Gjenerali në krye të rojës së nderit presidencial të Venezuelës, Javier Marcano Tábata, është shkarkuar disa ditë pasi udhëheqësi venezuelian Nicolás Maduro u kap nga forcat amerikane në një bastisje në Karakas dhe u dërgua në Nju Jork për t’u gjykuar për akuzat e narkoterrorizmit, ka raportuar BBC.

Roja e nderit presidencial është forca ushtarake që siguron truprojat e ngarkuara me mbrojtjen e kreut të shtetit.

Urdhri për të zëvendësuar Gjeneralin Marcano Tábata u lëshua nga presidentja e re e përkohshme, Delcy Rodríguez.

Rodríguez u betua të hënën para Asamblesë Kombëtare, e cila dominohet nga besnikët e qeverisë.

Sinjali – aty ku e vërteta flet para lajmit!

/GazetaSinjali/

The post Presidentja e përkohshme e Venezuelës shkarkon gjeneralin përgjegjës për rojet e Maduros appeared first on Sinjali.

Presidenti ukrainas, Volodymyr Zelensky, deklaroi se aleatët evropianë nuk i kanë dhënë ende garanci të forta se do ta mbrojnë Ukrainën në rast të arritjes së një marrëveshjeje të re me Rusinë.

“Po ua bëj këtë pyetje të gjithë partnerëve tanë dhe ende nuk kam marrë një përgjigje të qartë dhe të padiskutueshme”, deklaroi ai.

Komentet e Zelenskyt vijnë një ditë pasi Mbretëria e Bashkuar dhe Franca nënshkruan një deklaratë qëllimi për vendosjen e trupave në Ukrainë, në rast se arrihet një marrëveshje paqeje për t’i dhënë fund luftës me Rusinë.

Megjithatë, garancitë e plota të sigurisë nuk janë rënë ende dakord. Shtetet e Bashkuara, të cilat kanë udhëhequr përpjekjet diplomatike për t’i dhënë fund pushtimit, raportohet se nuk e kanë nënshkruar një angazhim të tillë gjatë bisedimeve të mbajtura në Paris të martën.

Pas këtyre bisedimeve, ku morën pjesë rreth 30 vende që përbëjnë të ashtuquajturin “Koalicioni i të Vullnetshmëve”, kryeministri britanik Keir Starmer tha se Mbretëria e Bashkuar dhe Franca do të “krijojnë qendra ushtarake në të gjithë Ukrainën” për të penguar një pushtim të ardhshëm. Ndërkohë, presidenti francez Emmanuel Macron deklaroi se mijëra trupa mund të vendosen në territorin ukrainas.

Aleatët propozuan gjithashtu që SHBA-të të merrnin rolin drejtues në monitorimin e një armëpushimi. Megjithatë, çështja kyçe e lëshimeve territoriale, që Ukrainës po i kërkohet t’i bëjë Rusisë si pjesë e propozimeve të paqes, mbetet ende në diskutim.

Moska nuk ka reaguar ende ndaj njoftimeve të bëra në kryeqytetin francez.

Presidenti rus Vladimir Putin nisi pushtimin në shkallë të plotë të Ukrainës në shkurt të vitit 2022, ndërsa aktualisht Rusia kontrollon rreth 20% të territorit ukrainas.

Sinjali – aty ku e vërteta flet para lajmit!

/GazetaSinjali/

The post “Nuk kam marr ende një përgjigje”, Zelensky shpreh shqetësimin ndaj aleatëve evropianë appeared first on Sinjali.

Disa nga lumenjtë që i përkasin pellgut të Drinit të Bardhë aktualisht po shënojnë rënie të lehta të niveleve të ujit, ndërsa disa të tjerë po pësojnë ngritje të lehta, ka njoftuar Instituti Hidrometeorologjik i Kosovës.

Bazuar në të dhënat e IHMK-së, Drini i Bardhë, në rrjedhën e tij të poshtme, ndodhet aktualisht në kuotat maksimale si pasojë e reshjeve të ditëve të fundit dhe kullimit të sistemeve ujore.

Lumenjtë e pjesës qendrore të Kosovës, përfshirë Ibrin dhe Sitnicën me degët e tyre, po shënojnë rënie të lehta të niveleve, me përjashtim të lumit Llap, i cili aktualisht është në ngritje.

Po ashtu, bëhet e ditur se në të gjitha rrjedhat lumore të pellgut të Moravës së Binçës janë duke shënuar ngritje të lehta të niveleve të ujit. Situatë e ngjashme paraqitet edhe në pellgun e Lepencit.

