Qiproja, Greqia dhe Izraeli kanë nënshkruar një marrëveshje bashkëpunimi ushtarak. Megjithatë, Turqia është më e shqetësuar për blerjen gjithnjë e më të madhe të sistemeve të armëve të përparuara nga Izraeli.

Javën e kaluar, në Qipro u nënshkrua një plan bashkëpunimi ushtarak trepalësh midis Qipros, Greqisë dhe Izraelit, i ndjekur nga dy plane bashkëpunimi dypalësh – midis Forcave të Mbrojtjes së Izraelit (IDF) dhe Forcave të Armatosura Greke, dhe midis IDF dhe Gardës Kombëtare të Qipros.

Marrëveshjet u nënshkruan në Nikozi gjatë takimit të përbashkët vjetor të shtabeve ushtarake të tre vendeve. Nënshkrimi i tyre u njoftua zyrtarisht nga ushtria izraelite. Lajmi u prit kryesisht pozitivisht në median dhe publikun qipriot.

Edhe pse detajet e marrëveshjeve nuk u bënë publike, DW ka mësuar se ato përfshijnë dispozita për ushtrime dhe trajnime të përbashkëta ushtarake, krijimin e grupeve të punës në fusha të specializuara dhe zhvillimin e një dialogu strategjik ushtarak.

Sipas të njëjtave burime, marrëveshjet parashikojnë gjithashtu shkëmbimin e ekspertizës mbi kërcënimet moderne të sigurisë, duke përfshirë sistemet pa pilot dhe luftën elektronike.

Bashkëpunimi tripalësh – një aleancë e re?

Njoftimi i bashkëpunimit ushtarak është zbatim praktik i vendimeve politike të marra nga udhëheqësit e tre vendeve – Benjamin Netanyahu, Kyriakos Mitsotakis dhe Nikos Christodoulides – gjatë samitit të 10-të tripalësh të Izraelit, Greqisë dhe Qipros, të mbajtur më 22 dhjetor.

Duke përmbledhur një deklaratë të përbashkët për shtyp të lëshuar pas takimit në Jeruzalem, Presidenti i Qipros Nikos Christodoulides tha se të tre vendet kishin vendosur të thellonin bashkëpunimin “me fokus në energji, mbrojtje dhe siguri”, duke bërë thirrje për “marrëveshje që do të kalojnë menjëherë në fazën e zbatimit”.

Duke folur për DW, Zenonas Tziarras, nga Departamenti i Studimeve Turke dhe të Lindjes së Mesme në Universitetin e Qipros, theksoi se bashkëpunimi trepalësh midis këtyre vendeve nuk është i ri dhe se samiti i parë i tillë u mbajt në vitin 2016.

Duke theksuar se Greqia, Qiproja dhe Izraeli kanë bashkëpunuar në këto fusha për vite me radhë, Tziarras paralajmëroi se, pavarësisht tendencës së udhëheqësve politikë për të ekzagjeruar rezultatet e këtyre takimeve, duhet të jetë e qartë se “bashkëpunimi ushtarak, i mbrojtjes dhe i sigurisë nuk përbën në vetvete një aleancë”.

“Një aleancë e vërtetë nënkupton një angazhim për mbrojtje kolektive, sipas të cilit një sulm ndaj një shteti konsiderohet sulm ndaj të gjithëve. Bashkëpunimi aktual trepalësh është pra një ‘aleancë’ vetëm në emër”, tha ai.

Shqetësimet e Turqisë në lidhje me blerjet e armëve izraelite

Mungesa e rezultateve konkrete, të cilat mund të ndryshojnë ekuilibrin e fuqisë në Mesdheun Lindor, mund të shpjegojë edhe reagimin relativisht të përmbajtur të Turqisë pas njoftimit të marrëveshjes.

Presidenti turk Erdogan, ndryshe nga mediat turke pro-qeveritare që e përshkruan bashkëpunimin si një “bosht të së keqes anti-turke”, mori një ton dukshëm të moderuar, duke deklaruar se iniciativat e tre vendeve “nuk kanë peshë të vërtetë”, duke i krahasuar ato me “zhurmë boshe, si zhurma e një kanaçeje”.

Ajo që duket se e shqetëson Turqinë më shumë sesa vetë marrëveshjet trepalëshe është fakti se Greqia dhe Qiproja po i drejtohen gjithnjë e më shumë Izraelit për prokurimin e sistemeve moderne të armëve.

Në rastin e Qipros në veçanti, Ankaraja ka lëshuar paralajmërime të forta se blerja e armëve nga Izraeli mund të çojë në destabilizim në ishull.

Ishulli i Qipros është ndarë që nga viti 1974, pas një ndërhyrjeje ushtarake turke, në Republikën e Qipros të njohur ndërkombëtarisht dhe Republikën e vetëshpallur Turke të Qipros Veriore (TRNC). Pjesa veriore e ishullit është nën kontrollin ushtarak turk dhe administrohet nga institucionet e TRNC-së.

Kundërshtimi i Turqisë

Reagimi i Turqisë ishte veçanërisht i ashpër shtatorin e kaluar, kur sistemi izraelit i mbrojtjes ajrore Barak MX u instalua dhe u vu në përdorim operacional në Republikën e Qipros.

