Gjatë spektaklit të së premtes në Big Brother VIP Kosova 4, banorja më e re, Elijona Binakaj, ka ndarë me publikun një pjesë të jetës së saj mjaft të vështirë dhe emocionuese, duke folur për vitet që ka kaluar së bashku me vëllain e saj te një familje gjermane.
“Te gruaja gjermane tek e cila kemi jetuar nuk jam ndjere edhe aq e sigurte, për faktin që ajo i nderronte shumë shpesh partnerët. Kjo nuk më ka bërë të ndjehem mirë. Kjo urrejtje ndaj vetes ia ka nisur të më kalojë edhe në trup, derisa më ka çuar edhe në spital”, rrëfeu Elijona, duke treguar vuajtjet dhe pasojat emocionale të kësaj periudhe.
Banorja tregoi më tej se vendimi për të ikur nga kjo familje erdhi në moshën 12-vjeçare: “Kur mbusha 12 vjet vendosa që të largohem vetë nga familja gjermane. U lashë më herët nga shkolla dhe hipa në tren. Madje u fsheha në WC-në e trenit, sepse nuk kisha para për të paguar biletë”.
Elijona arriti të kthehej te prindërit e saj, por për vëllain nuk mundi të bënte të njëjtën gjë. “Atë s’kam mundur ta marr me vete”, tha ajo me dhimbje. Pas kthimit te prindërit, ajo u dërgua te një e afërm e familjes, ku jetoi fshehurazi për një kohë të gjatë.
Në rrefimin e saj, Elijona akuzoi edhe institucionet gjermane për veprim të padrejtë ndaj saj dhe familjes: “Institucionet gjermane padrejtësisht më kanë marrë nga prindërit, duke supozuar se ata nuk po kujdeseshin mirë për mua”. /Telegrafi/
Te premten, banori dhe këngëtari i njohur Kushtrim Kelani është eliminuar nga Big Brother VIP Kosova 4, pas një televotimi ku përballë tij ishin edhe Ludo Lee dhe këngëtari tjetër, Labinot Rexha.
Gjatë qëndrimit të tij në shtëpinë më të famshme të Kosovës, Kushtrimi u tregua si një djalë i qetë dhe me edukatë, duke lënë një përshtypje të mirë tek banorët dhe publiku.
Megjithatë, mungesa e tij e pjesëmarrjes aktive në debate dhe lojëra duket se ka ndikuar në vendimin e publikut, duke e penalizuar dhe çuar drejt largimit vetëm pak javë para finales së madhe.
Eliminimi i tij shënon një tjetër moment surprizë në edicionin e katërt të BBVK, ndërsa garuesit e mbetur do të vazhdojnë betejën për çmimin e madh. /Telegrafi/
Gjatë spektaklit Prime të së premtes në Big Brother VIP Kosova 4, situata brenda shtëpisë u tensionua jashtë mase gjatë një debati mes Albës dhe Labinotit.
Banorja akuzoi hapur produksionin, duke thënë se videot ishin montuar në mënyrë që ta nxirrnin në dritë të keqe dhe se nuk ishte shfaqur transparenca e plotë e debatit të saj me Labin. Ndërsa insistonte dhe fliste pa ndërprerje, prezantuesja Jonida Vokshi iu drejtua Albës: “Ok, nëse mendon kështu, dera është aty dhe mund të dalësh”.
Në atë moment, Alba u ngrit dhe deklaroi me vendosmëri: “Do largohem përderisa ju i jepni të drejtë një njeriu që shkel besimin në Zot”, duke u drejtuar drejt derës së daljes.
Mirëpo, situata mori një kthesë të papritur. Ashtu si në raste të tjera, Alba nuk u largua, por shkoi në dhomën e gjumit, mori arushin e saj dhe qëndroi brenda, duke treguar se tensioni nuk e kishte ndikuar vendosmërinë e saj për të mbetur pjesë e lojës.
Ky moment ka nxitur diskutime të shumta tek publiku, duke e bërë këtë episod një nga më të komentuarit e edicionit të katërt të Big Brother VIP Kosova. /Telegrafi/
Gjatë spektaklit Prime të së premtes në Big Brother VIP Kosova 4, tema e vendimit të Albës për t’u mbuluar vijoi të ngjallë diskutime të forta dhe reagime të ndryshme edhe nga paneli i opinionistëve.
