Një rast i posedimit të paautorizuar të narkotikëve është evidentuar mbrëmjen e së martës në Gjakovë, ku një person është ndaluar nga hetuesit e Drejtorisë për Hetimin e Trafikimit të Narkotikëve (DHTN), pasi te i njëjti është gjetur substancë e dyshuar narkotike.

Ngjarja ka ndodhur më 20 janar 2026, rreth orës 20:30, në rrugën “Bajram Curri” në Gjakovë.

Burime të besueshme nga strukturat e afërta me hetimin bëjnë të ditur se gjatë kontrollit ndaj të dyshuarit Dardan Dushi 35 vjeçar, policia ka gjetur një qese najloni të mbushur me substancë të dyshuar të llojit marihuanë.

Pas kësaj, i dyshuari është shoqëruar në zyrat e DHTN-së në Gjakovë për intervistim, ndërsa substanca është sekuestruar si provë materiale.

Sipas të njëjtave burime, gjatë procedurës, i dyshuari ka deklaruar se në dhomën e tij kishte edhe një sasi tjetër të substancës narkotike, çka ka bërë që policia, në koordinim me të, të shkojë në shtëpinë e tij.

Aty, në dhomën e deklaruar, është gjetur edhe një qese e vogël me substancë të dyshuar narkotike, e cila po ashtu është sekuestruar si provë materiale.

Substanca e sekuestruar është peshuar dhe ka rezultuar me peshë totale 2.15 gramë.

Në konsultim me Prokurorin kujdestar nga PTH-Gjakovë, rasti është iniciuar si: “Posedimi i paautorizuar i narkotikëve, substancave psikotrope ose analoge”

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

The post Ekskluzive | Kapet me marihuanë në Gjakovë, të dyshuarit i gjendet drogë edhe në shtëpi appeared first on Sinjali.

Një ngjarje e rëndë ka ndodhur mbrëmjen e së hënës në Preoc të Graçanicës, ku një grua dyshohet se ka tentuar t’i japë fund jetës, duke u hedhur në një bunar.

Gazeta Sinjali mëson se rasti është raportuar më 20.01.2026, rreth orës 22:00, në rrugën “Zoran Gjingjiq”, në Preoc.

Sipas informacioneve, patrulla policore ka dalë menjëherë në vendngjarje dhe ka arritur që ta nxjerrë nga bunari gruan F.M. nga Preoci.

E njëjta është dërguar me autoambulancë për trajtim mjekësor në spitalin e Prishtinës, ndërsa burimet bëjnë me dije se ajo nuk ka pësuar lëndime trupore.

Pas ofrimit të ndihmës së parë, gruaja është kthyer në Stacionin Policor në Graçanicë, për të dhënë deklaratë lidhur me rastin.

Në lidhje me ngjarjen janë intervistuar edhe disa dëshmitarët, përfshirë, bashkëshorti i saj, kunati dhe një vajzë e mitur.

Sipas deklarimit të viktimës, ajo ka theksuar se vuan nga depresioni, gjendje e cila dyshohet se e ka shtyrë të ndërmarrë këtë veprim.

Në konsultim me Prokurorin kujdestar, rasti është iniciuar si: “Tentim vetëvrasje”.

Ndërkohë, hetimet janë duke vazhduar për të sqaruar plotësisht rrethanat e ngjarjes.

Sinjali – aty ku e vërteta flet para lajmit!

/GazetaSinjali/

The post Tentim vetëvrasje në Preoc të Graçanicës, një grua hidhet në bunar – Policia e nxjerr në kohë, dërgohet në spital appeared first on Sinjali.

Një incident i rëndë është raportuar në Prishtinë, ku një qytetar ka denoncuar se është kanosur me armë zjarri, ndërsa Policia ka ndërmarrë veprime të menjëhershme, duke realizuar edhe bastisje në shtëpinë e të dyshuarit.

Sinjali mëson se rasti është raportuar më 20.01.2026, në rrugën “Besim Ndreca” në Prishtinë.

Sipas burimeve, rreth orës 08:00, në Stacionin Policor Jugu është paraqitur ankuesi L. Sh, i cili ka deklaruar se është kanosur me armë nga një person i cili ndodhej në një veturë Touran me targa të njohura për të, në afërsi të një lokali në atë rrugë.

Burimet bëjnë me dije se Policia ka dalë në vendin e ngjarjes dhe ka siguruar edhe të dyshuarin Jeton Veliu, i cili ka pretenduar se arma me të cilën kishte bërë kanosjen ishte plastike, dhe se të njëjtën e ka dorëzuar.

