Një nga momentet më prekëse të këtij edicioni të Big Brother VIP Albania 5 ndodhi mbrëmjen e së martës, duke emocionuar jo vetëm banorët, por edhe mijëra shikues para ekranit.

Ndërsa pjesa tjetër e shtëpisë ishte drejtuar për të fjetur, në dhomën e ndenjës mbeti i vetëm këngëtari Stenaldo Mëhilli, i cili është i verbër, duke krijuar një atmosferë të qetë dhe intime për një bisedë të thellë me moderatorin Ledion Liço.

Teksa Ledioni po e pyeste për historinë e tij të jetës, për sfidat dhe rrugëtimin personal, në shtëpi hyri pa u vënë re nëna e tij, Flutura. Ajo u ul në një qoshe të sallonit, duke u përpjekur të mos e prishte momentin dhe të mos zbulohej, ndërsa shikonte të birin nga afër pas një kohe të gjatë.

Megjithatë, në një mënyrë krejt instinktive, Stenaldo e ndjeu praninë e saj. Pa e parë, ai ndaloi për një çast dhe tha me bindje të plotë: “Ajo është këtu, jam 100 për qind i sigurt”. Ky reagim i menjëhershëm la të shtangur Ledionin, i cili i befasuar e pyeti se si arriti ta kuptojë një gjë të tillë.

Përgjigjja e Stenaldos ishte po aq prekëse sa edhe momenti vetë. Ai u shpreh se mes tij dhe nënës ekziston diçka më e fortë se shqisat e zakonshme, një lidhje që ai e quajti “hyjnore”, e cila i lejon ta ndiejë praninë e saj edhe pa e parë.

Ky çast i mbushur me emocion solli një nga skenat më të bukura të këtij sezoni, duke treguar fuqinë e lidhjes mes një nëne dhe një djali, përtej çdo pengese fizike. /Telegrafi/

Një tjetër përplasje e fortë ka tronditur shtëpinë, këtë herë mes Hygertës dhe Ludos, të cilët u përfshinë në një debat të ashpër që degradoi shpejt në fyerje dhe kërcënime verbale.

Situata u tensionua kur Ludo iu drejtua Hygertës me një shprehje provokuese, duke i thënë se do ta “presë si sallamë të Italisë”, një frazë që ndezi menjëherë reagimin e saj.

Hygerta nuk u tërhoq aspak, përkundrazi, i ktheu përgjigje me tone edhe më të forta, duke e sfiduar hapur. Ajo tha se nuk ka nevojë për respektin e tij dhe e quajti frikacak, duke e ftuar të përballet drejtpërdrejt me të.

Replikat mes tyre u bënë gjithnjë e më të ashpra, ndërsa Ludo vazhdoi me paralajmërime se do t’i vijë radha dhe se ai “e di si t’i gjuajë”, duke e çuar situatën në një nivel edhe më të tensionuar.

- YouTube youtu.be

Pas këtij shpërthimi, Hygerta u largua nga debati dhe vijoi bisedën me Arditin, aty ku e kishin lënë më herët. Në një ton më të qetë, ajo u shpreh se pas përballjes së fundit e kishte kuptuar përfundimisht se me kë kishte të bënte dhe se nuk kishte më asnjë arsye të merrej me Ludo.

“Pas bisedës së sotme unë s’merrem më me të, e identifikova”, tha Hygerta, duke lënë të kuptohet se për të kjo përplasje ka mbyllur çdo kapitull komunikimi mes tyre. Debati ka lënë pas një atmosferë të rënduar në shtëpi dhe pritet të ketë pasoja në raportet mes banorëve në ditët në vijim. /Telegrafi/

Angazhimi i Monika Kryemadhit si opinioniste në edicionin e pestë të “Big Brother VIP Albania” ka pasur ndikim jo vetëm në ekran, por edhe në kalendarin e drejtësisë.

Ish-bashkëshortja e ish-presidentit Ilir Meta ka bërë të ditur se për shkak të pjesëmarrjes së saj në spektaklin e Top Channel, është detyruar të kërkojë ndryshim të orareve të seancave gjyqësore që lidhen me dosjen Meta–Kryemadhi në Gjykatën e Posaçme Kundër Korrupsionit dhe Krimit të Organizuar.

Kryemadhi i është drejtuar gjyqtares Irena Gjoka me kërkesën që seancat të mos zhvillohen ditëve të martë, për shkak se atë mbrëmje ajo është e angazhuar me “prime”-in e Big Brother VIP Albania, si dhe të mos mbahen as të mërkurave në mëngjes, pasi emisioni përfundon vonë gjatë natës. Kjo kërkesë është pranuar nga gjykata, duke sjellë një riorganizim të plotë të kalendarit të procesit gjyqësor.

- YouTube youtube.com

Si rezultat, të gjitha seancat e ardhshme për këtë çështje do të zhvillohen ditëve të enjte, ndërsa seanca e radhës është caktuar për datën 22 janar. Vetë Kryemadhi ka konfirmuar publikisht se gjyqtarja e ka marrë parasysh angazhimin e saj televiziv gjatë marrjes së këtij vendimi.

“Seanca tjetër u la në datën 22. Bëra një kërkesë se donin ta linin ditë të martë. Gjyqtarja e pranoi kërkesën time që ditën e martë që kam prime në Big Brother të mos kemi seancë gjyqësore. As të mërkurën në mëngjes se shkon prime shumë vonë. Që kështu ne do të kemi seancë çdo të premte”, ka deklaruar Monika Kryemadhi, duke zbuluar prapaskenat e këtij ndryshimi të pazakontë.

