Rritja reale e parashikuar prej 3.8% për vitin 2025 është realisht e arritshme. Të ardhurat tatimore do të realizohen sipas planit, dhe dixhitalizimi është faktori kyç në rritjen serioze të shpenzimit efikas të parave buxhetore, thotë Ministrja e Financave, Gordana Dimitrieska-Koçoska në një intervistë për revistën mujore "Ekonomia dhe Biznesi".
"Rritja reale e parashikuar për vitin 2026 është 3.8% dhe besoj se është realisht e arritshme. Por, sigurisht, ne po e monitorojmë situatën në nivel global dhe po marrim parasysh të gjitha rreziqet. Kjo është arsyeja pse buxheti për vitin 2026 nuk është parashikuar me një skenar optimist, por do të thoja përkundrazi, me shumë kujdes, madje edhe në mënyrë konservative. Jam i vetëdijshëm se nuk ka më fonde rezervë (tamponë) në buxhet që mund të përdoren në kohë krize, qeveria e mëparshme përdori gjithçka që kishte mbetur për situata krize dhe nuk arriti të konsolidohej siç bënë vendet fqinje. Kjo është arsyeja pse parashikimet janë shumë të kujdesshme.
Ajo që, sigurisht, mbetet është fakti se BPV-ja nominale e parashikuar e këtij viti do të jetë mbi pritjet tona, gjë që lë hapësirë për vitin e ardhshëm në aspektin e shprehjes së borxhit publik dhe deficitit si përqindje. Sa i përket të ardhurave tatimore, besoj se ato do të arrihen sipas planit dhe nuk ka rreziqe këtu", thotë Ministrja.
Ajo thekson se nuk do të ketë ndryshim në taksa, dhe se ky është një premtim nga programi zgjedhor, por se do të hapen të gjitha ligjet në fushën e taksave dhe doganave për të parë se ku ka mospërputhje./Telegrafi/
Ky partneritet nuk është vetëm mbështetje, por një proces afatgjatë në forcimin e institucioneve, rritjen e ekspertizës dhe krijimin e sistemeve moderne të cilat do të sigurojnë financa publike transparente, të parashikueshme dhe përgjegjëse, theksoi ministrja e Financave Gordana Dimitrieska Koçoska, duke u kthyer në bashkëpunimin me Ministrinë e Financave të SHBA-së përmes Zyrës së tyre për ndihmë teknike (OTA).
Dimitrieska-Koçoska theksoi se bashkëpunimi me Thesarin e SHBA-së në pjesën e sektorëve Buxhet dhe Thesar ka rrënjë të thella dhe se sistemi ynë për planifikim buxhetor fillimisht është zhvilluar me ndihmën teknike të SHBA-së në periudhën nga viti 2004 deri në 2008 dhe paraqet bazë mbi të cilën sot ndërtojmë një menaxhim bashkëkohor me financat publike.
Duke u kthyer në punën e viteve të kaluara, ministrja e Financave tha se veçanërisht të rëndësishme janë misionet e realizuara në menaxhimin me paratë e gatshme, trajnimet fillestare për kontabilitet dhe pilot-projekti për konsolidimin e librit kryesor. Nga shtatori në mënyrë aktive po punohet në rishikimin e klasifikimit të programeve dhe tashmë janë trajnuar 65 përfaqësues nga 29 institucione për buxhetim programor dhe indikatorë për rezultate, ndërsa në periudhën e ardhshme bashkëpunimi duhet të vazhdojë përmes përgatitjes së akteve nënligjore nga Ligji për buxhete, një format i ri i Buxhetit, zhvillimi i indikatorëve të matshëm për performanca dhe konsolidimi i mëtejshëm i librit kryesore si reformë strategjike për financa publike transparente.
Në sektorin për sistem financiar, Dimitrieska-Koçoska theksoi se gjatë vitit 2024 u realizuan disa misione që synonin modelet e mbikëqyrjes së integruar, aftësitë mbikëqyrëse dhe mbrojtjen e konsumatorëve dhe se për momentin po punohet në procesin e ri për mbledhjen e të dhënave, përditësimin e profileve të rrezikshme dhe trajnime për mbikëqyrje të bazuar në rrezik, i clii deri në fund të vitit do të zbatohet plotësisht.
Në fushën e menaxhimit me borxhin publik, në vitin 2023 u nënshkrua Memorandum mirëkuptimi me OTA me qëllim të progresit në menaxhimin me borxhin publik dhe zhvillimin e tregut të letrave shtetërore me vlerë. Fokusi është drejtuar në zhvillimin e një platforme të re ankandi, zhvillimin e tregut të letrave shtetërore me vlerë dhe menaxhimin aktiv të portofolit të borxhit publik.
“Partneriteti mes Maqedonisë dhe SHBA-së në fushën e financave publike nuk është bashkëpunim administrativ, por një investim afatgjatë në standardet, integritetin institucional dhe transparencën. Këto programe drejtpërdrejtë kontribuojnë për institucione më efikase, menaxhim më të mirë me burimet, ulje të rreziqeve dhe mbrojtje më të madhe të qytetarëve”, theksoi Dimitrieska Koçoska.
Në vitin 2026 do të vazhdojmë strategjinë e rritjes së qendrueshme, me shpenzime publike efikase dhe standard më të mirë jetese. Me Propozimbuxhetin e plotësuar do të vazhdojë stabiliteti makroekonomik dhe konsolidimi fiskal, do të sigurohet rritje ekonomike, si dhe servisimi i të gjitha detyrimeve, përfshirë edhe pagesën e fletobligacioneve, tha ministrja e Financave Gordana-Dimitrieska Koçoska në debatin për plotësim të Buxhetit për vitin 2026, e cila prej sot po shqyrtohet në seancë plenare në Kuvend.
