Tenisti italian Jannik Sinner ka fituar finalen e Masters në Torino, duke mundur numrin një në botë, Carlos Alcaraz, në dy sete me rezultatin 7:6 dhe 7:5 pas pak më shumë se dy orësh lojë.

Kjo ishte ndeshja e 16-të mes tyre, ku Sinner shënoi gjashtë fitore, ndërsa Alcaraz mbetet me dhjetë fitore.

Ndeshja nisi me lojë të sigurt nga të dy tenistët, që shfrytëzuan servisin e tyre me agresivitet. Shkëmbimet ishin të jashtëzakonshme, dhe italiani dukej më i sigurt teksa loja përparonte, megjithatë ndryshimi nuk dukej i madh në fillim.

Seti i parë shkoi në barazim, ku Alcaraz pati një set point, por Sinner realizoi një mini-break dhe e fitoi setin e parë.

Në setin e dytë, Alcaraz tregoi një lojë më të fortë dhe arriti të merrte epërsinë 2:0, madje edhe 3:1, por në gjashtë lojën e setit të dytë bëri disa gabime të cilat Sinner i shfrytëzoi për të realizuar thyerjen dhe për të kaluar në avantazh.

Italiani e ruajti kontrollin dhe me një pushim tjetër në lojën e dhjetë përfundoi setin dhe ndeshjen 7:5, duke festuar një fitore të merituar.

Ky është titulli i dytë radhazi i Final Masters për Sinner, që i afrohet Alcarazit me vetëm 550 pikë diferencë. Gjithashtu, ky është titulli i gjashtë i sezonit për të dhe i 24-ti në karrierën e tij. /Telegrafi/

Për momentin, nuk është i pari. Janik Siner është i detyruar të kënaqet me vendin e dytë në renditjen botërore të tenisit për meshkuj, por gjithsesi, ka një kategori ku mbetet i paprekshëm.

Kampioni italian mbushi 722 ditë pa njohur humbje në turnetë në salla të mbyllura, ndërsa e nisi me fitore pjesëmarrjen e tij në Serinë Finale që mbahet në Torino.

Siner është fituesi në fuqi I këtij konkurrimi, që vlerësohet po aq lart sa katër Grand Slemet. Në ndeshjen e parë, ai mundi kanadezin Aliasimë në dy sete. Suksesi erdhi me shifrat e seteve 7-5 e 6-1.

Sidoqoftë, ky lajm sportiv sikur u la pak mënjanë, ndërsa mediat italiane dhe ato europiane njoftuan se dy tifozë të vjetër humbën jetën në Pallatin e Sportit gjatë ndeshjes.

Ata u sëmurën, dhe nuk u shpëtuan dot as në spital, ndërsa në Arenë ndodheshin gjithsej 13 000 njerëz. Në total, italiani ka 27 fitore radhazi në Arena të mbyllura, I mundur për herë të fundit nga Novak Gjokovic.

Pikërisht, Nole I ka shkaktuar edhe humbjen e fundit në Serinë Finale, e pikërisht në sfidën për titull në 2023. Gjithsesi, Siner ka mundësi të mos e mbyllë dot vitin në vendin e parë, pasi kurorën ia mori Karlos Alkaraz. Ai duhet të fitojë në Torino, dhe Alkaraz të arrijë vetëm dy suksese, ndërsa spanjolli e ka marrë të parin./abcnews.al

Ishin dy turne krejt të ndryshëm. Ai i meshkujve në Athinë u bë I madh sepse mori pjesë ish-numri 1 I botës dhe rekordmeni I Grand Slemeve, Novak Gjokoviç, ndërsa ai I femrave ishte Finalja e Turneve Masters, një konkurrim që vjen menjëherë pas Grand Slemeve.

Në kryeqytetin e Greqisë triumfoi pikërish Gjokoviç. Tenisti serb, që është larguar nga Beogradi mesa duket sepse i doli kundër presidentit të vendit, Vucic, ia doli në finale ndaj italianit Muzeti me 3 sete.

Rezultati I seteve ishte 4-6, 6-3 e 7-5 në fushën qendrore në kompleksit sportiv “Paqja e Miqësia”. Ky ishte turneu numër 101 që Nole fiton në karrierë, duke qenë vetëm dy suksese pas legjendës zvicerane, Rozher Federer, që është i dyti për të gjitha kohët me 103.

Në vend të parë, Xhimi Konors me 109. Pas fitores në Athinë, Gjokoviç njoftoi se nuk do të luajë në Finalet e Serisë Masters në Torino që nisin këtë të hënë, dhe ku do të shkojë Muzeti.

Tek femrat pati një të papritur. Tenistja nga Kazakistani, Jelena Ribakina, fitoi Finalet e Serisë Masters, që u zhvilluan përpara meshkujve.

Në Arenën e Universitetit të Mbretit Saud në Riad të Arabisë Saudite, Ribakina mundi numrin 1 të botës dhe favoriten, Arina Sabalenka.

