Pas sulmit rus të mbrëmshëm, qyteti i Kievit po përballet me ndërprerje të rënda në infrastrukturën kyçe, duke lënë gjysmën e ndërtesave të tij të banimit, pothuajse 6,000, pa ngrohje. Qyteti po përjeton gjithashtu ndërprerje të furnizimit me ujë, raporton Ukrainska Pravda.

Kryebashkiaku i Kievit, Vitaliy Klitschko, tha se sulmi i kombinuar i mbrëmshëm ishte më i rëndi në infrastrukturën kyçe të kryeqytetit.

“Punonjësit e komunitetit kanë lidhur objektet publike – veçanërisht spitalet dhe maternitetet – me dhomat e lëvizshme të bojlerëve. Së bashku me punonjësit e energjisë, ata po punojnë për të rivendosur energjinë elektrike dhe ngrohjen në shtëpitë e banorëve të Kievit”, tha Klitschko.

Ai gjithashtu u bëri thirrje banorëve të largohen përkohësisht nga qyteti nëse kanë mundësi dhe të shkojnë në vende ku ka burime alternative të energjisë elektrike dhe ngrohjes. “Shërbimet e qytetit po punojnë në kushte emergjence. Fatkeqësisht, parashikohen kushte të rënda moti për ditët në vijim”, shtoi kryebashkiaku.

Sulmi filloi në mbrëmjen e 8 janarit, kur një dron goditi çatinë e një pallati apartamentesh në lagjen Desniyskyi. Katër persona u konfirmuan të vdekur në sulm, ndërsa dëmtimi i rrjetit elektrik shkaktoi ndërprerje të energjisë elektrike për më shumë se 500,000 klientë në Kiev dhe zonën përreth, dhe disa shërbime treni pasagjerësh u vonuan.

Qyteti i Kievit vazhdon të marrë masa emergjente për të rivendosur energjinë elektrike dhe ngrohjen, ndërsa banorëve u këshillohet të tregojnë kujdes dhe të ndjekin udhëzimet e shërbimeve të qytetit.

Sinjali – aty ku e vërteta flet para lajmit

/GazetaSinjali/

The post Sulmet ruse intesifikohen, Klitschko thirrje qytetarëve: Largohuni nga qyteti appeared first on Sinjali.

Ka vdekur në moshën 75-vjeçare, Ali Sadriu, ish-ministër i Financave dhe ish-drejtor ekzekutiv i QKUK-së.

Lajmin për vdekjen e tij e ka konfirmuar familja e tij e ngushtë.

“Të nderuar miq dhe familjarë. Me pikëllim të thellë ju njoftojmë se sot ndërroi jetë babai ynë i dashur, Ali Shaban Sadriu. Për detajet e varrimit do t’ju njoftojmë me kohë”, ka shkruar në Facebook i biri i tij, Flamur Sadriu.

Kush ishte Ali Sadriu?

Ali Sadriu, sipas biografisë së publikuar në ueb-faqen e Kuvendit të Kosovës, ka qenë drejtor ekzekutiv i QKUK-së, deputet i LDK-së (1992-1998, 1998-2002, 2002-2004, 2004-2008,2011-2014), Ministër për Ekonomi dhe Financa (2002-2004), Bashkëdrejtues i Autoritetit Qendror Fiskal (2000-2002), Drejtor financiar në Fakultetin e Mjekësisë 1977-1980, Drejtor financiar në Bankos (1980-1990), Drejtor financiar “Fabrika e Veglave dhe Ujtive Elektrike” (1975-1977).

The post Ndërron jetë ish ministri i Financave, Ali Sadriu appeared first on Sinjali.

Kastro Zizo ka bërë një rrëfim të fortë dhe autokritik për një periudhë të errët të jetës së tij personale, duke pranuar se ka qenë vetë pjesë e një sjelljeje toksike në një marrëdhënie.

Teksa ishte i ftuar ne emisionin e Arbana Osmanit, ‘Mirëmbrëma Yje’, ai tregoi një anë tjetër të tij, atë më personale e që ka lidhje me sjelljen e tij të dhunshme.

“Vitin e parë kam qenë një burrë tipik nga ata që shfaqen në emisionet sociale, ku gratë e dhunuara flasin për partnerët e tyre. Isha larg dhunës fizike, por shumë pranë dhunës verbale. Kam qenë dhunues dhe përndjekës në atë kohë,” – rrëfeu ai, duke ndarë detaje të pathëna më parë.

Artisti pranon se pavarësisht se marrëdhënia kishte përfunduar, ai vazhdonte të kërkonte llogari, edhe pse paralelisht kishte tetë lidhje të tjera.