Ajo theksoi se Buxheti për vitin 2026 është planifikuar si instrument real dhe i konsoliduar për menaxhimin me përgjegjësi të financave publike, me nivel të qëndrueshëm të deficitit dhe të borxhit publik.
Siç tha ajo, vitin e ardhshëm do të vazhdohet me uljen e deficitit buxhetor, stabilizimin e borxhit publik dhe përforcimin e besimit te investitorëve të brendshëm dhe të jashtëm, ndërsa çelësi për këtë është arkëtimi efikas i të hyrave, formalizmi i ekonomisë joformale dhe përdorimi i kujdesshëm, i kontrolluar dhe kursimtar i mjeteve publike.
“Buxheti është përpiluar me vizion të qartë, me qasje të përgjegjshme ndaj financave publike dhe me qëllim që çdo denar nga paratë e qytetarëve të adresohet atje ku do të sjellë kthim më të madh për qytetarët dhe ekonominë. Buxheti i vitit 2026 është përgatitur në bazë të rezultateve ekonomike të pritura dhe trendeve pozitive. Menaxhuam llogarinë mbi realitetin në projeksione, ekonomi dhe planifikime efektive, me qëllimin që të sigurojmë zhvillim të qëndrueshëm, funksionim të rregullt të institucioneve dhe pagesën në kohë të të gjitha detyrimeve.
Ky Buxhet nuk është vetëm dokument me numra dhe tabela - është mesazh ekonomik i stabilitetit, besimit dhe zhvillimit.
Konfirmim i qartë i menaxhimit të përgjegjshëm të financave publike që kemi krijuar dhe po i vazhdojmë me tej me kapacitet të plotë”, tha Dimitrieska-Koçoska, e cila kujtoi edhe arritjet në ekonomi në tremujorin e tretë, kur u shënua rritje prej 3.8%, që paraqet rritjen më të lartë në vitet e fundit./Telegrafi/
Një projektvendim për rishpërndarjen e fondeve midis përdoruesve të buxhetit dhe fondeve është paraqitur në Parlament, dhe Ministrja e Financave Gordana Dimitrieska Koçoska, në përgjigje të pyetjes së një gazetari në konferencën e sotme për shtyp, tha se kjo nuk po bëhet sepse nuk ka para në Fondin e Shëndetësisë për të paguar lejen e lindjes dhe pagesën për nënat e reja.
"Nuk e di që pagesa për nënat lehona të vonohet me dy muaj, as nuk kam informacion të tillë. Përkundrazi, Fondi i Shëndetësisë gjithmonë i jep përparësi pagesës së këtyre mjeteve. Dikush gjithmonë mund të thotë diçka se po i ndodh personalisht. Ndoshta është një grua që sapo ka lindur, kështu që për shkak të procedurës me dokumentet, mund të vonohet me një ose dy muaj. Duhet t'i shohim ata të tjerët që janë në sistem, dhe të shohim nëse janë vonuar apo jo", tha ministrja.
Dimitrieska-Koçoska shtoi se është zakon që fondet nga buxheti të rialokohen në fund të një viti dhe se një pjesë e madhe e 200 milionë eurove që do të rialokohen do të shkojnë te "Bechtel and Enka" për ndërtimin e korridoreve 8 dhe 10d.
Me metodologjinë e re për evidentimin e investimeve kapitale deri më datë 13 nëntor, ato kanë shënuar rritje prej 47,4 për qind, deklaroi ministrja e Financave, Gordana Dimitrieska – Koçoska.
Gjatë pjesëmarrjes në TV Sitel, ajo tha se për vitin 2025 ka një sasi të lartë të shpenzimeve të projektuara kapitale dhe njëherësh ka një realizim të madh.
“Ajo që duhet të bëjmë gjithmonë është të bëjmë krahasimin me vitet e kaluara. Ju e dini që kemi ndryshuar metodologjinë në mënyrën e evidentimit të shpenzimeve kapitale. Krahas faktit që ndryshuam metodologjinë, këtë vit kemi një realizim, deri më 13 nëntor- 22 miliardë e 151 milionë denarë, kundrejt 19 miliardë nga viti i kaluar. Megjithatë, nëse shtojmë ose përshtatim metodologjinë për dy vitet që të jetë e njëjtë, atëherë këtë vit kemi një realizim prej 28 miliardë, ose 47,4 për qind më shumë”, tha Dimitrieska – Koçoska.
Norma preferenciale e TVSH-së prej pesë për qind për banesat e sapondërtuara do të vlejë edhe pas 1 janarit, bëri të ditur ministrja e Financave Gordana Dimitrieska-Koçoska.
“Para një muaji e shprehëm qëndrimin tonë, por ishte e nevojshme të kryhen analiza dhe hulumtime shtesë të tregut, jo vetëm në Maqedoni, por edhe në krahasim me vendet e tjera. Bazuar në ato rezultate, propozuam që norma prej 5 për qind të edhe më tej. Gjithashtu jemi në proces të ndryshimit dhe plotësimit të të gjithë Ligjit për TVSH-në, ku do të propozojmë modalitete të caktuara që do të zbatohen në të ardhmen”, theksoi Dimitrieska-Koçoska në TV24.
Potencoi se për momentin nuk ka kushte për zbatimin e një norme më të lartë, veçanërisht duke pasur parasysh se disa qytetarë kanë paguar fonde avancë ndërsa objektet janë në ndërtim.
