U treguan të shkëlqyer.

Dy futbollistë shqiptarë e nisën vitin në mënyrën më të mirë të mundshme duke shënuar gola.

Këta janë Jasir Asani dhe Anis Mehmeti.

Asani shkëlqeu në një ndeshje për titull në Ligën Profesioniste të Iranit, ndërsa ekipi i tij, Esteglal, mundi kryesuesen e kampionatit, Sepahan.

Sfida u mbyll 2-1 për miqtë dhe shqiptari I lindur në Shkup realizoi për 1-0 në minutën e 10-të, me suksesin që u arrit në sekondat e fundit të shtesës.

Fitorja bëri që Esteglal të ngjitej në vendin e tretë në renditje, 5 pikë prapa Sepahanit, pra me shpresa të plota për titull.

Asani ka 7 gola në ligën profesioniste të Iranit, dhe në total kë 11 rrjeta duke përfshirë edhe Championsin e dytë të Azisë dhe Kupën e Iranit.

U shkëlqyer edhe Anis Mehmeti.

Futbollisti ofensiv i krahut që luan në kategorinë e dytë angleze, ishte protagonist në festivalin e golave që Bristol Siti mbajti ndaj Portsmuthit në fushën e vet.

Fitorja ishte 5-0 dhe Mehmeti realizoi golin e dytë në 24’.

Ylli shqiptar që ka mbi dy vjet e gjysmë që nuk thirret në kombëtare, ka 8 gola në Championship në 25 ndeshje, duke qenë shënuesi më I mirë I ekipit.

Bristol gjithsesi ka shumë punë për të pretenduar ngjitjen në elitë, ndonëse Mehmeti këtë mund ta sigurojë pavarësisht fatit të ekipit.

Etleva Delia, autore e “Gjërat Tona” në një intervistë në “Tirana Live”, ABC News, foli për vrasjen e ndodhur n Shkodër më 29 dhjetor 2025, ku mbeti i vrarë Hysni Ymeri.

Ngjarja u zbardh nga policia dhe u vunë në pranga 4 persona. Gjatë intervistës, gazetarja Delia tha se të arrestuarit janë vënë në vëzhgim nga grupi hetimor në një ambient dhe aty është konstatuar se ata kanë folur me njëri tjetrin.

Gjithashtu theksoi se janë gjetur veshjet që autori i dyshuar ka përdorin kur ka vendosur lëndën eksplozive.

“Nga provat materiale dyshohet se mund të ketë qenë diku tek 100 gram lëndë plasëse. Viktima apartamentin e kishte në katin e katërt dhe dëmtimet më të mëdha i ka pasur në kokë dhe njërin nga krahët. Ka arritur të shkojë i gjallë në spital, por më pas nuk ia ka dalë. Duke qenë se ishin katër persona dhe kanë pasur role të ndryshme. Dikush ka vëzhguar shënjestrën, dikush ka vënë lëndën plasëse dhe pavarësisht se sipas policisë të katër personat që janë arrestuar janë të paguar. Nuk është se ishin ata personat që kishin konflikt, por mund të jenë paguar nga persona të tjerë.  Djali i viktimës pretendon se ai ati nuk kishte konflikte, por nga ana tjetër janë hapur disa dosje të vjetra. Disa familjarë të tij rezultojnë të përfshirë në disa krime. Motivi i gjakmarrjes nuk përjashtohet si pistë hetimi…Edhe një i afërm tjetër akuzohet për vrasjen e një mjeku në Shkodër. Të gjitha këto po hetohen për të hedhur më shumë dritë. Viktima nuk rezulton me precedent penalë. Të arrestuarit nuk rezultojnë me precedentë të rëndë penalë…Hetimet janë intensive…”, tha ajo.

Brendi Prince Caffe, si një ndër më cilësorët në rajon, është i pranishëm në shumë shtete evropiane dhe në Shtetet e Bashkuara të Amerikës, përmes bashkëpunimeve të drejtpërdrejta me brende prestigjioze dhe partnerë strategjikë të nivelit të lartë, përfshirë Amazon, Lidl, Interspar, Shell, Kaufman, Konzum, dhe të tjerë.

Bashkëpunimet ndërkombëtare të Prince Caffe dhe shtrirja e saj në tregje të reja janë në rritje të vazhdueshme, si rezultat i drejtpërdrejtë i besimit të partnerëve globalë dhe i përkushtimit të pakompromis ndaj cilësisë.

Për ta arritur dhe ruajtur këtë nivel, Prince Caffe dhe të gjitha produktet e saj përcjellëse posedojnë dhe operojnë në përputhje të plotë me certifikatat më të larta ndërkombëtare të cilësisë, sigurisë dhe standardit, duke përmbushur kërkesat e tregjeve evropiane dhe ndërkombëtare.

Lajmi i rremë, i cili pretendon se në produktin Prince Caffe është gjetur një substancë e palejueshme, është plotësisht i pavërtetë dhe i pabazuar në fakte.