“Kërkoja llogari në llumin që isha. Kjo gjendje zgjati një vit dhe sot, kur e kujtoj veten e asaj kohe, e përçmoj,”- shtoi më tej Kastro Zizo.

Rrëfimi i tij është pritur si një pranim i rrallë publik i gabimeve, duke nxitur diskutime mbi përgjegjësinë personale, dhunën verbale dhe nevojën për reflektim e ndryshim. Kujtojme se Zizo ka tre femije, nga raporte te ndryshme martesore.

The post “Kam qenë dhunues ndaj grave” – Kastro Zizo trondit me rrëfimin: Kjo gjendje zgjati një vit appeared first on Sinjali.

Nga mbledhja e komitetit të Emergjencave Civile për të adresuar situatën e krijuar nga përmbytjet, kryeministri Edi Rama tha se do të dëmshpërblehen të gjitha banesat e prekura.

“Do të investohen 11 mln euro apo 8% më shumë se vitin e shkuar. Investimet kanë rindërtuar 536 kanale ujitëse dhe kullimi që ishin të përgjysmuara. Investimi më i madh ka qenë transformi i trupave të emergjencave, nga trupa pa kokë dhe të vështirë s’ka më keq, nga trupa që vihen në punë. Nëse reshjet e pazakonta të ditëve të fundit ranë dhe përmbytën njësoj vendet e rajonit, sot Shqipëria krejt tjetër.

Kur ne erdhëm në qeveri me malin e borxheve i shlyem një më një dhe kemi përballuar me dinjitet njerëzor e shtetëror, jo vetëm detyrimet ndaj përmbytjeve. Sot dua t’i siguroj të dëmtuarit që do të qëndrojmë me të njëjtin dinjitet, qoftë për banesat dhe gjënë e gjallë. Dëshiroj të theksoj se puna intensive dhe mobilimi i pandalur 24 orë në të gjithë territorin ku është nevoja dhe e bashkive, do të vazhdojë e pandërprere deri në kapërcimin e kësaj situatë. Ua them të gjithë deputetëve të pranishëm në këtë mbledhje përmes zoom, që të të angazhuar, edhe sot edhe nesër, edhe pasi momenti I vështirë të jetë kapërcyer, pranë njerëzve dhe me njerëzit”-u shpreh Rama.

The post Rama: Do dëmshpërblehen banesat dhe gjëja e gjallë appeared first on Sinjali.

Kryetari i Partisë Demokratike të Kosovës, Bedri Hamza ka falënderuar të gjithë qytetarët që e votuan këtë subjekt politik.

Përmes një postimi në Facebook, Hamza tha se 192 mijë e 407 votat, PDK i merr me përgjegjësi të madhe.

“Faleminderit! Numërimi i votave ka përfunduar. Partia Demokratike e Kosovës ka marrë 192,407 vota dhe është renditur e dyta. Këtë besim e marrim me përgjegjësi të madhe”, ka shkruar Hamza.

Për këtë besim, Hamza shtoi se PDK-në e obligon më shumë se kurrë që të riorganizohet, t’i konsolidojë radhët e veta dhe të intensifikojë veprimin politik.

“Në një garë të vështirë dhe të pabarabartë, ruajtja e votës sonë është dëshmi se mijëra qytetarë besojnë në punën, seriozitetin dhe vlerat që PDK-ja i përfaqëson. Ky besim na obligon më shumë se kurrë që të riorganizohemi, t’i konsolidojmë radhët tona dhe ta intensifikojmë veprimin politik”.

“PDK do të vazhdojë të punojë për çdo qytetar, pa dallim, në çdo platformë ku jemi të pranishëm, me këmbëngulje dhe me bindjen se Kosova meriton më shumë dhe më mirë. Faleminderit për besimin! Puna jonë vazhdon!”, thuhet në reagimin e Hamzës.

The post Hamza: Ruajtja e votës në një garë të pabarabartë, dëshmi se qytetarët besojnë në punën e PDK-së appeared first on Sinjali.

Kryetari i Partisë së Drejtësisë, Ferid Agani, ka reaguar pas përfundimit të procesit zgjedhor, duke theksuar se vullneti i qytetarëve duhet të respektohet plotësisht dhe pa hezitim.

Në një postim publik, Agani ka bërë të ditur se, edhe pse nuk ka arritur të zgjidhet deputet, mbështetja e 11.214 qytetarëve për të dhe për vizionin e tij politik përbën një përgjegjësi të madhe morale dhe publike, e cila, sipas tij, nuk përfundon me mbylljen e kutive të votimit.

