Nga Gazeta “Si” – Celtic siguroi një vend në fazën eliminatore pas fitores në ditën e fundit të fazës së Ligës në “UEFA Europa League”, ndërsa Nottingham Forest e mbylli në mënyrën e duhur.

Ndërsa Lyon, Midtjylland dhe Aston Villa siguruan tre vendet e para në klasifikimin e “UEFA Europa League”.

Lyon-i u rendit i pari pas fitores 4-2 në shtëpi ndaj PAOK-ut me dhjetë lojtarë.

Aston Villa u rikthye nga disavantazhi 2-0 për të mposhtur Salzburgun 3-2 dhe për të zënë vendin e dytë.

Fitorja 2-0 e Midtjylland ndaj GNK Dinamo e konfirmoi atë në vendin e 3-të.

E reduktuar në 10 lojtarë që në minutën e 15-të, Roma u rikthye nga disavantazhi për të siguruar një barazim 1-1 në fushën e Panathinaikos.

Verdhekuqtë u renditën në vendin e 8-të në renditje, duke siguruar kalimin direkt në raundin e 1/8-ave.

Lille, Ludogorets, GNK Dinamo dhe Brann iu bashkuan Celtic-ut në 5 vendet të fundit për fazën eliminatore.

Petar Stanić (Ludogorets) shënoi kundër Nice dhe ruajti kreun e shënuesve më të mirë me 7-të gola.

The post Celtic u kualifikua, Forest fitoi, Lyon-i kryeson appeared first on Gazeta Si.

Nga Gazeta “Si” – Ish-kampioni i Botës në peshat e rënda, Tyson Fury, do të përballet me Arslanbek Makhmudov në 11 Prill.

Kjo do të jetë ndeshja e parë për Fury-n që nga humbja në revanshin ndaj Kampionit Oleksandr Usyk në Dhjetor 2024.

37-vjeçari britanik u tërhoq nga boksi, 1 muaj pas asaj humbjeje, por njoftoi rikthimin e tij në boks më herët këtë muaj.

“Jam i emocionuar që jam kthyer,” tha Fury. “Zemra ime ka qenë gjithmonë dhe do të jetë gjithmonë në boks. Dikush t’ia thotë Mbretit se Asi është kthyer!”

Rusi Makhmudov, 36 vjeç, ka fituar 21 nga 23 ndeshjet e tij dhe mposhti britanikun Dave Allen në përballjen e fundit, në Tetor 2025.

Fury nuk është ndeshur Britaninë e Madhe që prej Dhjetorit të vitit 2022, kur mposhti Derek Chisora-n në “Tottenham Hotspur Stadium”, për mbrojtjen e titullit në “WBC”.

Boksieri nga Morecambe ka 34 fitore në 37 ndeshje – 24 prej tyre me KO – si dhe 2 humbje dhe 1 barazim.

Ai ka pasur 2 periudha si Kampion Bote. Fillimisht kur mposhti Wladimir Klitschko-n për titujt “WBA”, “IBF” dhe “WBO” në vitin 2015.

Si dhe pas fitores ndaj Deontay Wilder për titullin “WBC” në vitin 2020, por asnjëherë nuk ka qenë Kampion i padiskutueshëm.

The post Fury vs. Makhmudov në Prill appeared first on Gazeta Si.

Nga Gazeta “Si” – Elena Rybakina dhe Aryna Sabalenka do të ndeshen në Finalen e të shtunës në “Australian Open 2026”

Ish kampionia e “Wimbledon”, Rybakina fitoi 6-3 7-6 (9-7) në ½ finale ndaj Jessica Pegula-s.

Më herët, Sabalenka mundi Elina Svitolina-n në ½ finalen e parë, 6-2 6-3 duke arritur në Finalen e 4-rt rradhazi në Melbourne.

Numri 1 në Botë, Sabalenka është një fitore larg titullit të 3-të në “Australian Open”.

Ndërsa Rybakina do të luajë në Finalen e 2-të, përballë asaj që e mundi në vitin 2023.

The post ‘Australian Open 2026’ rikthen Finalen e vitit 2023 për femra appeared first on Gazeta Si.

Nga Gazeta “Si” – Beşiktaş, aktiv në merkato, ka arritur marrëveshjen me zikaltërit e Inter, yllin kuqezi që e mbylli fazën e pare në Torino.

Bardhezinjtë kanë arritur marrëveshje për kushtet personale me mesfushorin 23-vjeçar Kristjan Asllani.

“Shqiponjat e Zeza” do ta huazojnë mesfushorin me opsion blerjeje jo të detyrueshëm.

Mësohet se të dy klubet po punojnë për ta bërë gati mesfushorin për ndeshjen ndaj Konyasporit në Superlig.

Kristjan Asllani, i cili ishte huazuar nga Interi te Torino në fillim të sezonit, pritet të ndërpresë kontratën e huazimit te “granata-t” dhe t’i bashkohet Beşiktaş-it.

Interi e bleu Asllanin nga Empoli për 15.7 milionë euro në Qershor të vitit 2023.

Mesfushori 23-vjeçar përmbush gjithashtu kriteret e kuotës së të huajve të vendosura nga TFF.

Asllani, i cili këtë sezon ka luajtur 1155 minuta në 16 ndeshje me Torinon, nuk ka regjistruar as gol dhe as asist.

The post Shtypi turk zyrtarizon Asllanin në Stamboll appeared first on Gazeta Si.

Nga Gazeta “Si” – Ndeshja e yjeve për vitin 2026 do të zhvillohet të dielën, më 15 Shkurt. Fundjava “All-Star” do të përfshijë tri netë me aktivitete, nga 13 deri më 15 Shkurt 2026.

Los Angeles në Kaliforni, është përzgjedhur si qyteti organizator i “NBA All-Star 2026”. Ndeshja e 75-të “All-Star” do të zhvillohet në “Intuit Dome”, shtëpia e re e Los Angeles Clippers.

Kjo do të jetë hera e 7-të (rekord) që zona e Los Angeles pret një “All-Star”. Më parë e ka mikpritur në vitet 2018, 2011, 2004, 1983, 1972 dhe 1963, si dhe hera e parë që kjo ngjarje e messezonit zhvillohet në “Intuit Dome”.