“Bazuar në mënyrën dhe qëllimin e shpërndarjes së këtij pretendimi, ekzistojnë dyshime të arsyeshme se bëhet fjalë për një veprim të porositur nga konkurrentë në treg, me synim dëmtimin e reputacionit të brendit.” – thuhet në reagimin e brendit.

Prince Caffe u ka bërë thirrje të gjitha mediave, institucioneve dhe palëve të përfshira që raportimi mbi çështje të tilla të bëhet në përputhje me profesionalizmin, etikën gazetareske dhe verifikimin e fakteve, duke shmangur publikimin e informacioneve të pavërtetuara.

Me këtë rast, Prince Caffe dëshiron t’i falënderojë të gjithë konsumatorët dhe bashkëpunëtorët besnikë, të cilët për mbi 20 vjet kanë treguar besim të palëkundur ndaj produkteve tona.

“Nuk është hera e parë që prodhimet e njësive të Devolli Corporation përballen me fushata të qëllimshme për njollosje të imazhit publik. Megjithatë, përgjigjja jonë mbetet e njëjtë. transparencë, përputhshmëri ligjore dhe cilësi e dëshmuar ndërkombëtarisht”. – përfundon reagimi. /Klankosova.tv

 

Një tërmet me magnitudë 6.5 ballë ka goditur Meksikën.

Sipas Qendrës Gjermane të Kërkimeve të Gjeoshkencës, epiqendra e tërmetit ndodhej në Guerrero, Meksikë.

Ndërsa thellësia ishte prej 10 kilometrash. Lëkundjet u ndjenë në shumë lagje, gjithashtu presidentja Claudia Sheinbaum u detyrua të ndërpresë konferencën e përditshme për shtyp.

Presidentja njoftoi më pas se kishte komunikuar me guvernatoren e Guerrero-s dhe se nuk dukej të kishte raportime për dëme serioze.

 

 

#LATEST — Mexican President Sheinbaum abruptly pauses her press conference as 6.5-magnitude earthquake shakes Mexico City pic.twitter.com/0YRqLo8XPi

— Türkiye Today (@turkiyetodaycom) January 2, 2026

 

#Sismo: de Magnitud de 6.5 a 4 km NNW de Rancho Viejo, #Mexico.

Algunas imágenes de como se vivió el sismo.

2026-01-02
13:58:18 (UTC)

16.902°N 99.303°W

Profundidad: 35.0 km #EG #Georiesgos #Temblor #Terremoto #hoy #urgente #earthquake #quake #Jishin pic.twitter.com/bYlK7kxvfO

— ESPECIGEST (@ESPECIGEST) January 2, 2026

Izraeli ndërmori disa sulme ajrore në Libanin jugor, në përfundim të afatit të vendosur për çarmatosjen e grupit militant Hezbollah përgjatë kufirit mes dy vendeve.

Sulmet ndodhën disa ditë para një mbledhjeje të planifikuar të qeverisë libaneze, ku komandanti i ushtrisë pritet t’i raportojë kabinetit për largimin e pranisë ushtarake të Hezbollahut nga zona pranë kufirit me Izraelin, raporton AP.

Sipas mediave shtetërore libaneze, sulmet ajrore goditën disa zona në jug të Libanit, përfshirë rajonin e njohur si “Apple Province” dhe periferitë e fshatrave Ansar dhe Zrariyeh. Ushtria izraelite njoftoi se forcat ajrore kanë goditur objekte infrastrukturore të Hezbollahut në disa zona të Libanit jugor.

Lufta e fundit mes Izraelit dhe Hezbollahut nisi më 8 tetor 2023, një ditë pas sulmit të militantëve të udhëhequr nga Hamasi në Izraelin jugor, kur Hezbollahu lëshoi raketa drejt Izraelit në shenjë solidariteti me Hamasin

Kreu i Shërbimit të Inteligjencës së Jashtme të Ukrainës, Oleg Ivasenko është emëruar nga Volodymyr Zelensky, në krye të shërbimit të inteligjencës ushtarake të vendit.

“Nga sot, Oleg Ivasenko do të vazhdojë t’i shërbejë shtetit tonë dhe të kryejë detyra për të kufizuar praninë e personelit ushtarak rus në pozicionet e shërbimit të inteligjencës ushtarake të Ukrainës”, tha Zelensky në një postim në mediat sociale.

Në të njëjtën kohë, presidenti ukrainas njoftoi një ndryshim në udhëheqjen e Shërbimit Shtetëror të Rojës Kufitare të vendit, një pozicion që më parë mbahej nga Serhiy Dainenko.

Zelensky tha se i ka kërkuar Ministrit të Brendshëm të Ukrainës, Igor Klimenko të propozojë kandidatë për këtë pozicion, pasi kërkon të ndryshojë qasjen ndaj funksionimit të shërbimit.

