Dokumente të publikuara së fundmi nga Departamenti i Drejtësisë i SHBA-së hedhin dritë mbi një plan të diskutueshëm të financierit të ndjerë Jeffrey Epstein, i cili kishte shfaqur interes për të blerë një hotel me pesë yje pranë Pallatit Buckingham në Londër.

Sipas emaileve të bëra publike, Epstein kishte synuar hotelin “Dukes”, i vendosur rreth 10 minuta në këmbë nga pallati mbretëror. Në komunikimet e zbuluara, ai diskutonte mundësinë e blerjes dhe transformimit të hapësirave të hotelit për qëllime private një ide që në disa mesazhe përshkruhej me termin e diskutueshëm “dhomë lojërash”.

Në këtë proces përmendet edhe biznesmeni David Stern, i cili më vonë u bë drejtues i iniciativës sipërmarrëse Pitch@Palace të ish-Dukës së Jorkut. Sipas emaileve, Stern e kishte inkurajuar Epsteinin të shqyrtonte seriozisht blerjen e hotelit dhe kishte diskutuar detaje mbi hapësirat e ndërtesës.

Zinxhiri i komunikimeve përfshinte gjithashtu biznesmenin me bazë në Dubai, Sultan Ahmed bin Sulayem pronar i hotelit në atë kohë i cili kërkonte këshilla financiare për shkak të vështirësive me kreditë. Edhe pse ai nuk akuzohet për ndonjë shkelje, emailet tregojnë se Epstein shprehu interes si blerës i mundshëm.

Dokumentet zbulojnë se Epstein kishte kërkuar analiza financiare për vlerën e hotelit dhe kostot e rinovimit, ndërsa pronarët kishin ndarë projeksione të brendshme financiare gjatë bisedimeve.

Jeffrey Epstein ishte dënuar në vitin 2008 për një vepër të lidhur me shfrytëzimin seksual të një të miture dhe vdiq në vitin 2019 ndërsa ndodhej në paraburgim. Zbulimet e fundit shtojnë një tjetër kapitull në hetimet dhe dokumentet që lidhen me aktivitetet dhe kontaktet e tij ndër vite.

The post Hotel me pesë yje dhe një projekt kontrovers, çfarë synonte Epstein në Londër? appeared first on iconstyle.al.

Ekspertë të shëndetit kanë ngritur një alarm të ri lidhur me barnat për humbje peshe si Ozempic dhe Mounjaro, duke paralajmëruar për një efekt anësor të rrallë por serioz: humbje të shikimit që në disa raste mund të jetë e përhershme.

Studime të fundit kanë lidhur këto medikamente me gjendje që shkaktojnë inflamacion dhe bllokim të qarkullimit të gjakut në sy. Një nga komplikacionet e përmendura është një sëmundje e rrallë e nervit optik, e njohur si neuropatia optike ishemike anteriore jo-arteritike (NAION), e cila mund të çojë në dëmtim të pakthyeshëm të shikimit.

Sipas kërkimeve të publikuara vitin e kaluar në një revistë shkencore oftalmologjike, janë dokumentuar disa raste pacientësh në SHBA që raportuan humbje të shikimit pas përdorimit të përbërësve aktivë semaglutide dhe tirzepatide, substanca që përdoren në këto trajtime. Në disa raste, pacientët kanë përjetuar humbje të menjëhershme të shikimit në njërin ose të dy sytë.

Shkencëtarët theksojnë se mekanizmi i saktë nuk është ende plotësisht i qartë, por dyshohet se ulja e shpejtë e nivelit të sheqerit në gjak mund të ndikojë në enët e gjakut të syrit. Megjithatë, ekspertët nënvizojnë se ky efekt mbetet shumë i rrallë vlerësimet sugjerojnë rreth një rast në 10 mijë përdorues.

Gjenetisti i njohur nga Harvard, Dr. David Sinclair, e ka përshkruar këtë fenomen si një lloj “goditjeje në sy”, duke paralajmëruar se simptomat mund të shfaqen papritur. Ai gjithashtu deklaroi se kërkimet e tij mbi trajtime anti-plakje mund të ofrojnë në të ardhmen mundësi për rikthimin e shikimit në raste të tilla.

Mjekët këshillojnë që pacientët që përdorin barna për humbje peshe ose diabet të konsultohen rregullisht me profesionistët e shëndetit dhe të raportojnë menjëherë çdo ndryshim në shikim. Pavarësisht rasteve të raportuara, këto trajtime vazhdojnë të konsiderohen efektive dhe të sigurta për shumicën e pacientëve kur përdoren nën mbikëqyrje mjekësore.

The post Humbje e papritur e shikimit? Çfarë thonë mjekët për Ozempic appeared first on iconstyle.al.

Selin ka folur hapur për marrëdhënien e saj me DJ Gimbon, duke e cilësuar atë si një nga raportet më të pastra dhe më korrekte brenda shtëpisë. Në një bisedë e cila u zhvillua brenda dhomes së rrëfimit, ajo theksoi se prania e banorit e bën të ndihet e qetë dhe larg lojës.