Kapacitetet e sistemit janë të krahasueshme me sistemin izraelit të mbrojtjes nga raketat Iron Dome. Ndërsa blerja ishte pjesë e vendimit të qeverisë qipriote për të zëvendësuar gradualisht pajisjet ushtarake ruse, të cilat nuk mund të mirëmbahen më për shkak të sanksioneve të vendosura ndaj Rusisë pas pushtimit të Ukrainës në vitin 2022, tani ajo përshtatet edhe në “orientimin perëndimor” më të gjerë të vendit dhe qëllimin e saj të deklaruar për të ndjekur anëtarësimin në NATO.

Ministria e Jashtme turke e ka përshkruar vendosjen e sistemit si një kërcënim për stabilitetin rajonal, duke paralajmëruar se “politikat e palëve greke dhe qipriote minojnë stabilitetin dhe paqen në rajon dhe rrezikojnë të provokojnë një garë armatimesh në ishull”.

Një reagim i ngjashëm pritet në lidhje me zbatimin e një marrëveshjeje të veçantë midis ministrive të mbrojtjes qipriote dhe izraelite për blerjen e një sistemi të integruar mbikëqyrjeje nga kompania izraelite Elbit, i destinuar për monitorimin e “Vijës së Gjelbër” – një zonë tampon e kontrolluar nga OKB-ja që e ka ndarë Qipron që nga viti 1974. Instalimi i sistemit mbrojtës është shtyrë aktualisht për shkak të luftës në Gaza, megjithëse oficerët qipriotë janë trajnuar tashmë në Izrael për ta përdorur atë./DW

Gjatë natës ka pasur reshje dëbore me intensitet të lartë në të gjitha zonat malore të qarkut Elbasan.

Pas ndërhyrjes, kalohet pa probleme aksi nacional Prrenjas-Qafë Thanë, ndërsa në aksion nacional Librazhd-Peshkopi dhe rrugët Elbasan-Gracen, Elbasan-Gjinar, Elbasan-Labinot Mal, Elbasan- Funare, kalohet vetëm me zinxhirë.

Në bashkinë e Librazhit, kalohen me zinxhirë rrugët Librazhd-Stebleve dhe Librazhd-Qarrishte.

Disa fshatra në Prrenjas dhe në Gramsh, gjithashtu kalohet vetëm me zinxhirë.

Si pasojë e motit të keq, ka mungesë të energjisë elektrike në disa zona.

Në orët në vijim moti pritet të përkeqësohet pasi parashikohen reshje intensive temperatura minus.

Kapiteneria e Portit të Vlorës thotë se për shkak të përkeqësimit të kushteve hidrometeorologjike, nga kjo e enjte deri më 12 janar 2026, do të ndalohet lundrimi për mjetet e vogla dhe anijet e peshkimit brenda gjirit të Vlorës dhe në det të hapur.

Sipas parashikimeve, era do të fryjë nga drejtimi veriperëndim me forcë deri 5-6 ballë (10-15 m/s), ndërsa lartësia e dallgëve pritet të arrijë 1.5–2 metra. Ndalimi do të zgjasë deri në ora 20:00 të 12 janarit.

Drejtuesve të mjeteve të vogla lundruese dhe anijeve të peshkimit u bëhet thirrje të marrin masat e nevojshme për sigurinë e tyre dhe të monitorojnë vazhdimisht situatën.

Për të parandaluar çdo incident, kërkohet bashkëpunimi i të gjitha subjekteve dhe institucioneve që veprojnë në fushën e detarisë për rritjen e gatishmërisë së ekuipazheve dhe sigurimin e mjeteve në port.

Anijet e transportit ndërkombëtar detar do të vazhdojnë të operojnë normalisht sipas destinacioneve të tyre. Përmirësimi i situatës pritet më 12 janar, pas orës 20:00.

Pas reshjeve të dendura të shiut, vendin ja kanë lënë reshjeve të dëborës të shoqëruar me temperatura deri më minus 5 gradë.

Reshjet kanë sjellë vështirësi në qarkullimin e mjeteve në aksin rrugor Bulqizë-Peshkopi, Bulqizë-Tiranë, Qafë e Buallit-Kraste,Ura e Çerenecit-Librazh.

Aktualisht trashësia e dëborës në në qytet vijon deri në 5 centimetra ndërsa në njësitë administrative Ostren,Trebisht,Zerqan, Fushë Bulqizë,Martanesh vijon nga 5 centimetra deri më 20 centimetra në zonat e thella.

Problem ngelet aksi rrugor Lagje e Re me Lagjen e Vjetër ku prej dy ditësh vijon të ngelet bllokuar nga prezenca e ujit si për mjetet ashtu edhe për kalimtarët.

Gjatë natës dhe orëve të para të mëngjesit, Qarku i Korçës është përfshirë nga reshje shiu dhe dëbore me intensitet të ndryshëm sipas zonave.

Bashkia Kolonjë

Në akset Ersekë–Leskovik dhe Ersekë–Korçë qarkullimi vijon normal, ndërsa në Gropat e Gëlqeres ka rrëshqitje të pjesshme të rrugës. Borëpastrueset dhe shërbimet e policisë janë në terren, duke këshilluar drejtuesit e mjeteve për kujdes.

Bashkia Maliq

Lumi Devoll ka dalë nga shtrati në Sheqeras, ndërsa në Dunavec situata mbetet nën kontroll. Rrugët Maliq–Lozhan dhe Mesmal përballen me bllokime për shkak të rrëshqitjes së dherave dhe rënies së gurëve. Rezervuarët po monitorohen dhe është hapur lëshuesi katastrofik në Leminot.

