Spanja është bërë vendi më i fundit europian që planifikon të ndalojë përdorimin e rrjeteve sociale për fëmijët nën moshën 16 vjeç. Kryeministri Pedro Sánchez e bëri të ditur nismën gjatë Samitit Botëror të Qeverive në Dubai, duke deklaruar se qeveria synon të mbrojë të rinjtë nga ajo që ai e quajti “Perëndimi i egër dixhital”.

Ligji, i cili ende duhet të miratohet nga parlamenti, është pjesë e një pakete më të gjerë masash që parashikon edhe përgjegjësi penale për drejtuesit e kompanive teknologjike në rast se platformat e tyre përhapin përmbajtje të paligjshme ose të dëmshme. Një tjetër element kyç është detyrimi për sisteme reale dhe efektive të verifikimit të moshës, jo thjesht deklarime formale nga përdoruesit.

Sánchez theksoi se fëmijët janë të ekspozuar ndaj rreziqeve si varësia, abuzimi, pornografia, manipulimi dhe dhuna, duke shtuar se qeveria nuk do ta tolerojë më këtë situatë. Ligji i ri do të kriminalizojë gjithashtu manipulimin e algoritmeve për të përhapur përmbajtje të paligjshme apo dezinformim me qëllim fitimi.

Spanja ndjek shembullin e Australisë, e cila vitin e kaluar u bë vendi i parë në botë që vendosi një ndalim të tillë. Ndërkohë, Franca, Danimarka, Austria dhe Mbretëria e Bashkuar po shqyrtojnë masa të ngjashme.

Propozimi ka ngjallur reagime të forta politike. Partia Popullore konservatore e ka mbështetur, ndërsa partia e ekstremit të djathtë Vox e ka kundërshtuar. Ndërkohë, Elon Musk e ka cilësuar Sánchez-in si “tirani dhe tradhtar i popullit spanjoll”.

The post Spanja po planifikon ndalimin e rrjeteve sociale për fëmijët nën 16 vjeç! appeared first on iconstyle.al.

Një moment i papritur dhe tepër argëtues nga episodi i ardhshëm i podcastit New Heights po bën xhiron e rrjeteve sociale. Travis Kelce, ylli i Kansas City Chiefs, shihet duke biseduar me vëllain e tij Jason Kelce kur papritur karrigia ku ishte ulur thyhet dhe ai bie mbrapsht në dysheme. Reagimi i menjëhershëm i vëllezërve, shpërthimi në të qeshura, e bën situatën edhe më qesharake.

Megjithatë, ajo që i bëri fansat të reagojnë më fort ishte komenti i Travis-it mes të qeshurave dhe sharjeve: “Taylor do të më vrasë.” Duke qenë se Travis është i fejuar me superyllin Taylor Swift, shumica e ndjekësve janë të bindur se ai po i referohej pikërisht asaj.

Taylor Swift njihet për dashurinë e saj ndaj mobilieve antike dhe objekteve vintage, ndaj fansat online kanë nisur shakatë se Travis mund të ketë thyer një karrige të rrallë antike, madje disa bëjnë humor duke e quajtur një “karrige franceze e shekullit të 19-të” e identifikuar nga llogaritë e dedikuara për dekorin e shtëpisë së Taylor-it. Tweet-et plot ironi dhe meme vazhdojnë të mbushin X (ish-Twitter), duke e kthyer incidentin në një moment viral.

Episodi i plotë i New Heights do të publikohet më 4 shkurt dhe do të përfshijë një parashikim për Super Bowl 2026, si dhe dy të ftuar specialë. Ndërkohë, ndonëse Taylor Swift mungoi në Grammy Awards 2026, ajo u pa më vonë në një after-party, duke tërhequr sërish vëmendjen e mediave dhe fansave.

WARNING: This week’s episode is dangerously funny

TOMORROW. SUPER BOWL PREVIEW WITH TWO SPECIAL GUESTS pic.twitter.com/aWfksOzCMt

— New Heights (@newheightshow) February 3, 2026

The post Upss! Travis Kelce bie nga karrigia: Taylor do të më vrasë! appeared first on iconstyle.al.

Një moment prekës ka ardhur nga këngëtarja e njohur shqiptare Beatrix Ramosaj, e cila ka ndarë me ndjekësit e saj një periudhë të vështirë familjare. Siç e dimë, nëna e artistes është diagnostikuar me kancer dhe ka nisur tashmë trajtimin mjekësor, një betejë që po përballohet me shumë forcë dhe shpresë.

Beatrix ka zgjedhur ta bëjë publik këtë moment të ndjeshëm përmes disa InstaStory-ve emocionale, ku shpreh dashurinë e pakushtëzuar dhe mbështetjen e saj për të ëmën, pavarësisht distancës fizike. “Nuk jam aty për të ta mbajtur dorën tani, por po të mbaj me gjithë zemrën time, mami. Çdo frymëmarrje, çdo minutë”, shkruan këngëtarja, duke prekur zemrat e ndjekësve.

Artistja bën të ditur se një tjetër fazë e rëndësishme e trajtimit është përmbyllur me sukses, duke theksuar krenarinë për forcën e nënës së saj. “Një tjetër hap i madh u përfundua sot. Jam kaq krenare për forcën tënde, mama. Çdo ditë një hap më afër”, shprehet ajo.

Në mesazhet e saj, Beatrix nuk harron të falënderojë publikun për mbështetjen e vazhdueshme në këtë periudhë të vështirë. “Mirënjohëse për çdo mesazh, çdo lutje, çdo fjalë të mirë. Faleminderit që na rrethoni me kaq shumë dritë”, shkruan ajo.

Ndër të tjera ajo kërkon mirëkuptim për mungesën e përgjigjeve individuale, duke theksuar se çdo shenjë mbështetjeje ka shumë rëndësi për të dhe familjen e saj. “Më falni nëse nuk mund t’u përgjigjem të gjithëve tani, por mbështetjen tuaj e mbaj me vete”, tha mes të tjerash.

The post “Po të mbaj me gjithë zemrën time, mami” – Beatrix Ramosaj ndan betejën e nënës me kancerin appeared first on iconstyle.al.

Pas përfundimit të një televotimi të hapur gjatë spektaklit të mbrëmjes së djeshme në “BBVA”, publiku ka vendosur përmes votës së tij fatin e njërit prej konkurrentëve në garë.

Votimi, i cili u zhvillua në kohë reale dhe me pjesëmarrje të gjerë të teleshikuesve, u konsiderua vendimtar për vijimësinë e lojës dhe solli një moment të fortë emocional për banorët dhe publikun.