Sipas Selinit, momentet që kalon me DJ Gimbon janë të natyrshme dhe pa strategji, çka e bën lidhjen e tyre edhe më të veçantë. “Kur jam me të, thjesht e jetoj momentin, nuk jam e përfshirë në lojë,” u shpreh ajo.

Ajo foli me vlerësim për karakterin e tij, duke theksuar respektin që ka për të dhe mënyrën si ai sillet. Selin vuri në dukje se e pëlqen fakti që DJ Gimbo është shumë i kujdesshëm dhe detajist, cilësi që, sipas saj, e bëjnë edhe më të afërt për të.

“Marrëdhënia është më korrektja këtu brenda. Kur jam me të, jetoj momentin, nuk jam e përfshirë në lojë. Kemi kimi shumë të fortë, e vlerësoj shumë si djalë dhe kam shumë respekt. Më pëlqen që është shumë detajist dhe kujdeset, e kam shumë për zemër”

Deklarata e saj ka ngjallur reagime mes banorëve dhe publikut, duke shtuar kuriozitetin rreth dinamikës së raportit të tyre. Kujtojme se Dj Gimbo ka shprehur simpatinë për banoren, me të cilën është më afër në shtëpi.

The post Selin flet për raportin me DJ Gimbon: Kur jam më të, jetoj! appeared first on iconstyle.al.

Autoritetet japoneze në qytetin Fujiyoshida, pranë malit të famshëm Fuji, kanë vendosur të anulojnë festivalin e këtij viti të lulëzimit të qershive, duke argumentuar se rritja e madhe e turistëve është bërë e papërballueshme për komunitetin lokal.

Zona është një nga destinacionet më të vizituara gjatë pranverës, kur qershitë japoneze lulëzojnë dhe krijojnë një panoramë ikonike me malin Fuji në sfond. Por sipas autoriteteve, fluksi i vizitorëve ka sjellë trafik të rënduar, ndotje dhe sjellje të papërshtatshme nga disa turistë.

Banorët raportojnë raste të hyrjes pa leje në prona private, përdorim të kopshteve si tualete dhe konflikte me vendasit. Kryetari i bashkisë, Shigeru Horiuchi, deklaroi se kjo situatë po rrezikon jetën e qetë të qytetarëve.

“Kemi një ndjenjë të fortë krize. Për të mbrojtur dinjitetin dhe mjedisin jetësor të banorëve, vendosëm të mbyllim festivalin 10-vjeçar,” tha ai.

Festivali në parkun Arakurayama Sengen ishte krijuar për të tërhequr vizitorë dhe për të gjallëruar zonën, por autoritetet thonë se numri i turistëve ka tejkaluar kapacitetin e qytetit. Gjatë kulmit të sezonit, deri në 10 mijë vizitorë mbërrijnë çdo ditë një rritje që lidhet me popullaritetin në rrjetet sociale dhe dobësimin e jenit japonez.

Edhe pse festivali nuk do të zhvillohet këtë vit, qyteti po përgatitet për fluks të lartë vizitorësh gjatë muajve prill dhe maj.

Ky nuk është rasti i parë kur Japonia merr masa kundër mbingarkesës turistike. Vitin e kaluar, autoritetet bllokuan një pikë shumë të famshme fotografimi për shkak të sjelljes problematike të turistëve. Ndërkohë, vende të tjera në botë po aplikojnë masa të ngjashme si Roma dhe Venecia në Itali për të menaxhuar turizmin masiv.

The post Anulohet festivali i lulëzimit të qershive pranë malit Fuji, turistët bëhen ‘molla e sherrit’ appeared first on iconstyle.al.

DJ Gimbo ka ndarë një nga episodet më të ndjeshme të jetës së tij gjatë një bisede të sinqertë me Selinin, duke folur për ndarjen e prindërve, një ngjarje që, sipas tij, la gjurmë të thella në familje. Mes kujtimeve personale, ai tregoi se marrëdhënia mes prindërve kishte kohë që ishte ftohur, pavarësisht se jetonin ende nën të njëjtën çati.

Momentin që ai e konsideron vendimtar për përfundimin e raportit mes tyre, DJ Gimbo e përshkroi si tepër të dhimbshëm. Ai rrëfeu se pasi nëna e tij kishte kaluar një natë tek gjyshja, babai reagoi ashpër kur ajo u kthye në shtëpi, duke i kërkuar të largohej. Pas kësaj, ajo u zhvendos përkohësisht në një banesë të familjarëve.

“Ka shku mami te gjyshja, shkoi te nëna e saj se nuk e ka pa që një muaj edhe ka dashtë me ndejtë një natë, se shyqyr qe e ka hala edhe babai e kish kuptu e kish marrë veshë që mami u shku te nëna e vetë. Edhe vjen mami në shtëpi, hyn brenda…. mami edhe babi edhe që kanë jetu me një shtëpi nuk është edhe që kanë pas shumë kontakt njëri me tjetrin, njëri në sallon tjetri në kuzhinë… për shkaqe të kota. Edhe kur babi e sheh që është ardhe mami, i thotë që duhesh me dalë, edhe mami çka bën, del edhe shkon te banesa e motrës që e kam në Gjermani edhe e ka një banesë në Istog qaty afër jo larg edhe mami shkon në banesë aty”, i rrëfente ai Selinit.

