Sonte në mesnatë skadon afati për mbledhjen e nënshkrimeve për kandidatët e pavarur që duan të marrin pjesë në zgjedhjet e përsëritura lokale në komunat: Mavrovë-Rostushë, Vrapçisht, Gostivar dhe Qendër Zhupë.
Mbledhja e nënshkrimeve kryhet para zyrtarëve të departamentit dhe zyrës rajonale kompetente të Komisionit Shtetëror të Zgjedhjeve dhe para një noteri kompetent.
Vendimi për të përsëritur zgjedhjet për kryetarë të komunave në këto katër komuna është për shkak të mosarritjes së pragut të një të tretës së pjesëmarrjes në raundin e parë, të mbajtur më 19 tetor.
Qeveria ka emëruar kryetarë të deleguar që do të menaxhojnë pushtetin lokal deri në ditën e votimit, më 11 janar.
Duke filluar prej nesër, votuesit e Gostivarit, Vrapçishtit, Mavrovë Rostushës dhe Qendër Zhupës do të mund të shikojnë të dhënat e tyre në listën zgjedhore nga data 26 nëntor deri më 10 dhjetor.
KSHZ-ja fton të gjithë ata që duan të ndryshojnë të dhënat e tyre, të bëjnë kërkesë në formë elektronike ose në zyrat rajonale të KSHZ-së. Institucioni për organizimin e zgjedhjeve gjithashtu bëri thirrje që qytetarët të paraqesin personat e afërt të familjes që nuk jetojnë më, për t’i shlyer nga lista zgjedhore.
“Njësitë dhe zyrat rajonale të KSHZ-së gjatë kohëzgjatjes së shqyrtimit publik do të punojnë çdo ditë, në periudhën nga ora 8 e mëngjesit, deri në ora 20 kurse më datë 10 dhjetor të vitit 2025, deri në ora 24. Gjatë kohëzgjatjes së shikimit publik qytetarët do të mund të parashtrojnë kërkesë për regjistrim, plotësim dhe shlyerje të të dhënave të listës zgjedhore që janë dhënë në shqyrtim publik”, deklaroi Abdush Demiri, Nënkryetar i KSHZ-së.
Kujtojmë se zgjedhjet e përsëritura në Komunat në të cilat nuk u arrit cenzusi janë nënshkruar nga ana e kryeparlamentarit Afrim Gashi dhe të njejtat do të mbahen më 11 janar.
Аgjencia për Shërbime Mediatike Audio dhe Audiovizuele ka përpiluar Raport mbi prezantimin mediatik zgjedhor dhe Rapot mbi reklamimin e paguar poltik të radiodifuzerëve gjatë kohës së rrethit të dytë të fushatës zgjedhore për Zgjedhjet lokale, nga data 20 deri më 31 tetor 2025.
Ekzemplari për monitorim të prezantimit mediatik zgjedhor dhe këtë herë përfshiu tre shërbimet programore të Shërbimit publik radiodifuziv: RTM 1, RTM 2 dhe Kanalin e Kuvendit, si dhe 8 stacione televizive kombëtare komerciale: Sitel, Аlfa, Кanal 5, Тelma, Аlsat-М, Кompani 21-М, Shenja dhe 24 Vesti.
Për shërbimet e tjera programore u veprua në bazë të ankesave.
Gjatë kohës së fushatës zgjedhore dhe gjatë kohës së heshtjes zgjedhore në rrethin e dytë të Zgjedhjeve lokale nuk u konstatuan shkelje të Kodit Zgjedhor nga radiodifuzerët.
Gjetjet treguan se stacionet televizive bënë përpjekje për t’u ofruar shikuesve informacion të detajuar si votues potencial të fushatës zgjedhore, dhe përmes lajmeve dhe emisioneve të veçanta informative, u përpoqën të paraqesin një pamje më të gjerë dhe më objektive të mjedisit ekzistues shoqëror-politik në të cilën u zhvillua fushata zgjedhore.
Gjatë mbulimit mediatik të fushatës zgjedhore, mediat në përgjithësi, iu përmbajtën rregullave profesionale për drejtëshmëri, ekuilibër dhe paanshmëri, duke respektuar parimin e barazisë ndaj kandidatëve të mbetur për kryetarë bashkie.
