Banorët e shtëpisë së Big Brother VIP Kosova u njoftuan se Alba ka lënë garën.

Lajmi u bë i ditur zyrtarisht përmes një njoftimi të lexuar nga Hygerta, e cila përcolli fjalët e “Vëllait të Madh” me ton të qetë dhe formal: “Në orën 03:00 të mëngjesit, Alba ka lënë shtëpinë e BBVK. I urojmë suksese dhe fat në vazhdimin e saj”, ishte mesazhi që morën banorët.

Reagimet e pjesëmarrësve nuk vonuan. Disa shprehën trishtim për largimin e saj, ndërsa të tjerë e përshkruan si një moment të papritur që ndryshon dinamiken brenda shtëpisë.

BBVK/YouTube

Banorët diskutuan për arsyet e largimit dhe ndanë me njëri-tjetrin kujtime dhe momente të veçanta që kishin kaluar me Albën gjatë qëndrimit të saj në shtëpi.

Largimi i Albës shënon një kthesë të rëndësishme në garën e këtij edicioni, duke lënë hapësirë për ndryshime në strategji dhe aleanca mes pjesëmarrësve.

Ndërkohë, publiku mbetet i etur të ndjekë zhvillimet e mëtejshme dhe të shohë se si do të ndikojë ky largim në dinamiken e shtëpisë. /Telegrafi/

Andos Sinani, këngëtari dhe kompozitori i njohur nga Kosova, është rikthyer zyrtarisht në skenën muzikore me këngën e re “Besoja”.

Projekti shënon një kapitull të ri në karrierën e tij, duke ndërthurur stilin pop-rock.

Andos ka qenë forca kryesore kreative pas këtij projekti, duke realizuar vetë muzikën, orkestrimin dhe produksionin.

Andos Sinani/YouTube

Teksti është shkruar në bashkëpunim me Kadisha Sinanin, ndërsa videoklipi është drejtuar dhe prodhuar nga vetë Andosi.

Videoklipi i “Besoja” është xhiruar në Islandë dhe sjell pamje mbresëlënëse të natyrës së egër të këtij vendi, nga akullnajat gjigante te vullkanet, fushat e hapura dhe plazhet me rërë të errët.

Andos Sinani/YouTube

Pamjet përfshijnë male dramatike, fusha të gjera, kratere vullkanike dhe kuaj islandezë që vrapojnë lirshëm në natyrë, duke i dhënë klipit një atmosferë të fuqishme dhe emocionale.

I njohur më parë si kitarist në grupet “7 me 7” dhe “Kthjellu”, Andos ka ndërtuar një karrierë solo të suksesshme dhe vazhdon të fokusohet në projekte autentike që pasqyrojnë ndikimet e tij rock.

“Besoja” shënon rikthimin e Andosit si një nga zërat më të fortë dhe të veçantë të muzikës shqiptare.

- YouTube www.youtube.com

Gjatë mbrëmjes së fundit në Big Brother VIP Kosova, Elijona zbuloi për publikun një pjesë të jetës së saj që nuk e kishte ndarë më parë, duke prekur thellë jo vetëm banorët, por edhe shikuesit.

Ajo rrëfeu se vështirësitë nisën që në fëmijëri, kur ishte vetëm në klasën e dytë, duke vënë në dukje diferencat mes rregullave shkollore në Gjermani dhe Kosovës.

“Në klasën e dytë ka filluar të ndryshojë jeta ime. Në Gjermani ligjet janë pak më ndryshe se në Kosovë”, tha Elijona.

Foto: Screenshot/X

Sipas saj, ndërhyrja e autoriteteve lidhej me disa situata të përsëritura në shkollë, që u interpretuan si mungesë e kujdesit nga prindërit.

“Mami është dashur të shkojë në shkollë te motra dhe të vrapojë pas saj dhe ka ndodhur që dy-tri herë të më harrojë në shkollë. Edhe pse shkollën e kisha afër, në Gjermani nuk lejohet të ecësh vetëm për në shtëpi kur je në fillore”, shtoi ajo.

Elijona përmendi edhe detyrat e shtëpisë, që ndonjëherë nuk i kryente, të cilat mësuesja dhe shërbimet sociale i panë si problem për kujdesin familjar.

“Të gjitha këto për mësuesen kanë qenë shqetësim për kujdesin e familjes, edhe pse realisht unë jam rritur me shumë dashuri. Kjo ka qenë arsyeja pse shkolla ka vendosur të më largojë prej familjes”, tha ajo me emocione.

