Familjarët e Selin Bollatit kanë reaguar për ndodhitë në BBVA. Babai i Selin, Jeton Bollati ka folur në lidhje me raportin që ka krijuar vajza e tij me Mirin në shtëpinë e Big Brother Vip Albania. Në një intervistë për “Shqipëria Live”, babai i Selin lë të kuptohet se nuk i pëlqen raporti mes dy banorëve të BBV, ndërsa nuk e kursyer aspak Mirin, të cilin e quan pervers dhe madje zhigolo.

“Unë kam gabimet e mia, por ajo më ka ndjekur në çdo hap nga mbrapa. Do ju lutesha shumë të kishim një sensibiltet. Nuk mund të merren gazetarët a u nda nga gruaja, a u nda nga burri. Nuk është faji juaj, por është faji i sistemit. Ajo është jeta personale e çdo njeriu. Ajo femër, nuk është ajo femër që me aq pak mesazhe që kam lexuar, nuk është ajo femër dhe për këtë ju garantoj.

Absolutisht që nuk e ka kuptuar mesazhin. Ajo nuk e di çfarë dimë ne jashtë. Ajo nuk e ndjen atë që ndjejmë ne. unë mendoj se ajo nuk ka kuptuar asgjë. Ajo nuk kupton të parën që çfarë flitet jashtë. Duhet të kuptojë të parën, pastaj të dytën.

Vajza ime s’ka bërë asnjë krim për të dikur nga krevati. Kam besim të plotë te ajo. Vajza ime është burrneshë. Vajza ime nuk është futur për lekë aty, pavarësisht halleve tona. Televizioni është një portë e madhe.

Për Mirin kam shumë mendime, por nuk mund t’i them ato mendime sepse nuk dua t’i degradoj motrën e Mirit, nënë e Mirit, vajzën e Mirit. Mirit do t’ia them ose s’do t’ia them, kjo mbetet për t’u parë në të ardhmen, nëse e takoj.

Duhet të merrni dy-tre psikolog për të matur perevrsitetin e atij mashkulli aty brenda.

Ai një punë zhigolo mund ta bënte shumë mirë. Ai për lekë mund të bëjë çdo gjë. Për famë ai është i gatshëm të bëjë çdo gjë”, tha ndër të tjera babai i Selin.

The post Babai i Selinës ‘shpërthen’ ndaj Mirit: Mashkull pervers, zhigolo appeared first on iconstyle.al.

Sot, e enjte, 8 janar, disa shenja të zodiakut do të ndihen të sfiduara nga universi, duke reflektuar mbi zgjedhjet e kaluara dhe mënyrën se si kanë lënë pas dorë lirinë e tyre për gjëra që nuk u shërbejnë më. Kjo ditë është një mundësi për vetëdije dhe ndryshim, duke kuptuar se ka alternativa dhe zgjedhje që mund të transformojnë situatat.

Binjakët do të përballen me durimin e tyre, sidomos lidhur me disa zakone që nuk i përballojnë më. Kur kuptojnë se jeta ofron më shumë mundësi sesa kanë planifikuar, Binjakët mund të vendosin të ndryshojnë kursin, duke i dhënë fund përsëritjes së atyre zakoneve që nuk u shërbejnë. Curioziteti dhe dëshira për eksplorim do të jenë motivuesit kryesorë për të hequr dorë nga rutinat që i ndalojnë të ecin përpara.

Virgjëresha do të përballet me nevojën për kontroll mbi gjithçka. Sot është një ditë për të kuptuar se nuk duhet të mbikëqyrin çdo detaj dhe të ndihen fajtor për gabime të vogla. Universi i fton të zëvendësojnë perfeksionizmin me fleksibilitet dhe të lejojnë zhvillimet të ndodhin natyrshëm, pa panik dhe pa tension të panevojshëm.

Peshqit do të përballen me kufijtë e tyre emocionalë për shkak të sjelljes së dikujt tjetër. Është një ditë për të vlerësuar nëse reagimi i tyre është i tepruar dhe për të zgjedhur vetërespektin mbi shmangien. Peshqit mund të përdorin intuitën dhe njohuritë e tyre për të marrë vendime të balancuara dhe për të menaxhuar situatat me maturi.

Sot universi i sfidon këto shenja për të reflektuar, për të lëshuar kontrollin e panevojshëm dhe për të zgjedhur rrugën që i shërben më mirë rritjes së tyre personale.

The post Tre shenjat e zodiakut që do të testohen nga universi sot appeared first on iconstyle.al.

Kur flitet për ushqimin e shëndetshëm, shumë njerëz fokusohen tek patatet e ëmbla, por patatet e zakonshme kanë vlera të mëdha ushqyese që shpesh injorohen. Ato janë një burim i pasur karbohidratesh komplekse, të cilat ofrojnë energji të qëndrueshme dhe ndihmojnë në ndjenjën e ngopjes për më shumë kohë. Megjithatë, disa varietete kanë indeks glikemik më të lartë, ndaj ekspertët sugjerojnë kombinimin e tyre me proteina, yndyrna të shëndetshme dhe perime pa niseshte për të balancuar vaktin.

Patatet janë gjithashtu të pasura me vitamina dhe minerale. Një patate mesatare ofron rreth 25% të dozës ditore të vitaminës C, e cila forcon sistemin imunitar dhe mbron qelizat nga dëmtimet. Përmbajnë vitaminë B6, e domosdoshme për funksionin kardiovaskular dhe mendor, si dhe acide fenolike që reduktojnë inflamacionin dhe mbështesin shëndetin e qelizave.

