Situata e shkaktuar nga reshjet e dendura të shiut dhe borës në territorin e të gjithë Maqedonisë po monitorohet dhe është stabile, vlerësojnë nga Qendra për Menaxhim me Kriza (QMK).

Në rajonin e Manastirit, siç njoftojnë nga QMK, në zonën e Komunës së Demir Hisarit, janë regjistruar sipërfaqe të liqenuara të tokës bujqësore në zonat e fshatrave Graishte, Barakovo, Edinakovci, Sveta dhe Zhvan. Për shkak të dëmtimit të një ure të shkaktuar nga lumi Boishka, rruga lokale për në fshatin Mrenoga është e mbyllur për trafik.

"Në rajonin e Shkupit, deri më tani nuk janë marrë njoftime për ndërprerje të lidhura me reshjet e fundit të shiut. Situata po monitorohet dhe është stabile. Situata në zonat e komunave të mbuluara nga QRK Ohër është gjithashtu e stabiel", njoftojnë nga QMK.

Nga atje theksojnë se në rajonin e Kërçovës, gjatë ditës, pasojat e përmbytjeve në rrugën "Prilepska" u pastruan me mekanizim dhe burime njerëzore nga Ndërmarrja Publike "Komunalec Kërçovë", Ushtria e Republikës së Maqedonisë së Veriut (kazerma Kërçovë), vullnetarë nga Kryqi i Kuq OK Kërçovë dhe popullsia lokale./Telegrafi/

Për shkak të dëmtimit të urës mbi lumin Boishka, në rrugën lokale drejt fshatit Mrenogë, qarkullimi është i ndërprerë.

NP “Komunalec” po intervenon në vendbanimin Murgashevë me zgjerimin e shtratit të lumit. Është raportuar dalje e lumit nga shtrati në fshatin Obednik dhe ndërmjet fshatrave Obednik dhe Smilevë. Situata po ndiqet nga QMK dhe pushteti lokal i Demir Hisarit.

Në Prespë janë përmbytur toka bujqësore, oborre, shtëpi dhe magazina. Niveli i Lumit të Madh është rritur. NP dhe pushteti lokal po intervenojnë me pompa dhe mekanizëm ndërtimor për largimin e ujit dhe pastrimin e zonave të rrezikuara. Njësia e zjarrfikësve Prespë po merr pjesë në pompimin e ujit nga bodrumet.

Në Krushevë, uji i pijshëm është i turbullt dhe rekomandohet zierja e tij. Lumi Crna ka nivel të rritur, por të qëndrueshëm. NP “Komuna” po përforcon digat mbrojtëse. Situata e Lumit të Krushevës po ndiqet në koordinim me Komunën e Krivogashtanit.

“Në Dollnen në fshatin Lazhanë është raportuar dëmtim në oborr dhe në katin përdhes të një shtëpie. Në fshatin Peshtalevë ka përmbytje për shkak të kanaleve të papastruara. Është intervenuar me mekanizëm ndërtimor”, thonë në QMK.

Në Ohër Lumi Sushica ka dalë nga shtrati në disa lokacione, me përmbytje të oborreve dhe bodrumeve. Shtabi i krizës dhe NP Komunalec Ohër po intervenojnë me mekanizëm, ngritje digash dhe zgjerim të shtratit të lumit. Te fshati Vapilë, lumi Daljan po dëmton rrugën nën urë dhe po kryhen punime mbrojtëse. Është evidentuar edhe një rrëshqitje dheu në Leskoec – Skrebatno.

Në Strugë janë përmbytur oborre dhe shtëpi në zonën e fshatit Misleshevë dhe në fshatin Kalishtë. Njësia e zjarrfikësve Strugë po intervenon me pompa, ndërsa është angazhuar edhe mekanizëm ndërtimor. Komuna e Strugës është njoftuar për situatën.

Sipas QMK-së, në Dibër lumi Radika ka nivel të rritur, por të qëndrueshëm. Të gjitha rrugët janë të kalueshme. Po pastrohen rënie të vogla gurësh nga shërbimet kompetente.

Në Kërçovë lumenjtë Zajaska dhe Treska kanë nivele të rritura, por janë nën pragun e daljes nga shtrati. Kritike mbetet rruga “Prilepska”. Po kryhet pastrim i kanaleve dhe shtratit të lumit Zajaska me mekanizëm të rëndë. Rreth 150 persona janë evakuuar dhe janë strehuar në sallën sportive “Hristo Uzunov”, ku po kujdesen nga Komuna dhe Kryqi i Kuq i Kërçovës.

Në Gostivar / Tetovë në rrugën Tumçevishte – Çegran ka ujë dhe rruga nuk është e sigurt për qarkullim. Janë njoftuar policia e Gostivarit, policia e Çegranit dhe Komuna e Gostivarit.

Ndërkaq, në rajonet e tjera gjendja është stabile, me nivele të rritura të lumenjve, por pa dalje nga shtrati dhe pa pengesa në komunikacion.

Policia realizoi aksion shpëtimi në Llazaropolë, ku kishin mbetur të bllokuar dy banorë të Shkupit, punonjës të një operatori të telefonisë celulare.

Nga Ministria e Punëve të Brendshme njoftuan se dy personat janë në gjendje të mirë shëndetësore.

