Debati mes Brikenës dhe Mateos ka marrë vëmendje të madhe, pasi të dy kanë dhënë versione të ndryshme për situatën mes tyre dhe për mënyrën se si është trajtuar kjo histori publikisht. Brikena u shpreh e revoltuar, duke theksuar se emri i saj dhe i familjes së saj po përdoren për lojë dhe se ajo nuk pranon që detaje personale të përmenden për strategji apo vëmendje.

“Ky ka thënë që do e mbyllë, po vazhdon dhe jep detaje e përdor për lojë. Unë me Mateon s’do kem asgjë, familjen time nuk e lejon me e ecek njeri, nëse ai do me përmendë atë takim e përmend detaje për lojë, ai do me përdor për lojë. Mua s’më ndalon as familja ime nëse dua me qenë me atë person. Nuk ka pas vazhdimësi se nuk kam pas përputhje, unë e kam thënë të vërtetën time. Ai thotë ka pas puthje, ajo gjë nuk më intereson. E kam dit shumë mirë që i hap detaje, kam prit, tash e vërtetoi se donte me i përdor për lojë. Kurrë mo mos e përmend familjen tem, hera e parë dhe e fundit…”

Nga ana tjetër, Mateo reagoi duke sqaruar se qëllimi i tij ka qenë vetëm të qartësojë publikun dhe jo të krijojë polemika apo të përfitojë nga situata.

“Sqarimi ishte për publikun, nuk kam ardhur këtu të vërtetoj, jam shprehur se kërkoj falje për personat që kam përmendur, nuk ka ndodhur diçka e jashtëzakonshme. As po cenoj, as po provokoj, as s’po e bëj ndonjëherë. Nëse do e bëja për lojë do i kisha shkuar nga pas. Kjo vajzë ka të drejtën e vet të reagojë si të dojë.”

The post “Mos e përmend më familjen time”/ Brikena shpërthen ndaj Mateos pasi shikon deklaratën e tij appeared first on iconstyle.al.

Monika Kryemadhi ka reaguar ashpër ndaj sjelljes së Rogertit, duke e akuzuar për gjuhë fyese, mungesë respekti dhe tentativa për manipulim të situatave brenda shtëpisë. Gjatë fjalës së saj, Kryemadhi theksoi se Rogerti nuk mund të justifikojë deklaratat dhe qëndrimet e tij duke u fshehur pas izolimit të banorëve, ndërsa vuri theksin te mënyra se si ai është drejtuar ndaj vajzave dhe djemve të shtëpisë, duke e konsideruar këtë sjellje të papranueshme dhe denigruese.

“Ti mund ti marres per budallenj ata brenda, po neve nuk na ben dot per budallenj. Kush je ti qe hyn aty dhe merresh me ndershmerine e vajzave, u ke mbajtur pishtarin? Kush je ti qe shan cunat e shtepise? Kush je ti qe i tha Selines ashtu, a te sheh gruaja jote si flet. Atehere duhet pare gruaja jote se mund te jetoje ne dhune psikologjike dhe verbale sesi sillesh ti. Ti Rogert nuk mund te hysh me skeme nga jashte, nuk mund te perfitosh per izolimin qe ata kane pasur, duke perdorur ate gjuhe, Une jam veriore vete, nuk i nderon ti ata. Eshte nje skeme e shemtuar. Nuk duron dot njeri te nena.”

Rogerti ka hedhur një akuzë të drejtpërdrejtë në drejtim të opinionistes, duke vënë në dyshim paanshmërinë e saj dhe duke sugjeruar se ajo mund të ketë një lidhje personale me Mirin.

“Ke që në fillim që mbron Mirin, mos ndoshta e njeh Mirin? Na thuaj lidhjen me Mirin?”

The post “Nuk na bën dot për budallenj”/ Monika Kryemadhi shpërthen ashpër ndaj Rogertit, banori: Pse e mbron Mirin? appeared first on iconstyle.al.

Hyrja e Rogertit në shtëpi ka trazuar shtëpinë e Big Brother VIP, duke krijuar debate dhe përplasje të ashpra me pjesën tjetër të banorëve.

Gjatë debatit të tij me Selin, ai i tha: “Të ishe ti motra ime, unë s’të fusja në shtëpi”, ndërsa Mirit iu drejtua me: “Ti je pro incestit”.

Në Prime-n e kësaj të shtune, ky debat u përcoll kështu:

Selin: Nuk jam dakord me qasjen e Gertit (Rogerti) në këtë lojë. Ka hyrë me këmbët e para. Që te darka, ku ne i kemi lënë disa gjëra që kur ushqehemi nuk ngacmojmë. E nisi që te darka pas Prime. Etiketoi dy vajza, njërën si dashnoren e Mirit, tjetrën s’po e them. Aty pata një shpërthim, Gerti më kërkoi falje dhe nuk ia pranova. Këtë e ka bërë me çdo vajzë, i ka quajtur të pandershme. Mirin e cilësoi si një shfrytëzues gra. Mënyra se si Gerti po qaset në këtë lojë është totalisht e gabuar. Unë jam zbutur, kam mbajtur një qëndrim jo shumë të afërt, por as shumë inat për gjërat që ka bërë, sepse jam munduar ta analizoj.

Miri: Unë nuk di si ta filloj këtë situatë që ju e patë me këtë personi, i cili është një njeri i ndyrë, i pisët, i paskrupull, që përdor fjalën incest. Unë kam një grua të mrekullueshme, një vajzë që e dua fort dhe unë nuk bëj incest në familjen time. Turp të të vijë. Këtë po prisja. Maskara burrë. I poshtër. Jashtë të dalësh me vrap. Këtë vajzën këtu e kam trajtuar si vajzën time. Nuk e kam vajzën biologjike. Vajzën biologjike e kam në shtëpi dhe nuk bëj incest. Turp! Maskara!

Rogerti: Të gjitha këto kanë një histori. Fjalën incest, ai e ka thënë vetë. Ka thënë që është pro incestit.

Miri: Po kësaj vajze çfarë do i bëj në krevat? Ti je i ndyrë!