Sa i përket sigurimit të ekuilibrit në transmetimet e emisioneve informative ditore (lajmeve), të gjitha mediat e analizuara, në përgjithësi raportuan në mënyrë neutrale për pjesëmarrësit në fushatën zgjedhore. Shërbimi publik radiodifuziv dhe stacionet televizive kombëtare që transmetuan reklamim të paguar politik, përmbushën detyrimet ligjore për të informuar në mënyrë të përshtatur për personat me aftësi të kufizuar shqisore përmes – një edicioni të transmetuar në lajme çdo ditë dhe një edicion emisionesh aktuale informative në javë.
Raporti mbi reklamimin e paguar politik të radiodifuzerëve gjatë kohës së rrethit të dytë të fushatës zgjedhore për Zgjedhjet lokale, u përgatit në përputhje me detyrimet e Agjencisë sipas Kodit Zgjedhor dhe iu dorëzua Komisionit Shtetëror të Zgjedhjeve.
Gjithsej 41 radiodifuzer – 22 televizione dhe 19 radio, lidhën kontratë me pjesëmarrësit në fushatën zgjedhore.
Në të gjitha 22 televizionet së bashku u transmetuan gjithsej 52 orë 56 minuta dhe 15 sekonda RPP, ndërsa në 19 radio së bashku u transmetuan gjithsej 47 orë 34 minuta dhe 31 sekonda reklamim i paguar politik.
Në rrethin e dytë të fushatës zgjedhore në stacionet televizive dhe radio u transmetuan gjithsej 100 orë 30 minuta dhe 46 sekonda RPP.
Komisioni Shtetëror i Zgjedhjeve njoftoi se nesër, më 21 nëntor 2025, fillon procedura për mbledhjen e nënshkrimeve për kandidimin e kandidatëve të pavarur për kryetarë të komunave Gostivar, Vrapçisht, Mavrovë dhe Rostushë, si dhe Qendër Zhupë.
Nënshkrimet do të mblidhen para zyrtarëve kompetentë në sektorët dhe zyrat rajonale të KSHZ-së, si dhe para noterit, çdo ditë pune nga ora 08:30 deri në 16:30.
Ditën e fundit, më 30 nëntor, procedura do të zgjasë deri në orën 24:00.
Sektori rajonal i KSHZ-së në Gostivar është kompetent për mbledhjen e nënshkrimeve për kandidatët për kryetarë të komunave Gostivar, Mavrovë dhe Rostushë dhe Vrapçisht, ndërsa zyra e KSHZ-së në Dibër është kompetente për komunën Qendër Zhupë.
Procedura për mbledhjen e nënshkrimeve përfundon më 30 nëntor në orën 24:00.
Zgjedhjet e përsëritura për kryetarë komunash në Gostivar, Vrapçisht, Mavrovë dhe Rostushë dhe Centar Zhupë janë caktuar për shkak të mosarritjes së censusit në zgjedhjet lokale të 19 tetorit 2025, pas së cilës në këto komuna nuk u zgjodhën kryetarët e komunave.
Partia Liberal-Demokrate do të propozojë ndryshime në Kodin Zgjedhor, sipas të cilave përfaqësuesit që Qeveria do t’i emërojë në komunat ku nuk u zgjodhën kryetarë për shkak të mungesës së censusit, nuk do të mund të kandidojnë kur të organizohen zgjedhje të reja.
“Këto ndryshime PLD-ja do t’i propozojë për të shmangur çdo avantazh të padrejtë përpara kandidatëve të tjerë për kryetarë komunash, si dhe për të reduktuar mundësinë e keqpërdorimeve dhe veprimeve të pakujdesshme të përfaqësuesve të emëruar gjatë periudhës deri në mbajtjen e zgjedhjeve të përsëritura. Nëse ndryshimet e Kodit Zgjedhor miratohen dhe vendoset kufizimi që përfaqësuesit ( të emëruar nga qeveria) të mos mund të kandidojnë për kryetarë komunash në zgjedhjet e përsëritura në katër komunat që nuk arritën census në raundin e parë, do të krijohen kushte të drejta për një garë politike korrekte, të lirë nga çdo dyshim për keqpërdorime shtesë dhe ndikime politike”, thuhet mes tjerash në kumtesën e PLD-së.
Kujtojmë se zgjedhjet lokale dështuan në katër komuna, në Gostivar, Vrapçisht, Qendër Zhupë dhe Mavrovë e Rostushë, për shkak të mos arritjes së censusit.
