Përkeqësohet gjendja shëndetësore e kryepeshkopit të Shqipërisë, Anastas Janullatos, i cili prej ditësh ndodhet i shtruar në spitalin Evangelismos në Athinë.

Burme nga spitali bëjnë me dije për mediat greke se Janullatos ka hyrë me urgjencë në sallën e operacionit, sepse ka pasur  gjakderdhje gastrike.

Kisha Ortodokse njoftoi më herët se gjendja shëndetësore e Kryepeshkopit pësoi një përkeqësim të menjëhershëm dhe  se ai u transferua në njësinë e kujdesit intensiv.

“Përditësim i gjendjes shëndetësore të Fortlumturisë së Tij, Kryepishkopit të Shqipërisë, z. Anastas

Gjendja shëndetësore e Fortlumturisë së Tij, Kryepiskopit të Shqipërisë, z. Anastas, ka pësuar një përkeqësim të menjëhershëm dhe ai është transferuar në njësinë e kujdesit intensiv, ku ndodhet i intubuar. Nga administrata e spitalit”, shkruhet në postimin e Kishës Ortodokse.

Kryepeshkopi Anastas Janullatos u transferua më 3 Janar nga Tirana në spitalin “Evangelismos” në Athinë me një avion të Forcave Ajrore të Greqisë.

Kryepeshkopi 95-vjeçar, i cili kishte shfaqur simptoma të virusit ditët e fundit, u shtrua fillimisht në një spital privat në kryeqytet më 30 Dhjetor.

The post Përkeqësohet gjendja shëndetësore e Kryepeshkopit të Shqipërisë, Anastas Janullatos i nënshtrohet një operacioni urgjent appeared first on Gazeta Shqiptare Online.

Të tjera detaje janë zbuluar nga ngjarja e rëndë në Itali, ku dy motra shqiptare, të moshës 33 dhe 35 vjeç, u hodhën nga dritarja e katit të katërt të një ndërtese në Genova.

33-vjeçarja, nënë e katër fëmijëve, ndërroi jetë menjëherë, ndërsa motra e saj mbijetoi dhe tani ndodhet në terapi intensive. Sipas hetimeve paraprake, akti tragjik ka ndodhur për shkak të frikës së nënës se mund t’i humbte fëmijët, duke pasur parasysh se ata mund t’iu besoheshin burrit të saj, i cili ishte denoncuar më parë për abuzim ndaj saj dhe fëmijëve dhe ishte në proces divorci.

Avokati i dy motrave ka bërë të ditur për mediat italiane, se vajza që mbijetoi ka shumë fraktura dhe vazhdon të pyesë për motrën e saj, pa e ditur ende se ajo ka vdekur.

Ai është shprehur se viktima kishte denoncuar burrin për abuzim psikologjik dhe për tentativë për të imponuar ideologji fetare ekstremiste brenda familjes, ndërsa ka pasur dhe një partnere të re me një fëmijë.

“Viktima kishte frikë se mos i humbiste fëmijët e saj. Ajo kishte denoncuar disa herë burrin e saj për abuzim psikologjik në lidhje me fanatizmin e tij fetar, ajo pretendonte se ai donte t’i impononte asaj dhe fëmijëve të saj fenë, por ajo nuk donte. Ai ishte dënuar për një rast rrëmbimi duke qenë se i kishte mbyllur dy gratë dhe më pas kishte shkuar në xhami, ndërsa ishte liruar për plagosje. Sipas shumë njerëzve, ajo ishte e shqetësuar se do t’i linte fëmijët me burrin e saj duke qenë se ajo ishte e papunë, ndërsa burri i saj punonte, kishte një partnere të re dhe një fëmijë, dhe për këtë arsye kishte frikë se do t’i hiqnin kujdestarinë”, tha avokati i dy shqiptareve.

Avokati shpjegoi se mes çifti ka pasur probleme, por sipas tij, gruaja shqiptare nuk ka pasur shenja xhelozie për të shoqin. Ai tregoi se viktima shtatorin e kaluar ishte izoluar në shtëpi nga bashkëshorti për rreth një orë e gjysmë, pa pasur mundësinë për të dalë.

“Sigurisht që kishte probleme mes gruas dhe burrit të saj. Ajo më kishte shprehur shqetësimin për rritjen e fëmijëve të saj duke qenë se burri i saj donte të impononte islamin radikal dhe ajo nuk ishte dakord. Kam lexuar për xhelozinë e saj ndaj burrit të saj, por kjo nuk është e vërtetë. 26 shtatorin e kaluar gjykata e dënoi zotërinë për rrëmbim, për një orë e gjysmë zonja nuk mundi të dilte nga shtëpia. Ka pasur një konflikt, por ky dënim e ka bërë përgjegjës për rrëmbim. Besimi se fëmijët mund të rriten në një mjedis jo të shëndetshëm është real.

Zonja më kishte telefonuar dy ditë para kësaj ngjarjeje  sepse donte të bënte një ankesë të mëtejshme kundër këtij burri, për fat të keq nuk jam në gjendje ta di pse. Shtypi e trajtoi ngjarjen në mënyrë objektive, nuk e di se çfarë tha avokati i zotërisë. Ne nuk u japim përgjegjësi atyre që nuk e kanë, por ka pasur një konflikt mes të dyja palëve.

Ka një dënim për rrëmbim dhe nuk mund të zvogëlohet, mendoj se është e gabuar, kjo grua që kishte gjithë këtë liri mendoj se është vërtetuar se ka gabuar. I hoqi çelësat e shtëpisë së saj dhe të zonjës, duke e mbyllur në shtëpi, kështu që një rrëmbim mbaroi dhe mbaroi, nuk mund të flasim vetëm për një krizë familjare. Nuk kam informacion për depresionin pas lindjes”, tha ai.

Nga ana tjetër, avokati i ish-bashkëshortit të shqiptares ka hedhur poshtë akuzat për ekstremizëm fetar dhe ka theksuar se ai ishte një individ tërësisht i integruar në shoqëri dhe pa probleme.

Ai ka thënë gjithashtu se gruaja kishte pasur një periudhë të vështirë pas lindjes, ku nuk ishte diagnostikuar me depresionin.

“Klienti im është i integruar mirë në zonë, ai punonte, nuk ishte ekstremist apo edhe fanatik fetar, ishte mysliman si gruaja e tij. Zonja nuk vishte burka, kishte leje drejtimi dhe bënte një jetë shoqërore shumë normale. 

Bashkëshorti nuk ka bërë asnjë detyrim ndaj gruas së tij. Ajo kishte frikë se fëmijët do t’i besoheshin burrit të saj, sepse një seancë në fund të dhjetorit kishte treguar se gruaja ishte në shqetësim psikologjik.  Gruaja e tij e akuzoi për shumë gjëra. E gjithë kjo është pjesë e një krize serioze martesore, ajo ka pasur depresion pas lindjes, të cilat, megjithatë, nuk u zbuluan nga askush”, ka thënë avokati.

The post “U hodh nga frika se mos humbte kujdestarinë e 4 fëmijëve!”- Tragjedia e motrave shqiptare në Itali, avokatët: Ish-burri kishte grua dhe fëmijë tjetër! Ajo nuk ishte xheloze, por… appeared first on Gazeta Shqiptare Online.

Fushata elektorale për Partinë Socialiste lidhur me zgjedhjet parlamentare të vitit 2025 mbetet e fokusuar tek diaspora.

Nga mbledhja e sotme e socialistëve, mësohet se këtë fundjavë një pjesë e drejtuesve politikë të PS do të udhëtojnë jashtë vendit, në ato shtete ku numri i emigrantëve shqiptarë është më i madh, si në Greqi dhe Itali.

Për të analizuar punën që po bëhet me diasporën, kryetari i PS, Edi Rama mblodhi mëngjesin e kësaj të enjteje në selinë e PS-së drejtuesit politik të qarqeve, ku secili ka raportuar për punën që po kryhet në terren.

Në mbledhje është diskutuar edhe mbi përgatitjet për fushatën zgjedhore, ku rëndësi të veçantë ka lista e kandidatëve për deputetë me të cilën PS do garojë.

Gjatë mbledhjes me drejtuesit politikë, mësohet se është diskutuar vetëm në parim mbi hartimin e listës. Diskutim vetëm mbi kriteret për pjesën e mbyllur dhe atë të hapur të listës së kandidatëve, pa përmendur emra konkrete.

Nisur nga çfarë ka deklaruar Rama në mbledhjen e Asamblesë Kombëtare të shtatorit të kaluar, në listën e kandidatëve pritet të ketë shumë figura të reja. Madje në PS është çelur edhe platforma “Deputeti që Duam”, ku mund aplikojnë qytetarë të ndryshëm, të cilët pas një procesi përzgjedhjeje mund të jenë në listën socialiste të kandidatëve për deputetë.

The post Zgjedhjet parlamentare 2025/ PS e fokusuar tek diaspora, rinisin turet e takimeve me emigrantët në Greqi dhe Itali appeared first on Gazeta Shqiptare Online.

Qeveria ka shkarkuar nga detyra drejtorin e Teatrit Kombëtar, Altin Basha.

Vendimi për shkarkimin e Altin Bashës u mor në mbledhjen e sotme të këshillit të ministrave.

Altin Basha akuzohet se ka shpërdoruar fondet e Teatrit Kombëtar.

Sipas akuzës Basha kishte punësuar si kostumografe bashkëshorten e tij për shfaqen “Vojçek” dhe e kishte paguar atë 11 milionë lekë për kostumet e kësaj shfaqje, rreth 840 mijë lekë për veshjet e çdo aktori.

Gjithashtu  sipas akuzës kanë dalë edhe emra fiktivë, të cilët janë paguar sikur të kenë qenë pjesë e Teatrit, duke filluar nga grimierja e deri tek regjisori e ndriçimi.

