TIRANË, 20 shkurt /ATSH/ Autoriteti Rrugor Shqiptar (ARRSH) po vijon punimet për zgjerimin me tri korsi të rrugës ekzistuese të qytetit të Ksamilit në jug të vendit.

Sipas ARRSH-së, realizimi fizik për zgjerimin e rrugës ekzistuese të Ksamilit ka arritur në masën 20%.

ARRSH informon se, në pjesën e parë të projektit po punohet me gërmim dhe mbushje për formimin e trupit të rrugës si dhe për ndërtimin e veprave të artit (mure mbajtëse e pritëse, tombino rrethore dhe box).

Me përfundimin e plotë të kësaj vepre rruga do të jetë kthyer në një rrugë me tri korsi kalimi, me trotuarë nga të dyja krahët dhe me korsi biçikletash në krahun e djathtë.

Përfundimi i këtij projekti do të lehtësojë trafikun e mjeteve përgjatë sezonit turistik dhe lëvizhmërinë e turistëve vendas e të huaj që vizitojnë Ksamilin.

1 nga 4

/a.f/r.e/

The post Rruga e Ksamilit me tri korsi, ARRSH: Përfundojnë 20% e punimeve appeared first on Agjencia Telegrafike Shqiptare.

TIRANË, 1 nëntor /ATSH/ Autoriteti Rrugor Shqiptar (ARRSH) ka nisur punimet për zgjerimin me tre korsi të rrugës ekzistuese të qytetit të Ksamilit në jug të vendit.

Sipas ARRSH-së, punimet do të konsistojnë krahas zgjerimit të rrugës me tre korsi kalimi edhe në ndërtimin e trotuareve nga të dyja krahët dhe me korsi biçikletash në krahun e djathtë.

ARRSH njoftoi se, tashmë kanë filluar punimet e gërmimit për hapjen e trasesë dhe pastrimin e vegjetacionit të trupit të rrugës.

Përfundimi i këtij projekti do të lehtësojë trafikun e mjeteve përgjatë sezonit turistik duke shtuar edhe numrin e turistëve vendas e të huaj që duan të vizitojnë Ksamilin. /j.p/

1 nga 4

The post ARRSH: Rruga ekzistuese e Ksamilit drejt zgjerimit me tre korsi appeared first on Agjencia Telegrafike Shqiptare.