Dy ish-partnerët, Alba Pollozhani dhe Lim Hoti, duket se u pajtuan ditën e djeshme (e diel).

Por duket se banorja është e pakënaqur me trajtimin e Limit gjatë qëndrimit të tyre në shtëpi.

Ajo në një bisedë me të, i thotë se po i bën gjërat vetëm për vëmendje.

"Ti me gjërat që po i bën, vazhdo funksiono për kamerat dhe protagonizëm. Po më bën mua triko lojëra. S'ka më. Jeto i lumtur këtu, shko krijo histori romantike me tjetrën", u shpreh ajo.

Tutje tha që po trajtohet si lodër nga Limi dhe se po bën sërish gjeste me femrat e tjera.

"Kam dalë femër e fëlliqur me këto që po bën ai. Nuk jam unë për t'u trajtuar si lojë këtu", theksoi tutje.

E njëjta e ka përmendur sërish se do të largohet nga ky format, për të lënë atë të bëjë çfarë të dojë. /Telegrafi/

DJ Gimbo pak muaj më parë deklaroi në një emision se nuk është për Big Brother.

Kjo pasi është temperament dhe nuk do të bënte për një program të tillë.

"Nuk bëhet ajo punë. Nuk është fer të fitohet dy herë. Nuk bëhet se jam një natyrë pak më ndryshe, Gjesti është pak më i qetë si unë. Kam temperament më shumë", ishte shprehur ai për Canape.

Tutje tha: "është najs emision i mirë, trip, por jo për mua. Kam frikë nga temperamenti im. Nuk e di a më kanë ftuar a jo, por nuk bëhet".

E duket se i njëjti ka rënë në kundërshtim me atë që ka thënë pasi tani u bë pjesë e edicionit të pestë të Big Brother VIP Albania.

Ai të shtunën u fut në shtëpinë më të famshme në Shqipëri, zyrtarisht si banor.

Duket se DJ ka ndryshuar mendje dhe se ka vendosur të jetë pjesë e një formati të tillë, pavarësisht deklaratave. /Telegrafi/

- YouTube www.youtube.com

Netflix ka lënë të kuptohet se sezoni i tretë i serialit japonez fantastiko-shkencor “Alice in Borderland” është sezoni i fundit, megjithëse ende nuk ka një konfirmim zyrtar për përfundimin e serialit.

Sipas The Independent, ky informacion u publikua disa muaj pasi sezoni i ri u bë i disponueshëm për shikuesit.

Seriali është një adaptim dhe ndjek historinë e një lojtari të fiksuar pas video-lojërave, i cili bashkë me miqtë e tij detyrohet të marrë pjesë në lojëra vdekjeprurëse për mbijetesë në një version të zbrazët dhe të çuditshëm të Tokios.

- YouTube www.youtube.com

“Alice in Borderland” u shfaq për herë të parë në Netflix në dhjetor 2020 dhe arriti popullaritet të madh global.

Sipas raportit të Netflix-it, sezoni i tretë ka regjistruar rreth 25 milionë shikime dhe është përshkruar si sezoni përmbyllës.

Netflix nuk ka dhënë arsye zyrtare për përfundimin e mundshëm, ndërsa fansat në rrjetin social X pretendojnë se seriali ishte planifikuar që në fillim të mbyllej me sezonin e tretë, pasi historia arrin fundin e mangës origjinale.

Në serial luajnë aktorë të njohur japonezë si Kento Yamazaki, Tao Tsuchiya dhe Nijiro Murakami, dhe ai shpesh krahasohet me hitin koreano-jugor të Netflix-it, “Squid Game”.

Sipas Annabel Nugent nga The Independent, të dy serialet kanë ngjashmëri të forta për nga temat e garave të dhunshme, por “Alice in Borderland” është më shumë i orientuar drejt fantashkencës, ndonëse të dy trajtojnë tema si marrëdhëniet njerëzore, tradhtia dhe sakrifica.