“Që të mos dëmtohet asnjë qytetar, nevojitet një procedurë e plotë dhe e përcaktuar qartë. Për momentin nuk ka mundësi për një gjë të tillë dhe për këtë arsye propozuam të vazhdojë të vlejë ai nen që thotë se norma preferenciale prej 5 për qind do të mbetet edhe më tej”, theksoi Dimitrieska-Koçoska.
Shtoi se edhe në vendet me norma më të larta të përgjithshme të TVSH-së, trajtimi tatimor i banesave është më i ulët, në këtë rast duke theksuar se në Slloveni norma e rregullt e TVSH-së për banesat është 9,5 për qind.
Dimitrieska-Koçoska paralajmëroi se në Ministrinë e Financave po punohet për ndryshime gjithëpërfshirëse ligjore në rregulloren tatimore, por se nuk do të ketë ndryshim në normat e taksave.
“Po i hapim ligjet një nga një. Së pari, tatimi mbi fitimin dhe tatimi personal, dhe më pas do të përfshihen edhe segmentet e tjera. Direktivat do të jenë përparësia jonë mbi bazën e të cilave do të harmonizojmë ndryshimet ligjore. Në këtë moment nuk do të ketë ndryshim në normat e taksave”, thotë Dimitrieska-Koçoska.
Buxheti i vitit 2026 është realist, i zhvilluar dhe çdo artikull është projektuar me shumë kujdes. Rritja është parashikuar në 3.8%, dhe deficiti buxhetor në 3.5% të BPV-së, që është në përputhje me angazhimin për konsolidim fiskal. Këtë e theksoi Ministrja e Financave Gordana Dimitrieska-Koçoska në "RTVM".
"Fakti është se Buxheti i vitit 2026 është i zhvilluar. Me kolegët e mi në Ministrinë e Financave, arritëm të marrim maksimumin në aspektin e projektimit të një buxheti individual për secilin institucion, dhe në të njëjtën kohë duke marrë parasysh se duhet të kemi një buxhet të zhvilluar, duhet të kemi konsolidim fiskal, por në të njëjtën kohë duhet të shikojmë detyrimet e secilit prej institucioneve që janë të regjistruara në sistemin e Ministrisë së Financave dhe t'i marrim ato parasysh dhe të përfshijmë prioritetet e Qeverisë", tha Ministrja e Financave.
Ajo theksoi se përmes masave të konsolidimit fiskal dhe kontrollit më të madh të anës së shpenzimeve siç parashikohet në Buxhetin e vitit 2026 dhe vazhdimit të rezultateve pozitive në sektorin e BPV-së, do të kemi edhe një ulje të borxhit publik.
Siç shpjegoi, vitin e ardhshëm, fondet do të sigurohen në tregjet vendase dhe ndërkombëtare për të shlyer detyrimet e krijuara nga qeveria e mëparshme, përfshirë eurobondin e lëshuar në vitin 2020 dhe kredi të tjera, dhe se huamarrja e re do të jetë ajo që nevojitet për të financuar deficitin buxhetor./Telegrafi/
Projektimet ekonomike të vjeshtës të Komisionit Evropian, që u publikuan dje, janë sinjal i qartë se po lëvizim në drejtim pozitiv, vlerëson Ministrja e Financave, Gordana Dimitrieska-Koçoska.
Në postimin e saj në Facebook, ajo thekson se projeksioni i rritjes së ekonomisë së Maqedonisë së Veriut është rritur për vitin 2025 dhe 2026, që është konfirmim i stabilitetit, qëndrueshmërisë dhe besimit në politikat tona ekonomike.
Siç thuhet në postim, në këtë Raport vërehet se në gjysmën e parë të vitit, rritja e PBB-së ishte më e lartë sesa pritej, e mbështetur nga investimet, konsumi privat dhe performanca e përmirësuar e eksportit.
"Investimet në infrastrukturë dhe sektorin privat pozicionohen si nxitës të rritjes në vitet e ardhshme, ndërsa stabilizimi i inflacionit përforcon më tej parashikueshmërinë ekonomike. Paralelisht me këtë, realizimi i projekteve të mëdha infrastrukturore dhe zbatimi i reformave nga Plani i rritjes së Ballkanit Perëndimor i BE-së do të kenë kontribut më të madh dhe më të shpejtë në zhvillim", shkruan Gordana-Koçoska.
Siç shkruan ministrja, këto janë sinjale pozitive nga KE-ja të cilat janë nxitje e fortë për të vazhduar politikat e përgjegjshme që përforcojnë ekonominë dhe përmirësojnë standardin e jetesës së qytetarëve.
“Si Qeveri dhe si Ministri e Financave, mbetemi të përkushtuar në financa publike të qëndrueshme, investime dhe reforma të fokusuara që përshpejtojnë zhvillimin ekonomik”, thekson ministrja.
Njëkohësisht, në Raportin e vjeshtës së KE-së, projeksioni për rritjen ekonomike për vitin 2025 është 3.2% dhe është rritur për 0.2 p.p. krahasuar me raportin paraprak. Gjithashtu, KE-ja projeksionin për vitin 2026 e rishikoi në nivel me të lart, përkatësisht është rritur në 3.3%, ndërsa për vitin 2027 parashikohet rritje prej 3.3%.
Ministria e Financave, Gordana Dimitrievska-Koçoska tha sot se propozim buxheti i vitit 2026, nuk është vetëm një dokument me numra dhe tabela, por është një mesazh ekonomik për stabilitet, besim dhe zhvillim, si dhe dëshmi e qartë për menaxhimin e përgjegjshëm të financave publike që e kemi vendosur dhe po e vazhdojmë me kapacitet të plotë.