Megjithatë, qarkullojnë zëra që thonë se daja i saj, reagoi duke e quajtur rrëfimin të pavërtetë. Sipas tij, ndarja nga familja nuk kishte lidhje me detyrat ose shkeljet në shkollë, por ishte rezultat i dhunës që babai ushtronte ndaj fëmijëve dhe bashkëshortes.

Në rrjet po qarkullon një fotografi e një komenti, që thuhet të jetë daja i Elijonës. Aty shkruante: “Dhuna të cilën babi yt ka ushtruar pa ndërprerë ndaj mamit tënd dhe juve që çoi deri te divorci atë se përmend!? Shkaktari kryesor pse ti dhe vëllau jeni larguar nga familja je ti dhe babi yt. Krejt rrëfim i pavërtetë”. /Telegrafi/

- YouTube www.youtube.com

Në premierën e “Wuthering Heights” në Londër, Margot Robbie mahniti me një fustan të guximshëm me korse në stil viktorian dhe gërshetime flokësh, të kombinuara me një riprodhim të një byzylyku 175-vjeçar, që dikur ishte bërë nga flokët e motrave Brontë.

Aksesori simbolik i përkujtonte të dashurit e ndjerë gjatë epokës viktoriane dhe u vendos në korsenë që përputhej me flokët e saj bjonde.

Pamja u krijua nga stilistja Dilara Findikoglu, me të cilën Margot ka bashkëpunuar edhe më parë gjatë promovimit të filmit Barbie në Mbretërinë e Bashkuar, shkruan DailyMail.

Regjisorja Emerald Fennell zbuloi disa zgjedhje të pazakonta kreative, si përdorimi i mëndafshit të shtypur me imazhe të venave dhe njollave të personazhit për dekorin e dhomës së Cathy-t, si dhe krijimi i “faltoreve” personale për aktorët në dhomat e tyre për t’i ndihmuar të lidhen më lehtë me personazhet.

Margot iu afrua vetë regjisorës për të luajtur rolin e Cathy-t pasi skenari i dërgohej kompanisë së saj LuckyChap Entertainment, duke treguar guxim dhe entuziazëm për projektin.

Emerald paralajmëroi se filmi nuk është një adaptim i drejtpërdrejtë i librit, por një përpjekje për të përshkruar ndjesitë që ajo vetë kishte pasur nga historia.

Para premierës, Margot dhe bashkë-ylli Jacob Elordi kanë tërhequr vëmendjen me kiminë e tyre të zjarrtë në tapetin e kuq dhe në setin e xhirimit, gjë që Jacob e përshkroi si një “obsesion të ndërsjellë” gjatë punës në film. /Telegrafi/

Mbrëmja e djeshme në Big Brother VIP Kosova 4 përfundoi me largimin e Kushtrim Kelanit, i cili u eleminua pas një televotimi të ngushtë me Ludo Lee dhe këngëtarin Labinot Rexha.

Pas eliminimit, reperi i njohur Stresi ka zbuluar detaje nga votimi, duke treguar mbështetjen e madhe që ka dhënë për mikun e tij.

Përmes një postimi në Instagram, ai ka publikuar dëshmi të votave, duke treguar se ka dërguar 15 mijë vota për Labinotin.

Stresi/Instagram

Reperi theksoi se e bëri këtë për shoqëri dhe mbështetje ndaj mikut të tij.

“Çfarë janë 15.000 vota për shoqëri? Vaj hallin në finale”, shkroi Stresi në postim.

Kjo nuk është hera e parë që Stresi tregon mbështetjen e tij për Labinot Rexhën këtë sezon të BBVK, por tani e ka bërë edhe me prova konkrete. /Telegrafi/

Gjatë spektaklit të natës së kaluar në Big Brother VIP Kosova, Elijona ka ndarë me publikun historinë e saj të dhimbshme, duke emocionuar banorët dhe shikuesit.

Rrëfimi i saj ishte një nga momentet më prekëse të Prime-it, ku ajo foli hapur për përjetimet personale dhe sfidat e jetës.

Pas rrëfimit, Elijona u surprizua nga babai i saj, duke sjellë një moment shumë emocional mes tyre.

BBVK/Instagram

Takimi mes baba e bijë u shoqërua me lot dhe përqafime, ndërsa Elijona e quajti atë: “babi më i mirë në botë”, duke shprehur mirënjohjen dhe dashurinë e saj të madhe.