“U thashë pse çka u bë, kallxom, Gëzim më tha, babi e ka qit mamin prej shpisë, thash qysh?? Tha po, thashë okay. As nuk e di qysh kam mrri në Prishtinë, as nuk e di qysh jam shku në Istog sen s’maj në mend hiq, kurgjo. Shkova mirë boll, u mundojsha babën tem, dojsha me folë me të, me i thon mos u ngut se jemi shtatë fëmijë, i thashë mos u ngut. Më tha jo! Mami dul në banesë te motra”, i tregonte ai asaj.

 

View this post on Instagram

 

A post shared by Big Brother Alb VIP Edition (@bigbrotheralb_vip)

The post “Babi e dëboi mamin prej shtëpisë”/ DJ Gimbo i rrëfen Selinit për ndarjen e prindërve të tij appeared first on iconstyle.al.

Komunikimi nuk ka të bëjë vetëm me atë që themi, por edhe me mënyrën se si e shprehim. Shpesh, pa e kuptuar, përdorim fraza që mund të na bëjnë të dukemi të pasigurt, të pavendosur apo më pak të sigurt në vetvete përballë bashkëbiseduesit. Edhe pse qëllimi ynë mund të jetë të tregojmë mirësjellje apo fleksibilitet, disa shprehje japin përshtypjen e dobësisë në komunikim.

Një ndër frazat më të zakonshme është “Ndoshta e kam gabim, por…”. Kjo mënyrë të shprehuri e zbeh menjëherë idenë që po paraqesim, duke i dhënë bashkëbiseduesit sinjalin se as vetë nuk jemi të bindur për atë që themi.

Po ashtu, përdorimi i shpeshtë i shprehjes “Më fal…” edhe kur nuk ka arsye reale për të kërkuar falje, mund të krijojë perceptimin e një personi që kërkon vazhdimisht miratim apo shmang përballjen.

Fraza të tilla si “Nuk jam i/e sigurt…” apo “Nuk ka rëndësi…” mund të minimizojnë vlerën e mendimit tonë. Në vend që të nxisin dialog, ato mund të bëjnë që bashkëbiseduesi të mos e marrë seriozisht kontributin tonë.

Ekspertët e komunikimit sugjerojnë që këto shprehje të zëvendësohen me formulime më të qarta dhe të drejtpërdrejta. Të shprehurit me siguri nuk do të thotë të jemi arrogantë, por të tregojmë respekt për veten dhe idetë tona.

Mënyra si flasim ndikon drejtpërdrejt në mënyrën si na perceptojnë të tjerët. Një komunikim i balancuar, i qartë dhe i sigurt ndihmon në krijimin e marrëdhënieve më të forta dhe më efektive.

The post Fraza që na bëjnë të dukemi të dobët para bashkëbiseduesit tonë appeared first on iconstyle.al.

Khloe Kardashian është e emocionuar për idenë e vdekjes, jo për frikën. Personazhi 42-vjeçar i reality show-t ndau mendimet e saj mbi fundin e pashmangshëm në një episod të ri të podkastit të saj, duke e bërë të qartë se kjo nuk e tmerron. Kardashian iu bashkua në “Khloé In Wonder Land” prezantueses së “Long Island Medium”, Teresa Caputo, për të diskutuar për vdekjen.

“Nuk kam aspak frikë nga vdekja“, tha personaliteti 41-vjeçar i reality show-t. “E di ku po shkoj. Mezi pres të shkoj atje, por jo në kuptimin që do të dëmtoja veten. E di që kjo mund të tingëllojë shumë makabre. Thjesht e di që do të jetë një vend kaq i bukur dhe se do të jem me të gjithë të dashurit e mi“, shtoi ajo.

Megjithatë, ka një gjë që e frikëson në momentin që ndërron jetë. “Të lë fëmijët e mi dhe njerëzit që dua”, rrëfeu ajo. “Kjo do të ishte e gjitha”, tha ajo. “Përndryshe, ndihem mirë. Jam mirë atje lart, jam e qetë.”

Khloe Kardashian ka folur më parë për vdekjen në podcastin e saj, konkretisht humbjen e babait të saj, kur u pyet se cili ishte “momenti më përcaktues që i ndryshoi jetën”. Robert Kardashian vdiq në vitin 2003, në moshën 59 vjeç, vetëm dy muaj pasi u diagnostikua me kancer të ezofagut.

“Ndoshta vdekja e babait tim. Dhe mendoj se ishte – padyshim – gjëja më traumatike për këdo. Por unë isha 19 vjeç, vëllai im ishte 16 vjeç, dhe për të dy ne ishte vërtet traumatike”, tha ajo, duke iu referuar vetes dhe vëllait të saj, Rob. “Ne ishim shumë bashkë, kështu që e di se çfarë kemi kaluar së bashku.”

