Dolce ka marrë sërish vëmendjen e publikut pas një videoje të publikuar nga Big Brother VIP Kosova.
Në pamje, ajo shihet duke dalë nga dushi e veshur me bikini, ndërsa poshtë trupit kishte lidhur një peshqir, po ashtu edhe në kokë.
Para se të fillonte përgatitjen dhe grimin, Dolce nisi një vallëzim sensual dhe provokues, duke krijuar një moment që nuk kaloi pa u vënë re nga banorët dhe publiku.
BBVK/Instagram
Në një çast, edhe Fjolla iu bashkua vallëzimit, ndërsa Londrimi, i cili ndodhej në dush, reagoi me lëvizje ritmike.
Dolce është shpesh në qendër të vëmendjes për paraqitjet e saj dhe format elegante, duke u kthyer në një nga banoret më të komentuara brenda shtëpisë së BBVK. /Telegrafi/
Një tjetër moment tensioni është shënuar në shtëpinë e Big Brother VIP Kosova, ku Labi pati një përplasje të drejtpërdrejtë me Elijonën.
Debati nisi pas një komenti ironik të Elijonës, e cila iu drejtua Labit duke i thënë: “Më fal, a mund të të pyes, a e ke mirë syrin?”, duke iu referuar situatës së mëparshme kur Klodi i kishte hedhur pije në sy, ndërsa Labi kishte reaguar duke e ekzagjeruar gjendjen, duke thënë se nuk shihte.
Ky koment nuk u prit mirë nga Labi, i cili reagoi menjëherë dhe ia përmendi Elijonës një situatë të sajën me Edin, për të cilën banorja kishte folur më herët, duke përmendur raportin e tyre jashtë shtëpisë. Sipas Labit, ajo kishte tentuar të paraqitej ndryshe para publikut.
BBVK/YouTube
“Mund të paraqitesh e mirë, por publiku i di gjërat jashtë. Mund të gënjesh këtu, por publiku i di gjërat”, i tha Labi Elijonës, me një ton të ashpër.
Nga ana e saj, Elijona u mbrojt duke thënë se betohet që nuk ka gënjyer në asnjë fjalë dhe se nuk ka hyrë në BBVK për të gënjyer, duke insistuar se gjithçka që ka thënë ka qenë e vërtetë.
Ky debat shtoi edhe më shumë tensionin mes banorëve dhe u komentua gjerësisht edhe nga publiku jashtë shtëpisë. /Telegrafi/
“Mund të paraqitesh e mirë, por publiku i di gjërat jashtë” – Debati mes Labinotit dhe Elijonës! www.youtube.com
Në Teatrin Kombëtar po mbahet një mbledhje komemorative në kujtim të këngëtarit të ndjerë Shemsi Krasniqi, anëtar i grupit Ilirët, i cili la pas një trashëgimi të rëndësishme në muzikën urbane shqiptare.
Familjarë, miq, kolegë dhe artdashës janë mbledhur për të nderuar figurën dhe kontributin e tij artistik.
Mes të pranishmëve, fjalën e mori edhe vokalisti i grupit Minatori, Naser Gjinovci, i cili i pikëlluar kujtoi mikun e tij të ngushtë, Shemin, duke ndarë emocione të forta dhe kujtime personale: “E kam vështirë, sikur edhe ju. Mbrëmë isha në një intervistë në një televizion dhe gazetarja më pyeti a di diçka për Shemin. Thashë di gjithçka, një jetë të tërë e kam kaluar me të, edhe si komshi edhe si koleg në muzikë. Bashkë kemi bërë absolventiada, mbrëmje të maturës, humorin e përbashkët, gjithçka. Në fund të emisionit më tha se ka vdekur, thashë ‘nuk di’.
E thirra një mik tonin, në fund doli në fotografi, thashë: lajmet e këqija gjithmonë dalin të vërteta. Doli i vërtetë. U preka aq shumë, hyra në një dozë të madhe të mërzisë, vetëm fakti që u përmend vdekja, shuarja e tij”.