Ajo theksoi se e konsideron veten një vajzë të fortë, duke thënë se kjo forcë vjen nga mënyra se si është rritur. “Jam vajzë e fortë, sepse më ka rritur një burrë i fortë”, u shpreh Elijona, duke vlerësuar rolin e babait në jetën e saj.

Edhe babai i saj pati një deklaratë të fortë dhe emocionuese, ku foli për mënyrën se si e sheh Elijonën dhe për reagimet që ka parë jashtë: “Të them të vërtetën, më së shumti që më ka dhembur për Elijonën është që po i thonë ‘viktimë’, sepse unë e njoh Elijonën. Elijona aspak nuk di të viktimizohet. Nuk mundet kjo të jetë asi njeriu të viktimizohet as nga dajët e vet, as nga babai, kështu që ai viktimizimi që është hapur bukur fort, të them me plot sinqeritet nuk është asnjë pikë, nuk ekziston te Elijona. Elijona ka qenë shumë e vogël dhe ka pasur rastin të viktimizohet dhe kurrë nuk është viktimizuar”.

Ky moment u konsiderua një nga më të fuqishmit e mbrëmjes, duke treguar lidhjen e fortë mes Elijonës dhe babait të saj, si dhe duke sjellë një dimension emocional shumë të thellë në spektakël. /Telegrafi/

Vendimi i Albës për t’u mbuluar ka vazhduar të jetë një nga temat më të diskutuara edhe jashtë shtëpisë së Big Brother VIP Kosova 4, duke nxitur reagime të shumta nga figura publike dhe ndjekës të formatit.

Së fundmi, lidhur me këtë çështje ka reaguar edhe Xheneta, e cila ka shprehur hapur qëndrimin e saj kritik ndaj mënyrës se si kjo temë u ekspozua dhe u trajtua publikisht.

Në deklaratën e saj, Xheneta thekson se çështjet që lidhen me fenë dhe besimin janë shumë personale dhe nuk duhet të kthehen në material për debat televiziv apo në mjet për të tërhequr vëmendje.

Xheneta Fetahu/InstaStory

Ajo nënvizon se bindjet shpirtërore nuk janë trend apo temë argëtimi, por pjesë intime e identitetit të një personi, që meriton respekt dhe privatësi.

Sipas saj, ka tema që nuk duhet të përdoren për sensacion, moralizim apo famë, sepse lidhen me ndjenja të thella dhe vendime personale.

Xheneta shprehet se jo çdo debat është i nevojshëm për publikun dhe jo çdo aspekt i jetës private duhet të shndërrohet në spektakël, veçanërisht kur bëhet fjalë për çështje fetare dhe shpirtërore.

Në fund, ajo nuk e fsheh zhgënjimin e saj ndaj Albës, duke thënë se ky veprim ka ndikuar negativisht në perceptimin që kishte për të. /Telegrafi/

Ashtu si çdo edicion i Big Brother VIP Kosova, edhe këtë vit tradita e dasmës brenda shtëpisë do të rikthehet, duke sjellë një nga momentet më të pritura dhe argëtuese të spektaklit.

Për edicionin aktual, çifti i përzgjedhur për këtë ceremoni simbolike do të jenë Elijona dhe Klodi.

Dyshja kanë qenë shpesh në qendër të vëmendjes që nga hyrja e tyre në shtëpi, falë momenteve interesante, bisedave të drejtpërdrejta dhe dinamikave të shumta që kanë krijuar me njëri-tjetrin dhe me banorët e tjerë.

BBVK/Instagram

Marrëdhënia e tyre ka nxitur diskutime të shumta mes publikut, duke i bërë ata një nga dyshet më të komentuara të këtij sezoni.

Dasma brenda shtëpisë konsiderohet si një nga ngjarjet më ikonike të formatit, e cila sjell humor, emocione dhe situata të papritura, por edhe një atmosferë festive mes banorëve.

Përzgjedhja e Elijonës dhe Klodit si çift i ceremonisë ka rritur ndjeshëm kureshtjen e shikuesve, të cilët presin të shohin se si do ta përjetojnë këtë “aventurë martesore” brenda lojës.

Mbetet të shihet se si do të zhvillohet ceremonia, çfarë surprizash do të sjellë produksioni dhe si do të reagojnë banorët e tjerë ndaj këtij momenti tradicional që gjithmonë sjell dinamika të reja brenda shtëpisë së Big Brother. /Telegrafi/

Alba Pollozhani, një nga banoret më të diskutuara të edicionit të katërt të Big Brother VIP Kosova, ka vendosur të largohet nga shtëpia më e famshme në Kosovë.

