Nga Gazeta ‘Si’- Më 20 shkurt opozita do të protestojë sërish kundër qeverisë Rama. Lajmin e bëri të ditur, kreu i PD-së, Sali Berisha nga selia blu.
“Kjo datë është zgjedhur edhe në mënyrë simbolike, pasi më 20 shkurt 1991 në Shqipëri u rrëzua edhe busti i diktatorit Enver Hoxha. Kjo datë do të jetë dita e fitores së Partisë Demokratike.
Më datën 20 shkurt është dita jonë, dita e fitores. Nderim të gjithë protestuesve. Fitore”, tha Berisha.
Ai ka denoncuar ashpër sjelljen e policisë, duke i cilësuar si “banditë dhe kriminelë me uniformë” që sulmuan qytetarët, por sipas tij, vetëpërmbajtja dhe guximi i protestuesve paqësorë janë qindra herë më të fuqishëm se banditizmi i përdorur ndaj tyre.
Berisha theksoi se durimi dhe qëndrimi i qytetarëve nuk duhet të interpretohet si dobësi, por si shprehje e vendosmërisë për të realizuar qëllimet e tyre.
“Provokatorët mund të marrin një mësim që meritojnë,” shtoi ai, duke shprehur mirënjohje për çdo qytetar që mori pjesë në protestë dhe mbajti qëndrim paqësor.
Deklarata e tij vjen pas tensioneve që shpërthyen gjatë përplasjes mes protestuesve dhe forcave të rendit.
Nga Gazeta ‘Si’- Deputeti demokrat Beldion Nallbati është dërguar te Spitali i Traumës, pasi ka marrë një goditje në kokë gjatë protestës para Parlamentit.
Partia Demokratike ka shpërndarë disa pamje ku pretendon se Nallbati është goditur nga efektivët e policisë.
Në pamje shfaqet një moment kur policia përplaset fizikisht me Nallbatin dhe i hedh këtij të fundit spraj në fytyrë.
Tensioni në protestë u përshkallëzua pasi protestuesit nisën të hedhin molotov në drejtim të kordonit policor, të vendosur para godinës së Kuvendit.
Uniformat blu u kundërpërgjigjën duke hedhur gaz lotsjellës dhe ujë duke shpërndarë turmën, që tentonte herë pas here çarjen e kordonit polico
Nga Gazeta ‘Si’- Në protestën e PD, u përsërit i njëjti skenar si në protestën e 24 janarit ku pati incidente të shumta, me protestuesit që hodhën flakadanë, shishe molotovi, gurë dhe fishekzjarre.
Situata u tensionua pasi një grup militantësh opozitarë hodhën bomba molotov dhe fishekzjarrë teksa protesta ishte zhvendosur tek godina e parlamentit.
Molotovi u hodh në mes të turmës ku kishte protestues, por edhe punonjës policie.
Policia raportoi se nga këto incidente u dëmtuan shtatë punonjës policie, pasi bombat janë hedhur shumë pranë tyre dhe qytetarëve duke krijuar kaos.
Ata janë transportuar për ndihmë mjekësore, pasi kanë pësuar djegie e dëmtime fizike nga sendet e forta.
Policia ndërhyri me gaz lotsjellës dhe autobote me ujë për të shuar flakët dhe për të shpërndarë protestuesit.
Pasi policia hodhi gaz lotsjellës, protestuesit u zhvendosën nga zona para parlamentit. Një pjesë u drejtua për nga pedonalja, një pjesë tjetër drejt rrugës së Elbasanit dhe një pjesë drejt selisë blu.
Pas disa minutash, një pjesë e tyre u rikthyen por policia i parapriu situatës duke hedhur ujë dhe gaz lotsjellës.
Kujtojmë se edhe në protestën e fundit, atje ndodhën përplasjet më të forta mes protestuesve dhe forcave të policisë.
Nga Gazeta ‘Si’- Sekretari i Përgjithshëm i Partisë Demokratike, Flamur Noka, foli për mediat gjatë protestës kombëtare, duke theksuar se revolta qytetare nuk do të ndalet dhe do të intensifikohet derisa të arrihen qëllimet e opozitës.
Ai theksoi se protesta nuk ka orar të caktuar dhe nuk ka limite, duke u shndërruar në një qëndresë të drejtpërdrejtë kundër asaj që e quajti “narkoregjim”.
Protestuesit, të cilët fillimisht u mblodhën para Kryeministrisë, janë zhvendosur drejt godinës së Parlamentit, ku është vërejtur një prani e shtuar e forcave policore.
Noka akuzoi qeverinë dhe kryeministrin Edi Rama se kanë kapur institucionet shtetërore, duke kthyer “narkokryeministrinë” dhe “narkoparlamentin” në burim të çdo problemi të qytetarëve shqiptarë.
Sipas tij, këto dy institucione janë kthyer në “godina të krimit” nga të cilat buron çdo padrejtësi dhe shkelje e ligjit.
Gjithashtu, Noka u shpreh se gjatë zhvendosjes së protestuesve në bulevard përballë Parlamentit, policia ka ushtruar dhunë ndaj tyre.
Ai bëri thirrje që qytetarët të qëndrojnë të bashkuar dhe të vazhdojnë protestën, duke e cilësuar këtë si një betejë për rivendosjen e Parlamentit si institucion të shqiptarëve, dhe jo të “kusarëve” apo të pushtetit aktual.
Nga Gazeta ‘Si’- Kryetari i Partisë Demokratike Sali Berisha, nga sheshi para Kryeministrisë u është drejtuar me një thirrje gjyqtarëve në Hagë, pas kërkesës së Prokurorisë së Specializuar në Hagë për dënimin me nga 45 vite burg të katër ish-drejtuesve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit.
Berisha tha se ish krerët mbrojtën mijëra shqiptarë të Kosovës nga gjenocidi serb.
Sipas tij, para gjykatës duhet të jenë Rama dhe presidenti serb, Aleksandër Vuçiç.
“Të dashur miq, dje në Hagë, Prokuroria paraqiti një pretencë kundë udhëheqjes së Kosovës, identike me pamfletën e propagandës së verbër ultranacionaliste serbe.
Nga kjo platformë, iu bëj thirrje gjyqtarëve të vlerësojnë gjithçka në bazë të ligjit, të shpallin pafajësinë e atyre burrave që me heroizëm mbrojtën dhjetëra e mijëra shqiptarë nga gjenocidi serb. Zotëri gjykatës, ballkani ka njohur gjenocide të tmerrshme dhe dy janë ata që e kryen.
Vuçic që mori safaarin e qytetarëve në Sarajvë dhe nuk njeh gjenocidin serb në bosnjë, argati i tij, Edi Rama që përzuri shqiptarët. Ndaj dhe zotëri gjykatës, për të bërë drejtësi duhet që këto dy monstra të ulen përpara jush, dhe jo luftëtarët e lirisë”, tha ai.
Nga Gazeta ‘Si’- Ervin Salianji i është bashkuar protestës kombëtare thirrur nga Sali Berisha përpara kryeministrisë të martën e 10 shkurtit.
Salianji është shfaqur në protestë së bashku me disa nga mbështetësit e tij në rrugëtimin e tij për një ndryshim në PD. Ndërkohë ai ka takuar dhe disa prej protestuesve demokratë në shesh.
Kujtojme se Berisha e ka përjashtuar nga partia duke thënë se ka shkelur vijat e kuqe dhe se punon për Ramën.
Një ditë më parë, ish-deputeti demokrat bëri thirrje për pjesëmarrje masive në tubimin e sotëm.
