Tensione kanë shoqëruar seancën e fundit parlamentare të këtij sesioni, ku I pranishëm ka qenë edhe Kryeministri Rama.

Përvec protestës që po zhvillohet jashtë dyerve të kuvendit, përplasjet kanë vijuar mes deputetëve edhe brenda sallës.

Në këto kushte mazhoranca ka vendosur të vijojë votimin e projetkligjeve në rendin e ditës, pa diskutime.

Gjatë momentit të votimit të mazhorancës me procedurë të përshpejtuar dhe pa diskutime, opozita shkaktoi debate, zhurmë duke i rënë tavolinave dhe duke hedhur akuza.  Më tej, deputeti Bardhi, i ka kërkuar Ramës dorëheqjen dhe ka tentuar të lagë me ujë Kryeministrin, gjë që shkaktoi përjashtimin e tij nga Kryeparlamentari Niko Peleshi.

Të paktën 10 persona janë shoqëruar nga policia gjatë protestave para Parlamentit, mes të cilëve edhe dy vajza. Policia e Shtetit ka ndërhyrë për të shpërndarë protestuesit nga perimetri i sigurisë, ndërsa shoqërimet e fundit u kryen në momentet kur protesta ishte drejt përfundimit dhe numri i protestuesve ishte reduktuar ndjeshëm.

Ndërkohë ashtu si zakonisht protestuesit kanë pastruar mbeturinat e krijuara gjatë protestës dhe qeset e tyre i kanë lënë para efektivëve që kishin krijuar kordonin policor.

Apeli i GJKKO ka rrëzuar kërkesën e ish-ministrit të Shëndetësisë, Ilir Beqaj, për zëvendësimin e masës së sigurisë “arrest në burg” me një masë më të butë, duke përfshirë edhe garancinë pasurore në vlerën 2 milionë lekë. Beqaj kishte kërkuar zëvendësimin e masës “arrest në burg” me masën “arrest në shtëpi”. Në alternativë, ai kishte kërkuar caktimin e masës “garanci pasurore”, në shumën 2 milionë lekë ose në një vlerë tjetër që gjykata do ta çmonte të përshtatshme.

Por gjykata vendosi të lërë në fuqi vendimin e Gjykatës së Posaçme të Shkallës së Parë në kuadër të dosjes SASPAC.

Pas shqyrtimit të ankimit, Apeli i GJKKO vendosi:

“Lënien në fuqi të vendimit nr. 362, datë 25.05.2026, të Gjykatës së Posaçme të Shkallës së Parë për Korrupsionin dhe Krimin e Organizuar.”

Këtë të enjte ka nisur seanca e fundit plenare në Kuvend për këtë sesion parlamentar, ndërkohë që qytetarët janë vendosur në hyrje të tij për për të protesuar.

Incidente janë shënuar dhe 5 persona janë shoqëruar nga policia, ndërkohë që një tjetër persona është shoqëruar në spital pasi ka humbur ndjenjat gjatë protestës.

Për të garantuar mbarëvajtjen e protestës, Policia e Shtetit kishte shtuar masat e sigurisë duke angazhuar rreth 500 punonjës policie në terren. Organet e rendit zgjeruan gjithashtu perimetrin e sigurisë, nga zona e “Toptanit” deri te rruga e Elbasanit.

Gjithashtu, rreth godinës së Kuvendit u vendos edhe gardhi metalik për të parandaluar çdo incident të mundshëm gjatë zhvillimit të tubimit.

Kuvendi ka nisur me vonesë, ndryshe nga ora zyrtare. Rendi i ditës pritet të jetë i ngjeshur ndërsa pritet të raportohen në Kuvend raportet vjetore të institucioneve të drejtësisë, përfshirë Këshillin e Lartë Gjyqësor, Këshillin e Lartë të Prokurorisë, Prokurorinë e Përgjithshme, Kontrollin e Lartë të Shtetit dhe Strukturën e Posaçme Kundër Korrupsionit dhe Krimit të Organizuar.

Në seancë pritet të shqyrtojnë projektrezolutat për vlerësimin e veprimtarisë së këtyre institucioneve gjatë vitit 2025. Gjithashtu pritet të zhvillohen interpelanca dhe seanca pyetje-përgjigje me Ministrin e Infrastrukturës dhe Energjisë, Enea Karakaçi, të kërkuara nga deputetët e opozitës.

