Automjetet e transportit të mallrave do të kenë të ndaluar të hynë dhe të dalin   në pikat kufitare  që lidhin Shqipërinë me Maqedoninë e Veriut.

Duke filluar nga mesnata e  26 janarit  do të bllokohet hyrja  në vendin fqinj ndërsa nga ora 12:00 e së njëjtës datë do të bllokohet edhe dalja nga territori i tij.

Kjo  për shkak të një  proteste që pritet të zhvillohet në  Maqedoninë e Veriut nga një shoqatë e transportit të mallrave.

Ndërkohë mjetet e tonazhit të rëndë që transportojnë ilaçe ose  bagëti  do të lejohen të qarkullojnë normalisht.

Pa kufizime do të vijojë dhe  qarkullii I  automjeteve të udhëtarëve.

Në protestë 48 orëshe duke nisur nga ora 11:30 e 26 janarit   do të dalë dhe Shoqata e Kamionistëve të Republikës së Malit të Zi.

Kamionët të hënën do të parkohen  pranë disa pikave kufitare duke  bllokuar e kalimit për mjetet e transportit të mallrave.

Sipas policisë kufitare  për të shmangur bllokimin e rrugëve apo incidente të mundshme  nuk do të lejohet qarkullimi i mjeteve të tonazhit të rëndë, nga Shqipëria në Malin e Zi, deri në përfundim të protestës.

Në akset rrugore që të çojnë drejt vendkalimeve kufitare me Republikën e Malit të Zi, do të lejohen të qarkullojnë vetëm automjetet e vogla, automjetet e emergjencës, autobusët dhe mjetet e transportit të pasagjerëve.

Shoferët e kamionëve do të dalin në protestë  sepse kërkojnë ndryshime në nivelin e akcizës, kthimin e saj për litër karburanti, kthim më të shpejtë të TVSH-së, orare më të gjata pune të doganave dhe inspektorateve fitosanitare në kufij, ndryshime në ETIAS dhe staž pune të favorizuar.

Ndërprerja e qarkullimit është edhe pjesë e protestës rajonale të transportuesve të mallrave nga Serbia, Bosnja dhe Hercegovina dhe Mali i Zi, për shkak të kufizimit të punës së shoferëve profesionistë në vendet e Shengenit në maksimum 90 ditë brenda gjashtë muajve.

Kryeministri Edi Rama, do të zhvillojë një vizitë pune në Jeruzalem, Izrael, më 25–27 janar, me rastin e pjesëmarrjes së tij në Konferencën Ndërkombëtare për Luftën kundër Antisemitizmit.

Në këtë vizitë, Kryeministri shoqërohet nga delegacioni shqiptar dhe bashkëshortja e tij, znj.Linda Rama.

Ditën e hënë, më 26 janar, ora 11:00 – 12:30 Kryeministri Rama do të zhvillojë një takim kokë më kokë me Kryeministrin e Izraelit, Benjamin Netanyahu, i cili do të pasohet nga takimimes dy delegacioneve, në përfundim të të cilit do të ketë edhe deklaratë për shtyp.

Paralelisht, znj. Linda Rama, në shoqërinë e znj. Herzog, bashkëshortes së Presidentit të Izraelit, Isaac Herzog, do të zhvillojë një vizitë në Bibliotekën Kombëtare.

Në orën 14:00, Kryeministri Rama, i shoqëruar nga znj. Linda Rama, do të mbërrijë në Knesset “Plaza”, Parlamenti i Izraelit, ku do të pritet me një ceremoni të posaçme shtetërore nga Kryetari i Knessetit. Ceremonia përfshin rojet e nderit, ekzekutimin e himneve kombëtare, si dhe vendosjen e kurorave në monumentin e ushtarëve të rënë dhe në monumentin e viktimave të terrorit.

Më pas, Kryeministri Rama do të firmosë Librin e Përshtypjeve në Hollin Shagall.

Në orën 14:30, Kryeministri Rama dhe delegacioni shqiptar do të zhvillojnë një takim me Kryetarin e Knessetit, z. Amir Ohana.

Në orën 16:15, do të nisë seanca plenare speciale e Knessetit, e shoqëruar nga hyrja ceremoniale në sallë. Gjatë kësaj seance do të mbajnë fjalën Kryetari i Knessetit, z. Amir Ohana, Kryeministri i Izraelit, Benjamin Netanyahu, Lideri i Opozitës, Yair Lapid, si dhe Kryeministri Edi Rama, i cili do t’i drejtohet Parlamentit të Izraelit me një fjalim historik sipas protokollit të posaçëm që Knesseti u ka rezervuar një numri të kufizuar udhëheqësish të huaj dhe së fundmi Presidentit të SHBA, Donald J. Trump.

Në orën 17:15, do të zhvillohet një pritje zyrtare në nder të Kryeministrit Rama, me pjesëmarrjen e ambasadorëve dhe të ftuarve të posaçëm, në Jerusalem Hall të Knessetit.

