Një rast tejet i rëndë dhunimi, i raportuar më 31 dhjetor 2025 në Fushë Kosovë, ka marrë epilog të shpejtë hetimor. Siç raportoi Sinjali pak më parë, Policia e Kosovës ka arrestuar dy personat e dyshuar për përfshirje direkte në këtë krim të rëndë, ku viktima dyshohet se është dhunuar në një motel dhe më pas është braktisur në një zonë malore.

Sinjali merr vesh ekskluzivisht se bëhet fjalë për Lum Sahitin dhe Liridon Gogajn.

Rasti ka ndodhur rreth orës 05:30 në rrugën e Pejës në Fushë Kosovë.

Viktima, A.H., rreth 30-vjeçare, ka raportuar se fillimisht ishte takuar me të dyshuarit, për t’u dërguar më pas në një motel, ku dyshohet se është dhunuar seksualisht nga ta.

Ekskluzive | Detaje tronditëse për dhunimin e 30-vjeçares në Fushë Kosovë: U njohën në Snapchat, u takuan te HIB Petrol, përfundoi e braktisur në mal

Pas kryerjes së veprës penale, të dyshuarit dyshohet se e kanë dërguar viktimën në një zonë afër malit dhe e kanë lënë aty, duke u larguar në drejtim të panjohur.

Pas denoncimit të rastit, Njësia për Hetimin e Krimeve të Rënda në Prishtinë ka ndërmarrë veprime intensive hetimore.

Si rezultat, më 1 janar 2026, në pikën kufitare Mutivodë është ndaluar njëri nga të dyshuarit, Sahiti, rreth 40-vjeçar, i cili ishte në kërkim policor. Ndërkohë, është siguruar edhe prezenca e të dyshuarit tjetër, Gogaj, rreth 39-vjeçar, i cili gjithashtu dyshohet për përfshirje direkte në rast.

Me vendim të Prokurorit kujdestar nga Departamenti i Krimeve të Rënda, të dy të dyshuarit janë ndaluar për 48 orë, ndërsa hetimet për rastin po vazhdojnë në drejtim të ndriçimit të plotë të rrethanave dhe përgjegjësive penale.

Burime të afërta me hetimin bëjnë të ditur se ndaj të dyshuarve priten veprime të tjera procedurale, përfshirë kërkesën për masë paraburgimi. Rasti po trajtohet me prioritet të lartë nga organet e drejtësisë.

Ekskluzive | Arrestohen dy të dyshuarit për dhunimin e 30-vjeçares në Fushë Kosovë, viktima u dhunua në motel dhe u la pranë malit

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Këta janë dy të arrestuarit për dhunimin e 30-vjeçares në Fushë Kosovë, viktima u dhunua në motel dhe u la pranë malit appeared first on Sinjali.

Një rast tejet i rëndë dhunimi, i raportuar më 31 dhjetor 2025 në Fushë Kosovë, ka marrë epilog të shpejtë hetimor. Policia e Kosovës ka arrestuar dy persona të dyshuar për përfshirje direkte në këtë krim të rëndë, ku viktima dyshohet se është dhunuar në një motel dhe më pas është braktisur në një zonë malore.

Sipas informacioneve zyrtare, rasti ka ndodhur rreth orës 05:30 në rrugën e Pejës në Fushë Kosovë. Viktima, A.H., rreth 30-vjeçare, ka raportuar se fillimisht ishte takuar me të dyshuarit, për t’u dërguar më pas në një motel, ku dyshohet se është dhunuar seksualisht nga ta.

Ekskluzive | Detaje tronditëse për dhunimin e 30-vjeçares në Fushë Kosovë: U njohën në Snapchat, u takuan te HIB Petrol, përfundoi e braktisur në mal

Pas kryerjes së veprës penale, të dyshuarit dyshohet se e kanë dërguar viktimën në një zonë afër malit dhe e kanë lënë aty, duke u larguar në drejtim të panjohur.

Pas denoncimit të rastit, Njësia për Hetimin e Krimeve të Rënda në Prishtinë ka ndërmarrë veprime intensive hetimore. Si rezultat, më 1 janar 2026, në pikën kufitare Mutivodë është ndaluar njëri nga të dyshuarit, L.S., rreth 40-vjeçar, i cili ishte në kërkim policor. Ndërkohë, është siguruar edhe prezenca e të dyshuarit tjetër, L.G., rreth 39-vjeçar, i cili gjithashtu dyshohet për përfshirje direkte në rast.