NBA do të organizojë disa aktivitete për tifozë të të gjitha moshave në ambiente të ndryshme në Los Angeles dhe Inglewood, përfshirë “Kia Forum” dhe “Qendrën e Konventave” të Los Angeles-it.

Këto aktivitete, mes tyre stërvitja e “All-Star”, ndeshja e famshme “Ruffles NBA All-Star Celebrity Game” dhe një festival për tifozët, do të ofrojnë programe basketbolli dhe argëtim, si dhe mundësi për kontakte nga afër me lojtarët e NBA, legjenda dhe personazhe të famshëm.

Në një format të ri SHBA kundër Botës, “NBA All-Star 2026” përfshin dy ekipe me lojtarë amerikanë dhe një ekip me lojtarë ndërkombëtarë (i njohur si ekipi i Botës).

Ato do të zhvillojnë një turne “round-robin” me 4 ndeshje nga 12 minuta secila. Secili nga tre ekipet do të ketë minimumi 8 lojtarë.

Në turneun “round-robin”, Ekipi A do të përballet me Ekipin B në Ndeshjen 1. Fituesi i Ndeshjes 1 do të luajë kundër Ekipit C në Ndeshjen 2, ndërsa humbësi i Ndeshjes 1 do të përballet me Ekipin C në Ndeshjen 3.

Pas Ndeshjes 3, dy ekipet me bilancin më të mirë do të kualifikohen për Finalen, pra ndeshjen për titull (ndeshja 4).

Nëse të tre ekipet kanë bilanc të barabartë pas ndeshjes 3, kriteri i ndarjes do të jetë diferenca e pikëve në dy ndeshjet “round-robin”.

• Eastern Conference All-Star
  Giannis Antetokounmpo | Milwaukee Bucks
  Jaylen Brown | Boston Celtics
  Jalen Brunson | New York Knicks
  Cade Cunningham | Detroit Pistons
  Tyrese Maxey | Philadelphia 76ers

• Western Conference All-Star starters
  Stephen Curry | Golden State Warriors
  Luka Dončić | Los Angeles Lakers
  Shai Gilgeous-Alexander | Oklahoma City Thunder
  Nikola Jokić | Denver Nuggets
  Victor Wembanyama | San Antonio Spurs

The post Fundi i një Epoke – Lebron James mbetet jashtë ‘NBA All Stars’ appeared first on Gazeta Si.

Nga Gazeta “Si” – Shifrat kryesore nga karriera e e Shiffrin, përfshirë medaljet dhe fitoret në Kupën e Botës, ndërsa amerikania vazhdon të thyejë rekorde të rejaduke lënë pas Ingemar Stenmark.

Pas të 9-it “Glob të Kristaltë”, hedhim një vështrim mbi karrierën e saj dominuese përmes shifrave.
18 medalje globale.

Shiffrin është ngjitur 18 herë në podium në “Lojërat Olimpike” dhe Kampionatet Botërore, me 2 medalje ari dhe 1 argjendi në “Lojërat Olimpike Dimërore”, si dhe 8 medalje ari, 4 argjendi dhe 3 bronzi në Kampionatet Botërore.

• 7 medalje ari rradhazi në Kampionate Botërore (2013–2025). Ajo fitoi 4 tituj botërorë rradhazi në Slalom nga viti 2013 deri në 2019, duke u bërë sportistja e parë që e arrin këtë në çdo disiplinë.

108 fitore në Kupën e Botës. Shiffrin është skiatorja e parë që arrin shifrën e 100 fitoreve dhe renditet e para në histori, përpara Ingemar Stenmark (86). Ndjekësja më e afërt është Lindsey Vonn me 84.

• 164 podiume në Kupën e Botës, duke kaluar rekordin e mëparshëm të Stenmark (155).
  16 sezone. Amerikania merr pjesë në sezonin e saj të 16-të në Kupën e Botës, nga 2010/11 deri në 2025/26.

16 Globe Kristali. Në 15 sezonet e saj të para, Shiffrin ka fituar 5 “Globe Kristali” në Klasifikimin e përgjithshëm dhe 11 tituj disiplinash (8 në Slalom, 2 në Slalomin Gjigand dhe 1 në Super-G). 11 “Globe Kristali” në disiplina e bëjnë atë Lideren mes skiatorëve aktivë. 8 titujt në Slalom janë rekord absolut në një disiplinë.

• 70 fitore në Slalom në Kupën e Botës. Më shumë se çdo skiator tjetër, mashkull apo femër, në një disiplinë të vetme.

22 fitore në Slalomin Gjigant në Kupën e Botës. Dy më shumë se rekordi i mëparshëm për femra i mbajtur nga Vreni Schneider.

6 fitore në 7 gara Slalom në Killington. Pasi kishte triumfuar çdo vit nga 2015 deri në 2019, sezoni 2022/23 ishte i pari që Shiffrin nuk fitoi në Killington.

• 9 fitore në Slalom në Levi, gjithashtu rekord për këtë pistë.

8 fitore në Kupën e Botës (4 Slalom, 4 Slalom Gjigant) në Semmering ku ka garuar 13 herë.

• 17 fitore në një sezon. Rekord i Kupës së Botës për më shumë fitore në një sezon, i vendosur në 2018/19.

Skiatorja e parë. Shiffrin është e vetmja person, mashkull apo femër, që ka fituar gara në të gjashta disiplinat e Kupës së Botës (zbritje, super-G, slallom, slallom gjigant, kombinim dhe paralel).

Mikaela Shiffrin – Datat më të rëndësishme

13 Mars 1995 – Mikaela Shiffrin lind më 13 Mars 1995 në Vail të Kolorados në SHBA.

• 15–364. Shiffrin ishte 15 vjeç e 364 ditë kur startoi në garën e parë në Kupën e Botës në Spindleruv Mlyn, Çeki, një ditë para ditëlindjes së saj të 16-të.

18–351. Mosha e Shiffrin kur u bë Kampionia Olimpike më e re në Slalom (meshkuj ose femra), në Rosa Khutor në “Soçi 2014”. Një vit më parë ishte shpallur e treta kampione më e re në këtë disiplinë.

• 27–252. Mosha e saj kur fitoi garën e 76-të në Kupën e Botës, 53 ditë më e re se Stenmark dhe gati 4 vite më e re se Lindsey Vonn.

