Pasi kishte penguar qarkullimin e automjeteve të tjera në fshatin Hajmel, gjatë një aktiviteti festiv, punonjësit e Policisë së Forcave të Posaçme “Shqiponja” kanë shkuar menjëherë në vendngjarje dhe janë përballur me kundërshtim verbal nga shtetasi A. P. Gjatë kontrollit fizik, këtij shtetasi iu gjet një sasi lënde narkotike, ndërsa gjatë kontrollit në banesë iu gjetën dhe u sekuestruan municione luftarake.

Në përfundim të veprimeve procedurale, Oficeri i Policisë Gjyqësore i Prokurorisë bëri arrestimin e shtetasit A. P., 42 vjeç, banues në Dejë, për veprat penale “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve, municionit dhe lëndëve shpërthyese”, si dhe “Prodhimi dhe shitja e narkotikëve”.  / abcnews.al /

New York-u është përfshirë nga stuhia e fuqishme dimërore “Devin”, me reshjet më të mëdha të dëborës që regjistrohen në më shumë se tre vjet.

Udhëtimet ajrore kanë marrë një goditje të madhe, pasi mbi 1,500 fluturime janë anuluar deri të premten.

Guvernatorja e New York-ut, Kathy Hochul, shpalli gjendjen e jashtëzakonshme përpara stuhisë, ndërsa Shërbimi Kombëtar i Motit paralajmëroi për kushte të rrezikshme udhëtimi dhe reshje dëbore deri në 20 cm në disa zona.

Ndërkohë, moti i keq ka goditur edhe Kaliforninë Jugore. Tre ditë reshje të dendura shiu shkaktuan përmbytje dhe rrëshqitje dheu, duke detyruar banorët e vendpushimit malor Wrightwood të largojnë baltën dhe të vlerësojnë dëmet. Numri i të vdekurve nga moti i keq ka arritur në katër.

Shirat e rrëmbyer shoqëroheshin me erëra të forta që rrëzuan pemë dhe linja elektrike, duke përmbytur mbarë rajonin e Los Angelesit. Shtëpitë dhe automjetet në Wrightwood u mbuluan nga balta, ndërsa banorët vazhdojnë pastrimin dhe rikuperimin e dëmeve.  / abcnews.al /

Read More...

Prokuroria pranë Gjykatës së Shkallës së Parë të Juridiksionit të Përgjithshëm Fier, përfundoi hetimet dhe dërgoi në gjyq punonjësit e Agjencisë Rajonale Mjedisore Fier/Vlorë/Gjirokastër për veprën penale ‘Shpërdorimi detyre’ e kryer në bashkëpunim parashikuar nga neni 248-25 i Kodit Penal.

Në përfundim të hetimeve të procedimit penal nr.1051, u provua se, drejtori dhe specialistët e Agjencisë Rajonale të Mjedisit Fier/Vlorë/Gjirokastër, duke vepruar e mosvepruar në kundërshtim me ligjin, duke mos përmbushur rregullisht detyrat funksionale, pavarësisht rekomandimeve të Kontrollit të Lartë të Shtetit, auditimeve të brendshme të kryera nga Ministria e Mjedisit:

Kanë miratuar dhe refuzuar leje mjedisore të tipit “C” në kundërshtim me ligjin, pa kryer verifikime në terren dhe pa respektuar kriteret ligjore dhe nënligjore; disa leje mjedisore të tipit “C” ishin miratuar në mungesë të dokumentacionit të detyrueshëm që kërkohet nga ligji dhe aktet nënligjore; si dhe janë konstatuar standarde të ndryshme vendimmarrjeje, duke favorizuar disa subjekte dhe penalizuar të tjera pa bazë ligjore.

Në përfundim, prokuroria ngriti akuzë dhe dërgon për gjykim të pandehurit:

Arben Voja, ish-Drejtor i Drejtorisë Rajonale të Mjedisit Fier, drejtor i spitalit rajonal;

B.F., specialist për lejet mjedisore dhe VNM-të në Agjencinë Rajonale të Mjedisit Fier/Vlorë/Gjirokastër;

E.B. specialist për lejet mjedisore dhe VNM-të në Agjencinë Rajonale të Mjedisit Fier/Vlorë/Gjirokastër;

E.Z. specialist për lejet mjedisore dhe VNM-të në Agjencinë Rajonale të Mjedisit Fier/Vlorë/Gjirokastër;

E.B. specialiste për lejet mjedisore dhe VNM-të në Agjencinë Rajonale të Mjedisit Fier/Vlorë/Gjirokastër;

V.G., specialiste monitorimi në Agjencinë Rajonale të Mjedisit Fier/Vlorë/Gjirokastër; dhe

P.T., specialist finance në Agjencinë Rajonale të Mjedisit Fier/Vlorë/Gjirokastër;

Kryeministri Edi Rama në komunikimin e përjavshëm në podcastin ‘Flasim’ deklaroi se drejtoresha e AKSHI-t, Linda Karçanaj, e cila ka udhëhequr për 12 vite vizionin e transformimit digjital, ndodhet nën masë sigurie për një akuzë që, sipas tij, duhet vlerësuar me durim vetëm nga drejtësia.