The post Qeveria shkarkon nga detyra drejtorin e Teatrit Kombëtar, Altin Basha appeared first on Gazeta Shqiptare Online.

Kryeministri Edi Rama ka takuar ditën e sotme, Zëvendës Sekretarin e Shtetit për Menaxhimin dhe Burimet Richard R. Verma, si dhe të Ngarkuarën me Punë Nancy VanHorn.

Përmes një postimi në rrjete sociale, Ambasada e SHBA në vendin tonë, ka zbardhur takimin midis zyrtarëve amerikanë dhe kreut të qeverisë, duke shkruar se diskutuan mbështetjen e Shqipërisë për refugjatët afganë dhe Ukrainën dhe se sa jetik është integrimi në BE për të ardhmen e Shqipërisë.

Po ashtu Zëvendës Sekretari Verma përgëzoi Shqipërinë për përzgjedhjen për një marrëveshje kompakte me MCC, një mundësi për të bashkëpunuar në një program për rritjen ekonomike teksa Shqipëria ecën drejt integrimit të plotë europian.

 

The post Rama takohet me zyrtarin e lartë të DASH, Verma: Integrimi në BE, jetike për Shqipërinë appeared first on Gazeta Shqiptare Online.

Ermal Hoxha është paraqitur në Prokurorinë e Posaçme kundër Korrupsionit (SPAK) të hënën më 6 janar, në mesditë.

Deri tani, SPAK nuk ka dhënë detaje lidhur me arsyet e thirrjes së tij. Hoxha, i njohur si nipi i ish-diktatorit Enver Hoxha, ka qenë i dënuar më herët për përfshirje në skandalin e laboratorit të Xibrakës.

Në vitin 2024, dosja e Xibrakës është rihapur pas një denoncimi publik nga Gazmend Bardhi.

Ky i fundit akuzoi për përfshirje në këtë dosje edhe Olsi Ramën.

Ermal Hoxha u dënua nga Gjykata e Krimeve të Rënda në korrik të 2017 me 10 vite burgim, por përfitoi nga gjykimi i shkurtuar dhe dënimi iu ul në 6.8 vite.

Ai u lirua nga burgu rreth një vit më vonë, më 13 Shtator 2018, me liri parakohe me kusht nga gjyqtari i Gjykatës së Fierit, Piro Sota.

Dënimet për anëtarët e Xibrakës

1. Ermal Hoxha – 6 vjet e 8 muaj (10 vjet)

2. Ilir Hyseni – 8 vjet (12 vjet)

3. Cezar Avila – 8 vjet (12 vjet)

4. Valter Moreno – 8 vjet (12 vjet)

5. Genci Xhixha – 8 vjet e 8 muaj (13 vjet)

6. Gentian Gjonaj – 7 vite e 8 muaj (11 vjet)

7. Kelmend Dalipi – 7 vite e 4 muaj (11 vjet)

8. Sajmir Batku – 8 vite e 8 muaj (13 vjet)

9. Arjan Dalipi – 7 vite e 4 muaj (10 vjet)

Laboratori ‘Xibraka’ 

Operacioni ‘Xibraka’ u zhvillua në Elbasan, më 14 Janar të 2015, ku në pranga ranë 11 persona, mes tyre dhe 2 kolumbianë.

Sipas të dhënave nga hetimi, i arrestuari Ilir Hyseni ishte personazhi kryesor që mbulonte sigurimin e drogës jashtë vendit dhe sjelljen e saj në Shqipëri. Në vijim ishte po ai që survejonte kalimin e saj në vende të Europës, kryesisht në Gjermani.

Sipas hetimeve, Ermal Hoxha, ka pasur rolin e financuesit dhe të financierit. Ai ishte personi që mbulonte likuidimin e drogës kur hynte në Shqipëri dhe që merrte paratë nga marrësit kur nxirrnin kokainë jashtë vendit.

******

NGJARJA :

Prokuroria kërkoi në atë kohë dënimin me 13 vjet vite pas hekurave për Ermal Hoxhën.

Ndërsa në total Prokuroria për Krime të Rënda kërkoi dënimin me 126 vite burgim në total për anëtarët e grupit të strukturuar kriminal që trafikonte lëndë narkotike, i njohur si grupi „Xibraka“.

Në përfundim të shqyrtimit gjyqësor, Prokuroria për Krime të Rënda kërkoi konkretisht dënimet, si më poshtë:

1. I pandehuri Ilir Hyseni të dënohet me 14 vjet burgim
2. I pandehuri Genci Xhixa të dënohet me 15 vjet burgim
3. I pandehuri Arjan Dalipi të dënohet me 13 vjet burgim
4. I pandehuri Cesar Avila të dënohet me 14 vjet burgim
5. I pandehuri Valter Moreno të dënohet me 14 vjet burgim
6. I pandehuri Ermal Hoxha të dënohet me 13 vjet burgim
7. I pandehuri Sajmir Batku të dënohet me 15 vjet burgim
8. I pandehuri Gentian Gjonaj të dënohet me 14 vjet burgim
9. I pandehuri Kelmend Dalipi të dënohet me 14 vjet burgim

Në datën 17.12.2014, ka mbërritur në Prokurorinë për Krime të Rënda një informacion nga ana e autoriteteve gjermane mbi organizimin e një aktiviteti të trafikimit të një sasie lënde narkotike të dyshuar si kokainë nga Shqipëria drejt Gjermanisë.  Në datën 18.12.2014, Prokuroria për Krime të Rënda ka regjistruar procedimin penal nr.335 për veprën penale të “trafikimit të narkotikëve” e parashikuar nga neni 283/a i Kodit Penal.

Në bazë të hetimeve të Prokurorisë për Krime të Rënda rezulton e provuar se të pandehurit kanë krijuar  një grup të strukturuar kriminal për trafikimin e lëndëve narkotike, në kuadër të të cilit ata kanë importuar në territorin e Republikës së Shqipërisë një sasi lënde në përmbajtje të së cilës ka qenë e fshehur kokainë.

Për ekstraktimin e saj, ata kanë ngritur edhe një laborator ku përpunohej lënda bazë që përmbante kokainën deri sa nxirrej në formën e saj përfundimtare, e gatshme për t’u shitur në treg apo trafikuar.

Prania e kokainës në një sërë lëndësh që ndodheshin të depozituara në enë, shishe qelqi, qese, kontenierë etj, të sekuestruara në magazinë, siç u përshkrua në mënyrë të detajuar më lart, provon plotësisht se në magazinën në Xibrakë ishte ngritur një laborator për ekstraktimin e kokainës nga lënda ku ishte fshehur më parë, me qëllim kalimin me lehtësi të kontrolleve në pikat doganore.

Akuza

Mes 9 të arrestuarve është edhe edhe nipi i Enver Hoxhës, Ermal Hoxha, akuzuar për “Trafik droge” dhe pjesë e “grupit të strukturuar kriminal”.

Nipi i Enver Hoxhës u arrestua pasi më parë ishte filmuar nga agjentët e policisë në laboratorin e drogës në Xibrakë të Elbasanit.

Ai kishte vizituar vendin ku përpunohej pluhuri i bardhë dhe kjo e ka implikuar. Në shtëpinë e vjehrrit në Durrës, u gjendur edhe automjeti i tij tip “Volvo” me ngjyrë blu, e cili iu nënshtrua një kontrolli të imtësishëm nga ana e specialistëve të antidrogës.

Dosja e Prokurorisë për Krimet e Rënda

Hetimi i Prokurorisë së Krimeve të Rënda thuhet se ka nisur në bazë të një informacioni të mbërritur në Drejtorinë e Marrëdhënieve Juridiksionale me Jashtë në Prokurorinë e Përgjithshme në datë 17.12.2014 nga ana e autoriteteve gjyqësore gjermane mbi organizimin e një aktiviteti të trafikimit të lëndëve narkotike. Ky informacion iu përcoll Prokurorisë për Krime të Rënda, e cila në dt. 18.12.2014, regjistroi me iniciativë (kryesisht) procedimin penal për “trafikim të lëndëve narkotike” dhe vijoi hetimet lidhur me personat e dyshuar si të përfshirë në këtë grup të strukturuar kriminal.

Në bazë të të dhënave të përfituara gjatë hetimeve paraprake, të zhvilluara në bashkëpunim me Policinë e Shtetit, në datë 14.01.2015, prokuroria njofton se u organizua operacioni për arrestimin në flagrancë të disa shtetasve, të cilët gjendeshin në ambjentet e një ish-magazine, e cila rezultoi që ishte shndërruar nga të dyshuarit në një laborator për përpunimin e lëndës narkotike të llojit kokainë. Po ashtu, në vijim të operacionit, në bazë të të dhënave të përftuara gjatë hetimeve paraprake të Prokurorisë për Krime të Rënda, u arrestuan edhe disa persona të tjerë në zona të ndryshme, në total u arrestuan 9 persona.

“Në bazë të veprimeve paraprake dhe provave materiale të zbuluara gjatë operacionit, personat e arrestuar, dyshohen se kanë konsumuar elementët e veprave penale të “trafikimit të narkotikëve”, të mbetur në tentativë, “prodhimit dhe fabrikimit të lëndëve narkotike dhe psikotrope, “prodhimit, tregtimit dhe përdorimit të paligjshëm të prekursorëve”, “mbajtjes, prodhimit dhe transportimit të substancave kimike” si dhe “grupit të strukturuar kriminal” të parashikuara nga nenet 283/a-22, 284/c, 284/ç, 285 dhe 333/a. Ndërkohë, dy prej tyre akuzohen edhe për veprën penale të “prodhimit dhe mbajtjes pa leje të armëve luftarake dhe municionit” të parashikuar nga nenet 278/2 dhe 278/4 të Kodit Penal. Në bazë të të dhënave të siguruara deri në këtë fazë të hetimit, Prokuroria për Krime të Rënda kërkon caktimin e masës së sigurisë “Arrest në burg” për 9 personat”, thuhet në njoftimin e Prokurorisë.