Këtë të enjte ka nisur seanca e fundit plenare në Kuvend për këtë sesion parlamentar, ndërkohë që qytetarët janë vendosur në hyrje të tij për për të protesuar.

Incidente janë shënuar dhe 5 persona janë shoqëruar nga policia, ndërkohë që një tjetër persona është shoqëruar në spital pasi ka humbur ndjenjat gjatë protestës.

Për të garantuar mbarëvajtjen e protestës, Policia e Shtetit kishte shtuar masat e sigurisë duke angazhuar rreth 500 punonjës policie në terren. Organet e rendit zgjeruan gjithashtu perimetrin e sigurisë, nga zona e “Toptanit” deri te rruga e Elbasanit.

Gjithashtu, rreth godinës së Kuvendit u vendos edhe gardhi metalik për të parandaluar çdo incident të mundshëm gjatë zhvillimit të tubimit.

Kuvendi ka nisur me vonesë, ndryshe nga ora zyrtare. Rendi i ditës pritet të jetë i ngjeshur ndërsa pritet të raportohen në Kuvend raportet vjetore të institucioneve të drejtësisë, përfshirë Këshillin e Lartë Gjyqësor, Këshillin e Lartë të Prokurorisë, Prokurorinë e Përgjithshme, Kontrollin e Lartë të Shtetit dhe Strukturën e Posaçme Kundër Korrupsionit dhe Krimit të Organizuar.

Në seancë pritet të shqyrtojnë projektrezolutat për vlerësimin e veprimtarisë së këtyre institucioneve gjatë vitit 2025. Gjithashtu pritet të zhvillohen interpelanca dhe seanca pyetje-përgjigje me Ministrin e Infrastrukturës dhe Energjisë, Enea Karakaçi, të kërkuara nga deputetët e opozitës.

Nga Nuredin Dumani tek Ervis Martinaj dhe grupi i Bajrit. Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të pandehurish në kuadër të dosjes “Metamorfoza”, duke dorëzuar aktet për gjykim në Gjykatën e Posaçme kundër Korrupsionit dhe Krimit të Organizuar (GJKKO).

Mes të pandehurve janë Nuredin Dumani, i penduar i drejtësisë, Prekë Kodra, Ervis Martinaj, i shpallur i zhdukur që prej gushtit 2022, Aleks Ndreka, i njohur si “Leksi i Druve”, si dhe persona të tjerë të lidhur me grupin kriminal “Bajri”.

Prokurorët Arben Kraja dhe Bledar Maksuti kanë ngritur akuza që lidhen me vrasjen e Gjin Boricit Ndoj në Vaun e Dejës, ngjarje e ndodhur në vitin 2020. Për të njëjtën çështje po gjykohen më herët edhe biznesmeni Pëllumb Gjoka, Behar Bajri (Brajoviq) dhe të pandehur të tjerë. Sipas SPAK, të pandehurit do të përballen me drejtësinë edhe për krijimin e kushteve për vrasjen e Ibrahim Licit, Dorian Dulit dhe Genc Tafilit, të konsideruar kundërshtarë të grupit “Bajri”, si dhe për krijimin e kushteve për vrasjen e Kleant Musabelliut.

Ndaj tyre rëndojnë akuza të tilla si:

“Vrasje me paramendim”, kryer në formën e veçantë të bashkëpunimit;

“Grup i strukturuar kriminal”;

“Sigurimi i kushteve dhe mjeteve për të kryer vrasje”;

si dhe vepra të tjera penale.

Dosja pritet t’i nënshtrohet shortit elektronik në GJKKO për caktimin e gjyqtarit që do të shqyrtojë çështjen në seancën paraprake. Dosja “Metamorfoza”, e para e ndërtuar nga SPAK mbi komunikimet e platformës së koduar Sky EC, është ndarë në disa fraksione. Për disa prej të pandehurve janë dhënë tashmë vendime të formës së prerë, ndërsa pjesa tjetër e çështjeve vijon të shqyrtohet në gjykatë.

