Interi ka shfaqur vendosmëri për të siguruar shërbimet e mesfushorit të Liverpool, Curtis Jones, duke bërë një ofertë fillestare prej 20 milionë eurosh.

Sipas raportimeve të Gazzetta dello Sport, gjigantët e Serie A kanë paraqitur këtë ofertë për mesfushorin anglez, i cili prej kohësh është në listën e dëshirave të klubit nga Milano.

Interi kishte tentuar ta transferonte edhe gjatë afatit kalimtar të janarit, por pa sukses.

Jones ka kontratë me Liverpoolin deri në qershor të vitit 2027, megjithatë raportohet se mesfushori 25-vjeçar është i hapur për një kalim në Itali, madje thuhet se edhe disa sinjale nga bashkëlojtarët e tij kanë lënë të kuptohet një largim i mundshëm.

Megjithatë, oferta e parë e Interit mbetet nën kërkesat e klubit anglez, pasi Liverpooli vlerëson lojtarin rreth 30 milionë euro.

Interi është i vetëdijshëm se do të duhet të rrisë ofertën për të mbyllur marrëveshjen, por klubi italian synon të vazhdojë negociatat në ditët në vijim, me qëllim që të fitojë garën për mesfushorin dhe t’i sigurojë trajnerit Cristian Chivu përforcimin e parë të verës./Telegrafi/

Klubi i madh spanjoll, Real Madridi thuhet se ka vendosur tre qendërmbrojtës të njohur në listën e dëshirave për t’i transferuar në këtë afat kalimtar.

Sipas The Athletic, Real Madridi ka shtuar Ruben Dias, Nico Schlotterbeck dhe Alessandro Bastoni në listën e transferimeve mbrojtëse për verën.

Me objektivin e tyre kryesor, Josko Gvardiol, që është afër zgjatjes së kontratës me Manchester Cityn dhe pa asnjë zhvillim në ndjekjen e Riccardo Calafiori të Arsenalit, gjigantët e La Ligës e kanë kthyer vëmendjen drejt alternativave.

Shoku i skuadrës së Gvardiol te Man City, Dias, është në radarin e Real Madridit dhe e ardhmja e mbrojtësit portugez në stadiumin Etihad është në dyshim pas largimit të Pep Guardiolës. Trajneri i ri i Los Blancos, Jose Mourinho, është një admirues i bashkatdhetarit të tij dhe dëshiron ta sjellë atë në kryeqytetin spanjoll.

Pavarësisht se ka nënshkruar një zgjatje afatgjatë të kontratës me Borussia Dortmund, Schlotterbek mbetet një objektiv konkret për Real Madridin, të cilët po kërkojnë të aktivizojnë një klauzolë të veçantë lirimi me vlerë 50-60 milionë euro në kontratën e tij.

Bastoni ishte lidhur me një transferim te rivalët e përbetuar të Real Madridit, Barcelona, por marrëveshja tani është anuluar për shkak të vlerësimit të Interit dhe përparësisë së klubit katalunas për përforcime në sulm.

Real Madridi tashmë ka siguruar një marrëveshje për nënshkrimin e Ibrahima Konate si transferim i lirë dhe rinovimin e kontratës me Antonio Rudiger. /Telegrafi/

Mbrojtësi i djathtë i Holandës, Denzel Dumfries, ka refuzuar përsëri të komentojë në lidhje me transferimin e shumëpritur te Real Madridi këtë verë, duke pretenduar se kapitulli i tij te Interi nuk ka mbaruar ende.

Dumfries thuhet se ka nënshkruar kontratën e tij me Real Madridin deri në vitin 2030, me Interin që ka të ngjarë të marrë 20 milionë euro për transferimin e tij.

Los Blancos pritet të njoftojnë nënshkrimin e tij së shpejti, por Dumfries ka refuzuar të komentoj transferimin e tij te Real Madridi.

Mourinho po ndërton një formacion të frikshëm që mund ta rikthejë Real Madridin në majën e Evropës

“Si jam? Gjithçka është në rregull, faleminderit. Nuk po u përgjigjem pyetjeve në lidhje me Real Madridin tani, jam i përqendruar në Kupën e Botës", ka thënë fillimisht Dumfries.

“Interi është në zemrën time. Kujtimi im më i bukur? Nuk ka mbaruar, jam këtu në Kupën e Botës. Pastaj do të shohim”, përfundoi mbrojtësi holandez.

Ndryshe, përveç Dumfries, Real Madridi ka konfirmuar tashmë nënshkrimin me Marc Cucurella, teksa thuhet se ka marrëveshje edhe me Ibrahima Konate dhe Bernardo Silva. /Telegrafi/