Në spektaklin e mbrëmjes së djeshme në “Big Brother”, publiku vendosi që banori më i pëlqyer i momentit të jetë Mateo, i cili u rendit i pari në votim dhe u shpall fituesi i avantazhit të rëndësishëm të javës.

Si shpërblim, Mateo fitoi të drejtën për të nisur zinxhirin e parë të shpëtimit në këtë edicion, duke vendosur se cili prej banorëve do të ishte i sigurt nga nominimi. Vendimi i tij i parë ishte të shpëtonte Brikenën, duke e larguar menjëherë nga rreziku i eliminimit.

Pas këtij vendimi, zinxhiri i shpëtimit vijoi me radhë nga një banor te tjetri, duke krijuar një moment tensioni dhe surprize në shtëpi. Rendi i plotë i shpëtimit ishte: Mateo – Brikena – Juela – Stenaldo – Mal – Artan – Greta – Kristi – Angelo – Stelina – Selin – Miri – Ina – Keijsi – Lorna.

Në përfundim të këtij procesi, pesë banorët e fundit që mbetën pa u shpëtuar janë Selin, Miri, Ina, Keijsi dhe Lorna. Këta të fundit do të përballen me televotimin e javës, ku publiku do të vendosë se kush prej tyre do të largohet nga shtëpia më e famshme në Shqipëri, në spektaklin e së shtunës. Tashmë gara bëhet edhe më e fortë, ndërsa çdo votë mund të jetë vendimtare për fatin e banorëve.

The post Mateo zgjidhet i preferuari i publikut, shpëton në zinxhir Brikenën, ja kush shkon në nominim appeared first on iconstyle.al.

Dashi
Mund ta kesh të vështirë të përshtatesh me energjinë e ditës. Shumicën e kohës, mendimet e tua do të jenë të shpërndara dhe do të jetë e vështirë për ty të jesh produktiv, pasi shpërqendrimet janë kudo. Mos e kritiko veten për këtë. Thjesht bëj më të mirën tënde.
Demi
Ka më shumë të vërteta në fantazitë tuaja sesa mendoni. Do të bëni përparime të mëdha në karrierën tuaj nëse thjesht e lini imagjinatën tuaj të ecë lirshëm. Tani është koha për t’i sjellë në jetë këto ide të mrekullueshme. Mos ngurroni!
Binjakët
Dritë e re hidhet mbi çështjet e vjetra. Ky depërtim i ri po vjen nga një burim shumë i papritur, prandaj jini të hapur ndaj të gjithë njerëzve dhe perspektivave në mënyrë që të kapni këtë informacion të ri. Jini vigjilentë.
Gaforrja
Dikush që mund të ketë shmangur një nga idetë tuaja në të kaluarën, papritmas po e rishqyrton atë. Kjo ka gjasa të hapë mundësi të mëdha karriere. Ji i hapur dhe i ndershëm me idetë e tua. Duke vepruar kështu, do të arrish shumë.
Luani
Nëse keni shpresuar të përjetoni takimin e jetës suaj, atëherë mund të jeni në rrugën e duhur sonte. Keni shumë mundësi që të përjetoni natën e ëndrrave tuaja. Problemi i vetëm është se mund të mos jetë një natë pasioni. Megjithatë, mos u shqetësoni kurrë, pasioni do të vijë më vonë.
Virgjëresha
Jeta juaj shoqërore dhe komunikimi i përgjithshëm me të tjerët janë në qendër të vëmendjes tani. Mund ta shfrytëzoni këtë mundësi për t’u takuar me miq ose për të krijuar miq të rinj, si dhe për të mësuar rreth çdo gjëje që ju intereson.
Peshorja
Energjia që rrezaton nga planetet po ju afron gjithnjë e më shumë me qëllimin për të arritur një angazhim më të thellë me një person të caktuar të veçantë. Mund të tundoheni ta detyroni çështjen duke zbuluar se sa tërheqës jeni në të vërtetë dhe duke shpresuar se kjo do t’i bindë ata.
Akrepi
Kjo është një ditë kur e dini se edhe vërejtjet më të pafajshme dhe në dukje të padëmshme mund të krijojnë potencialisht një shpërthim. Energjia që rrezaton nga planetët po e çon një çështje të caktuar në një pikë kritike.
Shigjetari
Energjia që rrezaton nga planetet mund të inkurajojë disa ndjenja shumë të thella të dalin në sipërfaqe. Duhet të ndërmerrni veprime në lidhje me një çështje të rëndësishme. Është koha të dilni nga kjo mjegull konfuzioni dhe të bëni diçka për këtë.
Bricjapi
Do të përfitonit po të merrnit pak kohë sot për të negociuar çështjet që duhen zgjidhur midis jush dhe personit tuaj më të dashur. Nuk është mirë të flasësh me qëllime të kundërta ose të përpiqesh të shkatërrosh rrugën për të arritur një rezultat specifik. Duhet të jesh vërtet në gjendje të dëgjosh, pa u bërë i pasjellshëm dhe arrogant.
Ujori
Të dallosh të vërtetën nga fantazia mund të mos jetë veçanërisht e lehtë sot, pasi të dy aspektet duket se janë të ndërthurura në informacionin e ri që po ju vjen. Bëni pyetje përpara se të veproni duke supozuar se të gjitha faktet që hasni janë të vërteta.
Peshqit
Do të luash një rol të rëndësishëm sot, ndërsa do të krijosh një urë lidhëse midis dy pozicioneve të kundërta. Këto dy grupe idesh janë më të pajtueshme nga sa mendojnë shumica e njerëzve dhe ti je personi që mund t’i bësh të tjerët ta shohin dhe ta kuptojnë këtë.

The post Horoskopi për ditën e sotme, 21 janar 2026 appeared first on iconstyle.al.

Gjatë ditëve të fundit, disa nga banorët në shtëpi kanë parë një afrimitet mes Selinës dhe Mateos, dhe sipas tyre Miri duket se ka shfaqur një xhelozi.

Biseda gjate Prime:

Mateo: Unë më Selinën kemi një marrëdhënie shumë të mirë shoqërore. Unë me Selinën nuk diskutojë asnjëherë për Mirin, vetëm kur Miri hedh kunja dhe e bezdis prania ime afër Selinës. Po i duket sikur po i marrim diçka të tijën

Miri: Patjetër, po vdes. Këto xhelozinë e kanë të ndjenjat, nuk ka lidhje ndjenja. E kam te meraku.

Mateo: Ishte Miri ai që i thoshte hajde te lavanderia, i thoshte ti po deshe hajde.