Të akuzuarit:

1. Ilir Hyseni
2. Gentian Gjonaj
3. Kelmend Dalipi
4. Arjan Dalipi
5. Sajmir Batku
6. Ermal Hoxha
7. Kastriot Imeri
8. Cesar Avila
9. Valther Moreno

******

Prokuroria për Krimet e Rënda ka krijuar dyshimet e para mbi rolet e të arrestuarve nga operacioni policor që zbuloi të mërkurën një laborator të drogave të forta në Xibrakë të Elbasanit.

Nga hetimet paraprake ka rezultuar se bëhet fjalë për një grup të strukturuar kriminal me role të ndara. Burime të Prokurorisë bënë me dije se i arrestuari Ilir Hyseni realizonte kontaktet me furnitorët dhe blerësit fundorë në Gjermani.

I arrestuari Ermal Hoxha, nipi i ish-diktatorit Enver Hoxha, dyshohet se siguronte mjetet financiare. 
Pjesa tjetër e të arrestuarve dyshohet të jenë korrierë, ndihmës dhe bashkëpunëtorë të niveleve më të ulëta. 
Burime pranë organit të akuzës konfirmuan që grupi i trafikut ka të paktën një vit që vepron në Shqipëri, por aktiviteti i dy muajve të fundit është monitoruar.

Sipas të dhënave nga hetimi, i arrestuari Ilir Hyseni është personazhi kryesor që mbulonte sigurimin e drogës jashtë vendit dhe sjelljen e saj në Shqipëri.

Në vijim ishte po ai që survejonte kalimin e saj në vende të Europës, kryesisht në Gjermani. Sipas hetimeve, i arrestuari tjetër i këtij operacioni, Ermal Hoxha, ka pasur rolin e financuesit dhe të financierit. 
Ai dyshohet se ishte personi që mbulonte likuidimin e drogës kur hynte në Shqipëri dhe që merrte paratë nga marrësit kur nxirrnin kokainë jashtë vendit.

The post Paraqitet në SPAK Ermal Hoxha! Nipi i ish-diktaktorit i dënuar për dosjen “Xibraka”! appeared first on Gazeta Shqiptare Online.

Një 36-vjeçar në Durrës është arrestuar, pasi në bashkëpunim me të motrën dhe vëllain, akuzohen të kenë grabitur para e bizhuteri, në një banesë.

Në pranga ka rënë i riu me iniciale A. H., banues në Durrës, ndërsa në muajin shtator janë arrestuar edhe dy bashkëpunëtorët, e motra 33-vjeçarja me iniciale E. K., e cila punonte si sanitare në banesën e gabitur, dhe i vëllai 42-vjeçari me iniciale F. H..

Në shtator, shërbimet e Policisë kanë gjetur në banesën e 42-vjeçarit dhe kanë sekuestruar në cilësinë e provës materiale, një varëse dhe një unazë floriri, një shumë parash dhe një automjet që dyshohet se është përdorur gjatë kryerjes së vjedhjes.

Njoftimi i policisë:

Finalizohet operacioni policor i koduar “The key”, për kapjen e një 36-vjeçari të shpallur në kërkim si bashkëpunëtor për vjedhjen e një shumë parash dhe bizhuterish, në një banesë, duke përdorur kopje të çelësit të derës.

Si rezultat i kontrolleve të vazhdueshme për kapjen e shtetasve në kërkim, bazuar dhe në informacionet e siguruara nga inteligjenca informative, specialistët për Hetimin e Krimeve të Komisariatit të Policisë Durrës kanë kapur dhe ndaluar shtetasin A. H., 36 vjeç, banues në Durrës.

Ky shtetas ishte shpallur në kërkim më datë 14.09.2024, në lidhje me vjedhjen e një shume parash dhe bizhuterish, në një banesë në lagjen nr.18, Durrës.

Për këtë rast, në shtator, janë arrestuar shtetasja E. K., 33 vjeçe dhe F. H., 42 vjeç, të dy banues në Durrës. 33-vjeçarja, e punësuar sanitare në këtë banesë, dyshohet se ka siguruar kopje të çelësit të derës dhe ua ka dhënë 42-vjeçarit dhe 36-vjeçarit (vëllezër), të cilët dyshohet se më pas kanë kryer vjedhjen.

Gjithashtu, në shtator, shërbimet e Policisë kanë gjetur në banesën e 42-vjeçarit dhe kanë sekuestruar në cilësinë e provës materiale, një varëse dhe një unazë floriri, një shumë parash dhe një automjet që dyshohet se është përdorur gjatë kryerjes së vjedhjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit  të Përgjithshëm Durrës, për veprime të mëtejshme, për veprën penale “Vjedhja”, kryer në bashkëpunim.

The post Motra i dha kopjen e çelësit të derës dhe grabitën banesën ku ajo punonte si sanitare! Arrestohet 36 vjeçari që vodhi para e bizhuteri appeared first on Gazeta Shqiptare Online.

Elon Musk i bën thirrje mbretit Charles të shpërndajë parlamentin britanik dhe të thërrasë zgjedhje të reja të përgjithshme.

Pronari miliarder i platformës ‘X’ dhe i zgjedhuri i Donald Trump për të udhëhequr Departamentin e Eficencës së Shtetit ndau një postim duke kërkuar nga monarku të ndërhynte ndërsa ai u përplas me qeverinë për një rast të bandave që abuzonin seksualisht me vajzat e reja.

Kujtojmë se në Britani, edhe pse monarku ka kompetencën për të shpërndarë parlamentin, ky pushtet është kryesisht formal dhe ushtrohet me kërkesë të kryeministrit, për të mbajtur zgjedhje të reja. Nëse mbreti do të shpërndante parlamentin pavarësisht kundërshtimit të kryeministrit, kjo do të shkaktonte një krizë kushtetuese në Mbretërinë e Bashkuar.

The post Elon Musk i bën thirrje mbretit Charles të shpërndajë Parlamentin britanik dhe të thërrasë zgjedhje të reja appeared first on Gazeta Shqiptare Online.

Një aksident i rëndë ka ndodhur në Vaun e Dejës, në aksin Mjedë-Bushat.

Nga përplasja e dy makinave kanë mbetur të vdekur dy persona.

Policia ndodhet në vendin e ngjarjes dhe po punon për zbardhjen e rrethanave.

The post Aksident i rëndë në Vaun e Dejës, raportohet për dy viktima appeared first on Gazeta Shqiptare Online.

Ditën e shtunë vendi ynë do të ndikohet nga kushte atmosferike relativisht të paqëndrueshme.

Moti parashikohet me alternime vranësirash të cilat do të shoqërohen me reshje shiu me intensitet të ulët në një pjesë të madhe të territorit si dhe borë në relievet malore në veri mbi 500metër dhe lindje-juglindje mbi 700-800metër, me intensitet të ulët deri mesatar.

Pas orëve të pasdites parashikohet ndërprerje e reshjeve në të gjithë territorin, dhe intervale të herëpasherëshme me kthjellime.

Ditën e diel moti parashikohet i qëndrueshëm me kthjellime të herëpasherëshme si dhe alternime vranësirash, të cilat do të  shfaqen më të theksuara në relievet malore të vendit.

Era do të fryjë me drejtim verilindje-veriperëndim me shpejtësi mesatare 2-7m/sek, ndërsa përgjatë vijës bregdetare e lugina hera-herës pritet të fitojë shpejtësi 10-16m/sek, shoqëruar me valëzimin në dete të forcës 2-4ballë.

Prezencë e mjegullës lokale/mjegullinës kryesisht në zonat luginore, si dhe ngrica përgjatë akseve rrugore gjatë orëve të para të mëngjesit dhe natës.

The post Reshje shiu dhe dëbore, ja parashikimi i motit për fundjavën appeared first on Gazeta Shqiptare Online.

Ish-kryeministri Sali Berisha ka reaguar pas vendimit të Apelit të Gjykatës së Posaçme, e cila i caktoi sot masën e sigurisë detyrim paraqitje, pas ankimimit nga ana e SPAK.

Berisha e ka cilësuar vendimin pa bazë ligjore.

“Vendim pa asnjë bazë ligjore, pilulë elektorale për të pashpresin Edi Rama, përpjekje e dështuar e organizatës kriminale që quhet SKAPI i partisë për të justifikuar veprën e tyre”, tha Berisha.

Gjithashtu ka deklaruar se vendimin do ta respektojë “sepse çështja është në Strasburg dhe kjo do i bashkohet dosjes”.

The post Apeli i GJKKO caktoi ‘detyrim paraqitje’ ndaj Berishës, reagon ish-kryeministri: Vendim pa asnjë bazë ligjore! Do ta respektoj sepse… appeared first on Gazeta Shqiptare Online.

Bernard Hulme, një nga banorët e këtij edicionit të katërt të “Big Brother Albania,” ka bërë një deklaratë të fortë gjatë transmetimit ‘live.’

Teksa po fliste për debatin me disa nga djemtë e shtëpisë, Hulme ka rrëfyer publikisht se i përket komunitetit LGBT.

“Jam një baba krenar, jam gjysh krenar. Nuk lejoj askënd që të më heqë krenarinë e të qenit një mashkull homoseksual”, tha ai.

Ai gjithashtu ndau me publikun se ishte një baba dhe gjysh shumë krenar.

The post “Jam baba dhe gjysh!”- E papritur në BBV Albania, konkurrenti tregon se është homoseksual: Nuk lejoj askënd që të më heqë krenarinë appeared first on Gazeta Shqiptare Online.