27–301. Mosha kur barazoi rekordin e atëhershëm të Vonn për femra me 82 fitore. Vonn ishte 33 vjeç e 156 ditë kur fitoi garën e saj të fundit në Kupën e Botës.

• 27–317. Mosha kur fitoi garën e 83-të të Kupës së Botës më 24 Janar 2023, duke kaluar Vonn si femra me më shumë fitore dhe duke u ngjitur në vendin e dytë në renditjen e përgjithshme, vetëm 3 fitore larg rekordit të Stenmark (86).

10 Mars 2023 – Shiffrin barazon rekordin e përgjithshëm të Ingemar Stenmark me 86 fitore në Kupën e Botës.

• 11 Mars 2023 – Shiffrin regjistron fitoren e saj të 87-të në Kupën e Botës, duke kaluar në krye të Klasifikimit, 2 ditë para ditëlindjes së saj të 28-të.

18 Mars 2023 – Shiffrin barazon rekordin e Lindsey Vonn për më shumë podiume në Kupën e Botës për femra (137).

• 19 Mars 2023 – Shiffrin thyen rekordin e Vreni Schneider për fitore në Slalomin Gjigant për femra (21).

23 Shkurt 2025 – Shiffrin bëhet skiatorja e parë në histori që arrin 100 fitore në Kupën e Botës.

The post Karriera e Shiffrin mes rekordeve dhe statistikave appeared first on Gazeta Si.

Nga Gazeta “Si” – Mesdita e të premtes zbulon çiftet e raundit Play-off në Champions League në shortin e Nyon-it në Zvicër.

Skuadrat e kualifikuara nga vend i 9-të deri në të 24-in do të ndahen në vazot 1 dhe 2, ku ato të të vazos së parë kanë avantazhin e fushës.

• Vazo 1
  Real Madrid (SPA)
  Inter (ITA)
  Paris (FRA)
  Neëcastle (ANG)
  Juventus (ITA)
  Atleti (SPA)
  Atalanta (ITA)
  Leverkusen (GJER)

• Vazo 2
  B. Dortmund (GJER)
  Olympiacos (GRE)
  Club Brugge (BEL)
  Galatasaray (TUR)
  Monaco (FRA)
  Qarabağ (AZE)
  Bodø/Glimt (NOR)
  Benfica (POR)

Bie në sy që shorti mund të përcaktojë një derbi francez, një të tillë gjerman si dhe Benfica që mund të përballet sërish me Realin e Madridit.

Faza KO në Champions League
– Play-off: 17/18 & 24/25 Shkurt 2026
– Shorti pëwr rnd e 1/16, ¼ finaleve, ½ finaleve: 27 Shkurt 2026
– Rnd i 1/16: 10/11 & 17/18 Mars 2026
– ¼ finale: 7/8 & 14/15 Prill 2026
– ½ finale: 28/29 Prill & 5/6 Maj 2026
– Finale: 30 Maj 2026 (Budapest)

The post Edhe 24 orë nga shorti i play-off në “UCL” appeared first on Gazeta Si.

Nga Gazeta “Si” – Përfundon faza e Ligës në edicionin e dytë të kompeticionit të kampionëve.

Arsenal, Chelsea, Liverpool, Man City & Tottenham u kualifikuan direkt në raundin e 16 më të mirëve.

Premier League konfirmohet edhe një herë si kampionati më i fortë në Evropë.

Bashkë me to u kualifikuan direkt edhe Bayern Munich, Barcelona dhe Sporting i Lisbonës.

Pavarësisht barazimit ndaj PSG, “qymyrxhinjtë” e Neëcastle përfunduan në raundin play-off.

Ndeshje shtesë edhe për Realin e Madridit që pati një humbje dramatike 4-2 nga Benfica e Mourinho’s.

Momenti më i bukur i mbrëmjes u krijua nga portieri i Benfica-s, Anatoliy Trubin në 98’.

Goditja e tij me kokë i dha kualifikimin portugezëve të cilët në play-off mund të ndeshen sërish me Realin e Madridit ose ish skuadrën tjetër të Jose Mourinho’s, Inter.

• Rezultatet e raundit të 8-të
  Ajax 1-2 Olympiacos
  Arsenal 3-2 Kairat Almaty
  Athletic Club 2-3 Sporting CP
  Atletico Madrid 1-2 Bodo/Glimt
  Barcelona 4-1 Copenhagen
  Bayer Leverkusen 3-0 Villarreal
  Benfica 4-2 Real Madrid
  Borussia Dortmund 0-2 Inter
  Club Brugge 3-0 Marseille
  Eintracht Frankfurt 0-2 Tottenham Hotspur
  Liverpool 6-0 Qarabag
  Man City 2-0 Galatasaray
  Monaco 0-0 Juventus
  Napoli 2-3 Chelsea
  Pafos 4-1 Slavia Prague
  Paris Saint-Germain 1-1 Newcastle
  PSV Eindhoven 1-2 Bayern Munich
  Union SG 1-0 Atalanta

The post Ul siparin faza e Ligës në ‘UCL’ appeared first on Gazeta Si.

Nga Gazeta “Si” – Futbollisti gjerman me origjinë nga Shkodra, Brajan Gruda u shpall kampion i  Gjermanisë me A-Junior të Mainz 05 në vitin 2023. 

Në vitin 2024  u transferua nga Mainz te Brighton dhe u shpall nënkampion i Evropës me Gjermaninë U21 në vitin 2025. 

… objektivat e sezonit të Brighton & Hove Albion:
“Objektivi ynë është të luajmë në Evropë. Ndeshjet duhet ti marrim një e nga një, duhet të japim 100 për qind, të fitojmë 3 pikë dhe atëherë mund t’ja arrijmë.”

… vendimi për t’u transferuar te Brighton:
“Faktor deciziv ishte dëshira e klubit dhe trajnerit për të ardhur këtu. Kjo ishte një shenjë shumë e mirë. U impresionova nga kushtet stërvitore, stafi dhe trajneri. Kjo më bëri të vij këtu.”

… kontaktet me trajnerin e Gjermanisë, Julian Nagelsmann:
“Nuk kam kontakt me të. Shpresoj të vijë nëse paraqitjet e mia në fushë janë të mira. Atëherë pres të marr një telefonatë.”

