Labi ka vijuar të befasojë banorët dhe publikun, duke sjellë një tjetër moment argëtues brenda shtëpisë.

Ditë pas dite, ai po eksperimenton me pamjen e tij, jo vetëm me ndryshime në flokë, por tashmë edhe në stilin e veshjes.

Këtë herë, Labi u shfaq i veshur si grua, me sytjena dhe një peshqir të vendosur në kokë për t’i dhënë pamjen e flokëve, duke tërhequr menjëherë vëmendjen e të gjithëve.

BBVK/YouTube

Situata u bë edhe më komike kur Hygerta u afrua për t’i treguar se si të mbante qëndrimin, duke e futur plotësisht në rol.

Më pas, në sfond u vendos muzikë dhe Labi nisi të kërcejë, duke e kthyer momentin në një mini-show brenda shtëpisë.

BBVK/YouTube

Gjatë vallëzimit, ai iu afrua Edit, i cili reagoi me humor duke i thënë: “Ik, largohu o budalla”, gjë që shkaktoi të qeshura të shumta te banorët e tjerë.

Momenti u prit me të qeshura, duke dëshmuar edhe një herë se Labi di si të krijojë atmosferë dhe të sjellë argëtim në shtëpinë e Big Brother.

Fansat e spektaklit nuk lanë pa rikthyer në vëmendje se Labi më parë kritikonte Londrimin për veshjet e tij duke i quajtuar femërore. /Telegrafi/

- YouTube www.youtube.com

Seriali i Netflix Adolescence ka shënuar një tjetër sukses të madh në sezonin e çmimeve, duke fituar katër çmime në Critics Choice Awards, të mbajtura të dielën mbrëma në Los Angeles.

Pas triumfit me tetë çmime Emmy në vitin 2025, produksioni u shpall edhe Seriali më i Mirë i Limituar, duke konfirmuar vlerësimin e lartë nga kritika.

Në qendër të vëmendjes ishte aktori 16-vjeçar Owen Cooper, i cili u shpall Aktori më i Mirë Mbështetës, duke u renditur mes fituesve më të rinj në historinë e këtij çmimi. Ndërkohë, Stephen Graham fitoi çmimin për Aktorin më të Mirë, ndërsa Erin Doherty u vlerësua si Aktorja më e Mirë Mbështetëse për interpretimet e tyre në serial, shkruan DailyMail.

Adolescence rrëfen historinë e një djali të akuzuar për vrasje, duke trajtuar ndikimin e kulturës “incel” në internet.

Me rreth 45 milionë shikime mujore, seriali është kthyer në një nga prodhimet më të ndjekura dhe më të diskutuara globalisht, veçanërisht për mesazhin e tij social.

Gjatë fjalimit të pranimit, Owen Cooper u shpreh: “Faleminderit kritikëve dhe të gjithëve pas skenave që e bënë të mundur këtë natë. Viti që kaloi ka qenë një vorbull e vërtetë për mua dhe familjen time dhe na ka ndryshuar jetën përgjithmonë”.

Fitorja e tij vjen pas konkurrencës së fortë me emra të njohur të televizionit.

Edhe Stephen Graham, duke marrë çmimin e tij, theksoi vlerat njerëzore të projektit: “Të gjithë jemi të barabartë. Ky ishte etosi që e udhëhoqi këtë prodhim”, tha ai, duke shtuar një mesazh prekës për prindërit që të përqafojnë dhe duan fëmijët e tyre. /Telegrafi/

Kim Kardashian u shfaq me një veshje ekstravagante në Aspen, vetëm pak ditë pas festës së Vitit të Ri me Kate Hudson.

Ylli i reality show-t publikoi një karusel fotosh në Instagram, ku tregonte dekoltenë e saj të bollshme me një korse të hapur dhe pantallona lëkure të ngushta, të kombinuara me një pallto me gëzof.

Flokët e saj të gjatë dhe të zinj binin mbi supe dhe gjoks, ndërsa manikyri i kuq dhe byzylyku delikat përforconin pamjen glamuroze, shkruan DailyMail.

Në postim shkroi thjesht: “ASPEN.” Fotografitë morën mijëra pëlqime dhe komente admiruese nga ndjekësit e saj.

Kardashian më vonë u shfaq me një kombinim tjetër dramatik të zi, duke veshur xhaketë lëkure me detaje gëzofi dhe pantallona të ngushta.