Të paktën dhjetë persona kanë vdekur dhe më shumë se 1,400 banorë po përballen me probleme serioze shëndetësore pas alarmit të ngritur për ndotjen e ujit të pijshëm.

Ngjarja raportohet në zonën Bhagirathpura të qytetit Indore në shtetin Madhya Pradesh, në Indinë qendrore.

Sipas autoriteteve lokale, kriza duket se është shkaktuar kur u zbulua një rrjedhje në një tubacion kryesor uji pranë një stacioni policie në zonë.

Sipas zyrtarit administrativ Shravan Verma, shërbimet përkatëse janë mobilizuar menjëherë, duke dërguar ekipe mjekësore për kontrolle shtëpi më shtëpi.

Në të njëjtën kohë, tableta klori po u shpërndahen banorëve me qëllim kufizimin e ngarkesës në ujë dhe parandalimin e rasteve të reja.

Një ngjarje e rëndë ndodhi sot në Orikum. 50-vjeçari Llogora Xhebroi dhunoi për vdekje gruan e tij Sose Xhebroi rreth 40 vjeçe dhe më pas vrau veten në garazhin e banesës së tij me armë zjarri.

Fqinjët kanë folur për ABC News, duke u shprehur të tronditur nga ngjarja.

“Ishin njerëz të mirë, në punën e tyre. Njerëz punëtorë. Jemi të habitur nga ngjarja. Na ra si bombë. Kanë pasur një biznesin e tyre një lokal aty punonin. Punonin bashkë burrë e grua. Kishin dy djem”, shprehet një prej fqinjëve.

Gruaja u gjet në banesë pa shenja jete. Ka qenë një nga fëmijët që ka lajmëruar ambulancën dhe qendrën shëndetësore të Orikumit.

Pas transportimit të trupit të pajetë të gruas në spital, 52-vjeçari ka qëlluar vetën me pistoletë të cilën dyshohet se e mbante në garazh aty ku edhe i ka dhënë fund jetës.

Kryeministri i Polonisë, Donald Tusk ka shpallur vitin 2026 një “vit të përshpejtimit polak”, duke premtuar se do të ndërtojë “ushtrinë më të fuqishme në Evropë”, do të rrisë investimet në infrastrukturë dhe do të mbajë qëndrim më të ashpër ndaj krimit.

Në një takim të vitit të ri, siç raporton “TVP World”, Tusk tha se qeveria e tij do të përshpejtojë zgjerimin ushtarak, do të nisë projekte të mëdha infrastrukturore dhe do të vazhdojë atë që e quajti “ripolonizim” dhe rindërtim të industrive kryesore, përfshirë sektorin e mbrojtjes.

“Ne do të përshpejtojmë ndërtimin e ushtrisë më të fuqishme në Evropë. Ne do të përshpejtojmë investimet e mëdha në infrastrukturë. Ky do të jetë një vit i zhvillimit strategjik të shpejtë në Detin Baltik”, tha Tusk.

Ai gjithashtu njoftoi planet për të vendosur një rregull të rreptë “Polonia e para” në prokurimin publik.

Tusk premtoi masa më të ashpra kundër krimit, duke theksuar se autoritetet do të “ashpërsojnë masat kundër kriminelëve të të gjitha llojeve”, përfshirë tregtarët e drogës, politikanët e korruptuar dhe ata që ai i përshkroi si militantë pro-rusë.

“Kushdo, pa përjashtim, që shkel ligjin do të pendohet shumë vitin e ardhshëm”, tha ai duke shtuar se Polonia do të bëhet “një oazë e sigurisë”.

Një ngjarje e rëndë trondit këtë të premte Vlorën. Një krim në familje u raportua në Orikum.

50-vjeçari Llogoa Xhebroi dhunoi për vdekje gruan e tij Sose Xhebroi rreth 40 vjeçe dhe më pas vrau veten në garazhin e banesës së tij me armë zjarri.

ABC News ka siguruar foton e çiftit të bashkëshortëve.

Mësohet se gruaja është gjetur në banesë pa shenja jete. Ka qenë një nga fëmijët që ka lajmëruar ambulancën dhe qendrën shëndetësore të Orikumit.

Pas transportimit të trupit të pajetë të gruas në spital, 52-vjeçari ka qëlluar vetën me pistoletë të cilën dyshohet se e mbante në garazh aty ku edhe i ka dhënë fund jetës.

 

Çifti ishin prindër të dy fëmijëve, 18 dhe 16 vjeçe. Sipas informacioneve, çifti kishin pasur edhe më parë konflikti me njëri tjetrin dhe ishin në proces divorci. Gjithashtu mësohet se kishin një lokal në Orikum ku edhe punonin së bashku.