… dëshira për të qenë pjesë e Kupës së Botës:
“Unë po përpiqem të jap 100% në cdo ndeshje. Sigurisht që është një ëndërr. Do të gënjeja nëse do të thosha ndryshe. Kush nuk do të donte të luante në Kupën e Botës? Prandaj po jap gjithçka dhe pastaj të shohim çfarë do të ndodhë.”

… ndjesia e të qenit ‘jashtë vëmendjes’ duke luajtur jashtë Gjermanisë:
“Nëse forma është e mirë, atëherë nuk ka rëndësi se ku luan. Unë nuk luaj në një vend çfarëdo, por në një nga kampionatet më të fortë. Nuk ndihem sikur jam jashtë vëmendjes.”

… stili i lojës së Fabian Hürzeler te Brighton:
“Pavarësisht kundërshtarit apo presionit që na bëhet, na diferencon ndërtimi i lojës nga prapavija. Më magjeps mënyra se si luajmë me topin. Taktika ishte e ndërlikuar në fillim, por tani jam përshtatur.”

… interesi nga Bayern Munchen:
“Në fillim kishte interes. Por nuk mund të them më shumë se kaq.”

… objektivat e karrierës:
“Ëndrra ime është të luaj në Champions League dhe të jem pjesë e rregullt e Gjermanisë. Dua të luaj për një klub të madh si Bayern, Real Madrid, Barcelona ose Liverpool.”

The post Brajan Gruda për Brighton-in, Bayern-in dhe Kombëtaren appeared first on Gazeta Si.

Nga Gazeta “Si” – “Grand Slam-i” i parë sezonal po i afrohet graduasht fundit dhe në konkurim kanë mbetur 4 më të mirët për meshkuj dhe femra.

Gjysëmfinalja e parë do të luhet mes Alcaraz dhe Zverev. Spanjolli luan për herë të parë në këtë nivel në Australi. Ndërsa gjermani mbërriti për të 3-in sezon rradhazi në ½ finale.

E njëjta gjë vlen për italianin Sinner që do të luajë në të 3 sezon rradhazi në ½ finale, përballë 10 herë fituesit Djokovic që shfaqet për të 13 edicion në këtë raund.

Jannik Sinner arriti fitoren e 19 rradhazi në “Australian Open” duke lënë pas Jim Courier dhe barazuar Roger Federer.

Tek femrat, Nr.1 Sabalenka do të përballet me rivalen Svitolina ndërsa Pegula do luajë ndaj Rybakina-s.

Gjysëmfinalet e femrave do të zhvillohen të enjten ndërsa ato të meshkujve të premten për t’iu lënë vendin Finaleve të shtunën (femra) dhe të dielën (meshkuj).

The post “Elite 4” në Australian Open 2026 appeared first on Gazeta Si.

Nga Gazeta “Si” – Edhe 5 ekipe të tjera do të sigurojnë fazën me eliminim direkt, ndërsa 6 vende mes 8 më të mirave janë ende në lojë në javën e 8 të “UEFA Europa League”.

E thënë ndryshe, ka ende për t’u luajtur, mgjs faza e Ligës së “UEFA Europa League 2025/26” po shkon drejt një përfundimi dramatic ku 11 ekipe garojnë për 5 vendet e fundit në fazën me eliminim direkt.

– Aston Villa vs Salzburg
Kjo është përballja e parë mes këtyre skuadrave në kompeticionet e UEFA-s; Salzburg nuk ka fituar asnjëherë kundër ekipeve angleze në Europë pas 8 ndeshjesh (2 barazime, 6 humbje).

– Panathinaikos vs Roma
Panathinaikos fitoi si në shtëpi ashtu edhe në transfertë kur këto dy skuadra u përballën në fazën e 1/16-ave të “Europa League 2009/10” – sfidat e vetme mes tyre në kompeticionet e UEFA-s.

– Nottingham Forest vs Ferencváros
Ferencváros u përball me një ekip anglez në fazën e Ligës 2024/25, duke humbur 2-1 në Budapest ndaj Tottenham Hotspur, që më pas fitoi trofeun.

– Real Betis vs Feyenoord
Feyenoord ka shënuar nga 3 gola në secilën prej 2 ndeshjeve të fundit të fazës së Ligës.

• Të tjera highlights-e
  Viktoria Plzeň ka barazuar 4 ndeshjet e fundit të fazës së Ligës – për ndeshjen e rradhës udhëton drejt Bazelit.

• Lyon, një nga dy skuadrat e vetme që kanë siguruar kualifikimin direkt në 1/16-at, synon vendin e parë në sfidën ndaj PAOK-ut.

• Përveç Salzburg dhe Feyenoord të përmendur më sipër, edhe 9 ekipe të tjera janë në garë për 5 vendet e mbetura të fazës me eliminim direkt: GNK Dinamo, Lille, Brann, Young Boys, Celtic, Ludogorets, Basel, FCSB dhe Go Ahead Eagles.

The post Çfarë duhet të dini për raundin e 8 në “Europa League” appeared first on Gazeta Si.

Nga Gazeta “Si” – Pesëmbëdhjetë skuadra e kanë siguruar kualifikimin mes 16 më të mirave ndërsa Arsenal dhe Bayern München janë të vetmet skuadra që kanë siguruar për një vend në raundin e 1/8-ave përpara raundit të fundit në fazën e Ligës. 

Katër ekipe janë eliminuarndërkohë që 17 klube luanë për vendet e fundit në fazën me eliminim direkt në javën e 8.

Më poshtë sjellim një statistikë dhe formacionet e mundshme për çdo sfidë të fazës së Ligës që do të ulë siparin mbrëmjen e të mërkurës.

