Mbrëmjen e djeshme, Vëllai i Madh mori një vendim të fortë ndaj banorëve të “Big Brother VIP 5”, pas shkeljeve të vazhdueshme të rregullores.

Fillimisht, Kristi, Flori dhe Brikena u ndëshkuan duke u vendosur në një “burg” të improvizuar brenda shtëpisë, si pasojë e thyerjes së rregullave. Ndërkohë, pjesa tjetër e banorëve u caktuan në rolin e “gardianëve”, të cilët do të kujdeseshin për zbatimin e rregullores dhe kishin detyra të përcaktuara qartë.

Megjithatë, gjatë orëve në vijim, as të “burgosurit” dhe as “gardianët” nuk i respektuan rregullat e vendosura nga produksioni. Sjelljet jashtë kornizës së lejuar dhe moszbatimi i detyrave bënë që Vëllai i Madh të ndërhynte sërish me një vendim të ri.

Pas vëzhgimit të situatës, u bë e ditur se vetëm Brikena kishte treguar korrektësi dhe kishte respektuar plotësisht rregulloren. Për këtë arsye, ajo u shpall lidere e javës dhe fitoi edhe një avantazh në lojë, ndërsa të gjithë banorët e tjerë do të përballen me penalizime.

Vendimi u komunikua përmes zarfit të bardhë, ku thuhej se “burgu” nuk do të ishte më funksional, pasi rregullat ishin shkelur nga pothuajse të gjithë, me përjashtim të Brikenës. Ky zhvillim pritet të ndikojë ndjeshëm në dinamikat e lojës dhe në raportet mes banorëve në ditët në vijim.

The post Shkelje rregullash në BBV5, jepet avantazh për Brikenën, penalizim për të tjerët appeared first on Albeu.com.

Sipas burimeve të “Kryefjalës”, moderatores Arbana Osmani i është besuar prezantimi i sezonit të tretë të reality-show-t “Ferma VIP”, një nga formatet më të ndjekura të viteve të fundit.

Pas suksesit të dy edicioneve të para, të cilat u karakterizuan nga sfida të forta, dinamika të papritura, debate, aleanca dhe histori personale që mbajtën publikun të mbërthyer para ekranit, duket se produksioni synon të rikthejë formatin me një emër të njohur dhe të dashur për audiencën.

Arbana Osmani, e cila ka një eksperiencë të gjatë në moderimin e formateve të mëdha televizive dhe konsiderohet si një nga figurat më të konsoliduara të ekranit shqiptar, pritet t’i japë sezonit të ri një tjetër dimension profesional dhe emocional.

Megjithatë, deri në këtë moment, ky informacion mbetet ende në kuadër të zërave, pasi nga ana e produksionit të “Ferma VIP” nuk ka pasur ende një konfirmim zyrtar.

Ndërkohë, interesi i publikut është rritur ndjeshëm dhe vëmendja tashmë është përqendruar jo vetëm te moderatorja, por edhe te lista e konkurrentëve që pritet të bëhen pjesë e kastit të ri. Emra nga bota e showbiz-it, rrjetet sociale dhe sporti janë përfolur, por gjithçka mbetet për t’u zbuluar në ditët në vijim.

Sezoni i tretë i “Ferma VIP” pritet të vijë me risi, sfida më të forta dhe histori edhe më të forta njerëzore.

The post Kjo moderatore do prezantojë “Ferma VIP 3”? appeared first on Albeu.com.

Pas eliminimit të Edit nga shtëpia e “Big Brother VIP Kosova”, dinamika mes banorëve ka marrë një tjetër kthesë. Zhvillimet e fundit kanë tërhequr vëmendjen e publikut, sidomos pas rikthimit të Limit në shtëpinë më të famshme në vend.

Me hyrjen e Limit, Dolce ka ndryshuar dukshëm sjelljen e saj, duke iu afruar menjëherë dhe duke shfaqur veprime të hapura afrimiteti. Këto gjeste “dashurie” nuk kanë kaluar pa pasoja, pasi kanë lënduar Albën, e cila më herët kishte qenë në një lidhje me Limin.

Ndërkohë, nga jashtë shtëpisë, Edi duket se nuk ka qëndruar indiferent ndaj këtyre zhvillimeve. Ai ka thumbuar Dolcen përmes një reagimi, duke e quajtur atë “mendjelehtë”. Po ashtu, Edi ka zgjedhur të shprehë hapur mbështetjen e tij për Albën, duke publikuar një postim në rrjetet sociale me mbishkrimin: “Go Alba”.

Një tjetër detaj interesant që ka nxitur aludime mes ndjekësve është veprimi i fundit në Instagram. Pas një vëzhgimi të profileve të tyre, vihet re se Edi dhe Alba ndjekin njëri-tjetrin në këtë rrjet social, çka ka hapur diskutime të shumta në publik.

Ende mbetet e paqartë nëse mes Edit dhe Albës do të lindë një miqësi e thjeshtë apo diçka më shumë, ndoshta edhe si një formë “hakmarrjeje”.

The post Pas “tradhtisë” së Dolces me Limin, Edi mbështet publikisht Albën në BBVK: Përpara Alba appeared first on Albeu.com.

Ambasada e Shteteve të Bashkuara të Amerikës në Prishtinë ka shpërndarë një njoftim të Departamentit amerikan të Shtetit lidhur me pezullimin e lëshimit të të gjitha vizave imigruese të programit të Diversitetit (DV).

Sipas njoftimit, Departamenti i Shtetit ka ndërmarrë këtë vendim për të marrë kohën dhe masat e nevojshme me qëllim mbrojtjen e sigurisë kombëtare dhe sigurisë publike të Shteteve të Bashkuara.

Po ashtu, në njoftim theksohet se aktualisht nuk ka asnjë informacion të ri lidhur me lotarinë e vizave për vitin 2027.

“Në rast se e keni humbur: Departamenti i Shtetit ka pezulluar lëshimin e të gjitha vizave imigruese të diversitetit. Do të marrim kohën dhe masat e nevojshme për të mbrojtur sigurinë kombëtare dhe sigurinë publike të SHBA-së. Aktualisht nuk ka njoftime të reja lidhur me DV-2027”, thuhet në njoftimin e shpërndarë nga Ambasada amerikane në Prishtinë.