Megjithatë, pas konsultimit me Prokurorin kujdestar, njësitet relevante kanë kryer kontroll/bastisje në shtëpinë e të dyshuarit, ku janë sekuestruar:

Një armë zjarri e tipit CZ P10, kalibër 9mm,

Dy karikatorë,

Leja për armë,

Katër fishekë 9mm

Me urdhër të Prokurorit kompetent, rasti është iniciuar për veprat penale: “Mbajtja në pronësi, kontroll apo posedim të paautorizuar të armëve” dhe “Kanosja”.

Sinjali – aty ku e vërteta flet para lajmit!

/GazetaSinjali/

The post Ekskluzive | Kanosje me armë në Prishtinë, Policia bastis shtëpinë e të dyshuarit dhe sekuestron pistoletë me fishekë appeared first on Sinjali.

Gazeta Sinjali ka mësuar identitetin e zyrtarit policor, vetura e të cilit u përfshi nga flakët në Pejë.

Sipas burimeve të besueshme të Sinjalit nga strukturat e afërta me hetimin, bëhet fjalë për zyrtarin policor Endrit Hajdari, ndërsa rasti po trajtohet si incident i dyshimtë dhe me rrethana ende të paqarta.

Burimet theksojnë se ekziston dyshimi që kjo nuk është hera e parë që vetura e tij digjet, çka e bën ngjarjen edhe më serioze dhe me fokus të shtuar nga organet e rendit.

Po ashtu, Sinjali mëson se menjëherë pas incidentit janë arrestuar disa persona që kanë kaluar në atë zonë, të cilët dyshohet se mund të kenë lidhje me rastin, pasi sipas informacioneve fillestare duart e tyre kundërmonin benzine.

Hetimet janë duke vazhduar, ndërsa priten detaje të reja nga Policia dhe Prokuroria lidhur me shkakun e zjarrit dhe rrethanat e ngjarjes.

Ekskluzive | I digjet vetura zyrtarit policor në Pejë, arrestohen disa persona – u dyshuan pasi “kundërmonin” benzine

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është zyrtari policor të cilit iu dogj vetura në Pejë – dyshohet se s’është hera e parë appeared first on Sinjali.

Një rast i rëndë i dhunës në familje është raportuar pas mesnatës në komunën e Ranillugu, ku një person dyshohet se ka sulmuar fizikisht prindërit e tij, duke u shkaktuar lëndime trupore.

Burimet bëjnë me dije se rasti ka ndodhur më 19.01.2026, rreth orës 23:30, në fshatin Gllogovc-Ranilug, ndërsa Policia ka marrë informatën më 20.01.2026, rreth orës 00:30.

Sipas informacioneve, patrulla policore gjatë patrullimit ka pranuar informatën nga ankuesi V. J rreth 64 vjeç, i cili ka deklaruar se ishte sulmuar fizikisht nga djali i tij S. J rreth 38 vjeç.

Ankuesi ka deklaruar se i dyshuari fillimisht e kishte sulmuar nënën e tij, V. J rreth 61 vjeç, duke i shkaktuar lëndime në kokë, e më pas ka sulmuar edhe babain e tij, duke i shkaktuar disa gërvishtje në fytyrë.

Pas ndërhyrjes së Policisë, prindërit dhe i dyshuari kanë kërkuar ndihmë mjekësore dhe me autoambulancë janë dërguar në Emergjencën e Gjilanit.

Pasi kanë marrë trajtimin e parë mjekësor dhe janë intervistuar nga autoritetet, viktimat janë liruar për në shtëpi, ndërsa i dyshuari, me vendim të Prokurorit të Shtetit, është dërguar në ndalim policor për 48 orë.

Rasti po trajtohet nga organet kompetente.

Sinjali – aty ku e vërteta flet para lajmit!

/GazetaSinjali/

The post Dhunë në familje në Ranillugu, djali sulmon prindërit, përfundon në ndalim 48-orësh appeared first on Sinjali.

Një rast i rëndë i kanosjes është raportuar në Fushë Kosovë, ku një vajzë ka deklaruar se është kërcënuar dhe sulmuar nga ish partneri i saj, i cili madje i ka lënë në dorë edhe një fishek arme, duke i thënë fjalët tronditëse:

“Qyky plumb njeher është për ty, tani për burr të motrës e për krejt shpin tane ren ka njo”.