Lajmi u konfirmua përmes një njoftimi zyrtar të publikuar në faqen e formatit në Facebook, duke surprizuar ndjekësit e spektaklit.

Vendimi i Albës vjen pas një Prime të tensionuar, ku ajo u përfshi në një debat të ashpër me Labinotin.

Gjatë diskutimit, situata eskaloi ndjeshëm, ndërsa Alba shprehu pakënaqësitë e saj ndaj produksionit.

Ajo deklaroi se materialet video ishin montuar në mënyrë që ta paraqisnin në një dritë negative dhe se publikut nuk i ishte treguar e gjithë e vërteta e debatit me Labin.

Ndërsa insistonte në qëndrimin e saj dhe fliste pa ndërprerje, prezantuesja Jonida Vokshi iu drejtua drejtpërdrejt Albës, duke i thënë se nëse mendonte kështu, dera ishte e hapur dhe mund të largohej nga shtëpia.

Në atë moment, Alba u shpreh se dëshironte të largohej, por fillimisht u drejtua drejt dhomës së gjumit, duke lënë të paqartë vendimin e saj final.

Megjithatë, duket se pas disa çastesh reflektimi, Alba ka vendosur përfundimisht ta ndërpresë rrugëtimin e saj në BBVK, duke e lënë shtëpinë dhe duke i dhënë fund eksperiencës së saj në këtë format.

Largimi i saj pritet të sjellë reagime të shumta nga publiku dhe banorët e tjerë, duke qenë se ajo ishte një nga figurat më të zëshme dhe të komentuara të këtij sezoni. /Telegrafi/

Konferenca për shtyp e filmit Loja e Fundit në Prishtinë nuk solli vetëm detaje rreth premierës, por edhe një nga momentet më të forta emocionale të çiftit Luiz Ejlli dhe Kiara Tito.

Për herë të parë, ata folën hapur për sulmet e rënda që kanë përjetuar në rrjetet sociale, duke zbuluar mesazhe shqetësuese që kanë prekur jo vetëm ata, por edhe vajzën e tyre të mitur.

Kiara Tito theksoi se situata ishte bërë aq e lodhshme, saqë as bllokimi i llogarive nuk mjaftonte më.

Foto: Telegrafi

“Kur preket familja dhe vajza jonë, që nuk ka asnjë lidhje me botën e showbiz-it, kjo kalon çdo kufi. Inati dhe xhelozia janë sëmundje të këqija”, u shpreh Kiara, duke shtuar se nëse dikush nuk i pëlqen, zgjedhja më e thjeshtë është t’i injorojë.

Nga ana e tij, Luizi ndau një nga përvojat më të rënda që ka kaluar si prind. Ai rrëfeu se është zgjuar në mëngjes duke marrë mesazhe me foto të montuara të vajzës së tij në arkivol.

“Merre me mend, domethënë të çohesh prej gjumit dhe të shikosh mesazhet që të nisin foto të montuara të vajzët tënde në arkivol dhe mendon çka kam bërë, kam fituar një format, një mision një spektakël dhe ata i nisin këto”, u shpreh Luizi.

Luizi ishte i prerë edhe në një tjetër deklaratë të fortë: “Sado i poshtër të jem unë, sado i urryeshëm të jem, vajza ime nuk ka faj”.

Ai shtoi se, pavarësisht gjithçkaje që lexon dhe sheh, i duhet të dalë para publikut me buzëqeshje, ndërkohë që askush nuk pyet se si ndihet ai në të vërtetë.

Momentet më prekëse erdhën kur Luizi zbuloi se sulmet kishin ndodhur edhe gjatë shtatzënisë së Kiarës. “I shkruanin mesazhe dhe i thonin të vdektë fëmija në bark. E kam gjetur duke qarë”, rrëfeu ai, duke lënë të kuptohet se kjo periudhë ka qenë jashtëzakonisht e vështirë për familjen e tyre. /Telegrafi/

Video: Blendi Aligjiku

Gjatë mbrëmjes që lamë pas, Benita është shfaqur e ashpër dhe e vendosur në raport me Klodin, duke mbajtur një qëndrim të prerë ndaj tij.

Situata mes tyre u tensionua ndjeshëm, kur Benita i drejtoi fjalët e forta: “Largohu, ik”, duke e bërë të qartë se nuk dëshironte ta kishte më afër.