Gjinovci vlerësoi gjithashtu kontributin e jashtëzakonshëm të Shemsi Krasniqit në muzikën urbane të Prishtinës, duke theksuar se këngët e tij janë bërë pjesë e identitetit të qytetit.
Ai përmendi hitet e njohura “Merita” dhe “Moj Zogo”, për të cilat tha se “e kanë shtruar shtresën e asfaltit urban të Prishtinës”.
Në fjalën e tij, ai shtoi edhe një detaj personal për karakterin e Shemit: “Shemi nuk ka qenë alkoolist, por me Shemin e kemi pirë një cisternë çaj, e ka pasur shumë merak.
Ka qenë një personalitet, një njeri i rrallë. Një detaj po e përmendi, një prej karakteristikave, shenjë mbrojtëse identifikuese e Shemit është zëri i tij i vrazhdë. E mori kur i operoi bajamet, por ishte fat, sepse e fitoi një identitet në këndimin e ti”.
Mbledhja komemorative po zhvillohet në një atmosferë të ngarkuar emocionale, duke rikujtuar rolin dhe trashëgiminë që Shemsi Krasniqi ka lënë në historinë e muzikës shqiptare. /Telegrafi/
Zendaya dhe i fejuari i saj, Tom Holland, u panë duke bërë një shëtitje të qetë me qentë e tyre në Richmond Park, ndërsa përgatiten të kalojnë Krishtlindjet me familjen e Tomit.
Çifti 29-vjeçar u shfaq me pamje të thjeshta dhe u shoqërua nga dy anëtarë të stafit të Dog Protection dhe qeni i tyre miniaturë, Noon.
Vitin e kaluar, Zendaya dhe Tom festuan fejesën e tyre në SHBA me familjen e aktores, ndërsa këtë vit do ta kalojnë Krishtlindjen me babain e Tomit, komedianin Dominic, nënën fotografe Nicola dhe vëllezërit e tij, shkruan DailyMail.
Zendaya kishte veshur një pallto trençi, shall dhe xhinse, ndërsa Tom një pallto të zezë të mbushur dhe kapuç.
Përveç jetës private, çifti do të ndajë ekranin për herë të katërt në projektin më të ri të Christopher Nolan, “Odisea”, pas tre filmave të Spider-Man ku luajtën role të dashuruarish.
Tom do të interpretojë Telemakun, djalin e Odiseut, ndërsa Matt Damon do të luajë Odiseun.
Roli i Zendayas ende nuk është zbuluar, por ajo u pa duke xhiruar në ishullin Favignana, e veshur me një fustan grek pa mëngë. /Telegrafi/
Elton Ilirjani ka publikuar një video të Parashqevi Simakut gjatë Sofrës së Kavajës, ku këngëtarja u nderua me titullin Qytetar Nderi i Kavajës.
Ai gjatë videos tha: “Parashqevi Simaku është gjithmonë kënaqësi të të kem pranë. Sonte është një ditë e veçantë sepse është Sofra e Kavajës dhe kavajasit e tu duan që ti t’u japësh një përshëndetje”.
Në fjalën e saj, Parashqevia tha: “Është bërë gati një vit që kur dëgjova Fisnik Qosjen, një djalë aq i hijshëm, si zog i trembur, mori Elton Ilirjanin dhe i tha: ‘Çfarë më të bëj për Parashqevinë të lutem, më thuaj!’ Edhe më ka ngelur në shpirt, se gjithë këtë kohë që jam rikuperuar nga gjithë këto ngjarje që ndodhën, dua ta falënderoj për këtë nder të madh që më ka bërë sonte.
Screenshot/YouTube
Fisnik Qosja, të falënderoj me gjithë shpirtin që më dhe mundësinë që të tregoj që jam kavajëse, sepse mund ta nxjerrësh Parashqevinë nga Kavaja, por nuk e nxjerr dot Kavajën nga Parashqevia. Jam me ju me gjithë zemër, me gjithë shpirt”.