Sipas informacioneve, rasti ka ndodhur më 18.01.2026, rreth orës 15:30, në rrugën “Bedri Pejani” në Fushë Kosovë, tek ndërtesat e Mirit.

Burimet bëjnë me dije se ankuesja D. S rreth 20 vjeç ka deklaruar në Polici se në atë kohë kishte qenë në vizitë te motra e saj, kur është telefonuar nga ish partneri i saj, tashmë i dyshuar A. G, i cili e ka kërcënuar.

E njëjta, nga frika, ka zbritur poshtë, por pas një konflikti verbal, i dyshuari dyshohet se e ka tërhequr për flokë dhe më pas i ka lënë në dorë një fishek të kalibrit 7.65 mm, duke e kërcënuar rëndë.

Siç mëson Sinjali, fisheku është konfiskuar si dëshmi materiale dhe është deponuar në dhomën e dëshmive të Stacionit Policor në Fushë Kosovë.

Lidhur me rastin është njoftuar edhe Prokurori kujdestar, i cili ka udhëzuar që rasti të iniciohet në drejtim të veprës penale “Kanosje”, ndërsa rasti i është referuar njësisë së Hetimeve për procedura të mëtutjeshme.

I dyshuari, sipas burimeve, gjendet në arrati.

Sinjali – aty ku e vërteta flet para lajmit!

/GazetaSinjali/

The post Ekskluzive | Ia la plumbin në dorë të ish të dashurës dhe e kërcënoi: “Ky plumb është për ty…”, i dyshuari në arrati appeared first on Sinjali.

Një incident i rëndë është raportuar mbrëmjen e së hënës në Gjakovë, ku dyshohet se janë shkrepur të shtëna me armë zjarri në një lagje të qytetit, ndërsa Policia ka ndërhyrë menjëherë duke kryer bastisje dhe sekuestruar armë e municion, mëson Gazeta Sinjali.

Sipas informacioneve, rasti ka ndodhur më 19.01.2026, rreth orës 21:30, në rrugën “Mark Malota” në Gjakovë.

Burimet bëjnë me dije se pas pranimit të raportimit për gjuajtje me armë, patrullat policore kanë dalë urgjentisht në vendin e ngjarjes bashkë me Njësinë e Hetimeve, ndërsa me urdhër të Prokurorit është realizuar bastisje në lokacion.

Gjatë veprimeve policore, në vendngjarje janë gjetur dhe sekuestruar:

            •           një pistoletë,

            •           dy karikatorë,

            •           pesë fishekë,

            •           një gëzhojë.

I dyshuari, Mazllom Tanushi rreth 39 vjeç është shoqëruar në Stacionin Policor në Gjakovë, ku sipas burimeve ka qenë në gjendje të dehur. Me urdhër të Prokurorit kujdestar, ai është ndaluar për 48 orë.

Në lidhje me rastin është intervistuar edhe një dëshmitar, i cili ka deklaruar se derisa ishte në shtëpi kishte dëgjuar zhurma, por nuk është i sigurt nëse bëhej fjalë për të shtëna me armë.

Rasti është iniciuar për veprat penale:

            •           “Mbajtja në pronësi, kontroll ose posedim të paautorizuar të armëve”,

            •           “Shkaktimi i rrezikut të përgjithshëm”.

Hetimet lidhur me rastin janë duke vazhduar.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Të shtëna me armë në Gjakovë, i dehur kapet me pistoletë e fishekë, përfundon në ndalim (EMRI) appeared first on Sinjali.

Një incident i rëndë është raportuar pasditen e së hënës në Ferizaj, ku dy persona dyshohet se kanë kanosur dhe penguar zyrtarët policorë gjatë kryerjes së detyrave zyrtare, mëson Gazeta Sinjali.

Sipas informacioneve të siguruara, rasti ka ndodhur më 19.01.2026, rreth orës 17:30, në rrugën “Enver Hadri” në Ferizaj, ku zyrtarët policorë po vepronin lidhur me një parkim të parregullt.

Burimet bëjnë me dije se zyrtarët policorë, gjatë kohës që po shqiptonin gjobën e trafikut, janë përballur me reagim agresiv, ku i dyshuari Drin Hoxha rreth 24 vjeç dyshohet se i ka kanosur zyrtarët policorë.

Pas kanosjes, policia ka tentuar ta arrestojë të dyshuarin, por gjatë ndërhyrjes dyshohet se ka pasur pengim të vazhdueshëm nga vëllai i tij, Denis Hoxha rreth 33 vjeç.