Ajo mbante syze dielli të mëdha dhe një kapelë prej leshi, duke i shtuar elegancës një prekje dramatike.

Këtë veshje dramatike Kardashian e pasoi me dalje të tjera publike, duke përfshirë një kombinim me pantallona lateksi të kuqe dhe xhaketë të shkurtër lëkure artificiale gjatë një darke me vajzën e saj, North West, në Nobu Malibu.

Kim Kardashian vazhdon të tërheqë vëmendjen me kombinimet e saj ekstravagante, duke u bërë gjithmonë një pikë fokusi në eventet publike. /Telegrafi/

Labinot Rexha ka ndarë mendimet e tij për disa nga banorët e shtëpisë gjatë një bisede me Albën.

Ai u shpreh i sigurt në veten e tij dhe në rrugëtimin profesional që ka ndërtuar ndër vite.

Sipas Labit, përvoja e gjatë në karrierë e bën të palëkundur përballë situatave dhe përplasjeve brenda lojës.
“Nuk mund ta rrëzojnë Labinot Rexhën, mbi 30 vjet karrierë”, deklaroi ai.

Më tej, këngëtari komentoi edhe mbi garën për çmimin e madh, duke thënë se sipas tij, disa banorë nuk duhet ta kenë më në fokus fitoren.
“Kushtrimi, Londrimi dhe Labinoti le ta harrojnë çmimin”, u shpreh Labi.

- YouTube www.youtube.com

Raporti mes Mirit dhe Selinit vazhdon të jetë në qendër të vëmendjes, veçanërisht pas publikimit të videos së tyre dhe letrës së dërguar nga babai i Selinit gjatë spektaklit të mbrëmjes së djeshme.

Tema u trajtua gjerësisht edhe në emisionin Big Brother Fan Club.

Në studio u diskutua se çfarë ndikimi mund të ketë kjo letër në vijimësinë e lojës dhe në marrëdhëniet mes personazheve, ndërsa vëmendje mori edhe situata personale e Mirit jashtë shtëpisë.

BBVA/YouTube

E ftuar në emision, avokatja Nexhi Beqiri u ndal te aspekti ligjor i çështjes, duke theksuar se çdo person ka të drejtën të marrë vendime për martesën e tij pa qenë i detyruar të japë shpjegime.

“Secili ka të drejtën që martesën ta refuzojë. Madje nuk ka nevojë as për arsye. Mund ta zgjidhin me vullnet të tyre.

Ata janë bashkë, Miri dhe bashkëshortja. Miri ka interes të marrë një vajzë të re, inteligjente të shkolluar”, tha avokatja Nexhi Beqiri.

Ndërkohë, gjatë diskutimit, Françeska zbuloi një detaj që ka tërhequr vëmendjen e publikut, duke treguar se bashkëshortja e Mirit ka reaguar publikisht.

Sipas saj, ajo ka komentuar në një prej videove ku Miri shfaqet me Selin, duke shkruar: “Miri më i miri”.

Ky reagim ka ngjallur diskutime të shumta në rrjet, duke shtuar edhe më shumë pikëpyetje rreth situatës reale mes Mirit, Selinit dhe familjes së tij. /Telegrafi/

- YouTube www.youtube.com

Kylie Jenner shkëlqeu me një fustan të artë metalik teksa mbështeti të dashurin e saj, Timothee Chalamet, në ndarjen e çmimeve të 37-të të Festivalit Ndërkombëtar të Filmit në Palm Springs.

28-vjeçarja, e njohur për stilin e saj, tregoi një figurë tërheqëse në fustanin që i përkonte trupit, ndërsa bukuria e saj u kompletuar me bizhuteri delikate, përfshirë një byzylyk ari të hollë dhe një unazë diamanti, flokë të valëzuara dhe manikyr të kuq.

Megjithëse nuk pozoi në tapetin e kuq me Chalametin, ajo u fotografua më vonë duke brohoritur për të brenda ceremonisë, shkruan DailyMail.

30-vjeçari fitoi çmimin “Aktori i Vitit në Spotlight” për rolin e tij në filmin “Marty Supreme”, një biografi mbi legjendën e pingpongut Marty Reisman.

Chalamet u paraqit elegant me kostum të zi dhe kravatë blu të çelët, duke treguar çmimin në dhomën e fituesve.

Çifti, i cili zyrtarizoi lidhjen në publik në shtator të vitit 2023, e ka mbajtur romancën relativisht private, përfshirë edhe pjesëmarrjen në shfaqjen “The Kardashians” pa përmendur emrin e partnerit.

