Ndërsa deklarata e fortë e Brooklyn Beckham për raportet e tensionuara me familjen e tij vazhdon të shkaktojë reagime të shumta, një nga ish-të dashurat e tij më të njohura, këngëtarja Tallia Storm, ka dalë hapur në mbështetje, duke u shprehur për Mirror se ajo është pa asnjë dyshim “Me Brooklyn”.

Duke kujtuar lidhjen e tyre në adoleshencë, rreth vitit 2014, Tallia e përshkruan Brooklynn si “dashurinë e saj të parë”.

Ajo tregon se të dy ishin vetëm 16 vjeç dhe se ishte vajza e parë që u pa publikisht në krah të tij.

Foto: Instagram

Në atë periudhë, Tallia po performonte në një koncert në Hanover Square në Londër dhe Brooklyn ishte i ftuar të merrte pjesë.

Por ajo që ndodhi më pas e la të tronditur.

“Victoria dërgoi një ekip sigurie gjatë ditës për të kontrolluar ambientin”, tregon Tallia.

“Mendova se ishte pak e tepruar, por në rregull. Kur erdhi mbrëmja, Brooklyn hyri me motrën time ndërsa unë po bëja provat e zërit, dhe kur u larguam jashtë kishte rreth 20 paparacë".

David dhe Victoria

Ajo shton se ishte hera e parë që përballej me një situatë të tillë.

“U frikësova shumë. Nuk doja që Brooklyn të mendonte se unë i kisha thirrur paparacët".

Në një rast tjetër, Tallia thotë se ishte planifikuar të merrte pjesë me Brooklynn në 'Global Gift Gala', një event i organizuar nga aktorja Eva Longoria, mike e afërt e Victorias. Por planet ndryshuan në momentin e fundit.

“Isha tashmë brenda sallës kur Brooklyn më shkroi dhe më tha: ‘Mami nuk më lejon të vij, më vjen keq’. Dhe kaq. Është e qartë se Victoria nuk më pëlqente", shprehet ajo.

Tallia thekson se sa herë e ka takuar Brooklynn ndër vite, ai ka qenë gjithmonë i thjeshtë dhe i sjellshëm, por e cilëson gjithë situatën si një “stuhi krejtësisht të panevojshme”.

Brooklyn dhe Nicola

Sipas saj, kjo përvojë ka ndikuar negativisht edhe në imazhin e saj publik.

“Më kanë parë gjithmonë sikur kërkoja famë. Është një rrjetë e ndërlikuar nga e cila nuk dua të jem pjesë".

Ajo shton se nuk ka përfituar kurrë financiarisht nga lidhja e saj me Brooklynn dhe beson se, me kalimin e kohës, e vërteta gjithmonë del në pah.

“Isha ende në shkollë kur u njohëm. Nuk ishim asgjë më shumë se dy fëmijë me një simpati reciproke”, thotë ajo.

“Jam 100 për qind me Brooklyn. Çfarë ka kaluar ai në atë që unë e quaj ‘rrjeta Beckham’ është shumë për këdo. Ka ardhur momenti të thotë ‘mjaft’ dhe të marrë kontrollin e jetës së tij".

Sa i përket bashkëshortes së tij, Nicola Peltz, Tallia shprehet se, edhe pse nuk e njeh personalisht, beson se është shpirti binjak i Brooklynn dhe se ata janë një çift i përkryer. /Telegrafi/

Victoria Beckham u rikthye në Instagram, vetëm disa orë pasi djali i saj, Brooklyn Beckham, bëri deklarata publike që shkaktuan debat të nxehtë rreth marrëdhënies në familje.

Megjithatë, sado që presim përgjigjen e saj për atë që e akuzon djali i saj i madh, ajo preferoi t’i uronte “Gëzuar Ditëlindjen” shoqes së saj, Emma Bunton, e njohur edhe si “Baby Spice”, nga koha kur grupi i tyre, Spice Girls, ishte në kulmin e suksesit.

Në të njëjtën kohë, Sir David Beckham foli hapur për rolin dhe fuqinë e mediave sociale, në një paraqitje të drejtpërdrejtë në emisionin Squawk Box të CNBC.

“Gjithmonë kam folur për mediat sociale dhe fuqinë e tyre, si për mirë ashtu edhe për keq”, tha ai. “Ajo në të cilën fëmijët kanë qasje sot mund të jetë e rrezikshme. Por ajo që kam zbuluar, dhe me fëmijët e mi, është se ne duhet ta përdorim atë për arsyet e duhura.”

Ai theksoi se e ka përdorur platformën e tij për të mbështetur punën e UNICEF-it, duke vënë në dukje se mediat sociale janë një nga mjetet më të fuqishme për të rritur ndërgjegjësimin për fëmijët në mbarë botën. “Përpiqem të bëj të njëjtën gjë me fëmijët e mi, t’i edukoj ata. Ata bëjnë gabime, por fëmijëve u lejohet të bëjnë gabime. Kështu mësojnë ata“, shtoi ai.

Victoria Beckham nuk ka komentuar publikisht mbi komentet e Brooklyn, i cili e akuzoi nënën e tij se kishte kërcyer “në mënyrë të pahijshme” me të në dasmën e tij. Ndërkohë, raportet kanë sugjeruar tensione serioze, duke përfshirë një ndryshim në minutën e fundit të fustanit të nusërisë së Nicola Peltz, komente fyese dhe presion mbi të drejtat e emrit Beckham.

Brooklyn, nga ana e tij, mbrojti publikisht gruan e tij, Nicola Peltz, me të cilën u martua në vitin 2022, duke përmendur “mungesë respekti të vazhdueshme” ndaj saj.