Kaliumi i pranishëm në patate është më i lartë se në një banane, duke ndihmuar në ruajtjen e presionit të gjakut dhe funksionimin normal të muskujve dhe nervave. Lëkura e patates përmban pjesën më të madhe të fibrave dhe fenoleve, ndaj është më e shëndetshme të konsumohet e pjekur me lëvore. Patatet me ngjyra të kuqe ose vjollcë përmbajnë antocianinë, pigment që mbështet shëndetin e zemrës dhe funksionet njohëse.

Çelësi për të përfituar vlerat ushqyese është mënyra e përgatitjes: të ziera, të pjekura ose me pak vaj ulliri janë më të shëndetshme, ndërsa skuqja ose shtimi i kremit dhe gjalpit mund të reduktojë vlerën e tyre. Patatet e zakonshme janë një zgjedhje më ushqyese se niseshtet e përpunuara dhe duhet të rikthehen si pjesë e dietës ditore.

The post Patatet e zakonshme, më të shëndetshme se mendoni: Si t’i konsumoni për maksimum vlerash appeared first on iconstyle.al.

Ish-banorja e Big Brother VIP Albania 1, aktorja Arjola Demiri, ka reaguar hapur ndaj konkurrentit të këtij edicioni, Mateo Borri, pas deklaratave të tij të vazhdueshme për Brikenën. Përmes një postimi në rrjetet sociale, Arjola ka publikuar një video ku Mateo fliste sërish për raportin e tij me Brikenën, duke theksuar njohjen jashtë shtëpisë, çka nxiti reagimin e fortë të aktores tropojane.

Arjola e ka kritikuar Mateon për mënyrën se si ka përfituar nga raporti i mëparshëm me Brikenën për të fituar vëmendje në këtë edicion. Ajo ka theksuar se fama e tij është bazuar vetëm në këtë lidhje të kaluar dhe jo tek vetë personaliteti i tij. Sipas saj, hyrja në shtëpi si ish-i i Brikenës dhe sjellja ndaj saj gjatë spektakleve nuk i ka dhënë asnjë meritë të vërtetë, ndërsa Mateo është fshehur pas komenteve të të tjerëve.

Arjola ka shtuar se Brikena nuk ka nevojë të identifikohet përmes Mateos, pasi heshtja e saj ka më shumë peshë sesa çdo deklaratë publike. “Ajo nuk do të njihet përmes teje. Nuk ka nevojë të thotë gjë, mjafton që nuk të dëgjon më. Flet pa zë dhe pa figurë”, ka shpjeguar ajo.

Në fund të reagimit, aktorja i ka bërë thirrje Mateos të mbyllë këtë temë, duke theksuar se raporti mes tyre ka përfunduar që në fillim dhe nuk ka asnjë arsye për ta rikthyer në vëmendje. Ky reagim ka rikthyer debatet për raportin Mateo-Brikena dhe ka nxitur diskutime të shumta në rrjetet sociale, duke vënë sërish në qendër të vëmendjes një nga temat më të ndjekura të këtij edicioni të Big Brother VIP Albania.

The post Arjola Demiri kundër Mateos: Po luan rolin e ‘princeshës’, fama të vjen vetëm nga Brikena appeared first on iconstyle.al.

Ish-çifti i njohur i showbizit kosovar, Robert Berisha dhe Nora Istrefi, kanë treguar se edhe pas ndarjes vazhdojnë të mbajnë marrëdhënie miqësore, për hir të vajzës së tyre Renee. Sipas Indeksonline, dy artistët janë parë duke shijuar së bashku pushimet dimërore, duke ndarë momente nga udhëtimi në rrjetet e tyre sociale.

Robert dhe Nora kanë publikuar pamje në “Instastory”, ku shihet se ndodhen në të njëjtin vend me vajzën e tyre, duke shijuar pamjet natyrore dhe atmosferën e pushimeve. Përmes këtyre imazheve, ata tregojnë se pavarësisht ndarjes, ruajnë një marrëdhënie të mirëbashkët dhe bashkëpunuese për të siguruar një ambient të shëndetshëm dhe pozitiv për Renee.

Ky udhëtim vjen si një shembull i mirë për çiftet e tjera të divorcuara, që bashkëpunimi dhe respekti mund të mbeten prioritete kur ka fëmijë në mes. Robert dhe Nora duket se kanë gjetur mënyrën për të balancuar marrëdhëniet personale dhe prindërore, duke e vendosur vajzën e tyre në qendër të vendimeve të tyre.

Fansat e tyre kanë reaguar pozitivisht ndaj këtij gjesti, duke përgëzuar artistët për maturinë dhe respektin që tregojnë për familjen e tyre.

Kështu, pavarësisht ndarjes, Robert Berisha dhe Nora Istrefi vazhdojnë të jenë shembull për bashkëprindërimin dhe ruajtjen e marrëdhënieve të mira për fëmijët, duke treguar se dashuria për ta mund të mbetet prioritet mbi ndarjet personale.

The post Robert Berisha dhe Nora Istrefi bashkë në udhëtim, ndodh për herë të parë pas divorcit! appeared first on iconstyle.al.

Përmbytjet e fundit në Shqipëri kanë shkaktuar viktimën e parë në Durrës. Një 54-vjeçar, Astrit Hysenaj, u gjet pa shenja jete në zonën e Plepave, pasi dyshohet se u mor nga rrjedha e ujit gjatë përmbytjeve masive të së martës. Hysenaj ishte shpallur i zhdukur një ditë më parë nga kushëriri i tij dhe punonte pranë ndërmarrjes komunale në plazh, duke u dyshuar se humbi jetën në krye të detyrës.

Trupi i tij u gjet pas kërkimeve nga Policia dhe polumbarët e RENEA-s, ndërsa grupi hetimor po punon për të sqaruar rrethanat nën drejtimin e Prokurorisë.