Të pandehurit që janë dërguar për gjykim janë:

Ervis Martinaj

Denis Brajoviq

Klaodor Hakaj

Prekë Kodra

Aleks Ndreka (Leksi i Druve)

Nuredin Dumani

Eljon Hato

Arsad Bashli

Bardhyl Mavraj

Një aksident i rëndë i ndodhur pasditen e kësaj të mërkure në Unazën e Madhe të Tiranës, pranë qendrës tregtare TEG, ku dyshohet se një person ka humbur jetën dhe një tjetër ka mbetur i plagosur rëndë.

Një automjet i tonazhit të rëndë është përplasur me një automjet tip fuoristradë, e cila është shkatërruar plotësisht nga përplasja.

Pas aksidentit, mjeti i tonazhit të rëndë ka thyer barrierat mbrojtëse të urës dhe ka përfunduar duke rënë poshtë, në rrugën tjetër, ku edhe ai ka pësuar dëmtime të shumta.

Nga burime paraprake pranë vendit të ngjarjes mësohet se si pasojë e aksidentit dyshohet se ka humbur jetën drejtuesi i mjetit të tonazhit të rëndë, ndërsa personi i plagosur rëndë është drejtuesi i fuoristradës.

 

View this post on Instagram

 

A post shared by OPINION TV SHOW (@opinion.al)

Ish-presidenti Ilir Meta i është drejtuar Gjykatës së Tiranës duke kundërshtuar vendimin e Prokurorisë së Tiranës për të mos nisur procedim penal ndaj punonjësve të paraburgimit 313. Meta ka ankimuar vendimin e organit të akuzës për mbylljen e verifikimeve lidhur me kallëzimin e tij, ku pretendonte shpërdorim detyre nga punonjës të institucionit të vuajtjes së dënimit, për mënyrën e trajtimit gjatë qëndrimit të tij në paraburgim dhe për kufizimin e komunikimeve.

Pas shqyrtimit të kallëzimit dhe kryerjes së verifikimeve, Prokuroria e Tiranës vendosi të mos ngarkojë me përgjegjësi penale asnjë person, duke arritur në përfundimin se nuk kishte elementë të mjaftueshëm për ndjekje penale.

Përmes ankimimit në gjykatë, ish-kreu i shtetit kërkon që vendimi i prokurorisë të rrëzohet dhe që gjykata të urdhërojë vijimin e hetimeve për çështjen e denoncuar prej tij. Çështja do të shqyrtohet nga gjyqtarja Vjollca Sahiu, e cila do të vendosë nëse do të lërë në fuqi vendimin e Prokurorisë së Tiranës apo do të urdhërojë kryerjen e hetimeve të mëtejshme.

Hetimet për plagosjen me armë zjarri të ndodhur mbrëmjen e së dielës në një lokal në lagjen “Vullnetari” në Elbasan kanë zbuluar detaje të reja mbi dinamikën e ngjarjes.

Bëhet me dije se objektivi i atentatit nuk ka qenë asnjëri prej të plagosurve, por një person tjetër që ndodhej në ambientet e lokalit në momentin e të shtënave. Katër personat e mbetur të plagosur rezultojnë të kenë qenë qytetarë të rastësishëm, të cilët janë prekur nga plumbat gjatë sulmit. Ata kanë marrë dëmtime të lehta dhe ndodhen tashmë në banesat e tyre, jashtë rrezikut për jetën.

Gazetarja Klodiana Lala raporton për BalkanËeb se dyshohet se objektiv i sulmit ka qenë nipi i Kastriot Kilës, i njohur si “Ot Kila”. Sipas informacioneve paraprake nga hetimet, autori dyshohet se ka vepruar i maskuar, duke përdorur maskë silikoni dhe paruke me flokë të gjatë, me qëllim fshehjen e identitetit të tij. Ai mësohet se ka qenë i veshur me rroba të zeza, një xhup të errët dhe doreza, ndërsa ka ndjekur një skemë të organizuar për të mos lënë gjurmë.

Burimet hetimore bëjnë me dije se një nga pistat kryesore ku është përqendruar hetimi lidhet me veprimtarinë kriminale në fushën e narkotikëve, ndërsa po verifikohen edhe lidhjet e mundshme të personit që dyshohet se ishte shënjestra e atentatit.