The post Postimi i parë i Victoria Beckham në Instagram pas zbulimeve të djalit të saj Brooklyn appeared first on iconstyle.al.

Victoria Beckham u rikthye në Instagram, vetëm disa orë pasi djali i saj, Brooklyn Beckham, bëri deklarata publike që shkaktuan debat të nxehtë rreth marrëdhënies në familje.

Megjithatë, sado që presim përgjigjen e saj për atë që e akuzon djali i saj i madh, ajo preferoi t’i uronte “Gëzuar Ditëlindjen” shoqes së saj, Emma Bunton, e njohur edhe si “Baby Spice”, nga koha kur grupi i tyre, Spice Girls, ishte në kulmin e suksesit.

Në të njëjtën kohë, Sir David Beckham foli hapur për rolin dhe fuqinë e mediave sociale, në një paraqitje të drejtpërdrejtë në emisionin Squawk Box të CNBC.

“Gjithmonë kam folur për mediat sociale dhe fuqinë e tyre, si për mirë ashtu edhe për keq”, tha ai. “Ajo në të cilën fëmijët kanë qasje sot mund të jetë e rrezikshme. Por ajo që kam zbuluar, dhe me fëmijët e mi, është se ne duhet ta përdorim atë për arsyet e duhura.”

Ai theksoi se e ka përdorur platformën e tij për të mbështetur punën e UNICEF-it, duke vënë në dukje se mediat sociale janë një nga mjetet më të fuqishme për të rritur ndërgjegjësimin për fëmijët në mbarë botën. “Përpiqem të bëj të njëjtën gjë me fëmijët e mi, t’i edukoj ata. Ata bëjnë gabime, por fëmijëve u lejohet të bëjnë gabime. Kështu mësojnë ata“, shtoi ai.

Victoria Beckham nuk ka komentuar publikisht mbi komentet e Brooklyn, i cili e akuzoi nënën e tij se kishte kërcyer “në mënyrë të pahijshme” me të në dasmën e tij. Ndërkohë, raportet kanë sugjeruar tensione serioze, duke përfshirë një ndryshim në minutën e fundit të fustanit të nusërisë së Nicola Peltz, komente fyese dhe presion mbi të drejtat e emrit Beckham.

Brooklyn, nga ana e tij, mbrojti publikisht gruan e tij, Nicola Peltz, me të cilën u martua në vitin 2022, duke përmendur “mungesë respekti të vazhdueshme” ndaj saj.

The post Postimi i parë i Victoria Beckham në Instagram pas zbulimeve të djalit të saj Brooklyn appeared first on Albeu.com.

Tensionet brenda familjes Beckham vazhdojnë të tërheqin vëmendjen e mediave.

Sipas burimeve pranë familjes, Victoria Beckham dyshohet se ka shkaktuar një situatë të sikletshme dhe emocionale për nusen e djalit të saj, aktoren Nicola Peltz, gjatë dasmës së saj me Brooklyn Beckham.

Ngjarja raportohet të ketë ndodhur në momentin kur këngëtari Marc Anthony u ngjit në skenë për të prezantuar vallëzimin e parë të çiftit, një moment i planifikuar paraprakisht si një çast intim dhe romantik për nusen dhe dhëndrin.

Foto: EPA-EFE

Por atmosfera ndryshoi papritur kur Marc Anthony ftoi Brooklynn të kërcejë me “gruan më të bukur në sallë”, duke thirrur në skenë Victorian.

Ajo iu afrua djalit të saj, e përqafoi dhe u shfaq shumë e afërt me të, duke tërhequr vëmendjen e të pranishmëve.

Burimi pohon se ky veprim ia zbehu Nicolas momentin e saj më të rëndësishëm të mbrëmjes.

E prekur emocionalisht, ajo u largua nga salla në lot, ndërsa familja Beckham vazhdoi festën, në kontrast me familjen e saj, e cila mbeti e rezervuar.

Miqtë e Nicolas u përpoqën ta bindnin të rikthehej në ceremoni, por ajo u kthye vetëm më vonë, me shenja të dukshme trishtimi dhe mbeti e mërzitur gjatë gjithë mbrëmjes.

Deri më tani, Victoria dhe David Beckham nuk kanë reaguar publikisht ndaj këtyre pretendimeve. /Telegrafi/

Brooklyn Beckham pretendon se para dasmës së tij me Nicola Peltz Beckham, prindërit e tij u përpoqën ta korruptonin që të “nënshkruante të drejtat” mbi emrin e tij.

Duke thyer heshtjen lidhur me largimin e tij nga prindërit David dhe Victoria Beckham në një seri postimesh shpërthyese në Instagram më 19 janar, djali më i madh i familjes Beckham, 26 vjeç, pretendoi se prindërit e tij ishin munduar ta korruptonin para martesës së tij në 2022.

Në një nga postimet, Brooklyn shkroi: “Javë përpara ditës sonë të madhe, prindërit e mi më shtynin vazhdimisht dhe u përpoqën të më jepnin ryshfet për të nënshkruar të drejtat mbi emrin tim, gjë që do të kishte ndikuar tek unë, gruaja ime dhe fëmijët tanë të ardhshëm”.

“Ata ishin të vendosur që unë ta nënshkruaja para datës së dasmës, sepse atëherë do të fillonin kushtet e marrëveshjes,” shkroi ai. “Refuzimi im ndikoi tek pagesa e tyre, dhe që atëherë nuk më kanë trajtuar më njësoj.”

