Nëna e Benita Zenës i ka përcjell një mesazh për të bijën pas bujës që bëri vizita e saj në shtëpi.
Në një mesazh, e ëma u shpreh krenare për vajzën e saj, teksa i tha se ajo qëndron mirë me shëndet.
“Benita ime e dashur, ta dish që mami e ka kuptuar plotësisht zgjedhjen tënde. Kjo më tregon sa e fortë dhe e vendosur je. Por, shëndeti e zemra lëndohen përsëri nëse diçka shkon gabim përsëri", u shpreh ajo.
Foto: YouTube
Tutje i tha: "Jam krenare për ty. Të dua shumë”.
Megjithatë, i kërkoi që ta ketë në mend dhe të ketë kujdes në lojën që bën.
Kjo vjen pasi javën e kaluar ia bëri një vizitë dhe i tha që të largohet nga Big Brother.
Madje i kërkoi që të distancohet nga raporti që ka krijuar me Toney. /Telegrafi/
Babai i banorit të Big Brother VIP 5, Malit, Faik Retkoceri, nuk ka qenë në gjendje të japë intervistën e parashikuar për emisionin “Ftesë në 5” me moderatoren Bieta Sulo për shkak të gjendjes shëndetësore.
Moderatorja tregoi se problemi u bë i qartë pak minuta para lidhjes direkt.
“Pak minuta përpara, para se të bënim provën për lidhjen direkt me të, na vjen ky mesazh. Ndërkohë që përgjigjemi në telefon me idenë që është ai, na del e motra në telefonin e tij që jeton në Francë”, tha Sulo.
Foto: YouTube
Mesazhi i dërguar nga motra e Faikut shpjegon situatën: “Përshëndetje e nderuar. Unë jam e motra e Faikut, Rema, po më vjen shumë keq se nuk mundet Faiku me dhënë intervistë. Ai është në spital duke marrë infuzion dhe është pak në gjendje të rëndë, sepse nuk po mundet me u përballë me komentet nëpër rrjetet sociale. Shpresoj se keni mirëkuptim. Kalofshi mirë”.
Bieta shtoi gjithashtu se gjatë bisedës telefonike me motrën e Faikut, ajo kishte theksuar se “ai nuk është ndjerë mirë nga gjithë kjo situatë dhe është dërguar menjëherë në spital”.
Kujtojmë se gjatë spektaklit të së shtunës, Faiku ishte brenda shtëpisë së Big Brother VIP 5 për të takuar djalin e tij, me të cilin nuk kishin pasur kontakt për shtatë vite.
Takimi nuk u realizua, pasi Mali vendosi që këtë ta bëj kur të dalë jashtë. /Telegrafi/
Ikona e filmit francez, Brigitte Bardot, e cila vdiq të dielën në moshën 91 vjeçare, do të varroset në Saint-Tropez në Rivierën Franceze.
Funerali do të zhvillohet më 7 janar në kishën Notre-Dame-de-l'Assomption në Saint-Tropez, raportoi BFM TV.
Bardot, e cila u bë simbol i Francës në vitet 1950 dhe 1960, jetonte në një vendpushim ku, thotë ajo, gjente ngushëllim midis kafshëve dhe ia kushtoi jetën mirëqenies së tyre.
Brigitte Bardot
"Ajo ishte e bukur, nuk ka fjalë tjetër. Do të na mungojë shumë", tha të hënën për Reuters banori i Saint-Tropez, Philippe Volmier.Volmier tha se e njihte atë për 30 vjet dhe e kishte parë duke shëtitur qentë e saj në plazh.
Presidenti Emmanuel Macron tha të dielën se Bardot mishëron "një jetë lirie".
Ajo jetoi vetëm për pjesën më të madhe të jetës së saj, e rrethuar nga kafshë të shumta, përfshirë mace, qen dhe kuaj.
E njëjta i tha të përjavshmes franceze 'Paris Match' në vitin 2024 se donte të varrosej në kopshtin e saj.
Megjithatë, autoriteti lokal deklaroi se nuk kishte marrë asnjë kërkesë për një varrim privat. /Telegrafi/
Pas një periudhe të gjatë heshtjeje pas tragjedisë personale, reperi nga Peja, Gjesti, ka rikthyer aktivitetin e tij në rrjetet sociale dhe ka tërhequr menjëherë vëmendjen e fansave.
