koha

Kur mendojmë për kafeinën, zakonisht na vijnë ndër mend kafeja dhe pijet energjike. Por kafeina gjendet edhe në pijet e gazuara, çokollatë, çaj, suplemente para stërvitjes dhe disa medikamente.

Kafeina ka përfitime të shumta, përfshirë për funksionin njohës dhe shëndetin mendor. Disa studime tregojnë se konsumuesit e kafesë kanë rrezik më të ulët për depresion, ndërsa kafeina është lidhur me uljen e rrezikut për sëmundje neurodegjenerative si Parkinsoni. Kafeja përmban gjithashtu vitamina B dhe antioksidantë, të rëndësishëm për një dietë të shëndetshme.

Për punëtorët me turne, sidomos ata që punojnë natën, kafeina shpesh është mënyra kryesore për të përballuar lodhjen. Edhe për ata që nuk punojnë me turne, dita shpesh nuk nis pa filxhanin e parë, ose të dytë, të kafesë.

Nëse nuk dëshironi ta hiqni plotësisht kafeinën, por doni të përmirësoni gjumin, çelësi është koha e konsumit. Shmangni kafeinën të paktën tetë orë para gjumit dhe evitoni dozat e larta brenda 12 orëve para se të flini. Gjumi juaj mund t’ju falënderojë, dhe ëndrrat mund t’ju befasojnë./bbc

The post Po pakësoni kafenë? Ja pse ëndrrat mund të bëhen më intensive appeared first on Gazeta Si.

Nga Gazeta ‘SI’ – Administrata Tatimore ka hapur aplikimet për kompensimin e shpenzimeve për arsimin e fëmijëve. Të drejtën e kanë të gjithë ata individë që kanë plotësuar Deklaratën Individuale të të Ardhurave, DIVA 2025, dhe kanë rezultuar me tatim të mbipaguar pas zbritjes së shpenzimeve për fëmijët me vlerë 48,000 ose 100,000 lekë në vit.

Tatimi i mbipaguar është diferenca midis shumës së taksave që një individ ka paguar dhe shumës që i takonte realisht sipas ligjit. Kjo shumë mund të rimbursohet ose kompensohet nga shteti.

Aplikimi kryhet online përmes sistemit e-Filing të administratës tatimore. Pas dorëzimit të kërkesës, kompensimi transferohet direkt në llogarinë bankare që individi deklaron gjatë aplikimit.

Pasi të hyni në sistemin e-Tax, duhet të zgjidhni modulin e-Filing dhe më pas “Çështjet e mia” për të krijuar një çështje të re. Në formularin që hapet, zgjidhet opsioni “Pyetje të përgjithshme” dhe plotësohet kërkesa për rimbursim sipas shumës së tatimit të mbipaguar që tregohet në DIVA. Aplikuesi duhet të bashkëngjisë gjithashtu dokumentet përkatëse, si të dhënat e llogarisë bankare, certifikatën familjare dhe dokumentacionin që vërteton shpenzimet për arsimin e fëmijëve, për shembull kontratat me shkollat dhe faturat e pagesave.

Afati për të paraqitur kërkesën për kompensimin e tatimit të mbipaguar është deri në 3 muaj pas plotësimit të DIVA 2025. Vlera e kompensimit llogaritet automatikisht nga sistemi, edhe për ata që nuk kanë detyrim ligjor për të dorëzuar deklaratën.

The post DIVA/ Si mund të aplikoni për kompensimin e shpenzimeve të fëmijëve appeared first on Gazeta Si.

Gazeta Si – Një 37 vjeçar nga Kosova me iniciale H.L., është arrestuar, pasi prej kohësh shantazhonte një 26-vjeçare në Tiranë lidhur me disa foto e video intime të saj.

Sipas policisë, 37-vjeçari i kishte kërkuar të resë 100 mijë euro që të mos i publikonte materialet e saj private nëpër rrjete sociale.

Materialet procedurale iu referuan Prokurorisë së Tiranës, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”.

The post Shantazh me foto intime ndaj një vajze në Tiranë, 37-vjeçari i kërkonte 100 mijë € appeared first on Gazeta Si.