Ky zhvillim ka ngjallur reagime të shumta, pasi rrallë ndodh që një format televiziv të ndikojë drejtpërdrejt në agjendën e një procesi gjyqësor, duke e bërë rastin Meta–Kryemadhi edhe më të komentuar në opinionin publik. /Telegrafi/

Një debat i ashpër ka shpërthyer mes Mirit, Stelinës dhe Keijsit, duke kthyer vëmendjen e të gjithëve nga një deklaratë e fortë që tronditi raportet mes tyre.

Ishte Keijsi ai që hodhi akuzën më të rëndë, duke pretenduar se Miri ka blerë lule për dashnoret e tij pikërisht në dyqanin e familjes së Stelinës, një pretendim që u prit me indinjatë dhe reagime të menjëhershme nga dy të përfshirët.

Keijsi këmbënguli në versionin e tij, duke thënë se kishte qenë i pranishëm në momentin kur Miri kishte porositur lulet dhe se gjithçka kishte ndodhur në praninë e motrës së Stelinës.

Sipas tij, nuk bëhej fjalë për thashetheme, por për një situatë që e kishte përjetuar vetë, çka e bëri deklaratën edhe më të rëndë dhe më provokuese për palët e tjera.

Nga ana tjetër, Stelina reagoi e revoltuar, duke sqaruar se ajo dhe Miri takohen shpesh në zonën e “Myslym Shyrit” dhe se ai është klient i rregullt i dyqanit të saj, por duke theksuar se kishte zgjedhur ta mbante këtë raport në mënyrë më diskrete.

- YouTube youtu.be

Ajo e mohoi kategorikisht idenë se Keijsi kishte dëgjuar ndonjë bisedë të saj private dhe e akuzoi atë se po e përdorte këtë situatë për të ndërhyrë dhe për ta prishur marrëdhënien e saj me Mirin.

Debati u përshkallëzua edhe më shumë kur Keijsi tha se Miri kishte marrë Stelinën dhe kishte thënë se nuk mund të përdorte konfidencialitetin e klientit, gjë që sipas tij tregonte se diçka po fshihej.

Kjo deklaratë u prit me zemërim nga Stelina, e cila e quajti sjelljen e tij të turpshme dhe theksoi se po e fuste qëllimisht në një situatë të vështirë për të dëmtuar lidhjen e saj me Mirin.

Në kulmin e debatit, Stelina kërkoi që dyqani i familjes së saj të mos përfshihej në këtë histori, duke theksuar se është burimi i tyre i jetesës dhe se akuzat e Keijsit po e ulin imazhin e saj publik. /Telegrafi/

Sonte, spektakli i njohur Big Brother VIP Albania 5 ka rezervuar një surprizë të veçantë për shikuesit e Top Channel: në karrigen e opinionistes është ulur Alketa Vejsiu.

Ky moment ka shkaktuar kuriozitet të madh, pasi Alketa është një nga figurat më ikonike të Televizionit Klan, historikisht rival dhe konkurrent i Big Brother VIP Albania.

E veshur me një fustan të kuq dhe me elegancën që e karakterizon, Alketa po jep mendimet e saj të drejtpërdrejta rreth konkurrenteve, duke zëvendësuar për këtë mbrëmje opinionistin Arbër Hajdari.

Foto: Big Brother VIP Albania/YouTube

Prezenca e saj ka sjellë një frymë të re dhe një qasje të veçantë analitike ndaj lojës dhe dinamikes mes banorëve, duke shtuar emocion dhe diskutim në mes të spektaklit.

Shikuesit kanë reaguar menjëherë në rrjetet sociale, duke komentuar se Alketa, me përvojën dhe karizmin e saj në ekran, i jep një dimension tjetër debates në Big Brother VIP, duke bërë këtë mbrëmje të mbetet një nga më të komentuarat e këtij edicioni. /Telegrafi/

Pothuajse të gjitha 90,000 biletat për Eurovision-in e këtij viti në Vienë janë shitur brenda disa minutash, njoftuan organizatorët të martën.

Biletat për finalen e madhe u shiten brenda vetëm 14 minutash, ndërsa biletat për të gjitha ngjarjet e tjera u shitën brenda një ore, tha Bashkimi Evropian i Transmetuesve (EBU).

Janë planifikuar gjithsej nëntë ngjarje gjatë një jave, duke përfshirë edhe dy prova të përgjithshme para çdo transmetimi live. Çdo biletë e mbetur, për shembull në rast se delegacionet e vendeve të caktuara nuk i përdorin të gjitha biletat e tyre të caktuara, do të vihet në shitje më vonë, sqaroi EBU. “Reagimi ka qenë fenomenal”, tha drejtori i garës, Martin Green, në një deklaratë.

“Të shohësh se çdo performancë u shiti kaq shpejt është një kujtesë e fuqishme për atë që përfaqëson Eurovision-i: gëzim, bashkëpunim dhe përvojë të përbashkët në një kohë kur kjo duket më e rëndësishme se kurrë”.

JJ – Wasted Love (LIVE) | Austria 🇦🇹 | Grand Final | Winner of Eurovision 2025 youtu.be

Ediçioni i 70-të i Eurovision-it ka qenë për muaj të tërë nën hijen e debatit për pjesëmarrjen e Izraelit, për shkak të fushatës së tij ushtarake dyvjeçare në Rripin e Gazës.