Sipas rezultatit përfundimtar të televotimit, Stelina ka rezultuar konkurrentja më pak e votuar nga publiku, duke u eliminuar kështu nga gara. Largimi i saj shënon një tjetër etapë të rëndësishme në rrjedhën e spektaklit, ndërsa konkurrenca mes banorëve të mbetur pritet të bëhet edhe më e fortë në ditët në vijim. Rikujtojmë që ish-banorja kishte biletë fati por shëntonte vetëm “vajtje”.

Gjatë qëndrimit të saj në shtëpi, Stelina është dalluar për dinamikën e krijuar në marrëdhënie me banorët e tjerë, duke qenë herë pas here në qendër të diskutimeve dhe debateve dhe tepër e komentuar për lidhjen e saj me Keijsin. Megjithatë, pavarësisht angazhimit dhe pranisë së saj aktive në lojë, mbështetja e publikut nuk ka qenë e mjaftueshme për t’i siguruar vazhdimin e garës.

Momentet e fundit të saj në spektakël u shoqëruan me emocione, falënderime dhe përshëndetje për banorët, si dhe një mesazh për publikun që e ka ndjekur gjatë këtij rrugëtimi.

The post Për ju që e humbët, kjo banore la mbrëmë shtëpinë e “BBVA”! appeared first on iconstyle.al.

Ditën e mërkurë, vendi ynë do të ndikohet nga kushte atmosferike të paqëndrueshme, duke sjellë ndryshime të ndjeshme të motit në të gjithë territorin. Parashikohet që orët e para të ditës të nisin me kthjellime dhe alternime vranësirash mesatare, të cilat herë pas here do të bëhen edhe të dendura, sidomos në zonat veriore dhe qendrore.

Duke filluar nga orët e mesditës, pritet përkeqësim gradual i kushteve atmosferike, me reshje shiu me intensitet të ulët që do të përfshijnë pjesën më të madhe të territorit. Gjatë pasdites, reshjet do të bëhen më të shpeshta dhe në disa zona edhe të vazhdueshme, duke arritur lokalisht intensitet të ulët deri mesatar. Këto reshje do të jenë të pranishme pothuajse në të gjithë vendin, duke sjellë mot të vranët dhe me lagështi.

Në orët e vona të mbrëmjes, në zonat malore të Alpeve, si edhe në verilindje, lindje dhe juglindje të vendit, në lartësitë mbi 900–1000 metra, reshjet e shiut do të shndërrohen në dëborë. Dëbora pritet të jetë me intensitet të ulët, por në disa zona të izoluara mund të arrijë edhe intensitet mesatar, duke krijuar vështirësi të lehta në qarkullim.

Era do të fryjë nga drejtimi juglindje–verilindje me shpejtësi mesatare rreth 10 m/s, ndërsa përgjatë vijës bregdetare dhe në zonat luginore do të forcohet, duke arritur shpejtësi deri në 25 m/s. Si pasojë, deti do të jetë i trazuar, me valëzim të forcës 5 deri në 6 ballë.

The post Parashikimi i motit, si do të jenë temperaturat sot? appeared first on iconstyle.al.

Dashi

Bëni mirë që ti shtyni për një moment tjetër gjërat më të rëndësishme, pasi nervozizmi do të dominojë gjatë ditës. Venusi do të ndikojë në dashuri pozitivisht dhe do të mund të keni diçka të bukur. Në punë, mos kërkoni të pamundurën, por mundohuni që të kënaqeni me çka keni.

Demi

Lini pas shpine gjithë ata që nuk ju duan dhe që nuk ju marrin në konsideratë siç dëshironi. Marsi do të ketë ndikim negativ, por komunikimi në këtë moment do të jetë më i rëndësishëm se kurrë. Në punë duhet të sqaroni çdo gjë që nuk shkon.

Binjakët

Duhet të qëndroni pozitiv dhe të tregoheni të kujdesshëm me nervozizmin. Duhet ta shfrytëzoni këtë periudhë për të bërë njohje të reja. Në punë, këshillohet që të ruani qetësinë.

Gaforrja

E mërkura do të mbyllet me një lodhje ekstreme. Në dashuri gjërat do të ecin mirë dhe do të ketë rikuperim. Ndërsa në punë duhet të rrini të qetë dhe të mundoheni që të mos acaroheni, gjë e cila do të jetë e vështirë në këto momente.

Luani

Ju pret një ditë pozitive, por mundohuni që të mos lodheni shumë. Në dashuri keni mundësi që të kapërceni një krizë, pasi emocionet e reja do të dominojnë. Në punë keni nevojë për ndryshim.

Virgjëresha

Dashuria do të jetë mjaft e komplikuar, thuajse trysnuese. Duhet durim për të kaluar vështirësitë. Ndikimi i kundërt i Venusit nuk do ua bëjë aspak të lehtë ditën. Përmirësime priten në sferën profesionale.

Peshorja

Gjatë kësaj dite duhet të sforcoheni në mënyrë që të bëni që të funksionojnë gjërat në dashuri. Nëse ka pasur probleme, duhet ti zgjidhni. Me financat duhet të bëni kujdes.

Akrepi

Hëna do të ketë ndikim pozitiv në dashuri. Keni nevojë për organizim, në mënyrë që të shijoni çdo moment. Në punë, nëse keni pasur probleme apo debate, ka ardhur momenti për ti kapërcyer.

Shigjetari

Në dashuri mund të ketë probleme dhe debate, ku zgjidhja e tyre do të varet vetëm nga partneri/ja. Në punë, Saturni do të plotësojë dëshirën për ndryshim.

Bricjapi

Gjatë kësaj dite do të ndiheni në ankth dhe nervoz. Shqetësimet nuk do të mungojnë. Ndikimi i kundërt i Hënës do të krijojë disa shqetësime, shkruan noa.al. Në punë, keni dëshirë për ndryshim.

Ujori

Dashuria do të jetë mjaft e favorizuar, ku edhe zemrat e vetmuara do të kenë mundësi të njohin dikë. Duhet bërë kujdes veçse me luhatjet e humorit. Në punë mundohuni që të ruani qetësinë, por irritimi gjatë kësaj dite është thuajse i pashmangshëm.

Peshqit

Hëna do të ketë ndikim të favorshëm, por kjo gjë nuk mjafton, pasi në dashuri do të ketë sërish probleme. Nëse jeni vetëm do të merrni përgjigje pozitive, por do të ketë shumë gjëra mbi të cilat duhet të reflektoni. Marrja e një vendimi, nuk do të jetë aq e lehtë sa e kishit menduar.

The post Horoskopi ditor, e Mërkurë 4 Shkurt 2026 appeared first on iconstyle.al.

