Alesio Alia ka ndërprerë sonte rrugëtimin e tij në shtëpinë e Big Brother VIP Albania. Pas një kërkese të bërë prej tij për largim, produksioni e ka miratuar vendimin dhe Alesio ka lënë shtëpinë me dëshirë, duke i dhënë fund eksperiencës së tij në këtë format.

Largimi i tij erdhi pa paralajmërime të gjata, duke surprizuar një pjesë të publikut që priste të shihte më shumë nga dinamika e tij në lojë. Gjatë qëndrimit në shtëpi, Alesio u shfaq si një banor i qetë, i rezervuar dhe shpesh i tërhequr nga konfliktet, duke zgjedhur të mbajë një profil më të ulët krahasuar me banorët e tjerë.

Edhe pse nuk ishte shpesh në qendër të debateve apo situatave të forta, prania e tij solli momente reflektimi dhe diskutime më të qeta brenda shtëpisë. Për disa ndjekës, kjo e bëri Alesion një figurë të ndryshme nga profili tipik i një konkurrenti të Big Brother-it, ndërsa për të tjerë, mungesa e përfshirjes aktive në lojë u pa si një arsye pse rrugëtimi i tij mbeti i shkurtër.

Në rrjetet sociale, reagimet pas largimit të tij kanë qenë të ndara. Disa shprehën keqardhje për largimin e parakohshëm, ndërsa të tjerë u shprehën se prisnin më shumë angazhim dhe lojë nga Alesio brenda shtëpisë.

Me largimin e tij, dinamika e shtëpisë pritet të ndryshojë, ndërsa gara vazhdon me banorët e mbetur që synojnë finalen.

The post Alesio Alia largohet nga “BBVA” me dëshirë! appeared first on iconstyle.al.

Një ngjarje tragjike ka tronditur veriun e Spanjës, ku katër persona kanë humbur jetën dhe dy të tjerë rezultojnë ende të zhdukur pasi një urë prej druri u shemb në një plazh në Santander. Ngjarja ndodhi në zonën bregdetare El Bocal, një destinacion i frekuentuar nga vizitorë që kërkojnë qetësi dhe kontakt me natyrën.

Sipas shërbimeve të emergjencës, disa persona ranë në ujë në momentin kur ura, që lidhte dy shkëmbinj, u shemb papritur. “Dy persona janë ende duke u kërkuar pasi ranë në det nga ura. Deri tani janë gjetur katër trupa, ndërsa një person është shpëtuar dhe është transportuar me urgjencë në spital,” bënë të ditur ekipet e shpëtimit.

Kryebashkiakja e qytetit, Hema Igual, e cilësoi ngjarjen si një “tragjedi të madhe”, duke theksuar se viktimat ishin të rinj që kishin ardhur për të shijuar bukuritë natyrore të zonës. Ajo shtoi se ura ishte një kalim i njohur për këmbësorët dhe se rrethanat e shembjes po hetohen nga autoritetet përkatëse.

Operacionet e kërkim-shpëtimit vijuan për disa orë me pjesëmarrjen e policisë, zjarrfikësve dhe ekipeve detare, ndërsa kushtet e motit dhe të terrenit e vështirësuan ndërhyrjen. Autoritetet lokale kanë nisur një hetim për të përcaktuar shkaqet e shembjes së urës dhe për të verifikuar nëse struktura kishte probleme sigurie.

Ngjarja ka shkaktuar reagime të forta dhe dhimbje në opinionin publik, duke rikthyer vëmendjen tek siguria e infrastrukturës në zonat turistike.

The post Tragjedi në veri të Spanjës: Shembet ura prej druri, katër të vdekur dhe dy të zhdukur appeared first on iconstyle.al.

Ky prime i Big Brother VIP nisi me debate të ashpra, ku protagonistë kryesorë u bënë Rogerti dhe Selin, pas deklaratave seksuale që ai bëri ndaj Selin dhe motrës së Mateos.

Situata u përshkallëzua kur Monika reagoi me vendosmëri, duke u drejtuar ndaj Rogertit: “Të jem si mamaja e Selin apo e Mateos, të pres gjuhën nëse i thua ashtu fëmijës tim. Nëse nuk të vjen keq për mënyrën se si u flet, pse të vjen keq kur ta kthejnë ty? Më mirë dil sesa të flliqesh kështu.” Ky reagim i fortë dhe i drejtpërdrejtë e bëri Rogertin të reflektonte dhe më pas të largohej nga dera e kuqe, duke ndërprerë rrugëtimin e tij në shtëpi.

Rogerti: Hapeni derën. (Largohet.)

Monika: Hapur e ke…

Debati i ndezur dhe largimi i Rogertit krijuan një tension të madh në shtëpi, ndërsa banorët e tjerë mbetën të shokuar nga situata. Publiku reagoi menjëherë në rrjetet sociale, duke komentuar mbi sjelljet e tij dhe duke vlerësuar qëndrimin e Monikës.

Ky episod u shndërrua në një moment kulminant të sezonit, dhe duhet ta themi që shumë individë po festojnë për daljen e tij… Nëse do të shfaqet apo jo në studio, kjo mbetet për t’u parë në vijim.

The post Rogerti lë shtëpinë e “BBVA”! appeared first on iconstyle.al.

Ish-shoferi i NASCAR, Chase Pistone, ka ndërruar jetë në moshën 42-vjeçare, konfirmuan anëtarët e familjes së tij. Lajmin e bëri të ditur vëllai i tij i madh, Nick Pistone, përmes një postimi në rrjetet sociale më 2 mars.