Për ta vënë situatën nën kontroll, zyrtarët policorë janë detyruar të përdorin sprejin zyrtar, pas çka të dyshuarit janë prangosur dhe janë shoqëruar në stacion policor.

Në vendngjarje është kyçur edhe Njësia e Hetimeve Rajonale, ndërsa në konsultim me Prokuroren kujdestare është iniciuar rast penal për veprat:

            •           “Kanosja ndaj personit zyrtar”

            •           “Pengimi i personit zyrtar gjatë kryerjes së detyrave zyrtare”

Me vendim të Prokurorit kujdestar, të dyshuarit janë liruar në procedurë të rregullt, ndërsa rasti do të trajtohet me hetime të mëtejme.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Kanosën policët gjatë shqiptimit të gjobës në Ferizaj, arrestohen dy vëllezër (EMRAT) appeared first on Sinjali.

Një rast i rëndë është raportuar në orët e para të mëngjesit në Qendrën Klinike Universitare të Kosovës në Prishtinë, ku ka ndërruar jetë një i ri nga fshati Plemetin i Obiliqit, mëson Gazeta Sinjali.

Burime të besueshme bëjnë me dije se viktima është Fadil Berisha, 26-vjeçar, i cili ishte dërguar për trajtim mjekësor në Klinikën Emergjente të QKUK-së, në gjendje të rënduar shëndetësore.

Sipas informacioneve fillestare, më 20.01.2026, rreth orës 01:30, Policia është njoftuar nga QKUK se personi kishte ndërruar jetë gjatë trajtimit.

Njësitë policore relevante kanë dalë menjëherë në vendin e ngjarjes dhe kanë kontaktuar me mjekun kujdestar, i cili ka deklaruar se viktima kishte ardhur në gjendje të rëndë, por nuk ka arritur t’u mbijetojë komplikimeve.

Lidhur me rastin është kyçur hetuesi kujdestar, i cili në konsultim me Prokurorin e Krimeve të Rënda ka inicuar rastin “Hetim mbi vdekjen”.

Me urdhër të Prokurorit të Shtetit, trupi i pajetë i 26-vjeçarit është dërguar në Institutin e Mjekësisë Ligjore për obduksion, me qëllim të sqarimit të plotë të shkakut të vdekjes.

Rasti mbetet nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është 26-vjeçari që vdiq në QKUK, u dërgua në gjendje të rëndë, urdhërohet autopsia appeared first on Sinjali.

Një rast i rëndë është raportuar në orët e para të mëngjesit në Qendrën Klinike Universitare të Kosovës në Prishtinë, ku një i ri ka ndërruar jetë gjatë trajtimit mjekësor, shkruan Gazeta Sinjali.

Burime të besueshme bëjnë me dije se më 20.01.2026, rreth orës 01:30, Policia ka pranuar informacion nga QKUK se në Klinikën Emergjente ka ndërruar jetë një person mashkull, shtetas i Kosovës, nga fshati Plemetin i Obiliqit.

Njësitë relevante policore kanë dalë menjëherë në vendin e ngjarjes, ku kanë kontaktuar edhe mjekun kujdestar në Emergjencë. Sipas deklarimit të tij, viktima kishte ardhur në gjendje të rënduar, ndërsa pavarësisht trajtimit, nuk ka arritur t’u mbijetojë komplikimeve dhe ka ndërruar jetë në QKUK.

Lidhur me rastin është aktivizuar edhe hetuesi kujdestar, i cili në konsultim me Prokurorin e Shtetit nga Departamenti i Krimeve të Rënda, ka inicuar rastin “Hetim mbi vdekjen”.

Me urdhër të Prokurorit, trupi i pajetë është dërguar në Institutin e Mjekësisë Ligjore në Prishtinë për obduksion, në mënyrë që të sqarohen rrethanat dhe shkaku i vdekjes.

Rasti është duke u trajtuar dhe hetimet janë në zhvillim.

Sinjali – aty ku e vërteta flet para lajmit!

/GazetaSinjali/

The post E rëndë: Vdes në QKUK 26-vjeçari nga Plemetini i Obiliqit, Prokuroria urdhëron obduksionin në IML appeared first on Sinjali.

Një person është ndalur nga Policia e Kosovës në Obiliq, pasi gjatë një kontrolli rutinë në veturë i është gjetur një armë zjarri, raporton Gazeta Sinjali.