Jenner e ka shoqëruar më parë Chalametin edhe në evente të mëdha si Oscars dhe Golden Globes, duke respektuar gjithmonë privatësinë e tij si aktor. /Telegrafi/

Hyrja e Mateos mbrëmë në shtëpinë e Big Brother VIP Albania solli një reagim të fortë, veçanërisht nga Brikena, e cila u tregua e rezervuar dhe refuzoi afërsinë e tij.

Ky qëndrim i saj la të kuptohej se mes tyre kishte më shumë histori sesa thjesht një njohje sipërfaqësore.

Për të sqaruar situatën dhe për të shuar aludimet e fansave, Anaid Kaloti, fitues i Big Brother 6, ka dhënë një koment të detajuar në Instagram, duke zbuluar prapaskenat e raportit mes Brikenës dhe Mateos jashtë shtëpisë.

BBVA/Instagram

“Mateo dhe Brikena nuk kanë shkëmbyer disa mesazhe, por kanë folur 1 vit bashkë me mesazhe”, shkruan Anaidi, duke theksuar se investimi emocional ka qenë i konsiderueshëm nga të dy palët.

Sipas tij, pika kyçe që çoi në ftohjen mes tyre lidhet me hapat e mëtejshëm të marrëdhënies. Brikena ka kërkuar të zyrtarizojë raportin duke takuar familjen e saj, ndërsa Mateo ka refuzuar në atë moment: “Në një x-moment kur gjërat janë dashur të bëhen prezente, Brikena i ka kërkuar të takohet me familjarët e saj. Mateo nuk ka pranuar pasi ka dashur të njohë njëherë vajzën, pastaj familjen”, sqaron Anaidi.

Ai gjithashtu thekson se hyrja e Mateos nuk ka qenë e dedikuar ekskluzivisht për Brikenën, por për ambicien e tij personale, dhe se mes tyre ekziston vetëm një foto, e njohur nga të dyja palët dhe produksioni.

Pavarësisht tensionit të krijuar, Anaidi i del në mbrojtje Brikenës, duke e cilësuar si “supergocë” dhe duke paralajmëruar komentuesit që të mos hedhin baltë mbi vajzat e shtëpisë.

Tani që të dy ndodhen brenda shtëpisë më të famshme, mbetet për t’u parë nëse ky “sqarim i munguar” do të shpaloset para kamerave, apo nëse distanca dhe inati i Brikenës do të vazhdojë. /Telegrafi/

Një situatë e papritur u krijua në shtëpinë e Big Brother VIP Albania, kur Brikena refuzoi hapur t’i bashkohej Akuariumit, duke shprehur pakënaqësi dhe dyshime mbi arsyet pse po kërkohej një veprim i tillë nga ana e produksionit.

Gjatë diskutimit live, Brikena u shpreh hapur për qëndrimin e saj: A jam e detyruar të shkoj aty, sepse unë personalisht nuk dua të shkoj atje.

Ledioni iu përgjigj duke theksuar se ky ishte pjesë e rregullave të lojës: Je e detyruar, përderisa është pjesë e lojës.

BBVA/Instagram

Por Brikena vijoi me një reagim të fortë, duke shpjeguar arsyet e refuzimit të saj: Në fakt, unë nuk dua të shkoj dhe, të them të drejtën, unë me sa kuptova, pak a shumë mund t’i kuptoj me çfarë qëllimesh ka hyrë Mateo aty dhe nuk jam fare dakord me produksionin që mundoheni të bëni lojëra të tilla, të mundoheni të bëni një person… thjesht e kam njohur jashtë, s’është se ka pasur ndonjë gjë më shumë, thjesht për të ma prishur imazhin. Kështu që unë nuk jam fare dakord dhe nuk dua të shkoj, dhe nuk jam fare dakord me produksionin për një gjest të tillë.

Pas këtij debati, Brikena u ftua në Dhomën e Rrëfimit për të diskutuar më tej situatën.