Rama theksoi se gjykimi nuk duhet të bëhet nga zhurma politike dhe mediatike, por nga procesi ligjor deri në daljen e së vërtetës. Ai vuri në dukje se falë Karçanajt dhe skuadrës së AKSHI-t, Shqipëria ka bërë një kapërcim të rëndësishëm që nga viti 2022.

Sipas Ramës, vendi është renditur në grupin A me maturitet të lartë, duke u ngjitur nga vendi i 68 në vendin e 14 në renditjen ndërkombëtare. Kryeministri shtoi se ky vlerësim bazohet në një raport objektiv të Bankës Botërore, i cili nuk justifikon shkelje ligjore, por dëshmon përparimin e bërë në shërbim të qytetarëve.

“Drejtoresha e AKSHI, Linda Karçanaj gruaja që ka udhëhequr vizionit tonë për transformimin digjital me dije dhe vullnet për 12 vite, gjendet në një masë sigurie me një akuzë të hatashme, për të cilën duhet të pritet me durim nga drejtësia dhe jo nga çorba politike dhe mediatike derisa të dalë e vërteta e saj. Falë saj dhe skuadrës së AKSHI-t, Shqipëria ka bërë një kapërcim të madh që nga 2022.

Këtë herë jo vetëm që renditemi në grupin A me maturitet të lartë, por me një rritje të denjë nga raporti paraprak me 0.72, këtë vit kemi kaluar nga vendi i 68 në vendin e 14 mes gjithë atyre vendeve, duke lënë pas vende të tjera falë punës dhe vullnetit, duke vënë teknologjinë në shërbim.

Ky është një raport objektiv që vlerëson 4 fusha. Nuk justifikon asnjë shkelje të ligjit që pretendohet që kanë ndodhur, gjë të cilën na e thotë vetëm ligji, ndërkohë që zhurma politike dhe mediatike nuk e zhbën dot veprimtarinë e AKSHI-t, që mund ta verifikoni nga linku i raportit në Bankën Botërore.”  / abcnews.al /

Një letër me prova mbi aferat korruptive të familjes Berisha dhe Meta i është dërguar sekretarit amerikan të shtetit Marco Rubio nga avokati Idajet Beqiri.

Në një komunikim të drejtpërdrejtë në edicionin ‘Ora e Fundit’ avokati deklaroi se krimet e pandëshkuara, pasuritë e grabitura dhe korrupsioni kanë kthyer vendin peng të krimit të organizuar. Ai theksoi se për familjet Berisha dhe Meta ekzistojnë prova të shumta për dhjetëra afera korruptive me vlera miliardëshe. Sipas Beqirit, këto çështje janë të regjistruara, por nuk po hetohen nga SPAK. Avokati akuzoi SPAK-un se po vepron politikisht, duke u përqendruar te çështje të vogla për të krijuar një ekuilibër të rremë hetimesh.

“Nga gjithë këto krime që kanë ndodhur dhe e mbajnë peng këtë vend, prej pasurive të grabitura dhe korrupsionit, tani komandohen vrasjet dhe krimi. Vendi është peng i krimit sepse këto nuk janë dënuar.

Për familjen Berisha dhe Meta, kanë dërguar prova plot dhe të tjerë. Të gjitha këto, doja se korrupsionin i kam numëruar aty sepse janë afera të rënda të familjes Berisha, 156 afera korruptive që shuma e tyre e kalon disa miliardë euro. Janë 89 afera korruptive të Ilir Metës. Bëhet fjalë për familjen Berisha dhe për familjen Meta, dhe janë të provuara, janë një numër i konsiderueshëm qytetarësh të përfshirë. Erisa Xhixho vazhdon ‘të shijë’ me lekët e vjedhura të qytetarëve.

SPAK i ka të regjistruara por nuk i heton. SPAK është i kapur nga politika dhe nga bandat kriminale. SPAK po vepron politikisht sepse gjërat e vogla, ndërhyrjet në tendera, shkeljet në barazinë në tendera dhe duke përqendruar vëmendjen në disa funksionarë të PS duke i arrestuar apo duke bërë gjëmën për gjëra të vogla janë për të vënë ekuilibrin që ja po hetojmë dhe këta.”

/ abcnews.al/

Eksperti i sigurisë Ervin Karamuço deklaroi në edicionin “Ora e Fundit” se iniciativa e SHBA mbi një platformë për Ballkanin është ende në fazën e prezantimit dhe pritet të kalojë në komitetet përkatëse, Kongres dhe Senat, përpara se të nënshkruhet nga presidenti Trump.