Në postimet e fundit, Gjesti shihet me tatuazhe të reja, përfshirë një ku ka shkruar fjalën “Reaggeton”, duke lënë të kuptohet rikthimi i tij në muzikë dhe lidhja me stilin e tij artistik.
Kjo ka nxitur komente dhe reagime pozitive nga ndjekësit, të cilët e mirëpritën rikthimin e tij aktiv online.
Një detaj tjetër i dukshëm është se reperi ka fshirë disa fotografi personale, përfshirë ato ku shfaqej me familjen e tij, përfshirë edhe vëllanë e ndjerë, Eldionin.
Ky veprim shihet si një mënyrë për të menaxhuar emocionet dhe për të përgatitur një kapitull të ri në jetën dhe karrierën e tij.
Fansat kanë komentuar se rikthimi i Gjestit në rrjetet sociale mund të shënojë fillimin e një faze të re kreative dhe muzikore, ndërsa reperi duket i përqendruar në projekte të reja dhe në rikthimin e lidhjes me publikun e tij.
Ky rikthim vjen pas një periudhe të vështirë për Gjestin, duke pasur parasysh humbjen e rëndë të vëllait të tij dhe sfidat personale që e shoqëruan pas famës së fituar nga Big Brother VIP. /Telegrafi/
Këngëtarja e njohur, Vesa Luma, ka ndarë me fansat një mesazh të ndjerë në rrjetet sociale, duke reflektuar mbi vitin 2025 dhe duke ndarë planet për vitin e ardhshëm.
Në postimin e saj, Vesa shpreh mirënjohjen për mësimet që mori gjatë këtij viti.
“Faleminderit 2025 që më mësove balancën, që më dhe mundësinë t’ia dëshmoj vetes sërish, që familja dhe shëndeti mbeten mbi të gjitha. Faleminderit Zotit që më kujton ditë për ditë”.
Ajo thekson rëndësinë e fansave dhe mbështetjes së tyre: “Kur ju më ndaloni e përkëdhelni me përqafimet tuaja të ngrohta, më kujtoni se kam ardhur në këtë botë për të dhuruar, jo vetëm muzikë, emocion e dashuri, po edhe të jap zë gjërave pozitive”.
Luma paralajmëron fansat për ndryshime të mëdha në vitin 2026, të cilat i quan “radikale, por pozitive”.
Ajo shton se dëshira e saj për vitin e ardhshëm është shëndeti, por edhe më shumë stabilitet emocional, duke përdorur një shprehje të zakonshme nga Kosova: “pak më shumë ‘rrafsh’”.Këngëtarja përfundon postimin duke shprehur dashurinë për ndjekësit e saj: “Ju dua shumë të gjithë ju, që në një mënyrë apo tjetër keni qenë pjesë e ditëve të mira të këtij viti që po e lemë pas”.
Mesazhi i saj është një reflektim i sinqertë mbi vitin që po mbyllet dhe një paralajmërim për projekte dhe momente pozitive që fansat mund të presin në vitin jubilar që po vjen. /Telegrafi/
Një përplasje e fortë ka ndodhur së fundmi mes banorëve të Big Brother VIP Kosova 4, Toney dhe Alba Pollozhanit.
Debati nisi pasi Alba i përmendi vajzën Toneyt, duke shkaktuar reagimin e menjëhershëm të tij.
"Mos ma përmend vajzën, hera e parë dhe e fundit që e përmend. Nuk është e nevojshme, mund të marrësh shembuj të tjerë", u shpreh ai.
Foto: Instagram
Ai gjithashtu zbuloi fjalët që Alba i kishte thënë.
"Më tha nëse ta dhunon dikush vajzën tënde ti e përkrah dhunuesin", tregoi Toney.
Foto: Instagram
Përplasja ka shkaktuar reagime të shumta tek banorët e tjerë, të cilët u përpoqën të qetësojnë situatën dhe të shmangin konfliktet e mëtejshme.
Ky incident pritet të diskutohet edhe në episodet e ardhshme, duke treguar se dinamika mes banorëve vazhdon të mbetet e paparashikueshme dhe e tensionuar. /Telegrafi/
Një debat i tensionuar ka ndodhur së fundmi mes këngëtares Fjolla Morina dhe banorit tjetër, Labinot Rexhës.
Përplasja ka nisur kur Rexha e akuzoi artisten se ka ndërhyrë në mes të familjeve.
"Ti djemtë i ke shkatërruar. Ti je ajo që i ke ndarë burrat prej familjeve të tyre," u shpreh ai.
