Takimi mes Mirit dhe vajzës së tij, Tisit, në shtëpinë e “Big Brother VIP Albania” ka ngjallur reagime të shumta në publik dhe rrjete sociale. Disa zëra kritikë e interpretuan qëndrimin e vajzës si të ftohtë apo të distancuar, por sipas dëshmive të fundit, realiteti ka qenë krejt ndryshe dhe shumë më prekës.

I ftuar në emisionin “Wake Up”, miku i ngushtë i Mirit, Roland Hysi, ka ndarë detaje ekskluzive nga ajo natë, duke hedhur poshtë kategorikisht aludimet për mungesë emocionesh. Rolandi ka treguar se ai shoqëronte Tisin dhe bashkëshorten e Mirit, Rabean, në ambientet e Top Channel, gjatë përgatitjeve për surprizën.

Sipas tij, Tisi, vetëm 13 vjeçe, ka qenë në një gjendje të fortë shoku emocional për shkak të presionit të kamerave, atmosferës së studios dhe intensitetit të situatës. “Unë isha bashkë me Tisin dhe Rabean kur shkuam për surprizën dhe Tisi ka qarë shumë pasi doli nga surpriza. Ka qenë shumë e emocionuar, e ngrirë. Ajo që u interpretua si ftohtësi, në fakt ishte emocion i jashtëzakonshëm”, u shpreh Rolandi.

Atë që ajo kishte përgatitur për ta thenë, që mezi i doli, ishte për shkak të emocioneve…

Tisi s’ka dalë ndonjëherë në TV, dhe të kesh gjithë vëmendjen, të bën të dalësh disi nga vetja

Mirit i bëri shumë punë kjo surprizë.

Pas deklaratës së të atit të Selin, ai ishte në terr absolut për çka bëhet jashtë… Unë e pashë në fytyrë që u pre nga deklarata. Nuk kishte as minimum informacioni.

Nuk mendoj se do ndryshojnë lojë Miri & Selin. Janë aty për loje. Si Miri, si Selin s’ka asgjë per të dëmtuar moralin.

The post Takimi i Mirit me vajzën, flet për herë të parë Landi: Doli duke qarë… appeared first on iconstyle.al.

Vëllai i Madh ka dërguar sot në shtëpinë më të famshme në Shqipëri një zarf të zi. Shkak është bërë mosbindja e grupit të Gretës që të marrë pjesë në provat për sfidën e kërcimit. Teksa ra gongu që banorët të shkonin të nisnin provat, Baby G u shpreh se do bënte për të ngrënë në fillim dhe pastaj do të shkonte. Kështu nisi dhe një debat mes pjesëtarëve të grupit.

Duke qenë se grupi i Gretës nuk i është bindur urdhrit, Vëllai i Madh mori vendimin që të anulonte televotimin aktual.

“Banorë, Vëllai i Madh ka ndjekur me vëmendje sjelljen tuaj gjatë ditës së sotme. Pavarësisht thirrjeve të vazhdueshme për të realizuar sfidën e kërcimit, grupi i Gretës ka zgjedhur të mos i bindet Vëllait të Madh. Siç u njoftuat, kjo sfidë është shumë e rëndësishme për spektaklin e radhës, ndaj për shkak të moszbatimit të këtij urdhri, Vëllai i Madh ju njofton se televotimi aktual anulohet. Vendimi për pasojat që do të ketë grupi që nuk është bindur do t’iu komunikohet gjatë mbrëmjes së nesërme. Ndërkohë, Vëllai i Madh njofton se grupi i Selin shpallet automatikisht fitues i kësaj sfide dhe do të jetë ai që do të performojë live. Vëllai i Madh ju rikujton se autoriteti i tij nuk anashkalohet dhe se mosbindja ndaj urdhrave të tij sjell pasoja për ju”, shkruhej në zarfin e zi.

The post Anulohet televotimi! Zarf i zi në shtëpinë e “Big Brother VIP 5”, çfarë ndodhi? appeared first on iconstyle.al.

Vetëm pak ditë para se të dilte para drejtësisë për akuza të rënda për përdhunim, policia e Oslos arrestoi të dielën Marius Borg Højby, djalin e adoptuar të princit të kurorës së Norvegjisë. Ai akuzohet për sulm ndaj një gruaje, kërcënime me thikë si dhe për shkelje të një urdhri kufizues, duke e përfshirë sërish në një tjetër incident penal serioz.

Departamenti i Policisë së Oslos konfirmoi arrestimin përmes një deklarate zyrtare të hënën, duke bërë të ditur se 29-vjeçari u ndalua të dielën në mbrëmje. Sipas autoriteteve, incidenti i fundit ka ndodhur vetëm dy ditë para nisjes së gjyqit të tij për akuza të shumta për përdhunim, çka ka rënduar edhe më tej pozitën e tij ligjore.

Højby pritet të paraqitet këtë të martë në Gjykatën e Qarkut të Oslos, ku përballet me 38 akuza penale, përfshirë katër akuza për përdhunim, sulme fizike dhe kërcënime ndaj disa ish-partnerëve të tij. Prokuroria ka kërkuar paraburgim katër-javor, duke argumentuar se ekziston rrezik real për përsëritje të veprave penale dhe cenim të viktimave.

Sipas burimeve gjyqësore, i pandehuri ka pranuar disa akuza më të lehta, por ka mohuar kategorikisht akuzat më të rënda, veçanërisht ato që lidhen me dhunën seksuale. Ndërkohë, disa nga ish-partneret e tij kanë ngritur padi civile, ndërsa një vendim gjykate i ndalon atij çdo formë kontakti me to.

Në rast se shpallet fajtor, Marius Borg Højby rrezikon deri në 16 vite burg, sipas legjislacionit norvegjez. Procesi gjyqësor pritet të zgjasë deri në mesin e muajit mars dhe ka tërhequr vëmendje të madhe të opinionit publik dhe mediave në Norvegji, për shkak të natyrës së rëndë të akuzave dhe lidhjeve të tij me familjen mbretërore.

Çështja po zhvillohet në një klimë veçanërisht të ndjeshme për familjen mbretërore norvegjeze, pasi së fundmi dokumente të deklasifikuara nga Departamenti i Drejtësisë i Shteteve të Bashkuara kanë zbuluar se nëna e tij, Princesha e Kurorës Mette-Marit, ka pasur kontakte të shumta me shkelësin e dënuar seksual Jeffrey Epstein gjatë periudhës 2011–2014. Edhe pse këto zbulime nuk lidhen drejtpërdrejt me çështjen penale të Højbyt, ato kanë shtuar presionin dhe vëmendjen publike ndaj familjes mbretërore.

The post Arrestohet në Oslo djali i Princeshës Mette-Marit, përballet me gjyqin për akuza të rënda appeared first on iconstyle.al.