Ndërsa, znj. Linda Rama do të ketë një takim të veçantë me gratë parlamentare.

Më 27 janar, Kryeministri Edi Rama do të marrë pjesë në Konferencën Ndërkombëtare për Luftën kundër Antisemitizmit, ku do të mbajë një fjalë, në praninë e Presidentit të Izraelit, Isaac Herzog.

Gjatë qëndrimit në Jeruzalem, Kryeministri Rama do të kryejë gjithashtu vizita simbolike në Western Wall (Muri i Lotëve) dhe në Kishën e Varrit të Krishtit.

Prokuroria pranë Gjykatës së Shkallës së Parë  Tiranë ka dërguar në gjyq shtetasit Hazir Maci, Lejla Maci, Cerkez Nikoci, Ardjan Pirani, Alfred Maci dhe Endrit Nezaj, të akuzuar për veprat penale “Falsifikim i letërnjoftimeve, pasaportave ose vizave”, “Falsifikim i dokumentit” dhe “Ndihma për kalim të paligjshëm të kufijve”.

Sipas hetimeve të kryera, grupi kriminal dyshohet se ka organizuar kontrabandimin e shtetasve shqiptarë drejt Shteteve të Bashkuara të Amerikës dhe Kanadasë, përmes një itinerari që përfshinte Shqipërinë, disa vende të Europës, Republikën Domenikane dhe më pas kalimin me dokumente të falsifikuara drejt Amerikës së Veriut.

Prokuroria bën me dije se organizatori i dyshuar i kësaj veprimtarie kriminale është shtetasi H.M., i njohur edhe me identitetin A.M., i cili më parë është hetuar për të njëjtën veprimtari. Ai u kërkonte shtetasve shqiptarë pagesa deri në 35 mijë dollarë për person, duke përdorur dokumente udhëtimi të falsifikuara për kalimin përmes Porto Rikos drejt Floridës apo shteteve të tjera të SHBA-së, ose drejt Kanadasë.

Hetimet janë zhvilluar në bashkëpunim me Departamentin e Policisë Kriminale të Policisë së Shtetit dhe Shërbimin Diplomatik – Zyra për Hetimet Kriminale jashtë SHBA-së.

Specialistët e Seksionit të Hetimit të Narkotikëve, në vijim të operacioneve policore kundër veprimtarive kriminale në fushën e narkotikëve, pas një pune të mirëorganizuar organizuan dhe finalizuan me sukses operacionin policor të koduar “Cargo 2”.

Në kuadër të këtij operacioni u bë arrestimi në flagrancë i shtetasve:
-E. M., 26 vjeç, I. C., 33 vjeç dhe A. K., 32 vjeç, banues në Tiranë.

Në Unazë të Madhe, në afërsi të rrethrrotullimit të Tegut, shërbimet e Policisë kanë lokalizuar automjetin tip “Escalade” me drejtues shtetasin A. K. dhe pasagjerë shtetasit E. M, dhe I. C. Gjatë kontrollit në automjet është gjetur një pako me lëndë të dyshuar narkotike të llojit kokainë, me peshë 1 kg e 36.6 gramë.

Nga verifikimet e kryera ka rezultuar se këta shtetas, në bashkëpunim me njëri-tjetrin, siguronin lëndë të dyshuar narkotike të llojit kokainë dhe më pas furnizonin disa grupe shpërndarësish, në zona të ndryshme të Tiranës.

Gjatë kontrollit të banesës së shtetasit A. K, shërbimet e Policisë gjetën e sekuestruan në cilësinë e provës materiale 1 armë zjarri pistoletë, 1 armë gjahu, municion luftarak, 121 000 euro, 60 milion lekë, 5000 paund të cilat u sekuestruan në cilësinë e provës materiale sëbashku me lëndën narkotike, automjetin dhe 5 aparate celular.  / abcnews.al /

Për shkak të një proteste që pritet të zhvillohet në territorin e Republikës së Maqedonisë së Veriut nga një shoqatë e transportit të mallrave, do të ketë bllokim të përkohshëm të lëvizjes së mallrave në hyrje dhe dalje në pikat kufitare që lidhin Shqipërinë me Maqedoninë e Veriut.

Mësohet se duke filluar nga ora 00:01 e datës 26.01.2026, do të bllokohet hyrja e mjeteve transportuese të mallrave në Republikën e Maqedonisë së Veriut, ndërsa nga ora 12:00 e së njëjtës date do të bllokohet edhe dalja nga territori i saj.

Nga ky bllokim do të përjashtohen mjetet e tonazhit të rëndë që transportojnë medikamente mjekësore ose bagëti, të cilat do të lejohen të qarkullojnë normalisht. Po ashtu, lëvizja e automjeteve të udhëtarëve nuk do të preket dhe do të vijojë pa kufizime.

Autoritetet u bëjnë thirrje subjekteve të transportit dhe qytetarëve të informohen dhe të marrin masat e nevojshme për të shmangur vonesat dhe problematikat gjatë kësa periudhe.