Burime të besueshme bëjnë me dije se rasti ka ndodhur më 19 janar 2026, rreth orës 16:00, në rrugën “Hasan Prishtina” në Obiliq.

Sipas informatave, njësia policore gjatë pikës së kontrollit të automjeteve ka ndaluar një veturë të tipit Ford, ngjyrë hiri, me ngasës Salih Cej rreth 28 vjeç.

Gjatë kontrollit në automjet, policia ka hasur një armë zjarri të shkurtër, revole e tipit BERETA APX, ngjyrë e zezë, si dhe një karikator me 15 fishekë të kalibrit 9×19.

I dyshuari është shoqëruar dhe intervistuar, ku ka deklaruar se posedon leje për armë të shenjëtarisë, mirëpo burimet bëjnë me dije se arma dyshohet se ishte mbajtur në shkelje të kushteve të lejes.

Pas intervistimit është njoftuar Prokurori kujdestar, ndërsa rasti është iniciuar dhe do të trajtohet në procedurë të rregullt.

Me urdhër të Prokurorit, arma është sekuestruar, ndërsa hetimet lidhur me rastin do të vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post I gjendet armë në veturë gjatë kontrollit në Obiliq, dyshohet se e mbante në shkelje të kushteve të lejes appeared first on Sinjali.

Një rast i dhunës në familje është raportuar pasditen e së hënës në Deçan, ku një prind ka kërkuar ndërhyrjen e Policisë pasi djali i tij i mitur dyshohet se po ushtronte presion dhe kërcënime ndaj anëtarëve të familjes, raporton Gazeta Sinjali.

Burime të besueshme bëjnë me dije se rasti ka ndodhur më 19 janar 2026, rreth orës 16:00, në fshatin Strellc i Ulët në Deçan.

Sipas informatave, ankuesi L.K rreth 53 vjeç ka raportuar përmes telefonit në Stacionin Policor në Deçan se djali i tij, i mitur L.K rreth 17 vjeç, po shkaktonte dhunë ndaj familjarëve.

Patrulla policore i është përgjigjur menjëherë rastit dhe, sipas të dhënave, të dyshuarin dhe ankuesin i kanë hasur me veturën e ankuesit në magjistralen Deçan-Pejë, ku i mituri është arrestuar dhe është shoqëruar në Stacionin Policor në Deçan.

Burimet bëjnë me dije se ankuesi, gjatë intervistimit, ka deklaruar se djali i tij në vazhdimësi ushtron dhunë ndaj familjes, kryesisht psikologjike, duke përdorur fjalë kërcënuese, ndërsa sipas deklarimeve, ditën e sotme nuk ka pasur dhunë fizike, por vetëm presion dhe shqetësim psikologjik.

I dyshuari është intervistuar në prezencë të avokatit mbrojtës dhe punëtorit të Qendrës për Punë Sociale, ndërsa pas konsultimit me Prokurorin Kujdestar në Pejë, është vendosur që i mituri të lirohet në procedurë të rregullt.

Rasti është iniciuar dhe mbetet në trajtim nga organet kompetente.

Sinjali – aty ku e vërteta flet para lajmit!

/GazetaSinjali/

The post Dhunë në familje në Strell të Deçanit: Babai raporton djalin e mitur, Policia e arreston në magjistralen Deçan-Pejë appeared first on Sinjali.

Një incident i dhunshëm është raportuar pasditen e së hënës në Fushë Kosovë, ku një person dyshohet se ka sulmuar fizikisht një të ri, teksa i janë gjetur edhe gërshërë gjatë kontrollit nga Policia, raporton Gazeta Sinjali.

Burime të besueshme bëjnë me dije se rasti ka ndodhur më 19 janar 2026, rreth orës 16:00, në rrugën “Dardania” në Fushë Kosovë, ku njësitë policore janë njoftuar për një mosmarrëveshje mes disa personave.

Në vendin e ngjarjes janë takuar ankuesi V. G rreth 26 vjeç, dëshmitarja D. O. rreth 22 vjeç dhe i dyshuari Gazmend Ibrahimi rreth 48 vjeç.

Sipas deklarimeve të ankuesit dhe dëshmitares, ata janë sulmuar nga i dyshuari, i cili më pas është ndaluar nga Policia dhe gjatë kontrollit trupor, në xhepin e jakës së tij, janë gjetur një palë gërshërë.

Sinjali mëson se në kuadër të veprimeve hetimore janë siguruar edhe video-incizime, ku i dyshuari shihet duke e sulmuar viktimën me grushte dhe shqelma, duke i shkaktuar lëndime trupore.