Ky vit 2026 është një vit shumë i veçantë për të gjithë fansat e botës së BTS, grupit më të dëgjuar të K-pop që ka thyer disa rekorde vitet e fundit. Artistët e Koresë së Jugut do të rikthehen në skenë në mars, pas pothuajse katër vitesh pauze gjatë së cilës anëtarët e tyre u detyruan të kryenin shërbimin ushtarak në vendin aziatik.

“Septeti kthehet në skenë në një mënyrë shumë të pritur për të performuar drejtpërdrejt në të gjithë botën në Netflix , e përfshirë në të gjitha planet”, njoftoi platforma e transmetimit, e cila do ta ofrojë ngjarjen historike më 21 mars.

Koncerti do të zhvillohet në Sheshin Gwanghwamun, i cili ndodhet pikërisht përpara Pallatit Gyeongbokgung në Seul. Do të jetë vetëm një ditë pasi albumi i tyre i ri, i titulluar ‘Arirang’, të dalë në shitje në të gjithë botën, sipas EFE.

Ky është rikthimi i BTS pasi kënga “Proof” pushtoi botën në vitin 2022, dhe koncerti do të jetë pika e fillimit të një turneu botëror që do të fillojë më 9 prill dhe do ta çojë grupin në vende të ndryshme të botës, përfshirë Spanjën. Ata do të performojnë më 26 dhe 27 qershor në kryeqytetin e vendit, Madrid, në dy shfaqje që do të kenë të njëjtën skenë: Riyadh Air Metropolitano, shtëpia e Atletico Madrid.

Po kështu, Netflix do të ofrojë edhe një dokumentar tjetër rreth BTS. Më 27 mars, do të shfaqet premiera e projektit ‘BTS: THE RETURN’, i cili do të ketë si pikënisje ndarjen e grupit për shkak të shërbimit të detyrueshëm ushtarak, ribashkimin gradual të anëtarëve, fillimin e albumit të ri dhe javët para përgatitjeve për turneun e tyre botëror dhe koncertin e tyre të lartpërmendur më 21 mars.

The post Moment që pritej prej vitesh! Netflix transmeton koncertin e parë të BTS appeared first on iconstyle.al.

Pas surprizës romantike që Mateo i bëri Brikenës në spektaklin e kaluar të Big Brother VIP Albania, marrëdhënia mes tyre ka qenë në qendër të vëmendjes brenda shtëpisë. Reagimi i ftohtë i Brikenës ndaj këtij gjesti nuk kaloi pa u vënë re, duke nxitur menjëherë dyshime mes banorëve se ajo mund të ketë një lidhje jashtë shtëpisë.

Spekulimet u përhapën, por Brikena vendosi t’i japë fund zërave, duke i mohuar kategorikisht. Ajo u shpreh se nuk ka askënd jashtë dhe se, nëse do të kishte një lidhje, kjo gjë do të ishte bërë e ditur tashmë. Sipas saj, nuk ka asgjë për të fshehur dhe çdo interpretim tjetër është i pabazë.

Nga ana tjetër, Mateo u shfaq i qetë dhe i matur përballë situatës. Ai theksoi se reagimi i Brikenës është plotësisht i kuptueshëm, duke marrë parasysh presionin e lojës dhe ekspozimin emocional që sjell një surprizë e tillë në sy të publikut. Pikërisht për këtë arsye, ai tha se nuk dëshiron ta vërë në pozitë të vështirë dhe i ka kërkuar vetëm një gjë: kohë për t’u njohur më mirë.

Brikena, nga ana e saj, ishte e sinqertë në qëndrimin e saj. Ajo pranoi se nuk ka pëlqim romantik për Mateon, por shtoi se ka vendosur t’i japë një mundësi njohjeje, pa pritshmëri dhe pa presion.

The post A ka dikë jashtë? Brikena sqaron zërat pas surprizës së Mateos appeared first on iconstyle.al.

Emri i Luiz Ejlli vijon të jetë në qendër të vëmendjes, teksa fansat dhe mediat po spekulojnë për një rikthim të mundshëm të tij në ekranin televiziv. Gjatë një interviste për mediat në Kosovë, Luizi është pyetur drejtpërdrejt nëse do të marrë rolin e kryeplakut në edicionin e ri të Ferma VIP, i cili, sipas zërave, pritet të prezantohet nga Arbana Osmani.

Pa dhënë një përgjigje të prerë, fituesi i “Big Brother VIP Albania” zgjodhi të ruajë misterin, duke lënë të kuptohet se është në prag të një projekti të ri televiziv, por pa konfirmuar nëse bëhet fjalë pikërisht për “Ferma VIP”.

“Thonë ku ka zë, nuk është pa gjë. Ka pasur oferta. Por unë kam qejf me një lëvizje që do bëj… duroni dhe pak ditë,” u shpreh Luizi, duke shtuar se shumë shpejt gjithçka do të bëhet e qartë.

Ai theksoi se preferon që përgjigjen ta japë përmes një veprimi konkret, e jo me fjalë.

“Me një lëvizje që do bëj, do e marrin përgjigjen të gjithë. Duroni edhe pak, diku 10 ditë,” tha ai, duke nxitur edhe më shumë kureshtjen e publikut.

Luizi shtoi gjithashtu se për të, përfoljet janë pjesë e lojës mediatike. “Gjëja më e mirë është me u përfolur, por do jem diçka. Se ku… nuk e di,” u shpreh ai me humor, duke lënë të hapur çdo mundësi.

Deklarata e tij ka mjaftuar që rrjetet sociale të shpërthejnë në komente dhe hamendësime, ndërsa mbetet për t’u parë nëse Luizi do të shfaqet si kryeplak në “Ferma VIP” apo do të surprizojë publikun me një projekt tjetër televiziv.

The post “Duroni 10 ditë”/ Luiz Ejlli ndez dyshimet, çfarë po përgatit? appeared first on iconstyle.al.

Një debat i ashpër ka ndodhur pak orë para fillimit të Prime-t të dites se sotem. Një përplasje mes Rogertit dhe Stenaldos ka eskaluar, me Rogertin që i tha: “Ty të ka dënuar Zoti. Je njeri i dhunshëm”, ndërsa pas debatit, në dhomën e rrëfimit tha: “S’di si do ecë kur të largohet Mali”.