Ajo kujtoi se ka nisur të këndojë që në fëmijëri, duke u mësuar nga gjyshërit dhe daja i saj, dhe më pas u prezantua për herë të parë me maestron e madh Rexhep Asimin, përmes të cilit mësoi të ruajë traditën muzikore të Kavajës, të cilën e konsideron fisnike dhe me rrënjë të thella.
Parashqevia theksoi edhe mësuesit e saj fisnikë, si Terezina Levi, dhe provat që bënte me ta, si dhe mbështetjen që ka marrë gjatë karrierës. “Edhe pse kam kënduar kudo në Shqipëri dhe botë, thelbi im mbetet shpirti dhe tradita e Kavajës, të cilën e përfaqësoj me thjeshtësi dhe përkushtim”, tha ajo.
Parashqevia përfundoi: “Guri i rëndë në vend të vet, themi ne. Kështu që unë akoma jam kavajësja, pavarësisht se kam kënduar kudo, në Shqipëri, në botë edhe këtu. Gjithmonë kudo që shkoj e përfaqësoj Kavajën me atë thjeshtësi, me atë ndershmërinë, me atë kënaqësinë që i ka dhënë kënga popullore të gjithë shqiptarëve. Kështu që i qofsha falë, si të them, djepit që më ka lindur e rritur kavajëse”. /Telegrafi/
Në një nga momentet qesharake të Big Brother VIP Albania, Kristi dhe Xhodi zhvilluan një bisedë që shkaktoi shumë të qeshura.
Ai tha se kur njerëzit i flisnin, zakonisht e shikonin në sy për të parë ngjyrën e tyre.
Por, biseda mori një kthesë të papritur kur Kristi shtoi se në kohët e fundit ka vënë re diçka të ndryshme.
BBVA/Instagram
Ai tha “Në fillim më shihnin në sy, tani më shohin nga dhëmbët”.
Kristi ka dhëmbë të rregulluar, të bardhë të cilët tërheqin menjëherë vëmendjen.
Xhodi nuk mundi të mbante të qeshurën dhe biseda mes tyre u kthye në një moment shumë të qeshur për banorët e tjerë.
Kristi shpjegoi se kjo ndryshon mënyrën se si perceptohen nga të tjerët dhe se tani çdo bisedë duket se përqendrohet edhe tek buzëqeshja e tij.
Ky moment i vogël, por qesharak, tregoi edhe një herë se Big Brother VIP Albania nuk është vetëm një reality show për konkurrencë, por edhe një vend ku banorët ndajnë momente të veçanta dhe të sinqerta që tërheqin vëmendjen e publikut. /Telegrafi/
Olta Gixhari ka qenë sërish në qendër të vëmendjes në spektaklin e mbrëmshëm të Big Brother VIP Kosova, duke konfirmuar edhe një herë se di si të tërheqë vëmendjen si me dukjen, ashtu edhe me prezencën e saj në studio.
Aktorja u shfaq me një fustan elegant ngjyrë vjollcë, i gjatë dhe me prerje të ngushtë, që theksonte linjat e saj trupore.
Fustani kishte një dekolte të hapur dhe dizajn të butë në pjesën e sipërme, duke i dhënë një pamje shumë femërore.
Olta Gixhari/Instagram
Materiali i lehtë dhe me shkëlqim shtonte edhe më shumë hijeshinë e paraqitjes së saj nën dritat e studios.
Grimi i Oltës ishte po aq i kuruar, me fokus te sytë e theksuar me penel dhe hije të lehtë, ndërsa buzët ishin në ton natyral, duke ruajtur një ekuilibër perfekt mes elegancës dhe finesës.
Olta Gixhari/Instagram
Flokët i kishte të lëshuara, të drejta dhe të ndara në mes, një stil klasik që i shkonte shumë dhe kompletonte pamjen e saj të rafinuar.