Këtë herë, në karrigen e opinionistit, Valdrin Sahiti, i cili zëvendësoi Oltën Gixharin, solli një qasje më të balancuar dhe reflektuese ndaj vendimit të banores, ndryshe nga qëndrimi më pesimist i Leonora Jakupit.
Sahiti e këshilloi Albën që të tregojë përgjegjësi dhe vetëdije të plotë për hapat që po ndërmerr, duke theksuar se vendime të tilla kërkojnë përkushtim dhe nuk duhet të merren lehtë.
Stilisti i njohur ndau gjithashtu edhe përvojën e tij personale profesionale, duke zbuluar se një pjesë e madhe e klienteve me të cilat punon janë gra të mbuluara. Sipas tij, kjo i ka dhënë një perspektivë më të gjerë mbi konceptin e mbulesës dhe përgjegjësitë që ajo përfaqëson.
Në një moment të rrallë reflektimi personal, Valdrini tregoi se kishte menduar edhe vetë për marrjen e përgjegjësisë së faljes së namazit, por e kishte kuptuar se bëhet fjalë për një angazhim shumë të madh.
“Kam dashur disa herë ta provoj veten dhe më është dukur goxha impenjim dhe më është dukur shumë gjë e madhe për të arritur që të bëhet”, u shpreh Sahiti. /Telegrafi/
Në spektaklin Prime të së premtes në Big Brother VIP Kosova, u transmetua rrëfimi emocional i banorës më të re të shtëpisë, Elijona Binakaj, e cila për herë të parë foli hapur për një kapitull të ndjeshëm dhe shumë të diskutuar të jetës së saj.
Historia e Elijonës ka qenë shpesh në qendër të vëmendjes mediatike, për shkak të një të kaluare të trazuar në Gjermani, mirëpo këtë herë ajo vendosi ta tregojë vetë të vërtetën pas asaj që kishte ndodhur, duke befasuar publikun dhe banorët e tjerë.
Ajo rrëfeu se gjithçka nisi që në moshë shumë të vogël, kur ishte vetëm në klasën e dytë, duke theksuar dallimet e mëdha mes ligjeve gjermane dhe atyre në Kosovë. “Në klasën e dytë ka filluar të ndryshojë jeta ime. Në Gjermani ligjet janë pak më ndryshe se në Kosovë”, u shpreh Elijona.
Sipas saj, situata që çoi deri te ndërhyrja e autoriteteve lidhej me disa raste të përsëritura në shkollë, të cilat u interpretuan si neglizhencë prindërore. “Mami është dashur të shkojë në shkollë te motra dhe të vrapojë pas saj dhe ka ndodhur që dy-tri herë të më harrojë në shkollë. Edhe pse shkollën e kisha afër, në Gjermani nuk lejohet të ecësh vetëm për në shtëpi kur je në fillore”, tregoi ajo.
Elijona shtoi se edhe detyrat e shtëpisë, të cilat jo gjithmonë i kryente, u panë si një problem nga mësuesja dhe shërbimet sociale. “Të gjitha këto për mësuesen kanë qenë shqetësim për kujdesin e familjes, edhe pse realisht unë jam rritur me shumë dashuri. Kjo ka qenë arsyeja pse shkolla ka vendosur të më largojë prej familjes”, tha ajo me emocione.
Rrëfimi u bë edhe më i rëndë kur Elijona tregoi se për vite me radhë ka jetuar në një familje tjetër, pasi prindërit e saj kishin humbur gjyqin për kujdestarinë. Ky kapitull i jetës së saj, sipas Elijonës, ka lënë gjurmë të thella, por edhe e ka formësuar si personin që është sot. /Telegrafi/
Opinionistja e Big Brother VIP Kosova 4, këngëtarja Leonora Jakupi, ka shprehur hapur qëndrimin e saj lidhur me vendimin e Albës për t’u mbuluar brenda shtëpisë më të famshme në vend, një vendim që tashmë ka ndezur debat të gjerë publik.
Gjatë diskutimeve në studio, Leonora u tregua kritike ndaj këtij hapi të ndërmarrë nga banorja, duke theksuar se nuk e sheh të përshtatshme që një vendim kaq personal dhe i lidhur ngushtë me besimin fetar të merret brenda një formati reality. Sipas saj, ky është një hap që duhet bërë jashtë lojës dhe jo nën vëmendjen e kamerave.
“Lësho shtëpinë dhe pështillu jashtë shtëpisë”, u shpreh Leonora, duke lënë të kuptohet se ky vendim nuk duhet të jetë pjesë e dinamikave të Big Brother-it.