Koreja e Jugut  do të dërgojë në Shtetet e Bashkuara një nga kutitë e zeza të Boeing 737-800 që u rrëzua tre ditë më parë në Mueang, duke vrarë 179 nga 181 personat në bord, njoftoi sot zëvendësministri i Aviacionit Civil Ju Jong-wan.

Duke qenë se është e pamundur të eksportohet në territorin e Koresë së Jugut informacioni që përmban “regjistruesi i të dhënave të fluturimit, i cili është dëmtuar, sot u vendos që të transferohej në Shtetet e Bashkuara për analiza në bashkëpunim me hetuesit amerikanë”, shpjegoi Zhu gjatë një shtypi. informimi.

Inspektimi i të gjithë Boeing 737-800 të përdorur nga linjat ajrore kombëtare është “kryesisht i fokusuar në pajisjen e uljes “, pasi ai nga aeroplanët që u rrëzua “nuk u hap”, sipas drejtorit të përgjithshëm përgjegjës për politikën e sigurisë së aviacionit, Yoo Kyong-soo.

Të dielën në mëngjes, ky Boeing i kompanisë me kosto të ulët të Koresë së Jugut Jeju Air, i ardhur nga Bangkok, u ul në bark në Muan (Koreja e Jugut në jugperëndim) dhe u përplas me një mur betoni në fund të pistës.

Gjithsej 179 nga 181 personat në bord u vranë, me vetëm një stjuardesë dhe një stjuardesë që i mbijetuan fatkeqësisë, që është përplasja më e rëndë ajrore që ka ndodhur në tokën e Koresë së Jugut.

Studiuesit e vendosur në vend nxorrën të dhënat e para nga kutia tjetër e zezë, ajo që përmbante biseda të regjistruara brenda kabinës, kishte raportuar më parë Zhu.

Studimi i kësaj kutie të zezë  pritet të lejojë që të dihen komunikimet e fundit të pilotëve.

Megjithatë, kritikat fokusohen në arkitekturën e aeroportit dhe në veçanti praninë e pengesës fikse mbi të cilën u rrëzua avioni.

The post Aksidenti ajror me 179 viktima, Koreja e Jugut do të dërgojë në SHBA ‘kutinë e zezë’ për analizë appeared first on Gazeta Shqiptare Online.

Viti 2024 është në metrat e tij të fundit, por cilat kanë qenë momentet më të rëndësishme të sportit shqiptar në këto 12 muaj? Nga medaljet historike me mundësit në Lojërat Olimpike, tek Europiani i futbollit, te titulli i Egnatias, për të kaluar me radhë tek atletika, peshëngritja, skitë, boksi, bilardo dhe lojërat me dorë, në këtë speciale ju paraqesim disa prej ngjarjeve që kanë shënuar sportin në vitin 2024.

MUNDJE, MEDALJET HISTORIKE OLIMPIKE
Arritja më e madhe ishte pa diskutim fitimi i medaljeve të para në histori nga Shqipëria në Lojërat Olimpike. Suksese që erdhën nga mundësit Chermen Valiev dhe Islam Dudaev. Dy rusët e natyralizuar ngjitën flamurin kuqezi në podium në “Paris 2024”, duke fituar secili medalje bronzi në stilin e lirë.

Një arritje e madhe që shpërbleu strategjinë e Federatës Shqiptare të Mundjes për të afruar në Kombëtare sportistë nga Rusia, veprim të cilin e kanë bërë federata të ndryshme në mbarë botën. Përveç medaljeve olimpike, Shqipëria e mundjes gjatë këtij viti ka fituar edhe medalje në Europian, një të artë nga Islam Dudaev dhe një të argjendtë me Zelimkhan Abakarovin.

FUTBOLL, SHQIPËRIA NË KAMPIONATIN EUROPIAN
Një tjetër moment i madh ishte pjesëmarrja në Kampionatin Europian të futbollit, e dyta në histori për vendin tonë. Ndonëse u renditëm në vend të fundit në grup, aventura e kuqezinjve në Gjermani prodhoi emocione të forta, duke nisur që nga ai gol për rekord i Nedim Bajramit kundër Italisë.

Një gol i shënuar pas vetëm 23 sekondash lojë, duke kaluar në delir stadiumin në Dortmund, i veshur thuajse 100% kuqezi, si dhe miliona shqiptarë në mbarë botën. Spektakolar dhe me rrahje të forta zemre ishte barazimi kundër Kroacisë.

FUTBOLL, EGNATIA KAMPIONE
Verdikt historik ishte shpallja kampione e Egnatias, titulli i parë në Superiore për ekipin nga Rrogozhina. Një triumf i stërmerituar për skuadrën e drejtuar nga trajneri Edlir Tetova. Pasi e mbylli sezonin e rregullt në vend të parë, Egnatia “shkelmoi” edhe formulën paradoksale të kampionatit, teksa në “Final 4” kaloi fillimisht Vllazninë në gjysmëfinale, ndërsa në finale mposhti Partizanin 1-0 me golin e turkut Ibrahimoglu.

Përveç titullit kampion, Egnatia fitoi edhe Kupën e Shqipërisë, teksa mundi Kukësin në finale. Ndërsa kompletoi tripletën, duke fituar edhe Superkupën, sërish ndaj kuksianëve, për të mbyllur një vit perfekt.

SKIATORJA LARA KOLTURI, E DYTA NË ETAPËN E KUPËS SË BOTËS
Rezultate të mëdha këtë vit janë shënuar edhe në sportin skive alpine dhe mbajnë firmën e Lara Kolturit. Vajza e ish-kampiones olimpike, Daniela Çekarelit, për herë të parë i dhuroi Shqipërisë një vend të dytë në një nga etapat e Kupës së Botës.

Kolturi bëri paraqitje fantastike në garën e slalomit në Gurgl të Austrisë, duke u renditur e dyta, pas legjendës Mikaela Shifrin. Ky ishte rezultati më i madh i arritur ndonjëherë nga Shqipëria në sportin e skive.

CALJA, QERIMAJ DHE RAMADANI MBAJTËN GJALLË PESHËNGRITJEN
Ndonëse për herë të parë Shqipëria nuk mori pjesë në Lojërat Olimpike me peshëngritjen, ky sport ka shënuar edhe gjatë këtij viti disa rezultate të rëndësishme. Briken Calja arriti të regjistronte një vend të katërt në stilin e shtytjes në Kampionatin Botëror, duke vijuar të jetë mes më të mirëve.

Calja arriti gjithashtu edhe një vend të pestë në shtytje dhe dygarësh në Kampionatin Europian. Ndërkohë Kristi Ramadani dhe Erkand Qerimaj, falë një strategjie për të konkurruar në pesha jo-olimpike, arritën rezultate të shkëlqyera në Europian. Dy medalje argjendi të fituara nga Ramadani dhe një nga Qerimaj, iu shtuan peshëngritjes shqiptare gjatë këtij viti.

LUIZA GEGA, 5 TË ARTA BALLKANIKE
Edhe pse ky sezon nuk ishte më i miri për të, Luiza Gega la gjurmë, duke u konfirmuar e pakonkurrueshme në Ballkan. Gega fitoi dy medalje ari në Ballkanikun e sallave të mbyllura në disiplinat 1500 dhe 3000 metra, event i zhvilluar në Stamboll. Luiza e dërgoi në 10 numrin e medaljeve të arta në Ballkanikun e sallave të mbyllura, duke mbajtur statusin e atletes më fituese në historinë e këtij kompeticioni.

Gega shënoi një tjetër të artë në nivel rajonal gjatë këtij viti, teksa triumfoi në gjysmë-maratonën Ballkanike që u mbajt në Nikshiq të Malit të Zi. Dy medalje të tjera të arta kampionia kuqezi i fitoi edhe në Ballkanikun e sallave të hapura, në Izmir, ku triumfoi në 3000 metra me pengesa si dhe në 5000 metra.

DAVID NIKOLLI SHKËLQEN NË RAJON
Shqipëria mori këtë sezon medaljen e saj të parë në histori në Kampionatin Ballkanik të “Cross Country” në radhët e meshkujve. Ishte atleti David Nikolli ai që ngjiti flamurin kuqezi në shkallën më të lartë të podiumit në eventin që u zhvillua në Rumani.

Gjatë këtij viti Nikolli ka fituar gjithashtu medalje të artë edhe në gjysmë-maratonën Ballkanike, duke u konfirmuar si një prej atletëve më të mirë të vendit.

BILARDO, EKLENT KAÇI NËNKAMPION BOTE
Bilardisti shqiptar Eklent Kaçi edhe këtë viti ka qenë në nivele shumë të larta. Ai është shpallur nënkampion bote në disiplinën 9-gurë në “World Championship 2024”, kompeticion që u zhvillua në verë në Arabinë Saudite.

Kaçi, kampion bote për vitin 2023, u mposht në finale nga amerikani Fedor Gorst, me rezultatin e ngushtë 15-14 në një duel tepër emocionues.

ALBAN BEQIRI, KRENARIA E BOKSIT
Boksieri Alban Beqiri shënoi një tjetër rezultat të madh gjatë vitit 2024, duke u shpallur për herë të dytë në karrierë kampion i Ballkanit.

Beqiri, i cili mban edhe rezultatin më të lartë ndërkombëtar në historinë e boksit shqiptar, si i vetmi medalist në një botëror për të rritur, tregoi një formë të shkëlqyer duke fituar tri duele në Ballkanik, për t’u shpallur kampion.

FUTBOLL VAJZA, 11 TITUJ RADHAZI PËR VLLAZNINË
Nëse flasim për futbollin e femrave në Shqipëri, Vllaznia është protagonistja e padiskutueshme. Shkodranet mbrojtën fronin edhe në vitin 2024, duke u shpallur për herë të 11-të radhazi kampione.