Nga ana tjetër, Klodi i kërkoi Benitës që të mos i drejtohej më fjalë të tilla.

BBVK/Instagram

Ky moment erdhi pas një Prime të mbushur me dinamika dhe debate, ku në qendër të vëmendjes ishin marrëdhëniet mes Elijonës, Benitës dhe Klodit.

Gjatë spektaklit, Benita pranoi se është e vërtetë që i ka thënë Klodit se ka pasur një pëlqim për të, por theksoi se kurrë nuk i është afruar me ndonjë qëllim, për shkak se ai ndodhet në një lidhje jashtë shtëpisë. Ajo shtoi se ka qenë gjithmonë e kujdesshme për të mos kaluar kufijtë.

Ndërkohë, Benita hodhi akuza edhe ndaj Elijonës, duke deklaruar se sipas saj, ajo ka qenë personi që ka tentuar të afrohet me Klodin, pavarësisht faktit që ai është në një lidhje jashtë.

Këto deklarata ndezën edhe më shumë debatin mes banorëve gjatë Prime-it.

Duket se pas përfundimit të spektaklit, Benita e ka përforcuar edhe më shumë qëndrimin e saj, duke treguar qartë se nuk ka ndërmend të tolerojë më situata të paqarta apo afrime që ajo i konsideron të papërshtatshme. /Telegrafi/

Traileri i parë i shumëpritur i filmit The Devil Wears Prada 2 është publikuar dhe sjell një ribashkim të pazakontë mes personazheve të Meryl Streep dhe Anne Hathaway.

Miranda Priestly, kryeredaktorja ikonike e revistës Runway, duket se nuk e njeh aspak ish-asistenten e saj, Andrea “Andy” Sachs.

Në skenën hyrëse, Andy i drejtohet Mirandës me entuziazëm, por kjo e fundit, e ftohtë si gjithmonë, pyet: “Kush është kjo? A e njoh unë?”.

Situata bëhet edhe më ironike kur në zyrë shfaqet Emily Charlton, ish-asistentja tjetër, tashmë një ekzekutive rivale në industrinë e modës.

Traileri ka ngjallur reagime të shumta nga fansat e filmit origjinal të vitit 2006, të cilët e kanë cilësuar harresën e Mirandës si një detaj brilant dhe tipik për karakterin e saj.

Komentet në rrjete sociale e quajnë ribashkimin “komedi të pastër” dhe një rikthim të denjë pas 20 vitesh. /Telegrafi/

- YouTube www.youtube.com

Kurioziteti i publikut rreth dasmës së paralajmëruar në Big Brother VIP Kosova më në fund është sqaruar.

Moderatori i spektaklit, Alaudin Hamiti, ka ndarë një lajm të rëndësishëm përmes rrjeteve sociale, duke konfirmuar se eventi i shumëpritur është shumë pranë.

Në një postim të publikuar gjatë natës në InstaStory, Alaudini ka bërë të ditur se ceremonia festive brenda shtëpisë do të zhvillohet gjatë kësaj jave, pa dhënë më shumë hollësi.

Alaudin/InstaStory

Njoftimi i tij ka mjaftuar për të ndezur menjëherë reagime dhe komente të shumta nga ndjekësit e formatit, të cilët prej javësh kanë spekuluar për realizimin e kësaj dasme.

Megjithatë, moderatori ka zgjedhur të mos zbulojë asnjë detaj shtesë, duke lënë të hapur misterin rreth çiftit dhe mënyrës se si do të organizohet ceremonia, duke e ruajtur surprizën për episodet në vazhdim. /Telegrafi/

BBVK/Instagram

I eliminuari nga Big Brother VIP Kosova, Labinot Haxhiu, ka vendosur të reagojë publikisht pas largimit nga shtëpia, duke zgjedhur platformën TikTok për të shprehur mendimet e tij.

Në paraqitjen e tij, ai nuk i kurseu thumbat dhe ironitë ndaj disa prej banorëve që vazhdojnë lojën.

Ndërsa shihej duke gatuar, Labi bëri një koment ironik lidhur me pastërtinë në shtëpinë e Big Brother-it, duke e shoqëruar me një krahasim provokues.

Labinot/TikTok

“Që 8 javë sa isha brenda, frigoriferit tim këtu në shtëpi tani po i vjen era”, u shpreh ai, për të vazhduar menjëherë me deklaratën: “Erë si banorët aty brenda që nuk laheshin nga pesë ditë”.

