Deputeti demokrat, Saimir Korreshi u ndal sot në një mesazh para protestës kombëtare të opozitës.

Sipas demokratit, kjo protestë vjen teksa harbutëria dhe makutëria shtetërore po veprojnë mbi qytetarët.

“Sot duhet të jemi të gjithë në shesh. E gjithë kjo harbuteri e makuteri shtetërore po na e hedh gëlbazën në surrat. Nëse vijnë shumë bëhet një batalion i madh dhe aty është frika e Ramës” ,-tha Korreshi./Kb

Ish-deputeti Myslim Murrizi ka ndarë një qëndrim lidhur me pjesëmarrjen në protestën e opozitës.

Përmes një postimi në rrjetet sociale, Murrizi thekson se del në protestë si qytetar dhe jo për numër apo emra të përveçëm, qofshin këta edhe drejtues të PD-së, teksa fton qytetarët të veprojnë lirisht, e të pandikuar nga kahët politikë.

 “Për të gjithë komentuesit që më thonë se nuk vijnë në protestë sepse e organizon PD-ja apo politika, dhe se këto protesta duhet t’i organizojnë sindikatat. Ju lutem shumë që të mos vini, por të prisni derisa t’ju thërrasin sindikatat.

Dhe për të gjithë ata që thonë: “Për çfarë të vijmë, që të heqim mutin e të vëmë kakën?”, do t’ju lutesha shumë, por shumë fare, që të mos vini kurrë në protestë, as nesër dhe asnjëherë, për aq kohë sa nuk jeni ngopur ende me mut e me kakë në këto 36 vite që politika jua ka dhënë me shumicë dhe pa kursim këtë lloj “ushqyerjeje”.

Unë dal në protestë si qytetar, për të treguar që asnjë qeveri nuk mund të më quajë thjesht numër apo skllav, dhe jo për emra të veçantë, qofshin këta edhe drejtues të PD-së apo të opozitës.

Dhe e fundit fare: nuk besoj se e keni me detyrim të lexoni çfarë shkruaj unë në Facebook-un tim, sepse në fund të fundit kjo është miqësi virtuale. Kujt nuk i pëlqen mendimi im, le të lexojë dikë që e pëlqen dhe me të cilin ndihet i ngopur.

Ftoj të gjithë komentuesit “moralisto-kritikë” dhe të gjithë ata qytetarë që ndihen mirë me qeverinë Rama të mos vijnë në protestë, por edhe të mos na çajnë trapin duke u shtirur si parimorë, sepse askush nuk i merr me zor”,-shkruan Murrizi./Kb

Ambasada Amerikane në Tiranë ka ndarë një paralajmërim për qytetarët amerikanë, në lidhje me protestën kombëtare që organizohet sot nga opozita.

Ambasada bën thirrje për të shmangur demonstratën dhe të ndjekin udhëzimet e institucioneve në lidhje me sigurinë.

“Ndërkohë që protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Protesta mund të zgjerohet në blloqet dhe ndërtesat qeveritare aty pranë, duke shkaktuar potencialisht ndërprerje të trafikut, devijime dhe mbyllje rrugësh. Udhëzimi ynë i përhershëm është të shmangni zonat e protestave. Nëse jeni në qytet, ju lutemi qëndroni vigjilentë dhe jepini përparësi sigurisë suaj personale”, thuhet në postim.

Postimi i plotë:
Një demonstratë është planifikuar të zhvillohet të martën, më 10 shkurt 2026, në orën 17:00. Protestuesit planifikojnë të mblidhen te ndërtesa e Kryeministrisë, e vendosur në Bulevardin Dëshmorët e Kombit midis Sheshit Nënë Tereza dhe Sheshit Skënderbej. Pritet prani e shtuar e policisë, mbyllje rrugësh dhe ndërprerje të trafikut.

Policia e Shtetit Shqiptar ka njoftuar se protestuesit mund të bllokojnë kryqëzimet në pjesë të ndryshme të qendrës së qytetit. Personelit të Ambasadës Amerikane është këshilluar të shmangë demonstratën. Monitoroni median lokale dhe ndiqni udhëzimet e autoriteteve lokale të zbatimit të ligjit për informacionet më të fundit.

Ndërkohë që protestat dhe tubimet e mëdha shpesh fillojnë në mënyrë paqësore, situatat mund të ndryshojnë shpejt. Protesta mund të zgjerohet në blloqet dhe ndërtesat qeveritare aty pranë, duke shkaktuar potencialisht ndërprerje të trafikut, devijime dhe mbyllje rrugësh. Udhëzimi ynë i përhershëm është të shmangni zonat e protestave. Nëse jeni në qytet, ju lutemi qëndroni vigjilentë dhe jepini përparësi sigurisë suaj personale. Forconi qëndrimin tuaj të sigurisë duke praktikuar zakonet e mëposhtme:

Veprimet që duhen ndërmarrë:
• Qytetarëve amerikanë u këshillohet të shmangin këtë ngjarje
• Ji i vetëdijshëm për mjedisin përreth
• Kufizoni shpërqendrimet si telefonat ose kufjet në publik
• Monitoroni mediat lokale
• Gjithmonë keni një plan emergjence ose strategji daljeje
• Mbani një profil të ulët/kb

Kryeministri Edi Rama ka publikuar sot në 10 shkurt fotografi në rrjetin e tij social “Facebook” me presidentin e Këshillit Europian, Antonio Costa.

Rama shprehet se foton me zyrtarin e lartë të BE-së e ka realizuar përpara darkës së mbrëmshme në Bruksel. Kreu i qeverisë e konsideron Antonio Costa-n një mik të tij të çmuar.

“Mirëmëmgjes, me këto momente përpara darkës së mbrëmshme të punës në Bruksel, me Presidentin e Këshillit Europian dhe mikun tim të çmuar, António Costa, ju uroj një ditë të mbarë”, shkruan Rama.

Kujtojmë se kryeministri ka zhvilluar gjatë ditës së djeshme më 9 shkurt një vizitë zyrtare në Bruksel, ku u prit në takim nga presidenti i Këshillit Evropian, Antonio Costa.
Në fokus të këtij takimi ishte procesi i negociatave të anëtarësimit të vendit në Bashkimin Evropian. Takimi i Ramës me Costa-n konsiderohet si një mundësi për të diskutuar sfidat e Shqipërisë në procesin e anëtarësimit në BE dhe për të përcaktuar hapat e ardhshëm në rrugën drejt anëtarësimit.