Me vendim të Prokurorit kujdestar nga Departamenti i Krimeve të Rënda, të dy të dyshuarit janë ndaluar për 48 orë, ndërsa hetimet për rastin po vazhdojnë në drejtim të ndriçimit të plotë të rrethanave dhe përgjegjësive penale.

Burime të afërta me hetimin bëjnë të ditur se ndaj të dyshuarve priten veprime të tjera procedurale, përfshirë kërkesën për masë paraburgimi. Rasti po trajtohet me prioritet të lartë nga organet e drejtësisë.

Sinjali – aty ku e vërteta flet para lajmit!

/GazetaSinjali/

The post Ekskluzive | Arrestohen dy të dyshuarit për dhunimin e 30-vjeçares në Fushë Kosovë, viktima u dhunua në motel dhe u la pranë malit appeared first on Sinjali.

Një video-incizim i publikuar në rrjete sociale, ku shihet një person duke shtënë me armë zjarri, ka vënë në lëvizje Policinë e Kosovës në Ferizaj.

Ngjarja dyshohet të ketë ndodhur në natën e ndërrimit të viteve, më 31 dhjetor 2025 rreth orës 00:00, në rrugën Shaqir Hasani në Ferizaj.

Sipas informacioneve që ka siguruar Sinjali, njësiti i hetimeve ka pranuar njoftimin më 1 janar 2026, pas së cilës është zhvilluar një punë intensive operative në terren. Si rezultat, është arritur të identifikohet i dyshuari, Tring Ismajli, 30 vjeçar.

Burimet bëjnë të ditur se i dyshuari, pas identifikimit, ka dorëzuar vullnetarisht armën me të cilën kishte shtënë. Bëhet fjalë për një revole të tipit Zoraki, e cila është sekuestruar nga policia si provë materiale.

Ismajli është intervistuar në prani të avokatit mbrojtës, ndërsa për rastin është njoftuar Prokurori kujdestar i Prokurorisë Themelore në Ferizaj, Departamenti i Përgjithshëm.

Me vendim të prokurorit, rasti është iniciuar për veprat penale: “Mbajtja në pronësi, kontroll ose posedim i paautorizuar i armës apo mjetit të rrezikshëm”, dhe “Përdorimi i armës apo mjetit të rrezikshëm”.

I dyshuari është liruar në procedurë të rregullt, ndërsa hetimet lidhur me rastin janë në vazhdim.

Policia ka ritheksuar thirrjen për qytetarët që të mos përdorin armë apo mjete të rrezikshme, veçanërisht gjatë festave, pasi veprime të tilla përbëjnë rrezik serioz për jetën dhe sigurinë publike.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

---

The post Ekskluzive | Gjuajti me armë dhe u mburr në rrjete sociale, identifikohet dhe procedohet penalisht 30-vjeçari në Ferizaj (EMRI) appeared first on Sinjali.

Një person ka përfunduar në pranga pasditen e së mërkurës në Istog, nën dyshimin për posedim të paautorizuar të substancave narkotike.

Ngjarja ka ndodhur më 01.01.2026 rreth orës 17:00, në fshatin Cerrcë – Istog, ku patrulla e njësitit reagues të Stacionit Policor Istog, gjatë një pike kontrolli, ka ndaluar një veturë Golf VI që drejtohej nga Armend Aga, afro 24 vjeçar.

Gjatë kontrollit trupor, zyrtarët policorë i kanë gjetur të dyshuarit në xhepin e pantallonave një qese të vogël plastike me një sasi të vogël substance, e cila sipas pamjes dhe aromës dyshohet të jetë marihuanë.

I dyshuari është arrestuar në vendngjarje, ndërsa substanca narkotike është sekuestruar si provë materiale. Pas kryerjes së veprimeve procedurale, lidhur me rastin është njoftuar Prokurori kujdestar, i cili ka urdhëruar që rasti të iniciohet si “Posedim i paautorizuar i narkotikëve, substancave psikotropike ose analoge”, ndërsa i dyshuari të lirohet në procedurë të rregullt.

Rasti mbetet nën trajtim nga organet e rendit.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

---

The post Ekskluzive | Kapet me marihuanë në Istog, arrestohet i dyshuari 24-vjeçar (EMRI) appeared first on Sinjali.

Një incident serioz që rrezikoi sigurinë publike është regjistruar në orët e para të Vitit të Ri në Suharekë.

Sipas informatave që ka siguruar Sinjali, më 01.01.2026 rreth orës 02:00, në rrugën “Bedri Pejani”, ankuesi K. K, afro 41 vjeçar, ka vërejtur se xhami i pasmë i veturës së tij VW Jetta, të cilën e kishte parkuar një natë më parë para banesës, ishte thyer nga një predhë plumbi.

