Kryeministri Edi Rama ka reaguar ndaj protestave të qytetarëve, të cilët prej mëngjesit të kësaj të enjteje protestojnë përpara Kuvendit të Shqipërisë.

Protesta e tyre nga paqësore ka agravuar në tensione, me fjalë ofenduese dhe gjuajtje me vezë ndaj deputetëve dhe deri në përplasje fizike me efektivët e policisë.

Kreu i qeverisë me anë të një reagimi në rrjetet sociale ka shkruar se protesta e bukur atdhetare ia ka lënë vendin filmit të vjetër të konflikti.

“Protesta e bukur e qytetarisë, atdhedashurisë, pastërtisë, ia ka lënë vendin tanimë filmit të vjetër të konfliktit, sherrit, dhunës, ku thonjtë e politikës së dështimit dhe zemërimit po dalin në pah me pisllëkun e tyre karakteristik”, shkruan Rama në “X”.

Ish-drejtori i CIA-s, John Brennan, ka paditur administratën e Presidentit Donald Trump, duke kërkuar një urdhër gjykate që u kërkon zyrtarëve të ruajnë të dhënat nga hetimet për atë që ai e quan një “krim fantazmë”.

Brennan tha në padi se të dhënat do të ishin të nevojshme që ai të ndërtonte një mbrojtje kundër “ndjekjes penale hakmarrëse” në rast të një padie të ardhshme nga administrata Trump, raportoi NBC News.

Një mbrojtje e tillë, thanë avokatët e tij, do të mbështetej nga më shumë se 100 deklarata me gojë ose me shkrim që Presidenti Donald Trump ka bërë që nga viti 2017 duke kritikuar Brennanin, si dhe nga direktivat e presidentit drejtuar Departamentit të Drejtësisë për të filluar procedurat “pavarësisht nga justifikimi faktik ose ligjor”.

“Për t’i shqyrtuar plotësisht këto propozime, një gjyqtar shqyrtues do të duhej të shqyrtonte motivimet e zyrtarëve të Departamentit të Drejtësisë që ndërmorën këto veprime për të përcaktuar nëse ato shkelën të drejtat e Drejtorit Brennan dhe konkretisht nëse ato ishin të motivuara nga dëshira për ta ndjekur penalisht atë në mënyrë hakmarrëse si një akt hakmarrjeje “, shkruan avokatët e Brennan në padinë e ngritur në gjykatën federale në Uashington.

Padia përmend si të pandehur Trumpin dhe zyrtarë të tjerë të lartë të zbatimit të ligjit nga administrata e tij, përfshirë Prokurorin e Përgjithshëm në Detyrë Todd Blanche, Drejtorin e Byrosë Federale të Hetimeve (FBI) Kash Patel dhe prokurorë në Florida që mbikëqyrën hetimet ndaj Brennanit dhe ish-kundërshtarëve të tjerë të dyshuar të Trumpit.

Padia thotë se Brennan përballet me hetime të ndara në Florida, përfshirë një që shqyrton nëse ai ka bërë një deklaratë të rreme në Kongres në lidhje me një vlerësim të agjencisë së inteligjencës që dokumentonte ndërhyrjen ruse në zgjedhjet presidenciale të vitit 2016, kur Trump mundi demokraten Hillary Clinton.

Hetimi i dytë synon të përcaktojë nëse ish-zyrtarë të zbatimit të ligjit dhe të inteligjencës kanë komplotuar për të minuar Trumpin, duke përfshirë aktivitetet gjatë hetimit për ndërhyrjen ruse.

Irani dhe Shtetet e Bashkuara përfunduan një raund bisedimesh indirekte të mërkurën pa asnjë shenjë se kishin bërë përparim drejt një paqeje të qëndrueshme, duke u përqendruar në çështjet që ata thanë se ishin zgjidhur, kur u njoftua marrëveshja e përkohshme dy javë më parë.

Burime të njohura me diskutimet thanë për mediat ndërkombëtare se negociatorët e të dy vendeve kaluan dy ditë në Doha duke diskutuar trafikun detar në Ngushticën e Hormuzit dhe zhbllokimin e fondeve të Iranit, dy çështje kritike sipas marrëveshjes fillestare.

Takimi i radhës do të zhvillohet pas procesioneve mortore për udhëheqësin e ndjerë suprem të Iranit, Ajatollah Ali Khamenei, i cili do të varroset më 9 korrik, tha Ministria e Jashtme e Katarit.