Sjellim ndërmend se një nga çështjet kryesore të mbetura pezull është Raporti i Vlerësimit të Standardeve për Reformimin e Gjyqësorit, i njohur si IBAR, i cili lidhet me kapitujt 23 dhe 24 të procesit të negociatave.

Deri më tani, Shqipëria nuk ka mundur ta marrë këtë raport të plotë dhe të miratuar nga shtetet anëtare të BE-së. Pa aprovimin e këtij dokumenti, procesi i mbylljes së kapitujve nuk mund të ecë përpara.

Në diskutimet e mëparshme në nivel ambasadorësh, është kërkuar që Shqipëria të ofrojë prova konkrete mbi ndëshkimin e zyrtarëve të lartë të akuzuar, përfshirë vendime përfundimtare të gjykatave dhe sekuestrime të pasurive. Ky është një nga kushtet që konsiderohen jetik për të treguar progresin në reformën në drejtësi./kb

Policia e Tiranës ka njoftuar masat, pasi përfaqësues të Partisë Demokratike e Shqipërisë kanë njoftuar për zhvillimin e një tubimi, ditën e sotme, në orën 17:00, para Kryeministrisë.

Në zbatim të këtyre masave, ditën e sotme dhe të nesërme do të kufizohet lëvizja në disa akse/segmente rrugore, konkretisht:

-Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për ta devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.

Policia e Tiranës u bën thirrje qytetarëve që të distancohen në rast se gjenden përballë veprimeve të kundërligjshme që cenojnë rendin dhe sigurinë publike./Kb

Debatet mes Selin dhe Rogertit duket se nuk kanë fund në shtëpinë e Big Brother VIP 5.

Banori e thërret herë pas here Selin “Barbie” dhe sot ajo iu kthye duke i thënë “bukurosh”. Duket se kjo fjalë nuk i pëlqeu Rogertit, i cili iu drejtua duke i thënë që të mos e përmendë më, pasi ai është burrë i martuar.

Pjesë nga debati:

Rogerti: Kunata ka filluar me Kristin prapë, kujdes me princin e zi, të kam thënë 100 herë.

Selin: Bukurosh, merr frymë thellë

Rogerti: Jo bukurosh, mos më thirr mua bukurosh

Selin: Bukurosh

Rogerti: Mos më thuaj mua bukurosh se nuk jam beqar

Selin: O bukurosh

Rogerti: Mos më thirr mua bukurosh me më tërheq vajzat beqare

Selin: Kur të stoposh ti të më thërrasësh Barbie, atëherë unë do stopoj

Rogerti: Thuaj tullumbac, çufo, ça të duash, por jo bukurosh. Nuk dua me më ardhë femrat se jam i martuar dhe i kënaqur.

Selin: Edhe mua Barbie nuk më thua dot se të gjithë e dinë se ça konotacioni ka kur i thua dikujt ashtu

Rogerti: Të lutem mos më thuaj bukurosh, kaq

Selin: Jo bukurosh por super bukurosh. Kështu që bukurosh kthe përgjigje nëse ke kapacitet për të kthyer përgjigje. Nuk e ke, ngelesh bukurosh.

Rogerti: Baby G më ndihmo, se ka konotacion tjetër./kb

Last Updated on 10/02/2026 by Kesjana

Kosova është vlerësuar me 43 pikë në Indeksin e Perceptimit e Korrupsionit për vitin 2025 të organizatës ndërkombëtare, Transparency International (TI), duke shënuar një rënie për një pikë krahasuar me vitin paraprak.

Vlerësimi i ri bën që Kosova të renditet e 76-ta në botë nga gjithsej 182 vende dhe territore, apo tri pozita më poshtë se më 2024.

Sipas TI, vlerësimi me pikë i një shteti tregon nivelin e korrupsionit të perceptuar në sektorin publik nga zero (që do të thotë se një vend është jashtëzakonisht i korruptuar) deri në 100 (një vend i pastër nga korrupsioni), ndërkaq renditja e një shteti në indeks tregon pozicionin e tij relativ krahasuar me vendet e tjera.

Shkencëtarët kanë identifikuar një rrugë të re që mund të ndihmojë në ngadalësimin e humbjes së kujtesës te njerëzit me sëmundjen e Alzheimerit, një gjendje neurodegjenerative që dëmton gradualisht kujtesën dhe aftësinë e të menduarit.

Studimi u zhvillua nga Cold Spring Harbor Laboratory në Nju Jork, ku studiuesit zbuluan se enzima PTP1B luan një rol në përkeqësimin e humbjes së kujtesës te minjtë me Alzheimer.

Shkencëtarët vëzhguan se kjo enzimë duket se pengon funksionin normal të qelizave imune të trurit (të quajtura mikroglia) për të pastruar pllakëzat e amyloid-beta, struktura proteinike të lidhura me përkeqësimin e sëmundjes.

Kur aktiviteti i PTP1B është i reduktuar, mikroglia funksionon më mirë dhe i largon më efektivisht këto pllaka toksike nga truri.

Sipas autorëve të studimit, PTP1B ndërvepron me proteinën SYK, e cila ndihmon në sinjalizimin e mikroglisë për të reaguar ndaj dëmtimeve. Duke penguar PTP1B, mikroglia mund të zbatojë më mirë funksionet e saj “pastruese”, që shpesh humbin efektivitetin me progresin e sëmundjes.

Aktualisht, trajtimet e përdorura synojnë simptomat, por kjo qasje e re ngre shpresë për një efekt më të drejtpërdrejtë mbi mekanizmat që shkaktojnë humbje kujtese.

Sëmundja e Alzheimerit është forma më e zakonshme e demencës dhe prek dhjetëra miliona njerëz në mbarë botën. Sipas Organizatës Botërore të Shëndetit, rreth 55 milionë njerëz jetojnë me demencë dhe Alzheimeri përbën afërsisht 70% të rasteve./Kb

Presidenti Donald Trump ka kërcënuar të bllokojë hapjen e një ure që lidh SHBA-në dhe Kanadanë derisa Uashingtoni të “kompensohet plotësisht për gjithçka” që i ka dhënë fqinjit të tij verior.

Ura Ndërkombëtare Gordie Howe, që lidh provincën kanadeze të Ontarios me shtetin amerikan të Miçiganit, nuk do të hapet derisa Ottawa “t’i trajtojë Shtetet e Bashkuara me drejtësinë dhe respektin që meritojmë”, shkroi Trump në rrjetet sociale.