Autoritetet amerikane nuk kanë dhënë afate se kur mund të rishqyrtohet ky vendim.

The post Ambasada në Prishtinë: DASH pezullon lëshimin e të gjitha vizave të Lotarisë Amerikane appeared first on Albeu.com.

Banorja e Big Brother VIP Kosova 4, Alba Pollozhani, është parë në gjendje shumë të rënduar emocionale.

Ajo duke folur me veten, ka pyetur se “çfarë do të bëjë kur të dalë jashtë nga BBVK”.

Situata e saj është rënduar pas futjes së Limit në shtëpinë më të madhe në vend.

Kjo pasi ai menjëherë shfaqi afrimitet me Dolcen me të cilën edhe po krijon një histori dashurie.

Dyshja janë parë vazhdimisht bashkë e në skena mjaft të afërta me njëri-tjetrin.

I njëjti ia bëri me dije Albës se nuk ka hyrë për të dhe se historia mes tyre është mbyllur.

Banorja duket se nuk e ka kuptuar akoma këtë dhe po vazhdon ‘luftën’ për të.

The post Alba Pollozhani në gjendje të rënduar emocionale: Çfarë do bëj kur të dal nga këtu appeared first on Albeu.com.

Një gjykatë italiane ka rrëzuar akuzat për mashtrim ndaj Chiara Ferragni-t, duke i dhënë fund një çështjeje shumë të komentuar që lidhej me praktikat e marketingut nga influencerët dhe promovimin e produkteve me qëllime bamirësie. Rasti kishte në qendër pretendimet se konsumatorët ishin keqinformuar për natyrën bamirëse të shitjeve të lidhura me një pandoro për Krishtlindje dhe vezë Pashke të promovuara nga Ferragni.

Vendimi mbyll një kapitull të ashtuquajtur nga mediat italiane “Pandoro Gate”, një çështje që tregoi se si marketingu me influencerë, pretendimet për bamirësi dhe ligji për mbrojtjen e konsumatorit mund të përplasen kur tregimet promocionale tejkalojnë detyrimet ligjore për transparencë. Në thelb, prokuroria pretendonte se Ferragni dhe partnerët e saj tregtarë i kishin çuar konsumatorët të besonin se blerja e një pandoroje me edicion të limituar dhe e vezëve të markuara të Pashkëve do të mbështeste drejtpërdrejt trajtime mjekësore për fëmijë, ndërkohë që në realitet ishte bërë vetëm një donacion i fiksuar, ndërsa kompanitë e lidhura me influenceren kishin përfituar ndjeshëm financiarisht.

Çështja lidhet me një bashkëpunim të vitit 2022 mes Ferragni-t dhe kompanisë italiane të ëmbëlsirave Balocco, e cila prodhoi një pandoro rozë me çmim rreth 9 euro, afërsisht trefishi i çmimit të një versioni standard. Materialet e marketingut sugjeronin se të ardhurat do të ndihmonin fëmijët që trajtoheshin në një spital në Torino. Në realitet, sipas prokurorisë, spitali kishte marrë vetëm një donacion të vetëm prej 50 mijë eurosh nga Balocco, ndërsa kompanitë e lidhura me Ferragni-n kishin gjeneruar rreth 1 milion euro nga fushata promocionale.

Një skemë e ngjashme, sipas prokurorisë, u shfaq edhe në lidhje me shitjen e vezëve të markuara të Pashkëve në vitet 2021 dhe 2022, të cilat gjithashtu përfshinin kauza bamirësie në komunikimin e tyre. Prokurorët argumentuan se struktura dhe mënyra e promovimit krijuan përshtypjen e rreme se blerjet e konsumatorëve po financonin drejtpërdrejt përfitues bamirës, dhe jo një marrëveshje të zakonshme tregtare licencimi dhe promovimi.

Ferragni mohoi çdo shkelje, duke deklaruar se kishte vepruar në mirëbesim dhe ishte mbështetur në marrëveshjet kontraktuale me partnerët e saj. Megjithatë, prokurorët e Milanos vijuan me akuzat për mashtrim të rënduar, duke kërkuar një dënim me burg prej një viti e tetë muajsh për Ferragni-n dhe bashkëpunëtorin e saj Fabio Damato. Sipas ligjit italian, mashtrimi i rënduar parashikon dënime nga një deri në pesë vjet burg, megjithëse Ferragni zgjodhi procedurën e gjykimit të përshpejtuar, e cila zakonisht ul dënimin në këmbim të një procesi të shkurtuar.

Edhe përpara se çështja penale të merrte një vendim, autoritetet rregullatore kishin reaguar. Në dhjetor 2023, Autoriteti Italian i Konkurrencës dhe Mbrojtjes së Konsumatorit (AGCM) vendosi gjoba administrative që në total arrinin rreth 1 milion euro ndaj dy kompanive të kontrolluara nga Ferragni, për praktika të padrejta tregtare të lidhura me “Pandoro Gate”.

The post Çështja “Pandoro Gate” mbyllet, Chiara Ferragni shpallet e pafajshme nga drejtësia appeared first on Albeu.com.

Pasi la garën në “Big Brother VIP Albania 5”, Ilir Vrenozi ka dhënë një intervistë për emisionin “Shqipëria Live”, ku ka folur hapur për arsyet që e çuan drejt vendimit për t’u larguar nga shtëpia më e famshme në Shqipëri.

Ish-konkurrenti tregoi se për të, qëndrimi brenda ishte emocionalisht i vështirë dhe se pavarësisht se kishte hyrë i përgatitur, situatat e përjetuara e bënë të reflektonte për vazhdimin e rrugëtimit në lojë.

“Një muaj aty m’u duk shumë. E ndava mendjen kur u futa brenda, të mos mendoja për familjen. Ajo është eksperienca më e mirë, e përjetova. Më vjen keq që përfundoi kështu”, u shpreh ai.

Më tej, Iliri foli edhe për momentet më të ndjeshme që ka kaluar gjatë qëndrimit në shtëpi, duke theksuar se pas dy javësh, ngarkesa emocionale dhe shqetësimet për shëndetin filluan të rëndoheshin.

