Ngjarjet e mëparshme mes motrave të ish-bashkëshortit të këngëtares Violetë Kukaj dhe Eni Çobanit po rikthehen në vëmendje.

Në një episode të programit “Shihemi në Gjyq” u diskutuan akuzat e forta të Remzijës ndaj Bahrijes, përfshirë pretendimin se vëllai i tyre, Faik Retkoceri, ishte shtruar në spitalin psikiatrik të Prishtinës me ndërhyrjen e Violetës, për t’iu shmangur borxheve.

Në studion e Eni Çobanit u zhvillua ky dialog i tensionuar:

Remzije: E ka marrë vëllain e ka çuar në spital.

Eni Çobani: Zonja Bahrije, të lutem tani. Hodhe një fjalë këtu që vëllai është në terapi. Kjo është shumë e rëndë. Pra zoti Faik është vëllai juaj i vetëm, ju jeni 4 fëmijë.

Bahrije: Babai im ka vdekur përpara 48 vjetëve.

Eni Çobani: Dhe vëllai juaj jeton sot me nënën apo jo? Zonja Bahrije, kush e shtroi Faikun në spitalin psikiatrik të Prishtinës?

Bahrije: Unë nuk e shtrova.

Remzije: Tregoje të vërtetën si ka ndodhur rasti!

Bahrije: Unë nuk e shtrova vëllain në spital, unë nuk e shtrova vëllain në psikiatri!

Eni Çobani: Si nuk e ke shtruar? Unë kam letrën këtu.

Bahrije: Ishte viti 2018. Të lutem dëgjomë. Më merr vëllai në telefon në orën 12 të natës dhe më thotë “të lutem, ti duhet të vish për Kosovë”. Unë kam marrë burrin tim dhe kemi udhëtuar, ka qenë ditë e diel, të hënën kemi mbërritur në Kosovë. Kur kemi mbërritur, kam takuar vëllain dhe nënën vetë në shtëpi. Nusja, Violetë Kukaj dhe fëmijët kanë dalë nga shtëpia. Vëllai ka qenë

vetëm me nënën.

Eni Çobani: Ju pretendoni që kjo martesë u prish për shkak të borxheve?

Bahrije: Për shkak të borxheve.

Remzije: Po pse moj ti e çoje vëllain?

Bahrije: Violeta, nuk ka dashur moj të të marrë ty.

E gjithë historia është përqendruar tek përpjekjet e Bahrijes për të ndihmuar vëllain, ndërsa Remzija akuzon për favorizim dhe fshehje. Sipas Eni Çobanit, spitali psikiatrik i Prishtinës ka lëshuar një raport mjekësor më 18 tetor 2018 që konfirmonte gjendjen e Faikut, ndërsa Bahrije pohon se veprimet e saj ishin të orientuara vetëm për të ndihmuar vëllain.

Pavarësisht debatit të ashpër dhe akuza të ndërsjella, këngëtarja Violetë Kukaj nuk ka dhënë asnjë reagim publik lidhur me ngjarjet. Historia, megjithatë, rikthehet sërish në qendër të vëmendjes dhe vijon të diskutohet gjerësisht në mediat shqiptare. /Telegrafi/

- YouTube www.youtube.com

Çështja e Mal Retkocerit, pasi babai i tij shkoi në shtëpinë e Big Brother VIP Albania dhe nuk u takua me të, ka shkaktuar reagime të shumta dhe jehonë të madhe publike.

Situata u komentua gjerësisht edhe në emisionin Fun Club, ku u diskutua momenti i sikletshëm që u krijua live dhe mënyra se si u menaxhua.

I ftuar në studio, Julian Deda dha mendimin e tij mbi atë që ndodhi, duke e cilësuar situatën si jashtëzakonisht delikate.

Fun Club/YouTube

Ai u shpreh: “Ishte një situatë shumë e sikletshme ajo mbrëmë, dhe komplimente për Ledionin që e zgjidhi në mënyrën më njerëzore të mundshme, sepse, duhet thënë kjo, për moderatorin ajo është e tmerrshme. Moderator që mban emision 5 orë, të vijë një moment si ky është e sikletshme dhe nuk është fare e lehtë”.