Nga Gazeta ‘Si’– Disa orë përpara nisjes për në Bruksel, kryeministri Edi Rama mblodhi grupin parlamentar në kryesinë e Kuvendit ku e pranishme ishte edhe Belinda Balluku, e cila tashmë gëzon vetëm statusin e deputetit.

Pikërisht sa i takon çështjes “Balluku”, kryeministri ka ndarë 3 konkluzione nga gjithçka është diskutuar në mbledhjen me dyer të mbyllura.

Fillimisht, ndalet te pezullimi nga detyra, që ai e thekson “paralizon jo vetëm funksionin, por edhe institucionin”.

Së dyti, bën me dije se grupi i PS-së do të angazhohet për zgjidhjen përmes ndërhyrjes në legjislacion, referuar këtu faktit që nuk u plotësua kuorumi i nevojshëm për marrjen e një vendimi nga gjyqtarët e Kushtetueses.

“Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion“, thotë Rama.

Ndër të tjera Rama thotë se nuk ka asnjë urgjencë për të trajtuar kërkesën e SPAK, të cilët kanë kërkuar arrestimin e saj, por për këtë duhet që Ballukut t’i hiqet nga Kuvendi imuniteti i deputetit.

“E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit.

Një shtesë nga ana ime:

SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen”, shkruan ai.

3 konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga :

1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të…

— Edi Rama (@ediramaal) February 9, 2026

Kjo mbledhje, që në fakt është e përjavshme, u zhvillua para vizitës së kryeministrit në Bruksel, ku pritet të takojë Antonio Costa-n, Presidentin e Këshillit Europian.

Kujtojmë se vetëm 3 ditë më parë, Gjykata Kushtetuese nuk arriti dot të merrte një vendim lidhur me padinë e qeverisë për çështjen e Ballukut.

Ndarja 4 me 4 e gjyqtarëve, bëri që ankimimi të rrëzohej dhe të rikthehej në fuqi masa e “pezullimit nga detyra” për ministren e Infrastrukturës dhe Energjisë.

Teksa e cilësoi “shembull të një budallallëku botëror”, Rama e bëri të qartë se beteja ligjore për këtë rast do të vijojë, duke ritheksuar se “lajthitjet e drejësisë” kanë çuar në shifra alarmante sa i takon masave shtrënguese pa gjyq.

The post Pezullimi i Ballukut/ Rama: Do ta zgjidhim përmes ndërhyrjes në legjislacion! appeared first on Gazeta Si.

Me trashëgiminë e dizajnit italian dhe me markat kryesore që veshin ekipet nga e gjithë bota, uniformat e lojërave olimpike të vitit 2026 duken sikur do të ishin po aq të përshtatshme për t’u veshur dhe në pasarelat e javëve ndërkombëtare të modës, sa edhe për podiumin olimpik. Ndërsa Lojërat Olimpike Dimërore Milano 2026 zbresin në arenat e dëborës së Europës nga 6 deri më 22 shkurt, gara jashtë akullit dhe pistave po shndërrohet gjithashtu në një spektakël mode.

Ashtu si në edicionet e fundit të Lojërave, veshjet e ekipeve këtë vit duken më pak si uniforma sportive standarde dhe më shumë si deklarata elegante kulturore. Veshjet ceremoniale pasqyrojnë trashëgiminë kombëtare përmes prizmit të stilistëve të mëdhenj dhe markave ikonike si Ralph Lauren, Emporio Armani dhe Moncler, ndërsa pajisjet e performancës nga gjigantë si Adidas dhe Lululemon janë projektuar posaçërisht për sfidat e akullit, lartësisë dhe shpejtësisë.

Mbretëria e Bashkuar: Adidas & Ben Sherman

Itali: Emporio Armani EA7

Australia: Karbon

Kanada: Lululemon

Brazil: Moncler

Haiti: Stella Jean

SHBA: Ralph Lauren

Mongolia: Goyol Cashmere

The post Uniformat më të bukura të Lojërave Dimërore Olimpike 2026 appeared first on Gazeta Si.

Nga Gazeta ‘Si’– Dosjet e Epstein tregojnë jo vetëm se si ai abuzonte me gratë dhe vajzat ndërsa përzihej me njerëz të fuqishëm, por edhe se si u përpoq të ndikonte në politikën në Europë.

