Sydney Sweeney ka tërhequr vëmendjen me paraqitjen e saj elegante në Festivalin Ndërkombëtar të Filmit në Santa Barbara, ku u shfaq me një fustan krem të stilit të viteve 1950, që theksonte linjat e saj trupore.

Aktorja 28-vjeçare u nderua me Çmimin Virtuoz për rolin e saj në filmin me temë boksi “Christy”, ku luan boksieren legjendare Christy Martin.

Gjatë fjalimit, Sweeney foli për intensitetin e xhirimeve, duke treguar se skenat e boksit ishin shumë reale, shkruan The Sun.

Ajo tha se gjatë xhirimeve kishte pësuar hundë të përgjakshme dhe tronditje në kokë, dhe më pas u kishte dërguar kolegëve pako kujdesi nga ndjenja e fajit për ashpërsinë e skenave.

Filmi “Christy” bazohet në jetën dramatike të boksieres Christy Martin, e cila i mbijetoi një sulmi të rëndë nga ish-bashkëshorti i saj, trajneri Jim Martin, i cili më vonë u dënua me 25 vjet burg.

Për rolin, Sweeney iu nënshtrua një transformimi të madh fizik, duke u stërvitur intensivisht për tre muaj, duke bërë ushtrime disa herë në ditë dhe duke ndjekur një regjim ushqimor të veçantë për të shtuar peshë dhe masë muskulore. /Telegrafi/

Shtëpia e Big Brother VIP Albania është pasuruar me tre banorë të rinj, duke sjellë dinamika dhe energji të reja në lojë.

Në garë janë futur Ardit Murataj, gazetar dhe moderator i njohur, Livia Lozi, aktore, si dhe Shëndrit Lumi, gazetar nga Kosova.

Hyrja e tyre ka surprizuar banorët aktualë dhe ka zgjuar reagime të shumta brenda shtëpisë.

Treshja pritet të ndikojë ndjeshëm në strategjitë e lojës, aleancat mes banorëve dhe raportet brenda shtëpisë, duke shtuar edhe më shumë tension dhe kuriozitet tek publiku.

Banorët e rinj do të rrinë në ‘shpellë’. /Telegrafi/

- YouTube www.youtube.com

Gjatë kësaj jave në Big Brother VIP Albania, në nominim ishin Brikena, Greta, Juela, Kristi, Krusita, Miri, Stenaldo dhe Rogerti, ndërsa publiku votoi për të shpëtuar banorin e preferuar.

Me pyetjen “Kë doni të shpëtoni?”, vendimi i shikuesve ishte vendimtar, dhe në fund banorja që u eliminua nga gara ishte Krusita.

Eliminimi i saj ka sjellë reagime të shumta brenda shtëpisë, ku disa nga banorët u shprehën të surprizuar dhe të mërzitur.

Tashmë, dinamika pritet të ndryshojë ndjeshëm, me strategji të reja, nominime më të forta dhe tensione gjithnjë e më të mëdha mes konkurrentëve të mbetur. /Telegrafi/

- YouTube www.youtube.com

Banorët e Big Brother VIP Albania 5 zbuluan së fundmi të vërtetën pas rrengut të Vëllait të Madh me Kutinë e Pandorës së Artanit, duke i hedhur në pah lojërat dhe situatat e sajuara që i kishin mbajtur në tension.

Pas tre ditësh qëndrimi si “mysafir”, Luizi u largua përfundimisht nga shtëpia, duke lënë pas një mesazh të sinqertë për të gjithë banorët.

“U kërkoj falje atyre që mund t’i kem mërzitur vërtet. Doja të bëja vetëm humor. Kam kaluar shumë mirë dhe uroj të më fitoj më i miri. U uroj të gjithëve më të mirën. Fjalët e sinqerta janë: shijojeni. E keni marrë shumë seriozisht. Seriozisht merrni Vëllain e Madh, zarfet dhe lojërat. Ju dua shumë të gjithëve”, u shpreh Luizi përpara se të dilte nga shtëpia. /Telegrafi/

- YouTube www.youtube.com

Gjatë mbrëmjes së sotme në Big Brother VIP Albania u zhvillua një televotim i sajuar që i surprizoi banorët dhe publikun.

