Rusia ka njoftuar se u ka dorëzuar Shteteve të Bashkuara të dhënat e fluturimit të një droni, për të cilin thotë se ishte drejtuar drejt rezidencës së presidentit Vladimir Putin. Sipas Ministrisë ruse të Mbrojtjes, këto të dhëna janë marrë nga pajisjet e navigimit të dronit dhe janë analizuar nga shërbimet sekrete ruse.

Igor Kostyukov, një nga drejtuesit më të lartë ushtarakë rusë, deklaroi se analizimi i memories së dronit tregon qartë se objektivi i sulmit ishte kompleksi presidencial ku qëndron Putin. Ai tha se dorëzimi i këtyre informacioneve tek SHBA-të synon të provojë pretendimet e Rusisë dhe të sqarojë situatën ndërkombëtare.

Ndërkohë, inteligjenca e Ukrainës ka dalë me një paralajmërim serioz. Sipas saj, Kremlini po përgatit një provokacion të madh, me viktima të shumta, për të prishur bisedimet e paqes që po ndërmjetësohen nga Shtetet e Bashkuara. Shërbimet sekrete ukrainase thonë se pas akuzave për sulm ndaj rezidencës së Putinit, Rusia po përhap informacione të rreme për të përgatitur opinionin publik për një përshkallëzim të ri të luftës. Sipas tyre, ngjarja e planifikuar mund të ndodhë rreth datës 7 janar.

Sipas këtyre burimeve, vendi i mundshëm i provokacionit mund të jetë një objekt fetar ose një ndërtesë me rëndësi të madhe simbolike, si në Rusi ashtu edhe në zonat e pushtuara të Ukrainës. Për të fajësuar Ukrainën, Rusia, sipas inteligjencës së Kievit, mund të përdorë mbetje dronësh të prodhimit perëndimor, të cilat do të hidheshin në vendin e ngjarjes për të krijuar prova të rreme.

“Përdorimi i frikës dhe kryerja e sulmeve me viktima civile, duke ia faturuar fajin palës tjetër, është një metodë e njohur e shërbimeve sekrete ruse”, thuhet në deklaratën e inteligjencës ukrainase.

Lufta mes Rusisë dhe Ukrainës vazhdon që prej vitit 2022 dhe tensionet mbeten shumë të larta. Akuzat për sulme me dronë, provokacione dhe manipulim informacioni janë shtuar kohët e fundit, ndërsa komuniteti ndërkombëtar po përpiqet të rikthejë palët në tryezën e bisedimeve për paqe. Frika për një përshkallëzim të ri të konfliktit mbetet e madhe.

Superstrada Milot–Lezhë po përballet me fluks të lartë automjetesh në ditën e dytë të Vitit të Ri, duke shkaktuar trafik të rënduar. Më problematike paraqitet situata në degëzimin e Fushë-Milotit si edhe në hyrje të qytetit të Lezhës, ku qarkullimi i mjeteve është i ngadalësuar dhe në disa momente ka pasur ndalesa të gjata.

Në rëndimin e trafikut ka ndikuar ndjeshëm edhe moti i paqëndrueshëm me reshje shiu, i cili ka përfshirë zonën e Lezhës gjatë gjithë ditës së sotme, duke vështirësuar kushtet e lëvizjes dhe duke rritur rrezikun për aksidente rrugore. Fluksi i automjeteve lidhet kryesisht me kthimin e qytetarëve pas festave të fundvitit, si dhe me lëvizjet drejt zonave malore dhe Malit të Zi.

Për menaxhimin e situatës, Policia Rrugore ka shtuar praninë në terren, duke u vendosur në disa pika përgjatë superstradës Milot–Lezhë. Efektivët po punojnë për orientimin e qarkullimit, disiplinimin e trafikut dhe lehtësimin sadopak të lëvizjes së mjeteve, ndërkohë që u bëjnë apel drejtuesve të automjeteve të respektojnë rregullat e qarkullimit rrugor, të ulin shpejtësinë dhe të tregojnë kujdes të shtuar për shkak të kushteve atmosferike.

Ambasada zvicerane në Tiranë ka reaguar për tragjedinë e rëndë ku 40 persona humbën jetën dhe mbi 100 të tjerë mbetën të plagosur si pasojë e zjarrit që përfshiu një bar në Crans Montana, Zvicër natën e ndërrimit të viteve.

Ambasada ka shprehur ngushëllimet për ngjarjen e rëndë, ndërsa e konsideron atë si një prej tragjedive më të këqija që ka përjetuar vendi.

“Në këtë fillim të Vitit të Ri, ndalemi për të kujtuar 40 të rinjtë që humbën jetën në një zjarr shkatërrues gjatë festimeve në Crans Montana, Zvicër.

Siç deklaroi Presidenti i Zvicrës, kjo është “një nga tragjeditë më të këqija që ka përjetuar vendi ynë”.