Në Prime, Stenaldo u shpreh kështu:

“Ta nisim te limitet. Unë kam ardhur në këtë shtëpi me një merak të madh, njohja e ambienteve të shtëpisë. Në asnjë rast nuk e kam lejuar veten time që të ndihem i penguar për shkak të mungesës time të shikimit. Jam gjendur i gatshëm për të gjitha nevojat që ka shtëpia. Pa diskutim që Big Brother është lojë nervash. Megjithatë në asnjë rast timin nuk kam prekur një njeri në besim, ngjyrë lëkure, gjini, në diferenca fizike. Jam një njeri që karakterin e kam me merak shumë. Kam luftuar sa kam mundur. Kam punuar në Shqipëri nga dy-tre punë. Ama brenda kësaj shtëpie, nëse dikush mendon se unë nuk mund të luaj më pisët seç kam luajtur, e kanë gabim. Nëse Rogerti mbetet në këtë shtëpi, ai dhe unë do luftojmë në çdo sekondë. Unë të rri të bëj sehir dhe të shoh Rogertin që të bëjë hapa përpara, s’e lejoj kurrë”.

The post Debat i ashpër mes Rogertit dhe Stenaldos: S’di si do ecë kur të largohet Mali appeared first on iconstyle.al.

Fundi i aksesit të pakontrolluar të fëmijëve në rrjetet sociale duket më afër se kurrë. Viti 2026 po parashikohet si momenti kur bashkësia ndërkombëtare do të përpiqet seriozisht të vendosë kufij të fortë në marrëdhënien e të miturve me platforma si TikTok, Instagram, Snapchat dhe Facebook. Hapin e parë e ka bërë tashmë Australia, e cila që nga dhjetori i vitit 2025 ka hyrë në histori si vendi i parë që aplikon një ndalim të plotë.

Arsyeja kryesore e kësaj vale globale kufizimesh është alarmi për shëndetin mendor të fëmijëve dhe adoleshentëve: rritja e varësisë nga algoritmet, dhuna dhe ngacmimi online, si edhe ekspozimi ndaj përmbajtjeve të papërshtatshme apo të rrezikshme.

Australia, “pionierja” e ndalimit total

Australia u bë vendi i parë në botë që ndaloi plotësisht përdorimin e rrjeteve sociale për fëmijët nën 16 vjeç. Projektligji u prezantua në nëntor 2024 nga qeveria e kryeministrit Anthony Albanese dhe hyri në fuqi në dhjetor 2025.

Ligji ndalon krijimin dhe mbajtjen e llogarive nga të miturit dhe e zhvendos përgjegjësinë nga familjet te vetë kompanitë teknologjike. Platformat që nuk marrin masa “të arsyeshme” për të ndaluar aksesin e fëmijëve përballen me gjoba deri në 49.5 milionë dollarë australianë. Ky model, pavarësisht vështirësive të zbatimit, tashmë po shihet si një “pilot” për qeveritë e tjera.

Kufizime në Evropë, Azi dhe SHBA

Në Francë, që nga qershori 2023, kërkohet verifikimi i moshës dhe pëlqimi prindëror për fëmijët nën 15 vjeç, me gjoba që mund të arrijnë deri në 1% të të ardhurave globale të kompanive. Spanja ka rritur moshën e pëlqimit nga 14 në 16 vjeç, ndërsa Norvegjia po përgatitet ta çojë nga 13 në 15 vjeç.

Italia kërkon pëlqim prindëror për fëmijët nën 14 vjeç që prej vitit 2018, por pa një kuadër të qartë sanksionesh për platformat. Ndërkohë, Koreja e Jugut ka zgjedhur një qasje tjetër, duke ndaluar përdorimin e pajisjeve dixhitale në shkolla që nga marsi 2026.

Në Malajzi, ndalimi i rrjeteve sociale për fëmijët nën 16 vjeç hyri në fuqi më 1 janar 2026, ndërsa në Pakistan është paraqitur një projektligj i ngjashëm. Në Shtetet e Bashkuara, situata mbetet e fragmentuar, me ligje të ndryshme shtetërore dhe shumë raste të kontestuara në gjykatë.

Në Evropë, kuadri ligjor i GDPR u lejon vendeve anëtare të vendosin kufij mbi moshën 13 vjeç. Vetëm pak ditë më parë, kryeministri spanjoll Pedro Sánchez deklaroi se Spanja do t’u ndalojë të miturve nën 16 vjeç aksesin në rrjete sociale, duke e quajtur internetin aktual “Perëndimi i Egër dixhital”.

Si po zbatohet ndalimi në Australi

Dy muaj pas hyrjes në fuqi të ligjit, tabloja në Australi është e ndërlikuar: qindra mijëra llogari janë çaktivizuar, platformat janë detyruar të përshpejtojnë sistemet e verifikimit të moshës dhe reagimet e adoleshentëve mbeten të përziera.

Ndalimi mbulon dhjetë platforma kryesore, përfshirë Facebook, Instagram, TikTok, X, YouTube, Reddit, Twitch dhe Kick. Shërbime si YouTube Kids, Google Classroom dhe WhatsApp janë përjashtuar.

Sipas një ankete qeveritare të vitit 2025:

• 96% e fëmijëve 10–15 vjeç përdornin rrjete sociale,
• 7 në 10 ishin ekspozuar ndaj përmbajtjeve të dëmshme,
• mbi 50% kishin përjetuar ngacmim kibernetik.

Këto të dhëna u përdorën si justifikimi kryesor për ndalimin.

Përgjegjësia kalon te kompanitë

Ligji australian nuk parashikon ndëshkime për prindërit apo fëmijët. E gjithë përgjegjësia bie mbi kompanitë, të cilat ndalohen të përdorin vetëdeklarimin e moshës dhe detyrohen të aplikojnë metoda të shumëfishta verifikimi, nga dokumentet zyrtare deri te vlerësimi i sjelljes online.

Fillimisht, gjigantët e teknologjisë reaguan ashpër. Meta, Google dhe Snap shprehën rezerva serioze, ndërsa Elon Musk e cilësoi ligjin si “derë të pasme për kontrollin e internetit”. Megjithatë, të gjitha kompanitë u detyruan të përshtaten.

Reagimi i të rinjve dhe dilemat

Shumë adoleshentë tentuan të anashkalojnë ndalimin përmes VPN-ve, aplikacioneve alternative ose datave të rreme të lindjes. Të tjerë raportuan se ndiheshin “më të lirë” pa rrjetet sociale. Ekspertët, nga ana tjetër, paralajmërojnë për rreziqe të reja: mbledhjen masive të të dhënave personale dhe zhvendosjen e fëmijëve drejt mjediseve më pak të kontrolluara.

Çfarë nënkupton modeli australian për Evropën

Shumë vende evropiane, përfshirë Greqinë, Francën, Spanjën, Danimarkën dhe Italinë, do të testojnë një sistem pilot të verifikimit të moshës në nivel BE-je. Ky model synon të kufizojë aksesin e të miturve pa vendosur një ndalim total si ai australian.

