Ministri i Jashtëm i Rusisë, Sergei Lavrov, ka tërhequr vëmendjen nga Forumi Ekonomik Botëror që po zhvillohet në Davos, duke iu përgjigjur pyetjeve të gazetarëve mbi çështjen e Groenlandës.

Lavrov u shpreh se nuk ka “asnjë dyshim” që Uashingtoni e di se Rusia “nuk ka asnjë lidhje” me Groenlandën. Ai shtoi se nuk ekziston “asnjë provë” që Moska të ketë synuar ndonjëherë pushtimin e këtij territori. “Rusia do të monitorojë situatën serioze gjeopolitike,” tha ai, duke nënvizuar se vendi i tij po ndjek me kujdes zhvillimet në rajon.

Ministri rus shtoi gjithashtu se Groenlanda nuk është “një pjesë natyrore” e Danimarkës dhe se problemi i territoreve ish-koloniale po bëhet gjithnjë e më i mprehtë në arenën ndërkombëtare.

Deklaratat e Lavrov vijnë pas komenteve të presidentit amerikan Donald Trump, i cili ka shprehur dëshirën për një kontroll të plotë amerikan mbi Groenlandën për arsye sigurie kombëtare. Trump ka shpallur gjithashtu tarifa mbi importet nga disa aleatë evropianë që kundërshtojnë një marrje të mundshme të territorit nga SHBA-të.

Ukraina po prezanton një qasje të re në mbrojtjen ajrore, duke përdorur grupe të vogla të lëvizshme me dronë interceptues, në pritje të sulmeve të reja masive nga Rusia, deklaroi presidenti Volodymyr Zelensky.

Vendi ende po përballet me pasojat e sulmeve ruse në fillim të këtij muaji, të cilat lanë pa energji elektrike dhe ngrohje mijëra banesa, veçanërisht në Kiev, në mes të temperaturave nën zero.

“Sistemi do të transformohet”, u shpreh presidenti ukrainas në fjalimin e tij të përnatshëm, duke njoftuar edhe emërimin e Pavlo Yelizarov si zëvendëskomandant i ri i forcave ajrore për të drejtuar këtë nismë.

Zelensky u bëri thirrje qytetarëve të jenë “jashtëzakonisht vigjilentë”, duke paralajmëruar se Rusia po përgatit një goditje të re masive.

Sipas autoriteteve ukrainase, shërbimet e inteligjencës kanë vërejtur aktivitet zbulues rus ndaj objektivave kritike, përfshirë nënstacionet që furnizojnë me energji centralet bërthamore.

Forcat ruse ndërmorën një sulm të kombinuar me dronë dhe raketa ndaj Kievit në orët e para të së martës, duke shkaktuar ndërprerje të energjisë elektrike dhe ujit. Një ndërtesë jo-banesore u godit në bregun lindor të lumit Dnipro dhe një person u plagos, njoftoi kryebashkiaku Vitali Klitschko.

Administrata ushtarake e Kievit bëri të ditur se janë dëmtuar edhe zona magazinimi dhe disa automjete janë përfshirë nga flakët.

Gjatë natës nga e diela në të hënën, Rusia kreu një valë sulmesh me dronë ndaj infrastrukturës energjetike të Ukrainës, duke lënë pa energji pesë rajone. Sipas forcave ajrore ukrainase, nga 145 dronë të lëshuar, 126 u rrëzuan.

Rajonet Sumy, Odesa, Dnipropetrovsk, Kharkiv dhe Chernihiv mbetën pa energji elektrike, ndërsa ekipet e emergjencës po punojnë për riparimin e dëmeve.

Autoritetet ukrainase paralajmërojnë se organizimi i zgjedhjeve të para që nga pushtimi rus i vitit 2022 do të jetë një proces i vështirë për shkak të dëmeve të mëdha infrastrukturore dhe zhvendosjes së miliona qytetarëve.

Ndërkohë, i dërguari i posaçëm i presidentit rus Vladimir Putin, Kirill Dmitriev, pritet të udhëtojë këtë javë në Davos, ku do të zhvillojë takime me përfaqësues të delegacionit amerikan në kuadër të Forumit Ekonomik Botëror. Edhe negociatori kryesor i Ukrainës, Rustem Umerov, ka konfirmuar vazhdimin e bisedimeve me zyrtarë amerikanë gjatë forumit.

Deputetja e Partisë së Lirisë, Erisa Xhixho, e ftuar në emisionin “Puls” nga Bruna Çifligu, ka lëshuar akuza ndaj qeverisë dhe sistemit të drejtësisë, duke theksuar se Shqipëria po përballet me një krizë të thellë të shtetit ligjor dhe me rreziqe serioze për shëndetin e qytetarëve.

Duke komentuar zhvillimet e fundit politike dhe hetimet e SPAK, Xhixho u shpreh se drejtësia po vepron me dy standarde, duke goditur opozitën dhe duke mbrojtur mazhorancën. Sipas saj, rasti i zëvendëskryeministres Belinda Balluku, e akuzuar për afera korruptive, tregon se qeveria po përdor parlamentin si “mburojë politike” për të penguar hetimet. “Një zyrtare e lartë nën akuzë nuk mund të sillet sikur asgjë nuk ka ndodhur. Në një vend normal do të kishte dorëheqje të menjëhershme,” tha Xhixho.

