Klodian Mihaj ka qenë së fundmi duke u diskutuar për raportet në shtëpi me disa nga banoret për shkak të veprimeve të tyre.

E megjithatë, ai në spektaklin e së hënës mori një telefonatë nga e dashura, që e pret jashtë.

Ajo i uroi suksese në këtë rrugëtim dhe i tha që të bëj kujdes pasi mund të keqkuptohet.

Foto: YouTube

Sidoqoftë, i premtoi se do e ketë jashtë dhe se beson në të deri në fund të këtij Big Brother-i.

Më poshtë pjesë nga biseda që patën:

“I dashur, më dëgjon.

Mos qaj, si shkon. Më mungon. Edhe ti më mungon. Je i madh, intelegjent dhe unë besoj në ty.

Unë të them kujdes çfarë po ndodh në shtëpi, kujdes me sjelljet me vajzat, mund të keqkuptohet. Unë të besoj.

Disa gjëra mund të keqkuptohen dhe mund të dalin në shesh.

Je person i shkëlqyer. Të mos kesh dyshime, unë të pres me krah të hapur. Kujdes me çfarë po ndodh. Të uroj suksese.

Mos i humb gjërat e rëndësishme. E di unë jam këtu për ty. Të kërkoj shumë të falur, nuk ka nevojë. Unë të besoj ty dhe uroj të shkosh deri në fund.

Unë jam këtu, të dua forca. Shko deri në fund por jo edhe aq sa të dëmtohesh. Kujdes, merri për zemër këto fjalë që po t’i them.

Të përshëndesim të gjithë, shpresoj që keni kaluar mirë. Të betohem që të dua shumë, kujdes”. /Telegrafi/

- YouTube www.youtube.com

Alba Pollozhani ka pasur një përplasje të fortë së fundmi me këngëtaren Fjolla Morina.

Ato gjatë gjithë javës janë përfshirë në debate me njëra-tjetrën për çështje të ndryshme.

E në Prime eskaloi situata kur Alba hodhi një akuzë të madhe e të rëndë kundrejt saj.

Foto: YouTube

E njëjta theksoi se artistja në fjalë jashtë këtij formati përdor lëndë narkotike.

Kjo bëri që të ketë reagime të shumta edhe nga moderatorët e programit, duke e ndaluar Albën të flas e të thotë këto lloj akuzash.

Fjolla ndoënse dukej e acaruar i kërkoi familjes që të ruaj qetësinë duke thënë se është mirë.

Ajo shtoi se kjo nuk do t’ia lë shenjë dhe se do të vazhdoj lojën e saj, marrë parasysh që vetëm po shpik për të. /Telegrafi/

Klodian Mihaj dhe Londrim Mekaj kanë reaguar sërish ndaj akuzave të banorëve të tjerë.

Ata kanë hedhur sërish dyshime për orientimin e tyre seksual, bazuar në sjelljet e meshkujve.

Të njëjtit kanë theksuar se janë miq të mirë dhe se kjo do të dëshmohet edhe jashtë.

"Ne e kemi qartësuar, kemi një raport shoqëror. E kemi thënë 100 herë", u shpreh ai.

Tutje theksoi: "Raporti ynë ka lindur pa komplekse. Nuk do të thotë që ia fërkoj shpinën, kur ma kërkon, je gej".

Alba Pollozhani i përmendi disa gjëra që sipas saj e kanë bërë që të mendojë për një gjë të tillë.

Megjithatë, kjo u mohua kategorikisht nga ta dhe se nuk ndihen të tillë. /Telegrafi/

- YouTube www.youtube.com

Një situatë e tensionuar ka ndodhur së fundmi në shtëpinë e Big Brother, ku Eduard Kuçi ka kërcënuar Ardit Stafajn pas një fjalie që ky i fundit kishte thënë, ndonëse më pas u tha se bëhej fjalë për një keqkuptim.

Pavarësisht kësaj, Eduardi ka përdorur gjuhë të ashpër dhe ofenduese, duke kaluar kufijtë e debatit dhe duke përfshirë në fyerje edhe banorë të tjerë, madje edhe vetë Big Brother-in.

Sjellja e tij ka nxitur reagime të menjëhershme brenda dhe jashtë shtëpisë, ndërsa situata u konsiderua e papranueshme nga produksioni.

Foto: Facebook

Si pasojë, Vëllai i Madh mori vendim për të ndërhyrë, duke ndëshkuar Kuçin për gjuhën e papërshtatshme dhe kërcënimet e bëra.