Autoritetet malazeze kanë njoftuar se më datë 26.01.2026, duke nisur nga ora 11:30, për një periudhë 48-orëshe, Shoqata e Kamionistëve të Republikës së Malit të Zi do të zhvillojë një protestë.

Për arsye sigurie dhe për të shmangur bllokimin e rrugëve apo incidente të mundshme, nuk do të lejohet qarkullimi i mjeteve të tonazhit të rëndë, nga Shqipëria në Malin e Zi, deri në përfundim të protestës.

Në akset rrugore që të çojnë drejt vendkalimeve kufitare me Republikën e Malit të Zi, do të lejohen të qarkullojnë vetëm automjetet e vogla, automjetet e emergjencës, autobusët dhe mjetet e transportit të pasagjerëve.

Policia e Kufitare kërkon mirëkuptimin e drejtuesve të mjeteve të tonazhit të rëndë, për respektimin e periudhës së kufizimit të lëvizjes, me qëllim shmangien e bllokimit të rrugëve apo të incidenteve të mundshme.  / abcnews.al /

Gjatë qëndrimit të saj në Stamboll, në kuadër të Platformës për Paqe në Ballkan me Ministrat e Jashtëm të Rajonit, Ministrja për Europën dhe Punët e Jashtme, Elisa Spiropali, u takua me Presidentin e Republikës së Turqisë, Recep Tayyip Erdoğan.

Spiropali thekson se gjatë takimit “i shpreha Presidentit mirënjohjen për rolin aktiv dhe të qëndrueshëm të Turqisë në mbështetje të paqes, sigurisë dhe ekuilibrave strategjikë në Ballkanin Perëndimor”.

Ky kontribut sipas saj, reflekton përgjegjësi rajonale dhe vizion afatgjatë.

“Marrëdhënia mes Shqipërisë dhe Turqisë është ndërtuar mbi histori të përbashkët, respekt reciprok dhe besim mes dy popujve. Sot, ajo shprehet si një bashkëpunim i gjallë dhe dinamik, i orientuar drejt së ardhmes, ku dialogu, solidariteti dhe interesat e përbashkëta forcojnë stabilitetin dhe zhvillimin në rajon”, shkruan Spiropali.

Postimi i Spiropalit:

Stamboll – Nder pritja nga Presidenti i Turqisë, Recep Tayyip Erdoğan, një mik i provuar i Shqipërisë dhe i shqiptarëve, në kuadër të Platformës për Paqe në Ballkan me ministrat e jashtëm të rajonit.

Shpreha mirënjohjen për rolin aktiv dhe të qëndrueshëm të Turqisë në mbështetje të paqes, sigurisë dhe ekuilibrave strategjikë në Ballkanin Perëndimor, një kontribut që reflekton përgjegjësi rajonale dhe vizion afatgjatë.

Marrëdhënia mes Shqipërisë dhe Turqisë është ndërtuar mbi histori të përbashkët, respekt reciprok dhe besim mes dy popujve.

Sot, ajo shprehet si një bashkëpunim i gjallë dhe dinamik, i orientuar drejt së ardhmes, ku dialogu, solidariteti dhe interesat e përbashkëta forcojnë stabilitetin dhe zhvillimin në rajon.

Policia e Vlorës finalizoi operacionin policor të koduar ‘Reagimi’ duke vënë në pranga një shtetas.

Sipas policisë, pas kallëzimit të marrë nga një shtetase se gjatë natës i kishin vjedhur automjetin, u bë identifikimi dhe arrestimi i një 45 vjeçari, banues në Vlorë.

Gjithashtu, gjatë operacionit, shërbimet e Policisë gjetën edhe automjetin e vjedhur nga ky shtetas.

Rreth 1 700 pallate banimi në kryeqytetin ukrainas, Kiev, vazhdojnë të jenë pa ngrohje pas një sulmi masiv me raketa dhe dronë nga Rusia gjatë kësaj jave, bëri të ditur të dielën kryebashkiaku Vitalii Klitschko. Moska ka intensifikuar ndjeshëm bombardimet ndaj sistemit energjetik të Ukrainës që nga nisja e pushtimit në vitin 2022.

Të shtunën, Rusia ndërmori një sulm të gjerë kundër infrastrukturës energjetike të Ukrainës, duke shkaktuar shpërthime të forta në Kiev gjatë natës dhe duke lënë rreth 1.2 milionë objekte pa energji elektrike në mbarë vendin, në kushte temperaturash nën zero.

Presidenti ukrainas Volodymyr Zelensky deklaroi se objektivat kryesore të Rusisë janë sektori energjetik, infrastruktura kritike dhe ndërtesat e banimit. Ai tha se vetëm këtë javë Rusia ka lëshuar mbi 1 700 dronë sulmues, më shumë se 1 380 bomba ajrore të drejtuara dhe 69 raketa ndaj Ukrainës.