Sipas tij, kjo lëvizje vjen në kuadër të zhvillimeve gjeostrategjike pas luftës në Ukrainë, ku SHBA e sheh Ballkanin si një rajon vulnerabël ndaj ndikimit rus. Karamuço theksoi se synimi është dhënia e një shtyse ekonomike dhe parandalimi i afrimit të vendeve të rajonit me Rusinë dhe Kinën. Sipas Karamuços, SHBA ndjek nga afër situatën në vend, mban shënime dhe reagon përmes instrumenteve vendimmarrëse.

“Është ende në fazën e prezantimit si një projekt, ku do të kalojë në komitetet përkatëse, ku do të kalojë në Kongres. Pas miratimit në Kongres do të kalojë në Senat, dhe më pas do të nënshkruhet nga Trump. E shoh në kuadër të lëvizjeve gjeostrategjike pas luftës në Ukrainë, ku SHBA e sheh Ballkanin shumë vulnerabël ndaj ndikimit rus.

Po bëhet me ligj sepse këto 6 pika shoqërohen me faturë financiare për t’u fuqizuar më shumë dhe për të sjellë asistencën që deri tani ishte e vepruar, e fonde, por jo me ligj të mirëfilltë. Synojnë të forcojnë institucionet, të fuqizojnë luftën kundër korrupsionit dhe t’i japin një shtysë ekonomisë. Kjo shihet si forcimi i shteteve që të mos shkasin drejt Rusisë dhe Kinës.

Për një komponent si lufta kundër korrupsionit dhe krimit, Dumani ka marrë çmimet e nderimit dhe është pyetur në Bruksel mbi situatën. SHBA nuk është dëgjues i thjeshtë, por mban shënime dhe bën referime në organet vendimmarrëse. Ka një rol mbi situatën dhe atë që lexojnë ata dhe sesi reagojnë përmes instrumenteve.”  / abcnews.al /

Kryeministri Edi Rama ka bërë të ditur se gjatë festave të fundvitit janë marrë masa për garantimin e gatishmërisë së ekipeve mjekësore në të gjithë vendin. Përmes një postimi në rrjetet sociale, Rama theksoi gjithashtu se po vijon puna për ndërtimin dhe funksionalizimin e Qendrës Rajonale të Urgjencës Mjekësore në Vlorë.

Në mesazhin e tij, kryeministri u uroi qytetarëve një të diel të mbarë.  / abcnews.al /

Kosova mban këtë të diel zgjedhjet e parakohshme parlamentare, pas një viti pa qeveri. Këto janë zgjedhjet e dyta parlamentare në vend këtë vit dhe të katërtat në total, pasi vendi u përball me një krizë kushtetuese për shkak se asnjëra prej partive politike nuk arriti dot shumicën e nevojshme për të qeverisur vendin. Ndërkohë mbi 19 mijë qytetarë të Kosovës në 29 përfaqësi diplomatike në vende të ndryshme të botës votuan të shtunë për zgjedhjet e parakohshme parlamentare. Komisioni Qendror i Zgjedhjeve ka njoftuar se për votimin me postë janë regjistruar mbi 77 mijë qytetarë. Komisioni Qendror i Zgjedhjeve në Kosovë ka zbuluar se për parlamentaret e vitit 2025 të drejtë vote kanë 2 milionë e 76 mijë e 290 qytetarë.

Ora 10:09 – Voton kandidati Bedri Hamza, fton qytetarët të votojnë sipas bindjeve të tyre

Kandidati për kryeministër nga radhët e Partisë Demokratike të Kosovës, Bedri Hamza, hodhi sot votën e tij për zgjedhjet e Kuvendit të Kosovës në Shkollën “Anton Zako Çajupi” në Mitrovicë.

Pas votimit, Hamza u bëri thirrje qytetarëve që të votojnë sipas bindjeve, duke shtuar se do të bëj gjithçka që të ketë formim të institucioneve.

“I ftoj të gjithë qytetarët e Kosovës të votojnë sipas bindjeve, sipas vullnetit të tyre. Jam i bindur që sot do të jetë ditë e mbarë, dhe pres që gjithçka të shkojë mbarë. Deri tash nuk ka informacion se ka ndonjë problem dhe uroj që të mos ketë. Nuk është mirë me ndodh mungesa e energjisë elektrike. Dua të jem pozitiv dhe pres që gjithçka të shkojë mirë. Do ta bëj maksimumin që Kosova të ketë sa më shpejt institucione”, tha Hamza,

—————————————————————————————————————————————————————-

Ora 09:18 – 2.56% e qytetarëve shfrytëzuan të drejtën e votës

Komisioni Qendror i Zgjedhjeve po i përditëson të dhënat lidhur me pjesëmarrjen e qytetarëve në zgjedhjet e jashtëzakonshme. Në përditësimin e fundit, KQZ njofton se kanë votuan 51 mijë e 163 qytetarë.

Shprehur në përqindje deri tash të drejtën e shfrytëzuan 2.56% e qytetarëve.