Bashkia Korçë dhe Devoll

Në Denas niveli i ujit ka rënë dhe nuk paraqet rrezik për banesat, ndërsa në njësinë Proger situata është më e rënduar për shkak të rritjes së prurjeve.

Bashkia Pogradec

 Rruga për në Dardhas është e pakalueshme, me mungesë energjie elektrike në fshatra dhe rrëshqitje rrugësh në Grunjaz. Situata në Nj.A. Çërravë dhe aksin Qukës–Qafë Plloçë po monitorohet dhe po merren masa për pastrimin e rrugëve.

Akset rrugore

Në Korçë–Ersekë, Ersekë–Leskovik dhe Boboshticë–Dardhë po bien reshje bore dhe po punohet për pastrim dhe kriposje. Aksi Korçë–Voskopojë është pastruar dhe kriposur, me qarkullim normal. Reshje shiu me intensitet të ulët raportohen në Bilisht–Miras dhe Zemblak–Goricë pa probleme në qarkullim.

Autoritetet e rendit dhe shërbimet e emergjencave civile po mbajnë situatën nën monitorim të vazhdueshëm dhe këshillojnë drejtuesit e mjeteve për lëvizje të kujdesshme.

Në qarkun e Fierit situata paraqitet shqetësuese si pasojë e rritjes së vazhdueshme të niveleve të lumenjve, veçanërisht lumit Vjosë, i cili ka arritur në pikën kritike.

Sipas informacionit zyrtar, akset rrugore në të gjithë qarkun janë aktualisht të aksesueshme normalisht, ndërsa furnizimi me energji elektrike dhe ujë të pijshëm vijon pa ndërprerje të plota.

Hidrovorët ndodhen në gatishmëri pune për të përballuar situatën.

Nivelet e lumenjve Seman dhe Shkumbin janë në tendencë rritjeje, ndërsa situata më problematike paraqitet në lumin Vjosë. Në Urën e Mifolit, prurjet kanë kaluar mbi pikat e matjes, duke arritur nivelin kritik buzë më buzë përgjatë argjinaturës.

Si pasojë e prurjeve të larta, në fshatrat Kashisht, Adë, Kafaraj, Cerven dhe Ferras janë përmbytur rreth 200 hektarë tokë bujqësore brenda argjinaturave. Gjithashtu, raportohet për prezencë të lartë uji në 27 banesa në zonën Ferras–Cerven, të cilat ndodhen brenda sistemit mbrojtës të argjinaturës.

Probleme janë konstatuar edhe në Stacionin e Pompimit të Kafarajt, Njësia Administrative Frakull, prej nga realizohet furnizimi me ujë i qytetit të Fierit. Si masë paraprake, Ujësjellësi i Fierit ka stakuar disa nga pompat në puset pranë lumit Vjosë dhe po operon me kapacitet të reduktuar nga puse më të largëta, çka ka sjellë furnizim me ujë të kufizuar dhe me grafik për qytetin.

Të dhënat e marra nga pika e matjes në Urën e Memaliajt tregojnë për përkeqësim të mëtejshëm të situatës në orët në vijim, duke rritur rrezikun për përmbytje të tjera.

Situata po monitorohet në terren nga Institucioni i Prefektit dhe strukturat e Bashkisë Fier, të cilat janë në gatishmëri për të ndërhyrë në rast të agravimit të mëtejshëm.

Autoritetet u bëjnë thirrje banorëve të zonave të rrezikuara të tregojnë kujdes maksimal dhe të ndjekin udhëzimet e autoriteteve.

Ditën e enjte vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura.

Reshje shiu të herëpashershme me intensitet të ulët deri mesatar në pjesën më të madhe të vendit deri në orët e mesditës.

Hera-herës reshje shiu në formën e shtrëngatave afatshkurtra në zonën e qendrës dhe jug.

Pas orëve të mesditës reshjet e shiut mbeten prezente me intensitet të ulët deri në orët e pasdites në qendër dhe jug.

Në zonën e Alpeve reshje bore me intensitet mesatar deri të lartë, hera-herës stuhi bore, në verilindje-lindje në lartësitë mbi 100 metër dhe juglindje mbi 300-400 metër reshje dëbore me intensitet të ulët deri mestar.

Ndërsa në pjesën tjetër të vendit në lartësinë mbi 400-500 metra reshjet pritet të jenë në formën e dëborës me intensitet të ulët.

Pas orëve të pasdites reshjet e shiut dhe dëborës ndërpriten në pjesën më të madhe të territorit.

Era do të fryjë me drejtim juglindje –jugperëndim me shpejtësi mesatare 9 m/s, përgjatë vijës bregdetare dhe zonat luginore era me shpejtësi deri në 18 m/s.

Valëzimi në det i forcës 3-4 ballë.

PD prej disa ditësh u ka shtrirë “dorën e bashkëpunimit” të gjitha forcave opozitare, duke i ftuar në një tryezë të përbashkët të premten në orën 11. Qëllimi kësaj tryeze është bashkërendimi i forcave politike për të nisur protestat kombëtare.