Për vite me radhë tingëllonte si një reklamë e bujshme në internet. Një asteroid aq i “pasur” saqë, nëse do të mund të shfrytëzohej, do ta bënte çdo person në Tokë miliarder. E megjithatë, 16 Psyche nuk është një teori konspiracioni apo një “karrem i lirë” për klikime. Është një trup qiellor i vërtetë që kohët e fundit është futur përgjithmonë në axhendën publike.

Numrat që e rrethojnë janë marramendës. Vlera teorike e metaleve që vlerësohet se përmban arrin në 8 kuintilionë paund. Një numër me 18 zero. Ky numër, domethënë:

8,000,000,000,000,000,000,000 ! Në letër, është e mjaftueshme për të shpërndarë pasurinë në të gjithë planetin. Në realitet, megjithatë, historia është shumë më komplekse.

Nuk është thjesht “një shkëmb i pasur”

Psyche është ndryshe nga shumica e asteroideve që njohim. Nuk është as kryesisht shkëmbor dhe as i akullt. Shkencëtarët besojnë se përbëhet kryesisht nga metale të tilla si hekuri dhe nikeli elementë që më shumë kujtojnë një bërthamë planetare sesa një shkëmb hapësinor.

Kjo ka çuar në teorinë se mund të jetë bërthama e zhveshur e një protoplaneti që nuk është formuar kurrë plotësisht. Një pjesë e brendshme e një planeti, e ekspozuar ndaj hapësirës. Nëse është kështu, atëherë Psyche nuk është thjesht “e shtrenjtë”, është unike.

Këtu gjërat zakonisht ngatërrohen. Vetëm pse diçka vlen një shumë të jashtëzakonshme parash, nuk do të thotë se mund të shndërrohet në para. Transportimi i metaleve nga një asteroid në Tokë nuk është vetëm i vështirë, por është praktikisht i pamundur me teknologjinë e sotme.

Edhe nëse do të ishte e mundur, importimi masiv i sasive kaq të mëdha të metaleve të çmuara do të “shkatërronte” vetë vlerën e tyre. “Pasuria” e Psikikës ekziston vetëm për aq kohë sa ajo mbetet aty ku është. Në hapësirë.

Pse NASA nuk po flet për minierat

Kjo është arsyeja pse NASA nuk e sheh Psyche-n si një perspektivë të ardhshme. Misioni Psyche, i nisur në vitin 2023, ka një qëllim krejtësisht të ndryshëm: të arrijë asteroidin dhe ta studiojë atë nga afër, duke regjistruar përbërjen, strukturën dhe fushën magnetike të tij.

Shkencëtarët duan të kuptojnë se si formohen bërthamat planetare dhe çfarë ndodh brenda tyre, diçka për të cilën deri më tani mund të spekulojmë vetëm. Psyche ofron një dritare në këtë anë të padukshme të planetëve.

Asteroidi më i pasur nuk është ai që mendoni

Psikika nuk është Eldorado hapësinore që do ta shpëtojë njerëzimin financiarisht . Është diçka më e rrallë. Një fosil natyror i lindjes së planetëve, që na lejon të shikojmë në botë që nuk ekzistojnë më. Dhe ndoshta ky është përfitimi i saj i vërtetë. Jo metalet. Njohuria.

The post Asteroidi që mund t’i bëjë të gjithë banorët e Tokës miliarderë appeared first on iconstyle.al.

Një episod i fundit i podcastit të kryeministrit Edi Rama, i cili kishte në fokus ndërhyrjet estetike dhe kirurgjinë plastike, ka rikthyer në vëmendje një histori të rëndë personale të gazetares Ujeza Doshlani.

Në podcast ishte e ftuar mjekja Vilma Tafili, por për Doshlanin ky diskutim publik u shndërrua në një rikujtim të dhimbshëm, pasi ajo rrëfen se pikërisht një vit më parë ka pasur një eksperiencë tronditëse personale me të njëjtën mjeke.

Përmes një reagimi të hapur dhe publik, gazetarja ka ndarë edhe imazhe nga periudha pas ndërhyrjes, ku duken dëmtime serioze në fytyrë. Sipas saj, ajo ishte ftuar për të kryer shërbime estetike, por ndërhyrja përfundoi duke i shkaktuar dëme të mëdha në lëkurë, pasoja që, siç shprehet ajo, e shoqërojnë ende sot.

Doshlani tregon se dëmtimet e pësuara në klinikën “Repeat Clinic” patën ndikim të drejtpërdrejtë edhe në jetën profesionale, duke çuar në pezullim nga puna, si dhe shkaktuan një ngarkesë të rëndë psikologjike. Ajo thekson se, pavarësisht pasojave të rënda, nuk u mbajt asnjë përgjegjësi nga klinika apo personat përgjegjës.

Denoncimi i gazetares ka hapur sërish debat mbi sigurinë e ndërhyrjeve estetike, përgjegjësinë profesionale të klinikave private dhe mbrojtjen e pacientëve, duke ngritur pikëpyetje serioze mbi kontrollin dhe standardet në këtë sektor.

The post “Më përdorën si kavie”/ Gazetarja me akuza të forta për neglizhencë mjekësore ndaj klinikës së shfaqur në podcastin e Ramës appeared first on iconstyle.al.

Gazetarja e njohur Jonida Shehu ka vendosur të mbyllë një kapitull të rëndësishëm të karrierës së saj në televizion, për t’u angazhuar në një tjetër rrugëtim profesional, këtë herë në fushën e komunikimit institucional.

Pas një eksperience shumëvjeçare si gazetare dhe moderatore në disa media kombëtare, Shehu është emëruar këshilltare për mediat në Kryeministri, një rol që shënon një kthesë të rëndësishme në profilin e saj profesional.

Emërimi i saj u bë publik këtë të hënë gjatë mbledhjes së grupit parlamentar të Partisë Socialiste, e cila u zhvillua në ambientet e kryesisë së Kuvendit. Mbledhja nisi rreth orës 11:15, ku kryetari i Grupit Parlamentar të PS-së, Taulant Balla, informoi deputetët për përforcimin e ekipit të komunikimit në Kryeministri me emrin e Jonida Shehut.

Emërimi është pritur pozitivisht, duke u konsideruar si një zgjedhje që vjen për shkak të eksperiencës së saj të gjatë në media, njohjes së thellë të komunikimit publik dhe aftësisë për të menaxhuar marrëdhëniet me median.

Jonida Shehu ka qenë për vite me radhë një nga figurat më të njohura të ekranit, e angazhuar si në gazetari informative ashtu edhe në moderim emisionesh, duke ndërtuar një profil profesional të konsoliduar.

Deri më tani, vetë Shehu nuk ka reaguar publikisht lidhur me këtë emërim, ndërsa pritet që në ditët në vijim të nisë zyrtarisht detyrën e saj të re pranë Kryeministrisë.

The post Jonida Shehu emërohet këshilltare e kryeministrit Edi Rama appeared first on iconstyle.al.

