Me plot emocion dhe lot, Ardit Stafaj, rrëfeu linjën e tij të jetës në Big Brother VIP Kosova 4.

Nga vdekja e babait që ndodhi natën e Vitit të Ri në vitin 2007 e deri te ballafaqimi i nënës me sëmundjen derisa ajo mbylli sytë në vitin 2020.

Për t’u kujdesur për nënën, atij ua desh t'a ndërpresë edhe karrierën.

Foto: YouTube

Këngëtari i njohur shqiptar tha se si shtëpi e dytë i ishin bërë spitalet.

“Momentet që vetëm shpirti im e di edhe Zoti. Unë si fëmijë i tyre e kam bërë të pamundurën të mundur, vetëm që ajo me ditë që e ka një fëmijë hallall se ashtu më thoshte”, tha ai.

"Për së treti ripërsëritet faza e spitaleve unë kësaj radhe me qindra kilometra vetëm që e kam paramenduar rrugën e spitalit nuk doja të hyja më. Kam ardhur këtu për të nxjerr nënën time të gjallë dhe nuk më intereson asgjë tjetër, më intereson me luftu me vdekjen e saj deri në fund", shtoi tutje.

"Kur më kanë lajmëruar që e ka kaluar operacionin me sukses nuk e di sikur, se di. Veç u ktheva nga Zoti thash, Zot mos ma merr. Nëna është e shenjtë dhe unë kam qenë shumë i lidhur me të", tha ndër tjerash ai.

- YouTube www.youtube.com

I njëjti ka shprehur dëshirën edhe të krijoj familje pasi i ka premtuar edhe të ëmës.

Më pas u surprizua nga miqtë e tij të dashur dhe vëllai Astrit Stafaj. /Telegrafi/

Aktorja amerikane, Ali Larter, pranoi se xhirimi i skenave me bikini në serialin "Landman" është sfida më e madhe në karrierën e saj.

Në një intervistë për revistën People, Larter zbuloi se pavarësisht formës së saj fizike dhe viteve të përvojës, skena të tilla nuk ishin të lehta për të.

Në serialin "Landman" ajo luan personazhin e Angelas, gruas së sigurt të Tommyt, të luajtur nga Billy Bob Thornton, dhe personazhi i saj shfaqet shpesh me rroba të ngushta ose rroba banje.

Foto: YouTube

"Nuk mendoj se ka ndonjë aktore që mezi pret skenat me bikini. Ato janë skenat më të vështira për mua dhe nuk më pëlqejnë, por janë pjesë e historisë që po tregoj", tha Larter.

Ajo shtoi se Angela, si personazh, kërkon një pamje të veçantë fizike, duke përfshirë ushtrime të rregullta, mbajtjen në formë dhe kujdesin për pamjen.

Megjithatë, pranon se pjesa psikologjike është më e vështira për të.

"Duhet të luftoj pasiguritë dhe ankthin tim për të qenë në gjendje të vesh bikini dhe të qëndroj para kamerave", tha ajo me sinqeritet.

- YouTube www.youtube.com

Ndryshe nga skenat me bikini, Larter thotë se i pëlqejnë më shumë skenat e qeta dhe emocionale.

Dy sezonet e para të "Landman" janë të disponueshme për t'u shikuar në platformën Paramount+. /Telegrafi/

Në shtëpinë e Big Brother VIP Albania 5 është anuluar televotimi i së martës.

E në nominim kanë qenë gjithsej 10 banorë: Angelo, Artan, Keijsi, Juela, Greta, Krusita, Rogerti, Mali, Miri dhe Mateo.

Duket se 'Vëllai i Madh' ka marrë masa për ndonjë nga banorët që ka thyer rregullat.

"Televotimi aktual anulohet. Vëllai i Madh ka marrë masa, të cilat do të zbulohen mbrëmjen e sotme", thuhet në njoftim.

E shumë kanë aluduar në Rogertin dhe Keijsin pasi kanë qenë dy që kanë përdorur fjalor të papërshtatshëm.

Rogerti gjithashtu ka pasur një situatë me Mal Retkocerin, gjë që ka bërë të ketë reagim edhe nga familja e këtij të fundit.