Salianji ka deklaruar vazhdimisht se opozita duhet të radikalizojë aksionin politik pas skandaleve të njëpasnjëshme të qeverisë dhe segmenteve të saj, ndërsa ka theksuar se PD po vuan nga mungesa e aktivizmit dhe forca reaguese.
Pikërisht për të rienergjizuar Partinë Demokratike, Ervin Salianji ka nisur turin e takimeve me bazën demokrate.
Nga Gazeta ‘Si’- Një sërë pankartash kundër qeverisë Rama janë paraqitur në protestën e PD.
“Ask where EU fonds go”, “Edi stop stealing our Money”, “Karteli narko-elektoral”, thuhej në disa prej pankartave.
Ndërkohë një protestues ka zgjedhur që mesazhet t’i përcjellë ndryshe.
“Rama, you dictator Albania” dhe “GO – IK”,janë tekstet që shkruhen mbi veshjen e pazakontë të tij.
Po ashtu, ai i ka kushtuar edhe një punim kryeministrit Edi Rama, që e mban në dorë.
Në një pankartë shihet kryeministri me maskën e Ergys Agasit, ky i fundit i shpallur në kërkim për skandalin e AKSHI-t, pasi akuzohet nga SPAK se ka vepruar me të tjerë si një grup i strukturuar kriminal.
Nga Gazeta ‘Si’- “Shqipëria është në momentin më kritik të 35 viteve të fundit”.
Kështu e nisi fjalën e tij në protestën e opozitës kreu i Partisë Demokratike, Sali Berisha i cili u shpreh se demokratët janë mbledhur në shesh në “kryengritje paqësore”.
Sipas Berishës, Shqipëria po përballet gjatë këtyre 13 viteve në drejtimin e Partisë Socialiste me pasoja katastrofike. Ai u shpreh se Bashkimi Europian ka paralajmëruar për zhbërjen nga e para të procesit të anëtarësimit në familjen europiane.
Sipas tij, kreu i qeverisë ka vendosur të shkëpusë Shqipërinë nga integrimi në BE.
“Ka katër mandate që Shqipëria po vidhet pa ndalim, vit pas viti. Edi Rama nuk mjaftohet vetëm duke vjedhur dhe përzënë shqiptarët. Ai tani pasi BE i tha se duhet të përballet me ligjin ka vendosur të shkëpusë Shqipërinë nga integrimi në BE. Revolta dhe largimi i tij është rruga për të mbrojtur ëndrrën europiane si ëndrra më e bukur e kombit tonë.
Sot Shqipëria po përballet me pasoja më katastrofike. Prej 13 viteve të fundit, pasojat që gërryejnë, rrënojnë çdo ditë vetë ekzistencën e Shqiptarëve si banorë të saj, me pasoja që ditën e sotme nga Brukseli, Bashkimi Europian, për shkak të vjedhjes së papërmbajtur të shqiptarëve nga Ramaduro, dërgon paralajmërimin më ogurzi për Shqipërinë sikur më parë në ndonjë vend tjetër, paralajmërimin për zhbërjen nga e para të udhëtimit tonë plot sakrifica, shpresa, ëndrra drejt Bashkimit Europian”, tha Berisha.
Sipas tij, Rama për dy muaj u përpoq të bëntë grusht shteti për të mbrojtur Belinda Ballukun, e akuzuar dhe e marrë e pandehur nga SPAK për abuzime me tenderat në tunelin e Llogarasë dhe Unazën e Madhe.
Berisha deklaroi se kryeministri Edi Rama sipas tij ka përdorur të gjithë pushtetin për të bllokuar SPAK-un dhe për të bërë presione ndaj Gjykatës Kushtetuese për të mbrojtur Belinda Ballukun.
“Revolta juaj në protestën e kaluar dha një sinjal të qartë brenda dhe jashtë vendit se ne nuk do të tolerojmë kurrë grushtin e shtetit për të mbrojtur vjedhjet e Edi Ramës dhe Ballukut.
Dhe ja ku jemi këtu, përcilljani atij hajduti dhe mos e mbroni atë. Ja ku jemi këtu Edi Rama, edhe grushtin e dytë që po përgatit, do të dështojë.
Dhe, shkurti është muaji kur ne zvarritëm diktatorin, shkurti është muaji kur ne do çlirojmë Shqipërinë.
Po të mos ishit ju, viganë, që me guximin tuaj morët në dorë gazin dhe helmin dhe ua flakët mbrapsht hajdutëve, po të mos ishte juaj që me revoltën tuaj shpëtuat nderin dhe dinjitetin e çdo shqiptari, po të mos ishit ju që me trimërinë tuaj u bëtë lajm kryesor në Europë dhe në botë, po të mos ishit ju që rezistuat përballët helmit të skaduar dhe u përballët dhëmb për dhëmb me regjimin, absolutisht Edi Rama do ia kishte dalë me grushtin e shtetit.
Por ky grusht shteti dështoi sepse siç e patë, e denoncuam atë edhe në kancelaritë më të larta të Europës, kur puthadorët e regjimit shpërndanin lajmet e rreme se gjasme Berishës iu ndërpre fjala në Strasburg.
Në fakt, unë po bëja detyrën time para jush, po denoncoja me forcën më të madhe në aulën e demokracisë evropiane, Edi Ramën si kryehajduti i kombit shqiptar, Ramaduron si ndërtuesin e narkoshtetit të parë dhe të vetëm në Europë.
Kjo pra, miqtë e mi, është opozita e vërtetë. Revolta juaj është sot zëri i ndërgjegjes qytetare, zëri i dinjitetit qytetar, zëri i ndërgjegjes kombëtare, zëri i dinjitetit kombëtar”, tha ai.
Sali Berisha pati një thirrje edhe për të gjitha forcat opozitare gjatë protestës që zhvilloi opozita para Kryeministrisë. Kreu i demokratëve u shpreh se forcat opozitare duhet të bashkohen dhe se ata që dalin kundër turpërojnë veten. Sipas tij, në kohë të vështira edhe SHBA-të u bashkuan me Bashkimin Sovjetik dhe tha se diçka të tillë duhet ta bëjnë edhe opozitarët për të larguar Ramën.
Menjëherë pasi ai foli, plasën shishet me molotov dhe fishekzjarrët.
Nënkryetari i Partisë Demokratike Agron Gjekmarkaj ishte i pari zyrtar që nisi fjalimet në protestën e sotme të opozitës.
Gjatë fjalës së tij, Gjerkmarkaj ngriti akuzat ndaj qeverisë dhe kryeministrit Edi Rama duke thënë se ai e “Ka zgjatur jetën e vet përmes manovrave të padenjave”, duke iu referuar pretendimeve për manipulim të zgjedhjeve.
Nënkryetari i PD-së shtoi se Rama sipas tij e ka shndërruar shtetin në mjet pushteti.
Më pas duke iu referuar çështjes së pezullimit nga detyra të zëvendëskryeministres Belinda Balluku nga Gjykata Kushtetuese dhe qëndrimit që mbajti kryeministri për shkak të mos arritjes së një kuorumi nga trupa gjykuese që u nda 4 me 4, Gjekmarkaj shtoi: “Kupa është mbushur, në pushtet për të ruajtur veten është i aftë të zhdukë çdo nuancë të drejtësisë. Dje Rama hoqi maskën e fundit për të mbrojtur zëvendësen e vet Belinda Ballukun.”