—————————————————————————————————————————————————————–

Ora 09:06 – Ramush Haradinaj voton në Gllogjan

Kryetari i Aleancës për Ardhmërinë e Kosovës, Ramush Haradinaj, ka hedhur sot votën e tij për zgjedhjet e Kuvendit të Kosovës në shkollën fillore “Heronjtë e Dukagjinit”, në Gllogjan.

Ndërkaq, nga ora 7 e mëngjesit janë hapur vendvotimet në qendrat zgjedhore në komunat e Kosovës.

Komisioni Qendror i Zgjedhjeve ka bërë të ditur se materiali zgjedhor është shpërndarë me kohë dhe janë hapur të gjitha qendrat e votimit, në të cilat tashmë ka nisur procesi i votimit.

——————————————————————————————————————————————————————

Ora 09:06 – Pjesëmarrja në votim 1.75 për qind

34 mijë e 985 qytetarë e kanë shfrytëzuar tashmë të drejtën e votës.

Kështu tregojnë të dhënat e Komisionit Qendror të Zgjedhjeve, të paraqitura deri më tani.

Pjesëmarrja e qytetarëve llogaritet të jetë 1.75 për qind.

——————————————————————————————————————————————————————

Ora 08:06 – KQZ: Procesi i votimit ka nisur në të gjitha qendrat e votimit në Kosovë

Zëdhënësi i Komisionit Qendror të Zgjedhjeve, Valmir Elezi, në konferencën e parë për media për ditën e sotme, njoftoi se procesi i votimit ka nisur në të gjitha qendrat e votimit në Kosovë.

“Materiali zgjedhor është shpërndarë me kohë dhe, sipas informatave që kemi, procesi i votimit ka nisur në të gjitha qendrat e votimit në të gjithë Republikën e Kosovës,” tha Elezi.

Sipas të dhënave të KQZ-së, brenda vendit kanë të drejtë vote 1,999,204 qytetarë, ndërsa jashtë Kosovës mundësi për të votuar kanë 77,086 votues.

Procesi zgjedhor në territorin e Kosovës do të zhvillohet në 948 qendra të votimit, me gjithsej 2,614 vendvotime.

——————————————————————————————————————————————————————

Ora 07:38 – Fluks votuesish në Ferizaj

Gjithçka ka nisur me kohë dhe deri më tani nuk është shënuar asnjë problem në qendrën më të madhe të votimit në Ferizaj.

Në këto momente të para të nisjes së procesit, vërehet një fluks më i madh i zgjedhësve për ta hedhur votuar.

———————————————————————————————————————————————————————-

Ora 07:35 – Gjilanasit nisin procesin e votimit

Qytetarët e Gjilanit i janë drejtuar kutive të votimit qysh nga ora 07:00 e mëngjesit.

Të gjitha procedurat janë ndjekur me kohë, ku janë mbi 100 e 4 mijë qytetarë me të drejtë vote në këtë qytet.

Kosova po voton sot në zgjedhjet e dyta parlamentare për këtë vit.

———————————————————————————————————————————————————————-

 Ora- 07:27 – Suhareka gati për të votuar 

Qyteti i Suharekës është gati për të votuar në zgjedhjet e parakohshme të 28 dhjetorit, të cilat po mbahen sot.

Në qendrën më të madhe të votimit, në shkollën e mesme “Skënder Luarasi”,  mbi 7 mijë e 280 votues kanë të drejtë vote, dhe qyteti ka rreth 8 vendvotime.

———————————————————————————————————————————————————————–

Ora 07:07- Nis votimi në qendrën e votimit në Skenderaj

Një prej qendrave m ëtë mëdha të votimt është gati të mirëpres qytetarët me të drejtë vote. Kjo qëndër do të ketë mbi 6 mijë votues, ku gjatë ditës së djeshme ka arritur materiali josensitiv derisa ai sensitiv ka arritur sot.

Ditën e sotme vendi ynë do të ndikohet nga masa ajrore të thata dhe relativisht të ftohta. Moti parashikohet i kthjellët në të gjithë territorin pothuajse gjatë gjithë ditës, ndërsa vranësirat të pakta kalimtare.

Era do të fryjë me drejtim juglindje-veriperëndim 7m/s, ndërsa përgjatë vijës bregdetare në jug dhe në lugina era pritet të arrijë shpejtësi deri 17m/s

Deti – Valëzimi forcës 2-4 ballë.

Dashi

Mos kërkoni ta bëni gjate gjithë kohës xheloz personin qe keni ne krah sepse situata mund te kthehet ne disfavorin tuaj. Mos kërkoni kot probleme. Beqaret duhet te tregohen te duruar ne mënyrë qe ta gjejnë dashurinë e madhe. Po u nxituan mund te kenë probleme serioze. Ne planin financiar hidheni çdo hap pasi ta keni menduar gjere e gjate ne mënyrë qe situata te mbetet e mire.