Ish-banorja e Big Brother VIP Kosova, Jasmin Kadriu, ka rikthyer sërish vëmendjen e publikut me deklarata të forta lidhur me eksperiencën e saj në reality show. Gjatë intervistës në emisionin “Më prit të dielën”, ajo foli hapur për raportin e saj me produksionin. Pas aludimeve për favorizime brenda formatit, Jasmina zbuloi se ka marrë edhe një mesazh privat nga producentja Olsa Muhameti. Mesazhi ishte i shkurtër, por i drejtpërdrejtë:

“Sa e pështirë”, duke e akuzuar për mungesë mirënjohjeje.

Ajo publikoi përgjigjen e saj, duke theksuar se deklaratat nuk janë bërë për të tërhequr vëmendje apo për përfitime personale.

“Nëse do të kërkoja vëmendje, do ta kisha bërë pesë vite më parë dhe jo tani. Fjala mosmirënjohëse nuk më përket. Nuk kam thënë asgjë konkrete, e lashë qëllimisht në ajër duke përmendur vetëm ‘produksionin’, pa hyrë në detaje”, u shpreh ajo.

Sipas Jasminës, zgjedhja për të mos zbuluar gjithçka ka qenë e vetëdijshme, për të shmangur përmendjen e emrave dhe situatave specifike. Ndër rrëfimet më tronditëse ishte ai që lidhet me Dhomën e Rrëfimit, ku ajo pretendon se është përballur me gjuhë fyese nga ana e produksionit. Jasmina tregoi se i është drejtuar drejtpërdrejt me fjalë të rënda:

“Mendon se na plas tr*pi për ty?”

Ajo theksoi se mungesa e respektit ka qenë konstante dhe se një sjellje e tillë ishte e përditshme gjatë qëndrimit të saj në BBVK.

The post ‘Sa e pështirë’/ Përplasje mes Olsës dhe ish-banores: Kujton se na plas tr*pi për ty appeared first on iconstyle.al.

Burrat po i drejtohen gjithnjë e më shumë kirurgjisë kozmetike, një trend veçanërisht i dukshëm në Lindjen e Mesme dhe Amerikën Latine, sipas të dhënave të paraqitura në Paris në kongresin global të industrisë (IMCAS).

Midis viteve 2018 dhe 2024, numri i operacioneve kozmetike të kryera te burrat u rrit me 95% dhe trajtimet kozmetike jo-kirurgjikale (injeksione, trajtime me lazer, peeling, etj.) për pacientët meshkuj u rritën me 116%, sipas Shoqatës Ndërkombëtare të Kirurgjisë Plastike Estetike (ISAPS).

“Ky trend, veçanërisht i fortë në Lindjen e Mesme dhe Amerikën Latine, pasqyron një ndryshim të thellë në normat shoqërore dhe një pranim në rritje të kirurgjisë kozmetike nga burrat, të cilët ende përbëjnë vetëm 16% të të gjitha procedurave”, sipas një analize të tregut të paraqitur në konferencën IMCAS, e cila zgjat deri më 31 janar.

Sipas parashikimeve të paraqitura në konferencë, tregu pritet të ruajë një rritje mesatare vjetore prej 5% deri në vitin 2030, për shkak të kërkesës së fortë dhe numrit në rritje të pacientëve.

Konkurrenca pritet të jetë e lartë në këtë treg, veçanërisht në lidhje me toksinën botulinum (e njohur si Botox ) dhe injeksionet e acidit hialuronik , dy procedura kozmetike që së bashku përfaqësojnë më shumë se gjysmën e tregut global të mjekësisë kozmetike dhe 9.6 miliardë euro në vitin 2025.

“Ne kemi hyrë vërtet në një modalitet konsumimi të procedurave kozmetike, i cili 10 ose 15 vjet më parë mund të konsiderohej shumë elitist“, tha Laurent Bron i IMCAS për AFP-në.

Me afërsisht 45% të pjesës së tregut global, Shtetet e Bashkuara vazhduan të dominojnë tregun global në vitin 2025, duke përbërë numrin më të madh të procedurave kozmetike jo-kirurgjikale dhe duke dominuar segmentin e Botox (56% të kërkesës globale). Megjithatë, kjo rritje pritet të ngadalësohet gradualisht në rreth 5% në vit midis viteve 2025 dhe 2030, me rajonin e Azi-Paqësorit që parashikohet të tregojë rritjen më të fortë (rreth 7% në vit) gjatë kësaj periudhe.

The post Rritje e shpejtë e procedurave kozmetike tek burrat! Në cilat vende po rritet kërkesa? appeared first on iconstyle.al.

Një nga momentet më të sikletshme të Çmimeve Grammy të këtij viti ndodhi kur Cher , ndërsa prezantonte çmimin “Albumi i Vitit”, shpalli fitues Luther Vandross, një artist që ka vdekur prej dy dekadash, duke shkaktuar një moment heshtjeje dhe sikleti në sallë.

Incidenti ndodhi gjatë Çmimeve të 68-ta Grammy të dielën, më 1 shkurt, në Los Angeles. Cher ishte ngjitur në skenë për të prezantuar një nga çmimet më të rëndësishme të mbrëmjes, por fillimisht dukej e hutuar ndërsa lëvizte drejt daljes përpara se të kthehej te mikrofoni për të shpallur rezultatin.

Duke lexuar emrin, ai shpalli fituesin si Luther Vandross, këngëtari i famshëm amerikan që vdiq në vitin 2005. Raporti shkaktoi siklet, pasi çmimi “Albumi i Vitit” iu dha përfundimisht këngës “Luther” nga Kendrick Lamar dhe SZA, të cilët ishin fituesit e vërtetë të kategorisë.

Ngatërresa duket se vjen për shkak të titullit të këngës, i cili i referohet emrit të Vandrosit dhe përfshin një pjesë nga puna e tij e mëparshme. Ky fakt çoi në njoftimin e gabuar.

Cher e kuptoi gabimin e saj pothuajse menjëherë dhe e korrigjoi në skenë, duke shpallur Kendrick Lamar dhe SZA si fituesit e vërtetë dhe duke kërkuar falje me një buzëqeshje. Publiku reagoi me duartrokitje, ndërsa fotografia u bë shpejt virale në rrjetet sociale, duke kapur një nga momentet më të përfolura të Grammy 2026.

The post Gabimi skenik i Cher në Grammy shpalli një artist të ndjerë si fitues appeared first on iconstyle.al.

Një takim i papritur në orët e para të mëngjesit të së hënës ka tërhequr vëmendjen e publikut dhe rrjeteve sociale.

Lim Hoti dhe Edi Kuçi, dy ish-konkurrentë të Big Brother VIP Kosova, janë parë bashkë në Prishtinë, duke surprizuar ndjekësit, sidomos për shkak të marrëdhënies jo gjithmonë të qetë që kishin gjatë qëndrimit të tyre në shtëpinë më të famshme në Kosovë.