Në lidhje me ftesën e PD, drejtuesi i Shqipëria Bëhet Adritaik Lapaj është shprehur se nuk ka vend për organizimin e tryezës dhe se vet ai ndodhet në shesh duke protestuar.

Lapaj u shpreh se do të bashkëpunonte nëse forcat politike nuk do të protestonin me flamuj partish, por me flamurin kombëtar.

“Jam në shesh, ne qytetarët jemi në shesh. Nuk ka vend por tryeza këtu. Duhet të gjitha shoqatat dhe partitë ti nxisin qytetarët në një simbol, flamuri kombëtar. Ne jemi njerëzit që kemi protestuar 30 ditë. Kemi bërë protesta pa paguar lekë e autobusë, paguajnë lekë këta o shok. Ne sot kemi nevojë të shpëtojmë republikën o zotëri”,-tha Lapaj.

Që nga data e 8 dhjetor, drejtuesi i Shqipëria Bëhet, Adriatik Lapaj proteston kundër qeverisë duke qëndruar përball kryeministrisë.

Në emisionin “Opinion”, Lapaj ka folur në lidhje me protestën e tij duke theksuar se ka pritur që qytetarët të cilët do i bashkoheshin protestës do të ishin më të shumtë.

I pyetur se deri kur do të zgjasë protesta e tij, Lapaj nuk ka dhënë një afat.

“Kur unë e nisia e nisa me bindjes se duhet reaguar. Në çdo vend normal ku një punonjës shteti akuzohet për vjedhje, kam pritur që njerëzit të shtoheshin. Janë shtuar, por jo në numrat që do të doja që të ishin shtuar. Qytetarët kanë një pritshëmri nga drejtësia, por kjo nuk mjafton.  Aty nuk është një protestë e bërë nga lëvizja”,-tha Lapaj.

Vijon rrëzimi i masiveve të dheut në aksin Qukës-Qafë Plloçë. Një tjetër rrëshqitje dheu ka ndodhur disa minuta më parë në lotin e dytë të këtij aksi rrugor.

Një masiv i madh dheu dhe gurësh ka bllokuar tërësisht lëvizjen e mjeteve. Aktualisht në zonë po punohet për pastrimin, ndwrsa tw dyja akset janw tw bllokuara.

Policia në këto momente ka bllokuar edhe rrugën në Pllocën e re, duke i drejtuar në segmentin e vjetër për shkak se rreziku është evident edhe në vende të tjera të aksit për rrëshqitje.

Deri në momentin e zgjidhjes së problematikës, rruga do të jetë e bllokuar. Me këtë devijim, pamundësohet edhe lëvizja për drejtuesit e mjeteve që nuk kanë patur informacion.
Rruga e re Qukës – Qafë Pllocë është tanimë e bllokuar dhe po përdoret aksi i vjetër rrugor.

Presidenti i SHBA Donald Trump theksoi se Rusia dhe Kina nuk kanë frikë nga NATO pa Shtetet e Bashkuara, ndërsa nënvizoi se të gjithë janë me fat që ai ka rindërtuar ushtrinë amerikane në mandatin e parë.

“Mbani mend, për të gjithë ata tifozë të mëdhenj të NATO ata ishin në 2% të pbb-së dhe shumica nuk i paguanin faturat e tyre. Shtetet e Bashkuara, në mënyrë idiote, po paguanin për ta! Unë, me respekt, i çova në 5% të pbb-së, dhe ata paguan, menjëherë. të gjithë thanë se nuk mund të bëhej, por mund të bëhej, sepse, përveç kësaj, ata janë të gjithë miqtë e mi.

Pa përfshirjen time, Rusia do ta kishte të gjithë Ukrainën tani. Gjithashtu, mbani mend, unë i kam dhënë fund 8 luftërave i vetëm, dhe Norvegjia, anëtare e NATO-s, zgjodhi në mënyrë të pamend të mos më jepte çmimin nobel për paqen. Por kjo nuk ka rëndësi! ajo që ka rëndësi është se unë kam shpëtuar miliona jetë. Rusia dhe Kina nuk kanë frikë nga NATO pa Shtetet e Bashkuara’, tha ai. 

Venezuela do t’i dorëzojë Shteteve të Bashkuara 50 milionë fuçi naftë, me vlerë rreth 2.8 miliardë dollarë, pas operacionit ushtarak për arrestimin e presidentit Nicolás Maduro.

Në një postim në rrjetet sociale, kreu i Shtëpisë së Bardhë, Donald Trump, tha se nafta do të shitet sipas çmimit të tregut dhe se ai do të kontrollojë të ardhurat financiare, të cilat – siç theksoi – do të përdoren në përfitim të popullit të Venezuelës dhe të SHBA-së.

Komentet e Trump vijnë pasi ai deklaroi se industria amerikane e naftës do të “ringrihej dhe do të funksiononte” në Venezuelë brenda 18 muajsh dhe se priten investime të mëdha në vend.

“Kam kënaqësinë të njoftoj se Autoritetet e Përkohshme në Venezuelë do t’i dorëzojnë Shteteve të Bashkuara të Amerikës midis 30 dhe 50 milionë fuçi naftë të sanksionuar me cilësi të lartë. Kjo naftë do të shitet me çmimin e tregut dhe këto para do të kontrollohen nga unë, si President i Shteteve të Bashkuara të Amerikës, për të siguruar që të përdoren në dobi të popullit të Venezuelës dhe të SHBA-së. I kam kërkuar Sekretarit të Energjisë, Chris Wright, ta zbatojë këtë plan menjëherë,” shkroi Trump.