Rogerti: Unë flas me fjalët e tua. Ti që e ke problem, vazhdo e protesto. Është video që do dalë shumë shpejtë dhe janë fjalët e tua.

Miri: I poshtër! Ik mor, maskara. Duhet të kishe dalë nga shtëpia. Duhet të kishe dalë vetë.

Rogerti: Rri urtë! Rri urtë! Ajo ngjarje ka ndodhur dhe publiku e ka parë. Janë fjalët e Mirit. Unë nuk akuzoj askënd.

Miri: Më akuzove se the: ‘Je pro incestit’.

Rogerti: Unë kisha punë vetëm me Kristin sepse s’më pëlqen loja e tij, unë po grindesha me Kristin dhe u fut Selin. Më pas u fut edhe Miri, sepse do e mbrojë. Nëse Miri thotë që e ka Selin si vajzën e vetë, e ka gabim sepse ky e përkëdhel Selinin dhe tani nuk flenë më bashkë. Brikenës i kam thënë: ‘Mos na bëj si e ndershme’. Këto gjëra janë vetëm për show dhe unë nuk i pranoj. Nuk e ka prekur njeri në seksualitet./TopChannel

The post “Të ishe ti motra ime, unë s’të pranoja në shtëpi”/ Deklaratat e Rogertit, i drejtohet Mirit: Ti je pro incestit appeared first on iconstyle.al.

Opinionisti i Big Brother VIP Albania, Arbër Hajdari ka reaguar ashpër ndaj deklaratave dhe sjelljes së Rogertit, banorit e te ri te reality show, duke e kritikuar për mungesë respekti, morali dhe kufijsh në komunikim, veçanërisht ndaj vajzave te shtepise, ndaj te cilave ai iu eshte drejtuar me shume fyerje.

Gjatë fjalës së tij, Arbri u shpreh se mënyra se si Rogerti është futur në diskutime dhe në raport me banorët e tjerë tregon mungesë pjekurie dhe vetëkontrolli, duke e akuzuar se flet pa menduar dhe se tenton të manipulojë situatat.

“Ke hyrë si tollumbac. Ti nuk di asnjë lloj kufiri që të mbash, morali. Hyrja jote në këtë mënyrë, tregon që ke probleme në të menduar, nuk mendon, flet pa menduar, hedh fjalë kudo, pa parë a preket njeri a nuk preket njeri. Do doja të mos tentojë të bëjë manipulatorin, ke kaluar disa kufinj. Kush je ti që i thua një vajze që ti do burra me lek.”- tha Arbri.

Deklarata e fortë e opinionistit ka shkaktuar reagime të shumta në rrjet, ku ndjekësit janë ndarë mes atyre që e mbështesin qëndrimin e tij dhe atyre që e shohin përplasjen si një nga momentet më të tensionuara të debatit.

The post “Ke hyrë si tollumbac…”/ Shpërthen Arbër Hajdari ndaj Rogertit: Ke probleme në të menduar appeared first on iconstyle.al.

Një pinguin i vetëm, që largohet nga kolonia e tij dhe ecën drejt brendësisë së akullt të Antarktidës, ka pushtuar së fundmi internetin, duke u shndërruar në atë që tashmë njihet si “Pinguini Nihilist”. Videoja virale, e cila tregon pinguinin duke u shkëputur nga grupi dhe duke u nisur drejt maleve të largëta, është interpretuar nga përdoruesit e rrjeteve sociale si një metaforë e fortë e vetmisë, krizës ekzistenciale dhe rebelimit të heshtur.

Fillimisht, klipi u shoqërua me shaka dhe meme që e përshkruanin pinguinin si “të lodhur nga gjithçka”, një figurë që refuzon turmën dhe ecën i vetëm drejt një fati të panjohur. Ky imazh preku ndjeshmërinë e shumë njerëzve online, të cilët e panë veten te ky pinguin “i dorëzuar, por krenar”, duke e kthyer atë në një simbol të ndjenjave të izolimit dhe sfidës së brendshme.

 

View this post on Instagram

 

A post shared by KIDDAAN | Vlueprints | (@kiddaan)

Origjina e “Pinguinit Nihilist”

Pamjet ikonike vijnë nga dokumentari i vitit 2007 i regjisorit gjerman Werner Herzog, “Takime në Fundin e Botës”. Në film, Herzog përshkruan sjelljen e pazakontë të një pinguini Adélie, i cili, pa ndonjë arsye të dukshme, largohet nga kolonia dhe nis të ecë drejt brendësisë së kontinentit, një drejtim që në kushte reale do ta çonte drejt vdekjes së sigurt.

Vite më vonë, kjo skenë u rishfaq në internet dhe u reinterpretua në mënyrë simbolike, duke u kthyer në meme. Përdoruesit projektuan mbi pinguinin emocione njerëzore, duke e parë si figurë të vetmisë, kërkimit të kuptimit dhe një lloj rezistence të heshtur ndaj “rrjedhës së zakonshme”.

Pse prek kaq shumë njerëz?

Ndryshe nga meme-t e zakonshme me kafshë, “Pinguini Nihilist” mbart një ngarkesë të fortë emocionale. Ai është përshkruar si “ekzistencial”, “i dhimbshëm njerëzor” dhe “tronditësisht i afërt”. Në platforma si X, Instagram dhe Reddit, përdoruesit e kanë përdorur figurën e tij për të shprehur lodhje, zhgënjim, shkëputje dhe nevojën për të ecur i vetëm, edhe kur rruga duket e pashpresë.

Përfshirja e Shtëpisë së Bardhë dhe polemika

Memeja mori edhe një dimension politik pasi llogaria zyrtare e Shtëpisë së Bardhë publikoi një imazh të gjeneruar nga inteligjenca artificiale, ku ish-presidenti amerikan Donald Trump shfaqej duke ecur pranë një pinguini që mbante flamurin e SHBA-së, me një flamur të Groenlandës në sfond dhe mbishkrimin “Përqafo pinguinin”.