Paralelisht me çështjen e drejtësisë, deputetja ngriti alarmin për sigurinë ushqimore, duke e cilësuar atë si një nga problemet më serioze që prek drejtpërdrejt qytetarët. Ajo theksoi se Partia e Lirisë ka depozituar në Kuvend një projektligj që parashikon detyrimin për analiza laboratorike të çdo produkti ushqimor që hidhet në treg. “Sot produktet kontrollohen në mënyrë sporadike. Qytetarët konsumojnë ushqime pa garanci, ndërsa vendet e BE-së i refuzojnë eksportet tona për mungesë standardesh,” deklaroi Xhixho.

Sipas saj, korrupsioni dhe koncesionet klienteliste kanë lënë pa financim sektorë jetikë si shëndetësia dhe siguria ushqimore. Ajo përmendi edhe rastet e mungesës së energjisë elektrike në spitale dhe ilaçet e munguara për pacientët onkologjikë si pasojë direkte e keqqeverisjes.

Xhixho theksoi se opozita do të vijojë protestat dhe betejën politike, duke e cilësuar reagimin qytetar si të vetmen rrugë për të rikthyer demokracinë, llogaridhënien dhe sigurinë për jetën e përditshme të shqiptarëve.

In a statement to the media after the meeting of the Parliamentary Bureau, Democratic Party MP Flamur Noka stated that today it was decided to extend the period of exclusion of six opposition MPs, from 30 days, until March.

“This is the level Rama has taken the Assembly to. The expulsion starts with 30 days, now the expulsion period continues, being extended in violation of every regulation and the status of the MP until March. It was said one month, now they are extending it to 3 months. Six MPs have been expelled until mid-March.  Do you understand? ,” said Noka.

Noka added that  “The exclusion starts from December 23 and is said to last until March 3, we are enemies of Edi Rama and the drug lord and we are not allowed to enter the Albanian Parliament. Despite the fact that the citizens have given us the mandate, Edi Rama wants to temporarily take the mandate away from us.”

The Democratic MP stated that the opposition will appeal this decision to the Administrative Court.

“This is the level Rama has taken the Assembly to. The exclusion starts with 30 days, now it continues, it is extended in violation of every regulation and the status of the deputy until March. It was said one month, now 3 months. Six deputies have been excluded until mid-March.

“The exclusion starts from December 23 and is said to last until March 3, we are enemies of Edi Rama and the drug lord and we are not allowed to enter the Albanian Parliament. Despite the fact that the citizens have given us the mandate, Edi Rama wants to temporarily take the mandate away from us,” said Noka.

At the end of his statement to the media, Noka spoke about the protest called by the opposition on Saturday, saying that ” January 24 is a day that we will invite every Albanian and every free and dignified citizen of this country to join this opposition front to confront the gang of power.”

At today’s meeting of the National Bureau of the Assembly, which was accompanied by debates (read here) the appeal of the Democratic Party regarding the exclusion of six deputies for 30 days from participation in plenary sessions was reviewed.

The six MPs, Belind Këlliçi, Fidel Kreta, Albana Vokshi, Klevis Balliu, Flamur Noka and Elda Hoti, were expelled from the Ethics Committee on December 23 of last year, at the request of the Socialist Party following tensions in the Parliament hall, where flares were also thrown.

Ministrja e Shtetit dhe Kryenegociatorja e Shqipërisë, Majlinda Dhuka, në konferencë me gazetarët u shpreh se për herë të parë Shqipëria do ketë një ligj të ri për donacionet dhe sponsorizimet.

“Pas shumë vitesh, Shqipëria do ketë një ligj që do rregullojë aktivitetin e lobimit.

Pas 31 vitesh, Shqipëria do ketë një ligj të ri për donacionet dhe sponsorizimin.

Do krijohet një regjistër për lobimin dhe njëkohësisht për sponsorizimet dhe donacionet si një përpjekje e jona për të rritur dimensionet e “Shqipërisë transparente”, tha ajo.

Ajo falënderoi median dhe gazetarët, që sipas saj, rreth 70% e tyre janë të informuar në lidhje me çështjen e integrimit.

“Mbi 70% e qytetarëve shqiptarë thonë se janë të informuar për negociatat, prandaj një falënderim për gazetarët në rritjen e informimit të qytetarëve për këtë aspiratë të madhe të shqiptarëve, një aspiratë brezash.

Puna juaj ka qenë katalizator.”, tha ajo.

Gjatë javës së fundit, Policia Rrugore e Tiranës ka intensifikuar kontrollet në të gjitha akset e kryeqytetit, duke përdorur pajisje moderne për të rritur sigurinë dhe për të menaxhuar trafikun rënduar.

Gjatë këtyre aksioneve, vëmendja kryesore ka qenë te shoferët që thyejnë rregullat, ku 59 persona janë proceduar pasi u kapën duke drejtuar mjetin nën efektin e alkoolit. Për gjashtë prej tyre, rrezikshmëria ishte aq e lartë sa përfunduan në pranga dhe dosjet e tyre i kanë kaluar menjëherë Prokurorisë së Tiranës.

Përveç alkoolit, policia ka ndëshkuar edhe 76 shoferë të tjerë të cilët nuk respektuan radhën në qarkullim, një shkelje që jo vetëm rrit rrezikun për aksidente, por edhe bllokon lëvizjen normale të mjeteve të tjera.

Një tjetër masë e ashpër është marrë ndaj atyre që parkojnë gabim, ku 53 makina janë ngritur me karrotrec për të liruar hapësirat publike dhe rrugët e bllokuara.