Analistët kanë thënë më herët se do të duheshin dhjetëra miliarda dollarë dhe ndoshta një dekadë për të rikthyer prodhimin e dikurshëm të Venezuelës.

Zhvillimet vijnë një ditë pasi Delcy Rodríguez, ish-zëvendësja e Maduros, u betua si presidente e përkohshme. Ndërkohë, 63-vjeçari po gjykohet në Shtetet e Bashkuara nën akuza për narkotrafik dhe zotërim të armëve shkatërruese.

Sipas burimeve, përfaqësues të kompanive të mëdha amerikane të naftës do të takohen këtë javë me zyrtarë të administratës Trump. Megjithatë, ekspertët mbeten skeptikë nëse planet e presidentit Trump do të kenë një ndikim të madh në furnizimet globale dhe, rrjedhimisht, në çmimin e naftës.

Sipas tyre, kompanitë do të kërkojnë garanci që një qeveri e qëndrueshme të vijë në detyrë dhe, edhe nëse investojnë, do të duhen vite që projektet të gjenerojnë të ardhura.

Në përfundim të mbledhjes së Komitetit të Emergjencave Civile në Durrës, Ministri i Mbrojtjes Pirro Vengu tha se kthimi i banorëve që janë evakuuar në banesa është prioritet.

Vengu theksoi se nuk ka agravim të situatës në Durrës, por ka ende prezencë uji në oborre, ndërsa të gjithë hidrovorët janë në punë.

Po ashtu, Vengu tha se nuk ka kaluar rreziku në zonën e Nënshkodrës, ndërsa grupet e punës do të vijojnë që të jenë në terren.

‘Kemi krijuar një grup edhe me ekspertë të ujësellës edhe me ndihmë të bashkjoive të tjera dje dhe një grup forcash civile dhe ushtarake në 5 zona ku kemi ende prezencë uji në banesa. Prioriteti janë njerëzit dhe zonat e banura. Elementi i dytë ka të bëë me shbllokimin e kalanve të ujërave të larta. Hidrovovet janë në funksionim të plotë madje ne kemi aktivizuar edhe hidrovorin e vjetër. 5 skuadra do të shkojnë shtëpi më shtëpi në zonën e kënetës dhe do të jemi në terren që skuadra shkon aty ku është nevoja. Nuk ka kaluar rreziku në Nënshkodër, në Obot kemi përforcime sepse ka prezencë uji në zonat bujqësore, por jo në ato të banuara. Kemi shumë prurje në Vjosë që vjenë nga Greqia, kemi përforcime edhe në argjinatura. Është një natë shumë dinamike ‘, tha ai. 

3100 hektarë tokë janë nën ujë në Qarkun e Lezhës ku më i prekur është Kurbini. Qindra banesa janë të rrethuara nga uji. 10 familje janë evakuuar, 2 në Lezhë dhe 8 Kurbin.

Banorët e Laçit fajësojnë Bashkinë Kurbin, për neglizhencë dhe dështim të investimeve në dy përrenjtë kryesorë.

“Laçin e ka përmbyt bashkia, sepse një përrua që ka të njëjtën prurje 100 metra me tej, e kanë bërë 5 metra të gjerë, ky përroi ka prurje më shumë është bërë sa gjysma e tij. Dëme komplet baltë hidhen inertet vend e pa vend. Dhe kjo vetëm e bashkisë. Përroi është në të njëjtë vrimë, kjo nuk është ndryshuar është bërë investim me gjysmën e kapacitetit. kjo është fakt konkret SPAK-u vetëm t’i kapë si Maduro”, thotë një banor.

Përballë situatës që po përjetojnë vetëm një muaj nga përmbytjet e mëparshme, banorët e fshatit Gjorm, protestuan duke bllokuar rreth 1 orë rrugën nacionale Laç-Mamurras. Sipas tyre, gjithçka është pasojë e mospastrimit të kanaleve kulluese.

“Kemi 20 vjet, një avaz kemi sa herë bie shi. Kanali ka mbi 20 vjet nuk është larë asnjëherë. Skavatorin e kanë sjellë mbrëmë në 8 të darkës. As drita as ujë asnjë gjë. Të na e bëjnë këtë dreq rruge.

Kemi tre dite s’kemi ku dalim, jemi 300 shtëpi mbi 2000 njerëz të bllokuar.

Situata është përsërit nga 4-5 vjet. Asnjë lloj ndërhyrje përveç ca kemi bërë vetë çunat me lekët tona. 100 metra rrugë sa me kalu komuniteti. Dëmtohet nga reshjet dhe del kanali i madh pa pastru këtu

Këtu nuk shihet një kryetare e bashkisë qysh dje. Dëme ka bo, si është bërë rruga. Kemi thirr nuk ka ardhur askush, kemi dale me kazma me lopata

Prap pas një muaji ndodh e njëjta situatë, asnjë bordurë nuk është bërë, nuk është marrë asnjë lloj mase as pastrim, një makinë cakull nuk është hedhur. uji 1 metër e gjysëm uji mbi rrugën nacionale

Po të ishte pastruar gryka e kanalit në përmbytjen e parë nuk do ishte përmbyt.. është bërë me ik nga ky vend”, thonë banorët.

