Nga Gazeta Si – Kur duhen vetëm pak javë deri në nisjen e sezonit 2026, drejtuesit e ekipeve (Team Principal) në Formula 1 janë të zënë me përgatitjet për kalendarin prej 24 garash që i pret.
Më poshtë ju njohim me 11 drejtuesit që do të udhëheqin skuadrat e tyre përkatëse gjatë këtij sezoni në Botërorin e Formla 1.
Nga Gazeta Si – Golashënuesi më i mirë i të gjitha kohërave në “Premier League” zgjedh lojtarët dhe trajnerin më të spikatur të 5 muajve të parë.
Alan Shearer përfitoi nga pauza e “Premier League” që la vendin “FA Cup”, dhe përzgjodhi yjet e 21 javëve të para të kampionatit.
Pjesë e “Hall of Fame” në “Premier League” dhe rekordmen për golat e shënuar, Shearer përfshiu 3 lojtarë nga Arsenali, ndërsa Sunderland, Chelsea dhe Manchester City përfaqësohen me nga dy lojtarë secili.
Formacioni i tij kombinon talentin dhe përvojën ku 7 nga 11 lojtarët e përzgjedhur janë 25 vjeç ose më të rinj.
Ndërsa skema e rrjeshtimit taktik të skuadrës është 4-3-3:
Portier – Robin Roefs (Sunderland)
Mbrojtës – Jurrien Timber (Arsenal), Marc Guehi (Crystal Palace), Gabriel (Arsenal), Marc Cucurella (Chelsea)
Nga Gazeta Si – Është konfirmuar formacioni i gjysmëfinaleve të “TotalEnergies CAF Africa Cup of Nations 2025” që po zhvillohet në Marok.
Tradicionalisht, peshat e rënda të futbollit afrikan kanë mbetur në garë pas një fundjave dramatike çerekfinalesh, të mbushura me gola, tension dhe emocione të forta.
Egjipti, Nigeria, Maroku dhe Senegali siguruan vendin në katërshen e fundit, pasi ndeshjet çerekfinale u përmbyllën të shtunën në mbrëmje.
Organizatorët e Marokut do të përballen me Nigerinë plot yje, ndërsa Senegali, që u kualifikua i pari në gjysmëfinale, do të ndeshet me Egjiptin.
Shtatë herë kampionët e Afrikës nga Egjipti, siguruan biletën e fundit për në gjysmëfinale pasi eliminuan kampionen në fuqi, Bregun e Fildishtë, me rezultatin 3-2 në një përballje spektakolare.
Ky ishte fundi i sundimit të “Elefantëve” që përgatiti një gjysmëfinale shumë tërheqëse ndaj Senegalit.
Më herët, në një derbi të tensionuar të Afrikës Perëndimore. Senegali kishte siguruar kualifikimin falë një fitoreje të vështirë 1-0 ndaj Malit, me golin e Iliman Ndiaye në pjesën e parë.
“Luanët” e Terangës treguan pjekuri duke kontrolluar ndeshjen dhe ruajtur avantazhin minimal për të arritur edhe një tjetër gjysmëfinale të AFCON-it.
Maroku mbetet në rrugën drejt titullit të parë kontinental pas 50 vitesh, pas një fitoreje të qetë 2-0 ndaj Kamerunit në Rabat.
Golat e Brahim Diaz dhe Ismaël Saibarit konfirmuan formën mbresëlënëse të “Luanëve të Atlasit” në shtëpi, duke theksuar cilësinë sulmuese dhe ekuilibrin mbrojtës.
Katërshen e plotëson Nigeria, e cila mposhti Algjerinë 2-0 në Marrakech.
Victor Osimhen zhbllokoi rezultatin pas një fillimi të ekuilibruas, ndërsa Akor Adams vulosi fitoren në minutat e fundit, duke konfirmuar rikthimin e Nigerisë në gjysmëfinale dhe një përballje spektakolare me vendasit.