Selin: ka qenë fjali që nëse unë kam ndjenja çfarë pune ke ti. Sa për Mirin xheloz, unë me atë kam, një marrëdhënie që nuk e kupton asnjë këtu brenda. O Tani se jam gjithë kjo vajzë, ki respekt. Edhe ngacmimet që Miri më bënë për Mateon janë komplet ironike. Xheloz është ky, vdes, e ha nga brenda.

Artan: Duke parë që realisht Mateo e ka vënë përpara Mirin, atëherë Miri bënë atë fjalëkryqin e vetë për të fut në lojë Selin, për të reaguar.

Selin: Nuk më fut njeri në lojë mua, jo Miri po 7 si ky. E ke gabim

Artan: Po jap mendimin tim. Mirit fjalëkryqit, ky vendos gjithë fatet e shtëpisë. Duke qenë se e sheh të dobët veten para Mateos, dhe pastaj vendos Selinën para tij për të bërë atë xhelozinë, Mateo ka qëllimin që të qartësojë veten në dashurinë me Brikenën.

Kristi: Kemi të bëjmë me dy refuzime, i kam kërkuar Mateos të largohet nga Selinin dhe nuk e ka bërë. Ka një lloj xhelozie.

Miri: Më vjen keq që banorët e përdorin Selinën si objekt.

The post Miri xheloz për raportin e Selin dhe Mateos? Banori: Patjetër, po vdes appeared first on iconstyle.al.

Lim Hoti, i cili aktualisht është pjesë e Big Brother VIP Kosova, ka deklaruar brenda shtëpisë, se prej një viti nuk ka parë djalin e tij. Kjo fjali ka rikthyer në vëmendje një reagim të fortë të bërë më herët nga ish-bashkëshortja e tij ne vitin 2019, këngëtarja Albëresha, me të cilën Lim Hoti ka një djalë (lexo ketu).

Ne ate kohe, pas disa postimeve të Lim Hotit në rrjete sociale, ku ai shfaqej me të birin dhe shprehte mallin për të, Albëresha reagoi publikisht, duke e cilësuar këtë sjellje si “të shtirur” dhe për sy të publikut. Në një deklaratë të gjatë, ajo rrëfeu versionin e saj të historisë, duke theksuar se, sipas saj, Lim Hoti nuk ka qenë i pranishëm në jetën e fëmijës, as emocionalisht dhe as financiarisht.

“Është hera e parë që shprehem në këtë mënyrë dhe po e bëj sepse çdo gjë e ka një limit. Është e trishtueshme për mua që ta them publikisht se djali im nuk ka pasur asnjë mbështetje nga i ati, qoftë edhe financiarisht. Është e lehtë të postosh një foto dhe të thuash se të mungon, por ti nuk ishe pranë tij kur tha fjalën e parë, kur ishte i sëmurë, kur kishte nevojë për gjithçka,” – shkruante Albëresha.

Ajo shtonte gjithashtu se, sipas saj, ndërsa për jetën personale dhe argëtimin kishte shpenzime, djali ishte lënë pa përkujdesjen e duhur.

“Djali im është i zgjuar, inteligjent dhe i rrethuar me dashuri nga familja ime. Atij nuk do t’i mungojë asgjë”

Tashmë, me Limit brenda shtëpisë së BBVK dhe me deklaratën e tij se “kam një vit pa e parë djalin”, këto fjalë të ish-bashkëshortes janë rikthyer në qendër të vëmendjes, duke hapur sërish diskutime për raportin e komplikuar mes ish-çiftit dhe marrëdhënien e Lim Hotit me të birin.

The post “Kam një vit pa e parë”/ Koha kur ish-gruaja demaskonte Lim Hotin: S’pyete a ka për të ngrënë, e kishe mendjen te femrat appeared first on iconstyle.al.

Gjatë ‘Prime’ të sotëm Selin ka debatuar me Malin, sepse sipas saj banori nuk ka respektuar hapësirën e saj gjatë një sfide që Vëllai i Madh i kishte dhënë. Nga ana tjetër Mali u shpreh se ndihem i ofenduar, dhe ajo që Selin tha nuk i dukej si një justifikim.

Mali: Gjëja e fundit që dua të ndodhi në këtë shtëpi është që të përfshihem në këto situata. Nuk kam ardhur këtu për t’u bërë objekt i askujt, as për t’u prekur nga dikush. Sa i përket komentit, ka qenë më ofenduesi që kam marrë ndonjëherë. Kam ardhur këtu për të treguar karakterin tim. Shpresoj që sado pak, i kam bërë krenar ata që përfaqësoj me qëndrimin tim këtu brenda.

Selin: Mali, përtej gjithë ankesave, kërkoj falje nëse ndihesh keq sepse nuk ka qenë ky qëllimi im. Unë kam qenë shumë e qartë që në ditën time të parë se si Selin, sfidat i vlerësoj. Mali nuk e respektoi hapësirën time. Po ia kërkoja me qetësi deri sa e agravova. Sa për Kosovën, Kosova është shtëpia ime e dytë. Mali e di sa e lidhur jam me Kosovën. Nuk kam thënë që ti ke ardhur këtu dhe përfaqëson Kosovën, por shoqërinë nga e cila vijmë jashtë

Mali: Nuk më duket justifikim.

Selin: E kam kërkuar të sqarohemi, por ai nuk më fliste.

The post Debat mes Malit dhe Selinës: Ka qenë komenti më ofendues që kam marrë appeared first on iconstyle.al.

Brikena ka sqaruar situatën me Mateon, pasi si lidere e shtëpisë vendosi ta dërgonte atë në nominim.

Replikat mes tyre;

Brikena: Unë siç ua sqarova, nuk e kam bërë për tu hakmarrë. Hakmarrja nuk më përket. Në momentin që unë e kap pyetur Mateon që a jemi puth dhe mua më ka thënë jo, edhe tani vjen ‘Prime’ dhe ky thotë po, unë jam ndjerë keq. Doja ta bëja të ndihej siç u ndjeva unë, u ndjeva keq. Ky mashtron, doja ta bëja të ndihej keq siç u ndjeva unë.

Keijsi: I kam thënë Mateos, sepse ku kam diskutuar më të më ka kërkuar mos t’ia hapja si temë, fill pas këtij diskutimi para ‘Prime’ ajo bëri këtë veprim, dhe i thash ke bërë diçka gabim, ke mbrojtur këtë vajzë dhe në momentin e parë që ajo kishte diçka në dorë ta bëri ty.