Tema e kësaj nate ishte tërësisht e stisur që nga Prime-i i kaluar, duke krijuar një lojë psikologjike të zgjuar për banorët.

Përmes këtij rrengu, Vëllai i Madh zgjodhi që dy banorët “të nominuar” të ishin Brikena dhe Miri, duke i futur ata në një situatë të tensionuar dhe plot emocione.

BBVA/YouTube

Të dy u nisën drejt studios për të mësuar fatin e tyre, ndërsa pritja ishte e mbushur me nervozizëm dhe kuriozitet.

Publiku dhe banorët e tjerë ndoqën me vëmendje momentin, duke u përballur me mundësinë e largimit të njërës prej tyre nga shtëpia.

Pavarësisht tensionit të krijuar, televotimi ishte thjesht një lojë e stisur, dhe pas njoftimit të rezultatit, si Brikena ashtu edhe Miri u rikthyen të qetë dhe të sigurt në shtëpi.

Ndërkohë, Rogerti u shfaq i nervozuar dhe shprehu pakënaqësinë e tij duke thënë se kjo ishte një lojë me hile, pasi nuk ishte ende në dijeni që televotimi ishte i sajuar. /Telegrafi/

- YouTube www.youtube.com

Në një mbrëmje plot emocione dhe romantizëm brenda shtëpisë së Big Brother VIP Albania, surprizat nuk munguan as këtë të martë.

Një moment i veçantë tërhoqi vëmendjen e të gjithëve gjatë Prime-it, duke treguar një tjetër anë të ndjenjave mes banorëve.

Mateo, duke ndarë një gjest të ëmbël, i dedikoi Brikenës një poezi në italisht.

Në fund të recitimit, banorët u përqafuan, duke shfaqur afërsinë dhe simpati reciproke që po zhvillohet mes tyre.

“Dua ta falënderoj Mateon për këtë surprizë. Jam shumë e lumtur që i dhashë një shans për ta njohur Mateon, sepse është një djalë i mrekullueshëm. Dhe nëse dal, i uroj më të mirën”, komentoi Brikena pas momentit të veçantë.

Ky episod i shfaqjes risolli një frymë të ngrohtë dhe romantike në lojën brenda shtëpisë. /Telegrafi/

- YouTube www.youtube.com

Një moment i veçantë ka mbushur shtëpinë e Big Brother me emocione të forta, duke prekur jo vetëm banorët, por edhe të gjithë ata që e kanë ndjekur nga ekrani.

Luizi, fituesi i Big Brother VIP Albania 2, doli nga ambientet e shtëpisë dhe pikërisht aty ku tre vite më parë këndoi këngën e tij të famshme për Kiarën, “Me Ty”, u surprizua nga Kiara dhe vajza e tij, Luna Mari.

BBVA/YouTube

Banori nuk i përmbajti lotët dhe me një mesazh për të gjithë banorët, ai shprehu emocionet e tij: “Ja çfarë fitova nga Big Brother. Më besoni, njerëzit jashtë duan më shumë këtë se çdo gjë tjetër. Kështu që dashuroni, dashuroni, dashuroni”.

Ky moment i veçantë tregoi se emocionet dhe lidhjet familjare janë gjithmonë më të forta se çdo konkurrencë, duke bërë që të gjithë të ndihen të prekur nga surpriza e papritur. /Telegrafi/

- YouTube www.youtube.com

Marrëdhënia mes dy kunatave në Big Brother, Selin dhe Greta, duket se po tensionohet gjithnjë e më shumë.

Një situatë e ndjeshme e ka çuar raportin e tyre drejt përçarjes, ndërsa tensionet rriten për çdo javë.

Selin dhe Greta herë pas here kanë pasur mosmarrëveshje lidhur me lojën dhe sjelljen e secilës, duke e bërë atmosferën në shtëpi më të komplikuar.