• Ajax vs Olympiacos
  Ajax dhe Olympiacos janë përballur 6 herë në kompeticionet e UEFA-s, 2 fitore secili dhe 2 barazime mes tyre. 
  Ajax: Jaroš; Gaaei, Bouwman, Baas, Wijndal; Regeer; Mokio, Klaassen; Gloukh, Godts; Dolberg
  Olympiacos: Tzolakis; Costinha, Retsos, Pirola, Ortega; Mouzakitis, Hezze; Rodinei, Chiquinho, Gelson Martins, El Kaabi 

Arsenal vs Kairat Almaty
Arsenal është skuadra e vetme që ka fituar 7 ndeshjet e para të fazës së Ligës këtë sezon. Asnjë ekip nuk i ka fituar të 8 ndeshjet në këtë formulë.
Arsenal: Kepa; White, Mosquera, Hincapié, Lewis-Skelly; Nørgaard, Zubimendi, Eze; Madueke, Gyökeres, Martinelli
Kairat Almaty: Anarbekov; Tapalov, Martynovich, Sorokin, Mata; Glazer, Kassabulat; Mrynskiy, Gromyko, Jorginho; Edmilson

• Monaco vs Juventus
  Monaco dhe Juventus janë ndeshur 6 herë në kompeticionet e UEFA-s, të gjitha në fazat me eliminim të Ligës së Kampionëve: ½ finalet 1997/98, ¼ finalet 2014/15 dhe ½ finalet 2016/17. 
  Monaco: Kohn; Caio Henrique, Kehrer, Teze, Vanderson; Zakaria, Camara; Golovin, Fati, Akliouche; Balogun
  Juventus: Di Gregorio; Cambiaso, Kelly, Bremer, Kalulu; Thuram, Locatelli; Francisco Conceição, McKennie; Kenan Yıldız; David

Athletic Club vs Sporting CP
Bilanci mes dy skuadrave është i barabartë, me nga 2 fitore secila. Të dyja kanë fituar ndeshjet në shtëpi në përballjet e raundit të tretë të Kupës UEFA 1985/86 dhe në ½ finalen e Europa League 2011/12.
Athletic Club: Unai Simón; Gorosabel, Vivian, Paredes, Berchiche; Rego, Ruiz De Galarreta, Sancet; N.Williams, Guruzeta, Navarro
Sporting CP: Rui Silva; Fresneda, Gonçalo Inácio, Matheus Reis, Araújo; Hjulmand, João Simões; Catamo, Francisco Trincão, Guilherme Pires; Suárez

• Atlético de Madrid vs Bodø/Glimt
  Atletico ka fituar të 6 ndeshjet e mëparshme në UEFA-s kundër skuadrave norvegjeze.
  Atlético de Madrid: Oblak; Llorente, Pubill, Giménez, Ruggeri; Simeone, Barrios, Koke, Álex Baena; Alvarez, Sørloth
  Bodø/Glimt: Haikin; Sjøvold, Gundersen, Bjørtuft, Bjørkan; Brunstad Fet, Berg, Evjen; Blomberg, Høgh, Hauge

• Leverkusen vs Villarreal
  Villarreal nuk ka asnjë humbje në 4 përballjet e mëparshme mes këtyre skuadrave në UEFA (3 fitore, 1 barazim), por Leverkusen ka humbur vetëm 1 nga 8 ndeshjet e fundit në shtëpi kundër rivalëve spanjollë (5 fitore, 2 barazime) dhe vjen në këtë takim pas 3 fitoreve radhazi.
  Leverkusen: Blaswich; Quansah, Andrich, Badé; Lucas Vázquez, Fernández, García, Grimaldo; Poku, Tillman; Schick
  Villarreal: Tenas; Navarro, Rafa Marín, Renato Veiga, Pedraza; Pépé, Comesaña, Partey, Moleiro; Oluwaseyi, Ayoze Pérez

Borussia Dortmund vs Inter
Dortmund dhe Inter takohen në UEFA-s për herë të parë që nga faza e grupeve të Champions League 2019/20, kur Inter fitoi 2-0 në shtëpi në raundin e 3, përpara se Dortmund të fitonte 3-2 në shtëpi në javën e 4.
Borussia Dortmund: Kobel; Can, Anton, Schlotterbeck; Ryerson, Bellingham, Nmecha, Bensebaini; Beier, Adeyemi; Guirassy
Inter: Sommer; Akanji, Acerbi, Bastoni; Carlos Augusto, Barella, Zieliński, Mkhitaryan, Dimarco; Thuram, L. Martínez

• Club Brugge vs Marseille
  Përballjet e vetme të mëparshme mes skuadrave në kompeticionet e UEFA-s u rregjistruan në grupet e edicionit 1992/93, kur Marseille fitoi të 2 ndeshjet, 3-0 në Francë dhe 1-0 në Belgjikë.
  Club Brugge: Mignolet; Sabbe, Ordoñez, Mechele, Seys; Stanković, Vanaken, Onyedika; Carlos Forbs, Vermant, Diakhon
  Marseille: Rulli; Balerdi, Aguerd, Medina; Weah, Højbjerg, Vermeeren, Paixão, Traoré; Greenwood; Gouiri

Frankfurt vs Tottenham Hotspur
Tottenham ka fituar 3 nga 6 përballjet e mëparshme kundër Frankfurt-it (2 barazime, 1 humbje).
Frankfurt: Kauã Santos; Collins, Koch, Theate, Brown; Højlund, Larsson; Doan, Götze, Bahoya; Knauff
Tottenham: Vicario; Pedro Porro, Romero, Van de Ven, Udogie; Sarr, Gray; Odobert, Simons, Spence; Solanke

• Barcelona vs Copenhagen
  Ndërsa babai i tij Henrik Larsson luajti për Barcelonën nga viti 2004 deri në vitin 2006, Jordan Larsson (Copenhagen) ka qenë pjesë e akademisë “La Masia” në klubin katalanas.
  Barcelona: Joan García; Koundé, Cubarsí, Gerard Martín, Balde; Eric García, Olmo; Yamal, Fermín López, Raphinha; Rashford
  Copenhagen: Kotarski; Meling, Gabriel Pereira, Suzuki, Lopez; Larsson, Madsen, Clem, Achouri; Elyounoussi, Moukoko

Liverpool vs Qarabağ
Liverpool kishte fituar 16 ndeshje radhazi në fazën e grupeve/fazën e Ligës të UEFA-s në Anfield, përpara humbjes në raundin e 5 ndaj PSV në ndeshjen e fundit të Ligës së Kampionëve në shtëpi.
Liverpool: Alisson Becker; Frimpong, Endo, Van Dijk, Kerkez; Gravenberch, Mac Allister; Salah, Szoboszlai, Wirtz; Ekitiké
Qarabağ: Kochalski; Silva, Mustafazade, Medina, Jafarguliyev; Pedro Bicalho, Janković; Leandro Andrade, Montiel, Zoubir; Duran