Momenti më i komentuar i videos ishte mesazhi i drejtpërdrejtë për kundërshtarin e tij në lojë, Labinot Rexhën, me të cilin pati përplasje të forta gjatë qëndrimit në shtëpi.

Duke përdorur ironi, ai deklaroi: “Bleva diçka që i mungon Labinot Rexhës, i dhe i fërgova sy”, një frazë që sipas tij nënkupton mungesë guximi apo force karakteri.

Nga kjo dalje publike, vihet re se ish-banorit ende i kanë mbetur shumë për të thënë lidhur me përvojën e tij në shtëpinë më të famshme në Kosovë.

Në përmbyllje të videos, Labi njoftoi ndjekësit se së shpejti do të realizojë një sesion pyetje-përgjigje (Q&A), ku do të flasë hapur për gjithçka që ka përjetuar gjatë aventurës së tij në Big Brother VIP Kosova. /Telegrafi/

Banorja e njohur e shtëpisë së Big Brother VIP Kosova, Alba, ka nisur ditën me humor të mirë dhe energji pozitive.

Ajo u shfaq duke kërcyer në oborrin e shtëpisë, duke performuar një kërcim mjaft sensual nën tingujt e muzikës.

Megjithatë, reagimet e shikuesve të programit nuk kanë qenë të të gjitha pozitive.

BBVK/FaceBook

Kohët e fundit, Alba ka treguar sjellje të ndryshme edhe me banorët e tjerë, të cilët nuk kanë ngurruar ta kritikojnë.

Ajo shpesh i injoronte dhe nuk dëshironte të komunikonte me ta.

Një tjetër detaj që ka tërhequr vëmendjen është fotografia e Limit që Alba mbante me vete gjatë gjithë kohës, duke shtuar diskutimet mes publikut. /Telegrafi/

Chappell Roan tërhoqi vëmendje në tapetin e kuq të Grammy Awards 2026 në Los Angeles me një fustan të tejdukshëm.

Artistja, e nominuar për Albumin e Vitit dhe Performancën më të Mirë Solo Pop, zgjodhi një veshje të guximshme që ekspozonte gjoksin dhe mbulonte pjesën tjetër të trupit me shifon, ndërsa trupin e saj e zbukuroi me tatuazhe të përkohshme në ton me fustanin, shkruan BBC.

Screenshot/BBC

Fustani i personalizuar nga Mugler, stiluar nga Genesis Webb, u kombinua me një pelerinë të përshtatshme dhe një aksesor të artë të thurur me gurë të çmuar rozë, duke shtuar një prekje romantike dhe gotike.

Screenshot/BBC

Flokët e saj të kuq ishin stiluar me balluke kaçurrela dhe gërsheta sirene, ndërsa grimi smokey eye i dha dramacitet pamjes.

Roan gjithmonë e bën një deklaratë në tapetin e kuq, por këtë vit zgjedhja e saj e thjeshtë dhe provokuese arriti të jetë po aq mbresëlënëse, duke i dhënë një shfaqjeje të paharrueshme ceremonisë. /Telegrafi/

- YouTube www.youtube.com

Këngëtarja e njohur, Fjolla Morina, ka tërhequr sërish vëmendjen e ndjekësve të saj në Instagram, përmes një video të publikuar në Instastory.

Në klip, Fjolla shihet brenda makinës duke kërcyer dhe shijuar muzikën, por një detaj ka rënë menjëherë në sy të fansave.

Ndërsa në sfond dëgjohej hiti ndërkombëtar “One Kiss”, i interpretuar nga ylli kosovar me famë botërore, Dua Lipa, Fjolla ka etiketuar në video artisten tjetër shqiptare me famë ndërkombëtare, Rita Ora.

Fjolla Morina/InstaStory

Gafa nuk ka qëndruar vetëm tek etiketimi. Gjatë videos, ndërsa kënga e Dua Lipës vazhdonte të luante, Fjolla dëgjohej të përsëriste: “Rita Ora.. loçka”, duke sugjeruar se ajo e konsideronte këngën si të Ritës.

Ky moment ka shkaktuar reagime të shumta në rrjet, duke qenë se bëhet fjalë për dy nga artistet më të njohura shqiptare në skenën ndërkombëtare, të cilat kanë zëra mjaft të dallueshëm.