Brooklyn ngriti pretendimet për ryshfet menjëherë pas deklaratës së tij se prindërit e tij “po përpiqen pafundësisht të shkatërrojnë” marrëdhënien e tij me gruan Nicola, 31 vjeç, “që para dasmës sime, dhe kjo nuk ka ndaluar”.

Situata u përkeqësua gjatë vetë dasmës, ku Brooklyn pretendoi se nëna e tij, Victoria, 51 vjeç, “e rrëmbeu” vallëzimin e tij romantik të parë me Nicola dhe “vallëzoi në mënyrë shumë të papërshtatshme” përpara 500 mysafirëve të dasmës.

Ai gjithashtu pretendoi se nëna e tij “anuloi qepjen” e fustanit të gruas së tij.

(Të dy pretendimet vijnë pas deklaratave të burimeve për PEOPLE, të cilat thanë se grindja e familjes me çiftin filloi nga fustani i dasmës së Nicola-s dhe përshkruan situatën e pretenduar të vallëzimit së parë, vitin e kaluar.)

Brooklyn Beckham po përpiqet të rregullojë marrëdhëniet me motrën e tij 14-vjeçare Harper Beckham, pavarësisht se është 'grindur' me pjesën tjetër të familjes së tij.

Qëndrimi i tij ndaj motrës më të vogël është i ndryshëm nga qëndrimi që ka ndaj prindërve të tij, Victoria dhe David Beckham dhe ai dëshiron ta mbrojë atë nga grindjet familjare, sipas një burimi.

Ai vazhdoi duke thënë se situata bëhet më e vështirë nga fakti që ajo jeton me ta dhe se Brooklyn Beckham dëshiron të jetë në marrëdhënie të mira me të gjithë në familje përveç prindërve të tij.

Foto: EPA-EFE

"Kjo është arsyeja pse ai ende flet me gjyshërit e tij dhe e ka bërë këtë që nga fillimi i gjithë kësaj", shtoi burimi për Daily Mail.

Brooklyn shkaktoi një ortek reagimesh në rrjetet sociale dje pasi akuzoi Victorian dhe Davidin se ia kishin sabotuar martesën me Nicola Peltz.

Pretendon se sjellja e tyre ua prishi dasmën.

Ndër të tjera, tha se Victoria kërceu në mënyrë të papërshtatshme për të dhe kështu prishi momentin e veçantë që ai duhej të kishte me gruan e tij. /Telegrafi/

Konflikti i familjes Beckham ka dalë përfundimisht nga korniza e thashethemeve tabloide dhe është shndërruar në një skandal të hapur që po trondit Hollywood-in.

Brooklyn Beckham ka reaguar publikisht përmes një deklarate të gjatë në Instagram, ku akuzon prindërit e tij, David dhe Victoria Beckham, se kanë tentuar prej vitesh të “kontrollojnë narrativën” e jetës së tij dhe se janë përpjekur “në mënyrë të vazhdueshme të shkatërrojnë” martesën e tij me Nicola Peltz.

Brooklyn, i cili është i distancuar nga familja prej rreth tre vitesh, shpjegon se ka zgjedhur të heshtë për një kohë të gjatë për të ruajtur privatësinë, por sipas tij, kjo heshtje është shfrytëzuar kundër tij.

Foto: Instagram

“Kam heshtur për vite me radhë dhe kam bërë çdo përpjekje që këto çështje të mbeten private. Fatkeqësisht, prindërit e mi dhe ekipi i tyre kanë vazhduar t’i drejtohen mediave, duke mos më lënë asnjë zgjidhje tjetër veçse të flas vetë dhe të tregoj të vërtetën për disa nga gënjeshtrat që janë publikuar".

Ai thekson qartë se nuk kërkon pajtim me familjen dhe se kjo deklaratë është një akt vetëmbrojtjeje.

Foto: Instagram

“Nuk dua të pajtohem me familjen time. Nuk jam duke u kontrolluar nga askush. Për herë të parë në jetën time po qëndroj për veten time".

Në deklaratën e tij, Brooklyn e përshkruan marrëdhënien me prindërit dhe vëllezërit si të rreme dhe të ndërtuar mbi fasada publike. Sipas tij, lidhjet familjare janë mbajtur gjallë vetëm përmes “postimeve të sforcuara në rrjetet sociale” dhe daljeve formale në evente familjare.

Foto: Instagram

Ai i akuzon prindërit se kanë shpërndarë “gënjeshtra të panumërta” në media për jetën e tij personale dhe për gruan e tij.

Një pjesë e rëndësishme e deklaratës i kushtohet marrëdhënies me Nicola Peltz, për të cilën Brooklyn thotë se prindërit e tij kanë bërë gjithçka për ta penguar.

I njëjti pretendon se nëna e tij, Victoria Beckham, e anuloi në momentin e fundit realizimin e fustanit të nusërisë së Nicolas dhe madje u përpoq ta bindte atë të nënshkruante dorëheqjen nga të drejtat mbi emrin e tij përpara se të martohej.

Foto: Instagram

Brooklyn ndalet edhe te një moment shumë i ndjeshëm nga dita e dasmës, duke treguar se si nëna e tij ia prishi vallëzimin e parë me bashkëshorten.

“Marc Anthony më thirri në skenë, ku sipas programit duhej të ishte vallëzimi im romantik me gruan time, por në vend të saj, nëna ime po më priste aty. Ajo kërceu në mënyrë shumë të papërshtatshme me mua, përpara të gjithëve. Nuk jam ndjerë kurrë më i parehatshëm dhe më i poshtëruar në gjithë jetën time".