• Paris Saint-Germain vs Newcastle United
  Përballjet e vetme të mëparshme mes skuadrave në UEFA erdhën në fazën e grupeve të Champions League 2023/24, kur Newcastle fitoi 4-1 në shtëpi në javën e 2, përpara një barazimi 1-1 në Paris në të 5-ën.
  Paris Saint-Germain: Chevalier; Hakimi, Marquinhos, Pacho, Nuno Mendes; João Neves, Vitinha, Fabián Ruiz; Doué, Dembélé, Barcola
  Newcastle United: Pope; Trippier, Thiaw, Botman; Hall; Miley, Tonali, Ramsey; Barnes, Woltemade, Gordon

Manchester City vs Galatasaray
Një humbje për Manchester City-n do të ishte e para herë që ata humbasin dy ndeshje rradhazi në shtëpi në kompeticion që nga seria prej 3 të tillash mes sezoneve 2017/18 dhe 2018/19.
Manchester City: Donnarumma; Matheus Nunes, Khusanov, Aké, O’Reilly; Nico González; Bernardo Silva, Reijnders, Foden, Doku; Haaland
Galatasaray: Uğurcan Çakır; Eren Elmalı, Sánchez, Abdülkerim Bardakcı, Sallai; Torreira, Lemina; Sané, Yunus Akgün, Barış Alper Yılmaz; Osimhen

• Pafos vs Slavia Praha
  Kjo është hera e parë që klube nga Qiproja dhe Çekia përballen mes tyre në Champions League.
  Pafos: Gorter; Bruno, Luckassen, Pileas, Sema; Dragomir, Quina, Pêpê; Oršić, Jajá; Dimata
  Slavia Praha: Staněk; Vlček, Zima, Chaloupek; Douděra, Dorley, Sadílek, Provod, Sanyang; Kušej, Chorý

PSV Eindhoven vs Bayern München
Bayern ka fituar 6 nga 8 përballjet e mëparshme në UEFA kundër PSV (1 barazim, 1 humbje). 
PSV Eindhoven: Kovar; Dest; Schouten, Obispo, Mauro Júnior; Veerman, Saibari, Wanner; Man, Perišić, Driouech
Bayern München: Neuer; Bischof, Upamecano, Tah, Ito; Kimmich, Pavlović; Olise, Gnabry, Luis Díaz; Kane

• Union Saint-Gilloise vs Atalanta
  Pasi humbi 4 ndeshjet e mëparshme kundër kundërshtarëve belgë, Atalanta kërkon fitoren e dytë rradhazi në UEFA (fitori 2-1 ndaj Club Brugge në javën 2).
  Union Saint-Gilloise: Scherpen; Mac Allister, Burgess, Sykes; Khalaili, Van De Perre, Zorgane, Niang; Ait El Hadj, Florucz; Fuseini
  Atalanta: Carnesecchi; Kossounou, Djimsiti, Kolašinac; Zappacosta, De Roon, Éderson, Zalewski; De Ketelaere, Lookman; Scamacca

Benfica vs Real Madrid
Këto skuadra janë përballur vetëm 3 herë në kompeticionet e UEFA-s: Benfica fitoi 5-3 në Finalen e Kupës së Kampioneve në vitin 1962 dhe 6-3 në total në çerekfinalet e edicionit 1964/65.
Benfica: Trubin; Dedić, Otamendi, Tomás Araújo, Dahl; Barrenechea, Aursnes; Prestianni, Barreiro, Sudakov; Pavlidis
Real Madrid: Courtois; Valverde, Raúl Asencio, Huijsen, Carreras; Arda Güler, Bellingham, Tchouaméni; Mastantuono, Mbappé, Vinícius Júnior

• Napoli vs Chelsea
  Përballjet e vetme mes skuadrave ishin në raundin e 1/8-ave të edicionit 2011/12, kur Chelsea përmbysi humbjen 3-1 në Napoli me një fitore 4-1 pas kohës shtesë në “Stamford Bridge”.
  Napoli: Meret; Beukema, Buongiorno, Juan Jesus; Di Lorenzo, Lobotka, McTominay, Spinazzola; Vergara, Højlund, Elmas
  Chelsea: Sánchez; Gusto, Chalobah, Badiashile, Cucurella; Caicedo, James; Pedro Neto, Fernández, Estêvão; João Pedro

Më shumë për kompeticionin
– Shorti për play-off-in e fazës me eliminim direkt do të hidhet të premten, më 30 Janar, dhe do të përfshijë skuadrat që renditen nga vendi i 9 deri në të 24-in në fazën e Ligës.

– Ndeshjet e play-off’it do të luhen me dy takime më 17/18 dhe 24/25 Shkurt.

– Tetë skuadrat më të mira të fazës së Ligës do të përballen me 8 fituesit e play-off’it, ndërsa shorti për 1/8-at, ¼ finalet dhe ½ finalet do të hidhet më 27 Shkurt.

The post Një fakt dhe formacionet e mundshme për ndeshjet e fundit në fazën e Ligës në ‘UCL’ appeared first on Gazeta Si.

Nga Gazeta “Si” – Acosta, Binder, Bastianini dhe Viñales zbuluan motorrin e ri RC16, ndërsa KTM konfirmon ambicjet për sukses në vitin 2026.

Portokalli, blu dhe shpejtësi në start: Red Bull KTM prezantoi zyrtarisht motorrët dhe pilotët për sezonin e ri të MotoGP.

2026 përfaqëson vitin e 10 të konkurimit për Red Bull KTM. Formacioni me Pedro Acosta-n dhe Brad Binder për Red Bull KTM Factory Racing, si dhe Enea Bastianini dhe Maverick Viñales për Red Bull KTM Tech3.

Red Bull KTM synon vendete para të klasifikimit për vitin 2026 dhe ka rifreskuar atë që konsiderohet si një nga dizenjot më dalluese të pistës së MotoGP.

Numrat do ta përcaktojnë sezonin: milisekondat në pistë, orët e punës së stafit të përkushtuar, ditët e planifikimit nga inxhinierët në fabrikë dhe javët e strategjisë për të qenë një hap përpara.

Si për vitin 2026 ashtu edhe me projeksionin e gjeneratës së ardhshme të MotoGP nga viti 2027.

The post ‘MotoGP’ – shkon në 8 numri i skuadrave të prezantuara (Galeri) appeared first on Gazeta Si.

Nga Gazeta “Si” – Seattle Seahawks do të përballet me New England Patriots në “Super Bowl 60”.