Bjellorusja, që është kampione e Uimbëlldonit në fuqi, u mund në dy sete, me rezultatin 6-3 e 7-6.

Vajza e lindur në Moskë e plotësoi kryeveprën e saj në Riad, pasi në fazën e grupeve mundi numrin 2 të botës, polaken Iga Shviontek.

Ky ishte turneu I 11-të fituar prej saj në karrierë, e ndoshta po kthehet në formën e madhe që pati në 2022 kur triumfoi në Uimbëlldon.

Nuk luan me topin e këmbës, por kjo nuk i prish asnjë punë.

Janik Siner, tenisti më i mirë në Apenine, dhe një nga dy më të mirët në botë, është kthyer papritur në dashurinë e madhe të italianëve.

Një sondazh të cilin e bën të ditur “La Gazeta delo Sport” tregon se numrin 2 të rruzullit e pëlqejnë më shumë se gjithë sportistët e tjerë plot 54 për qind e tifozëve apo e të pyeturve në Itali.

Kjo jo vetëm që është një shifër e madhe, por pas Sinerit ekziston një boshësi e vërtetë, dhe shumë më poshtë janë të tjerët.

Sipas italianëve, në vend të dytë është piloti i ri i Formula 1, Kimi Antoneli, me vetëm 4 për qind të pëlqimeve, pra 50 për qind prapa, ndërsa në vend të tretë me 3 për qind është një grup sportistësh të tjerë, dhe i vetmi futbollist është Xhixho Donaruma.

Falë Sinerit, tenisi është sporti i dytë më i ndjekur në Apenine, me 31 për qind, pas futbollit me gati 50 për qind, ndërsa Formula 1 mbetet në vend të tretë me 29 për qind.

Dashuria e re e Italisë është ende vetëm 24 vjeç dhe besohet se popullariteti I tij do të rritet edhe më shumë.

Këtë vit ai fitoi dy Grand Sleme, Australian Open dhe Uimbëlldon, në garë të jashtëzakonshme me rivalin e tij të madh, Karlos Alkaraz, ndërsa shpreson që shpejt të kthehet numri 1 i botës.

Jannik Sinner po e mbyll vitin 2025 me një tjetër sukses spektakolar, këtë herë në turneun luksoz “Six Kings Slam” në Riad të Arabisë Saudite, ku mposhti rivalin e tij Carlos Alcaraz në finalen me rezultat 2-6, 4-6.

Fitorja nuk i solli vetëm një çek të majmë, por edhe një raketë të artë me vlerë 250 mijë euro, e punuar tërësisht nga ari i pastër – një dhuratë simbolike që një vit më parë i ishte dhënë Rafael Nadalit. Çmimin ia dorëzoi Turki Al Sheikh, ministri i argëtimit në Arabinë Saudite dhe ish-pronar i klubit Almeria.

Në total, Sinner ka përfituar 7.5 milionë dollarë nga ky turne – 1.5 milionë për pjesëmarrje dhe plot 6 milionë për triumfin final. Duke përfshirë edhe fitimet e tjera të sezonit në garat e ATP-së, ku kishte grumbulluar mbi 12 milionë dollarë, italiani arrin tashmë shifrën marramendëse prej 20 milionë dollarësh vetëm për vitin 2025.

Kështu, 24-vjeçari italian e kalon Alcarazin edhe në aspektin financiar. Spanjolli, i cili fitoi 1.5 milionë për pjesëmarrjen dhe humbi 6 milionëshin e kampionit, mbetet me 16 milionë dollarë fitime për këtë vit.

Ky turne, megjithëse nuk është pjesë e kalendarit zyrtar të ATP-së, konsiderohet si ngjarja me shpërblimin më të madh në historinë e tenisit, dhe tashmë për të dytin vit radhazi e ka fituar Sinnerin, që dominoi në fushat e Arabisë Saudite.

Carlos Alcaraz, që në ceremoninë e ndarjes së çmimeve nuk mundi t’ia ndante sytë “raketës së artë”, e pranoi me humor në një intervistë për MARCA: “Do të doja ta kisha edhe unë një ditë atë raketë”.

Sinner me raketë të artë me vlerë 250 mijë euro

Me këtë sukses, Sinner ngjitet në krye të listës së fitimeve për vitin 2025, duke forcuar rivalitetin e madh që tashmë po shtrihet edhe jashtë fushës. Në karrierë, italiani ka arritur tashmë mbi 49 milionë dollarë, ndërsa Alcaraz mban 53.9 milionë dollarë që nga debutimi i tij profesional në vitin 2020. /Telegrafi/

Ndërsa Nitto ATP Finals magjeps skenën globale të tenisit, krah për krah me turnetë Grand Slam, Lavazza afirmon praninë e saj, duke shtuar një prekje të stilit italian në fushat e lojës. Me më shumë se një dekadë përvojë në bashkëpunim me turnetë më prestigjiozë të tenisit në botë, përfshirë Roland Garros, Wimbledon dhe US […]

The post Lavazza sjell ekselencën në Nitto ATP Finals appeared first on BoldNews.al.