Postimi u prit me kritika, pasi përdoruesit vunë në dukje gabime faktike, pinguinët nuk jetojnë në Arktik apo pranë Groenlandës si edhe e lidhën simbolikisht me deklaratat e mëparshme të Trump për marrjen e kontrollit të këtij territori danez, të cilat kishin shkaktuar tensione diplomatike.

Kështu, nga një skenë dokumentari e vitit 2007, “Pinguini Nihilist” është shndërruar në një simbol global të ndjenjave ekzistenciale, duke kaluar nga humori i errët në reflektim filozofik dhe, së fundmi, edhe në debat politik.

 

View this post on Instagram

 

A post shared by Flagster (@flagster.in)

The post Pse ‘marshimi i vdekjes’ i një pinguini po bëhet viral? Çfarë domethënie ka ‘Pinguini Nihilist’ që e ka bërë internetin të mendojë shumë për jetën appeared first on iconstyle.al.

Ronela Hajati ka rikthyer sërish vëmendjen e mediave rozë, këtë herë jo për një projekt të ri muzikor, por për zhvillimet në jetën e saj personale.

Disa muaj më parë, këngëtarja surprizoi ndjekësit duke bërë publike lidhjen e saj të dashurisë përmes postimeve romantike në rrjetet sociale. Foto dhe video krah partnerit, momente intime dhe mesazhe plot emocion u pritën me shumë entuziazëm nga fansat, të cilët e përgëzuan për lumturinë dhe nisjen e këtij kapitulli të ri në jetën e saj.

Megjithatë, së fundmi, një veprim i papritur ka ngritur dyshime. Ronela ka fshirë nga profili i saj të gjitha postimet ku shfaqej me partnerin, duke lënë vetëm përmbajtje profesionale dhe personale. Ky detaj nuk ka kaluar pa u vënë re nga ndjekësit, të cilët menjëherë kanë nisur të aludojnë për një krisje në marrëdhënie apo për një ndarje të mundshme.

Komentet dhe pyetjet në rrjetet sociale janë shtuar, ndërsa fansat po përpiqen të kuptojnë se çfarë fshihet pas këtij vendimi. A bëhet fjalë për një periudhë reflektimi, për dëshirën për të ruajtur privatësinë, apo për fundin e një historie dashurie?

Deri më tani, Ronela ka zgjedhur të mos reagojë publikisht dhe të ruajë heshtjen, duke e lënë situatën të hapur për interpretime dhe duke shtuar edhe më shumë kureshtjen e publikut.

The post Lamtumirë dashurisë? Veprimi i fundit i Ronela Hajatit ndez dyshimet për ndarje appeared first on iconstyle.al.

Ish-banori i “Big Brother VIP 5”, Seno Fishta, ishte diten e sotme i ftuar në emisionin “S’e Luan Topi”, ku rrëfeu një nga periudhat më të vështira të jetës së tij, atë të emigrimit dhe azilit në Francë. Ai tregoi se sfida më e madhe nuk ishte mungesa e strehimit, por dokumentacioni dhe pritja e gjatë për leje qëndrimi. Për gjashtë muaj me radhë, Seno dhe partnerja e tij, Edra, jetuan në një kamp refugjatësh, në çadra, së bashku me rreth një mijë persona të tjerë, mes tyre edhe shumë gra shtatzëna.

Seno përshkroi edhe jetën në kamp, ku mungesa e energjisë elektrike i detyroi banorët të improvizonin, madje duke marrë rrymë nga ndriçimi i rrugës për të përdorur furrnela, gjithmonë me frikën se mos përfundonin në telashe me autoritetet.

Pjesë nga intervista:

Kur filluan vështirësitë?

Problemet ishin, gjithmonë vinin për arsye letre. Kur nuk ke letra, nuk ke identitet, nuk mund të gjeje një shtëpi, një punë stabël.

Pastaj lindi vajza?

Një ditë pasi lindi vajza, kam qëndruar për një periudhë të gjatë larg familjes.

Pse? Çfarë ndodhi?

Hyra në një gabim, në një mesele që më ndaluan në Zvicër. Një hetim në lidhje me narkotrafikët, u përfshiva përmes disa mesazheve, me disa njohja që kisha.

Dyshoheshe se ishe pjesë e një grupi që që trafikonte lëndë narkotike, drogë?

Po, edhe u arrestova. Më thanë të shkoja, e thosha jo se kam nusen në spital. Doja me shit makinën dhe të rrija për qejf, por shkova. Lashë Edrën në spital me vajzën 1-ditëshe dhe e gjeta 32 muajshe. Edra ka bërë një sakrificë të madhe.

Ka ardhur të takojë ty në paraburgim? Qëndrove atje 32 muaj?

Po. Dua të gjykoj veten, pa patur nevojë duke u marrë me njerëz të gabuar që të kushtojnë shumë.

Ishte fati jot, pra ti nuk pate përfshirje në këtë grup apo shoqëri e gabuar?

Nuk dua të dal si më i ndershmi dhe të justifikoj veten. Ndodhi si ndodhi, por ato veset dhe nevoja për financa të bën ndonjëherë të përfshihesh.

Ndihesh fajtore karshi vajzës? Ti e gjete gati 3 vjeçe

Ndihem shumë fajtor karshi vajzës, djalit dhe Edrës. Vajza nuk më njihte, nuk më rrinte në prehër. E mora kur ishte në gjumë, ku u zgjua tha jo jo.

U mërzite?

U mërzita shumë¸ po e di se më donte dhe më do. Ka patur një rast kur i ka thënë të ëmës ‘kam frikë se dua babin më shumë se ti’.

The post “Një ditë pas lindjes së vajzës më vunë prangat…”/ Rrëfimi tronditës i Seno Fishtës appeared first on iconstyle.al.

Banorja e Big Brother VIP Kosova, Alba, ka treguar anën më emocionale të saj pas spektaklit “Prime”, duke shprehur hapur ndjenjat dhe frikën për mundësinë e humbjes së Limit. Gjatë një bisede të qetë me Arditin, Alba u shpreh se ndihet e pasigurt dhe e lënduar nga ideja që Limi mund të zgjedhë dikë tjetër, duke reflektuar shqetësimin dhe pasiguritë e brendshme që po përjeton brenda shtëpisë.