Pamjet e publikuara kanë nxitur menjëherë reagime të shumta, pasi raporti mes Limit dhe Edit nuk ishte zhvilluar, pasi kur Limi hyri ne show, Edi u largua. Megjithatë, duket se jashtë kamerave, dinamika mes tyre ka marrë një drejtim tjetër, miqesor mesa duket.

Interesimi rritet edhe më shumë për shkak të një detaji të njohur për publikun: që të dy kanë pasur një lidhje me Dolcen, një nga banoret më të përfolura të edicionit të katërt të BBVK-së.

Kujtojmë se Dolce dhe Edi janë parë shpesh në momente afërsie gjatë qëndrimit në shtëpi, duke nisur ditën me përkëdhelje dhe skena intime që kanë bërë xhiron e rrjeteve sociale. Ky takim i fundit ka shtuar kureshtjen e ndjekësve, të cilët po spekulojnë nëse bëhet fjalë për një sqarim mes dy ish-banorëve, një pajtim të mundshëm apo thjesht një takim rastësor.

The post Të dy krijuan lidhje me Dolcen, Limi dhe Edi shfaqen bashkë pas Big Brother VIP Kosova appeared first on iconstyle.al.

Departamenti i Drejtësisë publikoi të premten 3 milionë dokumente nga dosjet e Jeffrey Epstein, së bashku me 2,000 video dhe afërsisht 180,000 imazhe. Grupi i fundit përfshinte përmendje të personazheve të famshëm si Jay-Z , Pusha T dhe Harvey Weinstein.

Përmendjet e treshes nuk erdhën nga të dhënat personale të Epstein dhe as nga raportet e konfirmuara nga forcat e rendit. Dy reperët dhe manjati i turpëruar i Hollivudit u përmendën në një informacion drejtuar FBI-së, i cili u arkivua si pjesë e hetimit të Epstein. Informacioni në vetvete nuk nënkupton që këta individë u hetuan, as nuk nënkupton në asnjë mënyrë fajësi për akuzat e ngritura.

Siç u tha nga Departamenti i Drejtësisë, për shkak të natyrës gjithëpërfshirëse të Aktit të Transparencës së Dosjeve Epstein, çdo gjë që iu dërgua FBI-së nga publiku në lidhje me çështjen ishte planifikuar të publikohej, që do të thotë se disa nga akuzat e ngritura mund të jenë “të rreme ose të paraqitura në mënyrë të rreme”.

Sipas një raporti të FBI-së për krizën, të përfshirë në njoftimin e fundit për Epstein, një viktimë anonime, e cila pretendoi se ishte droguar dhe abuzuar seksualisht në disa raste gjatë viteve, tha se Pusha T (Terrence LeVarr Thornton) ishte një nga “trajnuesit” e saj. Gjithashtu në raport, viktima tha se një herë u zgjua në një dhomë me Weinstein dhe Jay-Z (Shawn Carter) me vete. Raporti gjithashtu deklaroi se për shkak se viktima ishte droguar në të dyja skenarët, kujtesa e saj ishte e turbullt.

Beyoncé thuhet se ka humbur 10 milionë ndjekës në Instagram pasi u shfaqën akuza të reja që përfshijnë bashkëshortin e saj, reperin Jay-Z të lidhur me çështjen Jeffrey Epstein.

Sipas raportimeve, llogaria e Jay-Z në Instagram gjithashtu humbi mbi 100,000 ndjekës pasi emri i tij u shfaq në dokumente. Disa llogari të mëdha, duke përfshirë personazhe të famshëm dhe marka, e kane hequr nga lista e ndjekesve ne Instagram.

The post Jay-Z përmendet në publikimin e fundit të dosjes Epstein, humbet miliona ndjekës në IG appeared first on iconstyle.al.

Legjenda e Formula 1, Lewis Hamilton, thuhet se është në një lidhje me yllin amerikan të reality show-t, Kim Kardashian. Sipas The Sun, kampioni shtatë herë i botës britanike në F1 dhe Kim Kardashian shijuan një fundjavë romantike në fshat. Dyshja shijoi një vakt intim dhe një masazh në çift në Cotswolds pasi sipërmarrësja amerikane udhëtoi nga Los Angeles me avionin e saj privat prej 100 milionë paundësh, raporton Manchester Evening News.

45-vjeçarja ndaloi në Estelle Manor në Oxfordshire e shoqëruar nga tre truprojat e saj, raporton botimi. Pretendohet se çiftit iu dha përdorimi ekskluziv i ambienteve të spa-së në klubin e vendit në Witney, Oxfordshire, përpara se të darkonin në një suitë private.

Një burim tha: “Gjithçka dukej shumë romantike. Kim dhe Lewis i shfrytëzuan të gjitha lehtësitë që ofroheshin. Ajo kishte dy truproja me vete dhe Lewis kishte një oficer afërt.”

“Lewis dhe Kim kanë vite që njihen, me ish-kampionin e botës që mban lidhje të ngushta edhe me ish-partnerin e Kim, Kanye West. Megjithatë, dyshja nuk ka pasur kurrë më parë një lidhje romantike’– thote burimi.

Ata u larguan nga aeroporti afërsisht në orën 11:00 dhe të dy u nisën me dy makinat me të cilat Kim kishte mbërritur nga aeroporti. Një kalimtar tha se mundi të shihte një nga oficerët e saj duke mbajtur çantën Birkin të yllit me vlerë 800,000 £ dhe diametër 50 cm, së bashku me tetë valixhe.

Kim dhe Lewis u takuan për herë të parë në vitin 2014, kur u fotografuan së bashku me ish-partnerët e tyre në GQ Men of the Year Awards në Londër. Lewis më pas ka krijuar një miqësi me motrën e Kim, Kendall Jenner, me supermodelen që e shoqëroi atë për një xhiro në Grand Prix të Miamit 2024.

The post Kush është i dashuri i Kim Kardashian? A është ylli i reality show-t në një lidhje me legjendën britanike të F1? appeared first on iconstyle.al.

Çmimet Grammy të 68-ta u mbajtën në Los Angeles, ku Kendrick Lamar ishte fituesi më i madh i mbrëmjes për të dytin vit radhazi. Reperi fitoi pesë çmime, përfshirë Regjistrimi i Vitit për Luther, një duet me SZA, dhe Albumi më i Mirë Rap për GNX. Megjithatë, ai u mposht për çmimin më të madh të mbrëmjes, Albumi i Vitit, nga ylli portorikan Bad Bunny.