Për këtë arsye, ndaj tij është hapur një televotim, ku tashmë është publiku ai që do të vendosë nëse Edi do të vazhdojë rrugëtimin e tij në Big Brother apo do të largohet nga shtëpia.

Vendimi i publikut pritet të zbulohet po sonte, ndërsa situata ka ndezur debate të shumta në rrjetet sociale. /Telegrafi/

Eduard Kuçi ka eskaluar së fundmi kundrejt banorit tjetër të shtëpisë, Ardit Stafaj.

Kjo nisi nga një fjali që sipas Edit, i ka thënë Arditi, gjë që e bëri të reagoj ashpër.

I njëjti tha se e kishte me tendencë dhe që sipas tij kishte të bënte nga ana seksuale.

Këngëtari nga ana tjetër shtoi se nuk ka qenë në atë konotacion dhe se është keqkuptuar.

Megjithatë, Edi eskaloi në ofendime e madje edhe kërcënoi artistin e njohur.

Ai tha se është treguar vetvetja dhe se i tillë është edhe jashtë mureve të kësaj shtëpie.

Edi ofendoi edhe banorët, shtëpinë e Big Brother-in në acarim e sipër gjatë gjithë kësaj. /Telegrafi/

Alba Pollozhani të shtunën në mbrëmje është rrëzuar keq në shtëpinë e Big Brother VIP Kosova 4.

Ajo ka rënë me kokë në tokë dhe pavetëdije, duke bërë kështu që të shkoj me urgjencë në spital.

Më pas u publikuan disa pamje nga spitali, ku edhe po merrte trajtimin e duhur.

Foto: Instagram

Rezultatet i dolën mirë nga e gjithë kjo, ndonëse pamjet ishin tejet të rënda.

Edhe pas publikimit të klipit, Alba tha se është në gjendje të mirë shëndetësore.

Kjo nuk është hera e parë që banorja bën veprime të tilla, ndonëse ky ishte momenti më i rëndë.

Sidoqoftë, gjendja e saj tani është stabile dhe ndodhet në BBVK. /Telegrafi/

Këngëtarja Fjolla Morina ka kaluar ditë të vështira emocionale brenda shtëpisë së Big Brother VIP Kosova, duke ngritur dyshime se ajo mund të largohet nga gara.

Sipas zhvillimeve të fundit, Fjolla ka shprehur disa herë pakënaqësi dhe lodhje emocionale, çka ka ndikuar drejtpërdrejt në gjendjen e saj psikologjike.

Ajo në Prime-n e natës së sotme (e hënë) nuk ishte rregulluar fare dhe ndodhej në dhomë të rrëfimit.

Foto: Instagram

Kjo situatë ka nxitur reagime të shumta nga publiku, ku fansat shprehen të shqetësuar për gjendjen e saj dhe presin të shohin nëse Fjolla do të vazhdojë rrugëtimin në shtëpi apo do të marrë vendimin për t’u larguar.

Mbetet për t’u parë në ditët në vijim nëse Morina do të qëndrojë në Big Brother VIP Kosova apo do të surprizojë me një largim të papritur.

Kjo vjen pas disa debateve e akuzave që pati nga banorja tjetër, Alba Pollozhani.

Sidoqoftë, ende nuk ka ndonjë vendim përfundimtar në lidhje me këtë. /Telegrafi/

Pasi Jimmy Kimmel u vlerësua në Critics Choice Awards, ai reflektoi mbi arritjet e rëndësishme që shfaqja e tij ka arritur gjatë vitit të kaluar.

Kimmel kujtoi sfidat me të cilat është përballur "Jimmy Kimmel Live" në muajt e fundit, përfshirë një pezullim gjashtëditor të shfaqjes."Për mua, ishte një përvojë si vdekja.

Kur ndodhi e gjitha, u ndjeva si Tom Sawyer dhe Huck Finn duke parë funeralin e tyre", tha ai, duke iu referuar anulimit të shfaqjes së tij në shtator për shkak të komenteve që bëri për vdekjen e Charlie Kirk.

- YouTube www.youtube.com

Ai gjithashtu pretendon se vazhdon të përballet me kritika nga Donald Trump, i cili ka kërkuar vazhdimisht që shfaqja e tij të anulohet.