Zgjedhjet po zhvillohen në një atmosferë të qetë, të drejtë dhe demokratike në territorin e të gjithë shtetit. MPB-ja po ndërmerr masa dhe aktivitete në kuadër të kompetencave të saj me qëllim që procesi i përgjithshëm zgjedhor të zhvillohet pa pengesa dhe në mënyrë të sigurt.
Deri tani nuk janë regjistruar shkelje më serioze të rendit dhe qetësisë publike. Janë regjistruar disa paraqitje për agjitacion gjatë votimit në disa vende, por pas marrjes së masave, deri në këtë moment, nuk janë konfirmuar pretendimet nga paraqitjet.
“Deri më tani, nuk janë regjistruar shkelje serioze të rendit dhe qetësisë publike. Janë regjistruar disa raportime për fushatë gjatë votimit në disa vende, por pas masave të marra, pretendimet në raporte nuk janë konfirmuar deri në këtë pikë. Ministria e Brendshme u bën thirrje të gjithë qytetarëve dhe partive politike të kontribuojnë në një atmosferë paqësore, të drejtë dhe demokratike. Nëse ka ndonjë shkelje të procesit zgjedhor, qytetarët duhet ta raportojnë atë në stacionin më të afërt të policisë ose duke telefonuar në numrin 192 ose 112”, tha Goce Andreevski – Zëdhënës i MPB-së.
Në Strugë, në procesin aktual zgjedhor, janë evidentuar parregullsi lidhur me listën zgjedhore. Deri më tani, nëntë qytetarë nuk kanë figuruar në listën e votuesve, përkundër faktit se posedojnë të drejtë vote.
Këta persona kanë dorëzuar ankesë në Komisionin Shtetëror Zgjedhor (KSHZ), mirëpo ankesat e shtatë prej tyre janë refuzuar. Rastet kanë ngritur shqetësime mes qytetarëve për mënyrën e përditësimit dhe verifikimit të listës zgjedhore.
Në raundin e parë të zgjedhjeve, sipas të dhënave nga terreni, rreth tridhjetë qytetarë nuk kanë qenë të përfshirë në listën zgjedhore, duke u privuar kështu nga e drejta e tyre themelore për të votuar./ Alsat.mk
Komisioni Shtetëror i Zgjedhjeve njoftoi se procesi zgjedhor në mbarë vendin po zhvillohet pa pengesa dhe se jehona e votuesve deri në ora 11:00 është 10,10%.
Votime sot ka në 32 komuna dhe në Qytetin e Shkupit, ndërsa në tre vendvotime në Shutkë (Shuto Orizare) do të ketë rivotime për këshilltarë.
Nga KSHZ thanë se deri më tani nuk kanë pranuar asnjë ankesë për parregullësi apo pengesa në procesin zgjedhor, teksa të gjitha vendvotimet janë hapur në kohë.
Ministria e Punëve të Brendshme informoi se gjatë heshtjes parazgjedhore, nga 01.11.2025 deri në orën 07:00 të datës 02.11.2025, pra deri në hapjen e vendvotimeve, u regjistruan 10 raportime për shkelje të heshtjes zgjedhore, prej të cilave nga tre në zonën e SPB Shkup dhe SPB Ohër, dy në zonën e SPB Shtip dhe nga një në zonën e SPB Tetovë dhe SPB Manastir.
Përveç kësaj, gjatë heshtjes zgjedhore u regjistruan 19 postime në rrjetet sociale, që i referoheshin një thirrjeje për të votuar për kandidatë të caktuar, si dhe videove dhe fotografive të publikuara nga aktivitetet partiake.
Lidhur me votimin, më 01.11.2025, u regjistrua një ngjarje me ç’rast është fotografuar një kuti me fletëvotime në shkollën fillore “26 Korriku” në komunën Shuto Orizarë, gjatë së cilës u ndalua një person dhe po merren masa për zbardhjen e ngjarjes.
Ndryshe gjatë ditës së djeshme në të gjitha zonat, votimi i personave të sëmurë dhe të pafuqishëm dhe të burgosurve u zhvillua pa ndërprerje të procesit të votimit.
Në kohë janë hapur vendvotimet në Kumanovë, informoi kryetarja e Komisionit Komunal Zgjedhor, Kristina Cvetkovska.