Foto: Instagram
Morina reagoi menjëherë dhe mohoi çdo përfshirje të tillë, duke theksuar se nuk ka ndërhyrë kurrë në jetën personale të askujt.
Ajo u përgjigj: "Unë, asnjëherë. Askush me askënd nuk ndahet".
Ky moment ka krijuar tension të dukshëm brenda ambientit ku ndodhej përplasja, ndërsa banorët e tjerë janë përpjekur të qetësojnë situatën.
Debati ka bërë që publiku të flasë shumë në rrjetet sociale, me shumë nga ndjekësit që e komentuan me tone mbështetëse për të dyja palët, por edhe me kritika për mënyrën si u shprehën. /Telegrafi/
Ish-banorja e Big Brother VIP Kosova 3, Lela Seferi, ka tërhequr vëmendjen e ndjekësve me paraqitjen e saj më të fundit, ku është shfaqur me veshje tradicionale shqiptare.
Në fotografitë e publikuara, Lela shihet e veshur me një kostum tradicional të punuar nga “Alba Traditional”, i cili spikat për detajet artizanale dhe elementet autentike të trashëgimisë shqiptare.
Kjo është realizuar nga fotografi i njohur shqiptar Norik Uka, i cili ka sjellë në fokus elegancën dhe hijeshinë e veshjes, duke kombinuar mjeshtërisht dritën dhe kompozimin artistik.
Lela SeferiFoto: Norik Uka
Paraqitja e Lelës është vlerësuar gjerësisht nga ndjekësit në rrjetet sociale, të cilët kanë reaguar me komente pozitive dhe komplimente për zgjedhjen e saj për të promovuar vlerat tradicionale.
Ajo ka treguar edhe një herë lidhjen e saj me kulturën dhe identitetin kombëtar, duke i dhënë një mesazh pozitiv ruajtjes dhe promovimit të traditave shqiptare.
Lela SeferiFoto: Norik Uka
Veshjet e “Alba Traditional” njihen për punimin e kujdesshëm dhe rikthimin e elementeve autentike në modën moderne, ndërsa bashkëpunimi me figura publike si Lela ndihmon në rritjen e vëmendjes ndaj trashëgimisë kulturore.
Paraqitja e tillë e Lelës dëshmon se ajo vazhdon të mbetet një figurë e ndjekur dhe e pëlqyer nga publiku, jo vetëm për prezencën e saj mediatike, por edhe për zgjedhjet që promovojnë kulturën shqiptare. /Telegrafi/
Avni Qahili është emëruar drejtor i parë shqiptar i Institucionit Nacional “Muzeu i Arteve Bashkëkohore” në Republikën e Maqedonisë së Veriut.
Ky muze konsiderohet si një nga institucionet më elitare të vendit dhe roli i Qahilit pritet të sjellë një frymë të re kreative dhe hapësirë më të madhe për artistët shqiptarë, jo vetëm nga Maqedonia e Veriut, por edhe nga rajoni.
Si krijues artistik me përvojë të gjatë, Qahili ka për synim të zhvillojë programet e muzeut dhe të promovojë artin bashkëkohor shqiptar në një nivel ndërkombëtar.
Emërimi i tij shihet si një hap i rëndësishëm drejt integrimit më të madh të artistëve shqiptarë në institucionet kulturore të vendit.
Ky emërim vlerësohet edhe si një sukses i koalicionit 'Vlen' dhe i zotit Izet Mexhiti, të cilët po arrijnë të vendosin figura shqiptare në pozicione kyçe në institucione të rëndësishme kulturore dhe artistike të Maqedonisë së Veriut.
Ky zhvillim ka ngjallur pritshmëri të madhe tek artistët dhe publiku, të cilët shpresojnë që muzeu nën drejtimin e Avniut të shndërrohet në një qendër dinamike dhe të hapur për iniciativat artistike shqiptare dhe ndërkombëtare. /Telegrafi/
Këngëtari i njohur nga Peja, Gjesti, ka reaguar për herë të parë që pas vdekjes së vëllait të tij, Eldionit.
Vëllai i ka vdekur në shtator të këtij viti në një aksident me motoçikletë.
Që nga ajo kohë, artisti ka qëndruar në heshtje, pa një reagim në rrjete sociale e po ashtu larg muzikës.
GjestiFoto: Instagram
Në një postim të ri pas një kohe të gjatë, Gjesti i falënderon të gjithë që i kanë qëndruar pranë në këtë kohë të vështirë.