“Vëllai im i vogël dhe miku im më i mirë nuk është më,” shkroi Nick. “Jam i thyer shpirtërisht dhe nuk di nëse do ta kaloj këtë dhimbje. Më mungon Chase dhe shpresoj se je në një vend më të mirë. Të dua dhe më mungon shumë tashmë!”

Nick dhe vëllai tjetër, Tom Pistone, nuk ndanë shkakun e vdekjes, por inkurajuan publikun të kontaktojë linjën për mbështetje ndaj krizave dhe vetëvrasjes, 988.

Chase Pistone ishte një figurë e njohur në motorsport dhe sidomos në garat Legend Car, duke u konsideruar një nga shoferët më të suksesshëm në këtë kategori. Ai ishte nipi i legjendës së hershme të NASCAR, “Tiger” Tom Pistone, dhe nisi të garojë që në moshën 6 vjeçare.

Gjatë karrierës së tij, Pistone fitoi katër herë Summer Shootout Championship Legends si shofer (dy Semi-Pro, dy Pro) midis viteve 1999 dhe 2005 dhe regjistroi mbi 80 fitore në garat Legend, Late Model dhe USAR. Ai garoi gjithashtu në ARCA Menards Series, NASCAR Craftsman Truck Series dhe NASCAR Xfinity Series. Në 2006, përfundoi në top 10 në Iowa Speedway duke garuar me makinën No. 50 Dodge për ekipin Bobby Jones Racing.

Familjarët dhe komuniteti i motorsport-it e kujtojnë Pistone si një shofer pasionant dhe një udhëheqës i ekipit Chase Pistone Inc. Legends, që shpesh doli fitues në garat ku mori pjesë.

Për ata që përballen me sfida emocionale ose mendore, mund të kontaktoni linjën e mbështetjes 988, 24/7, në telefon, mesazh ose online në 988lifeline.org.

The post Ndahet nga jeta ish-shoferi i NASCAR, Chase Pistone appeared first on iconstyle.al.

Fituesi i edicionit të 76-të të Festivalit të Sanremos, Sal Da Vinci, do të përfaqësojë Italinë në Eurovision Song Contest 2026 në Vjenë me këngën e tij emocionuese “Per Sempre Si”. Ai triumfoi mbi 30 konkurrentë, duke fituar finalen me 22.2% të votave, ndërsa vendin e dytë e mori Sayf me “Tu Mi Piaci Tanto” dhe vendin e tretë Ditonellapiaga me “Che Fastidio”.

I lindur në New York në 1969 gjatë një turneu të babait të tij, këngëtarit dhe aktorit të njohur Mario Da Vinci, Salvatore Michael Sorrentino, i njohur si Sal Da Vinci, debutoi në skenë që në moshën 7 vjeçare. Ai ka luajtur në filma si Il Motorino (1984) dhe Troppo Forte (1987), por pasioni i tij për muzikën e bëri të fokusojë karrierën në këtë fushë.

Gjatë dekadave, Sal ka fituar Festivalin Italian të Muzikës në Canale 5 (1994), ka interpretuar në muzikale si C’era Una Volta…Scugnizzi dhe ka publikuar hite të mëdha, përfshirë Se Amore E, Non Si Fanno Prigionieri dhe hitin më të suksesshëm, Rossetto e Caffe, që ka grumbulluar mbi 450 milion klikime dhe është certifikuar dy herë platin.

Për fansat italianë dhe të Eurovision-it, prezenca e tij në Vjenë premton performanca të paharrueshme, ku emocionet dhe vokali i tij unik do të mbeten në memorien e publikut.

The post Sal Da Vinci përfaqëson Italinë në Eurovision 2026 appeared first on iconstyle.al.

Trupi i udhëheqësit suprem të Iranit, Ali Khamenei, i cili u vra gjatë përshkallëzimit të tensioneve në Lindjen e Mesme, pritet të varroset në Mashhad, qytetin e tij të lindjes në verilindje të Iranit.

Sipas raportimeve nga burime zyrtare iraniane, ceremonia mortore do të zhvillohet në Mashhad, një nga qytetet më të shenjta të vendit dhe një qendër e rëndësishme fetare për botën shiite. Autoritetet kanë nisur përgatitjet për masa të rrepta sigurie, ndërsa pritet pjesëmarrje masive e qytetarëve dhe përfaqësuesve të lartë të establishmentit iranian.

Ngjarja që çoi në vrasjen e Khameneit ndodhi të shtunën në orët e para të mëngjesit, kur bombardime izraelite goditën kompleksin e udhëheqësit suprem në Teheran. Në momentin e sulmit, Khamenei raportohet se ishte në një takim me bashkëpunëtorë të ngushtë, çka e bëri sulmin veçanërisht fatal.

Sipas burimeve amerikane dhe izraelite, operacioni që çoi në eliminimin e tij ishte rezultat i një veprimi të përbashkët mes Shtetet e Bashkuara dhe Izraeli, duke përfaqësuar kulmin e një strategjie dy-mujore të ndërtuar nga administrata e Donald Trump. Strategjia, sipas të njëjtave burime, kishte kombinuar përpjekjet diplomatike me përgatitje intensive ushtarake.