Të drejtë vote, sot, në raundin e dytë të zgjedhjeve lokale, kanë 94.041 votues, duke e bërë Kumanovën komunën me numrin më të madh të votuesve që votojnë në 164 vendvotime.
Dje votuan personat e sëmurë dhe të pafuqishëm në Kumanovë, shfrytëzuesit e shërbimeve në Shtëpinë e të moshuarve “Zafir Sajto” dhe të dënuarit në institucionin ndëshkues-përmirësues në Kumanovë. Të drejtë vote kishin 212 persona të sëmurë dhe të pafuqishëm dhe 42 persona të vendosur në Shtëpinë e Pleqve “Zafir Sajto”, ndërsa në institucionin ndëshkues të Burgut të Kumanovës (K’shanje) të drejtë vote kishin edhe 79 persona të dënuar.
Edhe në Komunën e Dibrës, vendvotimet janë hapur në kohë dhe votimi zhvillohet pa ndërprerë.
“Vendvotimet janë hapur në orën shtatë. Votimi në komunën e Dibrës zhvillohet në 27 vendvotime, nga të cilat 22 janë në qytet, dy në fshatin Mogorçe dhe nga një në fshatrat Xhepishte, Kosovrast i Epërm dhe i Poshtëm. Në listën e vetme të votuesve janë regjistruar 19763 persona ndërsa në raundin e parë votuan 40,72 për qind”, deklaroi Rilind Hasa, kryetar i Komisionit Komunal Zgjedhor.
Dje, shtoi ai, të drejtën e tyre të votës e realizuan 130 persona të sëmurë dhe të pafuqishëm, që është për 54 qytetarë më shumë nga raundi i parë i zgjedhjeve, para dy javësh.
Në Komunën e Strugës vendvotimet janë hapur në kohë, saktë në ora 7, konfirmoi kryetari i Komisionit Komunal Zgjedhor, Minir Zhuta. Procesi i votimit, sipas tij, zhvillohet siç duhet.
“Të gjitha 101 vendvotimet në Komunën e Strugës janë hapur në kohë dhe procesi i votimit po zhvillohet normalisht dhe mirë”, tha Zhuta.
Në Strugë dhe rajonin e Strugës, në listën e vetme të votuesve, sipas Komisionit Shtetëror të Zgjedhjeve, janë 62,711 votues. Për të votuar në kushte shtëpie janë paraqitur 422 persona të sëmurë dhe të pafuqishëm dhe tre të burgosur ishin regjistruar.
Në garën për kryetar komune, dy nga nëntë kandidatët që morën pjesë në raundin e parë dy javë më parë mbetën në raundin e dytë.
Komisioni Shtetëror Zgjedhor ka dhënë informacionet e para për daljen e votuesve në nivel shtetëror, në zgjedhjet lokale për rrethin e dytë.
Dalja deri në ora 09:00 është 3.03%, një jehonë e ulët, teksa një rritje pritet në orët e pasdites.
Qytetarët sot do të zgjedhin kryetarë komunash në 32 komuna dhe në Qytetin e Shkupit, ndërsa në tre vendvotime në Shutkë (Shuto Orizare) do të ketë rivotime për këshilltarë.
Nga KSHZ thanë se deri më tani nuk kanë pranuar asnjë ankesë për parregullësi apo pengesa në procesin zgjedhor.
Banorët e Komunës së Tetovës në kuadër të raundit të dytë të zgjedhjeve lokale kanë mundësi të votojnë për njërin nga dy kandidatët për kryer komune të cilët bazuar në numrin e votave sot arritën në raundin e dytë të votimit.
Komisioni Komunal Zgjedhor (KKZ) Tetovë njoftoi se votimi ka filluar dhe zhvillohet pa probleme.
“Në të gjitha 117 vendvotimet në kuadër të Komisionit Komunal Zgjedhor (KKZ) Tetovë, nga ora 7 filloi dhe normalisht po zhvillohet procesi i votimit për zgjedhjet e sotme lokale”, informojnë nga KKZ Tetovë. Në Komunën e Tetovës do të votojnë 87.878 qytetarë me të drejtë vote”, informoi Nazmi Dauti nga KKZ Tetovë.