Familja kërkoi që Rogerti të përjashtohet nga programi për shkak të gjuhës fyese e bullizimit ndaj Malit. /Telegrafi/

Edwin Cardona, i njohur si futbollist kolumbian që ka mbajtur 45 ndeshje për përfaqësuesen e Kolumbisë, është në qendër të vëmendjes për një histori të pazakontë familjare.

Ai, 33 vjeç, aktualisht luan për klubin më të madh kolumbian, Atletico Nacional, ku filloi edhe karrierën e tij, dhe ka kaluar më parë në klubet më të njohura të Amerikës së Jugut, përfshirë Boca Juniors.

Në vitin 2024, Cardona u kthye te Atletico Nacional, klubi i tij i lindjes.Historia më e diskutueshme lidhet me familjen e tij.

Kjo për shkak se ai është vetëm 12 vjet më i vjetër se vajza e tij e madhe, Ana.

Ana ka lindur nga marrëdhënia e tyre kur Cardona ishte 11 dhe Carolina 14 vjeçe.

Pas disa viteve, çiftit iu dha mundësia të martohej dhe ata krijuan familje.

Përveç Anas, ata kanë edhe dy fëmijë të tjerë: María Angel, 14 vjeç, dhe Emiliano, 11 vjeç.

Foto: X

Kjo histori ka tërhequr vëmendje të madhe pasi në Kolumbi, mosha ligjore për martesë ishte 14 vjet, por u ngrit në 18 vjet vetëm në vitin 2024.

Historia e Cardonas ka bërë bujë, sidomos pasi Ana mbushi 21 vjeç, dhe ka nxjerrë në pah detaje të rralla dhe të diskutueshme për familjen e tij, duke u bërë virale në media dhe rrjete sociale. /Telegrafi/

Ina Aderi ka eskaluar ndaj Stenaldo Mëhillit duke e akuzuar për disa veprime brenda shtëpisë së Big Brother.

Ajo i thotë se po shikon çdo femër që ndodhet brenda këtij formati, duke e quajtur edhe maniak.

"Kush është palaç o Stenaldo,o maniak që sheh çdo femër që vjen. Ti je maniak që shikon çdo femër, i ndyrë", iu drejtua Ina.

Foto: Instagram

Këngëtari gjithashtu i hodhi akuza për lidhjen e krijuar me Keijsin në këtë reality shou.

Ajo mori kritika të shumta në rrjet për faktin se Stenaldo është i verbër.

Foto: Instagram

Ndërkaq fjalor të papërshtatshëm në lidhje me artistin ka përdorur edhe Keijsi.

Mbetet për t'u parë nëse do të ketë ndonjë ndëshkim nga ana e produksionit. /Telegrafi/

Familja e Mal Retkocerit i është drejtuar zyrtarisht produksionit të Big Brother VIP Albania 5 me një letër publike, ku shpreh shqetësim të thellë për gjuhën fyese, denigruese dhe bullizuese të përdorur nga Rogert Sterkaj gjatë qëndrimit në shtëpinë e BBV.

Sipas familjes, sulmet verbale kanë prekur familjen, traumat personale dhe identitetin e Malit, duke i cilësuar këto veprime si dhunë psikologjike dhe jo pjesë të lojës apo debatit televiziv.

Ata i bëjnë thirrje produksionit të marrë përgjegjësitë për garantimin e një ambienti pa dhunë dhe kërkojnë përjashtimin e Rogert Sterkajt.

Foto: Instagram

Letra e plotë e familjes së Mal Retkocerit drejtuar produksionit të Big Brother VIP Albania 5:

"Të nderuar Reagojmë me shqetësim të thellë ndaj gjuhës fyese, denigruese dhe bullizimit ndaj Mal Retkoceri nga Rogert Sterkaj në BBV.

Sulmi ndaj familjes, traumave personale dhe identitetit nuk janë debat, as lojë, por janë dhunë psikologjike dhe bullizim i pastër.

Ne si familje e Mal Retkocerit kërkojmë që të respekohet dinjiteti njerëzor dhe i bëjmë thirrje produksionit që të marrë me përgjegjësi të plotë detyrimet për të siguruar një ambient pa dhunë fizike, psikike dhe bullizuese dhe të veprojë me përjashtimin e Rogertit për veprimet e tij që shkaktojnë dhunë psikologjike dhe bullizim dhe që këto veprime prekin integritetin familjar dhe personal dhe janë të patolerueshme.