Të premten, pas dështimit të kanaleve diplomatike, presidenti amerikan kishte dhënë dritën jeshile për ndërhyrje ushtarake, një vendim që tashmë po riformëson ekuilibrat politikë dhe të sigurisë në rajon, ndërsa reagimet ndërkombëtare pritet të intensifikohen në ditët në vijim.

The post Trupi i udhëheqësit suprem të Iranit do të varroset në qytetin e lindjes! appeared first on iconstyle.al.

Scream 7 ka shënuar debutimin më të suksesshëm në historinë e sagës, duke arkëtuar 97.2 milionë dollarë në mbarë botën vetëm gjatë fundjavës së hapjes. Kapitulli i shtatë i françizës ikonike horror siguroi 64.1 milionë dollarë në tregun vendas të Amerikës së Veriut dhe 33.1 milionë dollarë në tregjet ndërkombëtare, duke vendosur rekorde të reja për serinë në të gjitha kategoritë kryesore të arkëtimit.

Sipas të dhënave zyrtare, këto shifra përbëjnë debutimin më të madh global, ndërkombëtar dhe vendas që nga filmi i parë i serisë, i cili u shfaq për herë të parë në vitin 1996 dhe u shndërrua në një fenomen kulturor.

Historia e filmit ndjek një Ghostface të ri, i cili shënjestron vajzën e heroinës ikonike Sidney Prescott, e interpretuar nga Neve Campbell. Rikthimi i Campbell në seri ka qenë një nga pikat kyçe të interesit për publikun, veçanërisht pas mungesës së saj në filmin e gjashtë për shkak të një mosmarrëveshjeje për pagën.

Analistët e industrisë theksojnë se nostalgia ka luajtur një rol vendimtar në suksesin e filmit, e nxitur edhe nga paraqitjet e figurave të njohura si Courteney Cox, David Arquette dhe Matthew Lillard.

Në një deklaratë për Variety, CEO i Spyglass Media Group, Gary Barber, u shpreh se ky sukses historik është dëshmi e trashëgimisë së qëndrueshme të ndërtuar nga Kevin Williamson gati 30 vite më parë. Ai falënderoi audiencën globale për entuziazmin dhe riktheu theksin te forca e vazhdueshme e markës Scream, e cila vazhdon të tërheqë breza të rinj shikuesish.

The post Scream 7 thyen çdo rekord në arkë me debutimin historik appeared first on iconstyle.al.

Reperi i njohur amerikan, Sean ‘Diddy’ Combs, pritet të lirohet nga burgu rreth një muaj e gjysmë më herët, ndërsa përpiqet të kundërshtojë dënimin katërvjeçar. Data e re e lirimit është shtyrë nga 4 qershori 2028 në 25 prill 2028, pas përfshirjes së tij në një program rehabilitimi për personat me probleme me drogën.

Zyra e përfaqësuesit të Combs tha se reperi ka marrë pjesë me seriozitet në program dhe është i përkushtuar ndaj zhvillimit personal dhe ndryshimeve pozitive. “Ai po punon për të përmirësuar veten dhe për të ndjekur një rrugë të re,” u shpreh përfaqësuesi.

Kjo nuk është hera e parë që data e lirimit të tij ndryshohet. Combs aktualisht po shërben dënimin në Federal Prison Fort Dix, New Jersey, dhe më parë data e lirimit ishte shtyrë për shkak të shkeljeve të rregullave të burgut, duke përfshirë konsumimin e alkoolit dhe kryerjen e thirrjeve të ndaluara. Përfaqësuesi i tij ka mohuar shkeljet, duke sqaruar se një nga thirrjet ishte e mbrojtur nga sekreti avokat-klient.

Reperi ka bërë apel ndaj dënimit, duke kërkuar lirimin e menjëhershëm, uljen ose anulimin e tij, me argumentin se provat kundër tij nuk janë të mjaftueshme dhe se dënimi shkel të drejtat e tij kushtetuese. Combs ishte arrestuar në shtator 2024 për akuza që përfshinin, trafikim njerëzish për shfrytëzim seksual, mashtrim dhe transport për prostitucion.

The post Sean ‘Diddy’ Combs fiton lirimin e parakohshëm pas përkushtimit në rehabilitim appeared first on iconstyle.al.

Pas ngjarjeve të fundit brenda shtëpisë së Big Brother Albania, ku Mirë ka qenë protagonisti i disa situatave që trazuan ujërat brenda shtëpisë, rrjetet sociale u mbushën me spekulime për një surprizë të mundshme. Shumë ndjekës aluduan se bashkëshortja e tij mund të shfaqej sonte në spektakël për t’i dhënë mbështetje, duke zgjuar kuriozitetin e fansave.

Megjithatë, të gjitha këto dyshime u rrëzuan nga vetë bashkëshortja e Mirit përmes një postimi në Instagram. Ajo publikoi një fotografi nga ambienti i saj i punës në Gjermani, duke treguar qartë se angazhimet profesionale vazhdojnë si zakonisht dhe nuk ka plane për të qenë e pranishme në Prime.

Në mbishkrimin e fotos, ajo u drejtua direkt ndjekësve që prisnin ta shihnin atë në ekran:

“Për të gjithë që mendojnë që jam në Prime sot… Më vjen keq por jam në punë!”, shkroi ajo, duke konfirmuar zyrtarisht mungesën e saj në spektakël.