U shprehim ngushëllimet tona më të thella familjeve të tyre dhe urime të përzemërta për shërim dhe rikuperim të plagosurve.

Falënderime të sinqerta të gjithë atyre që kanë shprehur ngushëllimet dhe solidaritetin e tyre”, thuhet në reagim.

Fermerët grekë kanë rinisur sërish protesta në fillim të këtij viti. Policia Kufitare në Kakavijë është njoftuar nga Policia Kufitare Greke se nesër më datë 03.01.2026, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

Kryetari i Bashkisë së Lezhës, Pjerin Ndreu, ka reaguar pas aksidentit të ndodhur mëngjesin e kësaj të premteje në Lezhë ku humbën jetën polici Petrit Florini dhe bashkëshortja e tij, Elona Florini.

Përmes një postimi në Facebook, Ndreu shpreh ngushëllime duke e cilësuar ngjarjen si një goditje të rëndë për të gjithë familjen.

‘Petrit Florini, djali i tezes time me bashkëshorten Elona Florini, sot humbën jetën tragjikisht në një aksident në Lezhë! Një ngjarje tronditëse për të gjithë ne! U prehshi në paqe Petrit dhe Elona‘, shkruan Ndreu.

Nje ngjarje e rëndë tronditi mesditën e sotme Orikumin, ku një grua 40-vjeçare është gjetur pa shenja jete në banesën e saj, me shenja dhune.

Sipas burimeve, çifti kishte pasur probleme të vazhdueshme në marrëdhënien e tyre dhe më herët kishin qenë drejt divorcit. Dyshohet se bashkëshortja ka qenë edhe më parë subjekt i dhunës në familje. Ndërsa mësohet se ata janë prindër të dy djemve të rritur.

Policia njofton se rreth orës 13:30 është marrë njoftim nga urgjenca mjekësore për rastin, ndërsa nga veprimet e para hetimore dyshohet se viktima, Sose Xhebroj është vrarë nga bashkëshorti i saj, Llogora Xhebroj, 50 vjeç.

Gjatë kontrolleve të ushtruara në zonën përreth banesës, shërbimet e Policisë kanë gjetur në ambientin e garazhit trupin e pajetë të bashkëshortit, i cili dyshohet se është vetëvrarë me armë zjarri pas ngjarjes. Arma e përdorur, një pistoletë, është sekuestruar në cilësinë e provës materiale.

Grupi hetimor, nën drejtimin e Prokurorisë, vijon punën për dokumentimin e plotë të rrethanave dhe motiveve të kësaj ngjarjeje të rëndë.

Orikum/Informacion paraprak

Sot, rreth orës 13:30, është marrë njoftim nga urgjenca mjekësore se një shtetase, në Orikum, është gjetur pa shenja jete dhe me shenja dhune në banesë. Nga veprimet e para hetimore dyshohet se shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç.

Pas kontrolleve të ushtruara nga shërbimet e Policisë në zonën përreth kësaj banese, në garazh është gjetur dyshohet i vetëvrarë me armë zjarri autori i kësaj ngjarjeje, shtetasi Ll. Xh.

Arma pistoletë e gjetur në vendngjarje u sekuestrua në cilësinë e provës materiale.

Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje.

“Tre minilidhjet” festuan 25-vjetorin e tyre të premten, duke arritur një moment historik me shifra rekord udhëtimesh, që nxjerrin në pah lidhjet e thella midis dy anëve të Ngushticës së Tajvanit.

Shërbimet e drejtpërdrejta të udhëtarëve të vendosura sipas këtyre tre lidhjeve, përkatësisht tregtia në shkallë të vogël, transporti detar dhe shërbimi postar midis provincës Fujian në Kinën kontinentale dhe Kinmen e Matsu, ishuj të administruar nga Tajvani, u vunë në funksionim zyrtarisht më 2 janar 2001.

Në vitin 2025 u regjistruan mbi 1.43 milion udhëtime hyrëse dhe dalëse nga banorët e Tajvanit, duke tejkaluar të gjitha vëllimet e mëparshme vjetore në historinë 25-vjeçare të këtyre lidhjeve, sipas të dhënave të publikuara nga Stacioni i Përgjithshëm i Kontrollit Kufitar të Hyrje-Daljeve në Xiamen të mërkurën.

Gjatë pushimeve treditore të Vitit të Ri 2026 që filluan të enjten, në këto lidhje do të bëhen mbi 20 000 udhëtime individuale, tha stacioni.

Lidhjet shërbejnë si një urë zemrash e jetese, duke lehtësuar jo vetëm ribashkimin familjar dhe shkëmbimet kulturore, por edhe duke zgjeruar mundësitë e biznesit në të dy brigjet e Ngushticës.

Paga e plotë e presidentes së Bankës Qendrore Evropiane, Christine Lagarde, është 50 për qind më e lartë se paga e saj e deklaruar. Kështu bëjnë me dije burime ekskluzive për prestigjiozen analize të Financial Times.