Edhe anëtari i Këshillit Bashkiak të Tiranës, mjeku Ilir Alimehmeti mbajti një fjalim ku akuzoi qeverinë për shpopullimin e vendit.
Ndërsa fliste për shifrat e shqiptarëve që sipas tij janë larguar nga vendi, Alimehmeti u shpreh: “Është fakt që një në 5 shqiptarë sot në Shqipëri po mendon të largohet, për shkak të politikave që po ndjek Edi Rama dhe Rilindja.”
Ai shtoi: “Sot nuk ka kush i ha më dardha pas shpine, kur ke gjithë pushtetin ke dhe përgjegjësinë për dështimin. Nuk ka akuzë më të madhe historike se sa populli kur ikën, kur populli largohet, merr rrugët e botës. Nuk ka akuzë më të madhe publike se sa shpopullimi i vendit.”
Për të garantuar sigurinë e protestës, u angazhuan 1350 efektivë në terren.
Gazeta Si – Një çift i papritur bëri debutimin e tyre në shpatet e Davosit. Eric Schmidt, 70 vjeç, ish-CEO legjendar i Google, u shfaq krah për krah me Gloria-Sophie Burkandt, 27 vjeçe, e cila ka një numër të konsiderueshëm ndjekësish në Gjermani.
Një modele, një personazh i shquar dhe, më e rëndësishmja, vajza e Markus Söder, guvernatorit të fuqishëm dhe popullor të Bavarisë: shkurt, versioni gjerman i “vajzës së…”, e njohur mbi të gjitha për famën e saj.
Historia ishte aq popullore saqë gazeta “Bild” e publikoi në faqen e parë, pasi hetoi të kaluarën e tyre dhe vërtetoi se ata kanë qenë një çift i qëndrueshëm për muaj të tërë.
Ose, siç e thotë gazeta, ata kanë kaluar pjesën më të madhe të muajve të fundit së bashku, midis Amerikës, Indisë dhe Paqësorit. Gloria-Sophie, nga ana tjetër, nuk e fsheh këtë, duke postuar disa herë në Instagram.
Schmidt është një nga figurat dhe protagonistët më kuriozë në teknologji (dhe, më gjerësisht, në politikë) të tre dekadave të fundit, me një pasuri personale prej 37 miliardë dollarësh.
Ai është gjithashtu i martuar me Wendy Schmidt që nga viti 1980, me të cilën ende shfaqet së bashku: për shembull, në paraqitjen e tij të fundit publike të vitit 2025 në Galanë e Arteve dhe Filmit LACMA në Los Anxheles.
Por sipas mediave amerikane, Eric dhe Wendy kanë jetuar një lloj “martese të hapur” për shumë vite. Bibla e thashethemeve amerikane, “New York Post” i Rupert Murdoch, i ka kushtuar vëmendje atij për ca kohë.
Një person i besuar i tha gazetës: “Dihet prej vitesh që familja Schmidt ka këtë ‘marrëveshje’ (një marrëdhënie të hapur). Eric Schmidt rregullisht shfaqet me gra më të reja, por nuk është një marrëdhënie e vërtetë”.
Burimi i brendshëm shton: “Gjithçka ka të bëjë me një show. Trofeu përfundimtar për të apasionuarit pas teje, është të flenë me gra që nuk do t’i kishin marrë kurrë në konsideratë në fillim të tridhjetave”. Marrëdhënia e fundit e Schmidt, me Michelle Ritter, 31 vjeçe, përfundoi pas katër vitesh në gjykatë.
Por Schmidt është gjithashtu një i apasionuar pas politikës: ai ishte një njeri i besuar i ngushtë i Henry Kissinger – të cilin e prezantoi me inteligjencën artificiale, aq sa burrështetasi i moshuar dhe CEO i Google, ishin bashkëautorë të një libri mbi këtë temë.
Dhe ai ishte këshilltari kryesor i Barack Obamës gjatë rizgjedhjes së tij, në një episod që u kuptua vetëm pak ose në mënyrë të shpërqendruar në atë kohë, dhe që shpjegohet me mjeshtëri nga Giuliano da Empoli në librin e tij “Ora e Grabitqarëve”: ai ishte arkitekti i fushatës teknologjike që synonte votuesit e pavendosur në shtetet kryesore, me një mikro-shënjestër të paparë në internet. Obama i fitoi ato zgjedhje lehtësisht.
Gloria-Sophie Burkandt, nga ana tjetër, është një personazh i famshëm gjerman me pak rëndësi, vajza e ndoshta politikanit më të talentuar instinktivisht (dhe atij, ambicia e të cilit deri më tani nuk është realizuar plotësisht), Guvernatorit të Bavarisë, Markus Söder.
Söder qeveris të vetmin sistem partiak të mbetur në Gjermani, CSU-në, e cila ka kontrolluar shtetin më të pasur pa ndërprerje që nga periudha e pasluftës, me një vlerësim mbështetjeje prej pak më pak se 40%.
Ai është politikani që ka flirtuar me populizmin, por gjithmonë i aftë ta kapërcejë atë me një shaka të shpejtë dhe një prani të jashtëzakonshme skenike.
Veshjet e tij, janë gjithashtu të admirueshme: këtë vit, një Highlander, por kostumi më i mirë ishte Elvis Presley.
Ai gjithmonë ka ëndërruar të bëhet kancelar, por për një bavarez – duke pasur parasysh sistemin partiak gjerman, ku pjesa tjetër e vendit dominohet nga CDU – është një detyrë pothuajse e pamundur. Përballë një babai të tillë, Gloria-Sophie – të cilën Söder e adhuron – ka luftuar për të gjetur rrugën e saj.
Ajo ka shkuar të jetojë në Nju Jork, ka punuar si modele, ka marrë një autobus për në Universitetin e Harvardit – ku me sa duket takoi Eric Schmidt – dhe i është përkushtuar filantropisë dhe bamirësive që ofrojnë arsim për fëmijët.
Ajo madje u shfaq në një “reality show”, Deutschland dümmster Promi, personazhi më i famshëm i Gjermanisë, ku nuk shkëlqeu për zgjuarsinë e saj.
Të paharrueshme ishin vështirësitë e saj në shpjegimin e asaj që do të thoshte SPD (Sozial-demokratische Partei Deutschlands), të cilën ajo e përcaktoi si “socialiste” dhe një farë vështirësie në bërjen e llogaritjeve, kur u nda nga ish-futbollisti Mario Basler.
Ajo nuk i tregoi të atit për pjesëmarrjen e saj, pasi ai do ta kishte këshilluar të mos e bënte. Por e ka falur për gjithçka.
Söder dhe Schmidt njihen prej vitesh. Schmidt është një vizitor i rregullt në Konferencën e Mynihut, e cila fillon të premten. Kush e di nëse do të shihen përsëri këtë vit.
Oriole është një zog i vogël e mesëm, shumëngjyrësh dhe shumë i bukur, i njohur për ngjyrat e ndezura dhe këngën e tij të këndshme.
Oriolet jetojnë kryesisht në pyje, kopshte dhe zonat me pemë të dendura. Ata ushqehen me fruta, fara dhe insekte dhe shpesh ndihmojnë në kontrollin e insekteve. Janë zogj shumë të gjallë dhe të zgjuar, të njohur për aftësinë e tyre për të kënduar melodikisht, sidomos gjatë pranverës dhe verës.
Sipas njohësve të fushës, Oriole në shqip njihet si Bengu.
Këtu janë disa foto nga një prej llojeve më të veçanta të zogjve në botë.
