Stilisti amerikan i modës, Calvin Klein, (83 vjeç) u fotografua duke dalë nga palestra në Los Angeles me partnerin e tij, modelin Kevin Baker (37 vjeç).

Marrëdhënia e tyre tërheq vëmendjen duke pasur parasysh diferencën e madhe në moshë.

Calvin përpiqet t’i mbajë larg syrit të publikut detajet e jetës së tij private, kështu që flet për karrierën e tij në intervista.

Foto: X

Ata u panë së bashku për herë të parë në vitin 2016 dhe mediat amerikane raportuan se ata kanë qenë në një lidhje që atëherë.

Klein është martuar dy herë.

Ai ishte i martuar me Jayne Center Klein nga viti 1964 deri në vitin 1974 dhe me Kelly Rector nga viti 1986 deri në vitin 2006.

Pas kësaj, u takua me Nick Gruber, i cili është 48 vjet më i ri se ai. Ata u ndanë në vitin 2012. /Telegrafi/

Mëngjesin e ditës së sotme (e mërkurë), Alba Pollozhani dhe Lim Hoti, kanë diskutuar rreth lojës në shtëpinë më të famshme në vend.

Alba theksoi se nuk është shumë e fokusuar në lojë, teksa Limi e paralajmëroi për diçka.

“Po nuk fitove, do të kesh probleme. A po jo”, tha ai.

Foto: Instagram

"Mos më bëj kështu tani. E di që nuk varet nga unë ajo pjesë", iu drejtua banorja.

"Normalisht shumë gjëra", tha tutje Limi.

"Edhe ti e di se sa e vështirë është për figurat që janë shumë të njohura ose që kanë eksperiencë në reality shou", iu përgjigj në vazhdim Alba.

Ata duket se i dhanë një shans njëri-tjetrit, por që po vazhdojnë të kenë ulje e ngritje në raport. /Telegrafi/

Camila Morrone është një aktore dhe modele 28-vjeçare, e rritur në zemër të Hollywoodit.

Ajo është vajza e aktorëve argjentinas Maximo Morrone dhe Lucila Polak, dhe pas divorcit të prindërve, nëna e saj u lidh me Al Pacinon, të cilin Camila e konsideron babanë e saj të dytë.

Camila filloi karrierën si modele, ndërsa debutimi i saj në film ishte në 2013.

Ajo arriti famë të madhe me rolin e saj si Camila Dunne në serialin "Daisy Jones & The Six".

Gjithashtu, ishte në një lidhje të njohur me Leonardo DiCaprio për katër vjet.

Sot ajo është e lidhur me regjisorin Cole Bennett.

Aktualisht, Morrone po tërheq vëmendjen në serialin "The Night Manager", ku luan rolin e Roxane Bolanos, një grua e fuqishme me origjinë kolumbiane.

- YouTube www.youtube.com

Roxana shquhet për stilin e saj të sofistikuar, me veshje luksoze si ato të Versace dhe konsiderohet një figurë e fortë.

Kostumografia e saj është frymëzuar nga Penelope Cruz, Bianca Jagger dhe stilistë latino-amerikanë si Johanna Ortiz.

Foto: Prime Video

Për Camilan, ky rol i ri është një mundësi për të treguar talentin e saj si aktore, duke u distancuar nga fama personale dhe duke u fokusuar tek puna dhe profesionalizmi. /Telegrafi/

Pas surprizës që vëllai i bëri Selin mbrëmjen e djeshme (e martë), banorja duket se nuk e ka takuar Mirin.

Të dy e kanë diskutuar këtë situatë, ndërsa këngëtari pretendon se Selin nuk e takoi për shkak të asaj që i tha vëllai 'je vetëm'.

Selin tha se nuk e ka bërë me qëllim, ndërsa Miri pretendoi të kundërtën.

Foto: YouTube

Pjesë nga biseda mes tyre:

Miri: Ke bërë dy lëvizje që nua nuk më kanë pëlqyer. Kemi ardhur 39 ditë bashkë, hyrja jote në shtëpi duhet të vije direkt më takoje mua. Edhe kur i takove të tjerët, detajet bëjnë diferencën, fillove duke takuar gjithë shtëpinë.

Selin: Po ia fut kot, u ula direkt në divan. Kur bëri mbylljen erdhën njerëzit më takuan.