Nuk është e qartë nëse ishte një lapsus i momentit apo një konfuzion i vërtetë nga ana e Fjollës mes dy yjeve të pop-it. /Telegrafi/

Alba ka ndezur debat në shtëpi pasi hante ushqim me një shkop në dorë, të lidhur me një shirit të kaltër, duke mbajtur me vete Stitch-in dhe një fotografi të Limit, të cilën ajo e mori edhe pse nuk ishte e saj.

Labi thotë se fotografinë Limi ia kishte dhënë Labit, jo Albës.

Ajo u përplas edhe me Klodin dhe me të tjerët. Hygerta i thoshte se nuk ishte mirë dhe dukej si film horror, pasi Alba kishte stiluar flokët me dy bishta dhe grimin e kishte të çuditshëm.

BBVK/Instagram

Klodi shtoi më tej: “Të ishte e mbarë, ti respekton veten”.

Alba u shpreh: “S’e keni parë akoma horrorin. Do ta shihni të martën”.

Labi më tej ankohet duke thënë se e ka respektuar Albën dhe se sjellja e saj nuk është në rregull.

Alba i thotë: “Natën e mirë dhe mos më shqetëso duke ngrënë, o viktima e vogël skematike”. /Telegrafi/

- YouTube www.youtube.com

Ceremonia e 68-të e ndarjes së çmimeve Grammy u mbajt në Los Angeles, ku Kendrick Lamar doli fituesi më i madh për të dytin vit radhazi, duke marrë pesë çmime, përfshirë ato për albumin më të mirë rep dhe duetet e tij me SZA.

Megjithatë, çmimi më i madh i natës, Albumi i Vitit, shkoi tek ylli portorikan Bad Bunny për albumin e tij Debí Tirar Más Fotos, duke bërë histori si i pari artist me album të plotë në spanjisht që fiton këtë çmim.

Lista e fituesve dhe nominimeve në kategoritë kryesore:

Katër të mëdhenjtë
Kënga e vitit

• Fituesja: Billie Eilish – Wildflower
• Nominime: Lady Gaga – Abracadabra; Doechii – Ankth; Rosé & Bruno Mars – APT; Bad Bunny – DtMF; Gjuetar/x – Artë; Kendrick Lamar feat SZA – Luther; Sabrina Carpenter – Manchild

Regjistrimi i vitit

• Fituesi: Kendrick Lamar feat SZA – Luther
• Nominime: Bad Bunny – DtMF; Sabrina Carpenter – Manchild; Doechii – Ankth; Billie Eilish – Lule të egra; Lady Gaga – Abracadabra; Chappell Roan – Metroja; Rosé & Bruno Mars – APT

Albumi i vitit

• Fituesi: Bad Bunny – Debí Tirar Más Fotos
• Nominime: Justin Bieber – Swag; Sabrina Carpenter – Shoqja më e Mirë e Njeriut; Clipse – Le të i zgjidhë Zoti; Lady Gaga – Mayhem; Kendrick Lamar – GNX; Leon Thomas – Mutt; Tyler, The Creator – Chromakopia

Artisti më i mirë i ri

• Fituesja: Olivia Dean
• Nominime: Katseye; Mariat; Addison Rae; I zymtë; Leon Thomas; Alex Warren; Lola Young

Pop dhe Dance
Albumi më i mirë vokal pop

• Fituesja: Lady Gaga – Mayhem
• Nominime: Justin Bieber – Swag; Sabrina Carpenter – Shoqja më e Mirë e Njeriut; Miley Cyrus – Diçka e Bukur; Teddy Noton – Kam Provuar Gjithçka Përveç Terapisë Pjesa 2

Performanca më e mirë solo pop

• Fituesja: Lola Young – Messy
• Nominime: Justin Bieber – Daisies; Sabrina Carpenter – Manchild; Lady Gaga – Sëmundje; Chappell Roan – Metroja

Performanca më e mirë dysh/Grup pop

• Fituesi: Cynthia Erivo & Ariana Grande – Defying Gravity
• Nominime: Huntr/x – Artë; Katseye – Gabriela; Rosé & Bruno Mars – APT; SZA & Kendrick Lamar – 30 Për 30

Regjistrimi më i mirë dance/elektronik

• Fituesi: Tame Impala – End Of Summer
• Nominime: Zbulimi & Anderson .Paak – Pa Kufizim; Fred përsëri.., Skepta, PlaqueBoyMax – Xhiro e Fitores; Kaytranada – Pushtuesi i Hapësirës; Skrillex – Voltazhi