Për shkak të rrezikut të lartë nga përmbytjet, autoritetet civile kanë urdhëruar evakuimin e menjëhershëm të banorëve në disa zona. Në Durrës, evakuimi përfshin Bashkinë Durrës dhe njësitë administrative Sukth dhe Katund i Ri, ndërsa në Fier është shpallur evakuimi i Njësisë Administrative Ferras. Procesi i evakuimit po kryhet në koordinim me Agjencinë Kombëtare të Mbrojtjes Civile, Prefekturat, strukturat e emergjencave dhe Forcat e Armatosura.

Prioritet u jepet fëmijëve, të moshuarve, personave me aftësi të kufizuara dhe familjeve në zona të izoluara. Transporti dhe strehimi i të evakuuarve do të sigurohen nga autoritetet lokale, shërbimet e emergjencës dhe Forcat e Armatosura. Banorët do të marrin asistencë për ushqim, veshmbathje dhe kujdes shëndetësor, ndërsa autoritetet bëjnë thirrje për të ndjekur udhëzimet dhe të raportojnë çdo situatë emergjente.

Sipas Ministrisë së Mbrojtjes situata më problematike paraqitet në qarqet Shkodër, Lezhë, Durrës, Fier, Berat dhe Gjirokastër, ndërsa në qarqe të tjera situata është nën monitorim ose pa rrezik.

Në këtë situatë, qëndrimi i qytetarëve i sigurt dhe bashkëpunimi me autoritetet është thelbësor për parandalimin e rreziqeve dhe për të minimizuar pasojat nga përmbytjet.

The post Situatë kritike nga përmbytjet! Një i vdekur në Durrës dhe evakuime urgjente në vend appeared first on iconstyle.al.

Çifti që drejtonte barin në resortin zviceran Crans-Montana, ku 40 persona humbën jetën nga një zjarr shkatërrues natën e Vitit të Ri, akuzohen se kanë tentuar të shkatërrojnë prova duke bllokuar llogaritë në rrjetet sociale menjëherë pas tragjedisë.

Jacques Moretti (49 vjeç) dhe bashkëshortja e tij Jessica Moretti (40 vjeçe) dyshohen për vrasje nga pakujdesia, mes akuzave për standarde të pamjaftueshme sigurie në lokalin e quajtur Le Constellation.

Avokati Romain Jordan, i cili përfaqëson disa nga 116 të plagosurit – shumica të rinj, disa me djegie katastrofike – tha se llogaritë e barit në Facebook dhe Instagram u pezulluan ndërkohë që operacionet e shpëtimit ishin ende në zhvillim.

Ai i tha The Times se llogaritë u bllokuan mes orës 03:00 dhe 06:30 të mëngjesit. “Është e çuditshme që, ndërsa po zhvillohej një emergjencë e tillë, dikush po mendonte për këtë,” u shpreh ai.

Sipas Jordanit, lokali kishte reklamuar festën e Vitit të Ri pak para zjarrit, dhe pezullimi i llogarive tregon se menaxherët ishin të vetëdijshëm për çështjet e sigurisë që në momentet e para pas tragjedisë.

Zjarri shpërtheu rreth orës 01:30 të mëngjesit, pasi fishekzjarre të vendosura mbi shishe shampanje i vunë flakën një materiali akustik shumë të ndezshëm në tavan. Një ish-zjarrfikës deklaroi se materiali ishte “në thelb i njëjtë” me veshjen e përdorur në kullën Grenfell në Londër.

Pamje të realizuara para zjarrit tregojnë një banakier me helmetë duke mbajtur një fishekzjarr të ndezur, ndërsa qëndronte mbi shpatullat e një kolegu të maskuar. Brenda pak minutash, zjarri u përhap në gjithë klubin nëntokësor në një fenomen të njohur si “flashover”, ku të gjitha materialet e djegshme marrin flakë njëkohësisht.

Personat e bllokuar brenda lokalit kishin vetëm një shkallë të ngushtë për të dalë. Dy ish-punonjës thanë se fikëset e zjarrit shpesh mbaheshin të mbyllura dhe se dera e daljes emergjente ishte shpesh e bllokuar ose e mbyllur me çelës.

Dy ish-punonjës, të identifikuar vetëm si Maxime dhe Sarah, deklaruan se trajnimet për sigurinë nga zjarri kishin qenë “të dobëta”. “Gjithmonë thosha se nëse fishekzjarrët preknin tavanin, gjithçka mund të merrte flakë,” tha Maxime për BFM.

Autoritetet lokale në Crans-Montana pranuan gjithashtu se lokali nuk kishte kaluar inspektimin vjetor të sigurisë për më shumë se pesë vjet. Presidenti i komunës, Nicolas Féraud, e quajti këtë një dështim serioz dhe tha se autoritetet “nuk do t’i shmangen përgjegjësisë”.

Policia e kantonit Valais po vazhdon hetimet ndaj çiftit Moretti për vrasje nga pakujdesia, plagosje të rëndë nga pakujdesia dhe zjarrvënie nga pakujdesia.

Në një deklaratë të përbashkët, çifti u shpreh se është “i shkatërruar dhe i mbushur me dhimbje” dhe se po mendon vazhdimisht për viktimat, duke shtuar se nuk do të përpiqet të shmangë përgjegjësitë.

Të dielën, më shumë se 2,000 persona morën pjesë në një procesion përkujtimor në Crans-Montana, duke marshuar në heshtje nga një shërbesë fetare drejt vendit të tragjedisë. Heshtja u ndërpre vetëm nga duartrokitjet spontane për zjarrfikësit që luftuan flakët.

Një banor lokal tha: “Po kalojmë një moment errësire të thellë, por po e përballojmë së bashku./ Top Channel

The post Tragjedia në Zvicër me 40 viktima / Pronarët e barit nën hetim për vrasje nga pakujdesia dhe fshehje provash appeared first on iconstyle.al.

