Ndërsa Klodi vazhdon rrugëtimin e tij brenda shtëpisë më të famshme në Kosovë, jashtë saj vëmendja është kthyer te e kaluara e tij.

Disa imazhe të rralla po qarkullojnë në TikTok, duke treguar se si dukej banori shumë vite përpara se të bëhej pjesë e ekranit.

Në videot që kanë mbledhur mijëra shikime, Klodi duket krejt ndryshe. Me një stil flokësh të ndryshëm dhe tipare më të buta, transformimi i tij është aq i dukshëm sa shumë ndjekës mbeten të habitur: nga një djalosh i thjeshtë, ai ka arritur të krijojë një pamje të kuruar dhe të tonifikuar, siç shihet sot brenda BBVK.

Klodian/Instagram

Këto fotografi kanë ngjallur kureshtje për jetën jashtë shtëpisë së BBVK-së, duke treguar se disiplina, stili dhe koha kanë ndryshuar dukshëm pamjen e Klodit.

Ndërsa ai fokusohet te loja dhe dinamika brenda shtëpisë, publiku po zbulon një tjetër anë të tij, që dëshmon transformimin e plotë që ka pësuar me vite. /Telegrafi/

Screenshot

Klodian/Instagram

Familja dhe mbështetësit e Fjolla Morinës kanë dalë me një deklaratë publike në rrjetet sociale, duke shprehur indinjatën e tyre për situatat e fundit brenda shtëpisë së Big Brother VIP Kosova.

Sipas tyre, gjuha e përdorur ndaj këngëtares ka qenë e papranueshme dhe sulmet e fundit kanë tejkaluar çdo kufi të respektit dhe etikës televizive.

Familjarët theksojnë se Fjolla nuk është thjesht një banore e reality show; ajo është një nënë dhe një artiste që ka përballuar shumë sfida në jetë.

Fjolla Morina/Instagram

Çdo sulm ndaj dinjitetit të saj ndikon jo vetëm tek ajo, por edhe tek familja dhe mbështetësit e saj jashtë shtëpisë.

Një pjesë e deklaratës u drejtohet direkt produksionit të BBVK-së. Ata kërkojnë një reagim të menjëhershëm nga organizatorët, për të siguruar që gjuhët ofenduese dhe sulmet personale të mos tolerohen më.

Familja rikujton se një program i ndjekur nga mijëra njerëz ka përgjegjësinë të vendosë standarde të qarta të komunikimit.

Në fund të reagimit, mbështetësit dhe familjarët e Fjollës theksojnë vendosmërinë e tyre për të mos heshtur.

Ata nënvizojnë se respekti nuk është opsional, por një detyrim, duke paralajmëruar se do të qëndrojnë të bashkuar për të mbrojtur integritetin e këngëtares gjatë gjithë rrugëtimit të saj në BBVK. /Telegrafi/

Fjolla Morina/Instagram

Modelja dhe aktorja 34-vjeçare ndau në InstaStory disa momente nga festimet e saj, duke përfshirë një fotografi ku shihet ulur pranë një peme Krishtlindjesh, e veshur me një fustan të zi me dekolte të thellë dhe një gotë verë në dorë.

Bukuroshja, e njohur nga filmat Gone Girl, Entourage dhe We Are Your Friends, tregoi pamjen e saj elegante me flokë të ndarë ngjyrë kafe dhe grimin e rregullt.

Në një tjetër postim, Emily u pa duke shijuar fundjavën e festave me një mikeshë, gjithashtu e veshur me fustan të zi, shkruan DailyMail.

Ylli është nënë e djalit katërvjeçar, Sylvester Apollo Bear, nga ish-bashkëshorti Sebastian Bear-McClard, dhe aktualisht është në një lidhje me regjisorin Romain Gavras.

Për Harper’s Bazaar, modelja ka rrëfyer se ka rritur standardet e saj në lidhje me partnerin e ardhshëm dhe është e lumtur që nuk është më e gatshme të kënaqet me pak.