Predha, sipas deklarimit, ka depërtuar në brendësi të automjetit dhe është gjetur në ulësen e pasme, çka tregon qartë rrezikun e madh që ka paraqitur ky veprim për qytetarët përreth.

Rasti është raportuar zyrtarisht në Stacionin Policor Suharekë më 01.01.2026 rreth orës 12:20, ndërsa njësitë policore kompetente kanë dalë në vendin e ngjarjes dhe kanë ndërmarrë veprimet e nevojshme hetimore.

Me urdhër të Prokurorit të Shtetit, rasti është iniciuar si “Shkaktim i rrezikut të përgjithshëm”, ndërsa hetimet janë në vazhdim për identifikimin e personit apo personave përgjegjës.

Autoritetet u bëjnë thirrje qytetarëve që të shmangin përdorimin e armëve dhe mjeteve të rrezikshme, pasi veprime të tilla përbëjnë rrezik serioz për jetën dhe sigurinë publike.

Sinjali – aty ku e vërteta flet para lajmit!

/GazetaSinjali/

The post Ekskluzive | Plumb qorr godet veturën në Suharekë, predha përfundon brenda ulëses së pasme appeared first on Sinjali.

Një rast serioz i shkaktimit të rrezikut të përgjithshëm është zbardhur nga Policia e Kosovës në fshatin Kushnin Has të Prizrenit, ku për festën e Vitit të Ri janë përdorur armë zjarri, përfshirë edhe nga një i mitur.

Sipas informatave që ka pranuar Sinjali, rasti ka dalë në dritë pasi në rrjete sociale është publikuar një video-incizim ku shihet një i mitur duke shkrepur me armë zjarri. Pas këtij publikimi, njësiti i hetimeve ka identifikuar personat e përfshirë dhe ka realizuar kontroll në shtëpinë e të dyshuarve.

Gjatë veprimeve policore, janë identifikuar dhe intervistuar tre persona: Jahë Morina, 71 vjeç, E.M, 15 vjeç  – i mitur, dhe Elvir Morina, 22 vjeç.

Të dyshuarit kanë pranuar se gjatë natës së Vitit të Ri kanë shtënë me armë zjarri. Nga shtëpia është sekuestruar një pistoletë HS, me dy karikatorë dhe 36 fishekë, për të cilën rezulton se kishte leje në emër të Jahë Morinës. Në vendin e ngjarjes, krim-teknika ka gjetur dhe sekuestruar 41 gëzhoja, ndërsa më pas është konstatuar se bëhet fjalë për dy lloje të ndryshme gëzhojash, çka ka çuar në identifikimin e personit të tretë.

Si rezultat i hetimeve shtesë, është identifikuar edhe Elvir Morina (2003), i cili ka pranuar se ka shtënë me armë dhe ka dorëzuar vullnetarisht një pistoletë Zoraki 917-T, kalibër 9 mm, me një karikator pa fishekë.

Me urdhër të Prokurorit të Shtetit: Jahë Morina, afro 71 vjeçar, është ndaluar për 48 orë, i mituri E.M., afrp 15 vjecar, është liruar në procedurë të rregullt, ndërsa Elvir Morina, afrp 22 vjeçar, është liruar në procedurë të rregullt pas dorëzimit të armës.

Rasti është iniciuar si “Shkaktim i rrezikut të përgjithshëm”, ndërsa hetimet po vazhdojnë për të sqaruar plotësisht të gjitha rrethanat e ngjarjes.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Gjuajtje me armë për Vitin e Ri në Prizren: Tre persona të përfshirë, një në ndalim 48 orë appeared first on Sinjali.

Një incident i rrezikshëm është shënuar pasditen e 1 janarit 2026 në Prishtinë, ku një predhë plumbi ka goditur një veturë të parkuar në rrugën “Gjon Serreqi”.

Siç mëson Sinjali, rasti është raportuar rreth orës 15:30, ndërsa sipas deklarimit të ankuesit, R. K., afro 25 vjeçar, ai kishte vërejtur dëmtimin e xhamit të veturës së tij pak minuta pasi kishte dalë nga shtëpia. Dyshohet se xhami është goditur nga një plumb qorr.

Në vendin e ngjarjes kanë dalë njësitë policore, hetimet dhe krim-teknika, të cilat kanë kryer ekzaminimet përkatëse dhe kanë sekuestruar predhën si provë materiale.

Lidhur me rastin është njoftuar Prokurori kujdestar, i cili e ka cilësuar veprën penale si “Shkaktim i rrezikut të përgjithshëm”. Hetimet janë duke vazhduar për identifikimin e personit përgjegjës.