“Alice in Borderland” u botua nga viti 2010 deri në 2016, përfshin 18 vëllime, u adaptua fillimisht si animacion dhe më pas u soll si serial nga Netflix. /Telegrafi/

Mes dramës në familjen Beckham, Brooklyn thuhet se ka nënshkruar një marrëveshje paramartesore para dasmës së tij me Nicola Peltz në vitin 2022, që do të thotë se ai nuk ka të drejtë për asnjë dollar nga pasuria e familjes së saj nëse ata divorcohen.

Djali më i madh i superyllit të futbollit David Beckham dhe ish-anëtares së "Spice Girl”, Victoria, kohët e fundit postoi një deklaratë në Instagram në lidhje me marrëdhënien e tij me prindërit.

Ai i akuzoi ata se donin të shkatërronin marrëdhënien e tij me gruan e tij, Nicola, dhe se ishin më të interesuar për imazhin e tyre sesa për çdo gjë tjetër.

Brooklyn dhe Nicola PeltzFoto: Instagram

Në mes të kësaj drame, raportohet se çifti nënshkroi një marrëveshje paramartesore.

Sipas Daily Mail, të dy nënshkruan një kontratë tepër kufizuese që thotë se nëse çifti divorcohet, Brooklyn do të humbasë të gjitha të drejtat mbi asetet e familjes së pasur Peltz - përfshirë një shtëpi prej 16 milionë dollarësh në Beverly Hills të kontrolluar nga Fondacioni Peltz.

Gjithashtu thuhet se kjo marrëveshje do të thotë që Brooklyn nuk ka të drejtë mbi pronën e Nicole apo ndonjë përfitim tjetër financiar nga ajo dhe familja e saj.

Sipas burimeve pranë familjes, David dhe Victoria Beckham kanë frikë se një marrëveshje e tillë mund të ndikojë në pavarësinë e Brooklyn në planin afatgjatë, si privatisht ashtu edhe profesionalisht, dhe se ai mund ta gjejë veten në hijen e familjes jashtëzakonisht të fuqishme dhe të pasur Peltz.

Megjithatë, Brooklyn nuk duket se është shumë i shqetësuar, pasi ka deklaruar se nuk ka ndërmend të pajtohet ndonjëherë me familjen e tij dhe ka kritikuar "postimet e tyre në rrjetet sociale". /Telegrafi/

Labinot Rexha ka kaluar dy muaj në shtëpinë më të famshme në Kosovë, Big Brother VIP.

Derisa kanë ngelur edhe një muaj deri në përfundim të spektaklit, banorët e këtij edicioni kanë nisur me aludime.

Këngëtari nga Rahoveci thotë se ka qenë shumë i zhurmshëm dhe se e meriton finalen.

Foto: Instagram

"Si unë që kam bërë zhurmë këtu nuk besoj që ka bërë dikush", u shpreh ai.

Në vazhdim gjatë bisedës me Lim Hotin theksoi: "Është mëkat unë të mos jem në finale".

Labi ka qenë protagonist thuajse në çdo ngjarje e temë të zhvilluar në Big Brother, ndonëse ka marrë edhe shumë kritika për lojën që ka bërë.

Sidoqoftë, mbetet për t'u parë nëse Labi do të jetë një nga finalistët e këtij edicioni. /Telegrafi/

Victoria Beckham kaloi fundjavën në shoqëri të kolegeve të saj nga grupi “Spice Girls” duke marrë pjesë në festën e 50-vjetorit të Emma Bunton në Soho Farmhouse.

Në rrjete sociale ndau një foto nga ngjarja me urimin: “Gëzuar ditëlindjen shpirtit më të bukur. Ju dua shumë, vajza”.

E vetmja anëtare që mungoi ishte Mel B.Ky moment erdhi vetëm disa ditë pas një periudhe të vështirë për Victorian.

Djali i saj 26-vjeçar, Brooklyn Beckham, publikoi një deklaratë ku shprehte se nuk dëshiron pajtim me familjen.