Spak vazhdoi edhe kete vit arrestimet dhe hetimet per korrupsion dhe goditjen e krimit te organizuar. Nga arrestimi i Erjon Veliajt te gjyqet per Ilir Meten dhe Sali Berishen ishin disa nga ceshtjet me te bujshme kete vit per drejtesine.  Krimi mori goditje ne disa operacione, por dora e tij goditi serish ne disa atentate

Ngjarjet të shumta kriminale dhe goditje nga SPAK ndaj korrupsionit dhe krimit të organizuar, shoqëruar vitin 2025.

ARRESTIMI ERION VELIAJ

-Më 10 shkurt 2025, Kryetari i Bashkisë së Tiranës, Erion Veliaj u arrestua  me urdher te spak, qe po e hetonte per 5 vepra penale korrupsion, pastrim parash, fshehje pasurie e shpërdorim detyre, futje te sendeve te paligjshme ne qeli.

Veliaj akuzohet se së bashku me bashkeshorten e tij, dhe disa biznesmene te akuzuar ne te njejten dosje kanë perfituar nga fondet e bashkise permes nje skeme te ngjashme me atë të dosjes 5D.  Spak mbylli hetimet ne korrik, por ende dosja nuk ka kaluar për gjykim ne themel

ARRESTIMI SAFET BAJRI

-Më datën 21 Shkurt, Safet Bajri, i njohur si një ndër eksponentët kryesorë të krimit në Shkodër u arrestua dhe u transferua në Tirane. Arrestimi i Bajrit u realizua pas një kontrolli të mëparshëm të dështuar në shtëpinë e tij.  Sipas SPAK, ndaj Safet Bajrit ishte miratuar një masë e re arresti me burg nga Gjykata e Posaçme për akuzat e “vrasjes me paramendim” të Fatbardh Licit, e ndodhur në vitin 2018.

VRITET PALESTINEZJA TIRANE

-Më 27 shkurt u zbulua një vrasje qe tornditi kryeqytetin.  Babe e bije, 49 vjec dhe 24 vjece, Rayyan dhe Fadi Alëan, më 19 shkurt morën me qira ditore nje apartament, policia zbuloi se Fadi Alëan ka qëlluar me thikë të bijën duke e lenë të vdekur, dhe më pas është larguar në drejtim të Holandës. Rayan Alëan u gjet e pajetë nga pronarët e banesës.

VRITET NE LEZHE GJOVALIN PRENDI, ATENTATI LUNDER

-Mbrëmjen e 17 Prillit, në fshatin Pllanë të Lezhës, u ekzekutuar me armë zjarri 64-vjeçari, Gjovalin Prendi, babai i Roan Brahimit, të vrarë në maj të vitit 2024 në një atentar mafioz ne Athinë. Pista kryesore per ngjarjen eshte hakmarrja, pasi djali i viktimës ka qenë i përfshirë në ngjarje kriminale.  -Në po të njëjtën ditë, në Lundër, 3 fëmijë dhe një I ri mbetën të plagosur si pasojë e të shtënave me breshëri, në Lundër të Tiranës. Fillimisht hetuesit dyshuan se atentatorët gabuan shënjestrën dhe se objektiv i tyre mund të ishte bashkëshortja e Roan Brahimit, por më pas kjo pistë hetimi u rrëzua.

DENOHET AUREL ZARKA TOYOTA YARIS

-Më 20 Maj, Gjykata e Posacme, shpalli  vendimin për deklarimin fajtor të ish-kreut të Prokurorisë së Vlorës, Aurel Zarka për korrupsion dhe ndikim të paligjshëm në çështjet penale që lidhen me dosjen e quajtur “Toyota Auris”. Por me 12 dhjetor, ky vendim u prish nga Gjykata e Posacme e Apelit I cili nxorri ne pah gabimet e prokuroreve te çeshtjes dhe kerkoi rikthimin e akteve në të njëjtën gjykatë dhe shqyrtimin e çështjes.

MBYLLEN HETIMET DOSJA META KRYEMADHI

-Më 27 Maj, 2025, Prokuroria e Posaçme mori të pandehur për korrupsion, pastrim parash dhe fshehje pasurie ish-presidentin Ilir Meta, si dhe ish-bashkëshorten e tij, Monika Kryemadhi. Hetimet u mbyllen më 28 korrik, ndërsa dosjen e kaloi për gjykim në fund të gushtit. Seancat për kalimin apo jo në gjykim të dosjes në ngarkim të Ilir Metës, janë shtyrë në të paktën 6 raste, me kërkesë të avokatëve, për tu njohur me aktet hetimore, kërkesa për largim të gjyqtarëve, por edhe me mungesën në process të përfaqësuesve ligjore të Ilri Metës. Meta ndodhet në burg që nga tetori 2024, ndërsa Kryemadhi ka masen detyrim paraqitje.