Foto: Instagram

Në fund të deklaratës, Brooklyn kundërshton narrativën e përhapur se Nicola Peltz e kontrollon jetën e tij, duke e quajtur këtë pretendim “krejtësisht të rremë".

“E vërteta është e kundërta. Janë prindërit e mi ata që janë përpjekur të më manipulojnë".

Ai e mbyll mesazhin me një deklaratë të qartë për mënyrën se si dëshiron të jetojë.

“Unë dhe gruaja ime nuk duam një jetë të formësuar nga imazhi, shtypi apo manipulimi. Gjithçka që duam është paqe, privatësi dhe lumturi për ne dhe familjen tonë të ardhshme".

Foto: Instagram

Deklarata e Brooklyn ka shkaktuar reagime të forta në media dhe publik, duke vënë në pikëpyetje imazhin e familjes Beckham, e cila për vite me radhë është perceptuar si një nga familjet më të unifikuara dhe më të mbrojtura në botën e famës. /Telegrafi/

David dhe Victoria Beckham janë përpjekur të zbusin konfliktin familjar me djalin e tyre Brooklyn dhe gruan e tij Nicola për një kohë të gjatë, por sipas një burimi pranë familjes, ata këmbëngulin të komunikojnë ekskluzivisht përmes një avokati.Një burim i njohur me situatën i tha revistës People se David dhe Victoria Beckham "i kanë kërkuar vazhdimisht Brooklyn dhe Nicole të takohen dhe të flasin për të ecur përpara".

"David i adhuron fëmijët e tij. Ata janë gjithçka për të", tha burimi, duke iu referuar Brooklyn (26), vëllezërve të tij Romeo (23) dhe Cruz (20), si dhe motrës Harper (14).

Sipas burimeve të shumta, David dhe Victoria janë përpjekur të përmirësojnë marrëdhënien e tyre me Brooklyn dhe gruan e tij Nicola (31), me të cilën ai u martua në vitin 2022, për vite me radhë. Konflikti, thuhet se filloi atë vit, gjoja për shkak të mosmarrëveshjeve mbi fustanin e nusërisë së Nicolës.

Foto: David Beckham/Instagram

Burimi pohon se Brooklyn dhe Nicola kanë qenë gjithmonë të ftuar në evente familjare, qofshin private apo publike. Kështu, sipas të njëjtit informacion, ata u ftuan edhe në ceremoninë e dhënies së titullit të kalorësisë David Beckham, të cilin Mbreti Charles ia dha atij më 4 nëntor për "kontributin e tij në sport dhe punën humanitare".

Përfaqësuesit e Brooklyn nuk ishin të disponueshëm për koment, ndërsa përfaqësuesit e David dhe Victoria Beckham nuk iu përgjigjën menjëherë pyetjeve të medias.

Media britanike The Sun raportoi më 8 janar se Brooklyn u kishte dërguar prindërve të tij një njoftim ligjor ku thuhej se ata mund të komunikonin me të vetëm përmes një avokati dhe se nuk lejoheshin ta etiketonin atë në rrjetet sociale. Sipas të njëjtit burim, Victoria dyshohet se e shkeli këtë kërkesë duke pëlqyer një postim në Instagram, pas së cilës Brooklyn i bllokoi prindërit e tij në rrjetet sociale.

Foto: David Beckham/Instagram

Brooklyn, Nicola, David dhe Victoria nuk e kanë ndjekur më njëri-tjetrin në Instagram që nga dhjetori. Brooklyn dhe Nicola gjithashtu nuk i kanë ndjekur më Romeon dhe Cruz. Cruz komentoi në Instagram Story për këtë çështje, duke thënë se prindërit e tij "nuk do ta hiqnin kurrë nga ndjekja e të birit" dhe se ata "zgjoheshin të bllokuar", njësoj si ai.

Brooklyn dhe Nicola i kaluan Krishtlindjet larg familjes Beckham. Më 26 dhjetor, Nicola postoi foto në Instagram duke pozuar me Brooklyn dhe prindërit e saj, Nelson Peltz dhe Claudia Heffner Peltz, me mesazhin: "U uroj të gjithëve një Krishtlindje të Gëzuar dhe një Vit të Ri të lumtur plot dashuri, paqe dhe lumturi."

Në natën e Vitit të Ri, David Beckham postoi në Instagram një vështrim në momentet e tij të preferuara nga viti 2025, në të cilat Brooklyn mungonte, ndërsa Romeo, Cruz dhe Harper ishin të pranishëm. Megjithatë, David më vonë ndau foto me djalin e tij të madh në Instagram Story. /Telegrafi/

Brooklyn Beckham thuhet se nuk dëshiron të ketë asnjë kontakt me prindërit e tij, David dhe Victoria Beckham.

Derisa përplasjet brenda familjes vazhdojnë, Daily Mail raportoi të enjten se shefi i kuzhinës 26-vjeçar dhe prindërit e tij kanë shkëmbyer letra verën e kaluar, por vetëm përmes ekipeve të tyre ligjore.

Sipas raportimeve, Brooklyn ka kërkuar që prindërit e tij të mos e kontaktojnë drejtpërdrejt dhe të mos bëjnë deklarata publike për të në rrjetet sociale, duke insistuar që çdo komunikim të bëhet vetëm përmes avokatëve të tij.

Foto: Brooklyn Beckham dhe Nicola Peltz / Instagram

Ai thuhet se e ka bërë këtë kërkesë pasi u ndje i fyer nga disa raportime rreth bashkëshortes së tij, Nicola Peltz, në të cilat sugjerohej se ai po “kontrollohej” prej saj dhe se ishte një “peng”.