Khloé Kardashian ka zbuluar se aktualisht ekziston vetëm një djalë i veçantë që lejohet të flejë në shtratin e saj. Ylli i reality show-t The Kardashians, 41 vjeç, foli hapur me ndjekësit gjatë sesionit të saj më të fundit “Ask Me Anything”, të publikuar në kanalin e saj në YouTube më 7 janar.

Gjatë episodit të katërt të serisë, Khloé u pyet se si ndihet për burrat që hanë ushqim në shtrat ose jashtë zonave të përcaktuara për ngrënie. Përgjigjja e saj ishte e drejtpërdrejtë dhe plot humor. “Kam shumë ndjenja për një burrë që thjesht të jetë në shtratin tim për momentin,” pranoi ajo. “Nuk dua askënd aty, përveç djalit tim. Ai është i vetmi djalë që lejohet në shtratin tim tani.”

Khloé është nënë e dy fëmijëve, vajzës True, 7 vjeç, dhe djalit Tatum, 3 vjeç, të cilët i ka me ish-partnerin e saj, Tristan Thompson. Ajo tregoi gjithashtu se bën përjashtime kur vjen puna te ushqimi, pasi e konsideron veten një “snack-ere”.

“Më pëlqen të ha ndonjë snack në shtrat, si kokoshka, por asgjë të lagësht apo një vakt të plotë. Jam shumë e veçantë për këtë,” tha ajo, duke shtuar se nuk do të lejonte kurrë ushqime si bifteku në shtrat.

Edhe pse pranoi se ndjen pak ankth kur fëmijët hanë në shtrat dhe shpesh vendos një peshqir, Khloé theksoi se prioriteti i saj aktual janë fëmijët. Në një episod të janarit 2025 të podcast-it të saj Khloé in Wonderland, ajo tha se nuk po takohet me askënd, sepse dëshiron të përqendrohet plotësisht te rritja dhe lidhja me ta.

“Dua të jem sa më e pranishme dhe pa shpërqendrime në këtë fazë të jetës sime,” përfundoi ajo.

The post Khloé Kardashian: Vetëm një djalë lejohet në shtratin tim! appeared first on iconstyle.al.

Shkaku i vdekjes së aktorit amerikan James Ransone është konfirmuar disa ditë pas ndarjes së tij nga jeta në moshën 46-vjeçare. Sipas një certifikate vdekjeje të datës 29 dhjetor, të siguruar nga media PEOPLE më 7 janar, Ransone ka ndërruar jetë si pasojë e vetëvrasjes. Aktori u gjet i pajetë më 19 dhjetor në Los Anxhelos, ndërsa Zyra e Ekzaminuesit Mjekësor të Qarkut të Los Anxhelosit e kishte cilësuar më herët vdekjen si vetëvrasje të dyshuar.

Dy ditë pas vdekjes së tij, bashkëshortja e aktorit, Jamie Ransone, ndau një postim prekës në Instagram, ku i shprehte dashurinë e përjetshme bashkëshortit të saj. “Të kam thënë që të kam dashur një mijë herë dhe e di që do të të dua sërish. Faleminderit për dhuratën më të madhe, ty, Jack-un dhe Violet-in. Ne jemi përgjithmonë,” shkroi ajo, duke iu referuar edhe dy fëmijëve të çiftit.

Pas vdekjes së aktorit, u hap edhe një faqe GoFundMe për të ndihmuar familjen me shpenzimet, ku Ransone u përshkrua si “bashkëshort, baba dhe mik i dashur”, si dhe një prind i jashtëzakonshëm që e kishte familjen në qendër të jetës së tij.

James Ransone lindi më 2 qershor 1979 në Baltimore. Ai ishte më së shumti i njohur për rolin e Ziggy Sobotka në serialin e famshëm The Wire, si dhe për interpretimin e versionit të rritur të Eddie Kaspbrak në It: Chapter Two. Karriera e tij përfshinte edhe filma si The Black Phone, Tangerine, si dhe role në seriale të njohura televizive.

Pas lajmit të vdekjes, shumë kolegë dhe miq nga bota e filmit, përfshirë Channing Tatum dhe Natasha Lyonne, ndanë homazhe dhe mesazhe prekëse në kujtim të tij.

The post Konfirmohet shkaku i vdekjes së aktorit James Ransone appeared first on iconstyle.al.

Rihanna vazhdon të sfidojë normat dhe të promovojë diversitetin përmes markës së saj të njohur të të brendshmeve, Savage x Fenty. Për fushatën e re të Ditës së Shën Valentinit, këngëtarja dhe sipërmarrësja ka zgjedhur një emër që ka tërhequr vëmendje të madhe publike: Vivian Wilson, vajza 21-vjeçare transgjinore e miliarderit Elon Musk.

Vivian është fytyra kryesore e koleksionit më të ri, i titulluar “Love So Savage: Një Odë Moderne për Afërditën”, një linjë që kombinon estetikën klasike me frymën moderne të dashurisë dhe vetëpranimit. Zgjedhja e saj shihet si një mesazh i fortë për përfshirje dhe liri identiteti, vlera që Rihanna i ka promovuar vazhdimisht përmes markës së saj.

View this post on Instagram

A post shared by SAVAGE X FENTY BY RIHANNA (@savagexfenty)

Në njërën nga imazhet më të komentuara të fushatës, Vivian Wilson shfaqet përkrah aktoreve Lovie Simone dhe Emma Arletta, duke pozuar përpara statujave prej mermeri që evokojnë mitologjinë klasike. Ajo mban veshur një reçipetë me motive trëndafili dhe një minifund me dantella të së njëjtës temë, të kombinuara me geta të kuqe, aksesorë të artë dhe buzëkuq të kuq të theksuar.

Përveç Wilson, fushata përfshin edhe emra të tjerë të njohur, si yjet e reality show-t Love Island, Serena Page dhe Kordell Beckham, si dhe influencueset Hayley dhe Jules LeBlanc.