“Dje (10.01.) në orën 23:30, në SPB-Tetovë u raportua se dy punonjës të operatorit mobil A1, të cilët ndodheshin mbi fshatin Lazaropolë, pranë stacionit bazë të operatorit, ishin bllokuar në borë. Me personat nuk mund të vendosej kontakt për shkak të mungesës së sinjalit të rrjetit celular.

Menjëherë pas raportit, rasti u përcoll tek SP Rostushës, pas çka u angazhuan pjesëtarë të Njësisë për Operacione Speciale Policore dhe Njësisë së Policisë së Uniformuar pranë MPB-së, si dhe pjesëtarë të Drejtorisë për Mbrojtje dhe Shpëtim. Me dy automjete tereni, të pajisura me pajisje për borë dhe me pajisje të përshtatshme shpëtimi, ekipet u drejtuan drejt vendit të ngjarjes. Sot (11.01.) në orën 08:30, personat u gjetën dhe u nxorën me sukses në gjendje të mirë shëndetësore. Bëhet fjalë për G.N. (47) dhe M.M. (37), të dy nga Shkupi, të cilët lëviznin me një automjet teren “VW Amarok” me targa të Shkupit. Ata u gjetën në një lokacion të njohur si “Koritnik”, pranë transmetuesit të rrjetit të A1, në territorin e fshatit Lazaropole”, thonë nga MPB.

Shtëpi të zbrazura, të zhytura në ujë e baltë brenda, mobile, makina dhe pajisje tjera të shkatërruara, kjo është gjendja në lagjen Prilepska të Kërçovës nga vërshimet.

Edhe sot situata është alarmante, sepse po bie shi, ndërsa Lumi ishte afër për të dalë nga shtrati.

Disa banorë kishin ardhur për të pastruar shtëpitë e tyre, por shiu që ishte duke rënë pa ndalur e bënte të pamundur këtë.

Rrjedha e lumit kishte filluar të rritet sërish pas reshjeve të shiut mbrëmë dhe sot.

Ky banor që e kishte lumin afër thotë se ka rrezik sërish që uji të bëjë katastrofë.

“Këtu situata momentalisht është katastrofë, katastrofë e shihni vetë jashtë. Kemi nxjerrë gjithçka nga shtëpia, mbrëmë pak pastruam me bashkëshorten, po ja, uji erdhi sërish. Pra jeta këtu është katastrofë, nuk jetohet. Këtu më shumë jetë në këtë lagje nuk ka.”

“Ujin nuk mundemi, e shihni, ende është aty. Ende nuk ka kushte ku të flemë. Gjithçka është e prishur, ja e shihni – gjithçka është prishur: frigorifer, makina, divane, gjithçka.”

“Kemi shumë vërshime, kemi shpresë se dikush do të vijë të na ndihmojë dhe nuk ka ardhur askush. Katastrofë është brenda, krejt e përmbytur – nuk kemi asnjë jetë këtu.”

Nga Qendra për Menaxhim me Kriza thonë se situata është nën kontroll dhe po menaxhohet si duhet, duke thënë që në terren ka edhe ekipe për pastrim.

QMK-KËRÇOVË:

“Në një pjesë të qytetit të Kërçovës, konkretisht në rrugën Prilepska, ka ardhur deri te dalja e lumit Zajaz. Në vendin e ngjarjes është e pranishme një ekip nga Ndërmarrja Publike „Komunalec“ që po punon në pastrimin e ujit dhe ndërtimin e digave. Qëllimi i këtyre masave është të parandalohet përhapja e daljes dhe të mbrohen shtëpitë përreth dhe pronat e qytetarëve nga dëmtimet e mundshme të mëdha. Situata është nën kontroll dhe ekipet vazhdojnë me punën.”

Në orët e paradites, përderisa ekipi jonë qëndroi në lagjen e përmbytur, nuk u panë as makineri e as thasë me rërë për të parandaluar rrjedhjen e lumit në lagje.

Reshjet e dendura të shiut në periudhën e kaluar kanë shkaktuar dalje nga shtrati i lumenjve, përmbytje të sipërfaqeve bujqësore dhe dëme lokale në infrastrukturë në disa lokacione në të gjithë Republikën e Maqedonisë, informon Qendra për Menaxhim me Kriza, sipas situatës së regjistruar deri në orën 9 të mëngjesit të sotëm.

Në rajonin e Koçanit dhe Shtipit, është vërejtur derdhje pranë lumit Orizarska në fshatin Grdovci, ku NP-ja e Ujërave "Bregallnica" ka ndërhyrë me ekskavator me zinxhir, ndërsa mekanizimi është ende në terren. Fillimi i pastrimit të shtratit të lumit nga Grdovci deri në Orizari është paralajmëruar që nga e hëna, me qëllim parandalimin e pasojave të padëshiruara në të ardhmen. Trafiku në rrugën Koçan - Grdovci është normalizuar, ndërsa rrëshqitje të dheut po shfaqen në disa rrugë në pjesën lindore, të cilat ekipet e "Rrugët e Maqedonisë" po i pastrojnë vazhdimisht.

Në Manastir, në vendbanimin Strçin, KJP "Niskogradba" ndërhyn me mekanizim për të hequr depozitat e zhavorrit dhe tokës.