Dhjetëra dokumente të publikuara nga Departamenti Amerikan i Drejtësisë tregojnë se si ish-këshilltari i presidentit amerikan Donald Trump, Steve Bannon, u përpoq të siguronte mbështetjen dhe financimin e Jeffrey Epstein për të forcuar partitë e ekstremit të djathtë në Europë.

Sipas materialeve të publikuara, Epstein dhe Bannon shkëmbenin rregullisht pikëpamje mbi zhvillimet politike – herë seriozisht, herë duke përdorur humor të turpshëm.

Ata i shkruanin njëri-tjetrit shpesh gjatë viteve 2018 dhe 2019, deri në vdekjen e Epstein. Në një mesazh, Epstein bën shaka se është “udhëzuesi më i paguar në histori” për Bannon.

Kur Bannon udhëtonte, Epstein shpesh i ofronte ndihmë. Në mars të vitit 2018, për shembull, Bannon ishte në Paris; Epstein donte ta ftonte dhe madje i dërgoi kodin e derës. Megjithatë, në fund, Bannon zgjodhi një hotel për shkak të kufizimeve kohore. Ata takoheshin vetëm për kafe.

Ndikimi dhe zgjedhjet e BE-së

Në njërën nga bisedat e tyre, Bannon i shkroi Epstein se, përpara zgjedhjeve të Parlamentit Europian, ai po përqendrohej në mbledhjen e parave për Marine Le Pen dhe Matteo Salvini – dy politikanë populistë përkatësisht në Francë dhe Itali.

Mesazhet buronin kryesisht nga viti 2018 dhe 2019, pas shkarkimit të Bannon nga detyra e këshilltarit të tij nga Trump.

Dokumentet detajojnë udhëtimet e Bannon nëpër Europë, ndërsa ai përpiqej të krijonte një lëvizje në Parlamentin Europian që synonte bashkimin e partive të ekstremit të djathtë dhe euroskeptike nga shtete të shumta.

Sipas dosjeve, Bannon i mburrej Epsteinit për ndikimin e rëndësishëm që ai tashmë ushtronte mbi të djathtën “e re” në Europë.

Ai përmendi këshillimin e Tubimit Kombëtar të Marine Le Pen, të Lidhjes Italiane të Matteo Salvini, të partisë zvicerane, të kryeministrit hungarez Viktor Orbán dhe të politikanit populist britanik Nigel Farrage.

Në rastin e Gjermanisë, dosjet zbuluan shkëmbime mesazhesh midis Epstein dhe Bannon, në të cilat ata vlerësonin partinë e ekstremit të djathtë Alternativa për Gjermaninë (AfD).

Ata u shprehën me tallje në lidhje me politikën gjermane dhe ish-kancelaren Angela Merkel; në rastin e Merkelit, ata e denigruan atë me një fotografi që synonte ta diskreditonte.

‘Merkel dhe Macron të radhës ‘

Disa media në gjuhën gjermane tërhoqën vëmendjen për një bisedë midis dy burrave më 24 maj 2019.

Në atë kohë, kryeministrja britanike Theresa May njoftoi se do të jepte dorëheqjen si kryetare e Partisë Konservatore dhe më pas nga posti i kryeministres britanike.

“Thera May jep dorëheqjen. Punë e mirë”, i shkroi Epstein Bannon.

Edhe pse Bannon nuk shkaktoi dorëheqjen e May, largimi i saj shënoi fundin e një përfaqësueseje të shquar të establishmentit politik, gjë që në sytë e Bannon nënkuptonte sukses.

Ditën kur May njoftoi dorëheqjen e saj nga udhëheqja e qeverisë britanike, Bannon ishte plot entuziazëm.

«May rrëzohet, Merkel dhe Macron të hënën», u përgjigj Bannon. Ai me shumë gjasa po i referohej zgjedhjeve të Parlamentit Europian, të cilat u zhvilluan nga 23 deri më 26 maj 2019.

Sipas Bannon, ish-kancelari gjerman dhe presidenti francez përfaqësonin gjithashtu politikën liberale dhe pro-evropiane.