“Në rast se zgjedh dikë tjetër dhe jo mua, prej tani e di peshën e asaj që po ndodh, realisht brenda vetes time kam frikë ta humb”, tha Alba, duke treguar qartë sa e ndjeshme ndihet për raportin e saj me Limit. Fjalët e saj kanë pasqyruar një moment të sinqertë emocional, i cili tregon se lidhjet brenda shtëpisë janë më komplekse se sa duket në ekran.

Ky rrëfim ka ngjallur reagime të shumta te publiku, i cili po ndjek me vëmendje çdo zhvillim mes Albes dhe Limit. Disa ndjekës e kanë vlerësuar si një shprehje autentike të ndjenjave të saj, ndërsa të tjerë presin të shohin se si do të reagojë Limi dhe çfarë ndikimi do të ketë kjo në marrëdhënien e tyre në ditët në vijim.

Ekspertët e reality show-ve dhe ndjekësit e vëmendshëm po monitorojnë me kujdes çdo lëvizje të çiftit, duke e konsideruar këtë situatë si një moment kyç që mund të përcaktojë dinamika të reja brenda lojës. Mbetet për t’u parë nëse rrëfimi emocional i Albes do të ndikojë në vendimet e ardhshme të Limit dhe në balancat e lojës brenda shtëpisë.

The post Edhe pas ndarjes, Alba s’ndalet: Kam frikë ta humb Limin! appeared first on iconstyle.al.

Filmi “Sinners” ka bërë histori duke fituar 16 nominime për çmimin Oscar, duke tërhequr vëmendjen e kritikëve dhe publikut njësoj. Kjo dramë horror e vitit 2025 me regji të Ryan Coogler, i njohur për sukseset si “Black Panther” dhe “Creed”, po konsiderohet nga disa si filmi më i rëndësishëm kulturor i vitit.

Ngjarjet zhvillohen në Misisipi të vitit 1930, ku vëllezërit binjakë, të luajtur nga Michael B. Jordan, përpiqen të fillojnë një jetë të re pas viteve në Çikago duke hapur një restorant të muzikës dhe komunitetit. Por planet e tyre përballen shpejt me racizëm të dhunshëm dhe kërcënime mbinatyrore. Përmes spirales së dhunës, misticizmit dhe elementëve vampirikë, filmi ndërthur horrorin, dramën dhe muzikën blues, duke sjellë në ekran luftën për autonomi dhe simbolet kulturore afrikano-amerikane.

Kritikët e kanë përshkruar filmin si një histori hibride të guximshme dhe një zgjerim të zhanrit horror përtej pritshmërive tradicionale. Shumë media theksuan vizionin e regjisorit, kinematografinë dhe rolin e muzikës si element kyç narrativ. The Guardian e quajti “Sinners” një nga filmat më të rëndësishëm kulturor të vitit 2025.

Publiku gjithashtu ka reaguar pozitivisht, me një CinemaScore “A”, një vlerësim i rrallë për një titull horror.

Në përgjithësi, “Sinners” konsiderohet një nga veprat më ambicioze të karrierës së Coogler, ndërsa Michael B. Jordan përsëri dëshmon talentin e tij si aktor i fuqishëm dhe i plotë në ekran.

The post Pse ‘Sinners’ po trondit kritikët dhe publikun këtë vit? appeared first on iconstyle.al.

Këngëtarja shqiptare me famë botërore, Rita Ora, ka emocionuar ndjekësit e saj në rrjetet sociale duke ndarë publikisht dashurinë dhe mirënjohjen që ndjen për gjyshen e saj, Besë Sahatçiu. Përmes një storie në Instagram, artistja tregoi se ndihet e bekuar që e ka ende pranë gjyshen dhe theksoi se pavarësisht angazhimeve të shumta profesionale, lidhja emocionale me familjen mbetet gjithmonë prioritet.

Rita falënderoi edhe motrën e saj, Elenën, e cila i ka dërguar një video të gjyshes, duke i rikujtuar momentet e çmuara familjare që shpesh i mungojnë për shkak të karrierës së saj intensive. Në mesazhin e saj, këngëtarja shkroi:

“Të dua, gjyshe. Je aq e lezetshme dhe e mirë, më bën gjithmonë të qesh. Jam shumë mirënjohëse që të kam ende dhe që i dëgjoj të gjitha historitë e tua. Faleminderit motrës që ma dërgoi këtë video. Më mungojnë vërtet shumë momente familjare, por jam me fat që i kam këto kujtime dhe kohën që ende e ndajmë bashkë. Jam shumë mirënjohëse për këtë. Vlerësoni njerëzit tuaj të dashur, derisa janë ende gjallë.”

Rita Ora, përmes këtij mesazhi, ka arritur të përçojë jo vetëm dashurinë për gjyshen e saj, por edhe një mesazh universal për të gjithë ndjekësit: të çmojnë njerëzit e tyre të dashur derisa janë ende pranë tyre.

The post Rita Ora emocionon me fjalët për gjyshen: Vlerësoni njerëzit tuaj të dashur, derisa janë ende gjallë appeared first on iconstyle.al.

Klubi i Futbollit Tirana është tronditur nga një humbje tragjike. Vajza e futbollistit Freddy Alvarez ka ndërruar jetë në orët e para të mëngjesit të sotëm në kryeqytet, duke lënë familjen dhe bashkëpunëtorët e lojtarit në një moment të vështirë dhe të dhimbshëm.

Në një komunikatë zyrtare, KF Tirana shpreh dhimbjen e thellë dhe solidaritetin me mesfushorin nga Costa Rica dhe familjen e tij:

“Me dhimbje të thellë ndajmë lajmin se vajza e lojtarit tonë, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë. I gjithë klubi ynë është i tronditur dhe në zi, duke qëndruar pranë Freddyt dhe familjes së tij në këtë moment të rëndë. Ngushëllimet tona më të sinqerta janë me familjen Alvarez. U prehtë në paqe.”