Selin: “Sot është dita e tretë që Greta me mua ka zero kontakt. As nuk ka ardhur për të më pyetur si je. Nuk çuditem më. Është kontradiktore, sepse gjatë javës më flet, dhe në prime është ndryshe. Luizi e pyeti për lidhjen time të fundit, Greta s’ka qenë prezente. E pyeti a është jashtë e lidhur, pashë një nuancë qeshje nga Greta. Mbase ka dashur të distancohem unë nga loja dhe të bëhet ajo kryefjala. Këto skena të shëmtuara me mua, nuk i shkojnë jo Gretës por as disa të tjerëve. E dyta, ka lënë një koment të shëmtuar te grimi, tha: qerpikët fallso, buzët fallso”.

Greta: “A je në terezi? Nuk e kam thënë kështu për zotin. Nuk ka lidhje, e ktheve situatën tani, më vjen keq. Gimbo pas çdo prime që është i zhgënjyer, vjen duke u ankuar për Selinën. Nuk kam më lojë me ty, mbyllet këtu e gjithçka, mos hajdeni këtu te Greta.”

Luizi: Greta është shumë inteligjente, por duket sikur dikush ia ka futur thonjtë në fyt. Je duke pranuar të jesh në hije, duke marrë titullin kunata e saj. E rrita intensitetin e pyetjeve duke i thënë: a je në dijeni të lidhjes së fundit të Selin, a mendon se ndikon në qëndrimin si luan e shfrytëzon situatat e saj?

Situata mbetet e tensionuar dhe fansat e Big Brother po presin me padurim zhvillimet e ardhshme, duke u pyetur se si do të përfundojë konflikti mes dy kunatave. /Telegrafi/

- YouTube www.youtube.com

Me afrimin e finalës, emocionet tek konkurrentët janë në kulm, ndërsa nominimi për finalistët e parë ka hapur debatet dhe pritshmëritë e fansave.

Njëri nga emrat që po spikat në bisedat e brendshme është Labi, i cili duket i bindur se do të jetë një nga finalistët e këtij edicioni.

Së fundmi, në lavanderi, Labi ka zhvilluar një bisedë me Ludon, ku ka ndarë shqetësimet dhe pritshmëritë e tij për finalen.

BBVK/Instagram

Ai ka pranuar se ndjen një frikë të natyrshme nga ajo që mund të ndodhë, duke reflektuar mbi performancat e bëra gjatë garës.

Labi: Jam duke u frikësuar shumë, ne kemi performuar, kemi publik, ose unë ose ti jemi ne finale.

Përveç emocioneve, Labi ka treguar se ka bërë edhe analiza të situatës, duke vlerësuar strategjinë dhe performancat e tij krahas konkurrentëve të tjerë.

Ky moment tregon se konkurrenca për finalen është bërë më e fortë dhe secili hap ka rëndësi të madhe për të ardhmen e garës.

Me nominimet që po shpallen një nga një, mbetet të shihet nëse bindja e Labit do të konfirmohet dhe ai do të sigurojë vendin e tij në finalen e shumëpritur. /Telegrafi/

Gjatë një bisede të hapur brenda shtëpisë së Big Brother VIP Albania, Luizi ka ndarë vëzhgimet e tij mbi marrëdhëniet mes banorëve dhe çiftet që ai mendon se po krijohen.

Ai foli për mënyrën se si u prit nga disa prej banorëve, si dhe për ndjenjat që ka vërejtur mes tyre.

“Unë hyra dhe personi që u tregua gangster me këmishë rozë. Sa hyra, më priti si gangster: ‘Kush je ti, legen?’”, rrëfeu Luizi.

BBVA/YouTube

“I thashë: mos kështu, se ia nxive fytyrën babës. Personi i parë që mu afrua ishte Ina, iu afrova direkt Mirit: ‘Selin çfarë është?’, i thashë”.

Ai komentoi gjithashtu për ndjenjat dhe pëlqimet që ka vërejtur brenda shtëpisë: “Vajza jote, apo pëlqim? As tani nuk e di akoma çfarë e ke. Dashuri shoh mes Malit dhe Stenaldos. Shoh pëlqim vetëm nga Gimbo. Ajo që vura re është që Gimbo e ka vendosur dashurinë para lojës”.