Tenisti spanjoll Carlos Alcaraz është shpallur kampion i US Open 2025, duke mposhtur rivalin e tij më të madh, Jannik Sinner, me rezultat 3:1 në sete (6:2, 3:6, 6:1, 6:4) pas 2 orë e 44 minutash lojë.

Ky ishte Grand Slami i tretë radhazi ku Alcaraz dhe Sinner u përballën në finale. Pas fitores së spanjollit në Roland Garros dhe suksesit të italianit në Wimbledon, përballja në Nju Jork vendosi balancën e sezonit.

Alcaraz e nisi fuqishëm duelin duke e fituar setin e parë 6:2, ndërsa Sinner reagoi në të dytin duke barazuar 1:1 me një lojë solide në shërbim.

A pink flamingo, captured in its natural habitat. pic.twitter.com/CQm1ifK4vl

— US Open Tennis (@usopen) September 7, 2025

Megjithatë, spanjolli u rikthye i pamëshirshëm në setin e tretë, të cilin e fitoi 6:1, duke treguar dominim absolut në fushë.

Në setin e katërt, një thyerje vendimtare në 2:2 i hapi rrugën Alcarazit drejt triumfit, të cilin e mbylli me shërbime perfekte për të siguruar titullin.

King Carlos

The Spaniard defeats Sinner in four sets to claim his second US Open trophy! pic.twitter.com/C2jBm7F178

— US Open Tennis (@usopen) September 7, 2025

Kjo ishte trofeu i gjashtë Grand Slam në karrierë për Alcarazin dhe i dyti në US Open. Ai tashmë ka fituar edhe dy tituj në Roland Garros dhe dy në Wimbledon, ndërsa i mungon ende vetëm Australian Open.

Me këtë sukses, Alcaraz jo vetëm fitoi një tjetër titull madhështor, por edhe u ngjit në vendin e parë të listës ATP, duke rrëzuar Sinnerin nga kreu dhe konfirmuar se tenisi botëror ka një kampion të ri absolut. /Telegrafi/ 

The post Carlos Alcaraz mposht Jannik Sinnerin në katër sete për tu shpallur kampion i US Open appeared first on Telegrafi.

Ka përfunduar me sukses edicioni i 7-të i turneut ndërkombëtar në tenis, Peja Open 2025.

Në turneun e javës së fundit, ITF J30 Peja Open, në konkurrencën e vajzave triumfoi tenistja greke Aimilia Pandou, e cila në finalen dramatike mposhti estonezen Elizaveta Astafjeva me rezultat 1-6, 6-1 dhe 7-6 në sete.

Në konkurrencën e djemve, titullin e kampionit e fitoi Panagiotis-Gerasimos Grammatikakis nga Greqia, i cili në finale ishte më i mirë se tenisti nga Mali i Zi, Luka Lukovac, me rezultat 6-0, 7-6 në sete.

Në kategorinë e çifteve për vajza, kampione u shpall dyshja Senem Nalbant nga Turqia dhe Aimilia Pandou nga Greqia, ndërsa te meshkujt triumfuan dyshja greke Alexandros Avgeris / Panagiotis-Gerasimos Grammatikakis.

Gjatë tre javëve të turneut në Pejë, në garë morën pjesë mbi 200 tenistë e teniste nga 25 shtete evropiane dhe botërore. /Telegrafi/ 

The post Edicioni i 7-të i Peja Open 2025: Finalet e luftuara vendosin kampionët e turneut appeared first on Telegrafi.

Në finalen e US Open, do të shohim një përplasje të re të madhe në të cilën do të garojnë Jannik Sinner dhe Carlos Alcaraz, tenistët që mbajnë pozitën e parë dhe të dytë në listën e ATP-së.

Jannik Sinner mposhti Felix Auger-Aliassime në gjysmëfinale me rezultatin 6:1, 3:6, 6:1, 6:4 dhe kështu caktoi finalen me Carlos Alcaraz, i cili eliminoi Novak Djokovic me fitore 6:4, 7:6, 6:2.

Sinner dhe Alcaraz do të ndeshen kështu në finalen e tretë radhazi të Grand Slam në tre muajt e fundit. Alcaraz fitoi në Roland Garros dhe Sinner në Wimbledon.

Në fillim të vitit 2025, Sinner fitoi edhe Australian Open, dhe duke hyrë në finale, ai u bë vetëm tenisti i katërt në histori, së bashku me Rod Laver, Roger Federer dhe Djokovic, i cili hyri në finalet e të katër Grand Slam-eve brenda një viti, dhe në moshën 24 vjeçare, ai është gjithashtu lojtari më i ri që e arrin këtë.