KF Tirana njofton gjithashtu se nuk ka ende informacione mbi shkaqet e ngjarjes tragjike. Humbja ka tronditur komunitetin bardheblu, teksa klubi përpiqet të mbështesë lojtarin dhe familjen në këto orë të vështira.

Sot, klubi ka programuar ndeshjen kundër Flamurtarit në orën 13:30, megjithatë nuk është e qartë nëse dueli do të zhvillohet sipas kalendarit, duke marrë parasysh situatën emocionale dhe tragjedinë që ka prekur skuadrën.

Freddy Alvarez, 30 vjeç, u bashkua me KF Tiranën gjatë merkatos së janarit dhe është aktivizuar për tre ndeshje, duke përfshirë takime në Superligë dhe Kupën e Shqipërisë. Klubi dhe tifozët bardheblu janë solidarizuar me lojtarin, duke i shprehur ngushëllimet më të sinqerta dhe duke qëndruar pranë tij dhe familjes në këtë moment dhimbjeje të madhe.

The post Tronditje te KF Tirana: Ndërron jetë tragjikisht vajza e futbollistit të njohur! appeared first on iconstyle.al.

Vendimi i Limit dhe Dolces për të marrë një hap prapa në marrëdhënien e tyre brenda shtëpisë së Big Brother VIP Kosova ka surprizuar publikun gjatë spektaklit “Prime” të së premtes. Çifti ka deklaruar se ky vendim erdhi si pasojë e presionit të vazhdueshëm nga Alba, ish e dashura e Limit në një format tjetër televiziv, e cila ka treguar xhelozi ndaj afrimit të tyre. Tensioni mes banorëve është rritur dukshëm, duke sjellë akuza dhe përplasje të shumta gjatë ditëve të fundit dhe duke ndikuar drejtpërdrejt në dinamikën e marrëdhënieve brenda shtëpisë.

Vendimi i çiftit është komentuar gjerësisht jo vetëm nga banorët, por edhe nga publiku jashtë shtëpisë, i cili ka ndjekur me interes çdo lëvizje të Limit dhe Dolces. Të shumtë ishin ata që shprehën kuriozitet për pasojat që ky hap mund të ketë në lojën e përditshme dhe në strategjitë që ndjekin banorët e tjerë.

Në këtë kontekst ka reaguar edhe ish-banori Edit, i cili gjatë qëndrimit të tij në BBVK kishte pasur një lidhje me Dolcen. Ai publikoi në InstaStory një video-selfie nga vetura, shoqëruar me mbishkrimin “little bitch (bushtra e vogël)”, frazë që u interpretua si një thumb i drejtpërdrejtë ndaj Dolces. Ky reagim ka shkaktuar debat të gjerë në rrjetet sociale, duke nxitur kritika për përdorimin e një termi ofendues dhe të panevojshëm. Një pjesë e ndjekësve e kanë konsideruar këtë sjellje të papërshtatshme, pavarësisht situatës brenda shtëpisë dhe tensionit mes banorëve.

The post Limi dhe Dolce tërhiqen në BBVK, Edi thumbon banoren me fjalë ofenduese appeared first on iconstyle.al.

Dita e shtunë pritet të sjellë kushte atmosferike të paqëndrueshme në të gjithë vendin. Moti do të jetë me vranësira mesatare deri të dendura, duke krijuar një ditë të pasigurt për aktivitetet jashtë.

Reshjet e shiut do të fillojnë që në orët e mëngjesit përgjatë vijës bregdetare, me intensitet të ulët, duke mos krijuar pengesa të mëdha për qytetarët. Pas mesditës, shiu do të përhapet në pjesën më të madhe të vendit, kryesisht me intensitet të ulët, por në disa zona të veriperëndimit dhe lokalisht në jugperëndim, reshjet mund të jenë më të forta dhe të shoqëruara me shtrëngata afatshkurtra.

Në zonat malore të Alpeve dhe në pjesën verilindore-lindore, mbi lartësinë 800-900 metra, priten reshje bore të lehta, duke krijuar një peizazh të bardhë në majat e larta.

Era do të fryjë kryesisht nga verilindja dhe juglindja, me shpejtësi mesatare rreth 8 m/s. Në vijën bregdetare dhe zonat luginore, era do të arrijë shpejtësi deri në 16 m/s, duke krijuar kushte të vështira për lundrim dhe aktivitete të hapura.

Në det, valëzimi do të jetë 4-5 ballë, prandaj vlen kujdes për lundruesit dhe aktivitetet bregdetare.

Meteorologët këshillojnë qytetarët të jenë të kujdesshëm, të planifikojnë lëvizjet dhe aktivitetet jashtë, dhe të kenë veshje të përshtatshme për reshje dhe erë. Përveç kësaj, në zonat malore është e nevojshme të tregohen kujdes të shtuar për mundësinë e rrëshqitjes së borës dhe kushteve të vështira rrugore.

The post Moti i paqëndrueshëm këtë të shtunë: shi, shtrëngata dhe borë në zonat malore! appeared first on iconstyle.al.

Roli i kapitenit të javës në Big Brother VIP Kosova ka sjellë edhe këtë herë zhvillime të forta brenda shtëpisë, ku Limi, falë avantazhit të fituar, ka arritur të ndikojë drejtpërdrejt në rrjedhën e lojës dhe raportet mes banorëve. Vendimet e tij jo vetëm që ndryshuan balancat, por gjithashtu ndezën diskutime të shumta mes publikut dhe brenda shtëpisë.

Si pjesë e privilegjit të kapitenit, Limit iu dha e drejta që t’u hiqte nga një biletë kthimi pesë banorëve, duke i lënë ata pa mundësi rikthimi në rast eliminimi. Ai vendosi t’ua marrë këtë avantazh Londrimit, Ludos, Klodit, Labinotit dhe Benitës. Ky veprim u pa nga disa si strategjik, ndërsa nga të tjerë si i rrezikshëm, duke pasur parasysh pasojat që mund të sjellë në vazhdim.

