I biri i një avokati dhe i një profesoreje letërsie, Can Yaman (i arrestuar në Turqi pasi është përfshirë në një hetim për trafik dhe përdorim droge) ka lindur në Stamboll më 8 nëntor 1989.

I ndjekur nga legjione fansash që jo vetëm e vlerësojnë, por e adhurojnë, të cilët njohin çdo detaj të jetës së tij, e presin gjatë lëvizjeve të tij me shpresën për ta parë dhe, mbi të gjitha, për ta prekur: një shpatull, flokët, çfarëdo qoftë. I bukur, madje për të gjithë shumë i bukur, aktori shkon në Itali pas një suksesi të jashtëzakonshëm me ribërjen e “Sandokan”. Pikërisht për rikthimin në televizion të programit “C’è posta per te”, më 10 janar, ishte paralajmëruar si një nga të ftuarit.

Në një kohë shumë të shkurtër, Yaman është shndërruar në një nga aktorët turq më të famshëm të të gjitha kohërave, edhe pse për të kalimi drejt aktrimit ndodhi pothuajse rastësisht: gjatë një pushimi veror ai kishte takuar menaxherët e tij të ardhshëm, të cilët e bindën të provonte rrugën e spektaklit. Debutimi, pasi kishte punuar për një periudhë si avokat, erdhi në vitin 2014 me serialin “Affari di cuore”, ndërsa suksesi nuk vonoi: në 2017 shpërtheu me “Luna piena” dhe, sidomos, me “Daydreamer – Le ali del sogno”.

Kalimi nga aktor në idhull ishte i shpejtë, i mbështetur edhe nga pamja e tij fizike, edhe pse sipas tij kjo nuk ka qenë kurrë një kartë mbi të cilën ai ka luajtur.

“Janë të tjerët që më kujtojnë gjithmonë se jam i bukur, po të varej nga unë, do ta kisha harruar prej kohësh”, ka thënë ai. Madje, ka shtuar: “Bukuria më ka ndihmuar në punën time? Po të mos isha i bukur, do të kisha pasur edhe më shumë sukses”, kishte deklaruar në një intervistë për Corriere.

Yaman ka interpretuar shpesh edhe në Itali, në seriale shumë të ndjekura si “Viola come il mare”, përkrah Francesca Chillemi, “El Turco” dhe “Sandokan”, një serial me sukses të madh publik.

Gazetari Elton Tozaj, në rrëfimin e tij për emisionin “Me zemër të hapur” tha se arsyeja pse ai nuk e denoncoi dhunën brutale ndaj tij, lidhet me një precedent të krijuar vite më parë, ku ai u kërcënua nga drejtori i Përgjithshëm i Policisë i asaj kohe.

Tozaj tha se ndaj tij nuk ka asnjë çështje penale për shkrimet që ka publikuar.

“Nëse ndjehesh i kërcënuar nga deklarata, më hidh në gjyq dhe secili merr atë që i takon, por nuk ka asnjë process ndaj meje.

Nuk e kam denoncuar dhunën, pasi disa vite më parë jam kërcënuar nga drejtori i përgjithshëm i policisë.

Këtë herë, mendova ta ndjek në rrugë ligjore dhe ndodhi që në drejtorinë e përgjithshme dhe më pas në atë të Tiranës, një nga njerëzit e personit që kam denoncuar punonte aty.

Ky personi që kam denoncuar, kishte kaluar 5 gardhe policie, mos është i mbrojtur prej tyre? Pasi ai është personi më i kërkuar për momentin, unë ngre pyetjen, cila është arsyeja që nuk e kapin?, pyet gazetari duke ngritur hipoteza për mbrojtjen e këtij personi nga policia.

Ngjarja e rëndë ndodhi më 26 dhjetor 2025, rreth orës 19:45 të mbrëmjes, kur gazetari Elton Tozaj u dhunua brutalisht, deri në humbje ndjenjash, dhe u hodh në rrugë pa ndihmë, duke u lënë për vdekje.

Pas kalimit të fazës më kritike shëndetësore, ai ka zgjedhur të flasë publikisht për herë të parë, duke deklaruar se do të dalë përpara opinionit publik me prova dhe fakte konkrete, duke nxjerrë në skenë emra të njohur të botës së showbizit dhe politikës, të cilët, sipas tij, lidhen me çështjen që çoi në dhunimin e tij.

Partia Demokratike ka thirrur protestën kombëtare të radhës me datë 24 janar.

Vendimi u mor në mbledhjen e Kryesisë së PD-së këtë të premte, ndërsa orari i protestës do të caktohet në bashkëpunim me kryetarët e degëve dhe strukturat e organizimit.

Një 34-vjeçar nga Pensilvania është arrestuar dhe akuzuar se ka vjedhur rreth 100 sete mbetjesh njerëzore nga një varrezë historike në periferi të Filadelfias. I dyshuari, Jonathan Christ Gerlach, ndodhet aktualisht në paraburgim, ndërsa gjykata ka caktuar për të një garanci prej 1 milion dollarësh.

Sipas autoriteteve, Gerlach dyshohet se qëndron pas një serie të gjatë profanimesh të ndodhura në varrezat Mount Moriah në Yeadon, një nga varrezat më të mëdha të braktisura në Shtetet e Bashkuara. Ai përballet me rreth 100 akuza për dhunim të kufomave, si dhe me akuza të tjera, përfshirë thyerje dhe vjedhje, posedim të sendeve të vjedhura, shkelje prone dhe profanim të vendeve historike të varrimit.