Banka e Vatikanit ka lançuar dy indekse aksionesh që përzgjedhin aksionet bazuar në parimet katolike, ku besimtarët mund të investojnë.
Indekset Morningstar IOR Eurozone Catholic Principles Index dhe Morningstar IOR US Catholic Principles Index “janë krijuar për të shërbyer si një pikë reference për investimet katolike në mbarë botën,” tha Instituti për Veprat e Fesë, siç njihet zyrtarisht banka, në një deklarat. Të dy përbëhen nga 50 kompani me kapital mesatar dhe të madh, përfshirë aksione të teknologjisë së madhe dhe sektorit financiar.
Lançimi i indekseve të para të IOR-së vjen në një periudhë të vështirë për produktet e investimeve që marrin parasysh faktorë mjedisorë, socialë dhe të qeverisjes (ESG). Fondet me qëllime investimi ESG panë dalje prej 84 miliardë dollarësh vitin e kaluar, hera e parë që tregu global për këto produkte pësoi tërheqje neto, sipas një raporti të Morningstar Inc. javën e kaluar.
Indekset e IOR-së përballen me konkurrencë të fortë për investitorët katolikë. Një fond i tregtuar në bursë (ETF) i Global X me mbi 1 miliard dollarë asete ndjek S&P 500 Catholic Values Index, i cili u lançua në 2015 dhe përjashton aksionet që nuk janë në përputhje me udhëzimet e Konferencës Amerikane të Ipeshkvijve Katolikë. Kompanitë kryesore përfshijnë Nvidia Corp. dhe Apple Inc. ETF-ja u rrit 16% vitin e kaluar, përafërsisht në linjë me S&P 500.
Sipas burimeve, kompanitë kryesore në indeksin e ri për Amerikën janë Meta Platforms Inc. dhe Amazon.com Inc., ndërsa pesha më e madhe në treguesin e Europës i takon ASML Holding NV dhe Deutsche Telekom AG.
IOR, që ofron shërbime bankare tradicionale dhe mbikëqyr investimet për institucionet e lidhura me kishën, ka punuar prej vitesh për të larguar reputacionin e menaxhimit të dobët që erdhi nga një seri skandalesh financiare. Papa Leo XIV ka ndërmarrë hapa për të kufizuar rolin e IOR-së, përfshirë miratimin e rregullave në tetor të kaluar që shpërndajnë përgjegjësinë për investimin e fondeve të Vatikanit mes institucioneve të ndryshme./Bloomberg
Nga Gazeta ‘Si’- Europa duhet të përgatitet për momente të tjera armiqësore me Shtetet e Bashkuara, të cilat janë hapur antieuropiane.
Kjo ishte deklarata e presidentit francez Emmanuel Macron për disa media europiane, i cili theksoi se administrata e Donald Trump kërkon shpërbërjen e Bashkimit europian.
“Administrata Trump është hapur anti-evropiane dhe po kërkon shpërbërjen e Bashkimit Europian. Është koha për t’u zgjuar, është koha për të dalë nga një gjendje papjekurie” tha Macron.
Macron parashikoi tensione të mëtejshme në një kohë kur marrëdhëniet mes bllokut dhe aleatit përtej oqeanit, kanë rënë në një moment qetësie.
Lideri francez theksoi se Bashkimi Europian nuk duhet ta ngatërrojë këtë qetësi, me një ndryshim të qëndrueshëm pavarësisht një pauze në kërcënimet e amerikane ndaj Groenlandës, tregtisë dhe teknologjisë.
Macron theksoi se kërcënimet ndaj ishullit gjysmë autonom danez duhet të shërbejnë si një thirrje zgjimi për të çuar përpara reformat e vonuara prej kohësh për të forcuar fuqinë globale të bllokut.
“Kur ka një akt të qartë agresioni, mendoj se ajo që duhet të bëjmë është të mos përulemi ose të përpiqemi të arrijmë një zgjidhje. E kemi provuar këtë strategji për muaj të tërë. Nuk po funksionon.”tha Macron.
Macron u kërkoi udhëheqësve të unionit të përdorin një samit në një kështjellë belge këtë javë për të injektuar energji të re në reformat ekonomike për të forcuar aftësinë e bllokut për t’u përballur me Kinën dhe Shtetet e Bashkuara në skenën botërore.
Nga Gazeta ‘SI’ – Deputetja demokrate Jorida Tabaku paraqiti në Komisionin e Ekonomisë propozimin e saj për të rikthyer skemën e akcizës së diferencuar për prodhuesit e vegjël të birrës dhe argumentoi se një skemë e tillë tatimi mbron prodhimin vendas “Made in Albania.
Ajo u shpreh se shpesh taksat përdoren si gjoba ndaj bizneseve, për shkak të efektit negativ që japin.
Eksportet shqiptare praktikisht po vdesin, mes tyre edhe produktet “Made in Albania”, duke përfshirë edhe produktin e birrarive të vogla. Kjo vjen si rezultat i dy elementëve kryesorë. I pari lidhet me zhvlerësimin e Euros, çka është diskutuar gjerësisht në këtë komision. Zhvlerësimi i Euros është duke nxjerrë sot nga tregu biznese të tëra që tradicionalisht kanë operuar në Shqipëri. Po lidhet me politikën e gabuar të taksave. Taksa të cilat shpesh herë vendosen si gjobë ndaj bizneseve të vogla. Ndërkohë për oligarkët, kanë favore fiskale. Këto janë gjoba për bizneset që prodhojnë në Shqipëri
Janë gjithsej 9 birrari artizanale që prodhojnë 3985 hekto litra. Duhet që kjo të ishte bazë për turizmin vendas.
Ndryshimet e akcizës për prodhuesit e vegjël, nuk është privilegj, por standard europian. Për mua kjo është taksë fiskale që u vihet bizneseve”, tha ajo.
Deputeti socialistr Erion Braçe, mbështeti propozimin e Tabakut, duke thënë se skema aktuale ka favoizuar klientelizmin në prodhimin e birrës në vend.
“Kjo historia e birrës është edhe histori korrupsioni, edhe histori klientelizmi. Niveli ndryshoj nën 200.000 hektolitra dhe mbi 200.000 hektolitra në varësi të korrupsionit dhe klientelizmit me prodhues birrës. Kur s’kemi me vete e mbajmë regjimin. Kur s’kemi me vete e prishim regjimin. Ndodhi që ua abuzuan me vendin, që ishte vlerësuar 200,000 hektolitrave, për shkak të korrupsionit. Sepse ishte agjenci kryesore zbatuese që merrte atë inspektimin e akcizës, se bëni sikur nuk shikoni që prodhimi ishte mbi 200,000 hektolitra. Propozimi është komplet i arsyeshëm, në qoftë se nuk përton të mendosh. E dyta gjë, kjo s’ka lidhje fare me Bashkimin Europian. Ne nuk jemi vend anëtar i Bashkimit Europian. Ne vazhdojmë t’i shesim turizmit, birrë në italiane, birrë në greke, birrë në serbe, birrë në maqedonase, birrën malazeze”, thotë Braçe.
Nga ana tjetër, Ministria e Financave argumentoi kundër projektligjit dhe komisioni e hodhi poshtë propozimin e demokratëve.
“Aplikimi i akcizës me dy nivele ka shfaqur probleme të jashtëzakonshme më parë, për këtë arsye ne nuk e mbështesim”, tha zëvendësministri i Financave Endrit Yzeiraj.