Spanja, Irlanda, Islanda, Holanda dhe Sllovenia kanë njoftuar se do të bojkotojnë këtë vit në shenjë proteste.

Në total do të marrin pjesë 35 vende. Në dy gjysmëfinale garojnë nga 15 vende, ndërsa orari i tyre u konfirmua të hënën. Mbrëmja e parë gjysmëfinale do të zhvillohet më 12 maj, ku për vend në finale do të konkurrojnë, ndër të tjera, këngët e Izraelit, Greqisë, Belgjikës, Suedisë dhe Kroacisë.

Gjermania, Franca, Italia, Mbretëria e Bashkuar dhe vendi nikoqir kualifikohen automatikisht për finalen më 16 maj dhe nuk kanë nevojë të marrin pjesë në gjysmëfinale. /Telegrafi/

Dy gra akuzuan këngëtarin spanjoll Julio Iglesias për abuzim seksual. Ato pretendojnë se kjo ka ndodhur ndërsa ato po punonin në vilat e tij në Karaibe.

Ish-shërbyesja e tij pretendon se është detyruar të kryejë marrëdhënie seksuale me të, duke përshkruar shuplaka, abuzim fizik dhe verbal. Një fizioterapist, i cili gjithashtu punonte për Julio Iglesias, pretendoi se ai e preku në mënyrë të papërshtatshme, e ofendoi dhe e poshtëroi.

Kjo dyshohet se ka ndodhur në vitin 2021 në shtëpitë e tij në Punta Cana, Republika Dominikane, dhe Lyford Cay, Bahamas. Një viktimë, e cila njihet me pseudonimin Rebecca, e cila ishte 77 vjeç në atë kohë, pretendon se ai e thirri në dhomën e tij natën.

"Ai më shfrytëzonte pothuajse çdo natë. Ndihesha si një objekt, si një skllave", tha ajo për elDiario.es dhe Univision Noticias. Ajo shtoi se ai e abuzoi seksualisht në prani të një anëtari tjetër më të vjetër të stafit të shtëpisë së tij.

Një tjetër viktimë, e identifikuar vetëm si Laura, tha se Julio Iglesias e puthi në gojë dhe i preku gjoksin. Këngëtari u kontaktua nga gazetarët në lidhje me akuzat, por ai nuk u përgjigj.

Gruaja që Rebecca tha se ishte superiore e saj në vilën e Punta Cana-s pretendon se akuzat janë të pakuptimta. Ajo tha se ai është një zotëri që respekton gratë. /Telegrafi/

Sipërmarrësi i njohur Fisnik Syla ka qenë i ftuar në emisionin e mëngjesit në ABC News Kosova, ku ka folur hapur për ftesën që ka marrë nga produksioni i Big Brother VIP Kosova, duke zbuluar se ka refuzuar të bëhet pjesë e këtij formati.

Ai ka treguar se edhe pse i është ofruar mundësia për të qenë pjesë e spektaklit, qoftë edhe përmes një video-thirrjeje, nuk e ka parë kurrë veten në një reality show të tillë.

“Po kam marrë ftesë për të qenë aty edhe për të bërë së paku një video-call apo ka ta di unë, por me të thënë të drejtën nuk jam fare i interesuar në atë lloj formati, as kurrë nuk do të jem.

- YouTube youtu.be

Andaj i kam refuzuar të gjitha sepse në radhë të parë i kam dy fëmijë, kam familjen, kam biznesin dhe besoj se nuk ia vlen të lësh jetën dhe të futesh në atë lloj formati”, ka deklaruar Syla për ABC News, duke theksuar se prioritetet e tij janë larg kamerave dhe ekspozimit të tepruar publik.

Fisnik Syla është rikthyer në qendër të vëmendjes mediatike pikërisht për shkak të këtij edicioni të Big Brother VIP Kosova, ku në shtëpinë më të famshme të vendit hyri ish-bashkëshortja e tij, këngëtarja Fjolla Morina. Prania e saj në format ngjalli interes të madh, jo vetëm për shkak të figurës së saj publike, por edhe për lidhjen e kaluar me Sylën, çka i dha spektaklit një dimension shtesë kurioziteti.

Megjithatë, rrugëtimi i Fjollës në Big Brother VIP Kosova nuk zgjati shumë, pasi ajo dha dorëheqje nga gara, një veprim që u komentua gjerësisht në rrjete sociale dhe media. /Telegrafi/

Elijona ka hapur një bisedë të drejtpërdrejtë me Limin rreth situatës së tij sentimentale në shtëpi, duke e vënë në qendër të vëmendjes raportin që ai ka njëkohësisht me Albën, Dolcen dhe Bian.

Ajo nuk i ka kursyer fjalët, duke i thënë se tre vajzat po përplasen mes vete pikërisht për shkak të tij, një situatë që po krijon tensione të dukshme në ambientin e përbashkët.

“Po zihen femrat për ty”, i është drejtuar Elijona Limin, duke nënvizuar se dinamika mes vajzave po bëhet gjithnjë e më e ndërlikuar dhe se ai, me sjelljen e tij, duket se është në qendër të këtij trekëndëshi emocional.

- YouTube youtu.be

Nga ana tjetër, Limi ka tentuar ta relativizojë situatën, duke sqaruar se nuk bëhet fjalë për lojëra apo manipulime nga ana e tij, por për procese të ndryshme që po i menaxhon paralelisht. Ai ka thënë se me secilën prej vajzave ka një raport të ndryshëm dhe se po përpiqet t’i mbajë gjërat të qarta.