“Buxheti për vitin 2026 është dëshmi se mundemi të menaxhojmë mënyrë të mençur, të disiplinuar dhe vizionare, edhe në kohë sfidash. Ky dokument flet për një ekonomi që rritet, për një shtet që investon dhe për një Qeveri që e di çfarë bën”, theksoi ministrja.
Ajo tha se nga Komisioni pret një diskutim të argumentuar, cilësor dhe produktiv.
Të ardhurat e përgjithshme në Propozim-buxhetin për vitin e ardhshëm janë projektuar në 374,7 miliardë denarë, shpenzimet në 413,9 miliardë denarë, ndërsa investimet kapitale në 40,5 miliardë denarë ose 650 milionë euro. Rritja ekonomike është projektuar në 3,8 për qind, inflacioni në 2,5, ndërsa deficiti buxhetor në 3,5 për qind nga PBB.
Seanca plenare, ku do të shqyrtohet Propozim-buxheti për vitin 2026, sipas paralajmërimeve, është planifikuat të mbahet më 9 dhjetor.
Sot, Qeveria miratoi Propozimin e Buxhetit të vitit 2026, ku sipas ministres së Financave Gordana Dimiritrieska-Koçoska, paraqet vazhdimin e trendeve pozitive në ekonomi, me qëllimin e qartë - arritjen e rritjes së përshpejtuar ekonomike dhe zbatimin e konsolidimit fiskal përmes disiplinës rigoroze fiskale.
“Politika fiskale e vitit 2026 do të orientohet në ruajtjen e stabilitetit makroekonomik dhe përkrahjen e aktivitetit ekonomik. Do të vazhdojmë me masat për zvogëlimin e ekonomisë gri dhe rritjen e inkasimit të të ardhurave buxhetore. Buxheti derivon nga projeksionet reale, respektivisht të ardhurat do të planifikohen sipas mundësive reale dhe shpenzimet do të orientohet drejt prioriteteve strategjike. Konsolidimi gradual fiskal dhe menaxhimi i disiplinuar i financave publike gjithashtu do të vazhdojnë për të pasur efikasitet dhe llogaridhënie më të madhe në shpenzimin e mjeteve buxhetore. Shpenzimet jothelbësore do të reduktohen dhe përkrahja për qytetarët dhe ekonominë do të zbatohet sipas kritereve të qarta dhe me monitorim të përforcuar”, theksoi ministrja. Të ardhurat e përgjithshme janë projektuar të jenë 374.7 miliardë denarë, ndërsa shpenzimet e përgjithshme janë 413.9 miliardë denarë.
"Me këtë, vazhdojmë me zbatimin rigoroz të disiplinës fiskale, ku rritja është më e theksuar në anën e të ardhurave sesa në atë të shpenzimeve. Në këtë mënyrë, deficiti buxhetor është 39.2 miliardë denarë, përkatësisht 3.5 të PBB-së, që paraqet ulje për 0.5 pikë përqindje krahasuar me vitin 2025”, tha ministrja e Financave.
Ajo theksoi se Ministria e Financave i derivon projeksionet e saj për vitin 2026 në kërkesat e propozuara buxhetore nga shfrytëzuesit buxhetorë, të udhëhequra nga parimet reale, menaxhuese ekonomike dhe efektive. Në këtë mënyrë, gjatë planifikimit janë marrë parasysh vetëm shpenzimet e domosdoshme me të cilat mundësohet funksionimi normal i institucioneve, si dhe sevisimi i rregullt dhe përmbushja e detyrimeve në të gjitha aspektet.
Siç theksoi ministrja Dimitrieska-Koçoska, një theks të veçantë në buxhet ka komponenti zhvillimor, i mbështetur me nivel të lartë të investimeve kapitale të projektuara në vlerë prej 40.5 miliardë denarë.
“Realizimi i projekteve kapitale të financuara nga buxheti që janë në fazë maturimi pritet të përshpejtohet, por në të njëjtën kohë pritet të fillojë edhe zbatimi i projekteve që janë paralajmëruar në infrastrukturën rrugore, hekurudhore, por edhe në shëndetësi dhe arsim. Kontribut pozitiv në investime pritet edhe nga realizimi i projekteve infrastrukturore në komuna gjatë periudhës së ardhshme. Pikërisht presim që këta projekte kapitale të bëhen shtytësi kryesor i rritjes ekonomike në vitin 2026, që është projektuar të jetë 3.8%. Rritja pozitive pritet të rezultojë nga rritja e investimeve private, si dhe nga konsumi privat i përkrahur nga rritja e pagave dhe pensioneve”, deklaroi Dimitrieska-Koçoska.
Në vitin 2026 me buxhetin e propozuar që u miratua nga Qeveria sigurohen pagesa të rregullta të pagave dhe pensioneve, si dhe transfertat sociale të vazhdueshme.
Siç theksoi ministrja, për transfertat sociale janë projektuar 206.3 miliardë denarë, që paraqet rritje prej 6.7%, për pagat 52.6 miliardë denarë, ose 7% më shumë se gjatë këtij viti, si dhe 116.8 miliardë denarë për pensionet, që paraqet rritje prej 9.7%.