Pasi shfaqja e tij fitoi çmimet Critics Choice Awards, Kimmel tha: "Të jem këtu dhe të shoh që njerëzit kanë reaguar pozitivisht ndaj saj është një nder i madh. Faleminderit të gjithëve që na kanë mbështetur, që na kanë kujtuar se nuk e marrim lirinë e fjalës si të mirëqenë në këtë qytet apo në këtë vend".

Gjatë fjalimit të tij, ai përmendi edhe Trumpin.

"Mbi të gjitha, dua të falënderoj Donald Jennifer Trump, faleminderit President për të gjitha gjërat qesharake që bën çdo ditë. Kanë qenë disa javë emocionuese dhe mezi presim të kthehemi në transmetim nesër në mbrëmje për të folur rreth tyre", tha Kimmel.

Kimmel shprehu gjithashtu kundërshtimin e tij ndaj Trump në Ditën e Krishtlindjeve dhe tha se shfaqja e tij u anulua sepse, siç pretendon ai, nuk e adhuron Trumpin në mënyrën që i pëlqen të adhurohet.

"Qeveria amerikane më kërcënoi mua dhe kompaninë për të cilën punoj dhe papritmas na ndaloi transmetimi", tha ai. /Telegrafi/

Banorët e Big Brother VIP Albania 5 kanë marrë pjesë në një seancë pyetjesh për të njohur më mirë njëri-tjetrin, ku secili ka ndarë eksperienca personale dhe momentet e rëndësishme të jetës së tyre.

Një nga pyetjet që tërhoqi vëmendjen e publikut ka qenë: “A ke pasur ndonjëherë probleme me ligjin?”, e drejtuar banorit Mateo.

Ai ka treguar se ka pasur një përplasje të vetme me autoritetet, para disa vitesh.

Foto: Instagram

"Vetëm një herë kam përfunduar në komisariat kur kam qenë 18-vjeç për shkak të një sherri banal në rrugë, por që thjesht kemi bërë akt firmosje të dyja palët dhe kemi qenë dakord që s’kemi probleme të mëtejshme".

Deklarata e Mateos ka sjellë qetësi te banorët dhe ka treguar anën më të sinqertë të tij për publikun.

Gjithashtu, seanca e pyetjeve ka ofruar mundësinë që banorët të hapen dhe të tregojnë më shumë për veten, duke ndërtuar lidhje më të forta brenda shtëpisë.

Mateo është ndër banorët e rinj që i është bashkuar Big Brother VIP Albania 5. /Telegrafi/

Një përplasje e fortë verbale ka ndodhur mes Fjolla Morinës dhe Alba Pollozhanit gjatë qëndrimit të tyre në shtëpinë e Big Brother Kosova.

Tensioni u rrit kur Fjolla i drejtoi Albës fjalë të forta, duke i thënë: "E di ti shumë mirë çfarë ke thënë, të gjitha fjalët ke me i vjell, ki me i vjell një nga një, të tregoj ty edhe jashtë edhe brenda".

"Ti e para ke me dhënë xhevap, unë nuk jam Big Mama, këtu në Big Brother Kosova nuk të shitet ty. Shqiptarët e Kosovës e dinë, i njohin i dinë njerëzit, kjo që u mundua t'i ul artistët", i tha tutje.

Foto: Instagram

Debati i tyre ka tërhequr vëmendjen e publikut dhe është bërë një nga momentet më të përfolura brenda shtëpisë.

Tensionet mes banorëve duket se janë të larta, ndërsa marrëdhëniet brenda shtëpisë po testohen çdo ditë.

Fansat e Big Brother Kosova kanë komentuar gjerësisht në rrjetet sociale, duke shpërndarë opinionet e tyre mbi konfliktin.

Fjolla këto kohë ka qenë në një gjendje të rënduar emocionale meqë ka pasur diskutime të shumta.

Kjo nuk është hera e parë që përplaset me Albën dhe me disa nga konkurrentët e tjerë. /Telegrafi/

Banorët e Big Brother VIP Kosova 4 kanë marrë pjesë së fundmi në një sfidë brenda shtëpisë, ku detyra e tyre ishte të identifikonin vendet nga pyetje të ndryshme.

Një nga pyetjet që tërhoqi vëmendjen ka qenë: “Pogradeci gjendet në?”, me opsionet: Kosovë, Mal të Zi, Shqipëri dhe Maqedoni.

Gjatë sfidës, grupi i përbërë nga Londrimi, Edi dhe Elijona ka debatuar mbi përgjigjen e saktë dhe Elijona ka sugjeruar se Pogradeci gjendet në Mal të Zi, afër kufirit.