Duke u ndalur te dinamika e Mateo dhe Brikenës, Luizi tha: “Dje kuptova që Mateo e ka më primare lojën sesa Brikenën. Ia thashë dhe do t’ia them, pashë disa momente edhe veten te ai kur zhgënjehesha dhe më erdhi keq. Nuk më kërkoi ndihmë, vuri lojën para Brikenës”.

Ai nuk ngurroi të shprehë urimet e tij për Gimbon: “Gimbos ia uroj me shpirt, ishalla jeni bashkë të dy”.

Ky koment i Luizit ka rikthyer diskutimet dhe spekulimet mbi marrëdhëniet brenda shtëpisë, ndërsa publiku vazhdon të ndjekë me kujdes çdo lëvizje dhe çdo shenjë ndjenjash mes banorëve. /Telegrafi/

- YouTube www.youtube.com

Gjatë prime-t të së martës në Big Brother VIP Albania, banorët u informuan se nga dy grupet Luzit-Artani dhe Brikenës-Miri, të fundit do të shkonin në televotim.

Lajmi krijoi menjëherë tension dhe pritshmëri, pasi banorët filluan të mendonin se kush do të ishte i favorizuar për të shpëtuar dhe kush do të përballej me eliminimin.

Megjithatë, rezultoi se kjo ishte thjesht një lojë për banorët. Ata nuk e dinin se televotimi ishte i rremë dhe se aventura e Luizit për këtë të martë kishte përfunduar.

BBVA/YouTube

Kjo krijoi situata të paparashikueshme, duke ngjallur reagime të ndryshme mes banorëve, të cilët u përfshinë emocionale dhe me humor të përzier.

Si fitues i “bastit”, Artani e mbajti premtimin e tij dhe u hodh live në pishinë, duke shkaktuar habi dhe të qeshura tek banorët e tjerë.

Reagimet nuk munguan; disa banorë u afruan për të vëzhguar nga afër, ndërsa të tjerë shijuan momentin nga larg, duke komentuar me zë të lartë për gjestin e Artanit.

Ky moment i papritur solli një valë argëtimi dhe lehtësimi për të gjithë në shtëpi, duke treguar edhe një herë se lojërat dhe surprizat janë pjesë e pandashme e Big Brother VIP Albania. /Telegrafi/

- YouTube www.youtube.com

Këngëtari i njohur, Ardian Bujupi, ka ndarë një lajm të veçantë me ndjekësit e tij, duke konfirmuar se së shpejti do të bëhet baba për herë të parë.

Pas vitesh duke ruajtur me shumë kujdes jetën private, ai ka zgjedhur ta bëjë publike këtë moment të rëndësishëm përmes një postimi në rrjetet sociale.

Në fotografinë e publikuar, Ardiani shfaqet pranë bashkëshortes së tij, Fjolla Fetinci, ndërsa në sfond shihet ekoja e foshnjës, një detaj që i jep imazhit një ndjesi shumë emocionale.

Adrian Bujupi/Instagram

Në përshkrimin e fotografisë, këngëtari ka shkruar: “Nga dashuria jonë po lind një jetë e re. Mirë se vjen, engjëlli ynë”, duke përcjellë emocionet dhe lumturinë e çiftit.

Ardiani dhe Fjolla e kurorëzuan lidhjen e tyre në verën e vitit 2023 në Gjermani, në një ceremoni private, larg vëmendjes së medieve.

Që nga ajo kohë, këngëtari ka preferuar ta mbajë larg syrit publik jetën personale, duke ndarë shumë pak detaje për martesën e tij.

Lajmi është pritur me entuziazëm nga miq dhe kolegë të tij në industrinë e muzikës

Ky kapitull i ri në jetën e Ardian Bujupit vjen në një moment të suksesshëm të karrierës së tij, ndërsa fansat presin të shohin nëse kjo periudhë e re do të reflektohet edhe në projektet e tij muzikore. /Telegrafi/

Një situatë e pazakontë ka ndodhur mes Elijonës dhe Klodit brenda shtëpisë së Big Brother VIP Kosova, duke tërhequr vëmendjen e publikut dhe duke shkaktuar reagime të shumta në rrjetet sociale.