Festat e fundvitit duket se po i japin Emily mundësinë të kombinojë stilin seksi me momentet familjare dhe argëtimin në qytet. /Telegrafi/

Hapja e Big Brother Fan Club, me moderatore Kiara Titon, ka nisur me një hyrje jo të zakonshme nga Luiz Ejlli, e cila menjëherë ka ndezur debat në rrjet.

Fituesi i BBVA ka dhënë një deklaratë të fortë në monologun e tij, e interpretuar si një thumb ndaj produksionit apo kritikëve të karrierës së Kiarës.

“Janë munduar të më lënë në hije, por hija nuk e mbulon kurrë dritën. Ajo është dritë dielli”, – tha Luizi live, duke lënë të kuptohet se dikush ka tentuar të pengojë shkëlqimin e moderatores.

Anaid Kaloti/Instagram

Deklarata e tij nxiti menjëherë reagimin e Anaid Kalotit, ish-fitues i Big Brother 6, i cili kritikoi qasjen e Luizit. Ai theksoi se “lufta me produksionin ka mbaruar”.

Sipas tij, Kiara është një nga figurat më të forta të ekranit shqiptar dhe kurrë nuk është lënë në hije, duke përmendur karrierën e saj në Portokalli, DWTS dhe tani BB Fan Club.

Luiz Ejlli/Instagram

“Ne burrat gjithmonë prishim punë, kur gjasme zotohemi të mbrojmë gratë…” – shkruan Anaidi, duke e cilësuar dramatizimin si diçka që “nuk shet më”.

Megjithatë, Luizi nuk e ka lënë me kaq. Pak orë pas reagimit të Anaidit, ai publikoi një Story me tone kërcënuese, pa përmendur emra, por me një mesazh të qartë:
“Dikush t’i thotë dikujt mos ha, se përballë do thuash më fal prap”.

Kjo përplasje virtuale sapo ka nisur, dhe mbetet për t’u parë nëse do të ketë një ballafaqim të drejtpërdrejtë mes tyre. /Telegrafi/

Pas incidentit të tensionuar që ndodhi mes Labit dhe Klodit, ku Klodi i hodhi pije në fytyrë bashkëlojtarit të tij, dy banorët kanë zhvilluar një bisedë sqaruese për të ulur tensionet.

Në momentin e ngjarjes, Labi u shpreh se nuk po shihte mirë për shkak të pijes, çka e bëri situatën edhe më të rëndë.

Ngjarja mori përmasa të mëdha brenda shtëpisë, por mbrëmë vonë, Labi dhe Klodi u ulën për të diskutuar hapur për atë që kishte ndodhur.

BBVK/YouTube

Gjatë bisedës, Labi i tha Klodit se është i vetëdijshëm që provokimet janë pjesë e lojës, por i kërkoi që të mos e përfshijë familjen e tij në këto situata, pasi ka dy fëmijë që e ndjekin nga jashtë.

“Kam qejf të jem edhe djalë i mirë”, u shpreh Labi, duke shtuar se nuk e sheh veten si personin që mund të duket në disa momente brenda shtëpisë.

Ai theksoi se mund të pranojë lojën dhe provokimet, madje edhe hedhjen e ujit apo të keqapit, por jo përdorimin e pijeve apo gjërave të përpunuara.

Nga ana tjetër, Klodi reagoi duke thënë se e kishte bërë veprimin me qëllim, pasi sipas tij Labi shpesh e viktimizon veten.

Ai gjithashtu ngriti shqetësimin se gjatë debateve janë përdorur fjalë që prekin familjarët, duke theksuar se edhe ai ka një nënë që ndjek spektaklin nga jashtë.