Ai ka vlerësuar se zgjedhjet kanë dërguar një mesazh të qartë për nevojën e maturisë politike, dialogut konstruktiv dhe bashkëpunimit ndërpartiak, veçanërisht në momente kur vendimmarrja institucionale kërkon konsensus të gjerë. Sipas Aganit, politika nuk duhet të reduktohet vetëm në mandate apo aritmetikë parlamentare, por duhet të shihet si përgjegjësi ndaj stabilitetit institucional dhe interesit afatgjatë të shtetit.

Agani ka theksuar se do të vazhdojë me përkushtim punën për reformimin dhe forcimin e Partisë së Drejtësisë, duke e cilësuar atë si një subjekt politik të ndërtuar mbi parime konservatore, përgjegjësi publike dhe vizion shtetformues. Ai ka shtuar se Kosova ka nevojë për alternativa serioze dhe aktorë politikë që vendosin interesin shtetëror mbi kalkulimet afatshkurtra partiake.

Postimi i plotë:

DEKLARATË PUBLIKE

Procesi zgjedhor ka përfunduar dhe vullneti i qytetarëve meriton respekt të plotë, pa asnjë hezitim. Edhe pse personalisht nuk arrita të zgjidhem deputet, mbështetja e 11.214 qytetarëve për mua dhe për vizionin politik që përfaqësoj mbetet një përgjegjësi e madhe morale dhe publike, që nuk përfundon me mbylljen e kutive të votimit.

Këto zgjedhje dërguan një mesazh të qartë: Kosova ka nevojë për më shumë maturi politike, dialog konstruktiv dhe bashkëpunim ndërpartiak, veçanërisht në momentet kur vendimmarrja institucionale kërkon konsensus të gjerë. Politika nuk është vetëm çështje mandatesh apo aritmetike parlamentare; ajo është përgjegjësi ndaj stabilitetit institucional dhe interesit afatgjatë të shtetit.

Në këtë frymë, do të vazhdoj me përkushtim punën për reformimin dhe forcimin e Partisë së Drejtësisë, si subjekt politik i ndërtuar mbi parime konservatore, përgjegjësi publike dhe vizion shtetformues. Kosova ka nevojë për alternativa serioze dhe për aktorë politikë që dinë të vendosin interesin shtetëror mbi kalkulimet afatshkurtra partiake.

Në rrethanat e ndjeshme politike që e presin vendin, përfshirë procesin e zgjedhjes së Presidentit të Republikës, mbetem i përkushtuar që, në kuadër të rolit tim politik dhe institucional, të kontribuoj në mënyrë konstruktive drejt një zgjidhjeje konsensuale, që garanton funksionimin normal të institucioneve, respektimin e Kushtetutës dhe unitetin e brendshëm të vendit. Kosova ka nevojë për stabilitet, jo për bllokada institucionale apo përplasje politike që e dëmtojnë besimin e qytetarëve.

Angazhimi im politik do të mbetet i fokusuar në çështjet që prekin drejtpërdrejt jetën e qytetarëve, me theks të veçantë në shëndetësinë publike, shëndetin mendor të rinisë, forcimin e shtetit ligjor dhe konsolidimin institucional. Politika matet me përgjegjësi, qartësi dhe gatishmëri për të kontribuar në momentet kyçe për vendin, pavarësisht pozitës formale.

Faleminderit sinqerisht për besimin, mbështetjen dhe korrektësinë qytetare. Kjo rrugë vazhdon me përgjegjësi, maturi dhe përkushtim ndaj Kosovës.

Ferid Agani

Kryetar i Partisë së Drejtësisë.

Sinjali – aty ku e vërteta flet para lajmit

/GazetaSinjali/

The post Agani: Kosova ka nevojë për më shumë maturi politike appeared first on Sinjali.

KQZ tashmë ka përfunduar 100 për qind të numërimit të votave, të zgjedhjeve të 28 dhjetorit. Lëvizja Vetëvendosje, si fituese e zgjedhjeve, ka 57 ulëse. PDK është e dyta me 22 ulëse, LDK e treta me 15 ulëse dhe AAK e katërta me 6 ulëse.

Sipas rezultateve të përmbledhura, Lëvizja Vetëvendosje ka marrë 51.11 për qind. Partia Demokratike e Kosovës doli e dyta me 20.19 për qind të votave, Lidhja Demokratike e Kosovës u radhit e treta me 13.23 për qind të votave, kurse Aleanca për Ardhmërinë e Kosovës mori 5.5 për qind të votave.

Liderët e partive politike me më së shumti influencë brenda partisë sipas votave që morën janë: Ramush Haradinaj i cili mori 44 mijë vota nga 52 mijë sa kishte AAK në total apo 84.62%, i pasuar nga Bedri Hamza i cili mori 162 mijë vota nga 192 mijë në total sa kishte PDK apo 84.38%, i treti është lideri i LVV-së, Albin

Kurti me 82.96% të votave të përgjithshme të partisë së tij apo 404 mijë vota nga 487 mijë të mundshme.
Lideri me më së paku ndikim në partinë e tij del të jetë Lumir Abdixhiku i cili fitoi 88 mijë vota nga 126 mijë votat e Lidhjes Demokratike të Kosovës apo 69.84%.