Pas diskutimeve të tyre të fundit, Elijona vazhdoi t’i qëndronte afër Klodit, duke i shkuar shpesh te shtrati dhe duke insistuar për bisedë.

Klodi, i cili dukej se dëshironte pak qetësi, në një moment vendosi të ndërronte shtratin, në përpjekje për t’u distancuar nga situata.

BBVk/Instagram

Megjithatë, Elijona nuk u tërhoq dhe e ndoqi përsëri, duke iu afruar edhe në shtratin e ri. Në një moment, Klodi mori një shishe me ujë dhe e lagur pak Elijonën, si një reagim spontan ndaj insistimit të saj.

Situata ndërroi kur Elijona, në formë shakaje, mori një shishe të madhe me ujë dhe ia hodhi Klodit, duke e lagur dukshëm.

Teksa Klodi përpiqej të largohej, Elijona e ndoqi nga pas dhe momenti përfundoi me të dy të lagur, duke krijuar një skenë që u interpretua nga publiku si përzierje mes tensionit, humorit dhe afërsisë mes tyre.

Ky episod ka nxitur diskutime të shumta mes ndjekësve të formatit, të cilët po komentojnë dinamikën e marrëdhënies mes Elijonës dhe Klodit, duke e parë si një tjetër moment që tregon kompleksitetin e raporteve mes banorëve brenda shtëpisë së Big Brother VIP Albania. /Telegrafi/

Një moment i tensionuar, por edhe i afërt, është shfaqur së fundmi mes Elijonës dhe Klodit brenda shtëpisë së Big Brother VIP Kosova.

Ajo i ka shkruar Klodit në shtrat, duke i thënë: “O Klod, a të kam burrë, ne duhet të diskutojmë e të stërdiskutojmë”.

Ndërsa Klodi është i shtrirë dhe nuk është i kthyer nga Elijona, ajo vazhdon ta thërresë: “Klodi, o Klodi, a di që gruas nuk i bën t’ia prishësh qejfin”.

Klodi përgjigjet: “Edhe gruaja më e qitë poshtë burrin është gjëja më e keqe. Meqë do të flasësh për burra e për gra, gruaja nuk bën ta ulë kurrë burrin”.

Elijona ia kthen: “Kur të ula”.

Por Klodi shton: “Nuk dua ta diskutoj”.

Elijona thekson: “Kur gruaja është vetëm me burrin, gruaja i thotë gjithçka burrit. Në momentin që del në sy të të tjerëve, gruaja e mbron burrin”.

Klodit i duket se mbrojtja e Elijonës është e ekzagjeruar dhe thotë: “A ti e ke çarë duke më mbrojtur”.

Ky moment ka tërhequr vëmendjen e publikut, duke treguar dinamikën e ndërlikuar mes dy banorëve dhe afërsinë që po zhvillohet mes tyre. /Telegrafi/

Jennifer Lopez, 56 vjeçe, ka emocionuar ndjekësit e saj me disa postime të reja në Instagram, duke treguar formën e jashtëzakonshme trupore gjatë një seance stërvitjeje.

E veshur me kostum stërvitjeje ngjyrë gështenjë të errët, ajo ngriti bluzën për të zbuluar reçipetat e thella dhe barkun e tonifikuar.

Me flokët e lirshëm dhe grim të lehtë, Lopez ndau mesazhin e saj motivues për ndjekësit: “Qëllimi është i thjeshtë. Më mirë se dje. Çdo ditë", shkruan DailyMail.

Kjo shfaqet pak pas lajmit se ish-bashkëshorti i saj, Ben Affleck, dhe ajo e kanë hequr nga shitja shtëpinë e tyre luksoze në Beverly Hills, me vlerë 68 milionë dollarë (afërsisht 63 milionë euro).

Lopez tashmë ka blerë një pronë të re në Hidden Hills, ndërsa vazhdon të jetojë përkohësisht në rezidencën e vjetër gjatë rinovimeve.

Përveç përditësimeve në Instagram, Jennifer reflektoi mbi dashurinë dhe marrëdhëniet në shfaqjen e saj “Up All Night” në Las Vegas, ku interpretoi hitin e saj të vitit 1999, “If You Had My Love”.