Në fshatin Kravari ka sipërfaqe bujqësore të liqenuara, por pa rrezik për objektet, ndërsa në Zhabeni dhe Porodin janë regjistruar fusha të përmbytura, ndërsa NP Administrimi i Ujërave ka ndërhyrë në lumin Zhabjanska.

Lumi Eleshka gjithashtu ka dalë nga shtrati, me sipërfaqe bujqësore të përmbytura, dhe shërbimet kompetente informojnë se niveli i ujit në lumenj po ulet.

Në rajonin e Resnjës janë përmbytur toka bujqësore, oborre, shtëpi, ndërtesa ndihmëse dhe depo për ruajtjen e mollëve. Niveli i lumit Golema ka rënë ndjeshëm, nga 2.20 në 1.40 metra, dhe ekipet e qeverisjes vendore, "Makedonijapat" dhe NP "Proleter" po kryejnë një vizitë dhe vlerësim në terren. Sipas QMK-së, situata atje është normalizuar.

Në Krushevë, për shkak të reshjeve të rrëmbyeshme, uji i pijshëm është i turbullt dhe qytetarëve u rekomandohet ta vlojnë atë për të paktën 10 minuta.

Niveli i lumit "Lumi i Zi" pranë fshatit Buçin është rritur, por uji është tërhequr nga vendet ku më parë ka dalë nga shtrati.

Ekipet e Ndërmarrjes Publike "Komuna", Departamentit Territorial të Zjarrfikësve, komunës dhe shërbimeve të tjera kompetente po punojnë për forcimin e digave në pikat kritike.

Në Demir Hisar, rruga lokale për në fshatin Mrenoga është e mbyllur për trafik për shkak të dëmtimit të një ure mbi lumin Boishka, dhe shërbimet kompetente po sigurojnë vendndodhjen.

Në fshatrat Llazhan dhe Peshtalevë në Prilep, janë raportuar oborre dhe dhoma në katet përdhese të përmbytura, si dhe dëmtime të duhanit, me makineri ndërtimi që ndërhyjnë për të pastruar kanalet e papastruara.

Në rajonin e Tetovës, rruga për në Banjë të Tetovës është pastruar, por trafiku është ndaluar nga Drejtoria Rajonale e Sigurisë e Tetovës për arsye sigurie. Rrugët për në fshatrat Xherma dhe Brodec janë të kalueshme, dhe situata në fshatin Strimnicë, komuna e Zhelinës, monitorohet vazhdimisht nga shërbimet kompetente.

Qendra për Menaxhimin e Krizave informon se situata në terren monitorohet vazhdimisht dhe se institucionet mbeten të përgatitura për të reaguar menjëherë nëse lindin rreziqe të reja.

Për shkak të përmbytjeve që kanë goditur pjesë të vendit si pasojë e reshjeve të shiut, në Koçan dhe Ohër po ndërhyhet me mekanizëm për shkak të daljeve të lumenjve nga shtrati. Në rajonin e Shkupit nuk ka shqetësime të veçanta lidhur me reshjet, ndërsa në Tetovë janë raportuar rrëshqitje të dheut në rrugët lokale, njoftoi mëngjesin e sotëm Qendra për Menaxhim me Kriza (QMK).

Nga QMK theksojnë se në Komunën e Koçanit është vërejtur rritje e konsiderueshme e nivelit të lumenjve dhe kanaleve në pjesën e fushës: Lumi i Koçanit ka pasur përmbytje lokale pranë fshatit Gorni Podlog, ku autoritetet ndërhyn me mekanizim; lumi Zrnovskë ka dalë nga shtrati para derdhjes në lumin Bregallnica, ndërsa lumi Orizar ka dalë nga shtrati pranë fshatit Gërdovci, ku gjendja është më kritike.

Janë përmbytur disa bodrume të shtëpive pranë lumit. Ujësjellësi Bregalnica ndërhyn me mekanizim të rëndë, ndërsa MPB ka ndaluar qarkullimin e mjeteve motorike në hyrjen veriore të fshatit. Lumi Zletovska dhe lumi Bregalnica kanë nivel të rritur, por për momentin nuk ka përmbytje. Niveli i ujit në burimet e sipërme po stabilizohet dhe ka tendencë të ulet, ndërsa në rrjedhat e mesme dhe të poshtme gjendja mbetet kritike.

Në rrugën Maqedonska Kamenicë – miniera SASA, për shkak të rrëshqitjes së dheut, qarkullimi bëhet me një korsi për rreth 200 metra. Në Probishtip, për shkak të daljes së lumit Kiselica në rrugën F. Neokazi – F. Petrishinë, qarkullimi është i vështirësuar.
Në rajonin e Shkupit nuk ka shqetësime të veçanta lidhur me reshjet e shiut.