Banorët kanë bllokuar kanalin e madh që të mos përmbyste fshatin me karroca me thasë. bordi kullimit nuk duket ne asnjë vend hedhin naftë mjeteve të tyre dhe nuk bëjnë asnjë punë

Në fshatin Adriatik, mbi 20 familje janë izoluar në banesat e rrethuara nga uji. Ndonëse dy hidrovoret në këtë fshat, punojnë me kapacitet të plotë, uji ka mbuluar rrugët dhe fushat e mbjella.

Në qytetin e Lezhës, uji është tërhequr nga disa lagje. Përmbytja ka dëmtuar fushën e stadiumit Besëlidhja, e mbuluar plotësisht nga uji. Në Krujë, lumi Ishëm është tërhequr në shtrat, por mbeten nën ujë tokat bujqësore në fshatin Bilaj, Murqinë dhe Mallkuç ku nuk funksionojnë kanalet kulluese.

Inteligjenca artificiale mund të hyjë së shpejti në futboll. Sipas CalcioeFinanza.it, FIFA synon ta përdorë atë në Kupën e Botës 2026 për ta bërë zbulimin gjysmëautomatik të pozicionit jashtë loje edhe më të saktë dhe më të lehtë për t’u kuptuar. Infantino, president i organit qeverisës botëror të futbollit, njoftoi këtë veprim me Lenovon.

Elementi kyç do të ishte prezantimi i avatarëve 3D, të gjeneruar nga inteligjenca artificiale dhe të përfshirë në sistemin e pozicionit jashtë loje. Të gjithë pjesëmarrësit do t’i nënshtrohen një skanimi digjital me saktësi të lartë, një proces që zgjat rreth një sekondë dhe do të krijojë një model jashtëzakonisht të saktë 3D të pjesëve të trupit të protagonistëve në fushë.

Edhe me një pamje të penguar pjesërisht ose ndryshime të papritura në shikim, lëvizjet e lojtarëve do të identifikohen. Kjo do të rezultojë në më pak gabime dhe vendimet e VAR do të merren më shpejt, të paktën në këtë drejtim. Për më tepër, avatarët 3D do të transmetohen në prodhimet zyrtare televizive, duke eliminuar çdo dyshim. Sistemi është testuar tashmë në Kupën Ndërkontinentale.

Përveç kësaj, FIFA do të prezantojë platformën Football AI Pro për të mbështetur ekipet kombëtare në përdorimin e të dhënave dhe zhvillimin e analizave para dhe pas ndeshjes, si dhe një përditësim të Referee View, i cili do të ofrojë imazhe më të buta.

Emrat, gradat dhe moshat e 32 ushtarakëve kubanë të vrarë gjatë kapjes së presidentit venezuelas Nicolás Maduro nga forcat amerikane janë publikuar të martën nga qeveria kubane, e cila shpalli dy ditë zie.

Mes tyre ka kolonelë, togerë, majorë dhe kapitenë, si dhe disa ushtarë rezervë, të moshave 26-60 vjeç, raporton Associated Press.

Personeli i përkiste Forcave të Armatosura Revolucionare dhe Ministrisë së Brendshme, dy agjencive kryesore të sigurisë së Kubës. Në postim nuk specifikohen misionet e tyre ose detaje për vdekjen.

Media shtetërore kubane publikoi të dhënat dhe portretet e tyre me uniforma ushtarake.

Të martën, ministri i Jashtëm i Kubës, Bruno Rodríguez, tha se kubanët ishin “të gatshëm të jepnin jetën e tyre” kundër çdo ndërhyrjeje amerikane, ndërsa ishulli po konsideronte një të ardhme pa Maduron si udhëheqës të Venezuelës.

“Presidenti i SHBA-së, duke treguar një mungesë të plotë kuptimi për Kubën dhe duke përsëritur axhendën e gënjeshtrave të politikanëve kubano-amerikanë dhe grupeve të tjera të interesit, shpif për popullin tone dhe e kërcënon”, shkroi Rodríguez në X. “Populli ynë trim, besnik ndaj historisë së tij të luftës, do ta mbrojë kombin e vet kundër çdo agresioni imperialist.”

Të dielën, autoritetet kubane pranuan vdekjen e personelit që ndodhej në vendin e Amerikës së Jugut si pjesë e marrëveshjeve mes dy vendeve. “Bashkatdhetarët tanë e përmbushën detyrën e tyre me dinjitet dhe heroizëm, duke rënë pas një rezistence të ashpër në përballje të drejtpërdrejtë kundër sulmuesve, ose si pasojë e bombardimit të objekteve”, thuhet në deklaratën zyrtare.

Detaje të kufizuara për kubanët e vrarë në sulm

Informacioni për oficerët kubanë të vrarë filloi të dilte gradualisht të hënën në mbrëmje, ndërsa kubanët deklaronin publikisht se ata kishin vdekur për një kauzë të drejtë.

“Duhet ta thuash këtë për të thënë të njëjtën gjë si qeveria”, tha Luis Domínguez, i cili drejton faqen e internetit Represores Cubanos që publikon të dhëna personale të zyrtarëve që dyshohet se janë të përfshirë në abuzime të të drejtave të njeriut dhe shkelje të normave demokratike. “Brenda vendit, kubanët duhet të jenë duke thënë diçka tjetër”, shtoi ai.