Kreu i autoritetit monetar të Evropës fitoi gjithsej rreth 726,000 euro në vitin 2024, sipas llogaritjeve të FT, rreth 56 për qind më e lartë se paga “bazë” prej 466,000 eurosh e zbuluar nga BQE në raportin e saj vjetor.

Kjo do të thotë që znj. Lagarde fiton gati katër herë më shumë se kryetari i Rezervës Federale të SHBA-së, Jay Poëell, paga e të cilit përcaktohet nga ligji federal i SHBA-së dhe aktualisht është e kufizuar në 203,000 dollarë (172,720 euro).

Ndërsa paga e plotë e znj. Lagarde është modeste krahasuar me drejtuesit ekzekutivë të kompanive të mëdha të BE-së, analiza ekspozon se sa i kufizuar mbetet zbulimi i pagave në BQE. Banka qendrore nuk i nënshtrohet të njëjtave rregullave të rrepta si kompanitë e listuara në bllok, të cilat diktojnë se ato duhet të japin një “pamje të plotë dhe të besueshme të shpërblimit” të secilit prej drejtorëve të tyre.

Fabio De Masi, eurodeputet dhe kryetar i partisë së majtë populiste gjermane BSË, tha se ishte “skandaloze” që drejtori ekzekutiv i Deutsche Bank, Christian Seëing, “i ofron publikut informacion më të detajuar në lidhje me pagën e tij sesa Madame Lagarde”. Seëing fitoi 9.8 milionë euro në vitin 2024.

De Masi i kërkoi BQE-së të miratojë një standard të ngjashëm me ligjet evropiane të deklarimit të pagave për kompanitë e listuara në bursë. “Presidenti i BQE-së dhe zyrtari më i paguar i BE-së duhet të përfaqësojë standardin e artë të llogaridhënies”, tha ai. Vetëm paga bazë e znj. Lagarde e bën atë zyrtaren më të paguar në BE. Paga bazë vjetore e presidentes së Komisionit Evropian, Ursula von der Leyen, është 21 përqind më e ulët.

Përveç pagës së saj bazë, znj. Lagarde merr rreth 135,000 euro përfitime shtesë për strehim dhe çështje të tjera, sipas analizës së FT. Raporti vjetor i BQE-së nuk ofron deklarim individual të përfitimeve shtesë të anëtarëve të bordit ekzekutiv.

Znj. Lagarde gjithashtu fiton rreth 125,000 euro për pozicionin e saj si një nga 18 anëtarët e bordit të drejtorëve të Bankës për Zgjidhje Ndërkombëtare – e njohur si “banka për bankat qendrore”. Raporti vjetor i BQE-së nuk i referohet pagës së Lagarde në BIS. Vetë BIS zbulon vetëm pagat totale për të gjithë anëtarët e bordit të saj.

Një aksident i rëndë rrugor është regjistruar këtë të martë në zonën e Kapeles, në qendër të Vlorës. Një automjet ka aksidentuar një kalimtar te vijat e bardha, duke e lënë atë në gjendje të rëndë shëndetësore.

A2 CNN raporton se drejtuesi i automjetit është një 22-vjeçar ndërsa i  plagosur ka mbetur një 90-vjeçari.

Menjëherë pas ngjarjes, kalimtarët e pranishëm kanë ndërhyrë duke i dhënë ndihmën e parë të plagosurit, ndërsa është njoftuar urgjentisht ambulanca, e cila ka mbërritur në vendngjarje dhe ka transportuar të dëmtuarin drejt spitalit për ndihmë mjekësore.

Në vendin e aksidentit ka mbërritur edhe Policia, e cila po kryen veprimet procedurale dhe po heton shkaqet e ngjarjes. Qarkullimi në zonë ka qenë përkohësisht i vështirësuar.

Drejtori i Përgjithshëm i Policisë së Shtetit Ilir Proda ka reaguar pas zbardhjes së vrasjes së 67 vjeçarit Hysni Ymeri më 29 dhjetor në lagjen “Manush Alimani” në Shkodër. Proda ka përgëzuar strukturat hetimore të policisë Shkodër për zbardhjen e ngjarjes dhe për bashkëpunimin dhe koordinimin mjaft efikas me Prokurorinë e Shkodrës.

Ai theksoi se zbardhja e kësaj ngjarje dekurajon veprimtarinë kriminale dhe forcon më tej besimin e qytetarëve te Policia e Shtetit.

“Falënderoj dhe përgëzoj publikisht Drejtorinë Vendore të Policisë Shkodër, strukturat hetimore dhe të gjitha forcat e angazhuara, si dhe Prokurorinë, për bashkëpunimin e ngushtë dhe profesional që çoi në zbardhjen e një ngjarjeje të rëndë kriminale, të kryer me përdorimin e lëndës eksplozive të komanduar në distancë.