Zelensky theksoi se çdo sulm masiv ka potencial shkatërrues dhe bëri thirrje për forcimin e mbështetjes ndërkombëtare, ndërsa ndodhej për vizitë në Lituani.

Ndërkohë, zëvendëskryeministri Oleksiy Kuleba njoftoi se numri i ndërtesave pa ngrohje në Kiev ka rënë nga 6 000 në mëngjes në mbi 3 200 në mbrëmje, falë punës së ekipeve teknike. Kryebashkiaku Klitschko shtoi se gjatë 24 orëve të fundit është rikthyer furnizimi me ngrohje për më shumë se 1 600 ndërtesa dhe puna po vijon për rikthimin e plotë të shërbimeve.

Sulmi i madh ndaj Kievit ndodhi në një kohë kur negociatorë nga Ukraina, Rusia dhe Shtetet e Bashkuara po diskutonin në Abu Dhabi opsione për përfundimin e luftës.  / abcnews.al /

Drejtori i Përgjithshëm i Policisë së Shtetit, Drejtues Madhor Ilir Proda, ka falënderuar drejtuesit dhe punonjësit e Policisë së Shtetit për profesionalizmin, përmbajtjen dhe përkushtimin e treguar gjatë angazhimit për garantimin e rendit dhe sigurisë publike gjatë protestës.

Proda theksoi se, pavarësisht akteve të shumta të dhunës, përfshirë përdorimin e bombave molotov, lëndëve piroteknike dhe sendeve të forta, efektivët demonstruan standarde të larta profesionale, respekt për ligjin dhe përgjegjësi institucionale.

Mesazh falënderimi i Drejtorit të Përgjithshëm të Policisë së Shtetit, Drejtues Madhor Ilir Proda

“Të nderuar drejtues dhe punonjës të Policisë së Shtetit,

Ju falënderoj për profesionalizmin, përmbajtjen dhe përkushtimin e treguar gjatë angazhimit tuaj në garantimin e rendit dhe sigurisë publike gjatë protestës.

Pavarësisht akteve të shumta të dhunës, me bomba molotov, lëndë piroteknike e sende të forta, ju demonstruat standarde të larta profesionale, respekt për ligjin dhe përgjegjësi institucionale.

Uroj shërim të shpejtë për 11 punonjësit e dëmtuar gjatë detyrës dhe i siguroj ata për mbështetjen e plotë të institucionit.

Një falënderim i veçantë shkon për të gjithë drejtuesit, për lidershipin, koordinimin dhe menaxhimin profesional të situatës.

Mirënjohje për çdo efektiv të Policisë së angazhuar.”   / abcnews.al /

Në përvjetorin e 15-të të krimit shtetëror të 21 janarit, kryeministri Rama tha se mbetet një përvjetor i trishtë dhe një plagë e hapur jo vetëm për familjarët e katër protestuesve të vrarë, por edhe për moralin e drejtësisë dhe themelet e shtetit shqiptar.

Duke folur për këtë ngjarje, Rama theksoi se krimi i 21 Janarit i përket atyre krimeve shtetërore për të cilat drejtësia mund të vonojë, por nuk harron, pasi koha nuk i fshin dot nga kujtesa dhe nga tryezat e njerëzve të drejtësisë.

“21 janari ishte përvjetori i trishtë pas vrasjes së 4 protestuesve dhe përsëri erdhi me hijen përqeshëse të padrejtësisë. Mbetet një plagë e hapur jo vetëm për familjarët, por edhe për moralin e drejtësisë dhe themelet e shtetit shqiptar.

Ne përsëri u mblodhëm dhe e bëmë ritin e nderimit të 4 dëshmorëve në prani të familjarëve, të cilët presin drejtësi. 21 janari është në llojin e atyre krimeve shtetërore për të cilat drejtësia vonon, por nuk harron. Koha nuk i zhben dot nga kujtesa dhe nga tryeza e njerëzve të drejtësisë. Shpresoj që SPAK-u, që prej 6 vitesh ka marrë jetë dhe gëzon mbështetjen e padiskutueshme dhe ka pasur gjatë gjithë kohës inkurajimet më të sinqerta për të vënë drejtësinë në binarë, të zgjohet dhe të bëjë punën e vet.”  / abcnews.al/ 

Kryeministri Edi Rama tha në podcastin “Flasim” se ftesa për përfshirjen e Shqipërisë në Bordin e Paqes u mirëprit, u pranua dhe u ratifikua përmes një projektmarrëveshjeje dhe projektligji, pavarësisht përpjekjeve për ta shoqëruar procesin me zhurmë.

Sipas Ramës, vendimi u miratua me një “po” të fortë, përfshirë edhe votat e atyre që kanë qenë kritikë, duke theksuar se Shqipëria, ka paqen si busullën e vetë.

“Realisht që ishte një ftesë e mirëseardhur, edhe pse nuk e dyshoja që do të kishte zhurmë dhe përpjekje për të bërë tollovi, nuk e mendoja që fantazitë dhe ligësia do të bashkoheshin për t’i dhënë jetë disa teorive dhe përrallave që duhet të jenë vërtet të rënda, që të arrihet deri në pikat ku u arrit.