Në Ohër, është mbajtur takim i Shtabit Emergjent të Komunës, me vendim që të vihen në dispozicion të gjitha burimet njerëzore dhe materiale. Lagjja Daljan është përmbytur për shkak të daljes së lumit Dalja. Ekipe me mekanizim të rëndë po drejtojnë ujin drejt liqenit, ndërsa me pompa bëhet zbrazja e bodrumeve, oborreve dhe objekteve të biznesit. Përmes numrit 112 janë pranuar shumë ankesa nga kjo zonë. Probleme janë regjistruar edhe në lumin Koselska pranë fshatit Livoishtë, ku uji i madh ka dëmtuar rrugën pranë urës drejt fshatit Vapila. Autoritetet kompetente janë njoftuar

Në Kërçovë, niveli i lumenjve po ulet, por në disa lokacione gjendja mbetet kritike. Rreth 120 persona nga rruga “Prilepska” janë evakuuar dhe strehuar në palestrën sportive “Hristo Uzunov”. Gjatë ditës së nesërme do të bëhet vlerësimi i objekteve të dëmtuara.
Në rajonin e Tetovës, janë raportuar rrëshqitje të dheut në rrugët lokale drejt fshatit Gjermë dhe zonës Banjicë, të cilat janë të papërshkueshme për momentin. Komuna ndërhyn me mekanizim. Në Reçicë të Vogël është raportuar shembje e një muri mbajtës, ku ka pasur dëme materiale. Rasti po trajtohet nga shërbimet kompetente. Në Komunën e Zhelinës, është raportuar përmbytje e lumit Vardar në fshatin Strimnicë.

Në Ohër dhe rrethinën e tij, për shkak të reshjeve të dendura të shiut, ka bodrume, oborre dhe disa ndërtesa të përmbytura në qytet.

Disa përrenj janë dalë nga shtrati, ndërsa autoritetet lokale dhe stafi i krizës janë në terren, ndërsa ekipet e ndërmarrjeve publike „Vodoshted“ (Ujësjellësi), „Ndërtim të Ulët“ dhe „Komunalec“ ndërhyjnë dhe largojnë ujin, njofton Qendra për Menaxhim me Kriza (QMK).

Në Kërçovë dhe fshatrat përreth, ujë ka hyrë në bodrume dhe në disa pjesë të tokave. Disa banorë janë evakuuar dhe janë vendosur në objekte të përkohshme me ushqim dhe mbrojtje shëndetësore të siguruar. Ka përmbytje në disa përrenj dhe tokë bujqësore. Komuna dhe Kryqi i Kuq i Kërçovës sigurojnë strehim, ushqim dhe ilaçe, ndërsa „Komunalec“ ndërhyn në vendet e përmbytura dhe ekipet e ndihmës së shpejtë ofrojnë kujdes shëndetësor për personat e evakuuar.

Në rajonin e Manastirit, niveli i ujit në përrenjtë lokalë është rritur, duke shkaktuar përmbytje të shtëpive, oborreve dhe disa tokave bujqësore. Mekanizmi i komunave është në terren për të riparuar dëmet, ndërsa stafi i krizës organizon prioritetet për veprimet e ekipeve në terren.

“Në Tetovë dhe rrethinë ka raportime për shembje muri mbajtës dhe përmbytje lokale në përrenj. Shërbimet policore bëjnë inspektim në vendet e shembjeve, ndërsa mekanizmi i komunës ndërhyn për pastrimin e rrëshqitjeve dhe riparimin e dëmeve”, thonë nga QMK.

Në Gostivar dhe rrethinë janë regjistruar përmbytje në rrugë lokale dhe në disa fshatra. Ekipet e „Komunalec“ ndërhyjnë në vendet me infrastrukturë të përmbytur, ndërsa mekanizmi i Shërbimit për Menaxhimin e Ujërave (Vodoshted) del në terren për pastrimin e rrëshqitjeve dhe riparimin e dëmeve.

Sipas Qendrës për Menaxhim me Kriza, situata në pjesën më të madhe të territorit të Maqedonisë së Veriut është e qëndrueshme dhe pa ndërprerje.

Në Kumanovë, Likovë, Nagoriçan të vjetër, Kriva Pallankë, Rankovcë dhe Kratovë nuk ka dalje të lumenjve, dhe shërbimet komunale po e monitorojnë situatën.

Shkup, Strumicë, Veles, Kavadar, Negotinë, Sveti Nikollë dhe Shtip, nuk janë raportuar përmbytje ose rrëshqitje të dheut.

Megjithatë, në Ohër, janë raportuar bodrume, garazhe dhe oborre të përmbytura në disa lokacione, dhe Komuna e Ohrit dhe Shtabi i Krizave po veprojnë sipas raporteve.

Në Kërçovë, ndërtesat banesore në rrugën "Prilepska" janë përmbytur, dhe ekipet nga Komuna e Kërçovës, Instituti Shtetëror i Sigurimeve Shoqërore, Kryqi i Kuq dhe Ndërmarrja Publike e Shërbimeve "Komunalec" janë në terren për të evakuuar banorët e rrezikuar.

Në Strugë, është raportuar rrëshqitje dheu në rrugën nga fshati Tatesh në fshatin Mislodezhda, dhe Ndërmarrja Publike e Shërbimeve "Rrugët e Maqedonisë" po merr masa për sanim.

Në Manastir dhe Resnjë, është regjistruar një rrëshqitje dheu pranë fshatit Sirhan, ndërsa në fshatin Drmeni janë përmbytur dy oborre.

Reshjet e shiut vazhdojnë, dhe institucionet kompetente po monitorojnë vazhdimisht nivelet e ujit të lumenjve dhe gjendjen e terrenit.