Ky është një nga rastet ku pasqyrohet puna serioze dhe profesionale, e koordinuar dhe këmbëngulëse e Policisë së Shtetit, në bashkëpunim të plotë me organin e akuzës.

Këto rezultate dekurajojnë veprimtarinë kriminale dhe forcojnë më tej besimin e qytetarëve te Policia e Shtetit, e cila do të vijojë të jetë e vendosur në misionin e saj për garantimin e rendit, sigurisë, jetës, dhe pronës së qytetarëve.”, deklaroi Proda.

Katër persona u arrestuan nga policia pasi dyshohet se janë paguar për të vendosur lëndën eksplozive (e dyshuar me telekomandim në distancë), dhe kanë shpërthyer panelin elektrik të pallatit ku banonte 67-vjeçari.

Për të pestën ditë radhazi, protesta masive kanë shpërthyer në Iran kundër regjimit autoritar, mes një krize të thellë ekonomike që po godet vendin. Turma njerëzish kanë dalë në rrugë në disa qytete, ndërsa dëshmitarë raportojnë prani të shtuar të forcave të sigurisë. Shteti është përpjekur të shtypë demonstratat, veçanërisht në zonat rurale, ku përleshjet kanë qenë më të ashpra.

Deri tani raportohet për të paktën shtatë viktima gjatë protestave. Protesta dhe përleshje janë shënuar edhe në provincat Fars, Kermanshah dhe Chahar Mahal, ku qytetarët u përballën me njësi paraushtarake dhe mjete të blinduara. Demonstratat nisën pas rënies së fortë të monedhës, fillimisht nga tregtarët në Teheran dhe më pas u përhapën në të gjithë vendin, të mbështetura edhe nga studentët. Ndërkohë, presidenti amerikan Donald Trump tha se Shtetet e Bashkuara do të ndërhyjnë nëse Irani qëllon dhe vret protestuesit që demonstrojnë kundër përkeqësimit të kushteve ekonomike në vend.

“Nëse Irani qëllon dhe vret me dhunë protestuesit paqësorë, gjë që është zakon i tyre, Shtetet e Bashkuara të Amerikës do t’i ndihmojnë. Jemi të armatosur dhe gati për të filluar. Faleminderit për vëmendjen tuaj ndaj kësaj çështjeje! President DONALD J.TRUMP”, tha ai.

Viti 2025 shënoi përparimin më të madh të Shqipërisë në rrugën e anëtarësimit drejt BE-së duke ecur me një ritëm të shpejtë se më parë në procesin e negociatave të anëtarësimit, me hapjen e të gjashtë grup kapitujve të negociatave në pak më shumë se një vit.

Në muajin prill u mbajt konferenca e katërt ndërqeveritare.

“Sot sigurisht është një ditë shumë e mirë për ne, sepse kemi një tjetër konferencë dhe çelim kapituj të tjerë. Jemi tej mase të përkushtuar për të përmbushur të gjitha detyrat e kalendarit që është shumë ambicioz për të mbyllur të gjitha negociatat brenda vitit 2027”, u shpreh Rama.

“Është vërtet inkurajuese të shikosh progresin që ka bërë Shqipëria në këtë rrugëtim. Sot ne po çelim një tjetër grup kapitull dhe ambicia jonë është që të hapim edhe grup kapituj të tjerë që janë për t’u negociuar gjatë këtij viti sepse kemi një kalendar të qartë dhe unë mendoj se do ta realizojmë sepse kjo është diçka e rëndësishme për Shqipërinë. Por, mendoj se kjo është një shenjë e mirë edhe për rajonin sepse mënyra më e mirë për mirëqënie, paqe dhe stabilitet në Ballkanin Perëndimor është me BE dhe integrimi në të”, tha Antonio Costa.

Në maj u mbajt konferenca e pestë.

“Jam shumë krenar sepse ky është një nga ato gurë themele që mund t’i mbulojë llumi i kënetës së politikës së përditshme, por historia i kujton dhe i mban parasysh si momente të shtet-bërjes. Patjetër që nuk jam i kënaqur, jam shumë krenar, ne do vazhdojmë ta mbështesim fuqimisht këtë proces të barazisë para ligjit dhe aleanca me BE është një garanci absolute për këtë”, tha Rama.

“Unë e kuptoj se qytetarët shqiptarë e kanë dhënë mbështetjen e tyre për anëtarësimin e vendit në BE. Për këtë duhen reforma të vështira që kërkojnë mbështetjen e të gjithëve në shoqëri. Duhen jo thjesht reforma, por edhe zbatimi i tyre në praktikë, gjë që kërkon mbështetje të plotë edhe të partive politike”, u shpreh Kaja Kallas.

Në muajin shtator të këtij viti u mbajt konferenca e gjashtë ndërqeveritare Shqipëri-BE.

“Shpejtësia e Shqipërisë me reformat është mbresëlënëse. Ky është rezultat i punës së autoriteteve shqiptare që kanë çuar para reforma”, u shpreh Marta Kos.