DENIMET DOSJA 5 D

-Më 28 Maj, Gjykata e Posaçme vendosi deklarimin fajtor të katër prej tetë zyrtarëve të Bashkisë së Tiranës që akuzohen se lehtësuan një skemë korrupsioni për të dërguar tenderat te kompania 5D, që sipas SPAK zotërohet “de facto” nga ish-drejtorët Redi Molla dhe Mariglen Qato. Gjykata vendosi dënimin e Deborah Keçit dhe 3 te pandehurve te tjere.Për këtë dosje Gjykata e Posaçme e Shkallës së Parë nuk ka pranuar kërkesën për gjykimin e shkurtuar në çështjen në ngarkim të Redi Mollësh e Mariglen Qatos, që lidhet me aferën e kompanisë 5D.

VRITET RENIS DOBRA MAT SHKOPET

-Ishte mbrëmja e 8 korrikut, kur 23-vjeçari nga Dibra, Renis Dobra u rrëmbye dhe u vra duke e mbytur me litar. Pasi e vrane, autoret tentuan te hedhin ne ujerat e lumit te Shkopetit makinen bashke me Renis Dobren brenda saj. 8 ditë pas vrasjes policia arriti te zbardhe ngjarjne. Për këtë ngjarjedyshohet si autorFatjon Bushgjokaj dhe dy vëllezërit e tij Kristi dhe Aleksandër Bushgjokaj.

MASAKRA SHKODER EROGEN BRAJOVIÇ

Dy të vrarë dhe 2 të plagosur është bilanci i një atentati që trondit Shkodrën mëngjesin e 8 shtatorit, në një lokal pranë Bashkisë së qytetit. Shënjestër ishte 43-vjeçari Erogen Brajoviç anëtar i fisit të Bajrit. Por plumbat vranetruprojen e tij Liridon Kraja dhe shtetasin Armando Pali. Nga atentati mbeti e plagosur edhe kamerierja 25-vjeçare Meri Kaceri.Autori Ragip Gila u vu në pranga dhe dyshiohet që vrasja të ketë motive hakmarrjeje,

GJYKIMI DOSJA PARTIZANI SALI BERISHA

Më 15 Shtator, Në Gjykatën e Posaçme u zhvillua seanca e parë e gjykimit në themel të çështjes ndaj ish-kryeministrit Sali Berisha, dhëndrit të tij, Jamarbër Malltezi dhe të pandehurve të tjerë në çështjen e privatizimit te ish-klubit sportiv “Partizani”. Shumë prej seancave në ngarkim të Berishës, janë shtyrë, me pretendimet e avokatëve për tu njohur me provat, mungesnë e tyre në procese gjyqësore, si dhe me kërkesat që ata kanë bërë, për pavlefshmëri të aktëve, kërkesa këto që janë rrëzuar nga Gjykata e Posacme. Malltezi akuzohet se ka përfituar të ardhura mbi 5 milionë euro nga një biznes ndërtimi, falë vendimeve të qeverisë të marra nga vjehrri i tij.

VRITET BIZNESMENI ITALIAN TEPELENE

Me27 shtator, ne Tepelenë u vra me armë zjarri biznesmeni Italian 44-vjeçar Edordo Sarchi. Motivi I ketij krimi ishte krejtësisht banal, zënkë e momentit për dritat e  makinave. I arrestuari Kamber Sulçaj, një 48-vjeçar nga fshati Mesaplik i Vlorës, qëlloi me armë ndaj italianit e miqve nga Tepelena që e shoqëronin.Si pasoje e plumbave Sarchi mori nje plumb ne kembe duke I çare arterien qe I shkaktoi vdekjen.

VRITET GJYQTARI I APELIT ASTRIT KALAJA

nje ngjarje e parecedent ne shqiperi tronditi sistemin e drejtësise , më 6 Tetor. Gjyqtari i Apelit, Astrit Kalaja u qëllua për vdekje në sallën e gjyqit pasi shpalli një vendim për një konflikt pronësie. Autor i ngjarjes Elvis Shkëmbi, 30 vjeç dhe palë në procesin gjyqësorplagosidhe babë e bir ne sallen e gjyqit. Gjithçka ndodhi kur gjyqtari Kalaja dha vendimin per nje çeshtje pronesie ne Shkoder. Për vrasjen e gjyqtarit, policia arrestoi, Elvis Shkambin, xhaxhane e tij, Gjon Shkambin si dhe rojen e sigurise ne Gjykate Banush Koxhaj.

21 JANARI  BASHA BERISHA NE SPAK

-SPAK, ka thelluar hetimet për vrasjen shtetërore të 4 protestuesve më 21 janar 2011. Më 30 tetor, Lulzim Basha u paraqit në Prokurorinë e Posaçme i thirrur për t’u pyetur në cilësinë e personit që ka dijeni mbi ngjarjen, në cilësinë e ish-ministrit të Brendshëm. Për 21 Janarin u thirr edhe Sali Berisha, I cili fillimisht refuzoi, por SPAK, i la flet thirrjen në dorë teksa ai firmosi për detyrimin e paraqitjes për aferën e dosjes Partizani.Po per kete dosje hetimore kane deshmuar dhe ish-presidenti I kohes Bamir Topi si dhe Ilir Meta ky I fundit kerkoi te deshmonte pasi sipas tij kishte te dhena te panjohura ende per grupin hetimor.