“Unë po sqarohem me ex-in, me shoqërinë dhe me atë që po vazhdoj përpara”, është shprehur Limi, duke lënë të kuptohet se Alba përfaqëson të kaluarën e tij, Dolce një lidhje më shoqërore, ndërsa Bia është ajo me të cilën po tenton të ndërtojë diçka për të ardhmen.

Rrjedha e këtyre marrëdhënieve mbetet për t’u parë, por është e qartë se trekëndëshi tashmë është shndërruar në një nga temat më të nxehta të momentit. /Telegrafi/

Prifti Guilherme Peixoto ka tërhequr vëmendjen për hobin e tij "të pazakontë". Ai është një DJ që ka fituar zemrat e audiencës në të gjithë botën. Kohët e fundit ai performoi në Liban.

Pamjet e atmosferës së mrekullueshme nga shfaqjet e tij po shpërndahen në mediat sociale, dhe publiku më i ri është veçanërisht entuziast.

"Kur shkojmë në një festë, nuk ka rëndësi se çfarë lloj muzike elektronike është, qoftë house apo techno, ndjen se të gjithë janë të bashkuar. Të gjithë e respektojnë njëri-tjetrin, nuk u intereson feja apo rrobat. E ndjen këtë në pistën e vallëzimit, atë energji të jashtëzakonshme. Pa një mesazh feje, është një mesazh i fortë respekti, tolerance. Nëse mund të kërcejmë së bashku në pistën e vallëzimit, pse të mos kërcejmë së bashku jashtë?" tha Guilherme Peixoto.

Ai u tha atyre që e kritikojnë për performancën si DJ të luten për të, sepse ai nuk mund të bëjë asgjë për këtë.

"Kjo është një botë e lirë dhe duhet të jetë e lirë. Jo të gjithë duhet ta pëlqejnë atë që bëj unë, por duhet ta respektojnë atë", tha ai.

Ai shtoi se kjo nuk është muzikë që duhet të luhet në kishë, por se është muzikë që "e nxjerr kishën jashtë kishës". /Telegrafi/

Fituesja e Festivalit të Këngës në Eurovision 2014, Conchita Wurst, njoftoi sot nëpërmjet profilit të saj në Instagram se po tërhiqet nga Festivali i Këngës në Eurovision, megjithëse fansat prisnin që ajo të luante një rol të rëndësishëm në konkursin e këtij viti, i cili mbahet në Vjenë.

Conchita Wurst është personazhi skenik i këngëtarit dhe artistit austriak Thomas Tom Neuwirth dhe ajo fitoi Festivalin e Këngës në Eurovision për Austrinë në vitin 2014. Ajo njoftoi në profilin e saj në Instagram se do të tërhiqet nga konkursi që i solli famë.

"Konkursi i Këngës në Eurovision i dha formë jetës sime. Ishte skena ime, shtëpia ime, trampolina dhe kapitulli im për të cilin jam thellësisht mirënjohëse", tha ajo.

Përveç kësaj, ajo shtoi: "Si artiste, ndryshimi është konstantja ime më e madhe. Që tani e tutje, po tërhiqem nga Festivali i Këngës në Eurovision. Po përqendrohem më shumë në projekte të tjera profesionale dhe do të lejoj që gjërat e reja të zhvillohen. Lidhja ime me Festivalin e Këngës në Eurovision mbetet pjesë e historisë sime, jo një vend për hapat e mi të ardhshëm. Vendimi im është personal dhe nuk do të komentoj më tej për të".

Michael Krön, producent ekzekutiv i Festivalit të Këngës në Eurovision në ORF, tha me rastin e daljes së saj në pension: "Kontributi i saj është një pjesë e rëndësishme e historisë së konkursit austriak të këngëve. I urojmë Tom Neuwirth gjithë të mirat në projektet e tij të ardhshme".

- YouTube youtu.be

Wurst nuk dha detaje mbi arsyet e tërheqjes së saj, dhe tërheqja e saj nga Festivali i Këngës në Eurovision vjen në një kohë të trazuar për konkursin - me Irlandën, Spanjën, Holandën, Slloveninë dhe Islandën që njoftuan tërheqjen e tyre nga konkursi muajin e kaluar.

Ju kujtojmë se ata vendosën ta bojkotojnë konkursin për shkak të qëndrimit të Izraelit në të. Të pranishmit në Asamblenë e Përgjithshme të Unionit Evropian të Transmetimeve (EBU) në Gjenevë, e cila u mbajt në dhjetor, duhej të votonin për pjesëmarrjen e Izraelit, por kjo nuk ndodhi.

Në vend të kësaj, ata votuan nëse Asambleja e Përgjithshme duhet ta mbajë Festivalin e Këngës në Eurovision sipas skenarit të planifikuar aktualisht. U votua një skenar sipas të cilit edhe Izraeli do të jetë pjesë e konkursit, i cili u pasua nga një bojkot i vendeve të përmendura. /Telegrafi/

Aktori i njohur Callum Turner, u shfaq këtë fundjavë në një shëtitje të thjeshtë me qenin në Londër, krah të fejuarës së tij Dua Lipa, vetëm pak ditë pasi u pretendua se roli i agjentit 007 në filmin e ri të james Bond tashmë është i tij dhe se këngëtarja pritet të shkruajë këngën tematike të filmit të ri.

Burime për DailyMail kanë bërë të ditur se Callum, i cili konsiderohet favorit absolut për ta pasuar Daniel Craigun, u ka thënë miqve të tij se roli tashmë i është konfirmuar.