Sipas faqes së internetit të projektit, ura po financohet nga qeveria kanadeze, por do të jetë në pronësi publike si të Kanadasë ashtu edhe të Miçiganit. Nuk është e qartë se si Trump mund ta bllokojë hapjen e saj, por ai tha se negociatat do të fillojnë menjëherë, pa dhënë hollësi. Ura, e cila shtrihet përgjatë lumit Detroit, pritet të hapet për trafik në pritje të testeve dhe miratimeve zyrtare në fillim të vitit 2026. Ndërtimi filloi në vitin 2018, por projekti ka qenë një pikë mosmarrëveshjeje midis vendeve për më shumë se një dekadë. Vlerësohet të ketë kushtuar 6.4 miliardë dollarë kanadezë (3.4 miliardë paund), sipas Korporatës Kanadeze të Transmetimeve.

Në deklaratën në platformën e tij Truth Social, Trump tha se SHBA-të duhet të zotërojnë “të paktën gjysmën e këtij aseti”. Ai gjithashtu sugjeroi që Kanadaja zotëronte të dyja anët e urës, atë kanadeze dhe amerikane. Organizata që po zhvillon urën, Autoriteti i Urës Windsor-Detroit, është tërësisht në pronësi të qeverisë kanadeze, sipas faqes së internetit të projektit.

Trump shkroi: “Qeveria kanadeze pret që unë, si President i Shteteve të Bashkuara, t’i lejoj ata thjesht ‘të përfitojnë nga Amerika’. Nuk do të lejoj që kjo urë të hapet derisa Shtetet e Bashkuara të kompensohen plotësisht për gjithçka që u kemi dhënë”.

Familja Moroun, pronarët amerikanë të Urës fqinje Ambasador që lidh gjithashtu Detroitin me Kanadanë, i bënë thirrje Trump gjatë mandatit të tij të parë që të ndalonte ndërtimin e urës së re, duke argumentuar se kjo shkelte aftësinë e tyre ekskluzive për të mbledhur taksat.

Në përgjigje, Trump dhe kryeministri i atëhershëm Justin Trudeau lëshuan një deklaratë të përbashkët duke thënë se ura ishte një lidhje jetësore ekonomike midis vendeve.

Të hënën, Trump vuri në dukje mosmarrëveshjet e fundit tregtare midis dy vendeve, duke thënë se “Tarifat që Kanadaja na ngarkon për produktet tona të qumështit kanë qenë të papranueshme për shumë vite”./Kb

Këtë të martë, një dollar amerikan do të blihet me 80.6 lekë dhe shitet me 81.8 lekë.

Franga zvicerane blihet me 104.8 lekë dhe shitet me 105.8 lekë.

Paundi britanik blihet me 110 lekë dhe shitet me 111 lekë.

Dollari kanadez këmbehet me 59.2 lekë në blerje dhe me 60.4 lekë në shitje./kb

Shifrat në fjalë, ministrit të Brendshëm gjerman, Alexander Dobrindt, i pëlqejnë t’i dëgjojë: vitin e kaluar, 5976 sirianë aplikuan për largim vullnetar në Siri,  të mbështetur nga Zyra Federale për Migrimin dhe Refugjatët (BAMF), dhe dorëzuan të gjitha dokumentet e nevojshme. 3678 prej tyre tashmë janë kthyer.

Për politikanin e CSU-së, kjo është dëshmi e suksesit të politikës së migrimit që ka nxitur: “Ata që nuk kanë perspektiva qëndrimi marrin ndihmë të veçantë për kthimin e tyre vullnetar.”

Kjo ndihmë e veçantë përfshin mbulimin e kostove të fluturimit, si dhe një grant fillestar prej 1000 € për çdo të rritur që kthehet dhe 500 € për fëmijë dhe të rinj. Një vit më parë, Zyra Federale rinisi programin, pasi ai u pezullua për shkak të luftës. Numri i njerëzve që bëjnë këtë hap dhe kthehen në vendet e tyre të origjinës po rritet në përgjithësi.

Numri i kthimeve vullnetare nga Gjermania në rritje

Në një njoftim për shtyp, BAMF shkruan: “Një numër i përgjithshëm prej 16.576 personash morën ndihmë për t’u kthyer në vendin e tyre të origjinës ose në një vend të tretë të gatshëm t’i pranojë. Kjo përfaqëson një rritje të konsiderueshme të numrit të largimeve krahasuar me vitin e kaluar, kur u larguan nga vendi 10.358 vetë. Në vitin 2025, shumica e largimeve vullnetare ishin në vendet e origjinës Turqi, Siri, Federatë Ruse, Gjeorgji dhe Irak.”

Pra, a është kthimi vullnetar në Sirinjë histori suksesi? Apo është më tepër një debat i gabuar, siç kritikon Iris Schwerdtner. Kushte të ngjashme me ato të luftës civile vazhdojnë të mbizotërojnë në Siri, thekson kryetarja e Partisë së Majtë. Prandaj, Gjermania nuk duhet të deportojë askënd në atë vend, as të bindë njerëzit të udhëtojnë atje vullnetarisht. Ajo e konsideron çdo debat të këtij lloji “tërësisht të papërshtatshëm në këtë moment”.

Situata humanitare në Siri mbetet e vështirë

Sandra Lorenz, zyrtare e komunikimit në Johanniter International Assistance, është në  pozitë të mirë për të gjykuar. Organizata humanitare punon përmes partnerëve në veriperëndim të Sirisë. Lorenz i shpjegon DW-së se mund ta kuptojë pse njerëzit duan të kthehen në vendin e tyre.

“Ne e shohim këtë edhe në Ukrainë, ku njerëzit duan të kthehen në fshatrat e tyre pavarësisht sulmeve. Kjo është krejtësisht normale. Por thjesht duhet të jeni të qartë për situatën në të cilën ndodheni. Infrastruktura është shkatërruar plotësisht në shumë vende. Dhe njerëzit që jetojnë atje sot zhvendosen vazhdimisht për shkak të luftimeve të vazhdueshme”.

Sigurisht, situata në qytetet kryesisht të shkatërruara si Alepo dhe Afrin është e ndryshme nga ajo në kryeqytetin sirian Damask, për shembull, shpjegon Lorenz. Megjithatë, situata humanitare mbetet shumë e vështirë në përgjithësi dhe nevoja për rindërtim mbetet e jashtëzakonshme, veçanërisht pas tërmetit të rëndë tre vjet më parë. Për Johanniter, kjo aktualisht do të thotë para së gjithash mbështetje e rehabilitimit të infrastrukturës dhe furnizimi i spitaleve me benzinë, ujë të pijshëm dhe medikamente.