Përveç kësaj, pas verifikimeve, i dyshuari ka rezultuar edhe me urdhër-arrest aktiv nga Gjykata Themelore në Prishtinë, për paraqitje në seancë, me ç’rast është njoftuar edhe gjyqtari i lëndës.

Pas konsultimit me Prokurorin Kujdestar, është iniciuar rasti “Sulm”, ndërsa i dyshuari, me vendim të Prokurorit, është dërguar në mbajtje për 48 orë.

Rasti vazhdon të hetohet nga organet kompetente.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Grushta e shqelma në Fushë Kosovë, i dyshuari kapet me gërshërë në xhep dhe përfundon në ndalim appeared first on Sinjali.

Një rast i grabitjes është raportuar pasditen e së hënës në Prishtinë, ku sipas informatave, një person dyshohet se ia ka marrë telefonin një vajze në restorantin “Mozzart” në lagjen Ulpiane.

Ngjarja ka ndodhur më 19.01.2026 rreth orës 16:00, në rrugën “Motrat Qiriazi”, ku viktima D. J. ka deklaruar se është sulmuar fizikisht nga një i dyshuar, i cili më pas ia ka marrë telefonin.

Sipas deklarimit të viktimës, i dyshuari, pasi është larguar disa metra, e ka hedhur telefonin në tokë, në momentin kur ka vërejtur se disa dëshmitarë po vraponin në drejtim të tij.

Në vendngjarje kanë dalë njësitë policore, të cilat e kanë shoqëruar të dyshuarin në Stacionin Policor Jug, ndërsa janë identifikuar edhe dy dëshmitarë që kanë qenë prezent në momentin e incidentit dhe të njëjtit janë intervistuar.

Me urdhër të Prokurorit për Krime të Rënda, rasti është iniciuar si “Grabitje”, ndërsa i dyshuari është dërguar në mbajtje për 48 orë.

Rasti po trajtohet nga organet kompetente dhe mbetet nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive | Grabitje te “Mozzart” në Ulpianë, qytetarët e ndalin të dyshuarin në vendngjarje appeared first on Sinjali.

Një vjedhje e rëndë, me skenar të dyshuar të organizuar, ka ndodhur në lokalin e argjendarisë “Oxa Gold” në rrugën “Agim Ramadani” në Prishtinë, ku persona të panjohur kanë depërtuar brenda objektit duke shpuar murin nga pjesa e pasme, kanë hapur kasafortën dhe kanë marrë një sasi të madhe ari, me vlerë të raportuar rreth 650 mijë euro.

Sinjali mëson se rasti është raportuar më 19.01.2026, rreth orës 10:00, pasi Policia ka pranuar informacion për thyerje në lokalin “Oxa Gold”.

Burime të besueshme nga strukturat e afërta me hetimin bëjnë të ditur se në vendin e ngjarjes kanë dalë njësitë e hetuesisë dhe forenzikës, të cilët kanë kontaktuar pronarin, i cili ka deklaruar se lokali ishte mbyllur më herët, ndërsa sot rreth orës 10:00, djali i tij kishte shkuar për ta hapur lokalin dhe sapo kishte hyrë brenda, kishte vërejtur se objekti ishte i demoluar dhe se kishte shenja të qarta depërtimi.

Sipas të njëjtave burime, të dyshuarit dyshohet se kanë vepruar në mënyrë të organizuar, duke depërtuar brenda dhe duke vjedhur arin nga kati i parë, por jo vetëm – dyshohet se janë bastisur edhe kati i dytë dhe kati i tretë, ku është raportuar se është marrë ari nga disa hapësira.

Detajet nga vendi i ngjarjes tregojnë se hajnat dyshohet se kanë shfrytëzuar hyrje-daljen nga pjesa e pasme e objektit, duke dëmtuar murin dhe duke hyrë në lokalin përdhesë. Po ashtu, dyshohet se kasaforta është hapur me forcë, ku sipas hetimeve paraprake është përdorur mjet prerës i llojit “bonsek”, ndërsa në vend janë vërejtur edhe mjete të tjera që dyshohet se janë përdorur për thyerjen.

Një detaj tjetër që po hetohet, është edhe dyshimi se gjatë vjedhjes mund të jetë marrë edhe një armë me leje, që sipas raportimeve dyshohet të ketë qenë në pronësi të djalit të pronarit, i cili gjendet jashtë vendit.