Më tej, Yzeiraj deklaroi se brenda vitit, qeveria do të rishikojë edhe TVSH-në edhe akcizë, për të parë cilës sektorë mund të përfitojnë reduktim dhe cilat përjshatime tatimore do të hiqen.
Koncerti i Taunton Madrigal Society në nëntor të vitit 1926 ishte një triumf. Salloni në jugperëndim të Anglisë ishte “i mbushur deri në mbipopullim”, shkruante një gazetë lokale. Duartrokitjet ishin të shumta. Megjithatë, ngjarja përfundoi me një nuancë të vogël negative. Kori kishte nevojë urgjente për tenorë, shpjegoi një nga anëtarët e tij. Ndoshta disa nga pjesëmarrësit në audiencë do të donin të bashkoheshin?
“Gjithë jetën time, tenorët kanë qenë grupi më i vogël,” thotë Will Todd, një kompozitor britanik. Por mungesa e tenoreve po bëhet gjithnjë e më shqetësuese. Mungesa e zërave të lartë meshkuj, që shtojnë ngjyrë dhe harmoni në shumë vepra korale, është një problem në rritje për koret amatore dhe ato kishtare. Duke qenë se kori është kaq i përhapur, kjo është një problem për muzikën në përgjithësi.
Gjermania ka të paktën 45,000 kore, rreth 60% e të cilave janë të lidhura me kishat. Një sondazh për Këshillin Muzikor Gjerman zbuloi se 8% e të rriturve këndojnë në një grup ose publikisht, më shumë se sa luajnë në banda ose orkestre. Gratë janë dy herë më shumë se burrat. Rreth i njëjti raport gjinor mbizotëron në Europë, Amerikë dhe madje edhe në Nigeri.
Kur burrat bashkohen me grupe këngësh, shpesh shmangin seksionin e tenorëve. Zëri i tenorëve është “një tingull i kultivuar,” thotë John Potter, autor i një libri mbi këtë temë. Një burrë pa trajnim vokal ka më shumë gjasa të ketë diapazon baritoni (një bas i lartë). Nuk ndihmon as fakti që zëri i tenorëve lidhet me yje operistikë si Luciano Pavarotti, që mund të këndonte nota të larta fuqishëm, të cilat një amator nuk mund t’i arrijë lehtë. Dhe linja e tenorëve në muzikën klasike korale mund të jetë e vështirë, me shumë nota të papritura dhe kërcime të befasishme.
Sonja Greiner, drejtoreshë e Përgjithshme e European Choral Association, këndon në një kor gjerman që ka katër ose pesë tenorë nga rreth 45 këngëtarë, gjysma e sa do të ishte ideale. Edhe korët amatorë më prestigjiozë, që mund të zgjedhin këngëtarët e tyre, janë bërë të pabalancuar. Orpheus Choir, i themeluar në Glasgë në vitin 1906 me 66 këngëtarë, përfshirë 15 tenorë, sot ka 79 këngëtarë duke përfshirë 14 tenorë. Të gjithë përveç njërit janë mbi 60 vjeç.
“Tubimi” i ri i tenorëve është shqetësues. Shumë të rritur mësuan të këndojnë në shkollë ose në kishë. Por korët shkollorë janë po aq të pabalancuar sa ata të të rriturve: një studim i madh i shkollave amerikane nga Kenneth Elpus i Universitetit të Maryland-it gjeti një raport gjinor prej shtatë vajza ndaj tre djemve. Matt Hill nga Universiteti Creighton, që drejton disa kore në Nebraska, thekson se shumë kisha kanë hequr korët dhe i kanë zëvendësuar me “grupe lavdërimi” me instrumente elektrike dhe mikrofonë.
Në shumë kore, disa gra këndojnë pjesën e tenorëve. Kjo nuk ngjall më habi apo revoltën që dikur shkaktonte. Por dirigjentët rrallë e shohin këtë si zëvendësim të përsosur. Kur këndohet nga gratë, notat e ulëta të tenorëve mund të duken të errëta dhe të dobëta. Disa dirigjentë, përfshirë Hill-in, kërkojnë që alto gratë të ndihmojnë tenorët me notat e larta dhe basët meshkuj të ndihmojnë me ato të ulëta. Ai mund të kërkojë gjithashtu nga sopranot, shpesh seksioni më i madh në një kor, të zvogëlojnë volumet e tyre.
Një zgjidhje më drastike është të rishkruhet muzika ose të shkruhet ndryshe. Formati standard i muzikës korale është SATB (soprano, alto, tenor, bas). Botuesit kanë rregulluar edhe vepra të respektuara si Requiem-i i Mozart-it për zëra SAB (soprano, alto, bas) ose SAM (soprano, alto, meshkuj). Todd, që pyet korët që i porosisin vepra për balancën e zërave, përpiqet të shmangë ndarjen e linjës së tenorëve në një pjesë më të lartë dhe një më të ulët, siç bënin kompozitorët e mëparshëm.
Kjo është e mençur, duke marrë parasysh vështirësitë demografike të korëve. Por mungesa e një zëri ndihet gjithsesi. Në një moment, kori i Greiner-it në Gjermani kishte vetëm tre tenorë, shumë pak për t’u përballur me një grip të zakonshëm. Kori provonte të përdorte rregullimet SAB, por i gjeti të pakënaqshme. Pjesët dukeshin shumë të ulëta për tenorët e mbetur, por shumë të larta për basët. Pasi situata u përmirësua pak, u kthyen me gëzim te rregullimet tradicionale. Katër ose pesë tenorë janë minimalisht të mjaftueshëm./TheEconomist
Nga Gazeta ‘Si’- Pak orë para nisjes së protestës kombëtare të Partisë Demokratike para kryeministrisë, Sali Berisha në një deklaratë për mediat nga selia blu ka zbuluar skenarët e tubimit nga demokratët.
Berisha tha se skenari i protestës është skenari i një kryengritjeje të fuqishme paqësore.
Ai theksoi se protesta sipas tij do të dëshmojë se demokratët dhe shqiptarët nuk mposhten kurrë nga një narkokraci.
Skenari i protestës është skenari i një kryengritjeje të fuqishme paqësore, që do të përcillet sot më shumë se kurrë në vatrat e të gjithë shqiptarëve, por edhe në Bruksel, SHBA dhe qendra të tjera kryesore, për të dëshmuar se ne nuk mposhtemi kurrë nga një narkokraci dhe se jemi të vendosur të mbrojmë me çdo çmim vlerat e përbashkëta që njerëzit e lirë ndajnë në Shqipëri dhe në botë”, tha ai.
Ndërkohë ai njoftoi se shumë shpejt do të ketë protesta para selive diplomatike shqiptare nëpër borë.
“Ftojmë qytetarët që të organizohen për protestat më të fuqishme që janë organizuar ndonjëherë para përfaqësive ndërkombëtare, Këto protesta do të japin kontributin e saj me anëtarë dhe mbështetës dhe janë jetike.
Në këto çaste dhe në këto momente, Rama ka tejkaluar çdo lloj ligji dhe morali ndaj shqiptarëve. Pra kjo protestë shënon dhe hap siparin e fillimit të protestave pranë përfaqësive të narko-shtetit që t’u thonë të tjerëve se ne përfaqësojmë popullin shqiptar”, tha ai.
Nga Gazeta ‘Si’- Kryetari i PD-së Sali Berisha iu bëri thirrje qytetarëve që të dalin të gjithë në shesh në protestën që PD do të organuzizojë duke shtuar se regjimi i Ramës duhet rrëzuar.