Nga analizimi i pamjeve të kamerave të sigurisë, autori shfaqet i maskuar me një maskë silikoni dhe me flokë të gjata bionde, duke krijuar në pamje të parë përshtypjen e një gruaje. Megjithatë, sipas burimeve, bëhet fjalë për një djalë, identiteti i të cilit ende nuk është bërë i mundur të përcaktohet.

Gjatë këqyrjes së vendit të ngjarjes, ekspertët e Policisë Shkencore kanë sekuestruar gjashtë gëzhoja, të cilat do t’i nënshtrohen ekzaminimeve balistike për të ndihmuar në identifikimin e armës së përdorur dhe të autorit.

Ndërkohë, Policia e Elbasanit, në bashkëpunim me Prokurorinë, vijon kontrollet dhe veprimet hetimore për zbardhjen e plotë të ngjarjes dhe kapjen e autorit, i cili mbetet ende në arrati.

Po zhvillohet në Gjykatën e Posaçme (GJKKO) seanca paraprake ndaj kryebashkiakut të Kolonjës, Erion Isai, dhe të pandehurve të tjerë, zyrtarë dhe ish-zyrtarë të Bashkisë Kolonjë dhe Autoritetit Rrugor Shqiptar (ARRSH).

Të pandehurit akuzohen për shpërdorim detyre, shkelje të barazisë në tendera dhe falsifikim dokumentesh, ndërsa çështja lidhet me një hetim të zhvilluar për 3 procedura prokurimi gjatë vitit 2020, me një vlerë totale që tejkalon 30 milionë euro.

Gjatë seancës paraprake, GJKKO do të shqyrtojë kërkesën e SPAK për kalimin e çështjes për gjykim. Gjykata do të vendosë nëse dosja do të dërgohet për shqyrtim gjyqësor, do të kthehet për plotësim të hetimeve apo nëse çështja do të pushohet.

Të pandehurit:

Erion Isai – kryetar i Bashkisë Kolonjë – shpërdorim detyre

Eljona Mydini – ish-zv.kryetare e Bashkisë Kolonjë – shpërdorim detyre

Erjon Cenko – punonjës i Bashkisë Kolonjë – falsifikim dokumentesh, shkelje e barazisë në tendera

Engjëll Dine – punonjës i Bashkisë Kolonjë – falsifikim dokumentesh, shkelje e barazisë në tendera

Ermal Zylfo – punonjës i Bashkisë Kolonjë – falsifikim dokumentesh, shkelje e barazisë në tendera

Armand Tafili – punonjës i Bashkisë Kolonjë – shkelje e barazisë në tendera

Muharrem Tartari – punonjës i Bashkisë Kolonjë – shkelje e barazisë në tendera

Shpëtim Liço – punonjës i Bashkisë Kolonjë – shkelje e barazisë në tendera

Ergys Verdho – ish-kreu i ARRSH-së – shpërdorim detyre

Erald Elezi – ish-drejtor në ARRSH – shpërdorim detyre

Genti Raça – përgjegjës preventivi në ARRSH – shpërdorim detyre

Donikë Shehu – ish-specialiste në ARRSH – shpërdorim detyre

Klarita Konomi – ish-specialiste në ARRSH – shkelje e barazisë në tendera

Nikollaq Mihali – specialist në ARRSH – shkelje e barazisë në tendera

Erdit Salillari – përgjegjës sektori në ARRSH – shkelje e barazisë në tendera

Partia Socialiste ka votuar ndryshimin e rendit të ditës në seancën plenare të këaaj të hëne, ndërsa kreu i PD Sali Berisha e cilësoi kryetarin Niko Peleshi si vasal të Ramës dhe armik të kushtetutës.

Peleshi u përgjigj duke u shprehur se do të merrte masa.

Pjesë nga debati:

Berisha: Do të mbetesh në historinë e vendit si vasali më i shpifur i Edi Ramës si armik i egër i Kushtetutës dhe të drejtave kushtetuese të deputetëve, si armik I procesit të integrimit të vendit. Ka një muaj që janë dorëzuar amandamentet për amendimin e ligjit, për të cilat, BE, KE, PE kërkojnë të amendohen.

Protesta më e fuqishme që nga vitet 90 kërkon të anulohet ligji. Ti me përgjegjësi personale

Peleshi: Mu drejto me etikë, nuk të drejtohem me ti. Do t’u ndërpres sa herë që shkel rregulloren, madje do të marr edhe masa për të gjithë ata që përdorin një përrua fjalësh që nuk na takon.