Merkel do të përjashtohet, vazhdoi Bannon me besim.

“AfD 12 deri në 13”, shkroi ai, me të cilën me shumë gjasa nënkuptonte preferencat e partisë në atë kohë ose po parashikonte një rezultat të dëshiruar zgjedhor.

«Po», u përgjigj Epstein.

Në një mesazh tjetër, Bannon i shkruan Epsteinit një mbrëmje të dielën në lidhje me “D-Day” dhe gradualisht i dërgon atij parashikimet e para zgjedhore.

“Gishtat e kryqëzuar”, përgjigjet Epstein.

Në këtë kohë, Bannon u takua edhe me politikanë nga AfD, siç janë kryetaret e saj Alice Ëeidel dhe Tino Chrupalla.

Deputeti i qendrës së djathtë, Johannes Volkmann (CDU), i konsideron bisedat si një tregues të ndikimit amerikan mbi AfD-në.

“Bannon, nëpërmjet punës së tij konsulente për AfD-në dhe të tjerët, donte të ndikonte mbi rregullimin europian të kriptomonedhave”, shkroi ai në X.

“Është sigurisht thjesht një rastësi që eurodeputetët e AfD-së në Parlamentin Europian votuan kundër rregullores në mandatin parlamentar pasardhës”, shtoi Volkmann.

AfD mohon se amerikani i ka drejtuar ndonjëherë ata.

“Steve Bannon nuk ka pasur kurrë ndonjë ndikim në partinë tonë, dhe sigurisht jo në çështjen e kriptovalutave”, tha grupi parlamentar i AfD-së për Euronews. Sipas tyre, një marrëdhënie konsulence nuk ka ekzistuar kurrë.

Urrejtje ndaj Merkelit

Ashtu siç është e zakonshme sot brenda kampit MAGA në SHBA dhe pjesërisht brenda Shtëpisë së Bardhë, Bannon e perceptonte Bashkimin Europian si një armik dhe Merkelin si mishërimin e “institucioneve globaliste” – një pikëpamje e ndarë nga qarqet evropiane të ekstremit të djathtë.

Në një bisedë tjetër me një individ, identiteti i të cilit është i redaktuar në dosje, Bannon shprehu shpresën se kancelari gjerman së shpejti “do të përfundojë nën autobus”.

Materialet e publikuara nga departamenti i drejtësisë i SHBA-së përmbajnë gjithashtu buletine të inteligjencës së lajmeve dhe email-e në të cilat Epstein pyeste për politikën gjermane.

Një email thotë se me siguri do të kishte ende njerëz në Gjermani “që do të preferonin Adolf Hitlerin mbi Angela Merkelin”.

Në të njëjtën kohë, megjithatë, shton se sot nuk mund të gjesh më politikanë të shquar në Gjermani që do të “lavdëronin ende fisnikërinë e nazistëve”.

Epstein ishte gjithashtu i interesuar në çështjen e trashëgimisë së kancelarit gjerman – ndoshta sepse, ashtu si Bannon, ai pa një mundësi për një ndryshim politik në një ndryshim lidershipi brenda një partie të konsoliduar.

Më 28 maj 2019, Epstein u dërgoi një artikull të Bloomberg dy kontakteve në lidhje me Annegret Kramp-Karrenbauer, atëherë kryetare e Bashkimit Kristian Demokrat (CDU), të cilën disa e shihnin si një kancelare të mundshme në të ardhmen.

Në tekstin e Bloomberg thuhej se Merkel dyshonte gjithnjë e më shumë nëse Kramp-Karrenbauer ishte e përshtatshme për këtë post.

 Përafërsisht gjashtë muaj më vonë, më 10 shkurt 2020, udhëheqësja e CDU-së njoftoi se po tërhiqte kandidaturën e saj për kancelare në vitin 2021.

Në të njëjtën kohë, ajo dha dorëheqjen edhe nga posti i saj si kryetarja e CDU-së.

Burimi: Eu observer/Përshtati Gazeta Si

The post Planet e Epstein–Bannon për të riformësuar politikën europiane dhe urrejtja ndaj Merkelit appeared first on Gazeta Si.