Ina: Nuk më duket koherente Brikena. Ne jemi të 4 në nominim, siç rrezikohemi ne të tre, rrezikohet edhe ai.

Erik: Nuk e kuptoj si mund të fusësh në nominim një person që është në qetësinë e vetë. Ideja është që, unë kuptojë që Brikena e ka bërë për ta larguar, që mos të flitet më historia sepse nuk dihet kush ka mashtruar.

Selin: Është konfuze Brikena me atë se çfarë thotë. Është publiku ai që gjykon. Unë mendoi që Brikena thjesht i qëndrojifjalëve të saj.

Juela: Vetëm këta e dinë të vërtetë. Lëvizja e Brikenës ka qenë e mençur, me këtë rast ka dashur të përfitojë që ata ta sqarojnë këtë rast, të sqarohet dhe të flasin.

Kristi: E kam pasur pak të vështirë, jam munduar që ata ta sqarojnë këtë situatë, nuk e di kujt i besojë më shumë, por besojë Mateos, sepse Brikena e ndryshojë, nga 4 mesazhe në më shumë.

Mateo: Nëse do ktheja kohën pas, sërish do i jepja imunitet Brikenës.

The post Brikena e dërgoi në nominim, Mateo: Nëse do ktheja kohën pas, sërish do i jepja imunitet appeared first on iconstyle.al.

Një tjetër emër i njohur i është bashkuar sonte shtëpisë së Big Brother VIP Albania 5, duke sjellë emocione dhe kuriozitet të madh tek publiku.

Bëhet fjalë për këngëtaren e njohur Krusita, e cila u prezantua fillimisht në studion e spektaklit nga moderatori Ledion Liço. Hyrja e saj u shoqërua me një performancë muzikore, ku artistja interpretoi një nga këngët e saj më të njohura, duke ndezur atmosferën dhe duke marrë duartrokitjet e publikut.

Gjatë bisedës me Ledionin, Krusita u pyet hapur për përshtypjet e para ndaj banorëve. Ajo u shpreh se banori që e ka surprizuar më shumë deri tani është Kristi, duke e përmendur me emër, ndërsa për atë që nuk e duron apo nuk e pëlqen, preferoi të mos zbulojë identitetin, duke lënë vend për mister dhe tension në shtëpi.

Me hyrjen e saj, Krusita bëhet zyrtarisht pjesë e garës për çmimin e madh të Big Brother VIP Albania 5, duke iu bashkuar lojës, strategjive dhe dinamikave që po zhvillohen mes konkurrentëve. Prania e saj pritet të sjellë energji të reja, përplasje karakteresh dhe, ndoshta, aleanca të papritura brenda shtëpisë më të famshme në Shqipëri.

A do te krijoje aleanca, shoqeri, apo lidhje… kjo mbetet te shihet ne ditet ne vijim.

The post Hyrje e re në shtëpi, këngëtarja e njohur futet në BBVA5 appeared first on iconstyle.al.

Mbremjen e sotme, Mateo ka treguar historine lidhur me Brikenën dhe një ngjarje që, sipas tij, i ka mbetur ende “peng”. Mateo tregoi si nisi historia e tyre e se cilat ishin pengesat.

Deklaratat:

Brikena: Unë desha ta fillojë, të them që kur Mateo ka hy ia kemi dhënë dorën njëri tjetri, dhe thamë që këtu jemi në lojë, ai takim mbet para 4 viteve. Kur ai shkon te Kristi dhe e hap diskutimin, jep detaje që unë nuk jam dakord, kur e pyes më thotë jo nuk e kam thënë. Më ka mashtruar, në Prime thotë po. Unë jam ndjerë keq, kam prit të më flas ose të më thoshte ndonjë gjë për këtë temë. Kurrë sesie nuk e kam bërë për tu hakmarrë që e çova në nominim, nuk dua ta ul, është çun shumë i mirë. Unë nëse flas me një person, do kem respekt, kam respekt për Mateon. Doja ta bëja të ndihej heq siç më bëri ai mua. Unë ta kthej me të njëjtën monedhë. Unë jam protektive sepse nuk ia di qëllimet Mateos në lojë, ai vjen për të luajtur këtu dhe unë tërhiqem. Kemi shkëmbye mesazhe dhe jemi pa njëherë. Kur jemi pa, nëse do kishte interes do kishim vazhduar të takohemi, nuk kemi pasur interes të përbashkët dhe e kemi lënë aty. Ka pasur edhe arsye të tjera, por kryesorja ka qenë që nuk ka pasur përputhje. Nuk ka pasur as puthje, as përputhje. Ai nuk ka ardhur për ta ma penguar mua lojën por për të bërë lojën e vetë. Ai do ta shfrytëzojë takimin tonë për lojë. Në atë kohë ai më shumë i dhënë pas meje.

Mateo: Problemi është që unë nuk e kam perit reagimin e Brikenës në këtë mënyrë. Kam dashur t’ia lë asaj hapësirën të tregojë se çfarë ka ndodhur, nuk ka ndodhur asgjë e keqe. Ka pasur një puthje. Ka qen një takim ku janë shkëmbyer puthje. Familjarët e Brikenës kanë ndërhyrë, problemi është që ne jemi njohur në Instagram dhe aty Brikena më ka befasuar nga mënyra se si fliste. Është e njëjta Brikenë si atëherë dhe sot. Pas shumë kohësh kemi folur bashkë, ka qenë pëlqim nga të dyja anët, jemi takuar në Prishtinë ku shkëmbyem edhe puthje. Ditën tjetër kam shkuar ta takojë, kur isha duke pritur më tha do presësh diku tjetër jo këtu ku kam banesën. Unë sorollatesha derisa të vinte Brikena, aty më pret rrugën një makinë, më afrohet dikush të xhami dhe më tha çfarë e ke ti Brikenën. Unë u shtanga, duke folur me atë, i them e kam shoqe. Më tha a e di babai i saj q ti frekuentohesh me Brikenën, i thash kam ardhur thjesht ta takojë. Në atë moment, ai telefonon babain e Brikenës, ma kalon mua në telefon, i thash që ne vetëm sapo kemi filluar të njihemi. Më than leje këtu këtë gjë, kur u shkëputem më thotë Brikena hajde më merr, i thash kështu më ndodhi. Më tha hajd3 pa merak, kur ika prapë ta takojë më ndodh prap e njëjta skenë. Pastaj vjen daja e saj më tha çfarë do ti këtu. Më tha jo mos e tako, merr të atin në telefon dhe më tha lërë këtë muhabet. U vura para një përgjegjësie qe nuk e mbaja dot. Nuk mund ta merrnim këtë përgjegjësi. I binte të trashnim muhabetet pa filluar akoma. Më pas kësaj kemi folur për pak dhe pastaj vendosëm të ndalojmë së foluri.