“Ka qindra mijëra njerëz që janë të varur nga ushqimi dhe që kanë nevojë për mbështetje për të rifituar qasjen në ujë, strehim të denjë dhe të ardhura. Situata në Siri është si në zonat e tjera të luftës, thjesht nuk është ajo që ishte 14 vjet më parë. Dhe unë mund të shpresoj vetëm që njerëzit ta kenë studiuar këtë, që të kenë folur me dikë, që të kenë diku ose dikë që e njohin, tek i cili mund të drejtohen së pari.”

Gjermania ndihmon në rindërtim

Nahla Osman së fundmi e pa me sytë e saj situatën në vendin e saj. Avokatja dhe nënkryetarja e Shoqatës së Organizatës Gjermane për Ndihmë Siriane sapo është kthyer nga një udhëtim me një delegacion në Siri. Ajo ishte shoqëruar nga përfaqësues të Gesellschaft für Internationale Zusammenarbeit (GIZ), Ministrisë Federale për Bashkëpunim Ekonomik dhe Zhvillim (BMZ) dhe Bankës Gjermane për Rindërtimin (KfW).

Osmani i shpjegon DW: “Në Harasta, një periferi e Damaskut, nuk ka asnjë shtëpi të vetme që është e banueshme ose plotëson standardet minimale për jetesë atje. Më shumë se 80% e shkollave të Sirisë janë shkatërruar. Në të njëjtën kohë, ka një mungesë reale të gjithçkaje, veçanërisht medikamente dhe furnizime mjekësore. Ministri i Shëndetësisë na tha se aparate të caktuara mjekësore mund të ekzistojnë një ose dy herë në të gjithë Sirinë.”

Rikthimi në punë i spitaleve siriane është prioritet për ndihmën gjermane të rindërtimit. Gjatë udhëtimit, u nënshkrua një kontratë përkatëse me pesë spitale.

Në të njëjtën kohë, Gjermania mund të përfitojë gjithashtu nga specialistët sirianë në të ardhmen: qeveria siriane ka propozuar futjen e gjuhës gjermane si lëndë nga klasa e pestë. Qëllimi është të trajnohen specialistë – si mjekë – në një fazë të hershme, të cilët më pas mund të punojnë në Gjermani në kushte më të favorshme.

Nahla Osman nuk e kupton debatin në Gjermani për kthimin e sirianëve: “Shumica e sirianëve janë të integruar këtu, ata flasin gjermanisht dhe punojnë. Shumë ëndërrojnë të kthehen, por jo në këto kushte, natyrisht.” Sipas mendimit të saj, debati në Gjermani nuk është shumë i nuancuar: “Të gjithë sirianët duhet të kthehen, të marrin një lopatë dhe të rindërtojnë vendin. Kjo nuk është mënyrë për të zhvilluar një debat në një vend imigrimi”./DW//kb

Ofruesit e shërbimit të internetit duhet të përcaktojnë në kontratën e shërbimit edhe shpejtësinë minimale për shkarkimin dhe ngarkimin e të dhënave.

Një detyrim i tillë parashikohet në ligjin e ri “Për komunikimet elektronike”, i miratuar në fund të vitit 2024 dhe Autoriteti i Komunikimeve Elektronike dhe Postare (AKEP) e ka përfshirë në rregulloren e re për “Përcaktimin e modelit të përmbledhjes së kontratës për t’u përdorur nga ofruesit e shërbimeve të komunikimeve elektronike publike”.

Sipas anekseve të rregullores, për shërbimin e aksesit në internet në rrjet fiks në kontratë duhet të përfshihet shpejtësia minimale, normalisht e disponueshme dhe maksimale e shkarkimit dhe ngarkimit, ndërsa në rastin e rrjeteve celulare do përfshihet shpejtësia maksimale e vlerësuar e shkarkimit dhe ngarkimit të shërbimit të aksesit në internet.

Deri më sot, shpejtësia e përcaktuar në kontratat e shërbimit të internetit me linja fikse i referohet shpejtësisë maksimale, përkatësisht për shkarkimin dhe ngarkimin e të dhënave.

Por, në praktikë, shpejtësia reale e internetit është e ndryshueshme dhe shpeshherë larg asaj maksimale të parashikuar në kontratë. Tashmë, kuadri i ri ligjor përcakton edhe detyrimin për të specifikuar një shpejtësi minimale të lidhjes.

Gjithashtu, ligji parashikon se, çdo mospërputhje e rëndësishme, e vazhdueshme ose e përsëritur rregullisht, midis cilësisë aktuale të shërbimit të aksesit në internet dhe asaj të parashikuar në kushtet e kontratës do të konsiderohet se përbën mospërputhje të performancës për qëllime të nxitjes së mjeteve juridike të disponueshme për konsumatorin, në përputhje me legjislacionin kombëtar. Një parashikim i tillë synon të mbrojë konsumatorin, në rastet kur operatori nuk ofron atë cilësi shërbimi të parashikuar në kontratë.

Sipas të dhënave më të fundit nga AKEP, numri i abonentëve të internetit me linja fikse në fund të muajit shtator 2025 arriti në rreth 710 mijë, në rritje me 2.4% krahasuar me tremujorin e mëparshëm dhe 7.1% krahasuar me të njëjtën periudhë të një viti më parë.

Tregu i internetit nga linjat fikse vazhdon të ndjekë një tendencë të qëndrueshme në rritje, duke ngushtuar pjesërisht prapambetjen në depërtimin e linjave fikse të komunikimit.

Tregu në përgjithësi po shfaq rritje dhe konkurrencë të lartë, veçanërisht në qendrat e mëdha urbane, ku përqendrimi i popullsisë është më i madh. Operatorët e kanë rinovuar gradualisht infrastrukturën drejt teknologjive më të reja, të fibrës optike, që ka ndikuar në rritjen e shpejtësisë mesatare të lidhjes për përdoruesit.

Sipas të dhënave më të fundit për shpejtësinë e internetit, në fund të vitit 2024, rreth 84% e pajtimtarëve kishin linja me shpejtësi më të madhe se 30 Mbps (megabit për sekondë), nga 69% që kishte qenë ky tregues në fund të vitit 2023. Ndërkohë, 42% e pajtimtarëve zotërojnë lidhje me shpejtësi mbi 100 Mbps, nga 28% që kishte qenë ky tregues për vitin 2023.

Gjithmonë duke iu referuar shifrave të 2024, rreth 69% e lidhjeve të internetit nga rrjetet fikse mbështeten në teknologjinë e fibrës optike./Monitor.al/kb

Sistemi fiskal dhe tarifat administrative po kthehen në barrë për qytetarët e Ballkanit Perëndimor, por në Shqipëri ky presion duket se ka prekur masën më të gjerë të popullsisë, sipas anketës “Securimetri 2025” të realizuar nga Këshilli i Bashkëpunimit Rajonal.