Një burim i afërt me yllin e “Fantastic Beasts” ka deklaruar: “Ai po e tregon kudo. Callum është Bondi i ri, është konfirmuar. Të gjithë në rrethin e tij po flasin për këtë. Është sekreti më i keq i ruajtur në qytet”.

Nëse Callum, 35 vjeç, merr zyrtarisht pistoletën ikonike Walther PPK të 007-s, producentët e Amazon mund të mbyllin një marrëveshje “dy në një” edhe me Duan, duke i besuar asaj këngën e re për titrat hyrës dhe mbyllës të filmit.

Mes këtyre thashethemeve, çifti u pa duke kaluar kohë së bashku në një shëtitje në një ditë të ftohtë londineze.

Dua u shfaq elegante si gjithmonë me një pallto trench ngjyrë krem dhe syze dielli, ndërsa Callum ishte veshur trashë me një xhaketë të zezë dhe kapele.

Dua, 30 vjeçe, e cila më herët kishte realizuar këngën “Swan Song” për filmin fantastiko-shkencor “Alita: Battle Angel” në vitin 2019, është e etur të bëhet pjesë e universes së Bondit, duke ndjekur hapat e Adele, Billie Eilish dhe Sam Smith.

Sipas burimit: “Dua është jashtëzakonisht e lumtur për Callumin. Ajo ka thënë se do të donte shumë ta regjistronte këngën e Bondit”.

Callum Turner, i rritur në një lagje sociale në Londër, e nisi karrierën si model për “Next”, përpara se të merrte famë me rolin e Theseus Scamander në filmat “Fantastic Beasts: The Crimes of Grindelwald” dhe “The Secrets of Dumbledore”.

Ai mori vlerësime të mëdha për rolin në filmin “The Boys In The Boat” të vitit 2023, të drejtuar nga George Clooney, si dhe për interpretimin e Major John “Bucky” Egan në serialin “Masters Of The Air” të Apple TV, prodhuar nga Steven Spielberg dhe Tom Hanks.

Ai dhe Dua nisën lidhjen në janar të vitit 2024 dhe u fejuan verën e kaluar, megjithatë ende nuk kanë shpallur një datë dasme.

Dyshja shtoi edhe më shumë zërat për Bondin pasi pushuan në Goldeneye në Xhamajkë, ish-pronë e shkrimtarit të James Bondit, Ian Fleming.

Një burim ka thënë: “Nëse është Callumi, ai do të ishte një zgjedhje shumë popullore. Ai ka pamjen dhe elegancën për Bondin dhe ka dëshmuar aftësitë e tij si aktor”.

Filmi i ardhshëm i sagës, i njohur për momentin si “Bond 26”, pritet të jetë një nga projektet më të shumëpritura të Hollivudit, pasi kanë kaluar katër vjet nga “No Time To Die”. Xhirimet mund të nisin këtë vit, ndërsa premiera është parashikuar për vitin 2027.

Barbara Broccoli dhe Michael G. Wilson, që e kanë kontrolluar prej vitesh franshizën përmes Eon Productions, ia shitën të drejtat e Bondit Amazonit për rreth 1 miliard dollarë në shkurt të vitit të kaluar.

Shefi i Amazonit, Jeff Bezos, përshkruhet si një “fans i madh” i agjentit sekret, dhe një burim nga kompania e tij ka thënë: “Jeff është i përfshirë nga afër në çdo aspekt të së ardhmes së Bondit. Ai nuk dëshiron të gabojë. E di sa shumë do të thotë Bond për njerëzit. Kushdo që zgjidhet duhet të jetë perfekt. Skenari duhet të jetë spektakolar, me të gjitha elementet klasike të Bondit, aksion, vajza të bukura dhe energji të re për një brez të ri”.

“Bond 26” po shkruhet nga krijuesi i “Peaky Blinders”, Steven Knight, dhe do të mbikëqyret nga regjisori i “Dune”, Denis Villeneuve.

Më herët, burime nga studio kishin thënë se skenari po shkruhej pa një aktor të caktuar në mendje, por se Bezos dhe Villeneuve kërkonin dikë “të ri dhe britanik” për rolin.

Së fundmi, Turner është ngjitur në krye të listës së basteve, duke lënë pas emra si Aaron Taylor-Johnson, James Norton dhe Idris Elba. Dua Lipa ka refuzuar të komentojë, ndërsa Amazon dhe Callum Turner nuk kanë dhënë ende një reagim zyrtar. /Telegrafi/

Këngëtarja Albana Bilalli ka publikuar së fundmi projektin e saj më të ri muzikor me titull “Bam Bam”, duke shënuar një rikthim të fuqishëm me një stil që ndërthur ndjeshmërinë e soul-it me elegancën e jazz-it.

Kënga vjen si një dëshmi e pjekurisë së saj artistike, duke reflektuar një qasje autentike dhe personale në krijimin muzikor.

Për këtë projekt, Albana është kujdesur vetë si për muzikën ashtu edhe për tekstin, duke e bërë “Bam Bam” një shprehje të drejtpërdrejtë të botës së saj krijuese.

Melodia e ngrohtë dhe ritmi i veçantë i këngës e vendosin atë në një hapësirë të veçantë brenda skenës muzikore shqiptare, duke ofruar diçka ndryshe nga prurjet komerciale të zakonshme.