Arrestimi u krye të martën në mbrëmje, pas një hetimi që kishte zgjatur disa muaj. Hetuesit kishin vënë re se automjeti i Gerlach ndodhej vazhdimisht pranë varrezave gjatë periudhës kur po kryheshin thyerjet. Kur ai u ndalua pranë Mount Moriah, policia gjeti në makinën e tij kocka dhe kafka të dukshme.

Sipas policisë, Gerlach u kap në flagrancë ndërsa po kthehej drejt automjetit me një levë metalike dhe një thes prej jute, brenda të cilit ndodheshin mbetje të mumifikuara të dy fëmijëve, tre kafka dhe kocka të tjera.

Kontrollet e mëvonshme në banesën e tij në Ephrata dhe në një njësi magazinimi zbuluan një sasi edhe më tronditëse mbetjesh njerëzore. Autoritetet sekuestruan mbi 100 kafka, kocka të gjata, duar dhe këmbë të mumifikuara, dy buste në gjendje dekompozimi, si dhe shumë mbetje të tjera skeletore. Pjesa më e madhe e tyre ishte ruajtur në bodrum.

Prokurori i qarkut Delaware, Tanner Rouse, deklaroi se mbetjet ndodheshin në gjendje të ndryshme ruajtjeje. “Disa ishin të varura, disa të montuara, ndërsa të tjerat ishin thjesht të vendosura në rafte”, tha ai. Mes objekteve të sekuestruara u gjetën edhe bizhuteri të marra nga varret dhe, në të paktën një rast, një aparat stimulues kardiak ende i lidhur me trupin.

Të themeluara në vitin 1855, varrezat Mount Moriah shtrihen në rreth 160 akra dhe përmbajnë një numër të vlerësuar prej rreth 150 mijë varresh. Ato konsiderohen varrezat e braktisura më të mëdha në vend. Që nga fillimi i nëntorit, të paktën 26 mauzole dhe varre të mbyllura janë thyer ose dëmtuar për të arritur te mbetjet, kryesisht ato më të vjetra.

Autoritetet bëjnë të ditur se i dyshuari kishte në shënjestër mauzole të mbyllura dhe varre nëntokësore, duke shkatërruar struktura guri për të hyrë te trupat.

Gjatë marrjes në pyetje, Gerlach dyshohet se ka pranuar se ka marrë rreth 30 sete mbetjesh njerëzore dhe ka treguar disa nga varret e profanuara. Megjithatë, hetuesit theksojnë se përmasat e plota të çështjes ende nuk janë të qarta.

“Duke pasur parasysh shkallën e madhe të asaj që po hetojmë dhe mungesën e një shpjegimi të arsyeshëm, është e vështirë të përcaktohet saktësisht se çfarë ka ndodhur”, deklaroi prokurori Rouse.

Lideri i opozitës, Sali Berisha, u shpreh gjatë fjalës në mbledhjen e Kryesisë së PD se protestat janë e vetmja rrugë për largimin e Ramës nga pushteti.

Ai iu përgjigj dhe zërave se Ramën mund ta largojnë partnerët ndërkombëtarë duke i cilësuar iluzione.

“Nëse ne presim që Edi Ramën do e marrin dosjet dhe krimi me vete, gabohemi. Ai do të keqpërdorë të gjithë pushtetin për tu mbrojtur. Nëse ne presim që ai të bëhet përgjegjës nga drejtësia amerikane, nuk jemi realistë pasi ky problem është i komplikuar. Por ata që duhet ti përvishen Edi Ramës duhet të jenë qytetarët. Janë 7 rezoluta që damkosën Ramën njësoj si Maduron”, tha Berisha.

Më tej ai u shpreh se gjatë mbledhjes së Kryesisë do të përcaktohet dhe e protestës së ardhshme duke theksuar dhe njëherë se rruga e vetme për largimin e kësaj qeverie, është kalimi në protestë të vazhdueshme.

Sali Berisha: Koha për protesta ka kaluar, duhet të përcaktojmë datën e protestës së ardhshme duke theksuar dhe njëherë se rruga e vetme për largimin e kësaj qeverie, është kalimi në protestë të vazhdueshme.

Në vlerësimin tim, variantet e tjera janë iluzion. Nëse ne presim që Edi Ramën do e marrin dosjet dhe krimi me vete, gabohemi. Ai do të keqpërdorë të gjithë pushtetin për tu mbrojtur.

Nëse ne presim që ai të bëhet përgjegjës nga drejtësia amerikane, nuk jemi realistë pasi ky problem është i komplikuar. Por ata që duhet ti përvishen Edi Ramës duhet të jenë qytetarët. Janë 7 rezoluta që damkosën Ramën njësoj si Maduron,

Duhet që këto zhvillime pozitive, dhe partnerët tanë do të arrijnë në konkluzione të drejta për rrezikshmërinë e madhe që paraqet Edi Rama në pushtet.

Ngjarja e AKSHI-t, ndërmarrje shtetërore ku tenderat i dikton Linda e Surrelit me Lindën e AKSHI-t.

Dashi

Do jeni shume te sinqerte gjate kësaj dite me partnerin tuaj dhe çdo gjë do shkoje për mrekulli. Nuk priten aspak mosmarrëveshje. Beqaret nuk do bien pre e intrigave te disa personave dhe do ndihen mire vetëm siç janë. Financat do jene te stabilizuara. Vazhdoni te tregoheni te kujdesshëm me çdo lloj shpenzimi dhe nuk keni për t’u penduar.

Demi

Do kaloni shume momente intime gjate kësaj dite dhe gjerat do ecin me se miri me atë qe keni ne krah. Emocionet gjithashtu do jene te fuqishme. Beqaret do kenë takime dhe flirte pa fund, por nuk do mund te fillojnë një lidhje. Ne planin financiar tregohuni sa me te arsyeshëm sepse përndryshe mund te keni probleme goxha te mëdha.