Veprimet e Rogertit të cilat i ka ndërmarrë me datë 25.01.2026 janë dhunë, nuk janë lojë, nuk janë debate, prandaj heshtja përballë dhunës e normalizon atë që padyshim është në kundërshtim të plotë me normat shoqërore.

Andaj bazuar në sjelljet dhe veprimet e Rogert Sterkaj kërkojmë që i njëjti të përjashtohet për shkak të sjelljeve denigruese, fyese dhe bullizuese të tij ndaj Mal Retkocerit.

Me respekt, familja e Mal Retkocerit". /Telegrafi/

Benita Zena në spektaklin e së hënës i ka shprehur pëlqim haptazi Klodian Mihajt.

Ajo tha se nuk mund ta fsheh këtë gjë dhe se nuk po e bën për lojë apo publikun.

Kjo gjë duket ta ketë prekur ish-të dashurin e saj, Endrin, me të cilin nuk ka mbyllur akoma lidhjen.

Foto: Instagram

Kjo pasi i njëjti ditë më parë hyri si befasi në Big Brother, për të takuar këngëtaren.

Në një postim në Instagram, Endri duket se ka bërë një reagim në lidhje me ngjarjen.

"Ku janë premtimet?", ka shkruar ai sipër një postimi.

Artisti po i referohet këngës së re e po ashtu edhe ngjarjes së fundit të Big Brother. /Telegrafi/

Gjatë mbrëmjes së kaluar, Benita Zena, ka folur gjerë e gjatë me Klodian Mihajn rreth pëlqimit të saj ndaj tij.

Ajo i tha haptazi se pavarësisht se e di që ai ka të dashur jashtë, pëlqimin nuk mund ta fshehë më.

"Nuk mund ta mohoj pëlqimin tim. Unë e di që ke femër jashtë ishalla martohesh me të, por unë pëlqimin tim nuk mund ta fsheh", tha ajo.

Tutje theksoi: "Jam femër e rritur, kur kam pëlqim për dikë kam. I di gjërat e mia. Nuk e mohoj një pëlqim dhe kaq".

"Nuk është gabim, por shumë pabesueshme", i tha Klodi."Nuk ka diçka të keqe se nuk po të marrë me të martu", iu drejtua tutje këngëtarja.

"Unë nuk jam një femër si Elijona, ta kam shpreh pëlqimin. Nuk e kam as për publik. As nuk synoj me qenë me ty, por thjesht u lirova. Pëlqimi ka lindur tani shpejt", vazhdoi më tej Benita.

Kjo vjen disa ditë pasi ish-partneri i saj, Endri i bëri befasi në Big Brother, për të cilin tha se ka ndjenja akoma. /Telegrafi/

Pas puthjes së bujshme në spektakël, Alba Pollozhani dhe Lim Hoti, kanë vazhduar të shkëmbejnë puthje edhe në dhomën e gjumit.

Puthjet mes tyre ishin plot tension dhe të zjarrta, gjë që duket se i kanë munguar njëri-tjetrit.

Ata bënë një rikthim në lidhje pasi siç thanë kanë qenë të ndarë që nga vera.

Foto: Instagram

Kjo vjen pas një romance të shkurtër që pati Limi në Big Brother VIP me Dolcen.

Të njëjtit duket se kanë bërë paqe dhe kanë lënë pas problemet e së shkuarës.

Foto: Instagram

Dyshja në mesnatë vazhduan me puthje pasionante e madje duke bërë masazh.

Alba duket të jetë e lumtur pas bashkimit me Limin pasi e ka vuajtur tejet shumë këtë pjesë. /Telegrafi/

Janë bërë dy muaj nga ndarja e parakohshme nga jeta e këngëtarit shqiptar, Shpat Kasapi, një humbje që tronditi familjen, miqtë dhe publikun e gjerë.

Me këtë rast, bashkëshortja e tij, Selvije Jao, ka zgjedhur ta kujtojë artistin me një dedikim prekës në rrjetet sociale.

“Dy muaj pa ty, Shpat. Mungesë shpirti, përjetë”, ka shkruar ajo.