“Davidit iu tha të komunikonte me ta përmes [firmës ligjore] Schillings”, i tha një burim medias. “Kjo ishte e vetmja mënyrë që ata të komunikonin”.

Muajin e kaluar, djali 20-vjeçar i David dhe Victoria Beckham, Cruz, pretendoi se Brooklyn i kishte bllokuar si atë ashtu edhe prindërit e tij në Instagram, duke hedhur poshtë raportimet se ishin David, 50 vjeç, dhe Victoria, 51 vjeçe, ata që e kishin bllokuar Brooklyn-in.

Familja Beckham po kalon një periudhë të tensionuar, pasi Brooklyn Beckham thuhet se i ka bllokuar në Instagram prindërit e tij, David dhe Victoria Beckham si dhe vëllanë Cruz.

Sipas raportimeve, kjo nuk ishte iniciativë e prindërve, të cilët nuk do të hiqnin kurrë Brooklyn nga lista e ndjekësve.

Burime pranë familjes thonë se Brooklyn e bëri këtë për të treguar se marrëdhënia ishte përfundimtare, pasi ai nuk donte të fliste më me prindërit.

Grindja familjare ka sjellë pasoja edhe për Krishtlindjet, të cilat Brooklyn do t’i kalojë me gruan e tij, Nicola Peltz, dhe familjen e saj në Miami, duke u larguar nga David, Victoria dhe vëllezërit e tij Romeo, Cruz dhe motra Harper.

Ky vendim ka qenë një goditje e madhe për prindërit dhe gjyshërit, të cilët janë thellësisht të trishtuar.

Raportohet se konflikti u përshkallëzua pas disa mosmarrëveshjeve në vitin e kaluar, përfshirë ato gjatë festimeve të 50-vjetorit të Davidit.

Përpjekjet e Davidit për pajtim, përmes postimeve në Instagram dhe mesazheve miqësore, nuk kanë dhënë efekt, ndërsa gjyshërit e familjes janë të shqetësuar dhe të trishtuar për këtë situatë.

Foto: EPA

Në përgjithësi, marrëdhënia mes Brooklynit dhe prindërve të tij është e ngrirë, ndërsa Krishtlindjet e këtij viti do të jenë larg njëri-tjetrit, duke shfaqur një nga momentet më të vështira të familjes Beckham në publik. /Telegrafi/

David dhe Victoria Beckham janë pesimistë për riparimin e marrëdhënies së tyre me gruan e djalit të tyre të madh, Nicola Peltz. Një raport i Evening Standard pohon se çifti ka humbur të gjitha shpresat për pajtim. Në vend të kësaj, ata tani po përqendrohen në shfaqjen e dashurisë ndaj djalit të tyre, Brooklyn, me shpresën se distanca midis tyre do të reduktohet në zero.

Megjithatë, një burim tha se përpjekja për t’u marrë vesh vetëm me fëmijën e tyre dhe jo me gruan e tij është një strategji e gabuar. “Përpjekja për të krijuar një ‘boshllëk’ midis Brooklyn dhe Nicola vetëm sa do ta largojë atë edhe më shumë”, tha ajo.

“Nicola dhe Brooklyn janë absolutisht të lidhur dhe më të fortë se kurrë. Nicola është lënduar shumë nga ajo që ka ndodhur. Nuk mund të vendosësh thjesht ‘është koha të bashkohemi’ pa kërkuar falje ose pa u zotuar për ndryshim”, shtoi ajo.

Përçarja në familjen Beckham duket se ka filluar në vitin 2022, para dasmës së Brooklyn me Nicola Peltz, kur kjo e fundit zgjodhi të mos vishte krijimin e vjehrrës së saj, por një fustan nusërie Valentino, gjë që thuhet se nuk i pëlqeu Victoria Beckham.

Situata u përkeqësua në maj, kur Brooklyn Beckham humbi festën e 50-vjetorit të lindjes së të atit, ndërsa ai dhe gruaja e tij nuk i ndjekin më vëllezërit e tij, Romeo dhe Cruz, në rrjetet sociale, një veprim që miqtë thonë se u bë pasi dy Beckham-ët më të vegjël i bllokuan.

Gushtin e kaluar, pasoi një zhvillim tjetër. Konkretisht, prindërit e Brooklyn Beckham nuk u ftuan në rinovimin e zotimeve të martesës së tij me gruan e tij, e cila u zhvillua në pronën e familjes Peltz në Qarkun Westchester. Sipas raportimeve, familja e tij jo vetëm që nuk pranoi një ftesë, por mësoi edhe për ceremoninë përmes medias.

The post Fundi i çdo shprese! Çifti Beckham heqin dorë nga pajtimi me Nicola Peltz appeared first on iconstyle.al.

David Beckham vazhdoi festimet për titullin e kalorësit të premten në një pub në Cotswolds, me muzikë të fortë dhe shishe verë.

Ish-futbollisti 50-vjeçar u mblodh me miq të ngushtë dhe djemtë e tij Romeo dhe Cruz, të cilët interpretuan një këngë të shkruar posaçërisht për të nderuar këtë rast.

Pas nderimit nga Mbreti Charles në Kështjellën Windsor të martën, Beckham festoi fillimisht me një darkë intime në restorantin Chelsea të mikut të tij, Gordon Ramsay, para se të kthehej në rezidencën e tij rurale prej 14 milionë eurosh, shkruan DailyMail.