Gjatë periudhës së zisë, ajo nuk mundi të gjente asnjë aspekt pozitiv në vdekjen e tij. “Në atë moment nuk mendon se diçka pozitive mund të dalë prej saj, por më vonë e kupton se na mësoi të ishim përgjegjës, të gjenim punë dhe të qëndronim në këmbët tona. Ne mbështeteshim shumë tek babai im “, kishte rrëfyer ajo.

The post Rrëfimi i fortë i Khloe Kardashian për vdekjen: Mezi pres… appeared first on iconstyle.al.

Reperi nga Ferizaj, Mozzik, sapo ka lansuar EP-në e tij më të re me 5 këngë, duke sjellë diçka që rrallëherë shihet në muzikën shqiptare. Në këtë projekt, artisti nuk sulmon vetëm të tjerët, por kthehet drejt vetes, duke u përballur me mëkatet dhe gabimet e tij në një lloj vetëgjyqi publik.

Përmes vargjeve të ashpra, Mozzik thyen heshtjen pas viteve të paragjykimeve dhe sulmeve ndaj tij. Ai i jep përgjigje të gjitha thumbave që i janë drejtuar kohët e fundit dhe tregon anën e tij të vërtetë, duke përmendur figura kyçe të jetës së tij, përfshirë Loredanën, partnerin e saj, vajzën e tyre Hanën, futbollistin Karim Adeyemi, si dhe politikanë e figura publike.

‘S’po t’vjen marre, cikën po ta rrit Karimi! Mozzik ish-gruaja po të q##et me zezak, dmth fëmija zt nesër përzihet në gjak.”

Pojekti po shihet si një lëvizje e guximshme, pasi Mozzik nuk kursen as fjalët më të rënda ndaj vetes, duke kritikuar veprimet e tij të kaluara. Me këtë EP, ai duket se ka vendosur t’i mbyllë llogaritë me të shkuarën dhe të tregojë vendin artistëve të estradës që e kanë sulmuar gjatë këtyre viteve.

Fansat e reperit e kanë pritur projektin me kuriozitet, duke vlerësuar sinqeritetin dhe guximin për të hapur një kapitull të ri në karrierën e tij muzikore. Mozzik, me këtë hap, duket se ka gjetur mënyrën për të përballuar kritikën dhe për të treguar se muzika mund të shërbejë si rrugë për reflektim personal dhe shpërthim kreativ.

The post Mozzik publikon diss-in për veten, përmend Loredanën dhe Karimin: S’po t’vjen marre, çikën po ta rrit… appeared first on iconstyle.al.

Ndërsa ti shfleton telefonin para gjumit, ai mund të jetë duke hapur aplikacionin “Shënime” dhe duke regjistruar detaje për ty: çfarë ushqimi të pëlqen kur je e lodhur, madhësinë e këpucëve, lulet e preferuara, çfarë të bezdis dhe si reagon nën presion. Ky është trendi i ri që po qarkullon në rrjetet sociale dhe që ka ndezur debate të shumta.

Gjithçka nisi pasi krijuesja e përmbajtjes Jessica Kirk pyeti ndjekësit e saj nëse burrat mbajnë shënime për gratë me të cilat takohen. Përgjigjet erdhën me dhjetëra pamje ekrani nga burra që kishin lista të detajuara në telefonët e tyre, të përditësuara rregullisht.

Disa shënime përfshinin seksione si “Fakte rreth saj”, “Gjërat që e bëjnë të ndihet e dashur” apo edhe dokumente me tituj si “Maia 101”. Aty shënoheshin ushqimet e preferuara, idetë për takime, madhësitë e rrobave, alergjitë, librat që lexon, artistët e preferuar dhe madje edhe madhësia e unazës. Sipas krijuesve të këtyre listave, qëllimi është i thjeshtë: ta bëjnë partneren të ndihet e kuptuar, e dëgjuar dhe e vlerësuar.

Komentet në rrjete sociale janë të ndara. Shumë e përshëndesin këtë trend si shenjë kujdesi dhe përkushtimi. “Po e shtoj këtë në listën time ‘burrat e mirë ekzistojnë’”, shkroi një përdoruese. Të tjerë, megjithatë, e shohin si të tepruar dhe jo spontan, duke argumentuar se dashuria nuk duhet të funksionojë si një manual.

Në fund, pyetja mbetet: a është ky një akt romantik modern apo thjesht një mënyrë e re për ta “menaxhuar” marrëdhënien?

The post Trendi viral: Burrat që mbajnë shënime për gratë që duan, për çfarë bëhet fjalë konkretisht? appeared first on iconstyle.al.

Premio Lo Nuestro 2026 po afrohet dhe organizatorët kanë zbuluar emra të rinj që do të ngjiten në skenë, duke e bërë edicionin e 38-të të këtij eventi edhe më spektakolar. Më 5 shkurt, PEOPLE njoftoi ekskluzivisht se J Balvin, Tokischa dhe Jay Wheeler do të performojnë gjatë mbrëmjes madhështore që do të mbahet më 19 shkurt në Kaseya Center në Miami.