Binjaket

Do argëtoheni pa fund gjate kësaj dite me atë qe keni ne krah dhe do kaloni çaste fantastike. harrojini problemet e se shkuarës. Beqaret duhet te tregohen me te hapur dhe me te shoqërueshëm me personat qe do i ftojnë. Ne planin financiar gjendja nuk do jete aspak e favorshme. Mos bëni çmenduri sepse keni për tu penduar shpejt.

Gaforrja

Situata ne jetën tuaj ne çift do jete goxha e ndërlikuar gjate kësaj dite. Nuk do bini dakord për asgjë me atë qe keni ne krah dhe do debatoni ashpër. Beqareve do ju pëlqejë shume një person, por do kenë druajtje ta joshin atë. Po qëndruat ne heshtje dikush tjetër do e beje për vete. Për financat do jete dite goxha e paqëndrueshme. Mos hidhni hapa te gabuara.

Luani

Jeta juaj sentimentale do ece me se miri sot. Do dashuroheni pa dorashka me atë qe keni ne krah dhe gjithçka do shkoje si e kishit menduar. Beqaret nuk do jene aspak ne humorin e duhur dhe nuk do e kenë mendjen për te krijuar një lidhje. Ne planin financiar fati do jete ne anën tuaj. Do keni mundësi te kryeni shpenzime dhe te hiqni edhe disa para mënjanë.

Virgjeresha

Dite pozitive dhe e paqte kjo e sotmja për te dashuruarit. Do ndiheni mire pranë partnerit dhe do filloni te bëni edhe plane me te. Beqaret nuk do i kenë rrethanat e përshtatshme për te filluar një lidhje, kështu qe do ju duhet te presin edhe disa kohe. Ne planin financiar duhet te gjeni një mënyrë për ta stabilizuar situatën sepse gjendja duket goxha e paqëndrueshme.

Peshorja

Nuk do mërziteni aspak gjate kësaj dite juve qe jeni ne një lidhje. partneri do jete ne humor dhe do ju surprizoje ne çdo çast. Duhet te ndiheni me fat qe e keni atë ne krah. Beqaret do fillojnë një histori re bukur dashurie me një person qe e njohin qe ne vogëli. Financat do kalojnë trazira te mëdha. Shmangni shpenzimet e panevojshme sa me shume qe te mundeni.

Akrepi

Marrëdhënia ne çift do jete mjaft e kënaqshme gjate kësaj dite. Nuk do kërkoni aspak te dominoni mbi tjetrin, përkundrazi do hapni rruge dhe do bëni atë qe është me e mira për te dy. Beqaret duhet ta lënë veten te lire dhe te bëjnë atë qe do iu thotë zemra. Ne planin financiar gjendja do jete delikate. Vetëm duke marre hua nga familjaret mund t’ia dilni.

Shigjetari

Duhet t’i kushtoni me shume kohe dhe rëndësi partnerit tuaj gjate kësaj dite nëse doni qe gjerat te rrjedhin sa me mire mes jush. Beqaret do ndihen gati për te filluar një histori dashurie me personin qe ka kohe qe i lakmon dhe i josh. Ne planin financiar kërkoni ndihme nëse nuk ja dilni dot vete ta stabilizoni situatën. Te afërmit do i keni gjithmonë pranë.

Bricjapi

Mos u tregoni indiferente gjate kësaj dite ndaj partnerit tuaj sepse ai mund te mërzitet dhe do kërkoje strehim diku tjetër. Beqaret duhet te tregohen te duruar nëse duan te gjejnë personin ideal. Gjerat e nxituara nuk dalin mire. Financat do jene gjithë kohës te mbrojtura. Do jeni edhe ju shume te kujdesshëm dhe do mendoni me tepër për te ardhmen.

Ujori

Asgjë nuk do ece ashtu si ju e kishit menduar sot ne jetën sentimentale. Mund te keni edhe disa mosmarrëveshje me partnerin dhe do mërziteni tej mase. Beqaret do ndihen me te vetmuar se kurrë dhe do mbyllen ne vetvete. Ky do jete një gabim i rende. Financat do jene gjate gjithë kohës te ekuilibruara dhe aspak problematike.

Peshqit

Dita do filloje mire sot për jetën tuaj sentimentale, por me kalimin e orëve situata mund te ndërlikohet. Do kërkoni gjera te pamundura nga partneri dhe kjo do e elektrizoje situatën. Beqaret do mbeten me te njëjtin status siç kane qene. Ne planin financiar do jeni shume te kujdesshëm dhe te maturi. Do merreni me shume se zakonisht me menaxhimin e te ardhurave.

Pamjet dramatike që shihni, janë pikërisht momenti tragjik dhe fundi për punonjësin e mirëmbajtës në bashkinë e Durrësit, Astrit Hysenaj.

Ky i fundit u rrëmbye nga rrjedha e ujit që ishte shumë e furishme. Mësohet se Hysenaj kishte qenë në punë, teksa u përball me një nivel uji të madh, që e mori para, duke bërë që ai të humbiste jetën.

Ndërkohë, familjarët e viktimës kërkojnë që atij t’i njihet fakti se humbi jetën në krye të detyrës.

Kryetari i PD-së, Sali Berisha lëshoi akuza të forta sa i takon zjarrit te 5 Maji. Ai tha se mafia e drogës dhe e kokainës i dogji këto biznese për të ndërtuar kulla. 