Ngritjet dhe lëkundjet e niveleve të ujit janë të varura nga kushtet e përgjithshme atmosferike, përkatësisht nga sasia, intensiteti dhe intervalet e reshjeve që bien herë pas here në zona të ndryshme.

Sinjali – aty ku e vërteta flet para lajmit!

/GazetaSinjali/

The post IHMK del me njoftim për gjendjen e nivelit të ujit në disa nga lumenjtë kryesorë të Kosovës appeared first on Sinjali.

Ministria britanike e Mbrojtjes (MoD) sapo ka konfirmuar se Mbretëria e Bashkuar ka ofruar “mbështetje lehtësuese” për Shtetet e Bashkuara gjatë operacionit për sekuestrimin e anijes Bella 1/ Marinera.

“Forcat e Armatosura të Mbretërisë së Bashkuar ofruan mbështetje operative të planifikuar paraprakisht, përfshirë bazimin, për asetet ushtarake të SHBA-së që po ndërhynin ndaj Bella 1 në hapësirën MB–Islandë–Grenlandë, pas një kërkese për ndihmë nga SHBA. RFA Tideforce ofroi mbështetje për forcat amerikane që po ndiqnin dhe ndërhynin ndaj Bella 1, ndërsa RAF siguroi mbështetje vëzhgimi nga ajri”.

“Marrëdhënia e mbrojtjes dhe sigurisë mes MB-së dhe SHBA-së është më e thella në botë dhe Mbretëria e Bashkuar ofroi mbështetje mundësuese në përputhje të plotë me të drejtën ndërkombëtare”, raporton The Guardian.

“Sekretari britanik i Mbrojtjes, John Healey, vlerësoi “aftësinë dhe profesionalizmin” e forcave të armatosura britanike, duke e përshkruar veprimin si “pjesë e përpjekjeve globale për të goditur shmangien e sanksioneve”.

“Kjo anije, me një histori të errët, është pjesë e një boshti ruso-iranian të shmangies së sanksioneve që po ushqen terrorizmin, konfliktin dhe mjerimin nga Lindja e Mesme deri në Ukrainë.

Mbretëria e Bashkuar do të vazhdojë të intensifikojë veprimet tona kundër aktivitetit të flotës në hije për të mbrojtur sigurinë tonë kombëtare, ekonominë tonë dhe stabilitetin global – duke e bërë Britaninë të sigurt brenda vendit dhe të fortë jashtë tij.

SHBA-ja është partneri më i afërt i MB-së në mbrojtje dhe siguri. Thellësia e marrëdhënies sonë të mbrojtjes me SHBA-në është një pjesë thelbësore e sigurisë sonë, dhe operacioni i sotëm i ekzekutuar pa probleme tregon se sa mirë funksionon kjo në praktikë.”

MoD shtoi se anija “fillimisht po lundronte me një flamur të rremë”, dhe më pas “fiku transponderët e saj ndërsa ishte në det dhe u përpoq të ndërronte flamurin gjatë ndjekjes, duke treguar lidhjet e saj të errëta me shmangien globale të sanksioneve”.

“Vlerësimet e fundit tregojnë se Bella 1 ka qenë e përfshirë në aktivitete të paligjshme, të lidhura me terrorizmin dhe krimin ndërkombëtar, përfshirë Hezbollahun, dhe është pjesë e rrjetit të aktivitetit gjithnjë e në rritje të flotave në hije që ushqejnë dhe financojnë veprimtari të paligjshme në mbarë globin,” thuhet në deklaratë.

“Vendosja e flamurit rus mbi këtë anije tregon rolin e tyre në këtë aktivitet të ndërlidhur në hije që po shohim në mbarë botën, i cili kërcënon sigurinë tonë kombëtare, dëmton ekonominë tonë dhe minon sigurinë globale.”

Sinjali – aty ku e vërteta flet para lajmit!

/GazetaSinjali/

The post Mbretëria e Bashkuar ndihmoi SHBA-të për sekuestrimin e anijes së naftës me flamur rus appeared first on Sinjali.

Komisioni Qendror i Zgjedhjeve ka njoftuar se në QNR po vazhdon numërimi i pjesës së dytë të fletëvotimeve që i takojnë votimit jashtë Kosovës, respektivisht votimit përmes postës.

KQZ thotë se janë aprovuar 16 mijë pako me fletëvotime.