Ajo shkoi edhe më tej me deklaratat e saj, duke theksuar se mënyra se si Alba ka vepruar mund të keqkuptohet dhe të lëndojë gra të tjera që e kanë zgjedhur mbulesën si bindje të thellë dhe vendim jetësor. “Kjo që po bën, mendoj se është ofendim për të gjitha gratë që kanë vendosur të mbulohen”, tha Leonora, duke e cilësuar situatën si delikate dhe shumë të ndjeshme.
Deklaratat e opinionistes kanë ngjallur reagime të shumta në rrjetet sociale, duke ndarë publikun mes atyre që e mbështesin qëndrimin e saj dhe atyre që e shohin vendimin e Albës si një zgjedhje personale që duhet respektuar. /Telegrafi/
Një debat i fortë dhe mjaft domethënës ka ndodhur mbrëmjen e së premtes në Big Brother VIP Kosova 4, pas rrëfimit të Albës për vendimin e saj që të mbulohet, vendim që tashmë ka ngjallur reagime të shumta në publik.
Opinionistja e programit, këngëtarja Leonora Jakupi, iu drejtua drejtpërdrejt Albës me një pyetje thelbësore, duke kërkuar sqarim nëse ajo ka vendosur të mbulohet sipas parimeve fetare apo thjesht të vendosë shami, pasi sipas saj këto janë dy koncepte të ndryshme në fenë myslimane. Leonora theksoi se mbulimi në Islam nuk nënkupton vetëm veshjen, por edhe praktikimin e plotë të fesë.
Sipas Leonorës, “me fenë myslimane, kur mbulohesh nënkupton mbulesën e trupit, por edhe faljen e pesë vakteve të namazit”, duke shtuar se këto elemente janë të pandashme nga njëra-tjetra.
Nga ana tjetër, Alba u shpreh se nuk ka shumë informacion rreth procedurave dhe praktikave fetare, deklaratë që e bëri Leonorën të reagojë ashpër. Ajo iu drejtua banorës me tone të forta, duke i thënë: “Alba, nëse ti vë mbulesë dhe nuk di të falësh namaz, këtë po e bën për lojë dhe këtë nuk dua fare ta besoj. Nuk luhet me Zotin dhe fenë islame në këtë formë, sinqerisht dhe jo në këtë pikë të lojës”.
Mbetet të shihet se si do të reflektojë Alba mbi këtë përballje dhe nëse ky diskutim do të ndikojë në rrugëtimin e saj brenda Big Brother VIP Kosova 4. /Telegrafi/
Banorja e Big Brother VIP Kosova 4, Alba Pollozhani, ka realizuar një nga rrëfimet më të veçanta dhe më ndryshe deri më tani brenda shtëpisë, duke befasuar publikun dhe bashkëbanorët me një vendim të rëndësishëm personal.
Gjatë spektaklit Prime të së premtes, u transmetua një klip ku Alba, në biseda të zhvilluara gjatë javës, rrëfeu se kishte ndërmarrë një hap të madh në jetën e saj, duke zgjedhur një rrugë të re në predikimin e fesë myslimane.
Ajo tregoi se ka vendosur të mbulohet dhe se këtë vendim ka zgjedhur ta zbatojë që tani, duke e cilësuar si një zgjedhje të vetëdijshme dhe të ndjerë thellë. Rrëfimi i saj u prit me vëmendje të madhe dhe emocione, duke sjellë një dimension krejtësisht tjetër brenda dinamikave të shtëpisë.
Ky moment shënon gjithashtu një precedent në historinë e formatit, pasi është hera e parë që Big Brother VIP Kosova ka një banore me mbulesë në shtëpinë më të famshme në vend, duke hapur diskutime më të gjera mbi besimin, identitetin dhe zgjedhjet personale.
Rrëfimi i Albës u konsiderua nga shumë si një moment i sinqertë dhe i guximshëm, që dëshmon se Big Brother VIP Kosova vazhdon të sjellë histori reale, njerëzore dhe me peshë shoqërore. /Telegrafi/
Adam Sandler bëri shaka rreth arsyes pse nuk u nominua për çmimin Oscar këtë vit.
Sandler deklaroi se beson që aktorët e nominuar janë më të mirë në të folur dhe shaka sesa ai. Fjalimi i tij u mbajt ndërsa merrte një çmim në Festivalin Ndërkombëtar të Filmit në Santa Barbara.