Diskutimet e Dohas prodhuan “përparim pozitiv” në çështjet që lidhen me memorandumin që ndaloi luftën në qershor dhe po “ndërtoheshin mbi rezultatet” e një samiti në Zvicër, tha zëdhënësi i ministrisë në një postim në X.

Në Uashington, Presidenti i SHBA-së Donald Trump tha se të dyja palët po bënin përparim mbi kufizimet e mundshme të programit bërthamor të Iranit, arsyeja kryesore pse ai nisi luftën së bashku me Izraelin në shkurt. “Denuklearizimi i Iranit po ecën mirë”, u tha ai gazetarëve. “Ata kanë pasur takime shumë të mira dhe do ta shohim.”

Por burimet thanë se programi bërthamor nuk u përmend në bisedime, të cilat ishin të natyrës teknike.

Zëvendëspresidenti i SHBA-së, JD Vance, tha se çështja do të trajtohej më vonë. “Padyshim, ne jemi të shqetësuar për çështjen bërthamore, do të fillojmë të flasim për këtë”, u tha ai gazetarëve.

Negociatorët amerikanë dhe iranianë zhvilluan takime të ndara me ndërmjetësuesit e Katarit dhe Pakistanit, tha Ministria e Jashtme e Katarit.

Dhëndri i Trump, Jared Kushner, dhe i dërguari i lartë i SHBA-së, Steve Ëitkoff, nuk morën pjesë në seanca, sipas një burimi që foli në kushte anonimiteti.

Udhëheqësi i delegacionit të Iranit, Zëvendësministri i Jashtëm Kazem Gharibabadi, tha se bisedimet përfunduan. Asnjëra palë nuk tha nëse kishin arritur të kapërcenin ndonjë nga mosmarrëveshjet e tyre.

Gjykata e Korçës ka lënë në burg Nikolla Agollin dhe David Priftin pas plagosjes me armë zjarri të Brian Syzos në Pogradec.

Seanca gjyqësore për 24-vjeçarin dhe shokun e tij zgjati 2 orë. Ndaj tyre rëndojnë akuzat për “vrasje me paramendim, në bashkëpunim”, mbetur në tentativë, si dhe armë pa leje.

Gjatë seancës për masën e sigurisë, autori Nikolla Agolli ka pranuar se ka qenë një konflikt çasti mes tij dhe Brian Syzos. Sipas dëshmisë së tij para togave të zeza, ai është shprehur se është sulmuar nga Briani dhe ka qëlluar ndaj tij për ta neutralizuar dhe që ai të ndalonte sulmin. “Kisha mundësi ta vrisja dhe nuk e bëra” – ka thënë autori.

Sa i përket të arrestuarit tjetër, David Prifti, ai ka deklaruar se nuk ka lidhje me ngjarjen. Sipas dëshmisë së dhënë në seancë, Davidi është shprehur se nuk ka gisht në këtë ngjarje.

Makinën e tij ja ka dhënë Nikollës dhe ka ikur me makinën e të fejuarës për në plazh. Ndër të tjera, Prifti ka thënë se ka kamera sigurie në vendet ku ka qenë, çka vërtetojnë që s’ka gisht në ngjarje.

Në vijim pritet të verifikohen nga prokuroria kamerat e qytetit, ndërsa momentalisht nuk ka patur përgjigje nga ana e grupit hetimor lidhur me transkriptimin e filmimeve të kamerave të sekuestruara.

Shqipëria nga një sekret i fshehur i ballkanit tashmë është transformuar në një vend që tërheq çdo vit më shumë turistë.Kështu e nis artikullin media britanike “The Times” duke i rekomanduar turistëve britanike 11 destinacionet që duhet të eksplorojnë në vendin tonë.

“The Times” nënvizon se  në Shqipëri mund të gjesh  det me ujera te kristalta, rrënoja të lashta, dhe male piktoreske qw po joshin një numër rekord turistësh.

Dhe  të gjitha këto mund të arrihen  me fluturimet direkte, përgjithësisht të përballueshme, nga Mbretëria e Bashkuar në kryeqytetin, Tiranë.

Nw shkrim veçohet riviera shqiptare me Sarandën dhe Ksamilin . E perditshmja britanike “The Times” shkruan se Ksamili shpesh është konsideruar si “Maldivet e Evropës”, pasi ka plazhe me rërë te bardhë .