Klodi i kujtoi Labit se disa deklarata të tij janë interpretuar si nxitje për vetëvrasje, duke theksuar se shumë nëna e shohin çdo banor si fëmijën e tyre dhe se fjalë të tilla janë të rënda dhe të papranueshme. /Telegrafi/

- YouTube www.youtube.com

Aktori amerikan James Ransone, i njohur për rolin e tij si Ziggy Sobotka në serialin legjendar të HBO-së The Wire, ka ndërruar jetë në moshën 46-vjeçare në Los Angeles.

Sipas Zyrës së Mjekut Ligjor të Qarkut të Los Angeles, vdekja e tij është cilësuar si vetëvrasje, shkruan DailyMail.

Ransone u bë i njohur për audiencën televizive me paraqitjen e tij në sezonin e dytë të The Wire në vitin 2003, serial që konsiderohet gjerësisht si një nga dramat më me ndikim në historinë e televizionit.

Ai u shfaq gjithashtu në disa prodhime të tjera të njohura, përfshirë Generation Kill, Treme, Bosch, si dhe në filma si Sinister, It Chapter Two dhe The Black Phone.

Në vitet e fundit, aktori kishte folur hapur për sfidat personale, përfshirë varësinë dhe traumën nga abuzimi seksual, duke u bërë zë i rëndësishëm për ndërgjegjësimin rreth shëndetit mendor.

Ai ishte i martuar me Jamie McPhee dhe la pas dy fëmijë. Pas lajmit tragjik, bashkëshortja e tij ka nisur një fushatë mbledhjeje fondesh në mbështetje të Aleancës Kombëtare për Sëmundjet Mendore (NAMI).

Vdekja e James Ransone ka shkaktuar reagime të shumta nga fansat dhe kolegët, të cilët e kanë kujtuar atë si një aktor të talentuar dhe një njeri të ndershëm që foli hapur për betejat e tij personale. /Telegrafi/

Dua Lipa ka tërhequr vëmendjen gjatë pushimeve të saj romantike me të fejuarin Callum Turner, teksa çifti u pa duke shijuar ditët me diell në plazh.

Këngëtarja 30-vjeçare u shfaq me bikini me print leopardi, duke vënë në pah format e saj, ndërsa Callum u shfaq pa bluzë, në një atmosferë relaksuese.

Pushimet vijnë menjëherë pas përfundimit të pjesës latino-amerikane të turneut të saj “Radical Optimism”, që u mbyll javën e kaluar në Mexico City.

Dua ndau disa momente nga udhëtimi në Instagram, duke përfshirë edhe poza të tjera me bikini dhe një selfie para pasqyrës, si dhe një lojë të qetë me letra me partnerin e saj. “Valixhja ime mbetet e paketuar”, shkroi ajo krahas postimit.

Vetëm pak ditë më parë, çifti ndodhej në New York, ku Dua ishte e angazhuar me projektin e saj Service95 Book Club, ndërsa Callum mori pjesë në premierën e filmit të tij të ri, Atropia.

Këngëtarja tregoi gjithashtu mbështetjen për partnerin, duke publikuar fotografi dhe duke promovuar projektet e tij më të fundit.

Dua Lipa dhe Callum Turner nisën lidhjen në janar 2024 dhe e konfirmuan fejesën në qershor të këtij viti, duke u kthyer në një nga çiftet më të përfolura të showbiz-it ndërkombëtar. /Telegrafi/

Mbrëmja e Talent Show-it në Big Brother VIP Kosova solli momente argëtuese dhe performanca të veçanta, por ishte Londrimi ai që mori gjithë vëmendjen e banorëve dhe të publikut me interpretimin e tij.

Për paraqitjen në skenë, Londrimi zgjodhi një veshje të pazakontë: ai veshi një fustan të ngushtë, vendosi doreza të fryra në pjesën e gjoksit dhe përdori një aksesor në dhëmbë për t’i bërë ata të dukeshin më të bardhë.

Me këtë paraqitje, ai imitoi Benitën, e cila më herët kishte treguar se kishte vendosur dhëmbë diamanti.