Komisioni Komunal Zgjedhor në Tetovë përkujton për ndryshim të objektit të votimit në tetë vendvotime të cilat deri tani ishin në dy objekte-shkolla të mesme. Bëhet fjalë për vendvotimet të cilat deri tani ishin në objektin e njohur si “Mjekësia e vjetër” në lumin Shkumbin dhe Shkollën e mesme profesionale komunale “Gjoce Stojçeski-Ambarçe”, përkatësisht “Shkolla e tekstilit”, të cilat po rikonstruohen.
Vendvotimet 1925,1926,1927, 1927/1 me objektin e votimit “Mjekësia e vjetër”, përkohësisht do të transferohen në objektin e gjimnazit “Kiril Pejçinoviq” në rrugën “Vëllezërit Milladinovc”, nr. 134-Tetovë.
Vendvotimet 1941, 1941/1 1942 dhe 1942/1 me objekt të votimit në shkollën e mesme profesionale komunale “Gjoce Stojçeski-Ambarçe” do të transferohen përkohësisht në objektin e Institucionit Publik Komunal “Mladost” në rrugën “Vëllezërit Milladinovc” nr. 1. (Kopshti Teteks).
Në zyrën e Avokatit të Popullit sot prej orës 7:00 deri ora 19:00, do të funksionojë linja falas e telefonit: 0800-54321, ku qytetarët do të mund të paraqesin çfarëdo shkelje të së drejtës zgjedhore.
Siç njoftoi zyra e Ombudsmanit, (përveç zyrës kryesore në Shkup) do të jenë gjithashtu të hapura edhe zyrat rajonale të Avokatit të Popullit në: Manastir, Kërçovë, Kumanovë, Shtip, Strumicë dhe Tetovë, me qëllim që qytetarëve t’u ndihmohet në ushtrimin dhe mbrojtjen e të drejtave të tyre zgjedhore.
“Krahas linjës pa pagesë, qytetarët do të mund të telefonojnë në numrat e mëposhtëm të telefonit për të mbrojtur të drejtat e tyre: Tetovë: 044 344-082, Kërçovë: 045 228-586, Manastir: 047 242-310 dhe Kumanovë: 031 431-488, Strumicë 034 329-996 dhe Shtip 032 389-700”, qëndron në njoftimin e Avokatit të Popullit.
Nga atje theksojnë se Avokati i popullit, të drejtat e qytetarëve do t’i mbrojë me ndërmarrjen e masave urgjente për veprim efektiv nga ana e organeve kompetente në procesin zgjedhor dhe institucionet tjera, të cilat janë të obliguara t’u sigurojnë mbrojtje të së drejtave të tyre të garantuara.
“Edhe me këtë rast, Avokati i Popullit potencoi se e drejta e votës është e garantuar me kushtetutë si e barabartë, e përgjithshme dhe e drejtpërdrejtë dhe realizohet në zgjedhje të lira me votim të fshehtë dhe askush nuk mund të thirret në përgjegjësi për realizimin e kësaj të drejte, për të cilin shkak jo rastësishëm shkelja e lirisë dhe përcaktimit të votuesve, si dhe shkeljet e tjera të së drejtës së votës, janë vepra të dënueshme. Gjithashtu, Avokati i Popullit u bën thirrje të gjithë palëve të interesuara në procesin zgjedhor të respektojnë protokollet shëndetësore, të përcaktuara për mënyrën e votimit.
Rrethi i dytë i zgjedhjeve lokale nuk mbahet sot në katër komuna si: Gostivar, Vrapçisht, Qendër Zhupë dhe Mavrovë e Rostushë.
Arsyeja është jehona e pamjaftueshme e votuesve në raundin e parë, prandaj do të zhvillohet një procedurë e re zgjedhore brenda 60 ditëve nga shpallja e rezultateve përfundimtare të Zgjedhjeve lokale 2025.
Sipas Komisionit Shtetëror të Zgjedhjeve (KSHZ), në këto komuna nuk është arritur pjesëmarrja ligjore prej të paktën një të tretës (33.33%) e votuesve të regjistruar – kusht që zgjedhjet të konsiderohen të suksesshme. Në Gostivar, pjesëmarrja ishte 33.31%, në Vrapçisht – 25.18%, në Mavrovë dhe Rostushë – 30.31% dhe në Qendër Zhupë – 21.49%.
Konform nenit 132 paragrafi (2) të Kodit zgjedhor, në raste të tilla e gjithë procedura zgjedhore përsëritet dhe zgjedhjet e përsëritura mbahen brenda 60 ditëve nga shpallja e rezultateve përfundimtare, pa u kërkuar përsëri pragu prej një të tretës, siç parashikohet në nenin 132-a.