Foto: Instagram

Kasapi ndërroi jetë në moshën 40-vjeçare, në fund të muajit nëntor, si pasojë e një sulmi në zemër.

Në atë kohë, ai ndodhej së bashku me familjen në Itali, ku po qëndronin për trajtimin mjekësor të djalit të tyre, Roelit.

Largimi i tij i papritur la pas një dhimbje të madhe, ndërsa kujtimi i këngëtarit vazhdon të mbetet i gjallë përmes muzikës dhe dashurisë së publikut që e ndoqi ndër vite.

Bashkëshortja ndërkohë ditë më parë tha se ka marrë leje qëndrim për në Itali, derisa do të vazhdojë me trajtimin e djalit atje. /Telegrafi/

Kristen Stewart ka folur hapur për pozicionin e aktoreve në industrinë e filmit në një intervistë të kohëve të fundit, duke pohuar se ato shpesh trajtohen me mungesë respekti.

Ajo tha gjithashtu se kjo është arsyeja pse po i drejtohet gjithnjë e më shumë regjisë.

Sipas saj, aktoret ende perceptohen si lehtësisht të zëvendësueshme dhe të nënvlerësuara intelektualisht, sikur puna e tyre është diçka që kushdo mund ta bëjë, pa njohuri të veçanta ose kontribut krijues.

Kristen Stewart

Një qëndrim i tillë, thotë Stewart, është thellësisht i rrënjosur në industri dhe ndikon drejtpërdrejt në mënyrën se si trajtohen gratë në shesh xhirimi dhe jashtë tij.

"Duhet t'ju them se aktoret trajtohen si plehra", tha ajo.

Përvoja e saj, thotë ajo, ndryshoi ndjeshëm në momentin që u prezantua si regjisore.

"Njerëzit mendojnë se kushdo mund të bëhet aktore, por herën e parë që u ula të flisja për filmin tim si regjisore, mendova, uau, kjo është një përvojë tjetër, ata po më flasin sikur të isha dikush tjetër", tha ajo.

Ky kontrast ishte tronditës për të, sepse nxori në pah se sa pak besim u jepet normalisht aktoreve, pavarësisht faktit se ato shpesh janë thellësisht të përfshira në procesin krijues.

Stewart beson se industria e filmit ende ushqen mitin e regjisorit si një gjeni pothuajse mbinatyror.

"Ekziston një ide se regjisorët kanë aftësi mbinatyrore, gjë që nuk është e vërtetë. Është një ide e përhapur nga burrat. Nuk dua të dukem sikur ankohem gjithmonë, por aktoret e kanë më keq se aktorët - trajtohen si kukulla, por nuk janë", tha ajo. /Telegrafi/

Dolce dhe Lim Hoti janë sqaruar për raportin e tyre, i cili nisi dhe përfundoi shumë shpejt.

Banori tha se ka respekt për Dolcen edhe pse kjo historia e tyre përfundoi në këtë mënyrë dhe se e vlerëson si femër.

Dolce nga ana tjetër u shpreh e lënduar nga kjo histori dhe se nuk e priste një gjë të tillë.

Foto: YouTube

Ajo më pas u zhvendos në dhomë të rrëfimit, ku dukej e prekur dhe e përlotur nga kjo.

E njëjta tha se nuk e ka problem, por vetëm që donte të kishte një sqarim në Limi, e jo të zbulonte në Prime.

Dhe menjëherë pas kësaj marrëdhënie, Limi u pa në lavanderi duke u përqafuar me Albën.

Duket se këto gjeste nuk i pëlqyen Dolces dhe se për këtë u ndje e zhgënjyer. /Telegrafi/

Lim Hoti dhe Dolce janë sqaruar për raportin e tyre pasi mbyllën marrëdhënien ditë më parë.

Atyre iu publikua një klip, ku kanë folur për raportin dhe pse arriti deri të ftohja e prishja e kësaj.

Dolce u ndje e zhgënjyer dhe theksoi se nuk e priste një gjë të tillë nga Limi.

Dolce

“Nuk është sjell mirë me mua. E kuptova në Prime, e ndjeva që do të ndodhte. Nuk e prisja nga Limi. Më tha pas dy ditësh. Nuk do i shkoja nga mbrapa. Se çfarë më tha nuk mora vesh”, u shpreh Dolce.