Ai akuzoi veçanërisht të ëmën duke thënë se ajo kishte ndërhyrë në vallëzimin e tij të parë në dasmë dhe kishte vepruar në mënyrë të papërshtatshme para të gjithëve.

Brooklyn shtoi gjithashtu se prindërit e tij kishin tentuar të pengonin lidhjen e tij dhe se për të, marka Beckham dhe promovimi publik i vlerave familjare ishin gjithmonë prioritet.

Burime pranë familjes thonë se Victoria ndjehet e zhgënjyer nga këto deklarata, pasi e ka mbrojtur djalin nga lajmet negative gjatë gjithë viteve. /Telegrafi/

Brooklyn dhe partnerja e tij, Nicola

Vëllai i Madh u ka dhënë një sfidë interesante banorëve të Big Brother VIP Albania 5.

Ata kanë pasur një provë rezistence, ku duhej të qëndronin në një kuti me akull dhe kush qëndron më gjatë fiton dy muaj euro.

Gjatë kësaj sfide, Rogerti ka pasur një përplasje të ashpër me Mal Retkocerin.

Foto: Instagram

Në një moment, banori i prek në familje, marrë parasysh situatën e këngëtarit jashtë.

"Kush të ka bërë traumë jetën mami apo babi?", iu drejtua Rogerti - Malit.

Foto: Instagram

Ky i fundit qëndroi i qetë dhe u mundua që vazhdimisht ta injoronte Rogertin.

E për këtë pati komente e reagime të shumta, ku shumë prej tyre thanë se duhet të reagoj produksioni e të marrë masa për këtë. /Telegrafi/

Benita Zena ka folur sërish për Klodian Mihajn me banorin e shtëpisë, Ludo Lee.

Ajo tregon haptazi se ka një pëlqim për Klodin dhe se kuptohen vetëm me sy.

"Kur shikohem me Klodin e kemi një ndjenjë përmes syve që e transmetojmë, për pëlqim të tij s'mund të flas se nuk më takon ama prej syve që e kemi një emocion e shfaqim", tha ajo.

Tutje shtoi: "Momenti që shikohem me të, sytë flasin".

Klodiani nga ana tjetër ka një lidhje dashurie jashtë shtëpisë së Big Brother VIP.

Benita po ashtu ditë më parë u befasua nga këngëtari Endri, me të cilin ka pasur një histori dashurie për 5 vjet.

Ajo në një formë në shtëpi u shpreh se akoma e do dhe se ka ndjenja për të. /Telegrafi/

Moderatorja e njohur, Bora Zemani, ka qenë e ftuara e radhës në podcast-in e Grida Dumës.

Për herë të parë pas një periudhe të gjatë, Bora ka prekur temën delikate të faljes në marrëdhënie, duke iu referuar në mënyrë të qartë ribashkimit me Donald Veshajn.

Grida e pyeti hapur: “Në çfarë niveli fal ti?”.

Foto: YouTube

Përgjigja e Borës reflekton pjekuri dhe një analizë të kujdesshme të situatës që kaloi.

“Natyrisht nuk fal me naivitet, nuk fal se po gënjehem. Fal me koshiencë të plotë, e di ku është gabuar, por unë do e fal, do e tejkaloj këtë gjë", u shpreh ajo.

Bora sqaron gjithashtu se falja nuk nënkupton shkelje të parimeve të saj, por përpjekje për të mos hedhur poshtë gjithçka pa u munduar për të ruajtur marrëdhënien.

“Nuk e bëj duke zgjeruar kufijtë, jo, kufijtë ngelen të njëjtat… Nëse ka mundësi të shkatërrohet një marrëdhënie dhe të prishet, a kishte ndonjë mundësi për t’u shpëtuar kjo marrëdhënie?”.

- YouTube youtu.be

Natyrisht, kjo deklaratë lidhet me historinë e dashurisë mes saj dhe Donald Veshajt.

Kujtojmë se gjatë pjesëmarrjes së Donaldit në Big Brother VIP, ai nisi një romancë brenda shtëpisë me këngëtaren Beatrix Ramosaj, duke krijuar një nga trekëndëshat më të komentuar në historinë e televizionit shqiptar.