Sipas informacionit të jashtëzakonshëm të Qendrës për Menaxhim me Kriza, që nga ora 17:00, situata në pjesën më të madhe të territorit të Republikës së Maqedonisë është stabile dhe pa ndërprerje të funksionimit të rregullt, pavarësisht reshjeve të dendura të shiut që e kanë përfshirë vendinn

Në Kumanovë, Likovë, Nagoriçan i vjetër, Kriva Pallankë, Rankovcë dhe Kratovë, nuk janë regjistruar dalje nga lumenjtë, as pasoja nga reshjet, dhe shërbimet kompetente komunale po e monitorojnë vazhdimisht situatën.

Në Shkup, Strumicë, Veles, Kavadar, Negotinë, Shën Nikollë dhe Shtip, nuk janë raportuar përmbytje ose rrëshqitje të dheut, dhe situata vlerësohet si stabile dhe nën kontroll.

Qendra për Menaxhimin e Krizave (QMK) raportoi herët këtë mëngjes për rrugë të vështira për t'u kaluar për shkak të reshjeve të dendura të borës, ngricave dhe përkeqësimit të ndjeshëm të kushteve të motit.

Si të vështira për t'u kaluar janë listuar:

Shkup - Tetovë;

Tetovë - Gostivar;

Mavrovë - Dibër;

Kërçovë - Ohër;

Kozjak - Shkup;

si dhe disa rrugë rajonale në pjesën perëndimore të vendit.

Në numrin e emergjencës 112 janë raportuar disa raste të automjeteve të bllokuara dhe një rrëshqitjeje nga rruga.

QMK u bën thirrje qytetarëve të ngasin me kujdes, të ndjekin rekomandimet e shërbimeve kompetente dhe të përdorin pajisje dimërore.

Për shkak të mbulesës së borës në rrugë, LAMM ka futur përdorimin e detyrueshëm të zinxhirëve të borës për të gjitha automjetet në seksionin Lisec - Kodra e Diellit nga ora 21:00 e 2 janarit 2026.

Masa është e detyrueshme për shkak të pjesëve të pjerrëta dhe kthesave të mprehta të qafës, ku mosrespektimi i rregullave shpesh shkakton bllokime dhe vonesa. Kontrollet e policisë do të intensifikohen, veçanërisht për shkak të frekuencës së shtuar të automjeteve gjatë periudhës së festave.

Komiteti për Hetimin e Aksidenteve Ajrore dhe Incidenteve Serioze (KHAAIS) ka nisur hetim pasi një avion i vogël sportiv u rrëzua dje në Liqenin e Mavrovës.

Kryetari i Komitetit, Marjan Prposki, në një deklaratë për MIA tha se ekuipazhi i avionit nuk ndodhet në rrezik për jetën. Ai shtoi se Komiteti ka marrë njoftim për rrëzimin e avionit sportiv të tipit Piper 28 rreth dje rreth orës 12:30, pas së cilës ekipet kanë dalë menjëherë në terren dhe kanë filluar hetimet.

“Avioni është në pronësi private dhe ka targa regjistrimi amerikane. Ekuipazhi nuk është në rrezik për jetën,” deklaroi Prposki, duke paralajmëruar se më shumë informacione nga hetimi do të publikohen në ditët në vijim.

Sektori për Punë të Brendshme (SPB) Tetovë njoftoi se dy persona janë dërguar në spitalin e Gostivarit për shkak të lëndimeve të marra gjatë rrëzimit të avionit sportiv në Liqenin e Mavrovës.

“Sipas raportimit, nga avioni në tokë kanë arritur të dalin dy shtetas të Kosovës, J.P. (41) dhe D.M. (64), i cili drejtonte mjetin fluturues. Ata kanë pësuar lëndime dhe janë transportuar në spitalin e Gostivarit për trajtim mjekësor,” deklaroi zëdhënësi i SPB Tetovë, Fatmir Rexhepi.

Në bisedë me zyrtarët policorë, D.M. ka deklaruar se për shkak të një problemi me motorin është detyruar të ulet në liqen.

Një aeroplan i vogël është rrëzuar në Liqenin e Mavrovës, njoftoi Qendra e Menaxhimit të Krizave, përcjell Telegrafi Maqedoni.

Ende nuk ka shumë detaje, përveç se në bord kishte dy persona, njëri prej të cilëve është lënduar.

"Incidenti është raportuar në numrin 112, dhe informacioni është përcjellë menjëherë nga QMK-ja te SPB-Tetovë, Ndihma e Shpejtë dhe Qendra Rajonale e Menaxhimit të Krizave për ndërhyrje emergjente", thonë nga QMK-ja./Telegrafi/

Qendra për Menaxhim me Kriza deklaruan sot se sipas informacioneve të marra deri në orën 12 nga qendrat rajonale, gjendja me reshjet në të gjithë shtetin është e qëndrueshme dhe pa pasoja të rëndësishme.

“Rajoni i Shkupit, Pollogut, Shtipit, Ohrit, Vardarit dhe Kumanovës – nuk ka ndërprerje të gjendjes së rregullt. Rajoni i Manastirit – niveli i ujit të lumit Dragor është ngritur, por pa rrezik nga derdhja. Rajoni i Strumicës – nuk ka reshje. Në Kratovë – reshje të dobëta dhe të kohëpaskohshme”, bëjnë të ditur nga QMK-ja.