Ky postim ka qetësuar fansat dhe ka sqaruar situatën, duke treguar se angazhimet profesionale janë prioritet për bashkëshorten e Mirit, pavarësisht interesit të madh që ka krijuar pritshmëria për një paraqitje surprizë. Megjithatë të gjithë janë në pritje të momentit kur bashkëshortja e Mirit do të shfaqet për një surprizë në ambientet e shtëpisë, pas vizitës që vajza e tij i bëri pak javë më parë.

The post Gruaja e Mirit hyn sonte në “BBVA”? appeared first on iconstyle.al.

Shtetet e Bashkuara kanë mbyllur dy ambasada në Lindjen e Mesme dhe kanë zvogëluar ndjeshëm praninë e tyre konsullore në disa vende të tjera, ndërsa tensionet dhe sulmet në rajon vazhdojnë.

Sipas CNN, Ambasada Amerikane në Arabinë Saudite është mbyllur sot pas sulmit me dy dronë, të cilët dyshohet se janë iranianë. Ndërkohë, Ambasada Amerikane në Kuvajt ka njoftuar mbylljen e përkohshme të dyerve “deri në njoftim të mëtejshëm”. Largimi i personelit qeveritar nga Kuvajti ishte urdhëruar më parë nga Departamenti i Shtetit. Të hënën, një video e siguruar nga Reuters tregoi tym që ngrihej nga zona përreth ambasadës, duke rritur shqetësimet për sigurinë.

Departamenti i Shtetit i SHBA-së ka paralajmëruar qytetarët amerikanë të largohen menjëherë nga 14 vende në rajon për shkak të “rreziqeve serioze të sigurisë”. Po ashtu, u është kërkuar personelit qeveritar dhe familjeve të tyre të largohen nga Jordania, Bahreini, Katari, Iraku dhe Emiratet e Bashkuara Arabe.

Zyrtarët amerikanë po monitorojnë situatën dhe kanë paralajmëruar se tensionet mund të përshkallëzohen në ditët e ardhshme, duke e bërë Lindjen e Mesme një zonë me rrezik të lartë për diplomatët dhe qytetarët amerikanë. Vendimi për mbylljen e ambasadave reflekton shqetësimin e SHBA-së për sigurinë e stafit të saj dhe ndikimin e mundshëm të konfliktit në rajon mbi operacionet diplomatike.

The post Rritet tensioni në Lindjen e Mesme: Ambasadat amerikane mbyllen përkohësisht appeared first on iconstyle.al.

Cristiano Ronaldo u largua nga Riyadhi drejt Madridit pas pezullimit të ndeshjeve të Rajonit Perëndimor të AFC Champions League, shkaktuar nga situata e pasigurt në Lindjen e Mesme. Avioni privat i yllit portugez, një Bombardier Global Express, u nis rreth orës 21:00 me kohën lokale të hënën dhe mbërriti në Spanjë gjatë natës, duke kaluar mbi Egjipt dhe Mesdhe.

Sulmuesi 39-vjeçar i Al-Nassr u detyrua të largohet pasi ndeshja e çerekfinales kundër Al-Wasl, planifikuar për të mërkurën në Dubai, u shty për arsye sigurie. Në të njëjtën kohë, Shtetet e Bashkuara raportuan se ambasada e tyre në Riyadh u godit nga dy dronë, duke shkaktuar vetëm dëmtime materiale dhe zjarr të kufizuar, pa persona të lënduar. Ronaldo jeton në kryeqytetin saudit me partneren Georgina Rodriguez dhe pesë fëmijët e tyre.

AFC konfirmoi se do të riplanifikojë të gjitha ndeshjet e raundit të 16-të për klubet e Rajonit Perëndimor, ndërsa ndeshjet e klubeve nga Rajoni Lindor do të zhvillohen sipas planit. Ky zhvillim vjen pas valës së sulmeve me raketa dhe dronë nga Irani, si hakmarrje për operacionin amerikan-izraelit që shkaktoi vdekjen e Ayatollah Ali Khamenei të shtunën.

Sezonin aktual, Ronaldo ka shënuar 22 gola në 26 ndeshje për Al-Nassr, dhe kontrata e tij me klubin saudit zgjat deri në vitin 2027, duke e mbajtur atë si një nga figurat kryesore të futbollit ndërkombëtar në rajon.

The post Pas sulmeve nga Irani, Cristiano Ronaldo lë Arabinë Saudite! appeared first on iconstyle.al.

Nëna e 11-vjeçarit që u shpall i humbur një ditë më parë, ka folur ekskluzivisht për “Euronews”, ku ka thënë se djali është gjetur nga një qytetare që e ka sinjalizuar lidhur me të birin.

Ai u gjet në Portin e Durrësit, ndërsa ende nuk dihet se si ka shkuar deri atje. Sipas informacioneve, i mituri është larguar nga shtëpia për në shkollë pas një debati që kishte me të ëmën. Ai jeton me të ëmën në zonën e Freskut, pasi prindërit janë të divorcuar.