Miri: Herën e dytë a dole dhe i takove të gjithë shtëpinë. Duhet të vije te unë. U ule u çove ike.

Selin: Nuk e kam bërë me qëllim.

Miri: Edhe sikur ne nesër nuk kemi lidhje me njëri- tjetrin, me jepje forcë mua. Duhet ta kishe imagjinuar, doli ajo që këta kanë tentuar se ta tha vëllai. Kaq donin këta. Minimumi duhet të vije të thoje faleminderit deri këtu. Po të isha unë do të kisha takuar ty, jo të tjerët se nuk i kam asgjë. Kur erdhe te unë, jemi takuar si shoku i lagjes dhe më ike. /Telegrafi/

- YouTube www.youtube.com

Dy këngëtarët shqiptarë, Lore dhe MC Kresha, kanë bashkuar forcat për një projekt të ri muzikor.

"Ni ni" mban titullin kënga e tyre, e cila vjen e realizuar edhe me videoklip.

Teksti është shkruar nga Alban Kondi e MC Kresha, me proudim nga Fabrika.

Foto: YouTube

Miksimi dhe masterizimi u bë nga Press Playworld nën drejtimin e Ajola Xoxës.

Videoja u kompletua nga Nilor, Second Sun dhe tani ndodhet e disponueshme në YouTube.

Dyshja vijnë me performancë të mahnitshme, secili në stilin e tyre të veçantë.

Besohet që kënga do të pëlqehet edhe nga fansat e tyre e publiku. /Telegrafi/

- YouTube www.youtube.com

Dy zarfa të zinj u futën të martën në shtëpinë më të famshme në Shqipëri, Big Brother VIP.

Njëri prej tyre ishte për Rogertin, kurse tjetri për Keijsin gjë që rezultoi me përjashtim të tij.

Kjo pasi ka thyer rregullat thuajse që nga hyrja në këtë format, ku shpesh ka eskaluar me fjalor.

E pas kësaj, ajo që u mërzit më së shumti ishte Ina Aderi, me të cilën krijoi një histori dashurie.

Pas spektaklit dhe pas përjashtimit të Keijsit, e njëjta u pa duke qarë me të madhe në dhomën e gjumit.

Duket se nuk e pranoi largimin e të dashurit, meqë me të ka qëndruar tërë kohën.

E përfshirë në këtë histori dashurie ka qenë edhe Stelina, e cila në fund hoqi dorë nga banori tashmë i përjashtuar. /Telegrafi/

- YouTube www.youtube.com

Cristiano Ronaldo vazhdon të jetë një nga emrat më të mëdhenj të futbollit botëror edhe në moshën 41-vjeçare, duke ndërtuar sukses jo vetëm në fushë, por edhe në jetën personale.

Prej vitesh, ai ka në krah Georgina Rodríguez, me të cilën ka krijuar një marrëdhënie të fortë dhe një familje të madhe.

Me rastin e ditëlindjes së 32-të të Georginas, ylli portugez i bëri një dedikim të ndjerë në rrjetet sociale.

Në një foto të publikuar në Instagram, Ronaldo shkroi: “Gëzuar ditëlindjen gruas së jetës sime".

Këtë vit, ditëlindja e Georginas e gjeti çiftin larg njëri-tjetrit, pasi ajo ndodhet në Shtetet e Bashkuara për premierën e dokumentarit “Melania”, kushtuar Zonjës së Parë të ShBA-së.

Pas gati një dekade lidhjeje, Cristiano Ronaldo i propozoi martesë Georginas më 10 gusht 2025.

Dasma pritet të zhvillohet këtë vit në Madeira, vendlindjen e futbollistit, dhe sipas Georginas, do të jetë një ceremoni e vogël dhe intime, pavarësisht famës së madhe të çiftit.

Foto: Instagram

Futbollisti ka djalin Cristiano Jr., ndërsa më pas erdhën në jetë binjakët Eva Maria dhe Mateo, vajza Alana Martina dhe Bella Esmeralda.

Georgina krahas kësaj mori për dhuratë edhe një orë 'Rolex' që kap vlerën e mbi 40 mijë eurove. /Telegrafi/

Foto: Instagram

Alba Pollozhani dhe Lim Hoti janë ribashkuar në spektaklin e të hënës duke shkëmbyer kështu puthje në buzë.