The post “Familjarët e saj më prenë rrugën”/ Mateo tregon historinë me Brikenën jashtë: Më ka ngel si peng appeared first on iconstyle.al.

Blake Lively, pretendon se Justin Baldoni e ka ushtruar presion që të shfaqet në filmin It Ends With Us lakuriq. Kjo është skena në të cilën heroina që ajo luan lind vajzën që ka me personazhin e luajtur nga aktori 41-vjeçar.

Siç thotë Lively, të qenit në shesh xhirimi me “organet gjenitale mezi të mbuluara” ishte “dhunuese dhe poshtëruese” për të.

Pjesë nga dëshmia e Lively në betejën e saj ligjore me Baldonin u zbuluan të martën, më 20 janar, dhe përfshijnë një numër detajesh, duke përfshirë reagimin e saj ndaj skenës së lindjes dhe foto nga sheshxhirimi që e tregojnë atë me këmbët hapur. Në dëshminë e saj, ajo thotë se ditën e xhirimit të skenës së lindjes, Baldoni dhe producenti i filmit, Jamie Heath, këmbëngulën që ajo të performonte nudo.

Baldoni, thotë ajo, i tha se gruaja e tij ia grisi rrobat ndërsa po lindte fëmijët e tyre.

Lively thotë se i tha atij se në katër herët që lindi fëmijët e saj, nuk kishte qenë kurrë lakuriq dhe se kishte kërkuar që personazhi i saj të vishte një rrobë spitali, pasi skena zhvillohej në një spital.

Sipas saj, Baldoni vazhdoi ta ushtronte presion që të shfaqej nudo. Lively thotë gjithashtu se u ndje “e detyruar të bënte kompromis dhe në fund pranoi të ishte lakuriq nga gjoksi poshtë, gjë që nuk ishte diskutuar ose rënë dakord më parë”.

Aktorja pretendon se skena e lindjes zgjati disa orë për t’u filmuar, duke e përshkruar atë si: “Në disa momente gjatë xhirimit, isha shtrirë me shpinë në një shtrat spitali, me këmbët e zhveshura të hapura në mbështetëse, ndërsa personeli jo-thelbësor kalonte pranë meje”.

E vetmja gjë që e mbulonte, përveç një “rrobë spitali të vendosur strategjikisht”, ishte “një copë e vogël, e hollë dhe e sheshtë pëlhure e zezë për të mbuluar organet e mia gjenitale”.

Lively thotë gjithashtu se produksioni e filmoi skenën nga kënde të shumta, duke përfshirë xhirime anësore dhe ballore, dhe pohon se “më është dashur të kërkoj të më japin një batanije për privatësi midis xhirimeve, gjë që nuk ishte gjithmonë e mundur”.

Në të njëjtën ditë të xhirimeve, Lively thotë se mësoi se aktori që luante rolin e mjekut obstetër-gjinekolog ishte një mik i Baldonit dhe se “ato vendoseshin vazhdimisht midis këmbëve të mia, shumë afër organeve të mia gjenitale mezi të mbuluara”.

The post Blake Lively shpërthen: U detyrova të dal lakuriq në skenën e lindjes, ishte poshtërim appeared first on iconstyle.al.

Shpërthimi i fundit publik i konfliktit midis Brooklyn Beckham dhe prindërve të tij, David dhe Victoria Beckham, e ka vënë përsëri në qendër të vëmendjes Nicola Peltz, aktoren dhe modelen amerikane dhe gruan e djalit më të madh të klanit. Për Brooklyn, roli i saj në këtë histori nuk është dytësor: ajo është shkaktari përfundimtar i një ndarjeje familjare që, sipas tij, tani është e pakthyeshme .

Nicola Peltz, 31 vjeç, është aktore dhe vjen nga një nga familjet më të pasura dhe më të fuqishme në Shtetet e Bashkuara. Ajo është vajza e miliarderit Nelson Peltz, investitor dhe drejtor korporatash, dhe ish-modeles Claudia Heffner. Përpara lidhjes së saj me Brooklyn Beckham, ajo kishte punuar tashmë në Hollywood, me role në produksione të tilla si ‘Transformers: Age of Extinction’, dhe ishte një personazh i rregullt në tapetet e kuq dhe në evente mode.

Marrëdhënia e saj me familjen Beckham nuk ishte kurrë plotësisht e qetë. Që nga dasma në Brooklyn në vitin 2022, filluan të qarkullonin thashetheme për tensione, veçanërisht me Victoria Beckham . Episodi i parë i madh ishte ai i fustanit të nusërisë: fillimisht u njoftua se Victoria do ta dizenjonte, por më në fund Nicola zgjodhi një stilist tjetër. Ky ndryshim nxiti spekulime rreth një përplasjeje midis vjehrrës dhe nuses që, me kalimin e kohës, do të rezultonte shumë më e thellë.

Në deklaratën e tij të fundit shpërthyese publike, Brooklyn Beckham ka mbrojtur gruan e tij dhe ka vënë gishtin drejtpërdrejt te prindërit e tij për trajtimin që ai thotë se i kanë bërë Nicolës. Ai pretendon se ata u përpoqën të sabotonin marrëdhënien e tyre para dasmës, vunë në dyshim hapur vendin e saj në familje dhe madje e bënë të ndihej si e huaj.

Një nga episodet më serioze që ai tregon ndodhi gjatë dasmës. Brooklyn pretendon se Victoria Beckham ndërpreu vallëzimin e parë të planifikuar midis tij dhe Nicola , duke kërcyer me të birin para të ftuarve në atë që ai e përshkruan si një situatë poshtëruese dhe të papërshtatshme.

Përveç kësaj, Brooklyn denoncon presionin e prindërve të tij për të hequr dorë nga të drejtat e lidhura me mbiemrin Beckham para martesës, diçka që ai e interpretoi si një dredhi për të mbrojtur markën e familjes mbi jetën e tij personale. Në versionin e tij të ngjarjeve, Nicola u pa si një kërcënim për kontrollin që familja ushtronte mbi imazhin e tyre publik.

Kështu, Nicola Peltz, e cila për vite me radhë paraqitej si “molla e sherrit”, është bërë, në historinë e Brooklyn-it, arsyeja pse ai vendosi të ndahej përfundimisht nga familja Beckham . Është një histori që përzien pushtetin, famën, kontrollin dhe një pyetje të pakëndshme: çfarë ndodh kur një markë peshon më shumë se lidhjet e gjakut?