Policia Rrugore u bën thirrje të gjithë drejtuesve të mjeteve që të jenë të përgjegjshëm dhe të shmangin alkoolin, duke kujtuar se siguria në rrugë është një detyrim që na takon të gjithëve.

Presidentja e Komisionit Evropian, Ursula von der Leyen, theksoi se tronditjet gjeopolitike duhet të shihen si një mundësi për Evropën dhe jo thjesht si sfida. Duke folur në Forumin Ekonomik Botëror në Davos, ajo e përshkroi ndryshimin që po ndodh në botë si një “ndryshim sizmik” dhe një rast për të ndërtuar një “formë të re të pavarësisë evropiane”.

“Ky nuk është një reagim ndaj ngjarjeve të fundit, por një imperativ strukturor që ka ekzistuar për shumë kohë. Nëse ky ndryshim është i përhershëm, edhe Evropa duhet të ndryshojë përgjithmonë. Është koha për të shfrytëzuar këtë mundësi dhe për të ndërtuar një Evropë të re dhe të pavarur”, tha Von der Leyen.

Presidentja e Komisionit Evropian theksoi gjithashtu se Bashkimi Evropian zgjedh “tregtinë e drejtë mbi tarifat, partneritetin mbi izolimin dhe qëndrueshmërinë mbi shfrytëzimin”.

Von der Leyen tha se Evropa është “plotësisht e angazhuar” për sigurinë e Arktikut, ndwrsa kritikoi tarifat shtesë të propozuara nga presidenti Trump, duke thwnw se “janw tw gabuara”.

“Përgjigjja e Evropës do të jetë e palëkundur, e bashkuar dhe proporcionale. Bashkimi Evropian qëndron në solidaritet të plotë me Groenlandën dhe Mbretërinë e Danimarkës. Sovraniteti i tyre është i panegociueshëm,” tha von der Leyen.

E mërkura shënon 21 janarin e 15-të me 4 viktima, por pa drejtësi.

Në sondazhin e ABC News, 63.2% e të anketuarve u përgjigjën se ka pasur mungesë vullneti nga drejtësia për të zbardhur ngjarjen plotësisht dhe vendosur autoret para përgjegjësisë.

Në një intervistë në “News Line” në ABC News, sondazhisti Eduard Zaloshnja tha se vendimi i Gjykatës së Strasburgut ka pasur një ndikim të jashtëzakonshëm në opinionin e gjerë publik.

Ai theksoi se shumica dërrmuese e popullsisë së rritur janë të mendimit se “ose drejtësia e re nuk ka vullnet për ta zbardhur këtë çështje ose është e paaftë”.

“Bëmë një sondazh për një ngjarje me rëndësi politike. Nuk ka ndodhur ndonjëherë që para zyrës së Kryeministrisë të vriten katër qytetarë. Linkun e sondazhit e shpërndamë dhe lamë 2 ditë kohë që të anketuarit të plotësonin pyetësorin. Të interesuarit ishin shumë”, tha ai, duke shtuar: “Kur vjen puna tek mosha mbi 34 vjeç ndarja është e qartë dhe mendojnë se ajo protestë duhet të përfundonte me rrëzimin e qeverisë Berisha”.

Gjithashtu gjatë intervistës, Zaloshnja shpjegoi se qytetarëve iu dha më shumë kohë për këtë sondazh.

Më tej theksoi se sot Partia Socialiste ka dyfishin e votave të PD duke nënvizuar se PS fiton 3 pikë.

“Sot PS ka pothuasje dyfishin e votave të PD. Kjo tregon që rrjedhja e votave nga zgjedhjet e fundit kanë ndodhur nga opozita, pasi PS ka ruajtur votat. PD ka një rënie dramatike. Në këtë mënyrë rënia e PS është shumë e vogël, ndërsa rënia e votave të PD është më shumë se çerekut, pra është thelluar edhe më shumë hendeku. PS mori 83 mandate. Pra nëse kishim 83 me 50 në maj sot mund të shkojë 88 me 48”, shtoi ai.

Ministri i Drejtësisë, Besfort Lamallari, ka urdhëruar një valë inspektimesh ndaj shërbimit noterial në mbarë vendin gjatë tre muajve të fundit të vitit 2025, duke shënuar një ndërhyrje të fortë në këtë sektor.

Ministria e Drejtësisë, bënë me dije se në tre muajt e fundit të vitit 2025, ministri i Drejtësisë, Besfort Lamallari ka urdhëruar një valë inspektimesh për shërbimin noterial në mbarë vendin.

Konkretisht për periudhën shtator-dhjetor 2025 kur ai sapo kishte marrë detyrën, janë kryer 22 inspektime të plota ndaj noterëve, nisur edhe nga ankesat që kanë mbërritur prej qytetarëve, por edhe nga raportime të ndryshme mediatike.

Në përfundim të këtyre inspektimeve rezulton se ka pasur 12 penalitete, përfshi edhe heqje të licencës. Ndaj 6 noterëve është lëshuar masa “vërejtje me paralajmërim për heqjen e licencës për ushtrimin e profesionit të noterit”.

Frida Muçmatajt dhe Valentin Lleshit iu është hequr licenca pasi edhe pse kishin mbushur moshën ligjore të daljes në pension ata vijonin ende të ushtronin profesionin e noterit. Krahas masave disiplinore dhe heqjes se licencës, janë vendosur gjithashtu edhe disa gjoba me vlerë rreth 6 milionë lekë të vjetra për shkelje të ndryshme.