Po ashtu njofton se në janar të vitit 2026 do të rikthehet në muzikë.
Postimi i plotë i Gjestit (pa ndërhyrje):
"Përshëndetje krejtve shpresoj që jeni mirë, u bë një kohë që nuk jemi parë për këtë po dua t'iu falënderoj secilin prej juve që më keni ndenjur afër mua dhe familjes time në këtë periudhë shumë të vështirë.
Për mua ka qenë e rëndësishme që në këtë kohë me ndejt larg rrjeteve sociale me u marr më shumë me veten dhe familjen time.
Sidoqoqftë, iu kam pasur në mendje dhe zemër siç më keni pasur mua.
Po e shfrytëzoj rastin me këtë video me ia uru Vitin e Ri të gjithëve, ishalla e keni shëndetin, lumturinë edhe familjen se të tjerat bëhen.
Si përfundim desha të iu tregoj se në vitin 2026 në janar kthehem në muzikë aty ku e kam vendin.
Kështu që ju dua, faleminderit shumë". /Telegrafi/
Gwyneth Paltrow ka zbuluar së fundmi një episod të panjohur nga xhirimet e filmit "Great Expectations" (1998), gjatë një bisede nostalgjike për Vanity Fair me bashkëaktorin e saj Ethan Hawke.
Ajo tregoi se kishte refuzuar të realizonte një skenë shumë intime të propozuar nga regjisori Alfonso Cuaron, i cili në atë kohë ishte në fillimet e karrierës së tij në Hollywood.
Sipas Hawke, Cuaron e përshkroi skenën në mënyrë shumë artistike dhe poetike, me një lëvizje të kujdesshme të kamerës dhe një atmosferë simbolike.
Daily Mail says Gwyneth Paltrow, 53, and her daughter Apple, 21, look like twins and that you can't tell which is the mother and which is the daughter because of how fresh and young Gwyneth Paltrow looks 🧐 pic.twitter.com/1o98k4EKXs — Wanjiru Njoya (@WanjiruNjoya) December 28, 2025
Megjithatë, Paltrow, që ishte në fillim të të 20-ave, vendosi të mos e pranonte.
Arsyeja nuk lidhej me aspektin artistik, por me ndjeshmërinë personale dhe familjare: ajo kishte frikë se si do të reagonte familja e saj, veçanërisht babai dhe gjyshi, nëse do ta shihnin në një situatë kaq intime në ekran.
Duke reflektuar sot, në moshën 53-vjeçare, Paltrow pranon se këndvështrimi i saj ka ndryshuar rrënjësisht dhe se tani nuk do ta kishte më atë lloj hezitimi.
Kjo qasje më e lirë dhe më e sigurt për veten reflektohet edhe në projektin e saj më të fundit, "Marty Supreme", ku ajo luan përkrah Timothee Chalamet dhe ku ka më shumë skena intime se sa në fillimet e karrierës së saj.
Nga ana e tij, Ethan Hawke theksoi se, edhe në atë moshë të re, Paltrow tregonte pjekuri dhe vetëdije për kufijtë e saj, duke ditur si të mbrojë imazhin dhe integritetin personal në një industri shpesh nën presion si Hollywood-i i viteve ’90. /Telegrafi/
Brigitte Bardot, një nga ikonat më të mëdha franceze të kinemasë dhe modës, ka rrëfyer shpesh për shtatzëninë e saj dhe mungesën e dëshirës për të qenë nënë.
Në librin “Initiales BB” nga vitet 1990, Bardot e përshkroi përvojën e shtatzënisë me djalin e saj Nicolas-Jacques Charrier si një periudhë të dhimbshme dhe të padëshiruar, duke e krahasuar me “një tumor që rritet brenda saj”.
Aktorja deklaroi se periudha e shtatzënisë përtej aspektit fizik ishte një humbje e lirisë dhe kontrollit mbi jetën e saj.
Brigitte
Ajo nuk ndihej e përgatitur për të qenë nënë dhe më vonë vendosi të heqë dorë nga kujdestaria e djalit, e cila iu dha babait pas divorcit me Jacques Charrier.
Bardot e përshkroi veten si “plotësisht të paekuilibruar dhe të humbur në këtë botë të çmendur”, duke treguar sfidat emocionale dhe psikologjike që përjetoi gjatë kësaj periudhe.