Sinjali – aty ku e vërteta flet para lajmit!

/GazetaSinjali/

The post Ekskluzive | Plumbi qorr godet veturën në Prishtinë, dëmtohet xhami appeared first on Sinjali.

Një rast i pazakontë është regjistruar në Mitrovicë të Veriut, ku një i ri ka hapur një lokal që ishte mbyllur me vendim zyrtar nga inspektorët sanitarë.

Sipas informatave, më 31 dhjetor 2025 rreth orës 21:00, në rrugën “Vardarska”, Policia ka hasur në funksionim lokalin “Disko”, i cili ishte mbyllur rreth dy muaj më parë nga autoritetet kompetente.

I dyshuari, Stefan Djordjevic, rreth 18-vjeçar dyshohet se ka hequr ose dëmtuar vulat zyrtare, duke e rihapur lokalin pa leje.

Pas konstatimit të rastit, njësitë policore kanë njoftuar Prokurorin e Shtetit, me urdhër të të cilit rasti është iniciuar si: “Heqje apo dëmtim i vulave ose sendeve zyrtare”.

Lokali është mbyllur sërish, ndërsa rasti është dërguar në procedurë të rregullt për trajtim të mëtejmë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Hapi diskotekën e mbyllur nga inspektorët, procedohet penalisht i riu në Mitrovicë të Veriut appeared first on Sinjali.

Një rast jashtëzakonisht i rëndë dhunimi është raportuar më 31 dhjetor 2025 në Fushë Kosovë, ku një grua rreth 30 vjeçe ka përjetuar dhunë seksuale dhe keqtrajtim çnjerëzor nga dy persona të dyshuar.

Sipas informatave, viktima A.H. 30 vjeçare ishte njohur me njërin nga të dyshuarit përmes rrjetit social Snapchat, të cilin e njeh vetëm sipas inicialeve L.G. Takimi i parë mes tyre kishte ndodhur fizikisht në pompën e derivateve HIB Petrol, në rrugën e Pejës, në Fushë Kosovë.

Pas këtij takimi, viktima kishte pranuar të shkojë me të dyshuarin në motelin “Paris” në Fushë Kosovë. Sipas deklarimit të saj, menjëherë pasi kishin hyrë në dhomë, i dyshuari kishte ftuar edhe një person tjetër të panjohur. Të dy dyshuarit, sipas viktimës, fillimisht i kishin ofruar alkool dhe më pas edhe substanca narkotike, duke e vënë në një gjendje të rëndë fizike dhe psikike.

Në këto rrethana, viktima deklaron se ishte dhunuar seksualisht nga të dy personat. Duke tentuar të shpëtojë, ajo kishte dalë nga dhoma dhe ishte drejtuar drejt garazhit të objektit, por aty ishte kapur sërish nga të dyshuarit, të cilët e kishin futur me forcë në pjesën e pasme të veturës, duke e detyruar të qëndrojë e shtrirë.

Sipas deklarimit, viktima ishte transportuar me veturë drejt një zone malore në afërsi të fshatit Llapushnik, komuna e Drenasit, ku të dyshuarit e kishin nxjerrë nga automjeti dhe e kishin braktisur në gjendje të rëndë shëndetësore, duke u larguar më pas në drejtim të panjohur.

Viktima është hasur më vonë nga njësia e autostradës në afërsi të rrugës së Pejës, pranë HIB Petrol, në gjendje të rënduar, ku ka marrë trajtim të menjëhershëm mjekësor. Pas stabilizimit, ajo ka dhënë deklaratën e saj para organeve kompetente.

Lidhur me rastin është njoftuar Prokurori Kujdestar, i cili ka urdhëruar inicimin e veprës penale “Dhunim”, ndërsa viktima është dërguar për ekzaminime të detajuara në Institutin e Mjekësisë Ligjore (IML). Hetimet janë në zhvillim intensiv për identifikimin dhe arrestimin e personave të dyshuar.

Rasti po trajtohet me prioritet të lartë, ndërsa institucionet janë duke ndërmarrë veprime për zbardhjen e plotë të kësaj ngjarjeje të rëndë që ka tronditur opinionin publik.

Sinjali – aty ku e vërteta flet para lajmit!

/GazetaSinjali/

The post Ekskluzive | Detaje tronditëse për dhunimin e 30-vjeçares në Fushë Kosovë: U njohën në Snapchat, u takuan te HIB Petrol, përfundoi e braktisur në mal appeared first on Sinjali.