Në listën e performuesve janë shtuar gjithashtu Sech, Café Quijano, Eladio Carrión, Jhayco, Mau y Ricky, Melody dhe Mora. J Balvin dhe Eladio Carrión do të interpretojnë këngën “La Voz Favorita”, ndërsa Jay Wheeler, Mora dhe Sech do të realizojnë një performancë homazh për Arcángel, i cili do të nderohet me çmimin Urban Icon Award.

Një tjetër moment i veçantë do të jetë homazhi për Manolo Díaz, fitues i Visionary Award, që do të realizohet nga Café Quijano, Mau y Ricky dhe Melody. Ndërkohë, Tokischa do të performojë këngën e saj më të re, “Ridin”.

Më herët është konfirmuar se në skenë do të ngjiten edhe Gloria Trevi, Carín León, Cristian Castro, Ha*Ash, María José, Ryan Castro, Kany García, Maluma, Thalía dhe shumë artistë të tjerë të njohur latinë.

Përveç performancës së saj, Thalía do të jetë edhe moderatore e mbrëmjes, përkrah Nadia Ferreira dhe Clarissa Molina, duke shënuar herën e katërt që ajo prezanton këtë event. “Premio Lo Nuestro është pjesë e historisë sime dhe një festë e muzikës dhe talentit latin,” u shpreh Thalía.

Ceremonia do të transmetohet drejtpërdrejt më 19 shkurt në Univision, UniMás, Galavisión dhe ViX, duke premtuar një mbrëmje plot yje, emocione dhe muzikë latine.

The post Zbulohet lista e plotë e performuesve për Premio Lo Nuestro 2026 appeared first on iconstyle.al.

Cristiano Ronaldo, një nga figurat më ikonike të historisë së futbollit, feston sot 41-vjetorin e lindjes. Ylli portugez ka lindur më 5 shkurt 1985 në Funchal të Madeirës dhe prej më shumë se dy dekadash ka lënë gjurmë të pashlyeshme në futbollin botëror.

I konsideruar nga shumë ekspertë dhe tifozë si lojtari më i mirë në botë dhe një nga më të mëdhenjtë e të gjitha kohërave, Ronaldo ka ndërtuar një karrierë të jashtëzakonshme falë talentit, disiplinës dhe mentalitetit të tij fitues. Ai ka luajtur për disa nga klubet më të mëdha të Evropës, duke nisur nga Sporting Lisbona, për të vazhduar me Manchester United, Real Madrid dhe Juventus, ku ka fituar tituj kampionë dhe trofe të shumtë.

Kulmi i karrierës së tij erdhi gjatë periudhës te Real Madrid, ku u shndërrua në golashënuesin më të mirë në historinë e klubit dhe fitoi disa Liga të Kampionëve. Me fanellën e Manchester United dhe Juventusit, Ronaldo gjithashtu la gjurmë të rëndësishme, duke dëshmuar se mund të shkëlqejë në çdo kampionat.

Në nivel individual, Cristiano Ronaldo ka fituar pesë herë Topin e Artë (Ballon d’Or), si dhe dhjetëra çmime të tjera prestigjioze. Me kombëtaren e Portugalisë, ai ka fituar Kampionatin Evropian dhe Ligën e Kombeve, duke u bërë golashënuesi më i mirë në historinë e futbollit ndërkombëtar.

Edhe në moshën 41-vjeçare, Ronaldo vazhdon të jetë aktiv, të frymëzojë breza të rinj dhe të mbetet simbol i përkushtimit, suksesit dhe pasionit për futbollin.

The post Legjenda e futbollit botëror, Cristiano Ronaldo feston sot 41-vjetorin e lindjes appeared first on iconstyle.al.

Disa studime të fundit shkencore kanë identifikuar një lidhje shqetësuese mes infektimit me COVID-19 dhe rritjes së rasteve të reja të diagnostikimit me sëmundjen Alzheimer. Edhe pse mekanizmat e saktë janë ende në studim, ekspertët kanë propozuar disa shpjegime të mundshme për këtë lidhje.

Një nga faktorët kryesorë është inflamacioni i trurit, i cili shfaqet si te pacientët me Alzheimer ashtu edhe te ata që preken nga COVID-19. Virusi SARS-CoV-2 mund të dëmtojë barrierën gjak-tru, e cila normalisht mbron trurin nga patogjenët. Kur kjo barrierë dëmtohet, viruset dhe substanca të tjera mund të depërtojnë në tru, duke shkaktuar inflamacion dhe dëmtime nervore.

Studimet sugjerojnë gjithashtu se COVID-19 mund të dëmtojë neuronet dhe të rrisë nivelet e proteinave si amyloid beta, e cila luan një rol kyç në zhvillimin e Alzheimerit. Sipas të dhënave, ka një rritje të diagnozave të Alzheimerit brenda një viti pas infektimit me COVID-19, veçanërisht te personat mbi 50 vjeç. Megjithatë, deri më tani nuk ka prova që tregojnë se sëmundja po shfaqet më shpesh te të rinjtë.