Rrëfimi i saj nxiti polemika, madje duke çuar në një gjyq për shkelje privatësie nga ana e ish-bashkëshortit dhe djalit, të cilët kërkuan që pjesë të kujtimeve të saj të censuroheshin.
Megjithatë, Bardot mbajti besnikësinë e saj ndaj librit dhe eksperiencës personale, duke ndarë me publikun një nga pjesët më të dhimbshme të jetës së saj. /Telegrafi/
Tensionet brenda shtëpisë së Big Brother VIP Kosova 4 nuk kanë të ndalur.
Një nga momentet më të përfolura ka qenë debati mes Labinot Rexhës dhe Elijona Binakajt, i cili nxiti reagime të forta jo vetëm brenda shtëpisë, por edhe mes fansave në rrjetet sociale.
Gjatë përplasjeve, Labi i tha Elijonës: “Je gacë e mbuluar. Të gjithë vajzat janë kundër teje. Do të njihesh kur të dalësh. Do ta shohësh vetë".
Foto: Instagram
Elijona nuk qëndroi pa përgjigje: “Ajo flet shumë për mua. Thotë shumë për mua".
Ky debat nxjerr në pah tensionet dhe strategjitë mes banorëve, ku rivalitetet dhe perceptimet e ndryshme shpesh shndërrohen në konfrontime verbale.
Për ndjekësit e spektaklit, ky moment ishte një tjetër provë e lojës së intrigave dhe aleancave brenda shtëpisë, duke bërë që çdo ditë e re të sjellë surpriza dhe debate të reja.
Labi që nga fillimi e ka vënë në shënjestër Elijonën, duke i përmendur gjëra nga jashtë. /Telegrafi/
Para disa ditësh, Stenaldo Mëhilli është futur në shtëpinë e Big Brother VIP Albania 5, duke shënuar një moment historik: për herë të parë në këtë edicion hyn një konkurrent i verbër.
Ai ka tërhequr menjëherë vëmendjen e banorëve dhe të publikut, duke treguar vendosmërinë dhe besimin në aftësitë e tij.
Gjatë një deklarate për konkurrentët e tjerë, Stenaldo u shpreh: “Unë jam përtej gjithë juve. Unë kam shanse për të fituar këtë program sa çka më i miri që është në shtëpi. Për këtë të jeni super të sigurt".
Foto: Instagram
Reagimet brenda shtëpisë kanë qenë të ndryshme: disa banorë u surprizuan nga besimi i tij, ndërsa të tjerë e shohin si një sfidë të re që mund të ndryshojë dinamikën e lojës.
Megjithëse spektakli sapo ka nisur, pritet që prania e Stenaldos të sjellë dinamizëm dhe debate të reja brenda shtëpisë, duke e bërë këtë edicion të Big Brother VIP Albania një nga më të ndjekurit dhe të komentuarit.
Së fundmi u eliminua konkurrenti i parë i këtij edicioni dhe ajo është Xhodi.
Pritet të shihet në vazhdim se si do të jetë loja e tyre dhe çfarë strategjie do të ndjekin. /Telegrafi/
Një tjetër debat është zhvilluar së fundmi brenda shtëpisë së Big Brother VIP Kosova 4, këtë herë mes Klodian Mihajt dhe Labinot Rexhës.
Përplasja mes dy banorëve ka ardhur si pasojë e një premtimi të mëparshëm të Labinotit, i cili, sipas Klodianit, nuk është mbajtur.
Gjatë debatit, Mihaj i është drejtuar Rexhës me tone të ashpra, duke vënë në pikëpyetje fjalën dhe qëndrimin e tij.
Foto: Instagram
“Me qenë burrë ishe dal jashtë siç ke bërë be. Nuk je burrë, nuk e ke mbajtur fjalën. Ke bërë be në Zot dhe nuk e ke mbajtur”, iu drejtua ai.
Ky moment nuk ka kaluar pa u komentuar edhe nga publiku, pasi pamjet janë shpërndarë gjerësisht në rrjetet sociale.
Foto: Instagram
Debatet dhe përplasjet mes banorëve vazhdojnë të mbeten pjesë qendrore e dinamikave të këtij sezoni të Big Brother VIP Kosova 4, duke mbajtur të lartë vëmendjen e publikut dhe duke prodhuar reagime të shumta si brenda ashtu edhe jashtë shtëpisë më të famshme në Kosovë.
Dinamikat po ndryshojnë dita-ditës dhe gara veçse po shkon e po bëhet më e fortë. /Telegrafi/
Login