Ftesa u mirëprit, u pranua dhe u ratifikua në një formë projektmarrëveshjeje dhe projektligji. Shqipëria, si një shtet që ka gjetur paqen si busullën e vet dhe që ka ditur të kontribuojë në tryeza të rëndësishme ndërkombëtare, e aprovoi me një “po” të fortë, edhe me votat e atyre që nuk lanë gjë pa thënë, përkatësinë në këtë bord.”   / abcnews.al /

Më datë 24.01.2026, rreth orës 17:00, subjekti politik Partia Demokratike zhvilloi një tubim në bulevardin “Dëshmorët e Kombit”, përpara Kryeministrisë dhe Parlamentit.

Gjatë zhvillimit të tubimit, disa prej pjesëmarrësve kanë kundërshtuar punonjësit e Policisë së Shtetit që ishin të planëzuar me shërbim për garantimin e rendit dhe sigurisë publike, si dhe kanë hedhur drejt tyre lëndë djegëse (molotovë).

Si rezultat i veprimeve hetimore, u identifikuan 37 shtetas që kanë kryer veprime të kundërligjshme gjatë tubimit. Në vijim:
-u arrestuan në flagrancë shtetasit: A. L., 19 vjeç, A. Ll., 26 vjeç, A. L., 24 vjeç, A. M., 30 vjeç, T. K., 25 vjeç, E. Sh., 24 vjeç, S. S., 21 vjeç, E. M., 30 vjeç, A. T., 50 vjeç, R. H., 24 vjeç, B. S., 48 vjeç, E. H., 22 vjeç, A. T., 47 vjeç, L. Xh., 26 vjeç, B. B., 48 vjeç, E. H., 40 vjeç, R. B., 40 vjeç dhe H. C., 20 vjeç;
-nisi procedimi penal për shtetasit:B. N, E. V, A. P, K. K., F. P, M. K, D. B, R. K, A. Z, R. T, dhe 3 të mitur;

-u shpallën në kërkim shtetasit S. D dhe E. Ll.

Gjithashtu, u referuan materialet në Prokurori ku nisi procedimi penal për shtetasin E. M., me detyrë sekretar organizativ i subjektit politik Partia Demokratike, për veprën penale “Organizimi dhe pjesëmarrja në grumbullime e manifestime të paligjshme” si dhe shtetasit L. B, K. B dhe G. B, për veprën penale “Kundërshtimi i punonjësit të Policisë së Rendit Publik”.

11 punonjësit e Policisë që mbetën të dëmtuar gjatë tubimit morën mjekim në spital dhe janë jashtë rrezikut për jetën.

Grupi hetimor vijon punën për identifikimin e shtetasve të tjerë që mund te kënë kryer veprime të kundërligjshme gjatë tubimit të zhvilluar dje.  / abcnews.al /

Një stuhi e fuqishme dimërore ka goditur Shtetet e Bashkuara, duke lënë rreth 217,000 konsumatorë pa energji elektrike dhe duke shkaktuar anulimin e mbi 4,000 fluturimeve në mbarë vendin.

Stuhia, e shoqëruar me borë të dendur, shi dhe temperatura ekstremisht të ulëta, pritet të përfshijë dy të tretat lindore të vendit dhe të zgjasë edhe gjatë ditëve në vijim. Zonat më të prekura janë Luiziana, Misisipi, Teksasi dhe Tenesi.

Presidenti Donald Trump e cilësoi situatën si “historike” dhe miratoi shpalljen e gjendjes së emergjencës federale në 12 shtete, ndërsa 17 shtete dhe Distrikti i Kolumbias kanë shpallur emergjencë për shkak të motit ekstrem.

Shërbimi Kombëtar i Motit paralajmëroi për pasoja shkatërruese deri në nivele katastrofike, veçanërisht në juglindje të vendit, për shkak të akullit të dendur dhe të ftohtit rekord. Autoritetet u bëjnë thirrje qytetarëve të shmangin udhëtimet dhe të marrin masa mbrojtëse.

REAGIMI I RAMES:

“Ka në Europë protestues, anarkistë, ekologjistë, ekstremistë të djathtë a të majtë, studentë, anti-globalistë, tifozë huliganë, grupime lloj-lloj që dalin në rrugë për arsyet e tyre, maskohen, armatosen me molotovë dhe thyejnë e djegin, duke plagosur punonjës policie e shkatërruar prona…

Po qysh nga koha e partive famëkëqia të 100 vjetëve më parë në Gjermani e Itali, ka vetëm një parti parlamentare në Europë, që të ketë në programin e aktivitetit të saj si pjesë të pandarë të ekzistencës së vet qysh nga lindja, ushtrimin e dhunës, shkatërrimin e pronës, sulmin ndaj godinave të institucioneve, deri edhe ndaj godinës së vet, mobilizimin e paramilitarëve, të cilët deri dje ishin çeta e liderit shpirtëror, kurse tanimë janë thjesht mercenarë të rekrutuar me lekë nga rrugaçët e lagjeve, që veshin maska apo fshehin fytyrën pas tabelave për të mbaruar punë me hedhjen e molotovëve pa u identifikuar nga kamerat!