Një rast i rëndë vjedhjeje është raportuar në orët e para të Vitit të Ri në Komoran të Gllogocit, ku persona ende të panjohur kanë depërtuar në një shtëpi dhe kanë marrë armë, para dhe sende me vlerë.

Ngjarja ka ndodhur në intervalin kohor 31.12.2025 – 01.01.2026, nga ora 21:00 deri në 01:00, ndërsa rasti është raportuar më 01.01.2026 rreth orës 01:00.

Sipas deklarimit të pronarit të shtëpisë, S. B. nga objekti i tij janë vjedhur: një kasafortë në të cilën ndodheshin pesë (5) armë pistoleta me leje, 800 euro para të gatshme nga kasaforta, 700 euro para të tjera cash, stoli ari në vlerë rreth 1.500 euro, dy orë dore, si dhe DVR-ja e kamerave të sigurisë, çka vështirëson identifikimin e autorëve.   

Në vendin e ngjarjes kanë dalë njësitë policore, hetimet dhe krim-teknika, ndërsa për rastin janë njoftuar edhe hetimet rajonale. Me vendim të organeve kompetente, rasti është iniciuar si “Vjedhje e rëndë” dhe po trajtohet në koordinim të plotë mes njësive relevante.

Hetimet janë në vazhdim për identifikimin e të dyshuarve dhe zbardhjen e plotë të rastit.

Sinjali – aty ku e vërteta flet para lajmit!

/GazetaSinjali/

The post Ekskluzive | Vjedhje e rëndë në Komoran: Nga shtëpia zhduken armë me leje, para dhe stoli ari appeared first on Sinjali.

Një incident i rëndë ka ndodhur më 31 dhjetor 2025, rreth orës 11:00, në rrugën “Ibrahim Rugova” në fshatin Drobesh të komunës së Vitisë, ku pesë persona janë përfshirë në një rrahje të dhunshme, duke përdorur mjete të forta.

Burimet bëjnë të ditur se të dyshuarit Dibran Azemi, Shkodran Azemi, Enver Arifi, Arif Arifi dhe Sali Arifi janë përfshirë në përleshje fizike, ku janë përdorur shkopinj druri dhe shkopinj plastikë, me ç’rast të gjithë të përfshirët kanë pësuar lëndime trupore.

Sipas hetimeve fillestare, veprimet dhe mjetet e përdorura nga dy vëllezërit Dibran dhe Shkodran Azemi i inkriminojnë ata për veprën penale “Vrasje në tentativë”, ndërsa tre të dyshuarit nga familja Arifi dyshohet se me veprimet e tyre kanë kryer veprën penale “Lëndim i rëndë trupor”.

Të lënduarit kanë pranuar trajtim mjekësor, ndërsa njësitë policore kanë ndërhyrë për ta vënë situatën nën kontroll. Lidhur me rastin është njoftuar Prokurori i Shtetit, i cili ka urdhëruar ndalimin e të pesë të dyshuarve për 48 orë.

Hetimet për zbardhjen e plotë të rrethanave të këtij rasti po vazhdojnë.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Ekskluzive | Rrahje brutale në Drobesh të Vitisë, pesë të dyshuar përfundojnë në ndalim – dy vëllezër nën dyshimin për vrasje në tentativë appeared first on Sinjali.

Dy pjesëtarë të sigurimit fizik të qendrës tregtare ABI kanë përfunduar në ndalim policor për 48 orë, pasi dyshohen se janë përfshirë në sulmin fizik ndaj një kandidati për deputet dhe asambleist nga Vetëvendosje, i cili vetë e ka bërë publik rastin.

Ngjarja ka ndodhur brenda një qendre tregtare, ku sipas deklarimit publik të viktimës, pas një kontesti tërësisht të ligjshëm, disa persona, që dyshohet se janë pjesëtarë të sigurimit, kanë ushtruar dhunë fizike ndaj tij, duke e ndaluar në mënyrë të paligjshme për disa minuta.

Rasti është denoncuar menjëherë në Policinë e Kosovës, ndërsa pas veprimeve fillestare hetimore, dy të dyshuarit janë arrestuar dhe me urdhër të Prokurorit të Shtetit janë dërguar në ndalim 48-orësh.

Burime nga organet e hetuesisë bëjnë të ditur se rasti po trajtohet me seriozitet të lartë dhe se po hetohen të gjitha rrethanat e incidentit, përfshirë tejkalimin e autorizimeve nga ana e sigurimit fizik.

Hetimet janë në zhvillim, ndërsa priten edhe veprime të tjera procedurale nga prokuroria kompetente.

Sinjali – aty ku e vërteta flet para lajmit!