Të dhënat tregojnë se në Shqipëri, rreth 75% e qytetarëve vlerësojnë se taksat dhe tarifat rrisin koston e tyre të jetesës me 10% deri në 50% te të ardhurave mujore. Specifikisht, grupi që deklaron se detyrimet publike marrin 21-30% të të ardhurave të tyre mujore është më i larti në rajon, me 30% të të anketuarve, duke lënë pas mesataren e Ballkanit Perëndimor prej 25%.

Kjo shifër tregon se, ndryshe nga fqinjët, shqiptarët e ndjejnë barrën e detyrimeve publike si një shpenzim që dikton mirëqenien e tyre mujore. Vetëm 13% e shqiptarëve mendojnë se shteti u merr më pak se 10% të kostove të jetesës, niveli ky më i ulët në rajon pas Serbisë.

Kjo do të thotë se për gati një të tretën e popullsisë në Shqipëri, pagesat ndaj institucioneve publike marrin një pjesë mjaft të konsiderueshme të buxhetit familjar, duke tejkaluar mesataren e rajonit.

Kosova shfaqet si një ekonomi më barrën më të lehtë për qytetarët e saj. Rreth 17% e qytetarëve të saj e ndjejnë barrën e pagesave publike nën nivelin 10%, një tregues ky më pozitiv se në Shqipëri.

Serbia ka përqindjen më të lartë të qytetarëve që deklarojnë kosto ekstreme ku 11 % e qytetarëve pohojnë se çojnë 50% të të ardhurave mujore në shtet, ndërsa në Shqipëri kjo kategori është pothuajse e papërfillshme me 3%. Kjo tregon se sistemi serb mund të jetë më agresiv ndaj grupeve më të ardhura të larta, ndërsa sistemi shqiptar shënjestron më gjerësisht shtresën e mesme.

Maqedonia e Veriut udhëheq rajonin me 36% te të anketuarve që paguajnë10-20% te të ardhurave mujore, duke u renditur shumë afër Shqipërisë për nga perceptimi i barrës së moderuar.

Për Shqipërinë, shifrat tregojnë një ndjeshmëri të lartë ndaj detyrimeve financiare publike, ku përfshihet faturat e ujit, energjisë dhe të tjera që kanë bëjnë me taksat e tarifat. Një pjesë e konsiderueshme e popullsisë pohoi se këto kosto gërryejnë ndjeshëm të ardhurat e tyre mujore. /Monitor.al//kb

Gjatë muajit janar, “Monitor” zhvilloi një vrojtim me analistë të tregut financiar lidhur, me faktorët që kanë ndikuar ecurinë e kursit të këmbimit mes Euros dhe Lekut.

Ekspertët u pyetën për të vlerësuar ndikimin e një liste faktorësh, në një shkallë që fillonte nga një deri në pesë.

Mbështetur në përgjigjet e tyre, faktori me peshën mesatare më të lartë në vijimësinë e rënies së kursit të këmbimit Euro-Lek ka qenë turizmi dhe në përgjithësi rritja e eksporteve të shërbimeve në ekonominë shqiptare. Paneli i ekspertëve e ka vlerësuar këtë faktor me një ndikim 4.5 (nga një shkallë maksimale 5).

Sipas të dhënave më të fundit të Bankës së Shqipërisë, për të gjithë 9-mujorin 2025, të ardhurat neto nga turizmi arritën në 2.1 miliardë euro, në rritje vjetore me 19.6%.

Turizmi vazhdon të jetë kontribuesi kryesor në zërin e të ardhurave në bilancin e pagesave të vendit.

Përveç turizmit, në përgjithësi sektori i shërbimeve vazhdon të japë një kontribut të lartë në rritjen e eksporteve të vendit. Për të gjithë 9-mujorin 2025, shërbimet sollën të ardhura neto në ekonomi në vlerën e pothuajse 3.5 miliardë eurove, në rritje me 16.4% krahasuar me një vit më parë.

Faktori i dytë më i zgjedhur nga ekspertët e anketuar janë remitancat. Mesatarisht, ndikimi i këtij faktori në kursin e këmbimit vlerësohet në nivelin 3.91. Për 9-mujorin, dërgesat e emigrantëve arritën vlerën e 817 milionë eurove, në rritje me 5.8% krahasuar me një vit më parë. Valët e reja të emigrimit të shqiptarëve në vitet e fundit kanë ringritur remitancat, duke ndikuar pozitivisht bilancin e llogarisë korrente të vendit.

Faktori i tretë për nga ndikimi, sipas ekspertëve, janë prurjet informale të valutës, me një vlerësim mesatar në nivelin 3.83. Me një ndikim lehtësisht më të ulët vlerësohen prurjet e paligjshme të valutës, me një vlerësim mesatar 3.58.

Në perceptimin e përgjithshëm, flukset informale dhe të paligjshme kanë pasur gjithmonë një ndikim të konsiderueshëm në tendencat e kursit të këmbimit. Një perceptim të tillë duket se e ndajnë edhe ekspertët, që i rendisin ndër faktorët me ndikim në kursin e këmbimit.

Investimet e huaja në pasuri të paluajtshme vlerësohen gjithashtu ndër faktorët me ndikim, me një nivel mesatar 3.66.

Sektori i pasurive të paluajtshme dominoi investimet e huaja për të katërtin vit radhazi në 2025, me një peshë gjithnjë e më të lartë. Për 9-mujorin 2025, investimet e huaja në pasuri të paluajtshme arritën vlerën e 403 milionë eurove. Vlera e investimeve të huaja në prona është rritur me 50% krahasuar me të njëjtën periudhë të vitit të kaluar. Investimet në këtë sektor përbëjnë më shumë 33% të investimeve të huaja për këtë vit, nga 23% që zinin një vit më parë.

Në renditjen e vlerësimit mesatar të ekspertëve për faktorët që kanë ndikuar kursin e këmbimit, vijon bilanci tregtar, me një mesatare vlerësimi 3.25 dhe ulja e deficitit buxhetor dhe borxhit publik, në nivelin 2.83.

Publiku mendon se euro ra nga flukset informale

Për të ballafaquar mendimin e ekspertëve me mendimin e një publiku më të gjerë, “Monitor” realizoi mes fundit të muajit janar dhe fillimit të muajit shkurt një sondazh në faqen e saj të internetit. Pjesëmarrësit u pyetën për faktorët kryesorë që, sipas tyre, kanë përcaktuar rënien e kursit të Euros ndaj Lekut, me të njëjtat alternativa që iu parashtruan edhe ekspertëve.