Ata siç u pa kanë bërë paqe me njëri-tjetrin sa i përket marrëdhënies së tyre.

Por, banori pas kësaj u pa në shumë raste duke e injoruar Albën dhe duke i kërkuar që të largohet nga ai.

Momente këto që e kanë prekur konkurrenten dhe që ka pyetur vazhdimisht për arsyet.

E së fundmi, çifti lanë hatërmbetjet dhe u panë së bashku nën jorgan të mbuluar.

Mbetet për t'u parë se si do të vazhdojë kjo situatë mes tyre, ndonëse ka paqëndrueshmëri.

Alba nga ana tjetër e ka theksuar disa herë se e do Limin dhe se nuk do të martohet me askënd tjetër. /Telegrafi/

Me plot emocion dhe lot, Ardit Stafaj, rrëfeu linjën e tij të jetës në Big Brother VIP Kosova 4.

Nga vdekja e babait që ndodhi natën e Vitit të Ri në vitin 2007 e deri te ballafaqimi i nënës me sëmundjen derisa ajo mbylli sytë në vitin 2020.

Për t’u kujdesur për nënën, atij ua desh t'a ndërpresë edhe karrierën.

Foto: YouTube

Këngëtari i njohur shqiptar tha se si shtëpi e dytë i ishin bërë spitalet.

“Momentet që vetëm shpirti im e di edhe Zoti. Unë si fëmijë i tyre e kam bërë të pamundurën të mundur, vetëm që ajo me ditë që e ka një fëmijë hallall se ashtu më thoshte”, tha ai.

"Për së treti ripërsëritet faza e spitaleve unë kësaj radhe me qindra kilometra vetëm që e kam paramenduar rrugën e spitalit nuk doja të hyja më. Kam ardhur këtu për të nxjerr nënën time të gjallë dhe nuk më intereson asgjë tjetër, më intereson me luftu me vdekjen e saj deri në fund", shtoi tutje.

"Kur më kanë lajmëruar që e ka kaluar operacionin me sukses nuk e di sikur, se di. Veç u ktheva nga Zoti thash, Zot mos ma merr. Nëna është e shenjtë dhe unë kam qenë shumë i lidhur me të", tha ndër tjerash ai.

- YouTube www.youtube.com

I njëjti ka shprehur dëshirën edhe të krijoj familje pasi i ka premtuar edhe të ëmës.

Më pas u surprizua nga miqtë e tij të dashur dhe vëllai Astrit Stafaj. /Telegrafi/

Aktorja amerikane, Ali Larter, pranoi se xhirimi i skenave me bikini në serialin "Landman" është sfida më e madhe në karrierën e saj.

Në një intervistë për revistën People, Larter zbuloi se pavarësisht formës së saj fizike dhe viteve të përvojës, skena të tilla nuk ishin të lehta për të.

Në serialin "Landman" ajo luan personazhin e Angelas, gruas së sigurt të Tommyt, të luajtur nga Billy Bob Thornton, dhe personazhi i saj shfaqet shpesh me rroba të ngushta ose rroba banje.

Foto: YouTube

"Nuk mendoj se ka ndonjë aktore që mezi pret skenat me bikini. Ato janë skenat më të vështira për mua dhe nuk më pëlqejnë, por janë pjesë e historisë që po tregoj", tha Larter.

Ajo shtoi se Angela, si personazh, kërkon një pamje të veçantë fizike, duke përfshirë ushtrime të rregullta, mbajtjen në formë dhe kujdesin për pamjen.

Megjithatë, pranon se pjesa psikologjike është më e vështira për të.

"Duhet të luftoj pasiguritë dhe ankthin tim për të qenë në gjendje të vesh bikini dhe të qëndroj para kamerave", tha ajo me sinqeritet.

- YouTube www.youtube.com

Ndryshe nga skenat me bikini, Larter thotë se i pëlqejnë më shumë skenat e qeta dhe emocionale.

Dy sezonet e para të "Landman" janë të disponueshme për t'u shikuar në platformën Paramount+. /Telegrafi/

Në shtëpinë e Big Brother VIP Albania 5 është anuluar televotimi i së martës.