Në progres-raportin e këtij viti, Komisioni i drejtuar nga Ursula Von Der Leyen e konsideroi qëllimin e qeverisë shqiptare për të përfunduar negociatat në vitin 2027 dhe anëtarësimin e plotë në Bashkimin Evropian në vitin 2030 si një objektiv ambicioz, nëse ky shtet ballkanik e ruan vrullin e reformave.

“Shqipëria është në rrugën e duhur drejt BE. Ju keni bërë rrugë të gjatë, progres, por unë dua të theksoj se është një progres i mrekullueshëm, shpejtësi rekord dhe përshpejtimi i vërtetë në tre vitet e fundit. Qëllimi është mbyllja e negociatave brenda 2027. Na pëlqen ambicia dhe ne jemi të gatshëm me ju në çdo hap”, u shpreh Von Der Leyen.

“Unë, jo e besoj, por e kam bindje absolute që është në dorën tonë që ne të arrijmë objektivin e 2027-ës sepse kam bindjen absolute që Presidentja nuk lëviz nga pozicioni i saj, që nuk është pozicioni i sotëm, por është pozicioni i ditës 1 që kur është zgjedhur herën e parë dhe në twitt-in e parë që ka bërë si Presidente e Komisionit e sapozgjedhur, ka shkruar ‘Ky është një komision gjeopolitik’”, tha Rama.

Më 16 maj të këtij viti, Tirana u bë mikpritëse e mbledhjes së komunitetit politik evropian, një shtysë kjo drejt integrimit të plotë në familjen evropiane të shteteve kandidate.

“Me rëndësi të veçantë që ne kemi për herë të parë këtë samit të komunitetit politik evropian këtu në Tiranë, për të dëshmuar se zgjerimi është një proces win-win, si për shtetet ballkanike, edhe për ato anëtare të BE-së”, u shpreh Roberta Metsola.

“Shqipëria 2030 në BE” ishte slogani i partisë së Ramës në zgjedhjet parlamentare të 11 majit, të cilat ai i fitoi bindshëm. Pas konfirmimit të Qeverisë së re më 18 shtator në Kuvend, Rama deklaroi se ky slogan do të mbetet kryefjala e mandatit të tij të katërt radhazi.

“Unë nuk jam këtu sot për të kryer një formalitet votëbesimi të qeverisë së re, me mbështetjen aritmetike të një shumice të pazakonshme në sallë, e dua t’i them pikërisht shumicës se jo një mandat po vite të tëra politike nuk mund të mjaftojnë për të shpërblyer besimin e jashtëzakonshëm që shqiptarët na dhanë këtë herë”, tha Rama.

Jo vetëm meritat në reforma, por vullneti politik i shteteve anëtare, si dhe situata gjeostrategjike, kanë ndihmuar që Shqipëria të përparojë drejt BE-së.

Reforma në drejtësi, me vetingun e gjyqtarëve dhe prokurorëve, si dhe disa goditje ndaj korrupsionit në nivel të lartë, kanë ripërcaktuar pozicionin ndërkombëtar të Shqipërisë.

Kjo reformë, me ngritjen e SPAK-ut, BKH-së dhe GJKKO-së, ka sjellë si risi rënien e kulturës së mosndëshkimit në nivele të larta, me arrestimin e ish-presidentit Meta, ish-kryebashkiakut Veliaj, mbajtjen në disa muaj arrest shtëpie të ish-presidentit Berisha.

Në momentin kur SPAK-u do të ketë pengesa politike në punën e tij, do të ndalet edhe progresi i Shqipërisë drejt BE-së.

Shqipëria nuk përballet me çështje të mëdha rajonale ose fqinjësore të llojit që kanë penguar kandidatët e tjerë të Ballkanit Perëndimor.

Besohet se përparimi i Shqipërisë drejt BE-së është premtues, por i brishtë, pasi qëndrueshmëria e saj do të varet nga reformat e sinqerta, uniteti politik dhe menaxhimi i kujdesshëm i marrëdhënieve dypalëshe.

“Është mirë që disa ligje në Parlament janë miratuar edhe nga opozita në bashkëpunim me qeverinë. Mendoj se kjo është ajo që Evropa dëshiron të shohë, konsensusin politik. Të gjithë duhet të jenë në një linjë në përmbushjen e reformave të integrimit, pavarësisht nëse janë socialistë apo demokratë, apo nga partitë e tjera, në mënyrë që vendi të anëtarësohet sa më shpejt në BE. Evropa nuk është e interesuar për thashetheme, por jemi të interesuar për diskutime konkrete konstruktive mes qeverisë dhe opozitës”, u shpreh Andreas Schieder, raporter për Shqipërinë në PE.

“Unë e di që ekziston një projekt për ta rishikuar ligjin zgjedhor me komisionin që është ngritur me votë unanime të Parlamentit dhe që duhet të shkojë në drejtimin e duhur, të zbatimit të rekomandimeve që vijnë nga OSBE-ODIHR dhe nga BE”, u shpreh Marco Tarquinio, kryetar i komitetit Shqipëri-PE.