Ndërkohë, edhe Mateo reagoi, duke sqaruar pozicionin e tij dhe duke mohuar çdo prapavijë personale: Unë ftesën për të hyrë në Big Brother e kam marrë para se të fillonte Big Brother-i, pa e ditur cilët banorë do të ishin brenda. Fakti kur pashë Brikenën edhe për mua ishte surprizë, pasi nuk kam lënë asnjë gjë jashtë dhe nuk dua të ketë asnjë gjë brenda. Nuk kam hyrë këtu për Brikenën, kam vlerësim dhe respekt për të. /Telegrafi/

Zgjedhja e Brikenës si një nga banoret e preferuara të publikut ka sjellë tensione të reja brenda shtëpisë, duke shkaktuar përplasje të forta mes saj dhe vajzave të tjera.

Debatet janë përqendruar kryesisht mes Brikenës, Selinës, Lornës dhe Armelës, të cilat kanë pasur qëndrime të ndryshme lidhur me suksesin e saj dhe mënyrën e lojës.

Selin u shpreh se ka qenë e para që e ka uruar Brikenën për zgjedhjen si e preferuar, duke theksuar se akuzat për kunja dhe xhelozi nuk qëndrojnë: “Brikena duhet të jetë koherente dhe e drejtë, sepse kur është bërë e preferuar, kam qenë e para që e kam takuar dhe i kam thënë urime. Për pjesën që nuk di të çojë një lojë deri në fund, natën e Vitit të Ri erdhi dhe më qëndroi afër, ndërkohë që këto komentet se i kam gjuajtur me kunja, nuk është e vërtetë. Është pëlqyer sepse, pavarësisht debateve që ka pasur, nuk kishte asnjë situatë të vetën. Është një vajzë shumë seksi, e çiltër dhe e drejtë dhe kjo gjë ka bërë që të pëlqehet te publiku. Xhelozia duhet të shihet nga ana tjetër”.

BBVA/Instagram

Nga ana tjetër, Lorna pranoi se raporti i saj me Brikenën është i ndërlikuar, duke e cilësuar si një marrëdhënie “dashur-urrejtje”: “Unë dhe Brikena kemi një dashuri-urrejtje. I qëndroj pro mendimit që Brikena e ka lojën te kamerat. Sa i përket ‘Queen’-it në tentativë, s’ka të bëjë me Brikenën, por me Selinën”.

Kjo deklaratë solli reagimin e menjëhershëm të Selinës, e cila u shpreh: “E kam thënë unë atë, jo ti. A i sheh klipet? Mbrohem vetë aty”.

Megjithatë, Lorna shtoi se, pavarësisht kritikave, ajo e vlerëson Brikenën si person:
“Sa i përket mendimit për Brikenën, pavarësisht paraqitjes që është një vajzë seksi, është e sinqertë dhe aktivizohet shumë. Është aty për të më pranuar mua në krevatin e saj, pavarësisht marrëdhënieve që kemi. Brikena është positive”.

Vetë Brikena reagoi ashpër ndaj situatës, duke e quajtur xhelozi reagimin e vajzave: “Siç e patë, shihet qartë që i ka djegur. Secila prej nesh ka dëshirë të dalë e preferuara. Secila e pret për veten. Në momentin kur zgjidhet dikush që këta nuk e presin, mendoj se kapen me gjërat e kota. Unë kam hyrë të jem vetvetja dhe vetëm kaq”.

Ndërkohë, Armela kishte një këndvështrim krejt tjetër, duke fajësuar vetë Brikenën për klimën mes vajzave: “Këtë xhelozi mes vajzave e lobon vetë Brikena. Lojën që e bën, e bën në mënyrë të pisët. Është politikisht dhe shumë korrekte në atë që thotë”. /Telegrafi/

Hailey Bieber ka tërhequr vëmendjen në rrjetet sociale pasi ndau disa fotografi me rroba banje nga pushimet tropikale që po i shijon me bashkëshortin Justin Bieber dhe djalin e tyre, Jack Blues.

Modelja 29-vjeçare u shfaq me veshje verore që nxirrnin në pah linjat e saj, duke kombinuar momente sensuale me çaste të ëmbla familjare.

Në disa prej imazheve, Hailey tregoi edhe detaje nga jeta si nënë, përfshirë një fotografi të këmbës së vogëlushit Jack pranë saj, si dhe një byzylyk të personalizuar me emrin e tij, shkruan DailyMail.

Krahas kësaj, ajo ndau edhe selfie pa mbishkrime, duke i lënë pamjet të flasin vetë, ndërsa një postim e shoqëroi thjesht me fjalën “gati!”.