“Në vazhdim të procesit të numërimit do të përfshihen fletëvotimet nga votimi përmes postës të tërhequra më 2 dhe 5 janar 2026 nga kutitë postare jashtë Kosovës dhe që deri më tani janë sjellur në Kosovë”.

“Më 2 janar, nga 9 kutitë postare në Pragë, Londër, Paris, Zagreb, Stokholm, Stamboll, New York, Kanbera dhe Kopenhagë, janë tërhequr 8,180 pako të tjera me fletëvotime, ndërkaq më 5 janar, nga 13 kutitë postare, në: Tiranë, Berlin, Vjenë, Bernë, Bruksel, Hagë, Podgoricë, Oslo, Shkup, Otavë, Ljublanë, Romë dhe Prishtinë, janë tërhequr 11,867 pako me fletëvotime. Deri më tani, pjesa më e madhe e këtyre pakove janë sjellur në Kosovë dhe i janë nënshtrur verifikimit dhe vlerësimit. Prej tyre, janë aprovuar rreth 16 mijë dhe ato janë duke u numëruar.”

KQZ shton se ende nuk janë sjellur në Kosovë edhe 3 mijë e 185 fletëvotime që janë tërhequr më 2 janar dhe 5 janar në Paris, Berlin, Hagë, Podgoricë dhe Otavë.

“Ende nuk janë sjellur në Kosovë edhe 3,185 pako me fletëvotime, që janë tërhequr më 2 dhe 5 janar nga kutitë postare në Paris (1,962), Berlin (633), Hagë (61), Podgoricë (125), dhe Otavë (404)”.

Sinjali – aty ku e vërteta flet para lajmit!

/GazetaSinjali/

The post KQZ: Ende s’janë sjellë në Kosovë 3 mijë 185 pako me fletëvotime nga votimi me postë appeared first on Sinjali.

Presidentja e Kosovës, Vjosa Osmani, ka vizituar Gjakovën pas vërshimeve të ditëve të fundit, ku ka shprehur solidaritet me qytetarët dhe ka vlerësuar angazhimin institucional për menaxhimin e situatës.

“Sot ishim këtu së bashku me ekipin tonë për të shprehur solidaritetin me të gjithë qytetarët e Gjakovës, me komunën e Gjakovës, për shkak të dëmeve të krijuara nga vërshimet e djeshme. Fatmirësisht, ato pak a shumë janë ndalur dhe po shpresojmë që nuk do të ketë dëme të mëtejme”, ka theksuar Osmani.

Ajo ka shtuar se ka familje të prekura nga kjo situatë dhe se institucionet do të jenë pranë tyre.

“Natyrisht që ka familje të prekura nga kjo situatë, vendbanimet e të cilëve janë dëmtuar. Do të punojmë bashkërisht që kjo të tejkalohet dhe të jemi pranë tyre në përballjen me këtë situatë. Kryetari Gjini na njoftoi për të gjitha masat që janë ndërmarrë e po ashtu për planet që do të hartohen në vazhdimësi sa i përket kalkulimit dhe kompensimit të dëmeve dhe po ashtu çështjeve të tjera”, ka deklaruar Osmani.

Ndërsa, kryetari i Komunës së Gjakovës, Ardian Gjini, e cilësoi vizitën e presidentes si të rëndësishme dhe bëri të ditur se situata është drejt stabilizimit.

“Është vizitë e rëndësishme. E kemi kaluar një dy-tri ditë goxha të zorshme, po sot është e vërtetë që niveli i ujërave ka rënë edhe nuk po shihet që do të kemi rritje ose rritje të problemit në ditët që vijnë. Po duket që situata ka me qenë më mirë”, ka thënë Gjini.

Ai ka njoftuar se gjatë vërshimeve ka pasur edhe evakuime të qytetarëve.

“Po, kemi pasur disa evakuime, i kemi vendosur në objektet tona të banimit social. Ka familjarë të cilët i kanë marrë të afërmit e vet nëpër shtëpitë e tyre. Jemi kujdesur deri sot për ushqim, një pjesë edhe për veshmbathje”, është shprehur ai.

Gjini ka shtuar se ekipet komunale janë duke punuar në sanimin e dëmeve dhe pastrimin e zonave të prekura. “Jemi duke i sanuar dëmet aty ku mundemi, duke i pastruar rrugët prej shembjeve ose prej vërshimeve ose prej mbeturinave fatkeqësisht që kanë sjellë dëme të shumta, fatkeqësisht duhet me thënë”, tha ai.

Sipas tij, nga dita e nesërme do të nisë procesi zyrtar i vlerësimit të dëmeve.

Sinjali – aty ku e vërteta flet para lajmit!