Round III in a Grand Slam final this year pic.twitter.com/7mY6qIhkgl

— US Open Tennis (@usopen) September 6, 2025

Përveçse do të luajnë për titullin e US Open, Sinner dhe Alcaraz do të luftojnë edhe për vendin e parë në renditjen e ATP-së.

Nëse Alcaraz fiton trofeun e tij të dytë të US Open dhe titullin e gjashtë Grand Slam në karrierën e tij, ai do të marrë fronin botëror të tenisit nga Sinner.

CARLOS ALCARAZ VS. JANNIK SINNER

For the THIRD straight time at a major men’s singles final this year pic.twitter.com/DM5Zee95Ok

— ESPN (@espn) September 6, 2025

Me këtë fitore, Sinner mbetet tenisti më i mirë në botë, dhe ky do të ishte titulli i tij i dytë në US Open dhe Grand Slam i pestë. Alcaraz kryeson ndeshjet kokë më kokë me rezultatin 9:5.

Finalja e US Open midis Sinner dhe Alcaraz do të luhet të dielën, duke filluar nga ora 20:00. /Telegrafi/

Carlos Alcaraz Jannik Sinner on Sunday in the US Open men’s singles final.

— US Open Tennis (@usopen) September 6, 2025

The post Nuk ka më mirë se kaq: Sinner dhe Alcaraz do të luajnë në finalen e US Open appeared first on Telegrafi.

Duket si një sfidë mes dy kohëve të ndryshme.

Nuk ka si të jetë ndryshe kur Novak Gjokoviç ndeshet me Karlos Alkarazin, dhe kjo do të jetë gjysmëfinalja më e madhe e meshkujve në US Open.

Ish-numri 1 i botës dhe rekordmeni I Grand Slemeve është 38 vjeç, ndërsa rrugën për në finale ia pengon një 22-vjeçar si ylli I ri I Spanjës.

Gjokoviç mundi bindshëm në çerekfinale amerikanin Tejlër Fric me rezultatin 3-1 me sete.

Ndeshja nuk ishte e lehtë për tenistin nga Beogradi, por gjithsesi ai ia doli me shifrat 6-3, 7-5, 3-6 e 6-4.

I mbiquajturi Nole, që synon titullin e 25-të Grand Slem në karrierë, e shpotiti disi publikun amerikan, me një pjesë të të cilit ka pasur probleme.

Veterani arriti gjysmëfinalen e 53-të në Grand Sleme, një rekord botëror, nga të cilët 14 I ka në Nju Jork.

Alkaraz ndërkaq e pati pak më të lehtë.

Spanjolli I ri mundi çekun Jirzhi Leheçka 3-0 me sete, me rezultatin 6-4, 6-2 e 6-4!

Pavarësisht nga rezistenca e rivalit, numri 2 I botës nuk vuri asgjë në diskutim.

Fitues I 5 Grand Slemeve, ai është pasardhësi I treshes së madhe të tenisit të përbërë nga Federer, Nadal e Gjokoviç, po ashtu si italiani Janik Siner, që është aktualisht numri 1 i botës./abcnews.al

Ky kundërshtar e kishte mundur këtë vit. Aleksandr Bublik ishte ndër tenistët fare të paktë që ia kishte dalë me Janik Sinerin në 2025, bashkë me një farë Karlos Alkaraz, por dueli mes tyre në US Open nuk pati histori.

Numri 1 botës mbylli gjithçka në vetëm një orë e 21 minuta, diçka që mund të cilësohet “një tren ekspres” në turnetë Grand Slem, në të cilët duhet të fitosh 3 sete për t’u kualifikuar.

Rezultati ishte 3-0, dhe setet identike: 6-1, 6-1 e 6-1.

Bublik nuk kishte humbur asnjë herë shërbimin e tij në këtë turne, por ndaj Sinerit ndodh që nuk ke shpëtim.

Ky ishte padyshim versioni më I mirë I italianit, që synon të fitojë Grand Slemin e tretë këtë vit, pasi më parë ia doli në Australian Open dhe në Uimbëlldon.

E vetmja disfatë e rëndësishme, ajo në finalen e “Rolan Garosit” në Paris, në një përmbysje epike ndaj spanjollit Alkaraz.

Paraqitja në të tetat e finaleve në Arenën “Arthër Ejsh” në Nju Jork ishte një konfirmim se 24-vjeçari është kthyer në formë shumë të mirë, pasi u tërhoq nga finalja në Sinsinati, po në Shtetet e Bashkuara, pak kohë më parë, duke qenë I rraskapitur.

Në çerekfinale, do të jetë për herë të parë në historinë e US Openit një duel italian, pasi Siner do të ndeshet me patriotin e tij, Lorenco Muzeti.

Tek femrat, suksesin e arriti numri 2 I botës, Iga Shviontek.