Qytetarë të shumtë janë mbledhur në protestë përpara Kuvendit, këtë  të hënë me thirrjet “Parlamenti i krimit”, “Rama jep dorëheqjen” dhe “Nuk na përfaqësoni”.

Protesta ka nisur në orën 10:30, ndërkohë që kuvendi do të niste seancën plenare të radhës. Edhe këtë herë qytetarët kanë sulmuar me vezë, ndërkohë që deputetet kanë zgjedhur të hyjnë në sallë përmes hyrjeve alternative për të shmangur përballjen.

Spanja është shpallur kampione e botës në finalen e botërorit 2026 përvallë Argjentinës.

Në një ndeshje që në fakt u dominua nga spanjollët, goli arriti të gjejë rrjetën vetëm në minutën 106, falë një goditjeje të Torres.

Një sulm i ri iranian ndaj një impianti energjie dhe shkripëzimi të ujit në Kuvajt ka shkaktuar zjarr në objekt, duke shënuar sulmin e dytë ndaj të njëjtit sektor brenda dy ditësh.

Ministria e Energjisë Elektrike, Ujit dhe Energjisë së Rinovueshme e Kuvajtit bëri të ditur se sulmi shkaktoi dëme në disa ambiente të impiantit, ndërsa ekipet e zjarrfikësve u angazhuan për vënien nën kontroll të flakëve.

“Sipas autoriteteve kuvajtiane, sulmi i kryer ndaj objektit energjetik shkaktoi zjarr, ndërsa forcat e emergjencës vijojnë punën për shuarjen e tij”, thuhet në deklaratën e ministrisë të publikuar në platformën X.

Është përcjellë në banesën e fundit gazetari Enrik Mehmeti, i cili humbi jetën tragjikisht në moshën 40-vjeçare pas një aksidenti automobilistik në zonën e Zvërnecit.

Ndarja e parakohshme nga jeta e gazetarit ka sjellë reagime të shumta nga bota e medias, ndërkohë që miq e të afërm janë bërë pjesë e homazheve për t’i dhënë nderimet e fundit, gazetarit nga Vlora që humbi jetën mbrëmjen e 18 korrikut, pas një aksidenti me një motomjet me katër rrota në zonën bregdetare të Zvërnecit.

Mehmeti dyshohet se humbi kontrollin e mjetit, i cili u përmbys, duke i shkaktuar dëmtime të rënda. Pavarësisht transportimit me urgjencë në Spitalin Rajonal të Vlorës, ai nuk mundi t’u mbijetonte plagëve.

Enrik Mehmeti la pas bashkëshorten dhe 2 fëmijët.

Mijëra përdorues të Facebook dhe Instagram në të gjithë botën janë përballur me probleme teknike mëngjesin e së dielës, sipas të dhënave të faqes Downdetector.

Raportimet për ndërprerje nisën të shtohen rreth orës 09:30, ndërsa përdoruesit kanë raportuar pamundësi për t’u identifikuar në llogaritë e tyre, për të ngarkuar faqen kryesore dhe për të përdorur funksionet bazë të rrjeteve sociale.

­­Shumë përdorues që tentojnë të hyjnë në Facebook përmes shfletuesit marrin mesazhin: “Acount Temporarily Unavailable”, që tregon se bëhet fjalë për një problem teknik të platformës.

Ndërkohë, aplikacionet në celular hapen normalisht për disa përdorues, por përmbajtja nuk rifreskohet dhe postimet e reja nuk ngarkohen. Messenger gjithashtu është prekur nga ndërprerja, ndërsa ËhatsApp duket se vijon të funksionojë normalisht
Deri në këto momente, kompania Meta nuk ka dhënë një deklaratë zyrtare mbi shkakun e problemit apo kohën e rikthimit të plotë të shërbimeve.

Të shtëna me armë zjarri u raportuan mbrëmjen e djeshme në fshatin Barbullush të Vaut të Dejës. Policia bën me dije se ngjarja ka ndodhur pas një konflikti çasti mes disa personave. Njëri prej tyre, gjatë largimit nga vendi i ngjarjes, ka qëlluar me armë zjarri në ajër.