- YouTube youtu.be

Kënga është shoqëruar edhe me një videoklip artistik, i cili i përshtatet mjaft bukur zhanrit dhe tematikës së projektit. Pamjet vizuale krijojnë një atmosferë intime dhe estetike, duke e thelluar edhe më shumë ndjesinë që transmeton muzika.

Për realizimin e klipit është përkujdesur Mirand Karamani në aspektin e kinematografisë, ndërsa montazhi dhe postproduksioni janë realizuar nga vet Albana, me materiale shtesë të përdorura nga platforma Pexels. /Telegrafi/

Futbollisti i njohur brazilian Hulk (39) është martuar përmes një ceremonie fetare me Camila Angelo, e cila është mbesa e ish-bashkëshortes së tij, Iran Angelo. Camila dhe Iran janë fizikisht shumë të ngjashme, ndërsa Hulk dhe Camila janë në një lidhje prej katër vitesh.

Camila është dy vite më e re se Iran dhe para dy vitesh ajo solli në jetë një fëmijë me Hulkun. Ndërkohë, çifti është në pritje të një tjetër fëmije.

Gjatë këtij viti, Camila dhe Hulk pritet të bëhen prindër të një djali, duke e çuar në pesë numrin e fëmijëve të futbollistit. Me ish-bashkëshorten Iran, gjatë një martese që zgjati 12 vjet, Hulk ka tre fëmijë.

Martesa mes Hulkut dhe Iran Angelo u shpërbë pasi futbollisti u afrua me Camilan. Pas këtij zhvillimi, Iran Angelo reagoi për mediat portugeze, duke folur pas një kohe të gjatë për dhimbjen që përjetoi.

Iran Angelo ka deklaruar se edhe sot e kësaj dite nuk arrin të pajtohet me atë që i ka ndodhur. Sipas saj, tradhtia erdhi jo vetëm nga bashkëshorti, por edhe nga mbesa e saj.

“Është sikur të kem varrosur një vajzë të gjallë. Zgjohem dhe shkoj të fle pa e kuptuar pse më ndodhi gjithçka kjo. Dhimbja është shumë e madhe, ndonjëherë mendoj se do të më shkulin zemrën. Ajo ishte si vajza ime. I dhashë gjithçka që nga momenti që erdhi në jetë. Shumë herë sakrifikova ëndrrat e mia që të realizoheshin të sajat. Dhe nuk flas vetëm për gjëra materiale, sepse ato janë të lehta për t’u dhënë kur ke para, por për dashuri, përkushtim, vëmendje dhe respekt… gjithçka”.

Hulk, i cili aktualisht i afrohet fundit të karrierës së tij profesionale, po aktivizohet në Brazil. Në sezonin e kaluar, ai zhvilloi 61 ndeshje me Atletico Mineiro, ku realizoi 21 gola dhe dhuroi 8 asistime.

Emrin e bëri të njohur në arenën ndërkombëtare gjatë kohës kur luajti për Porton, ndërsa në vitin 2012 kaloi te Zeniti i Shën Petersburgut në Rusi. Më pas, ai kaloi edhe pesë vite në Kinë. Me kombëtaren braziliane, Hulk ka zhvilluar 49 paraqitje, duke shënuar 11 gola. /Telegrafi/

Limi dhe Alba kanë nisur ditën bashkë në shtëpinë e Big Brother VIP Kosova, duke tërhequr menjëherë vëmendjen e publikut për shkak të historisë së tyre të mëparshme.

Teksa Alba po pastronte dhëmbët, shumë pranë saj u afrua edhe Limi, për të kryer të njëjtin proces. Edhe pse ndodheshin vetëm pak centimetra larg njëri-tjetrit, mes tyre u vu re një heshtje e plotë dhe një distancë emocionale e dukshme.

Dyshja, e cila dikur ka qenë çift gjatë qëndrimit në reality show “Ferma VIP”, zgjodhi ta injorojë në maksimum njëri-tjetrin, duke komunikuar vetëm përmes shikimeve të shpejta “me bisht të syrit”, pa asnjë fjalë apo kontakt të drejtpërdrejtë.

- YouTube youtu.be

Situata ka nisur të bëhet edhe më interesante pas hyrjes së Limit mbrëmjen e kaluar në Big Brother VIP Kosova, zhvillim që ka rikthyer në vëmendje raportin e tyre dhe ka ngritur pikëpyetje mbi dinamikat që pritet të krijohen mes tyre në ditët në vijim.

Mbetet për t’u parë se si do të rrjedhin ngjarjet mes Limit dhe Albës dhe nëse e kaluara e tyre do të ndikojë në rrugëtimin e përbashkët brenda shtëpisë më të famshme në Kosovë. /Telegrafi/

Në kuadër të një hetimi për lëndë narkotike ndaj personazheve të njohur, aktori i famshëm Can Yaman dhe këngëtarja/aktorja Selen Görgüzel janë ndaluar nga autoritetet.

Lajmi vjen pak kohë pasi, mbrëmjen e 1 janarit (e enjte), në ekranet televizive u transmetua episodi i parë i "Survivor 2026", ku u zhvillua edhe emocionet e para të eliminimit. Me formatin e ri dhe këshillin e fatit, Selen Görgüzel ishte emri i parë që u largua nga gara, sipas CNN Turk.

Pas eliminimit të shpejtë nga ishulli, Görgüzel kishte ndarë me ndjekësit e saj në rrjetet sociale momentet e kthimit në shtëpi, duke shprehur lumturinë për rikthimin. Ajo publikoi pamje ku puthte parketin e shtëpisë, të shoqëruara me mbishkrimin: “Jam kampionia e zemrave dhe e atyre që më duan”.