The post Kush është Nicola Peltz dhe çfarë roli luan ajo në luftën e Beckham: A është ajo fajtore për prishjen e familjes? appeared first on iconstyle.al.

Deri në tre në 10 persona ( 10-30%) , kryesisht nga vendet perëndimore, kanë mungesë magnezi në një masë më të madhe ose më të vogël. Siç shpjegon Hazel Flight, drejtuese e Programit të Ushqyerjes dhe Shëndetit në Universitetin Edge Hill, është një nga mikronutrientët e nevojshëm që sigurojnë funksionimin e duhur të trupit, duke ndihmuar më shumë se 300 enzima të kryejnë procese të shumta kimike në trup, të tilla si prodhimi i proteinave, mbështetja e kockave, kontrolli i sheqerit dhe presionit të gjakut, si dhe ruajtja e funksionit dhe shëndetit të zemrës, muskujve dhe sistemit nervor.

Simptomat dhe grupet e rrezikut

Diagnostikimi i mungesës së magnezit nuk është një detyrë e lehtë; nga njëra anë, nivelet e tij në gjak nuk pasqyrojnë sasinë e ruajtur nga qelizat, dhe nga ana tjetër, shenjat e mungesës do të shfaqen vetëm pasi ajo të jetë vendosur dhe simptoma të tilla si dobësi, lodhje, ulje e oreksit, të përziera dhe tendencë për të vjella .

Mungesa e magnezit shumëfishon rrezikun e sëmundjeve të rënda kronike, siç janë sëmundjet kardiovaskulare, osteoporoza, diabeti i tipit 2, migrena dhe sëmundja e Alzheimerit. Faktorët që identifikojnë dhe identifikojnë grupet me rrezik të shtuar përfshijnë:

Mosha (fëmijë dhe adoleshentë, të moshuar dhe gra në postmenopauzë)
Historia shëndetësore. Sëmundja celiake dhe sëmundjet inflamatore idiopatike të zorrëve që pengojnë marrjen e lëndëve ushqyese pavarësisht nga një dietë e shëndetshme, diabeti mellitus i tipit 2 dhe alkoolizmi.
Medikamente. Sëmundjet kronike dhe ilaçet me recetë për t’i trajtuar ato (p.sh. diuretikë dhe antibiotikë që ulin nivelet e magnezit)
Dieta. Konsumi i lartë i ushqimeve të përpunuara, së bashku me ilaçet e mësipërme, është shkaku kryesor i mungesës së magnezit për shumicën dërrmuese të njerëzve në vendet e zhvilluara.

Burimet dietike të magnezit

Doza e rekomanduar ditore e magnezit varet nga mosha dhe shëndeti, me rregullin e përgjithshëm që rekomandon 400-420 mg për burrat e moshës 19-51 vjeç dhe 310-320 mg për gratë, vëren Hazel Flight. Edhe pse shumë veta përdorin suplemente magnezi, ajo argumenton se përdorimi i tyre duhet të bëhet kryesisht nga grupe të tilla si të moshuarit dhe njerëzit me sëmundje të caktuara, gjithmonë në konsultim me mjekun që ndjek, pasi marrja e tepërt mund të shkaktojë diarre, të përziera, të vjella, dobësi dhe hipotension, ndërsa magnezi mund të zvogëlojë efektivitetin e disa ilaçeve.

Për këtë arsye, është e preferueshme ta konsumoni atë përmes ushqimeve (mundësisht të plota) si arra, bishtajore, drithëra të plota, fasule, perime me gjethe jeshile (si lakra ose brokoli), qumësht, kos dhe disa ushqime të tjera që tejkalojnë nevojat tona për magnez.

The post Magnezi: Simptomat që tregojnë se keni mungesë të tij appeared first on iconstyle.al.

Redon Makashi ishte i ftuar diten e sotme në programin “Rudina” në Tv Klan.

I pyetur nëse prindërit e kanë vizituar studion e tij, artisti zbulon me trishtim se babai po përballet me një betejë të fortë shëndetësore. Këngëtari thotë se prej 8 muajsh ai vuan nga sëmundja e demencës dhe është në një luftë me jetën. Gjendja është e vështirë dhe sfiduese, sidomos për nënën e tij.

Biseda;

Redon Makashi: Tani im atë e ka më të pamundur për të vizituar atë studio.

Rudina Magjistari: Pse?

Redon Makashi: Po kalon një moment jo të mirë.

Rudina Magjistari: Që ka lidhje me…

Redon Makashi: Me shëndetin. Ka 8 muaj që po bën luftë me jetën.

Rudina Magjistari: Më vjen keq! Si duket situata, ka shpresë për t’u përmirësuar? Nga se vuan konkretisht, a mund ta thuash?

Redon Makashi: Janë këto sëmundjet që nuk kanë shërim.

Rudina Magjistari: Është sëmundje e kancerit apo…

Redon Makashi: Jo. Demenca. Është pak e vështirë sepse është hera e parë që përballem me një situatë të vështirë direkt sepse të gjithë kemi momente të vështira, por të përballesh direkt me një situatë të rëndë nga një qetësi totale, nga një jetë normale, e qetë kur s’ke çfarë bën, është pak e vështirë.

Rudina Magjistari: Kemi folur në fakt për demencën dhe është e vështirë për atë vetë që nuk e di sa i vetëdijshëm është ai për ta kuptuar gjendjen e vet, por mbi të gjitha edhe për ju, për mamanë tënde, znj. Drita, por edhe për ty.

Redon Makashi: Sigurisht, më tepër mami që është aty në frontin e parë të lëvizjes sepse unë jam në lëvizje, bëj të pamundurën, por është një gjë që lufton dhe nuk ka fund kjo gjë.

The post “Babai ka 8 muaj që lufton me jetën”, Redon Makashi rrëfen sfidën me sëmundjen e pashërueshme appeared first on iconstyle.al.

Një kapitull i ri ka nisur për Redian Hoxha, trashëgimtaren e Top Channel dhe motrën e vogël të Lori dhe Sara Hoxhës, e cila ka sjellë në jetë fëmijën e saj të parë. Lajmi shënon një moment të veçantë në jetën e saj personale, larg vëmendjes së tepruar mediatike.

Sipas Ilirianews.al, babai i fëmijës është Kein Dabulla, nipi i ish-ministres Arta Dade dhe djali i Alban Dabullës, një emër i njohur në fushën e medias, si botues i gazetës “Dita” dhe pronar i “Telebingos Shqiptare”.