“Opozita nuk ka qenë ndonjëherë kundërshtuese e procesit të integrimit. Çdo gjë që kemi pasur në dorë, në Parlament e kemi kaluar. Nëse ka një përgjegjës për ngecjen e këtij procesi, por edhe për mungesën e një debati publik, kjo është mazhoranca”, u shpreh Jorida Tabaku.

“Sigurisht që integrimi, kryesorja është objektivi strategjik i Shqipërisë dhe patjetër që dialogu mes pozitës dhe opozitës është thelbësor jo vetëm për të bindur partnerët tanë evropianë por edhe për veten tonë, për të arritur reformat”, u shpreh Romina Kuko.

Në muajt e parë të vitit 2026, Shqipëria kërkon që të sigurojë një Raport pozitiv Vlerësimi të Përkohshëm të Standardeve (IBAR) mbi kapitujt kryesorë themelorë – 23 (Gjyqësori dhe të Drejtat Themelore) dhe 24 (Drejtësia, Liria dhe Siguria).

Ky hap do të hapte rrugën për mbylljen e kapitujve të parë të negociatave. Ky do të jetë gjithashtu testi i parë i aftësisë së qeverisë Rama për të përmbushur standarde të shumta dhe për të filluar zbatimin e reformave sektoriale.

Dy shqiptarë në Britaninë e Madhe janë arrestuar pas përplasjes me makinë të një këmbësor rreth të 80-ave që humbi jetën pas ngjarjes.

Ngjarja ndodhi në autostradën A289 Gads Hill në Gillingham, Kent, pak pas orës 12:00 të hënën. Pensionisti u gjet i shtrirë në tokë në Grange Road dhe u shpall i vdekur në vendngjarje.

Albert Matraxhiu, 28 vjeç, nga Edgware në veri të Londrës, akuzohet për vrasje, ndërsa Erald Paci, 29 vjeç, nga Chatham në Kent, akuzohet për prishje të provave. Të dy, të cilët janë shtetas shqiptarë, do të paraqiten në gjykatë të premten.

Policia e Kentit kishte nisur kërkimin e tyre pas publikimit të imazheve nga kamerat e sigurisë, që tregonin dy persona duke u larguar nga vendi i ngjarjes.

I gjithë territori i Qarkut Kukës është përfshirë nga reshje shiu me intensitet të ulët në zonat e ulëta, ndërsa në zonat malore mbi 700 metra mbi nivelin e detit janë shënuar reshje bore. Rënia e borës ka sjellë edhe ulje të ndjeshme të temperaturave, veçanërisht në zonat e larta malore.

Autoritetet raportojnë se situata paraqitet nën kontroll dhe po monitorohet në mënyrë të vazhdueshme. Nga bashkitë Kukës, Has dhe Tropojë nuk ka raportime për problematika apo situata emergjente.

Sa i përket furnizimit me energji elektrike, i gjithë Qarku Kukës furnizohet normalisht, me përjashtim të Njësive Administrative Margegaj dhe Lekbibaj, si dhe fshatit Berishë në Njësinë Administrative Bytyç, Bashkia Tropojë. Drejtuesit e mjeteve këshillohen të lëvizin me kujdes të shtuar, veçanërisht gjatë natës dhe në orët e para të mëngjesit, për shkak të temperaturave të ulëta që po mbizotërojnë në verilindje të vendit.

Lura është një pikat turistike më të bukura në vend, por që prej kohësh ishte lënë në harresë, për shkak të mungesës së infrastrukturës së nevojshme.

Kryeministri Edi Rama ka publikuar sot në 2 janar 2025, pamje në rrjetet sociale, ku shihet se po bëhen punime për në rrugën turistike, që të dërgon në Lurë. Rama shprehet se Lura magjike do të jetë së shpejti e arritshme, pasi po bëhet rruga turistike, që të dërgon në këtë destinacion.

Kreu i qeverisë thotë se është hedhur shtresa e parë e asfaltit në segmentin Peshkopi-Lurë dhe se po vazhdon puna mbi segmentin Lurë-Rrëshen.

“Së shpejti edhe Lura magjike do të jetë e arritshme përmes rrugës së re turistike, ku është hedhur shtresa e parë e asfaltit mbi segmentin Peshkopi – Lurë dhe po vazhdon puna mbi segmentin Lurë- Rrëshen”, shkruan Rama.

Tragjedia në një bar të një resorti luksoz në Alpet e Zvicrës ka prekur vendin, por jo vetëm. Viktimat janë të moshave të reja, madje disa edhe adoleshentë, duke e bërë situatën tepër dramatike.