Olta Gixhari njihet për paraqitjet e saj të veçanta dhe këtë herë nuk bëri përjashtim. Përveç dukjes që mori vëmendje të madhe në rrjete sociale, ajo vazhdoi të spikaste edhe me komentet e saj direkte dhe pa filtra për situatat dhe dinamikat brenda shtëpisë së Big Brother VIP Kosova, duke e bërë prezencën e saj edhe më të fortë në spektakël. /Telegrafi/
Hilary Duff dhe Matthew Koma festuan përvjetorin e gjashtë të martesës të dielën, duke përdorur rrjetet sociale për të ndarë momente nga jeta e tyre dhe për t’u kundërpërgjigjur kritikëve.
Koma ndau një fotografi nga dita e dasmës së tyre dhe shkroi: “6 vjet me gruan time. Dhe thanë se nuk do t’ia dilnim. Të gjithë thanë ‘nuk do t’ia dilnim.’” Postimi u shpërnda nga Duff në InstaStory, duke shënuar përvjetorin me stil.
Në postimin e tij, Koman e krahasoi martesën me një përvojë nostalgjike: “Të jem i martuar me ty është si të hash Taco Bell në vitet e 90-ta, shkruan DailyMail.
Nuk e di kurrë se cilin do të marr, por kryesisht ka të njëjtët përbërës dhe euforia ia kalon shqetësimit të barkut. Dhe gjithmonë dukesh bukur”.
Çifti ka dy vajza së bashku, Banks dhe Mae dhe një djalë, Townes. Duff është gjithashtu nënë e Lucas, 13 vjeç, nga martesa e saj e mëparshme me Mike Comrie.
Nga ana e saj, aktorja dhe këngëtarja nderoi përvjetorin me një videomontazh të ditës së dasmës dhe kujtimeve të tjera, duke përdorur këngën e Adam Sandler, Grow Old With You, me mbishkrimin: “6 vjet në përjetësi”.
Hilary dhe Matthew u takuan para 10 vitesh gjatë bashkëpunimit në albumin Breathe In. Breathe Out., dhe Duff më parë ka rrëfyer se ata e dinin që duhej të ishin bashkë pasi përpjekjet për t’u ndarë nuk funksionuan. /Telegrafi/
Gjatë një bisede të qetë me disa nga banorët e Big Brother VIP Albania, Benita ka ndarë mendimet e saj për jetën në çift dhe për atë që ajo vlerëson më shumë te një mashkull.
Diskutimi u fokusua te marrëdhëniet, bashkëjetesa dhe vlerat familjare, tema që Benita i trajtoi me sinqeritet.
Ajo u shpreh se për të, një nga gjërat më të rëndësishme në një lidhje është lidhja e partnerit me familjen e tij. Sipas saj, ajo do të ndihej shumë mirë të jetonte së bashku me prindërit e bashkëshortit.
BBVK/Instagram
“Një gjë që më pëlqen te një mashkull është të jetojë me familje. Unë kam qejf të jetoj me nënën dhe babain e tij”, u shpreh Benita.
Më tej, ajo shtoi se e tërheq shumë jeta tradicionale familjare dhe rutina e mëngjesit, ashtu siç kanë jetuar brezat e mëparshëm.
“Kam qejf të zgjohem herët, si më parë që janë zgjuar nuset, kanë larë oborrin dhe kanë bërë bukën”, tha ajo.
Benita theksoi gjithashtu se e pëlqen shumë bashkëjetesën me vjehrrit dhe familjen e zgjeruar, duke treguar respekt dhe dashuri për të moshuarit.
“Kam qejf shumë të jetoj me vjehërr me familje. Pleqtë i adhuroj”, përfundoi ajo.
Deklarata e Benitës u prit me reagime të ndryshme nga banorët, duke hapur një debat interesant mbi traditën, bashkëjetesën dhe mënyrën se si shihen sot marrëdhëniet familjare. /Telegrafi/
Edhe pse u mendua se do të largohej nga gara, Toney vazhdon të jetë pjesë e Big Brother VIP Kosova, por tashmë i izoluar në të ashtuquajturën shtëpi kapsulë.