Nga ana tjetër, Julian Deda ndau edhe këndvështrimin e tij lidhur me qëndrimin e Malit, duke theksuar se, sipas tij, situata mund të ishte menaxhuar ndryshe nga ana e banorit.

Ai tha: “Nga ana tjetër mundet mendoj që Mali, për këtë lloj kurioziteti që ka sjellë kjo histori, mundet të kishte bërë një veprim shumë të thjeshtë, që për të respektuar gjithë atë ndërmarrje, unë mendoj që Mali është një nga personazhet më interesante që ka Big Brother, mund ta kishte takuar babain e tij dhe t’i kishte dhënë dhe dorën, dhe t’i kishte thënë që ‘shiko, gjërat e tjera do t’i diskutojmë pa kamera, por për respektin që ke ardhur deri këtu, për respektin e këtij emisioni, për të treguar që këtu gjaku nuk bëhet ujë’, jo për ta sqaruar në television”. /Telegrafi/

- YouTube www.youtube.com

Ndërkohë që Mal Retkoceri vijon rrugëtimin e tij në shtëpinë e Big Brother VIP Albania, jashtë vëmendja është përqendruar te tensionet familjare që po rikthehen në publik.

Pas vendimit të Malit për të mos komunikuar me të atin në ekran, babai i tij ka dalë sërish në media, duke dhënë një rrëfim të drejtpërdrejtë dhe me tone të ashpra, ku në qendër vendos ish-bashkëshorten e tij, këngëtaren Violetë Kukaj.

Ai shprehet se largësia me fëmijët nuk ka ardhur rastësisht, por është ndikuar ndër vite nga raporti i tyre me nënën.

Screenshot/YouTube

Deklaratat e babait të Malit:
Mësuesin nuk e ka të mirë, nanën e vet. Nana ka ndikuar shumë te fëmijët. Mali, pavarësisht gjithçkaje, është djalë i talentuar dhe i ka ngjarë babës. Kam tentuar të komunikoj me ta përmes disa personave të njohur, personaliteteve nga Shqipëria dhe Kosova. Fillimisht me Violetën, pasi ajo nuk donte as të më fliste në telefon dhe as të më takonte. Unë e kam bërë yll. Kur e kam marrë për nuse, ajo kishte vetëm një këngë të incizuar. Unë ia kam incizuar mbi 300 këngë, me ajkën e Kosovës dhe Shqipërisë. E mora nuse me një këngë dhe e bëra mbretëreshë.

Shtatë vite pa u parë, Mali refuzon të takojë babain: shans të dytë u jepet njerëzve që gabojnë dhe mësojnë nga gabimet

Në fjalën e tij, ai thekson se ka bërë përpjekje të vazhdueshme për afrimin me fëmijët, madje edhe përmes ndërmjetësuesve publikë, por sipas tij, këto tentativa nuk kanë dhënë rezultat.

Ai ndalet edhe te karriera e Violetë Kukajt, duke pretenduar se ka qenë vetë ai shtysa kryesore e suksesit të saj artistik, ndërsa thekson se ajo u trajtua me respekt dhe mbështetje gjatë martesës së tyre.

Pavarësisht gjuhës së ashpër dhe akuzave, babai i Malit e mbyll mesazhin me një thirrje për dialog dhe ribashkim, duke shprehur gatishmërinë për të folur në çdo moment.

Ndërkohë, brenda shtëpisë së BBVA, Mali ka zgjedhur të mbajë një qëndrim të rezervuar, duke pranuar dhimbjen personale, por duke refuzuar ta kthejë historinë familjare në spektakël televiziv. /Telegrafi/

- YouTube www.youtube.com

Kylie Minogue ka festuar arritjen historike të këngës së saj të parë të Krishtlindjeve që renditet në vendin e parë në Mbretërinë e Bashkuar pas 37 vitesh karrierë si këngëtare.

Ylli australian, 57 vjeçe, ndau gëzimin me fansat në Instagram duke pozuar e veshur me një kostum të Babagjyshit, xhaketë të kuqe prej kadifeje me zbukurime të bardha dhe rrip të zi që nxirrte në pah figurën e saj.

Ajo e kompletoi pamjen me geta të kuqe e të bardha dhe çizme të zeza deri në gju, shkruan DailyMail.