E në nominim kanë qenë gjithsej 10 banorë: Angelo, Artan, Keijsi, Juela, Greta, Krusita, Rogerti, Mali, Miri dhe Mateo.

Duket se 'Vëllai i Madh' ka marrë masa për ndonjë nga banorët që ka thyer rregullat.

"Televotimi aktual anulohet. Vëllai i Madh ka marrë masa, të cilat do të zbulohen mbrëmjen e sotme", thuhet në njoftim.

E shumë kanë aluduar në Rogertin dhe Keijsin pasi kanë qenë dy që kanë përdorur fjalor të papërshtatshëm.

Rogerti gjithashtu ka pasur një situatë me Mal Retkocerin, gjë që ka bërë të ketë reagim edhe nga familja e këtij të fundit.

Familja kërkoi që Rogerti të përjashtohet nga programi për shkak të gjuhës fyese e bullizimit ndaj Malit. /Telegrafi/

Edwin Cardona, i njohur si futbollist kolumbian që ka mbajtur 45 ndeshje për përfaqësuesen e Kolumbisë, është në qendër të vëmendjes për një histori të pazakontë familjare.

Ai, 33 vjeç, aktualisht luan për klubin më të madh kolumbian, Atletico Nacional, ku filloi edhe karrierën e tij, dhe ka kaluar më parë në klubet më të njohura të Amerikës së Jugut, përfshirë Boca Juniors.

Në vitin 2024, Cardona u kthye te Atletico Nacional, klubi i tij i lindjes.Historia më e diskutueshme lidhet me familjen e tij.

Kjo për shkak se ai është vetëm 12 vjet më i vjetër se vajza e tij e madhe, Ana.

Ana ka lindur nga marrëdhënia e tyre kur Cardona ishte 11 dhe Carolina 14 vjeçe.

Pas disa viteve, çiftit iu dha mundësia të martohej dhe ata krijuan familje.

Përveç Anas, ata kanë edhe dy fëmijë të tjerë: María Angel, 14 vjeç, dhe Emiliano, 11 vjeç.

Foto: X

Kjo histori ka tërhequr vëmendje të madhe pasi në Kolumbi, mosha ligjore për martesë ishte 14 vjet, por u ngrit në 18 vjet vetëm në vitin 2024.

Historia e Cardonas ka bërë bujë, sidomos pasi Ana mbushi 21 vjeç, dhe ka nxjerrë në pah detaje të rralla dhe të diskutueshme për familjen e tij, duke u bërë virale në media dhe rrjete sociale. /Telegrafi/

Ina Aderi ka eskaluar ndaj Stenaldo Mëhillit duke e akuzuar për disa veprime brenda shtëpisë së Big Brother.

Ajo i thotë se po shikon çdo femër që ndodhet brenda këtij formati, duke e quajtur edhe maniak.

"Kush është palaç o Stenaldo,o maniak që sheh çdo femër që vjen. Ti je maniak që shikon çdo femër, i ndyrë", iu drejtua Ina.

Foto: Instagram

Këngëtari gjithashtu i hodhi akuza për lidhjen e krijuar me Keijsin në këtë reality shou.

Ajo mori kritika të shumta në rrjet për faktin se Stenaldo është i verbër.

Foto: Instagram

Ndërkaq fjalor të papërshtatshëm në lidhje me artistin ka përdorur edhe Keijsi.

Mbetet për t'u parë nëse do të ketë ndonjë ndëshkim nga ana e produksionit. /Telegrafi/

Familja e Mal Retkocerit i është drejtuar zyrtarisht produksionit të Big Brother VIP Albania 5 me një letër publike, ku shpreh shqetësim të thellë për gjuhën fyese, denigruese dhe bullizuese të përdorur nga Rogert Sterkaj gjatë qëndrimit në shtëpinë e BBV.

Sipas familjes, sulmet verbale kanë prekur familjen, traumat personale dhe identitetin e Malit, duke i cilësuar këto veprime si dhunë psikologjike dhe jo pjesë të lojës apo debatit televiziv.

Ata i bëjnë thirrje produksionit të marrë përgjegjësitë për garantimin e një ambienti pa dhunë dhe kërkojnë përjashtimin e Rogert Sterkajt.