Në kuadër të Takimeve vjetore të Bankës Botërore dhe Fondit Monetar Ndërkombëtar, ministrja e Financave, Gordana Dimitrieska-Koçoska u takua me zëvendëskryetaren rajonale të Bankës Botërore për Evropën dhe Azinë Qendrore, Antonella Bassani, drejtoreshën rajonale për Ballkanin Perëndimor, Xiaoqing Yu, drejtorin ekzekutiv, Eugene Rhuggenaath dhe udhëheqësen e zyrës së Bankës Botërore për Kosovën dhe Maqedoninë e Veriut, Carole Megevand.
Siç njoftojnë nga kabineti i ministres, bisedimet u përqendruan në zhvillimet makroekonomike dhe fiskale, progresin e realizimit të projekteve rrjedhëse, si dhe mundësinë e instrumenteve të reja financiare nga Banka Botërore për mbështetjen e reformave buxhetore dhe strukturore.
Fokusi kryesor i takimit ishin projektet që po realizohen aktualisht në Maqedoni, të cilat orientohen në përmirësimin e infrastrukturës, efikasitetin energjetik, dixhitalizimin, menaxhimin e financave publike dhe zhvillimin e kapitalit njerëzor. “Qeveria mbetet e përkushtuar ndaj disiplinës fiskale, reformave strukturore dhe përshpejtimit të rritjes ekonomike përmes investimeve në infrastrukturën publike dhe kapitalin njerëzor”, theksoi ministrja.
Banka Botërore e përgëzoi progresin e Maqedonisë dhe konfirmoi partneritetin e saj në realizimin e reformave dhe projekteve sipas kornizës së re të bashkëpunimit.
Kjo konfirmohet edhe me raportin e fundit të rregullt ekonomik të Bankës Botërore për Ballkanin Perëndimor, ku theksohet se rritja e ekonomisë së Maqedonisë pritet të arrijë në 3.1% në vitin 2025, që është përmirësim krahasuar me parashikimet e mëparshme. Banka thekson se Maqedonia ruan stabilitetin fiskal, me deficit buxhetor nën 3% dhe borxh publik me trajektore në rënie, gjë që krijon hapësirë për rritje të qëndrueshme dhe klimë të favorshme investimi.
Në këtë takim gjithashtu u bisedua edhe për projeksionet ekonomike dhe mundësitë për përmirësimin e tyre të mëtejshme përmes përforcimit të investimeve publike, rritjes së produktivitetit dhe mbështetjes për kompanitë e orientuara drejt eksportit. Në takim mori pjesë edhe guvernatori i Bankës Popoullore, Trajko Sllaveski.
Perspektivat e ekonomive të Maqedonisë dhe rajonit, mundësitë dhe sfidat me të cilat përballen kompanitë, zhvillimi i tregut të kapitalit, tendencat në transformimin digjital të kompanive, si dhe tema të tjera nga fusha e financave dhe bursave do të jenë në fokus të diskutimeve në kuadër Konferencës së 24-të të Bursës së Maqedonisë së Veriut, e cila tradicionalisht mbahet në Ohër.
Më shumë se 240 pjesëmarrës nga shtatë shtete, gjatë këtyre dy ditëve do të kenë mundësinë të dëgjojnë për trendet më të reja në fushën e menaxhimit të kompanive, funksionimit të bursës, lëvizjeve globale të kapitalit, si dhe përvojat e të tjerëve përmes 36 intervistave, prezantimeve, ligjëratave dhe analizave të ekspertëve mbi çështjet përkatëse.
Drejtori kryesor ekzekutiv i Bursës së Maqedonisë së Veriut, Ivan Shteriev, para fillimit të mbledhjes theksoi se gjatë tre tremujorëve të parë të këtij viti, qarkullimi në bursë është në të njëjtin nivel – rreth njëqind milionë euro – gjë që, sipas tij, është një arritje e mirë. “Lëvizjet e çmimeve vazhduan me një rritje të ngadaltë, indeksi kryesor i bursës MBI10 këtë vit është rritur me 2,5 për qind dhe po rritet në mënyrë të vazhdueshme. Nëse e krahasojmë vlerën e tij me atë të vitit para pandemisë, 2019, ai është rritur për 125 për qind, që është një performancë e shkëlqyer. Kjo tregon se, megjithëse po jetojmë në kohë të turbullirave gjeopolitike dhe sfidave makroekonomike, bursat dhe investitorët po tregohen rezistentë dhe kjo nuk po reflekton negativisht në funksionimin e tyre”, tha ai. Shteriev theksoi gjithashtu se çështja e nxitjes së ofertave të reja publike dhe e emetimit të letrave të reja me vlerë është sfida kryesore zhvillimore si për bursën kombëtare, ashtu edhe për bursat e tjera në rajonin më të gjerë.
Ministrja e Financave, Gordana Dimitrieska Koçoska, foli se shteti dhe Ministria përkatëse po punojnë në mënyrë aktive për të gjallëruar tregun e kapitalit në vend, si një burim potencial financimi, veçanërisht për kompanitë që kanë vështirësi në qasjen ndaj financimit tradicional, përkatësisht ndaj sektorit bankar.
Në periudhën në vijim, siç theksoi, përmes ndryshimeve në legjislacionin tatimor, por edhe në bashkëpunim me Bursën e Maqedonisë së Veriut përmes emetimit të aksioneve dhe obligacioneve, do të arrijmë të sigurojmë mjete shtesë për financimin e kompanive.
Programi i konferencës këtë vit përfshin tema të rëndësishme si: perspektivat e vendit dhe ato rajonale ekonomike, mundësitë dhe sfidat për IPO dhe rritje të kompanive vendore, zhvillimi i tregut të kapitalit përmes multifondeve dhe ETF-ve, rëndësia e bursave të vogla, ndikimi i standardeve të përditësuara për njoftim financiar dhe trendet në transformimin digjital të kompanive.