Vajzat kuqeblu vijojnë të dominojnë në çdo aspekt ndaj rivaleve të tyre.

BASKETBOLL MESHKUJ, BESËLIDHJA SUPERFUQI
Besëlidhja shkroi për herë të parë emrin e saj si kampione në basketbollin e meshkujve në Shqipëri. Lezhjanët ishin dominues absolutë, duke fituar titullin pa pasuar asnjë humbje në kampionat.

Besëlidhja gjatë këtij viti kalendarik ka fituar gjithashtu edhe Superkupën e Shqipërisë, ndërsa mbetet pretendentja numër një për të triumfuar edhe në kampionatin aktual, ku kryeson me pikë të plota.

BASKETBOLL FEMRA, RIKTHIMI I TIRANËS
Në basketbollin e femrave momenti kulmor i vitit ishte shpallja kampione e Tiranës, një sukses që në shtëpinë bardheblu mungonte që prej vitit 1999.

Kryeqytetaset, të cilat janë ekipi më i titulluar i sportit të koshit në radhët e vajzave, thyen hegjemoninë e Flamurtarit, duke kurorëzuar me festë një sezon të shkëlqyer.

VOLEJBOLL MESHKUJ, PARTIZANI FITON GJITHÇKA
Duke kaluar në sportin e rrjetës, Partizani sundoi parketin në 2024-ën, duke fituar gjithçka gjatë këtij viti kalendarik. Të kuqtë e Ylli Tomorrit, jo vetëm që u shpallën kampionë të Shqipërisë, por nuk lëshuan asnjë trofe rrugës.

Kështu përveç titullit, Partizani fitoi edhe Kupën e Shqipërisë, Kupën e FSHV-së, si dhe dy kompeticionet mbarëkombëtare, si Ligën Gjergj Kastrioti gjithashtu edhe Kupën Pavarësia.

VOLEJBOLL FEMRA, SKËNDERBEU NË FRON
Në radhët e volejbollit të femrave protagonistet e këtij viti ishin vajzat e Skënderbeut. Korçaret e Orlando Kojës fituan titullin kampion, ndërsa i shtuan edhe trofetë e Kupës së Shqipërisë, Kupës së FSHV-së si dhe mbrojtën fronin në Ligën Gjergj Kastrioti.

Një vit ëndrrash për ekipin juglindor që përveç kupave ka shënuar një tjetër triumf të madh siç është rikthimi i mijërave tifozëve në pallatin e sportit.

ARTIN LLESHAJ – PANORAMASPORT.AL

 

The post Nga Olimpiada, tek Europiani! Të gjitha momentet e 2024 që shënuan sportin shqiptar appeared first on Gazeta Shqiptare Online.

Që prej një viti pas ndarjes së tyre, kjo është hera e parë që Ledri dhe Sara fotografohen së bashku. Dhe duket se edhe ky takim, ka pasur një arsye të fortë. Paparaci ynë ka mundur të shkëpusë një moment nga takimi i Sarës dhe Ledrit, teksa ky i fundit ka qenë duke marrë vajzën e tij për ditëlindje.

Ashtu si duket edhe nga shkrepjet, Ledri vjen plot dhurata për t’ia dhënë Poem Blu. Ajo që na bëri shumë përshtypje është fakti se këngëtari i njohur e ka marrë vajzën e tij në rrugë, dhe jo në shtëpi ku ish-partnerja e tij është duke jetuar.

Një tregues ky që zbulon se ish-çifti as nuk dëshiron që të ketë prezencën e njëri-tjetrit në shtëpi, por edhe vajzën ia zbret poshtë. Të tre qëndrojnë disa minuta së bashku, ndërsa në momentin e takimit Ledri dhe Sara shtrëngojnë duart me njëri-tjetrin.

Reperi merr vajzën në krah, teksa Sara merr arushin që ai i ka sjellë dhe largohet menjëherë, duke u mjaftuar vetëm me disa puthje nga vogëlushja e tyre, dhe as edhe një përshëndetje me Ledrin.

Më tej Sara ecën disa hapa para si për t’ju shmangur ecjes krah më krah me ish-të dashurin e saj. Ndërkohë që edhe këngëtari duket qartazi që nuk kthen as vështrimin nga ish-partnerja.

Këto foto, zbulojnë më së miri ndarjen e vështirë që dyshja ka pasur, ku ndonëse janë dy prindër që për vajzën e tyre nuk mungojnë kurrë, me njëri-tjetrin mëritë vijojnë ende. Pas gati 1 vit, Ledri Vula ka folur për herë të parë për ndarjen nga Sara Hoxha. Reperi ishte i ftuar i Arbanës, teksa zbuloi detaje nga jeta e re, tashmë si baba single.

Deklarata e tij u komentua shumë në rrjet, sidomos pasi ai vetë deklaroi se Sara ishte fajtore për prishjen e raportit. Ledri u shpreh gjatë intervistës se nuk i vjen keq për asgjë tjetër në lidhje me përfundimin e këtij raporti përveç se për vajzën e tyre Poin.

Ai tha në një moment se lidhja e tyre ka qenë shumë publike për shkak të profilit të tij si artistik, por shtoi se ndoshta nëse Sara do kishte qenë më private, sot mund të ishin ende bashkë.

“Nuk e vras mendjen për komentet, kam qejf të lexoj të mirat. Ndoshta po të kishte qenë Sara më private, sot mund të kishim qenë edhe bashkë nuk i dihet… Nuk i dihet kurrë domethënë”, u shpreh Vula.

The post Fotot nga paparazzi/ Ledri Vula dhe Sara Hoxha ritakohen pas ndarjes për… vajzën! Ish-çifti shtrëngojnë duart pasi reperi fajësoi ish-partneren për ndarjen appeared first on Gazeta Shqiptare Online.

Cila është pija e preferuar për shumicën prej nesh dhe e kërkojmë sapo hapim sytë? E keni marrë me mend… Dhe sipas hulumtimeve të reja, gjetjet e të cilave u publikuan në revistën Aging Research Reviews, konsumimi i rregullt i kafesë mund të zgjasë jetën me gati dy vjet.

Më konkretisht, rezultatet tregojnë se konsumi lidhet me 1.84 vite jetë shtesë, si dhe një rrezik më të ulët të sëmundjeve të lidhura me moshën (rrezik më të ulët të sëmundjeve të zemrës dhe të frymëmarrjes, goditje në tru, diabeti dhe depresioni ).

Prandaj, kafja mund të ketë shumë efekte pozitive në shëndet , duke përfshirë rezistencë më të madhe ndaj stresit, thonë studiuesit që analizuan të gjitha të dhënat e disponueshme deri më tani për kafenë dhe se si kjo pije ndikon te njerëzit. Sipas asaj që ata mblodhën, shkencëtarët publikuan analizën e parë në lidhje me efektin e kafesë dhe përbërësve të saj në plakje.

Si na jep vite jete pija jonë e preferuar

Studiuesit shpjegojnë se kafeja përmban më shumë se 2000 përbërës.

Më konkretisht, kafeja ka nivele veçanërisht të larta të kafeinës dhe acideve klorogjenike, të cilat, sipas studimeve, mund të na mbrojnë nga sëmundjet kardiovaskulare, diabeti i tipit 2 dhe kushte të tjera shëndetësore që lidhen me inflamacionin. Acidi klorogjenik ka qenë gjithashtu i lidhur me ankthin dhe është sugjeruar si një trajtim për çrregullimin e stresit post-traumatik.

Studiuesit nga Universiteti i Coimbras në Portugali thanë: “Kafeja duhet të shijohet në mënyrë të moderuar për të qenë në gjendje të korrni përfitimet e saj të shumta”.

“Sekrete” të tjera të jetëgjatësisë

Bëni zgjedhje më të mira ushqimore
Kushdo që është përpjekur të humbasë peshë e di se ka shumë plane që premtojnë… mrekulli. Fatkeqësisht, disa prej tyre janë afatshkurtër, të paqëndrueshme. Plus, shumica kanë të bëjnë vetëm me peshën. Por përmirësimi i të ushqyerit dhe humbja e peshës është mirë të bazohet në një kontekst më të gjerë.

Për shembull, një dietë miqësore me zemrën – një dietë e stilit mesdhetar – jo vetëm që mund të ndihmojë në humbjen e peshës, por edhe t’i bëjë qelizat tona të funksionojnë më mirë. Në të njëjtën kohë, mund të parandalojë shfaqjen e depresionit, sëmundjeve të zemrës, demencës, inflamacionit.

Kjo lloj diete është ideale pasi është e pasur me fruta, perime, vaj ulliri , peshk dhe drithëra dhe e kufizuar në mish, sheqerna dhe ushqime të përpunuara.

Mos e nënvlerësoni rëndësinë e gjumit cilësor
Gjumi është padyshim faktori më i përfolur për shëndetin dhe mirëqenien. Mungesa e tij mund të ndikojë në shumë gjëra: kujtesën, emocionet, peshën, sjelljen, pamjen. Ndërsa rritemi, mund të bëhet më e vështirë të biesh në gjumë, por gjumi mbetet po aq i rëndësishëm në çdo moshë.

Shumica e problemeve të gjumit sipas ekspertëve janë rezultat i kushteve themelore mjekësore, efekteve anësore të ilaçeve, gërhitjes dhe zgjedhjeve të dobëta të jetesës. Trajtojini këto çështje me mjekun tuaj dhe përpiquni të përfitoni nga gjumi cilësor duke krijuar një hapësirë ​​të qetë, duke praktikuar teknika të vëmendjes dhe relaksimit dhe teknika të tjera që funksionojnë për ju.