/GazetaSinjali/

The post Osmani në Gjakovë pas vërshimeve, nga nesër Komuna nis vlerësimin zyrtar të dëmeve appeared first on Sinjali.

Forca e Sigurisë së Kosovës ka thënë se po mbështesin zonat e prekura nga vërshimet.

“Forca e Sigurisë së Kosovës, pas situatës së krijuar nga reshjet e dendura të shiut dhe përmbytja e disa vendbanimeve, ka ngritur nivelin e gatishmërisë së njësive të saj për t’u dalë në ndihmë Autoriteteve Civile në menaxhimin e situatës”.

FSK ka intervenuar në shpëtimin e jetëve bazuar në kërkesat që kanë pranuar.

“Me urdhër të Komandantit të FSK-së, ekipet në gatishmëri kanë intervenuar në shpëtimin e jetëve, bazuar në kërkesat e pranuara nga Qendra e Situatave e Republikës së Kosovës. Njësitë e FSK-së mbesin në gatishmëri të plotë për të ofruar mbështetje për Autoritetet Civile me kapacitetet e Mbështetjes Ushtarake”.

Sinjali – aty ku e vërteta flet para lajmit!

/GazetaSinjali/

The post FSK: Ekipet në gatishmëri, kanë intervenuar në shpëtimin e jetëve appeared first on Sinjali.

Komisioni Qendror i Zgjedhjeve (KQZ) është në përfundim të procesit të numërimit të të gjitha fletëvotimeve që i takojnë zgjedhjeve të parakohshme të 28 dhjetorit për Kuvendin e Kosovës.

Këtë e ka bërë të ditur Zëdhënësi i KQZ-së, Valmir Elezi, në një konferencë për media nga Qendra e Numërimit dhe Rezultateve, ku është duke vazhduar numërimi i fletëvotimeve nga votimi përmes postës.

“Komisioni Qendror i Zgjedhjeve është në numërimin e pjesës së fundit të fletëvotimeve që i takojnë votimit jashtë Kosovës, respektivisht votimit përmes postës dhe njëkohësisht, përfundimit të procesit të numërimit të të gjitha fletëvotimeve nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025. Aktualisht, në Qendrën e Numërimit dhe Rezultateve është duke vazhduar numërimi i pjesës së dytë të fletëvotimeve që i takojnë votimit jashtë Kosovës, respektivisht votimit përmes postës”, tha Elezi.

Më tej, Elezi ka treguar se janë duke u numëruar pjesa e dytë e fletëvotimeve që i takojnë votimit përmes postës, që deri më tani janë sjellur në Kosovë. Sipas tij, në Kosovë pritet të arrijnë edhe më shumë se 3 mijë pako me fletëvotime.

“Në vazhdim të procesit të numërimit do të përfshihen fletëvotimet nga votimi përmes postës të tërhequra më 2 dhe 5 janar 2026 nga kutitë postare jashtë Kosovës dhe që deri më tani janë sjellur në Kosovë. Më 2 janar, nga 9 kutitë postare në Pragë, Londër, Paris, Zagreb, Stokholm, Stamboll, New York, Kanbera dhe Kopenhagë, janë tërhequr 8,180 pako të tjera me fletëvotime, ndërkaq më 5 janar, nga 13 kutitë postare, në: Tiranë, Berlin, Vjenë, Bernë, Bruksel, Hagë, Podgoricë, Oslo, Shkup, Otavë, Ljublanë, Romë dhe Prishtinë, janë tërhequr 11,867 pako me fletëvotime. Deri më tani, pjesa më e madhe e këtyre pakove janë sjell në Kosovë dhe i janë nënshtruar verifikimit dhe vlerësimit. Prej tyre, janë aprovuar rreth 16 mijë dhe ato janë duke u numëruar. Ende nuk janë sjell në Kosovë edhe 3,185 pako me fletëvotime, që janë tërhequr më 2 dhe 5 janar nga kutitë postare në Paris (1,962), Berlin (633), Hagë (61), Podgoricë (125), dhe Otavë (404)”, tha Elezi.

I pyetur për çështjen e rezultateve përfundimtare, Elezi ka shpjeguar se me përfundimin e numërimit të këtyre fletëvotimeve, KQZ është e gatshme për të shpallur rezultatin përfundimtar, por sipas ligjit për zgjedhjet e përgjithshme, ky institucion duhet të presë për ndonjë ankesë eventuale në administrimin e numërimit në QNR, para se të shpall rezultatet përfundimtare.