Para një peme të Krishtlindjeve dhe një dyshemeje të mbuluar me dëborë të rreme, Kylie i uroi fansave: “Gëzuar Krishtlindjet të dashuruar, shpresoj se po kaloni një kohë të mrekullueshme dhe ju dërgoj shumë dashuri”.

Ajo shtoi edhe: “Gëzuar Krishtlindjet dhe festat e lumtura të gjithëve! Ju dërgoj gjithë dashurinë”.

Kënga e saj “XMAS” siguroi vendin e parë, duke shënuar suksesin e saj të tetë në top listat dhe duke u bërë kënga e parë Amazon Music Original që arrin numrin 1 në Listat Zyrtare të Krishtlindjeve.

Kjo arritje historike vjen pas 37 vitesh që Kylie kishte renditur për herë të fundit në vendin e parë të Krishtlindjeve me “I Should Be So Lucky” në 1987. /Telegrafi/

Këngëtarja e njohur, Dafina Zeqiri, ishte e pranishme së fundmi për të takuar Kryeministrin në detyrë, Albin Kurti.

Një video e publikuar nga momenti i takimit ka bërë xhiron e rrjeteve sociale, duke u kthyer menjëherë në virale.

Në video shihet Kryeministri Kurti duke i dhuruar një dhuratë Dafinës, ndërsa ajo i zgjat dorën dhe i thotë me humor: "Shumë ma cool qenke live”.

Ky moment i thjeshtë, por i ngrohtë, ka tërhequr vëmendjen e fansave dhe komentuesve.

Kurti gjithashtu ishte i pranishëm në natën e parë të koncertit të Dafinës, duke treguar mbështetje për këngëtaren shqiptare në një nga performancat më të pritura të saj.

Ky takim ndërthur muzikën dhe politikën në një moment të veçantë, që ka marrë reagime të ndryshme nga publiku, por mbi të gjitha ka treguar një atmosferë të relaksuar dhe miqësore mes yllit të muzikës dhe udhëheqësit të vendit. /Telegrafi/

Ikona e kinemasë franceze, Brigitte Bardot, ka ndërruar jetë në moshën 91-vjeçare, njofton Fondacioni “Brigitte Bardot” përmes një deklarate zyrtare të cituar nga agjencia AFP.

Bardot ishte një aktore dhe këngëtare me famë botërore, e njohur për karrierën e saj të shkëlqyer në film dhe muzikë, që e bëri emrin e saj një simbol të kinemasë franceze në të gjithë botën.

Ajo shndërroi elegancën, karizmën dhe talentin e saj në role që mbeten të paharrueshme për publikun dhe kritikët e artit.

Brigitte Bardot (Screenshot)

Megjithatë, pas arritjes së suksesit të madh në industrinë e filmit, Bardot vendosi të braktisë skenën dhe dritën e reflektorëve për t’i kushtuar jetën një kauze që i ishte gjithmonë zemra: mbrojtjes së kafshëve.

Ajo themeloi Fondacionin “Brigitte Bardot”, duke u angazhuar në mënyrë aktive për të drejtat e kafshëve dhe duke përdorur influencën e saj për të sensibilizuar publikun dhe institucionet mbi rëndësinë e mbrojtjes së tyre.

Deklarata e fondacionit nuk jep detaje mbi kohën apo vendin e vdekjes së saj, por vepra dhe trashëgimia e saj do të mbeten një kujtim i paharrueshëm.

Brigitte Bardot nuk ishte vetëm një ikonë e kinemasë, por edhe një simbol i pasionit dhe përkushtimit ndaj natyrës dhe qenieve që nuk mund të flasin për veten e tyre. /Telegrafi/

Një moment i çuditshëm dhe argëtues ka ndodhur së fundmi në shtëpinë e Big Brother VIP Kosova, i kapur nga kamerat dhe i publikuar në profilin zyrtar të emisionit.

Në një video të shkurtër, Elijona i shkon Klodit në shtrat dhe e kafshon lehtë, duke shkaktuar një reagim të menjëhershëm nga ai.

Klodi fillimisht fillon të bërtasë paksa, ndërsa Elijona nuk ndalet dhe e përsërit veprimin. Më pas i thotë se “nganjëherë humb kontrollin” dhe qesh me situatën, duke e bërë momentin të duket më i lehtë dhe plot humor.