"Falënderoj fallxhoren që takova në vitin 1982, e cila më tha se do të fitoja një Oskar për filmin 'Jay Kelly'. Faleminderit të gjithëve që morën një nominim për Oskar këtë vit. Urime, e meritoni. Mendoj se jeni më të mirë në aktrim sesa unë. Gjithashtu mendoj se jeni më të mirë në lajkatimin e Akademisë", tha ai.
Foto: Adam Sandler/Instagram
Sandler luajti në filmin "Jay Kelly" me George Clooney dhe Laura Dern. Edhe pse mori nominime për rolin në Critics' Choice Awards dhe Golden Globes në janar, ai u la jashtë garës prej pesë kandidatësh për çmimin Oscar për aktorin më të mirë mbështetës.
"Duhet t'u them kolegëve të mi aktorë, mendoj se do t'ju mund vitin tjetër. Nuk mora një nominim për Oscar, por kjo është në rregull. Nuk rri duarkryq dhe nuk mendoj shumë për këtë," tha ai. /Telegrafi/
Një juri e madhe në New Mexico ka ngritur padi ndaj aktorit dhe regjisorit Timothy Busfield për katër akuza për kontakt seksual me një fëmijë.
Prokurori i Qarkut Bernalillo, Sam Bregman, njoftoi aktakuzën të premten në një postim në rrjetet sociale.
Autoritetet më parë lëshuan një urdhër arresti për Busfield me akuza për sjellje të keqe ndërsa ai punonte si regjisor në sheshxhirimin e serialit televiziv "The Cleaning Lady".
Busfield i mohoi akuzat. Ai u dorëzua vetë te autoritetet dhe u lirua nga paraburgimi.
Ai njihet më së miri për rolet e tij në serialin "The West Wing" dhe filmat "Field of Dreams" dhe "Thirtysomething".
Avokati i Busfield, Larry Stein, nuk pranoi të komentojë mbi akuzën për kontakt seksual në aktakuzë, por tha se juria nuk i pranoi akuzat për ngacmim seksual të kërkuara nga prokurorët.
Në një deklaratë, ai deklaroi se seanca dëgjimore për caktimin e masës së paraburgimit kishte “zbuluar dobësi fatale në provat e shtetit, domethënë boshllëqe që asnjë vendim aktakuze nuk mund t’i heqë”. /Telegrafi/
Filmi dokumentar "Melania" vendosi një rekord të ri në portalin e vlerësimit të filmave Rotten Tomatoes për diferencën më të madhe midis vlerësimeve të kritikëve të filmit dhe audiencës në historinë e faqes.
Kritikët i dhanë filmit një rezultat jashtëzakonisht të ulët prej pesë përqind (më vonë u rrit në shtatë përqind) në Tomatometer, ndërsa publiku i dha një rezultat pothuajse perfekt prej 99 përqind në Audience Popcornmeter, diferenca më e madhe midis kritikëve dhe audiencës e regjistruar ndonjëherë.
Ky dokumentar, i cili u drejtua nga Brett Ratner dhe për të cilin Amazon MGM pagoi një rekord prej 40 milionë dollarësh plus 35 milionë dollarë shtesë për promovim, mori pothuajse ekskluzivisht vlerësime negative nga recensentët e filmave, të cilët shpesh e përshkruanin atë si glorifikim dhe propagandë në vend të një filmi objektiv.
Megjithatë, pati rezultate më të mira komerciale se sa pritej në Shtetet e Bashkuara, ku fitoi rreth shtatë milionë dollarë në fundjavën e parë të premierës, duke e bërë atë një nga debutimet më të suksesshme dokumentare të dekadës së fundit, megjithëse qëndrueshmëria e tij e përgjithshme financiare mbetet e dyshimtë duke pasur parasysh kostot e larta të prodhimit dhe promovimit.
Shumë dyshuan gjithashtu se vlerësimet e audiencës prej 99 përqind ishin autentike, sepse ata që shkruan recensione për "Melania" kishin kryesisht vetëm atë recension, gjë që është e çuditshme, sepse përdoruesit që u pëlqejnë filmat kanë tendencë të shkruajnë më shumë recensione.
Dokumentari kontrovers i Amazon ndjek zonjën e parë në 20 ditët para inaugurimit të bashkëshortit të saj në vitin 2025. Ai u drejtua nga regjisori i turpëruar Brett Ratner, i cili në vitin 2017 u akuzua publikisht nga gjashtë gra për ngacmim dhe sulm seksual. Regjisori i "Rush Hour" ka mohuar çdo shkelje.