Djalin unë e kam nisur për në shkollë, me furgonin e shkollës dhe në momentin që djali nuk ka shkuar në shkollë mua më ka njoftuar mësuesja

Jam zgjuar dhe kam shkuar tek shkolla, kam kërkuar nëpër lagje, me atë idenë që mos ka ikur për ndonjë lojë por ai nuk ekzistonte në lagje

Kemi hapur kamerat e shkollës por s’kemi parë gjë. Ku s’e kam kërkuar dje dhe nuk kisha asnjë kontakt. Pastaj nga ora 5 e gjys kam ardhur në Komisariat por kallëzimin e përfundova sot

Sot që bëra kallëzimin më merr një grua në telefon pas dy orësh dhe më thotë “djali juaj është parë në portin e Durrësit”. Djali i tha asaj gruas se donte të shkonte në Kosovë, por ajo i tha: “Jo do rrish këtu me ne”. Djali filloi të qante

Telefonoj vëllain dhe ai niset direkt për atje dhe aty ka dalë patrulla dhe kanë gjetur djalin

Unë e kisha “dënuar” sepse para disa ditësh kishte pirë cigare me një shok “mistrec”, dhe i kisha thënë që nuk do të të japë më lekë për bukë sepse ke bërë një gabim tek shkolla

Nuk ia kam idenë si ka shkuar deri në Portin e Durrësit por shpresoj që ta zbuloj! Dua ta zbuloj sepse nesër mund të më ndodhë prapë kjo gjë, dhe do i lutesha çdo nëne të mos e linin fëmijën vetëm. Unë si nënë, e kam përjetuar shumë keq dhe nuk do e lë më vetëm asnjëherë në botë. Sepse qenka një dhimbje shumë e madhe, edhe gëzim edhe dhimbje, por mendoj që sot duhet t’i përkushtohemi më shumë fëmijëve

The post Flet për herë të parë nëna e 11-vjeçarit të humbur: Nuk e di si përfundoi atje, e kisha ‘dënuar’ që s’do i jepja lekë për bukë appeared first on iconstyle.al.

Reperja e njohur Ice Spice ka folur hapur për humbjen e saj në peshë, pasi prej muajsh është përballur me akuza në rrjetet sociale se ka përdorur Ozempic. Artistja 26-vjeçare vendosi të reagojë publikisht më 25 shkurt, duke i dhënë fund spekulimeve që qarkullonin rreth pamjes së saj fizike.

Gjithçka nisi pasi një përdorues në platformën X ironizoi videot e saj nga palestra, duke shkruar se humbja e peshës ishte “qartësisht nga Ozempic”. Përgjigjja e Ice Spice ishte e drejtpërdrejtë dhe befasuese: “Jo, ishte depresioni. Tani jam më mirë.”

Ky rrëfim i sinqertë preku menjëherë fansat e saj, të cilët reaguan me mesazhe mbështetjeje dhe empatie. Shumë prej tyre vlerësuan guximin e artistes për të folur hapur për shëndetin mendor, duke theksuar se depresioni nuk është diçka për t’u marrë lehtë. Komente si “jam e lumtur që po ndihesh më mirë” dhe “kujdesu për veten” vërshuan në rrjet.

Nuk është hera e parë që Ice Spice përballet me thashetheme të tilla. Që në vitin 2024, ajo i kishte mohuar publikisht zërat se po përdorte Ozempic, duke shprehur irritimin e saj ndaj mënyrës se si ky term po përdorej për çdo ndryshim fizik të figurave publike. Në atë kohë, ajo kishte sqaruar se turnetë intensive, palestra dhe ushqimi i shëndetshëm kishin ndikuar në ndryshimin e trupit të saj.

Deklarata e fundit, megjithatë, nxori në pah një anë më personale të artistes, duke treguar se pas suksesit dhe famës fshihen edhe beteja të vështira emocionale. Sot, Ice Spice shprehet se ndihet më mirë dhe duket e vendosur të ecë përpara, duke i dhënë prioritet shëndetit mendor dhe mirëqenies së saj.

The post Ice Spice tregon të vërtetën pas humbjes në peshë: Ishte depresioni! appeared first on iconstyle.al.

Një debat i ashpër mes Mateo Borrit dhe Rogert Sterkaj ka ndezur reagime të forta në rrjetet sociale, pasi situata kaloi kufijtë e një përplasjeje verbale mes dy individëve. Gjatë konfliktit, Rogert Sterkaj përmendi motrën e Mateos, një veprim që u konsiderua nga shumë si i papërshtatshëm dhe jashtë çdo norme etike.

Pas këtij momenti, reagimi nuk vonoi të vinte. Motra e Mateos zgjodhi të flasë publikisht përmes rrjeteve sociale, duke shprehur indinjatën e saj të thellë ndaj asaj që ndodhi. Në reagimin e saj, ajo e cilësoi situatën si “më të turpshmen” që kishte parë apo dëgjuar ndonjëherë, duke theksuar zhgënjimin ndaj mënyrës së sjelljes dhe mesazhit që, sipas saj, u përcoll publikisht.

“Kjo është situata më e turpshme që kam parë dhe dëgjuar ndonjëherë. Turp për burrin dhe babanë që je dhe ca shembulli jep jashtë kaq kisha unë. Mos ta ktheftë Zoti siç ke zemrën se as hasmin s’do doja ta shihja aq keq. Po kursehem me fjalët”, ka shkruar ajo.

Në të njëjtën kohë, reagimi i saj nuk u ndal vetëm te kritika. Ajo shfrytëzoi momentin për të shprehur krenarinë dhe mirënjohjen ndaj vëllait të saj, Mateo Borrit, për mënyrën se si e ka mbështetur dhe rritur ndër vite. Me fjalë prekëse, ajo e quajti atë “heroin” e saj, duke theksuar lidhjen e fortë familjare mes tyre.

The post Pas fjalëve denigruese të Rogertit, reagon motra e Mateos: Mos ta ktheftë Zoti siç ke zemrën appeared first on iconstyle.al.