Tanimë këto farë protestash me pisllëkun që krijojnë në bulevard, ngjajnë si jashtëderdhja në rrugë e plakut të lajthitur që i organizon… Degjenerim i pandalshëm dhe dëshpërim i pangushëllueshëm!

Të shkuara punonjësve të policisë që u plagosën e lënduan nga kjo lukuni e verbër”

Ka në Europë protestues, anarkistë, ekologjistë, ekstremistë të djathtë a të majtë, studentë, anti-globalistë, tifozë huliganë, grupime lloj-lloj që dalin në rrugë për arsyet e tyre, maskohen, armatosen me molotovë dhe thyejnë e djegin, duke plagosur punonjës policie e… pic.twitter.com/XT0HzmE98D

— Edi Rama (@ediramaal) January 25, 2026

Agjentë federalë të imigracionit qëlluan për vdekje një shtetas amerikan gjatë një operacioni në Minneapolis të shtunën, duke shkaktuar protesta të ashpra dhe reagime të forta nga autoritetet lokale dhe organizatat për të drejtat civile.

Viktima, Alex Pretti (37), infermier i kujdesit intensiv, u vra gjatë një përplasjeje me agjentë të Patrullës Kufitare. Departamenti i Sigurisë Kombëtare deklaroi se agjentët vepruan në vetëmbrojtje, duke pretenduar se Pretti ishte i armatosur dhe rezistoi me dhunë gjatë tentativës për t’u çarmatosur.

Megjithatë, video të verifikuara tregojnë se Pretti mbante një telefon në dorë, jo armë, ndërsa përpiqej të ndihmonte protestues të tjerë të shtyrë përtokë nga agjentët. Pamjet tregojnë se ai u spërkat me sprej djegës, u mbajt nga disa agjentë dhe u qëllua nga afër pasi një armë u hoq nga trupi i tij.

Pretti u qëllua katër herë, ndërsa dëgjohen edhe të shtëna të tjera. Pas incidentit, disa agjentë ofruan ndihmë mjekësore, ndërsa të tjerë mbajtën larg turmën.

Vrasja nxiti protesta masive në Minneapolis dhe demonstrata në qytete të tjera si Nju Jorku, Uashington D.C. dhe San Francisko. Agjentët federalë përdorën gaz lotsjellës dhe granata shpërthyese për të shpërndarë protestuesit.

Ngjarja ka rritur tensionet mes autoriteteve shtetërore dhe federale, veçanërisht pas një rasti të ngjashëm më herët këtë muaj. Autoritetet federale kanë refuzuar përfshirjen e zyrtarëve lokalë në hetim, duke nxitur kritika për mungesë transparence.

“Europa është kthyer”, shkruhet në kopertinën e New Statesman, e përjavshmja e njohur e së majtës britanike.

Dhe në fakt, sipas Corriere della Serës, rikthimi i Britanisë së Madhe në Bashkimin Europian do të jetë tema politike dominuese në Londër gjatë këtij viti, saktësisht dhjetë vjet pas referendumit që vulosi Brexit-in.

Një diskutim i tillë kishte nisur prej muajsh, por ka pësuar një përshpejtim të papritur në vazhdën e lëvizjeve të fundit të presidentit amerikan Donald Trump. Edhe pse kryeministri britanik Keir Starmer, së bashku me liderë të tjerë europianë arritën ta davarisnin tensionin e krijuar me pretendimet e Trump për aneksimin e ishullit, në Londër ekziston një ndjesi se dicka është thyer në marrëdhënien transatlantike.

Akoma edhe më shumë i hodhën benzinë zjarrit komentet e kreut të shtetit amerikan i cili e quajti një budallallëk kthimin e ishujve Chagos Mauritiusit nga ana e  Britanisë së Madhe, si dhe minimizimin e sakfircave dhe gjakut të derdhur nga trupat britanike në Afganistan. Londra zyrtare vazhdimisht e ka përsëritur se nuk kishte asnjë qëllim të zgjidhte mes Amerikës dhe Europës dhe se donte t’i kultivonte të dyja marrëdhëniet.

Por tani, vazhdon shkrimi, era duket se po fryn më shumë në drejtimin e BE-së, teksa unioni po konsiderohet më i besueshëm sesa SHBA. Debati është hapur tashmë edhe brenda Partisë Laburiste dhe vetë Starmer ka deklaruar se synon një “përafrim gjithnjë e më të madh me tregun e Bashkimit Europian.

Kjo kthesë duket merr parasysh edhe faktin që në opinionin publik, gjykimi për Brexit-in tashmë është konsoliduar dhe shumica sot, e konsideron një gabim vendimin për shkëputje nga BE-ja, edhe pse kjo nuk nënkupton se do të votonin për nje rikthim të drejtpërdrejtë në radhët e bllokut.