Romanca përfundoi menjëherë pas daljes së Donaldit nga formati, por aktori kërkoi rikthimin me Borën.

Ky proces kërkoi kohë dhe, siç pranon vetë Bora, u bë me një 'falje me vetëdije të plotë' për të ruajtur atë që kishin ndërtuar ndër vite. /Telegrafi/

Dyshja e shumëpërfolur, Lim Hoti dhe Alba Pollozhani, duket se kanë bërë paqe me njëri-tjetrin.

Ka qenë banori që i ka kërkuar Albës një përqafim, të cilin e pranoi dhe dukej shumë e lumtur për këtë.

Më pas Limi nuk u përmbajt dhe shihet teksa e mban në krahë konkurrenten e Big Brother.

Siç shihet, ata po tentojnë të rikthejnë marrëdhënien e tyre sikur më parë.

Kjo ka bërë që të ketë reagime të shumta edhe nga banorët e tjerë, të cilët ngelën të befasuar.

Situata vjen pak ditë pasi Limi kërkoi një distancim nga Dolce, me të cilën krijoi një raport të afërt me puthje e përqafime.

Mbetet për t'u parë ngjarja e tyre në ditët në vijim, nëse do të ribashkohen. /Telegrafi/

Vetëm 19 vjeçe, por me një zë që rrëmben vëmendjen që në notën e parë.

Hana Orllati nga Kosova ka ndezur emocionet në skenën e “The Voice of Finland”, duke mahnitur jurinë dhe publikun me interpretimin e saj fantastik.

Me këngën “How I Was Supposed To Live Without You”, Hana Orllati arriti të kalojë me sukses fazën e parë të kësaj gare prestigjioze këndimi, duke dëshmuar se talenti i saj nuk njeh kufij.

Foto: YouTube

Zëri i saj i fuqishëm, u prit me reagime entuziaste nga publiku dhe juria.

Rruga e Hanës me muzikën ka nisur herët.

Që në fëmijëri ajo ka qenë e lidhur ngushtë me artin, ndërsa në moshën vetëm 10-vjeçare ka marrë pjesë në “The Voice of Albania”.

Përveç kësaj, ajo ka performuar në shumë koncerte për fëmijë në Kosovë.

- YouTube www.youtube.com

Hana Orllati ka përfunduar shkollën e mesme të muzikës “Prenk Jakova” në Prishtinë.

Tash e një vit, ajo jeton në Finlandë me prindërit dhe tre vëllezërit, të cilët u shpërngulën atje vite më parë për të ndjekur studimet.

“Që kur isha e vogël kam ëndërruar të këndoj në skena të mëdha dhe të bëhem një artiste profesionale. Kjo ëndërr tani ka nisur të bëhet realitet", shprehet Hana.

Historia e saj është dëshmi se talenti, puna dhe ëndrra e madhe mund ta çojnë zërin e Kosovës në skenat ndërkombëtare.

Dy banorët e BBVK-së, Dolce dhe Limi janë parë sërish duke kaluar kohë së bashku.

E kjo gjë e ka zhgënjyer Alba Pollozhanin, e cila tha se s’do të shoh gjëra të tilla.

“Pas darkës ishte super mirë. Nuk dua t’i shoh këto gjëra”, është shprehur ajo.

Foto: Instagram

"Pse Albës iu largove sot. Nuk kam ardhur këtu për lojëra, nuk jam unë lojë. Nuk e kam problemin të flas me tjera por jo lojëra me mua", tha ajo në një bisedë me Labinot Rexhën.

Limi u sqarua me Dolcen për distancimin e tyre dhe pse vendosën një gjë të tillë.

Dolce u shpreh e zhgënjyer për mënyrën se si është sjell me të dhe pse e bëri pikërisht në Prime.