Theksojnë se komunikacioni në vendkalimin kufitar Bogorodicë/Evzoni do të bllokohet në intervale të caktuara për shkak të grevës së fermerëve grekë, nga ora 10 deri në orën 14 dhe nga ora 18 deri në orën 22.

DPHM për pasdite paralajmëron stabilizim të motit dhe ulje të vranësirave. Temperaturat do të lëvizin nga 9 deri në 13 gradë, ndërsa në Shkup deri në 12 gradë.

Gjendja në zonat e përmbytura në vendbanimet e rajoneve jugperendimore dhe juglindore të vendit po përmirësohet.

Nivelet e lumenjëve në vend e sidomos në Resnje, Manastir dhe Demir Hisar janë në mënyrë të konsiderueshme të larta se mesatarja, ndërsa ekipet e Qendrës për Menaxhim me Kriza kanë arritur ti riparojnë dëmet në zonat e përmbytura dhe të kthejnë gjendjen në normalitet, ndërkohë janë pastruar edhe shembjet e dheut në disa akse rrugore në vend, informojnë nga QMK.

“Në Resnjë, Manastirë dhe Demir Hisar më nuk ka dalje nga shtretërit e lumenjëve, ndërsa niveli i ujit në të është dukshëm i ulët. Rrëshqitja e tokës në aksin rrugor Manastirë – Kërçovë respektivisht në fshatin Zheleznec është tërësisht e pastruar. Në Ohër, pas përbytjeve të disa bodrumeve dhe oboreve të gjitha shërbimet kompetente kanë intervenuar dhe kanalet e përmbytura për rreth tyre janë duke u pastruar dhe ç’bllokuar. Në Shkup, Shtip, Veles, Negotinë, Kavadarë, Shenë Nikollë, Strumicë, Tetovë dhe Kumanovë nuk ka denocime sa i përket daljes së ujit nga shtretërit e lumenjëve”, u shpreh Nade Vëçkova nga QMK.

Qendra për menaxhim me kriza (QMK) në informacionin për gjendjen me reshjet e dendura të shiut deri në orën 8 të mëngjesit, njofton se ka shtëpi dhe sipërfaqe bujqësore të përmbytura, si dhe rrëshqitje të dheut në rrugë në një pjesë të vendit.

Në Komunën e Resnjës, si pasojë e reshjeve të dendura, ka pasur daljen nga shtrati të lumenjve Bollnska dhe Istoçka në fshatrat Carev Dvor dhe Drmeni, duke shkaktuar përmbytjen e mbi 50 shtëpive, hapësirave magazinore, bodrumeve dhe tokave bujqësore.

“Janë angazhuar ekipe të ndërmarrjeve publike dhe kompani private me gjithsej 4 bagerë, 7 pompa për nxjerrje të ujit dhe disa pompa private shtesë. Në rrugët rajonale ka depozitime dheu, të cilat po pastrohen sipas përparësive. Niveli i Lumit Golema Reka është 2.1 m, me fillim të daljeve në disa oborre në fshatrat Dolna dhe Gorna Kisha Bardh. NP “Proleter” njofton për cilësi të dëmtuar të ujit në disa pjesë të sistemit të ujësjellësit – uji përkohësisht nuk rekomandohet për konsum. NJZP Resnjë ka ndërhyrë në fshatin Drmeni me 2 automjete dhe 5 zjarrfikës”, publikoi QMK në ueb faqen e saj

Edhe Komuna e Manastirit raporton disa ndërhyrje:

“NP Manastir ndërhyn në fshatrat nën Pelister: Nizhepole, Dihovë, Capari, Porodin, Zhaban, Lazhec, Mexhitlija, Ostrec, Graešnicë dhe Kishavë. NP “Niskogradba” dhe Ndërmarrja për Ujërat – Bregu i Fushës së Manastirit po ngritin argjinatura në lumin Dragor në zonën e Orizari Poshtëm. Në urën e lumit Dragor në hyrje të fshatit Karamani po pastrohen degë dhe mbeturina për rritje të kapacitetit të rrjedhës. HEC “Strezhevë” po pastron tubacionet e lumit të Caparskës që kalon përmes fshatrave Dolenci dhe Lera. Të gjithë mekanizmat ndërtimorë të NP dhe kompanitë private të angazhuara nga Komuna janë në terren dhe do të vazhdojnë punën edhe gjatë natës. Për shkak të ujit në rrugë, janë mbyllur rrugët Lera–Dolenci dhe drejt Caparit. Niveli i lumit Crna është rritur në 2.7 m (ora 15:30). NP Ujësjellësi Manastir punon për një defekt që ka shkaktuar ndërprerje të furnizimit me ujë nga Kravari deri në vendkalimin Mexhitlija. – Përmes numrit të vetëm emergjent E-112 janë raportuar disa bodrume të përmbytura, oborre të përmbytura, një pemë e rrëzuar dhe rrezik për dalje të kanaleve”, e transmeton QMK gjendjen në Manastir.

Në Komunën e Demir Hisarit: dalje e lumit Crna pranë fshatit Zhvan, me përmbytje të tokave bujqësore. Ekipet janë duke pastruar rrëshqitjet e dheut në rrugët lokale Bazerik dhe Virovë – të dy drejtimet janë të kalueshme.
Në Komunën e Prilepit, përmes E-112 është njoftuar për shembje të tavanit të një shtëpie në rr. “Kajmakçalan”, afër spitalit, si pasojë e reshjeve. Janë njoftuar shërbimet kompetente.