Demi

Beqaret do jene te favorizuar sot ne jetën sentimentale. Do realizojnë takime mbresëlënëse dhe do ndihen mjaft mire. Te dashuruarit nga ana tjetër do kenë një dite shume te zakonshme dhe pa ndonjë surprize te madhe. Mos kërkoni gjera te pamundura. Ne planin financiar do jeni te vendosur ta stabilizoni situatën dhe do ja dilni mbanë me sukses.

Binjaket

Do jeni gjate gjithë kohës te shpërqendruar ju sot dhe nuk do dini çfarë te bëni me pare ne jetën sentimentale. Mendohuni me kujdes ne mënyrë qe te mos bëni gabime. Beqaret duhet te tregohen me te hapur ndaj ftesave qe do ju bëhen nëse duan te ndryshojnë status. Financat do përmirësohen tej mase. Do arrini te shlyeni borxhet dhe te kryeni investime.

Gaforrja

Do jeni shume sensuale gjate kësaj dite ju qe jeni ne një lidhje dhe do dashuroheni pa dorashka me atë qe keni ne krah. Gjithçka do shkoje si e kishit ëndërruar. Edhe beqaret do jene me shume fat dhe do e gjejnë me ne fund personin ideal. Ne planin financiar tregohuni me te organizuar nëse nuk doni te keni probleme dhe vështirësi te mëdha.

Luani

Priten ndryshime goxha te mëdha gjate kësaj dite ne jetën tuaj ne çift kështu qe duhet te përgatiteni. Gjithçka do varet nga mënyrë sesi ju jeni sjelle gjithë këto kohe. Beqaret do mund te realizojnë një takim interesant i cili do ua ndryshoje jetën. Financat me ne fund do arrijnë te stabilizohen. Do e keni me te lehte te kryeni shpenzimet e menduara.

Virgjeresha

Nëse jeni ne një lidhje dhe keni ekonomi te përbashkët, sot do përballeni me probleme për shkak te parave. Ndajini mire gjerat njëherë e përgjithmonë. Beqaret do fillojnë te njihen seriozisht me persona te cilët ja vlen t’i kesh pranë. Financat do jene te mira për pjesën me te madhe kështu qe nuk do ketë asnjë problem për te kryer shpenzimet e nevojshme.

Peshorja

Dite shume e vështirë pritet te jete kjo e sotmja për ata qe janë ne një lidhje. Nuk do bini dakord për shume gjera me atë qe keni ne krah dhe ne një moment apo ne një tjetër, situata mund t’iu dale jashtë kontrollit. Beqaret me mire te mos kërkojnë asgjë me ngulm sepse mund te pendohen. Financat do kenë disa përmirësime te vogla.

Akrepi

Nuk do ju rrihet pa e ngacmuar partnerin tuaj ne çdo moment sot dhe here pas here mund te ketë edhe ndonjë debat te vogël. Beqaret do jene te lire te bëjnë atë qe dëshirojnë. Për disa priten edhe ndryshime te statusit. Te ardhurat do jene te mira, kështu qe mund te shpenzoni edhe pak me tepër nga me pare. Mire është qe hua te mos jepni.

Shigjetari

Dite shume pozitive kjo e sotmja për ata qe janë ne një lidhje. Do merreni vesh për gjithçka me partnerin dhe do merrni disa vendime me rëndësi për te ardhmen. Beqaret nuk duhet te kërkojnë dashuri te pamundura sepse do lëndojnë veten me shume. Qe financat te jene me te mira duhet patjetër te kufizoni shpenzimet. Kjo është mënyra e vetme.

Bricjapi

Duhet te tregoheni akoma me tolerante sot me atë qe keni ne krah dhe te pranoni te bashkëpunoni ne çdo moment. Vetëm ne këtë mënyrë lidhja do ece si duhet. Beqaret do ndihen mire me statusin qe kane dhe nuk do kërkojnë asgjë me shume. Ne planin financiar mos u tregoni impulsive qe te mos keni probleme. Shpenzoni aq sa ua mban xhepi.

Ujori

Dite goxha e trazuar kjo e sotmja për ata qe janë ne një lidhje. Do keni mosmarrëveshje te shumta ne lidhje me disa tema delikate. Kujdes edhe me xhelozinë. Beqaret do ndihen mete vetmuar se kurrë me pare sepse as miqtë nuk do kenë kohe për ta. Ne planin financiar duhet sa me shume kujdes edhe pse gjendja do jete përgjithësisht e mire.

Peshqit

Klima ne jetën tuaj ne çift do jete mjaft pasionante gjate kësaj dite. Do dashuroheni si kurrë me pare me personin qe keni ne krah. Edhe beqaret do kenë mundësi te shkëlqyera për ta gjetur princin e tyre te kaltër dhe do fillojnë një histori te bukur dashurie. Financiarisht do përballeni edhe me momente te vështira. Mos e lëshoni veten menjëherë.