LISTA E PLOTË E FITUESVE:

Katër çmimet kryesore (“Big Four”)

Kënga e Vitit

Fituesja: Billie Eilish – Wildflower
Lady Gaga – Abracadabra
Doechii – Anxiety
Rosé & Bruno Mars – APT
Bad Bunny – DtMF
Huntr/x – Golden
Kendrick Lamar feat. SZA – Luther
Sabrina Carpenter – Manchild

Regjistrimi i vitit

Fitues: Kendrick Lamar feat. SZA – Luther
Bad Bunny – DtMF
Sabrina Carpenter – Manchild
Doechii – Anxiety
Billie Eilish – Wildflower
Lady Gaga – Abracadabra
Chappell Roan – The Subway
Rosé & Bruno Mars – APT

Albumi i vitit

Fitues: Bad Bunny – Debí Tirar Más Fotos
Justin Bieber – Swag
Sabrina Carpenter – Man’s Best Friend
Clipse – Let God Sort Em Out
Lady Gaga – Mayhem
Kendrick Lamar – GNX
Leon Thomas – Mutt
Tyler, The Creator – Chromakopia

Artisti i ri më i mirë

Fituesja: Olivia Dean
Katseye
The Marias
Addison Rae
Sombr
Leon Thomas
Alex Warren
Lola Young

Albumi më i mirë vokal pop

Fituesja: Lady Gaga – Mayhem
Justin Bieber – Swag
Sabrina Carpenter – Man’s Best Friend
Miley Cyrus – Something Beautiful
Teddy Swims – I’ve Tried Everything But Therapy Pt. 2

Performanca më e mirë Pop Solo

Fituesja: Lola Young – Messy
Justin Bieber – Daisies
Sabrina Carpenter – Manchild
Lady Gaga – Disease
Chappell Roan – The Subway

Performanca më e mirë e dyshes/grupit pop

Fituesit: Cynthia Erivo & Ariana Grande – Defying Gravity
Huntr/x – Golden
Katseye – Gabriela
Rosé & Bruno Mars – APT
SZA me Kendrick Lamar – 30 For 30

Regjistrimi më i mirë Dance/Electronic

Fitues: Tame Impala – End Of Summer
Disclosure & Anderson .Paak – No Cap
Fred again.., Skepta & PlaqueBoyMax – Victory Lap
Kaytranada – Space Invader
Skrillex – Voltage

Albumi më i Mmirë Dance/Electronic

Fituesja: FKA Twigs – Eusexua
Fred again.. – Ten Days
PinkPantheress – Fancy That
Rüfüs Du Sol – Inhale / Exhale
Skrillex – F** U Skrillex You Think Ur Andy Warhol But Ur Not!! <3*

Regjistrimi më i mirë Dance/Pop

Fituesja: Lady Gaga – Abracadabra
Selena Gomez & Benny Blanco – Bluest Flame
Zara Larsson – Midnight Sun
Tate McRae – Just Keep Watching
PinkPantheress – Illegal

Albumi vokal më i mirë i pop-it tradicional

Fituesja: Laufey – A Matter Of Time
Laila Biali – Wintersongs
Jennifer Hudson – The Gift Of Love
Elton John & Brandi Carlile – Who Believes In Angels?
Lady Gaga – Harlequin
Barbra Streisand – The Secret Of Life: Partners, Vol. 2

Albumi më i mirë Latin Pop

Fituesja: Natalia Lafourcade – Cancionera
Rauw Alejandro – Cosa Nuestra
Andrés Cepeda – Bogotá (Deluxe)
Karol G – Tropicoqueta
Alejandro Sanz – ¿Y ahora qué?

Albumi më i mirë i muzikës urbane latine

Fitues: Bad Bunny – DeBÍ TiRAR MáS FOToS
J Balvin – Mixteip
Feid – Ferxxo Vol. X: Sagrado
Nicki Nicole – Naiki
Trueno – Eub Deluxe
Yandel – Sinfónico (En Vivo)

Performanca më e mirë rock

Fitues: Yungblud ft. Nuno Bettencourt, Frank Bello, Adam Wakeman & II – Changes (Live From Villa Park)
Amyl and The Sniffers – U Should Not Be Doing That
Linkin Park – The Emptiness Machine
Turnstile – Never Enough
Hayley Williams – Mirtazapine

Kënga më e mirë Rock

Fitues: Nine Inch Nails – As Alive As You Need Me To Be
Sleep Token – Caramel
Hayley Williams – Glum
Turnstile – Never Enough
Yungblud – Zombie

Albumi më i mirë rock

Fitues: Turnstile – Never Enough
Deftones – Private Music
Haim – I Quit
Linkin Park – From Zero
Yungblud – Idols

Albumi më i mirë alternativ

Fitues: The Cure – Songs Of A Lost World
Bon Iver – Sable, Fable
Tyler, The Creator – Don’t Tap the Glass
Wet Leg – Moisturizer
Hayley Williams – Ego Death At A Bachelorette Party

Performanca më e mirë alternativ

Fitues: The Cure – Alone
Bon Iver – Everything Is Peaceful Love
Turnstile – Seein’ Stars
Wet Leg – Mangetout
Hayley Williams – Parachute

Performanca më e mirë metal

Fitues: Turnstile – Birds
Dream Theater – Night Terror
Ghost – Lachryma
Sleep Token – Emergence
Spiritbox – Soft Spine

Performanca më e mirë Rap

Fitues: Clipse, Pusha T & Malice feat. Kendrick Lamar & Pharrell Williams – Chains & Whips
Cardi B – Outside
Doechii – Anxiety
Kendrick Lamar feat. Lefty Gunplay – TV Off
Tyler, The Creator feat. Teezo Touchdown – Darling, I

Performanca më e mirë rap melodik

Fitues: Kendrick Lamar me SZA – Luther
Fridayy feat. Meek Mill – Proud Of Me
JID feat. Ty Dolla $ign & 6Lack – Wholeheartedly
Terrace Martin & Kenyon Dixon feat. Rapsody – WeMaj
Partynextdoor & Drake – Somebody Loves Me

Kënga më e mirë Rap

Fitues: Kendrick Lamar feat. Lefty Gunplay – TV Off
Doechii – Anxiety
Clipse feat. John Legend & Voices of Fire – The Birds Don’t Sing
Tyler, The Creator feat. GloRilla, Sexyy Red & Lil Wayne – Sticky
GloRilla – TGIF

Albumi më i mirë Rap

Fitues: Kendrick Lamar – GNX
Clipse – Let God Sort Em Out
GloRilla – Glorious
JID – God Does Like Ugly
Tyler, The Creator – Chromakopia

The post Kush triumfoi? Lista e plotë e fituesve të Çmimeve Grammy 2026 appeared first on iconstyle.al.

Vendimi për të mos luajtur për Al Nasr thuhet se është marrë nga Cristiano Ronaldo, siç raportohet nga “A Bola”.