Sipas përgjigjeve të sondazhit, në pjesën më të madhe pjesëmarrësit mendojnë se faktorët kryesorë që kanë sjellë rënien e kursit të Euros janë prurjet e paligjshme të valutës, me 36% të përgjigjeve dhe prurjet informale, me 30% të tyre.

Faktorët e tjerë vijojnë me diferencë të konsiderueshme, duke filluar nga turizmi, me 13% të përgjigjeve, investimet e huaja në prona, me 9% dhe remitancat, me 5%.

Rezultatet e sondazhi tregojnë se, në perceptimin e opinionit publik, ekonomia informale dhe e paligjshme është faktori me ndikimin kryesor në rënien e kursit të këmbimit mes Euros dhe Lekut.

Sipas statistikave të Bankës së Shqipërisë, Euro u këmbye mesatarisht vitin e kaluar me 97.85 lekë, niveli më i ulët i regjistruar ndonjëherë. Megjithatë, shkalla e rënies së kursit në 2025 ishte ndjeshëm më e ulët krahasuar me dy vitet e mëparshme. Për vitin 2025, kursi mesatar zyrtar i këmbimit Euro-Lek pësoi një rënie me 2.8%, nga 7.4% që kishte qenë rënia gjatë vitit 2024 dhe 8.6% që kishte qenë rënia gjatë vitit 2023.

Por, ngadalësimi i rënies së kursit mund të shpjegohet në një masë të konsiderueshme me ndërhyrjet e Bankës Qendrore. Sipas të dhënave zyrtare të publikuara deri tani, për nëntë muajt e parë të vitit 2025 Banka e Shqipërisë ka blerë gjithsej 825.6 milionë euro në tregun e brendshëm valutor.

Kjo është vlera më e lartë historike e blerjeve të Bankës së Shqipërisë në tregun valutor për këtë periudhë të vitit. Në mungesë të këtyre blerjeve, kursi i këmbimit do të kishte pësuar një rënie edhe më të madhe./kb

Për ditën e Martë vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura si dhe alternime të herëpashershme me kthjellime kryesisht përgjatë ultësirës perëndimore.

Vranësirat e dendura do të shoqërohen me reshje shiu të herëpashershme me intensitet të ulët në pjesën më të madhe të territorit. Përgjatë orëve të pasdites deri në orët e vona të mbrëmjes përgjatë ultësirës perëndimore reshjet në formën e shtrëngatave.

Era do të fryjë me drejtim kryesor nga kuadrati i jugut me shpejtësi mesatare 4 m/sek, e cila hera-herës përgjatë vijës bregdetare dhe zonave luginore pritet të fitojë shpejtësi deri 10 m/sek Valëzimi në detet Adriatik dhe Jon i forcës 1-3 ballë./kb

Last Updated on 10/02/2026 by Kesjana

Dashi

Kjo e martë do të nisë më së miri, ku do të keni dëshirë që të bëni mirë dhe të dilni në pah. Kjo gjë do të vlejë si për sferën profesionale edhe për atë sentimentale.

Demi

Kjo ditë do ju shohë si protagonist absolut dhe është në dorën tuaj që ta shfrytëzoni këtë mundësi. Yjet janë në anën tuaj.

Binjakët

Hëna do të ketë ndikim pozitiv tek të lindurit e kësaj shenje dhe kjo gjë do ju ndihmojë që të rikuperoni energjinë dhe humorin e mirë. Megjithatë do të hasni me situata, të cilat nuk do të jenë aspak të lehta për tu menaxhuar.

Gaforrja

Kjo ditë do të jetë mjaft e lodhshme, por në fund do arrini që të siguroni një bilanc pozitiv. Po ashtu ju pret një listë e gjatë angazhimesh, të cilat do arrini që ti çoni deri në fund.

Luani

Hapet për ju një fazë e rëndësishme, veçanërisht në sferën profesionale. Prej jush kërkohet një angazhim i madh, por ashtu si zakonisht do të nxirrni në pah disa cilësi të tjera tuajat.

Virgjëresha

Mes lajmeve të mira të kësaj jave, është ndikimi pozitiv i Mërkurit. Do të arrini që të merrni kënaqësi të mëdha, pasi keni punuar shumë dhe ky është momenti për të korrur frytet.

Peshorja

Ditët në vijim do të jenë mjaft pozitive për tu qartësuar me jetën tuaj. Do të keni mundësi që të largoni gjithë ata persona që ju komplikojnë jetën.

Akrepi

Dita do të nisë me dyshime në sferën ekonomike. Bëni kujdes, veçanërisht nëse po planifikoni ndonjë projekt, pasi duhet vëmendje maksimale, shkruan noa.al.

Shigjetari

Kjo nuk është një periudhë negative, ndaj mund të guxoni. Do keni mundësi që të ecni përpara në sferën profesionale. Ndërsa sa i takon ndjenjave mund të mundoheni paksa, por do të merrni rezultatin e dëshiruar.

Bricjapi

Gjatë kësaj fillimjave do të jeni të përhumbur në mendime. Keni shumë ide që ju vijnë në kokë dhe doni që t’iu jepni formë, por ky nuk është momenti i duhur.

Ujori

Kjo ditë e re do të sjellë me vete shumë lodhje. Në këtë periudhë jeni ndjerë nën presion dhe kjo ndjesi stresi do vijojë që t’iu shoqërojë edhe në ditët në vijim.

Peshqit

Në këtë moment keni nevojë për një shtysë më shumë. Këshillohet që të flisni dhe të hapeni me ata që ju duna vërtetë. Në këtë mënyrë do të keni mundësi që të sheshoni të gjitha dyshimet./kb

Kreu i Partisë Demokratike Sali Berisha ka reaguar në lidhje me vendimin e Gjykatës Kushtetuese për të rrëzuar me votimin 4:4 kërkesën e Edi Ramës për shpalljen anti-kushtetuese të vendimit të GJKKO për pezullimin nga detyra të Belinda Balluku.
Në një konferencë për shtyp nga selia blu, Berisha u shpreh se ndikimi politik mbi gjykatën ishte shumë i madh, ndryshe nuk do të kishte një votim të tillë.