Në mesin e të plagosurve është edhe futbollisti francez i Metz, 19-vjeçari Tahirys Dos Santos. Ai është transportuar me helikopter në një spital në Gjermani për trajtim mjekësor, pas djegieve të rënda që pësoi gjatë zjarrit në bar.

Klubi i tij, FC Metz, i cili ndodhet në veri-lindje të Francës, konfirmoi se Dos Santos u plagos rëndë dhe është duke marrë kujdes të specializuar në spital. Sipas klubit, situata e tij është kritike, por nuk dihet nëse rrezikon jetën, ndërsa klubi premton të ofrojë përditësime për gjendjen e tij, nëse do të ketë ndryshime të rëndësishme.

Ngjarja ka tronditur komunitetin sportiv francez dhe fansat e klubit, ndërsa autoritetet po hetojnë shkaqet e zjarrit dhe sigurinë në lokal.

FC Metz ka shprehur mbështetjen e plotë për familjen dhe futbollistin, duke e cilësuar këtë incident si një tragjedi që prek të gjithë klubin.

Nga zjarri në një bar në Alpet e Zvicrës, 47 persona kanë vdekur dhe mbi 100 të tjerë janë plagosur. Shumica e viktimave janë në moshë të re.7

Si pasojë e reshjeve të shiut të shoqëruara me ngrica, në Rrugën e Kombit janë krijuar vështirësi në qarkullimin e automjeteve. Për shkak të kushteve të pafavorshme atmosferike, janë regjistruar tre aksidente rrugore, ku janë përfshirë rreth 15 automjete, mes tyre një mikrobus dhe një autoambulancë e koncesionarit.

Si pasojë e aksidenteve, janë dëmtuar gjashtë persona, të cilët kanë marrë ndihmën e nevojshme mjekësore në spitalin e Rrëshenit dhe ndodhen jashtë rrezikut për jetën.

Ndërkohë, në terren kanë ndërhyrë shërbimet e Policisë Rrugore dhe punonjësit e kompanisë së mirëmbajtjes, të cilët po hedhin kripë në segmentet problematike për të normalizuar qarkullimin. Autoritetet u bëjnë thirrje drejtuesve të mjeteve të lëvizin me kujdes, të respektojnë sinjalistikën rrugore dhe të përshtatin shpejtësinë me kushtet e motit.

Edhe pse ndodhemi në stinën e dimrit, kur reshjet e shiut dhe borës pritet të jenë të pranishme, prej disa javësh ato mungojnë pothuajse tërësisht në qarkun e Kukësit. Kjo situatë ka ndikuar drejtpërdrejt në uljen e nivelit të liqenit të Fierzës, i cili shërben si bazeni më i madh ujëmbledhës në vend.

Pavarësisht se temperaturat gjatë kësaj periudhe kanë qenë të ulëta, në disa raste edhe nën zero gradë Celsius, reshjet kanë qenë minimale ose të papërfillshme. Si pasojë, niveli i liqenit ka shënuar rënie të ndjeshme.

Në krahasim me ditët e para të muajit dhjetor, kur niveli i liqenit të Fierzës ishte 281.85 metra, aktualisht ai ka zbritur në kuotën 278.73 metra, duke shënuar një rënie prej rreth 3 metrash.

Për të ruajtur rezervat ujore dhe për të garantuar prodhimin e energjisë elektrike, HEC-i i Fierzës po operon me turbina të alternuara, në mënyrë që të menaxhohet me kujdes sasia e ujit të akumuluar.

Në pikën e kalimit kufitar të Muriqanit në fillim të muajit janar, është shënuar fluks lëvizjesh në dalje. Emigrantët shqiptarë, pas festave të fundvitit, po rikthehen drejt vendeve ku jetojnë dhe punojnë, duke krijuar radhë të shtuara, por të përballueshme.

Për të menaxhuar situatën dhe për të shmangur vonesat, autoritetet kufitare po punojnë me 4 sportele në total, ku 3 sportele janë të dedikuara për dalje dhe 1 sportel për hyrje.

Sipas të dhënave zyrtare nga Pika e Kalimit Kufitar Muriqan, në 24 orët e fundit kanë hyrë 1926 shtetas ndërsa kanë dalë 3392 shtetas, duke e çuar numrin total të lëvizjeve në 5318 persona. Ndërkohë kanë hyrë 717 mjete dhe kanë dalë 1205, me një total prej 1922 mjetesh.

Dashi

Planetët do ju përkëdhelin mjaft gjate kësaj dite dhe do ju bëjnë te ndiheni me se miri. Do e shprehni pa dorashka dashurinë qe ndjeni për njeri-tjetrin. Beqaret do ndihen gati te fillojnë histori dashurie edhe pse personat nuk do ua mbushin 100% mendjen. Për financat do jete një dite goxha e favorshme. Mund te kryeni disa investime me tepër nëse dëshironi.