Hiqni apo edhe zvogëloni zakonet e këqija
Dihet se pirja e duhanit shkakton dëme në organizëm që mund të çojnë në probleme shëndetësore afatgjata. Lënia e këtij zakoni të keq ka përfitime shëndetësore në çdo moshë, pavarësisht nga sa kohë keni pirë duhan, sipas CDC.

Ju mund t’i shtoni ditës tuaj ushtrime mendore duke lexuar, duke luajtur lojëra, duke marrë një hobi ose duke provuar gjëra të thjeshta, teorikisht “të parëndësishme”, si ndryshimi i rrugës në shëtitjen e përditshme të qenit tuaj.

 

 

The post Njihuni me pijen që e konsumojmë çdo ditë që shërben kundër plakjes appeared first on Gazeta Shqiptare Online.

Kreu i Partisë së Lirisë, Ilir Meta, përmes një postimi në rrjete sociale, ka ndarë faktin se ai ndodhet në qelinë numër 5, që sipas tij përkon çuditërisht me 5 prioritetet e forcës së tij politike.

Meta shkruan se 5 prioritetet e Partisë së Lirisë, janë “rruga e qartë dhe konkrete që i jep fund dramës së shpopullimit dhe që e kthen Shqipërinë në fuqi eksportuese”, teksa thekson se edhe qelia e tij mban numrin 5.

“Nuk burgosen dot kauzat e Ilir Metës dhe të Partisë së Lirisë dhe në radhë të parë sovraniteti.

Po kështu 5 Prioritetet e saj madhore të miratuara në Konventën historike të 27 Prillit janë rruga e qartë dhe konkrete që i jep fund dramës së shpopullimit dhe që e kthen Shqipërinë në fuqi eksportuese.

Çuditërisht sot vura re se numri i qelisë time ishte 5.

Kjo do më ndihmojë edhe mua që çdo ditë të sqaroj më shumë 5 prioritetet tona që janë në interes të çdo familje shqiptare.

E me këtë rast dua të falenderoj kolegët e mi në Partinë e Lirisë që pavarësisht censurës të jashtëzakonshme bëjnë një punë të admirueshme e të pandalshme.

Ndërsa për Reformën në Drejtësi se si Parti e Lirisë i qëndrojmë  Reformës të votuar në Parlament me 140 vota dhe jo Ramaformës me 69 vota”, thotë Meta në reagim.

Reagimi i plotë i Presidentit të PL:

Gjithmonë e më shumë “Drejtësia me Regji” është bërë një vlerësim edhe më i pranishëm në jetën tonë publike.

Këtë na e provojnë çdo ditë me sjelljen e tyre politike institucionet e drejtësisë të “re” apo të kapur gati totalisht nga Rama prej kohësh, që nuk njohin as Kushtetutën, as Gjykatën e të Drejtave të Njeriut, as procesin e rregullt ligjor.

Pa u gëzuar për faktin se kjo lloj drejtësie po provohet çdo ditë se funksionon edhe në detaje sipas regjisë dhe interesit të Ramës (siç treguan edhe “koincidencat” e djeshme, që në të njëjtën ditë u thirr edhe denoncuesi kryesor i skemës kriminale 5D, por edhe arkitekti dhe përfituesi kryesor i saj, apo se në të njëjtën ditë që Partia e Lirisë organizonte protestën e saj para SPAK-ut, BKH që në mëngjes u zgjua me “Harabelin” e me të edhe u ngrysën lajmet dhe shumica e banaqeve, që ende financohen nga inceneratorët, u mbushën me analistë “spakistë” që premtonin se prisni se çdo ndodhë me Veliajn, por edhe me Ramën se Dumani është ndryshe e përralla të tjera si këto kur

Dumani ka treguar bindshëm se është një mercenar i Edi Ramës dhe padyshim edhe i atyre lloj ndërkombëtarëve që e duan Ramën sepse shet sovranitet për të vjedhur pushtet dhe jo të gjitha për vete, por edhe për “amerikanët e tij” si Charles McGonigal një rast i provuar nga gjykatat aktuale në SHBA bashkë me Rossinët dhe shumë të tjerë.

Belind Këlliçi thërritet në SPAK brenda dy javësh i kallëzuar nga një person i dënuar në 5 shtete si mashtrues dhe terrorist, pse paska bërë një foto me Presidentin Trump, me regji të “gruas të Bilalit” që bëri burgun për foton e tij të paligjshme me Presidentin Obama.

Ndërkohë që korruptuesi i Charles McGonigal që e di e gjithë bota nuk është thirrur asnjëherë nga SPAK që e ka kyçur dosjen McGonigal se aty dalin edhe McGonigalë të tjerë dhe vetë Altin Dumani me shokë, që kanë bashkëpunuar me të për të nxitur e fabrikuar çështje kundër opozitës dhe kundërshtarëve të Ramës, jo vetëm në këmbim të parave cash të provuara për McGonigal por edhe puseve e burimeve natyrore të Shqipërisë.

Është e çuditshme të dëgjosh në media “euroatlantikë të vonuar” dhe analistë “spakistë” se si përpiqen të më lidhin edhe mua me Charles McGonigalin me gënjështra të pacipa për “lidhjet” e mia me të, kur dihet shumë mirë se dy porositë e para i mori nga Rama për t’u marrë me mua si President i Republikës me çështjet CEZ-DIA dhe gjoja atentatin që doja të bëja unë si Kryetar Parlamenti ndaj dy deputetëve.

Akoma më e çuditshme është se  këta “euroatlantikët e vonuar” e pranojnë se McGongial u përdor kundër Kryetarit të 1800 karrigeve me 5 mijë delegatë dhe asnjëherë nuk dalin t’i kërkojnë Altin Dumanit llogari se ç’bëhet me dosjen e McGonigalit?

Po kështu ankohen se Ilir Meta nuk e ka denoncuar Rossinin, se e ka patur mik dhe për këtë abuzojnë me një foto të bërë gjatë një darke me drejtues të një kompanie të huaj në prani të drejtuesve të ambasadës të vendit nga e cila vinte kompania e cila zhvilloi shumë takime zyrtare dhe informale me zyrtarët më të lartë të vendit, përfshirë edhe mua si Kryetar Parlamenti.

Në tryeza të tilla kam takuar mijëra të huaj në aktivitetin tim, por në rastin konkret Rossini ishte një ndër 15 personat në tavolinë dhe më periferiku dhe i parëndësishmi për mua.

Ndërkohë, që ai u bë i njohur kur publikisht u përdor kundër z.Berisha për ta paraqitur si gjoja njeri të rusëve, për të cilën e mori një përgjigje publike nga ish-Ambasadori Arvizu, i cili dihet që nuk u nda në mënyrën më miqësore me z.Berisha, por kjo se pengoi të thoshte të vërtetën kur u pyet nga mediat për këtë trillium.

“Euroatlantikët e vonuar” mund të lexojnë reagimin tim të fundit në rrjetet sociale ku denoncoj edhe Rossinin me rastin e lirimit të z.Berisha nga Gjykata.

Akoma më absurd është “lidhja” ime sipas tyre me Agron Nezën, kur dihet se i vëllai i tij i ndjerë Agron Neza ka qënë zëdhënësi im në Ministrinë e Jashtme, por edhe një mik shumë i mirë dhe i paharruar, të cilin edhe e kam nderuar si President i Republikës, pas propozimeve të grupeve të interesit.

Njohjet e mia janë të hershme me familjen Neza, që nga viti 1992 kur z.Zenel Neza u zgjodh Kryetar i Bashkisë Tropojë për PS e miqësinë me të cilin e ruaj edhe sot.

Po kështu edhe me shumë njerëz të nderuar me mbiemrin Neza kam raporte shoqërore dhe miqësore.

Nuk do të habitesha që “euroatlantikët e vonuar” dhe analistët “spakistë” një ditë në studiot e televizioneve që ua hap Edi Rama të thonë se para për McGonigalin ia dhashë unë Agronit.

U zgjata pak këtu, jo për t’u kushtuar vëmendje “euroatlantikëve të vonuar” dhe analistëve “spakistë” por për t’i bërë të qartë padronit të tyre Edi Rama përmes të cilëve përpiqet t’i bëjë të gjithë si vetja se do hapet dhe hetohet dosja e McGonigalit edhe pa Dumanin dhe aty do zbardhet edhe afera më e madhe e korrupsionit që është vetë kapja e Reformës në Drejtësi nga Edi Rama me ndihmën e McGonigalëve për të shkatërruar pluralizmin politik dhe garantuar sundimin e Narkoregjimit të Edi Ramës për të cilin tashmë kanë dalë tre rezoluta të rëndësishme ndërkombëtare.

Ndërsa për mashtrimin tjetër të “euroatlantikëve të vonuar” se mua SHBA më kanë hequr vizën 10-vjeçare më duhet të sqaroj se asnjëherë nuk kam patur një vizë të tillë dhe nuk do të shqetësohesha fare edhe po të ma hiqnin se kjo është e drejta e tyre dhe unë as kam ndërmend të jetoj në SHBA dhe as të zgjidhem atje.

“Euroatlantikët” e kanë fobi këtë punën e vizës amerikane se Kryetari i tyre që për 4 vite nuk kalonte dot oqeanin, zhveshi çdo rrobë të trupit pa pikën e turpit për të marrë vizë duke i hequr vizë çdo parimi demokratik për t’u shndërruar në klloun të Edi Ramës për shuarjen e opozitës.

Unë jam krenar se kam bërë gjithçka për forcimin e aleancës strategjike të Shqipërisë me SHBA, që nga dita e parë e angazhimit tim e derimë sot.

Unë nuk e ngatërroj SHBA dhe vlerat që përfaqëson ky vend i madh, me McGonigalë dhe McGonigale, që kanë abuzuar dhe abuzojnë me vendin e tyre, që shkelin statusin e tyre publik dhe diplomatik dhe që kanë bashkëpunuar e bashkëpunojnë me Edi Ramën, e cilindo, për të minuar shtetin e së drejtës dhe shndërruar në leckë Kushtetutën e Republikës së Shqipërisë.