Sipas tij, pezullimi nuk duhet të mbetej në fuqi me votat e 4 gjyqtarëve, por me një vendim unanim i të gjithë anëtarëve të Kushtetueses.
“Pas vendimit të gjykatës kushtetuese më saktë, mos-vendimit të kësaj gjykatë, për të hequr pezullimin ndaj lubi Ballukut, pasi katër gjyqtarë të saj votuan kundër, heqjes së pezullimit, votuan duke shkelmuar ligjin dhe Kushtetutën. Votuan në diktatin e egër të Rama, faktikisht “Lubia” mbeti e pezulluar, por gjykata pezulloi veten ndodhi një akt i rëndë që në aparencë qëndron , por propabilistët japin një fakt tronditës se në propabilitet kjo mund të ndodhë një në 500 herë. Këtu ndodh 1 në dy herë. Se sa i tmerrshëm është veprimi politik, ndikimi mbi gjykatën. Nuk mund të ndodhte ai vendim, 4 me 4; pavarësisht se pezullimi mbeti në fuqi, por nuk duhej të mbetej në fuqi për votat e 4 gjyqtarëve, por duhet të mbetej në fuqi me votat e të gjithë gjyqtarëve. Pra është dëshmi e paralizës nga ekzekutivi i Gjykatës Kushtetuese. Rama kërcënoi, prokurorinë Gjykatën…”, tha Berisha./kb

Rrjeti SafeJournalists ka ndarë sot një deklaratë lidhur me situatën me transmetuesin publik, RTSH.

Në deklaratë theksohet se reformimi demokratik i transmetuesit publik në Shqipëri mbetet e vetmja rrugë e qëndrueshme.

Deklarata e plotë: 

Organizatat e nënshkruara shqiptare dhe ndërkombëtare për lirinë e medias dhe mbrojtjen e gazetarëve i bëjnë thirrje të përbashkët qeverisë shqiptare që të mbështesë reformën e transmetuesit publik Radio Televizioni Shqiptar (RTSH) përmes mjeteve të ligjshme, demokratike dhe institucionale, në përputhje me normat demokratike dhe standardet e Bashkimit Evropian për mediat e shërbimit publik.

Organizatat tona kanë ndjekur deklaratat e fundit publike të Kryeministrit Edi Rama lidhur me performancën dhe financimin e RTSH-së, ku u parashtruan mundësi të tilla si pezullimi i financimit, privatizimi apo mbyllja e mundshme e transmetuesit. Komentet kritike kanë rinovuar debatin publik mbi të ardhmen e transmetuesit në Shqipëri, një vend kandidat për anëtarësim në BE.

Ekziston një konsensus i gjerë, si brenda vendit ashtu edhe në nivel ndërkombëtar, se RTSH-ja prej vitesh përballet me probleme serioze dhe të thella strukturore, përfshirë dobësi në qeverisjen dhe mbikëqyrjen e pavarur, paqëndrueshmëri financiare, rënie të besimit publik dhe mangësi profesionale në përmbushjen e misionit të saj si media e shërbimit publik.

Këto përfundime janë ndarë prej kohësh edhe nga organizatat tona. Ne biem njëzëri dakord se këto sfida kërkojnë reforma të besueshme dhe llogaridhënie të qartë, veçanërisht në dritën e emërimit në vitin 2025 të një Këshilli të ri Drejtues dhe të një Drejtori të Përgjithshëm të ri, mandati i të cilëve është pikërisht adresimi i këtyre problematikave.

Njëkohësisht, standardet evropiane bëjnë një dallim të qartë midis nevojës për reformë dhe mjeteve përmes të cilave ajo realizohet. Dakordësia mbi objektivat e reformës nuk nënkupton automatikisht dakordësi mbi çdo instrument të përdorur për arritjen e tyre.

RTSH është një institucion i medias së shërbimit publik, i themeluar me ligj dhe që vepron nën një mandat të vazhdueshëm publik. RTSH financohet përmes një kombinimi burimesh të ligjshme publike, përfshirë tarifën e detyrueshme të transmetimit publik që paguhet nga familjet përmes faturës së energjisë elektrike, si edhe të ardhura të tjera publike dhe komerciale. Ky model financimi është konceptuar për të garantuar vazhdimësinë dhe për të mbrojtur median e shërbimit publik nga ndikimi dhe presioni politik.

Për këtë arsye, standardet evropiane janë të qarta se financimi i medias së shërbimit publik duhet të jetë i qëndrueshëm, i parashikueshëm dhe i mbrojtur nga diskrecioni politik. Mekanizmat e financimit ekzistojnë për të mundësuar reformën dhe për të mbrojtur pavarësinë editoriale jo për të shërbyer si mjet presioni përmes kushtëzimit të bazuar në performancë apo motive politike. Përdorimi i tërheqjes së financimit, pezullimit të transmetimit apo mbylljes institucionale si instrumente reforme është i papajtueshëm me parimet e BE-së që rregullojnë median e shërbimit publik.

Reforma e RTSH-së duhet, për rrjedhojë, të ndiqet përmes mjeteve të ligjshme dhe institucionale. Kjo duhet të përfshijë mbikëqyrje efektive nga Këshilli Drejtues dhe organet e tjera kompetente; standarde transparente të performancës, raportim publik dhe llogaridhënie të menaxhimit; mbikëqyrje të pavarur dhe zbatim të standardeve të qeverisjes; përmirësime legjislative ose rregullatore aty ku identifikohen boshllëqe; si dhe garanci të forta për pavarësinë editoriale dhe autonominë profesionale të gazetarëve.

Media shërbim publik vepron nën një mandat të ndryshëm nga ai i transmetuesve privatë. Roli i medias publike nuk është të konkurrojë sipas logjikës së tregut, por të garantojë akses universal në informacion të paanshëm, programe kulturore dhe arsimore, si dhe hapësirë për debat demokratik. Performanca në treg apo matjet e audiencës, të vetme, nuk mund të zëvendësojnë kornizat e llogaridhënies që karakterizojnë shërbimin publik.

Akti Evropian për Lirinë e Medias (EMFA) dhe standardet e Këshillit të Evropës kërkojnë që shtetet të mbrojnë median e shërbimit publik nga ndërhyrjet politike të drejtpërdrejta dhe të tërthorta, përfshirë përmes presionit financiar, dhe të sigurojnë që reforma të forcojë dhe jo të destabilizojë kushtet për pavarësi, llogaridhënie dhe besim publik.

Në kuadër të procesit të anëtarësimit të Shqipërisë në BE, veçanërisht nën Grup Kapitullin e parë, Themeloret, një transmetues publik i qëndrueshëm, i përgjegjshëm dhe i pavarur është një kërkesë thelbësore demokratike. Organizatat tona, të cilat prej kohësh kanë mbështetur dhe kanë bërë thirrje për reformën demokratike të RTSH-së si pjesë e advokimit tonë më të gjerë për media të lira dhe të pavarura në Shqipëri, u bëjnë thirrje të gjitha autoriteteve kombëtare të sigurojnë që:

Reforma e RTSH-së të ndiqet përmes mekanizmave të qeverisjes, mbikëqyrjes dhe llogaridhënies të parashikuara nga ligji;

Financimi i medias së shërbimit publik të mbetet i mbrojtur dhe i izoluar nga kushtëzimi politik;

Përpjekjet reformuese të forcojnë pavarësinë institucionale, lirinë editoriale dhe besimin publik;

Debati publik mbi RTSH-në të mbështesë reforma konstruktive, të bazuara në standarde, dhe jo pasiguri institucionale.