Ajo u shpreh se tani këndon me pushtet dhe vetëbesim, duke theksuar: “Nëse do të doje të kishe dashurinë time, do të duhej ta meritoje atë. Do të duhej të më trajtoje mirë, të më respektoje dhe të më pranoje për gjithçka që jam”. /Telegrafi/

Pas performancës historike në pushimin e Super Bowl 2026, Bad Bunny përjetoi një rritje të jashtëzakonshme të transmetimeve në Spotify.

Në SHBA, këngët e tij u dëgjuan 470% më shumë, ndërsa globalisht u regjistrua një rritje prej 210%.

Që nga e hëna, Bad Bunny zuri gjashtë vendet e para në listën e këngëve më të dëgjuara ditore në SHBA të Spotify, shkruan Rolling Stone.

Rritja e shikueshmërisë vjen pas një performance elektrizuese që përfshinte hite të njohura dhe referenca të kulturës latine, si dhe paraqitjet e Ricky Martin dhe Lady Gaga. Martin gjithashtu përjetoi një rritje prej 145% në transmetime në SHBA.

Krahasimisht, reperi Kendrick Lamar kishte përjetuar një rritje 175% të transmetimeve pas performancës së tij në Super Bowl vitin e kaluar, me hitin e tij “Not Like Us” që u rrit 430%.

Këngët më të njohura të Bad Bunny, si “Yo Perreo Sola” (2020) dhe “El Apagón” (2022), panë rritje të jashtëzakonshme, respektivisht 2,170% dhe 1,320%.

Edhe këngë të tjera si “CAFé CON RON” dhe “LO QUE LE PASÓ A HAWAii” u transmetuan më shumë, ndërsa kjo e fundit u performua nga Martin në një moment të veçantë. Përveç rritjes së transmetimeve, “DtMF” u rikthye në Billboard Hot 100 në vendin e 10-të.

Muajin e kaluar, këngët e Bad Bunny u transmetuan më shumë se 1.3 miliardë herë globalisht, duke u përgatitur për performancat në Grammy dhe Super Bowl.

Para ndeshjes, këngët më të dëgjuara ishin nga albumi më i fundit i tij, Debí Tirar Más Fotos, duke përfshirë “DtMF”, “BAILE INoLIVIDABLE”, “NUEVAYoL” dhe “EoO”, ndërsa hiti i njohur “Tití Me Preguntó” nga Un Verano Sin Ti mbeti ndër më të dëgjuarat. /Telegrafi/

- YouTube www.youtube.com

Debati mes Elijonës dhe Labit ka eskaluar pas përdorimit të një teme shumë personale nga ana e Labit, duke e tensionuar situatën në shtëpinë e Big Brother VIP Albania.

Gjithçka nisi pasi gjatë spektaklit, Elijonës iu kumtua se daja i saj kishte reaguar jashtë, duke thënë se ajo nuk e kishte rrëfyer historinë e vërtetë brenda shtëpisë dhe se babai i saj kishte qenë shkaktari i divorcit.

Labi e shfrytëzoi këtë situatë të ndjeshme për ta provokuar Elijonën dhe për ta futur në debat.

BBVK/YouTube

Elijona u shpreh: “Ja, më ka dashur mua familja ime, ja kush”.
Ndërsa Labi iu kundërpërgjigj: “Me ditë ti çka po del jashtë për ty. Krejt rrena të kanë dalë”.

E irrituar, Elijona reagoi ashpër: “Boll më, se ty s’të takon të flasësh për familjen time. Ti i ke përdorur këto tema këtu brenda, ti je ardhë dhe më ke prekur në familje, boll më, se ty s’të takon. Nuk e di ti qysh jam rritur unë”.

Labi vazhdoi me tone ironike: “Viktimizohu, viktimizohu”.
Ndërsa Elijona ia ktheu: “O viktimë e jotja, kurrë jo”.

Përplasja mes tyre ka ngjallur reagime të shumta te publiku. /Telegrafi/

- YouTube www.youtube.com

Rita Ora ka tërhequr vëmendjen me paraqitjen e saj në plazhin e Sydney-t, ku u shfaq krah bashkëshortit Taika Waititi.