Jam krenar që gjithmonë kam qenë shumë i hapur dhe i drejtpërdrejtë me ata duke i paralajmëruar për pasojat e kapjes së drejtësisë nga Rama dhe këto janë marrëdhënie të mirëdokumentuara gjatë 9 viteve të mia si Kryetar Parlamenti dhe President i Republikës, ku kam patur edhe përgjegjësitë e mia institucionale e kushtetuese për zbatimin e Reformës, të cilat i kam kryer me korrektësinë maksimale duke qenë edhe i vetëm fare përballë një presioni të paparë (2 vite e gjysëm në hetim nga Parlamenti njëpartiak i Edi Ramës dhe McGonigalëve me 122 deputetë) dhe në të gjitha betejat që u zhvilluan në Komisionin e Venecias, të gjithë e dinë se ky Komision i dha të drejtë Presidentit Meta dhe jo mazhorancës, me rezultatin historik 5-0.

Po ky Komision, konfirmoi se përgjegjësinë për konfliktin President-Kuvend për Gjykatën Kushtetuese e kishte Kryetari i KED, z.Dvorani, i cili jo çuditërisht pas kësaj  në prag të zgjedhjeve u firmos nga Sekretari i Shtetit si kampion botëror kundër korrupsionit.

Ky dekorim i realizuar nga Edi Rama dhe McGonigalët synonte t’i jepte mesazhin SPAK-ut dhe drejtësisë që të mos parandalonin krimet zgjedhore që ndodhën masivisht, ku gjakderdhja e Elbasanit ishte edhe rezultat i këtij mosveprimi, pasi opozita i kishte bërë denoncimet konkrete me kohë edhe për Elbasanin.

Çuditërisht, për opinionin publik, jo për mua, z.Berisha non-grata pa përfunduar çertifikimi i procesit zgjedhor skandaloz të Prill 2021, ku partia në pushtet u shkri me shtetin sipas raportit të OSBE-ODIHR.

Edhe në këtë rast nuk mund të mos mbaja qëndrim publik si President i Republikës, jo vetëm për shkak të profilit të lartë publik të z.Berisha, por edhe se isha i bindur që një hap i tillë do dëmtonte miqësinë midis dy popujve tanë dhe ishte një shërbim klientelist në interes të forcimit të autokracisë të Edi Ramës e krijimit të një fake-opozite dhe fake-demokracie.

Ndërkohë që “euroatlantikët e vonuar” duan të harrojnë se Kryetari i tyre dogji mandatet e opozitës me vetëdije dhe nën shantazhin e Edi Ramës dhe McGonigalëve (jo të SHBA sepse Drejtorja për Europën, znj. Susan Falatco i kishte paralajmëruar partitë e opozitës për pasojat).

Ishte po ky Kryetar i tyre që bojkotoi Reformën në Drejtësi duke ia dhuruar tërë kontrollin e institucioneve të reja Edi Ramës.

Prej dekadash është kërkuar largimi im nga jeta politike e për këtë nuk dua të bëj histori e të zgjatem. Po kështu është projektuar edhe eleminimi im politik dhe i LSI që themelova në shtator 2004.

Që në moshën 23-vjeçare më kanë hequr imunitetin e çdo muaj prokurorët më sugjeronin të largohesha se javën e ardhshme do më arrestonin me urdhër nga lart.

Unë u thosha ja ku jam pse e vononi një javë arrestimin tim.

Natyrisht që do kisha përfunduar në burg nëse një oficer i policisë me integritet, që quhet Pashk Tusha do kishte bërë një deklaratë të pavërtetë ndaj meje, gjë që çuditërisht e bëri një oficer nga Skrapari.

Sot unë jam në burg, i rrëmbyer në mënyrë të paligjshme, siç e kanë parë të gjithë dhe i izoluar në mënyrën më ekstreme dhe vetëm për shkak të zgjedhjeve të 11 Majit.

Ndërkohë që për mua ekziston vetëm një çështje: Çështja Meta.

Meta është çështje se duke qenë në 30 vite të jetës publike në mënyrën më ekstreme i kujdesshëm me ligjin dhe Kushtetutën është i pashantazhueshëm.

Unë as jam trembur, as jam fshehur dhe as i jam shmangur kurrë me procedurë përballjes me drejtësinë, përkundrazi i kam fituar të gjitha përballjet me të.

Por unë jam sot në burg sepse jam dëshmitari kryesor, si Kryetar Kuvendi e President Republike, i korrupsionit më të madh që ka ndodhur këtë dekadë që është shndërrimi i Reformës në Drejtësi në Ramaformë.

Sepse si President i Republikës, kam prishur planin për ndryshimin e kufijve në dëm të Kosovës duke mos dekretuar kandidatin e Edi Ramës për Ministër, i cili ishte shprehur edhe publikisht në favor të një ideje të tillë.

Sepse kam kundërshtuar “Ballkanin e Hapur si një projekt që minonte integrimin europian të rajonit dhe sidomos shtetin e Kosovës.

Sepse nuk kam pranuar të noterizoj shkeljet e rënda të Edi Ramës për vendimet e Gjykatës Kushtetuese për Marrëveshjen e Detit me Greqinë, i cili me sjelljet e tij publike dhe në prapaskenë i ka dëmtuar shumë rëndë interesat sovrane të Shqipërisë.

Unë jam në burg se Partia e Lirisë doli nga rrethimi i madh dhe i vogël që i kishte bërë Edi Rama prej kohësh bashkë dhe me Dumanin e tij së fundmi.

Ky i fundit vetëm 5 ditë pasi ishte betuar te Presidenti i Republikës në Dhjetor 2019, regjistroi procedimin penal në bazë të një kallëzimi të bërë në 2018 nga një punonjës i Edi Ramës, i dënuar nga Gjykata për dhunë në familje dhe që në dy proceset e mëparshme për DIA, ku kishte punuar bashkë me Kastriot Ismailin kishte thënë gjëra të tjera.

Kjo çështje nisi pikërisht në kulmin e përplasjeve të mia me Ramën dhe McGonigalët për mbrojtjen e integritetit të Gjykatës Kushtetuese me shpresën e tyre se unë do tërhiqesha nga vendosmëria ime për të mos lejuar turpe të tilla si ai i betimit të gjyqtares të Gjykatës Kushtetuese te noterja te Lana.

Edhe pse e dija shumë mirë se ç’bënte Dumani për të siguruar dëshmi të rreme nga Kastriot Ismaili, që ishte në burg në atë kohë apo persona të tjerë, kurrë nuk u mora me të dhe nuk kam patur as shqetësimin më të vogël sepse unë e di rëndësinë e detyrës dhe të ligjit si rrallë njeri tjetër.

Por kur ai filloi të përdorej nga Edi Rama për të marrë peng njerëz në Partinë e Lirisë për të më bërë mua presion për t’u larguar nga drejtimi i saj, padyshim që do e merrte përgjigjen dhe do e marrë edhe më mirë në të ardhmen.

Emisioni i Syri TV “Plug” na sqaroi edhe se si e kaloi Dumani vettingun me tre shtëpi.

Padyshim që sqarime të tjera do të vijnë në të ardhmen për heroin botëror kundër korrupsionit që ka vetëm një qëllim që të sigurojë në mënyrë antikushtetuese edhe një mandate 9-vjeçar duke i siguruar Ramës edhe një mandate 4-vjeçar përmes arrestimit të liderëve të opozitës.

Nuk do të ketë në çdo rast fat më të mirë se heroi tjetër Dvorani të cilin Rama dhe Sorosi pasi e dekoruan si kampion botëror kundër korrupsionit para zgjedhjeve në 2021, më pas e la vetëm me 7 vota në Parlament si kandidat për anëtar të Gjykatës Kushtetuese.

Ndërsa Partisë së Lirisë të mos ia qajnë shumë hallin. Kjo situatë e paprecedentë dhe brutalisht e padrejtë vetëm do ta kalitë dhe pastrojë për të ardhmen.

Nuk burgosen dot kauzat e Ilir Metës dhe të Partisë së Lirisë dhe në radhë të parë sovraniteti.

Po kështu 5 Prioritetet e saj madhore të miratuara në Konventën historike të 27 Prillit janë rruga e qartë dhe konkrete që i jep fund dramës së shpopullimit dhe që e kthen Shqipërinë në fuqi eksportuese.

Çuditërisht sot vura re se numri i qelisë time ishte 5.

Kjo do më ndihmojë edhe mua që çdo ditë të sqaroj më shumë 5 prioritetet tona që janë në interes të çdo familje shqiptare.

E me këtë rast dua të falenderoj kolegët e mi në Partinë e Lirisë që pavarësisht censurës të jashtëzakonshme bëjnë një punë të admirueshme e të pandalshme.

Ndërsa për Reformën në Drejtësi se si Parti e Lirisë i qëndrojmë  Reformës të votuar në Parlament me 140 vota dhe jo Ramaformës me 69 vota.

Dihet botërisht që falë insistimit tim Reforma në Drejtësi u miratua me 140 vota. Ky miratim ka gjurmën time të pashlyeshme dhe për të cilën u falenderova publikisht edhe nga ambasadori i Shteteve të Bashkuara.

Ndërkohë opozita bën shumë mirë që regjistron denoncimet e saj në SPAK sepse shumë shpejt do bëhet edhe bilanci i vërtetë i këtij institucioni dhe i çdo prokurori të veçantë.

Afërmendsh përgjegjësia është individuale.