Polakja, që ka gjithashtu 24 vjeç, mundi pa probleme rusen Jekaterina Aleksandrova, 2-0 me sete, dhe me rezultatin e seteve 6-3 e 6-1.

Shviontek, fituese e gjashtë Grand Slemeve, do të kërkojë titullin e dytë në US Open, ndërsa rivalja e saj e madhe mbetet numri 1 I botës, bjellorusja Arina Sabalenka./abcnews.al

Maximilian Hajcik nga Gjermania dhe Senem Nalbant nga Turqia janë fitues të turneut evropian për grupmoshat U14 në tenis , Peja Open 2025.  

Në konkurencën e meshkujve në finale gjermani Maximilian Hajcik shënoi fitore ndaj tenistin grek Theofilos Tsonakis me rezultat 6-2 dhe 6-3 në sete.  Te vajzat tenistja nga Turqia Senem Nalbant ishte më e mirë se rivalja nga Mali i Zi , Anja Adamovic ndaj të cilës shënoi fitore me rezultat bindës 6-0 dhe 6-1 në sete.  

Në kategorinë e çifteve te meshkujt fitues u shpallën dyshja Steliyan Darakev nga Bullgaria dhe Matteo Sanson nga Sllovakia derisa te vajzat kampione të turneut u shpallen tenistet nga Ukraina Anna Kliukovska dhe Yaroslava Sribna.  

Ishte ky edicioni i 7 i turneut evropian Peja Open e në të cilin morrën pjesë 63 tenist e teniste nga 21 shtete evropiane. 

Nga e hëna po ne kompleksin sportiv “Arben Zeka” në Brestovik të Pejës nis turneu ITF J30 Peja Open 2025 për grupmoshën U-18./Telegrafi/

The post Përfundon me sukses turneu “Peja Open 2025” – dominojnë talentët nga Gjermania e Turqia appeared first on Telegrafi.

Tenisti spanjoll Carlos Alcaraz (i dyti në renditjen ATP) fitoi turneun ATP në Cincinnati pas vetëm 23 minutash lojë, pasi italiani Jannik Sinner (i pari në ATP) u detyrua të dorëzohej në finale.

Edhe pse finalja e Masters pritej të ishte një spektakël tenisistik, Sinner u tërhoq në rezultatin 5-0 në setin e parë, duke i dhënë fitoren Alcarazit.

Sinner u tërhoq për shkak të një dëmtimi, shkaku i të cilit nuk është i qartë, megjithëse gjatë ndeshjes ai mbante shpesh barkun, gjë që mund të tregojë edhe një problem të mundshëm viral.

Carlitos, the trophy and the kids @carlosalcaraz #CincyTennis pic.twitter.com/wBypGWyALL

— Tennis TV (@TennisTV) August 18, 2025

Megjithatë, italiani vendosi se ishte më mirë të mos rrezikonte paraqitjen e tij në US Open.

Pavarësisht dorëzimit, Alcaraz dominonte ndeshjen dhe arriti të bëjë tre thyerje shërbimi në një kohë të shkurtër, ndërsa Sinner në pjesën më të madhe vetëm po mbushte hapësirën në anën tjetër të rrjetës.

Heartbreaking

Get better soon, @janniksin pic.twitter.com/KMGSxJpEwG

— Tennis TV (@TennisTV) August 18, 2025

Kjo fitore i jep Alcarazit titullin e Masters në Cincinnati, edhe pse finalja nuk u zhvillua sipas pritshmërive të tifozëve dhe lojtarëve. /Telegrafi/ 

The post Jannik Sinner dorëzon finalen pas 23 minutash – Carlos Alcaraz fiton turneun ATP në Cincinnati appeared first on Telegrafi.

Turneu Grand Slam në New York thyen çdo rekord financiar: US Open 2025 do të shpërndajë një shumë rekord prej 90 milionë dollarësh, duke u bërë turneu me shpërblimin më të lartë në historinë e tenisit. Rritje historike: 20% më shumë se një vit më parë Shoqata Amerikane e Tenisit (USTA) ka vendosur që këtë […]

The post US Open 2025 thyen çdo rekord, ofron premiot më të larta në historinë e tenisit appeared first on BoldNews.al.

Tenisti bullgar, Grigor Dimitrov, i cili për vite me radhë është konsideruar si një nga talentet më premtues të gjeneratës së tij, duket se po përjeton një nga periudhat më të vështira të karrierës. Pas një sërë dëmtimesh të përsëritura, Dimitrov ka marrë edhe një tjetër lajm të keq: do të humbasë edhe turneun e ardhshëm të US Open.

Në Wimbledon, Dimitrov ishte pranë eliminimit të kampionit të ardhshëm, Jannik Sinner, duke udhëhequr 2:0 në sete. Megjithatë, një dëmtim e detyroi të tërhiqej nga ndeshja, duke i mohuar një nga fitoret më të mëdha të karrierës së tij.