Regjisorit iu desh të mbronte kostot në premierë, duke theksuar se në prodhim ishin të përfshirë kameramanë të shkëlqyer dhe një ekip i madh xhirimi, duke pretenduar se një buxhet i tillë nuk ishte i pazakontë për një projekt me një standard kaq të lartë prodhimi.
Megjithatë, kjo nuk është e vetmja polemikë që lidhet me filmin. Sipas raportimeve, dy të tretat e anëtarëve të ekipit që punuan në film nuk duan që emrat e tyre të lidhen me projektin. /Telegrafi/
Konkurrentja e edicionit të katërt të Big Brother VIP Kosova, Benita, ka shpërthyer sërish me deklarata rreth ndjenjave të saj për Klodin.
Gjithçka nisi gjatë një bisedë me banorët, kur Ludo vuri në dukje se Elijona nuk ka asnjë pikë pëlqimi për Klodin.
Kjo komente duket se ndezi emocione të forta tek Benita, e cila nuk ngurroi të shprehej hapur.
“Kjo më dhemb, sepse unë me të vërtetë e dua, edhe askush nuk më beson,” u shpreh konkurrentja, duke lënë të kuptohet se ndjenjat e saj për Klodin janë të sinqerta dhe të forta.
Ky moment risolli në vëmendje ndjenjat e Benitës brenda shtëpisë, duke ngjallur kureshtje te publiku për mënyrën se si do të zhvillohet më tej kjo lidhje e mundshme. /Telegrafi/
Surprizat në Big Brother VIP Albania 5 nuk kanë fund, dhe këtë të shtunë spektakli premton emocione të forta për publikun.
Sipas konfirmimeve të Top Channel, në shtëpinë më të famshme të Shqipërisë do të rikthehet fenomeni i edicionit të dytë, këngëtari shkodran Luiz Ejlli.
Vet Top Channel ka publikuar një video të shkurtër nga dhoma e rrëfimit, ku Luiz shfaqet para se të hyjë sërish në lojë, duke nxitur kureshtjen e fansave.
Qëndrimi i tij në shtëpi këtë herë mbetet i paqartë, pasi më 12 shkurt ai ka premierën e filmit të tij më të ri me Kiara Titon.
Fituesi i sezonit të dytë do të sjellë sërish energjinë dhe karizmën e tij në BBV, ndërsa publiku pritet të shohë dinamika të reja brenda shtëpisë. /Telegrafi/
Në skenën e muzikës kosovare, talenti i ri po merr gjithnjë e më shumë vëmendje, duke sjellë energji dhe kreativitet në performancat live. Një nga emrat që po spikatin është DJ Spin By Celina, i cili në një intervistë për Telegrafin ka rrëfyer rrugëtimin e tij nga fillimet deri te arritjet më të mëdha profesionale.
“Që në moshën 15 vjeçare kam nisur rrugëtimin tim si DJ. Muzika ka qenë gjithmonë një nga pasionet e mia, ndërsa inspirimi kryesor ka ardhur nga kultura amerikane e Hip Hopit”, shpjegon ai.
Fillimet e tij ishin të thjeshta, duke performuar në evente private me shokët e adoleshencës, ndërsa më pas nisi të marrë pjesë si promo artist në festivale të ndryshme. “Performancat e para zyrtare i kam realizuar me emrin artistik Fattizzle, ndër të cilat ishin Ngomfest dhe Dokufest në Prizren, prej nga edhe vij”, thotë ai, duke theksuar lidhjen e tij të fortë me qytetin e origjinës.
Foto: DJ Spin By Celina/Instagram
Karriera e tij vazhdoi në lokale të ndryshme të Prishtinës dhe ai ndërtoi edhe bashkëpunime të shumta me RedBull Kosova. “Në vitin 2022 kam performuar edhe në festivalin Sunny Hill, një eksperiencë që më ka dhënë shumë energji dhe besim në karrierën time”, shton DJ Spin By Celina.
Ndër arritjet më të mëdha që ai përmend performancën në të njëjtën skenë me artistë globalë si: Skepta, Stormzy, Burna Boy, M Huncho, Young T & Bugsey dhe Morad, duke treguar kështu nivelin e lartë profesional ku ka arritur.