Alban Dabulla njihet jo vetëm për aktivitetin në media dhe industrinë e telebingos, por edhe si biznesmen aktiv në disa sektorë në Tiranë dhe më gjerë. Emri i familjes së tij është përmendur ndër vite edhe në kontekste të ndryshme publike, përfshirë çështje që lidhen me lejet e ndërtimit dhe dosjen Shullazi.

Redia, së bashku me motrat Lori dhe Sara, si dhe vëllain e tyre të vogël Itan, kanë zgjedhur gjithmonë ta mbajnë jetën private larg syrit publik. Itani, veçanërisht, është mbajtur jashtë rrjeteve sociale dhe vëmendjes mediatike.

Lindja e fëmijës së saj vjen pas një periudhe ku Redia ka preferuar të qëndrojë diskrete, duke e ndarë jetën personale nga fama dhe ekspozimi i madh që shoqëron motrat e saj.

The post Motra e vogël e Lori dhe Sara Hoxhës bëhet nënë! appeared first on iconstyle.al.

Disa sekonda mjaftuan për të hedhur në erë vizitën e orkestruar me kujdes të Donald Trump në një fabrikë të Ford në Dearborn të Michiganit. Ndërsa presidenti po largohej nga ambientet, një punëtor bërtiti nga fabrika “mbrojtës i pedofilëve!”, një referencë për dosjet e Epstein. Reagimi i Trump ishte i menjëhershëm: ai ngriti gishtin e mesëm ndaj punëtorit, një gjest që Shtëpia e Bardhë më vonë e përshkroi si “një përgjigje të përshtatshme dhe të qartë”.

#EXCLUSIVE President Trump was filmed flipping off a Ford worker who yelled “pedophile protector” at him. https://t.co/m5nLYtWxxT pic.twitter.com/512zEYV6WC

— TMZ (@TMZ) January 13, 2026

The Independent vëren se midis burrave me kostume blu që shoqëronin presidentin ishte Susie Wiles, shefe e stafit të Shtëpisë së Bardhë dhe ish-menaxhere e fushatës që e udhëhoqi Trumpin në mandatin e tij të dytë. Për vite me radhë, Wiles ishte sinonim i heshtjes së disiplinuar dhe efikasitetit politik. Për disa, ajo është e vetmja person që mund ta mbajë Trumpin në tokë; për të tjerët, ajo është ajo që lejon, nga prapaskena, çmontimin e rregullave që shoqërojnë zyrën presidenciale.

Ky imazh u shkatërrua në fund të vitit 2025, kur Wiles dha një seri intervistash për Vanity Fair, të raportuara nga gazetari Chris Whipple. Deklaratat e saj u përshkruan si “çuditërisht të sinqerta”: ajo e quajti zëvendëspresidentin JD Vance një “teoricien konspirativ”, e përshkroi Elon Musk si përdorues të ketaminës dhe pretendoi se Trump, megjithëse abstenon nga alkooli, ka një “personalitet alkoolik”.

Më vonë ajo u përpoq ta përmbante reagimin e ashpër, duke thënë se komentet e saj ishin nxjerrë jashtë kontekstit. Megjithatë, Whipple pohoi se gjithçka ishte thënë personalisht dhe zyrtarisht. Elementi më zbulues ishte reagimi i vetë Trump: në vend që ta shkarkonte shefen e stafit të tij, siç ka bërë me shumë nga bashkëpunëtorët e tij në të kaluarën, ai nxitoi ta mbështeste publikisht , duke i thënë New York Post se “ajo ka bërë një punë fantastike”.

Ky qëndrim nxori në pah rolin e veçantë të Wiles në rrethin e ngushtë të presidentit. Ajo konsiderohet ndoshta si personi i vetëm që mund të flasë hapur për “personalitetet e forta” të administratës dhe të mbetet e pazëvendësueshme. Artikulli i Vanity Fair mund t’i kishte dhënë fund pranisë së saj në Shtëpinë e Bardhë, por kjo nuk ndodhi.

Në moshën 68 vjeç, Wiles ka një karrierë të gjatë në politikën amerikane, pasi ka punuar me Ronald Reagan dhe Jack Kemp, dhe ka luajtur një rol kyç në shndërrimin e Floridës në një fortesë republikane për Trump. Ajo përshkruhet si dikush me sjellje të buta, por me kufij të rreptë, e aftë të afirmohet në heshtje në një mjedis të dominuar nga meshkujt.

Megjithatë, pyetja që lind është nëse ajo mundet dhe dëshiron të frenojë impulset më ekstreme të presidentit , veçanërisht në një kohë kur lëvizjet e tij po kërcënojnë edhe kohezionin e NATO-s.

Wiles duket se e ka “lexuar” mirë Trumpin dhe personalitetin e tij të paqëndrueshëm, ndërsa ajo vetë, nga prejardhja e saj familjare, është në gjendje t’i “frenojë” figura të tilla.

Ajo është, në mënyrën e saj, një figurë pothuajse amërore pranë një “fëmije” të padisiplinuar. Por ajo gjithashtu duket se i njeh kufijtë e saj: ajo mund të mos jetë në gjendje të ndryshojë natyrën e presidentit, por vetëm të menaxhojë pasojat e veprimeve të tij.

The post Kjo është e vetmja grua që e ka lexuar mirë Trump dhe mund ta përmbajë atë appeared first on iconstyle.al.

Policia e Kosovës ka arrestuar diten e sotme konspiracionistin Arianit Sllamnikun nën dyshimet për ushtrim të kundërligjshëm të veprimtarisë mjekësore ose farmaceutike dhe eksperimente të kundërligjshme mjekësore dhe testim të barërave.

Mediat në Kosovë raportuan nje dite me pare se Sllamniku u ka shitur disa personave ilaçe për kafshë me pretendimin se me to fëmijët do të shërohen nga autizmi. Konspiracionisti Sllamniku është ndaluar për 48 orë me urdhër të Prokurorisë Themelore të Gjilanit.

Ndërkohë, Policia e Kosovës në Gjilan u ka bërë thirrje qytetarëve që kanë marrë shërbime shëndetësore ose konsultime nga Arianit Sllamniku, e që mendojnë se mund të jenë dëmtuar, qoftë materialisht ose shëndetet, të paraqiten në ambientet e Njësisë së Hetimeve Rajonale në Gjilan për intervistim.