“Kupa e Edi Ramës është derdhur prej kohësh. Ndaj dhe sot më shumë se kurrë duhet të jemi në atë bulevard, në ato rrugë, në ato sheshe për të përcjellë mesazhin tonë se ne nuk pajtohemi kurrë me një organizatë hajdutësh, që u ka vjedhur shqiptarëve shuma përrallore të buxhetit, pasuri të pafundme publike, ka vendosur ligjin e mafies dhe tani do me çdo kusht t’u vjedhë të ardhmen evropiane.
Prania jonë sot është mesazhi më i shkëlqyer, është mesazhi më dinjitoz që ne u përcjellim shqiptarëve në Shqipëri dhe të katër anët e dheut, por që ne u përcjellim edhe miqve tanë të vërtetë në BE, SHBA dhe kudo që janë”, tha Berisha.
Sipas tij, vizita e Ramës në Bruksel është kthyer si ajo e një narkodiktatori që mori kartonin e zi nga ndërkombëtarët, për shkak të situatës ku e ka futur vendin me skandalet e korrupsionit dhe vjedhjes së parave të shqiptarëve.
“Sot në Bruksel përfaqësuesit e vendeve më të mëdha të Europës patën para tyre narko-diktatorin e parë të kontinentit, Edi Ramën.
Patën para tyre njeriun që për vjedhjet e tij dhe organizatës kriminale, është i aftë dhe i gatshëm në papërgjegjshmëri të plotë, të shkelmojë dhe interesat më jetike të Shqipërisë dhe shqiptarëve. Patën para tyre njeriun, i cili i detyroi përfaqësuesit e vendeve kryesore të BE t’i nxjerrin jo kartonin e kuq, por kartonin e zi.
Mundësinë e shpërbërjes së plotë të udhëtimit tonë 32-vjeçar drejt BE”, deklaroi ai.
Nga Gazeta ‘Si’- Djathi parmigiano po jeton ‘epokën’ e tij duke u shndërruar në më shumë se një shtesë për makaronat tuaja.
Në të vërtetë, djathi po përdoret si snack i lartë proteinash nga përdorues të Instagramit dhe TikTok-ut, të cilët e krahasojnë me një shufër proteine luksoze.
Por, a është me të vertetë një burim aq i pasur proteinash që nuk e dinim se na duhej?
Sipas Departamentit të Bujqësisë së Shteteve të Bashkuara (USDA), djathi parmigiano ofron mbi 35 gram proteinë për 100 gram.
Kjo është një fitore e madhe vetëm për sa i përket proteinave, duke kaluar shumë burime të famshme të proteinave si mishi i viçit dhe gjoksi i pulës, të cilat për 100 gram përmbajnë përkatësisht 18.2 dhe 22.5 gram.
Ky djath është gjithashtu një burim i mirë i kalciumit për ndërtimin e kockave. Ai ofron 1.180 miligram për një bllok 100-gramësh, duke tejkaluar marrjen e rekomanduar ditore prej 1.000 miligram për të rriturit deri në moshën 50 vjeç (dhe pak nën 1.200 miligramët e rekomanduar për të rriturit më të moshuar).
Një tjetër avantazh i tij është sasia minimale e laktozës, thotë Maddie Pasquariello, dietologe në Brooklyn, gjë që e bën tërheqës për këdo që është intolerant ndaj laktozës ose i ndjeshëm ndaj produkteve të qumështit.
A duhet të hani parmigiano si një snack i pasur me proteinë?
Siç ndodh me shumicën e trendeve në rrjetet sociale që premtojnë zgjidhje të shpejta për shëndetin dhe mirëqenien tuaj, edhe ky duhet të merret me kujdes. Pasquariello thotë:
“Parmigiano është shumë i shijshëm dhe i gjithanshëm kur përdoret në receta, por nuk do ta quaja asnjëherë një burim të jashtëzakonshëm proteinash ose lëndësh ushqyese, dhe nuk do ta konsumonja si një shufër proteinash.”
Këtu fillon të zbehet iluzioni i tij si një ushqim revolucionar për shëndetin. Edhe pse është i pasur me proteina dhe një burim i mirë i kalciumit, nuk duhet të harrojmë se përmban edhe sasi të konsiderueshme yndyre të ngopur dhe kripë.
“Për të konsumuar sasinë e proteinave që gjendet në një shufër standarde proteinash (10 deri 25 gram), do të konsumonit parmigiano që përmban 8 deri 20 gram yndyrë totale (5 deri 12.5 gram yndyrë të ngopur) dhe 500 deri 750 miligram kripë,” ndan Pasquariello.
Sipas Udhëzimeve Dietike për Amerikanët që gjithashtu u përditësuan si pjesë e ribrandimit të piramidës ushqimore yndyra e ngopur nuk duhet të tejkalojë 10% të kalorive totale ditore (p.sh., 20 gram në një dietë 2.000 kalorish).
Sa i përket kripës, na këshillohet të konsumojmë më pak se 2.300 miligram në ditë.
“Nëse konsumoni potencialisht 50% të sasisë së yndyrës së ngopur dhe thuajse një të tretën e sasisë së kripës në një snack, ka shumë gjasa të tejkaloni rekomandimet për gjithë ditën,” paralajmëron Pasquariello.
Me fjalë të tjera, duhet të shikojmë parmigianon si më shumë sesa një burim i rëndësishëm proteinash dhe të vlerësojmë të gjithë përbërësit e tij. Pak këtu e pak atje do të jetë e mjaftueshme për shumicën e njerëzve, thotë Pasquariello, por ajo padyshim nuk këshillon të hani një shufëer të tërë djathi pas palestreës.
“Duke pasur parasysh se sëmundjet e zemrës janë shkaku kryesor i vdekjes, dhe se marrja e lartë e kripës dhe yndyrës së ngopur rrit rrezikun e sëmundjeve të zemrës dhe goditjes në tru, është një snack që unë do ta shmang,” përfundon ajo.
“Është historia e një burri që po bie nga një ndërtesë 50-katëshe. Në çdo kat, ndërsa bie, ai qetësohet duke përsëritur: jusqu’ici tout va bien (deri këtu gjithçka mirë), jusqu’ici tout va bien, jusqu’ici tout va bien.”
Kështu nis filmi kult francez i vitit 1995, La Haine. Këto fjalë, ky imazh, janë ngulitur në mendjen time përgjithmonë. Ato më qetësojnë kur ndihem e shqetësuar ose kam dyshime për aftësitë e mia. Sugjerojnë që, duke parë që deri tani më ka shkuar mirë, ndoshta do të vazhdoj kështu.
Deri tani, edhe në botën e Bitcoin, entuziastët e saj kanë arritur të dalin pa pasoja. Sigurisht, Bitcoin ka pasur disa rënie të mëdha, qindra kompani kripto kanë falimentuar, shumë njerëz kanë humbur kursimet e jetës së tyre, por sa herë që bie, gjithmonë është rikuperuar. Ata që mund ta përballojnë, mbajnë pozicionet (ata që nuk mund, humbasin gjithçka), dhe përvoja e fituar nga rikthimi i çon të besojnë se monedha e tyre e shenjtë kripto do të jetojë përgjithmonë.
Le të jem e sinqertë: nuk do të ndodhë. Vetëbesimi i tepruar i Bitcoin-erëve, ose më saktë, besimi që ata projektojnë, i domosdoshëm për funksionimin e gjithë skemës, ka qenë gjithmonë i pabazë, i papërgjegjshëm dhe i rrezikshëm. Që nga krijimi i saj, Bitcoin ka qenë në një udhëtim që do të përfundojë, të shkatërruar në tokë.