Foto: DJ Spin By Celina/Instagram
Një tjetër kapitull i rëndësishëm i karrierës së tij është bashkëpunimi me Capital T. “Me Capital T njihemi prej shumë vitesh dhe bashkëpunimin e kemi nisur në fund të vitit 2023. Përvoja e punës me të është e veçantë, sidomos në aspektin kreativ. Capital T është një artist i zgjuar, pozitiv dhe gjithmonë i gatshëm për punë dhe projekte të reja që do të vijnë së shpejti”, tregon DJ Spin By Celina.
Ai shton se gjatë turneve diskutojnë vazhdimisht për performancën, përzgjedhjen e këngëve dhe vizualet që shfaqen në ekranin e skenës, ndërsa roli i tij nuk kufizohet vetëm tek DJ-ing në live performanca, por përfshin edhe ide dhe dizajn kreativ.
Foto: DJ Spin By Celina/Instagram
Muzika për DJ Spin By Celina është pjesë e identitetit të tij. “Jam rritur me frymën e Hip Hopit amerikan, nga old school deri tek ajo që dëgjojmë sot, dhe besoj se shumë të rinj në Kosovë kanë një shije unike që na lidh me këtë kulturë”, shprehet ai.
Sipas tij, të rinjtë sot kanë mundësi më të lehta për promovim përmes rrjeteve sociale, ku mund të shprehin talentin e tyre dhe të krijojnë audiencën e tyre. /Telegrafi/
Një tjetër moment tensioni është shënuar brenda shtëpisë së Big Brother VIP Kosova, ku këtë herë protagonistë ishin Londrimi dhe Labinoti.
Derisa Londrimi po këndonte disa nga hitet botërore dhe po shijonte momentin e tij muzikor, ai u ndërpre papritur nga Labinoti, veprim që nuk u prit aspak mirë.
Këngëtari reagoi menjëherë dhe me tone të ashpra, duke i thënë se mundet edhe “ta shurdhojë”, deklaratë që e rriti më tej tensionin mes tyre.
Debati nuk u mbyll me kaq, pasi diskutimi mes dyshes vijoi edhe më gjatë, duke tërhequr vëmendjen e banorëve të tjerë. Në këtë situatë, Klodi u pozicionua hapur në krah të Londrimit, duke ia mbajtur anën dhe duke kundërshtuar ndërhyrjen e Labinotit.
Ky episod ka nxitur reagime edhe jashtë shtëpisë, me publikun që po e komenton gjerësisht përplasjen dhe marrëdhëniet gjithnjë e më të tensionuara mes banorëve, teksa gara po bëhet gjithnjë e më e ashpër. /Telegrafi/
Elton John tha gjatë dëshmisë së tij në Gjykatën e Lartë në Londër se u tërbua kur mësoi për akuzat se telefonat e tij fiks ishin përgjuar në emër të DailyMail.
Ai deklaroi se veprimet e DailyMail binin jashtë standardeve më themelore të mirësjelljes njerëzore. John paditi Associated Newspapers, botuesin e DailyMail, për shkelje të supozuara të privatësisë së bashku me bashkëshortin e tij David Furnish, Princin Harry dhe katër të tjerë.
Associated ka mohuar akuzat për përgjim telefonash dhe shkelje të tjera dhe pretendon se artikujt e saj në gazeta bazohen në informacione që janë tashmë të disponueshme publikisht ose të marra nga burime legjitime, siç janë lajmet nga rrethet shoqërore të personazheve të famshëm.
Foto: Elton John/Instagram
John, i cili u paraqit nëpërmjet videos, tha se mësoi për parregullsitë e supozuara të Mail vetëm kur shoqja e tij e ngushtë, aktorja Elizabeth Hurley, e cila është gjithashtu një nga paditëset, ia tregoi. Hurley u informua nga një hetues privat se telefonat fiks të John-it u përgjuan ndërsa ajo po qëndronte me të menjëherë pas lindjes së djalit të saj.
Dëshmia e prokurorit privat është një nga çështjet kryesore të kontestuara në këtë çështje, sepse pasi dha një deklaratë para prokurorëve, ai tani e ka tërhequr atë deklaratë dhe ka hedhur dyshime mbi vërtetësinë e saj.
"Kur e kuptuam seriozitetin e asaj që kishte ndodhur, u indinjuam", tha ai.
John deklaron se ndërsa Hurley po qëndronte me të, tre nga telefonat e tij fiks u hakuan. /Telegrafi/
Aktorja Halle Berry shpjegoi se shpesh i bëhet një pyetje seksiste në shumë intervista dhe theksoi veçanërisht standardet e dyfishta me të cilat përballen gratë e famshme në lidhje me kolegët e tyre meshkuj.