Vendasit u habitën nga energjia e tij, pasi Beckham iu bashkua vallëzimit dhe këndimit në pub. Cruz, 20 vjeç, këndoi një këngë kushtuar babait të tij, ndërsa atmosfera u mbajt e gjallë gjatë gjithë natës.

Sipas faqes së lokalit, tenda private mund të presë deri në 100 mysafirë, me një menu tre-pjatëshe që fillon nga 76 euro për person.

David Beckham u shpall kalorës i Perandorisë Britanike për kontributin e tij në sport dhe bamirësi, veçanërisht për ndikimin në futboll gjatë një periudhe 20-vjeçare dhe rolin e tij si ambasador në UNICEF.

Ceremonia e ndarjes së titullit u zhvillua në Kështjel lën Windsor, ku djemtë e tij më të vegjël iu bashkuan për t’i ofruar urimet e tyre.

Darka e organizuar nga Gordon Ramsay për Beckham përfshiu fëmijët e tij Romeo, Cruz dhe Harper, si dhe familjen e zgjeruar të Davidit dhe Victorias.

Djali i madh, Brooklyn, dhe gruaja e tij Nicola nuk morën pjesë në festime dhe nuk e kanë pranuar publikisht arritjen e babait në rrjetet sociale, duke reflektuar tensionet e vazhdueshme familjare. /Telegrafi/

Stilistja e modës dhe ish-ylli i muzikës pop, Victoria Beckham, tha së fundmi se një grua duhet të jetë një 'budallaqe e vërtetë' nëse nuk është në marrëdhënie të mira me të.

Konkretisht, në një intervistë të re për një emision radiofonik 'Sirius XM', Victoria pranoi se i duhet shumë për të mos dashuruar një grua tjetër, sepse dëshiron t’i “fuqizojë gratë”.

"Unë jam një grua vetëm për vajza. Dua të them, duhet të jesh një budallaqe e plotë për të mos rënë dakord me ty nëse je grua. Sepse i dua gratë dhe kjo është pjesërisht arsyeja pse bëj atë që bëj me modën dhe bukurinë. Dua t'i fuqizoj gratë dhe dua të ndaj këshillat dhe truket e mia me gratë", tha Victoria.

Victoria Beckham

Kjo deklaratë vjen në një kohë kur po shkruhet më shumë rreth grindjes së supozuar midis saj dhe djalit të saj Brooklyn dhe nuses Nicole Peltz.

Besohet se Brooklyn u largua nga familja e famshme për shkak të tensionit midis Victorias dhe Nicole.

Grindja e familjes Beckham ka vazhduar për katër vjet, përpara se Brooklyn (26 vjeç) dhe Nicola (30 vjeçe) të martoheshin në vitin 2022 sepse nusja refuzoi të vishte një fustan nusërie të dizenjuar nga Victoria.

Ai nuk u shfaq në asnjë nga festat e ditëlindjes së Davidit pas kësaj.

Çifti i ri nuk u shfaq në eventet e modës së Victorias, ndërsa anëtarët e tjerë të familjes ndiqnin rregullisht shfaqjet. /Telegrafi/

Nicole, Victoria dhe Brooklyn

Një debat i ri midis të famshmëve duket se po ndodh midis Meghan Markle dhe Victoria Beckham, pasi burime të brendshme pretendojnë se Markle po ndihet “e lënduar dhe e poshtëruar” nga pritja ndaj dokumentarit të fundit të Beckham në Netflix.

Kontrasti në perceptimin publik ka ringjallur tensionet që dikur ishin të fjetura midis ish-mikeshave, pasi dokumentari i Victorias ka qenë një sukses absolut.

Seriali me tre pjesë i Victoria Beckham në Netflix , i cili debutoi më 9 tetor, gjurmon udhëtimin e saj nga të qenit një ikonë popi e njohur botërisht në t’u bërë një nga manjatët më të famshëm të modës. Dokumentari është vlerësuar gjerësisht për autenticitetin , cilësinë e prodhimit dhe rikthimin e saj si një stiliste e respektuar. Nuk ka asgjë që Victoria nuk mund ta bëjë.

Burime të brendshme i thanë RadarOnline se koha dhe duartrokitjet e ngrohta për projektin e Beckham kanë ndikuar thellësisht në Markle dhe shëndetin e saj mendor, pasi pritjet e saj fillestare nuk u përmbushën. Një burim tha:

‘Victoria ka arritur pikërisht atë që aspironte – duke kaluar pa probleme nga një personazh i famshëm në një figurë të besueshme biznesi. Meghan është përpjekur të etablohet si një fuqi kulturore, por dokumentari i Victorias e ka lënë në hije plotësisht.’

Dy personalitetet e famshme ndanin një miqësi të shkëlqyer në të kaluarën. Victoria dizenjonte për Meghan gjatë ditëve të saj mbretërore dhe Beckham-ët morën pjesë në dasmën mbretërore të Meghan dhe Harry-t në vitin 2018. Megjithatë, marrëdhënia e tyre duket se po përkeqësohet pas shfaqjes së akuzave të reja se Meghan besonte se Victoria kishte zbuluar histori në shtyp, një akuzë që vetë Beckham e mohoi në atë kohë. Megjithatë, që nga ajo kohë, miqësia ka të ngjarë të mos jetë rikuperuar kurrë.

Ato tensione të së kaluarës tani duken më të qarta në këtë moment të fundit publik. Kontrasti midis serialit dokumentar të famshëm të Beckham dhe performancës më modeste të Meghan në Netflix shihet nga disa si i mjaftueshëm për të gjeneruar zhgënjim në krenarinë e ish-aktores.