Ministri i Drejtësisë, Besfort Lamallari, edhe në nisje të vitit 2026 ka urdhëruar inspektime të tjera për shërbimin noterial. Rastet janë ende në proces dhe rezultatet pritet të komunikohen në muajt e ardhshëm.

Roli i Ministrisë së Drejtësisë si organ mbikëqyrës dhe kontrollues i sistemit noterial në vend, konsiston në monitorimin nga pikëpamja ligjore e veprimtarisë së noterëve, në mënyrë që ai të jetë në koherencë me nevojat e shoqërisë dhe zhvillimit të ekonomisë së lirë, si dhe në menaxhimin në mënyrë racionale e transparente të ushtrimit të një funksioni publik nga ana e profesionistëve privatë. Besueshmëria, transparenca dhe eficenca janë në themel të këtij profesioni.

Banka e Shqipërisë ka hapur dyert për publikun me ekspozitën jubiliare “Paraja rrëfen: 100 vjet jetë dhe ngjarje”, një nismë kulturore që sjell në vëmendje historinë e saj njëqindvjeçare dhe rrugëtimin e monedhës shqiptare.

Ekspozita shënon dy momente kyçe, themelimin e bankës më 1925 dhe hedhjen në qarkullim të monedhës së parë kombëtare më 1926.

Në fjalën e tij, Guvernatori i Bankës së Shqipërisë, Gent Sejko, vuri theksin te roli i bankës qendrore si një institucion i qëndrueshëm në historinë e vendit.

Ai e cilësoi ekspozitën si një udhëtim unik në historinë monetare dhe institucionale të Shqipërisë, duke theksuar se “historia e parasë është një mësuese e kujdesshme, që na kujton se stabiliteti nuk është i përhershëm dhe se krizat mund të rikthehen”.

Sejko nënvizoi se qëllimi i kësaj nisme është të afrojë publikun me ekonominë dhe bankën qendrore, duke e bërë më të kuptueshme për qytetarët përmes objekteve, rrëfimeve dhe dokumenteve historike. Ai shtoi se komunikimi i hapur dhe transparenca janë ura besimi mes bankës dhe shoqërisë, ndërsa falënderoi të gjithë bashkëpunëtorët dhe partnerët që kanë kontribuar në realizimin e ekspozitës.

“Është kënaqësi dhe nder për mua që sot të hapim së bashku ekspozitën ‘Paraja rrëfen’, e cila vjen në një moment me simbolikë të veçantë,” u shpreh ai, duke nënvizuar se ekspozita nuk synon vetëm të tregojë historinë e bankës qendrore, por edhe të përditshmërisë së shoqërisë shqiptare.

“Mënyrës si jemi paguar, si kemi kursyer, si kemi përballuar kriza, si kemi rindërtuar ekonomi, si kemi aspiruar për stabilitet dhe një të ardhme më të parashikueshme.”

“Banka ka vepruar nën pothuajse të gjitha regjimet monetare: nga standardi i arit, te kontrolli i fortë i planifikimit të centralizuar, e deri te kornizat moderne të politikës monetare dhe synimit të stabilitetit të çmimeve,” tha Guvernatori, duke shtuar se institucioni ka ruajtur rolin e tij si një shtyllë e qëndrueshme edhe në rrethana të vështira.

Guvernatori theksoi se ekspozita nuk i sheh periudhat historike si kapituj të mbyllur, por si mësime të vlefshme për të ardhmen.

“Historia monetare është një mësuese e kujdesshme: na kujton se stabiliteti nuk është i përhershëm; se krizat mund të rikthehen; se inflacioni, paqëndrueshmëria financiare apo pasiguria në pritshmëri kanë kosto reale mbi familjet, bizneset dhe të ardhmen e vendit.”

Ai vuri në dukje se në dekadat e fundit bankat qendrore kanë zgjeruar komunikimin me publikun për të krijuar ura besimi dhe kuptimi.

“Ky është edhe qëllimi i ekspozitës sonë: të krijojmë një hapësirë ku historia të flasë me gjuhë të qartë dhe ku ekonomia të mos mbetet vetëm për specialistët,” u shpreh Guvernatori, duke falënderuar punonjësit, ekonomistët, studiuesit dhe artistët që kanë kontribuar në dokumentimin e këtij rrugëtimi.

Guvernatori njoftoi se ekspozita do të udhëtojë edhe në Prishtinë, në bashkëpunim me Bankën Qendrore të Republikës së Kosovës.

“Këto shkëmbime kulturore dhe institucionale janë të rëndësishme jo vetëm për të ndarë histori të përbashkëta, por edhe për të nxitur bashkëpunimin rajonal në fusha që prekin drejtpërdrejt qytetarët,” tha ai.

Në kuadër të kësaj periudhe jubilare, Banka e Shqipërisë prezantoi edhe një vepër studimore të profesorit të ndjerë Aristotel Pano, kushtuar 100 viteve të sistemit monetar dhe bankës qendrore në Shqipëri.

Ky botim, sipas Guvernatorit, është një vazhdimësi e përpjekjes për të dokumentuar dhe strukturuar ngjarjet kryesore të historisë monetare dhe bankare të vendit.