“Me përfundimin e numërimit të këtyre fletëvotimeve, KQZ është e gatshme për të shpallur rezultatin përfundimtar të zgjedhjeve të parakohshme të mbajtura më 28 dhjetor. Por, sipas Ligjit për Zgjedhjet e Përgjithshme, palët mund të parashtrojnë ndonjë ankesë në PZAP lidhur me administrimin e numërimit në QNR brenda 48 orëve nga ndodhja e shkeljes së supozuar”, tha Elezi.

Ai përmendi se rruga që ndjek Komisioni Qendror i Zgjedhjeve për shpalljen e rezultateve përfundimtare, përfshin disa hapa të rëndësishëm, pjesë më e madhe e të cilëve janë kaluar.

“KQZ shpall rezultatet përfundimtare vetëm pasi të përfundojnë këto procese: (1) verifikimi dhe numërimi i rezultateve në Qendrat Komunale të Numërimit, i cili tashmë është përmbyllur; (2) numërimi në Qendrën e Numërimit dhe Rezultateve i fletëvotimeve nga votimi me kusht dhe i personave me nevoja të veçanta, që  gjithashtu është përmbyllur, (3) numërimi i fletëvotimeve nga votimi jashtë Kosovës, i cili është në pjesën e fundit të tij si dhe (4) pasi të përfundojë shqyrtimi i ankesave të mundshme nga PZAP ose Gjykata Supreme për administrimin e numërimit”, tha tutje Elezi.

Sinjali – aty ku e vërteta flet para lajmit!

/GazetaSinjali/

The post KQZ drejt përfundimit të numërimit të të gjitha votave të 28 dhjetorit appeared first on Sinjali.

Instituti Kombëtar i Shëndetësisë Publike të Kosovës, ka reaguar lidhur me situatën e ujit të pijshëm në vend, pas vërshimeve të shkaktuara si pasojë e reshjeve të mëdha të shiut. Nga IKSHPK është thënë se përveç se janë në kontakt me kompanitë e ujësjellësit në çdo rajon, ata kanë marr edhe mostra të rregullta të ujit si dhe përpunimit laboratorik të tyre.

Kësisoj, IKSHPK ka njoftuar edhe se cilat fabrika në rajonet e Kosovës janë jashtë funksionit. Kështu, fabrikat në Shkabaj e në Bivolak s’janë duke punuar për shkak të turbullirës, ndërsa sistemi i ujit në Graçanicë dhe Batllavë janë duke punuar normalisht.

Probleme të njëjta ka edhe në rajonin e Prizrenit, ku burimi i ujit nga “40 bunarët”, nuk është i sigurt për pije por vetëm për larje e higjienë, ndërsa ato në Cvilen dhe Soc, uji është i përdorshëm.

Uji s’është i pijshëm as në Suharekë e Malishevë, porse është i pijshëm në Dragash.

Detajet e plota më poshtë:

Sinjali – aty ku e vërteta flet para lajmit!

/GazetaSinjali/

The post Vërshimet në Kosovë, IKSHPK njofton se në cilat rajone mund të pihet uji aktualisht e në cilat jo appeared first on Sinjali.

Federata Shqiptare e Futbollit (FSHF) ka konfirmuar zyrtarisht vazhdimësinë e projektit teknik të Kombëtares, duke rinovuar kontratat me përzgjedhësin Sylvinho dhe ndihmësit e tij, Pablo Zabaleta dhe Dorival Junior.

Marrëveshjet e reja do të jenë në fuqi deri në korrik të vitit 2026, me objektivin madhor kualifikimin historik të Shqipërisë në fazën finale të Kupës së Botës.

Ky vendim vjen si pasojë e rezultateve pozitive dhe progresit të dukshëm të skuadrës kombëtare nën drejtimin e stafit aktual, i cili ka ndërtuar ndër vite një filozofi pune të qartë, moderne dhe konkurruese.

Sinjali – aty ku e vërteta flet para lajmit!

/GazetaSinjali/

The post Zyrtare: Shqipëria vazhdon bashkëpunimin me Sylvinhon appeared first on Sinjali.

Policia e Kosovës ka njoftuar se si pasojë e reshjeve të vazhdueshme të shiut, në disa zona të vendit janë shfaqur vështirësi në qarkullimin rrugor.

Sipas policisë, në rrugë të ndryshme janë evidentuar dëmtime infrastrukturore, rrëshqitje dheu si dhe dëmtime në disa ura, çka ka ndikuar në sigurinë e trafikut.