BELINDA BALLUKU E PANDEHUR

-Më 31 Tetor, Zv. kryeministrja Belinda Balluku, njëkohësisht ministre e Infrastrukturës dhe Energjisë u paraqit në SPAK në cilësinë e së pandehurës, ku iu komunikua akuza “shkelje e barazisë së pjesëmarrësve në tendera apo ankande publike”. Ndaj Belinda Ballukut u dhanë nga Gjykata e Posacme dy masa sigurie, ajo e Pezullimit nga Detyra dhe ndalimi I daljes jashtë vendit. Por më 12 Dhjetor, Zv.kryeministrja dhe ministrja e Infrastrukturës dhe Energjisë, Belinda Balluku, u rikthye në zyrën e saj të punës, pasi Gjykata Kushtetuese pranoi padine e kryeministrit  Rama per shkelje te kompetencave, duke pezulluar vendimitn  e Gjykatës së Posaçme për pezullimin e saj. Edhe Gjykata e Posaçme e Apelit vendosi më 18 dhjetor të ngrijë masën e Pezullimit nga Detyra ndaj Ballukut, deri në vendimarrjen e Gjykatës Kushtetuese, ku shyrtimi ne theme nis ne 22 janar

.VRITET GILMANDO DANI RINAS

-Rreth një vit pas lirimit nga burgu, Gilmando Dani, 47- vjeç u ekzekutua më 11 nentor, në dalje të aeroportit të Rinasit, një zonë e populluar dhe me prani të shumtë të forcave të Policisë së Shtetit në Tiranë. Shoqëruesi I tij pjesë e AMP, Muçi Shaljani, 40 vjeç, po ashtu mbeti I vrare nga bresheria e tre kallshnikolleve. Makina me të cilën udhëtonte Dani u qëllua me një breshëri plumbash nga 3 persona ende të paidentifikuar. Gilmando Dani kishte rekorde të hershme kriminale dhe njihet si një nga bashkëpunëtorët më të ngushtë të Emiljano Shullazit.

VRITET MOND MEHALLA ELBASAN

Mbremjen e 30 nentorit nje biznesmen nga elbasani u ekzekutua prane biznesit të tij. Mondi Mëhalla u qëllua sapo doli nga shtëpia e nënës së tij shumë pranë karburantit dhe hyri në makinë. Ngjarja ndodhi ne pak sekonda, autori doli nga makina dhe qëlloi 6 herë ne drejtim te Mehalles, 2 plumba e kapen viktimen në kokë. Në burg për ngjarjen, qëndrojnë Nevzat Spaho ish-ortaku i Mëhallës, Xhino Ago, dhe Kujtim Pisha.  Si organizator I vrasjes, policia ka shpallur në kërkim, Oklid Dalipin, disa dite para ngjarjes porositesi ka patur nje konflikt me viktimen.

KLODIAN BRAHO ZGJIDHET KREU I SPAK

Më 11 Dhjetor, Prokurori Klodian Braho u zgjodh në krye të Prokurorisë së Posaçme pasi mori votat e shtatë anëtarëve të Këshillit të Lartë të Prokurorisë. Braho është drejtuesi i tretë i Prokurorisë së Posaçme që prej themelimit, duke pasuar në këtë detyrë prokurorët Arben Kraja dhe Altin Dumani. Më herët, Këshilli i Lartë i Prokurorisë, KLP vendosi në mënyrë unanime të zgjedhë si drejtor të ri të Byrosë Kombëtare të Hetimit, BKH, Joni Ketën, që do ta mbajë këtë pozicion në pesë vitet e ardhshme.

GODITET ERGYS AGASI AKSHI

-Më datë 16 dhjetor 2025 Një operacion i Prokurorisë së Posaçme dhe BHK-se, goditi një grup kriminal, i cili akuzohet se manipulonte tenderat e Agjencisë Kombëtare të Shoqërisë së Informacionit, përmes pengmarrjes, shantazheve apo dhunës. Gjykata e Posaçme caktoi masa sigurimi për tetë persona, per drejtoreshën e AKSHI, Mirlinda Karçanaj dhe zv. drejtoreshën Hava Delibashi të cilat u vendosën në “arrest shtëpie”. Masat per biznesmeninin Ermal Beqiri dhe Ergys Agasin nuk jane ekzekutuar ende pasi nuk u gjeten nga hetuesit.I përfshirë në skemë dyshohet edhe Erion Ismaili, zv.drejtor për hetimin e Krimit në Policinë e Tiranës, ndaj të cilit gjykata ka vendosur “pezullim nga detyra”.