Këtë javë, ajo tokë u duk për herë të parë, dhe shpejt. Bitcoin pësoi rënien më të madhe që nga viti 2022, duke rënë deri rreth 60.000 dollarë një moment të premten, duke fshirë të gjitha fitimet që kishte bërë që nga rizgjedhja e Donald Trump në 2024 dhe duke shënuar një rënie mbi gjysmën nga rekordi mbi 127.000 dollarë në tetor të kaluar. Rreth 1.25 miliardë dollarë pozicione bitcoin u likuiduan brenda vetëm 24 orëve, nga e enjtja në të premten, sipas të dhënave të Coinglass.
Dëshpërimi dhe përpjekjet për të mbajtur moralin, siç do të thoshte një “bro”, që nënkupton dikë që është i zhytur në deluzion dhe i vështirë për të pranuar një të vërtetë të dhimbshme, janë të dukshme. “Nuk kam qenë kurrë më i optimist për kripto-n,” shkruante Balaji Srinivasan, një evangjelist i njohur i kriptos dhe ish-shef teknologjie në Coinbase, të enjten. “Sepse rendi i bazuar në rregulla po shembet dhe rendi i bazuar në kod po ngrihet. Pra, çmimi afatshkurtër nuk ka rëndësi.”
Disa e morën me humor ose ironi. “Nëse doni të më blini një dhuratë për ditëlindje, blini pak Bitcoin për veten,” postoi Michael Saylor, njeriu që e ktheu kompaninë e tij, Strategy, në një bast të madh mbi Bitcoin (mban mbi 713,000 BTC, rreth 3.4% të qarkullimit total), të mërkurën. Miliarderi i vogël i ditëlindjes.
Dita tjetër, gjatë një thirrjeje për raportin e fitimeve për tremujorin e katërt të 2025, para rënies më të madhe, por ku Strategy pësoi humbje 12.4 miliardë dollarë , Saylor përdori taktika të tjera bindjeje. “Nuk mendoj se mund të nënvlerësohet rëndësia e mbështetjes për industrinë dhe kapitalin digjital nga nivelet më të larta të strukturës politike,” insistoi ai, duke theksuar se Amerika ka një “president Bitcoin” që synon ta bëjë vendin “kryeqytetin kripto të botës”.
Por këtu nis problemi për planetin e kriptove. Sepse Saylor ka të drejtë, Amerika ka më afër se kurrë një “president Bitcoin”, me interesa familjare në kripto. Dhe megjithatë, pavarësisht krijimit të një “rezervë strategjike Bitcoin”, faljes së kripto-kriminelëve të dënuar, lejes për amerikanët të investojnë kripto në llogaritë pensionale 401(k) dhe pretendimit për t’i dhënë fund “luftës së Biden-it ndaj kriptos” në 200 ditët e para, prania e Trump në Shtëpinë e Bardhë nuk ka arritur të ndalë shitjet. Nëse Bitcoin nuk mund të lulëzojë këtu, kur mundet?
Nuk mund të themi saktësisht se kur do të ndodhë spirala e fundit e vdekjes së bitcoin-it. Të parashikosh fundin e një manie spekulative bazuar vetëm mbi besimin, ose më saktë mbi besimin e të tjerëve, është e vështirë. Bitcoin mund të ketë edhe disa rikthime të tjera (në kohën e shkrimit ishte rritur rreth 70,000 dollarë).
Por besimi po fillon të shterojë. Kjo javë tregoi se burimi i “budallenjve më të mëdhenj” mbi të cilët mbështetet Bitcoin po pakësohet. Tregimet fantastike që e mbajnë kripton në ajër po shfaqen si të rreme. Njerëzit po kuptojnë se nuk ka asnjë bazë reale për një vlerë që mbështetet vetëm në ajër të pastër. Pyesni veten: a do të ekzistojë kjo gjë pas 100 vitesh? Dhe mos harroni: “çfarë vërtet ka rëndësi nuk është si bie, por si përfundon.” Jusqu’ici tout va bien, jusqu’ici tout va bien…
Shkruar nga Jemimma Kelly, kolumniste e “Financial Times”
Gazeta Si – Presidenti ukrainas, Volodymyr Zelenski, ka njoftuarse Ukraina do të hapë dhjetë “qendra të reja eksporti” në disa vende europiane për të prodhuar dhe shitur armë, veçanërisht dronë.
Megjithatë, këto qendra të reja eksporti do të jenë në fakt fabrika armësh ukrainase në tokën europiane, të cilat ka të ngjarë të operohen në partneritet me kompanitë lokale.
Armët ukrainase të prodhuara në Europë mund të kontribuojnë në përpjekjet luftarake të Ukrainës kundër Rusisë, por kryesisht do t’u shiten vetë vendeve europiane.
Fabrikat e armëve ukrainase janë tashmë të hapura në Mbretërinë e Bashkuar, Danimarkë dhe Gjermani. Zelenski tha se fabrika gjermane do të prodhojë dronin e saj të parë luftarak deri në mesin e shkurtit. Të tjera do të hapen në vendet baltike.
Ngritja e këtyre qendrave është pjesë e një programi për “eksporte të kontrolluara” të armëve ukrainase që ka qenë në proces që nga mesi i vitit të kaluar.
Deri në tetorin e kaluar, për shkak të luftës, kompanitë ukrainase të armëve ishin të ndaluara të eksportonin, pasi të gjitha armët e disponueshme ishin të nevojshme për përpjekjet e luftës ndaj Rusisë.
Gjatë këtyre viteve të luftës, falë veprimeve urgjente dhe investimeve të konsiderueshme, kompanitë ukrainase të armëve janë rritur jashtëzakonisht shumë dhe kanë përmirësuar cilësinë e produkteve të tyre deri në atë pikë sa janë bërë tërheqëse për tregun europian.
Mbi të gjitha, ato kanë zgjeruar kapacitetin e tyre të prodhimit deri në atë pikë sa kanë gjeneruar një tepricë.
Kjo do të thotë që kompanitë ukrainase kanë kapacitetin për të prodhuar shumë më tepër armë sesa prodhojnë aktualisht, por nuk mund të vijojnë ta bëjnë këtë, sepse u mungojnë investime të mjaftueshme, punëtorë ose ambiente të përshtatshme prodhimi.
Një shembull i mirë janë dronët: Ukraina aktualisht prodhon rreth katër milionë prej tyre në vit, por vlerësohet se kompanitë e saj kanë kapacitetin për të prodhuar tetë milionë. (Shënim: Kjo nuk do të thotë që Ukraina nuk ka më nevojë për armë perëndimore. Vendi ka zhvilluar ekspertizë në prodhimin e disa armëve, por ende varet nga furnizuesit e huaj për shumë sisteme komplekse dhe thelbësore armësh, siç janë sistemet e mbrojtjes ajrore).
Duke pasur parasysh këtë kapacitet të tepërt prodhimi, zgjerimi i konsiderueshëm i kompanive ukrainase të armëve brenda vendit është i ndërlikuar.
Nga njëra anë, ka mungesë investimesh: Investitorët privatë perëndimorë ngurrojnë të investojnë në Ukrainë për shkak të luftës dhe paqëndrueshmërisë politike.
Nga ana tjetër, krijimi i objekteve tepër të mëdha të prodhimit mund t’i bëjë ato një objektiv për bombardimet ruse.
Për më tepër, Ukraina ka mungesë punëtorësh të kualifikuar, shumë prej të cilëve kanë përfunduar duke luftuar në vijën e parë.