Sinjali – aty ku e vërteta flet para lajmit!

/GazetaSinjali/

The post Haradinaj lideri me më së shumti ndikim në parti, Abdixhiku me më së paku ‘peshë’ appeared first on Sinjali.

Presidenti amerikan, Donald Trump përmes një postimi në “Truth Social” ka njoftua vendimin e tij për të anuluar valën e dytë të sulmeve ndaj Venezuelës. Ai shtoi se Venezuela po liron një numër të madh të të burgosurve politikë si shenjë e kërkimit të paqes.

Ai e ka cilësuar lirimin e të burgosurve politikë si vendim të zgjuar dhe se falë punës së bërë mes dy vendeve ka anuluar sulmet e planifikuara. Trump theksoi se anijet luftarake amerikane do të mbeten në rajon për arsye sigurie.

 “Venezuela po liron një numër të madh të të burgosurve politikë si shenjë e “kërkimit të paqes”. Ky është një veprim shumë i rëndësishëm dhe i zgjuar.

SHBA-ja dhe Venezuela po punojnë mirë së bashku, veçanërisht në rindërtimin, në një formë shumë më të madhe, më të mirë dhe më moderne, të infrastrukturës së naftës dhe gazit.

Për shkak të këtij bashkëpunimi, kam anuluar serinë e dytë të sulmeve që ishin planifikuar, të cilat duket se nuk do të jenë të nevojshme, megjithatë, të gjitha anijet do të mbeten në vend për arsye sigurie.

Të paktën 100 miliardë dollarë do të investohen nga kompanitë kryesore të naftës, me të cilat do të takohem sot në Shtëpinë e Bardhë. Faleminderit për vëmendjen tuaj ndaj kësaj çështjeje”, shkruan Trump.

Sinjali – aty ku e vërteta flet para lajmit!

/GazetaSinjali/

The post Trump anulon fazën e dytë të sulmeve të planifikuara në Venezuelë, zbulon arsyen appeared first on Sinjali.

Lëvizja Vetëvendosje, përmes një postimi në rrjetet sociale, deklaroi se është subjekti më i votuar në historinë e Kosovës, duke u bazuar në rezultatet e përmbledhura të KQZ-së.

Pos tjerash, VV falënderoi të gjithë qytetarët që ua besuan votën.

“486,994 vota – 51.11% të vullnetit qytetar. Faleminderit të gjithë qytetarëve të Republikës së Kosovës që nuk lëshuan pe dhe votuan për siguri dhe begati”.

“Faleminderit secilit për mbështetjen e jashtëzakonshme dhe për fitoren tonë të fuqishme në zgjedhjet e 28 dhjetorit!”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Lëvizja Vetëvendosje falenderon qytetarët: Jemi subjekti më i votuar në histori appeared first on Sinjali.

Ministri i Punëve të Brendshme në detyrë, Xhelal Sveçla, ka reaguar pas përfshirjes nga zjarri të një pjese të fabrikës së Comoditës në Gjakovë mbrëmë.

Ai bëri të ditur se falë angazhimit të zjarrfikësve nga gjashtë komuna të tjera, përveç atyre të Gjakovës, zjarri është arritur të lokalizohet me sukses.

Sveçla, përmes një postimi në Facebook, theksoi se tashmë mbetet që ekipet profesionale të AME-së të hetojnë dhe të përcaktojnë me saktësi shkakun e këtij zjarri.

“Shfrytëzoj rastin të falënderoj secilin pjesëtar të AME-së, secilin zjarrfikës dhe anëtar të ekipeve të kërkim-shpëtimit, secilin pjesëtar të FSK-së, institucionet lokale, si dhe secilin qytetar për angazhimin dhe solidaritetin e treguar këto ditë”, ka shkruar ai.

Sinjali – aty ku e vërteta flet para lajmit!

/GazetaSinjali/

The post Zjarri në Comodita, reagon Sveçla: Mbetet të bëhet përcaktimi i saktë i shkakut appeared first on Sinjali.

KQZ tashmë ka përfunduar 100 për qind të numërimit të votave, të zgjedhjeve të 28 dhjetorit.Lëvizja Vetëvendosje, si fituese e zgjedhjeve, ka 57 ulëse. PDK është e dyta me 22 ulëse, LDK e treta me 15 ulëse dhe AAK e katërta me 6 ulëse.