Prodhuesi i uiskit të famshëm bourbon Jim Beam ka njoftuar se do të ndalojë prodhimin në distilerinë e tij kryesore në Kentucky për vitin e ardhshëm.

Në një deklaratë për BBC-në, kompania bëri me dije se distileria do të qëndrojë e mbyllur përkohësisht, ndërsa do të shfrytëzohet koha për investime dhe përmirësime në infrastrukturë. “Ne vlerësojmë vazhdimisht nivelet e prodhimit për t’iu përgjigjur sa më mirë kërkesës së konsumatorëve dhe së fundmi kemi diskutuar me stafin planet tona për vitin 2026”, theksohet aty.

Industria e bourbon-it në Kentucky, e njohur botërisht për këtë pije, po përballet me pasiguri, pjesërisht për shkak të politikave tregtare të presidentit amerikan Donald Trump. Marka Jim Beam është në pronësi të gjigantit japonez të pijeve Suntory Global Spirits, i cili punëson mbi 1,000 persona në Kentucky. Kompania theksoi se operacionet e tjera në shtet do të vazhdojnë normalisht, përfshirë një distileri tjetër, fabrikat e mbushjes dhe magazinimit, si edhe qendrën për vizitorë. Ndërkohë, Jim Beam po shqyrton mënyrën se si do të angazhojë fuqinë punëtore gjatë pauzës së prodhimit dhe është në bisedime me sindikatën e punonjësve.

Sipas Kentucky Distillers’ Association, në tetor u raportua se sasia e bourbon-it në magazina kishte arritur një nivel rekord prej mbi 16 milionë fuçish. Këto fuçi, të cilat tatohen nga shteti, u kanë kushtuar prodhuesve rreth 75 milionë dollarë këtë vit. Prodhuesit amerikanë të alkoolit janë goditur gjithashtu nga tarifat hakmarrëse pasi Trump shpalli të ashtuquajturën “Dita e Çlirimit”, kur SHBA vendosi tarifa ndaj shumicës së vendeve të botës.

Shoqata e distilerive theksoi se zgjerimi i industrisë gjatë dekadës së fundit ishte fokusuar te rritja globale dhe bëri thirrje për rikthimin e tregtisë pa tarifa reciproke. Edhe tensionet tregtare mes SHBA-së dhe Kanadasë kanë ndikuar negativisht, pasi shumica e provincave kanadeze bojkotuan pijet alkoolike amerikane më herët gjatë vitit.

/ abcnews.al /

Një incident gjatë festimeve të rezultateve të zgjedhjeve lokale në Indi ka përfunduar me të paktën 18 persona të plagosur pas një zjarri që u shkaktua nga hedhja e pluhurit të curcumës së kombinuar me fishekzjarre dhe flakë.

Ngjarja u regjistrua të dielën rreth orës 15:00 në qytetin e Jejuri, pranë Pune-s në shtetin Maharashtra, ku banorë dhe zyrtarë politikë ishin mbledhur për të festuar fitoren e një partie në zgjedhjet lokale dhe për të bërë rite faljeje te një tempull.

Sipas dëshmive, pluhuri i curcumës (bhandara), përdorur tradicionalisht gjatë riteve festive në këtë zonë, ra në kontakt  me flakën e hapur apo me fishekzjarre, duke shkaktuar një flakëzë të papritur dhe një zjarr të vogël, që përfshiu disa persona afër vendit të ceremonisë.

Shumica e të lënduarve morën djegie të lehta në duar apo pjesë të tjera të trupit dhe u trajtuan menjëherë në spitale, ku shumica u liruan pas kujdesit të parë mjekësor. Autoritetet po hetojnë për të sqaruar nëse ishte pluhuri vetë apo shpërthimet e petardëve, që shkaktuan zjarret.

Festimet me pluhura ngjyrash prej curcumës janë një traditë në shumë zona të Indisë gjatë ngjarjeve politike, religjioze apo kulturore, por autoritetet shpesh paralajmërojnë për rreziqet e përdorimit të tyre pranë flakëve të hapura apo fishekzjarrëve, për shkak të rrezikut të ndriçimit dhe djegieve.

Në këtë rast, festimet e zgjedhjeve lokale u kthyen papritur në situatë të pasigurt, kur elementët e shkëndijave dhe pluhuri i thatë ndërvepruan në mënyrë të rrezikshme.

Eksperti i marrëdhënieve ndërkombëtare, Ledjon Krisafi, ka deklaruar se luftimet në Ukrainë po zhvillohen si një luftë sfilitjeje, ku shkatërrimi i kundërshtarit është qëllimi kryesor dhe territori mbetet pasojë. Ai theksoi se Kupjansk ka qenë një nga qytetet më të luftuara, duke kaluar disa herë nga duart e rusëve te ukrainasit. Sipas Krisafit, beteja për Donetskun pritet të vijojë edhe në vitin 2026, me përplasje të forta në një territor rreth 5 mijë kilometra katrorë. Ai shtoi se rënia e Sivjenskut brenda shtatë ditësh, pas katër vitesh rezistencë ukrainase, tregon dobësi në ushtrinë ukrainase.