BBVK/Instagram

Performanca u shoqërua edhe me interpretimin e këngës “Bugattin e ndërrojmë”, duke e bërë skenën edhe më komike.

Imitimi dhe detajet e zgjedhura shkaktuan të qeshura të shumta te banorët e tjerë, të cilët reaguan me duartrokitje dhe humor.

Momenti u kthye shpejt në një nga më të komentuarit e mbrëmjes, duke treguar edhe një herë anën argëtuese dhe krijuese të Londrimit brenda shtëpisë së BBVK. /Telegrafi/

Banorët e Big Brother VIP Kosova po bëhen gati për mbrëmjen e Talent Show-it, ndërsa përgatitjet kanë sjellë edhe momente të veçanta brenda shtëpisë.

Gjatë provave të veshjeve, Londrimi ka eksperimentuar me disa stile të ndryshme, mes tyre edhe një fustan, duke tërhequr vëmendjen e banorëve të tjerë.

BBVK/Instagram

Reagimi i Dolces nuk ka munguar, e cila e ka komplimentuar menjëherë Londrimin duke i thënë: “Sa bukur. Sa mirë i rri”, një moment që është komentuar me pozitivitet brenda shtëpisë.

Këto çaste tregojnë edhe një herë atmosferën e lirshme dhe mbështetëse mes banorëve, ndërsa të gjithë po përgatiten për një nga netët më argëtuese të spektaklit. /Telegrafi/

Labinot Rexha ka ngjallur reagime të shumta dhe debat të ashpër mes shikuesve pas disa deklaratave të tij gjatë një bisede në Big Brother VIP Kosova.

Pyetjet e drejtpërdrejta të Albës dhe përgjigjet e Labinotit janë komentuar gjerësisht në rrjete sociale, duke zemëruar një pjesë të madhe të publikut.

Gjatë bisedës, Alba e pyeti Labinotin nëse, si mysliman praktikues, do ta pranonte mundësinë për të pasur deri në katër gra.

BBVK/Instagram

Labinoti u përgjigj duke iu referuar besimit islam, duke thënë se kjo lejohet në Islam dhe duke cituar një sure që, sipas tij, thotë: “Nëse ke frikë nga vetja për epshet, martohuni me dy, tre apo katër gra”.

Më tej, deklaratat e tij u bënë edhe më të forta, kur ai shtoi: “Në Kosovë dhe te shqiptarët dihet se çdo burrë besoj që ka dy-tri dashnore”, një fjali që ka shkaktuar reagime të shumta dhe kritika nga shikuesit.

Megjithatë, Labinoti theksoi se personalisht ndihet shumë i lumtur me bashkëshorten e tij dhe se nuk ka arsye për të kërkuar diçka më shumë, pavarësisht deklaratave të bëra.

Këto komente kanë hapur një debat të gjerë mbi interpretimin e besimit, marrëdhëniet dhe përgjegjësinë publike të figurave që shfaqen në formate televizive me audiencë të gjerë. /Telegrafi/

Një bisedë e sinqertë dhe e qetë ka ndodhur së fundmi në shtëpinë e Big Brother VIP Kosova mes Hygertës dhe Fjollës, ku temat kryesore kanë qenë pendesat dhe dëshirat për të ardhmen.

Hygerta ka treguar se ka një pendesë të thellë në jetë: “Jam penduar shumë dhe realisht e kam peng që nuk kam bërë një fëmijë”.

Më tutje thotë: “Nganjëherë janë momente në jetë që nuk i gjykon gjërat si duhet dhe ke pendesa shumë vonë”.

BBVK/YouTube

Fjolla, nga ana tjetër, shprehu dëshirën e saj të madhe për të pasur shumë fëmijë dhe inkurajoi Hygertën, duke i thënë se gjithmonë ekziston mundësia për të ndjekur ëndrrat dhe synimet e zemrës.

Hygerta u shpreh se është në moshën 48-vjeçare dhe mund të jetë vonë, por në anën tjetër vetëm ata janë qe ta ngrenë zemrën peshë, asnjë gjë tjetër.