/GazetaSinjali/

The post Ekskluzive | Dy pjesëtarë të sigurimit të ABI Center ndalohen për 48 orë – sulmuan asambleistin e VV-së në Prizren appeared first on Sinjali.

Një dëm i konsiderueshëm financiar është shkaktuar në repartin e oftalmologjisë në Gjilan, ku 185 doza të barnës Avastin kanë rezultuar të papërdorshme për shkak të mosrespektimit të kushteve të ruajtjes.

Ngjarja është raportuar më 31 dhjetor 2025, rreth orës 09:00, kur është konstatuar se ampulat, të ruajtura në një frigorifer të repartit, janë ekspozuar në temperaturë rreth 20 gradë Celsius, shumë mbi normën e lejuar prej 2 deri në 8 gradë. Si pasojë, e gjithë sasia është dëmtuar, duke shkaktuar një humbje që llogaritet të jetë rreth 20 mijë euro.

Burime të besueshme nga strukturat e afërta me hetimin bëjnë të ditur se në vendin e ngjarjes ka dalë njësia e forenzikës për dokumentimin e provave, ndërsa janë marrë edhe deklarata zyrtare nga drejtoria e spitalit.

Lidhur me rastin është njoftuar Prokurorja kujdestare për krime të rënda, e cila ka kualifikuar veprën si “Keqpërdorim i detyrës zyrtare”. Me urdhër të saj, rasti është referuar për hetim të mëtejmë tek njësiti për hetime ekonomike, ku pritet të sqarohet përgjegjësia individuale dhe institucionale për këtë dështim.

Sinjali – aty ku e vërteta flet para lajmit!

/GazetaSinjali/

The post Ekskluzive | Dëm mbi 20 mijë euro në Spitalin e Gjilanit – dështim në ruajtjen e ampulave Avastin, nis hetimi për keqpërdorim detyre appeared first on Sinjali.

Një rast i rëndë dëmtimi të pasurisë është raportuar mëngjesin e sotëm në fshatin Korroticë e Epërme të Gllogocit, ku persona ende të paidentifikuar kanë hyrë me forcë në një objekt të kompanisë Iber Lepenc dhe kanë shkaktuar dëme të konsiderueshme materiale.

Burimet bëjnë me dije se rreth orës 09:30, ankuesi R. Sh. ka njoftuar Policinë se dera e objektit ishte hapur me forcë, ndërsa ishte dëmtuar rëndë trafoja elektrike që vë në funksion pompat e ujit.

Sipas deklarimit të ankuesit, dëmi i shkaktuar arrin vlerën rreth 15 mijë euro.

Në vendin e ngjarjes kanë dalë njësitë patrulluese, hetimet, forenzika si dhe njësia e hetimeve rajonale, të cilat kanë kryer ekzaminimin e lokacionit dhe kanë nisur veprimet hetimore për identifikimin e personave të dyshuar.

Rasti është cilësuar si “Vjedhje e rëndë”, ndërsa hetimet janë në zhvillim. Autoritetet nuk kanë dhënë ende detaje për të dyshuar konkretë.

Sinjali do t’ju mbajë të informuar për çdo zhvillim të ri lidhur me këtë rast.

Sinjali – aty ku e vërteta flet para lajmit!

/GazetaSinjali/

The post Ekskluzive | Dëmtohet me forcë objekti i Iber Lepencit në Gllogoc, shkatërrohet trafoja – dëmi rreth 15 mijë euro appeared first on Sinjali.

Numri i rasteve të dhunës në familje ka marrë përmasa shqetësuese në vendin tonë. Çdo ditë raportohen raste të ndryshme, ku përfshihen burra e gra, prindërit e fëmijët. Kështu ndodhi pasditen e së martës në fshatin Petrovë të Shtimes, ku një konflikt mes babait dhe djalit ka përfunduar me lëndime trupore dhe sekuestrim arme.

Ngjarja ka ndodhur dje, rreth orës 15:30, kur viktima, B.K., është paraqitur në Stacionin Policor në Shtime duke deklaruar se ishte sulmuar dhe kanosur nga babai i tij, T.K. Sipas deklarimit, i dyshuari kishte përdorur dhunë fizike dhe kërcënime, duke shkaktuar lëndime të lehta trupore ndaj djalit.

Viktimës i është ofruar trajtim mjekësor, ndërsa rasti është trajtuar në prani të punëtorit të Qendrës për Punë Sociale. Pas kësaj, njësia e hetimeve ka kontaktuar të dyshuarin, nga i cili është konfiskuar një pushkë gjuetie me katër fishekë.