Limi nga ana tjetër tha: “Mos më keqkuptoni, unë e thirra të kuptoj se çfarë ka Dolce në mendje. Kuptova që në qoftëse duhet diçka, duhet të vij unë të flas. Arrita të kuptoj disa gjëra në fakt”.

Limi

“Ajo që unë mendoj unë jam shumë falënderues ndaj teje Dolce, më ke zbukuruar ditët këtu. Kam shumë respekt për ty. Do të doja t’i arrinim ato 1001 puthjet tona. Je femër e mrekullueshme”.

Ai pas kësaj u rikthye te Alba Pollozhani, me të cilën ka pasur një lidhje dashurie. /Telegrafi/

Është publikuar edhe një klip me disa nga momentet në mes të Elijona Binakajt dhe Klodian Mihajt.

Sërish u diskutua pëlqimi që ka shprehur banorja për Klodin dhe situata mes tyre.

Konkurrentja thotë se po e tërheq pëlqimin për të, por që është një proces më i gjatë.

Foto: YouTube

"Janë gjëra që nuk i kam pasur në dorë, kam qenë e sinqertë. Dua të them një gjë, dyshimet e mia nuk i kam hequr. Ne jemi sqaruar me Klodin. Unë e kam tërhequr pëlqimin edhe pse është proces", u shpreh ajo.

Tutje tha: "Tani po mendoj që jemi në shoqëri. Shumica kanë qejf të na ndajnë".

Klodi nga ana tjetër po akuzohet vazhdimisht se po flirton me Elijonën e po ashtu edhe me Benitën.

Kjo e fundit gjithashtu ka shprehur një pëlqim për Klodin, ndonëse ka të dashur jashtë. /Telegrafi/

Është publikuar një klip në Prime, ku flitet për Benita Zenën dhe Klodian Mihajn.

Në këtë klip, banorja flet me Ludo Lee për Klodin dhe tregon se ka një pëlqim për të.

Ata bëjnë një plan për t'ia shprehur pëlqimin banorit, në mënyrë që të largojnë Elijonën.

Këngëtarja u shpreh se ka një lloj pëlqimi dhe se çdokush do donte një mashkull si Klodi.

"Më është zhvilluar një pëlqim. Të gjitha femrat kanë dëshirë të kenë një mashkull si Klodi afër vetes", u shpreh ajo.

Tutje theksoi: "Me pas pëlqim ia kisha shprehur Benitës. Nëse kam pëlqim për ndonjë e shpreh".

Më pasi pati përplasje edhe me Elijonën, e cila gjithashtu ka shprehur një pëlqim për Klodianin. /Telegrafi/

Olta Gixhari ka shpërthyer ndaj Kushtrim Kelanit në spektaklin e së hënës.

Ajo bëri një deklaratë të fortë për të, derisa po flisnin për Londrimin dhe Ludo Lee.

E njëjta i tha se po fle në gjumë dhe nuk po bën ndonjë lojë brenda shtëpisë së Big Brother.

Foto: YouTube

"O Kushtrim, nuk e kanë të gjithë të drejtën e familjes. Nuk mund ta ketë të drejtën e fjalës një banor që nuk thotë asnjë fjalë aty brenda shtëpisë dhe të gjykoj një lojtar që është super lojtar që ti nuk je lojtar", u shpreh ajo.

Tutje opinionistja theksoi: "Jo, jo. Je në gjumë. Çohu dhe na trego se si është loja".

Kjo vjen pasi Kushtrimi po fliste për Ludon, duke mos e konsideruar si lojtar aty brenda.

Në Big Brother ndërkaq po ka dinamika të ndryshme meqë edhe po ecën drejt fundit. /Telegrafi/

Përplasjet mes Londrimit dhe Ludo Lee kanë filluar shumë moti në Big Brother VIP Kosova.

Në Prime u publikua një klip i përmbledhur me përplasjet e tyre, nga ka nisur dhe ku është problemi i tyre.

Ludo e akuzoi Londrimin për disa gjëra dhe tha se do të habiteni se çfarë do të dalë në vazhdim.