Biseda e tyre reflekton emocione të thella dhe pasqyron momentet e ndjeshme që shumë njerëz përjetojnë kur reflektojnë mbi zgjedhjet e jetës dhe ëndrrat që mbeten ende të parealizuara. /Telegrafi/

- YouTube www.youtube.com

Beyonce ka thyer heshtjen për turneun e saj historik “Cowboy Carter”, që u bë turneu country më fitimprurës i të gjitha kohërave.

Në një intervistë për Pollstar, ylli 44-vjeçar foli për fillimet e vështira, përfshirë javët me shitje të ngadaltë të biletave dhe sfidat teknike të hershme.

“Kjo lindi nga dashuria dhe respekti im për muzikën country”, tha ajo. “Qëllimi ishte të festonim qëndrueshmërinë amerikane”.

Beyonce shpjegoi gjithashtu se turneu ishte i lidhur ngushtë me rrënjët e saj në Teksas dhe historinë e anashkaluar të kaubojve të zinj, duke përfshirë elemente nga salloni i flokëve i nënës së saj dhe tregtia e stërgjyshit të saj në Alabama, shkruan DailyMail.

Ajo theksoi përkushtimin ndaj çdo detaji: dizajnit të zërit, ndriçimit, koreografisë dhe pamjeve, për t’u siguruar që çdo tifoz të ndjehej pjesë e performancës. “Ne e rregullojmë çdo element derisa të ndiej shpirtin në çdo detaj”, shtoi Beyonce.

Turneu përfshiu momente spektakolare, përfshirë paraqitje surprizë nga JAY-Z, Destiny's Child, Miley Cyrus dhe vajzat e saj, Blue Ivy dhe Rumi.

Pas një nisjeje të vështirë, pesë shfaqjet e saj në stadiumin SoFi arritën të shënojnë fitime rekord prej afërsisht 51.8 milionë euro, me 217,000 bileta të shitura, duke tejkaluar madje turnetë e Shakirës dhe Coldplay-it.

Triumfi i turneut shënoi një kthesë të fortë krahas javëve të para, kur çmimet e bileta ranë në 20 dollarë në rishitje, një situatë pothuajse e paimagjinueshme për një artist të nivelit të Beyonces. /Telegrafi/

Pak momente më parë, tensioni në Big Brother VIP Kosova u rrit kur Klodi ia hodhi Labit një pije energjike në sy, një veprim që shkaktoi reagime të menjëhershme brenda shtëpisë.

Pas këtij incidenti, Labi është shprehur se një dënim ndaj Klodit është i nevojshëm, duke theksuar se sjellje të tilla nuk duhet të tolerohen brenda lojës.

“Duhet të ndalen këto gjëra”, tha ai, duke nënvizuar rëndësinë e respektit dhe të qëndrimit brenda rregullave të formatit.

BBVK/YouTube

Labi gjithashtu shtoi se veprimet e tij janë pjesë e lojës, por nuk do të lejojë të sulmohet fizikisht apo me objekte të forta. “Është pjesë e lojës. Është e drejta ime, tash të më qorrojë dikush a?” – tha ai, duke treguar se ndonëse loja është dinamike, ka kufij që nuk mund të tejkalohen.

Ky incident ka rritur tensionin midis banorëve dhe ka ndezur diskutime për mënyrën se si produksioni do të reagojë ndaj sjelljeve të tilla.

Shumë shikues tashmë presin një reagim zyrtar, duke vënë theksin mbi nevojën për të ruajtur dinjitetin dhe sigurinë brenda shtëpisë së BBVK. /Telegrafi/

- YouTube www.youtube.com

DJ-i i famshëm ndërkombëtar KeineMusik, një nga emrat më të njohur të muzikës elektronike në botë, është parë së fundmi në New York së bashku me menaxherin shqiptar Faton Shoshi.