Tutje tha: “Pas dy javësh, vajtja tek zhavorri… Kisha hallin e shëndetit. Stenaldo është njeriu më i mirë që kam njohur. Ai qau më shumë se për nënën dje, më tha nuk kam me kë të qaj tani. Aty bëhesh si i familjes”.

Iliri theksoi gjithashtu se natyra e tij nuk i lejonte të hynte në konflikte të kota apo debate të sforcuara vetëm për lojë.

“Nuk dal dot nga vetja. Nuk bëj dot që të kapem kot, disa persona e bëjnë aty. Mua më kanë dashur aty”.

Nga ana tjetër, ai ishte pjesë e një televotimi, i cili me shumë gjasë tashmë do të anulohet për shkak të largimit të tij nga gara. Ndërkohë, në spektaklin e së martës, nga shtëpia e “Big Brother VIP Albania 5” u largua edhe këngëtarja Lore, duke e bërë këtë javë një nga më të ngarkuarat me emocione dhe zhvillime për publikun dhe banorët.

The post La garën në mes, Ilir Vrenozi flet për herë të parë appeared first on Albeu.com.

Thashethemet për një shtatzëni të mundshme të moderatores Argjira Spanca kanë pushtuar rrjetin gjatë orëve të fundit, duke përfshirë edhe emrin e partnerit të saj, balerinit Graciano Tagani. Mediat rozë dhe ndjekësit kanë aluduar se çifti është në pritje të fëmijës së tyre të parë, duke e kthyer këtë temë në një nga më të komentuarat.

Për të sqaruar situatën dhe për t’i dhënë fund zërave, Argjira ka reaguar drejtpërdrejt përmes një Instastory. Ajo i është përgjigjur një pyetjeje të ndjekësve me një deklaratë të qartë dhe të prerë:

“Dua të sqaroj njëherë e mirë disa lajme që po qarkullojnë: nuk jam shtatzënë.”

Megjithatë, moderatorja nuk e ka mohuar dëshirën e saj dhe të Gracianos për t’u bërë prindër. Në reagimin e saj, ajo ka theksuar se krijimi i një familjeje është një dëshirë e kahershme, por ka kërkuar mirëkuptim dhe respekt për privatësinë e këtij kapitulli të jetës.

“Ka gjëra në jetë që nuk i kemi ne në dorë,” është shprehur ajo, duke lënë të kuptohet se gjithçka do të vijë në kohën e duhur.

Në fund, Argjira ka falënderuar publikun për interesimin dhe dashurinë, duke siguruar se kur të vijë momenti i shumëpritur, ajo dhe Graciano do të jenë vetë ata që do ta ndajnë lajmin e bukur me ndjekësit e tyre.

The post Zërat se është në pritje të ëmbël, Argjira vendos pikat mbi “i” appeared first on Albeu.com.

Në shtëpinë e Big Brother VIP Kosova 4, një bisedë e drejtpërdrejtë mes Labinot Rexhës dhe Limit ka tërhequr vëmendje, pasi u prek tema e hyrjes së tij në BBVK dhe njohja me Bia Khalifën.

Gjatë diskutimit, Labinoti e pyeti Limin për rrethanat e këtij takimi, ndërsa banori vendosi të rrëfejë publikisht një histori nga e kaluara, duke insistuar se nuk po bën “lojë” me askënd. “Çdo gjë është real, s’kam kohë me bë lojë me askënd. A di si e kam njohur Bian, ishim te puna, dhe ishim me shokë, dhe pimë u bëmë tap. Ka 4 e 5 vjet. Dhe ikën krejt në shpia”, u shpreh ai.

Më tej, Limi tregoi se pas largimit nga puna, rruga e tij kishte marrë një kthesë të papritur. “Dhe u nisa për te shpia, por u ndala në strip klub. Edhe hy në Instagram, t’u pa këtu shoh Bia Khalifa që më ka bërë follow. Kur shoh direkt po më shkruan. Dhe erdhi në klub, dhe vazhdova party”.

Në këtë moment, në bisedë ndërhyri edhe Benita, e cila e komentoi situatën me një vërejtje të prerë: “Mos e ngatërroni të dashur, me një natë. S’është i dashur kur je një natë”.

Ndërkohë, sipas asaj që u la të kuptohet në shtëpi, Limi tani po e orienton vëmendjen drejt një tjetër banoreje, Dolces, duke lënë pas diskutimin për Bian.

The post Limi rrëfen si e njohu Bia Khalifën në BBVK 4: U ndala në strip klub dhe… appeared first on Albeu.com.

Lore ishte banorja e radhës që u eliminua nga shtëpia e Big Brother VIP.

Pas daljes, ajo dha një intervistë për emisionin “Shqipëria Live”, ku foli për raportet me banorët e tjerë dhe për ndjesitë që përjetoi gjatë qëndrimit të saj në shtëpi, edhe pse rrugëtimi i saj zgjati më pak se një muaj.

Gjatë bisedës, Lore u ndal edhe te marrëdhënia e shumëpërfolur mes Mirit dhe Selit, duke shprehur dyshime për sinqeritetin e saj. Sipas saj, raporti i tyre është më shumë i bazuar në interes sesa në ndjenja, pasi nuk sheh emocione të vërteta nga asnjëra palë.

Lore: Unë jam e qetë në përditshmëri, shpërthimet i kam të brendshme dhe në letër. Këtë vit ka një luftë polesh. Miri ka krijuar në pol, dhe Stine kishte krijuar, të tjerët janë në zonën gri. Unë mendoj që isha te zona gri, që s’kanë dashur të krijojnë aleanca. Kam dashur të kisha korsinë time, duke u miqësuar dhe armiqësuar me të gjithë.
Cili mendon se është banori më fake?

Lore: Banori më ‘fake’ aty brenda mendoj se është Ina.

Pse doje të rrije me Mirin?

Lore: Unë s’kaloja as 30 min orë të ditës me Mirin. Ne jemi kolegë, kemi pasur koncerte, punojmë në të njëjtën studio. Jemi vetëm kolegë, për të mos thënë që s’kam miqësi. Qëndrimi me Selin nuk mendoj se më penalizoi. Selin ishte një mikeshë shumë e mirë aty brenda.

Kuptove ndonjë ndjesi të varetë mes Selin dhe Mirit?