Ministrja e Financave, Gordana Dimitrievska-Koçoska në emisionin Biznes 21 në TV21 tha se po shqyrtojnë mundësinë që të gjejnë zgjidhje për kartonin e gjelbër, që nuk do të dëmtonte qytetarët, por edhe kompanitë e sigurimit.
Koçoska tha se heqja e tërësishme e kartonit të gjelbër do të nënkuptonte shtrenjtim të regjistrimit të automjeteve.
“Qytetarëve nuk u intereson heqja, respektivisht vendosja ose heqja e kartonit të gjelbër, sepse që t’ua sqarojmë qytetarëve…Kjo do të nënkuptonte që secili që do të shkojë të regjistrojë automjetin e tij, do të duhet të paguajë karton të gjelbër, pavarësisht nëse del nga shteti ose jo. Detyra e Ministrisë së Financave, siç thash më herët është të mbrojë qytetarët. Ne punojmë në këtë, në gjetjen e zgjidhjeve që do të ishte fer edhe për kompanitë e sigurimit, edhe për qytetarët, por gjithsesi jo në dëm të qytetarëve”, deklaroi Koçoska.
Do të përforcohet korniza rreth shoqërive financiare që japin kredi të shpejta, njoftoi ministrja e financave Gordana Dimitrieska Koçoska.
Ajo për "TV21" tha se gjatë vitit të kaluar është punuar seriozisht në forcimin e kontrollit mbi këto shoqëri.
Janë marrë dy licenca, janë shqiptuar gjoba dhe 37 vërejtje, pasi nuk kanë punuar sipas ligjit.
Kontrollet në terren e kanë konstatuar pikërisht atë për të cilën më së shumti ankohen qytetarët – se bëhen rob të borxhit, u arkëtohet më shumë nga sa është e lejuar me ligj. Ka pasur edhe raste me keqpërdorim të të dhënave, kur dikush tjetër merrte kredi të shpejtë në emrin e tyre.Dy licenca janë marrë, ja pikërisht tani po shoh, katër urdhër-kundërvajtje dhe gjoba janë konstatuar. Kemi informacione se çfarë ndodh në terren. Tani po përgatitet edhe një kundërvajtje tjetër për një shoqëri me shkelje serioze pikërisht në pjesën e llogaritjeve që i kanë bërë dhe mënyrën se si i kanë kalkuluar shpenzimet – në kundërshtim me ligjin. Normalisht edhe këtu qëllimi ynë është të mbrojmë para së gjithash qytetarët. Nuk ishte qëllimi direkt t’i mbyllim, sepse megjithatë qytetarët na janë prioritet në pjesën e mbrojtjes, pra dikush veçse kishte kthyer, kishte kthyer më shumë nga sa ligjërisht duhej”, tha Gordana Dimitrieska Koçoska, ministre e Financave.
"Treguesit ekonomikë në sektorë të caktuar më në fund po tregojnë rezultate pozitive. Më gëzon fakti që pas një kohe të gjatë, të dhënat e Produktit të Brendshëm Bruto (PBB) tregojnë se sektori privat është nxitësi kryesor i rritjes ekonomike në vendin tonë, me një pjesëmarrje veçanërisht të theksuar në ndërtimtari dhe bujqësi".
Kjo u theksua nga ministrja e Financave, Gordana Dimitrieska-Koçoska në emisionin “Biznes21” në "TV21", duke nënvizuar aspektin se sot, rritja nuk varet nga konsumi publik, por nga aktivitetet dhe investimet e kompanive private.
“Më shumë më inkurajon fakti që sektori privat po krijon mundësi të reja, duke investuar në zhvillim dhe duke stimuluar produktivitetin e ekonomisë. Ndërtimtaria po shënon rritje të dukshme, e cila ndikon drejtpërdrejt në zhvillimin e infrastrukturës, ndërsa bujqësia, pas shumë vitesh me rezultate negative, po tregon dinamikë pozitive gjatë dy tremujorëve të fundit. Ky është tregues i qartë se jemi në rrugën e duhur dhe se po arrijmë rezultate në përputhje me atë që kemi planifikuar si Qeveri”, potencoi ministrja.
Ministrja shtoi se, pavarësisht sfidave në sektorin publik dhe kufizimeve të tregut, kompanitë private vazhdojnë ta stimulojnë ekonominë, duke kontribuar në stabilitetin dhe qëndrueshmërinë e produktit të brendshëm bruto.
“Më shumë më gëzon fakti që rritja aktualisht gjenerohet nga sektori privat, i cili është shtytësi i ekonomisë e jo nga konsumi publik, siç ishte rasti në të kaluarën”, theksoi Dimitrieska-Koçoska.
Ministrja theksoi se Qeveria mbetet e përkushtuar për të krijuar kushte për zhvillimin e mëtejshëm të sektorit privat./Telegrafi/
Regjistri Qendror shënoi 24-vjetorin e themelimit të tij. Gjatë fjalimit të saj, ministrja e Financave, Gordana Dimitrieska-Koçoska vuri në dukje se Regjistri Qendror paraqet shtyllën e infrastrukturës ekonomike dhe juridike dhe është një nga hallkat e krijimit të klimës më të favorshme afariste, avancimit të transparencës dhe mbrojtjes së të drejtës dhe të drejtave të personave fizikë.