Nga Gazeta ‘SI’ – Shqipëria dhe kultura e saj do të jenë kryefjalë të jetës kulturore në qytetin Shamberi (Chambéry) të Francës për vitin 2026.

Nga marrëveshjet midis qyteteve të Shamberisë dhe Korçës, një program special do t’i kushtohet këtë vit kulturës, arteve, muzikës dhe letrave shqipe.

Lajmi është publikuar në faqen zyrtare të bashkisë Shambari ku një ndër ngjarjet kyç të kësaj stine kulturore shqiptare do të jetë ekspozita “Ikona të Shqipërisë”, që do të zhvillohet nga maji deri në nëntor në Muzeun e Arteve të Bukura të Shamberisë.

Në këtë ekspozitë do të shfaqen 45 vepra arti të rëndësishme nga trashëgimia kombëtare e Shqipërisë së shekujve XIV deri në XX, pjesë e fondit të Muzeut Kombëtar të Artit Mesjetar të Korçës.

Krahas kësaj ekspozite do të mbahen edhe evente të tjera si konferenca si pjesë e Muajit të Evropës, prania e partnerëve shqiptarë në Tregun e Kontinenteve, pjesëmarrja e artistëve dhe grupeve folklorike nga Korça në Festivalin e Kulturave Botërore, si dhe projekte krijimi artistik dhe teatral që bashkojnë të rinj dhe profesionistë nga të dy vendet.

Lidhja midis Korçës dhe Francës është historike dhe veçanërisht e fortë. E quajtur “Parisi i Vogël” për të kaluarën e saj frankofone, Korça është e njohur për traditën dhe dinamizmin e saj kulturor, arkitekturën dhe rolin e saj historik në zgjimin kombëtar shqiptar.

Midis dy luftërave botërore, Liceu Francez në Korçë ishte djep i elitave intelektuale dhe kulturore shqiptare, dhe kujtimi i tij do të ringjallet me hapjen së afërmi të liceut të ri franko-shqiptar të Korçës, projekt i përbashkët mes Shqipërisë dhe Francës me sytë nga shkencat dhe e ardhmja.

The post Nga Korça në Francë, 45 ikona të artit shqiptar do të shfaqen në Muzeun e Arteve në Chambery appeared first on Gazeta Si.

Gazeta Si – Mëngjesin e kësaj të hëne, një furgon i blinduar me parà u tentua të grabitej në Rrugën Shtetërore 613, autostradën që lidh Lecce-n me Brindisin, pranë Tuturanos.

Sipas raporteve paraprake nga Italia, grabitësit vendosën një automjet të djegur matanë rrugës, duke e detyruar furgonin të ndalonte dhe duke nisur grabitjen.

Një komando me të paktën katër persona të armatosur me kallashnikovë thuhet se qëlloi me plumba dy automjetet e blinduara që i përkisnin kompanisë së sigurisë “Battistolli”.

Të dy automjetet thuhet se u hodhën në erë, pasi rojet e sigurisë zbritën. Banditët më pas u angazhuan në një shkëmbim zjarri me karabinierët gjatë ndjekjes pranë Squinzano. Për fat të mirë, askush nuk u lëndua.

Pas përpjekjes së dështuar, pasoi një ndjekje policore në zonën e Squinzanos, me oficerët që mbërritën për të mbështetur kolegët e tyre që ishin tashmë në vendngjarje.

Ndjekja e grupit të banditëve u realizua pjesërisht nga patrullat e karabinierëve në zonën e Campi Salentina, duke rezultuar në tre arrestime.

Rruga është aktualisht e bllokuar përkohësisht për të lejuar operacionet e shpëtimit. Autoritetet po hetojnë për të identifikuar personat përgjegjës, ndërsa trafiku në rrugën shtetërore është i mbyllur derisa të rivendoset siguria.

Ngjarja risjell në vëmendje një incident shumë të ngjashëm që ndodhi në korrik 2024, në të njëjtën rrugë pranë Torchiarolo, disa kilometra larg: ngarkesa që u arrit të grabitej ishte gati në tre milionë euro.

The post Si në filma, sulm me armë ndaj furgonit të blinduar në Itali (video) appeared first on Gazeta Si.