Ne mbetemi të gatshëm të mbështesim dhe të angazhohemi në një proces reformimi serioz, gjithëpërfshirës dhe të bazuar në standarde, që e forcon RTSH-në si një media të shërbimit publik vërtet të pavarur, të përgjegjshëm dhe të orientuar drejt së ardhmes, në përputhje me parimet evropiane dhe me të drejtën e publikut për informacion të pavarur dhe pluralist.

Organizatat ndërkombëtare mbeten të hapura për të vizituar Shqipërinë gjatë vitit të ardhshëm, me qëllim që të marrin pjesë në debatet dhe proceset në vijim./kb

Last Updated on 09/02/2026 by Kesjana

Gjykata e Posacme ka vendosur kalimin për gjykim në themel të dosjes në ngarkim të Erion Veliajt.

Vetë Veliaj mungoi ne seancë, dhe e pranishme ka qënë vetem avokatja kryesisht Valentina Teodoresku./kb

Vendet evropiane që kaluan dekada duke u strehuar nën ombrellën bërthamore të Amerikës, tani po diskutojnë hapur një formë të re të aleancës mbrojtëse kundër Rusisë, të ndërtuar rreth armëve atomike franceze dhe ndoshta britanike.

Është një përgjigje e drejtpërdrejtë ndaj Donald Trump që po gërryen besimin në premtimin e mbrojtjes së përbashkët të Nenit 5 të NATO-s, duke i rrënuar aleatët, duke vënë në pikëpyetje angazhimet e SHBA-së dhe duke i mbushur dyshimet me kërcënime për të pushtuar Groenlandën.

Udhëheqësit në Suedi, Norvegji, Gjermani dhe Holandë – disa nga vendet më pro-amerikane të Evropës – kanë konfirmuar publikisht ditët e fundit se po zhvillojnë biseda rreth një pengese bërthamore evropiane për të plotësuar versionin amerikan.

“Mendoj se do të ketë një diskutim midis evropianëve – dhe duhet të ketë një diskutim – rreth parandaluesit bërthamor, se ai duhet të jetë evropian”, tha këtë javë kryeministri norvegjez Jonas Gahr Støre. Ka një urgjencë të shtuar falë skadimit këtë javë të traktatit të armëve bërthamore New START midis SHBA-së dhe Rusisë, në një kohë kur Rusia dhe Kina po zgjerojnë arsenalet e tyre strategjike dhe Kremlini ka kërcënuar të përdorë armë bërthamore në Ukrainë.

Vendet evropiane këmbëngulin se mbrojtja bërthamore amerikane mbetet thelbësore, por ato po eksplorojnë një marrëdhënie më të ngushtë me fuqitë atomike të kontinentit, veçanërisht Francën, arsenali i së cilës ka qenë gjithmonë i ndarë nga ai i SHBA-së dhe NATO-s. Forca e Britanisë është e pavarur nga Uashingtoni, por ende mbështetet në teknologjinë amerikane.

“Mundësia më logjike, më e shpejtë dhe më me kosto efektive do të ishte përdorimi i aftësisë bërthamore të Francës si themel për një pengesë të pavarur bërthamore evropiane”, tha Marko Mihkelson, kryetar i komitetit të punëve të jashtme të parlamentit estonez.

POLITICO foli me gati një duzinë zyrtarësh dhe ligjvënësish evropianë nga Evropa Perëndimore, Veriore dhe Lindore të përfshirë drejtpërdrejt në politikën e mbrojtjes, shumë prej të cilëve iu dha anonimiteti për të diskutuar një temë të ndjeshme.

Ata përshkruan një kontinent që kërkon një shtresë shtesë “sigurimi” kundër Rusisë, duke shtuar se bota mund të jetë në ditët e para të një epoke të re të përhapjes bërthamore. Ndërsa qeveritë e tyre duan më shumë qartësi me dy fuqitë bërthamore të Evropës, ka edhe disa diskutime jozyrtare se vendet jo-bërthamore përfundimisht do të zhvillojnë armët e tyre.

“Për sa kohë që vendet e rrezikshme posedojnë armë bërthamore, demokracitë e shëndosha duhet të kenë gjithashtu qasje në armë bërthamore”, tha kryeministri suedez Ulf Kristersson muajin e kaluar. Presidenti francez Emmanuel Macron tashmë po angazhohet me vende si Suedia, Polonia dhe Gjermania në lidhje me rolin e armëve bërthamore të Francës.

Ai pritet të mbajë një fjalim të rëndësishëm mbi doktrinën bërthamore të vendit më vonë këtë muaj, dhe kryeqytetet evropiane po e ndjekin nga afër. “Shpresojmë për njoftime konkrete”, tha një diplomat evropian me bazë në Paris.

Fjalimi i Macron do të shënojë “një pikë kthese, një moment vendimtar”, sipas një personi pranë presidentit francez. Ai do të përshkruajë “se si Franca mund t’u lejojë të tjerëve të përfitojnë nga parandalimi i saj, duke e mbajtur vendimin qartë një prerogativë të presidentit”, shtoi personi.

Ndryshe nga SHBA-të dhe Mbretëria e Bashkuar, Franca nuk është pjesë e Grupit të Planifikimit Bërthamor të NATO-s, megjithëse presidentët francezë kanë nënvizuar se interesat jetësore kombëtare të Francës kanë një dimension evropian. Ashtu si me SHBA-në, armët franceze janë vetëm nën komandën e presidentit. Një mënyrë kuptimplote që Franca të tregojë vendosmëri do të ishte stacionimi i avionëve luftarakë Rafale me kapacitet bërthamor nën komandën franceze në vendet evropiane, thanë zyrtarët evropianë. Brenda NATO-s ekziston shpresa se pasiguria do ta shtyjë Parisin të heqë dorë nga mospëlqimi i saj ndaj pjesëmarrjes në planifikimin bërthamor të aleancës, gjë që do t’u jepte aleatëve të tjerë dukshmëri se si Franca mund t’i mbronte ata në një konflikt. Parisi “duhet dhe do ta marrë në konsideratë” anëtarësimin, tha një diplomat i NATO-s./kb