Foto: Instagram

Letra e plotë e familjes së Mal Retkocerit drejtuar produksionit të Big Brother VIP Albania 5:

"Të nderuar Reagojmë me shqetësim të thellë ndaj gjuhës fyese, denigruese dhe bullizimit ndaj Mal Retkoceri nga Rogert Sterkaj në BBV.

Sulmi ndaj familjes, traumave personale dhe identitetit nuk janë debat, as lojë, por janë dhunë psikologjike dhe bullizim i pastër.

Ne si familje e Mal Retkocerit kërkojmë që të respekohet dinjiteti njerëzor dhe i bëjmë thirrje produksionit që të marrë me përgjegjësi të plotë detyrimet për të siguruar një ambient pa dhunë fizike, psikike dhe bullizuese dhe të veprojë me përjashtimin e Rogertit për veprimet e tij që shkaktojnë dhunë psikologjike dhe bullizim dhe që këto veprime prekin integritetin familjar dhe personal dhe janë të patolerueshme.

Veprimet e Rogertit të cilat i ka ndërmarrë me datë 25.01.2026 janë dhunë, nuk janë lojë, nuk janë debate, prandaj heshtja përballë dhunës e normalizon atë që padyshim është në kundërshtim të plotë me normat shoqërore.

Andaj bazuar në sjelljet dhe veprimet e Rogert Sterkaj kërkojmë që i njëjti të përjashtohet për shkak të sjelljeve denigruese, fyese dhe bullizuese të tij ndaj Mal Retkocerit.

Me respekt, familja e Mal Retkocerit". /Telegrafi/

Benita Zena në spektaklin e së hënës i ka shprehur pëlqim haptazi Klodian Mihajt.

Ajo tha se nuk mund ta fsheh këtë gjë dhe se nuk po e bën për lojë apo publikun.

Kjo gjë duket ta ketë prekur ish-të dashurin e saj, Endrin, me të cilin nuk ka mbyllur akoma lidhjen.

Foto: Instagram

Kjo pasi i njëjti ditë më parë hyri si befasi në Big Brother, për të takuar këngëtaren.

Në një postim në Instagram, Endri duket se ka bërë një reagim në lidhje me ngjarjen.

"Ku janë premtimet?", ka shkruar ai sipër një postimi.

Artisti po i referohet këngës së re e po ashtu edhe ngjarjes së fundit të Big Brother. /Telegrafi/

Gjatë mbrëmjes së kaluar, Benita Zena, ka folur gjerë e gjatë me Klodian Mihajn rreth pëlqimit të saj ndaj tij.

Ajo i tha haptazi se pavarësisht se e di që ai ka të dashur jashtë, pëlqimin nuk mund ta fshehë më.

"Nuk mund ta mohoj pëlqimin tim. Unë e di që ke femër jashtë ishalla martohesh me të, por unë pëlqimin tim nuk mund ta fsheh", tha ajo.

Tutje theksoi: "Jam femër e rritur, kur kam pëlqim për dikë kam. I di gjërat e mia. Nuk e mohoj një pëlqim dhe kaq".

"Nuk është gabim, por shumë pabesueshme", i tha Klodi."Nuk ka diçka të keqe se nuk po të marrë me të martu", iu drejtua tutje këngëtarja.

"Unë nuk jam një femër si Elijona, ta kam shpreh pëlqimin. Nuk e kam as për publik. As nuk synoj me qenë me ty, por thjesht u lirova. Pëlqimi ka lindur tani shpejt", vazhdoi më tej Benita.

Kjo vjen disa ditë pasi ish-partneri i saj, Endri i bëri befasi në Big Brother, për të cilin tha se ka ndjenja akoma. /Telegrafi/

Pas puthjes së bujshme në spektakël, Alba Pollozhani dhe Lim Hoti, kanë vazhduar të shkëmbejnë puthje edhe në dhomën e gjumit.

Puthjet mes tyre ishin plot tension dhe të zjarrta, gjë që duket se i kanë munguar njëri-tjetrit.

Ata bënë një rikthim në lidhje pasi siç thanë kanë qenë të ndarë që nga vera.

Foto: Instagram

Kjo vjen pas një romance të shkurtër që pati Limi në Big Brother VIP me Dolcen.

Të njëjtit duket se kanë bërë paqe dhe kanë lënë pas problemet e së shkuarës.

Foto: Instagram

Dyshja në mesnatë vazhduan me puthje pasionante e madje duke bërë masazh.