“Është koha që PD të bëjë gjithçka për angazhimin maksimal në përmbushje të misionit të saj. Në të njëjtën kohë kur nuk jep asnjë ndihmë, nuk cakton fondin, digjen 2000 biznese në mes të Tiranës. Mijëra qytetarë humbasin bukën e gojës. Qindra mijëra shqiptarë që visheshin te ai treg, tani nuk kanë mundësi që të blejnë vota. Mafia e kokainës, e drogës, i djeg ato për të ndërtuar kulla në atë shesh”, tha ai. 

Në emisionin “Me zemër të hapur” në News24, gazetari i showbiz Elton Tozaj, ka thyer heshtjen duke rrëfyer ekskluzivisht shkaqet e dhunës ndaj tij në dhjetor të vitit të kaluar.

Pas disa ditësh heshtjeje dhe një beteje të vështirë me jetën, gazetari Elton Tozaj nxorri në pah të pathëna që lidhen drejtpërdrejtë me atë çfarë ndodhi.

Gazetari ka deklaruar se dhuna ndaj tij lidhet drejtpërdrejt me punën e tij investigative.

Sipas Tozajt, sulmi erdhi pas publikimit të disa materialeve filmike që, sipas tij, provonin lidhje të rrezikshme mes personazheve të njohur të ekranit dhe individëve të botës së krimit.

Ai rrëfeu se mbrëmjen e ngjarjes ishte takuar me dy persona që i njihte, pa e ditur se takimi do të përfundonte në një akt dhune ekstreme. Nga momenti i sulmit, gazetari thotë se nuk mban mend asgjë, pasi ka humbur ndjenjat nga goditjet e forta.

“Misioni i gazetarit është të thotë të vërtetën, unë bëj showbizin, në dukje e lehtë. Por showbiz në Shqipëri është çdo gjë.

Çdo gjë që unë bëj e ka një qëllim. Shpresoj shumë që ata që përdorin showbiz për tu pasuruar, të hetohen.

Kam zbuluar se kush më ka ndihmuar. Është një djalë i ri 21 vjec, çdo biznes më ka përzënë dhe smë ka dhënë ndihmën e parë. Shumica e hoteleve është e mbushur me kokainë për personat e showbiz që i frekuentojnë”, tha Elton Tozaj, gjatë intervistës së tij dhënë autores Evis Ahmeti.

Ngjarja e rëndë ndodhi më 26 dhjetor 2025, rreth orës 19:45 të mbrëmjes, kur gazetari Elton Tozaj u dhunua brutalisht, deri në humbje ndjenjash, dhe u hodh në rrugë pa ndihmë, duke u lënë për vdekje.

Pas kalimit të fazës më kritike shëndetësore, ai ka zgjedhur të flasë publikisht për herë të parë, duke deklaruar se do të dalë përpara opinionit publik me prova dhe fakte konkrete, duke nxjerrë në skenë emra të njohur të botës së showbizit dhe politikës, të cilët, sipas tij, lidhen me çështjen që çoi në dhunimin e tij.

Rasti i dhunës ndaj gazetarit rikthen edhe një herë në vëmendje rrezikun serioz me të cilin përballen gazetarët në ushtrimin e detyrës, si dhe nevojën urgjente për drejtësi dhe përgjegjësi për çdo akt që synon të heshtë fjalën e lirë.

Aktori turk Can Yaman është arrestuar në Turqi në kuadër të një hetimi për trafikimin dhe konsumimin e substancave narkotike mes personazheve të njohur, gazetarëve dhe VIP-ave të Stambollit. Lajmi raportohet nga mediat turke. 

Yaman, shumë i famshëm për rolet e tij si protagonist në disa seriale televizive të suksesshme, është arrestuar së bashku me edhe 6 persona të tjerë, mes të cilëve edhe aktorja Selen Gorguzel. 

Shtatë të arrestuarit po i nënshtrohen një sërë testesh në Institutin e Mjekësisë Ligjore, për të verifikuar nëse, kur dhe çfarë lloj droge kanë konsumuar. Ndërkohë, policia gjatë natës së kaluar ka zhvilluar bastisje në 9 klube nate të ndryshme në metropolin buzë Bosforit, duke arrestuar disa shpërndarës droge dhe menaxherët e lokaleve ku dyshohet se shiteshin lëndë narkotike. 

Në javët e fundit, në kuadër të të njëjtit hetim, më shumë se 20 personazhe të botës së spektaklit, VIP-a dhe gazetarë kanë rënë në rrjetën e policisë. 

Ish-deputetja e PD-së, Flutura Açka, komentoi për Euronews situatën në kampin opozitar, si dhe takimin e së premtes të kreut të PD-së me aleatët, shoqërinë civile dhe personazhe të ndryshme të jetës publike.

Sipas Açkës, takimi i djeshëm ishte një iniciativë e mirë, por ajo theksoi se disa nga pjesëmarrësit në atë tavolinë janë vetë problemi. Ajo shtoi se një pjesë e përfaqësuesve opozitarë nuk ofrojnë zgjidhje, por përbëjnë burimin e krizës.

Açka u shpreh kritike ndaj strukturave aktuale të partisë dhe theksoi nevojën për një “transfuzion” brenda saj, në mënyrë që të ndryshohet situata politike në vend.

Ish-deputetja sugjeron që përparësi duhet të jetë reformimi i brendshëm i PD-së dhe krijimi i hapësirës për zëra kritikë që mund të kontribuojnë në forcimin e partisë.