Reagimi i Policisë
Më datë 18.07.2026, rreth orës 22:15, në fshatin Barbullush, Vau i Dejës, dyshohet se, gjatë një konflikti të çastit mes disa perso, njëri prej tyre, gjatë largimit nga vendi i ngjarjes, ka qëlluar me armë zjarri në ajër.

Menjëherë pas marrjes së njoftimit, shërbimet e Policisë kanë shkuar në vendngjarje dhe po vijojnë kontrollet intensive në zonë, me qëllim identifikimin dhe kapjen e autorit.

Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes, dokumentimin ligjor të saj, si dhe identifikimin dhe kapjen e autorit.

Gazetari Enrik Mehmeti ka humbur jetën në një aksident të ndodhur në plazhin e Porto Noves, në Zvërnec mbrëmjen e sotme.

Sipas të dhënave paraprake të policisë, ai po lëvizte me një motor me katër rrota, kur dyshohet se, si pasojë e një manovre të gabuar, humbi kontrollin e mjetit dhe motori u rrokullis disa herë.

Gjatë aksidentit, një pjesë metalike e mjetit e goditi rëndë në kraharor, duke i shkaktuar dëmtime fatale.

Pavarësisht ndërhyrjes së shpejtë, 40-vjeçari nuk arriti të mbijetojë.

Për të 49-ën ditë, protestuesit janë mbledhur edhe sot para Kryeministrisë duke vijuar me 5 kërkesat e tyre, të cilat i lexojnë në çdo tubim përgjatë këtyre javëve.

“Nuk do lëvizim nga sheshi deri sa të plotësohen 5 kërkesat”, u shpreh një protestuesve.

Thirrjet për revolucion dhe ndryshimin e klasës politike, vijojnë.

5 kërkesat e tyre janë:

1. Dorëheqjen e panegociueshme të kryeministrit dhe të gjithë qeverisë.
2. Krijimin e një qeverie teknike tranzitore për jo më pak se 12 muaj.
3. Ndryshime kushtetuese dhe miratimin e tyre me referendum, ku përfshihet ndryshimi i Kodit Zgjedhor, që sipas tij ka marrë peng vendin që prej vitit 2008.
4. Ndryshime në ligjin për financimin e partive politike, pasi sipas deklaruesit, përmes tij financohen nga paraja e krimit dhe drogës.
5. Kufizimi i ushtrimit të detyrës së kryeministrit në jo më shumë se dy mandate.

Kjo protestë vjen pas mbledhjes për herë të parë të “Kuvendit Kombëtar të Protestës”, i thirrur nga organizatorët. Kjo mbledhje në fakt pati mjaft tensione dhe përplasje mes tyre, pasi dukej se dakordësia për këtë takim nuk ishte e të gjithëve.

Nga sheshi protestuesit u distancuan nga kjo mbledhje dhe ky Kuvend duke thënë se përfaqësuesit janë në shesh dhe se nuk ka negociata nëpër zyra.

Detaje të reja dalin nga dosja hetimore për zhdukjen e 69 milionë lekëve të rinj në filialin e Postës Shqiptare në Durrës, ku ish-drejtoresha është lënë në burg, ndërsa arrest shtëpie është vendosur për dy zyrtaret e tjera të përfshirë në këtë skemë.

Sipas hetimeve të Prokurorisë dhe Policisë, tre zyrtaret dyshohet se gjatë muajve prill dhe maj 2026 nuk kanë arkëtuar në degët Shijak dhe Krujë shumën prej 69 milionë lekësh të rinj.

Hetimet vijojnë për të zbardhur të gjithë skemën, përfshirjen e mundshme të personave të tjerë dhe destinacionin përfundimtar të shumës së konsiderueshme financiare.

Në dosje zbulohen të gjithë ‘levizjet’ që ish-drejtoresha Elisabeta Mataj, ish-shefja e inancës, Valbona Duni, dhe ish-arkëtarja Paola Dana kanë bërë.