Megjithatë, një ndalim universal mbetet politikisht dhe teknikisht i vështirë për t’u zbatuar në Evropë, për shkak të shqetësimeve për privatësinë, mungesës së sistemeve kombëtare të verifikimit dhe frikës nga izolimi social i fëmijëve.

Një gjë është e qartë: viti 2026 shënon fillimin e një epoke të re për rrjetet sociale, ku liria dixhitale e të miturve po rishikohet nga themelet.

The post “Prerja” globale e mediave sociale për fëmijët: Cilat vende po “i mbyllin derën” rrjeteve sociale dhe pse appeared first on iconstyle.al.

Melinda Gates ka folur hapur për përmendjen e emrit të saj në një valë të re dosjesh të Jeffrey Epstein, ndërkohë që iu përgjigj edhe akuzave për ish-bashkëshortin e saj, Bill Gates, duke thënë se e ka lënë pas atë periudhë të jetës së saj.

Melinda, 61 vjeç, e cila kishte tre fëmijë me bashkëthemeluesin miliarder të Microsoft, u shfaq këtë javë në podkastin Wild Card të NPR, ku prezantuesja Rachel Martin e pyeti për rastin Epstein pasi emri i saj u përmend në dokumentet e publikuara të premten nga Departamenti i Drejtësisë i SHBA-së.

Melinda Gates tha se shoqëria është “në një proces llogaridhënieje” për rastin Epstein, duke shtuar se zbulimet “i sjellin kujtime të kohërave shumë, shumë të dhimbshme” në martesën e saj me Bill Gates.

“Kam ecur përpara. E lashë pas me vetëdije dhe vazhdova përpara”, tha ajo dhe shtoi: “Jam në një pikë vërtet të papritur dhe të bukur në jetën time. Të gjitha pyetjet që mbeten… Nuk mund t’i di të gjitha. Këto pyetje kanë të bëjnë me ata njerëz dhe madje edhe me ish-burrin tim. Ata duhet të përgjigjen, jo unë”, shtoi ajo.

Gjatë intervistës, Martin e pyeti konkretisht Melinda Gates rreth përmbajtjes së një email-i draft që dyshohet se është shkruar nga Epstein më 18 korrik 2013, në të cilin ajo përmendet me emër. Siç është përmbledhur në emision, email-et e përfshira në dosje pretendojnë se Bill Gates kishte afera të tjera jashtëmartesore, se ai dyshohet se kërkoi të merrte ilaçe për një sëmundje seksualisht të transmetueshme dhe se kishte ndërmend t’ia jepte ilaçin asaj pa dijeninë e saj.

E pyetur për emocionin e saj mbizotërues kur lexoi raportet përkatëse, Melinda Gates u përgjigj: “Thjesht një trishtim i pabesueshëm”. Siç tha ajo, ajo është në gjendje ta transformojë hidhërimin e saj në dhembshuri për viktimat e Epstein: “I shikoj ato vajza të reja dhe them: ‘Zoti im, si… si u ndodhi kjo atyre?'” Ajo shtoi gjithashtu se shpreson që drejtësia të vihet në vend “për ato që janë gra sot”.

Kujtohet se një përfaqësues i Bill Gates i mohoi kategorikisht akuzat e përfshira në shënimin kontrovers.

“Këto akuza janë plotësisht absurde dhe plotësisht të rreme”, i tha ai më parë The Independent. “E tëra çfarë dëshmojnë dokumentet është zhgënjimi i Epstein që nuk ka një marrëdhënie të vazhdueshme me Gates dhe deri ku ishte i gatshëm të shkonte për të zënë në kurth dhe për të shpifur.”

Në të njëjtin vit që u njoftua divorci, Bill Gates i tha PBS se kishte pasur takime për darkë me Epstein për të mbledhur fonde për shëndetin global, duke i quajtur më vonë takimet një “gabim”.

Emaili në fjalë është pjesë e më shumë se tre milionë dokumenteve të publikuara të premten në përputhje me Aktin e Transparencës së Dosjeve Epstein, i cili u miratua nga Kongresi dhe u bë ligj në nëntor. Dosjet përfshijnë mijëra email-e, dokumente gjyqësore dhe fotografi, shumë prej të cilave i referohen figurave të njohura, përfshirë Presidentin e SHBA-së Donald Trump, ish-Presidentin Bill Clinton dhe Elon Musk. Siç sqarohet, përmendja e emrave në dosje nuk përbën në vetvete provë të një shkeljeje.

The post “Kujtime të kohërave shumë të dhimbshme”/ Reagimi i Melinda Gates ndaj përmendjes së emrit të saj në dosjet e Epstein appeared first on iconstyle.al.

Një skenë e vetme dashurie, e vendosur në një shkallë, ka mjaftuar që fansat e Bridgerton të zbulojnë një anë krejtësisht të re të Benedict Bridgerton. Në sezonin e ri të serialit, i cili vijon formulën e njohur të dramës romantike së periudhës, vëmendja zhvendoset te historia e tij e dashurisë me Sophie Beck.

I njohur si më i pakorrigjueshmi dhe më i lirë nga vëllezërit Bridgerton, Benedict, i interpretuar nga Luke Thompson, gjendet papritur përballë një romance që e nxjerr nga zona e rehatisë. Edhe pse publiku është mësuar me skena intensive dashurie në këtë serial, sezoni i ri ka ofruar deri tani vetëm një të tillë. Megjithatë, ajo ka qenë e mjaftueshme për të sjellë tension, emocione dhe kthesa të forta psikologjike.

Në intervista të fundit, protagonistët e sezonit, Luke Thompson dhe Yerin Ha, kanë treguar se kjo skenë funksionon si një “shuplakë në fytyrë” për personazhin e Benedictit, duke zbuluar një dimension të tij që deri më tani kishte mbetur i fshehur.

@thouqhtdaughter NO I AM NOT WELL. WHY BENEDICT WHYYYY (yes I’ve read the book so I knew it would but still ARGHHH) || #benedictandsophie #benedictbridgerton #bridgertonseason4 #fyp ♬ original sound – 𓏲 𝒶𝓇𝒾𝓃𝒶

Sipas tyre, nuk bëhet fjalë thjesht për një moment pasioni. Gjithçka ndryshon në çastin kur Benedict i kërkon Sophie-s të jetë “e dashura” e tij. Pasioni zbehet dhe ai përballet me një verbëri emocionale ndaj gabimit që sapo ka bërë, si edhe me bindjen e tij naive se mund t’i ketë “të gjitha” pa pasoja.

Për Thompsonin, reagimi i Sophie-s e rrëzon imazhin e një burri të qetë dhe të sigurt, duke nxjerrë në pah një Benedict më të brishtë, më të shqetësuar dhe thellësisht njerëzor. “Ka dobësi që nuk i kemi parë më parë, vende ku ai dështon dhe pikërisht aty bëhet interesant,” shprehet aktori.