Domínguez tha se beson se një nga të vrarët, koloneli 67-vjeçar Humberto Alfonso Roca Sánchez, kishte qenë komandant garnizoni i Punto Cero, ku dikur kishte jetuar Fidel Castro. Një tjetër oficer i vrarë, koloneli 62-vjeçar Lázaro Evangelio Rodríguez Rodríguez, besohet se kishte mbikëqyrur rojet bregdetare dhe kufitare të Kubës, tha Domínguez.

Si aleatë të ngushtë ekonomikë dhe politikë, Kuba dhe Venezuela kanë marrëveshje në fusha që variojnë nga siguria te energjia, përfshirë shitjen e naftës së subvencionuar për ishullin që nga viti 2000. Megjithatë, shkalla e shkëmbimeve ushtarake ose këshillimore është raportuar rrallë.

Një postim i publikuar të hënën në faqen e pavarur La Joven Cuba, një blog që ofron një platformë për shumë zëra opozitarë në ishull, paraqiste një profil të togerit të parë Yunio Estévez. Ai ishte shkruar nga një gazetar që ishte mik i ngushtë i tij. Postimi përfshinte detaje nga jeta e 32-vjeçarit dhe fotografi me tre fëmijët e tij, të cilët i kishte rritur së bashku në provincën Guantánamo, në lindje të Kubës.

Raporti i La Joven Cuba thoshte se Estévez, një ekspert i komunikimeve përgjegjës për një departament të sigurisë personale, u qëllua gjatë sulmit. Postimi u hoq më vonë atë mbrëmje me kërkesë të familjes, njoftoi faqja e internetit.

Një protestë dhe një minutë heshtje

Sulmi amerikan ndaj Venezuelës e shtyu Organizatën e Shteteve Amerikane (OAS) të mbante një mbledhje të posaçme të martën, ku një protestuese ndërpreu fjalimin e ambasadorit amerikan Leandro Rizzuto. “Shumica e njerëzve janë kundër kësaj!” thirri Medea Benjamin, bashkëthemeluese e Code Pink, një organizatë jofitimprurëse amerikane kundër luftës. “Duart larg Venezuelës!” Ajo bëri thirrje për heqjen e sanksioneve, ndërsa zyrtarët e OAS kërkuan ndërhyrjen e rojeve të sigurisë, të cilët përfundimisht e nxorën nga salla.

Rizzuto rifilloi fjalimin e tij pasi Benjamin u largua: “E kuptoj se ka shumë emocione të forta.” Ai e quajti sulmin një “veprim të synuar të zbatimit të ligjit” kundër një “krimineli të paditur”. “Ta bëjmë të qartë, SHBA-ja nuk e pushtoi Venezuelën”, tha Rizzuto. “Presidenti Trump i ofroi Madurós disa rrugëdalje. Kjo nuk ishte një ndërhyrje në demokraci… përkundrazi, hoqi pengesën ndaj saj.”

Ai tha se SHBA-ja dëshiron një të ardhme më të mirë dhe demokratike për Venezuelën. “Nuk mund të vazhdohet të kesh rezervat më të mëdha të naftës në botë nën kontrollin e kundërshtarëve të Hemisferës Perëndimore, ndërkohë që populli i Venezuelës nuk ka energji elektrike, ka një cilësi jete nën standarde dhe fitimet nuk u shkojnë njerëzve në Venezuelë”, tha Rizzuto. “Fitimet vidhen nga një grusht oligarkësh në mbarë botën, përfshirë edhe ata brenda Venezuelës.”

Ai bëri gjithashtu thirrje për lirimin e rreth 1,000 të burgosurve politikë, duke thënë se SHBA-ja mbështet kërkesën e Komisionit Ndër-Amerikan për të Drejtat e Njeriut për të vizituar personalisht qendrën e paraburgimit.

Pas fjalimit të Rizzutos, ambasadori peruan Rodolfo Coronado kërkoi një minutë heshtje për viktimat e regjimit të Madurós. Gjatë mbledhjes së OAS, përfaqësues të disa vendeve dënuan ashpër sulmin amerikan.

Mauricio Jaramillo, zëvendësministër i punëve të jashtme i Kolumbisë, denoncoi atë që e quajti një sulm ndaj sovranitetit të Venezuelës. Ai tha se veprimi ushtarak i njëanshëm ishte një “shkelje e qartë e së drejtës ndërkombëtare” që krijoi një precedent “jashtëzakonisht shqetësues”.

Para se të fillonte mbledhja e posaçme e OAS, rreth një duzinë protestuesish u mblodhën jashtë duke mbajtur pankarta ku shkruhej: “Jo luftë kundër Venezuelës” dhe “Arepa, jo bomba”.

Operacionet në Aeroportin Ndërkombëtar të Tiranës po vijojnë normalisht deri në këto momente, pavarësisht kushteve të paqëndrueshme atmosferike. Zëvendëskryeministrja dhe ministrja e Energjisë dhe Infrastrukturës, Belinda Balluku, bëri të ditur se situata meteorologjike ka shkaktuar në disa raste shmangie apo vonesa gjatë uljes së avionëve, ndërsa Shërbimet e Lundrimit Ajror janë në gatishmëri të plotë për të menaxhuar çdo situatë të pazakontë që mund të lindë nga përkeqësimi i mundshëm i motit në orët në vijim.