Por nga sa vota arritën të siguronin liderët e partive politike shqiptare.Lideri i VV-së, Albin Kurti mori 404 mijë e 23 vota, duke hyrë në histori si politikani më i votuar në historinë zgjedhore të Kosovës.

Kryetari i PDK-së, Bedri Hamza mori 161 mijë e 931 vota. Njëshi i LDK-së, Lumir Abdixhiku nuk arriti të prek 100 mijë vota. Ai siguroi 88 mijë e 445 vota.Lideri i AAK-së, Ramush Haradinaj pati 43 mijë e 997 vota.

Ndërsa, Fatmir Limaj i Nismës mori 12 mijë e 546 vota dhe nuk do të jetë pjesë e legjislaturës së re.

The post “Përfundon numërimi”: Nga sa vota morën liderët e partive? appeared first on Sinjali.

Një 19-vjeçar është vënë në pranga nga policia, pasi dyshohet se plagosi me mjet prerës një 18-vjeçar gjatë një konflikti për motive të dobëta.

Sipas njoftimit të Komisariatit të Policisë Nr. 2, operacioni i koduar “Catch” u organizua në vijim të punës për parandalimin e veprimtarive kriminale dhe kapjen e personave në kërkim. Shtetasi E. R., 19 vjeç, ishte shpallur në kërkim që prej 23 nëntorit 2025.

Materialet procedurale i janë kaluar Prokurorisë për veprime të mëtejshme.

Sinjali – aty ku e vërteta flet para lajmit!

/GazetaSinjali/

The post 19-vjeçari plagos bashkëmoshatarin me thikë, arrestohet nga policia appeared first on Sinjali.

Gjatë kërkimeve në terren, ekipet policore në koordinim me Institutin e Mjekësisë Ligjore (IML) dhe njësitet tjera kompetente kanë hasur në mbetje mortore, për të cilat dyshohet se i përkasin së paku një individi që figuron në listën e personave të zhdukur gjatë luftës së fundit në Kosovë, në vitet 1998–1999.

Sipas njoftimit zyrtar, mbetjet eshtërore janë gjetur në rajonin e Gjakovës, në kuadër të aktiviteteve të vazhdueshme për zbardhjen e fatit të personave të zhdukur gjatë luftës.

Pas identifikimit fillestar në vendin e ngjarjes, mbetjet janë tërhequr nga IML-ja dhe janë dërguar për ekzaminime të mëtutjeshme mjeko-ligjore, me qëllim të identifikimit të saktë dhe përcaktimit të rrethanave të vdekjes.

“Gjakovë / 1998-1999. Ekipet policore në koordinim me IML-në dhe njesitet tjera kompetente kanë hasur në mbetje eshtërore, të cilat dyshohet se i përkasin së paku një individi-personi, që figuron në listën e personave të zhdukur gjatë luftës së fundit në Kosovë 1998-1999. Mbetjet eshtërore janë tërhequr nga IML për ekzaminime të mëtutjeshme mjeko-ligjore”, thuhet në raportin e Policisë së Kosovës.

Sinjali – aty ku e vërteta flet para lajmit!

/GazetaSinjali/

The post Gjenden mbetje mortore në Gjakovë, dyshohet se i përkasin një personi të zhdukur në luftë appeared first on Sinjali.

Një shtetas i Kolumbisë është arrestuar në orët e hershme të mëngjesit në kryeqytet, nën dyshimin se ka kryer një sulm të rëndë fizik ndaj dy grave kosovare.

Sipas raportit zyrtar të Policisë së Kosovës, rasti ka ndodhur më 8 janar 2026, rreth orës 05:25, kur i dyshuari dyshohet se ka sulmuar fizikisht dy viktima femra duke përdorur një mjet të mprehtë.

Njësitet policore që kanë intervenuar në vendin e ngjarjes kanë arritur ta arrestojnë të dyshuarin, teksa gjatë kontrollit tek ai kanë gjetur dhe konfiskuar mjetin – thikën e dyshuar të përdorur në sulm, si dhe 2.4 gramë substancë të dyshuar narkotike.

Viktimat kanë pranuar trajtim mjekësor, ndërsa për rastin është njoftuar prokurori kompetent. Me vendim të tij, i dyshuari pas intervistimit është dërguar në mbajtje.

“Prishtinë / 08.01.2026 – 05:25. Është arrestuar i dyshuari shtetas i Kolumbisë, nën dyshimin se i njëjti ka sulmuar fizikisht me një mjet të mprehtë dy viktimat femra kosovare. Njësitet policore te i njëjti kanë gjetur dhe konfiskuar mjetin-thikën dhe 2.4 gramë substancë të dyshuar narkotike. Me vendim të prokurorit, i dyshuari pas intervistimit është dërguar në mbajtje”, thuhet në raportin e Policisë së Kosovës. 