Por nuk lihen pa përmendur edhe  Alpet midis të cilave  Parku Kombetar i Thethit dhe Parku Kombëtar i Llogorasë. ku mund te eksplorohen  pejzazhe te mrekullueshme me ujëvara te shumta, livadhe dhe lugina të shumta.

Pogradeci është një ndër qytetet që rekomandoohet për vizitorët , që duan pushime në diell por edhe qetësi.Sipas “The Times”  vizitorët e kësaj kategorie duhet të shkojnë në brigjet e Liqenit të Pogradecit një nga liqenet më të vjetra dhe më të thella në Evropë

Një ndalesë sygjerohet të bëhet edhe në qytetet historike pjesë e Unesco si Berati i cili ka edhe  një fortesën 2,500-vjeçare ,Gjirokatsra si dhe Kruja.

E perditshmja britanike “The Times” sugjeron qytetin bregdetar te Durresit ku mund te vizitohen amfiteatri romak apo plazhet që në verë janë të mbushura me pushues

Gjithashtu Tirana është ne lupen e  te perditshmes britanike qe shkruan se ndryshe nga Berlini apo Varshava, kryeqyteti shqiptar është shumëngjyrësh, me sheshe dhe galeri arti të sofistikuara.

“Në vlerësimin tim, ne nuk mund të zmbrapsemi se një grup mbeturinash sociale dhe politike mendojnë që Parlamenti duhet të shpërndahet”.

Kështu u shpreh Taulant Balla për gazetarët në ambientet e jashtme të Parlamentit.

Kreu i grupit parlamentar socialist theksoi se edhe më skeptikët e kanë të qartë “se këtu është një skenar tërësisht joshqiptar, në dëm të Shqipërisë, në këtë moment historik”.

“E prisnim këtë skenar, kemi kohë që e presim. E kam parë edhe në vende të tjera. Ata që plagosin 3 punonjës policie, duhet të dinë se gjaku i punonjësve të policisë është gjaku i shtetit. Prandaj, dua të jem i qartë: mbështes policinë dhe i bëj me dije se kushdo që ngre dorën kundër policisë, do të përballet me forcën e policisë”, tha Balla.

Sërish tensione dhe përplasje para Kuvendit.

Pas hedhjes së sprajit me piper, policia ka hedhur gaz lotsjellës dhe ujë me autobot në drejtim të protestuesve. Gjithashtu, ka pasur përplasje mes efektivëve dhe protestuesve.

Është mbyllur seanca plenare e kësaj të enjte, në të cilën PD nuk mori pjesë, e ndërsa mazhoranca kaloi me 72 vota ndryshimet në ligjin e SHISH.

E ndërsa seanca u mbyll, drejtuesi i Kuvendit ka tentuar që të dalë duke u futur ne mjetin e tij, por protestuesit i kanë bërë ‘pritë’, ndërsa mjetin e kanë goditur me vezë e ujë.

Gjendur në këtë situatë, makina e Niko Peleshit është kthyer edhe një herë pas.

Kuvendi është ‘rrethuar’ nga tre grupe protestue4sish, të cilët kanë lokalizuar daljet e mundshme të Kuvendit, për të pritur më pas me vezë e ujë ligjvënësit që do të tentojnë të dalin nga institucioni.

Kreu i Lëvizjes Shqipëria Bëhet, Adriatik Lapaj iu është bashkuar protestuesve para parlamentit, por ka ndeshur në kundërshtimin e tyre.

Në pamjet e publikuara në media shihet Lapaj teksa bisedon me protestuesit, të cilët i kanë kërkuar që  të largohet.

Kjo ka sjellë edhe tensionimin e situatës para godinës së kuvendit.

Gjatë kohës që mediat po filmonin momentin që Lapaj nuk po lejohej në protestë, disa mbështetës të Lapajt kanosën punonjësit e medias që të mos filmonin dhe raportonin momentin.

Policia ka hedhur spray me piper drejt protestuesve para parlamentit në përpjekje për t’i neutralizuar, teksa ata janë përplasur fizikisht.

Një prej protestuesve që ka pësuar efekte nga spray me piper është Luçiana Kokaj, një prej anëtarëve të grupit organizator. Disa prej të pranishmëve i kanë dhënë ujë, ndërsa po ashtu i kanë ardhur në ndihmë edhe një tjetër protestueseje që është prekur nga spray me piper.