GERDECI PROVA PER SHKELZEN BERISHEN

-Prokuroria e Posaçme paraqiti më 23 dhjetor, prova te reja në funksion te procesit gjyqësor që kanë të bëjnë me tragjedinë e Gërdecit ku I perfshire del edhe emri i Shkëlzen Berishës djalit të Sali Berishës. SPAK paraqitit provat lidhur me një Faks të sekuestruar në Ministrinë e Mbrojtes ku ishte vendosur shënimi për Shkëlzen Berishën. Në dokumentet e SPAK thuhet se në cepin e majtë të këtij faksi, ka qënë i vendosur shënimi “Për Shkëlzen Berishën”. Prokuroria kërkon që të pyetet si dëshmitare edhe Anjola Agolli, sekretarja e ish-ministrit të Drejtësis

[...]

Read More...

Këto janë pamjet nga banesa ku ndodhi krimi i rëndë në Orikum mesditën e sotme, ku një çift bashkëshortësh kanë humbur jetën. Dinamika e ngjarjes është e rëndë, ku sipas njoftimit, gruaja është dhunuar dhe vrarë nga bashkëshorti i saj, i cili më pas ka vrarë veten.

Në datë 02.01.2026, rreth orës 13:30, Urgjenca Kombëtare në Orikum kishte marrë një thirrje për ndihmë mjekësore për shtetasen Sose Xhebroi, rreth 40 vjeçe. Shërbimet mjekësore kanë konstatuar në trupin e saj, në pjesën e grykës dhe në trup, shenja dhune, të cilat dyshohet se janë shkaktuar nga dhuna e ushtruar ndaj saj nga bashkëshorti, shtetasi Llogora Xhebroi, rreth 50 vjeç.

Kjo shtetase ka ndërruar jetë në banesë.

Rreth orës 13:50, në momentin që shërbimet e Policisë kanë shkuar në banesën e shtetasit Llogora Xhebroi, kanë konstatuar të vetëvrarë me armë zjarri në garazh këtë shtetas dhe pranë trupit të tij është konstatuar një armë zjarri tip “Glock” dhe një gëzhojë kalibër 9 mm.

Grupi hetimor, nën drejtimin e Prokurorisë Vlorë, ndodhet në vendin e ngjarjes dhe po punon për dokumentimin dhe sqarimin e rrethanave të kësaj ngjarjeje.

[...]

Read More...

Gjykata ka caktuar masën e sigurisë arrest në burg për 67-vjeçarin Rushan Selko, i akuzuar se përdhunoi dhe la shtatzënë një 12-vjeçare në fshatin Piskupat, Bashkia Pogradec. Ngjarja e rëndë ndodhi në banesën e 67 vjeçarit në fshatin Piskupat në bashkinë e Pogradecit në muajin gusht.

Gjatë kësaj periudhe ai kërcënonte të miturën që të mos tregonte për atë çfarë kishte ndodhur ndërkohë rasti u zbulua nga prindërit e të miturës të cilët vunë re ndryshimet fizike të saj.  Ekzaminimi mjekësor zbuloi se vajza ishte 22 javëshe shtatzanë dhe më pas ajo rrëfeu të gjithë ngjarjen e rëndë.

Organi i akuzës ka kërkuar masën e sigurisë arrest në burg për 67 vjeçarin çka është pranuar edhe nga gjykata. Seanca e zhvilluar me dyer të mbyllura ka zgjatur më tepër se dy orë .

Burimet brenda seancës gjyqësore bëjnë me dije se 67 vjeçari nuk e ka pranuar që ka abuzuar seksualisht me të miturën. Ndërkohë, mësohet se vajzës i është marrë kampioni i fetusit për të kryer analizën e ADN-së për të vërtetuar atësinë e fëmijës. Pritet që pas 2-3 javësh të dalë përgjigjia e analizës e cila do hedhë dritë mbi ngjarjen e rëndë.

Në datë 02.01.2026, rreth orës 13:30, Urgjenca Kombëtare në Orikum kishte marrë një thirrje për ndihmë mjekësore për shtetasen Sose Xhebroi, rreth 40 vjeçe. Shërbimet mjekësore kanë konstatuar në trupin e saj, në pjesën e grykës dhe në trup, shenja dhune, të cilat dyshohet se janë shkaktuar nga dhuna e ushtruar ndaj saj nga bashkëshorti, shtetasi Llogora Xhebroi, rreth 50 vjeç.

Kjo shtetase ka ndërruar jetë në banesë.

Rreth orës 13:50, në momentin që shërbimet e Policisë kanë shkuar në banesën e shtetasit Llogora Xhebroi, kanë konstatuar të vetëvrarë me armë zjarri në garazh këtë shtetas dhe pranë trupit të tij është konstatuar një armë zjarri tip “Glock” dhe një gëzhojë kalibër 9 mm.