Lore: S’pashë asnjëherë ndjejë mes tyre, por marrëdhënie të pastër interesi. Atyre iu dha një sfidë, dhe as vetë nuk e dinin forcën e sfidës që ndërmorën. Ku i panë efektin, nuk u larguan.

Banorët më të fortë në shtëpi për mendimin tim janë Selin, Kristi dhe Miri. Janë ndër të paktët që po luajnë.

The post Lore pas eliminimit: Miri dhe Selin janë marrëdhënie interesi appeared first on Albeu.com.

Ilir Vrenozi ka vendosur të largohet nga gara e Big Brother VIP Albania 5, duke ndërprerë rrugëtimin e tij në shtëpinë më të ndjekur në vend, për shkak të gjendjes shëndetësore.

Sipas asaj që u pa brenda shtëpisë, banori e mori vendimin pas një momenti emocional, ku shprehu hapur se nuk po e përballon dot situatën dhe se nuk ndihet mirë. “Nuk e përballoj dot jam i sëmurë”, i tha ai Stenaldos, teksa të dy shpërthyen në lot gjatë përshëndetjes.

Largimi i tij u përcoll me ndjeshmëri edhe nga banorët e tjerë, ndërsa skena e lamtumirës me Stenaldon u komentua gjerësisht në rrjet, pasi tregoi një anë më njerëzore dhe të brishtë të dinamikave brenda shtëpisë. Për shumë ndjekës, vendimi i Ilirit u pa si një zgjedhje e vështirë, por e kuptueshme, kur shëndeti vihet i pari.

Ndërkohë, pas largimit nga shtëpia, mediat raportojnë se Ilir Vrenozi ka folur edhe publikisht për arsyet e vendimit të tij, duke theksuar se e kishte të vështirë ta vazhdonte këtë eksperiencë në këto kushte.

Me këtë largim, gara në BBVA 5 vijon me banorët e mbetur, ndërsa dinamika pritet të ndryshojë pas daljes së Ilirit, i cili ishte bërë pjesë aktive e momenteve të shtëpisë.

The post Ilir Vrenozi lë Big Brother VIP Albania 5: Nuk e përballoj dot, jam i sëmurë appeared first on Albeu.com.

Moderatorja shumë e dashur për publikun shqiptar, Argjira Spanca, dhe balerini Graciano Tagani do të bëhen prindër për herë të parë. Burime të Ilirianews.al konfirmojnë se moderatorja është në pritje të ëmbël, një lajm që ka gëzuar jo vetëm familjarët, por edhe fansat e çiftit.

Argjira dhe Graciano janë prej rreth pesë vitesh një nga çiftet më të komentuar në mediat rozë shqiptare, që nga momenti kur bënë publike lidhjen e tyre të dashurisë. Shtatzënia e tyre nuk duket se ka ardhur si surprizë e plotë, pasi në disa intervista dhe dalje publike, të dy janë shprehur se po mendonin për zgjerimin e familjes.

“Jam në një fazë që thjesht e kam lënë në dorë të Zotit. Mendoj realisht që kur të vijë, do vijë,” ka deklaruar së fundmi Argjira, duke treguar qetësi dhe optimizëm për kapitullin e ri në jetën e tyre.

Çifti ka ruajtur gjithmonë një ekuilibër mes jetës private dhe asaj publike, duke ndarë me ndjekësit vetëm pjesë të momenteve të veçanta. Lajmi për shtatzëninë e Argjira Spancës pritet të tërheqë shumë vëmendje dhe të gëzojë fansat e tyre, të cilët prej kohësh i ndjekin me interes çdo hap të çiftit.

Ky do të jetë një nga momentet më të rëndësishme të jetës së tyre dhe nis një kapitull të ri për Argjira Spancën dhe Graciano Taganin, ndërsa përgatiten të mirëpresin fëmijën e tyre të parë.

The post Argjira Spanca dhe Graciano Tagani do të bëhen prindër për herë të parë appeared first on Albeu.com.

Dolce dhe Lim Hoti kanë nisur ditën e sotme (e mërkurë) në shtëpinë e famshme me puthje e ledhatime.

Dyshja, të cilët duket se po krijojnë një histori dashurie brenda, janë parë në oborr duke kërcyer e në skena intime.

E gjithë kjo ka ndodhur përpara Alba Pollozhanit, e cila në anën tjetër po vuan për banorin.

Ajo shihej duke bërë ushtrime shumë pak larg tyre, derisa këta nuk ndalnin puthjet.

Limi shihet se ka fokus te Dolce dhe se nuk ka hyrë për Albën, siç ka menduar konkurrentja.

Në shtëpi po krijohet një tension i madh në bazë të kësaj historie që po krijohet.

Mbetet për t’u parë në vazhdim se si do të jetë e çfarë do të ndodh.

The post Nuk e kursejnë – Limi dhe Dolce me puthje e skena intime përpara Albës appeared first on Albeu.com.

Komisioni Evropian prezantoi zyrtarisht të mërkurën një paketë huaje prej 90 miliardë eurosh për Ukrainën, teksa Brukseli përshpejton përpjekjet për të mbështetur luftën e Kievit përballë sulmeve gjithnjë e më të ashpra ruse dhe nismave të udhëhequra nga SHBA për t’i dhënë fund luftës.

Dy të tretat e paketës do të përdoren për të ofruar ndihmë ushtarake për Ukrainën, çka mund të përfshijë prokurimin e armëve dhe municioneve edhe nga jashtë BE-së, tha presidentja e Komisionit, Ursula von der Leyen. Tridhjetë miliardë eurot e mbetura do të përdoren për të mbuluar boshllëkun e pritshëm në buxhetin e Kievit.

Sipas Komisionit, Ukraina ka nevojë për 135.7 miliardë euro mbështetje ushtarake dhe buxhetore në vitet 2026 dhe 2027. Kjo përfshin 52.3 miliardë euro mbështetje fiskale dhe 83.4 miliardë euro ndihmë ushtarake. Po sipas Komisionit, Kievit pritet t’i mbarojnë fondet në prill.

“Me këtë mbështetje, ne sigurohemi që Ukraina, nga njëra anë, të mund të forcojë mbrojtjen e saj në fushëbetejë dhe aftësitë e saj mbrojtëse – pra të gjitha nevojat ushtarake – dhe, nga ana tjetër, të mbajë funksionimin e shtetit dhe shërbimeve bazë”, tha para gazetarëve, Von der Leyen.