Por loja mori një kthesë të papritur kur Limi u përball me një tjetër zgjedhje vendimtare. Atij iu dha mundësia që pesë biletat e marra t’ia transferonte një banori të vetëm, në këmbim të një surprize. Pa shumë hezitim, Limi vendosi t’ia besojë të gjitha biletat Albës, duke i siguruar asaj një mburojë të fortë dhe mundësi rikthimi në rast eliminimi.

Ky vendim ka ngjallur reagime të shumta, veçanërisht për shkak të historisë së mëparshme mes Limit dhe Albës, të cilët kanë qenë çift në një format tjetër televiziv. Ndjekësit e vëmendshëm kanë vënë re se afrimi dhe respekti i Limit ndaj Albës janë shtuar dukshëm kohët e fundit, sidomos pas distancimit të tij publik me Dolcen. Mbetet për t’u parë nëse ky veprim do të ketë ndikim emocional, strategjik apo të dyja në vazhdimin e lojës.

The post Vendimi i Limit ‘trondit’ Big Brother VIP Kosova: pesë bileta kthimi i kalojnë Albës appeared first on iconstyle.al.

Ardit Stafaj u shpall i eliminuari i mbrëmjes së së premtes nga spektakli Big Brother VIP Kosova 4, pasi nuk arriti t’i shpëtojë televotimit javor të publikut. Muzikanti nga Gostivari ishte në nominim së bashku me Hygertën, Ludo Lee-n, Albën dhe Labinotin, mirëpo në fund ishte pikërisht Arditi ai që u detyrua të linte shtëpinë më të famshme në Kosovë.

Megjithatë, eliminimi i tij nuk rezultoi përfundimtar. Menjëherë pas mbërritjes në studio, Stafaj hapi të ashtuquajturën “biletë fati”, e cila i rezervoi një surprizë të madhe. Bileta që ai përzgjodhi rezultoi të ishte një biletë kthimi, duke i dhënë kështu një shans të dytë për të vazhduar rrugëtimin e tij në Big Brother VIP Kosova 4.

Ky moment u prit me reagime të forta si nga publiku në studio, ashtu edhe nga ndjekësit e shumtë të spektaklit, të cilët e panë rikthimin e Arditit si një kthesë të papritur në lojë. Rikthimi i tij pritet të ndikojë ndjeshëm në dinamikat mes banorëve, veçanërisht në raportet dhe strategjitë që janë krijuar deri më tani.

Ndërkohë, gara në Big Brother VIP Kosova 4 po bëhet gjithnjë e më e fortë dhe më vendimtare. Me afrimin e finales, çdo javë sjell tension, surpriza dhe vendime të rëndësishme që mund të ndryshojnë rrjedhën e lojës. Banorët e mbetur vazhdojnë betejën për çmimin e madh, ndërsa publiku mbetet faktori kryesor që përcakton fatin e tyre në këtë spektakël shumë të ndjekur.

The post Për ju që e humbët, ky banor u eliminua nga BBVK4 por bileta e fatit e rikthen sërish në lojë! appeared first on iconstyle.al.

Dashi

Dite edhe me mosmarrëveshje, por edhe me pasion te zjarrte kjo e sotmja për te dashuruarit. Do përjetoni emocione pa fund. Beqaret do realizojnë takime vërtet interesante te cilat mund t’ua shndërrojnë jetën përgjithmonë. Situata financiare do konsolidohet tej mase. As vete nuk do e kuptoni sepse gjithçka do vendoset ne rregull.

Demi

Do ju kushtoni rëndësi te madhe edhe detajeve te vogla sot juve te dashuruarit dhe gjerat do ecin për mrekulli. Do i harroni njëherë e mire problemet dhe mosmarrëveshjet e dikurshme. Beqaret do vërtiten gjate gjithë kohës ne kërkim te dashurisë, por nuk do e gjejnë atë. Ne planin financiar nuk duhet te rrezikoni shume edhe sikur gjendja te jete e qëndrueshme.

Binjaket

jeta sentimentale e çifteve do jete e favorizuar ne çdo moment. Do dashuroheni me ëmbëlsi me atë qe keni ne krah. Priten dashuri me shikim te pare gjate kësaj dite për beqaret. Shume gjera kane për te ndryshuar rrënjësisht për ta. Ne planin financiar përfitoni nga atmosfera e qete për te riorganizuar gjendjen sepse me vone do jete e pamundur.

Gaforrja

Te dashuruarit do kalojnë një dite shume normale dhe aspak problematike. Ne mbrëmje mund te ketë edhe ndonjë darke romantike. Ju beqaret nuk duhet t’iu besoni plotësisht atyre qe do iu joshin sepse disa janë eksperte te gënjeshtrave. Do vuani me vone nëse nxitoheni. Ne planin financiar situata do ndërlikohet edhe me tepër për shkak te shpenzimeve te detyruara.

Luani

Merkuri nuk do krijoje kushtet e favorshme sot për te dashuruarit dhe nga ana tjetër do i nxite ata te debatojnë me njeri-tjetrin. Dita do jete delikate. Beqaret do jene te pafat dhe nuk do e gjejnë personin e ëndrrave. Financat do jene shume te mira. Do i kryeni te gjitha shpenzimet e domosdoshme dhe do ju mbeten edhe disa para për t’i hequr mënjanë.

Virgjeresha

Dite e mrekullueshme dhe e mbushur me kënaqësi pa fund kjo e sotmja për te dashuruarit. Do ndiheni te bekuar nga yjet ne çdo moment. Beqaret do kenë një dite plot angazhime dhe nuk do kenë mundësi për te dale neper takime. Financat do jene ne një gjendje me te mire se kohet e fundit, por ende nuk është koha për te bere investime te tejskajshme.

Peshorja

Do jeni mjaft ne humor gjate kësaj dite ju te dashuruarit dhe do përgatisni surpriza pa fund për partnerin. Shpeshherë do përjetoni kënaqësi te papërshkrueshme. Beqaret do qëndrojnë serish te vetmuar dhe do e vuajnë tej mase këtë. Mos e fajësoni gjithë kohës veten për gjendjen delikate te financave, por mundohuni te gjeni nga një zgjidhje.