Albumi më i mirë dance/elektronik

• Fituesi: FKA Twigs – Eusexua
• Nominime: Fred përsëri.. – Dhjetë Ditë; PinkPantheress – Fancy That; Rüfüs Du Sol – Thith / Nxirr frymën; Skrillex – Qofsh i mallkuar Skrillex

Regjistrimi më i mirë dance/pop

• Fitues: Lady Gaga – Abracadabra
• Nominime: Selena Gomez & Benny Blanco – Bluest Flame; Zara Larsson – Dielli i Mesnatës; Tate McRae – Vazhdo të shikosh; PinkPantheress – Ilegale

Albumi më i mirë tradicional me vokal pop

• Fituesi: Laufey – Një çështje kohe
• Nominime: Laila Biali – Këngët e Dimrit; Jennifer Hudson – Dhurata e Dashurisë; Elton John & Brandi Carlile – Kush beson në engjëj?; Lady Gaga – Harlequin; Barbra Streisand – Sekreti i Jetës: Partnerët, Vëllimi 2

Latinisht
Albumi më i mirë pop latin

• Fitues: Natalia Lafourcade – Cancionera
• Nominime: Rauw Alejandro – Cosa Nuestra; Andrés Cepeda – Bogotá (Deluxe); Karol G – Tropicoqueta; Alejandro Sanz – ¿Y ahora qué?

Albumi më i mirë i muzikës urbane

• Fitues: Bad Bunny – Debí Tirar Más Fotos
• Nominime: J Balvin – Mixteip; Feid – Ferxxo Vol X: Sagrado; Nicki Nicole – Naiki; Trueno – Eub Deluxe; Yandel – Sinfónico (En Vivo)

Rock dhe Metal
Performanca më e mirë rock

• Fitues: Yungblud ft Nuno Bettencourt, Frank Bello, Adam Wakeman II – Changes (Live From Villa Park) Back To The Beginning
• Nominime: Amyl & The Sniffers – Nuk duhet ta bësh këtë; Linkin Park – Makina e Zbraztësisë; Turnstile – Kurrë Mjaft; Hayley Williams – Mirtazapine

Kënga më e mirë rock

• Fitues: Nine Inch Nails – As Alive As You Need Me To Be
• Nominime: Sleep Token – Karamel; Hayley Williams – Glum; Turnstile – Kurrë Mjaft; Yungblud – Zombi

Albumi më i mirë rock

• Fitues: Turnstile – Kurrë Mjaft
• Nominime: Deftones – Muzikë Private; Haim – Unë Dorëzohem; Linkin Park – Nga Zero; Yungblud – Idhu /Telegrafi/

- YouTube www.youtube.com

Bad Bunny, muzikanti portorikan që vazhdon të sfidojë normat, ka shkruar histori në 68-vjetorin e Çmimeve Grammy duke u bërë artisti i parë që fiton çmimin për Albumin e Vitit me një album të kënduar tërësisht në spanjisht, raporton BBC.

Ai u shpërblye për albumin e tij të gjashtë, Debí Tirar Mas Fotos, një eksplorim personal dhe i fuqishëm i historisë së muzikës latine, duke mposhtur artistë si Lady Gaga, Kendrick Lamar dhe Sabrina Carpenter për çmimin kryesor të ceremonisë.

31-vjeçari, i cili do të jetë kryesuesi i shfaqjes së javës së ardhshme pas pushimit të Super Bowl, i dedikoi çmimin emigrantëve, në kulmin e një ceremonie ku shumë artistë përdorën platformën e tyre për të protestuar kundër politikave aktuale të administratës amerikane ndaj imigracionit.

Bad Bunny/Grammys

Midis tyre ishte edhe ylli britanik Olivia Dean, e cila u shpall Artistja më e mirë e Re. “Jam këtu lart si mbesa e një emigranti,” tha ajo, duke kujtuar gjyshen e saj, Carmen, pjesë e brezit Windrush.

“Unë jam një produkt i trimërisë dhe mendoj se këta njerëz meritojnë të festohen. Ne nuk jemi asgjë pa njëri-tjetrin”.

Yje të tjerë, përfshirë Kehlani, Gloria Estefan dhe Billie Eilish, folën gjithashtu në mbështetje të emigrantëve, ndërsa disa të pranishëm mbanin distinktiva me mbishkrimin “ICE jashtë” në tapetin e kuq. /Telegrafi/

- YouTube www.youtube.com