Ministria e Shëndetësisë, ka reaguar ndaj këtij rasti dhe iu ka bërë thirrje qytetarëve që t’iu besojnë vetëm metodave të verifikuara shkencërisht dhe të mos bien pre e mashtrimeve.

“Ministria e Shëndetësisë ka ndjekur me shqetësim raportimet në media dhe rrjete sociale lidhur me pretendimet se një individ dyshohet se ka ofruar ilaçe, duke i paraqitur ato si trajtim për autizëm. Ministria e Shëndetësisë u bën thirrje qytetarëve që t’u besojnë vetëm metodave të verifikuara shkencërisht, të cilat ofrohen nga institucione dhe profesionistë të licencuar shëndetësorë”, thuhej në reagimin e MSH-së.

The post Skandaloze/ Arrestohet në Kosovë konspiracionisti i njohur, shiste ilaçe për kafshë si trajtim për autizmin appeared first on iconstyle.al.

Një zjarr masiv që përfshiu një qendër tregtare në qytetin më të madh të Pakistanit, Karaçi, ka vrarë 21 persona, përfshirë një zjarrfikës, dhe ekipet e shpëtimit po garojnë për të gjetur dhjetëra të tjerë që ende rezultojnë të zhdukur.

Zjarrfikësve iu deshën më shumë se 24 orë për të shuar flakët në Gul Plaza. Ndërtesa kishte 1,200 dyqane dhe shtrihej në 8,000 metra katrorë (86,111 këmbë katrorë). Pjesë të ndërtesës janë shembur, ndërsa zyrtarët thonë se rrënojat dhe mungesa e ventilimit po pengojnë përpjekjet e shpëtimit.

“Pothuajse e gjithë ndërtesa ishte përfshirë nga flakët”, kur ekipet e shpëtimit mbërritën në vendngjarje të shtunën në mbrëmje, thanë shërbimet lokale të emergjencës.

Gjashtëdhjetë persona janë raportuar të zhdukur nga familjet e tyre, të cilët janë mbledhur jashtë asaj që ka mbetur nga qendra, duke pritur me padurim lajme për të dashurit e tyre. Administratorët e qytetit kanë ngritur një tavolinë për të regjistruar emrat dhe detajet e të zhdukurve.

Të dielën në mëngjes, tymi ende dilte nga ajo që kishte mbetur nga ndërtesa Gul Plaza. Pjesa më e madhe e saj është shembur dhe ka shqetësime se mund të shembet edhe më tej.

Hassan Khan, një zëdhënës i Shpëtimit 1122 në Karaçi, i tha BBC Urdu se zjarri u përhap me shpejtësi për shkak të pranisë së materialeve të ndezshme si shkumë plastike, pëlhurë dhe parfum në ndërtesë.

Deri të dielën në mbrëmje, pjesë të ndryshme të Gul Plaza ishin djegur dhe kthyer në rrënoja. Ekipet e shpëtimit i thanë agjencisë së lajmeve Reuters se e gjithë ndërtesa mund të shembet.

Vinça janë vendosur për të zhvendosur atë që ka mbetur nga ndërtesa pjesërisht e shembur, me shpresën e gjetjes së më shumë trupave. Megjithatë, ekipet e shpëtimit janë ende duke pritur që struktura të ftohet mjaftueshëm në mënyrë që të mund të kryejnë një kërkim të plotë.

Të paktën 26 nga ata që janë raportuar të zhdukur janë parë për herë të fundit brenda ndërtesës, sipas vendndodhjes së telefonave të tyre, tha një zyrtar policie për BBC-në.

Presidenti i Pakistanit Asif Ali Zardari shprehu ngushëllimet e tij dhe i kërkoi qeverisë së provincës Sindh, ku ndodhet edhe selia e Karaçit, të kryejë një shqyrtim gjithëpërfshirës të masave të sigurisë në ndërtesat tregtare dhe banesore në të gjithë zonën.

The post Zjarr masiv në një qendër tregtare në Pakistan, 21 të vdekur dhe dhjetëra të zhdukur appeared first on iconstyle.al.

Ka disa gjëra që nuk kanë nevojë të bërtasin për t’u vënë re. Artesano është një prej tyre. Ky koleksion i Villeroy & Boch nuk ndjek modën e radhës dhe as nuk përpiqet të impresionojë me forma të tepruara. Ai thjesht qëndron aty, i qetë, i bukur dhe i besueshëm, si ato gjërat që me kalimin e kohës bëhen pjesë e jetës pa e kuptuar.

Porcelani i bardhë, format e buta dhe linjat e pastra i japin tryezës një ndjesi rregulli dhe harmonie. Ushqimi duket më i bukur, jo sepse pjatat e mbizotërojnë, por sepse i lënë hapësirë të marrë frymë. Edhe një drekë e thjeshtë në mes të javës merr një tjetër ndjesi, më të qetë, më të menduar.

Artesano ka diçka shumë njerëzore në mënyrën si është konceptuar. Nuk është i ftohtë, nuk është formal. Përkundrazi, në disa pjesë kombinohet me dru akacie apo elementë natyralë, duke i dhënë tryezës ngrohtësi dhe jetë. Është ai lloj servisi që shkon njësoj mirë në një apartament modern, në një shtëpi familjare apo në një tavolinë jashtë, në një mbrëmje vere.

Ajo që e bën vërtet të dashur këtë koleksion është fakti që nuk të krijon frikë ta përdorësh. Nuk është për t’u nxjerrë vetëm kur vijnë miqtë apo në festa. Është për kafen e mëngjesit, për darkën e shpejtë, për bisedat që zgjasin më shumë seç kishe planifikuar. Është i fortë, praktik dhe i menduar për jetën reale, jo për vitrinë.

Artesano nuk kërkon perfeksion. Mund ta ndërtosh ngadalë, sipas nevojave të tua, duke shtuar pjesë me kalimin e kohës. Çdo tryezë me të duket personale, e jetuar, e vërtetë. Dhe ndoshta pikërisht kjo është arsyeja pse njerëzit e zgjedhin dhe vazhdojnë ta duan.

Është ajo ndjesia e vogël që të thotë se ia vlen të ulesh, të hash pa nxitim dhe të shijosh momentin.

Vizito tani Villeroy&Boch, fizikisht në Qendrën Metropol, Rruga Sami Frashëri, Tiranë, ose online në www.bybest.shop

The post Artesano, një tryezë që të fton të rrish më gjatë appeared first on iconstyle.al.

Belen Rodriguez është rikthyer në qendër të vëmendjes, këtë herë jo për jetën sentimentale apo projektet televizive, por për një deklaratë që ka ndezur debat të fortë në rrjetet sociale dhe në media.