Foto: TikTok

Ky moment ka shkaktuar habi dhe kaq pakënaqësi te publiku, duke bërë që reagimet në rrjetet sociale të jenë të shumta dhe shpesh ironike.

Shumë fansa kanë komentuar se vendi i saktë është Shqipëria, duke kujtuar rëndësinë e njohjes bazike gjeografike.

Sfida ka treguar edhe njohuritë e ndryshme të banorëve dhe ka sjellë momente argëtuese brenda shtëpisë.

Tashmë publikisht po diskutohet se si këto 'gabime' ndikojnë në perceptimin e banorëve nga shikuesit dhe si kjo mund të ndikojë në dinamikën e lojës brenda BBVK. /Telegrafi/

Ish-kryetari i Kuvendit të Kosovës, Nexhat Daci, ndërroi jetë më 1 janar 2026.

Akademik Daci kishte qenë deputet i Kuvendit të Kosovës nga viti 2001 deri më 2011, ndërkaq e kishte udhëhequr organin ligjvënës për dy mandate në periudhën 2000-2004 dhe 2004-2006.

Në periudhën kur udhëhoqi Kuvendin e Kosovës ishte pjesë e Lidhjes Demokratike të Kosovës.

Foto: Instagram

Një reagim në lidhje me këtë e ka bërë edhe këngëtari i njohur shqiptar, Yll Limani.

I njëjti e ka përkujtuar përmes një postimi të shpërndarë me ndjekësit në InstaStory.

"Pusho në paqe, Akademik Nexhat Daci. Njëri prej njerëzve që la gjurmë që nuk shlyhen kurrë në arsimin, kulturën dhe formimin e shtetit të Kosovës", ka shkruar ai.

Tutje mes tjerash theksoi: "I përjetshëm kujtimi për ju". /Telegrafi/

Filmi më i ri shqiptar, “Loja e fundit”, me protagonistë Luiz Ejllin dhe Kiara Titon, pritet të shfaqet së shpejti në kinematë e vendit, duke ngjallur interes të madh te publiku.

Përmes një klipi të shkurtër të publikuar në rrjetet sociale, çifti ka bërë të ditur se premiera zyrtare do të mbahet më 12 shkurt.

“Loja e fundit po fillon më 12 shkurt në të gjitha kinematë”, thuhet në njoftimin e tyre.

Foto: Instagram

Ky projekt përfaqëson një hap të rëndësishëm në karrierën e tyre, pasi është filmi i parë i realizuar nga çifti Ejlli, Luizi dhe Kiara.

Edhe pse detajet rreth subjektit të filmit nuk janë bërë ende publike, klipi i ndarë ka shtuar kuriozitetin e fansave.

Foto: Instagram

Ejlli dhe Tito vazhdojnë të jenë ndër figurat më të dashura të publikut, çka e bën këtë film edhe më të pritur.

“Loja e fundit” pritet të jetë një nga premierat më të përfolura të muajit shkurt në kinematë shqiptare. /Telegrafi/

Në ditët e fundit në rrjetet zyrtare të Big Brother VIP Albania 5 janë shpërndarë disa pamje nga dhoma e rrëfimit, ku banorët shprehin emocionet e tyre.

Mes tyre, vëmendje të veçantë ka marrë një video e Mirit, i cili shfaqet i prekur dhe me lot në sy pas ndarjes nga Selin në krevat - meqë shkoi në Akuarium.

“Nuk duhej të kisha ardhur këtu, të paktën jo sot. Ajo mori një letër nga babai i saj. Është njeri i jashtëzakonshëm, e dua shumë. E gjithë shtëpia e kërkoi që të ndaheshim nga krevati dhe ja, u ndamë”, u shpreh ai.

Gjatë spektaklit të së shtunës, Selin iu lexua një letër nga i ati, ku ai ndau mendimet e tij për rrugëtimin e saj në shtëpi.

Në letër u prek edhe situata e krijuar mes saj dhe Mirit. Edhe pse pa e përmendur drejtpërdrejt emrin e tij, referenca ndaj ndarjes së krevatit ishte e qartë.

Marrëdhënia mes dy banorëve ka qenë shpesh temë diskutimesh dhe debatesh.

Vetë Miri ka deklaruar se ndjen për Selin një dashuri atësore, duke e krahasuar me vajzën e tij, ndjesi që sipas tij e justifikon edhe reagimin emocional.Megjithatë, publiku nuk duket i bindur nga ky shpjegim.