Ky ishte rasti i pestë radhazi kur Dimitrov është detyruar të tërhiqet nga një turne Grand Slam për shkak të dëmtimit – një rekord negativ i padëgjuar më parë në historinë e këtij sporti. Para Wimbledonit, ai ishte dorëzuar në:

Roland Garros (2024), në raundin e parë kundër Ethan Quinn,

Australian Open, kundër Francesco Passaro,

US Open, në çerekfinale kundër Frances Tiafoe,

Wimbledon (2023), ndaj Daniil Medvedev.

Dimitrov retires for the FIFTH consecutive Major, this time leading Sinner 2-0 at Wimbledon

Sport can be so cruel sometimes… pic.twitter.com/xLdUTaSVTJ

— Olly Tennis (@Olly_Tennis_) July 7, 2025

Fatkeqësitë nuk përfunduan me kaq. Menaxheri i Dimitrov ka konfirmuar se dëmtimi muskulor i pësuar në Wimbledon është aq serioz, saqë bullgari do të mungojë edhe në edicionin e ardhshëm të US Open që zhvillohet në shtator.

Pas turneut në Londër, Dimitrov iu nënshtrua një operacioni rutinë, i cili u pasua nga një fazë rikuperimi më e gjatë sesa ishte parashikuar. Ai tani shpreson të rikthehet në fushë gjatë turneve në Kinë.

Aktualisht i renditur në vendin e 20-të në klasifikimin botëror, Dimitrov, tashmë 34 vjeç, po përballet me sfida serioze shëndetësore. Duke marrë parasysh moshën dhe historikun e lëndimeve, rikthimi i tij në formën më të mirë në turnetë Grand Slam duket gjithnjë e më i vështirë. /Telegrafi/

The post Bota e tenisit nuk ka parë kurrë një fatkeqësi më të madhe: Ai u detyrua të dorëzohej në pesë Grand Slam radhazi, dhe nuk do të shkojë as në të gjashtin appeared first on Telegrafi.

LONDËR, 21 korrik /ATSH-ANSA/ – Si ushqehet mbreti i Wimbledonit, Jannik Sinner? Padyshim mirë.

Kampioni i tenisit ndjek një dietë të ekuilibruar dhe të kontrolluar si të gjithë atletët, por ka disa fakte interesante për t’u ditur.

Ja një shpjegim me tetë pika i dietës së Jannikut.

1. Adhurues i karotave

Jannik Sinner i do karotat. Ai i ha ato në çdo duke i preferuar ato ndaj ushqimeve të tjera – zakonisht bananeve – që kolegët e tij i hanë shpesh.

Ato janë një rimbushje perfekte: karotat ju ngopin, rimbushin mineralet e humbura përmes djersës dhe janë të pasura me vitaminë A, e cila mbron lëkurën nga dëmtimi i diellit.

2. Lëng kastraveci turshi

Një tjetër frazë e padëshiruar? Lëng kastraveci turshi, i cili u bë viral pas fitores së tij në Australian Open sepse Jannik Sinner piu pak prej tij atje.

Lëngu i kastravecit turshi është një suplement natyral: është i pasur me natrium dhe kalium, të cilat ndihmojnë funksionin e muskujve dhe zvogëlojnë rrezikun e ngërçeve, të cilat janë shumë të zakonshme gjatë një sforcimi të zgjatur si një ndeshje tenisi.

3. Një mëngjes i shëndetshëm

Tërshërë, fruta dhe mjaltë në ditët e ndeshjeve, ose kos, fruta të thata dhe bukë integrale me reçel ose mjaltë: ky është mëngjesi i tij për t’u imituar, i balancuar në mënyrë të përkryer me proteina, karbohidrate dhe yndyrna të shëndetshme.

4. Ha drekë dhe darkë të balancuara në mënyrë të përkryer

Nuk ka sekrete të veçanta në dietën e tij. Jannik Sinner ha atë që të gjithë duhet të hamë, padyshim në sasi të përshtatura sipas nevojave të tij.

Burimet e tij të karbohidrateve përfshijnë makaronat ose orizin kaf, ndërsa mishi i bardhë dhe peshku janë burimet e tij të preferuara të proteinave.

Për më tepër, si gjithmonë, ai shoqëron çdo vakt me një dozë të shëndetshme perimesh për t’u siguruar që po merr mjaftueshëm fibra, vitamina dhe minerale.

Por ai kurrë nuk e tepron me perimet, si për të shmangur fryrjen ashtu edhe sepse ato nuk janë ushqimi i tij i preferuar.

5. Ushqimi i tij ”ngushëllues” është ushqimi i gatuar në shtëpi

Kur është pyetur se nga cila pjatë nuk do të hiqte dorë kurrë, Jannik Sinner është përgjigjur gjithmonë me bindje se janë duart e gjyshes së tij, Maria.