Gjatë një paraqitjeje si e ftuar në Heart Radio ku ajo promovoi filmin "Crime 101", prezantuesja Dev Griffin pyeti nëse kishte ndonjë nga pyetjet që e bezdiste më shumë.
"E di çfarë dua që të mos më pyesin më. Mos më pyetni më për moshën time, nuk ka nevojë", tha ajo.
Foto: Halle Berry/Instagram
Berry thotë se kjo pyetje lind sa herë që dikush flet për të, dhe ajo është veçanërisht e frustruar nga fakti që njerëzit pyesin vazhdimisht për moshën e saj.
"Thjesht e urrej kur njerëzit më pyesin se si është e mundur që jam 59 vjeç. Na përndjek ne grave shumë më tepër sesa burrave. Pavarësisht sa vjeç jam në një moment të caktuar, përmendet gjithmonë. Pyes veten nëse mund t'i shpëtojmë ndonjëherë dhe nëse mund të largohemi ndonjëherë prej saj. A duhet të na përcaktojë kjo si gra?" tha ajo. /Telegrafi/
Këngëtari Luiz Ejlli, fituesi absolut dhe një nga figurat më ikonike të historisë së Big Brother VIP, ka nxitur reagime të shumta pas një konference për media të mbajtur të martën në Prishtinë, ku deklaratat e tij lanë hapësirë për dyshime dhe pritshmëri të mëdha për atë që pritet të ndodhë së shpejti.
Gjatë paraqitjes së tij, Luizi u shpreh me rezerva se në një të ardhme shumë të afërt mund të ketë të reja lidhur me angazhimin e tij në formate reality, duke mos i mohuar thashethemet që kanë qarkulluar prej ditësh për një përfshirje të mundshme në “Ferma VIP”. Megjithatë, pas kësaj deklarate diplomatike fshihet një tjetër e vërtetë ekskluzive.
Sipas burimeve të sigurta pranë produksionit, të konfirmuara nga Prive By Liberta Spahiu, Luizi pritet të rikthehet këtë të shtunë në shtëpinë e Big Brother VIP me një mision special. Madje, bëhet e ditur se qëndrimi i tij nuk do të jetë thjesht një vizitë e shkurtër, por do të zgjasë disa ditë, duke pritur që prania e tij të trazojë ndjeshëm dinamikat brenda shtëpisë dhe të mbajë të gozhduar audiencën jashtë.
Rifutja strategjike e Luizit vjen në një moment domethënës, pasi më 12 shkurt ai ka edhe premierën e madhe të filmit “Loja e fundit”, ku luan përkrah partneres së tij, Kiarës. Kjo lëvizje shihet si një kombinim i fuqishëm mes nostalgjisë së publikut dhe interesit aktual mediatik rreth figurës së tij.
Mbetet të shihet se çfarë ndikimi do të ketë rikthimi i Luiz Ejllit në rrjedhën e lojës, por një gjë është e sigurt: emocionet dhe nostalgjia e fansave që e ndoqën drejt fitores në sezonin e dytë do të rikthehen më të forta se kurrë më parë. /Telegrafi/
Pas deklaratës së bërë në Prime-n e së martës, ku Selin u shpreh hapur se nuk do t’i bënte përshtypje nëse Gimbo do të largohej nga shtëpia, raporti mes dy banorëve ka pësuar një kthesë të papritur.
Ajo që fillimisht u komentua vetëm si një pëlqim i lehtë, tashmë duket se po shndërrohet në një afrim më të dukshëm mes tyre.
Ditët e fundit, Selin dhe Gimbo janë parë gjithnjë e më shpesh në shoqërinë e njëri-tjetrit, duke kaluar kohë bashkë dhe duke shkëmbyer momente të afërta. Mbrëmjen e kaluar, Selin u ngrit nga krevati i saj dhe u shtri pranë Gimbos, ndërsa ky i fundit zgjodhi ta përkëdhelte banoren, një moment që nuk kaloi pa u vënë re nga të tjerët.
Situata u shoqërua edhe me batuta nga Mateo, i cili ndodhej në krevatin pranë Gimbos. Ai ironizoi situatën duke iu drejtuar Selinit me fjalët: “E shikon çfarë trajtimi?! 10 nga 10”.
Këto momente kanë ndezur diskutime mes banorëve dhe publikut, duke ngritur pikëpyetje nëse mes Selinit dhe Gimbos po lind diçka më shumë se një pëlqim i thjeshtë. /Telegrafi/
Rita Ora ka pozuar në një kostum cheerleader në Instagram të mërkurën, duke bërë shaka: “Duket se ka një ndeshje të madhe këtë fundjavë”, përpara Super Bowl-it.