Mbetet për t'u parë në vazhdim se si do të zhvillohet situata mes tyre. /Telegrafi/

Endri, këngëtari që dikur shkëlqente me hitet e tij, është rikthyer në qendër të vëmendjes së publikut dhe këtë herë jo vetëm për muzikën.

Ai ishte i ftuar në rubrikën “25 pyetje” të Prive me Liberta Spahiun, ku nuk i shpëtoi pyetjeve që të gjithë donin të dinin.

Pas një pauze nga skena, rikthimi i tij artistik shënohej me projektin e ri muzikor “Pa ty”, por vëmendja e publikut u fokusua më shumë te marrëdhënia e tij me banoren e Big Brother VIP Kosova, Benitën.

Foto: YouTube

Pas shumë spekulimeve dhe kuriozitetit të madh rreth kohës së tij jashtë skenës, Endri foli hapur dhe pa rezervë.

Ai zbuloi se ka një raport shumë të mirë me familjen e Benitës dhe se komunikimi me ta është i vazhdueshëm dhe i ngushtë gjatë gjithë qëndrimit të saj në shtëpinë e Big Brother.

Kjo vërteton mbështetjen e tij ndaj partneres.

Kur u pyet për performancën e saj në lojë, Endri nuk kurseu fjalët.

- YouTube www.youtube.com

Ai e vlerësoi Benitën maksimalisht, duke i dhënë një 10 të plotë në shkallën 1‑10.

Sipas tij, ajo që shohim në ekran është Benita reale, pa asnjë maskë ose shtirje, e cila qëndron besnike ndaj vetvetes edhe brenda dinamikës së programit. /Telegrafi/

Khaby Lame është një krijues përmbajtjeje me origjinë senegaleze, i cili u shndërrua në një nga figurat më të njohura dhe më të dallueshme në botë falë humorit të tij të thjeshtë, pa fjalë, në platformën TikTok.

I lindur në mars të vitit 2000 me emrin Khabane “Khaby” Lame, historia e tij e suksesit përfaqëson një nga shembujt më domethënës të fuqisë së ekonomisë së krijuesve në epokën digjitale.

Para famës, Khaby punonte si punëtor fabrike. Gjatë izolimeve të pandemisë COVID-19, ai nisi të publikonte video në TikTok, ku reagonte në mënyrë ironike dhe pa asnjë fjalë ndaj videove të komplikuara të ashtuquajtura “life hack”.

Foto: X

Pikërisht kjo formë humori universale, e kuptueshme për çdo kulturë dhe gjuhë, e bëri atë të spikaste dhe ta kthente në një fenomen global.

Brenda një kohe shumë të shkurtër, Khaby u bë një nga krijuesit më të ndjekur në TikTok, duke fituar miliona ndjekës në mbarë botën.

Sot, pasuria e tij neto vlerësohet rreth 74 milionë euro, sipas burimeve si Celebrity Net Worth.

Të ardhurat e tij vijnë kryesisht nga bashkëpunime të mëdha me marka ndërkombëtare, sponsorizime në rrjete sociale dhe marrëveshje komerciale, të cilat e kanë shndërruar famën e tij në një biznes serioz dhe shumë fitimprurës.

Raportohet se Khaby ka përfituar deri në rreth 690 mijë euro për një postim të vetëm në TikTok ose Instagram, duke u renditur mes krijuesve digjitalë më të paguar në botë.

Një tjetër moment i rëndësishëm në karrierën e tij financiare ishte përfshirja e kompanisë ‘Step Distinctive Limited', e lidhur me markën dhe aktivitetet e tij të biznesit, në një marrëveshje me vlerë rreth 830-900 milionë euro.

Kjo marrëveshje tërhoqi vëmendje të madhe ndërkombëtare, por nuk e bëri Khabyn miliarder, pasi ishte e strukturuar si një transaksion në aksione dhe ai nuk zotëron 100 për qind të kompanisë.

Megjithatë, Khaby Lame mbetet një multimilioner i konsoliduar dhe një shembull i qartë se si fama në internet, e shoqëruar me zgjuarsi biznesi dhe menaxhim të kujdesshëm të imazhit, mund të shndërrohet në pasuri afatgjatë.