“Në përgjithësi opozitarizmi shqiptar, veçanërisht këta të PD-së, vazhdoj të mbetem kritike, skeptike sepse jemi në të njëjtën ligatinë politike, po kjo gjendje që na ka lënë në 11 Maj. Është shumë e vështirë nëse nuk bëjmë një transfuzion, një lëvizje, nuk mund ta ndryshojmë situatën. Iniciativa e djeshme ishte një iniciativë e mirë, por problemi është se një pjesë e tyre është se i bënin osanë Sali Berishës, ishte më shumë një qok për t’u ridimensionuar dhe për t’u thënë me zë të lartë se ky është i pari dhe do ta drejtojë opozitarizmin, pra këtë kemi vendosur të kemi. Një pjesë e tyre kaluan në ekstrem. Pashë edhe disa zëra që ishin të shoqërisë civile, njerëz me vokacion të djathtë. Për herë të parë dikush, përveç këtyre që dihet dhe janë shpallur armiq të PD-së, armiq publikë që e kritikojnë dhe i duan të mirën PD-së, kishte zëra që ishin shumë të qartë në atë që kërkuan. Thonin që kjo Parti Demokratike kështu siç është nuk frymëzon, në disa raste ishin të dëshpëruar, e dinin që kjo gjë nuk do të ndodhte, por ata kishin ndërmend ta thonin me shpirt. Unë personalisht nuk kam marrë ftesë pasi jam shpallur armik publik pa e ditur pse, se kam kërkuar një opozitë të fortë. Në fakt, një pjesë e asaj tavoline është problemi, ne jemi kundër këtij problemi, i cili në fakt është pjesë e këtij problemi. Kjo e krijon edhe këtë, jo vetëm këtë lloj konflikti mes asaj dëshire që kanë një pjesë e së djathtës dhe pamundësisë për të performuar në mbështetje të së djathtës, atë konflikt që e kam dhe unë personalisht”, u shpreh Açka.

Situata në fshatrat Bashaj dhe Matogjin po përkeqësohet orë pas ore si pasojë e fenomenit të rrëshqitjes së tokës, duke vënë në rrezik serioz jetën e banorëve dhe qëndrueshmërinë e shtëpive. Pas dëmtimeve të rënda në rrugën lidhëse, lëvizja në zonë është bërë pothuajse e pamundur, ndërsa masa e dherave vijon të mbetet e paqëndrueshme.

Banorët e zonës raportojnë me shqetësim se çarjet në tokë po i afrohen banesave, veçanërisht në Matogjin, ku disa shtëpi janë ndërtuar fare pranë zonës aktive të rrëshqitjes. Ata denoncojnë mungesën e strukturave të emergjencave civile dhe vlerësimit teknik, duke u shprehur se ndihen të braktisur përballë një rreziku që po u kërcënon jetën dhe pronën.

Përveç frikës për banesat, komuniteti po përballet me izolimin. Rruga kryesore është dëmtuar rëndë, duke i detyruar ata të përdorin shtigje alternative që janë të vështira dhe të pasigurta. Banorët bëjnë thirrje urgjente për ndërhyrje nga institucionet shtetërore, përpara se situata të shkojë drejt një tragjedie të pashmangshme.

Pa energji janë gjithashtu rreth 700 abonentë urbanë në zonat Garnizon, Goricë dhe Gurore të Pogradecit, të furnizuar nga fideri 20 “Ushtria” në NST Pogradec. Në zonën e Gurit të Kuq, fideri Potgozhan ka ndërprerë furnizimin për zonat Bishnicë, Jollë, Tallë dhe Lëngë, duke prekur rreth 100 abonentë ruralë. Ndërkohë, fideri JO6 në NST Leskovik është i stakuar për shkak të një defekti dhe ka lënë pa energji 257 abonentë ruralë në zonat Podë, Postenan, Peshtan, Gjirakarë, Radovë, Lashovë, Vrespkë, Radanj, Shalës dhe Germenjë. Ekipet e OSHEE-së ndodhen në terren për riparimin e defekteve, ndërsa të gjithë fiderat që furnizojnë konsumatorë me rëndësi të veçantë janë funksionalë dhe Hidrovori i Pogradecit vijon të punojë normalisht.

Në Bashkinë Kolonjë janë pastruar rrugët rurale në Sokorovot, Kreshovë, Lavdar, Lahollarë, Strajë dhe Psar, ndërsa në qytetin e Ersekës është pastruar sheshi “Rilindja” dhe janë kriposur akset rrugore për parandalimin e ngricave. Po vlerësohet nevoja për ndërhyrje në segmentin rrugor drejt fshatit Shemetirë dhe në rrugën rurale të fshatit Gjonç.

Në Bashkinë Maliq vijon problematika e çarjes së argjinaturës së Lumit Devoll, ku ndërhyrja për momentin është e pamundur. Rrëshqitje dherash dhe problematika të tjera janë evidentuar në zonën e Kakaçit, ndërsa ura e fshatit Osojë kërkon investim dhe ndërhyrje të mëtejshme. Pastrimet e rrugëve rurale po vazhdojnë dhe situata monitorohet nga Emergjencat Civile dhe Bashkia.

Në Bashkinë Devoll janë hapur dhe kriposur rrugët në Njësinë Administrative Miras, ndërsa qarkullimi në rrugën Vidohovë–Miras është normalizuar. Janë kryer riparime në argjinaturën e lumit Oshticë dhe është bërë sistemimi i lumit në fshatin Përparimaj për parandalimin e përmbytjeve. Rruga Grapsh–Përparimaj është kthyer në funksion normal.

Në Bashkinë Pustec po punohet për pastrimin e përroit të Gorricës dhe për riparimin e segmentit rrugor Lajthizë–Liqenas. Bashkia Korçë nuk raporton problematika si pasojë e reshjeve të shiut, ndërsa për rrugën e fshatit Denas janë marrë masat dhe ndërhyrja do të realizohet pas uljes së nivelit të ujit.