Këngëtarja 35-vjeçare dukej mahnitëse me fustanin blu të cheerleader-it, që kishte detaje me shkëlqim në ngjyrat blu, të kuqe dhe argjendi.
Rita i tregoi këmbët e saj në çizmet e kuqe deri në gju dhe kompletoi pamjen me vathë të mëdhenj argjendi, shkruan DailyMail.
Flokët e saj biondë të stiluar në valë glamuroze, Rita e përfundoi kostumin me dy pom-pom blu dhe argjendi, duke pozuar për foto tërheqëse.
Në një klip të shkurtër, ajo dukej në humor të mirë ndërsa vraponte në skenë për të performuar me kostumin e cheerleader-it.
Ajo shkroi: “Duket se ka një ndeshje të madhe këtë fundjavë. Gjithsesi, ja unë si cheerleader”.
Të dielën, New England Patriots do të luajnë kundër Seattle Seahawks në Super Bowl, me artistin Bad Bunny që do të performojë gjatë shfaqjes së pjesës së parë.
NFL bëri me dije këtë javë se Chris Pratt dhe Jon Bon Jovi do të prezantojnë ekipet në Super Bowl. Pratt, një tifoz i madh i Seattle, do të mirëpresë Seahawks në fushë në Levi’s Stadium para fillimit të ndeshjes, ndërsa ikonës së rock-ut, Bon Jovi, i është dhënë nderi të prezantojë Patriots.
Ky moment vjen pasi Rita ka folur për një këngë të dedikuar për bashkëshortin e saj, Taika Waititi, që u rrjedh online. Ajo kishte paralajmëruar muajin e kaluar se albumi i saj i katërt studio do të publikohet këtë vit, me një shënim të shkruar me dorë ku shkruhej “album 4” dhe me mbishkrimin: “2026 do të jetë një vit i mirë”.
Kënga e saj “Tokyo Karaoke” doli online, me tekst të frymëzuar nga udhëtimi i saj në Japoni, ku ajo ra në dashuri me regjisorin 50-vjeçar.
Sipas The Sun, kënga ishte menduar fillimisht për albumin e saj të tretë “You & I”, dhe përmbante vargjet: “Gjithmonë e largoja veten nga dashuria sikur nuk isha kurrë e mjaftueshme. Tani kur jam poshtë, ti gjithmonë më ngre lart. Puthje e ngadaltë këtë buzëkuq qershie. Pra shijoje, kjo natë është për ne”.
Rita reagoi ndaj rrjedhjes së këngës në Instagram duke postuar një screenshot të një fansite që kishte publikuar linkun. Duke e marrë me sportivitet, ajo u shpreh për fansat: “Duket se rrjedhjet janë ende gjë. Fatmirësisht, unë e dua këtë këngë. Pra shijoje. Faleminderit atij që e rrjedhën”.
Kjo vjen pas deklaratës së Ritës për përvojën e saj si njerkë e fëmijëve të bashkëshortit. Ajo u bë njerkë e vajzave të tij, Te Kāinga o te Hinekāhu, 13 vjeç, dhe Matewa Kiritapu, 9 vjeç, kur u martua me Taika-n në 2022.
Në një koment të rrallë për jetën familjare, Rita tregoi se kjo rol e ka ndryshuar perspektivën e saj mbi botën. Ajo tha për The Sun se e ka gjetur këtë rol të lehtë, por gjithashtu e ka ndihmuar të kuptojë se sa më shumë ka për të përjetuar në jetë.
“Është vërtet e lehtë. Zgjohemi, stërvitemi së bashku me fëmijët që vrapojnë në treadmill, është një çështje familjare. Duhet të them që ka qenë një hap i madh për të kuptuar se ndonjëherë ka më shumë në jetë sesa ajo për të cilën mendon në atë moment. Kam kuptuar se ka shumë më tepër, kështu që [të bëhesh njerkë] më dha këtë”.
Regjisori Taika ka dy fëmijë me ish-bashkëshorten e tij Chelsea Winstanley, me të cilën u nda në 2018 pas shtatë vitesh martese. Rita dhe Taika filluan të takohen në mars 2021 dhe bënë publike romancën e tyre atë gusht, ndërsa më parë kishin qenë miq të ngushtë për pesë vjet. /Telegrafi/
Login