Nga ana tjetër, Yerin Ha e përshkruan skenën si një moment zgjimi për Sophie-n.

“Është sikur ajo rikthehet në realitet. E kupton se i përkasin dy botëve të ndryshme dhe fillon ta fajësojë veten për këtë ndjenjë,” thotë aktorja, duke e cilësuar momentin si një ulje të fortë emocionale për personazhin e saj.

Thompson shton se tronditja e Benedictit vjen nga fakti që ai sinqerisht beson se propozimi i tij do të funksionojë. “Ai nuk e sheh menjëherë gabimin. Ka një lloj verbërie, sepse mendon se ky është hapi i duhur dhe se mund t’i ketë të gjitha,” shpjegon ai.

Sipas aktorëve, kjo skenë vërteton edhe një herë se në Bridgerton, momentet e dashurisë nuk janë thjesht për të përmbushur pritjet e audiencës. Ato janë pjesë thelbësore e rrëfimit dhe zhvillimit të personazheve.

“Magjia e skenës së Benedictit dhe Sophie-s qëndron në faktin se nuk ndihet si një skenë e detyrueshme dashurie,” theksojnë ata. Vendosja në shkallë, me simbolikën e ‘lart-poshtë’, përfaqëson në mënyrë perfekte marrëdhënien e tyre: një vallëzim emocional mes pasionit, realitetit dhe zhgënjimit.

Kjo skenë nuk zbukuron thjesht sezonin e ri, por riformëson plotësisht mënyrën se si publiku e sheh Benedict Bridgerton – jo më vetëm si shpirtin e lirë të familjes, por si një personazh me plagë, gabime dhe ndjenja të pambrojtura.

The post Si skena e dashurisë në shkallë zbuloi anën e panjohur të Benediktit në Bridgerton? appeared first on iconstyle.al.

Can Yaman është njoftuar si bashkëprezantues në Festivalin Sanremo 2026, ku do të zgjidhet përfaqësuesi i Italisë në Eurovision 2026, në njërën nga pesë netët e eventit. Sipas njoftimit zyrtar të RAI-t, aktori turk, i cili u arrestua në janar për drogë dhe prostitucion, por që përfundimisht u lirua, do të qëndrojë përkrah Carlo Conti-t dhe Lausa Pausini-t në natën e parë të Festivalit, i cili është planifikuar për 24 shkurt.

Në festivalin, i cili do të zhvillohet nga 24 deri më 28 shkurt, do të marrin pjesë gjithsej 30 artistë. Midis tyre janë Ermal Meta me këngën “Stella stellina”, i cili përfaqësoi Italinë në Eurovision 2018 me Fabrizio Moro, dhe Raf me këngën “Ora e per sempre”, i cili mori pjesë në Eurovision 1987 me Umberto Tozzi.

Ashtu si në vitet e kaluara, fituesi i Festivalit të Sanremos do të fitojë të drejtën për të përfaqësuar Italinë në Festivalin e Këngës në Eurovision. Në rast refuzimi, propozimi do t’i kalohet të dytit dhe më pas tjetrit sipas renditjes përfundimtare.

Nata e parë do të përfshijë performanca nga të gjithë artistët, me vota nga dhoma e shtypit. Nata e dytë dhe e tretë do të ndahen nga pjesëmarrësit, me vota nga komitetet e radios dhe publiku. Nata e katërt i kushtohet këngëve të interpretuara nga artistë të tjerë, pa u llogaritur në rezultatin përfundimtar. Në natën e pestë dhe të fundit, të gjithë artistët do të konkurrojnë përsëri, me një kombinim të televotimit, komitetit të shtypit dhe radios për të përcaktuar fituesin.

The post E papritur në Sanremo! Can Yaman bashkëprezanton, sytë nga Eurovision 2026 appeared first on iconstyle.al.

William Stevenson, i cili thuhet se është ish-bashkëshorti i ish-Zonjës së Parë Jill Biden, u arrestua dhe u akuzua për vrasjen e gruas së tij aktuale, thanë autoritetet të martën. Stevenson, 77 vjeç, u mor në paraburgim të hënën dhe është akuzuar për vrasje të shkallës së parë për vdekjen e Linda Stevenson, tha Policia e Qarkut New Castle në Delaware.

Zyrtarët u thirrën më 28 dhjetor në lidhje me një mosmarrëveshje familjare në një shtëpi ku e gjetën Linda Stevenson të pavetëdijshme, thanë autoritetet në atë kohë. Pasi u shpall e vdekur, trupi i saj iu dorëzua Divizionit të Shkencave Ligjore të Delaware për një autopsi.

Autoritetet nuk renditën shkakun e vdekjes. Periferia e pasur e Virxhinias tronditet ndërsa fillon gjyqi për ish-burrin e agjentit federal për vrasjet e trekëndëshit të dashurisë së dados

Stevenson u arrestua pas një “hetimi të gjerë që zgjati disa javë”, tha policia. Një juri e madhe ngriti padi ndaj Stevenson. Ai u dërgua në Institucionin Korrektues Howard Young pasi nuk arriti të paguante garancinë prej 500,000.00 dollarësh.

Fox News Digital kontaktoi zyrën e Joe dhe Jill Biden, por ata nuk iu përgjigjën.

Ish-zonja e parë u martua me Stevenson në vitin 1970, kur ajo ishte 18 vjeç dhe ndiqte Universitetin e Delaware, ndërsa ai ishte 23 vjeç, sipas raportimeve. Çifti ishte i martuar për pesë vjet para se të divorcoheshin. Ajo përfundimisht u martua me senatorin e atëhershëm Joe Biden.

The post Ish-burri i Jill Biden akuzohet për vrasjen e gruas së tij appeared first on iconstyle.al.

Debati i zhvilluar së fundmi në shtëpinë e “Big Brother VIP” ka shkaktuar reagime të forta jashtë saj, pas një deklarate të rëndë të bërë nga Rogerti ndaj Stenaldos. Gjatë përplasjes verbale, Rogerti u shpreh se Stenaldo “e ka mallkuar Zoti” për shkak të aftësisë së tij të kufizuar në shikim, një deklaratë që ka ngjallur indinjatë të menjëhershme.

Familjarët e Stenaldos, të cilët menaxhojnë edhe llogarinë e tij zyrtare në Instagram, kanë reaguar publikisht duke dënuar ashpër gjuhën e përdorur. Në një postim të shpërndarë në rrjetet sociale, ku shfaqet edhe videoja e momentit të ofendimit, ata e cilësojnë deklaratën si thellësisht çnjerëzore dhe të papranueshme.