Referuar pamjeve filmike të administruara nga kamerat e sigurisë në ambientet e Filialit Durrës qendër (bashkëlidhur kallëzimit), rezulton se nga ana e punonjëseve të postës lëvizjet e vlerave monetare janë kryer në kundërshtim me aktet ligjore në fuqi dhe të rregullores së brendshme të Posta Shqiptare Sh.a.
Konkretisht më datë 02.04.2026 ora 15:15:29, në filialin e Postës Shqiptare Durrës vijnë vlerat monetare të shoqëruara nga një punonjës i postës dhe nga punonjësi i SHPSF “Nazeri”;
Ora 15:29:12, shefja e financës Valbona Duni, në ambientet e arkës, e pranishme Paola Dana dhe ndihmës arkëtarja, i bën me shenjë me dorë punonjësit të postës të marri thesin me vlera monetare;

Ora 15:29:22 shefja e financës Valbona Duni bashkë me një punonjës poste marrin në arkë, e pranishme Paola Dana, një thes me vlera monetare i porsaardhur me eskortë shoqërimi nga banka;

Ora 15:29:50 shefja e financës Valbona Duni i merr thesin me vlera monetare punonjësit të postës dhe hyn në zyrën e saj;

Ora 15:30:05 Valbona Duni çon thesin me vlera monetare në zyrën e Drejtores Elisabeta Mataj;
Ora 15:30:09 Valbona Duni hyn në zyrën e Drejtores Elisabeta Mataj
Ora 15:30:22 Valbona Duni del nga zyra e Drejtoreshës Elisabeta Mataj
Ora 15:31:16, Valbona Duni niset të largohet puna;
Ora 15:31:31 Elisabeta Mataj e thërret Valbona Dunin dhe së bashku shkojnë në zyrën e Elisabeta Mataj
Ora 15:33:04 nga zyra e Drejtores del e para Valbona Duni
Ora 15:33:27 Valbona Duni largohet nga puna;
Ora 15:39:08 Drejtoresha e Filialit Posta Shqiptare Durrës Elisabeta Mataj largohet nga zyra me një qese të bardhë transparente me sende që nuk mund të përcaktohen, thuhet në dosje.

Datës 2.4.2026 i përket mandat pagesa nr. 2330, vlera 5 000 000 lekë, me përshkrim për llogarinë lidhje të brendshme dega Shijak, e nënshkruar nga Elisabeta Mataj, Valbona Duni, Paola Dana dhe Flora Nexha (arkëtare e degës Shijak e dyshuar e falsifikuar).

2. Më datë 14.04.2026 në orën 13:05:52 shefja e financës Valbona Duni merr një thes me vlera monetare nga zyra e Arkës e pranishme Paola Dana.
13:06:04 shefja e finances Valbona Duni me thesin me vlera monetare futet në zyrën e saj
Dates 14.4.2026 i përket mandat pagesa nr. 2706, vlera 10 000 000 lekë, me përshkrim për llogarinë lidhje të brendshme dega Krujë, e nënshkruar nga Elisabeta Mataj, Valbona Duni, Paola Dana dhe Valentina Guni (arkëtare e degës Krujë e dyshuar e falsifikuar).

3. Më datë 15.04.2026 në orën 14:13 shefja e finances Valbona Duni merr një thes me lekë nga arka e pranishme Paola Dana. Ora 14:14 Valbona Duni me thesin me vlera monetare shkon në zyrën e saj.

Dates 15.4.2026 i përket mandat pagesa nr. 2748, vlera 10 000 000 lekë, me përshkrim për llogarinë lidhje të brendshme dega Krujë, e nënshkruar nga Elisabeta Mataj, Valbona Duni, Paola Dana dhe Valentina Guni (arkëtare e degës Krujë e dyshuar e falsifikuar).

4. Më datë 20.04.2026 në orën 13:39 nd/arkëtarja në prani të arkëtares Paola Dana, i jep shefes së financës Valbona Duni rreth 10 fasheta me prerje kartmonedhe 5.000 të reja në qese plastike, shefja e financës i merr dhe shkon në zyrën e saj. Ora 13:39:26 Valbona Duni me qesen me vlera monetare shkon në zyrën e saj

Datës 20.4.2026 i përket mandat pagesa nr. 2866, vlera 5 000 000 lekë, me përshkrim për llogarinë lidhje të brendshme dega Shijak, e nënshkruar nga Elisabeta Mataj, Valbona Duni, Paola Dana dhe Flora Nexha (arkëtare e degës Shijak e dyshuar e falsifikuar).