Dashi

Ka rrezik qe dita e sotme te jete mjaft e trazuar për ata qe janë ne një lidhje. Nuk do ndiheni shume mire pranë partnerit dhe do mendoni te qëndroni te veçuar. Beqaret duhet te tregohen me te duruar nëse duan te gjejnë personin me te përshtatshëm. Ne planin financiar nuk duhen ndërmarrë rreziqe edhe sikur gjendja te jete e mire. Nuk është ende momenti.

Demi

Ndikimi i yjeve nuk do jete aspak pozitiv sot për jetën sentimentale te çifteve. Do ketë mosmarrëveshje dhe debate pa fund. Beqaret do kenë mundësi te shumta për te njohur persona te veçante, prandaj do jete me e lehte për ta te bëjnë një zgjedhje. Ne planin financiar do jeni me shume fat. Gjendja do jete goxha e mire.

Binjaket

Do jeni bashkëpunues dhe mjaft te përkujdesur gjate kësaj dite për atë qe keni ne krah. Marrëdhënia ne çift do jete e shkëlqyer. Beqaret duhet te tregohen te hapur ne mënyrë qe te takojnë sa me shume persona, përndryshe do mbeten serish vetëm. Ne planin financiar do ju duhet ndihma dhe këshilla e miqve ne mënyrë qe gjendja te mos ketë tronditje.

Gaforrja

Tensioni qe kishte kohe qe mbizotëronte ne jetën tuaj ne çift, sot do filloje te ulet. Do flisni me qetësisht dhe me lirshëm me atë qe keni ne krah. Beqaret do realizojnë takime mbresëlënëse te cilat do ua ndryshojnë rrënjësisht jetën. Ne planin financiar do keni me shume fat se kurrë me pare. Do shpenzoni aq sa ju duhen dhe do hiqni edhe disa para mënjanë.

Luani

Do ndiheni me te lire se kurrë sot juve qe jeni ne një lidhje dhe do bëni atë qe ju thotë zemra. Çdo çast do jete emocionues dhe i mrekullueshëm. Beqaret do kenë veçse mundësi për takime kalimtare dhe pa asnjë te ardhme. Qe financat te jene te mira duhet te shpenzoni me kujdes dhe largpamësi. Mos mendoni vetëm për momentin sepse nesër nuk do dini nga t’ia mbani.

Virgjeresha

Do ngrini shume pikëpyetje gjate kësaj dite mbi jetën tuaj ne çift. Kohet e fundit shume sjellje te partnerit nuk ju kane pëlqyer dhe do e kritikoni atë. Beqaret do jene me shume fat dhe do arrijnë ta gjejnë princin e tyre te kaltër. Gjendja e financave do jete shume me e mire nga disa kohe me pare, por jo ne atë gjendje sa për te kryer investime te tejskajshme.

Peshorja

Jupiteri do jete planeti qe do e favorizoje jetën sentimentale te çifteve. Gjithçka do shkoje me se miri ndërmjet jush dhe personit qe keni ne krah. Mos ua vini aspak veshin atyre qe do ju thonë ata qe ju rrethojnë. Beqaret do kenë një dite te zakonshme dhe pa ndonjë takim mbresëlënës. Ne planin financiar duhet te mateni disa here para se te kryeni shpenzime.

Akrepi

Do e kuptoni partnerin tuaj sot dhe do e mbështesni atë për çfarëdo qe te jete. Ndonjëherë nuk janë vetëm çastet intime ato qe e zbukurojnë ditën dhe ju bëjnë te ndiheni mire. Beqaret nuk duhet ta humbin shpresën deri ne momentin e fundit. Buxheti do ekuilibrohet fale maturisë dhe perkujdesit qe ju do tregoni. Vazhdoni ne këtë rruge dhe keni për t’u pasuruar shpejt.

Shigjetari

Do ndiheni mjaft mire pranë personit qe dashuroni sot dhe nuk do mendoni aspak për dike tjetër. Beni vetëm pak me tepër kujdes me xhelozinë. Beqaret mund te fillojnë një lidhje me një person te cilin me pare e kane tallur dhe janë zënë ashpër. Financiarisht do jeni te favorizuar. Nëse silleni ne këtë mënyrë shume shpejt do pasuroheni.

Bricjapi

Jeta juaj ne çift do jete goxha e qëndrueshme gjate kësaj dite. Nuk do keni asnjë arsye për çfarë te debatoni me te. Beqaret nuk do jene aspak ne humor për te filluar një lidhje dhe do qëndrojnë serish vetëm. Financat do i menaxhoni si duhet dhe gjendja do jete me e stabilizuar nga sa e kishit menduar. Do mund te hiqni disa para mënjanë.