Në mbyllje të fjalës së tij, Guvernatori falënderoi të gjithë ata që kanë kontribuar në realizimin e ekspozitës, duke veçuar partneritetin me Institutin Italian të Kulturës në Tiranë dhe bashkëpunëtorët ndërkombëtarë. “Ju ftoj ta vizitoni me kureshtje ekspozitën, t’i lexoni rrëfimet, të shihni detajet, të pyesni e të diskutoni. Nëse ajo arrin të zgjojë interes, të nxisë pyetje e biseda mbi historinë tonë monetare, atëherë e ka përmbushur misionin e saj,” përfundoi ai.

Ekspozita, e realizuar në bashkëpunim me Institutin Italian të Kulturës, është vendosur në Selinë Qendrore nr. 2 të Bankës së Shqipërisë, një godinë me vlera arkitektonike dhe historike për Tiranën dhe rajonin. Përmes objekteve, dokumenteve, imazheve dhe rrëfimeve, vizitorët udhëtojnë në tri faza të mëdha të historisë monetare të vendit, të formësuara nga ndryshimet politike, zhvillimet gjeopolitike dhe ngjarjet ekonomike.

Një operacion ndërkombëtar kundër trafikut të drogës është zhvilluar në orët e para të mëngjesit nga Policia e Shtetit italiane, duke çuar në arrestimin e nëntë personave, tetë me origjinë shqiptare dhe një shtetas italian, të dyshuar si pjesë e një organizate kriminale të strukturuar për trafik ndërkombëtar narkotikësh.

Operacioni, i koduar “STURL ONE”, u zhvillua nga Policia e Reggio Emilias, nën koordinimin e Prokurorisë së Bolonjës-Drejtoria Distriktuale Antimafia, dhe përfshiu ekzekutimin e masës së sigurisë “arrest me burg”, të miratuar nga Gjykata e Hetimeve Paraprake në Bolonjë. Arrestime dhe kontrolle janë kryer në disa provinca të Italisë, përfshirë Reggio Emilia, Bergamo, Brescia dhe Savona, si edhe në Francë, Spanjë dhe Shqipëri, falë bashkëpunimit me autoritetet policore të huaja dhe Policinë Kriminale Shqiptare.

Hetimet janë vijim i operacioneve të mëparshme “TREXIT 2019” dhe “BLACK MAMBA”, të cilat në vitet 2021 dhe 2022 kishin çuar në arrestimin e 35 personave. Nga hetimet rezulton se organizata kishte kapacitet të lartë logjistik dhe financiar, duke importuar sasi të mëdha kokaine, hashashi dhe marijuane nga Amerika e Jugut, Europa Veriore dhe Spanja, të fshehura në kamionë me ngarkesa perimesh, shkruan A2 CNN.

Vetëm në gjashtë muaj, grupi kriminal dyshohet se ka shpërndarë mbi 200 kilogramë kokainë dhe rreth 1 ton hashash e marijuanë, duke gjeneruar fitime në miliona euro. Anëtarët e organizatës komunikonin përmes platformës së koduar “SkyECC”, e cila u çkodua nga autoritetet franceze në fund të vitit 2020, duke i hapur rrugë zbardhjes së aktivitetit kriminal.

Në total, janë 15 persona nën hetim, ndërsa gjatë kontrolleve u sekuestruan drogë, para cash dhe mjete komunikimi. Gjatë një kontrolli në Brescia, një shtetas maroken u arrestua në flagrancë me mbi 3 kg drogë dhe 5.800 euro. Autoritetet italiane e cilësojnë operacionin si goditje të fortë ndaj kupolës së organizatës kriminale.

Fuqizimi i rolit dhe transparencës së mediave si dhe drejtësia sociale do të jetë në fokus të kësaj faze të re të procesit të anëtarësimit të vendit në BE. Gjatë një konference për mediat, Ministri i Shtetit për Marrëdhëniet me Parlamentin, Toni Gogu, theksoi rëndësinë e angazhimit politik dhe qytetar në këtë proces, si dhe projektet ligjore që synojnë forcimin e transparencës dhe drejtësisë sociale.

“Do të kemi një ritëm të lartë lidhur me integrimin e vendit. Zakonet parlamentare duhet të mbizotërojnë në jetën shoqërore dhe shtetërore të vendit, ku ligjet vijnë nga qeveria, por disa edhe nga shoqëria, për të siguruar një integrim sa më të mirë,” deklaroi Gogu.

Një pjesë e rëndësishme e fokusit ka të bëjë me ligjin për median, ku do të rritet transparenca, qoftë në pronësinë e mediave, qoftë tek ata që qëndrojnë pas tyre. Gogu theksoi se ky ligj synon edhe mbrojtjen e gazetarëve në misionin e tyre për demokracinë dhe dekriminalizimin e shpifjes, duke i çliruar gazetarët nga përgjegjësia kur veprojnë në mirëbesim.

“Një pjesë e rëndësishme ka të bëjë me ligjin për median, ku rritet transparenca. Lidhur me median audiovizive, nisim projekte konkrete dhe ky ligj, së bashku me përmirësimet që do të bëhen, ka të bëjë me transparencën, qoftë në pronësinë e mediave, qoftë tek ata që qëndrojnë pas tyre. Në vitin aktual, kemi punuar për të parandaluar dezinformimin dhe fuqizimin e mediave. Ky ligj ka të bëjë gjithashtu me mbrojtjen e gazetarëve në misionin e tyre jetik për demokracinë dhe me dekriminalizimin e shpifjes. Gazetarët do të jenë të çliruar nga barra e shpifjes kur ajo bëhet në mirëbesim, ndërsa përpiqen të pasqyrojnë zhvillimet e fundit”, tha Gogu.