Prej disa ditësh, ai po qëndron larg banorëve të tjerë, në një ambient të veçantë, pa kontakt të drejtpërdrejtë me ta.
Sipas pamjeve të publikuara nga faqja zyrtare e BBVK-së, Toney duket se e ka nisur ditën me humor të mirë dhe energji pozitive.
BBVK/Instagram
Në videon e shpërndarë, ai shihet teksa rregullon shtratin dhe merret me rutinën e mëngjesit, duke dhënë përshtypjen se po e përballon situatën me qetësi.
Ndërkohë, banorët e shtëpisë kryesore ende nuk janë vënë në dijeni për fatin e Toneyt dhe nuk e dinë se ai nuk është eliminuar.
Kjo situatë ka shtuar kureshtjen dhe pritjen, si brenda shtëpisë ashtu edhe te publiku, për të mësuar se cili do të jetë roli i tij në vazhdim dhe se kur do të rikthehet në lojë.
Mbetet për t’u parë se si do të ndikojë kjo lëvizje e produksionit në dinamikat e BBVK-së dhe në rrjedhën e lojës në ditët në vijim. /Telegrafi/
Ndërsa Klodi vazhdon rrugëtimin e tij brenda shtëpisë më të famshme në Kosovë, jashtë saj vëmendja është kthyer te e kaluara e tij.
Disa imazhe të rralla po qarkullojnë në TikTok, duke treguar se si dukej banori shumë vite përpara se të bëhej pjesë e ekranit.
Në videot që kanë mbledhur mijëra shikime, Klodi duket krejt ndryshe. Me një stil flokësh të ndryshëm dhe tipare më të buta, transformimi i tij është aq i dukshëm sa shumë ndjekës mbeten të habitur: nga një djalosh i thjeshtë, ai ka arritur të krijojë një pamje të kuruar dhe të tonifikuar, siç shihet sot brenda BBVK.
Klodian/Instagram
Këto fotografi kanë ngjallur kureshtje për jetën jashtë shtëpisë së BBVK-së, duke treguar se disiplina, stili dhe koha kanë ndryshuar dukshëm pamjen e Klodit.
Ndërsa ai fokusohet te loja dhe dinamika brenda shtëpisë, publiku po zbulon një tjetër anë të tij, që dëshmon transformimin e plotë që ka pësuar me vite. /Telegrafi/
Familja dhe mbështetësit e Fjolla Morinës kanë dalë me një deklaratë publike në rrjetet sociale, duke shprehur indinjatën e tyre për situatat e fundit brenda shtëpisë së Big Brother VIP Kosova.
Sipas tyre, gjuha e përdorur ndaj këngëtares ka qenë e papranueshme dhe sulmet e fundit kanë tejkaluar çdo kufi të respektit dhe etikës televizive.
Familjarët theksojnë se Fjolla nuk është thjesht një banore e reality show; ajo është një nënë dhe një artiste që ka përballuar shumë sfida në jetë.
Fjolla Morina/Instagram
Çdo sulm ndaj dinjitetit të saj ndikon jo vetëm tek ajo, por edhe tek familja dhe mbështetësit e saj jashtë shtëpisë.
Një pjesë e deklaratës u drejtohet direkt produksionit të BBVK-së. Ata kërkojnë një reagim të menjëhershëm nga organizatorët, për të siguruar që gjuhët ofenduese dhe sulmet personale të mos tolerohen më.
Familja rikujton se një program i ndjekur nga mijëra njerëz ka përgjegjësinë të vendosë standarde të qarta të komunikimit.
Në fund të reagimit, mbështetësit dhe familjarët e Fjollës theksojnë vendosmërinë e tyre për të mos heshtur.