Autoritetet policore kanë bërë të ditur se situata po monitorohet vazhdimisht dhe se prania policore në terren është rritur me qëllim të menaxhimit të trafikut dhe parandalimit të aksidenteve të mundshme.

Policia e Kosovës u ka bërë thirrje të gjithë pjesëmarrësve në trafik, veçanërisht shoferëve, që të tregojnë kujdes dhe vigjilencë të shtuar, të respektojnë rregullat e trafikut dhe të përshtatin shpejtësinë e lëvizjes me kushtet aktuale të rrugës dhe dukshmërinë e reduktuar.

“Siguria fillon nga ju. Kur kushtet në rrugë ndryshojnë, kujdesi duhet të rritet”, thuhet në apelin e Policisë së Kosovës.

Sinjali – aty ku e vërteta flet para lajmit!

/GazetaSinjali/

The post Policia e Kosovës apelon për kujdes të shtuar në trafik për shkak të reshjeve të shiut appeared first on Sinjali.

Ushtria amerikane thotë se ka sekuestruar në Karaibe një cisternë të dytë nafte të lidhur me Venezuelën.

“SHBA-ja ka sekuestruar një cisternë të dytë nafte, këtë herë në detin e Karaibeve”, thuhet në një njoftim të Komandës Jugore të SHBA-së.

Anija, një “cisternë motorike pa shtetësi dhe e sanksionuar e flotës së errët”, u kap në një operacion para agimit, ka bërë të ditur ushtria.

“Anija e ndaluar, M/T Sophia, po operonte në ujëra ndërkombëtare dhe po kryente aktivitete të paligjshme në Detin e Karaibeve”, ka thënë ushtria amerikane.

“Roja Bregdetare e SHBA-së po shoqëron M/T Sophia në SHBA për asgjësimin përfundimtar”, thuhet më tej në deklaratë. 

Sinjali – aty ku e vërteta flet para lajmit!

/GazetaSinjali/

The post SHBA-ja kap cisternën e dytë të naftës të lidhur me Venezuelën appeared first on Sinjali.

Komisioni Qendror i Zgjedhjeve ka publikuar emrat e deputetëve të secilës parti që do të jenë pjesë e Kuvendit të Kosovës nga zgjedhjet e 28 dhjetorit.

Partinë Demokratike të Kosovës do ta përfaqësojnë 23 deputetë, bazuar në rezultatet e deritanishme të KQ-së, nga Bedri Hamza deri te Arbnora Salihu.

Sinjali – aty ku e vërteta flet para lajmit!

/GazetaSinjali/

The post Nga Bedri Hamza deri te Arbnora Salihu – kush janë deputetët e PDK-së që siguruan ulëse në Kuvend appeared first on Sinjali.

Komisioni Qendror i Zgjedhjeve (KQZ) ka publikuar në faqen e tij zyrtare listën e kandidatëve për deputetë të zgjedhur për mandatin e ri nga Lëvizja Vetëvendosje.

Në këtë LINK mund t’i gjeni emrat e secilit deputet dhe votat që kanë marrë.

Sinjali – aty ku e vërteta flet para lajmit!

/GazetaSinjali/

The post KQZ publikon emrat: Këta janë deputetët e VV-së që siguruan ulëse në Kuvend appeared first on Sinjali.

Një ndryshim i papritur ka ndodhur në fund të procesit të numërimit të votave nga zgjedhjet e 28 dhjetorit.

Partia Demokratike e Kosovës ka kthyer ulësen e 23-të në Kuvend, duke “e rrëmbyer” një nga Lidhja Demokratike e Kosovës që tash ka rënë në 14 nga 15 sa kishte sipas matjeve të mëhershme.

Lëvizja Vetëvendosje si fituese e zgjedhjeve një ditë më parë mbërriti në 57 ulëse në Kuvend, duke e marrë një nga PDK-ja që pas rezultateve preliminare i kishte 23.

Pra PDK-ja e ka kthyer ulësen e 23-të, ndërsa LDK-ja e humbi edhe një.

Aleanca për Ardhmërinë e Kosovës ka siguruar 6 ulëse.

Deri në fund kanë mbetur për t’u numëruar një pjesë e votave me postë, ato me kusht dhe ato të personave me nevoja të veçanta.

Për dallim nga zgjedhjet e shkurtit, LVV-ja kishte 48 deputetë, PDK-ja 24, LDK-ja 20 e AAK-ja në koalicion me Nismën 8.

Sinjali – aty ku e vërteta flet para lajmit!