BBVK/Instagram

Komentet e publikut ishin të përziera. Disa vlerësuan energjinë dhe pozitivitetin e Elijonës, ndërsa të tjerë menduan se ajo mund të mos jetë gjithmonë vetvetja dhe se po tregon një anë të fshehur të karakterit të saj.

Ky episod i shkurtër ka rikthyer fokusin te dinamika e banorëve dhe lojërat e tyre spontane brenda shtëpisë, duke treguar se BBV Kosova vazhdon të surprizojë me momente të papritura dhe argëtuese. /Telegrafi/

Mbrëmja e radhës në shtëpinë e Big Brother VIP Albania ka sjellë një tjetër kthesë të rëndësishme në lojë, duke ndryshuar mënyrën e eliminimit.

Këtë herë, të gjithë 17 banorët e mbetur janë futur njëkohësisht në televotim, duke e lënë vendimin plotësisht në duart e publikut.

Ndryshe nga javët e kaluara, ku nominimet bëheshin mes një numri të kufizuar banorësh, këtë herë shikuesit do të votojnë për të preferuarin e tyre nga i gjithë grupi.

BBVA/YouTube

Banori që do të marrë më pak vota për të qëndruar në shtëpi, do të detyrohet ta lërë garën në spektaklin e së martës.

Ky format i ri pritet të ndikojë ndjeshëm në strategjitë e lojës, duke rritur tensionin mes banorëve dhe duke i bërë ata më të kujdesshëm në sjelljet dhe marrëdhëniet e tyre brenda shtëpisë.

Çdo veprim, debat apo aleancë mund të ndikojë drejtpërdrejt në mbështetjen e publikut.

Ndërkohë, spektakli i mbrëmshëm solli edhe një largim nga shtëpia: banorja që u eliminua dhe i dha fund rrugëtimit të saj në Big Brother VIP Albania ishte Xhodi. /Telegrafi/

- YouTube www.youtube.com

Nina Dobrev ka tërhequr vëmendjen në Instagram me disa fotografi ku shfaqet me bikini gjatë një pushimi relaksues në sauna.

Aktorja 36-vjeçare pozoi me një bikini të zezë, duke treguar linjat e saj elegante, ndërsa në sfond shihej një pamje mbresëlënëse me ujë dhe natyrë.

Krahas imazheve, ajo shkroi “Mentalisht në modalitetin e aeroplanit”, ndërsa ndau edhe një video nga dhoma e avullit, ku theksoi rëndësinë e balancës dhe rigjenerimit, shkruan DailyMail.

Postimet e saj morën qindra mijëra pëlqime dhe komente nga ndjekësit.

Këto paraqitje vijnë disa muaj pas ndarjes së saj nga ish-i fejuari Shaun White, me të cilin kishte qenë në një lidhje pesëvjeçare.

Edhe pse ndarja u përshkrua si e vështirë për aktoren, Nina duket se po i kushton kohë vetes, duke reflektuar qetësi dhe forcë në paraqitjet e saj të fundit. /Telegrafi/

Big Brother VIP Albania mbrëmë solli emocione të forta, me fokusin kryesor tek banori Mal Retkoceri.

Situata e ndjeshme familjare e tij preku jo vetëm banorët, por edhe publikun që e ndoqi spektaklin.

Mali, djali i këngëtares Violetë Kukaj, mori një vendim të qartë duke refuzuar takimin me babain e tij, me të cilin nuk ka pasur asnjë kontakt prej shtatë vitesh.

Violete Kukaj/Instagram

Edhe pse iu dha mundësia për një përballje pas një kohe kaq të gjatë, ai u shpreh se nuk ndihej gati ta bënte këtë hap në këto rrethana, duke theksuar se një ditë takimi do të ndodhë, por larg kamerave.

Ky vendim u mbështet menjëherë nga familja e tij jashtë shtëpisë. Nëna e Malit, Violetë Kukaj, reagoi përmes rrjeteve sociale duke treguar hapur krenarinë për të birin. “Lum nana për ty, Zoti të rujtë”, shkroi ajo në postimin e saj.

Violeta publikoi gjithashtu një fotografi të Malit me një kurorë mbi kokë, një simbolikë që u interpretua si mbështetje e plotë për qëndrimin e tij.