Ata nënvizojnë se respekti nuk është opsional, por një detyrim, duke paralajmëruar se do të qëndrojnë të bashkuar për të mbrojtur integritetin e këngëtares gjatë gjithë rrugëtimit të saj në BBVK. /Telegrafi/
Modelja dhe aktorja 34-vjeçare ndau në InstaStory disa momente nga festimet e saj, duke përfshirë një fotografi ku shihet ulur pranë një peme Krishtlindjesh, e veshur me një fustan të zi me dekolte të thellë dhe një gotë verë në dorë.
Bukuroshja, e njohur nga filmat Gone Girl, Entourage dhe We Are Your Friends, tregoi pamjen e saj elegante me flokë të ndarë ngjyrë kafe dhe grimin e rregullt.
Në një tjetër postim, Emily u pa duke shijuar fundjavën e festave me një mikeshë, gjithashtu e veshur me fustan të zi, shkruan DailyMail.
Ylli është nënë e djalit katërvjeçar, Sylvester Apollo Bear, nga ish-bashkëshorti Sebastian Bear-McClard, dhe aktualisht është në një lidhje me regjisorin Romain Gavras.
Për Harper’s Bazaar, modelja ka rrëfyer se ka rritur standardet e saj në lidhje me partnerin e ardhshëm dhe është e lumtur që nuk është më e gatshme të kënaqet me pak.
Festat e fundvitit duket se po i japin Emily mundësinë të kombinojë stilin seksi me momentet familjare dhe argëtimin në qytet. /Telegrafi/
Hapja e Big Brother Fan Club, me moderatore Kiara Titon, ka nisur me një hyrje jo të zakonshme nga Luiz Ejlli, e cila menjëherë ka ndezur debat në rrjet.
Fituesi i BBVA ka dhënë një deklaratë të fortë në monologun e tij, e interpretuar si një thumb ndaj produksionit apo kritikëve të karrierës së Kiarës.
“Janë munduar të më lënë në hije, por hija nuk e mbulon kurrë dritën. Ajo është dritë dielli”, – tha Luizi live, duke lënë të kuptohet se dikush ka tentuar të pengojë shkëlqimin e moderatores.
Anaid Kaloti/Instagram
Deklarata e tij nxiti menjëherë reagimin e Anaid Kalotit, ish-fitues i Big Brother 6, i cili kritikoi qasjen e Luizit. Ai theksoi se “lufta me produksionin ka mbaruar”.
Sipas tij, Kiara është një nga figurat më të forta të ekranit shqiptar dhe kurrë nuk është lënë në hije, duke përmendur karrierën e saj në Portokalli, DWTS dhe tani BB Fan Club.
Luiz Ejlli/Instagram
“Ne burrat gjithmonë prishim punë, kur gjasme zotohemi të mbrojmë gratë…” – shkruan Anaidi, duke e cilësuar dramatizimin si diçka që “nuk shet më”.
Megjithatë, Luizi nuk e ka lënë me kaq. Pak orë pas reagimit të Anaidit, ai publikoi një Story me tone kërcënuese, pa përmendur emra, por me një mesazh të qartë: “Dikush t’i thotë dikujt mos ha, se përballë do thuash më fal prap”.
Kjo përplasje virtuale sapo ka nisur, dhe mbetet për t’u parë nëse do të ketë një ballafaqim të drejtpërdrejtë mes tyre. /Telegrafi/
Pas incidentit të tensionuar që ndodhi mes Labit dhe Klodit, ku Klodi i hodhi pije në fytyrë bashkëlojtarit të tij, dy banorët kanë zhvilluar një bisedë sqaruese për të ulur tensionet.
Në momentin e ngjarjes, Labi u shpreh se nuk po shihte mirë për shkak të pijes, çka e bëri situatën edhe më të rëndë.
Ngjarja mori përmasa të mëdha brenda shtëpisë, por mbrëmë vonë, Labi dhe Klodi u ulën për të diskutuar hapur për atë që kishte ndodhur.
BBVK/YouTube
Gjatë bisedës, Labi i tha Klodit se është i vetëdijshëm që provokimet janë pjesë e lojës, por i kërkoi që të mos e përfshijë familjen e tij në këto situata, pasi ka dy fëmijë që e ndjekin nga jashtë.