Sinjali – aty ku e vërteta flet para lajmit!

/GazetaSinjali/

The post Shtetasi i Kolumbisë sulmon me thikë dy gra në Prishtinë, arrestohet nga Policia e Kosovës appeared first on Sinjali.

Komisioni Qendror i Zgjedhjeve ka përfunduar numërimin e të gjitha votave për zgjedhjet e parakohshme parlamentare të 28 dhjetorit.

Mbrëmë është përmbyllur edhe numërimi i votave të fundit me postë. Numërimi i këtyre fletëvotimeve shënon përfundimin e procesit të numërimit të të gjitha fletëvotimeve nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.

Sipas rezultateve të përmbledhura, Lëvizja Vetëvendosje ka marrë 51.11 për qind, apo 486,994 vota. Në këtë mënyrë, Vetëvendosje ka siguruar 57 mandate në Kuvend.

Partia Demokratike e Kosovës doli e dyta me 22 ulëse. Ajo mori 20.19 për qind të votave, duke siguruar 22 ulëse në Kuvend. Lidhja Demokratike e Kosovës ka rënë në 15 ulëse nga 20 sa kishte. Ajo mori 13.23 për qind të votave.

Në Kuvend gjashtë ulëse i ka siguruar Aleanca për Ardhmërinë e Kosovës me 5.5 për qind.

Lista Serbe me 9 ulëse dhe Za Zlobodu Pravdu i Opstanak me një ulëse përmbushin normën prej 10 ulëseve të rezervuara për komunitetin serb.

10 ulëset për komunitetet tjera janë siguruar nga Kosova Demokratik Turk Partisi me dy ulëse dhe Vakat, Nova Demokratska Stranka, Iniciativa e Re Demokratike e Kosovës, Socijaldemokratska Unija, Partia Liberale Egjiptiane, PSA, Jedinstvena Goranska Partija dhe Lëvizja Përparimtare e Romëve të Kosovës me nga një ulëse.

Me përmbylljen e këtij procesi, Komisioni Qendror i Zgjedhjeve (KQZ) ka thënë është i gatshëm të shpallë rezultatin përfundimtar të zgjedhjeve.

Megjithatë, sipas Ligjit për Zgjedhjet e Përgjithshme, subjektet politike kanë të drejtë të paraqesin ankesa në Panelin Zgjedhor për Ankesa dhe Parashtresa (PZAP) brenda 48 orëve nga momenti i ndodhjes së shkeljes së supozuar që lidhet me administrimin e numërimit në QNR.

Kjo është lista e 57 deputetëve nga LVV:

ALBIN KURTI

GLAUK KONJUFCA

ALBULENA HAXHIU

HEKURAN MURATI

DONIKA GËRVALLA- SCHWARZ

XHELAL SVEÇLA

HAJRULLA ÇEKO

AVNI DEHARI

MIMOZA KUSARI LILA

EJUP MAQEDONCI

SHQIPE MEHMETI SELIMI

ANDIN HOTI

ARBEN VITIA

SARANDA BOGUJEVCI

EDONA LLALLOSHI

ALBAN BAJRAMI

MEFAIL BAJQINOVCI

NEZIR KRAKI

ARMEND MUJA

RUFKI SUMA

ADRIANA MATOSHI

JETA STATOVCI

ARDIAN GOLA

HAXHI AVDYLI

ADELINA GRAINCA

BLERIM GASHI

ALBENA RESHITAJ

FATOS GECI

AGIM BAHTIRI

TAULANT KELMENDI

ARTANE RIZVANOLLI BERISHA

FITORE PACOLLI DALIPI

DIMAL BASHA

ARBËR REXHAJ

LABINOTË DEMI MURTEZI

ARBËRESHË KRYEZIU HYSENI

ARTAN ABRASHI

ARJETA FEJZA

HYSEN DURMISHI

ARBËRIE NAGAVCI

ENVER HALITI

LIZA GASHI

VALON RAMADANI

ADNAN RRUSTEMI

JETON RAKA

FATMIRE KOLLÇAKU

ARSIM ADEMI

DRITA PAJAZITI

ROZETA HAJDARI

SALIH ZYBA 1

FITIM HAZIRI

FJOLLA UJKANI

ILIR KËRÇELI

SYLEJMAN MEHOLLI

VIGAN QORROLLI

VALON HOTI

NAIM BARDIQI

Lista e 22 deputetëve nga PDK:

BEDRI HAMZA

ARIAN TAHIRI

PËRPARIM GRUDA

URAN ISMAILI

SALA JASHARI

VLORA ÇITAKU

ENVER HOXHAJ

ARBEN MUSTAFA

NAIT HASANI

RRAHMAN RAMA

GANIMETE MUSLIU

EMAN RRAHMANI

KUJTIM GASHI

ELMI REÇICA

ARTAN BEHRAMI

XHAVIT HALITI

BESA KABASHI RAMAJ

MERGIM LUSHTAKU

FERAT SHALA

BLERTA DELIU KODRA

ARIANA MUSLIU SHOSHI

ARBNORE SALIHU

Lista me 15 deputetët e LDK-së:

LUMIR ABDIXHIKU

HYKMETE BAJRAMI

UKË RUGOVA

AVDULLAH HOTI

DOARSA KICA XHELILI

KUJTIM SHALA

ANTON QUNI

ARMEND ZEMAJ

LUTFI HAZIRI

JEHONA LUSHAKU SADRIU

JANINA YMERI

BESIAN MUSTAFA

ADELINA THAQI META

FADIL HADERGJONAJ

ERMAL SADIKU

6 deputetët e AAK-së:

RAMUSH HARADINAJ

DAUT HARADINAJ

BESNIK TAHIRI

BEKË BERISHA

TIME KADRIJ

ALBANA BYTYQI

The post Numërohen votat, këta do të jenë deputetët e legjislaturës së 10-të të Kuvendit të Kosovës appeared first on Sinjali.

Besian Mustafa nga Lidhja Demokratike e Kosovës, ka deklaruar se votimi i Hashim Thaçit për president nga LDK-ja ka qenë, sipas tij, një gabim i madh.

“Ajo që ka rezultuar me Hashim Thaçin ka qenë gabim trashanik për LDK-në kur e ka votuar dhe ky është mendim personal i imi që ka qenë gabim atëherë dhe LDK duhet me qenë e vetëdijshme për të gjitha veprimet”, ka thënë Mustafa.

Ai ka theksuar se në procesin e zgjedhjes së presidentit, elementi kyç është arritja e një konsensusi të gjerë ndërmjet partive politike.

“Ajo që është e rëndësishme për me zgjedh një president është me pas konsensus mes partive politike”, ka deklaruar ai.

Mustafa ka shtuar se qëndrimi në sallë apo votimi kundër, në rastin e zgjedhjes së presidentit, prodhon të njëjtin efekt.

“Pra, e krijon kuorumin, votove a s’votove e krijon kuorumin, rezultati është i njëjtë, zgjidhet ose nuk zgjidhet presidenti”, ka thënë ai.

Në fund, Mustafa ka theksuar se konsensusi ndërpartiak është i domosdoshëm edhe në rast se kryeministri Albin Kurti synon rizgjedhjen e Vjosa Osmanit si presidente, duke nënvizuar se një proces i tillë kërkon marrëveshje me partitë e tjera politike.

The post Besian Mustafa komenton zgjedhjen e Hashim Thaçit si president: Gabim trashanik për LDK-në appeared first on Sinjali.

Një tjetër rast i rëndë i lidhur me narkotikë është zbuluar mbrëmjen e së mërkurës në kryeqytet, ku Policia e Kosovës ka ndaluar dy persona të dyshuar për përfshirje në veprimtari të kundërligjshme të shpërndarjes së substancave narkotike.

Siç mëson Sinjali, ngjarja ka ndodhur më 08.01.2026, rreth orës 21:30, në rrugën “Sali Nivica” në Prishtinë, ku gjatë patrullimit policor janë hasur katër persona duke qëndruar në një veturë të tipit Golf.

Sipas burimeve të besueshme nga strukturat e afërta me hetimin, gjatë kontrollit të personave dhe veturës është gjetur dhe sekuestruar një sasi e konsiderueshme e substancës narkotike të dyshuar të llojit marihuanë, me peshë totale prej rreth 100 gramësh.

Në lidhje me rastin janë njoftuar menjëherë, hetuesi kujdestar i Stacionit Policor, si dhe Njësia Rajonale për Hetimin e Trafikimit me Narkotikë. Po ashtu, është kontaktuar edhe Prokurori kujdestar i Shtetit, i cili ka autorizuar veprime të mëtejme hetimore.

Me vendim të Prokurorit, janë kryer bastisje në shtëpitë e të dyshuarve, ndërsa rasti është iniciuar për veprat penale:

“Blerje, shitje, shpërndarje e substancave narkotike” dhe “Posedim i paautorizuar i narkotikëve, substancave psikotrope ose analoge”.

Burimet bëjnë me dije se për njërin nga të dyshuarit, Ardian Krasniqi, është lëshuar vendim për ndalim prej 48 orësh, ndërsa procedurat ndaj personit tjetër, Robert Blakqori janë në zhvillim.