Historia e tij sot shkon përtej videove virale: ajo flet për lidhjen me audiencën, për ndikimin kulturor dhe për mënyrën se si vëmendja digjitale, kur përdoret me mençuri, mund të kthehet në fuqi reale ekonomike. /Telegrafi/

DJ personal i Gjestit, fituesit të Big Brother VIP Albania 4, Gimbo, është bërë banori më i ri i këtij formati.

Ai iu bashkua shtëpisë më të famshme të shtunën, ku pas tij u fut edhe këngëtarja Baby G.

I njëjti tregon edhe një këshillë që ka marrë nga miku i tij i ngushtë për lojën brenda.

Foto: Instagram

“Këshilla që më ka dhënë Gjesti, shko edhe fito”, u shpreh ai.

Mbetet për t’u parë se si do të jetë loja e DJ Gimbos dhe nëse ka marrë ndonjë mësim nga Gjesti.

Ky i fundit ka kohë që ka bërë një tërheqje nga rrjetet sociale pasi vëllai i tij vdiq në një aksident me motoçikletë.

Kjo ishte një tronditje e madhe për artistin dhe familjen e tij në vitin që lamë pas. /Telegrafi/

Ish-e dashura e Brooklyn Beckham, Afton McKeith, ka dalë në mbështetje të tij pas një deklarate që shkaktoi trazira ditët e fundit, në të cilën ai bëri akuza të rënda kundër prindërve të tij të famshëm.

Aktorja (25 vjeçare), e cila ishte në lidhje me Brooklyn (26 vjeç) disa vite më parë, pretendon se ai po thoshte të vërtetën dhe se kishte luftuar me rritjen nën vëmendjen e publikut për një kohë të gjatë.

"Shumë nga kjo ka qenë duke u përgatitur për vite me radhë. Kjo nuk ndodhi brenda natës", tha ajo për The Sun.

"Brooklyn po thoshte të vërtetën në postimin e tij. Ai e pati të vështirë të rritej", shtoi McKeith.

Brooklyn luftonte me ankthin dhe ndihej sikur bota po priste vazhdimisht që ai të bënte një gabim.

"Ka dy anë në çdo histori, por e di që rritja nën mikroskop ishte sfiduese për të", tha mes tjerash.

Afton beson se prindërit mund ta kishin mbrojtur më mirë nga presionet e emrit Beckham.

Brooklyn

Thotë se Brooklyn, siç pritej, ishte shpesh në qendër të vëmendjes dhe mërzitej kur i bëheshin fotot, kështu që kishte nevojë për mbrojtje.

Në intervistë, tha gjithashtu se e kishte të vështirë që prindërit e tij ishin shpesh larg dhe se, pavarësisht se kishte dado dhe vëllezër, ndonjëherë ndihej i vetëm. /Telegrafi/

Derisa po kërcente me Benita Zenën, Alba Pollozhani për një moment u shtang.

Kjo pasi pa Dolcen dhe Lim Hotin së bashku, të cilët po qëndronin në oborr.

Ajo reagoi menjëherë duke u larguar nga oborri për të dhoma e rrëfimit, si një gjë që nuk i pëlqeu.

Foto: Instagram

“Çfarë, jo këto lojëra nuk i ha. Këta lojëra të Big Brother-it nuk i ha. Për Zotin nuk dua”, u shpreh ajo.

Dyshja e lartpërmendur ndërkohë u sqaruan për raportin e tyre të lënë pezull.

Ata ndanë arsyet se pse vendosën të distancohen nga ky raport, meqë Limi ka pasur një histori edhe me Albën.

Alba ndërkaq thotë se është e dashuruar akoma me Limin dhe se nuk e do askënd tjetër. /Telegrafi/

Dole dhe Lim Hoti janë sqaruar me njëri-tjetrin pasi vendosën që të bëjnë një distancim nga raporti i tyre.