“Kam qejf të jem edhe djalë i mirë”, u shpreh Labi, duke shtuar se nuk e sheh veten si personin që mund të duket në disa momente brenda shtëpisë.
Ai theksoi se mund të pranojë lojën dhe provokimet, madje edhe hedhjen e ujit apo të keqapit, por jo përdorimin e pijeve apo gjërave të përpunuara.
Nga ana tjetër, Klodi reagoi duke thënë se e kishte bërë veprimin me qëllim, pasi sipas tij Labi shpesh e viktimizon veten.
Ai gjithashtu ngriti shqetësimin se gjatë debateve janë përdorur fjalë që prekin familjarët, duke theksuar se edhe ai ka një nënë që ndjek spektaklin nga jashtë.
Klodi i kujtoi Labit se disa deklarata të tij janë interpretuar si nxitje për vetëvrasje, duke theksuar se shumë nëna e shohin çdo banor si fëmijën e tyre dhe se fjalë të tilla janë të rënda dhe të papranueshme. /Telegrafi/
Aktori amerikan James Ransone, i njohur për rolin e tij si Ziggy Sobotka në serialin legjendar të HBO-së The Wire, ka ndërruar jetë në moshën 46-vjeçare në Los Angeles.
Sipas Zyrës së Mjekut Ligjor të Qarkut të Los Angeles, vdekja e tij është cilësuar si vetëvrasje, shkruan DailyMail.
Ransone u bë i njohur për audiencën televizive me paraqitjen e tij në sezonin e dytë të The Wire në vitin 2003, serial që konsiderohet gjerësisht si një nga dramat më me ndikim në historinë e televizionit.
Ai u shfaq gjithashtu në disa prodhime të tjera të njohura, përfshirë Generation Kill, Treme, Bosch, si dhe në filma si Sinister, It Chapter Two dhe The Black Phone.
Në vitet e fundit, aktori kishte folur hapur për sfidat personale, përfshirë varësinë dhe traumën nga abuzimi seksual, duke u bërë zë i rëndësishëm për ndërgjegjësimin rreth shëndetit mendor.
Ai ishte i martuar me Jamie McPhee dhe la pas dy fëmijë. Pas lajmit tragjik, bashkëshortja e tij ka nisur një fushatë mbledhjeje fondesh në mbështetje të Aleancës Kombëtare për Sëmundjet Mendore (NAMI).
Vdekja e James Ransone ka shkaktuar reagime të shumta nga fansat dhe kolegët, të cilët e kanë kujtuar atë si një aktor të talentuar dhe një njeri të ndershëm që foli hapur për betejat e tij personale. /Telegrafi/
Dua Lipa ka tërhequr vëmendjen gjatë pushimeve të saj romantike me të fejuarin Callum Turner, teksa çifti u pa duke shijuar ditët me diell në plazh.
Këngëtarja 30-vjeçare u shfaq me bikini me print leopardi, duke vënë në pah format e saj, ndërsa Callum u shfaq pa bluzë, në një atmosferë relaksuese.
Pushimet vijnë menjëherë pas përfundimit të pjesës latino-amerikane të turneut të saj “Radical Optimism”, që u mbyll javën e kaluar në Mexico City.
Dua ndau disa momente nga udhëtimi në Instagram, duke përfshirë edhe poza të tjera me bikini dhe një selfie para pasqyrës, si dhe një lojë të qetë me letra me partnerin e saj. “Valixhja ime mbetet e paketuar”, shkroi ajo krahas postimit.
Vetëm pak ditë më parë, çifti ndodhej në New York, ku Dua ishte e angazhuar me projektin e saj Service95 Book Club, ndërsa Callum mori pjesë në premierën e filmit të tij të ri, Atropia.
Këngëtarja tregoi gjithashtu mbështetjen për partnerin, duke publikuar fotografi dhe duke promovuar projektet e tij më të fundit.