Këngëtarja 35-vjeçare tregoi linjat e saj trupore me një bikini dhe pantallona të shkurtra të verdha, duke kombinuar pamjen me syze elegante dhe një peshqir mbi supe.

Regjisori 50-vjeçar e shoqëronte me një stil të relaksuar veror, teksa çifti shijonte kohën në bregdet, shkruan DailyMail.

Paraqitja e tyre vjen pas mbërritjes së Ritës në Australi, ku pritet të marrë pjesë në eventin Vogue Forces of Fashion në Sydney dhe të performojë në Grand Prix të Formula 1 në Melbourne.

Së fundmi, Rita ka folur edhe për jetën e saj familjare, duke treguar se roli si njerkë për dy vajzat e Taikës ka qenë një përvojë e papritur, por domethënëse.

Ajo ka theksuar se miqësia e fortë mes tyre është baza e martesës, e cila u zyrtarizua në një ceremoni sekrete në vitin 2022. /Telegrafi/

Një bisedë e ndjerë mes Luiz Ejllit dhe Stenaldos ka sjellë në pah rrëfime personale dhe emocionale, ku këngëtari ka folur hapur për periudha të vështira të jetës së tij dhe mendimet e errëta që ka përjetuar në të kaluarën.

“38 vjeç u bëra baba. Unë kam qenë 37 vjeç kur i kisha humbur të gjitha shpresat. Mendoja se nuk do të kem kurrë familje, nuk do të jem kurrë një shembull, ose një shembull i denjë, idhull i fëmijës tim. Kam jetuar vetëm dhe vetmia është gjëja më e tmerrshme në botë”, tha ai.

BBVK/Instagram

Më tutje shtoi: “Por ka diçka, kur mësohesh, je komplet në atë paqen tënde. Në vetmi ti kalon gjithçka, kalon depresion, kalon stres. Kam tentuar të bëj edhe budallallëqe, një budallallëk shumë të rëndë që ishte edhe t’i jap fund jetës, dhe është e rëndë. Por çka ndodh? E kalove këtë fazë, kalon te faza që bëhesh shumë i akullt”.

Stenaldo tha se e ka përjetuar një ndjesi të tillë dhe se sot ndihet në mënyrë të ngjashme.

Luizi vazhdoi: “Thua, kur nuk ia ndien kësaj bote për mua, pse duhet mua të ma ndiejë për këtë botë?”

Ky rrëfim i hapur i Luizit ka prekur publikun, duke nxjerrë në pah anën e tij më personale dhe sfidat që ka kaluar përpara se të ndërtonte familjen dhe jetën që ka sot. /Telegrafi/

Një debat ndodhi mes dy banoreve të Big Brother VIP Kosova, Dolces dhe Elijonës, duke sjellë akuza të forta dhe replika të drejtpërdrejta mes tyre.

Gjatë bisedës, Dolce e ka kritikuar hapur Elijonën, duke e akuzuar se nuk është e sinqertë dhe se po luan një lojë të fshehtë brenda shtëpisë.

Ajo nuk hezitoi ta quajë edhe “dinake”, duke thënë se nuk i beson sjelljes së saj.

BBVK/Instagram

“Je shumë e fshehtë, mendoj se ti je dinake”, u shpreh Dolce, duke theksuar se sipas saj, Elijona mezi pret momentin për ta sulmuar dhe për të krijuar konflikte.

Dolce shtoi se ajo vetë nuk e konsideron veten dinake, por sipas saj, Elijona e fsheh lojën e saj pas buzëqeshjes dhe sjelljes së qetë, duke lënë të kuptohet se kjo është vetëm një strategji për të manipuluar situatat në shtëpi.

Debati mes dy vajzave ka tërhequr vëmendjen e publikut, i cili ka reaguar menjëherë në rrjetet sociale me komente dhe opinione të ndryshme, duke u rreshtuar në anë të ndryshme të konfliktit dhe duke pritur zhvillimet e radhës mes tyre. /Telegrafi/