Ka nisur në Kuvend seanca e radhës plenare, teksa para Parlamentit janë mbledhur protestuesit që kërkojnë largimin e Qeverisë dhe gjithë klasës politike aktuale.

Deputetët e Partisë Demokratike nuk janë paraqitur në seancë. Edhe disa prej deputetëve demokratë që shkuan në Kuvend, u kthyen sërish në selinë e PD-së. Me mungesën e deputetëve të PD në Kuvend, nuk zhvillohen as interpelancat e kërkuara nga grupi parlamentar. Ina Zhupa kishte kërkuar interpelancë me ministrin e Turizmit, Blendi Gonxhja dhe një seancë pyetje-përgjigje me ministrin e Drejtësisë, Toni Gogun, e kërkuar nga Klevis Balliu. Për të dyja rastet, Niko Peleshi u shpreh se deputetët në fjalë konsiderohet se janë tërhequr.

Partia Demokratike njoftoi se nuk do të marrë pjesë në seancën e sotme plenare, përsa kohë sipas tyre mazhoranca refuzon të përfshijë në rendin e ditës 4 projektligje të propozuara prej tyre, që janë pjesë edhe e kërkesave të protestuesve.

“Për sa kohë mazhoranca refuzon të përfshijë këto projektligje në rendin e ditës ose të përcaktojë shqyrtimin e tyre brenda këtij sesioni parlamentar, Grupi Parlamentar i Partisë Demokratike ka vendosur të mos marr pjesë në punimet e Kuvendit në seancën e sotme dhe kërkojmë me forcë përfshirjen në procedurë parlamemtare të katër projektligjeve për diskutim dhe miratim në Kuvend”, thuhej në deklaratën zyrtare të PD-së.

Katër projektligjet për të cilat bëhet fjalë:

1.     Projektligjin për shfuqizimin e ndryshimeve në ligjin për zonat e mbrojtura;

2.     Projektligjin për shfuqizimin e ligjit për investimet strategjike;

3.     Projektligjin për shfuqizimin e Paketës së Maleve;

4.     Projektligjin për shfuqizimin e disa dispozitave të ligjit për trashëgiminë kulturore.

Përplasje dhe tensione mes protestuesve dhe policisë paraditen e sotme (e enjte) përpara Parlamentit teksa deputetët do të mblidhen në seancën e radhës parlamentare.

Disa pre protestuesve kanë goditur me vezë deputetët, çka ka bërë që policia të reagojë duke i shoqëruar në komisariat.

Në të njëjtën kohë disa protestues çanë gardhin metalik dhe tentuan të hyjnë brenda Parlamentit, gjë që bëri që Policia të përdorte edhe spray lotsjellës.

Grupi parlamentar i Partisë Demokratike nuk do të marrë pjesë në seancën e sotme plenare.

Me anë të një njoftimi për shtyp, ky grup thekson se “dënon me forcë sjelljen e mazhorancës në Kuvendin e Shqipërisë, e cila vijon të pengojë opozitën në ushtrimin e funksioneve të saj kushtetuese dhe në përmbushjen e detyrimit për të përfaqësuar interesin e qytetarëve”.

“Të martën, duke përdorur forcën e kartonave, mazhoranca refuzoi kërkesën për llogaridhënie nga Kryeministri dhe zhvillimin e një debati parlamentar mbi kërkesat legjitime të qytetarëve, të cilët protestojnë prej më shumë se një muaji, si edhe mbi konstatimet dhe rekomandimet e Rezolutës së Parlamentit Europian të miratuar pak ditë më parë. Në vijim të kësaj qasjeje bllokuese, dje, në mbledhjen e Konferencës së Kryetarëve, mazhoranca miratoi kalendarin e punimeve të Kuvendit deri në përfundim të këtij sesioni parlamentar, pa përcaktuar datën e shqyrtimit të katër projektligjeve të depozituara prej rreth një muaji nga Grupi Parlamentar i Partisë Demokratike”, lexohet në njoftimin e PD-së. Grupi Parlamentar i Partisë Demokratike dënon me forcë sjelljen e mazhorancës në Kuvendin e Shqipërisë, e cila vijon të pengojë opozitën në ushtrimin e funksioneve të saj kushtetuese dhe në përmbushjen e detyrimit për të përfaqësuar interesin e qytetarëve.