Në Bashkinë Pogradec problematika kryesore mbetet Lumi i Verdovës, ku një pjesë e karrexhatës është shembur dhe qarkullimi kryhet vetëm në një korsi. Lumi Remenj është stabilizuar dhe po vlerësohet një zgjidhje përfundimtare, ndërsa lumi i qytetit ka shkaktuar dëme dhe kërkon ndërhyrje.

Sipas ARRSH, Drejtoria Qendër-Lindje, rruga e Dardhasit është kalueshme provizorisht dhe po priten konkluzionet e specialistëve gjeologjikë. Në fund të fshatit Çërravë është konstatuar një rrëshqitje dherash që rrezikon një banesë të banuar.

‘Zbardhet’ Llogaraja, reshjet e borës përfshijnë zonën, autoritet apel për përdorimin e gomave të dimrit

Reshjet e dëborës kanë vijuar edhe gjatë natës në Llogara. Në rrugë vijojnë të ketë edhe ngrica.

Rruga është e kalueshme, por bëhet apel që drejtuesit e mjeteve të bëjnë kujdes dhe të përdorin zinxhirë ose gomat e dimrit.

Banorët e moshuar që jetojnë në Ferras ndodhen në gjendje të vështirë, pasi përmbytjet kanë bërë dëme të mëdha në banesa dhe në toka bujqësore. 

Reshjet e dendura të shiut, bllokuan, rrugët kryesore, përmbytën mijëra hektarë tokë, dhe shtëpi të shumta duke shkatërruar orenditë dhe bërë të pamundur jetesën në ato ambiente.
Për gazetaren Valbona Davidhi, një i moshuar, Pëllumb Tetemaj 83 vjeç mes lotësh shprehet se ka mbetur pa mbështetje përballë kësaj katastrofe. 

“Po pres të më vijë nipi, të më lajë kuzhinën se nuk kam ku të fle. Jam vetëm. Natën e përmbytjeve shkova te kunati në Pojan, mbrëmë isha te nipi. Jam 83-vjeç. Çfarë të bëjmë…Fjeta nëpër njerëz, shtëpinë dot nuk e lija vetëm. Ku të shkoja natën e përmbytjeve…Kjo përmbytje, as e 2015 as e 2017 as e 2021; Kjo ka qenë e paparë. Ne më shumë na bllokon ura e autostradës…”, është shprehu ai. 

Me udhëzimin e ri, për të gjitha riaplikimet për pasaportë biometrike dhe kartë identiteti, (standarde ose të përshpejtuara), procedura mund të kryhet pranë çdo zyre aplikimi të IdentiTek në të gjithë territorin e Republikës së Shqipërisë, pavarësisht njësisë ku qytetarët janë të regjistruar në Gjendjen Civile.

Ky lehtësim synon të rrisë aksesueshmërinë dhe fleksibilitetin e shërbimit për qytetarët, si dhe reduktuar kohën e kostot e lëvizjes.

Nga ky ndryshim përjashtohen rastet kur pasaporta e fundit është aplikuar përpara vitit 2012. Këto aplikime do të vijojnë të kryhen vetëm në zyrat sipas vendbanimit të qytetarëve, në përputhje me procedurat në fuqi.

Karta e identitetit tërhiqet pranë zyrës së aplikimit, ndërsa pasaporta biometrike pranë Drejtorisë Vendore të Policisë në qarkun ku bëhet aplikimi.

Deputetja e Partisë Demokratike, Jorida Tabaku, ka reaguar ashpër lidhur me situatën e përmbytjeve në vend, duke akuzuar qeverinë për keq menaxhimin gjendjes në të cilën ndodhen qindra banorë në qytetet e vendit. 

Në një postim në rrjetet sociale, Tabaku thekson se shqiptarët çdo vit përballen me të njëjtat probleme, zjarre në verë dhe përmbytje në dimër dhe sipas saj, fajtor nuk është vetëm moti, por politika e qeverisë. 

Ajo thekson se qeveria ka buxhetuar më pak se 1% të fondit për kanalizime dhe ujitje, ndërkohë që fondi për Emergjencat Civile është më i vogël se tre kontrata inceneratorësh. 

“Por natyra nuk mund të jetë më alibi, kur qeveria ka buxhetuar më pak se 1% të buxhetit për kanalizime dhe ujitje, dhe kur fondi për Emergjencat Civile është më i vogël se sa tri kontrata inceneratorësh. Një shtet i përgjegjshëm nuk është ai që shfaqet pasi bie zjarri apo vërshon uji për të bërë “adetin”, shkruan ajo. 

Deputetja gjithashtu citon të dhënat e Emergjencave Civile, sipas të cilave dëmet ekonomike nga fatkeqësitë arrijnë vlerën e 2 miliardë dollarëve, ndërkohë që qeveria në katër vite ka dhënë vetëm 140 milionë euro për emergjenca. 

“Paratë nuk shkojnë për kanale e kolektorë, por për fantazma luksi që nuk i interesojnë askujt përveç cirkut qeveritar”, thekson ajo. 

Reagimi i Jorida Tabakut: 

Natyra si alibi e palezetshme 

Shqiptarët, çdo vit, në verë dhe në dimër, dëgjojnë të njëjtën kasetë: “natyra e pabesë”. Shqipëria ose shkrumbohet, ose përmbytet. 

Por natyra nuk mund të jetë më alibi, kur qeveria ka buxhetuar më pak se 1% të buxhetit për kanalizime dhe ujitje, dhe kur fondi për Emergjencat Civile është më i vogël se sa tri kontrata inceneratorësh. 