Ajo shtoi se mbështetja ushtarake do të funksionojë sipas një “parimi kaskadë”, ku Ukraina do të furnizohet me armë nga jashtë bllokut vetëm nëse nuk ka pajisje të përshtatshme ushtarake evropiane në dispozicion.

“Preferencë evropiane së pari, dhe nëse kjo nuk është e mundur, atëherë blerje jashtë”, pohoi ajo.

Franca ka shtyrë prej kohësh “preferencën evropiane” në prokurimin e pajisjeve ushtarake. Megjithatë, Gjermania dhe shumë vende të Evropës Lindore të BE-së argumentojnë se blloku duhet të mbetet i hapur për blerjen e pajisjeve mbrojtëse nga Uashingtoni, pavarësisht zbehjes së mbështetjes amerikane për Kievin dhe tensioneve të fundit lidhur me kërcënimet e presidentit amerikan, Donald Trump për të pushtuar Grenlandën, një territor gjysmë-autonom danez.

Huaja do të funksionojë mbi bazën e “bashkëpunimit të përforcuar” mes vendeve të BE-së, duke u lejuar Hungarisë, Çekisë dhe Sllovakisë të përjashtohen nga skema. Këto tre vende janë thellësisht skeptike ndaj ofrimit të ndihmës financiare për Kievin.

Një zyrtar i lartë i Komisionit tha se huaja, e mbështetur nga buxheti afatgjatë i BE-së, do t’i kushtojë shteteve anëtare pagesa vjetore interesi prej rreth 3 deri në 4 miliardë euro. Propozimi i së mërkurës vjen gjithashtu pasi Komisioni dhe Gjermania, ekonomia më e madhe e BE-së, dështuan vitin e kaluar ta bindnin Belgjikën të mbështeste një “hua reparacionesh” për Kievin duke përdorur asetet sovrane ruse të ngrira. Belgjika mban shumicën dërrmuese të 185 miliardë eurove fonde të Kremlinit të bllokuara nga BE-ja pas pushtimit të plotë të Ukrainës nga Moska në vitin 2022.

Megjithatë, Von der Leyen sugjeroi se huaja e reparacioneve “mbetet në tryezë”.

“Është… shumë e rëndësishme t’i dërgojmë Rusisë një kujtesë të fortë se ne rezervojmë të drejtën për të përdorur asetet ruse të ngrira,” tha ajo, duke shtuar se këto asete do të mbeten të bllokuara deri në përfundimin e luftës dhe se Ukraina do të duhet ta shlyejë huanë vetëm pasi Moska të paguajë reparacione ndaj Kievit.

Presidenti ukrainas, Volodymyr Zelensky tha në rrjetet sociale se breshëria përfshinte 113 dronë sulmues si dhe tre raketa balistike “është shumë e rëndësishme t’i përforcojmë luftëtarët tanë tani”.

Huaja duhet të miratohet nga Parlamenti Evropian dhe vendet e BE-së. Komisioni synon që disbursimi i parë të bëhet deri në prill, tha Von der Leyen.

The post Komisioni Evropian ka miratuar një hua rekord prej 90 miliardë eurosh për Ukrainën appeared first on Albeu.com.

Aktorja dhe deputetja rrëfen për rrugëtimin e saj profesional dhe personal, nga rolet artistike te angazhimi publik, duke u ndalur te zgjedhjet e vështira, përgjegjësia ndaj shoqërisë dhe përvojat që e kanë formuar si grua, nënë dhe figurë publike

Mes skenës dhe Kuvendit, ajo zgjedh një territor të rrallë: atë ku fjala nuk thuhet për zhurmë, por për kuptim, dhe ku heshtja nuk është tërheqje, por përgjegjësi.

E formuar nga disiplina e teatrit dhe e sprovuar nga ashpërsia e jetës publike, Matoshi lëviz mes artit dhe politikës pa e humbur boshtin etik që e mban të pandryshuar – ndershmërinë ndaj vetes.

Në këtë rrëfim, flet për artin si qëndrim moral dhe për politikën si provë karakteri; për rolet që nuk mbarojnë kur bie perdja dhe për vendimet që mbeten edhe kur dritat fiken. Ndalet te heshtja si gjuhë, te guximi për të folur kur duhet dhe për të heshtur kur fjala do të ishte kompromis, por edhe te mëmësia si përvojë që i ka dhënë peshë çdo zgjedhjeje personale e publike.

Ky është një dialog i qetë, por i prerë, që shpalos jo vetëm figurën publike të një aktoreje dhe deputeteje, por edhe atë që mbetet pas roleve, kur zgjedh të mos e humbë veten, edhe kur çmimi është i lartë.

Arti si qëndrim etik, jo si kompromis

Jeni ndër të paktat artiste që keni fituar çmime ndërkombëtare duke ruajtur identitetin tuaj artistik. Ka qenë kjo një zgjedhje estetike e vetëdijshme apo një qëndrim etik?

Ruajtja e identitetit tim artistik ka qenë një zgjedhje e vetëdijshme estetike, por mbi të gjitha një qëndrim etik. Kam besuar gjithmonë se arti humb vlerën kur fillon të negociojë me të vërtetën e brendshme për hir të tregut apo miratimit.

Në shumë role tuaja, gruaja nuk kërkon shpëtim, por hapësirë për të qenë jashtë pritjeve shoqërore. A është kjo zgjedhje artistike apo bindje personale?

Janë të dyja. Artistikisht më tërheqin personazhet që nuk kërkojnë shpëtim, por hapësirë për të ekzistuar. Personalisht, kjo lidhet me bindjen time se liria e gruas fillon aty ku ajo lejohet të mos jetë e përshtatshme.

Aktrimin e keni studiuar nën dritën udhëzuese të Faruk Begollit. Cili nga mësimet e tij vazhdon t’ju shoqërojë sot, përtej skenës?

Faruk Begolli më mësoi se aktori nuk duhet të luajë për t’u dukur, por për të qenë i vërtetë. Kjo ndershmëri ndaj vetes më shoqëron ende, edhe jashtë skenës.