Fushata e re e Savage x Fenty po vlerësohet gjerësisht për mesazhin e saj të fuqishëm mbi dashurinë, përfshirjen dhe bukurinë në të gjitha format e saj.

The post Vajza transgjinore e Elon Musk, fytyra e fushatës së re të Rihanna-s appeared first on iconstyle.al.

Pas një qëndrimi të shkurtër, por të komentuar, këngëtarja e njohur Fjolla Morina ka vendosur të reagojë për herë të parë në rrjetet sociale. Ky është postimi i saj i parë publik që nga dita e hënë, kur ajo vendosi të largohej vullnetarisht nga “Big Brother VIP Kosova”, duke ndërprerë rrugëtimin brenda shtëpisë më të famshme të Kosovës.

Përmes një postimi në Instagram, Fjolla i shprehu mirënjohje fansave të saj që e mbështetën gjatë kohës së qëndrimit në shtëpi. “Ju dua ata që më mbështetën… Faleminderit”, shkroi ajo, duke treguar falënderimin për përkrahjen e vazhdueshme nga ndjekësit e saj. Mesazhi u prit me reagime të shumta, ku ndjekësit shprehën mbështetje dhe respekt për vendimin e këngëtares.

Fjolla Morina hyri në “Big Brother VIP Kosova” si një nga konkurrentet më të pritura të sezonit, duke krijuar pritshmëri të madhe për performancën dhe prezencën e saj në shtëpi. Megjithatë, qëndrimi i saj zgjati vetëm pak javë. Të hënën, ajo njoftoi banorët dhe produksionin e emisionit se dëshironte të largohej, duke argumentuar vendimin si një zgjedhje personale. Pas përfundimit të Prime, Fjolla u largua nga shtëpia, duke lënë pas diskutime dhe reagime të shumta në media dhe rrjetet sociale.

Largimi i saj ka hapur diskutime për dinamikat brenda shtëpisë dhe arsyet që e shtynë të ndërpriste eksperiencën, ndërsa Fjolla përqendrohet tani në përmbajtje dhe projekte të tjera jashtë reality show-t. Ndjekësit e saj mbeten të gatshëm për çdo postim të ardhshëm dhe për zhvillimet e karrierës së saj muzikore.

The post Fjolla Morina reagon për herë të parë pas daljes nga BBVK appeared first on iconstyle.al.

Bradley Cooper ka vendosur të reagojë publikisht ndaj spekulimeve të shumta që qarkullojnë së fundmi për pamjen e tij dhe pretendimet se ai i është nënshtruar ndërhyrjeve estetike. Aktori i njohur mohoi kategorikisht zërat për kirurgji plastike, duke sqaruar se ndryshimet në pamjen e tij janë krejtësisht natyrale.

Gjatë një bisede të hapur, tema u soll në vëmendje nga Will Arnett, i cili theksoi perceptimin e krijuar në publik. “Ne vazhdojmë të lexojmë se të gjithë mendojnë se Bradley ka bërë operacione plastike, por ai në të vërtetë nuk ka bërë asnjë operacion”, u shpreh Arnett. Kjo deklaratë hapi diskutimin për komentet e shumta që aktori ka marrë kohët e fundit.

Vetë Cooper pranoi se është përballur shpesh me reagime dhe vërejtje për pamjen e tij. “Njerëzit vazhdojnë të më thonë se dukem mirë, por kjo është çmenduri, nuk kam bërë asnjë ndërhyrje kirurgjike”, tha ai, duke theksuar se nuk ka kryer asnjë procedurë estetike.

Spekulimet janë shtuar veçanërisht pas diskutimeve të ndezura në rrjetet sociale, ku fansat kanë krahasuar pamjen e tij aktuale me atë të viteve më parë. Disa prej tyre kanë sugjeruar se ndryshimet janë rezultat i plakjes natyrale, ndërsa të tjerë kanë pretenduar se sytë e aktorit duken ndryshe dhe se ai mund të ketë përdorur injeksione ‘Botox’.

Megjithatë, Cooper mbetet i qartë në qëndrimin e tij, duke mohuar çdo ndërhyrje dhe duke lënë të kuptohet se ndryshimet fizike janë pjesë normale e kalimit të viteve. Reagimi i tij ka nxitur diskutime të reja mbi presionin që figurat publike përballen për pamjen dhe standardet e vendosura nga opinioni publik.

The post Bradley Cooper reagon ndaj zërave për kirurgji plastike: Nuk kam bërë asnjë ndërhyrje appeared first on iconstyle.al.

Kai Trump, mbesa 18-vjeçare e ish-presidentit amerikan Donald Trump, ka ngjallur interes të madh publik pas paraqitjes së saj në podcastin e njohur “Impaulsive” të Logan Paul. Gjatë intervistës, ajo u shpreh hapur për qëndrimin e saj ndaj politikës, duke theksuar se nuk dëshiron të jetë e përfshirë në këtë fushë, të cilën e përshkroi si “një gjë të rrezikshme”.

Pavarësisht se vjen nga një familje me ndikim të madh politik, Kai tha se është përpjekur gjithmonë të qëndrojë larg debateve politike dhe nuk e sheh veten si politikane në të ardhmen. Ajo foli edhe për klimën aktuale shoqërore, duke theksuar se shoqëria është bërë tepër e polarizuar dhe se zgjidhja, sipas saj, gjendet te kompromisi dhe gjetja e një rruge të mesme mes palëve kundërshtare.

Sipas Kai-t, rrjetet sociale kanë një rol të madh në përforcimin e ndarjeve ekstreme, duke e bërë dialogun edhe më të vështirë. Megjithatë, ajo nënvizoi se gjithmonë do ta mbështesë familjen e saj, ndërsa politikisht e përshkroi veten si një person “në qendër”.