Finalja e “NFC” ishte një duel spektakolar në Seattle, ku “quarterback-u” i Seahawks, Sam Darnold, dhe homologu i tij te Rams, Matt Stafford kryen secili 3 pasime për “touchdown”, përpara se vendasit të rezistonin deri në fund për fitoren 31-27.

Ndërkohë, mbrojtjet dominuan finalen e “AFC”, ku Patriots arritën një fitore minimale 10-7 ndaj Denver Broncos në një stuhie bore.

“Quarterback-u” Drake Maye, rivali kryesor i Stafford për çmimin “Lojtari më i Vlefshëm – MVP” i këtij sezoni, vrapimoi për “touchdown-in” e vetëm të New England, duke i siguruar ekipit pjesëmarrjen e 12-të në “Super Bowl” — rekord absolut — dhe të parën që nga viti 2019, kur Tom Brady e udhëhoqi drejt titullit të 6 kampion në NFL.

Finalja e këtij viti të NFL-së do të jetë një rikthim i “Super Bowl-it” të vitit 2015, kur Patriots mposhtën Seahawks 28-24, duke u mohuar atyre fitimin e 2 titujve radhazi.

Kjo është hera e 4 që Seattle arrin në Finalen e madhe të “NFL”, por titullin e vetëm e ka fituar në vitin 2014.

“Super Bowl 60” do të zhvillohet të dielën, më 8 Shkurt, në “Levi’s stadium” në Santa Clara të Kalifornisë.

The post ‘NFL’ njeh finalistët e sezonit 2025 appeared first on Gazeta Si.

Nga Gazeta “Si” – Kjo është tratativa që po zhvillohet mes Hoffenheim në Bundesliga dhe Besiktas në Superlig.

Interesimi nuk është i ri për mesfushorin dardan, por këtë herë gjermanët duan vërtetë të rrisin koloninë verdheblu në Sinsheim.

Për ta përshpejtuar dhe mbyllur tratativën brendaj fundit të Janarit, Hoffenheim ofron Adam Hlozek si pjesë të marrëveshjes.

Nëse gjithçka shkon sipas parashikimeve, Rashica do të kthehej në Gjermani, ku më parë ka luajtur me Werder Bremen.

Në 87 ndeshje mes 2018 dhe 2021, ai shënoi 21 gola për të gjelbërit.

Ndërsa tek Hoffenheim që mund të bëhet skuadra e 7 në karrierën e tij, Rashica do të bashkohej me Hajdarin, Avdullahun dhe Asllanin që janë titullarë të padiskutueshëm në Sinsheim.

The post Hlozek për Rashicën appeared first on Gazeta Si.

Nga Gazeta “Si” – Një hero i qytetit të lindjes, dashuria e përjetshme e një qyteti dhe një trashëgimi e vulosur në “United Center”.

Fanella e Derrick Rose me numrin 1 u ngrit në tavan gjatë një ceremonie me pjesëmarrjen e ish-shokëve të skuadrës dhe figura të shquara të Bulls.

Fanella e tij do të qëndroj përkrah atyre legjendare si numri 23 i Michael Jordan dhe numri 33 i Scottie Pippen.

Rose ishte një sensacion në Çikago dhe në gjithë Botën e basketbollit që në momentin kur shkeli për herë të parë parketin e “United Center” si “rookie” i Bulls.

Loja e tij binte menjëherë në sy. Kombinimi i shpejtësisë, aftësive, atletizmit, eksplozivitetit dhe guximit e bëri atë një idhull të tifozëve që nga dita e parë.

Gara për çmimin “Rookie of the Year” nuk ishte aspak e ngushtë. Rose mori 111 nga 120 votat për vendin e parë nga paneli i mediave, pasi shënoi mesatarisht 16.8 pikë, dha 6.3 asist dhe mori 3.9 topa nga tabela në 81 ndeshje.

Nuk pati vazhdimësi me çmimin “Sophomore” për Rose, i cili kaloi nga “Rookie of the Year” në vitin 2009 në “NBA All-Star” në vitin 2010, duke dhuruar edhe një tjetër moment ikonë të gdhendur në kujtesën e tifozëve të Bulls anembanë Botës.

Më 3 Maj 2011, Rose hyri në histori duke u bërë lojtari më i ri që fiton çmimin “Most Valuable Player” në NBA, vetëm 22 vjeç – një rekord që më parë mbahej nga Wes Unseld, 23 vjeç, në vitin 1969.

Derrick Rose e fitoi bindshëm çmimin, duke marrë 113 nga 120 votat për vendin e parë.

Edhe pse kujtimet do të zgjasin përgjithmonë, koha e Rose te Chicago nuk ishte e tillë.

Pas eliminimit në ½ finalet e Konferencës së Lindjes në vitin 2015, Bulls nuk u kualifikuan në play-off në 2016.

Pas atij sezoni, Rose u transferua te New York Knicks, duke vazhduar pjesën e dytë të karrierës me Knicks, Cavaliers, Timberwolves, Pistons dhe Grizzlies.

Disa muaj pasi zyrtarizoi tërheqjen nga basketbolli më 26 Shtator 2024, Bulls organizuan “Derrick Rose Night” në “United Center” më 4 Janar 2025.

Fanella me numrin 1 e Rose i shtohet numrit 23 (Michael Jordan), numrit 33 (Scottie Pippen), numrit 5 (Bob Love) dhe numrit 4 (Jerry Sloan).

• Karriera e Derrick Rose:
  NBA Most Valuable Player: 2011
  NBA All-Star Selection: 2010, 2011, 2012
  All-NBA First Team: 2011
  NBA Rookie of the Year: 2009
  NBA All-Rookie First Team: 2009
  Skills Challenge Champion: 2009
  Conference Rookie of the Month: Nëntor-Dhjetor 2009, Mars 2010
  Conference Player of the Month: Prill 2010, Mars 2011

The post ‘Bulls’ nderojnë Derrick Rose, Chicago tërheq Nr. 1 (Video) appeared first on Gazeta Si.

Nga Gazeta “Si” – Skuadra amerikane “Trackhouse”, zbuloi dy dizajne të reja për sezonin 2026 në “MotoGP”.

Njëri është i vetë ekipit, i përditësuar për sezonin e ardhshëm, ndërsa tjetra është ikona e partnerit “Gulf”.