Sipas medias portugeze, superylli portugez thuhet se është i pakënaqur me mënyrën se si Fondi i Investimeve Publike (PIF) i Arabisë Saudite po e menaxhon klubin që ai zotëron, duke shkaktuar një “tërmet” në futbollin e vendit. Sipas raportit, CR7 ka vendosur të mos marrë pjesë në ndeshjen e sotme të Al Nasr kundër Al Riyadh, për javën e 20-të të ligës.

“Arsyeja e mungesës së tij nuk lidhet me ndonjë dëmtim apo problem personal që do ta pengonte atë të merrte pjesë”, raporton A Bola, duke shtuar se vetë Ronaldo ishte ai që mori vendimin.

Gazeta iberike, duke cituar burime nga Al Nasr, shpjegon: “Cristiano është i pakënaqur me mënyrën se si PIF e menaxhon Al Nasr, krahasuar me trajtimin që marrin rivalët e saj, të cilët gjithashtu menaxhohen nga i njëjti fond, dhe veçanërisht krahasuar me Al Hilal.”

Gjatë 24 orëve të fundit, ky i fundit ka treguar interes të fortë për të blerë Karim Benzeman. Kjo vjen pas zhvillimeve me klubin aktual të francezit, Al Ittihad, i cili thuhet se i ofroi atij një zgjatje kontrate që nuk i plotësoi pritjet e tij.

L’Équipe raportoi se Benzema është afër nënshkrimit me Al Hilal, liderin e ligës saudite, tre pikë përpara ekipit të Cristiano Ronaldos. Mungesa e nënshkrimeve të reja mund të jetë një nga arsyet që e shtyu Cristiano Ronaldon të vendoste të mos luante në ndeshjen e sotme kundër Al Riyadh.

Sipas A Bola, ylli portugez “ankohet për mungesën e investimeve në klub”. Al Nasr ka siguruar vetëm një lojtar në afatin kalimtar të dimrit: Haider Abdulkarim, një mesfushor 21-vjeçar nga Iraku.

The post “Bombë” me Cristiano Ronaldon, refuzon të luajë me Al Nasr! Cila është arsyeja? appeared first on iconstyle.al.

Bad Bunny ka hyrë në histori në Çmimet Grammy, duke u bërë artisti i parë në 68 vite që fiton çmimin “Albumi i Vitit” me një album të kënduar tërësisht në gjuhën spanjolle.

Muzikanti portorikan u shpërblye për albumin e tij të gjashtë, “Debí Tirar Mas Fotos”, duke mposhtur emra të njohur si Lady Gaga, Kendrick Lamar dhe Sabrina Carpenter.

I emocionuar në skenë, Bad Bunny ia dedikoi çmimin emigrantëve, në një ceremoni ku shumë artistë ngritën zërin kundër politikave aktuale amerikane të imigracionit.

“Ky çmim është për të gjithë ata që u detyruan të lënë vendin e tyre për të ndjekur ëndrrat”, u shpreh ai.

Gjatë mbrëmjes, disa artistë shprehën hapur mbështetjen për emigrantët, ndërsa në tapetin e kuq u panë edhe mesazhe proteste kundër autoriteteve të imigracionit

Ndërkohë, Billie Eilish dhe vëllai i saj Finneas fituan çmimin “Kënga e Vitit” për “Wildflower”, duke e marrë këtë trofe për herë të tretë që nga viti 2020.
Në fjalën e saj, Eilish theksoi rëndësinë e reagimit dhe protestës në kohë të vështira, duke nënvizuar se zëri i artistëve dhe i njerëzve ka rëndësi.

Ceremonia e këtij viti u karakterizua jo vetëm nga fituesit, por edhe nga mesazhe të forta sociale dhe politike.

The post Bad Bunny hyn në historinë e Grammy, fiton “Albumin e Vitit” në gjuhën spanjolle appeared first on iconstyle.al.

Dashi
Kohët e fundit ke ndjekur verbërisht një ide të paracaktuar se ku duhet të jesh dhe çfarë duhet të bësh. Je i zënë në një rutinë që u shërben më shumë të tjerëve sesa vetes. Tani është koha për ta ndryshuar këtë trend vetëshkatërrues.

Demi
Një shpërthim fati i mbarë në karrierën tuaj është shumë më afër nga sa mendoni. Çelësi sot është të përcaktoni hollësitë e planit tuaj. Çfarë plani? Duhet të bëni një plan nëse nuk e keni bërë ende. Diskutojeni me të tjerët.

Binjakët
Dikush do të hapë vrima në planin tënd të gjerë dhe revolucionar mbi të cilin ke punuar. Ndoshta ke pasur ndonjë lloj shpikjeje të re në përgatitje. Me shumë mundësi, do ta kesh të vështirë t’i rezistosh kritikave që do të të vijnë.

Gaforrja
Do të kesh një qëndrim të tipit “ta thashë unë”, ndërsa sheh punën e të tjerëve të shembet për një arsye ose një tjetër. Mundohu të mos jesh shumë përçmues ndaj të tjerëve. Në vend të kësaj, ji mbështetës, i dhembshur dhe ofro këshilla të shëndosha.

Luani
Ideja ose plani juaj i fundit i sulmit mund të jetë i mirë, por nuk është shumë origjinal. Një qasje e zakonshme nuk do të jetë e suksesshme duke pasur parasysh konkurrencën përreth jush. Nevojitet një qasje më krijuese në mënyrë që të dalloheni nga të tjerët.

Virgjëresha
Sot është një ditë e mirë për t’u kujdesur për çdo hulumtim që duhet të bëni në lidhje me punën tuaj. Kjo mund të nënkuptojë intervistimin e njerëzve të ndryshëm në fushën tuaj. Mund të nënkuptojë gjithashtu të shkoni në bibliotekë dhe të kërkoni artikuj revistash dhe gazetash.

Peshorja
Mundohu të mos mbështetesh shumë te pajisjet dhe makinat elektronike sot. Informacioni që vjen nga kompjuterët mund të mos jetë plotësisht i vërtetë. Është e mundur që gjëra të tilla të tregojnë një anë të caktuar të çështjes, por ato nuk mund të të japin të gjithë informacionin.

Akrepi
Synimet dhe ëndrrat financiare që keni kërkojnë përqendrim. Të ardhura të tilla të papritura parash dhe fati të mirë nuk do të ndodhin pa punë të vetëdijshme nga ana juaj. Kjo është një ditë e mirë për të plotësuar boshllëqet në lidhje me hapat e qëllimshëm që duhet të ndërmerrni.

Shigjetari
Mund të kesh zgjidhjen perfekte për dilemat e karrierës së të gjithëve, por a ke një zgjidhje të realizueshme për të tuat? Përqendro energjinë tënde në problemet e tua në vend që të punosh kaq shumë për të zgjidhur problemet e të gjithëve. Gjithsesi nuk mund t’i kontrollosh të tjerët.

Bricjapi
E di që ke të drejtë, por megjithatë, duket se po të kundërshtojnë nga të gjitha anët. Mos lejo që presioni i jashtëm të të largojë nga pikëpamjet e tua për të vërtetën. Për sa kohë që je besnik ndaj vetes, gjithçka do të shkojë për mirë.