QRMK– Ohër: janë kryer disa ndërhyrje në ndërtesa dhe shtëpi të përmbytura; pas ndërprerjes së reshjeve gjendja është stabilizuar disi, megjithatë nivelet e lumenjve mbeten të larta.

Sipas QRMK– Kumanovë, në Kriva Pallankë dhe Kratovë janë pastruar disa rrëshqitje dheu në rrugët rajonale. Nivelet e lumenjve janë të rritura, por pa njoftime për dalje nga shtrati. QRMK– Strumicë: janë raportuar tre rrëshqitje dheu në rrugën Strumicë–Vallandovë, të cilat janë përcjellë menjëherë tek shërbimet kompetente.

QRMK– Shkup: nivelet e lumenjve janë të rritura, por gjendja është nën kontroll dhe nuk ka dalje nga shtrati.

Agjencia e Ushqimit dhe Veterinarisë (AUV) sot u bëri thirrje popullsisë në rajonet e prekura nga përmbytjet që të kujdesen për sigurinë e ushqimit, ujin e pijshëm dhe gjendjen shëndetësore dhe mirëqenien e kafshëve.
“Nëse në rajonet ku ka tashmë dalje nga shtrati të lumenjve dhe përmbytje të shtëpive dhe zonave bujqësore dhe furnizimi me ujë kryhet nga objekte individuale të furnizimit me ujë, nëse ka turbullira të dukshme të ujit, ai nuk duhet të përdoret për pirje dhe gatim, derisa situata të përmirësohet dhe derisa të merret konfirmim laboratorik se uji është i sigurt. Rregullisht të mbahet higjiena e duarve, veçanërisht pas kontaktit me ujin e përmbytjes ose objektet që janë përmbytur, pas pastrimit dhe para përgatitjes së ushqimit. Të ketë kujdes dhe mbrohet ushqimi i gatshëm në mënyrë që të mos bjerë në kontakt me ujin e përmbytjes ose ujërat e zeza”, thuhet në kumtesën.

Agjencia rekomandon që në amvisëritë e përmbytura, ushqimi që ka qenë në kontakt me ujin e përmbytjes, në frigoriferë, ngrirës ose bodrume të përmbytura, të mos përdoret për konsum, domethënë duhet të hidhet. Ushqimi duhet të përgatitet me ujë të sigurt dhe duhet të përpunohet termikisht në një temperaturë më të lartë se 70 gradë Celsius. Frutat dhe perimet që zakonisht përdoren të freskëta duhet të lahen shtesë, të pastrohen, të lahen përsëri dhe të përpunohen termikisht.

Nëse ka fëmijë të vegjël në amvisëritë e përmbytura, rekomandohet që ato të ushqehen me ushqim të përgatitur industrialisht.

Qendra për Menaxhim me Kriza njofton se për shkak të reshjeve të dendura, lumenjtë Bolnska dhe Istoçka kanë dalë nga shtrati në fshatrat Carev Dor dhe Drmeni, duke përmbytur mbi 50 shtëpi, magazina, bodrume dhe toka bujqësore.

Përmbytje janë regjistruar edhe në Dolna Bela Cërkva nga lumi Golema Reka (niveli i ujit 210 cm).

“Për shkak të reshjeve të dendura, në territorin e Komunës së Resnjës ka ardhur deri te dalja nga shtrati e lumenjve Bolnska dhe Istoçka në fshatrat Carev Dor dhe Drmeni, me ç’rast janë përmbytur mbi 50 shtëpi, hapësira magazinimi, bodrume dhe tokë bujqësore. Përmbytje janë evidentuar edhe te fsh. Dolna Bela Cërkva nga dalja e lumit Golema Reka, niveli aktual i ujit i së cilës është 210 cm. Janë angazhuar ekipe të ndërmarrjeve publike, “Makedonija Pat”, NPK “Proleter”, si dhe mekanizime private – gjithsej 7 pompa për nxjerrje të ujit dhe disa eskavatorë për pastrim dhe ndërhyrje. Në lagjen Cërkvishte po përdoren të gjitha pompat e disponueshme për sanimin e objekteve të përmbytura. NP “Makedonija Pat” informon se në disa seksione rrugore ka depozitime dheu, të cilat po pastrohen sipas prioritetit”, thonë nga QMK.

Qendra për Menaxhimin e Krizave në një njoftim për media thotë se për shkak të reshjeve intensive të shiut në pjesë të Maqedonisë Perëndimore, veçanërisht në rajonin e Pollogut dhe Komunën e Tetovës, janë vërejtur probleme me përthithjen e kanalizimeve atmosferike dhe fekale në pjesët urbane të qytetit.

Kjo ka çuar në grumbullim dhe krijim të sipërfaqeve me ujë nën nënkalimet dhe mbikalimet.

"Apelojmë për kujdes të shtuar gjatë lëvizjes nëpër rrugë dhe shmangie të qarkullimit drejt pjesëve të lartpërmendura të infrastrukturës rrugore.Ekipet kompetente janë në terren dhe po punojnë aktivisht për tejkalimin e gjendjes", thonë nga QMK.