Edhe pse Justin nuk u shfaq drejtpërdrejt në fotografi, Hailey tregoi mbështetje për markën e tij të veshjeve dhe ndau pamje nga rutina e përkujdesjes personale dhe produktet e markës së saj Rhode Skin, duke e kthyer pushimin në një kombinim relaksi, mode dhe familjeje. /Telegrafi/

Shawn Mendes është parë së fundmi duke kaluar momente romantike me modelen Bruna Marquezine.

Çifti u fotografuan duke u puthur në brigjet e Algagoas, duke bërë xhiron e rrjetit pas publikimit të imazheve nga një llogari e fansave.

Sipas TMZ, ata pak javë më parë ishin parë duke udhëtuar së bashku në Brazil.

Kjo pamje vjen një vit pasi Mendes foli hapur për spekulimet mbi seksualitetin e tij. Në një koncert në Amfiteatrin Red Rocks në Colorado, këngëtari tha se ende po e kuptonte veten dhe e përshkroi seksualitetin si “të bukur dhe kompleks”.

Ai shtoi se ndihej e frikshme të flasësh për këtë në një shoqëri ku njerëzit kanë shumë për të thënë, por po përpiqet të jetë i guximshëm dhe autentik.

Mendes shprehu gjithashtu rëndësinë e shkrimit të këngëve si një mënyrë për të shprehur emocionet e tij personale.

Kjo nuk është hera e parë që ai diskuton spekulimet mbi seksualitetin, pasi kishte folur për këtë edhe në intervistën e tij për Rolling Stone në 2018.

Para lidhjes me Bruna Marquezine, këngëtari ishte i lidhur me Camila Cabello, ndërsa modelja kishte pasur një romancë të njohur me futbollistin Neymar. /Telegrafi/

Pas hyrjes së Stelinës, shtëpisë së Big Brother VIP Albania 5 i janë bashkuar dy banorë të rinj: Mateo dhe Greta.

Mateo është trainer fitnesi dhe ka punuar në vende të ndryshme. Ai foli për përshtypjet e para nga banorët, duke thënë: “Ka shumë banorë, por pak lojtarë. Ajo që më pëlqen më shumë është Brikena. Unë jam 100% single, kam shumë kohë. Për terezinë time”.

Greta është banorja më e re që i bashkohet garës dhe do të qëndrojë me dy banorët e rinj në Akuarium.

Në fjalën e saj, ajo u shpreh se është një vajzë që përshtatet lehtësisht me të tjerët, por shtoi se Lorna është ajo me të cilën mendon se do të ketë më shumë vështirësi: “Secili ka karakteret e veta, por unë s’do përshtatesha shumë me Lornën. Jam tip alegro që përshtatem me të gjithë. Mjafton të ketë energji pozitive”, tha Greta.

Me hyrjen e tyre, dinamika brenda shtëpisë pritet të ndryshojë, duke sjellë energji të re dhe rivalitete të mundshme në garën për çmimin e madh. /Telegrafi/

- YouTube www.youtube.com

Për shkak të shkeljes së rregullave brenda shtëpisë, tre banorët Seno, Keijsi dhe Kristi dolën në televotim, duke u vënë në duart e publikut për të vendosur se cili prej tyre do të largohej nga gara për çmimin e madh.

Përplasjet dhe sjelljet e tyre gjatë javës kanë qenë të shpeshta dhe të debatueshme, gjë që ndikoi në vendimin e Vëllait të Madh për t’i futur në rrezik.

Pas televotimit, Seno u eliminua dhe përfundoi rrugëtimin e tij brenda shtëpisë së Big Brother VIP Albania.

BBVK/YouTube

Ky eliminim solli reagime të shumta te banorët e tjerë, ndërsa momenti i ndarjes u përcoll me emocione dhe reflektime mbi sjelljen dhe strategjitë e secilit prej të përfshirëve.

Ky televotim i së shtunës theksoi rëndësinë e respektimit të rregullave brenda shtëpisë dhe tregoi se asnjë banor nuk është i paprekshëm, pavarësisht popullaritetit ose lojës së zhvilluar deri në atë moment. /Telegrafi/

- YouTube www.youtube.com

Pas largimit të saj vullnetar nga Big Brother VIP Kosova, Sasa Hoda ishte e ftuar në emisionin “Big Talk”, ku u pyet edhe për gjyshen e saj serbe, për të cilë Labinot Rexha e kishte ‘sulmuar’ benda shtëpisë.

Ajo tregoi se familjarët e saj e kanë përjetuar keq debatin me Labin, kur ky i fundit e sulmonte për prejardhjen e gjyshes së saj.