I dyshuari është shoqëruar në Stacionin Policor Shtime dhe është intervistuar, ndërsa me vendim të Prokurorit Kujdestar të Prokurorisë Themelore në Ferizaj, S.T., ndaj tij është caktuar masa e ndalimit për 48 orë.

Rasti është iniciuar për veprat penale “Lëndim i lehtë trupor” dhe “Mbajtje në pronësi, kontroll ose posedim të paautorizuar të armëve”, ndërsa hetimet po vazhdojnë nga Sektori i Hetimeve në Shtime.

Sinjali – aty ku e vërteta flet para lajmit!

/GazetaSinjali/

The post Ekskluzive | Babai sulmon djalin dhe i kanoset me armë në Shtime, arrestohet për 48 orë appeared first on Sinjali.

Një ngjarje e rëndë është shënuar dje në bjeshkët e fshatit Restelicë, ku një burrë është gjetur pa shenja jete teksa ruante bagëtinë, raporton Gazeta Sinjali.

Burime nga terreni bëjnë të ditur se rreth orës 16:40 është pranuar informacion se Rahim Severi, rreth 70-vjeçar, ishte gjetur i pajetë nga vëllai i tij, S.S., në zonën malore të fshatit Restelicë.

Sipas deklarimeve fillestare, viktima ishte gjetur i shtrirë pranë një zjarri ku dyshohet se ishte duke u ngrohur. Pas konstatimit të gjendjes pa shenja jete, familjarët janë njoftuar dhe trupi i pajetë është bartur në shtëpinë e familjes.

Në vend kanë dalë njësitë policore, hetuesia, forenzika si dhe mjeku kujdestar, i cili ka konstatuar vdekjen. Pas veprimeve të para hetimore, Prokurori i Shtetit ka urdhëruar që rasti të iniciohet si “Hetim i vdekjes”, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Rrethanat e sakta të vdekjes mbeten ende të paqarta, ndërsa hetimet po vazhdojnë. Gazeta Sinjali do t’ju mbajë të informuar për çdo zhvillim të ri lidhur me këtë rast.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është personi që u gjet pa shenja jete në bjeshkën e Restelicës appeared first on Sinjali.

Një veturë luksoze, targa zvicerane dhe një armë pa leje – këto janë elementet e një rasti që ka përfunduar me ndërhyrje policore në Gjilan, mëson Sinjali.

Ngjarja ka ndodhur mbrëmjen e djeshme, rreth orës 21:55, në rrugën “Avdulla Tahiri”, ku njësiti patrullues i Policisë së Kosovës ka ndaluar një Mercedes-Benz AMG G63 me targa zvicerane, të cilin po e drejtonte Mirsan Ajeti, rreth 26-vjeçar.

Gjatë kontrollit të përkohshëm për siguri, zyrtarët policorë kanë gjetur në automjet një pistoletë TT, kalibër 7.62 mm, modeli M57, së bashku me pesë fishekë, të cilat i dyshuari i posedonte pa leje.

Arma është sekuestruar dhe do t’i nënshtrohet ekzaminimit balistik, ndërsa lidhur me rastin është njoftuar Prokurori i Shtetit, i cili ka urdhëruar që procedura të vazhdojë në rrugë të rregullt.

Rasti është iniciuar për veprën penale “Mbajtje në pronësi, kontroll ose posedim të paautorizuar të armëve”, ndërsa hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post AMG, targa zvicerane dhe TT pa leje: Arrestim në mes të Gjilanit appeared first on Sinjali.

Një ngjarje e rëndë ka tronditur Pejën pasditen e 30 dhjetorit 2025, ku dy persona janë gjetur pa shenja jete brenda një vile në rrugën e KFOR-it.

Gazeta Sinjali mëson se vajza që u gjet e pajetë është Makfirete Bytyqi, rreth 29-vjeçare, e cila ndodhej në të njëjtin objekt me Endrit Laiqin, rreth 23-vjeçar. Trupat e tyre janë gjetur në ambientet e quajtura “Villat 03”, pasi menaxheri i objektit ka dyshuar se të njëjtit nuk po reagonin.

E trishtë: Ky është njëri nga viktimat që u gjet pa shenja jete në një vilë në Pejë

Sipas informatave zyrtare, rreth orës 15:10, menaxheri i villave ka njoftuar policinë, pasi që kishte vërejtur dy personat në dhomë dhe kishte dyshuar se janë pa shenja jete. Patrulla policore ka dalë menjëherë në vendngjarje dhe ka njoftuar ekipin e emergjencës, të cilët kanë konstatuar vdekjen e të dy personave.