Heshtja që flet dhe rolet që mbeten

Në kinematografi, heshtja shpesh flet më fort se dialogu. Ashtu siç besonte Marlon Brando, çfarë ju ka mësuar më shumë arti i dëgjimit: vetja, partneri në skenë apo bota përreth?

Më ka mësuar më shumë partneri në skenë. Dëgjimi i vërtetë ndodh vetëm kur e lë egon mënjanë dhe je plotësisht i pranishëm me tjetrin.

A ka pasur ndonjë rol që ju ka ndryshuar më shumë si njeri sesa si aktore?

Ka role që nuk mbarojnë kur bie perdja. Më ka ndodhur që, pas një shfaqjeje, të mbaj me vete ndjesi që më kanë ndryshuar mënyrën si shoh njerëzit dhe dhimbjet e tyre. Një moment që më ka mbetur në mendje është kur kuptova se një personazh që po luaja kishte frikë të fliste dhe ajo frikë ishte shumë reale edhe jashtë skene. Aty e kuptova sa shpesh heshtja është një formë mbijetese.

Duke prekur trauma kolektive dhe dhimbje të heshtura, a kanë qenë rolet tuaja më shumë tronditje për publikun apo rrugë drejt shërimit dhe kuptimit?

Mendoj se rolet kanë qenë të dyja: tronditje dhe shërim. Shpesh publiku ka nevojë të shqetësohet për të filluar të kuptojë dhe për t’u shëruar.

Teatri dhe filmi shpesh na detyrojnë të shohim veten në pasqyrë. Çfarë mendoni se ka parë shoqëria kosovare te vetja përmes roleve tuaja?

Shoqëria kosovare ka parë një pasqyrë të dhimbjeve të veta të pashprehura, sidomos të grave, dhe ndoshta ka filluar t’i njohë ato si reale dhe legjitime.

Nga skena në Kuvend: arti përballë pushtetit

Anaïs Nin thotë se botën e shohim sipas asaj që jemi; sa nga personazhet tuaja kanë qenë pasqyrim i pyetjeve tuaja të brendshme?

Shumë prej tyre. Çdo personazh mbart diçka nga pyetjet e mia të brendshme; ndryshe nuk do të mund ta luaja me ndershmëri.

Jeni aktorja e vetme shqiptare e pranishme në Netflix. A e ndieni këtë më shumë si arritje personale apo si përgjegjësi për një kinematografi të tërë?

Është arritje personale, por mbi të gjitha përgjegjësi. Sepse çdo prezencë atje bart me vete një kulturë të tërë, jo vetëm një individ.

Skena dhe Kuvendi janë dy hapësira publike me rregulla shumë të ndryshme. Cila prej tyre kërkon më shumë disiplinë emocionale nga ju?

Kuvendi kërkon më shumë disiplinë emocionale. Në art, emocioni është mjet; në politikë, shpesh duhet të mbahet nën kontroll.

Në art, heshtja mund të jetë gjuhë e fuqishme, ndërsa në politikë shpesh lexohet si mungesë qëndrimi. Si e menaxhoni këtë kontrast mes dy botëve?

Duke qenë e vetëdijshme se heshtja ime në art është gjuhë, ndërsa në politikë është mesazh. Kjo kërkon vigjilencë të vazhdueshme ndaj kontekstit.

Kjo foto, me gjestin e gishtit te buzët, duket si një “hesht” i qetë, por i prerë. Kujt i drejtohet sot më shpesh kjo heshtje: zhurmës publike, hipokrizisë politike apo atyre që flasin pa dëgjuar?

Ky gjest nuk është qortim, por një ndalesë. I drejtohet zhurmës së panevojshme, fjalëve që thuhen shpejt dhe dëgjimit që mungon. Sot flasim shumë, reagojmë shpejt dhe reflektojmë pak. Ndonjëherë heshtja është forma më e qartë e përgjegjësisë dhe mënyra më e sinqertë për t’i lënë vend mendimit.

A ju ka ndodhur që një rol artistik t’ju përgatisë më mirë për një betejë politike sesa çdo përvojë institucionale?

Po. Arti më ka mësuar empatinë, leximin e nëntekstit dhe durimin – aftësi shumë të vlefshme në politikë.

Kalimi nga skena në Kuvend është i rrallë. Duke iu kthyer mendimit të Otto von Bismarck për politikën si art i së mundshmes dhe artin si synim i së pamundurës, si i pajtoni këto dy logjika në rrugëtimin tuaj?

Arti më ka mësuar të dëgjoj para se të flas dhe të kuptoj emocionin pas fjalëve. Ka pasur momente në Kuvend kur një debat ishte shumë i ashpër dhe instinktivisht kam zgjedhur të dëgjoj më qetë, duke menduar për popullin para se të flas, ose që fjala të ketë peshë. Aty e kuptova se përvoja nga skena më ndihmon të komunikoj më njerëzisht, edhe në politikë.

Mëmësia, guximi dhe ajo që mbetet

Jeni një zë i fuqishëm kundër dhunës ndaj grave. A mendoni se ligji po ecën më shpejt se mentaliteti shoqëror, apo e kundërta?

Ajo që më shqetëson më shumë sot është normalizimi i dhunës, sidomos kur ajo justifikohet me heshtje ose me fraza si “punë familjare”. Më dhemb fakti që shumë gra ende ndihen vetëm dhe të pafuqishme për të folur. Besoj se përgjegjësia jonë është të mos lodhemi kurrë duke e thënë qartë se dhuna nuk ka asnjë justifikim. Ka pasur mijëra raste shumë të rënda që kam zgjedhur të mos i bëj publike, sepse më është rrezikuar edhe jeta. Një rast që e kam publikuar, jam kërcënuar me jetë.

Në cilën fushë ju është dashur më shumë guxim: në art, ku rrezikohet shpirti, apo në politikë, ku rrezikohet keqkuptimi?

Në të dyja, por ndryshe. Në art rrezikohet shpirti, në politikë rrezikohet keqkuptimi – dhe të dyja kërkojnë guxim të thellë.

Ajo që mbetet, kur rolet bien

Përtej skenës, Kuvendit dhe zërit publik, je edhe nënë e katër fëmijëve. Çfarë të ka mësuar më shumë kjo përvojë për veten, që as arti dhe as politika nuk ta kishin mësuar dot?