Akrepi

Dite shume e turbullt dhe e mbushur me mosmarrëveshjet te shumta kjo e sotmja për te dashuruarit. Asgjë nuk ka për te ecur ashtu si e kishit ëndërruar. As beqaret nuk do arrijnë ta bëjnë për vete atë qe kane kohe qe e pëlqejnë dhe kjo do i mërzitë. Jupiteri do iu beje me te organizuar ne planin financiar. Situata do vije duke u përmirësuar.

Shigjetari

Venusi do e mbroje sot jetën tuaj ne çift. Klima do jete e ngrohte dhe ju do jeni mjaft seksuale. Do jeni te kuptueshëm dhe do toleroni mjaft. Edhe beqaret me ne fund do vendosin pak rregull ne jetën e tyre. Tregohuni sa me te hapur ndaj takimeve dhe mund te ndeshni personin e ëndrrave. Projekti qe kishit menduar për te përmirësuar financat do te realizohet.

Bricjapi

Jeta sentimentale e çifteve do jete e favorizuar. Iu jeni nder ata qe i jepni një rëndësi te madhe asaj dhe e gjeni kohen kurdoherë. Do ndiheni mire sot. Edhe jeta e beqareve do jete me e animuar. Do keni takime interesante te cilat mund t’iu ndryshojnë rrjedhën e gjithçkaje. Mos e lini zgjedhjen e problemeve financiare për me vone, merruni sot sepse situata mund te ndërlikohet.

Ujori

Gjate kësaj dite do flisni për disa tema delikate me partnerin tuaj. Ai do iu kuptoje dhe do iu mbështesë ne gjithçka. Edhe ata qe kane pasur probleme do mund te vendosin paqen. Dita për beqaret do jete shume e këndshme. Do keni takime interesante me persona qe ia vlen te krijoni një lidhje. Financat do jete te qëndrueshme, por gjithsesi nuk është momenti i duhur për te bere transaksione.

Peshqit

Jeta juaj ne çift do jete gjate gjithë kohës e mbrojtur sot. Do merreni vesh për çdo gjë me personin qe keni ne krah dhe priten veç gjera te mira te ndodhin. Për beqaret do ketë veçse mundësi për aventura kalimtare, asgjë me tepër sesa aq. Financat do jene mjaft delikate. Do ju duhet durim dhe mund për ta stabilizuar situatën sa me pare.

The post Horoskopi ditor, e Shtunë 24 Janar 2026 appeared first on iconstyle.al.

Gjatë spektaklit “Prime” të së premtes, Limi dhe Dolce surprizuan publikun me vendimin për të bërë një hap pas në marrëdhënien e tyre brenda shtëpisë së Big Brother VIP Kosova. Ky vendim u mor si pasojë e presionit të vazhdueshëm nga ish-partnerja e Limit, Alba, e cila ka shfaqur xhelozi dhe pakënaqësi ndaj afrimit të dyshes.

Situata mes Limit, Dolce dhe Albës ka qenë shpesh e tensionuar, me debate dhe përplasje të njëpasnjëshme që kanë tërhequr vëmendjen e banorëve dhe të publikut. Afrimi i Limit dhe Dolces brenda shtëpisë shpesh është interpretuar nga Alba si një provokim i qëllimshëm, duke rritur tensionet dhe duke krijuar një atmosferë të ngarkuar emocionalisht.

Për të shmangur konfliktet e vazhdueshme dhe për të ruajtur qetësinë brenda shtëpisë, Limi dhe Dolce vendosën të distancohen paksa dhe të marrin një hap pas në marrëdhënien e tyre. Vendimi u mirëprit edhe nga publiku, i cili ka ndjekur me vëmendje dinamikat mes tre banorëve gjatë ditëve të fundit.

Kjo lëvizje tregon një qasje paksa të matur dhe reflektive nga ana e Limit dhe Dolces, të cilët duket se preferojnë të shmangin përplasjet e panevojshme dhe të menaxhojnë situatën me kujdes. Megjithatë, sytë e publikut mbeten të drejtuar nga zhvillimet e mëtejshme në shtëpinë e Big Brother VIP Kosova, duke pritur se si do të evoluojë marrëdhënia e tyre pas këtij hapin pas.

The post Çfarë ndodhi? Limi dhe Dolce tërhiqen nga lidhja e tyre brenda BB VIP Kosova appeared first on iconstyle.al.

Studime të ndryshme sugjerojnë se vendosmëria është një nga tiparet më të zakonshme te njerëzit me inteligjencë të lartë. Ata priren të analizojnë situatat me kujdes, të peshojnë opsionet dhe, sapo arrijnë në një përfundim logjik, të qëndrojnë të palëkundur pas vendimit të tyre. Kjo qasje e qartë dhe e strukturuar ndaj jetës shpesh i ndihmon të marrin vendime të shpejta dhe efikase.

Megjithatë, pikërisht kjo karakteristikë mund t’i bëjë ata më pak tolerantë ndaj njerëzve të pavendosur. Sipas ekspertëve, personat inteligjentë irritohen lehtësisht nga ata që hezitojnë vazhdimisht, ndryshojnë mendje shpesh ose shmangin marrjen e përgjegjësisë për një vendim. Nga këndvështrimi i tyre, të mos dish çfarë dëshiron ose të vonosh zgjedhjet pa arsye të qarta shihet si humbje kohe dhe energjie.
Në të njëjtën kohë, njerëzit me inteligjencë të lartë janë të vetëdijshëm se shumë individë ndikohen nga nevoja për të kënaqur të tjerët. Një sondazh i realizuar nga YouGov tregon se rreth 48% e njerëzve e identifikojnë veten si “people pleasers”, pra persona që vendosin dëshirat dhe pritshmëritë e të tjerëve përpara të vetave. Kjo prirje shpesh i çon ata në pavendosmëri, nga frika se mos zhgënjejnë dikë.