"Keni me u habit se çfarë do të dalë, nuk është aq engjull sa duket, keni me e kuptu. False në shumë aspekte", u shpreh ai.

Tutje tha Ludo Lee: "Do ta kuptoni shumë shpejt, nuk kam qejf të lëshoj të gjithë bombën".

Nuk dihet se për çfarë e ka fjalën dhe çfarë do të sjellë Ludo Lee në vazhdim.

Në të kanë qenë të përfshirë edhe banorët e tjerë, të cilët sipas Ludos po i shfrytëzon Londrimi. /Telegrafi/

Ludo Lee ka bërë disa akuza kundrejt Hygerta Sakos, me të cilën u sqarua në spektakël.

Ai bëri edhe një deklaratë bombastike karshi moderatores së sportit, gjë që nuk ishte pritur mirë nga banorja.

I njëjti i tha se po kërkon burrë dhe se kjo e bëri të ketë reagim të ashpër nga Hygerta.

Foto: Instagram

"Ka pjesa e burrit i kërkoj falje se po kërkon dashuri", tha Ludo Lee në Prime.

"Ludo ka një dëshirë shumë të madhe që t'ia bësh rrafsh. Kur nuk i bën komplimente të sulet. Nuk ka argument për të thënë se jam xheloze", theksoi në anën tjetër Hygerta.

Ludo i ka përmendur edhe banorët e tjerë me të cilët ka pasur raporte të mira si Klodin, Londrimin dhe Elijonën.

Të njëjtit u sqaruan ndonëse nuk u pajtuan me shumë gjëra kundrejt njëri-tjetrit. /Telegrafi/

Aktori Quinton Aaron, i njohur për rolin e Michael Oher në filmin fitues të Oscarit “The Blind Side” (“Historia e një kampioni”), po lufton për jetën pasi u rrëzua në shtëpinë e tij.

Aktori 41-vjeçar është shtruar në spital në Atlanta dhe ndodhet i lidhur me aparate për shkak të një infeksioni të rëndë të gjakut.

Sipas menaxherit të tij, Aaron po ngjitej shkallëve kur këmbët i janë dobësuar papritur, duke shkaktuar rënien.

Quinton Aaron

Ai ka kaluar tre ditët e fundit në spital, ndërsa mjekët po kryejnë ende analiza për të zbuluar shkakun e saktë të incidentit.

Për të mbuluar shpenzimet e larta mjekësore, është hapur një fushatë GoFundMe, ku theksohet se familja e tij po përballet me barrë të madhe emocionale dhe financiare.

Organizatorët u kanë bërë thirrje njerëzve ta mbështesin aktorin me lutje dhe ndihmë.

Ky incident vjen vetëm disa muaj pasi Aaron kishte humbur rreth 90 kilogramë, ndërsa ai ka pasur edhe më herët probleme serioze shëndetësore, përfshirë shtrime urgjente në spital për infeksione dhe komplikime të frymëmarrjes.

- YouTube www.youtube.com

Quinton u bë i famshëm me rolin e tij në filmin “The Blind Side” (2009), ku luajti përkrah Sandra Bullock, e cila fitoi çmimin 'Oscar' për rolin e saj.

Filmi tregon historinë e vërtetë të futbollistit amerikan Michael Oher dhe rrugëtimin e tij drejt suksesit në NFL. /Telegrafi/

Gjatë një debati mes dy banorëve të Big Brother VIP Albania 5, Stenaldo dhe Keijsi, ky i fundit ka bërë një deklaratë të turpshme.

“A pate ereksion kur hyri Baby G? A pate?”, dëgjohet të thotë Keijsi.

I pranishëm ishte dhe Mateo, i cili tha: “Sa i turpshëm që je. Sa i fëlliqur”.

Foto: Instagram

“Zarf i zi. Ec, o palaço”, tha Stenaldo.

Vetëm pak ditë më parë i njëjti u dëgjua duke sharë Stelinën, me të cilën ka pasur një lidhje dashurie.

Ky fjalor i papërshtatshëm i Keijsit ka bërë që të ketë reagime të shumta edhe jashtë shtëpisë.

I njëjti ka marrë kritika edhe nga opinionistët dhe i është tërhequr vërejtja për këta lloj termash që ka përdorur në BBVA 5. /Telegrafi/