Nga ana tjetër, personat që tashmë vuajnë nga Alzheimer kanë rrezik më të lartë për t’u infektuar me COVID-19 dhe për të përjetuar pasoja më të rënda, përfshirë përkeqësim të shpejtë të funksioneve njohëse dhe rrezik më të lartë për vdekje. Kjo lidhet me moshën e avancuar, sëmundjet shoqëruese dhe vështirësitë për të ndjekur masat mbrojtëse.

Ekspertët theksojnë se vaksinimi kundër COVID-19, mbajtja e maskës, higjiena e duarve dhe shmangia e kontakteve me persona të infektuar janë masa thelbësore për uljen e rrezikut. Në rast infektimi, kërkimi i ndihmës mjekësore sa më herët është vendimtar për të parandaluar komplikacionet afatgjata neurologjike.

The post Studimet: COVID-19 lidhet me rritjen e rrezikut për zhvillimin e sëmundjes Alzheimer appeared first on iconstyle.al.

Josh Radnor, aktori i njohur për rolin e arkitektit Ted Mosby në serialin shumë të dashur How I Met Your Mother, ka ndarë një lajm të bukur me fansat e tij: ai është bërë baba për herë të parë. Aktori 51-vjeçar e zbuloi lajmin vetëm së fundmi përmes një postimi në Instagram, ku numëron mbi 1.1 milion ndjekës.

Radnor publikoi tre fotografi të ëmbla me foshnjën, të shoqëruara me një përshkrim emocional, ku tregoi se ai dhe bashkëshortja e tij, Jordana Jacobs, janë bërë prindër disa muaj më parë. “Pra, unë dhe gruaja ime u bëmë me fëmijë disa muaj më parë!”, shkroi aktori, duke ndarë edhe disa detaje të veçanta për të voglin e tyre.

Sipas Radnor, buzëqeshja e foshnjës “ndriçon dhomën”, ndërsa ai e përshkruan si shumë vëzhgues dhe të menduar. Ai shton se i vogli hipnotizohet sa herë që aktori i luan këngë në kitarë dhe qesh pa masë me fjalën “baba ghanoush”. “Ai është një kënaqësi e vërtetë dhe unë dhe Jordana jemi shumë të lumtur që është këtu”, shkroi Radnor.

Lajmi për lindjen e fëmijës vjen dy vjet pas martesës së çiftit, të cilët kanë zgjedhur ta mbajnë jetën private larg vëmendjes së madhe mediatike. Megjithatë, ky moment i veçantë i ka shtyrë ata të ndajnë lumturinë me publikun.

Josh Radnor mbetet një nga aktorët më të dashur për audiencën televizive, veçanërisht falë rolit të Ted Mosby-t, personazhit që e bëri të njohur në mbarë botën dhe që vazhdon të kujtohet me nostalgji nga fansat e serialit.

The post Aktori i njohur bëhet baba për herë të parë! appeared first on iconstyle.al.

Disa shenja të horoskopit kanë një aftësi të lindur për të kuptuar menjëherë se çfarë ju nevojitet në momentet e vështira. Ato dinë të ngushëllojnë, sepse vetë e dinë shumë mirë se si do të donin të trajtoheshin kur ndihen të lënduara emocionalisht. Ja cila shenjë e zodiakut mund t’ju japë mbështetjen më të mirë, sipas karakterit tuaj:

Dashi gjen qetësi pranë Ujorit. Qasja e ftohtë dhe racionale e Ujorit e ndihmon Dashin të shohë situatat nga një këndvështrim tjetër dhe të ecë përpara pa u ndalur te zemërimi.

Demi ka nevojë për Gaforren, e cila e kupton thellë botën e tij emocionale dhe di si ta zbusë dhimbjen, veçanërisht pas një ndarjeje apo zhgënjimi sentimental.

Binjakët ndihen më mirë pranë Peshorjes, e cila di t’i nxjerrë nga rutina, t’i argëtojë dhe t’u hapë horizonte të reja, ndoshta edhe një histori të re dashurie.

Gaforrja kërkon një Dem në krah, për të njëjtat arsye që Demi ka nevojë për Gaforren: siguri, ngrohtësi dhe stabilitet emocional.

Luani gjen mbështetje te Bricjapi, i cili e ndihmon të ruajë ekuilibrin dhe të kontrollojë emocionet kur situatat bëhen të nxehta.

Virgjëresha ka nevojë për një Shigjetar, që me sinqeritetin e tij e ndihmon të dalë nga mendimet negative.

Peshorja mund të derdhë lot vetëm pranë Peshqve, të cilët ndajnë të njëjtën ndjeshmëri dhe romantizëm.

Akrepi dhe Bricjapi preferojnë ta përballojnë dhimbjen vetëm, pa u hapur lehtë ndaj të tjerëve.

Shigjetari ndihet i kuptuar nga Ujori, ndërsa Ujori ka nevojë për energjinë dhe udhëzimin e Dashit.

Peshqit gjejnë ngushëllim te Peshorja, sidomos kur bëhet fjalë për çështje zemre dhe emocionesh.

The post Kujt ia qani hallet sipas horoskopit? Shenja që ju kupton më mirë në momentet e vështira appeared first on iconstyle.al.