Në përgjithësi, ai e do gatimin në shtëpi, prandaj ndoshta shefi i tij personal është babai i tij, Hanspeter, një shef kuzhine profesionist.

Në ditët pa ndeshje, ai gjithashtu përgatit ushqim ngushëllues për të, siç është tigani i malësorit me petulla të mbetura, mish derri dhe lakër.

6. Disa kënaqësi të rralla

Pica me miqtë, sushi, peshk me patate të skuqura dhe ëmbëlsira.

“I dua dhe shpesh kënaqem. Në fund të fundit, nuk humbet një ndeshje sepse ha pak ëmbëlsirë”, tha ai në një intervistë.

Dhe kur bëhet fjalë për ëmbëlsira, Jannik Sinner nuk e ka fshehur kurrë preferencën e tij për ato të bëra në shtëpi, si strudeli ose biskotat e bëra në shtëpi nga gjyshja ose nëna e tij Siglinde.

7. Ai nuk ka obsesione “shëndetësore”

Dieta e Jannik Sinner nuk përfshin as tepricat “e shëndetshme” që karakterizojnë dietat e kampionëve të tjerë të tenisit.

Spanjolli Carlos Alcaraz, për shembull, e ka eliminuar plotësisht glutenin nga dieta e tij pavarësisht se nuk është intolerant ose alergjik. Ngjashëm me Djokovic, i cili gjithashtu ka eliminuar të gjitha sheqernat e rafinuar.

8. Nuk ha ushqime ultra të përpunuara

Jannik Sinner nuk ha ushqime ultra të përpunuara si ushqime të lehta dhe pije me sheqer. Ai i ka eliminuar ato plotësisht./   /os/

The post SOFT NEWS – Si ushqehet Jannik Sinner ”mbreti” i Wimbledonit? appeared first on Agjencia Telegrafike Shqiptare.

Triumfi i jashtëzakonshëm i Jannik Sinner në Wimbledon, ku ai mposhti Carlos Alcaraz në finalen e meshkujve dhe fitoi Grand Slamin e tij të dytë për vitin 2025, nuk ka ardhur pa polemika.

Ndërsa 23-vjeçari italian festonte një tjetër sukses të madh, tenisti australian Nick Kyrgios ka rihapur debatin mbi rastin e tij të mëparshëm të dopingut.

Kyrgios ka reaguar me kritika të ashpra ndaj fitores së Sinner, duke vënë në pikëpyetje legjitimitetin e saj për shkak të skandalit me substancën e ndaluar ‘clostebol’ në fillim të këtij viti. Rasti daton nga muaji mars, gjatë turneut Indian Wells, kur Sinner rezultoi pozitiv për një steroid anabolik.

He’s back

Jannik Sinner returns to Centre Court as the Gentlemen’s Singles Champion
#Wimbledon pic.twitter.com/TGp1ndIuSN

— Wimbledon (@Wimbledon) July 14, 2025

Ai dhe trajneri i tij, Giacomo Naldi, pretenduan se dopingu doli pozitiv, pasi ai kishte ardhur aksidentalisht pas përdorimit të një spreji shërues që kishte kaluar në trupin e tenistit përmes masazhit.

Agjencia Ndërkombëtare e Integritetit në Tenis (ITIA) e pranoi shpjegimin dhe vendosi se nuk kishte neglizhencë nga ana e lojtarit, duke shmangur një pezullim afatgjatë.

Lexo po ashtu Jannik Sinner kampion i Wimbledonit - mposht Alcarazin në finalen e madhe

Por Agjencia Botërore Anti-Doping (WADA) nuk u pajtua me këtë vendim dhe apeloi rastin. Pas një procesi të gjatë ligjor, u vendos një pezullim tremujor, i vlefshëm nga 9 shkurti deri më 4 maj 2025 – një periudhë që nuk ndikoi në pjesëmarrjen e Sinner në asnjë Grand Slam, përfshirë French Open dhe Wimbledon.

Nick Kyrgios ka qenë ndër kritikët më të zëshëm të trajtimit të çështjes nga institucionet përkatëse. Në postimet e tij në rrjete sociale, ai e ka quajtur situatën “të neveritshme për sportin” dhe ka ngritur shqetësime serioze për standardet e drejtësisë në tenis.

Ai theksoi veçanërisht faktin që Sinner nuk i ndërpreu marrëdhëniet me trajnerin e tij edhe pasi u bë publik shkaku i testit pozitiv. “Nëse fizioterapisti im do të më kishte kontaminuar, ndoshta nuk do t’i flisja më kurrë këtij djali. Pse Sinner e mbajti pranë për pesë muaj?”, deklaroi ai.