Të martën, duke përdorur forcën e kartonave, mazhoranca refuzoi kërkesën për llogaridhënie nga Kryeministri dhe zhvillimin e një debati parlamentar mbi kërkesat legjitime të qytetarëve, të cilët protestojnë prej më shumë se një muaji, si edhe mbi konstatimet dhe rekomandimet e Rezolutës së Parlamentit Europian të miratuar pak ditë më parë.

Në vijim të kësaj qasjeje bllokuese, dje, në mbledhjen e Konferencës së Kryetarëve, mazhoranca miratoi kalendarin e punimeve të Kuvendit deri në përfundim të këtij sesioni parlamentar, pa përcaktuar datën e shqyrtimit të katër projektligjeve të depozituara prej rreth një muaji nga Grupi Parlamentar i Partisë Demokratike. Bëhet fjalë për:

1.     Projektligjin për shfuqizimin e ndryshimeve në ligjin për zonat e mbrojtura;

2.     Projektligjin për shfuqizimin e ligjit për investimet strategjike;

3.     Projektligjin për shfuqizimin e Paketës së Maleve;

4.     Projektligjin për shfuqizimin e disa dispozitave të ligjit për trashëgiminë kulturore.

Këto iniciativa ligjore përputhen drejtpërdrejt me kërkesat e qytetarëve që protestojnë dhe me shqetësimet e ngritura në Rezolutën e Parlamentit Europian. Për këtë arsye, ato duhej të ishin përfshirë në rendin e ditës së seancës së sotme, pasi trajtojnë çështje me interes të lartë publik.

Për sa kohë mazhoranca refuzon të përfshijë këto projektligje në rendin e ditës ose të përcaktojë shqyrtimin e tyre brenda këtij sesioni parlamentar, Grupi Parlamentar i Partisë Demokratike ka vendosur të mos marr pjesë në punimet e Kuvendit në seancën e sotme dhe kërkojmë me forcë përfshirjen në procedurë parlamemtare të katër projektligjeve për diskutim dhe miratim në Kuvend.

Nga ana tjetër, konstatojmë se godina e Parlamentit është rrethuar me qindra punonjës Policie për të penguar qytetarët të protestojnë. Nëse Parlamenti zhvillon punimet nën rrethimin e Policisë së Shtetit, vetëm me qëllim të shuarjes së zërit të qytetarëve, atëherë ai humbet misionin e tij të përfaqësimit të qytetarëve.

Në kushtet kur mazhoranca vijon të refuzojë shqyrtimin e nismave ligjore të opozitës dhe Kryeministri, së bashku me Qeverinë, shmang sistematikisht llogaridhënien për çështje që prekin drejtpërdrejt interesin publik, prania jonë në seancë plenare sot nuk do t’i shërbente mbrojtjes së interesave të qytetarëve, por vetëm do të legjitimonte një proces parlamentar që po zhvillohet në kundërshtim me parimet e demokracisë parlamentare.

Tensione në protestën para Parlamentit, ende pa nisur seanca plenare.

Sapo kanë parë deputetët duke hyrë në Parlament, protestuesit nisën sulmet me vezë.

Policia shoqëroi 6 prej tyre.

Më pas, te pedonalja protestuesit kanë tentuar të çajnë kordonin e policisë dhe ka pasur përplasje me forcat e rendit.

Policia është kundërpërgjigjur me spraj lotsjellës.

Protestuesit janë grumbulluar paraditen e së enjtes para Parlamentit, ku kanë goditur me vezë disa deputetë.

Deputeti i Partisë Socialiste, Ramion Kurti, është qëlluar me vezë pak para se të hynte në Parlament.

Deri tani, policia ka shoqëruar 6 protestues.

Më parë, disa protetues janë futur brenda një lokali ku ndodheshin deputetët dhe i kanë qëlluar me vezë dhe miell.

Krahasuar me protestën e djeshme, ka forca të shtuara policie në ambientet përreth Parlamentit.

Kryeministri Edi Rama, në një takim me pensionistët, foli sërish për protestën qytetare që ka më shumë se 30 ditë që zgjat, duke i quajtur organizatorët “sharlatanë, delirantë e dështakë”.

Kreu i qeverisë theksoi se investimi në Zvërnec ndihmon në rritjen ekonomike të vendit.