“Rrjetëzimi dhe krijimi i i përbashkët i kapaciteteve institucionale janë thelbësore për një shoqëri civile të fuqishme dhe aktive. Për të krijuar ekonomi tregu funksionale që janë themelet e njohurive, inovacioneve dhe të zhvillimit të qëndrueshëm, duhet të kemi institucione të fuqishme dhe klimë afariste të qëndrueshme. Prandaj, bashkëpunimi me Regjistrin Qendror ka rëndësi të veçantë”, theksoi ministrja Dimitrieska-Koçoska.
Ajo potencoi se në periudhën e kaluar, Regjistri Qendror ishte vendosur si institucion i besueshëm dhe bashkëkohor, i cili kishte rol të rëndësishëm në ndërtimin e sistemit institucional efikas, transparent, modern dhe se përmes udhëheqjes së regjistrave të ndryshëm është siguruar përkrahje e plotë për funksionimin e ekonomisë së tregut, mbrojtjen e investimeve dhe besimin institucional, si dhe në kontributin e rritjes së sigurisë juridike dhe zhvillimin më të shpejtë ekonomik.
Ministrja shtoi se për sigurimin e të dhënave statistikore dhe treguesve të ekonomisë shtetërore, që do të shfrytëzohen për përllogaritjen e indikatorëve për matjen e vëllimit dhe ndjekjen e rregullt të ekonomisë joformale, do të punohet në përsosjen e sistemeve për gjenerimin, ndjekjen dhe matjen e treguesve për subjektet juridike, që kanë ndikim në krijimin e klimës më të favorshme afariste për investitorët.
Dimitrieska-Koçoska theksoi gjithashtu rëndësinë e Regjistrit Qendror në luftën kundër ekonomisë gri, duke rritur disiplinën fiskale dhe avancimin e etikës afariste.
“Misioni i Ministrisë së Financave është që përmes menaxhimit të suksesshëm të financave publike të arrihet rritje më e lartë ekonomike dhe të përmirësohet cilësia e jetesës së qytetarëve të Maqedonisë dhe prandaj janë ndërmarrë një numër i madh iniciativash për rritjen e nivelit të edukimit financiar të popullsisë. Në këtë drejtim, i përgëzoj të gjitha iniciativat e sidomos të Regjistrit Qendror, me qëllim që ne si institucione të bëjmë gjithçka në procesin e inkurajimit të të rinjve për t’i udhëhequr bizneset e tyre”, theksoi ministrja e Financave, Dimitrieska-Koçoska.
Në këtë ceremoni mori fjalën edhe Kryeministri Hristijan Mickoski, ministri i Transformimit Dixhital, Stefan Andonovski dhe drejtoresha e Regjistrit Qendror, Anita Stamnova.
Ministrja e Financave, Gordana Dimitrieska-Koçoska së bashku me ministrat e Financave dhe Ekonomisë së Bullgarisë, Kroacisë, Hungarisë, Polonisë, Rumanisë, Sllovakisë dhe Sllovenisë sot në Zagreb nënshkruan Memorandumin e mirëkuptimit dhe bashkëpunimit për zhvillimin e tregut të kapitalit.
“Kjo iniciativë synon ta nxisë zhvillimin e përbashkët të tregjeve nacionale të kapitalit të vendeve pjesëmarrëse nëpërmjet bashkëpunimit më të ngushtë dhe harmonizimit të kornizës rregullatore, me qëllimin përfundimtar rritjen e likuiditetit dhe krijimin e tregjeve më të fuqishme, më të theksuara, më efikase dhe më konkurruese të kapitalit. Duke shfrytëzuar potencialin e plotë të tregjeve të kapitalit dhe sektorit më të gjerë financiar, vendet pjesëmarrëse synojnë t’i përforcojnë ekonomitë e tyre dhe ta thellojnë bashkëpunimin”, kumtoi Ministria e Financave.
Nënshkrimi i këtij memorandumi është ndërlidhja e Memorandumit të mirëkuptimit të nënshkruar në fund të vitit 2024 nga bursa e Bratisllavës, Bukureshtit, Budapestit, Lubjanës, Shkupit, Sofjes, Varshavës dhe Zagrebit, me qëllim të përforcimit të bashkëpunimit dhe integrimit të tregjeve të kapitalit në Evropën Qendrore dhe Juglindore, me përkrahjen e Bankës Evropiane të Rindërtimit dhe Zhvillimit (BERZH), e cila përkrah vazhdimisht këtë proces, përkatësisht iniciativën në fjalë.
Nga Ministria e Financave theksojnë se vendet që morën pjesë sot në nënshkrimin ceremonial të memorandumit konfirmuan ekzistencën e vullnetit dhe vizionit të përbashkët politik që orientohet drejt forcimit, efikasitetit dhe konkurrueshmërisë më të madhe të tregjeve të kapitalit në vendet e Evropës Qendrore dhe Juglindore.
Në këtë mënyrë konfirmohet angazhimi rreth këtij bashkëpunimi me theks në zhvillimin e tregjeve të kapitalit dhe ndërmarrjen e hapave të nevojshëm për forcimin e kapaciteteve të tregjeve të vendeve të Evropës Qendrore dhe Juglindore për financim, inkurajimin e investimeve dhe promovimin e rritjes së qëndrueshme ekonomike.
“Memorandumi është gjithashtu në harmonizim me objektivat e Bashkimit Evropian, në veçanti me Strategjinë e tij për unionin e kursimeve dhe investimeve, që synon t’i destinojë kursimet e amvisërive dhe kapitalit privat drejt tregjeve të kapitalit për t’i stimuluar investimet, veçanërisht në ndërmarrjet e vogla dhe të mesme, për t’i përmirësuar flukset ndërkufitare të kapitalit dhe për të ndërtuar një treg kapitali më të thellë, më likuid dhe më të qendrueshëm në suaza të Bashkimit Evropian”, informoi Ministria e Financave.