Ka qenë banorja që u shpreh e zhgënjyer nga ai dhe se nuk e priste këtë gjë.

Konkurrenti ndërkohë i tha se nuk kërkoi që të largohej nga ajo tërësisht.

Por Dolce i tha se duhet të sqarohet fillimisht me Alba Pollozhanin për raportin e tyre e më pas t’i shoh gjërat.

Ata shkëmbyen edhe një përqafim përpara se të nisnin këtë diskutim së bashku.

“Kjo ndodhi nga ana jote. Ti u largove nga unë pa ditur asnjë gjë. A jam unë e para që duhet të flasësh. Çka është keqkuptuar. Unë çka po bëj këtu. Ti akoma nuk e ke mendjen në vend”, i tha Dolce.

Limi theksoi se nuk ka hyrë për Albën dhe se nuk ka ndonjë interes për të. /Telegrafi/

Nëna e Brikena Selmanit i ka bërë një surprizë asaj në Big Brother VIP Albania 5.

Veç kësaj në fund u takua edhe me Mateon, i cili i kërkoj falje nëse mund t’i ketë lënduar ata, pra familjen e modeles.

E ëma ka dhënë një intervistë edhe për ‘Fan Club’, teksa komenton lojën e të bijës dhe raportin me Mateon.

Foto: YouTube

“Jemi të kënaqur me Brikenën, i uroj suksese gjithë banorëve brenda. Ka hy me pëlqimin tonë, dëshirën tonë. E përkrahim në çdo moment. Jemi me Brikenën”, u shpreh ajo.

Nëna thotë se familja nuk është kundër Mateos dhe se i duket djalë i mirë.

Foto: YouTube

“Mateo është shumë djalë i mirë, kam respekt. Ia uroj të gjitha të mirat. Për nga ana jonë nuk kemi kundër asgjë. Çka të vendos Brikena. Si të është e kënaqur Brikena, ne jemi me të. Nuk kemi kundër asgjë. E presim me fitore”, theksoi tutje.

Duket se e gjithë kjo është në dorë të Brikenës dhe se ajo do të vendos për raportin e krijuar me banorin e BBVA 5, me të cilin ka pasur një njohje para disa vitesh. /Telegrafi/

- YouTube youtu.be

Filmi “The Rip” me Matt Damon dhe Ben Affleck në rolet kryesore, është një triler aksioni i disponueshëm në Netflix që nga 16 janari dhe ka një buxhet rreth 100 milionë dollarë.

Skenari dhe regjia janë të Joe Carnahan, ndërsa ngjarja zhvillohet në Miami, duke shfrytëzuar atmosferën vizuale dhe tematike të qytetit.

Historia nis me një prolog të errët që vë në lëvizje një zinxhir ngjarjesh kriminale.

Foto: YouTube

Fokusimi kalon te një grup policësh të Miamit, të udhëhequr nga Dane (Damon) dhe JD (Affleck), të cilët zbulojnë mbi 20 milionë dollarë të fshehura në një shtëpi periferike.

Ndërsa përpiqen ta transportojnë paratë, tensioni rritet dhe pyetja kryesore bëhet: kujt mund t’i besohet?.

Kimia mes Damonit dhe Affleckut, e ndërtuar nga një miqësi dhe bashkëpunim shumëvjeçar, është një nga pikat më të forta të filmit.

Megjithatë, ndonëse ritmi dhe atmosfera mbajnë pezull interesin, filmi nuk arrin një kulm të fortë narrativ.

- YouTube www.youtube.com

Personazhet femra mbeten kryesisht në plan të dytë, duke e bërë filmin një triler klasik, të zhurmshëm dhe të orientuar kryesisht drejt audiencës mashkullore.

Në përfundim, “The Rip” është argëtues dhe i tensionuar, por pa surpriza të mëdha apo thellësi që ta bëjnë të paharrueshëm.

I përshtatshëm për një shikim tipik në Netflix, por jo një vepër që lë gjurmë afatgjata. /Telegrafi/