Me këtë veprim, u bë e qartë se familja, përfshirë edhe motrën Njomzë, qëndron në një linjë me vendimin e Malit për të ruajtur distancën nga i ati.

Refuzimi i takimit publik u pa si një zgjedhje për të mbrojtur veten dhe historinë e tij personale, e cila u përforcua edhe nga përkrahja e hapur e nënës dhe motrës së tij. /Telegrafi/

Njomza Retkoceri/Instagram

Një vendim surprizues ka ndodhur gjatë spektaklit të sotëm të Big Brother VIP Albania.

Pas hapjes së televotimit për banorët Lorna, Angelo, Seno dhe Xhodi, publiku ka vendosur që banori që do të largohet nga shtëpia është Xhodi.

Megjithatë, Xhodi ka biletë fati, që i mundëson të ketë një mundësi tjetër për t’u rikthyer në shtëpi, nëse kushtet e biletës plotësohen.

Ky eliminim pritet të ndikojë në dinamikat brenda shtëpisë, duke sjellë emocione dhe reagime të ndryshme nga banorët e tjerë.

Tani loja do të vazhdojë me tensione të reja, ndërsa Lorna, Angelo dhe Seno mbeten të fokusuar në sfidat dhe strategjitë e ardhshme. /Telegrafi/

- YouTube www.youtube.com

Një moment shumë emocionues ka ndodhur në shtëpinë e Big Brother VIP Albania, kur babai i Malit ka hyrë për të takuar djalin e tij.

Pas divorcit, ata nuk kanë pasur shumë kontakte dhe tani janë vite që nuk janë parë e takuar, çka ka sjellë emocione të forta mes tyre.

Mali para se të merrte lajmin se babai i tij ndodhej aty, tha: “Jam pak shpirt i lirë dhe s’e kam pritur që do të adaptohem kaq shpejt, edhe pse rri me pak njerëz, kam surprizuar veten. Nuk jam futur me strategji, jam futur të tregoj karakterin tim, kjo është e rëndësishme për mua”.

BBVA/YouTube

Ai foli me dashuri për nënën e tij: “Për nënën e përshëndes shumë, jemi si shokë. Nëna më ka dhënë jetën dhe i kam shumë borxhe dhe ishalla ia kthej një ditë. Më kanë përkrahur, sidomos nëna, për të gjitha gjërat që kam bërë dhe më ka thënë që je për atë format dhe ishalla e kam bërë krenare atë”.

Për marrëdhënien me vëllain, Mali tha: “Me vëllain i kemi mendimet të ndryshme, por e dua shumë, po me të dy i kam marrëdhëniet e ndryshme që i shijojmë. Shpresoj që t’i kem bërë krenarë dhe i kam qëndruar vetes ashtu si duhet”.

Babai i Malit ndau perspektivën e tij për mungesën e kontakteve: “Ma i bukuri, ma i miri, llokum. Kemi 7 vite e tre muaj që nuk jemi parë e takuar. Ka qenë periudhë shumë e vështirë. Unë me bashkëshorten time jemi ndarë dhe fëmijët kanë qenë të prekur. Ka pasur ditë që më takonin, më flisnin, por një ditë nuk erdhën as të më takonin e as të më flisnin”.

Ai shtoi se Mali nuk ka asnjë arsye që ta shmangë takimin: “E kam mbajtur si pëllumbin, edhe unë edhe gjyshja. Qajmë për të natë e ditë. Ai e ka hallin e nënës së vet”.

Mali foli edhe për marrëdhëniet e tjera familjare: “Violeta ka shtatë vëllezër dhe unë kam raporte shumë të mira me ta, edhe nëna m’i merr në telefon. Edhe me Njomzën edhe me Anisin, edhe ajo jeton në Gjermani dhe u uroj jetë të gjatë Njomzës dhe djalit të saj që bën një vjeç”.

Ai përfundoi duke shpjeguar vendimin e tij për të mos e takuar babain për momentin: “Nuk është e vështirë, po zgjedh mos të përmend, jo se kemi hequr përpara unë, nëna, motra dhe vëllai. Shumë pata qejf prej nënës ose motrës, shans të dytë i jepet njerëzve që gabojnë dhe mësojnë nga gabimet, jo atyre që vetëm gabojnë dhe nuk të lënë të ecësh përpara. Unë i uroj të gjitha të mirat në jetë, por kur të vijë dita do e takojë ku nuk ka kamera”. /Telegrafi/

- YouTube www.youtube.com

Në shtëpinë e Big Brother VIP Albania, përkujdesja e Brikenës ndaj Stenaldos ka ngjallur reagime të ndryshme.