“Janë dy qytete që po luftohen. Kupjansk-u ka qenë qyteti më i luftuar; rusët e morën dhe u rimor sërish nga ukrainasit. Lufta vijon në çdo moment, është luftë sfilitjeje të kundërshtarit. Territori është pasojë, sepse qëllimi është shkatërrimi i kundërshtarit. Rusët po mundohen të shkatërrojnë sa më shumë ukrainas.

2026 është lufta për 5 mijë kilometra në Donetsk. Ushtria ukrainase ka luftuar katër vite në Sivjensk dhe u mor për shtatë ditë nga rusët. Kjo tregon dobësi nga ushtria ukrainase. Sivjensku është një lloj porte për të shkuar në dy territoret e papushtuara në Donetsk. Nëse lufta vijon në këtë mënyrë, do të kemi ndryshime në kilometra. Rusia ka marrë rreth 5 mijë kilometra gjatë këtij viti, sa qarku i Gjirokastrës.”  / abcnews.al /

Avokati Idajet Beqiri ka deklaruar se thirrjet e Sali Berishës për protesta kanë dështuar, duke theksuar se pjesëmarrja ka qenë e ulët edhe krahasuar me protestat e mëparshme. Sipas tij, Berisha e ka cilësuar protestën si fitore vetëm sepse numri i militantëve u barazua me atë të policëve.

Beqiri tha se në protestë nuk kanë marrë pjesë mbështetës të vërtetë të Partisë Demokratike, por individë që, sipas tij, nuk përfaqësojnë interesat e Shqipërisë. Ai e cilësoi protestën si të organizuar me pagesa, duke pretenduar se janë shpenzuar rreth 1 milion euro.

“Berisha ka tentuar të bëjë thirrje shqiptarëve që të dalin në protestë dhe e kemi parë edhe në foltore sesa i janë bashkangjitur. Ai sot e konsideroi një fitore të madhe, sepse krahasuar me të gjitha protestat ishte fitore, pasi u barazua numri i militantëve me policët.

Me të vërtetë, atij i janë bashkangjitur ata që nuk janë Partia Demokratike e Shqipërisë, por ata që i bashkangjiten, që nuk janë shqiptarë, ata që bëjnë politikën e serbëve.

Këta njerëz tani po mundohen të mbajnë bandën e tyre kundër Shqipërisë dhe edhe kjo protestë është një protestë ku shumica e tyre janë mercenarë. Nuk mund të vish në pushtet duke paguar militantët; 1 milion euro u hodhën në protestën e sotme dhe ata që u hapet barku për popullin duhet të investonin aty ku ka nevojë. Ishte protesta e seksionit të PD-së në SPAK, ku u dha një material SPAK-ut dhe, për ta mbajtur gjallë, iu dha materiali.”  / abcnews.al /

Policia ka shoqëruar një person pas hedhjes së molotovit në drejtim të kryeministrisë.

Partia Demokratike ka përfunduar protestën kombëtare që u zhvillua në bulevardin përpara Kryeministrisë. Me përfundimin e fjalës së kreut të opozitës, Sali Berisha protestuesit hodhën molotove përpara derës së Kryeministrisë dhe forcave të policisë.

Megjithëse ishte paralajmëruar një protestë madhështore, nuk rezultoi të ishte një e tillë. Pjesëmarrja në nisje dhe përgjatë protestës ishte e ulët.

Në këtë protestë janë vënë në gatishmëri mbi 1300 forca policore Forcat Shqiponja, dhjetëra agjentë civilë si edhe 5 autobotë.

/ abcnews.al /

Është ndarë nga jeta pianisti dhe profesori i mirënjohur Koço Vrame, një prej figurave më të shquara të artit dhe kulturës korçare.
Koço Vrame ishte një emër i njohur dhe i dashur, i cili për më shumë se 50 vite kontribuoi me përkushtim në jetën artistike të qytetit.
Si pianist dhe profesor, ai la gjurmë të pashlyeshme në formimin e brezave të rinj dhe në zhvillimin e Orkestrës Simfonike të Korçës, ku dha një ndihmesë të çmuar me profesionalizëm dhe pasion.
Me interpretimet e tij të ndjera dhe punën e palodhur si profesor, Vrame u bë pjesë e historisë kulturore të qytetit, duke fituar duartrokitjet dhe respektin e artdashësve ndër vite.
Pianisti i shquar vuante prej kohësh nga një sëmundje e rëndë, kanceri në mëlçi.