Demi

Asgjë e veçante nuk do ndodhe gjate kësaj dite ne jetën tuaj sentimentale. Merrini gjerat si t’iu vijnë dhe atë çfarë do ju thotë zemra. Beqaret do kenë veçse disa takime interesante, asgjë me shume sesa aq. Duhet ende edhe pak durim. Ne planin financiar mos kërkoni te pasuroheni menjëherë sepse nuk do ja dilni dot. Sakrificat mund t’iu dëmtojnë.

Binjaket

Ka rrezik qe gjerat te mos shkojnë ashtu si ju i keni ëndërruar sot ne jetën tuaj sentimentale. Nuk do ketë momente pasionante sepse partneri do jete si stresuar për një çështje pune. Beqaret gjithashtu duhet te presin edhe pak për dashurinë e madhe. Nëse kryeni shpenzime te tejskajshme financat do dobësohen tej mase. Ruajeni gjithë kohës maturinë.

Gaforrja

Jeta juaj ne çift nuk do shkoje ashtu si ju e kishit menduar gjate kësaj dite. Ndonjëherë atmosfera mund te behet mbytëse. Beqaret duhet te tregohen sa me te hapur dhe te pranojnë ftesat qe do ju bëhen. Se çfarë do bëjnë me pas e kane vete ne dore. Për financat duhet te merreni me seriozisht. Me pak maturi dhe kujdes gjendja do filloje te përmirësohet.

Luani

Do e dashuroni plot pasion personin qe keni ne krah gjate kësaj dite dhe atmosfera do behet elektrizuese. Zemra do rrahe edhe me fort. Beqaret do kalojnë një dite pozitive edhe pse dashurinë ende nuk do e gjejnë. Miqtë nuk do i lënë asnjë çast te mërziten. Ne planin financiar do keni goxha vështirësi dhe probleme. Duhet shume kujdes për t’ia dale mbanë.

Virgjeresha

Do merren vendime te mëdha gjate kësaj dite ne jetën tuaj sentimentale. Do diskutoni gjere e gjate me personin qe dashuroni dhe do bini ne një mendje. Klima yjore do jete e turbullt për ata qe janë vetëm. As sot nuk pritet te mbërrijë princi i kaltër. Financat do fillojnë dalëngadalë te përmirësohen. Do ndiheni me mire kur te kryeni ndonjë shpenzim.

Peshorja

Do kërkoni qe gjithçka te behet si doni ju gjate kësaj dite, prandaj mund te kini disa mosmarrëveshje me partnerin. Mundohuni te tregoheni sa me realiste dhe te bëni lëshime. Beqaret do mahniten nga je person dhe nuk do mendohen dy here për te filluar një lidhje. Ne fakt ky do jete një gabim. Financat do jene me te ekuilibruara se disa dite me pare.

Akrepi

Mos përfitoni nga fakti qe partneri ka shume besim tek ju për te bere gjera qe ai ne fakt nuk i dëshiron. Mund ta ktheni situatën përmbys dhe do keni probleme. Për beqaret do ketë goxha surpriza, kështu qe duhet te bëhen gati. Gjendja e te ardhurave nuk do jete aspak e mire. Nuk do i rezistoni dot tundimit për te shpenzuar pafund.

Shigjetari

Dite e qete dhe e qëndrueshme kjo e sotmja për ata qe janë ne një lidhje. Harmonia, mirëqenia dhe flegrua do mbizotërojë ne jetën e tyre. Beqaret nuk duhet te dekurajohen nëse nuk ju pranohen ftesat, por duhet ta kërkojnë diku tjetër dashurinë. Financat do jene gjithë kohës te stabilizuara. Nuk do jete problem edhe po kryet ndonjë investim me tepër.

Bricjapi

Dita e sotme do jete shume e veçante për ata qe janë ne një lidhje. Do kuptoheni mjaft mire me atë qe keni ne krah dhe do i ndreqni edhe problemet e se shkuarës. Beqaret do ndihen mire me statusin qe kane dhe nuk do e kërkojnë princin e kaltër. Nëse tregoheni te arsyeshëm me financat, gjendja do jete mjaft e ekuilibruar.

Ujori

Priten shume vështirësi gjate kësaj dite ne jetën tuaj sentimentale. Nuk do merreni vesh aspak me personin qe keni ne krah dhe kjo do sjelle debate te forta. Beqaret duhet te përfitojnë sa te mundin nga ftesat qe do ju bëhen, jo t’i neglizhojnë ato. Financat do jene ne gjendje te qëndrueshme, por nuk duhet te kryeni çmenduri me shpenzimet.

Peshqit

Marsi nuk do krijoje me probleme gjate kësaj dite ne jetën tuaj sentimentale, kështu qe mund te dashuroheni ashtu si ta ndjeni. Beqaret me mire te mos bëjnë plane ne mënyrë qe te mos zhgënjehen me vone. Pritet te ketë disa takime te rëndësishme gjithsesi. Ne planin financiar nuk duhet te nxitoheni për asgjë. Vetëm ndihme e specialisteve mund t’iu shpëtojë.