Raul Fernandez dhe Ai Ogura do të pilotojnë motorrët “Trackhouse Aprilia RS-GP26” në startin e sezonit në Tajlandë.

Dizajni i “Trackhouse” ruan ngjyrat karakteristike të ekipit, të frymëzuara nga paleta bazë blu, e zezë dhe e verdhë flu e “Trackhouse Racing”.

Ndërkohë, ngjyrat e Gulf do të shfaqen në pistë në Tajlandë dhe më pas sërish në raundin e dytë në Brazil.

Ato do të rikthehen në “Çmimin e Madh të Italisë” në Mugello, atje ku skuadra arriti podiumin e parë në “Sprint”.

“Monster Energy Yamaha MotoGP” u bë skuadra e rradhës që prezantoi Indonezi, motorrët për sezonin e ri.

Event që shënoi fillimin e epokës “V4” për Yamaha-n që përgatitet ta përdorë projektin këtë sezon.

Prezantimi solli skemën e rifreskuar të ngjyrave dhe ekspozoi “YZR-M1” tërësisht të ridizajnuar.

Pamja e re ruan karakteristikën e kamuflazhit, përditësuar me më shumë blu dhe të bardhë – gati për të dalë në pistë në duart e Fabio Quartararo-s dhe Alex Rins.

The post ‘MotoGP 2026’ – Trackhouse dhe Yamaha prezantojnë motorrët e rinj (Galeri) appeared first on Gazeta Si.

Nga Gazeta “Si” – Mikaela Shiffrin (SHBA/Atomic) po garon në një “planet” tjetër krahasuar me rivalet në Slalomin për femra.

Në Spindleruv Mlyn të Çekisë, ajo siguroi të rradhës “Glob të Kristaltë” në Kupën e Botës.

Shiffrin ka 108 fitore në karrierë në Kupën e Botës. Asaj i mjaftonte vetëm vendi i shtatë për ta fituar “Globin” për herë të 9-të në karrierën e saj.

Këtë sezon ajo ka 7-të fitore dhe një vend të 2-të në Slalom: beteja e radhës në kalendar tani është për medaljen e Artë në Lojërat Olimpike dimërore “Milano-Cortina 2026”.

The post Gati për Olimpiadën dimërore – Mbretërisha Shiffrin fitoi ‘Globin’ e 9-të në Slalom appeared first on Gazeta Si.

Nga Gazeta “Si” – Dy nga katër skuadrat më të mira të Italisë do të përballen në “Stadio Olimpico” kur Roma të presë Milanin në “Serie A”.

Pak pasi Napoli të ketë mbyllur sfidën ndaj Juventusit në Torino, “Qyteti i Përjetshëm” do të presë përballjen e dytë madhore të një fundjave spektakolare.

Ndërsa Roma (+15) dhe Milan (+12) kanë përmirësuar ndjeshëm numrin e pikëve në këtë fazë krahasuar me sezonin e kaluar.

Verdhekuqtë do të luftojnë edhe kundër historisë së afërt, pasi kanë humbur 9 nga 16 sfidat e fundit në kampionat – përfshirë edhe atë të luajtur në Nëntor.

Tre fitore rradhazi mbajnë gjallë shpresat e Romës për “Scudetto-n”, ndërsa Milan i vendit të dytë është shumë pranë kreut.

Së fundmi, kryeqytetasit mposhtën bindshëm Torino-n, që vetëm pak ditë më parë i kishte eliminuar nga Kupa e Italisë.

Milan humbi përballjen e fundit me Romën në “Stadio Olimpico”, 3-1 Majin e kaluar.

Prej javës së dytë e këtij sezoni, skuadra e Max Allegrit është e pamposhtur në 20 ndeshje radhazi në elitë dhe vetëm Bayern Munchen ka një seri më të mirë mes pesë kampionateve kryesore të Evropës.

• Formacionet e mundshme

Roma: Svilar; Mancini, Ndicka, Ghilardi; Celik, Cristante, Kone, Wesley; Soule, Dybala; Malen
Trainer – Gian Piero Gasperini

Milan: Maignan; Tomori, Gabbia, Pavlovic; Saelemaekers, Fofana, Modric, Rabiot, Bartesaghi; Pulisic, Leao
Trainer – Max Allegri

The post Roma vs. Milan – ‘Rivaliteti i përjetshëm’ appeared first on Gazeta Si.

Nga Gazeta “Si” – Java e 22-të në “Serie A” sjell një përballje peshash të rënda, mes Juventusit dhe Napolit, dy skuadra që luftojnë për kualifikimin në Champions League dhe për të mbajtur gjallë shpresat për titull.

Do të jetë një rivalitet sportiv mes dy ekipeve apo një ndërthurje e së tashmes së protagonistëve me të kaluarën e tyre. 

Ndeshje vendimtare për pikë shumë të rëndësishme mes skuadrash që kanë një objektiv minimal të përbashkët, kualifikimin në “Champions League 26/27”.

Pa lënë pas ambiciet për titullin kampion në gadishull. Kush ndalet, është pothuajse i humbur, duke pasur parasysh edhe sfidën direkte mes Romës dhe Milanit.

Në “Allianz Stadium” në Torino, sytë do të jenë nga Antonio Conte, trajneri i kampionëve të Italisë, që rikthehet në atë që dikur ishte shtëpia e tij.

Skuadrat vijnë nga angazhime evropiane që kanë lënë pasoja fizike dhe psikologjike. 

Trajneri i të kaltërve mbështetet te emrat e zakonshëm, nga McTominay te Højlund e deri te kapiteni Di Lorenzo. 

Te Juventus, Spalletti mund të konfirmojë bllokun e lojtarëve që mposhti Mourinho-n. Yildiz dhe McKennie janë të sigurt për konfirmim, ndërsa në sulm David mund të preferohet ndaj Openda-s.

• Formacionet e mundshme

Juventus: Di Gregorio; Kalulu, Bremer, Kelly, Cambiaso; Thuram, Locatelli; Conceicao, McKennie, Yildiz; David.
Trainer – Luciano Spalletti 

Napoli: Milinkovic-Savic; Beukema, Buongiorno, Juan Jesus; Di Lorenzo, McTominay, Lobotka, Gutierrez; Vergara, Elmas; Hojlund
Trainer – Antonio Conte

The post Përplasja e Titanëve në Apenine appeared first on Gazeta Si.