Analisti Frrok Çupi ka deklaruar se në Partinë Demokratike linçohesh nëse shfaq ide apo iniciativa ndryshe nga ajo e kryetarit. Sipas tij, figura që kanë menduar ndryshe në këtë parti, si Azem Hajdari dhe Gramoz Pashko, janë sulmuar dhe përjashtuar nga forumet vendimmarrëse.

Çupi e ka cilësuar deklaratën e Salianjit në protestën e PD si retorikë komuniste dhe formulë bolshevike, e cila është jashtë kohe dhe konteksti politik aktual.

“Mund të kesh një ide ose iniciativë, por aty linçohesh po të jesh ndryshe nga doktori. Si kundër kishte marrë vajzën dhe dhëndrin, duke u treguar njerëzve të tjerë: ja ku është e ardhmja e PD-së. Ai tenton të bëjë argument dhe tenton t’u thotë demokratëve që jam me ju.

Është linçuar Hajdari, Gramoz Pashko, secili në PD që ka pasur ndryshe atë parti. Është retorikë komuniste, unë rri në këtë parti se është partia ime. Është një formulë bolshevike, është e shëmtuar sepse është jashtë kohës dhe kontekstit. Atë realisht e kanë përjashtuar sepse nuk bën pjesë në forume. Prej tyre nuk ke kurrë aksion apo ndryshim. Diçka bëri dhe nervin e Berishës e ngriti në qiell dhe e detyroi SPAK-un të jetë në krahët e të bijës.”  / abcnews.al /

Idërguari special i Donald Trump për luftën në Ukrainë, thotë se delegacionet amerikane dhe ukrainase kanë përshëndetur bisedimet “produktive dhe konstruktive” të mbajtura në Miami, në prani të aleatëve evropianë, me synimin për t’i dhënë fund luftës në Ukrainë. “Gjatë tre ditëve të fundit në Florida, delegacioni ukrainas ka zhvilluar një sërë takimesh produktive dhe konstruktive me partnerët e tij amerikanë dhe evropianë”, thuhet në deklaratë. Deklarata u shpërnda në rrjetin social X nga Steve Witkoff, i dërguari special i Donald Trump, dhe Rustem Umerov, kryenegociatori i Kievit.

Zelensky ndërkohë e quajti konstruktiv dialogun me SHBA dhe tha se ekipi I tij po punon internsivisht. Po shqyrtohet çdo pikë në detaje dhe ka një dialog konstruktiv me palën amerikane. Kjo është e rëndësishme”, shkroi në X presidenti ukrainas Volodymyr Zelensky.

Sa i takon Rusisë, ajo mbetet plotësisht e angazhuar për arritjen e paqes në Ukrainë”, deklaroi i dërguari special i Donald Trump, Witkoff. Sipas tij “Rusia i vlerëson shumë përpjekjet dhe mbështetjen e Shteteve të Bashkuara për zgjidhjen e konfliktit ukrainas dhe rivendosjen e sigurisë globale”.

Por përkundër këtyre pohimeve raportet e shërbimeve amerikane të inteligjencës vazhdojnë të këmbëngulin se presidenti rus Vladimir Putin nuk ka hequr aspak dorë nga ideja për të pushtuar të gjithë Ukrainën dhe për të pretenduar territore evropiane që në të kaluarën i përkisnin Bashkimit Sovjetik, përfshirë edhe vende që sot janë anëtare të NATO-s.

Këtë e raportoi agjencia e lajmeve Reuters, e cila ka folur me “gjashtë burime” të njohura me çështjen, të cilat ofrojnë një pasqyrë të situatës thellësisht të ndryshme nga ajo e paraqitur nga presidenti amerikan Donald Trump dhe nga negociatorët e tij të besuar me rusët

Këtë fundjavë, rusët refuzuan që negociatat të ecin një shkallë më tej, duke hedhur poshtë mundësinë e një takimi trepalësh me shba dhe ukrainën. Bisedimet e ardhshme mbeten ende për tu konfirmuar, pasi deri më tani nuk ka ende një axhendë të përcaktuar për takimin e radhës, por një indicie e dha shefi I delegacionit rus kirill Dmitriev i cili postoi pas bisedimeve një foto të tijën me me mbishkrimin herën tjetër në Moskë. / abcnews.al /

Pas foltoreve traditë e ‘të hënës demokrate’, selia blu paralajmëroi protestën e sotme përpara kryeministrisë.

Nga pamjet e siguruara me dronë nga ABC News, shihet se në orarin zyrtar të nisjes së protestës ka një numër të pakët të qytetarëve të pranishëm.

Mesa duket, protestat në dukje madhështore të demokratëve vijojnë të jenë të zbrazëta në realitet ku qytetarët dukshëm i kanë braktisur organizimet e PD.

Në këtë protestë janë vënë në gatishmëri mbi 1300 forca policore Forcat Shqiponja, dhjetëra agjentë civilë si edhe 5 autobotë.

Opozita ka bërë thirrje që qytetarët të bashkohen në protestën kombëtare për të rrëzuar regjimin.