Pavarësisht këtij kuptimi, inteligjentët shpesh nuk arrijnë ta fshehin irritimin kur shohin se si kjo nevojë për miratim pengon marrjen e vendimeve të qarta. Sipas psikologëve, kjo përplasje mes vendosmërisë dhe pavendosmërisë është e zakonshme dhe reflekton mënyra të ndryshme të të menduarit dhe të përballjes me presionin social.

The post Nëse pavendosmëria të çmend, kjo mund të jetë shenjë inteligjence! appeared first on iconstyle.al.

Disa shtete amerikane dhe kryeqyteti amerikan, Uashington, kanë shpallur gjendje emergjente, teksa po përgatiten për një nga stuhitë dimërore më të ashpra në vitet e fundit, raportuan mediat amerikane më 23 janar.

E shoqëruar me borë të madhe dhe erëra akulli, stuhia do të përhapet në një distancë prej rreth 3 mijë kilometrash, nga Nju Meksiko në juglindje deri në Mejn në verilindje gjatë fundjavës, paralajmëroi shërbimi meteorologjik.

Sipas raportimeve të mediave amerikane, linjat ajrore kanë anuluar tashmë qindra fluturime si masë paraprake. Shumë shkolla gjithashtu kanë anuluar mësimin të premten po ashtu si masë parandaluese.

Po ashtu ka frikë se mund të ketë ndërprerje të mëdha të energjisë elektrike, për shembull për shkak të rrëzimit të mundshëm të pemëve ose të shtyllave elektrike.

Për rreth 160 milionë njerëz janë lëshuar paralajmërime për shkak të kushteve të motit ose këshilla të veçanta. Autoritetet amerikane kanë bërë thirrje që njerëzit të mos dalin nga shtëpitë, nëse është e mundur, dhe të mos përdorin makinat.

Në disa pjesë të Minesotës dhe Dakotës së Veriut, temperaturat mund të bien deri në minus 45 gradë Celsius, sipas shërbimit meteorologjik amerikan.

Në të gjithë shtetin e Nju Jorkut, guvernatorja Kathy Hochul paralajmëroi se i ftohti mund të jetë “vdekjeprurës”.

Kryeqyteti amerikan, Uashington, gjithashtu shpalli gjendje emergjente për shkak të stuhisë së borës që pritet gjatë fundjavës. Masa ka hyrë menjëherë në fuqi, tha kryetarja e qytetit, Muriel Bowser.

Parashikohet që reshjet e borës në qytetin me rreth 700.000 banorë të fillojnë të shtunën në mbrëmje dhe të vazhdojnë deri të dielën, dhe ndoshta edhe të hënën. Gardës Kombëtare amerikane i është kërkuar që të ofrojë mjete motorike për të mbështetur shërbimet emergjente.

Bowser tha se këto reshje bore do të jenë të mëdha, që nuk janë parë që një kohë të gjatë, duke shtuar se me gjasë do të ketë ngrica në rrugë. Ajo u bëri thirrje banorëve që të qëndrojnë në shtëpi dhe të sigurojnë ndriçim alternativ në rast të situatave emergjente.

Presidenti amerikan, Donald Trump, duke reaguar për stuhinë dimërore, kritikoi ekspertët e klimës.

“A mund të na shpjegojnë përkrahësit e mjedisit: ÇFARË NDODHI ME NGROHJEN GLOBALE”, shkroi ai në Truth Social.

Ngrohja globale nënkupton se temperaturat rriten gradualisht me një mesatare në terma afatgjatë.

Sipas ekspertëve, edhe shpeshtësia dhe intensiteti i ngjarjeve ekstreme të motit po nxit ngrohjen globale, përfshirë stuhitë dhe shirat e mëdha./REL

The post Shtetet amerikane shpallin gjendje emergjente për një nga stuhitë dimërore më të ashpra në dekada appeared first on iconstyle.al.

Një raport paraprak mbi përplasjen tragjike të dy trenave të shpejtë në Spanjë, që la 45 të vdekur, sugjeron se shina e hekurudhës ishte çarë para aksidentit. Hetimi, i publikuar të premten, 23 janar, po heton një nga aksidentet më vdekjeprurëse të këtij lloji në Evropë këtë shekull, duke ngjallur shqetësime mbi sigurinë e rrjetit të dytë më të madh në botë të trenave me shpejtësi të lartë.

Aksidenti ndodhi më 18 janar në rajonin jugor të Andaluzisë, kur një tren i kompanisë private Iryo doli nga shinat dhe u përplas me një tren që vinte nga drejtimi i kundërt, i operuar nga kompania shtetërore Renfe.

Inspektimi i trenit Iryo zbuloi prerje në rrotat anësore të katër vagonëve, të përputhshme me faktin se shina ishte e çarë. Po ashtu, prerje të ngjashme u gjetën edhe në tre trena që kishin kaluar mbi të njëjtat shina disa orë më parë. Bazuar në këto të dhëna, hetuesit propozojnë hipotezën se çarja kishte ndodhur para devijimit të trenit, por paralajmërojnë se kjo duhet të verifikohet më tej me analiza të detajuara.

Ministri i Transportit, Oscar Puente, tha se kjo hipotezë është qetësuese, duke theksuar se gjetjet nuk janë përfundimtare, por ofrojnë drejtim mbi shkakun më të mundshëm të aksidentit. Ai shtoi se çarja duhet të kishte qenë mjaft e vogël për të mos aktivizuar sistemin automatik të ndalimit të trenave.

Segmenti i linjës ku ndodhi aksidenti ishte renovuar së fundmi, ndërsa treni i Iryos ishte prodhuar në vitin 2022. Hetuesit përjashtuan gabimin njerëzor si shkak të mundshëm, pasi të dy trenat udhëtonin brenda kufirit të lejuar të shpejtësisë.

Spanja ka rrjetin më të madh në Evropë për trenat e shpejtë, me mbi 3 mijë kilometra hekurudhë që lidhin qytete si Madrid, Barcelona, Sevilla, Valencia dhe Malaga, duke bërë këtë aksident një alarm për sigurinë e transportit hekurudhor në vend.

The post 45 të vdekur në aksidentin e trenave në Spanjë, shina e çarë në qendër të hetimeve appeared first on iconstyle.al.