Kai Trump është golfiste e suksesshme dhe këtë vit pritet të nisë studimet në Universitetin e Miamit. Deklaratat e saj u pritën pozitivisht në rrjet, ku shumë përdorues e vlerësuan për pjekurinë dhe qasjen e balancuar. Gjatë bisedës, ajo ndau edhe përvojat e vështira të jetës nën mbrojtjen e përhershme të Shërbimit Sekret, duke përmendur situata të sikletshme në jetën private dhe takimet romantike. Megjithatë, Kai tha se po mundohet të përshtatet me këtë realitet, veçanërisht pas rikthimit të gjyshit të saj në postin e presidentit.

The post Mbesa e Donald Trump befason: “Politika është një gjë e rrezikshme” appeared first on iconstyle.al.

Ditën e enjte territori i vendit do të vijojë të jetë nën ndikimin e kushteve atmosferike të paqëndrueshme, duke sjellë mot kryesisht të vranët. Vranësirat do të jenë mesatare deri të dendura në pjesën më të madhe të territorit, duke krijuar kushte për reshje të herëpashershme shiu. Deri në orët e mesditës, reshjet pritet të jenë me intensitet të ulët deri mesatar dhe do të prekin shumicën e zonave. Në disa intervale kohore, veçanërisht në zonat qendrore dhe jugore, shiu mund të shfaqet në formën e shtrëngatave afatshkurtra.

Pas mesditës, reshjet e shiut do të vazhdojnë kryesisht në qendër dhe jug të vendit, por me intensitet më të dobët dhe me tendencë ndërprerjeje drejt pasdites. Në zonat malore, situata do të jetë më e ashpër. Në Alpe priten reshje bore me intensitet mesatar deri të lartë, të shoqëruara herë pas here me stuhi bore. Në verilindje dhe lindje, në lartësitë mbi 100 metra, si dhe në juglindje mbi 300–400 metra, reshjet do të jenë kryesisht dëborë me intensitet të ulët deri mesatar.

Në pjesën tjetër të territorit, në zonat mbi 400–500 metra mbi nivelin e detit, reshjet pritet të jenë në formë dëbore të dobët. Gjatë orëve të pasdites, si reshjet e shiut ashtu edhe ato të dëborës do të ndërpriten gradualisht në pjesën më të madhe të vendit. Era do të fryjë nga drejtimi juglindje–jugperëndim me shpejtësi mesatare rreth 9 m/s, ndërsa përgjatë vijës bregdetare dhe në lugina do të arrijë deri në 18 m/s. Deti do të paraqitet me valëzim të forcës 3–4 ballë.

The post Kushte të paqëndrueshme atmosferike dhe reshje shiu e dëbore gjatë ditës së enjte appeared first on iconstyle.al.

Dashi

Ju pret një ditë e lodhshme, sidomos nga pikëpamja sentimentale. Momentalisht situata nuk paraqitet e qetë, madje mund të jetoni në dy histori paralele.

Demi

Mundohuni që të mos lodheni shumë dhe mos bëni më shumë se gjërat e domosdoshme. Dashuria do të jetë mjaft e favorshme, ku do të keni bashkëpunim. Në punë do të ketë ndryshime, ku disa prej tyre mund të kenë nisur tashmë.

Binjakët

Në sferën sentimentale duhet qartësi dhe sinqeritet i plotë. Ndërsa në punë mund të merrni propozime të papritura, të cilat nuk duhet ti injoroni.

Gaforrja

Nëse jeni përballur me shpenzime të tepërta, tashmë do ta gjeni veten duke debatuar me partnerin/en. Pavarësisht kësaj Hëna është në shenjën tuaj. Në këtë periudhë do të ndiheni disi të lodhur dhe nervoz. Mundohuni që të qetësoheni.

Luani

Nëse jeni vetëm, me gjasë nuk jeni në kërkim të lidhjeve apo angazhimeve të reja. Në raportet në çift mund të ketë grindje, të cilat duhen menaxhuar me kujdes.

Virgjëresha

Dashuria do të jetë disi problematike, ku do të jeni mjaft kërkues gjë që do të shkaktojë debate të forta. Ky është momenti i duhur për të çuar përpara disa çështje profesionale.

Peshorja

Hëna do të ketë ndikim të kundërt, ku tashmë duhet të rrini sa më larg debateve. Mos bëni gjëra vetëm për të kënaqur të tjerët. Në punë do të përballeni me dyshime, pasi nuk do dini si të veproni.

Akrepi

Dashuria më në fund do të shënojë përmirësim, në sajë të ndikimit të favorshëm të Hënës. Në punë ka nevojë për durim, veç mundohuni që të mos mendoni vetëm për anën ekonomike.

Shigjetari

Mundohuni që të rrini larg debateve. Kjo e mërkurë nuk do të jetë e favorshme sa i takon raportit sentimental, sidomos për ata që janë të dyjëzuar në dy lidhje, shkruan noa.al. Në punë, do të ketë përmirësim.

Bricjapi

Mbrëmja do të jetë nën ritmin e duhur. Në dashuri Hëna do të ketë ndikim të kundërt, ku nuk përjashtohen debatet. Në punë do të ketë të reja të rëndësishme. Propozimet që do të merrni duhen analizuar me kujdes.

Ujori

Ju pret një ditë e tensionuar. Mirëpo pavarësisht kësaj në dashuri mund të ketë një ndjenjë të rëndësishme. Bëni kujdes ndaj debateve, pasi gjatë kësaj të enjteje do të jeni shumë konfliktual, por nuk është e thënë që keni të drejtë. Puna ju streson dhe jeni të lodhur.

Peshqit

Puna do të jetë mjaft stresuese, duke mos ju lënë të qetë. Nga ana tjetër keni dëshirë për të dashuruar, por Venusi ju krijon probleme. Në punë mund të keni probleme me eprorin.