Sasa tha: “Unë e shpjegova që ajo ka qenë prej Shkodre me prejardhje malazeze. Nëse atij i është martuar motra me zezak, çfarë t’i them atij, që është afrikan?”

Debat i ashpër mes Sasës dhe Labinotit para gjumit: Pyetja “A e ndien veten shqiptare?”, ndez tensionet në shtëpi

Ajo më tutje tregoi se ishte gjenerata kur atëherë edhe ishin martuar palët, sepse nuk ka qenë koha e luftës, as nuk ka vrarë askënd, ajo vetëm çka i ka bërë njerëzve mirë dhe ka folur shqipen më mirë se unë. Unë atë kurrë s’e kam dëgjuar duke folur serbisht, betohem në Zot”.

Sasa shtoi gjithashtu: “Unë kurrë nuk e kam fshehur prejardhjen e gjyshes dhe e di saktë se ku Labi e ka marrë këtë informacion. Unë nuk kam reaguar sepse e kam gjyshe serbe, kam reaguar sepse më preku në gjyshe”. /Telegrafi/

- YouTube www.youtube.com

Big Brother VIP Kosova ka publikuar pamjet e çastit dramatik kur banorja Alba pëson një incident brenda shtëpisë.

Gjatë përgatitjeve për një sfidë, ajo humbi papritur ekuilibrin dhe rrëzohet, duke humbur ndjenjat menjëherë.

Momenti shkaktoi shqetësim te banorët e tjerë, të cilët menjëherë u afruan për t’i ofruar ndihmë.

BBVK/FaceBook

Produksioni i programit reagoi menjëherë dhe përmes faqes zyrtare bëri të ditur se Alba u transportua menjëherë në urgjencën e njërit prej spitaleve private në Kosovë për trajtim mjekësor.

Aktualisht, ajo ndodhet nën kujdes të specializuar dhe po monitorohet nga mjekët për të siguruar rikuperimin e plotë. /Telegrafi/

Shtëpisë së Big Brother VIP Albania 5 i është bashkuar një banore e re.

Stelina, ish-konkurrente e “Për’puthen”, është bërë zyrtarisht pjesë e garës për Çmimin e Madh.

Ajo është e njohur edhe për lidhjen e mëparshme me Keijsin, i cili aktualisht ndodhet brenda shtëpisë.

Para hyrjes së saj në BBVA, Stelina foli për raportin që ka pasur me të, duke deklaruar: “Ka shumë gjëra për të treguar. Është vetëm fillimi. Do ende kohë të ambientohet”.

Po ashtu, ajo u shpreh se sipas saj, Keijsi rrezikon të largohet sonte nga shtëpia, kjo për shkak të sjelljes së tij gjatë ditëve të fundit. /Telegrafi/

- YouTube www.youtube.com

Një tjetër nominim është hapur mbrëmjen e sotme në Big Brother VIP Albania, dhe një nga banorët Kristi, Keijsi ose Seno do të largohet nga shtëpia gjatë natës së sotme.

Përplasjet e ashpra mes këtyre tre banorëve gjatë javës kanë sjellë një vendim të prerë nga Vëllai i Madh, i cili nuk toleron në asnjë rrethanë diskriminimin, përplasjet fizike apo hedhjen e sendeve dhe lëngjeve mbi trupin e një banori tjetër.

Me pyetjen drejtuar publikut, “Kë doni të largoni?”, sonte do të vendoset se cili prej tyre do të përfundojë rrugëtimin në shtëpinë më të famshme. /Telegrafi/

- YouTube www.youtube.com

Pak orë para nisjes së Prime-it të së shtunës, Kristi kreu një veprim të papritur brenda shtëpisë së Big Brother VIP Albania.

Banori vendosi të dilte nga shtëpia përmes murit rrethues, duke shkaktuar reagime të shumta.

Në pamjet e transmetuara për herë të parë, shihet momenti kur Kristi kalon murin dhe më pas del në zonën përreth shtëpisë, e cila gjithashtu monitorohet nga kamerat.

Më pas, ai rikthehet sërish brenda duke hyrë nga dera e pasme e shtëpisë.