Fundi i Drejtësisë me Regji është i pashmangshëm dhe i afërt siç është edhe rrëzimi i Narkoregjimit të vetëm në kontinent, krimet “intelektuale” të të cilit janë grabitje pa maska në mes të ditës të qindra milion euro të qytetarëve më të varfër të rajonit, në vendin më të pasur të rajonit me burime natyrore.

Ndërsa afërmendsh do të kujtohet për deklaratën më të papërgjegjshme që mund të bëjë një prokuror se: Gjykatat afërmendsh vendosin çfarë kërkojmë ne (SPAK).

Një vend pa Gjykata është një vend pa drejtësi.

Dhe jo rastësisht në prag të zgjedhjeve po kurdiset edhe akti i fundit i përdhosjes fatale të Gjykatës Kushtetuese për të eleminuar në mënyrën antikushtetuese çdo gjykatës të pavarur, jo që Edi Rama të ketë shumicën se kjo dihet prej kohësh, por që të mos ketë fare mendim pakice që ishte ëndrra e tij që në fillim të bllokimit të Gjykatës Kushtetuese.

Kjo i duhet domosdo para zgjedhjeve të 11 Majit se ka disa halle të mëdha për të cilat i duhet unanimiteti që të goditet sovraniteti.

Ai është mësuar të shesë sovranitet për t’u zvarritur në pushtet.

Ndaj i duhet Drejtësia me Regji që është drejt fundit pa lavdi.

Ndërkohë Mosbindja Civile dhe përballja çdo sekondë me regjimin e pakicës dhe mercenarët e tij është detyra e Partisë së Lirisë dhe gjithë opozitës së vërtetë për të rivendosur rendin kushtetues dhe barazinë para ligjit.

Vetëm kështu do çmontohet varfëria ekstreme ku është zhytur gjysma e popullsisë dhe do i jepet fund shpopullimit nga regjimi i inceneratorëve që nuk ekzistojnë apo që nuk “ndizen”.

, ̈ , ̈ ̈ ̈, ̈ ̈ ̈ ̈ , .

̧̈ ̈.

̈ ̈̈ ̧ ̈ ̈ ̈ ̈ ̈ ̈ ̈ ̈ ̈ ̈̈ ̈.

The post “Çuditërisht sot vura re se numri i qelisë time ishte 5-sa”- Kreu i PL reagon nga burgu: Nuk burgosen dot kauzat e Ilir Metës dhe e Partisë së Lirisë appeared first on Gazeta Shqiptare Online.

Ditën e Premte vendi ynë do të ndikohet nga kushte atmosferike të qëndrueshme.

Moti parashikohet me kthjellime si dhe vranësira mesatare-kalimtare gjatë orëve të mesditës e pasdites.

Era pritet të fyjë me drejtim verilindje-veri 3-11m/s, ndërsa në lugina dhe përgjatë vijës bregdetare 13-17m/s, shoqëruar me dallëzimi 3-4ballë.

Temperaturat parashikohen:

në zonat malore -3 deri 5°C

në zonat e ulëta -2 deri 14°C

në zonat bregdetare 4 deri 14°C

The post Vranësira kalimtare dhe temperaturat minimale deri në -2°C, parashikimi i motit për ditën e premte appeared first on Gazeta Shqiptare Online.

Mbarëvajtja e të gjithë organizmit është çelësi i një jete të gjatë.

E për ta arritur këtë një stil jetese i shëndetshëm është gjithnjë i nevojshëm.

Filloni nga ushqimi, ajo çfarë konsumoni çdo ditë është më e rëndësishme nga sa mund të duket në moment.

Çdo ushqim, gatim apo pije jep efektet e veta në organizëm, qofshin këto pozitive apo negative.

Në këtë përfundim kanë dalë edhe mjekët në një studim të fundit të cilit i referohet AgroWeb.org.

Sipas tyre një nga pijet më popullore në botë kafja shkakton dhimbje koke dhe migrenë.

Si Ndikon Kafeina Tek Migrena

Migrena është një sëmundje kronike që shkakton dhimbje të vazhdueshme koke.

Ajo mund të shfaqet pa pritur në çdo fazë të jetës.

Megjithëse shpesh herë shkaqet nuk janë në dorën e personave që vuajnë nga kjo sëmundje, stili i jetesës mund të jetë favorizues ose jo.

Ka një diskutim të gjatë dhe të njohur mbi konsumimin e kafeinës dhe dhimbjen e vazhdueshme të kokës.

Një studim i Universitetit të Harvardit të cilit i referohet AgroWeb.org, hedh dritë mbi disa të dhëna në lidhje me sëmundjen e migrenës.

Ekspertët mblodhën të dhëna nga përafërsisht 100 persona, të cilëve iu duhej të shënonin sasinë e saktë të konsumimit të kafes në ditë.

Këtu u përfshinë edhe pije të tjera me përmbajtje të lartë kafeine siç janë çajrat e fortë, si çaji i zi apo pijet me gaz.

Të gjithë pjesëmarrësit në studim kishin shenja të kësaj sëmundje kronike dhe dhimbje koke të vazhdueshme.

Rezultatet treguan se gjatë konsumimit të këtyre ushqimeve specifike, dhimbja e kokës ndër këta persona bëhej më intensive dhe e shpeshtë.

Sa Është Doza Ditore që Duhet të Konsumoni

Ekspertët rekomandojnë që nëse vuani nga migrena të mos konsumoni më shumë se tre filxhanë kafe në ditë.

Sasia e kafeinës është e ndryshme në pije të ndryshme, por nuk duhet të kaloni 180 mg në ditë.

Nëse konsumoni tre kafe ekspres në ditë kujdesuni që të mos konsumoni pije të tjera që kanë përmbajtje kafeine.

Evitoni konsumimin e kafes gjatë krizave të dhimbjes së kokës.

Pasi jo vetëm që nuk do t’jua pushojë, por do të japë pasoja edhe të nesërmen.

Nëse jeni konsumues të rregullt të kafes dhe nuk hiqni dot dorë nga kjo pije sigurohuni që të qëndroni në sasitë e paracaktuara nga mjekët./AgroWeb.org

 

The post A shkakton kafja dhimbje koke? Ja cila është doza e saktë ditore appeared first on Gazeta Shqiptare Online.

Ish-sekretari i Përgjithshëm i Ministrisë së Brendshme, aktualisht deputet i Partisë Socialiste Plarent Ndreca, i cili është marrë i pandehur nga SPAK për shkelje të barazisë në tendera, akuzohet se në bashkëpunim me zyrtarë të tjerë të Ministrisë kanë favorizuar Gjon Radovanin si përfitues i tenderit për rikonstruksionin e 4 komisariateve.

Gazetarja Klodiana Lala, raporton se sipas SPAK, Ndreca dhe zyrtarët e Ministrisë e kanë privilegjuar Radovanin në të gjitha fazat e procedures së prokurimit dhe në përfundim e kanë shpallur fitues dhe lidhur kontratë me me bashkmin e Operatorëve ekonomikë, Derbi-E shpk,ndërkohë që nuk përmbushte kriteret ligjore.

Radovani sikurse rezulton në dosjen e SPAK reuzlton të jetë mik me ish-ministrin e Brendshëm Sandër Lleshaj, me të cilin ka shkëmbyer dhe mesazhe. E duket se për shkak të njohjeve dhe lidhjeve me titullarin e institcionit, kompania e tij ka fituar dhe tendera pranë ministrisë së Brendshme.

Nga hetimet rezulton se mes Radovanit i cili ka qenë konsulent në ministrinëe brendshme për këtë tender dhe të pandehurit Plarent Ndreca janë shkëmbyer emaile, që përmbajnë të dhëna lidhur me ambientet e komisariateve Vlorë, Pogradec dhe Mirditë, të cilët do të rikonstruktoheshin.

Sipas SPAK të dhënat i janë përcjellë paraprakisht shtetasit Gjon Radovani, i cili është ortak i APE shpk që u shpall fitues si bashkim operatorësh me Derbi-E shpk, në procedurën e prokurimit.

Në dosje thuhet se mes Ndrecës dhe Radovanit por edhe zyrtarëve të tjerë të ministrisë janë zhvilluar takime dhe kanë diskutuar lidhur me gjendjen e objekteve policore.
”Nga ky komunikim provohet se i pandehuri Plarent Ndreca ka patur dijeni paraprakisht lidhur me angazhimin dhe pjesmarrjen e shtetasit Gjon Radovanit në hartimin e projekteve tip për objekte të policisë së shtetit për të cilat do të zhvillohej më pas dhe procedura e prokurimit”, thekson SPAK.

Për të pandehurin Plarent Ndreca me detyrë në atë kohë Sektretar i Përgjithshëm dhe Titullari i Autoritetit Kontraktor në procedurën e prokurimit, objekt hetimi evidentohet qartësisht sjellja e tij e kundërligjshme duke dokumentuar një sërë shkelje ligjore gjatë fazave të ndryshme të procedurës së prokurimin publik objekt hetimi.

SPAK thekson se ai në bashkëpunim me punonjësit e tjerë, si specialistët e prokurimeve, anëtarët e KVO, anëtar KSHA, drejtoreshën e kabinetit të Ministrit dhe drejtoreshen e Shërbimeve Mbështetëse në Ministri kanë bërë të mundur që këtë tender ta fitonte BOE Derbi-E dhe APE shpk, duke krijuar avantazhe për këtë subjekt gjatë procedurës së prokurimit.

Për cudi pavarësisht se ish-zv.ministri Gjon Radovani rezulton se ka fituar tendera nga institucioni që drejtonte një prej miqve të tij, as ai dhe as Sandër Lleshaj nuk janë vënë nën akuzë nga SPAK.

The post U mor i pandehur nga SPAK, zbardhet akuza ndaj deputetit socialist! Plarent Ndreca favorizoi në tendera mikun e ish-ministrit Sandër Lleshaj appeared first on Gazeta Shqiptare Online.