The post Horoskopi ditor, e Enjte 8 janar 2026 appeared first on iconstyle.al.

“Stranger Things” është bërë një fenomen masiv me përfundimin e tij gjatë këtij sezoni Krishtlindjesh pas pesë sezonesh dhe pothuajse 10 vitesh ngjarje. Adhuruesit e serialit kanë parë të mirën të triumfojë mbi të keqen, dhe si humnera ashtu edhe Përmbysja janë mbyllur përgjithmonë pasi Vecna ​​u mund nga grupi i miqve të guximshëm.

Misteri që do ta rrethojë gjithmonë serialin është nëse rrëfimi i fundit i Mike është i vërtetë dhe nëse Eleven arriti të shpëtojë veten, pasi ajo që shihet në fillim është se ajo u shpërbë së bashku me të përmbysurin. Ky mund të mos jetë rasti dhe mund të jetë një hologram falë shërbimit të fundit të motrës së saj Eight.

Ky dyshim, i cili do të mbetet gjithmonë midis fansave të serialit, midis të cilëve ka nga ata që zgjedhin të besojnë dhe nga ata që nuk e bëjnë këtë, mund të zgjidhet në një kapitull të fundit, të habitshëm dhe të shumëpritur, të panjoftuar askund, por teoritë e fansave flasin për një të tillë. Është një trend që është përhapur si zjarri në pyll dhe do të fliste për një këst të fundit, kapitullin e nëntë.

Kjo teori është quajtur “Porta e Konformitetit” dhe sugjeron se gjithçka mund të ndryshojë në një kthesë të fundit . Brenda kësaj teorie janë ata që thonë se biografitë e rrjeteve sociale të Netflix nuk kanë ndryshuar ende dhe ende tregojnë, në disa raste, ngjarje që nuk ndodhin në serial . Përveç kësaj, përdoruesit kanë raportuar se llogaria e tyre në Netflix ende i paralajmëron se ka një episod të fundit të serialit.

Jo vetëm kaq, por shumë po kërkojnë teori për të konfirmuar se ky mund të jetë rasti, siç është poza e vazhdueshme me duart e kapura në bel, aq karakteristike e Henrit dhe që gjatë episodeve të fundit e tregojnë pothuajse të gjithë personazhet, ose ekzistenca e objekteve që simulojnë ngjyrat e një fushe shahu, duke iu referuar faktit se Vecna ​​mund të jetë duke luajtur me to.

Shkurt, ka një numër të pafund detajesh që fansat e serialit kanë vënë re, disa më të besueshme se të tjerat, por realiteti është se shumë tashmë po përgatiten për një fund alternativ, një kthesë të papritur që mund ta vendosë atë ndër serialet më të mira në histori. Megjithatë, asgjë nuk është konfirmuar, por nëse ndodh, duket se mund të ndodhë në ditët në vijim të janarit.

The post Çfarë është ‘Porta e Konformitetit’?/ Teoria se një kapitull i fundit i ‘Stranger Things’ ende nuk ka ardhur appeared first on iconstyle.al.

Nominimet për Actor Awards 2026, të njohura si SAG Awards, janë shpallur zyrtarisht.

Aktorja e serialit “Abbott Elementary”, Janelle James, dhe ylli i “Heated Rivalry”, Connor Storrie, prezantuan kandidatët e këtij viti të mërkurën në kanalin zyrtar të Netflix në YouTube, pas një hyrjeje nga presidenti i SAG-AFTRA, Sean Astin.

Ky është viti i parë që ceremonia mban emrin Actor Awards, një ndryshim i njoftuar në nëntor, me qëllim që të lidhet më ngushtë me statujën ikonike të çmimeve dhe të theksojë sindikatën e aktorëve që qëndron pas tyre.

Ceremonia do të transmetohet drejtpërdrejt në Netflix, të dielën, më 1 mars, në orën 20:00. Moderatori i mbrëmjes ende nuk është bërë publik.

Gjatë ceremonisë, Harrison Ford do të nderohet me Çmimin për Arritje Jetësore, si një nga figurat më legjendare të aktrimit.

Lista e nominimeve të SAG Awards:

Nominimet kryesore – Film
Aktori më i mirë në rol kryesor

Timothée Chalamet – Marty Supreme
Leonardo DiCaprio – One Battle After Another
Ethan Hawke – Blue Moon
Michael B. Jordan – Sinners
Jesse Plemons – Bugonia
Aktorja më e mirë në rol kryesor

Jessie Buckley – Hamnet
Rose Byrne – If I Had Legs I’d Kick You
Kate Hudson – Song Sung Blue
Chase Infiniti – One Battle After Another
Emma Stone – Bugonia
Kasti më i mirë në film

Frankenstein
Hamnet
Marty Supreme
One Battle After Another
Sinners
Nominimet kryesore – Televizion
Aktori më i mirë në serial dramatik

Sterling K. Brown – Paradise
Billy Crudup – The Morning Show
Walton Goggins – The White Lotus
Gary Oldman – Slow Horses
Noah Wyle – The Pitt
Aktorja më e mirë në serial dramatik

Britt Lower – Severance
Parker Posey – The White Lotus
Keri Russell – The Diplomat
Rhea Seehorn – Pluribus
Aimee Lou Wood – The White Lotus
Ansambli më i mirë në serial komedi

Abbott Elementary
The Bear
Hacks
Only Murders in the Building
The Studio
Stunt Awards
Performanca më e mirë në film

F1
Frankenstein
Mission: Impossible – The Final Reckoning
One Battle After Another
Sinners
Performanca më e mirë në serial

Andor
The Last of Us
Stranger Things
Squid Game
Landman

The post Actor Awards 2026: Lista e plotë e nominimeve appeared first on iconstyle.al.