Ata kanë darkuar në restorantin luksoz Chez Margaux, një nga ambientet më prestigjioze të qytetit.

Chez Margaux është i njohur për klientelën e tij elitare, përfshirë yje të muzikës dhe showbiz-it ndërkombëtar, si Taylor Swift dhe Jennifer Lopez, duke e bërë një nga destinacionet më të frekuentuara nga figurat e njohura globale.

Prania e KeineMusik në New York rikonfirmon ndikimin e tij në skenën elektronike ndërkombëtare, ndërsa Faton Shoshi vazhdon të konsolidohet si një nga menaxherët shqiptarë më të angazhuar dhe të njohur në industrinë globale të muzikës.

Kjo shfaqje publike e dy figurave të njohura shqiptarë dhe ndërkombëtare tregon se skena muzikore globale po afrohet gjithnjë e më shumë me talentët shqiptarë. /Telegrafi/

Një deklaratë e fortë publike është publikuar së fundmi nga menaxhmenti i Kushtrimit, lidhur me një situatë të ndodhur në shtëpinë e Big Brother VIP Kosova.

Reagimi vjen pas gjuhës së përdorur nga Labinot Rexha ndaj Kushtrimit, e cila sipas tyre ka kaluar çdo kufi komunikimi dhe respekti.

Në deklaratë theksohet se nuk bëhet fjalë për një incident të izoluar, por për një sjellje të përsëritur që tashmë ka tejkaluar çdo tolerancë.

Ata kërkojnë reagim të qartë dhe të drejtë nga produksioni, duke nënvizuar se gjuha e urrejtjes dhe etiketimet fyese nuk duhet të kenë vend në këtë format.

Më poshtë, deklarata e plotë e publikuar nga familja, menaxhmenti dhe mbështetësit e Kushtrimit:

Si menaxhment, familjarë dhe mbështetës të Kushtrimit, ndjejmë obligim të reagojmë ndaj gjuhës së papranueshme të përdorur sot nga Labinot Rexha në Big Brother VIP Kosova, ku Kushtrimi u etiketua në mënyrë fyese si “serb”.

Kjo nuk është hera e parë që Labinoti kalon kufijtë e komunikimit. Më herët kishte kërcënuar Kushtrimin duke i thënë se “nuk do ta lejojë të këndojë në Zvicër”. Atëherë zgjodhëm të mos e bëjmë të madhe situatën, në respekt të lojës dhe formatit, por sot u tejkalua një vijë ku heshtja nuk është opsion.

Megjithatë, përdorimi i etiketave me prapavijë etnike është i patolerueshëm, i rrezikshëm, ofendues e përçarës.

Kërkojmë reagim të qartë e të drejtë nga produksioni, për të garantuar se gjuha e urrejtjes dhe etiketimet degraduese nuk kanë vend në këtë format. Ku ngjashëm në të kaluarën, etiketimet të tilla janë ndëshkuar me zarf të zi e përjashtim të menjëhershëm. Standardet nuk duhet të jenë selektive!

Dinjiteti i Kushtrimit dhe familjes së tij, nuk negociohet. /Telegrafi/

Kushtrim Kelani/Instagram

Situata në shtëpinë e Big Brother VIP Kosova është tensionuar ndjeshëm gjatë ditës së sotme.

Një debat mes Labinot Rexhës dhe Klodit ka dalë jashtë kontrollit, duke përfunduar në një incident serioz.

Sipas pamjeve dhe raportimeve, Klodi i ka hedhur pije energjike në fytyrë Labit, ndërsa ky i fundit ndodhej në shtrat.

Labinot/Instagram

Pas kësaj ngjarjeje ka ardhur reagimi i familjes dhe menaxhmentit të Labinotit, të cilët kanë publikuar një deklaratë zyrtare në Instagram, ku e dënojnë ashpër veprimin.