Mëmësia më ka mësuar një lloj durimi dhe përgjegjësie që nuk ta jep as skena, as politika. Më ka mësuar të jem më e pranishme, më e përulur dhe më e vetëdijshme për pasojat e çdo fjale dhe veprimi. Fëmijët ta tregojnë veten pa filtra dhe pa role, dhe kjo të detyron të jesh e vërtetë. Është përvoja që më ka formuar më shumë si njeri.

Ka njerëz që jetën e kuptojnë duke ecur përpara, të tjerë vetëm kur janë detyruar të ndalen. Çfarë ju kanë mësuar këto ndalesa të pashmangshme?

Më kanë mësuar durimin dhe pranimin. Jo gjithçka është nën kontrollin tonë, por gjithçka mund të shndërrohet në kuptim.

Forca që zbulohet në rrugë të vështira

Dashuria, trupi dhe koha na ndryshojnë mënyrën si e kuptojmë veten. Çfarë keni zbuluar për veten që një rrugë e lehtë nuk do t’ua kishte dhuruar kurrë?

Kam zbuluar forcën time. Një rrugë e lehtë nuk do të ma kishte treguar kurrë se sa shumë mund të përballoj pa u thyer.

Nëse një vajzë e re ju sheh sot si model, çfarë do të donit që ajo të mos kopjojë nga ju?

Të mos kopjojë sakrificën e tepërt ndaj vetes. Do të doja të mësonte se kujdesi për veten nuk është dobësi.

A ka një rol që ende nuk e keni luajtur, jo sepse nuk ju është ofruar, por sepse nuk jeni ende gati për të?

Ka role që i ndjen se nuk janë ende gati për ty, ose ti për ta. Është një lloj pjekurie që vjen me kohën dhe përvojën e jetës. Ndoshta ende nuk e kam luajtur atë rol sepse dua ta përjetoj me më shumë qetësi dhe thellësi, kur të kem më shumë për të thënë, jo vetëm si artiste, por edhe si njeri.

Në art, gabimi është pjesë e procesit, ndërsa në politikë pasojat janë përfundimtare. Ku ndiheni më e lirë të gaboni?

Në art ndihem më e lirë të gaboj. Gabimi aty është pjesë e rritjes, jo fundi i një procesi.

Kur dritat fiken dhe zhurma hesht, çfarë mendoni se mbetet thelbësore: ajo që jeni bërë, apo ajo që keni zgjedhur të mos e humbni?

Mbetet ajo që kam zgjedhur të mos e humb: ndershmëria ndaj vetes dhe besimi se kuptimi është më i rëndësishëm se zhurma.

The post Adriana Matoshi: Kur fjala ka peshë dhe heshtja përgjegjësi appeared first on Albeu.com.

Atmosfera në shtëpinë e “Big Brother VIP Kosova” ka marrë një drejtim të ri gjatë mbrëmjes së fundit, duke u shoqëruar me zhvillime të forta emocionale dhe romantike mes disa prej banorëve. Limi dhe Dolce janë parë duke kaluar momente të afërta së bashku, duke u shtrirë në të njëjtin shtrat dhe duke treguar një afrimitet që nuk ka kaluar pa u vënë re nga publiku dhe banorët e tjerë.

Mes dyshes nuk kanë munguar puthjet dhe përqafimet, duke konfirmuar se mes tyre ka lindur një kimi e menjëhershme. Afrimiteti i shpejtë vjen vetëm pak ditë pas hyrjes së Limit në shtëpinë më të famshme në Kosovë, çka e bën situatën edhe më të komentuar në rrjetet sociale. Ndjekësit e formatit po e shohin këtë raport si një nga historitë më të reja romantike që po zhvillohet brenda shtëpisë.

Ndërkohë, ky zhvillim po reflektohet ndjeshëm edhe tek Alba, e cila duket se po e përjeton me vështirësi afrimin e Limit me Dolcen. Alba është parë e tërhequr dhe emocionalisht e rënduar, duke shprehur hapur dhimbjen dhe zhgënjimin e saj. Në disa momente, ajo është shfaqur duke u lutur që ta harrojë Limin, duke treguar se ndjenjat e saj ndaj tij vazhdojnë të jenë të forta.

Kjo situatë ka sjellë emocione të forta brenda shtëpisë, duke ndikuar jo vetëm tek banorët, por edhe tek ndjekësit e programit. Ndërsa Limi dhe Dolce shijojnë afrimin e tyre të sapolindur, te disa banorë dhe shikues ndjehet një ndjesi përzierjeje, kënaqësi për romancën e tyre, por edhe dhembje dhe empati për Albën, e cila po përjeton ndjenja të vështira.

The post Një natë e zjarrtë për Limin dhe Dolcen, ja reagimi i Albës appeared first on Albeu.com.

Hajdari nuk ishte i pranishëm sot në studio, ndërsa vendin e tij e zëvendësoi moderatorja Alketa Vejsiu. E ftuar në studion e “Big Brother Albania VIP 5”, Alketa ndau momente nga fillimet e saj në televizion, duke kujtuar se dyert e Top Channel iu hapën që në moshën 14-vjeçare.

Me humor dhe nostalgji, ajo u shpreh se nëse do ta kishte vijuar rrugëtimin e saj në Top Channel, sot mund të ishte në rolin e Ledion Liços, duke prezantuar formatin e njohur të “Big Brother”. Deklarata e saj u prit si një kunjë ndaj Arbana Osmanit, prej vitesh moderatore e formatit.

“Bukur shumë. Për mua është kënaqësi e madhe të kem një partner kaq elegant. Unë jam e kënaqur për ty që kur more Big-un ia more zemrat shqiptarëve. Thash që ti po krijon një kulturë të re komunikimi dhe e bën mirë. Jam shumë e lumtur që kthehem sot, nuk e harrojë Alketën 14-vjeçe, dhe ishte një burrë, i them sot faleminderit Tani. Ai e kishte shumë të rëndësishme projektin e Big Brother.