Ujori
Dëgjoni çfarë kanë për të thënë të tjerët, pavarësisht nëse jeni dakord me ta apo jo. Mendja juaj optimiste dhe imagjinare mund të mos e pëlqejë verifikimin e realitetit që vjen nga të tjerët, por besoni se kjo është për të mirën tuaj. Do të përfitoni shumë.

Peshqit
Puna përgatitore është çelësi i suksesit tuaj tani. Përpara se të hidhni hapin tjetër, sigurohuni që jeni plotësisht të përgatitur për të. Të nxitosh veten në këtë fazë të lojës mund të jetë shumë e dëmshme për ju. Jini praktikë dhe të përqendruar.

The post Horoskopi për ditën e sotme, 2 shkurt 2026 appeared first on iconstyle.al.

Në “Grida Duma Podcast” erdhi një rrëfimi i sinqertë dhe pa filtra i Mehdi Malkajt për betejën e gjatë dhe të dhimbshme të djalit të tij me drogën.

Pa dramatizime dhe pa viktimizim, aktori i madh foli si baba, me fjalë të thjeshta dhe të vërteta që peshojnë rëndë.

“Gjënë time më të bukur dhe më të lumtur të kësaj kohe e kam momentin kur u vërtetua që u fitua një betejë nga djali”, thotë Malkaj, duke e quajtur këtë fitore më të madhe se çdo sukses personal apo profesional.

Ai rrëfen se djali ishte vetëm 15 vjeç kur provoi për herë të parë drogën, në një kohë kur askush nuk e kuptonte realisht çfarë ishte dhe sa shkatërruese mund të bëhej. “Adoleshentët bien në dashuri me atë që shohin, jo me atë që është”, shprehet ai, duke e përshkruar varësinë si një dashuri të rreme që zgjati më shumë seç duhej.

Malkaj flet hapur për netët pa gjumë, për kërkimet e pafundme në rrugët e Tiranës bashkë me bashkëshorten, për përpjekjet për të qenë shok i djalit dhe jo thjesht prind autoritar. Një rrugë e gjatë, e lodhshme dhe plot pasiguri, ku asgjë nuk ishte e garantuar.

Një nga momentet më prekëse të rrëfimit lidhet me marrëdhënien mes vëllait dhe motrës. Sipas Malkajt, dashuria e motrës u kthye në një dritë të fortë shprese dhe shërimi për djalin. “Ai tani është gjithë jetë, gjithë dritë. Ka sjellë dritë, gëzim, hare në shtëpi”, thotë ai, duke kujtuar edhe pushimet e para familjare pas shumë vitesh, ku djali ishte në timon, serioz dhe korrekt.

“Mua me bën përshtypje tani dashuria që ka me motrën. I thotë ajo më ke borxh 10 puthje”- tha ai duke përshkruar lidhjen mes motrës e vëllait.

Në fund, Mehdi Malkaj përcjell një mesazh të fortë dhe të rrallë për mënyrën si flitet për drogën.

“Mos mallkoni kurrë ‘u paça fëmijët me drogë’. Është luftë e madhe, shumë e madhe. Unë jam një sy e veshë andej e një sy këtej. Nuk i dihet asnjëher”, thotë ai, duke pranuar se vigjilenca nuk mbaron kurrë, por duke besuar se dashuria, familja dhe koha mund të bëjnë mrekulli.

“Me gruan time i kemi larë rrugët e Tiranës. Tërë natën me idene se do ta gjenim djalin, nuk e gjenim, vinte vetë”- tha në një moment të podcastit Malkaj.

The post Mehdi Malkaj rrëfen me lotësh betejën e djalit me drogën: Fitoi nga dashuria e motrës appeared first on iconstyle.al.

Në botën e kujdesit të lëkurës, pak përbërës kanë fituar aq shumë famë sa retinoli. Megjithatë, bashkë me popullaritetin e tij kanë lindur edhe shumë rregulla, disa të sakta, disa thjesht mite. Një nga dilemat më të shpeshta është: a mund të përdoret retinoli së bashku me niacinamidën, apo duhet shmangur ky kombinim?

Nëse keni filluar së fundmi përdorimin e retinolit, me siguri keni dëgjuar këshillat bazë: të filloni me sasi të vogla, ta përdorni vetëm në mbrëmje, të mos e teproni me përbërës të fortë aktivë dhe të mos harroni kurrë kremin mbrojtës nga dielli. Por konfuzioni rritet kur vjen puna te kombinimi i produkteve.

Çfarë bën retinoli për lëkurën?

Retinoli, si derivat i vitaminës A, konsiderohet një nga përbërësit më efektivë për përmirësimin e cilësisë së lëkurës. Ai ndihmon në rigjenerimin qelizor, lufton aknet, zbut rrudhat e holla, përmirëson strukturën e lëkurës dhe ndihmon në zbehjen e njollave.

Megjithatë, forca e tij vjen edhe me “kosto”. Sidomos në fillim, retinoli mund të shkaktojë thatësi, skuqje, ndjeshmëri apo zhvishem të lëkurës. Pikërisht për këtë arsye rekomandohet përdorimi gradual dhe gjithmonë me kujdes të shtuar.

Roli i niacinamidës në rutinën e përditshme

Në anën tjetër, niacinamida është përbërësi që sjell qetësi dhe ekuilibër në rutinë. Si formë e vitaminës B3, ajo ka veti anti-inflamatore, ndihmon në uljen e skuqjes, trajton aknet, përmirëson hidratimin dhe forcon barrierën mbrojtëse të lëkurës.

Falë tolerancës së lartë dhe rrezikut minimal për irritim, niacinamida është bërë një nga përbërësit më të dashur të viteve të fundit, veçanërisht për përdorim të përditshëm.

E vërteta: funksionojnë më mirë së bashku

Lajmi i mirë është se retinoli dhe niacinamida jo vetëm që mund të përdoren së bashku, por në fakt funksionojnë më mirë si një ekip. Të dy synojnë probleme të ngjashme, aknet, njollat dhe shenjat e plakjes, por veprojnë në mënyra të ndryshme dhe plotësuese.

Retinoli stimulon rigjenerimin e qelizave, ndërsa niacinamida qetëson lëkurën, redukton prodhimin e melaninës dhe ndihmon në riparimin e barrierës epidermale. Kjo do të thotë rezultate më të mira dhe, njëkohësisht, më pak irritim.

Si t’i kombinoni në mënyrë të sigurt

Mënyra më e thjeshtë është përdorimi i produkteve që i përmbajnë të dy përbërësit në një formulë të vetme. Nëse përdoren produkte të ndara, rregulli bazë është aplikimi nga tekstura më e lehtë drejt asaj më të pasur.