Alba duket të jetë e lumtur pas bashkimit me Limin pasi e ka vuajtur tejet shumë këtë pjesë. /Telegrafi/

Janë bërë dy muaj nga ndarja e parakohshme nga jeta e këngëtarit shqiptar, Shpat Kasapi, një humbje që tronditi familjen, miqtë dhe publikun e gjerë.

Me këtë rast, bashkëshortja e tij, Selvije Jao, ka zgjedhur ta kujtojë artistin me një dedikim prekës në rrjetet sociale.

“Dy muaj pa ty, Shpat. Mungesë shpirti, përjetë”, ka shkruar ajo.

Foto: Instagram

Kasapi ndërroi jetë në moshën 40-vjeçare, në fund të muajit nëntor, si pasojë e një sulmi në zemër.

Në atë kohë, ai ndodhej së bashku me familjen në Itali, ku po qëndronin për trajtimin mjekësor të djalit të tyre, Roelit.

Largimi i tij i papritur la pas një dhimbje të madhe, ndërsa kujtimi i këngëtarit vazhdon të mbetet i gjallë përmes muzikës dhe dashurisë së publikut që e ndoqi ndër vite.

Bashkëshortja ndërkohë ditë më parë tha se ka marrë leje qëndrim për në Itali, derisa do të vazhdojë me trajtimin e djalit atje. /Telegrafi/

Kristen Stewart ka folur hapur për pozicionin e aktoreve në industrinë e filmit në një intervistë të kohëve të fundit, duke pohuar se ato shpesh trajtohen me mungesë respekti.

Ajo tha gjithashtu se kjo është arsyeja pse po i drejtohet gjithnjë e më shumë regjisë.

Sipas saj, aktoret ende perceptohen si lehtësisht të zëvendësueshme dhe të nënvlerësuara intelektualisht, sikur puna e tyre është diçka që kushdo mund ta bëjë, pa njohuri të veçanta ose kontribut krijues.

Kristen Stewart

Një qëndrim i tillë, thotë Stewart, është thellësisht i rrënjosur në industri dhe ndikon drejtpërdrejt në mënyrën se si trajtohen gratë në shesh xhirimi dhe jashtë tij.

"Duhet t'ju them se aktoret trajtohen si plehra", tha ajo.

Përvoja e saj, thotë ajo, ndryshoi ndjeshëm në momentin që u prezantua si regjisore.

"Njerëzit mendojnë se kushdo mund të bëhet aktore, por herën e parë që u ula të flisja për filmin tim si regjisore, mendova, uau, kjo është një përvojë tjetër, ata po më flasin sikur të isha dikush tjetër", tha ajo.

Ky kontrast ishte tronditës për të, sepse nxori në pah se sa pak besim u jepet normalisht aktoreve, pavarësisht faktit se ato shpesh janë thellësisht të përfshira në procesin krijues.

Stewart beson se industria e filmit ende ushqen mitin e regjisorit si një gjeni pothuajse mbinatyror.

"Ekziston një ide se regjisorët kanë aftësi mbinatyrore, gjë që nuk është e vërtetë. Është një ide e përhapur nga burrat. Nuk dua të dukem sikur ankohem gjithmonë, por aktoret e kanë më keq se aktorët - trajtohen si kukulla, por nuk janë", tha ajo. /Telegrafi/

Dolce dhe Lim Hoti janë sqaruar për raportin e tyre, i cili nisi dhe përfundoi shumë shpejt.

Banori tha se ka respekt për Dolcen edhe pse kjo historia e tyre përfundoi në këtë mënyrë dhe se e vlerëson si femër.

Dolce nga ana tjetër u shpreh e lënduar nga kjo histori dhe se nuk e priste një gjë të tillë.

Foto: YouTube

Ajo më pas u zhvendos në dhomë të rrëfimit, ku dukej e prekur dhe e përlotur nga kjo.

E njëjta tha se nuk e ka problem, por vetëm që donte të kishte një sqarim në Limi, e jo të zbulonte në Prime.

Dhe menjëherë pas kësaj marrëdhënie, Limi u pa në lavanderi duke u përqafuar me Albën.

Duket se këto gjeste nuk i pëlqyen Dolces dhe se për këtë u ndje e zhgënjyer. /Telegrafi/