Unë nuk e pata mundësinë ta prezantoja, e sigurt që do e kisha prezantuar po të kisha qenë këtu. Duke mos harruar ata që na japin dorën të parët, mua këtu me vjen Alketa e vogël, për atë vajzën që vinte me biçikletë dhe ndiqte pasionin. Të gjithë këta banorë po vazhdojnë një rrugë të rëndësishëm, këtë vitrinë duhet ta përdorin mirë, kartën e talentit. Do doja shumë që të ndiqnim anën e tyre njerëzore. Unë jam Motra e Madhe sot, jam Big Sister”, tha Alketa.

The post Upss! Alketa Vejsiu sapo thumboi Arbana Osmanin në “BBVA”? appeared first on Albeu.com.

Rihanna duket se po mendon të zgjerojë sërish familjen e saj. Këngëtarja e njohur, e cila tashmë është nënë e tre fëmijëve me partnerin e saj A$AP Rocky – RZA (3 vjeç), Riot (2 vjeç) dhe Rocki (3 muajsh), ka lënë të kuptohet se mund të jetë e hapur për një shtatzëni të re në vitin 2026.

Sinjalet për këtë vijnë pas një videoje të publikuar në Instagram, ku shkruhej: “Duke vendosur nëse duhet të bëhem seksi apo të mbetem shtatzënë në vitin 2026”. Rihanna nuk ka ngurruar të komentojë poshtë videos, duke shkruar: “Prit! Pra, nuk qenkam e çmendur? Dakord!”, gjë që shkaktoi reagime të shumta nga fansat, të cilët e interpretuan si një paralajmërim për mundësinë e një shtatzënie të re.

Ylli 37-vjeçar ka treguar më parë se periudha e pandemisë e ka përforcuar lidhjen e saj me reperin A$AP Rocky, duke i bërë të kuptojnë se ishin gati për t’u bërë prindër. Në një intervistë të mëparshme, ajo ka thënë se nuk ka një numër të caktuar fëmijësh që dëshiron të ketë në të ardhmen. “Aq sa Zoti dëshiron që unë të kem,” ka deklaruar Rihanna, duke treguar hapësirën e saj për t’u zgjeruar familja.

Aktualisht, Rihanna dhe A$AP Rocky janë prindër të tre fëmijëve dhe duket se nuk kanë ndërmend të ndalojnë së rrituri familjen e tyre. Fansat e yllit të muzikës po e ndjekin me kujdes çdo sinjal që mund të tregojë për një shtatzëni të re, duke komentuar me entuziazëm çdo postim të saj në rrjetet sociale.

The post Po vjen fëmija i katërt? Rihanna lë fansat pa fjalë appeared first on Albeu.com.

Një debat i ashpër ka shpërthyer mes Mirit, Stelinës dhe Keijsit, pas një deklarate të fortë të bërë nga ky i fundit. Keijsi akuzoi Mirin duke thënë se ai “ka blerë lule për dashnoret e tij te dyqani i Stelinës”.

Kjo deklaratë shkaktoi reagime të menjëhershme dhe nuk u prit aspak mirë nga Miri dhe Stelina, të cilët e konsideruan pretendimin provokues dhe të pavërtetë. Situata u tensionua shpejt, duke u shoqëruar me debate të forta mes palëve, që e përshkallëzuan më tej konfliktin.

Keijsi: Kam qenë aty kur ka porositur lule për dashnoret e tija, kam qenë me motrën e Stelinës

Stelina: Së pari e kam thënë që unë dhe Miri takohemi shumë shpesh në “Myslym Shyr”. Vjen në dyqan shumë shpesh. E kam sqaruar, kam zgjedhur ta mbaj të fshehtë për disa persona. Këtu paska thënë që paska dëgjuar një bisedë timen.

Keijsi: Kemi qenë bashkë. Miri mori Stelinën dhe tha nuk mund të përdorë konfidencialitetin e klientit

Stelina: Po e përdor këtë situatën për të prishur marrëdhënia time dhe të mirit. Do patjetër që ndërhyn dhe e prish këtë marrëdhënie. Është turp që më fut në kështu situatash

Keijsi: Është turp që thua nuk njihemi.

Stelina: Mos e përdor dyqanin e familjes sime se me atë hamë bukë. Po përpiqet të ulë imazhin tim. Ke ardhur këtu dhe po gënjen pa fund. Nuk e konfirmoj dhe nuk më intereson.

The post Deklarata e fortë Keisit: Miri porosiste lule për dashnoret e tij te dyqani i Stelinës, kjo e fundit e mohon appeared first on Albeu.com.

Familja Veshaj ka ndarë sot një nga lajmet më të bukura, duke shënuar një kapitull të ri plot emocione dhe gëzim. Një anëtar i ri i është shtuar familjes së njohur, duke sjellë lumturi të madhe jo vetëm për ta, por edhe për publikun që i ndjek prej vitesh.

Edhe pse vëmendja mediatike është zakonisht e përqendruar te binjakët e famshëm Donald dhe Romeo Veshaj, këtë herë fokusi zhvendoset te vëllai i tyre, Mario Veshaj. Ai dhe partnerja e tij, Kristina Mere, janë bërë prindër për herë të parë, duke sjellë në jetë një vajzë. Lajmi është pritur me shumë entuziazëm dhe ka marrë reagime të shumta pozitive në rrjetet sociale.

Momente nga materniteti janë ndarë me publikun, duke reflektuar emocionet e forta të familjarëve. Donaldi dhe Romeo shfaqen të veshur me rroba sterile, me buzëqeshje të sinqerta dhe të dukshëm të emocionuar për rolin e tyre të ri si xhaxhallarë. Prania e tyre pranë vëllait dhe mbesës së porsalindur ka tërhequr vëmendjen e ndjekësve dhe mediave.

Një nga pamjet më prekëse është ajo ku Mario shihet duke soditur me dashuri të bijën e sapolindur, ndërsa ajo mbahet në krahë nga xhaxhai i saj. Ky moment intim familjar ka përcjellë ndjeshmëri dhe ka prekur zemrat e publikut.

Urime të shumta kanë mbërritur për çiftin, ndërsa vajza e vogël tashmë konsiderohet bekimi më i madh për familjen Veshaj, duke sjellë një fillim të ri të mbushur me dashuri dhe shpresë.

The post Lajm i ëmbël nga familja Veshaj, një vajzë i shtohet familjes appeared first on Albeu.com.