The post Ç’ndodhi mes tyre? Meghan Markle ndihet “e lënduar dhe e poshtëruar” për shkak të Victoria Beckham appeared first on iconstyle.al.

David dhe Victoria Beckham u panë duke kaluar një fundjavë të qetë në Miami, ku shijuan një drekë në ajër të pastër me prindërit e ish-futbollistit, Sandrën dhe Ted Beckham.

Çifti po relaksohej pas ndeshjes së skuadrës së tyre, Inter Miami, që mposhti Nashville-n 3-1 në Kupën MLS.

Victoria, 51 vjeçe, dukej elegante si gjithmonë me xhinse me bel të lartë nga marka e saj dhe një bluzë gri, ndërsa e kompletoi pamjen me një çantë luksoze ngjyrë kafe dhe një kapelë të zezë, shkruan DailyMail.

Nga ana tjetër, David, 50 vjeç, zgjodhi një stil më sportiv me një bluzë të bardhë dhe pantallona të shkurtra blu të errët. Çifti u pa i buzëqeshur, duke biseduar me familjarët në një atmosferë të qetë dhe miqësore.

Por, ndërsa pushonin në SHBA, në Britani Beckham-at janë në qendër të një debati me fqinjët e tyre të pasur në Cotswolds.

Ata kanë aplikuar për të ndërtuar një rrugë të re hyrëse për në pronën e tyre 12 milionë euro, në mënyrë që të shmangin trafikun dhe turmat e shumta që kalojnë në rrugën aktuale drejt kompleksit të njohur “Soho Farmhouse”.

Ky projekt ka shkaktuar reagime të ashpra nga banorët vendas, të cilët pretendojnë se rruga e re do të dëmtonte mjedisin rural dhe do të pengonte këmbësorët.

“Ju lutem mos e lejoni këtë aplikim”, ka deklaruar një prej fqinjëve, duke shtuar se “SUV-të e mëdha që kalojnë nëpër rrugë prishin qetësinë e zones”.

Në mbrojtje të planit, përfaqësuesit e familjes Beckham kanë theksuar se projekti është “modest, i dizajnuar me kujdes dhe në harmoni me karakterin rural të zonës”.

Këshilli i Oxfordshire pritet të marrë vendimin përfundimtar mbi kërkesën në javët në vijim. /Telegrafi/

Stilistja britanike e modës, Victoria Beckham, ka reaguar ndaj pretendimeve se David Beckham e ka tradhtuar me modelen holandeze, Rebecca Loos.

Prezantuesi i podkastit "Call Her Daddy" e pyeti se si i përballojnë spekulimet rreth martesës së tyre.

"A e di që na shkaktuan kaq shumë telashe, dhe ne po flisnim për këtë sepse kohët e fundit festuam 26-vjetorin e martesës? Njerëzit thanë se nuk do t'ia dilnim... Njëzet e gjashtë vjet!", tha Victoria.

Foto: David Beckham/Instagram

Ajo vazhdoi duke thënë se kishin kaluar gjithçka së bashku dhe ia kishin dalë mbanë "stuhisë". Në vitin 2004, Rebecca pretendoi se kishte një aferë katërmujore me Davidin. Thuhet se filloi kur ai e ftoi në hotelin e tij ndërsa Victoria ishte jashtë qytetit.

Në vitin 2023, ish-futbollisti i mohoi pretendimet e Rebeccës në dokumentarin e Netflix-it “Beckham”, duke thënë se ishte tepër e vështirë të shihte Victorian të vuante për shkak të këtyre thashethemeve.

Foto: David Beckham/Instagram

Pasi u publikua dokumentari, Rebecca u shfaq në "60 Minutes Australia", ku tha se nuk kishte gënjyer ose ekzagjeruar për lidhjen e saj me Davidin. /Telegrafi/

Victoria dhe David Beckham janë një nga më të njohurit në botën e argëtimit dhe sportit. Ata kanë formuar një familje shumë të mirë dhe kanë mbetur të qëndrueshëm para kamerave dhe opinionit publik. Megjithatë, në të gjitha marrëdhëniet ka probleme dhe sekrete që mbahen, dhe në këtë rast ishte Victoria ajo që komentoi se i kishte fshehur diçka të rëndësishme bashkëshortit të saj.

Victoria Beckham ka zbuluar sekretin e dhimbshëm të luftës së saj të heshtur me një çrregullim të të ngrënit, një betejë që e përballoi krejtësisht e vetme, pa vetëbesimin për t’ia rrëfyer vuajtjet e saj as burrit të saj. Ajo e bëri këtë në një intervistë të kohëve të fundit, ku zbuloi më shumë detaje rreth problemit të disa viteve më parë.

Gjatë një interviste të kohëve të fundit në podkastin “Call Her Daddy” me Alex Cooper, stilistja e modës dhe ish-anëtare e “Spice Girls” ndau detaje të kësaj periudhe të errët, duke shpjeguar se ndihej e paaftë t’i “besonte dikujt” për ta ndihmuar.

Pavarësisht mbështetjes që ka pasur gjithmonë nga David, Victoria zgjodhi të mos kërkonte këshillën e tij, duke nisur rrugën e saj për të shëruar marrëdhënien e saj me ushqimin dhe për të gjetur ekuilibrin.

Victoria zbuloi gjithashtu se kishte shumë vështirësi me mendimet e saj kur u kritikua nga shtypi. Biznesmenja shpjegoi se kur ishte shtatzënë e etiketonin si “Porky Posh” ose “Skinny Posh” , gjë që i shkaktonte shumë dhimbje, por ajo arriti ta kapërcente atë.