5. Më datë 24.04.2026 në orë 14:15 vjen punonjësi i shoqërimit të vlerave i “Nazerit” me dy thasë nga banka dhe i lë tek Arka, e pranishme Paola Dana. Në orën 14:18 njërin nga thasët e merr shefja e financës Valbona Duni dhe shkon tek zyra saj. Ora 14:16:51 Valbona Duni merr thesin me vlera monetare dhe shkon në zyrën e saj.

Datës 24.4.2026 i përket mandat pagesa nr. 3002 (vendosur me shkrim dore numri 2997), vlera 5 000 000 lekë, me përshkrim për llogarinë lidhje të brendshme dega Shijak, e nënshkruar nga Elisabeta Mataj, Valbona Duni, Paola Dana dhe Flora Nexha (arkëtare e degës Shijak e dyshuar e falsifikuar).

6. Më datë 30.04.2026 në orën 15:09:07 nd/arkëtarja në prani të arkëtares Paola Dana mbush një thes me vlera dhe ia jep shefes së financës Valbona Duni e cila e merr thesin e shkon në zyrën e saj. Ora 15:1:03 Valbona Duni me thesin me vlera monetare shkon në zyrën e saj

7. Më datë 7.5.2026, ora 14:41 shefja e finances Valbona Duni merr një thes me lekë nga Arka, e pranishme Paola Dana dhe hyn në zyrën e saj. Ora 14:41:18 Valbona Duni me thesin me vlera monetare pasi del nga arka shkon në zyrën e saj. Ora 14:42:27, nga e njëjta zyrë ku hyri më përpara Valbona Duni me thesin me vlera monetare, del Drejtoresha Elisabeta Mataj. Ora 14:42:35 Elisabeta Mataj hyn në zyrën e saj. Ora 14:42:45 Valbona Duni me të njëjtin thes me vlera monetare hyn në zyrën e Drejtoreshës Elisabeta Mataj. Ora 14:43:19 Valbona Duni dhe Elisabeta Mataj dalin nga zyra e kësaj të fundit pa thesin me vlera monetare dhe hyjnë në të njëjtën zyrë.

8. Më datë 08.05.2026 në orën 13:47:22 shefja e financës Valbona Duni merr një pako të madhe me kartmonedha prerje 5.000 të reja nga arka, e pranishme Paola Dana. Ora 13:47:36 Valbona Duni plikon me kartmonedha e mbështjell me mandat pagesën e prerë nga Paola Dana. Ora 13:47:43 Valbona Duni me plikon me kartmonedha mbështjellë me mandat pagesë shkon në zyrën e saj

Datës 8.5.2026 i përket mandat pagesa nr. 4320, vlera 5 000 000 lekë, me përshkrim për llogarinë lidhje të brendshme dega Shijak, e nënshkruar nga Elisabeta Mataj, Valbona Duni, Paola Dana dhe Flora Nexha (arkëtare e degës Shijak e dyshuar e falsifikuar).

9. Më datë 21.05.2026 në orën 15:24 shefja e financës merr rreth 12 fasheta me kartmonedha prerje 5.000 të reja nga arka, e pranishme Paola Dana dhe i çon tek zyra e drejtoreshës së Filialit.

Ora 15:24:46 Valbona Duni mbështjell me mandat pagesë pliko me kartmonedha ndërkohë që komunikon me Paola Danën që kryen veprime në kompjuter. Ora 15:24:59 Valbona Duni me plikon me kartmonedha të mbështjellë me mandat pagesë shkon në zyrë e Drejtoreshës Elisabeta Mataj. Ora 15:25:18 Valbona Duni del nga zyra e Drejtoreshës Elisabeta Mataj me mandate pagesën në dorë por pa plikot me kartmonedha. Ora 15:25:28, Elisabeta Mataj me telefon në dorë del nga zyra e saj pas Valbona Dunit dhe hyn në një zyrë tjetër.

Ndërkohë, drejtoresha e filialit, Elisabeta Mataj, gjatë përballjes me gjykatën, nuk ka dhënë një shpjegim se ku kanë përfunduar paratë. E pyetur nga gjykata për destinacionin e shumës prej 69 milionë lekësh, Mataj është përgjigjur se nuk e di.