Ujori

Edhe pse ne një lidhje do ndiheni shume te vetmuar gjate kësaj dite. E mira është te flisni hapur me partnerin nëse doni te sqaroni çdo keqkuptim. Beqaret nuk do mund ta krijojnë dot lidhjen qe kane ëndërruar, por kjo nuk do te thotë qe do e vuajnë vetminë. Ne planin financiar mos harroni te kujdeseni për çdo detaj ne mënyrë qe edhe e ardhmja te jete e siguruar.

Peshqit

Mbyllini sytë sot dhe lëreni veten te lire. partneri do ju beje te ndiheni si ne ëndërr kështu qe mund te keni besim te plote tek ai. Beqaret nuk do jene aspak ne humor për te gjetur dashurinë dhe do qëndrojnë me te njëjtin status qe kane. Ne planin financiar mos u tregoni impulsive ne mënyrë qe situata te mos behet delikate. Shtrijini këmbët sa keni jorganin.

Për ditën e diel vendi ynë do të ndikohet nga kushte atmosferike të paqëndrueshme.
Moti parashikohet të jetë fillimisht me vranësira të dendura, pas orëve të mëngjesit deri në orët e pasdites mot me alternime kthjellimesh dhe vranësira, në mbrëmje mot i vranët.
Reshjet e shiut priten të jenë prezente që në orët e para të 24-orëshit deri në orët e mëngjesit me intensitet të ulët në pjesën më të madhe të vendit.
Gjatë ditës reshjet e shiut me intensitet të ulët lokalizohen vetëm në ekstremin verior dhe atë jugor të vendit. Në orët e vona të mbrëmjes reshje shiu në të gjithë vendin me intensitet të ulët ndërsa përgjatë vijës bregdetare dhe ultësirës perëndimore reshje shiu me intensitet deri mesatar.
Në zonën e Alpeve, dhe në relievet malore në verilindje e juglindje reshje dëbore me intensitet të ulët.
Era do të fryjë me drejtim jug – juglindje, me shpejtësi mesatare 10 m/s, përgjatë vijës bregdetare dhe në zonat luginore era me shpejtësi deri në 22 m/s.
Deti – Valëzimi forcës 4-6 ballë.

TIRANË- Fjalim 15 minuta dhe 15 minuta fishekzjarrë: Sali Berisha nisi kështu atë që e quajti “kilometrin e fundit të opozitës”, në protestën e radhës poshtë kryeministrisë.

Në një miting ku ishte hequr karikatura e Ramës veshur si Maduro dhe ku munguan flamujt e përhershëm amerikanë, Sali Berisha përsëriti kërkesën për rrëzimin e Edi Ramës, dy ditë pasi e votoi atë për të shkuar në Amerikë e ulur në Shtëpinë e Bardhë përkrah Donald Trump. Duke tundur flamurin kombëtar, Sali Berisha orientoi hedhjen e fishekzjarrëve ndaj zyrës ku ditë më parë u fut Vajza e Parë e Amerikës, Ivanka Trump.

Avokati Idajet Beqiri, i ftuar në “Ora e Fundit” tha se Sali Berisha nuk di të bëjë asgjë tjetër, përveç flakës dhe tymit. Sipas tij, shqiptarët tashmë ia kanë dhënë duart Sali Berishës dhe nuk e duan kurrë më në pushtet.

“I njëjti skenar, e njëjta pamje, të njëjtën gjë bënte edhe në vitin 1991. Kështu ia vuri flakën gjithë Shqipërisë. Tani e ka zvogëluar forcën e vet dhe vjen vërdallë si “kali në lëmë”, sepse Shqipëria dhe shqiptarët ia kanë dhënë duart për të mos e parë më në pushtet dhe prej tij s’ka gjë tjetër, përveç tymit, zjarrit, sepse nuk di gjë tjetër. Ai këto metoda ka.”, tha ai.

Ai pohoi se kryetari i Partisë Demokratike e di shumë mirë se e pret arrestimi për vrasjet e kryera në bulevard. Pjesa, e cila ra në sy në protestën e Berishës ishte mungesa e flamurit të Shteteve të Bashkuara të Amerikës.

Avokati u shpreh se kjo protestë e Berishës ishte padiskutim një demonstrim edhe kundër SHBA, pasi sipas Beqirit vetë Berisha nuk e pranon dot suksesin e  rivalit të tij politik Edi Ramës, i cili u ftua në Bordin e Paqes, nga vetë presidenti Donald Trump.

“Ai e ka vendin te 313. Ai këtë kilometrin e fundit e ka kuptimplotë, sepse e di , që e ka pas qafe arrestimin për vrasjet në bulevard, por edhe për akuzat e tjera. Militantët e Berishës dinë vetëm alternativën e flakës. SHBA shikon te Rama Shqipërinë.

Këtë protestë Berisha e ka edhe kundër SHBA, sepse ai nuk mund të pajtohet me ftesën e bërë ndaj Edi Ramës dhe nuk e pranon që Rama të jetë në Bordin e Paqes. Bordi i Paqes është një vlerësim i jashtëzakonshëm për Shqipërinë. ”, tha ai./abcnews.al