Maqedonia e Veriut sot po zhvillon rethin e dytë të zgjedhjeve lokale, ku qytetarët votojnë për kryetarë komunash në 32 komuna dhe në Qytetin e Shkupit, ndërsa në Shuto Orizare po mbahet rivotim për këshilltarë në tre vendvotime.
Në këtë raund kanë të drejtë vote 1.013.375 qytetarë, prej tyre 474.304 në Qytetin e Shkupit.
Një ditë më parë, sipas Komisionit Shtetëror Zgjedhor (KSHZ), të drejtën e votës e ushtruan 4.826 persona të sëmurë dhe të pafuqishëm, të burgosurit dhe personat në arrest shtëpiak në komunat ku zgjidhen kryetarë.
Të drejtë vote ka çdo person që është i regjistruar në listën zgjedhore dhe posedon letërnjoftim ose pasaportë të vlefshme. Votimi bëhet vetëm personalisht.
Sipas Kodit Zgjedhor, çdo parti, koalicion apo kandidat mund të paraqesë ankesë në KSHZ për parregullsi në procesin e votimit, numërimit apo shpalljes së rezultateve brenda 48 orëve nga përfundimi i votimit.
KSHZ është e detyruar të shqyrtojë të gjitha faktet dhe të vendosë brenda 72 orëve nga pranimi i ankesës.
Nëse pala nuk është e kënaqur me vendimin e KSHZ-së, mund të paraqesë padi në Gjykatën Administrative brenda 24 orëve, e cila duhet të marrë vendim brenda 48 orëve.
Çdo qytetar që beson se i është shkelur e drejta e votës mund të: paraqesë ankesë në Komisionin Komunal Zgjedhor brenda 12 orëve, ose në rastet e votimit jashtë vendit, t’i drejtohet KSHZ-së përmes emailit ose personalisht brenda 24 orëve.
Organi i shkallës së parë duhet të vendosë brenda 2 orëve nga pranimi i ankesës.Kundër këtij vendimi, qytetari mund të parashtrojë padi në Gjykatën Administrative brenda 12 orëve, e cila vendos brenda 2 orëve nga pranimi i padisë.
Në çdo fazë të procesit zgjedhor, çdo votues që konsideron se i është cenuar e drejta e tij, mund të paraqesë ankesë në KSHZ brenda 48 orëve, ndërsa kjo e fundit duhet të marrë vendim brenda 4 orëve.
Kujtojmë se votimi zhvillohet nga ora 07:00 deri në ora 19:00 në gjithsej 1.771 vendvotime në të gjithë vendin.
Aparatet biometrike të identifikimit në zgjedhje, të zbatuara për herë të parë në zgjedhjet lokale të vitit 2021, do të përdoren edhe gjatë votimit të sotëm.
Votimi si proces, nuk ndryshon nga zgjedhjet e kaluara. Ai bëhet personalisht, dhe votuesit do të jenë në gjendje të votojnë vetëm një herë, duke u identifikuar me kartë identiteti ose pasaportë. Personat, dokumentet e të cilëve kanë skaduar nga dita e shpalljes së zgjedhjeve e deri më 19 tetor, gjithashtu do të jenë në gjendje të votojnë. Para se të marrin fletën e tyre të votimit, votuesit do të kontrollohen me pajisje identifikimi biometrike me gishtin e madh të dorës së djathtë.
Votimi bëhet në mënyrë të pavarur, fshehurazi pas kabinës me stilolaps të kaltër.
Fletëvotim i vlefshëm llogaritet vetëm ai në të cilin në mënyrë të qartë është rrethuar numri i kandidatit ose listës së kandidatëve, gjegjësisht, pjesëmarrësit në zgjedhje. Fletëvotimet për kryetarë komune dhe ata për këshilltarë vendosen në kuti të posaçme.
Votimi në grup, votimi familjar ose me dikë tjetër, fotografimi në qendrën e votimit dhe mbajtja e armëve në qendrën e votimit janë të ndaluara.
Votuesit që kanë nevojë për ndihmë gjatë votimit, do t’i ofrohet megjithatë është e patjetërsueshme që ata duhet ta shprehin vetë vullnetin e tyre. /Alsat.mk
Login