/GazetaSinjali/

The post Ndryshimi në rezultat, PDK-ja tkurr LDK-në me një ulëse në Kuvend appeared first on Sinjali.

Reshjet e dendura të shiut që kanë rënë gjatë natës kanë shkaktuar vërshime në disa pjesë të Kosovës. Disa komuna kanë mbetur pa ujë të pijes e po ashtu edhe pa rrymë. Shumë familje janë evakuuar.

Instituti Hidrometeorologjik i Kosovës ka njoftuar se si pasojë e reshjeve të pandërprera të shiut gjatë ditëve të fundit, në disa zona të vendit, konkretisht në pjesën perëndimore (Gjakovë, Junik, Deçan, Malishevë, Klinë), si dhe në pjesën qendrore, janë shkaktuar vërshime lokale.

Instituti Hidrometeorologjik i Kosovës ka njoftuar se nga datat 3-5 janar, në pjesën perëndimore të Kosovës, janë regjistruar reshje të konsiderueshme të shiut, të cilat kanë ndikuar dukshëm në rritjen e niveleve dhe prurjeve të ujit.

Zëvendësministri në detyrë i Infrastrukturës, Hysen Durmishi ka njoftuar se janë në gjendje gatishmërie për të menaxhuar vërshimet nga reshjet e shiut. Ai në një postim në Facebook ka shkruar se janë në terren dhe po ndërhyjnë për të përmirësuar kushtet e qarkullimit.

Kompania Rajonale e Ujësjellësit “Mitrovica” ka njoftuar për ndërprerje të furnizimit me ujë për shkak të rritjes së turbullueshmërisë në kanalin e Ibër-Lepencit.

Kjo ndërmarrje ka thënë se është e detyruar ta ndërpresë ujin dhe se masa merret me qëllim të garantimit të sigurisë dhe cilësisë së ujit të pijes.

“Ekipet tona teknike janë në terren dhe po monitorojnë vazhdimisht gjendjen. Furnizimi me ujë do të rikthehet menjëherë pas normalizimit të nivelit të turbulleshmërisë dhe krijimit të kushteve të sigurta për distribuim”, thuhet në njoftimin e të martës në mëngjes.

Nga ndalja e furnizimit me ujë janë prekur Fushë-Kosova, Drenasi, Obiliqi dhe një pjesë e lagjes “Kalabria” në Prishtinë, ka bërë të ditur Kompania Rajonale e Ujësjellësit “Prishtina”. Pritet që me reduktime të furnizimit të preken edhe zona të tjera në kryeqytet.

KEDS ka njoftuar qytetarët për ndërprerjen e përkohshme të furnizimit me energji elektrike në zonat e Drenasit, Malishevës dhe Rahovecit si pasojë e reshjeve të dendura të shiut dhe rrezikut të krijuar në nënstacionin Drenas 220/10 kV.

Komuna e Drenasit ka bërë thirrje për kujdes të shtuar për qytetarët, pas reshjeve të dendura të shiut dhe vërshimeve përgjatë lumit Drenica. Shumë familja janë evakuuar.

Uji ka depërtuar në disa shtëpi dhe biznese, ndërsa disa segmente rrugore janë bërë të pakalueshme. Disa familje janë evakuuar për shkak të rrezikut nga përmbytjet, ndërsa rryma elektrike është ndërprerë në zona të prekura.

Edhe në Gjakovë në disa zona, niveli i ujit ka arritur deri te dritaret e shtëpive, ndërsa në disa raste ka depërtuar edhe brenda tyre. Disa familje janë evakuuar edhe atje. Evakuuimi u bë nga zjarrfikësit e Gjakovës.

Sinjali – aty ku e vërteta flet para lajmit!

/GazetaSinjali/

The post Vazhdojnë reshjet e shiut, disa komuna pa ujë e rrymë – shumë familje evakuohen appeared first on Sinjali.

Ka vazhduar procesi i numërimit të votave me kusht, ku deri më tani janë procesuar 37 nga 57 vendvotime, apo 64.91% e totalit.

Sipas të dhënave të përditësuara, Lëvizja Vetëvendosje! kryeson me 49.76% të votave, përkatësisht 2,659 vota.

Në vendin e dytë renditet Partia Demokratike e Kosovës (PDK) me 18.60%, ose 994 vota, ndërsa Lidhja Demokratike e Kosovës (LDK) ka marrë 11.55%, përkatësisht 617 vota.

Aleanca për Ardhmërinë e Kosovës (AAK) ka siguruar 7.13% të votave, që përkthehet në 381 vota.