- YouTube www.youtube.com

Videoja e tij ka nxitur reagime të shumta në rrjet. /Telegrafi/

Kiara Tito reagoi për herë të parë ndaj komenteve që u përhapën pas prezantimit të Luizit në “Fan Club Big Brother VIP Albania”.

Ajo theksoi se fjalët e tij nuk kishin lidhje me mbrojtjen.

“Nuk ka kuptim që unë të marr burrin për të më mbrojtur. Po edhe sikur ta bëja, do ishte normale", tha ajo.

- YouTube www.youtube.com

Tutje shtoi se gjesti i Luizit ishte thjesht i bukur dhe një mënyrë për t’i bërë thirrje kritikave që shpesh qarkullojnë në rrjetet sociale.

Kiara tani është në moderim të Fan Club, ku komenton dinamikat që ndodhin në Big Brother.

E njëjta ka qenë pjesë e edicionit të dytë të këtij reality shou bashkë me partnerin e saj, Luiz Ejllin.

Ata tani janë të martuar dhe prindër të një vajze të quajtur, Luna Mari. /Telegrafi/

- YouTube www.youtube.com

Brikena Selmani dhe Mateo kanë pasur një bisedë sqaruese gjatë qëndrimit të tyre në Akuarium, ku ajo ka folur hapur për raportin mes tyre dhe keqkuptimet që janë krijuar.

Brikena u shpreh se situata e ka vënë në pozitë të vështirë, veçanërisht për faktin se hyrja e Mateos në shtëpi ka krijuar perceptime të gabuara nga publiku dhe produksioni.

“Problemi im është që kur 100 mijë persona duan të hyjnë në Big Brother, edhe ju shkoni e sillni një person që para tri viteve kam folur me të. Ne një herë jemi parë, nuk mundemi me pas lidhje. Mua më pengoi fakti që e mora me të keq me produksionin. Unë thashë: ti ke hy me qëllime të qarta, përderisa e ke parë që jam brenda”, u shpreh ajo.

Foto: YouTube

Ajo theksoi se mes tyre nuk ka pasur asnjëherë lidhje sentimentale, duke sqaruar se gjithmonë ka qenë e sinqertë për jetën e saj personale.

“Ti e di shumë mirë që edhe kur kemi folur, të kam thënë se nuk kam pasur kurrë lidhje. Nuk kam thënë asnjëherë që nuk kam dalë kurrë me një mashkull, por të hy me një lidhje nuk e kam pasur këtë. Unë me ty nuk kam asgjë personale, e di që je shumë djalë i mirë. Je lojtar si të gjithë të tjerët”, shtoi Brikena.

Foto: YouTube

Biseda mes tyre u zhvillua në tone të qeta dhe u pa si një përpjekje për të sqaruar situatën dhe për të shmangur keqinterpretimet e mëtejshme brenda shtëpisë, ndërsa dinamika mes banorëve vazhdon të mbetet në qendër të vëmendjes së publikut. /Telegrafi/

- YouTube www.youtube.com

Edhe pse dukej që miqësia e moderatorit Labinot Gashi dhe këngëtares Dafina Zeqiri nuk do të ketë ndonjë rikthim, e kundërta u vërtetua në muajin dhjetor.

Dafina mori pjesë në organizmin e 25-vjetorit të karrierës së Labit ku të dy patën shumë emocione.

"Jam me fat, faleminderit që ke qenë pjesë e këtyre 25 viteve të mia. Jam rritur me ty, je rritur edhe ti me Labin, e mira është që sonte festojmë bashkë aq më tepër që ky vit ka qenë viti më i bukur në botë pasi je bërë nënë", iu drejtua ai.

Foto: Facebook

Tutje vazhdoi: "Daf më fal për gjithçka, ndoshta që të kam lënduar ndonjëherë".

"Unë nuk po di çfarë të shtoj sepse më more fjalën prej gojës. Jam shumë e lumtur për ty, për familjen tënde. Të uroj jo 25 po 100 vite karrierë se e meriton", tha ajo.

"E di edhe vet, që 18 vjet më kanë dashur të mësohem të flas sepse di vetëm të këndoj. Suksese dhe po shpresoj që do të kënaqemi së bashku", shtoi mes tjerash Zeqiri.