Ministri vuri gjithashtu theksin mbi drejtësinë sociale, duke nënvizuar sfidën që përballen familjet shqiptare me fenomenin e dhunës digjitale dhe nevojën për mekanizma të fuqishëm mbrojtës, përfshirë ndryshimet në Kodin Penal për të miturit. Ai shtoi se një pjesë e ndryshimeve synon të mbrojë më të dobëtit dhe të forcojë mekanizmat kundër dhunës në botën digjitale.

“Një aspekt tjetër ka të bëjë me drejtësinë sociale. Familja shqiptare po përballet me fenomenin e dhunës digjitale, dhe nuk mund të humbasim jetë. Ky problem duhet të rregullohet. Po bëhen ndryshime edhe në Kodin Penal për të miturit, duke fuqizuar mekanizmat referues, ndërhyrës dhe mbrojtës në botën digjitale. Një pjesë e ndryshimeve ka të bëjë me dhunën që ushtrohet ndaj më të dobëtëve në shoqërinë tonë”, tha ai.

Gogu nënvizoi përmirësimet në Kodin Penal që lidhen me luftën ndaj korrupsionit dhe narkotikëve, duke i dhënë fokus të veçantë forcimit të sundimit të ligjit në vend.

“Po ashtu, ka ndryshime që lidhen me luftën ndaj korrupsionit dhe me përmirësime në Kodin Penal që forcojnë luftën ndaj narkotikëve. Dy pika kryesore që do të doja të theksoja janë: roli dhe fuqizimi i transparencës së medias dhe drejtësia sociale, ku familjet do të jenë më të mbrojtura në të gjithë aspektet e jetës së tyre”, tha Gogu.

Presidentja e Komisionit Evropian Ursula Von der Leyen ka adresuar drejtpërdrejt situatën e Groenlandës, duke thënë se Evropa është “plotësisht e angazhuar” kur bëhet fjalë për sigurinë e Arktikut.

“Ne ndajmë objektivat e Shteteve të Bashkuara në këtë drejtim”, thotë ajo. Von der Leyen deklaroi se siguria e Arktikut mund të arrihet vetëm së bashku, duke thënë se kjo është arsyeja pse tarifat shtesë të propozuara nga Trump janë “një gabim”.

Duke iu referuar marrëveshjes tregtare SHBA-BE të arritur korrikun e kaluar, ajo thotë se “një marrëveshje është një marrëveshje”. “Kur miqtë shtrëngojnë duart, kjo duhet të thotë diçka”. Megjithatë, ajo thotë se përgjigjja e Evropës do të jetë “e palëkundur, e bashkuar dhe proporcionale”.

Ka shkuar në 41 numri i personave që kanë humbur jetën nga tragjedia e së dielës, kur një prej trenave, i nisur nga Malaga me destinacion Madridin, doli nga binarët në orët e para të mëngjesit pranë Adamuz, në krahinën jugore të Andaluzisë, duke kaluar më pas në binarët e një treni tjetër që po afrohej, i cili gjithashtu doli nga shinat.

Viktima e 41-të ishte një pasagjer, trupi i të cilit u nxor nga një prej vagonëve të trenit të nisur nga Malaga. Më shumë se 120 persona janë lënduar. 39 prej tyre, katër prej të cilëve fëmijë, vijojnë të marrin trajtim spitalor.

Makineri të tonazhit të rëndë janë dislokuar në vendngjarje për të lëvizur vagonët e dëmtuar rëndë dhe për të lehtësuar punën e ekipeve të kërkim-shpëtimit.

Sakaq, tre ditë zie kombëtare nisën këtë të martë në Spanjë për ata që humbën jetën si pasojë e përplasjes së dy trenave të shpejtësisë së lartë, një aksident që konsiderohet më i rëndi hekurudhor i dekadës së fundit në këtë vend.

Sot, në ditën e parë të zisë kombëtare, flamujt u ulën në gjysmështizë në ndërtesat publike, moderatorët e televizioneve u veshën me të zeza, ndërsa ministrat e qeverisë shmangën daljet publike.

Gjykata Administrative ka vendosur rikthimin në detyrë të Alban Dokushit, Sekretarit të Përgjithshëm të Bashkisë Tiranë, duke shpallur absolutisht të pavlefshëm urdhrat e lirimit nga detyra.

Sipas gjykatës, shkarkimi është kryer në kundërshtim flagrant me ligjin, duke përbërë një shkelje të rëndë të standardeve ligjore dhe procedurale.

Vendimi gjyqësor ka efekt të menjëhershëm dhe është i detyrueshëm për zbatim.

Kujtojmë se Alban Dokushi është larguar nga detyra nga kryetarja e komanduar e Bashkisë Tiranë, Anuela Ristani, pas arrestimit të kryebashkiakut Erion Veliaj.

Është mbledhur këtë të martë Byroja e Kuvendit, ndërsa deputetë të opozitës kanë ngritur akuza të forta ndaj mazhorancës për mungesë transparence dhe kufizim të rolit opozitar.