Një avion i United Airlines u detyrua të kthehej emergjentisht në Los Angeles International Airport (LAX) rreth një orë pas nisjes, pasi në njërin prej motorëve shpërtheu zjarr.

Ngjarja ndodhi të hënën, më 2 mars, rreth orës 11:19 sipas kohës lokale, kur fluturimi 2127 i United realizoi një ulje emergjente për shkak të një problemi në motorin e majtë. Sipas raportimeve, avioni ishte nisur rreth orës 10:15 dhe kishte destinacion Newark Liberty International Airport në New Jersey.

Avioni i tipit Boeing 787-9 Dreamliner po transportonte 256 pasagjerë dhe 12 anëtarë të ekuipazhit në momentin e incidentit. Fatmirësisht, sipas deklaratës së kompanisë ajrore, asnjë person nuk mbeti i lënduar.

Pamje të siguruara nga mediat amerikane tregojnë momentin kur pasagjerët u evakuuan përmes rrëshqitëseve inflatable dhe shkallëve mobile direkt në pistë, ndërsa zjarrfikësit e aeroportit po hidhnin ujë mbi motorin që nxirrte tym. Pasagjerët u larguan me shpejtësi nga avioni dhe më pas u transportuan me autobusë drejt terminalit.

Një prej pasagjerëve e përshkroi situatën si “surreale”, duke thënë se vrapimi larg një avioni në flakë në pistën e LAX ishte një përjetim i frikshëm. Sipas raportimeve, sistemet automatike të shuarjes së zjarrit në motor ishin aktivizuar, por sinjalet paralajmëruese vazhdonin.

Pas incidentit, United Airlines organizoi një avion tjetër për të vazhduar udhëtimin e pasagjerëve. Ndërkohë, Federal Aviation Administration (FAA) ka nisur hetimet për të zbardhur shkaqet e zjarrit, ndërsa një pistë në LAX u mbyll përkohësisht, duke shkaktuar vonesa në fluturime të tjera.

The post Momente paniku në ajër: fluturimi me 256 pasagjerë bën ulje emergjente pas zjarrit në motor appeared first on iconstyle.al.

Gjatë qëndrimit të saj në Big Brother VIP Kosova 4, Dolce u komentua gjerësisht për afrimitetin dhe ndjenjat e forta që shfaqi ndaj Edin dhe Limi Hotin. Brenda shtëpisë, ajo nuk i fshehu emocionet dhe shpesh u perceptua si vajza që “po jetonte gjithçka me zemër”, duke u përfshirë pa rezerva në marrëdhëniet që krijoi.

Por jashtë mureve të Big Brother, duket se panorama ka ndryshuar rrënjësisht.

Së fundmi, gjatë një bashkëbisedimi me ndjekësit në rrjetet sociale, Dolce u pyet nëse vazhdon të ketë kontakt me dy ish-banorët, duke marrë parasysh lidhjet e krijuara në reality show. Përgjigjja e saj ishte e prerë dhe aspak sentimentale:
“Të njëjtin gabim nuk e bëj kurrë dy herë.”- u shpreh ajo.

Një deklaratë që u interpretua nga publiku si një distancim i plotë nga ajo që dikur dukej si histori e rëndësishme për të.

Madje, ajo nuk kurseu as një thumb publik, ku me ironi dhe një emoji duke qeshur, ajo shkroi:
“Meshkujt që merren me llafe, larg meje.”

Ndjekësit e panë këtë si një mesazh të qartë: edhe pse pak kohë më parë gjestet e saj me dy banorët tregonin të kundërtën e kësaj që thotë sot, taniDolce nuk i sheh më njësoj…

The post Dolce për Limin dhe Edin: Meshkujt që merren me llafe, larg meje! appeared first on iconstyle.al.

Claire Stoermer, nëna e Zendaya, ka reaguar me humor ndaj pretendimit se vajza e saj është martuar fshehurazi me Tom Holland. Stoermer ripostoi në Instagram një video ku stilisti i njohur i aktores, Law Roach, flet për martesën e çiftit gjatë një interviste në tapetin e kuq për Entertainment Tonight.
“The laugh…”, shkroi ajo mbi klip, duke shtuar edhe një emoji duke qeshur, një reagim që u interpretua si ironi ndaj thashethemeve.

Në video, Roach u shpreh se “dasma ka ndodhur tashmë”, duke shtuar me shaka: “E keni humbur.” Gazetarja e ET përmendi gjithashtu raportimet se Zendaya ishte parë me një unazë martese prej ari, çka e nxiti stilistin të këmbëngulte me të qeshur se ceremonia kishte përfunduar.

Megjithatë, përfaqësuesit e çiftit nuk e kanë konfirmuar zyrtarisht lajmin. Revista PEOPLE më herët kishte kontaktuar përfaqësuesit e Zendaya-s dhe Holland-it lidhur me këto zëra, pa marrë përgjigje.

Spekulimet për fejesën nisën në janar 2025 gjatë Golden Globe Awards, kur Zendaya u pa me një diamant në gishtin e dorës së majtë. Një burim afër tyre tregoi se Holland kishte dashur të propozonte prej kohësh dhe se lidhja e tyre është “shumë e veçantë”.

Çifti u lidh për herë të parë në vitin 2016 gjatë xhirimeve të Spider-Man: Homecoming dhe prej atëherë kanë ruajtur një profil të ulët publik. Aktualisht, të dy janë të angazhuar në projekte të reja filmike, përfshirë një film të ardhshëm nga Christopher Nolan, ndërsa rikthehen edhe në universin Marvel me filmin e ri të Spider-Man.