Një shtet i përgjegjshëm nuk është ai që shfaqet pasi bie zjarri apo vërshon uji për të bërë “adetin”. Kur lexon deklaratat “bujare” të qeverisë pas fatkeqësisë, përballë dorështrëngimit kriminal për të parandaluar, kupton thelbin e këtij sistemi: nuk është ngritur për qytetarët, por për klientët. 

Sipas vetë të dhënave të Emergjencave Civile, dëmet ekonomike nga fatkeqësitë kapin vlerën e 2 miliardë dollarëve. Ndërkohë, qeveria në katër vite ka dhënë vetëm 140 milionë euro për emergjenca. Paratë nuk shkojnë për kanale e kolektorë, por për fantazma luksi që nuk i interesojnë askujt përveç cirkut qeveritar. 

Skenat me qeveritarë që zbresin në terren me çizme llastiku pasi gjithçka është shkatërruar, nuk janë arritje. Janë dëshmi dështimi. Nuk është sukses të shkosh aty ku nuk mban më uji. 

Është tragjikomike: një qeveri që premton Inteligjencë Artificiale për prokurimet, që përdor “Diellën” për propagandë digjitale, kapet gjithmonë e papërgatitur nga një shi që çdo qytetar e sheh në telefonin e tij. Silleni fiks si një student ngelës që sajon barcaleta për të fshehur paaftësinë. 

Sot janë mijëra hektarë tokë, prona dhe jetë të shkatërruara. Nesër do të jenë sërish. Sepse ky sistem punon për pakicën, dhe faturën e paguan shumica: me xhepin, pronën dhe të ardhmen e saj. 

Pesë persona, të cilët ishin shpallur në kërkim, apo të dënuar në mungesë, u arrestuan nga Policia e Tiranës dhe Krujës, në kuadër të operacionit policor të koduar “Catch”. 

Një 32-vjeçar u vu në pranga, pasi ndaj tij ishte caktuar masa e sigurisë “Arrest me burg”, për veprën penale “Vrasja me dashje” e mbetur në tentativë. Më 12 shkurt të vitit 2024, ai goditi me thikë një person. 

Në 40-vjeçar u arrestua pasi Gjykata e ka dënuar me 5 vite burgim, për veprën penale “Kultivim i bimeve narkotike”. 

Ndërkaq, policia vuri në pranga një 20-vjeçar. Ai ishte dënuar me 5 vite burgim për prodhim dhe shitje të narkotikëve. 

Policia bëri të mundur edhe arrestimin e një 38-vjeçari, i cili ishte i shpallur në kërkim për veprën penale “Prodhimi dhe shitja e narkotikëve”. 

Gjithashtu, në pranga përfundoi edhe një person, të cilin Gjykata e Tiranës e ka dënuar me 1 muaj e 8 ditë burgim, për veprën penale “Dhuna në familje”. 

Njoftimi i policisë 

Tiranë/Vijon operacioni policor i koduar “Catch”, për kapjen e shtetasve të shpallur në kërkim. 

Ndalohen 5 shtetas në kërkim, të dënuar/akuzuar për vepra të ndryshme penale. 

Si rezultat i kontrolleve në terren të kryera në bazë të informacioneve të siguruara në rrugë operative, në kuadër të operacionit “Catch”, Strukturat e DVP Tiranë vunë në pranga 5 shtetas të shpallur në kërkim, konkretisht: 

-Specialistët për Hetimin e Krimeve të Renda ekzekutuan urdhërin e Prokurorit për ndalimin e shtetasit F. B, 32 vjeç, ndaj të cilit ka caktuar masën e sigurisë “Arrest me burg” i dyshuar për veprën penale “Vrasja me dashje” e mbetur në tentativë. 32-vjeçari, me datë 12.02.2024, pas një konflikti për motive të dobëta ka goditur me mjet prerës shtetasin M. I. 

-Specialistët për Hetimin e Krimeve të Komisariatit të Policisë Krujë kapën e ndaluan shtetasin G. Ll., 40 vjeç, pasi Gjykata e ka dënuar me 5 vite burgim, për veprën penale “Kultivim i bimeve narkotike” 

-Specialistët për Hetimin e Krimeve të Komisariatit të Policisë Nr. 6, në bashkëpunim me Seksionin për Hetimin e Narkotikëve kapën dhe ndaluan shtetasin G. R., 20 vjeç, të cilit Gjykata i ka caktuar masën e sigurisë “Arrest me burg”, për veprën penale “Prodhimi e shitja e narkotikëve”. 

-Specialistët për Hetimin e Narkotikëve ekzekutuan vendimin e Gjykatës për ndalimin e shtetasit E. H., 38 vjeç, i shpallur në kërkim për veprën penale “Prodhimi dhe shitja e narkotikëve”. 

-Specialistët për Hetimin e Krimeve të Komisariatit të Policisë Nr. 4 në bashkëpunim me Seksionin e Kërkimit kapën dhe ndaluan shtetasin R. B., pasi Gjykata e Tiranës e ka dënuar me 1 muaj e 8 ditë burgim, për veprën penale “Dhuna në familje”. 

Materialet procedurale iu referuan Prokurorisë së Tiranës, për veprime të mëtejshme. 

Në Qarkun e Gjirokastrës reshjet e shiut kanë qenë me intensitet. Aksi nacional Gjirokastër- Tepelenë, në vendin e quajtur Shkalla e Zezë vazhdon të jetë i kalueshëm me një sens dhe lëvizja e automjeteve menaxhohet nga efektivët e policisë. 

Ndërkohë në njëjësinë administrative Kurvelesh, bashkinë Tepelenë, Ballaban dhe bashkinë Këlcyrë mungon energjia elektrike 

Njoftimi i plotë: 

Situata në qarkun Gjirokastër datë 10.01.2026, ora 8.00. 