“Shqipëria s’mund t’i konsiderojë investimet e huaja si kërcënim për sovranitetin. Patriotizëm nuk është të refuzosh investimet e huaja. Patriotizëm nuk është të mjaftohesh me çfarë është arritur sot, sepse nëse Shqipëria do mjaftohet me turizmin që ka arritur sot, do të bjerë në një tjetër hendek, në hendekun që kanë rënë vendet që kanë mbetur peng i turizmit masiv. Turizmi masiv vjen edhe me probleme, që fillojnë nga rritja e stresit të sistemit për të mbledhur plehra dhe për të përpunuar mbetje, te stresi që krijohet në gjithë infrastrukturën dhe padiskutime dhe te fakti që gjithë energjia që vihet në dispozicion për të përballuar këtë volum të madh, nuk përkthehet në një efektivitet të ardhurash. Vijnë shumë njerëz dhe konsumojnë pak për atë masë që vjen”, tha Rama.

“Ne na duhen më pak njerëz dhe më shumë para këtu. Por, për këtë na duhet që të kemi infrastruktura mikëpritëse të një niveli tjetër. Se ata njerëz që lënë shumë para duan tjetër nivel. Tani gjithëfarëlloj sharlatanësh, delirantësh dhe dështakësh, që janë sprovuar në skenën publike dhe kanë akumuluar një mllef shumë të madh, sepse u duket se dështimi i tyre është për fajin tim dhe për fajin e qeverisë tonë, bëjnë teorira dhe i hedhin popullit gjithëfarëlloj aguridhesh se këto resortet e luksit janë vetëm për ata që vijnë dhe që shqiptarët janë jashtë sistemit. Kjo është një çmenduri, sepse ato janë fabrika që krijojnë lëvizje në ekonomi. Shqipëria ka 27 miliardë euro ekonomi në vit. Tani, vjen një investim 4 miliardë në një ekonomi 27 miliardë. Është diçka masive, transformuese. Tani këto kanë edhe një impakt tjetër. Këto hapin rrugën për të tjerët. Nëse t’i i vë shkelmin në fyt të parit, atëherë ti ke përzënë të tjerët dhe i ke falur konkurrencës atë që mezi është bërë e mundur të të vijë ty. Këto janë çudira shqiptare”, shtoi kryeministri.

Këto do të jenë 20 anëtarët e zgjedhur të Kryesisë së PD, pasi rezultuan më të votuarit nga anëtarët e Këshillit Kombëtar të PD, teksa numërimi u mbyll në orët e para të mëngjesit.

Në Kryesi futen për herë të parë emra si Ilir Alimehmeti, emri më potencial për kandidat për bashkinë e Tiranës, Fisnik Qosja kryetari i bashkisë së Kavajës apo Gjin Gjoni. Nuk arritën 8-tëshen më të votuar nga lista e burrave Arjan Ndoja, Alfred Lela apo Edi Paloka.

Risi është po ashtu emri i Eda Grimçit apo nga të rinjtë Andia Ulliri, me një rezultat shumë të mirë në zgjedhjet e 11 majit 2025, por që nuk arriti dot mandatin e deputetit apo djali i të ndjerit Sokol Olldashi, Glauk Olldashi.

Lista e grave fituese për Kryesinë e PD

1-Eda Grimçi 177 vota

2-Edith Harxhi 151 vota

3-Floriana Garo 114 vota

4-Lili Sula 124 vota

5-Ilda Zhulali 211 vota

6-Mimoza Hajdarmataj 132 vota

Lista e të rinjve fitues për kryesinë e PD

1-Andia Ulliri 159 vota

2-Desata Xhetani 64 vota

3-Fatjon Bathorja 86 vota

4-Glauk Olldashi 119 vota

5-Loranca Hoxha 83 vota

6-Nikola Kedhi 88 vota

Lista e burrave fitues për Kryesinë e PD

1-Atird Hoxha 124 vota

2-Dorian Teliti 132 vota

3-Ervin Minarolli 167 vota

4-Fisnik Qosja 158 vota

5-Gjin Gjoni 150 vota

6-Grigels Muçollari 171 vota

7-Ilir Alimehmeti 122 vota

8- Keltis Kruja 115 vota

Nga gratë 3 më të votuarat: Ilda Zhulali, Eda Grimçi, Edit Harxhi.
Nga të rejat më e votuara Andia Ulliri.
Nga të rinjtë më i votuari Glauk Olldashi.
Nga burrat 3 më të votuarit Grigels Muçollari, Ervin Minarolli, Fisnik Qosja.