Për këtë arsye, në tetor, qeveria e Zelenskit, pranoi të heqë ndalimin e eksportit të armëve, por në një mënyrë “të kontrolluar”, përmes marrëveshjeve me vendet europiane dhe hapjes së qendrave të eksportit.
Kjo do t’u lejojë kompanive ukrainase të zhvillojnë plotësisht kapacitetin e tyre të prodhimit, duke përfituar nga kërkesa e fortë për armë në tregun europian.
Të gjitha të ardhurat nga eksporti do të ridrejtohen më pas në blerjen e armëve të tjera të nevojshme për të zhvilluar luftën kundër Rusisë.
Një listë me modelet e makinave më premtuese që pritet të dalin në treg në periudhën 2026-2030.
Alfa Romeo Stelvio (gjenerata e dytë, 2027) Alfa Romeo Stelvio po rishikohet tërësisht për të krijuar gjeneratën e dytë. Fillimisht pritej në 2026, por debutimi është shtyrë të paktën deri në 2027. SUV-i do të ruajë stilin sensual tipik të markës dhe do të ofrohet me motor hibrid ose elektrik. Stelvio do të kalojë në platformën STLA Large, duke e bërë më të madh dhe më afër kategorisë mesatare. Një variant i performancës, Quadrifoglio, mund të përdorë motorin Hurricane twin-turbo me gjashtë cilindra në linjë, të njëjtin që do të përdorë Dodge Charger në të njëjtën platformë.
Audi TT EV (2028) Audi po zhvillon një sportiv elektrik bazuar në konceptin Concept C, midis modeleve TT dhe R8. Do të ketë një dizajn të ri me drita të guximshme, sipërfaqe të pastra dhe kabinë luksoze. Do të ndajë platformën me Porsche 718 EV dhe do të ofrohet me një motor dhe tërheqje pasme ose dy motorë dhe tërheqje në të katër rrotat. Pritet të mbërrijë në 2027 me çmim rreth 100.000 dollarë.
BMW 3-Series dhe M3 (2026) Modeli i ri i 3-Series do të vijë me variante motor me djegie të brendshme dhe elektrik. Versioni elektrik, i3, do të përdorë një platformë EV me 800 volt. Nga ky do të lindë edhe M3 elektrik me katër motorë. i3 pritet në 2026 dhe iM3 në 2027.
Chevy Corvette SUV (2026) Corvette do të zgjerohet me një SUV performancë. Ai do të përdorë platformën Alpha të GM dhe motorët do të jenë nga katërcilindër turbo tek V8 supercharged 6.2 litër në variantin më të fuqishëm. Data e debutimit nuk është konfirmuar.
Dodge Charger Hellcat V-8 (2027) Motorët Hemi V8 rikthehen te Dodge Charger, pas dështimit të modelit elektrik Daytona. Motorët do të jenë 5.7 litër, 6.4 litër dhe Hellcat supercharged 6.2 litër, me fuqinë mbi 700 kuaj fuqi. Debutim i pritur në 2026.
Ferrari EV SUV (2026) Ferrari do të prezantojë një SUV elektrik performancë, duke ruajtur motorët e famshëm V12 për ata që duan traditën. SUV-i do të ketë 4 vende, dhe të gjithë motorët dhe baterinë do t’i zhvillojë vetë Ferrari. Çmimi fillestar mbi 500,000 dollarë, prezantimi në fillim të 2026.
Ford Mustang Dark Horse SC (2026) Ky model është pasardhës i Shelby GT500 dhe ka motor V8 supercharged 5.2 litër, me rreth 800 kuaj fuqi. Është optimizuar për pistë me aerodinamikë të përmirësuar. Dorëzimet fillojnë këtë verë.
Ford Mustang Raptor (2026) Version off-road me motor V8 natyralisht aspiruar, tërheqje në të katër rrotat dhe pezullim të ngritur me amortizatorë Fox Live Valve. Çmim fillestar rreth 90.000 dollarë.
Genesis GV90 (2026) SUV elektrik i madh me 3 rreshta ulësesh, tërheqje në të katër rrotat, autonomi rreth 250 milje dhe interier luksoz si sedan G90. Çmimi në gjashtë shifra.
Genesis GV60 Magma (2027) SUV elektrik performancë me 601 kuaj fuqi, me funksion boost deri në 641 kuaj fuqi dhe çift rrotullimi 583 lb-ft. Shitjet fillojnë në SHBA në 2026.
Genesis Magma GT (2028) Coupe me motor V8 twin-turbo mes motorëve me mbi 600 kuaj fuqi, opsional V6 hibrid, variant cabrio dhe për pistë. Prodhimi fillon në fund të 2027.
Toyota GR GT (2027) Model i parë i pavarur nën markën GR, motor twin-turbo V8 4.0 litër me sistem hibrid, fuqia 641 kuaj fuqi, 627 lb-ft, shpejtësi maksimale 199 mph. Çmimi fillestar rreth 300.000 dollarë.
Infiniti Q50 (2028) Sedan sportiv me motor twin-turbo V6 mbi 400 kuaj fuqi dhe opsion për kutinë manuale. Çmimi fillestar rreth 60.000 dollarë, debutim në 2027.
Jaguar I-Type (2027) Grand tourer katër-dyer EV me autonomi 430 milje, dizajn i bazuar te koncepti Type 00, çmim fillestar afërsisht 200.000 dollarë, debutim në fund të 2026.
Kia Telluride (2027) SUV me motor hibrid: katërcilindër turbo 2.5 litër + dy motorë elektrikë, 329 kuaj fuqi dhe afërsisht 35 mpg. Debutim në tremujorin e parë të 2026.
Lexus LFA (2029) EV performancë i lartë me autonomi mbi 430 milje, mundësi transmetimi manual, debutim në disa vite.
Mazda CX-5 (2027) SUV me motor hibrid, katërcilindër 2.5 litër, mbi 30 mpg.
Mitsubishi Montero (2028) SUV off-road me motor V6 twin-turbo ose hibrid plug-in. Çmimi fillestar rreth 60,000 dollarë, debutim në 2027.
Nissan Xterra (2028) SUV off-road me motor V6 hibrid dhe tërheqje në të katër rrotat. Çmimi rreth 40,000 dollarë. Polestar 6 (2030) Cabrio elektrik me 884 kuaj fuqi, 0-60 mph në 3.2 sekonda dhe shpejtësi maksimale 155 mph, platformë e përbashkët me Polestar 5, debutim 2030.
Porsche 718 Boxster dhe Cayman EV (2027) Modele mid-engine elektrike me performancë të lartë dhe tingull dinamik, debutim në 2027.
Ram 1500 SRT TRX (2027) Motor Hellcat V8 supercharged 6.2 litër, 777 kuaj fuqi, 680 lb-ft, 0-60 mph në 3.5 sekonda. Çmimi fillestar 102,590 dollarë, debutim gjysma e dytë e 2026.
Ram Dakota (2028) Rikthim në segmentin mid-size me platformë body-on-frame STLA, motor turbo katërcilindër, opsion hibrid ose Hurricane inline-six. Prodhim 2027.
Rivian R2 (2026) SUV kompakt elektrik me tre opsione motori, autonomi mbi 300 milje, çmim nën 50,000 dollarë, debutim mes 2026.
Toyota MR2 (2027) Coupe me motor katërcilindër dhe opsional hibrid, mid-engine, debutim si model GR pa emblemën Toyota.
Login