Në reagimin e tyre, incidenti cilësohet si i papranueshëm dhe i rrezikshëm për shëndetin. Në deklaratë thuhet: “Ndaj Labit është ushtruar presion psikologjik, si dhe është kryer një veprim i papranueshëm duke i hedhur pije energjike në fytyrë, kryesisht në zonën e syve”.

Labinot/Instagram

Familja thekson se kjo sjellje e kalon çdo kufi loje apo debati verbal dhe përbën rrezik serioz, veçanërisht për sytë e banorit.

Gjithashtu, ata shprehin shqetësim për faktin se Klodi vazhdon të qëndrojë në shtëpi pa u marrë, sipas tyre, asnjë masë e dukshme. Sipas familjes, tolerimi i veprimeve të tilla krijon një precedent të rrezikshëm brenda formatit.

Në fund të deklaratës, ata i bëjnë thirrje produksionit dhe Vëllait të Madh që rasti të trajtohet me seriozitet të plotë: “Kërkojmë të merren masat disiplinore përkatëse, në përputhje me rregulloren e Big Brother VIP Kosova”.

Publiku tashmë pret reagimin e produksionit ose zhvillimet në Prime, për të mësuar nëse do të ketë ndëshkim apo përjashtim për këtë veprim. /Telegrafi/

Pas largimit të Tonit nga shtëpia e Big Brother VIP Kosova, në rrjetet sociale nisën të qarkullojnë pretendime të shumta, ku u hodh ideja se moderatorja Jonida Vokshi kishte shpallur gabimisht emrin e banorit që duhej të eliminohej gjatë spektaklit të së premtes.

Megjithëse Jonida e mohoi menjëherë këtë version, prania e Tonit më pas në ambientin e quajtur “kapsula” vetëm sa shtoi dyshimet, duke bërë që një pjesë e publikut të besonte se largimi i tij ishte rezultat i një lapsusi të çastit, i cili u përpoq të mbulohej.

Përballë këtyre aludimeve që vazhdonin të qarkullonin, moderatorja ka reaguar sërish, kësaj here me një postim të gjatë dhe më të drejtpërdrejtë në Instagram.

Ajo thekson se zakonisht zgjedh t’i marrë situata të tilla me sportivitet, por këtë herë ka vendosur të flasë hapur.

“Ju e keni parë që unë reagoj për çdo situatë me humor… Por u bë boll!” shkruan Jonida, duke sqaruar se formati funksionon mbi një strukturë shumë të rreptë dhe të kontrolluar, ku një gabim i tillë nuk mund të kalojë pa u vënë re.

“Ky format ka një produksion të tërë gjigand nga mbrapa, që edhe sikur (gjë që nuk ndodh kurrë) të gabohet në një emër, ai s’ta lejon”, shprehet ajo, duke mbrojtur profesionalizmin e saj dhe të gjithë stafit.

Në reagimin e saj nuk mungon as ironia ndaj atyre që vazhdojnë të ushqejnë këto thashetheme, duke cituar shprehjen: “Hedh një budalla një gur në lumë, ngrihen 100 të mençur për ta nxjerrë që aty”.

Jonida e mbyll postimin me një apel për më shumë mirëkuptim, dashuri dhe respekt, duke u kërkuar ndjekësve të jenë më të kujdesshëm në gjykime dhe të dinë të dallojnë qartë spektaklin nga realiteti. /Telegrafi/

- YouTube www.youtube.com

Këngëtari Shkodran, Alis, me këngën “Nân” ka rrëmbyer çmimin e parë të Festivalit të 64 të Këngës në RTSH, duke fituar si zemrat e publikut, ashtu edhe vlerësimin maksimal të jurisë.

Ky sukses i siguron artistit të drejtën për të përfaqësuar Shqipërinë në Eurovision 2026, që do të zhvillohet në Vjenë, Austri.

Performanca e Alis u veçua për potencën vokale të jashtëzakonshme, interpretimin unik dhe një mesazh universal për dashurinë, duke e bërë këngën “Nân” të prekë publikun në mënyrë të veçantë.