Në lidhje me rastin janë intervistuar viktimat dhe dëshmitarët, ndërsa sipas pronarit, vlera e arit të vjedhur arrin shifrën e lartë prej rreth 650 mijë euro, ndërkohë që burime të tjera flasin se dëmi mund të shkojë edhe më lartë.

Për shkak të peshës së rastit, janë njoftuar Hetimet Rajonale, ndërsa në vendin e ngjarjes ka dalë edhe njësia e grabitjeve, e cila ka kontaktuar me Prokurorin Kujdestar, i cili ka udhëzuar që rasti të iniciohet si “Vjedhje e rëndë”.

Hetimet janë në zhvillim dhe autoritetet po punojnë për identifikimin e personave të përfshirë dhe zbardhjen e plotë të rastit.

Sinjali do t’ju sjellë detaje të reja në kohë reale.

Ekskluzive | 650 mijë euro  ari “avullohen” nga Oxa Gold në Prishtinë: Hajnat shpojnë murin dhe vjedhin arin

Sinjali – aty ku e vërteta flet para lajmit!

/GazetaSinjali/

The post Detaje ekskluzive nga vjedhje e rëndë në “Oxa Gold”: Hajnat shpojnë murin nga mbrapa, hapin kasafortën me “bonsek” dhe zhdukin 650 mijë euro ari appeared first on Sinjali.

Inspektori i Administratës Tatimore të Kosovës (ATK), Samir Smajli, është liruar nga aktakuza edhe në rigjykim, në rastin ku ai akuzohej për marrje ryshfeti.

Lajmin e ka konfirmuar mbrojtësi i tij, avokati Besnik R. BERISHA, duke e konsideruar vendimin e gjykatës të drejtë dhe të ligjshëm.

Sipas mbrojtjes, vendimi konfirmon se në këtë proces nuk është provuar përgjegjësia penale e z. Smajli, ndërsa pritet që arsyetimi i plotë i aktgjykimit të bëhet publik pas pranimit të vendimit me shkrim.

Mbrojtja e inspektorit të ATK-së akuzon Prokurorinë për “falsifikim faktesh” – revokohet marrëveshja e dëshmitarit bashkëpunues

Hetimet në këtë rast kishin të bënin me dyshimet se i akuzuari, në cilësinë e inspektorit, kishte kërkuar ose pranuar përfitim të kundërligjshëm, por gjykata edhe në rigjykim ka vendosur ta lirojë nga aktakuza.

Sinjali – aty ku e vërteta flet para lajmit!

/GazetaSinjali/

The post Ekskluzive | Lirohet nga akuza edhe në rigjykim inspektori i ATK-së, Samir Smajli – i akuzuar për marrje ryshfeti appeared first on Sinjali.

Prishtinë – Një aksion policor është zhvilluar në poligonin e qitjes “Reload” në Prishtinë, në kuadër të hetimeve që lidhen me dyshimet për keqpërdorim të lejeve për armë.

Burime të sigurta brenda organeve të rendit bëjnë me dije se në këtë operacion janë arrestuar:

            •           Besim Haziri (zyrtar i MPB-së)

            •           Sanije Behrami (zyrtare e MPB-së)

            •           Faton Gërbeshi (përfaqësues i “Reload”)

            •           Mehmet Gërbeshi (përfaqësues i “Reload”)

Të njëjtat burime theksojnë se veprimet procedurale janë duke vazhduar, ndërsa pritet që rasti të trajtohet në koordinim me Prokurorinë për veprimet e mëtejme.

Poligoni “Reload” mohon aksionin policor: S’ka asgjë tek ne, nuk kemi asgjë për të deklaruar

Sinjali do t’ju sjellë detaje të reja sapo të konfirmohen zyrtarisht.

Ekskluzive | Policia zbarkon në poligonin “Reload”, dyshime për keqpërdorim të lejeve për armë

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Aksioni te “Reload”, këta janë të arrestuarit në rastin e dyshimeve për keqpërdorim të lejeve për armë appeared first on Sinjali.

Një aksion policor është duke u zhvilluar aktualisht në poligonin e qitjes “Reload”, ku njësitë përkatëse kanë zbarkuar në lokacion në kuadër të një hetimi që lidhet me dyshimet për keqpërdorim të lejeve për armë.

Deri më tani janë arrestuar katër persona dhe pritet që autoritetet të dalin me detaje zyrtare pas përfundimit të operacionit.

Burime të sigurta bëjnë me dije se aksioni është në proces, ndërsa policia po ndërmerr veprime operative në terren, përfshirë verifikime dhe sigurim të materialeve relevante për rastin.