Nëse lëkura juaj e toleron mirë retinolin, ai mund të aplikohet i pari në lëkurë të pastër, i ndjekur nga niacinamida. Për lëkurat më të ndjeshme, rendi mund të përmbyset, në mënyrë që niacinamida të veprojë si një “tampon” qetësues.

Sa i përket frekuencës, gjithçka varet nga reagimi i lëkurës. Ato mund të përdoren edhe çdo ditë, por nëse shfaqet thatësi apo ndjeshmëri, është e rëndësishme të zvogëlohet përdorimi i retinolit dhe t’i jepet kohë lëkurës të përshtatet.

Kombinimi i retinolit me niacinamidën nuk është mit, por një strategji e zgjuar për një lëkurë më të shëndetshme, më të njëtrajtshme dhe me më pak acarim. Çelësi qëndron te durimi, përdorimi i mençur dhe dëgjimi i nevojave të lëkurës suaj.

The post Retinoli dhe Niacinamidi: Pse janë kombinimi më i mirë për kujdesin e lëkurës appeared first on iconstyle.al.

Këtë vit, Taylor Swift nuk ka marrë asnjë nominim në Grammy Awards, ndaj mungesa e saj në ceremoninë e ndarjes së çmimeve nuk ka ardhur si surprizë për fansat. Ylli i muzikës pop nuk do të jetë i pranishëm në eventin e sonte, ashtu si edhe i fejuari i saj, Travis Kelce.

Megjithëse Swift publikoi një nga albumet më të përfolura të vitit 2025, The Life of a Showgirl, ai u lançua në muajin tetor, jashtë periudhës zyrtare të pranueshmërisë për Grammy 2026, e cila përfshinte datat nga 31 gusht 2024 deri më 30 gusht 2025. Për këtë arsye, albumi pritet të hyjë në garë për nominime vetëm në ceremoninë e vitit 2027.

Përpara ceremonisë së këtij viti, producenti ekzekutiv i Grammy-ve, Ben Winston, sqaroi thashethemet që qarkulluan mbi një paraqitje të mundshme të Swift. Në një intervistë për “Hits”, ai theksoi se spekulimet nisën vetëm për shkak të publikimit të një lajmi të pabazuar.

“E vetmja arsye pse njerëzit menduan se Taylor mund të performonte ose të merrte pjesë ishte sepse Hits e publikoi këtë javë dhe e përfshiu në listën e tyre, dhe më pas lajmi u përhap kudo,” u shpreh Winston.

Vlen të kujtohet se vitin e kaluar, Taylor Swift ishte pjesë e ceremonisë Grammy si prezantuese. Ajo u shfaq me një fustan të shkurtër të kuq me shkëlqim nga Vivienne Westwood, i cili u interpretua nga fansat si një paralajmërim simbolik i epokës së saj të re muzikore, “The Life of a Showgirl”.

Që prej publikimit të dokumentarit të saj The End of an Era në muajin dhjetor, Swift ka zgjedhur të mbajë një profil më të ulët publik. Ajo u fotografua së fundmi duke darkuar me Travis Kelce në Beverly Hills, menjëherë pas ceremonisë së Golden Globes, por çifti nuk mori pjesë as në event dhe as në festat që pasuan.

Një burim për “Us Weekly” ka zbuluar se, ndonëse Taylor Swift “gjithmonë ka ide në zhvillim për karrierën e saj muzikore”, ajo aktualisht nuk është e fokusuar në organizimin e një turneu për albumin “The Life of a Showgirl”.

Ndërkohë, Swift dhe Kelce po përqendrohen edhe në jetën personale, pasi burime pranë çiftit bëjnë të ditur se ata janë duke planifikuar dasmën e tyre, larg vëmendjes së tepërt mediatike.

The post Pse Taylor Swift dhe Travis Kelce nuk do të marrin pjesë në Grammy 2026 appeared first on iconstyle.al.

Dy aksidente të rënda trafiku kanë tronditur Turqinë, duke lënë pas 16 persona të vdekur dhe rreth 30 të plagosur, në një nga ditët më të rënda për sigurinë rrugore në vend.

Ngjarja më e rëndë ndodhi në Antalia, një nga qytetet më të mëdha turistike në jug të Turqisë. Një autobus pasagjerësh u përmbys paraditen e sotme, rreth orës 10:20, në një segment autostrade që ishte bërë tepër i rrëshqitshëm për shkak të reshjeve të shiut dhe mjegullës së dendur.

Sipas autoriteteve lokale, autobusi po transportonte 34 pasagjerë, të cilët udhëtonin nga Radesto (Tekirdag) drejt Antalias. Fillimisht u raportua për tetë viktima, por bilanci u rëndua më tej.

Guvernatori i Antalias, Hulusi Sahin, konfirmoi se edhe shoferi i autobusit humbi jetën në spital, pavarësisht përpjekjeve të mjekëve.

“Shoferi i autobusit për fat të keq nuk mbijetoi pavarësisht të gjitha përpjekjeve të bëra. Numri i viktimave ka shkuar në nëntë,” deklaroi guvernatori.

Ai shtoi se 25 persona të tjerë mbetën të plagosur, disa prej tyre në gjendje të rëndë shëndetësore. Sipas autoriteteve, aksidenti dyshohet të jetë shkaktuar nga shpejtësia e lartë në një zonë të rrezikshme, e kombinuar me kushtet e vështira atmosferike.

“Kishte mjegull dhe rruga ishte e rrëshqitshme. Ky është një kryqëzim ku nuk duhet të lëvizet me shpejtësi, por duket se autobusi hyri aty me shpejtësi të lartë,” tha Sahin.

Ndërkohë, një tjetër aksident tragjik u shënua në provincën Burdur, në autostradën Antalya–Isparta. Sipas agjencisë private të lajmeve DHA, shtatë persona humbën jetën dhe pesë të tjerë u plagosën si pasojë e një përplasjeje të fortë mes disa automjeteve. Shërbimet e emergjencës dhe forcat e policisë mbërritën menjëherë në vendngjarje, ndërsa të plagosurit u transportuan në spitalet më të afërta.

Antalia është një nga destinacionet më të frekuentuara turistike në Mesdhe, e cila mirëpret gjatë gjithë vitit miliona turistë vendas dhe të huaj. Fluksi i shtuar i automjeteve, sidomos në kushte të pafavorshme atmosferike, rrit ndjeshëm rrezikun e aksidenteve në akset kryesore rrugore.

Autoritetet turke kanë nisur hetimet për të zbardhur shkaqet e plota të dy aksidenteve dhe u kanë bërë thirrje drejtuesve të mjeteve të tregojnë kujdes të shtuar, veçanërisht në kushte shiu dhe mjegulle.

The post Tragjedi e dyfishtë në Antalia: 16 të vdekur dhe 30 të plagosur në dy aksidente trafiku brenda një kohe të shkurtër appeared first on iconstyle.al.