Gjatë natës në territorin e qarkut ka patur reshje shiu, të cilat vazhdojnë. 

– Nga komunikimi me DVP e qarkut informohem se aksi rrugor Gjirokastër – Tepelenë vazhdon të jetë me një kalim pranë Shkallës së Zezë, kontraktori është prezentë gjatë gjithë kohës dhe po punon për largimin e dherave. Aksi rrugor Përmet 

– ⁠Dogana e Tre Urave është i qarkullueshëme një sens në hyrje të fshatit Petran. Policia Rrugore ndodhet në vendngjarje. 

ARJ është në vendngjarje. 

– Edhe ditën e sotme vazhdon puna në të gjitha bashkitë për normalizimin e problematikave në qendrave urbane dhe hapjen e atyre segmenteve që janë të bllokuara në rruget rurale. 

– ⁠Nga OSHEE informohem se, mungon energjia elektrike në njësinë adm. Kurvelesh, bashkia Tepelenë dhe  Ballaban, bashkia Këlcyrë. 

Niveli i Vjosës në pikmatjen e Memaliajt është 4 metër. 

 Sërish probleme në aksin Gjirokastër-Tepelene, inertet bllokojnë rrugën te Shkalla e Zezë 

Aksi Gjirokastër-Tepelenë është bllokuar sërish për shkak të rrëshqitjes së dheut si pasoje e reshjeve të shumta të shiut gjatë gjitha javës. 

Intertet kanë bllokuar aksin në afërsi të kthesës së fshatit Hormovë. Në vendngjarje punonjësit e firmës konçensionare po punojnë për largimin e baltës nga rruga. 

Ky aks ka qenë problematik që ditët e para kur fillua reshjet intensive të shiut në vend, për shkak rrëshqitje të herëpashershme të dheut dhe të inerteve nga ana e malit. 

Një ngjarje që mund të kishte pasur pasoja katastrofike është shmangur gjatë mbrëmjes së sotme në Rrugën e Kombit.

Në kilometrin e 34-t të kësaj autostrade, një trailer autobot i mbushur me karburant është përfshirë nga flakët, duke krijuar një situatë kritike dhe rrezik të lartë shpërthimi.

Ndërhyrja e menjëhershme dhe profesionale e forcave të shumta zjarrfikëse të Mirditës bëri të mundur vënien nën kontroll të zjarrit në kohë rekord.

Falë efektivitetit të tyre, u parandalua përhapja e flakëve në të gjithë sasinë e madhe të karburantit që transportohej, çka do të sillte pasoja të rënda për sigurinë dhe infrastrukturën e rrugës.

Për fat të mirë, nga kjo ngjarje nuk raportohet për persona të lënduar, por vetëm për dëme materiale. Policia dhe grupi hetimor po punojnë për të zbardhur shkaqet e rënies së zjarrit në mjetin e transportit të lëndëve djegëse, ndërkohë që qarkullimi në këtë aks ka vijuar nën monitorimin e forcave të rendit.

Durrësi ishte një nga zonat më të prekura nga përmbytjet që paralizuan vendin. Opozita në qendër të akuzave të saj për përmbytjet ka përdorur hidorovorin, për të cilin kanë deklaruar se nuk ka qenë në punë. Por, kryebashkiakja Emirjana Sako në një postim në rrjetet sociale thotë se të dy hidrovorët e Porto Romanos, i riu dhe i vjetri, po punojnë me kapacitete maksimale. Sipas saj, nëse hidorvorët nuk do kishin qenë në punë, situata e këtyre ditëve do kishte qenë edhe më e vështirë. 

“Shoqëruar nga një debat i vazhdueshëm dhe akuza nga opozita nëse punojnë apo jo hidrovorët në Durrës, madje deri nëse a ka apo jo hidrovor qyteti, situata e këtyre ditëve të vështira për të gjithë, do të ishte shumë herë më e keqe në rast të mosfunksionimit të tyre. Të dy hidrovorët e Porto Romanos, i riu dhe i vjetri, po punojnë me kapacitete maksimale”, shkruan Sako. 

Edhe drejtori i ndërmarrjes Rruga, Alion Hysko, që ka në administrim hidrovorët e Porto Romanos, thotë se të dy punojnë me kapacitet të plotë. 

“Ka 9 pompa në punë. Prurjet dhe intensiteti ka qenë i lartë. Pompat janë në punë dhe në funksion. Ky hidrovor ka punuar me kapacitet të plotë ka pasur bllokime nga mbetjet që vijnë në hidrovor dhe janë pastruar. Këtu jemi tek hodrovori i vjetër janë 7 pompa 6 janë në funksion dhe një e kemi për raste emergjente’, tha ai.  

Akuzave të opozitës se përmbytjet në vend u shkaktuan pasi hidrovorët nuk kanë qenë në punë, iu përgjigj një ditë më parë edhe kryeministri Edi Rama nga mbledhja e Komitetit të Emergjencave Civile ku deklaroi se të gjithë hidrovorët kanë qenë në punë dhe se para nisjes së sezonit me reshje është siguruar gatishmëria e kanaleve kryesore, të kullimit, hidrovorëve dhe kanaleve të ujërave të larta. 

Përmbytjet në Durrës dyshohet se shkaktuan edhe një viktimë, ndërsa Prokuroria ka nisur edhe një hetim për shkakun për 3 vepra penale’; “Shpërdorimi i detyrës”, “Shkatërrimi i pronës me përmbytje” dhe “Shkatërrimi i pronës nga pakujdesia”.