Showgirl-i argjentinase ka ndarë me ndjekësit se ka kaluar disa ditë të vështira në shtrat, me temperaturë të lartë deri në 39 gradë dhe kollë të fortë. Në një postim, ajo tregoi se tani ndihet më mirë, por theksoi se shumë nga miqtë e saj po kalojnë të njëjtën gjendje dhe shtoi një frazë që u bë menjëherë virale:

“Pas vaksinës jemi të gjithë pak a shumë kështu.”

Edhe pse Belen nuk specifikoi se për cilën vaksinë bëhej fjalë, deklarata u interpretua si një lidhje mes vaksinimit dhe simptomave të saj, duke shkaktuar reagimin e menjëhershëm të infektologut të njohur italian, Matteo Bassetti.

Mjeku reagoi ashpër në rrjetet sociale, duke deklaruar:

“Le të bëjë rolin e showgirl-it, sepse i shkon shumë, por jo të shkencëtares dhe aq më pak të flasë kundër vaksinave.”

Ai shtoi se nuk është e drejtë të lidhet gripi apo gjendja e keqe shëndetësore me vaksinën kundër Covid-it të bërë vite më parë dhe se deklarata të tilla vetëm krijojnë konfuzion te publiku.

Debati mes Belen Rodriguez dhe Bassetti-t është bërë një nga temat më të komentuara në Itali, duke ndarë opinionin publik mes atyre që mbështesin të drejtën e saj për të ndarë eksperiencën personale dhe atyre që mendojnë se figura publike duhet të tregojnë më shumë kujdes kur flasin për çështje shëndetësore.

The post “Pas vaksinës jemi kështu”/ Belen Rodriguez me 39° temperaturë ndez debat, mjeku i famshëm shpërthen kundër saj appeared first on iconstyle.al.

Sipas disa studiuesve dhe ekspertëve të fushës së dermatologjisë dhe sociologjisë, personat e lindur mes viteve 1985–1995 po perceptohen gjithnjë e më shpesh si më të rinj në pamje krahasuar me brezin Gen Z, pavarësisht se në moshë janë dukshëm më të rritur. Ky fenomen po diskutohet gjerësisht në media dhe në rrjetet sociale, ku krahasimet mes brezave kanë nxitur debat mbi mënyrën se si stili i jetesës dhe epoka në të cilën rritemi ndikojnë drejtpërdrejt në pamjen fizike.

Sipas specialistëve, kjo prirje lidhet me disa faktorë kryesorë, ndër të cilët renditen më pak duhanpirje krahasuar me brezat e mëparshëm, një kujdes më i madh për lëkurën, përdorimi i hershëm i produkteve mbrojtëse si kremrat me SPF, si dhe zakone më të balancuara jetese. Po ashtu, shumë prej tyre u përballën me përgjegjësi të mëdha dhe stres intensiv në një moshë më të vonshme, çka ka ndikuar pozitivisht në ruajtjen e freskisë së fytyrës dhe tonusit të lëkurës.

Në anën tjetër, brezi Gen Z po rritet në një realitet krejt ndryshe, nën presionin e vazhdueshëm të rrjeteve sociale, filtrave, trendeve të bukurisë dhe krahasimeve të përhershme online. Ekspozimi konstant ndaj imazheve “perfekte” dhe ritmi i shpejtë i jetesës digjitale, sipas ekspertëve, mund të ndikojë në shfaqjen më të hershme të shenjave të lodhjes, stresit dhe plakjes, si në aspektin psikologjik ashtu edhe në atë fizik.

Millennial-ët e lindur mes viteve 1985–1995, nga ana tjetër, patën avantazhin të hynin në moshën adulte përpara shpërthimit të plotë të epokës digjitale dhe kulturës së filtrave. Kjo u dha atyre mundësinë të ndërtonin një marrëdhënie më të shëndetshme me veten, me trupin dhe me ritmin e jetës, gjë që sot duket se reflektohet edhe në pamjen e tyre më të freskët dhe më rinore. Fenomeni po shihet si një dëshmi se jo vetëm gjenetika, por edhe mënyra se si jetojmë dhe presioni social i kohës ku rritemi, luajnë një rol vendimtar në mënyrën se si plaket trupi dhe fytyra jonë.

The post Pse brezi 1985–1995 po duket më i ri se Gen Z? appeared first on iconstyle.al.

Inteligjenca artificiale (IA) po përdoret gjithnjë e më shumë për të ndihmuar njerëzit të menaxhojnë diabetin. Kjo mund të përfshijë kujtimet për marrjen e medikamenteve, rifreskimin e recetave, krijimin e planeve ushqimore, ose sugjerimin e aktiviteteve fizike të përshtatura për individin. Disa aplikacione mund të funksionojnë si “trajnerë virtualë”, duke dërguar nxitje të personalizuara për të inkurajuar sjellje të shëndetshme.

Teknologjitë ekzistuese, si monitorët e vazhdueshëm të glukozës dhe pompat e insulinës, përdorin algoritme inteligjente për të rregulluar automatikisht dozën e insulinës sipas nevojave. Megjithatë, këto nuk janë të njëjta me mjetet e reja të IA që japin këshilla dhe udhëzime.

Aplikacionet e IA mund të ndihmojnë gjithashtu në zgjedhjen e ushqimeve, llogaritjen e karbohidrateve dhe krijimin e planeve ushqimore të personalizuara. Disa aplikacione mund të identifikojnë ushqimin vetëm nga një foto dhe të japin informacion mbi përmbajtjen ushqimore. Gjithashtu, IA mund të sugjerojë ushtrime fizike të përshtatura sipas nivelit të aktivitetit dhe preferencave personale.

IA po përdoret edhe për diagnostikim dhe parashikimin e rrezikut, duke analizuar të dhëna të mëdha për të identifikuar njerëzit që mund të zhvillojnë diabet më herët. Për më tepër, IA ndihmon në parandalimin e komplikacioneve si diabeti retinopatik dhe problemet e zemrës apo veshkave, duke lehtësuar ndërhyrjet e hershme.

Megjithëse IA ofron shumë përfitime në menaxhimin e diabetit, ajo nuk zëvendëson mjekun. Është e rëndësishme të konsultoheni gjithmonë me ekipin tuaj të kujdesit shëndetësor para se të bëni ndryshime në menaxhimin e diabetit.

The post A mund të ndihmojë Inteligjenca Artificiale në menaxhimin e diabetit? appeared first on iconstyle.al.