The post “Jam me fat që jam gjallë”: Rrëfimi i fortë i Britney Spears mes tensioneve të vazhdueshme familjare appeared first on iconstyle.al.

Brooklyn Beckham duket se po distancohet një herë e mirë nga familja e tij. Së fundmi, ai ka mbuluar tatuazhin që i ishte dedikuar babait, David Beckham, duke fshehur fjalën “Dad” me tre forma të thjeshta në tatuazhin  në krahun e djathtë. Ky veprim shihet si një tjetër goditje në marrëdhëniet e tensionuara me David, si dhe me nënën Victoria, vëllezërit Romeo dhe Cruz, dhe motrën Harper.

Burimet pranë tij thonë se Brooklyn ka ndjerë shumë dhimbje dhe mllef ndaj familjes, dhe për këtë arsye nuk do të ishte e sinqertë të mbante një dedikim të tillë mbi trupin e tij. Ai ka pasur edhe një tatuazh tjetër në kraharor për nënën e tij, Victoria, që gjithashtu e ka mbuluar. Pavarësisht ndryshimeve, fjalët “Love you, Bust”, një dedikim për babain e tij me nofkën e tij, ende mbeten mbi krah, megjithëse kanë zbehur me kalimin e kohës.

Brooklyn, 26 vjeç, dhe bashkëshortja e tij, aktorja Nicola Peltz, janë parë së bashku në Los Angeles, ku mbulimi i tatuazhit u vu re. Ai ka thënë publikisht se nuk ka dëshirë për ribashkim me familjen, duke i akuzuar ata për rrjedhjen e lajmeve negative mbi të dhe Nicola. Veprimi i fundit duket se simbolizon një kapitull të ri në jetën e tij, ku zgjedh të distancohet nga e kaluara dhe të fokusohet në të ardhmen e tij personale dhe familjen që ka zgjedhur vetë.

The post Brooklyn Beckham mbulon tatuazhin dedikuar të atit! appeared first on iconstyle.al.

Një tragjedi e rëndë ka tronditur komunitetin shqiptar dhe atë italian në Lucca, Itali, ku katër anëtarët e familjes Kola kanë humbur jetën brenda shtëpisë së tyre, për shkak të rrjedhjes së gazit. Viktimat janë identifikuar si Arti Kola, 48 vjeç, babai i familjes; Jonida Kola, 42 vjeç, nëna; Hajdar Kola, 22 vjeç, djali dhe Xhesika Kola, 15 vjeç, vajza.

Komuniteti lokal i përshkruante familjen Kola si të qetë dhe të dashur, të përkushtuar ndaj njëri-tjetrit dhe ndaj fqinjëve. Shokët dhe të afërmit janë tronditur nga kjo humbje e papritur, ndërsa autoritetet italiane po hetojnë shkaqet e rrjedhjes së gazit, e cila dyshohet të ketë ardhur nga një defekt në kaldajë.

Kryetari i Bashkisë së Porcarit, Leonardo Fornaciari, shprehu ngushëllimet e tij të thella për familjarët dhe komunitetin: “Është një humbje e madhe për të gjithë. Një familje e tërë ka humbur jetën në mënyrë tragjike brenda shtëpisë së tyre. Ngushëllimet tona më të sinqerta shkojnë për familjen dhe të afërmit e tyre.”

Arti Kola punonte në një fabrikë lokale, ndërsa Jonida Kola ishte shtëpiake. Djali i tyre, Hajdari, punonte si elektricist, ndërsa vajza e vogël, Xhesika, ishte studente. Ngjarja ka shkaktuar një tronditje të madhe në zonë dhe ka rikthyer vëmendjen mbi rreziqet e monoksidit të karbonit dhe sigurinë e pajisjeve të ngrohjes në shtëpi.

Hetimet vazhdojnë dhe autoritetet po paralajmërojnë qytetarët për kujdes të shtuar ndaj sistemit të gazit në banesa.

The post FOTO/ Kush ishin katër anëtarët e familjes shqiptare që humbën jetën në Itali nga rrjedhja e gazit appeared first on iconstyle.al.

Emma Stone ka zbuluar së fundmi arsyen pse nuk është pjesë e Instagram-it, ndryshe nga shumica e yjeve të Hollywood-it, dhe përgjigjja e saj lidhet drejtpërdrejt me shëndetin mendor. Aktorja 37-vjeçare ka treguar se zgjedh me vetëdije të qëndrojë larg rrjeteve sociale për të mbrojtur veten nga presioni dhe ekspozimi i vazhdueshëm online.

Në një intervistë të re për Rolling Stone, ylli i filmit Bugonia foli hapur për marrëdhënien e saj me internetin, teksa diskutonte edhe reklamën e re të Super Bowl-it që ka realizuar për kompaninë Squarespace, nën regjinë e Yorgos Lanthimos. Reklama pritet të transmetohet të dielën, më 8 shkurt, mes çerekut të parë dhe të dytë të Super Bowl-it.