Fest 64/YouTube

Emocioni dhe energjia që Alis transmetoi në skenë krijuan një moment të paharrueshëm të natës finale, i shoqëruar me ovacione dhe duartrokitje të gjata.

Çmimi i parë iu dorëzua Alis nga kryetari i jurisë së Festivalit të Këngës, Ramë Lahaj. Në total, Alis grumbulloi 152 pikë nga kombinimi i votave të publikut dhe pikëve të jurisë.

Fest 64/YouTube

Në vendin e dytë u rendit Inis Neziri me 102 pikë, ndërsa Sheila u pozicionua në vendin e tretë me 93 pikë.

Sipas vlerësimit të jurisë profesionale, Alis u rendit në vendin e parë, Sheila në vendin e dytë dhe Vedat Ademi në vendin e tretë. Formula e votimit për përcaktimin e fituesit ishte 50% pikët e jurisë dhe 50% votat e publikut, duke garantuar një rezultat të balancuar dhe transparent.

Momenti i marrjes së kupës ishte tejet emocional për Alis. Artisti u përlot në skenë, puthi trofeun dhe, si dhuratë për publikun, interpretoi edhe një herë këngën fituese, duke ngrohur zemrat e të pranishmëve dhe duke mbyllur festivalin me një atmosferë të fuqishme emocionale.

Fitorja e Alis konfirmon edhe një herë rëndësinë e Festivalit të Këngës si gara më prestigjioze muzikore në vend, që promovon talentet shqiptare dhe i jep mundësinë një artisti të shndërrohet në ambasador të muzikës shqiptare në skenën më të madhe evropiane. /Telegrafi/

- YouTube www.youtube.com

- YouTube www.youtube.com

Para se të fillonte aventura e plotë brenda shtëpisë, Vëllai i Madh vendosi një sfidë speciale për banorët lidhur me biletat e fatit.

Të ndarë në dy divanë, banorët u informuan se ata që do të uleshin pranë tavolinës së ngrënies do të përfitonin këto bileta të veçanta.

Fituesit e biletave të fatit rezultuan të jenë: Miri, Selin, Lore, Seno, Xhodi, Mal, Sabina dhe Stine.

BBVA/YouTube

Banorët e tjerë nuk do të kenë mundësi tjetër për t’i marrë këto bileta, duke e bërë lojën më të tensionuar dhe konkurruese.

Nga gjithsej 14 bileta, vetëm katër janë për vajtje-ardhje, ndërsa 8 do të ndahen mes banorëve, duke krijuar një sfidë strategjike dhe moment emocionues për të gjithë pjesëmarrësit. /Telegrafi/

- YouTube www.youtube.com

Një surprizë e papritur ka ndodhur së fundmi në Big Brother VIP Kosova, ku i eliminuari i mbrëmshëm, Toney, është rikthyer në lojë.

Ai nuk është kthyer direkt mes banorëve, por është mbyllur në një kapsulë të veçantë brenda shtëpisë, larg syve të të tjerëve.

Banorët nuk e dinë se Toney është aty, duke shtuar një element intrigues dhe të paparashikueshëm në lojë.

BBVK/Instagram

Ky rikthim i veçantë ka krijuar kureshtje të madhe tek publiku, i cili ndjek me padurim çdo zhvillim.

Edhe pse banorët nuk e kanë marrë vesh ende për praninë e tij, strategjitë dhe dinamikat brenda shtëpisë mund të ndryshojnë në momentin që ata do ta zbulojnë.

Prania e Toneyt në kapsulë pritet të sjellë debate, tension dhe momente të paparashikueshme, duke rritur emocionin dhe intrigën që karakterizon Big Brother VIP Kosova.

Publiku mbetet kurioz për mënyrën se si ai do të përfshihet në lojë dhe pasojat që rikthimi i tij mund të ketë për banorët e tjerë. /Telegrafi/