Edhe pse aventura e saj në Survivor zgjati vetëm një javë, Görgüzel vazhdoi të ishte në qendër të vëmendjes së mediave rozë për shkak të postimeve të saj pas largimit nga spektakli. Megjithatë, zhvillimi i fundit e ka rikthyer sërish në titujt kryesorë.

Sipas raportimeve, forcat e xhandarmërisë kanë zhvilluar një operacion gjatë orëve të natës në “Bebek Otel” në Beşiktaş, në kuadër të këtij hetimi, operacion që çoi në ndalimin e disa personave, përfshirë edhe Can Yaman dhe Selen Görgüzel.

Autoritetet nuk kanë dhënë ende detaje të plota lidhur me rastin, ndërsa priten informacione të tjera zyrtare në vijim. /Telegrafi/

Supermodelja Gisele Bundchen u martua me instruktorin e jiu-jitsu-s, Joaquí Valente, në një ceremoni private në nëntor në SHBA, disa muaj pasi ata mirëpritën në jetë një djalë së bashku. Familja e modeles shprehu shqetësim në lidhje me zgjedhjen e bashkëshortit.

Sipas burimit, familja Bundchen ishte e shqetësuar për vendimin e saj për t'u martuar me Valenten, duke pasur parasysh se martesa me një burrë jo shumë të pasur ishte e rrezikshme për dikë me një pasuri neto të vlerësuar prej 400 milionë dollarësh.

“Familja e saj e këshilloi të mos martohej me një burrë pa pasuri kur është miliardere”, tha burimi.

Foto: Gisele Bundchen/Instagram

Edhe pse Joaquim Valente zotëron shkollën e tij të arteve marciale në Miami dhe punon me klientë të famshëm, Gisele është në një "klasë peshe" krejtësisht të ndryshme për sa i përket statusit dhe famës.

Çifti thuhet se ka një marrëveshje paramartesore, por ka dispozita që i lejojnë Valentes kompensim financiar në rast divorci, gjë që nuk e kënaqi plotësisht familjen e modeles.

Foto: Gisele Bundchen/Instagram

Gisele Bundchen, e cila më parë ishte e martuar me lojtarin e futbollit amerikan Tom Brady, ka dy fëmijë, Benjamin (16) dhe Vivian (13). Gjatë karrierës së saj, ajo nënshkroi kontrata me Victoria's Secret, Chanel, Apple, Under Armor dhe marka të tjera globale, dhe gjithashtu kishte aksione në linjat e të brendshmeve dhe sandaleve.

Bundchen është e afërt me familjen e saj, përfshirë babain e saj Vladir dhe pesë motrat, dhe thekson veçanërisht lidhjen e fortë me motrat e saj. Nëna e saj Vânia ndërroi jetë në janar 2024 pas një beteje të gjatë me kancerin. /Telegrafi/

Limi Hoti është një nga banorët që ka nisur sot aventurën e tij të re në Big Brother VIP Kosova, duke sjellë që në hyrje interes dhe diskutime të shumta në publik.

Regjisori njihet edhe për lidhjet e tij të mëparshme, pasi ka qenë ish-i dashuri i dy banoreve aktuale të shtëpisë, Albës dhe Bias. Me të dyja, Limi ka ndarë momente të afërta dhe intime në periudha të ndryshme të jetës së tij.

Me hyrjen e tij në shtëpinë më të famshme në Kosovë, në rrjetet sociale janë rikthyer në vëmendje pamje dhe momente nga aventura e tij e mëparshme me Albën gjatë pjesëmarrjes së tyre të përbashkët në reality show-n “Ferma VIP”.

Foto: Ferma VIP

Dyshja aso kohe kishin qenë në qendër të vëmendjes për afrimitetin e tyre, përfshirë çaste të kaluara së bashku në vaskë dhe në shtrat.

Foto: Ferma VIP

Ndërkohë, me Bian, Limi kishte ndarë më herët momente intime në InstaStory, të cilat gjithashtu po rikujtohen nga ndjekësit pas hyrjes së tij në Big Brother VIP Kosova.

Foto: Ferma VIP

Hyrja e Lim Hotit pritet të sjellë dinamika të forta emocionale dhe përballje interesante, veçanërisht për shkak të historive të së kaluarës me dy nga banoret aktuale, duke e bërë rrugëtimin e tij një nga më të komentuarit që në ditët e para të spektaklit. /Telegrafi/

Foto: sisterkhalifa/InstaStory

Këngëtarja e njohur shqiptare Adelina Thaqi Meta ka shënuar një kapitull të ri në karrierën e saj publike, duke u zgjedhur për herë të parë deputete në Kuvendin e Kosovës pas zgjedhjeve të mbajtura më 28 dhjetor.

Ajo garoi në listën e Lidhjes Demokratike të Kosovës (LDK) dhe, ndonëse kjo parti shënoi një rezultat relativisht zhgënjyes në nivel kombëtar, Adelina arriti të renditet mes 15 deputetëve të përzgjedhur të LDK-së, duke tej kaluar edhe kuotën gjinore, çka e bën suksesin e saj edhe më domethënës.

Pas besimit të marrë nga qytetarët, Adelina Thaqi Meta reagoi përmes një postimi në rrjetet sociale, ku falënderoi votuesit dhe theksoi përgjegjësinë e madhe që ndjen për këtë mandat të ri politik.