Sipas familjarëve, përdorimi i Zotit për të justifikuar fjalë urrejtjeje ndaj një personi me aftësi të kufizuara përbën mungesë totale empatie dhe është një nga nivelet më të ulëta të mendimit njerëzor. Ata theksojnë se askush nuk duhet të përdorë besimin për të justifikuar ofendimin, diskriminimin apo dhunën verbale.

Reagimi përfundon me një thirrje publike drejtuar produksionit të “Big Brother VIP” dhe Top Channel, duke kërkuar që raste të tilla të mos normalizohen dhe që të ketë përgjegjësi për gjuhën e përdorur brenda formatit.

Ngjarja ka hapur një debat të gjerë edhe në rrjetet sociale, ku një pjesë e madhe e publikut shpreh shqetësim për kufijtë e etikës dhe mesazhet që transmetohen në prime-time.

The post Reagim i fortë nga familjarët e Stenaldos pas deklaratës së Rogertit në Big Brother VIP appeared first on iconstyle.al.

Walt Disney ka emëruar Josh D’Amaro, aktualisht drejtues i divizionit të parqeve tematike, si drejtorin e ri ekzekutiv, duke zëvendësuar Bob Iger. D’Amaro, i cili ka 28 vjet përvojë në kompani, do të marrë përsipër detyrën më 18 mars. Në rolin e tij, ai do të mbikëqyrë 12 parqe tematike dhe 54 resorte në të gjithë botën.

Shefi i ri iu bashkua kompanisë në vitin 1998 në Disneyland Resort, përpara se të merrte pozicionin e tij aktual si president i Disney Experiences, e cila punëson 185,000 njerëz dhe ka të ardhura prej 36 miliardë dollarësh deri në vitin 2025. Vendimi i jep fund një enigme trashëgimie për gjigantin e argëtimit, vëren BBC , i cili e kishte Iger në krye për rreth dy dekada, me përjashtim të një pauze të shkurtër që përfundoi në vitin 2022, kur bordi shkarkoi pasardhësin e tij dhe i kërkoi Iger të kthehej.

Me përzgjedhjen e D’Amaro, Disney është drejtuar te kreu i divizionit që ka gjeneruar fitimet më të besueshme në vitet e fundit, ndërsa kompania përpiqet të gjejë rrugën e saj në botën e transmetimit.

Si drejtor ekzekutiv, D’Amaro do të marrë përsipër detyrën në një kohë kur kompanitë mediatike në SHBA po përballen me presion politik në rritje. Vetë Disney është kritikuar ashpër vitet e fundit nga republikanët, si Guvernatori i Floridës, Ron DeSantis, për promovimin e një “axhende të zgjuar”.

Kompania së fundmi e gjeti veten në qendër të vëmendjes kur pezulloi përkohësisht komedianin Jimmy Kimmel, një vendim i lidhur me komentet rreth vrasjes së Charlie Kirk.

The post Ndryshim historik, emërohet CEO i ri i The Walt Disney Company appeared first on iconstyle.al.

Australia është në shok pasi katër anëtarë të së njëjtës familje u gjetën të vdekur në një periferi të Perthit, në një rast që autoritetet po e hetojnë si vrasje-vetëvrasje. Trupat e Jarrod Clune, 50 vjeç, partneres së tij Maiwenna Goasdu, 49 vjeçe, dhe dy djemve të tyre adoleshentë autikë, Leon, 16 vjeç, dhe Otis, 14 vjeç, u gjetën të premten në mëngjes në shtëpinë e familjes në Mosman Park.

Policia beson se dy djemtë u vranë nga prindërit e tyre, të cilët më pas i morën jetën vetes. Shërbimet e urgjencës u thirrën në orët e para të mëngjesit pasi një kujdestare që ndihmonte rregullisht fëmijët të cilët kishin autizëm të rëndë telefonoi kur mbërriti për një vizitë të planifikuar dhe nuk mundi të kontaktonte familjen.

Kujdestari thuhet se gjeti një shënim në banesë me një paralajmërim që thoshte “Mos hyni” dhe udhëzime për të telefonuar autoritetet. Kur oficerët hynë në shtëpi, ata gjetën të katër anëtarët e familjes, si dhe dy qentë dhe macen e tyre, të vdekur. Trupat u gjetën në vende të ndara dhe autoritetet thanë se vdekjet nuk dukeshin të dhunshme dhe nuk u përdorën armë.

Detektivja e vrasjeve, Jessica Securo, tha të premten se “edhe pse hetimi është ende në fazat e hershme, çështja po hetohet si vrasje-vetëvrasje”. Të shtunën, u raportua se një shënim i dytë, që besohet të jetë një letër, i kishte çuar hetuesit në përfundimin se ishte një vrasje-vetëvrasje , pasi dyshohet se përshkruante plane për financat e familjes dhe sugjeronte se prindërit kishin vendosur t’i jepnin fund jetës së tyre dhe jetës së fëmijëve të tyre.

Autoritetet nuk e kanë konfirmuar ende mënyrën e vdekjes, por pamjet ajrore të dronit duket se tregojnë atë që duket të jetë njolla gjaku në pjesën e pasme të shtëpisë. Një zëdhënës i Policisë së Australisë Perëndimore nuk pranoi të komentonte mbi imazhet, duke i thënë Daily Mail se “çështja mbetet nën hetim dhe nuk mund të bëhen komente të mëtejshme”.

Policia tha gjithashtu se dy djemtë po përballeshin me “ sfida të rëndësishme shëndetësore”, ndërsa raportet thanë se ata kishin humbur fondet qeveritare për të mbështetur njërin nga fëmijët.

Një mik i ngushtë i familjes tha se çifti ishte ndjerë gjithnjë e më i izoluar dhe i pambështetur, duke theksuar se diagnozat e fëmijëve e kishin bërë jetën e përditshme “jashtëzakonisht të vështirë dhe të kërkuar”. Duke iu referuar Skemës Kombëtare të Sigurimeve të Aftësisë së Kufizuar , ajo vuri në dukje se ata “shpesh ndiheshin të izoluar, të pafuqishëm dhe të braktisur nga familja, miqtë, shërbimet mbështetëse, shkollat, NDIS, sistemi shëndetësor dhe shoqëria në përgjithësi”.

Dy djemtë, ashtu si babai i tyre, ndiqnin Christ Church Grammar, një nga shkollat ​​private më prestigjioze të Perthit.