Në vendin e ngjarjes kanë dalë edhe strukturat më të larta policore në rajonin e Pejës, përfshirë zv.drejtorin rajonal, shefin e hetimeve rajonale, komandantin e stacionit policor, si dhe prokurorin e Krimeve të Rënda. Vendi i ngjarjes është ekzaminuar nga hetuesit dhe forenzika.

Në orën 18:40, Mjekësia Ligjore ka bërë tërheqjen e trupave për obduksion, me urdhër të prokurorit kompetent.

Shkaqet e vdekjes për momentin mbeten të panjohura, ndërsa hetimet janë në vazhdim për sqarimin e plotë të rrethanave të këtij rasti.

Gazeta Sinjali do t’ju mbajë të informuar për çdo zhvillim të ri.

Detaje nga rasti tragjik në Pejë: Të rinjtë kishin hyrë në vilë që nga mbrëmja e djeshme, prej asaj kohe s’ishte dëgjuar asnjë zë nga brenda

Konfirmohet raportimi i Sinjalit: Dy persona gjenden pa shenja jete në një vilë në Pejë

Rasti tragjik i vdekjes së dy personave në një vilë në Pejë, Prokuroria: Janë identifikuar dëshmitarë e gjetur prova

Sinjali – aty ku e vërteta flet para lajmit!

/GazetaSinjali/

The post Ekskluzive | Kjo është vajza që u gjet e vdekur bashkë me Endrit Laiqin në vilë në Pejë appeared first on Sinjali.

Gazeta Sinjali ka mësuar detaje të reja lidhur me rastin e vrasjes në tentativë të ndodhur më 27 dhjetor 2025, rreth orës 22:30, në sheshin “Ibrahim Rugova” në Prishtinë, ku janë përfshirë të mitur.

Burimet e afërta me hetimin bëjnë të ditur se, pas veprimeve intensive hetimore të ndërmarra nga NJHP, më 29 dhjetor është identifikuar dhe shoqëruar në Polici i mituri O.B. (2011), i cili është intervistuar në prani të avokatit mbrojtës dhe zyrtarit të QPS-së.

Pas intervistimit dhe konsultimit me Prokuroren kujdestare për të mitur, ndaj O.B. është iniciuar vepra penale “Mbajtje në pronësi, kontroll ose posedim të paautorizuar të armës”, ndërsa i njëjti është liruar në procedurë të rregullt.

Në kuadër të hetimeve, policia ka identifikuar edhe një të mitur tjetër, E.B., i cili nuk është gjetur në adresën e tij të banimit. Për të njëjtin është lënë fletëthirrje. Po ashtu, hetuesit janë në kërkim edhe të një të mituri të tretë, D.B., për të cilin po mblidhen informacione lidhur me vendndodhjen.

Rasti vazhdon të trajtohet si “Vrasje në tentativë”, ndërsa hetimet janë në zhvillim për zbardhjen e plotë të rrethanave dhe përgjegjësive penale. Sinjali do t’ju mbajë të informuar për çdo zhvillim të ri.

Sinjali – aty ku e vërteta flet para lajmit!

/GazetaSinjali/

The post Ekskluzive | Detaje të reja për tentim-vrasjen në sheshin “Ibrahim Rugova”: i mituri shoqërohet në Polici, armë pa leje dhe një tjetër në kërkim appeared first on Sinjali.

Një aksident i rëndë komunikacioni me pasoja fatale ka ndodhur në orët e hershme të mëngjesit të 30 dhjetorit 2025 në Bresje të Fushë Kosovës.

Burime të sigurta bëjnë me dije se viktima e këtij aksidenti është Ekrem Gashi, rreth 67 vjeç, banor i Fushë Kosovës, i cili ka humbur jetën pasi është goditur nga një kamion i tipit Mercedes-Benz.

Ngjarja ka ndodhur rreth orës 05:00, në semaforët e fshatit Bresje, në aksin rrugor Fushë Kosovë–Pejë. Automjeti është drejtuar nga Rr. R, i cili pas aksidentit është ndalur në vendin e ngjarjes.

Në vendin e ngjarjes kanë dalë njësitet policore dhe hetimet e trafikut, ndërsa me urdhër të Prokurorit trupi i pajetë i viktimës është dërguar për procedura të mëtejme.

Hetimet për zbardhjen e plotë të rrethanave të aksidentit janë në vazhdim.

Sinjali do t’ju mbajë të informuar për çdo zhvillim të ri.

Aksidenti me të vdekur në Bresje të Fushë Kosovës, Policia zbardhë detajet e fundit për rastin tragjik

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është viktima e aksidentit fatal në Fushë Kosovë appeared first on Sinjali.