Në spot, Stone shfaqet duke u përpjekur të blejë një domain dhe të krijojë një faqe interneti me emrin e saj të vërtetë, diçka që, sipas saj, e ka provuar edhe në jetën reale. Ajo zbuloi se e kishte blerë vërtet domain-in, por pa ndonjë plan konkret për ta shfrytëzuar.

Kur u pyet nëse do ta kthente ndonjëherë faqen e saj personale në një blog stili jete apo hapësirë online për fansat, përgjigjja e saj ishte e prerë: “Njëqind për qind jo. Kjo është arsyeja pse nuk kam Instagram.”

Aktorja shtoi se është “shumë e frikësuar për shëndetin e saj mendor” për t’u angazhuar aktivisht në rrjete sociale, duke theksuar se preferon të jetë thjesht një “vëzhguese nga larg”. Megjithatë, ajo pranoi se është e regjistruar në një platformë të caktuar, të cilën e përdor vetëm për të ndjekur zhvillimet e kulturës popullore, pa u ekspozuar vetë.

Zgjedhja e Emma Stone shihet nga shumë fansa si një shembull i rrallë i vendosjes së kufijve në një industri ku prania online konsiderohet pothuajse e detyrueshme.

The post Pse Emma Stone nuk përdor rrjetet sociale? Arsyeja do t’ju befasojë appeared first on iconstyle.al.

Reperi i njohur amerikan A$AP Rocky po vazhdon ta mbajë jetën e tij private larg vëmendjes së tepërt mediatike. Gjatë një paraqitjeje në episodin e 4 shkurtit të emisionit Celebrity Substitute, të moderuar nga Julian Shapiro-Barnum, artisti 37-vjeçar shmangu një pyetje direkte në lidhje me marrëdhënien e tij me këngëtaren Rihanna.

Në këtë format televiziv, ku nxënës të shkollave publike intervistojnë personazhe të famshëm, një nga fëmijët e pyeti Rocky-n nëse ishte i martuar me Rihanna-n. “Është një pyetje interesante ajo që më bëre”, u përgjigj reperi, përpara se ta kthente situatën me humor duke e pyetur vogëlushin nëse do të preferonte që në vend të tij të ishte Rihanna. “Ti do Rihanna-n, apo jo? Epo sot më ke mua”, shtoi ai.

A$AP Rocky, emri i vërtetë i të cilit është Rakim Mayers, dhe Rihanna e bënë publike lidhjen e tyre në nëntor të vitit 2020. Çifti është prindër i tre fëmijëve: djemtë RZA Athelston, 3 vjeç e gjysmë, dhe Riot Rose, 2 vjeç, si dhe vajza e tyre më e vogël, Rocki Irish, e lindur në shtator të vitit të kaluar.

Gjatë intervistës, reperi foli edhe për mënyrën se si ai dhe partnerja e tij po i rrisin fëmijët në një ambient të mbushur me muzikë. Ai tregoi se u luan atyre zhanre të ndryshme, nga Michael Jackson dhe The Beatles, deri te muzika psikedelike dhe reggae. “Ne jetojmë në një shtëpi muzikore, shumë të larmishme”, u shpreh Rocky.

Së fundmi, reperi ka rrëfyer edhe takimin e parë me Rihanna-n, duke treguar se u njohën jashtë një klubi nate në Nju Jork, në një kohë kur ai ende nuk ishte i famshëm.

The post Pse A$AP Rocky shmangu pyetjen nëse ishte martuar me Rihanna-n? appeared first on iconstyle.al.

Edhe gjatë ditës së enjte, vendi ynë do të vijojë të ndikohet nga kushte atmosferike të paqëndrueshme, duke sjellë mot të ndryshueshëm në të gjithë territorin. Sipas parashikimeve meteorologjike, do të ketë intervale të shkurtra kthjellimesh, të cilat do të alternohen herë pas here me vranësira mesatare deri të dendura.

Këto vranësira pritet të shoqërohen me reshje shiu të herëpashershme me intensitet të ulët, ndërsa në zona të veçanta, kryesisht në pjesën perëndimore të vendit, reshjet mund të marrin formën e shtrëngatave, me intensitet lokalisht mesatar. Situata do të jetë më e theksuar gjatë orëve të mesditës dhe pasdites.

Në relievet e larta malore, veçanërisht në zonat verilindore dhe juglindore të vendit, parashikohen reshje bore me intensitet të ulët, të cilat megjithatë mund të sjellin vështirësi të lehta në qarkullimin rrugor në akset malore.

Era do të fryjë kryesisht nga drejtimi juglindje–jugperëndim, me një shpejtësi mesatare rreth 7 metra për sekondë. Në zonat malore, lugina dhe përgjatë vijës bregdetare, era herë pas here pritet të forcohet, duke arritur shpejtësi deri në 15 metra për sekondë.

Në det, valëzimi do të jetë i moderuar, duke u luhatur nga forca 2 deri në 4 ballë. Autoritetet këshillojnë qytetarët dhe lundruesit të tregojnë kujdes, veçanërisht gjatë lëvizjeve në zonat e prekura nga reshjet dhe era e fortë.

The post Parashikimi i motit, ja si do të jenë temperaturat sot appeared first on iconstyle.al.