Përveç problemeve me peshën, Victoria kishte edhe një problem me implantet e gjoksit, pasi kur filloi të bëhej e famshme vendosi të bënte një ndërhyrje kirurgjikale, por më vonë u pendua. Në një bisedë për serialin e saj, Victoria shpjegoi pse vendosi më në fund të hiqte implantet. “E gjitha erdhi nga nevoja për t’u marrë më seriozisht dhe nga mosdija se kush isha“, tha ajo.

Pasi ka kaluar të gjitha këto probleme me fizikun e saj, Victoria duket më e sigurt në vetvete dhe ka rrëfyer se tashmë ka një ekuilibër të mirë të ushqimit, pasi edhe Davidi e ka ndihmuar me këtë dhe me ushtrimet.

The post Sekreti që Victoria ia mbajti të fshehtë David Beckham appeared first on iconstyle.al.

Victoria Beckham dukej shumë stil në momentin që doli nga hoteli i saj në New York City të hënën.

Dizajnerja e modës, 51 vjeçe, ndodhej në qytetin e madh për të promovuar serinë e saj dokumentare në Netflix dhe gjatë daljes zgjodhi një veshje tërësisht të zezë.

Ish-anëtarja e grupit Spice Girls, Victoria veshi një fustan me mëngë të gjata që nxirrte në pah figurën e saj të jashtëzakonshme dhe e kombinoi me taka në të njëjtën ngjyrë.

Ajo mbante gjithashtu një çantë të zezë dhe e kompletoi stilin me një palë syze dielli shumë stil.

Duke e stilizuar flokun e saj kafe në një bisht, Victoria përfundoi pamjen me një palë vathë të bardhë dhe një makijazh me ngjyra të lehta.

Përveç karrierës, burri i saj David bëri shaka për mungesën e saj të aftësive në gatim, teksa ai vetë piu ‘shots tequila’ dhe përgatiti vetëm drekën e së dielës për familjen gjatë fundjavës.

Në moshën 51-vjeçare, Victoria Beckham vijon të jetë një shembull i shkëlqyer i një jete të balancuar dhe aktive. Ish-anëtarja e grupit Spice Girls dhe tashmë stiliste e njohur, stërvitet rregullisht pesë deri në gjashtë herë në javë, duke ndjekur një rutinë të larmishme që i ndihmon jo vetëm trupin, por edhe mendjen. Sipas burimeve si Quien, qëllimi i saj nuk është të qëndrojë thjesht e dobët, por të jetë e fortë, e shëndetshme dhe energjike.

Victoria e nis ditën me ushtrime kardio, si vrap i lehtë apo biçikletë statike, për të rritur qëndrueshmërinë dhe për të përshpejtuar metabolizmin. Më pas, fokusohet në forcim dhe tonifikim me ushtrime si lunges, tricep dips apo tërheqje me kabllo të ulët, të cilat punojnë në mënyrë gjithëpërfshirëse muskujt e trupit. Një nga ushtrimet e saj të preferuara është spellcaster, i cili angazhon shpatullat dhe belin.

Ajo stërvitet shpesh me bashkëshortin, David Beckham, duke e kthyer aktivitetin fizik në një përvojë bashkëshortore të këndshme dhe motivuese. Përveç trajnimeve individuale, ajo merr pjesë edhe në klasa në grup si Bootcamp apo SoulCycle, ku energjia dhe muzika shtojnë motivimin.

Qasja e saj ndaj stërvitjes është e qartë: shëndeti dhe mirëqenia janë prioritet. Për Victorinë, ushtrimet nuk janë detyrim, por pjesë e një stili jetese që sjell balancë, vetëbesim dhe pozitivitet.

The post E dinit? Ky është sekreti i formës së jashtëzakonshme të Victoria Beckham appeared first on iconstyle.al.

Victoria Beckham ka zbuluar arsyen pse vendosi të heqë implantet e gjoksit. Në një intervistë të re për gazetën The Sun, ajo tregoi se ky vendim erdhi si pasojë e një transformimi personal dhe profesional, duke përmendur ndihmën e dizajnerit të njohur Roland Mouret. Beckham, 51 vjeçe, shprehu se ishte puna me Mouret që e bëri të kuptonte se nuk kishte nevojë të ndihmonte imazhin e saj për t’u marrë seriozisht.

“Unë nuk e di ku shkuan ato gjinj, por ata ikën. Ishte definitivisht puna me Roland që e bëri atë ndryshim. Ai është kaq i shkëlqyer dhe nuk do të kisha një karrierë në modë nëse nuk do të ishte për të,” tha ajo. Sipas Beckham, ky vendim erdhi nga një nevojë për të qenë më autentike dhe për të mos u ndjerë se duhej të ishte dikush tjetër.

Duke folur për karrierën e saj në modë, Beckham shpjegoi se Mouret ka pasur një ndikim të madh në kalimin e saj nga muzika në industrinë e modës. “Roland pa diçka, nuk e di çfarë, por ne u lidhëm dhe ai besoi tek unë,” tregoi Beckham në serinë e saj dokumentariste në Netflix.

Në intervistë, Beckham gjithashtu reflektuar mbi zgjedhjet e saj të modës në vitet ’90 dhe fillimet e 2000-ës, duke pranuar se ato veshje dhe imazhe ishin pjesë e kërkimit të saj për një qëllim, pas shpërthimit të karrierës me Spice Girls.

The post Victoria Beckham zbulon sekretin e transformimit të saj: Pse hoqi implantet e gjoksit? appeared first on iconstyle.al.