Ndërsa disa banorë e kanë perceptuar këtë si të shtirur, Stenaldo është shprehur se nuk pranon një kujdes të tillë, madje as nga njerëzit e tij më të afërt.

Brikena ka shpjeguar arsyen e sjelljes së saj: “Unë jam një person që jam një person i tillë, i kujdesshëm. E kanë parë edhe ata që janë këtu. Është një gjë që e bëj me të gjithë banorët. Jam tip që kam qejf të ndihmoj çdokënd”.

BBVA/YouTube

Nga ana tjetër, Stenaldo ka treguar kufijtë e tij personalë: “Është kënaqësi të kesh një vajzë si Brikena. Bukuria e Brikenës, është shumë e këndshme në të gjithë dimensionin e saj, por të hysh në BBV është të marrësh përsipër një sfidë. Ju më keni parë gjatë qëndrimit në shtëpi është e vështirë ta lë veten time kaq vulnerabël. Mendoj që është faktike, që asnjëri nuk i ka përjetuar. Këtë lloj përkujdesje nuk e pranoj as nga miqtë e mi më të ngushtë, as nga prindërit e mi, jo më në këto rrethana që jemi”.

Ky moment nxjerr në pah tensionin mes nevojës për mbështetje dhe dëshirës për pavarësi, duke reflektuar sfidat emocionale që sjell pjesëmarrja në lojë. /Telegrafi/

Gjatë spektaklit të sotëm të Big Brother VIP Albania, televotimi nga publiku nxori më pak të votuarit Lornën dhe Senon.

Si rezultat, ata u detyruan të zgjedhin dy banorë të tjerë për nominim.

Lorna shpjegoi zgjedhjen e saj: “Është pak e vështirë, se s’e dija që do të nominoja. Unë zgjedh Xhodin, është më pak aktive. Kam më pak raporte me të”.

BBVA/YouTube

Seno vendosi të nominojë Angelon, duke thënë se ai është shumë antipatik.

Ky zhvillim krijon një tension të ri në shtëpi dhe pritet që loja të bëhet më e ashpër në episodet e ardhshme, ndërsa publiku do të vendosë për fatin e banorëve përmes televotimit. /Telegrafi/

- YouTube www.youtube.com

Situata mes Ilirit dhe Juxhinit në shtëpinë e Big Brother VIP Albania është tensionuar ndjeshëm.

Përplasja ka sjellë reagime të forta, ku në diskutim u përfshinë edhe Angelo dhe Seno, duke e bërë situatën edhe më të agravuar.

Iliri reagoi i revoltuar ndaj asaj që e konsideroi tallje: “Të tallesh me një burrë 55 vjeç, turp të qoftë”.

Nga ana tjetër, Angelo u shpreh i befasuar nga përmasat që mori situata: “Nuk ma merrte mendja se mund të agravonte deri në këtë pikë”.

Screenshot/YouTube

Juxhini sqaroi se gjithçka kishte nisur si shaka dhe se kishte kërkuar falje: “Unë e nisa për shaka, nuk e dija që do merrte këto përmasa. Unë i kërkova falje, shpresoj të më ketë falur. I vetmi peng është se unë e prisja një ‘më fal’ mbrapsht nga Iliri për reagimin. Unë ia sqarova, ndoshta mund të më thoshte edhe ai ‘më fal’ për reagimin”.

Iliri mbeti i prerë në qëndrimin e tij, duke theksuar se situata ishte poshtëruese: “Nuk kam asnjë koment, ajo ishte poshtëruese për mua. Kjo lojë bëhet në Korçë dhe e di shumë mirë. Thashë se ka pyetur njeri për ndonjë pikë të dobët të Ilirit. Do të falur nga mua? Nuk ma kërkove?”

Debati vazhdoi me replika të forta mes palëve: Juxhini: “Unë thashë se ndoshta e ke ndier, nëse s’e ke ndier është ok”.