Të ardhurat e larta historike për korrikun, Drejtoria e doganave dhe Drejtoria për të ardhura publike kanë pagesë më të lartë mujore deri tani. Stabiliteti financiar dhe rritja e qëndrueshme ekonomike janë fokusi ynë dhe tani shihen rezultatet, që në vitin e parë të mandatit, njofton ministrja e Financave, Gordana Dimitrievska-Koçoska në profilin e saj në Facebook.
Dimitrievska-Koçoska thekson se në korrik, krahasuar me muajin e njëjtë të vitit të kaluar, të ardhurat nga tatimet dhe kontributet shënojnë rritje prej 7,4 për qind, të ardhurat nga akcizat shënojnë rritje prej 5,7 për qind, ndërsa të ardhurat nga shpenzimet për import shënojnë rritje prej 19,2 për qind.
“Këto janë rezultatet e punës efikase, të përgjegjshme dhe profesionale. Vazhdojmë me përkushtim, me përkrahje për ekonominë dhe kujdes për çdo denar të qytetarëve”, nënvizon ministrja.
Duhet së pari të shohim ofertat, të marrim kushtet, të projektojmë, dhe pastaj të flasim nëse është e dobishme apo jo, tha ministrja Gordana Dimitrieska Koçoska në pyetjen e deputetit Elmi Aziri në seancën e sotme parlamentare në lidhje me shumën prej 1.9 miliard euro për ndërtimin e hekurudhës së shpejtë nga Tabanoci në Gjevgjeli.
Aziri i cili është pjesë e koalicionit të Frontit evropian, nga foltorja theksoi se ka pretendime të ekspertëve që tregojnë se ky projekt do të kushtojë dyfish më shumë dhe nuk ka justifikim ekonomik. Sipas Azirit, investimi që do të bëhet pjesë e memorandumit me Mbretërinë e Bashkuar nuk do të jetë i mjaftueshëm, pasi, siç tha, priten të ardhura prej 120 milionë eurosh.
Ministrja e Financave, Dimitrieska Koçoska theksoi se projektet për të cilat deputeti pyet janë nën ingerenca të Ministrisë së Transportit dhe Lidhjes, por theksoi se opsionit për rikonstruimin e hekurudhës ekzistuese, do të ndalej transporti për një periudhë prej pesë vitesh dhe kompanitë që e përdorin atë do të ishin të detyruara të kërkojnë zgjidhje të tjera, më të shtrenjta.
“Në vazhdim flisni për shumën që ju thoni se do të jetë më e madhe se dy miliardë euro, në vend që të tregoni cila janë ato pika kritike. Ministria e Financave ra dakord dhe bëri që të financohet në mënyrë projektore. Detyra jonë është të përshtatim vitet e financimit, shlyerjen, grejs periudhën, nga tërheqja e fondeve, kur do të krijohen të ardhurat e para dhe sa kohë do të jetë e nevojshme për të shlyer”, tha Dimitrieska Koçoska.
Ajo në përgjigjen e pyetjes së deputetëve theksoi se për këto arsye janë dërguar kërkesa për oferta në 24 institucione që kanë shprehur interes të madh dhe, siç theksoi, mund të zgjatet afati për dorëzimin e ofertave.
Dimitrieska Koçoska e mohoi se ka dhënë ndonjë informacion në lidhje me mundësinë e fitimit prej 120 milion eurosh që NP “Hekurudhat” mund ta realizojë nga transporti dhe përdorimi i hekurudhës së re.
Në procesin e shqyrtimit të dokumentacionit të projektit, për të shfaqur interes për financimin e projektit të ndërtimit të hekurudhës së shpejtë përgjatë Koridorit 10, ka 24 subjekte. Nga ato, 22 banka kanë marrë një kërkesë zyrtare për dorëzimin e ofertave. Përveç kësaj, edhe dy banka të tjera – NLB Sllovenia dhe një bankë nga Dubai – kanë shprehur interesim. t
“Institucionet e forta janë motori i vërtetë i ndryshimit të qëndrueshëm. Ato e shndërrojnë vizionin në rezultate”, theksoi Ministrja e Financave Gordana Dimitrieska-Kochoska në seancën përmbyllëse të Takimit Vjetor të Bordit të Forumit CEF, që u mbajt në Beçiq të Malit të Zi.
Në fjalën e saj, Ministrja theksoi se zhvillimi institucional nuk është një shtesë në reforma, por themeli i tyre.
Ajo theksoi se institucionet publike duhet të jenë të orientuara strategjikisht, të veprojnë me integritet dhe të reagojnë me shkathtësi ndaj sfidave, veçanërisht në menaxhimin e financave publike.
“Aftësia jonë për të zbatuar reformat nuk varet vetëm nga strategjitë dhe planet e veprimit, por nga kapaciteti dhe qëndrueshmëria e institucioneve që zbatojnë këto ndryshime”, theksoi Dimitrieska-Koçoska.
Në Forum, Dimitrieska-Koçoska theksoi gjithashtu rëndësinë e dialogut rajonal dhe të mësimit të përbashkët, duke shprehur mirënjohje për partnerët ndërkombëtarë për mbështetjen e tyre përmes asistencës teknike, këshillave dhe programeve të ndërtimit të kapaciteteve./Telegrafi/
Login