Sinjali – aty ku e vërteta flet para lajmit!

/GazetaSinjali/

The post Numërohen mbi 64%, rezultatet e deritashme nga votimi me kusht appeared first on Sinjali.

Ujësjellësi rajonal “Prishtina” ka njoftuar se për shkak të turbullirave të shumta të shkaktuar anë kanalin e Ibër Lepencit, Impianti për Trajtimin e Ujit në Shkabaj ka dalë jashtë funksionit.

Si pasojë priten reduktime të furnizimit me ujë në Fushë Kosovë, Obiliq dhe një pjesë të lagjes Kalabria në Prishtina.

Këto zona do të furnizohen me ujë nga ora 18:00 deri në orën 22:00.

Njoftimi i plotë:

 NJOFTIM PËR FURNIZIM ME UJË

Të nderuar konsumatorë,

për shkak të turbullirave të larta në kanalin Ibër-Lepenc, si pasojë e reshjeve të dendura, ITU Shkabaj është jashtë funksionit.

Si rrjedhojë, priten reduktime në furnizimin me ujë në këto zona:

 Fushë Kosovë

 Obiliq

 Një pjesë e lagjes Kalabria – Prishtinë Zonat e lartcekura do të furnizohen me ujë nga ora 18:00 deri në 22:00.

 Ndikime mund të ketë edhe në zona të tjera të kryeqytetit.

Ekipet tona janë në terren dhe po monitorojnë situatën vazhdimisht. Furnizimi do të rikthehet sapo të stabilizohen parametrat.

Me ITU Albanik dhe Badoc po trajtohet ujë me kapacitet maksimal.

Sinjali – aty ku e vërteta flet para lajmit!

/GazetaSinjali/

The post Turbullirat në “Ibër-Lepenc”, reduktime të furnizimit me ujë në Obiliq, Fushë Kosovë e lagjen Kalabria në Prishtinë appeared first on Sinjali.

Gazeta zvicerane  “Neue Zurcher Zeitung” – NZZ, ka publikuar sot një artikull në të cilin zbulohet se shteti Zviceran ka organizuar takime joformale në mes të Kosovës dhe Serbisë.

Siç shkruan gazeta zvicerane, në këto takime ka marrë pjesë zv.kryeministri dhe kreu i ekipit negociator, Besnik Bislimi, dhe kryediplomati serb, Marko Gjuriq.

Gazeta “NZZ” zbulon takimet e fshehta të Bislimit me Gjuriqin në Solothurn të Zvicrës

Por, për këtë shkrim ka reaguar qeveria në detyrë, duke thënë se Bislimi nuk ka pasur takim me Gjuriqin në Zvicër.

“Zëvendëskryeministri Bislimi, nuk ka patur asnjë takim në Zvicër me Marko Gjuriq dhe kurrë nuk e ka takuar atë”.

Sinjali – aty ku e vërteta flet para lajmit!

/GazetaSinjali/

The post Qeveria: Bislimi s’ka pasur asnjë takim në Zvicër me Gjuriqin appeared first on Sinjali.

Një rast i mbajtjes në pronësi, kontroll apo posedim të paautorizuar të armës është zbuluar mbrëmjen e së dielës në Suharekë, gjatë një patrullimi rutinë policor.

Siç mëson ekskluzivisht Sinjali, ngjarja ka ndodhur më 05.01.2026, rreth orës 19:30, në rrugën “Shkelzen Haradinaj”, ku zyrtarët policorë kanë ndaluar një automjet.

Sipas informatave nga burimet, vetura drejtohej nga Edonit Zabelaj, ndërsa në cilësinë e pasagjerit ndodhej L. Zabelaj.

Gjatë kontrollit të dokumentacionit dhe kontrollit të automjetit, policia ka hasur në: Një pistoletë me gaz, kalibër 9 mm, një karikator, 20 fishekë kalibër 9 mm.   

I dyshuari Edonit Zabelaj ka pranuar verbalisht se arma i përkiste atij. Në vendin e ngjarjes kanë dalë njësitë adekuate policore nga Stacioni Policor Suharekë, të cilat kanë sekuestruar armën si provë materiale.

Lidhur me rastin është njoftuar Prokurori i Shtetit, i cili ka urdhëruar që i dyshuari të ndalohet për 48 orë, ndërsa rasti është iniciuar në drejtim të veprës penale përkatëse.

Hetimet për këtë rast janë në vazhdim.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post I riu kapet me pistoletë në veturë në Suharekë, dërgohet në ndalim për 48 orë appeared first on Sinjali.