“Operimet në Aeroportin Ndërkombëtar të Tiranës vijojnë normalisht gjatë ditës deri në këto momente. Situata meteorologjike mbetet e paqëndrueshme, duke shkaktuar në disa raste shmangie ose vonesa gjatë uljes. Shërbimet e Lundrimit Ajror janë plotësisht të angazhuara për të menaxhuar çdo situatë të pazakontë që mund të krijohet si pasojë e përkeqësimit të mundshëm të kushteve gjatë orëve në vijim”,tha Balluku.

Presidenti i Venezuelës, Nikolas Maduro, dhe bashkëshortja e tij, Cilia Flores, raportohet të kenë pësuar lëndime gjatë operacionit sekret të Shteteve të Bashkuara, me qëllim kapjen e tyre në kryeqytetin Karakas.

NBC News raporton se lëndimet nuk lidhen me përballje direkte me komandot amerikanë. Në vend të kësaj, besohet se ato ndodhën ndërsa çiftit, në panik, po përpiqej të fshihej në një vend të sigurt, duke u përplasur me mure dhe dyer. Vlerësimet e para flasin për mavijosje dhe lëndime të lehta, pa tregues të përdorimit të dhunës nga forcat e njësisë elite Delta Force.

Pak para orës 03:00 të mëngjesit të së shtunës u finalizua një nga operacionet më kontraverse të SHBA-së në Venezuelë, me një kohëzgjatje totale prej 2 orësh e 28 minutash.

Presidenti dhe bashkëshortja e tij u arrestuan brenda kompleksit të tyre në Fuerte Tiuna, baza më e madhe ushtarake e KaraKasit, dhe u transportuan jashtë Venezuelës nën mbulimin e një force të gjerë ajrore dhe detare amerikane.

Sipas burimeve, forcat amerikane arritën në vend rreth orës 01:00 të mëngjesit dhe depërtuan në hyrjet e fortifikuara të rezidencës, duke e kapur çiftin në befasi.

Për hyrjen u përdorën granata shoku-dritë, që lëshojnë dritë të fortë dhe zë të lartë për të shkaktuar çorientim. Lëndimet raportohet të kenë ndodhur pak para ose gjatë kësaj faze, kryesisht si pasojë e përplasjes me sipërfaqet e ambientit.

Pas përfundimit të operacionit, të dy u transportuan me aeroplan në New York, ku iu nënshtruan kontrollit mjekësor në bazën Stewart Air National Guard, në veri të qytetit.

Gjatë paraqitjes së parë publike, Flores kishte mavijosje të dukshme në fytyrë, ndërsa avokati i saj njoftoi se po shqyrtohet mundësia e thyerjeve në brinjë dhe kërkohet vlerësim i mëtejshëm mjekësor. Ndërsa Maduro ka nevojë gjithashtu për monitorim për shkak të problemeve të përgjithshme shëndetësore.

Problematike paraqitet situata në Novoselë, ku niveli i lumit Vjosë ka arritur në kuotën 8 metra, ndërkohë që mbi kuotën 8.5 metra, Vjosa nis përmbytjen e zonave përreth, duke shtuar ankthin e frikën e banorëve.

Situata vijon të mbetet shqetësuese, pasi prurjet nga Përmeti dhe Memaliaj janë ende të larta.

Gjendja paraqitet e pafavorshme edhe për shkak të erës bregdetare, e cila ka krijuar pengesa në derdhjen e lumit në det, duke rënduar më tej situatën hidrike.

Banorët e zonave të prekura shprehen të indinjuar, duke theksuar se kjo situatë përsëritet prej vitesh dhe, sipas tyre, nuk janë marrë masa konkrete për parandalimin e përmbytjeve.

Çmimet e naftës vijuan sot rënien, mes frikës për rritje të ofertës, pasi presidenti amerikan, Donald Trump, deklaroi se Venezuela do t’i dërgojë Shteteve të Bashkuara deri në 50 milionë fuçi naftë.

Në një postim dje në platformën e tij Truth Social, Trump tha se qeveria e përkohshme e Venezuelës do t’i dorëzojë SHBA-së nga 30 deri në 50 milionë fuçi naftë të sanksionuar duke e paraqitur këtë veprim si përfitim për të dyja vendet.

Një fuçi përmban 159 litra. Kjo sasi është e barabartë me prodhimin një deri në dy mujor të naftës të Venezuelës. Nafta do të shitej me çmime tregu dhe të ardhurat do të kontrolloheshin prej tij si president, për të garantuar se do të përdoreshin në dobi të popullit të Venezuelës dhe të Shteteve të Bashkuara, sipas Trump.

Një fuçi e naftës Brent të Detit të Veriut për dorëzim në mars u ul sot në mëngjes me 56 cent ose gati 1%, në 60,14 dollarë, pasi çmimi kishte rënë me afro 2% të martën.

Ndërkohë, çmimi i një fuçie të naftës amerikane WTI për dorëzim në shkurt u ul me 73 cent ose 1,3%, në 56,40 dollarë.

Fillimisht ishte e paqartë se për çfarë periudhe kohore do të vihej në dispozicion vëllimi i naftës së papërpunuar i përmendur nga Trump.

Nafta është burimi më i rëndësishëm i të ardhurave dhe valutës së huaj për Venezuelën.

Udhëheqja e re në Karakas nuk reagoi menjëherë ndaj njoftimit të Trump.