Deputeti demokrat Belind Këlliçi deklaroi se Kuvendi është “bunkerizuar”, ndërsa kërkesa e opozitës për praninë e mediave në mbledhje është refuzuar. Sipas tij, kjo përbën shmangie nga transparenca dhe është e papranueshme.

“E keni bunkerizuar Kuvendin e Shqipërisë. Kemi kërkuar praninë e mediave në këtë mbledhje por ju i shmangeni transparencës. Ko është e papranueshme. Nuk mund të vazhdohet kështu. Niko Peleshi, nuk do duhej ti shmangej kësaj mbledhje. Ju me gardë keni marrë zvarrë opozitën ndërkohë që jeni kthyer në mburojë të krimit dhe korrupsionit”, u shpreh Këlliçi, duke shtuar se Kryeparlamentari Niko Peleshi nuk duhej t’i shmangej kësaj mbledhjeje. Ai akuzoi mazhorancën se, nën mbrojtjen e Gardës, ka dhunuar opozitën.

Edhe deputeti demokrat Flamur Noka reagoi ashpër, duke deklaruar se mazhoranca synon të mos ketë opozitë dhe t’i mbyllë zërin asaj.

“Jemi të qartë që, kërkoni që të mos ketë opozitë, ti mbyllet zëri opozitës, ti hiqni të drejtat opozitës. Këtë nuk e ndalon dot. Na jep fjalën. Fusni mediat brenda”, tha Noka.

Tensionet në Kuvend vijojnë, ndërsa opozita paralajmëron për përshkallëzim të reagimit politik nëse, sipas saj, nuk respektohen të drejtat kushtetuese dhe transparenca parlamentare.

Në fjalën e tij në Komisionin për Europën dhe Punët e Jashtme, Kryetari i Grupit Parlamentar të Partisë Socialiste dhe Drejtuesi Politik i PS për Diasporën, Taulant Balla vlerësoi marrëveshjen mes Shqipërisë dhe Italisë si një hap të rëndësishëm strategjik, me fokus të veçantë mbështetjen për diasporën shqiptare në Itali dhe forcimin e lidhjeve kulturore mes dy vendeve.

Balla theksoi rolin vendimtar të komunitetit shqiptar në Itali në proceset demokratike të vendit, duke nënvizuar se diaspora shqiptare në Itali ishte komuniteti me pjesëmarrjen më të lartë në zgjedhjet e 11 majit, çka sipas tij i dha qeverisë mandatin për të vijuar reformat integruese.

“Dhe gjej rastin të falënderoj diasporën shqiptare që jeton në Itali edhe për një fakt tjetër, që ishin edhe numri më i madh i shqiptarëve që morën pjesë në zgjedhjet e 11 majit. Duke votuar për herë të parë. Dhe duke i dhënë mbështetjen qeverisë sonë për të vijuar reformat integruese në rrugën drejt anëtarësimit në Bashkimin Evropian”, u shpreh Balla.

Një vend të veçantë në fjalën e tij zuri edhe komuniteti italian në Shqipëri, si dhe komuniteti arbëresh, të cilin Balla e cilësoi si një frymëzim për shqiptarët.

“Komuniteti arbëresh është një inspirim i madh për çdo shqiptar pas 500 vitesh, një model i shkëlqyer i ruajtjes dhe promovimit të kulturës dhe gjuhës shqipe“, tha ai, duke përshëndetur njëkohësisht vendimin e qeverisë Meloni për të mundësuar transmetime në gjuhën shqipe arbëreshe në kanalet e RAI-t.

Balla theksoi se një element thelbësor i kësaj marrëveshjeje historike është sanksionimi i transmetimeve të ndërsjella të kanaleve publike, çka do të rrisë mirëkuptimin kulturor mes dy vendeve dhe do të ndihmojë në ruajtjen e identitetit gjuhësor të diasporës.

“Është sanksionuar përfshirja e transmetimit të kanaleve publike në territorin e palës tjetër, një hap shumë i rëndësishëm për ndërveprimin kulturor dhe qytetar mes komuniteteve”, u shpreh ai.

Në vijim, Kryetari i Grupit Parlamentar të PS u ndal edhe tek marrëveshja për njohjen e ndërsjellë të kontributeve të sigurimeve shoqërore, e cila tashmë ka hyrë në fuqi.

“Sot, rreth 500 mijë motra dhe vëllezër shqiptarë që jetojnë në Itali janë përfitues të kësaj marrëveshjeje, e cila u miratua në mënyrë të përshpejtuar nga të dyja dhomat e Parlamentit italian”, deklaroi Balla.

Në përfundim, ai theksoi rolin e Kuvendit në monitorimin e zbatimit të marrëveshjes dhe nxitjen e qeverisë për të zgjeruar modele të ngjashme bashkëpunimi edhe me vende të tjera partnere, ku jetojnë komunitete të mëdha shqiptare.

“Besoj që shpreh vlerësimin e të gjithëve, është një marrëveshje e cila gëzon mbështetjen dhe padyshim që roli i Kuvendit është të monitorojë. Dhe të monitorojë zbatimin e kësaj marrëveshjeje dhe të nxisë qeverinë, që marrëveshje të tilla, të negociohen dhe të firmosen edhe me vende të tjera partnere. E nënvizova Greqinë, por edhe me vendet e tjera ku jetojnë dhe punojnë shqiptarët”, përfundoi Balla fjalën e tij në Komision.