Adelina Thaqi rezultoi e 13-ta më e votuara në listën e LDK-së (Foto: KQZ)

Ajo u shpreh mirënjohëse ndaj votuesve besnikë të LDK-së për besimin e dhënë, duke theksuar se hyrja e saj në Kuvend vjen nga një profil tjetër profesional, ai i artit, kulturës dhe arsimit, ku për vite me radhë ka kontribuar si këngëtare dhe profesoreshë.

“Besimi juaj është një mirënjohje e çmuar për punën time deri më sot, por mbi të gjitha është një përgjegjësi e madhe që të jem zëri juaj në Kuvend, me ndershmëri, ndjeshmëri, guxim dhe përkushtim”, shkroi ajo mes tjerash.

Në reagimin e saj, Adelina nuk la pa përmendur edhe rezultatin zgjedhor të LDK-së, duke theksuar se ai nuk reflekton misionin historik, potencialin njerëzor dhe programor të kësaj partie, si dhe respektin që sipas saj qytetarët dhe mërgata ende kanë për Lidhjen Demokratike të Kosovës.

Ajo theksoi se Kosova ka nevojë për ndryshim të madh, por se ky ndryshim duhet të nisë nga vetë qytetarët dhe nga një qasje më e hapur, më bashkuese dhe më e qartë në komunikim politik.

“Faleminderit secilit që na besoi e që më besoi, duke më veshur me një përgjegjësi të shenjtë ndaj jush dhe ndaj vendit tonë”, përfundoi ajo mesazhin e saj, duke uruar bekim për Kosovën dhe popullin e saj.

Me këtë zgjedhje, Adelina Thaqi Meta i bashkohet radhëve të legjislaturës së re, duke sjellë në Kuvend një profil që vjen nga arti dhe kultura, në një kohë kur përfaqësimi i tillë shihet si i nevojshëm në politikën kosovare. /Telegrafi/

David dhe Victoria Beckham janë përpjekur të zbusin konfliktin familjar me djalin e tyre Brooklyn dhe gruan e tij Nicola për një kohë të gjatë, por sipas një burimi pranë familjes, ata këmbëngulin të komunikojnë ekskluzivisht përmes një avokati.Një burim i njohur me situatën i tha revistës People se David dhe Victoria Beckham "i kanë kërkuar vazhdimisht Brooklyn dhe Nicole të takohen dhe të flasin për të ecur përpara".

"David i adhuron fëmijët e tij. Ata janë gjithçka për të", tha burimi, duke iu referuar Brooklyn (26), vëllezërve të tij Romeo (23) dhe Cruz (20), si dhe motrës Harper (14).

Sipas burimeve të shumta, David dhe Victoria janë përpjekur të përmirësojnë marrëdhënien e tyre me Brooklyn dhe gruan e tij Nicola (31), me të cilën ai u martua në vitin 2022, për vite me radhë. Konflikti, thuhet se filloi atë vit, gjoja për shkak të mosmarrëveshjeve mbi fustanin e nusërisë së Nicolës.

Foto: David Beckham/Instagram

Burimi pohon se Brooklyn dhe Nicola kanë qenë gjithmonë të ftuar në evente familjare, qofshin private apo publike. Kështu, sipas të njëjtit informacion, ata u ftuan edhe në ceremoninë e dhënies së titullit të kalorësisë David Beckham, të cilin Mbreti Charles ia dha atij më 4 nëntor për "kontributin e tij në sport dhe punën humanitare".

Përfaqësuesit e Brooklyn nuk ishin të disponueshëm për koment, ndërsa përfaqësuesit e David dhe Victoria Beckham nuk iu përgjigjën menjëherë pyetjeve të medias.

Media britanike The Sun raportoi më 8 janar se Brooklyn u kishte dërguar prindërve të tij një njoftim ligjor ku thuhej se ata mund të komunikonin me të vetëm përmes një avokati dhe se nuk lejoheshin ta etiketonin atë në rrjetet sociale. Sipas të njëjtit burim, Victoria dyshohet se e shkeli këtë kërkesë duke pëlqyer një postim në Instagram, pas së cilës Brooklyn i bllokoi prindërit e tij në rrjetet sociale.

Foto: David Beckham/Instagram

Brooklyn, Nicola, David dhe Victoria nuk e kanë ndjekur më njëri-tjetrin në Instagram që nga dhjetori. Brooklyn dhe Nicola gjithashtu nuk i kanë ndjekur më Romeon dhe Cruz. Cruz komentoi në Instagram Story për këtë çështje, duke thënë se prindërit e tij "nuk do ta hiqnin kurrë nga ndjekja e të birit" dhe se ata "zgjoheshin të bllokuar", njësoj si ai.

Brooklyn dhe Nicola i kaluan Krishtlindjet larg familjes Beckham. Më 26 dhjetor, Nicola postoi foto në Instagram duke pozuar me Brooklyn dhe prindërit e saj, Nelson Peltz dhe Claudia Heffner Peltz, me mesazhin: "U uroj të gjithëve një Krishtlindje të Gëzuar dhe një Vit të Ri të lumtur plot dashuri, paqe dhe lumturi."

Në natën e Vitit të Ri, David Beckham postoi në Instagram një vështrim në momentet e tij të preferuara nga viti 2025, në të cilat Brooklyn mungonte, ndërsa Romeo, Cruz dhe Harper ishin të pranishëm. Megjithatë, David më vonë ndau foto me djalin e tij të madh në Instagram Story. /Telegrafi/