Grupi hetimor, nën drejtimin e Prokurorisë Vlorë, ndodhet në vendin e ngjarjes dhe po punon për dokumentimin dhe sqarimin e rrethanave të kësaj ngjarjeje. / abcnews.al /

Kosova nderoi këtë të premte ish kryeparlamentarin dhe akademikun Nexhat Daci, i cili ndërroi jetë më 1 janar në moshën 81-vjecare.

Personalitetet më të larta shtetërore, familjarë, akademike dhe qytetarë I dhanë lamtumirën e fundit në homazhet që u mbajtën në Kuvendin e Kosovës.

Në nder të tij, Kuvendi i Kosovës u mblodh në akademi përkujtimore për veprën dhe kontributin e tij në jetën politike dhe akademike të vendit.

Nexhat Daci ka qenë një nga figurat kyçe të jetës institucionale të Kosovës pas luftës. Ai ka qenë deputet i Kuvendit të Kosovës nga viti 2001 deri më 2011. Ndërsa e ka drejtuar këtë institucion për dy mandate, në periudhën 2000-2004 dhe 2004-2006.

Në periudhën kur drejtoi Kuvendin e Kosovës ishte pjesë e Lidhjes Demokratike të Kosovës. Pas vdekjes së udhëheqësit të LDK dhe presidentit të atëhershëm të Kosovës, Ibrahim Rugova, Daci shërbeu si ushtrues i detyrës së presidentit për rreth një muaj  në vitin 2006.  / abcnews.al /

Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 03.01.2026, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.  / abcnews.al /

Detajet nga zjarri tragjik në një resort për ski në Zvicër, janë tronditëse. Dëshmitarët kanë treguar tmerrin e përjetuar, teksa njerëzisht përpiqeshin t’u shpëtonin flakëve.

Nathan Huguenin, që po festonte ndërrimin e viteve në Crans Montana, ishte jashtë në momentin kur filloi zjarri.

Ai tregoi se u shokua nga ngjarja, teksa pa njerëz që humbën jetën nga flakët.

“Jam ende në shok. Nuk mund ta kuptoj çfarë ndodhi. Ndihem sikur është në të vërtetë një makth, sikur do të zgjohem. Dhe mbrëmë, nuk fjeta asnjë sekondë. Mbylla sytë dhe gjithçka më kthehej në mendje sepse pashë njerëz duke u ringjallur. Pashë njerëz të djegur plotësisht. Pashë njerëz duke vdekur”

Një tjetër dëshmitar, Samuel Rapp tha se kishte qenë në një bar aty pranë kur dëgjoi për incidentin rreth orës 1:30 të mëngjesit.

Një dëshmitar tjetër përshkroi se si të plagosurit u ndihmuan të dilnin nga bari dhe të shkonin në vendet aty pranë.

Të plagosurit ishin aq të shumtë saqë njësia e kujdesit intensiv dhe salla e operacionit në spitalin rajonal u mbushën shpejt me kapacitet të plotë.

Një tjetër dëshmitare tregoi se dy miket e saj kishin ndërruar jetë në spital si pasojë e asfiksisë dhe të dyja ishin rreth moshësh 20 vjeç.

/ abcnews.al /

Eksperti i sigurisë rrugore, Islam Qibini, ka deklaruar se ditët e para të këtij viti janë shoqëruar me aksidente të rënda me humbje jete, duke i cilësuar ato si tregues negativë për sigurinë rrugore në vend.

Sipas tij, faktori kryesor mbetet përdoruesi i automjetit, i cili duhet të ketë aftësitë e duhura, të jetë i vëmendshëm dhe të zbatojë rregullat e qarkullimit. Qibini theksoi se edukata rrugore është elementi kyç për respektimin e këtyre rregullave.

Në këtë kuadër, Qibini bëri thirrje për ndryshime në Kodin Rrugor dhe Penal, si dhe për rishikimin e disa dispozitave që lidhen me konsumimin e pijeve alkoolike.

“Në ditët e para kemi pasur aksidente të rënda me humbje jete. Janë tregues negativë për sigurinë rrugore, ku faktor kryesor është përdoruesi i automjetit, i cili duhet të ketë aftësitë e duhura, të jetë i vëmendshëm dhe të zbatojë rregullat e qarkullimit. Kryesore është edukata rrugore për zbatimin e rregullave.

Infrastruktura dhe terreni janë të rëndësishëm, por një drejtues automjeti duhet ta përshkojë një rrugë në bazë të tipologjisë së saj. Kur ka lagështi ose ngricë, duhet të ulë shpejtësinë.

Shumë drejtues mjetesh qarkullojnë në mënyrë agresive, bëjnë parakalime të gabuara dhe bëhen premisë për aksidente. Duhen bërë ndryshime në Kodin Rrugor dhe Penal, si dhe disa dispozita për pijet alkoolike duhen rishikuar.”  / abcnews.al /