Julia Emiri ka rezultuar fituese në garën për drejtimin e Këshillit Kombëtar të PD.

Pas numërimit të votave, rezulton që Emiri ka marrë 207 vota, ndërsa Silva Hasa 83 vota.

Kujtojmë që pozicioni i kryetarit të Këshillit Kombëtar në selinë blu është mbajtur deri më sot nga Edi Paloka, i cili nuk rikandidoi për një tjetër mandat. 

Gjatë mbledhjes së sotme konstituive të Këshillit Kombëtar, PD ka mbajtur gjithashtu votimin për zgjedhjen e Kryesisë së re. 

Po mbahet në Tiranë dita e 32-të e tubimit të qytetarëve.

Ashtu si çdo ditë, protestuesit janë mbledhur në sheshin “Skënderbej” e më pas kanë nisur marshimin drejt Kryeministrisë, aty ku disa prej tyre do të mbajnë fjalën e tyre.

Ata vijuan me thirrjet e tyre të përhershme: “Revolucion! Rama n’burg, Berisha n’burg”.

Në podiumin para Kryeministrisë, disa prej qytetarëve u ndalën te protesta e një ditë më parë para Kuvendit, duke thënë se policia tejkaloi kompetencat dhe u përdor nga partitë politike.

Tashmë ata kanë nisur marshimin në rrugët e kryeqytetit, gjest i kthyer tashmë në rutinë.

Kryeministri i Izraelit, Benjamin Netanyahu, i është përgjigjur deklaratave të fundit të presidentit turk, Rexhep Tajip Erdogan, duke i bërë thirrje që të “qetësohet” dhe duke theksuar se Izraeli nuk do të lejojë askënd të kërcënojë sigurinë apo ekzistencën e tij.

Në një intervistë për rrjetin televiziv izraelit Channel 14, Netanyahu tha se e sheh me shqetësim retorikën gjithnjë e më të ashpër të Ankarasë ndaj Izraelit.

“Ajo që po ndodh në Turqi është rezultat i rënies së fuqisë së Iranit. Irani përfaqëson boshtin ekstremist shiit, ndërsa Turqia përfaqëson boshtin e Vëllazërisë Myslimane, një lëvizje po aq ekstremiste”, deklaroi ai.

Duke komentuar deklaratat e Erdoganit për Jerusalemin, Netanyahu u shpreh se presidenti turk “ka harruar se 400 vitet e Perandorisë Osmane kanë mbaruar”.

“Sot ekziston një shtet i fortë i quajtur Izrael. Ekzistojnë Forcat e Armatosura Izraelite, ekziston populli i Izraelit dhe ekziston qeveria e Izraelit. Do të ishte e mençur që ai të qetësohej”, tha kryeministri izraelit.

Ai shtoi se Izraeli nuk do të tolerojë asnjë kërcënim ndaj sigurisë së tij.

“Ne nuk do të lejojmë askënd të kërcënojë ekzistencën tonë. Ne nuk do të lejojmë askënd të kërcënojë sigurinë tonë. Dhe mendoj se kemi vërtetuar se çfarë jemi të aftë të bëjmë”, u shpreh Netanyahu.

Deklaratat e tij vijnë në një periudhë të tensionuar mes Izraelit dhe Turqisë, pas retorikës së ashpër të Ankarasë në javët e fundit. Mes tyre, ministri i Brendshëm turk ka bërë thirrje për “çlirimin” e Jerusalemit, ndërsa mediat izraelite dhe perëndimore kanë raportuar se Erdogan, gjatë lutjes së Fitër Bajramit në mars 2025, i ishte lutur Allahut “të shkatërronte Izraelin sionist”.

Në intervistë, Netanyahu komentoi edhe marrëdhëniet me Egjiptin, pas raportimeve për shtimin e pranisë ushtarake egjiptiane në Gadishullin e Sinait. Ai tha se ka zhvilluar bisedime me autoritetet egjiptiane për respektimin e marrëveshjeve mes dy vendeve, pa dhënë detaje të tjera.

Në përfundim, kryeministri izraelit theksoi se ekuilibrat gjeopolitikë në Lindjen e Mesme po ndryshojnë vazhdimisht dhe se Izraeli duhet të vazhdojë të forcojë pozicionin e tij në rajon.