Lexo po ashtu Titull, rekord financiar dhe vendi i parë në ATP: Jannik Sinner pasi fiton Wimbledonin ngjitet në majë

Australiani tha gjithashtu se, pavarësisht presionit që ndonjëherë ndiejnë sportistët për të përshpejtuar rikuperimin, ai vetë nuk do të përdorte kurrë substanca të ndaluara, duke shtuar se “ata që e bëjnë, çnderojnë sportin dhe e bëjnë garën të padrejtë”.

Nga ana tjetër, Sinner ka zgjedhur të mos përfshihet në polemikat publike. Ai vazhdon të mbështesë qëndrimin se gjithçka ka qenë një aksident, dhe se vendimi i ITIA vërteton pafajësinë e tij. Megjithatë, debati i ndezur rreth këtij rasti ka nxjerrë në pah boshllëqe dhe paqartësi në sistemin antidoping të tenisit profesional.

Pavarësisht suksesit të Sinner në Wimbledon, shumë figura të njohura të këtij sporti besojnë se rasti i tij dhe mënyra si u menaxhua nga autoritetet, ka hapur një precedent shqetësues për drejtësinë dhe transparencën në këtë disiplinë.

Fitorja e Sinner është padyshim historike, por për disa mbetet e njollosur nga dilemat etike dhe dyshimet që vazhdojnë të qarkullojnë. /Telegrafi/ 

The post Fitorja e Jannik Sinner në Wimbledon nën hijen e polemikave për doping appeared first on Telegrafi.

Më në fund ia doli edhe ai. Janik Siner, edhe pse nga minoriteti gjerman në Tirolin e Jugut, pati mbi supe gjithë kombin e Italisë në finalen e madhe të Uimbëlldonit.

Talenti i madh 23-vjeçar bëri miliona njerëz të lumtur në Apenine duke u bënë I pari Italian që fiton Grand Slemin më të vjetër të botës, Uimbëlldonin.

Asnjë tjetër më parë, djalë apo vajzë, nuk kishte mundur ta bënte. Suksesi ishte I shkëlqyer edhe sepse u arrit ndaj rivalit të tij më të madh, spanjollit Karlos Alkaraz.

Finalja në barin legjendar në “Oll Inglënds Klab” zgjati 3 orë e 4 minuta, shumë më pak sesa dueli epik në “Rolan Garos” të Parisit këtë vit, që Alkaraz e fitoi pas 5 seteve dhe pas 5 orësh e 29 minutave lojë.

Janik pati rezultatin e seteve: 4-6, 6-4, 6-4 e 6-4!

Spanjolli, fitues I pestë Grand Slemeve në karrierë, dhe dy herë radhazi kampion në Uimbëlldon, mori setin e parë, por pastaj italiani ishte I pagabueshëm, e padyshim që nxorri mësime nga Parisi ku udhëhoqi 2-0, për të humbur në fund.

Siner e vlerësoi shumë rivalin.

“Përshëndetje të gjithëve. Dua ta nis me Karlosin. Ishte sërish një turne përrallor prej teje. Të falenderoj për atë që përfaqëson. Është shumë e vështirë të luash kundër teje, por ne kemi një raport të shkëlqyer. Ti do ta fitosh shumë herë këtë trofe. Ti I ke dy kupa të tilla që tani. Është shumë e veçantë, sidomos këtu janë prindërit e mi, vëllai im dhe skuadra ime. Shumë emocionuese. Falenderoj vëllanë që erdhi të më shikonte, dhe që nuk pati Formula 1 këtë fundjavë. Prandaj, ai është këtu”.

Ky ishte titulli I katërt Grand Slem për Janik Sinerin, me dy Australian Open, një Uimbëlldon e një US Open, ndërsa i mbetet “Rolan Garosi”.

Me largimin e treshes së madhe Federer-Nadal-Gjokoviç, Siner dhe Alkaraz nuk lejuan që tenisi të binte në dekadencë dhe konkurrenca është e garantuar të paktën për një dekadë./abcnews.al

Novak Djokoviç e ndjeu plotësisht peshën e moshës së tij 38-vjeçare, në humbjen e thjeshtë që pësoi përballë numrit 1 të botës, Janik Siner, në gjysmëfinale të Wimbledon. Nëse në 2023, jo shumë kohë më parë, Nole fitoi tre Grand Sleme, në dy stinët e fundit tenisi është dominuar nga dyshja e kampionëve të rinj. […]

The post Sinner shkon për herë të parë në finalen e Wimbledon, sfidon kampionin në fuqi Alcaraz appeared first on BoldNews.al.

Pas një periudhe të gjatë si numri një i botës në turin WTA, tenistja polake kthehet në protagoniste dhe fiton turneun femëror të Wimbledon 2025. Iga e dominon finalen kundër Amanda Anisimova, duke fituar lehtësisht për më pak se një orë (pesëdhjetë e shtatë minuta) me rezultat 6-0, 6-0. Ky është Grand Slam-i i gjashtë […]

The post Wimbledon/ Polakja Swiatek fiton për herë të parë Grand Slam-in britanik appeared first on BoldNews.al.