Në Prime, Ledion Liço komentoi situatën duke thënë: “Big Brother-i është një program i bukur, pas të cilit njerëzit nga shtëpia apasionohen vetëm nëse ata të secilit edicion janë të ndryshëm nga edicionet paraardhëse, sepse nëse do të shikonim të njëjtin Big Brother çdo sezon, do të thotë që nuk do të na ndiqnin më. Le të bëhet kjo si thirrje: bëni veten, mos bëni diçka që e kemi parë sezonin e kaluar”. /Telegrafi/

- YouTube www.youtube.com

Një seri përplasjesh ka shënuar këtë javë shtëpinë e Big Brother VIP Albania, ku protagonistë kryesorë ishin Kristi, Keijsi dhe Seno.

Debatet nisën pas hyrjes së Keijsit në shtëpi, ku tensioni u rrit për shkak të gjuhës provokative dhe incidenteve të vogla, si lagia me birrë.

Gjatë një debati, Seno u përfshi duke shtyrë Kristin, kur ky i fundit po kujdesej për shtretërit e banorëve.

Kristi tha: “Të them të drejtën, unë që nga jashtë me tipat si puna e Keijsit jam këtu sot. Nuk është Keijsi fare arsyeja. Është një më shumë në numër këtu dhe as më shumë e as më pak. Këtë ka të mirë kjo lojë. Ka diversitet. Është një tematikë që jam përballur goxha jashtë, janë ditur të kapen. T’u jap ushqim dhe të më japin ushqim për të ecur përpara. Shihet qartë. Nuk është presion loje. Është të cënosh dinjitetin, të cënosh moralin, të cënosh atë karrierën time që më është dashur gjak, mund, djersë, të rri pa bukë, larg familjes për vite me radhë dhe të vijë një tip si puna e Keijsit, që trupi i tij funksionon nga mesi e poshtë. Unë s’kam ardhur të tregoj burrërinë me asnjë, aq më pak nga mesi e poshtë. Çdo njeri kërkon atë që i mungon. Mua më mungonte të tregoja Kristin që nuk është artist. Asnjë nga këta s’e kam prekur nga jashtë. Kam pasur mundësinë patjetër. Di histori. Tirana është e vogël. Ama kam zgjedhur të mos prek. Unë jam brenda këtyre mureve. Sa për pështymën, për sa kohë nuk është nga im atë, nuk më vjen asnjë keqardhje”.

Keijsi shtoi: “Fjalia e parë është ndjesë për atë video që pamë. Që kur kam ardhur, ka pasur një tendencë të shëmtuar për të marrë informacion nga jashtë. Duke marrë parasysh sjelljen e tij kundrejt meje, m’u duk pak si shumë e tepruar. Nuk mund të flasë për burrëri Kristi”.

Arbër Hajdari tha: “Po e mendon gabim. Edhe ti e mendon gabim, edhe Kristi e mendon gabim. Nuk duhet të ikim nga disa të vërteta. E vërteta kryesore është që ti e ke bullizuar Kristin për gjininë e tij. Të flasim drejt dhe hapur”.

Keijsi përfundoi: “Mënyra se si u afrua ishte shumë e shëmtuar”.

Seno komentoi: “Kristi ka bërë një provokim sistematik për gjërat në shtëpi. Nuk e kishte luftën personale, por duhet të ishte shtëpia në rregull. Për Vitin e Ri e kam uruar me zemër, por ai vazhdon t’i bëjë gjërat aq madhore sa të dalim nga vetja. Mënyra si janë duke u sjellë njerëzit me mua, unë jam pasqyra e karakterit. Ndoshta është diçka e tepruar, por raporti im me të tjerët ka qenë xhentil”. /Telegrafi/

- YouTube www.youtube.com

Produksioni i Big Brother VIP Kosova ka bërë të ditur se banorja Alba Pollozhani ka pësuar një rrëzim brenda ambienteve të shtëpisë, duke kërkuar ndërhyrjen e menjëhershme të ekipeve mjekësore.

Në komunikatën zyrtare shkruhet: “Alba Pollozhani, banore e Big Brother VIP Kosova 4, është rrëzuar dhe është transportuar menjëherë në urgjencën e Spitalit Amerikan, ku ndodhet nën kujdesin e mjekëve”.

Ky është hera e dytë që Alba hospitalizohet gjatë qëndrimit të saj në shtëpinë e BBVK.

Aktualisht, ajo mbetet nën mbikëqyrje të vazhdueshme mjekësore, dhe pritet një përditësim i ri për të bërë të ditur nëse do të rikthehet sonte në shtëpi apo do t’i duhet më shumë kohë për rikuperim. /Telegrafi/