Dafina dhe Labi nuk kanë folur për një kohë pasi kishin një hatër-mbetje me njëri-tjetrin. /Telegrafi/

Paul Mescal, i cili aktualisht është në kulmin e famës së tij, deklaroi se dëshiron të fillojë ta ‘përmirësojë’ punën e tij.

Ai theksoi se është gati të ngadalësojë ritmin dhe të bëjë një pushim nga jeta publike, shkruan The Guardian.

Mescal u bë i famshëm për rolin e tij në serialin “Normal People”, dhe pas këtij roli karriera e tij filloi të zhvillohej, e ndjekur nga filma të tillë si “Aftersun” dhe “All of Us Strangers” si dhe “Gladiator II”.

- YouTube www.youtube.com

Përveç kësaj, drama historike "Hamnet" në të cilën ai luajti një rol do të shfaqet nga java e ardhshme, dhe njoftimet për çmimet e mundshme kanë filluar tashmë.

Megjithatë, Mescal thekson se shpreson që pas promovimit të "Hamnet" askush nuk do ta shohë atë deri në vitin 2028.

"Kam qenë në këtë industri për pesë ose gjashtë vjet tani dhe ndihem shumë i lumtur. Megjithatë, nuk mendoj se mund të vazhdoj të punoj kaq shumë", tha ai.

Mescal pranon se ka shumë frikë se çfarë mund të nënkuptojë dalja në pension për karrierën e tij.

"Pasi të mbaroj promovimin e ‘Hamnet’, shpresoj të mos më shohë askush deri në vitin 2028, kur të regjistroj The Beatles. Njerëzit do të bëjnë një pushim nga unë, dhe unë do të bëj një pushim nga ata", tha mes tjerash. /Telegrafi/

Adam Sandler (59 vjeç) beson se dashuria e tij me gruan Jackie Sandler ishte e shkruar në yje.

Aktori i famshëm tha në ceremoninë e ndarjes së çmimeve të Festivalit Ndërkombëtar të Filmit në Palm Springs se është i bindur se do të ishte i martuar me Jackien sot, edhe nëse nuk do të ishte bërë një yll i Hollivudit, shkruan People.

Sandler pranoi çmimin prestigjioz të Presidentit të shtunën, më 3 janar, për punën e tij në filmin "Jay Kelly", një komedi-dramë me protagonist George Clooney.

- YouTube www.youtube.com

Pasi u prezantua nga bashkë-aktorja Laura Dern, Sandler reflektoi në fjalimin e tij të pranimit të çmimit se si do të kishte qenë jeta e tij nëse do të kishte pranuar ofertën e babait për të punuar si inxhinier elektrik në vend që të ndiqte aktrimin.

"Ndonjëherë mendoj se, nëse nuk do t'ia kisha dalë atë vit dhe do të kisha shkuar të punoja për babanë tim, si do të ishte jeta ime tani", tha Sandler.

"Para së gjithash, mendoj se ndoshta do të isha ende i martuar me gruan time, Jackie. Është fati. Asgjë nuk mund të na ndalë”.

Pastaj, në stilin e tij karakteristik, ai shtoi: "Por ne patjetër do të kishim një shtëpi tjetër. Ndoshta, si p.sh., 10 banjo më pak dhe më pak nga statujat e mia të vogla”.

Adam me gruan

Adam dhe Jackie u martuan në qershor 2003 dhe kanë dy vajza - Sadie, e lindur në vitin 2006 dhe Sunny, e cila erdhi në botë në vitin 2008. /Telegrafi/

Brenda kësaj jave, Elijona Binakaj, shprehu se ka simpati për Klodian Mihajn, por sërish brenda së njëjtës javë ajo ndryshoi mendje.

Derisa debatonin jashtë oborrit të shtëpisë, Elijona i tha Klodit se nuk ka më pëlqim për të.

Ndërkohë, edhe vetë Klodi pati një kundërpërgjigje.

- YouTube www.youtube.com

E njëjta madje e akuzoi se e ka dëmtuar në këtë lojë dhe se nuk dëshiron të shfaqet e tillë para publikut.

Klodi ndërkohë ka lënë një raport jashtë të papërfunduar, do të thotë një lidhje.

Tutje Elijona thekson se ka një lidhje emocionale me të, por fizike me Benita Zenën.

Me këtë të fundit gjithashtu është shfaqur e afërt, por nuk i ka dhënë më shumë sinjale.

- YouTube www.youtube.com

Mbetet për t’u parë se si do të zhvillohet loja e tyre brenda BBVK. /Telegrafi/