Dua Lipa dhe Callum Turner nisën lidhjen në janar 2024 dhe e konfirmuan fejesën në qershor të këtij viti, duke u kthyer në një nga çiftet më të përfolura të showbiz-it ndërkombëtar. /Telegrafi/
Mbrëmja e Talent Show-it në Big Brother VIP Kosova solli momente argëtuese dhe performanca të veçanta, por ishte Londrimi ai që mori gjithë vëmendjen e banorëve dhe të publikut me interpretimin e tij.
Për paraqitjen në skenë, Londrimi zgjodhi një veshje të pazakontë: ai veshi një fustan të ngushtë, vendosi doreza të fryra në pjesën e gjoksit dhe përdori një aksesor në dhëmbë për t’i bërë ata të dukeshin më të bardhë.
Me këtë paraqitje, ai imitoi Benitën, e cila më herët kishte treguar se kishte vendosur dhëmbë diamanti.
BBVK/Instagram
Performanca u shoqërua edhe me interpretimin e këngës “Bugattin e ndërrojmë”, duke e bërë skenën edhe më komike.
Imitimi dhe detajet e zgjedhura shkaktuan të qeshura të shumta te banorët e tjerë, të cilët reaguan me duartrokitje dhe humor.
Momenti u kthye shpejt në një nga më të komentuarit e mbrëmjes, duke treguar edhe një herë anën argëtuese dhe krijuese të Londrimit brenda shtëpisë së BBVK. /Telegrafi/
Banorët e Big Brother VIP Kosovapo bëhen gati për mbrëmjen e Talent Show-it, ndërsa përgatitjet kanë sjellë edhe momente të veçanta brenda shtëpisë.
Gjatë provave të veshjeve, Londrimi ka eksperimentuar me disa stile të ndryshme, mes tyre edhe një fustan, duke tërhequr vëmendjen e banorëve të tjerë.
BBVK/Instagram
Reagimi i Dolces nuk ka munguar, e cila e ka komplimentuar menjëherë Londrimin duke i thënë: “Sa bukur. Sa mirë i rri”, një moment që është komentuar me pozitivitet brenda shtëpisë.
Këto çaste tregojnë edhe një herë atmosferën e lirshme dhe mbështetëse mes banorëve, ndërsa të gjithë po përgatiten për një nga netët më argëtuese të spektaklit. /Telegrafi/
Labinot Rexha ka ngjallur reagime të shumta dhe debat të ashpër mes shikuesve pas disa deklaratave të tij gjatë një bisede në Big Brother VIP Kosova.
Pyetjet e drejtpërdrejta të Albës dhe përgjigjet e Labinotit janë komentuar gjerësisht në rrjete sociale, duke zemëruar një pjesë të madhe të publikut.
Gjatë bisedës, Alba e pyeti Labinotin nëse, si mysliman praktikues, do ta pranonte mundësinë për të pasur deri në katër gra.
BBVK/Instagram
Labinoti u përgjigj duke iu referuar besimit islam, duke thënë se kjo lejohet në Islam dhe duke cituar një sure që, sipas tij, thotë: “Nëse ke frikë nga vetja për epshet, martohuni me dy, tre apo katër gra”.
Më tej, deklaratat e tij u bënë edhe më të forta, kur ai shtoi: “Në Kosovë dhe te shqiptarët dihet se çdo burrë besoj që ka dy-tri dashnore”, një fjali që ka shkaktuar reagime të shumta dhe kritika nga shikuesit.
Megjithatë, Labinoti theksoi se personalisht ndihet shumë i lumtur me bashkëshorten e tij dhe se nuk ka arsye për të kërkuar diçka më shumë, pavarësisht deklaratave të bëra.
Këto komente kanë hapur një debat të gjerë mbi interpretimin e besimit, marrëdhëniet dhe përgjegjësinë publike të figurave që shfaqen në formate televizive me audiencë të gjerë. /Telegrafi/
Login