Imazhi i Nicolas Maduros të arrestuar nga Shtetet e Bashkuara, i veshur me një tuta gri Nike, është tashmë një nga më tronditëset në historinë e kohëve të fundit. Ka pasur shumë interpretime të kësaj veshjeje, e cila është e famshme në të gjithë botën. Por analiza stilistike e kapjes së presidentit të Venezuelës ka edhe një kapitull: bluzën e markës Origin, në ngjyrë blu patriotike.

Nicolas Maduro u shfaq me të në orët pas arrestimit. Ai madje pozoi me të me gishtin e madh lart, përkrah agjentëve të DEA-s (Administrata Kundër Drogës). Bluza e veshur nga udhëheqësi venezuelian ka një histori të shënuar. Për fillestarët, ngjyra blu e veshjes quhet nga Origin si ‘blu patriot’, diçka që disa e konsiderojnë një shenjë të qartë të suksesit të operacionit kundër asaj që administrata Donald Trump e ka përcaktuar si një armik të Shteteve të Bashkuara.

Duke shqyrtuar historinë e vetë Origin, në letrën e themeluesit, Pete Roberts, shohim se marka është krenare për rrënjët dhe vlerat e saj:

“Ëndrra amerikane është një mënyrë mendësie, një në të cilën kam besuar gjithmonë. Në një moment, dikush duhet të flasë. Jo me fjalë, por me vepra. Revolucioni nuk ka pse të jetë një fushatë fizike. Kjo ëndërr amerikane, e plagosur dhe e dërrmuar, ka nevojë që unë dhe ju të besojmë në të. Për mua, ishte akti i thjeshtë i të thënit jo. Protesta ime e heshtur ndaj botës, ndaj lakmisë, ndaj komunizmit, ndaj së keqes… ndërto një fabrikë dhe shpëto .”

The post Pas tutave sportive të Maduros, virale bëhet bluza ‘patriotike’ e Origin appeared first on iconstyle.al.

I ftuar mbremjen e sotme në emisionin “Big Brother Radio” ka qenë Seno Fishta. Ish-banori që përfundoi rrugëtimin e tij mbrëmjen e së shtunës, në një nominim të hapur brenda natës mes Keijsit dhe Kristit. Seno ka zbuluar në Top Albania Radio më shumë detaje në lidhje me eksperiencën e tij brenda shtëpisë më të famshme në vend.

Kur u pyet nga Edea se “E keqja e domosdoshme” sipas tij kush mund të jetë, ish-banori u përgjigj duke treguar se:

Edhe Brikena i duhet lojës pavarësisht se është manipulatore, por nuk mund ta fusim te niveli i Kristit, janë profile krejt të ndryshme. Brikena mua më duket shumë fallco në të gjitha kuptimet. Nuk hajmë bar, Miss-i që thotë dua të jetoj me vjehrrit, kjo është një diçka…ne nuk po rrimë me prindërit tanë.

Më pas kur Atalanta e pyeti nëse Seno mendon se Brikena shtiret, ai u përgjigj duke shpjeguar edhe pse banorja e bën këtë:

Absolutisht po. Ajo ka gjetur një kimi dhe një lidhje para kamerave që dhe të gjitha vajzat e kishin vënë re. Dilte, fliste dhe e bënte publikun për vete. Manipulatore profesioniste. Unë e kam vënë re dhe në shtëpi, ku ne ndanim detyrat për të pastuar dhe për të bërë punët dhe ajo nuk bënte asgjë. Ajo rrinte 3 orë duke bërë ‘make-up’ dhe pjatën e saj 5 minuta nuk e lante. Gjëra bazike. Janë disa gjëra që duhen bërë me vepra dhe jo me deklarata, këto deklarata mund të jenë të mirëpërgatitura ose i ka gjetur në ChatGPT.

The post Seno për lojën e Brikenës: Manipulatore, flet me deklarata që i ka gjetur në ChatGPT appeared first on iconstyle.al.

Një ngjarje e rëndë dhe tronditëse është shënuar në Itali, ku një i mitur shqiptar është kthyer në hero duke shpëtuar nënën e tij nga një akt i rëndë dhune që rrezikonte t’i merrte jetën.

Ngjarja ka ndodhur në Cavarzere, ku një 43-vjeçar, pas një konflikti të ashpër me bashkëshorten, ka ndërmarrë një veprim ekstrem. Sipas informacioneve paraprake, burri e ka lyer gruan me benzinë dhe ka tentuar t’i vërë flakën, duke e vënë në rrezik të menjëhershëm jetën e saj.

Në momentet kritike, ka qenë djali i tyre i mitur që ka treguar gjakftohtësi dhe guxim të jashtëzakonshëm. Ai ka arritur t’i fshehë çakmakun të atit, duke penguar kështu realizimin e aktit fatal, dhe ka fituar kohë deri në mbërritjen e forcave të policisë.

Falë këtij veprimi të shpejtë dhe vendimtar, është shmangur një tragjedi që mund të kishte pasoja fatale për familjen.

Forcat e rendit kanë mbërritur menjëherë në vendngjarje, duke neutralizuar situatën dhe vënë në pranga autorin e dyshuar. 43-vjeçari do të përballet me drejtësinë nën akuzën e tentativës për vrasje, ndërsa hetimet vijojnë për të zbardhur plotësisht rrethanat e ngjarjes.

Ngjarja ka ngjallur reagime të forta në opinionin publik, duke rikthyer në vëmendje problemin serioz të dhunës në familje. Autoritetet italiane kanë theksuar rëndësinë e denoncimit të hershëm të rasteve të tilla, për të parandaluar përshkallëzimin e tyre në tragjedi.

The post E rëndë në Itali/ 43-vjeçari shqiptar lyen me benzinë gruan dhe tenton ta djegë appeared first on iconstyle.al.