Qendra për Menaxhim me Kriza ka njoftuar se në numrin e thirrjeve emergjente 112 në QMK është raportuar zhdukja e dy personave femra, shtetase polake, në shpatet e Vodnos.

“Pas marrjes së raportimit, nga ana e qendrës operative kujdestare të QMK menjëherë janë njoftuar Ministria e Punëve të Brendshme për formimin e një ekipi special kërkimi, si dhe Kryqi i Kuq, pas çka ka filluar kërkimi, ndërsa një ekip për mbrojtje dhe shpëtim nga DMSH tashmë është nisur drejt lokacionit ku janë humbur personat”, thuhet në njoftimin e QMK-së.

Drejtoria për Mbrojtje dhe Shpëtim, informon se është shuar plotësisht zjarri në deponinë në Haraçinë, që dje pasdite ka shpërthyer edhe pse ende mund të vërehet tym nga disa vende.

Pas shuarjes disaorëshe me shkumë speciale, zjarrfikësit e Shkupit kanë arritur ta shuajnë plotësisht zjarrin në deponinë afër Haraçinës edhe pse ende mund të vërehet tymë nga disa vende.

Sipas Qendrës për Menaxhim me Kriza, nga ora 7:00 këtë mëngjes në territorin e shtetit ka gjithsej 25 zjarre në ambient të hapur, njëri prej të cilëve është aktiv, pesë janë nën kontroll, ndërsa 19 janë shuar. Aktiv është vetëm zjarri në Komunën Dollnen në fshatin Dollgaec afër vendit të quajtur Tutunica ku digjet vegjetacion i ulët.

Nën kontroll janë zjarret në Komunën e Prilelit: fshati Dabnicë dhe vargmali Tre bagremë (bimësi e ulët dhe mbeturina); Komuna e Gjevgjelisë: Mali Kozhuf (zjarr nëntokësor); Komuna e Studeniçanit: fshati Malçishtë – fshati Osinçan (bimësi e ulët dhe pyll i degraduar); Komuna e Çuçer Sandevës dhe Likovës: fshati Malinë, fshati Tanush[ dhe fshati Llukar (pyll i përzier); dhe Komuna e Dellçevës: deponia e Dellçevës Ostrec (deponi).

Zjarret në Komunën e Butelit janë shuar në deponinë e Vizbegut (djegie mbeturinash); dhe në bul. Bosnjë dhe Hercegovinë (bimësi e ulët); Komuna e Çairit pranë Ujësjellësit të Shkupit (bimësi e ulët); Komuna e Makedonski Brod mbi fshatin Bençe në malin Dobra Vodë (pyll lisi dhe fier); Komuna e Shtipit, fshati Luboten (djegie e bimësisë së ulët që prek 1 shtëpi dhe 3 hambare); Komuna e Shtipit, fshati Vidovishtë (bimësi e ulët); Komuna e Demir Hisarit, fshati Suvodol (bimësi e ulët dhe mbeturina); Komuna e Petrovecit, fshati Rzhaniçino – fshati Taor (bimësi e ulët dhe kallamishte); Komuna e Manastirit, fshati Ushici (mbeturina); Komuna e Krivogashtanit, fshati Podvis (bimësi e ulët); Komuna e Kërçovës 1: Kërçovë (deponi); fshati Popovjan (kashtë); dhe fshati Zajas (kashtë); Komuna e Tetovës pas Qendrumit (arë); Komuna e Zhelinës, rruga e vjetër Tetovë-Zhelinë (goma); Komuna e Kumanovës, fshati Lubodrag (bimësi e ulët dhe kashtë); Komuna e Gjevgjelisë, fshati Davidovë (kufij dhe kashtë); Komuna e Haraçinës, fshati Haraçinë (deponi); dhe Komuna e Nagoriçanit të Vjetër: fshati Rugincë (bimësi e ulët).

Shoferi i cisternës së naftës që u përfshi nga flakët këtë mëngjes pasi doli nga rruga Gjevgjeli-Bogdanci, pësoi lëndime të lehta, ndërsa po vazhdon largimi i sigurt i karburantit të derdhur, kumtoi drejtori i Drejtorisë për Mbrojtje dhe Shpëtim, Stojançe Angellov.

Ai më herët informoi se zjarri është shuar shpejt nga zjarrfikësit, ndërsa për shkak incidentit komunikacioni në rrugën Gjevgjeli-Bogdanci është ndërprerë.

“Në mëngjes, kamioni cisternë i cili transportonte 25 ton naftë doli nga rruga magjistrale Gjevgjeli-Bogdanci, pas çka erdhi deri te përmbysja e saj, ndërsa gjatë përmbysjes, erdhi deri tek shpërthimi i cisternës në të cilën ishin të depozituara këto 25 ton naftë. Nafta filloi të rrjedhë, deri te përplasja erdhi sipas të gjitha gjasave ndezja e saj, pas çka u ngrit tym i zi që shkaktoi alarm tek popullata lokale”, tha Angellovi në video deklaratë.

Angellovi thekson se menjëherë pas përmbytjes së cisternës, në vendngjarje dolën pjesëtarë të MPB-së, ndërsa të pranishëm ishin edhe inspektorë nga DMSH dhe nga Ministria e Mjedisit Jetësor.