Sinjali do t’ju mbajë të informuar me zhvillimet e reja.

Sinjali – aty ku e vërteta flet para lajmit!

/GazetaSinjali/

The post Ekskluzive | Policia zbarkon në poligonin “Reload”, dyshime për keqpërdorim të lejeve për armë appeared first on Sinjali.

Gazeta Sinjali mëson se janë identifikuar dhe arrestuar personat e dyshuar lidhur me incidentin e ndodhur në fshatin Poslisht të Prizrenit, ku gjatë një intervenimi policor për një rast të dyshuar të dhunës në familje, u sulmuan zyrtarët policorë.

Sipas informacioneve që ka siguruar eksluzivisht Sinjali, të arrestuar janë:

            •           Haxhi Osmanaj

            •           Beslind Osmanaj

            •           Arlind Osmanaj

Burimet bëjnë me dije se gjatë incidentit janë lënduar katër zyrtarë policorë, ndërsa situata është vënë nën kontroll pas përdorimit të sprejit dhe angazhimit të njësive shtesë në terren.

Me vendim të Prokurorit kujdestar, të dyshuarit janë dërguar në mbajtje për 48 orë, ndërsa rasti po trajtohet dhe mbetet nën hetime.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Këta janë të arrestuarit pas sulmit ndaj policëve në Poslisht të Prizrenit appeared first on Sinjali.

Një ndërhyrje policore për një rast të dyshuar të dhunës në familje ka përfunduar me sulm ndaj zyrtarëve policorë, gjatë orëve të para të mëngjesit në fshatin Poslisht.

Sipas informacioneve që ka siguruar ekskluzivisht Sinjali, më 19.01.2026, rreth orës 02:00, dy patrullat policore janë përgjigjur një informacioni për dhunë në familje në këtë fshat.

Në vendin e ngjarjes, policia ka kontaktuar me viktimën, e cila ishte në oborr dhe ka deklaruar se ishte sulmuar fizikisht nga bashkëshorti. Ajo më pas i ka shoqëruar zyrtarët policorë brenda në shtëpi për të kontaktuar me të dyshuarin.

Në atë moment, sipas informacioneve, janë paraqitur bashkëshorti i viktimës, vëllai i tij dhe prindi i tij, të cilët, të revoltuar, pa paralajmërim kanë sulmuar zyrtarët policorë dhe janë vërsulur në drejtim të viktimës, duke detyruar policinë të ndërhyjë fizikisht për ta mbrojtur atë.

Situata u përshkallëzua edhe më tej, kur bashkëshorti i viktimës ka tentuar të dalë jashtë shtëpisë për ta sulmuar sërish, por është ndjekur nga zyrtarët policorë, të cilët kanë arritur ta parandalojnë.

Pas daljes jashtë objektit, siç thonë burimet, sulmi ndaj policëve ka vazhduar në mënyra të ndryshme – fizikisht dhe edhe me gjuajtje gurësh në drejtim të tyre.

Për ta vënë situatën nën kontroll, në vendin e ngjarjes është përdorur edhe spreji i syve, ndërsa është kërkuar asistencë shtesë policore.

Menjëherë në atë drejtim janë nisur edhe patrullat tjera, të cilat me të arritur kanë hasur një nga të dyshuarit duke gjuajtur me gurë ndaj policëve. I njëjti ka tentuar të ikë, por është ndalur dhe arrestuar nga njësitë policore.

Si pasojë e përleshjes, 4 zyrtarë policorë kanë pësuar lëndime të lehta trupore dhe kanë pranuar trajtim mjekësor.

Të dyshuarit janë arrestuar dhe janë dërguar në stacion policor, ndërsa rasti është marrë në trajtim nga hetimet rajonale.

Rreth orës 03:00, rasti është trajtuar proceduralisht edhe nga ekipi i kujdestarisë i SRH-DRP.

Njërit nga të dyshuarit i është ofruar ndihmë mjekësore, pasi ka pretenduar se kishte lëndime gjatë arrestimit.

Me urdhër të Prokurorit kujdestar, është lëshuar aktvendim për ndalim prej 48 orësh, ndërsa rasti vazhdon të hetohet.

Sinjali – aty ku e vërteta flet para lajmit!

/GazetaSinjali/

The post Ekskluzive | Reaguan për dhunë në familje, 4 policë sulmohen nga tre persona në Poslisht të Prizrenit appeared first on Sinjali.