The post Martesë apo shaka? Reagimi i nënës së Zendaya-s ndez rrjetin appeared first on iconstyle.al.

Ajo që duhej të ishte një fillim i ri për influencuesin britanik të fitnesit Will Bailey, u kthye papritur në një përvojë tronditëse. Bailey kishte mbërritur në Dubai në orët e para të së shtunës me planin për të zhvendosur biznesin e tij të stërvitjes dhe për të marrë lejen e qëndrimit në Emiratet e Bashkuara Arabe. Por vetëm 24 orë pas mbërritjes, ai u gjend në mes të një situate të tensionuar, duke dokumentuar në rrjetet sociale sulmet me raketa iraniane që goditën disa nga zonat më të njohura të qytetit.

Në një video të publikuar në Instagram, Bailey tregoi re të mëdha tymi që ngriheshin pranë zonës së Palm Jumeirah, një nga lagjet më luksoze të Dubait, pranë hotelit prestigjioz Fairmont the Palm.

“Kjo ishte vetëm disa metra larg nesh,” dëgjohet të thotë ai në video, ndërsa në sfond shihen pamje të tymit të dendur.

Sipas autoriteteve, një nga shpërthimet shkaktoi një zjarr që la të plagosur katër persona.

Sulmet erdhën pasi Irani reagoi ndaj sulmeve të SHBA-së dhe Izraelit në territorin e tij, duke lëshuar raketa drejt Emirateve të Bashkuara Arabe dhe disa shteteve të tjera të Gjirit. Situata mbeti e tensionuar edhe në ditët në vijim, ndërsa të hënën u raportua edhe një viktimë në Emiratet e Bashkuara Arabe si pasojë e sulmeve.

Bailey tha për BBC se gjithçka ndryshoi brenda pak orësh nga momenti kur mbërriti në qytet.

“Që kur kjo ndodhi, gjithçka ndryshoi. Tani jemi në mes të gjithë këtij kaosi që po ndodh,” u shpreh ai.

Influencuesi britanik shtoi se nuk është më i sigurt nëse do të vazhdojë planet për t’u vendosur në Dubai.

“Nuk e di nëse do të qëndroj këtu apo do të kthehem në Mbretërinë e Bashkuar. Thjesht nuk e di, ” tha ai.

Ngjarjet e fundit kanë shkaktuar reagime të shumta edhe nga figura të tjera publike që jetojnë në Dubai.

Ish-konkurrentja e Love Island, Arabella Chi, e përshkroi situatën në rrjetet sociale si “një kohë shumë të frikshme”. Edhe modelja dhe influencuesja britanike Petra Ecclestone reagoi duke thënë se ajo dhe familja e saj kishin ardhur në Dubai për t’u ndjerë të sigurt.

“Erdhëm këtu për t’u ndjerë të sigurt dhe më në fund menduam se po ambientoheshim, por tani kjo ka ndodhur,” tha ajo.

Influencuesja kanadezo-izraelite Hofit Golan tha se edhe pse dita e parë e sulmeve ishte tronditëse, jeta në qytet po vazhdon normalisht. Ajo tregoi se kishte vizituar një qendër tregtare të hënën, ku atmosfera ishte pak më e qetë, por vendi ishte ende i mbushur me njerëz.

“Jeta vazhdon,” tha ajo për BBC.

Edhe disa banorë të tjerë të qytetit shprehen se nuk ndihen të pasigurt pavarësisht situatës.

Blogerja e ushqimit Afsha Farooqui, e cila jeton në Dubai dhe është me origjinë nga India, tha se qyteti vazhdon të funksionojë normalisht.

“Ndihem e sigurt në Dubai pavarësisht asaj që po ndodh. Është normale të shqetësohesh, por shkollat janë të hapura dhe familjet janë jashtë çdo ditë,” tha ajo.

“Ne nuk jetojmë me frikë,” shtoi Farooqui.

Për vite me radhë, Dubai ka ndërtuar reputacionin e një destinacioni të sigurt dhe tërheqës për emigrantët dhe bizneset, duke u konsideruar shpesh një strehë e qëndrueshme në një rajon të paqëndrueshëm. Megjithatë, ekspertët paralajmërojnë se pamjet e fundit të shpërthimeve dhe dëmeve në ndërtesa ikonike mund të ndikojnë në perceptimin e qytetit. Profesori i arkitekturës në Universitetin e Kolumbias, Yasser Elsheshtawy, tha se këto skena mund të dëmtojnë imazhin e Dubait si një “parajsë sigurie”.

“Kur fillon të shohësh re tymi dhe shpërthime në disa nga zonat më ekskluzive të qytetit, kjo e dëmton imazhin e Dubait si një vend i sigurt,” tha ai.

Edhe studiuesja Karen Young theksoi se shënjestrimi i infrastrukturës turistike nga Irani është diçka e pazakontë dhe mund të ndryshojë mënyrën se si njerëzit e perceptojnë qytetin.

Megjithatë, ajo theksoi se Dubai mbetet një qytet i ndërtuar nga njerëz të ardhur nga e gjithë bota, shumë prej të cilëve kanë ardhur pikërisht për t’i shpëtuar konflikteve në vende të tjera. Ndërkohë, situata në rajon mbetet e tensionuar dhe zhvillimet e ardhshme pritet të tregojnë nëse Dubai do të vazhdojë të ruajë reputacionin e tij si një nga destinacionet më të sigurta dhe më tërheqëse në Lindjen e Mesme.