Blackout-i i internetit i vendosur nga autoritetet iraniane ka arritur të zgjasë më shumë se 280 orë, njofton organizata e pavarur për monitorimin e Internetit, Netblocks.

Sipas Netblocks, më shumë se 90 milionë qytetarë të Iranit mbeten të izoluar, duke e pamundësuar komunikimin me familjarët dhe miqtë.

Organizata raporton gjithashtu se trafiku në disa platforma tregon një strategji të re të quajtur “whitelisting”, e përdorur më parë edhe në Rusi.

Sipas kësaj strategjie krijohen lista të selektuara të faqeve, aplikacioneve dhe shërbimeve të konsideruara të sigurta ose të aprovuara, ndërsa pjesa tjetër e Internetit mbetet e bllokuar.

Kryeministri Edi Rama i ka kthyer përgjigje Presidentit të SHBA-ve, Donald Trump, pas ftesës së këtij të fundit që Shqipëria të marrë pjesë në Bordin e Paqes. Në një postim në rrjetet sociale ku ka shpërndarë edhe letrën e plotë, Rama shkruan se ky angazhim i Shqipërisë për të qenë pjesë e Bordit do t’i përcillet së shpejti Kuvendit për miratim.

“Sot i përcolla Presidentit Donald J. Trump përgjigjen e ftesës së tij për të marrë pjesë në Bordin e Paqes. Së shpejti angazhimi ynë do t’i përcillet Kuvendit të Shqipërisë për miratim”, tha Rama.

Republika e Shqipërisë

Kryeministri

Tiranë, 19 janar 2026

Shkëlqesisë së Tij Z. Donald J. Trump

President i Shteteve të Bashkuara të Amerikës

Washington, DC

I nderuar Zoti President,

Po ju shkruaj për të shprehur vlerësimin tim më të thellë për angazhimin tuaj të fortë dhe udhëheqjen vizionare në themelimin e Bordit të Paqes, si edhe për t’ju falënderuar sinqerisht për ftesën që më keni drejtuar personalisht për të qenë pjesë e tij, si edhe për ftesën drejtuar vendit tim, Republikës së Shqipërisë, për të shërbyer si anëtare themeluese.

Në një kohë kur konfliktet dhe përçarja dominojnë shumë shpesh panoramën ndërkombëtare, paqja duhet të formësohet aktivisht e jo të pritet pasivisht a diskutohet pafundësisht nëpër forume politike, teksa përreth globit jetë të pafajshme humbasin kotësisht çdo minutë. Bordi i Paqes shfaqet si mishërimi i kësaj domosdoshmërie urgjente.

Duke trajtuar njëkohësisht pasojat e menjëhershme të konflikteve dhe shkaqet më të thella strukturore që e prodhojnë paqëndrueshmërinë, kjo nismë ka potencialin të shndërrohet në një model vërtetë transformues të ndërtimit të paqes në nivel global.

Duket qartë se për të qenë një organizatë e re ndërkombëtare, Bordi i Paqes nuk është konceptuar si një forum tjetër deklaratash, procedurash dhe përgjegjësish të shtyra në kohë, por si një instrument i përqendruar dhe qëllimplotë i udhëheqjes dhe përgjegjësisë globale.

Kur filtrohet pafundësisht përmes shtresave të procedurave, paqja shumë shpesh mbërrin tepër vonë; kjo nismë mishëron me plot të drejtë kuptimin se koha, qartësia e mandatit dhe përgjegjësia personale në nivelin më të lartë janë vetë instrumente të paqes.

Prandaj, është njëkohësisht privilegj dhe nder të shpreh gatishmërinë time të plotë për të kontribuar në këtë përpjekje të rëndësishme dhe për t’u bërë tërësisht pjesë e një angazhimi të përbashkët që synon ta përkthejë vizionin në veprim.

Republika e Shqipërisë ka qenë prej kohësh një aleate e palëkundur e Shteteve të Bashkuara të Amerikës, e lidhur nga vlera të përbashkëta, respekt i ndërsjellë dhe një përkushtim i përbashkët ndaj lirisë, demokracisë dhe sigurisë ndërkombëtare.

Populli shqiptar do ta kujtojë gjithmonë dhe do ta çmojë vazhdimisht rolin parimor dhe vendimtar të Shteteve të Bashkuara të Amerikës, drejt vendosjes së paqes dhe stabilitetit në rajonin tonë në momente kritike të historisë sonë të përbashkët. Në këtë frymë të qëndrueshme partneriteti, dëshiroj të ritheksoj se Republika e Shqipërisë qëndron me vendosmëri përkrah Shteteve të Bashkuara të Amerikës, në të gjitha përpjekjet për promovimin e paqes, sigurisë dhe angazhimit konstruktiv global.

Duke pritur me interes të kontribuoj në suksesin e misionit të Bordit të Paqes, ju lutem pranoni, Zoti President dhe Kryetar i Bordit, shprehjen e konsideratës sime më të lartë.

Me respekt, Edi Rama

Prokuroria e Përgjithshme ka kryer të gjitha verifikimet në lidhje me deklarimet e bëra në Formularin e Vetëdeklarimit nga Irena Gjoka, gjyqtare në Gjykatën e Posaçme Kundër Korrupsionit dhe Krimit të Organizuar.

Prokuroria njoftoi se i ka kryer të gjitha verifikimet e mundshme brenda dhe jashtë vendit dhe rezultatet ia ka përcjellë Këshillit të Lartë Gjyqësor.