Genoa heq dorë nga transferimi i Kristjan Asllanit?
Në ditët e fundit emri i Kristjan Asllanit është përmendur si një nga opsionet e mundshme për Genoan. Mesfushori shqiptar, në pronësi të Interit, pritet të ndërpresë huazimin e tij te Torino për t’u sistemuar më pas sërish në një klub tjetër. Në Itali, pikërisht Genoa ishte skuadra që kishte shfaqur interesin më konkret për shërbimet e tij, edhe pse për lojtarin nuk mungojnë kërkesat as nga Spanja.