Iliri: “Të falur publikut deri në gjunjë”.

Angelo: “Mendoj që Iliri duhet t’i kërkojë falje jo vetëm Juxhinit, por të gjithë atyre që ishin këtu dhe që e përjetuan keq. Duhet të më thotë mua faleminderit që të shpëtuam, se do kishe dalë me zarf të zi. Ikësh, nëse s’të mbajmë ne”.

Iliri reagoi menjëherë: “Ti më mban mua?”
Angelo: “Po, po”.

Në debat u përfshi edhe Seno, i cili kritikoi mënyrën se si po trajtohej situata: “Angelo të mundohet të mbajë veten, po mundohen të viktimizohen të gjithë. Ajo është një tallje, një ironi shumë e ulët”.

Përplasja la pas një atmosferë të rënduar, duke treguar edhe një herë se tensionet dhe keqkuptimet brenda BBVA mund të eskalojnë shpejt. /Telegrafi/

- YouTube www.youtube.com

Elijona ka vazhduar rrëfimin e saj prekës, duke ndalur te periudha e vështirë që ka kaluar gjatë fëmijërisë, kur jetonte larg familjes biologjike.

Ajo tregoi se kjo kohë e ka ndikuar thellë emocionalisht dhe ka lënë pasoja të forta në gjendjen e saj shpirtërore.

Duke folur për dallimin mes rritjes me familjen e vet dhe asaj të huaj, Elijona u shpreh:
“Ndryshe e këqyr fëmijën tënd, ndryshe fëmijën e huaj”, duke lënë të kuptohet për boshllëkun emocional që ndjente gjatë kohës që jetonte me familjen gjermane.

BBVK/Instagram

Ajo zbuloi se në atë periudhë kishte rënë në depresion të thellë dhe shpesh ishte përballur me mendime shumë të rënda: “Në atë kohë kam pasur rënë në depresion shumë dhe thosha: ‘O Zot, s’dua të jem në këtë jetë. Pse është kjo jetë kështu e poshtër? Nëse kjo është jeta ime, unë s’di ta kem këtë jetë’”.

Megjithatë, Elijona tregoi se takimet me prindërit e saj biologjikë i jepnin forcë për të vazhduar përpara: “Mua më jepnin forcë takimet që i kam pasur me mamin dhe me babin”.

Në fund ajo tha: “Jam shumë krenare që jam kthyer në shtëpi dhe e kam mësuar gjuhën. Ai ishte viti im më i bukur”.

Ky rrëfim i sinqertë dhe i dhimbshëm i Elijonës solli emocione të forta, duke treguar se pas historive të forta qëndron një forcë e madhe për të mbijetuar dhe për të rindërtuar veten. /Telegrafi/

Elijona hap zemrën për humbjen më të madhe

Elijona ka ndarë një nga historitë më të dhimbshme të jetës së saj gjatë një bisede emocionale me Sasën, ku foli hapur për humbjen e nënës dhe motrës, si dhe për fëmijërinë e saj të vështirë larg familjes.

Gjatë rrëfimit, ajo tregoi se gjëja që e dhemb më shumë është fakti se nuk ka pasur mjaftueshëm kohë për ta shijuar praninë dhe dashurinë e nënës së saj.

BBVK/Instagram

“Fakti që më mërzit është që nuk kam pasur shumë kohë me mamin. Unë kur i kam pasur 13 vjet jam kthyer në shtëpi, që kam ikur prej familjes gjermane”, i tha Elijona Sasës.

Sasa e pyeti se sa vjeçe kishte qenë kur kishte jetuar me familjen gjermane, ndërsa Elijona u përgjigj:
“I kam pasur 6-7 vjet kur kam shkuar, e 13 jam kthyer”.

Në vijim të bisedës, Sasa e pyeti nëse gjatë gjithë atyre viteve kishte qenë pa nënën, gjë që Elijona e konfirmoi me një “po”.

Rrëfimi i saj u bë edhe më prekës kur ajo foli për momentin e kthimit në shtëpi dhe zhgënjimin që pasoi: “Erdha dhe më është dukur aq bukur, jam lutur s’di sa vite për ta pasur atë moment dhe s’më la Zoti të kënaqem, ta shijoj, ta kem dashurinë e nënës, të mbushem me dashuri të nënës”.