Hetimet janë në vazhdim dhe nuk përjashtohet mundësia e zgjerimit të rastit edhe ndaj personave të tjerë të përfshirë.

Gazeta Sinjali do t’ju mbajë të informuar me detaje dhe zhvillime të reja lidhur me këtë rast.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohet të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Ekskluzive | Kapen me marihuanë në Prishtinë, dy të rinj dyshohen për shitje dhe shpërndarje të drogës (EMRAT) appeared first on Sinjali.

Komisioni Qendror i Zgjedhjeve ka njoftuar se në orën 02:00 të mëngjesit të së premtes, më 9 janar 2026, në Qendrën e Numërimit dhe Rezultateve është përmbyllur numërimi i fletëvotimeve të fundit nga votimi me postë jashtë Kosovës.

Pas procesimit të 100% të votave në platformën e KQZ-së, partitë politike kanë mësuar mandatet e fituara në legjislaturën e 10-të të Kuvendit të Kosovës.

Lëvizja Vetëvendosje me 51.11% të votave ka siguruar 57 ulëse, e ndjekur nga PDK me 20.19% të votave apo 22 mandate. LDK ka fituar 15 ulëse në Kuvendin e Kosovës pas 13.23% të votave të siguruara, kurse AAK me 5.50% ka siguruar 6 ulëse në legjislaturën e re.

Sinjali – aty ku e vërteta flet para lajmit

/GazetaSinjali/

The post Përfundon numërimi i votave, ja sa ulëse siguruan partitë politike në Kuvendin e Kosovës appeared first on Sinjali.

Një objekt fetar ka qenë cak i një vjedhjeje të rëndë në Graçanicë, mëson ekskluzivisht Gazeta Sinjali nga burime të besueshme, të afërta me hetimin.

Sipas informatave, rasti është raportuar më 08 janar 2026, rreth orës 18:20, në fshatin Livadje – Graçanicë, ku është konstatuar se persona të panjohur kanë thyer dhe depërtuar në objektin fetar, përkatësisht në Kishën Sveti Gligorije.

Ankuesi, N.M, ka deklaruar se ka vërejtur shenja thyerje në dritaren e kishës, por për momentin nuk dihet nëse nga brendia është vjedhur ndonjë send, pasi prifti i kishës nuk ka qenë prezent dhe pritet deklarata e tij pas kthimit nga udhëtimi.

Në vendin e ngjarjes kanë dalë njësitë policore, hetuesia dhe krim-teknika, të cilët kanë kryer këqyrjen e vendit të ngjarjes dhe kanë evidentuar gjurmë të thyerjes nga persona ende të paidentifikuar.

Me urdhër të Prokurorit kujdestar, rasti është iniciuar si “Vjedhje e rëndë”, ndërsa hetimet po vazhdojnë në procedurë të rregullt për identifikimin dhe kapjen e të dyshuarve.

Gazeta Sinjali do t’ju mbajë të informuar me detaje të reja lidhur me këtë rast.

The post Ekskluzive | Objekti fetar në Graçanicë cak i hajdutëve – Vjedhje e rëndë në kishën “Sveti Gligorije” appeared first on Sinjali.

Një rast serioz i mos­përfilljes së gjykatës dhe kanosjes është regjistruar në rajonin e Gjilanit, mëson ekskluzivisht Gazeta Sinjali nga burime të besueshme, të afërta me hetimin.

Sipas informatave, incidenti ka ndodhur më 07 janar 2026, rreth orës 22:00, në fshatin Kufcë e Epërme – Gjilan, ku i dyshuari Dreilon Isufi dyshohet se ka shkelur urdhrin mbrojtës të lëshuar nga Gjykata, duke kanosur dhe shqetësuar viktimën B. S, e cila ishte nën mbrojtje ligjore.

Burimet bëjnë të ditur se më 08 janar 2026, njësiti i hetimeve i Stacionit Policor në Gjilan ka ndërmarrë veprime operative dhe ka arrestuar të dyshuarin, pasi i njëjti dyshohet se nuk e ka respektuar vendimin gjyqësor dhe ka vazhduar kontaktin kërcënues ndaj viktimës.

I dyshuari është intervistuar në prani të avokatit mbrojtës, ndërsa me vendim të Prokurorit të Shtetit, ai është ndaluar për 48 orë.

Rasti është iniciuar për veprat penale “Mospërfillja e Gjykatës” dhe “Kanosja”, ndërsa hetimet po vazhdojnë.

Gazeta Sinjali do të raportojë edhe më tej për zhvillimet e reja lidhur me këtë rast.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Nuk e respektoi urdhrin mbrojtës të Gjykatës, arrestohet i riu në Gjilan (EMRI) appeared first on Sinjali.