The post ‘Gjithçka ka ndryshuar’: Sulmet me raketa shkatërrojnë imazhin e një strehe të sigurt të Dubait appeared first on iconstyle.al.

Një paraqitje e fundit publike e Jim Carrey ka rinisur debatin rreth ndryshimit të pamjes së aktorit.

Kur ai mori pjesë në ceremoninë e 51-të të Çmimeve Cesar në Paris për të marrë një nderim për arritje jetësore, shumë shikues u përqendruan jo vetëm në fjalimin e tij, të cilin pjesërisht e mbajti në frëngjisht, por edhe në mënyrën se sa ndryshe u shfaq në krahasim me vitet e kaluara.

Fotot nga eventi qarkulluan shpejt në internet, me disa përdorues të mediave sociale që e përshkruanin atë si pothuajse të panjohur. Kjo çoi në spekulime se ai mund t’i jetë nënshtruar ndërhyrjeve kozmetike, veçanërisht një procedure të njohur si blefaroplastikë.

Blefaroplastika është një formë e kirurgjisë së qepallave që heq lëkurën, dhjamin ose muskujt e tepërt nga qepallat e sipërme ose të poshtme. Qëllimi është shpesh të krijohet një pamje më e vëmendshme dhe e freskët. Në disa raste, kryhet për arsye mjekësore nëse lëkura e varur ndërhyn me shikimin. Disa profesionistë mjekësorë kanë dhënë mendimin e tyre në diskutimin rreth Carrey-t .

Duke krahasuar fotografitë më të vjetra me imazhe më të fundit, disa mjekë kanë sugjeruar që ndryshimet rreth qepallave të sipërme të tij mund të tregojnë ndërhyrje kirurgjikale. Një zvogëlim i lëkurës së tepërt mund t’i bëjë sytë të duken më të mëdhenj dhe më të përcaktuar.

Jo të gjithë specialistët pajtohen me këtë teori. Kirurgë të tjerë kanë argumentuar se ndryshimet në pamjen e Jim Carrey-t mund të pasqyrojnë thjesht plakjen natyrale.

Ndërsa njerëzit plaken, vëllimi i fytyrës zvogëlohet dhe elasticiteti i lëkurës ndryshon, gjë që mund të ndryshojë ndjeshëm pamjen e një personi me kalimin e kohës.

Ndriçimi, këndet e kamerës, modeli i flokëve dhe madje edhe luhatjet e peshës mund të kontribuojnë gjithashtu në një përshtypje të përgjithshme të ndryshme. Disa ekspertë kanë theksuar se trajtimet jo-kirurgjikale, siç janë mbushësit, mund të shpjegojnë gjithashtu ndryshime delikate në konturet e fytyrës.

The post Çfarë është blefaroplastika? Ndërhyrja kirurgjikale që disa mjekë spekulojnë se mund ta ketë bërë Jim Carrey në fytyrën e tij appeared first on iconstyle.al.

Më shumë se tre milionë dokumente u deklasifikuan në rastin Jeffrey Epstein, në një skandal që prek nivelet më të larta brenda dhe jashtë Shteteve të Bashkuara. Por përtej rasteve të abuzimit seksual të të miturve, bie në sy një sërë dokumentesh mbi rrëmbimet jashtëtokësore , të cilat dëshmojnë një marrëdhënie të papritur midis manjatit dhe UFO-ve.

Javier Sierra, një kontribues në programin ‘Cuarto Milenio’ të Iker Jimenez, shpjegoi në transmetim të dielën, më 1 mars, disa detaje rreth kësaj: “Po fillojnë të dalin dokumente në të cilat mund të lexohet interesi i habitshëm i Jeffrey Epstein për çështjen e UFO-ve. Një letër e datës 26 shkurt 2018, konkretisht një email, drejtuar Lawrence Krauss, një fizikant teorik dhe kozmolog amerikan, i cili u shkarkua nga posti i tij për abuzim seksual dhe u bë i famshëm për teoritë e tij mbi jetën jashtëtokësore, është deklasifikuar.”

Me sa duket, Epstein i shkroi ekspertit disa artikuj në të cilët do të kundërshtonte rrëmbimet nga alienët , si dhe çdo lloj aluzioni në lidhje me përvojat pranë vdekjes ose fantazmat. Manjati, për ta bindur atë, dhuroi dy milionë dollarë për organizatën e tij.

“Kjo është në një nga dokumentet e Epstein. Ka edhe dokumente të tjera në të cilat njerëz që besojnë më shumë në temën e UFO-ve kontaktojnë manjatin duke kërkuar fonde për projektet e tyre “, vazhdoi Javier Sierra para kamerave të Cuatros.

Megjithatë, gjithçka tregon se manjati ishte shumë më i përqendruar në ide më afër mohimit të këtij lloj fenomeni dhe, për këtë arsye, donte të dëgjonte ata që mendonin si ai.

“Ai anonte nga mohuesit. Kishte një interes në diskreditimin e këtyre çështjeve në sytë e shoqërisë “, përfundoi Sierra në programin ‘Cuarto Milenio’.

The post Dokumentet e deklasifikuara zbulojnë marrëdhënien e çuditshme të Jeffrey Epstein me UFO-t appeared first on iconstyle.al.