Ky rrëfim i sinqertë preku jo vetëm Sasën, por edhe publikun, duke nxjerrë në pah dhimbjen e thellë dhe boshllëkun emocional që Elijona mban ende brenda vetes. /Telegrafi/

Pas eliminimit nga Big Brother VIP Kosova, Shkurta ka komentuar situatën brenda shtëpisë në Big Talk, duke treguar se largimi i saj ishte i dëshiruar nga banorët e tjerë, ndaj nuk u përshëndet nga ata.

“Përderisa ata kanë dëshiruar që unë të dal, shumica nuk kanë lënë hapësirë as për t’i përshëndetur.

Ndoshta është dashur të më lihej një hapësirë për të shprehur kërkesën time. Nuk e kam parë të arsyeshme që të merrem me dikë që kënaqet me fatkeqësinë time”, ka deklaruar Shkurta.

Screenshot/YouTube

Debati më pas është tensionuar mes Xhenetës dhe Shkurtës, ku kjo e fundit përdori edhe gjuhë fyese.

“Oj silikone, oj botokse, nuk marr këshilla nga fallci” u shpreh Shkurta gjatë përplasjes.

Ajo më tutje vazhdoi: “S’ka pasur faj që s’të ka dashur Gjesti, se ti ke fituar në kurriz të tij”.

Xheneta iu përgjigj duke theksuar: “Jemi duke folur për bigun tënd”.

Screenshot/YouTube

Mbyllja e debatit mbeti e tensionuar, duke lënë ndjekësit e programit me shumë pyetje mbi marrëdhëniet dhe rivalitetet mes banorëve brenda shtëpisë. /Telegrafi/

- YouTube www.youtube.com

Banorët e Big Brother VIP Kosova përjetuan një sfidë mjaft interesante gjatë edicionit të katërt të spektaklit, por që nuk ishte e panjohur për publikun.

Ata morën pjesë në sfidën e njohur të biskotave nga Squid Game, ku duhet të tregojnë durim dhe precizion.

Rregulli kryesor ishte i rreptë: banorëve u lejohej të përdornin vetëm gjilpërën dhe gjuhën, duke e bërë sfidën edhe më të vështirë dhe të tensionuar.

BBVK/Instagram

Reagimet e tyre gjatë tentativave për të nxjerrë formën e duhur të biskotës tërhoqën vëmendjen e publikut dhe sollën momente të shumta të qeshura, por edhe frikë të lehtë nga gabimet.

Kjo sfidë risolli emocionet dhe tensionin që ka bërë të famshme lojën ndërkombëtare, duke treguar edhe një herë kreativitetin e produksionit të BBVK në sfidat e përditshme të banorëve. /Telegrafi/

Opinionistja e edicionit të katërt të Big Brother VIP Kosova, Leonora Jakupi, ka dhënë një sqarim për ndjekësit e saj lidhur me televotimet dhe dyshimet që shpesh shfaqen rreth tyre.

Ajo theksoi se edhe pse nuk është pjesë e produksionit, ka një pamje të qartë nga brenda formatit.

Nëpërmjet një InstaStory ajo tha: “Edhe unë dikur i kam pasur dyshimet e mia për televotim, por tash duke qenë pjesë e këtij formati edhe pse nuk jam pjesë e produksionit jam thjesht opinioniste, po ju tregoj shumë sinqerisht se me atë që kam parë, me televotimet, janë shumë reale”, tha Leonora.

Leonora Jakupi/InstaStory

Këngëtarja i bëri thirrje publikut të mos ndikohen nga komentet në rrjetet sociale, por të votojnë sipas preferencës së tyre: “Prandaj, ju që i pëlqeni ata njerëz që janë brenda aty dhe konsideroni që loja e tyre është e drejtë, votojeni, votojeni dhe mos i gjykoni të tjerët, komentet nëpër rrjete sociale janë të pavlefshme, vetëm me votën e juaj ju e qoni përpara atë që ju doni”, shtoi ajo.

Leonora theksoi rëndësinë e pjesëmarrjes aktive të publikut dhe respektit për vendimet e lojtarëve, duke treguar se televotimi është mënyra më e drejtë për të vlerësuar lojën brenda shtëpisë më të famshme të Kosovës. /Telegrafi/