Një mësuese që i njihte fëmijët tha se ende po përballej me tragjedinë, duke lënë lule jashtë shtëpisë së familjes. Leon pritej të diplomohej vitin e ardhshëm, tha ajo, gjë që “tregoi se sa larg kishte arritur”. Ajo vuri në dukje se fëmijët ishin regjistruar në një shkollë me nevoja të veçanta që i mbështeste ata, duke shtuar se Christ Church Grammar nuk kishte provuar të ishte një shkollë e përshtatshme. Otis thuhet se u përjashtua rreth dy vjet më parë, një çështje për të cilën shkolla nuk komentoi konkretisht, duke u kufizuar në një deklaratë të përgjithshme mbështetjeje për familjet në zi dhe respekt për hetimin.

Miqtë dhe anëtarët e komunitetit i shprehën nderimet në mediat sociale, ndërsa shprehën zemërim për mungesën e mbështetjes së mjaftueshme nga NDIS.

The post Ngjarje e rëndë në Australi: Katër anëtarë të një familjeje gjenden të vdekur në banesë appeared first on iconstyle.al.

Urani kthehet në kursin e tij të duhur më 3 shkurt 2026. Që nga 6 shtatori 2025, kur u kthye në retrogradë, planeti i trazirave dhe lirisë ka sjellë procese të brendshme intensive dhe ndryshime të thella.

Urani retrograd favorizon vetëdijen, duke na dhënë mundësinë të ecim përpara me transformime të brendshme kuptimplote që çojnë në suksesin e ardhshëm. Në këtë fazë, shpesh është më e lehtë të dallojmë se çfarë duhet të ndryshojë në jetën tonë.

Urani është i lidhur pazgjidhshmërisht me konceptin e lirisë. Kjo është arsyeja pse lëvizja e tij retrograde shpesh shoqërohet me ndarje, prishje dhe nevojën për t’u çliruar nga situatat që na shtypin, siç është një marrëdhënie toksike ose një punë që nuk na shpreh. Në raste të tjera, realizimi vjen gjatë fazës retrograde dhe këputja përfundimtare ndodh kur planeti kthehet në kursin e tij të duhur.

Këto shenja kanë bërë punën e nevojshme të brendshme dhe tani janë gati të mirëpresin ndryshimet pozitive që sjell Urani nga 3 shkurti e tutje.

Dashi
Urani ka qenë retrograd në shtëpinë tuaj të dytë të financave dhe vetëvlerësimit për rreth pesë muaj. Kjo mund të ketë ngadalësuar përparimin tuaj në karrierë ose kërkimin tuaj për një punë të re, ndërkohë që ju ka përballur edhe me çështje më të thella të vlerës dhe vetëbesimit. Me Uranin përsëri në rrugën e duhur, e shihni veten me një mirëkuptim dhe pranim më të madh. Ndiheni sikur keni lënë pas bagazhin e vjetër emocional, gjë që hap rrugën për përmirësim financiar dhe mundësi të reja për të rritur të ardhurat tuaja.

Peshorja
Urani është zhvendosur në mënyrë retrograde në shtëpinë tuaj të tetë, gjë që lidhet me financat e palëve të treta, paratë e përbashkëta, borxhet dhe lidhjen e thellë emocionale. Kjo periudhë ka të ngjarë të ketë sjellë ndryshime financiare në jetën e partnerit tuaj ose ndryshime në çështjet e përbashkëta financiare. Me kthesën e planetit në rrugën e duhur, fillon një fazë stabilizimi gradual. Nëse keni pasur probleme financiare ose borxhe, tani po filloni të shihni rezultate të konsiderueshme në përpjekjet tuaja. Në të njëjtën kohë, nevoja për liri personale bëhet më intensive, duke çuar në vendime radikale, veçanërisht nëse ndiheni të kufizuar në një marrëdhënie. Kjo është një periudhë çlirimi dhe ripërtëritjeje të thellë.

Ujori
Urani, sundimtari juaj, ka qenë retrograd në shtëpinë tuaj të katërt të shtëpisë, familjes dhe themeleve të jetës suaj. Kjo periudhë ka sjellë rishikime të brendshme të rëndësishme, si dhe ndryshime praktike, të tilla si zhvendosja, shitja e një prone ose zhvillime në situatën tuaj familjare. Ndërsa planeti kthehet në normalitet, ju përjetoni zhvillime të papritura pozitive në marrëdhëniet tuaja personale dhe fitoni qartësi më të madhe emocionale. Është koha të çliroheni nga situatat që nuk ju shërbejnë më dhe të ripërcaktoni se çfarë do të thotë siguria dhe stabiliteti për ju. Ndërsa disa ndryshime të papritura mund të vazhdojnë, fleksibiliteti dhe përshtatshmëria do të jenë armët tuaja më të mëdha.

The post Urani në rrugën e duhur: Jeta e këtyre shenjave do të përmirësohet shumë nga sot appeared first on iconstyle.al.

Debatet mes Selinit dhe Rogertit në shtëpinë e “Big Brother VIP 5” duket se nuk kanë fund. Përplasjet mes tyre po bëhen gjithnjë e më të forta, duke u shoqëruar edhe me ofendime personale.

Gjatë ditës së sotme, Rogerti iu drejtua Selinit me deklarata të ashpra, duke e akuzuar për mungesë kreativiteti dhe duke thënë se ajo nuk ka më asgjë për të dhënë në lojë. Sipas tij, fakti që Selini nuk ka më asnjë lidhje apo “puthje” me Gimbon, e ka përfunduar rrugëtimin e saj në shtëpi.

Ai shtoi se Miri e ka kuptuar këtë situatë dhe se, sipas tij, do të jetë ai që do ta “nxjerrë” Selinin nga loja.

Këto deklarata kanë shtuar edhe më shumë tensionin mes banorëve, duke e kthyer debatin në një tjetër moment të nxehtë brenda shtëpisë më të famshme në Shqipëri.

Pjesë nga debati:

Rogerti: Ka mbaruar Prime jot oj motër. Ti këtu je për ndonjë marrëdhënie, oj motër

Selin: Motrat ku i ke lënë, motrat jashtë ku i ke lënë

Rogerti: Ti nuk ke kreativitet, ashtu të do ty Miri, do me të kllaposur. Ti nuk pate ndonjë puthje me Gimbon ke mbaruar punë o motra, ai atë do. O motër, Miri atë do, prandaj është lojtar më i mirë. Dhe po më pyeti njeri si i sheh si kundërshtarë 1 dhe 2, do them Miri.

Miri: Një herë thotë Selin është me e fortë ti, kot merresh.

Rogerti: Gjenerali hahet me ty

Selin: Hëngsh veten o Zot.

The post “Miri do me të kllaposur, po nuk pate puthje me…”/ Selin debaton me Rogertin: Motrat ku i ke… appeared first on iconstyle.al.