Këto rezultate nënvizojnë diferencat e vogla në këtë fazë të turneut, ku përvoja dhe qetësia kanë bërë diferencën.
Pas një faze grupesh të paparashikueshme dhe një raundi të 1/8-ve tejet të fortë, çerekfinalet treguan se eksperienca filloi të peshojë.
Gjysmëfinalet do të luhen të mërkurën, më 14 Janar ndërsa “AFCON 2025” i afrohet kulmit përpara Finales së madhe në Rabat më 18 Janar.
Nga Gazeta Si – Raphinha dy herë dhe Lewandowski, likujduan Real Madrid (Vinicius dhe Gonzalo) duke mbrojtur trofeun e Superkupës së Spanjës në Finalen e zhvilluar në Xhedah,
Barcelona triumfoi me vështirësi ndaj Realit të Madridit në një spektakël me 5 gola, duke fituar për të dytin vit rradhazi Finalen e Superkupës së Spanjës në Xhedah të Arabisë Saudite.
Ishte trofeu i 16-të në këtë kompeticion për skuadrën e drejtuar nga Hansi Flick, që kishte mposhtur “Los Blancos” edhe në Finalen e vitit të kaluar.
Gjuajtja e Raphinha-s në minutën e 73-të rezultoi vendimtare, pas një fundi të çmendur të pjesës së parë.
Tre gola të shpejtë në kohën shtesë përpara pushimit bënë që ekipet të shkonin në barazim në dhomat e zhveshjes, pasi Raphinha kishte zhbllokuar rezultatin në minutën e 36-të, me një gjuajtje të saktë në këndin e poshtëm.
Vinícius Jr kaloi topin mes këmbëve të Jules Koundé në një depërtim brilant dhe duke shënuar në këndin e largët. Ky ishte goli i tij i parë për Realin pas 17 ndeshjesh, që nga 4 Tetori 2025.
Robert Lewandowski riktheu epërsinë për Barçën në minutën e 49-të, duke shënuar me ndihmën e shtyllës.
Por vetëm tre minuta më vonë, Gonzalo García barazoi pas një rrëmuje në zonë, ku goditja me kokë e Dean Huijsen u përplas në traversë.
Në atë moment, trajneri i Barcelonës, Flick, protestoi se bilbili duhej të kishte rënë më herët.
Frenkie de Jong u ndëshkua me karton të kuq direkt në kohën shtesë, pas një ndërhyrjeje të ashpër ndaj Kylian Mbappé, i cili kishte hyrë nga stoli pas rikuperimit nga një dëmtim në gju.
Megjithatë, pavarësisht rasteve të vona për të dyja skuadrat – përfshirë edhe një mundësi për Marcus Rashford – rezultati nuk ndryshoi dhe Barcelona siguroi titullin e dytë radhazi, diçka që nuk e kishte arritur që nga viti 2012.
Fituesit e Superkupës
16 – Barcelona 13 – Real Madrid 3 – Athletic Bilbao, Deportivo La Coruna 2 – Atletico Madrid 1 – Valencia, Sevilla, Real Zaragoza, Mallorca, Real Sociedad
Nga Gazeta Si – Barcelona dhe Real Madridi do të përballen në “El Clásico-n” e rradhës në Finalen e Superkupës së Spanjës për të 3-in vit rradhazi.
Një nga përballjet më të mëdha në historinë e sportit do të zhvillohet të dielën në “King Abdullah Sports City Stadium” në Xhedah, ku Barcelona do të përballet me rivalët e përjetshëm të Real Madrid.
Barça, kampione në fuqi e mposhti Real-in në Finalen e vitit të kaluar, mbetet sërish skuadra për t’u mundur në elitën e futbollit spanjoll.
Nga ana tjetër, Reali ndodhet nën presion në rritje, veçanërisht trajneri Xabi Alonso.
Barcelona e shkatërroi Realin e Madridit, 5-2 në finalen e vitit të kaluar, e cila gjithashtu u luajt në Xhedah. Ishte një goditje e rëndë për trajnerin e atëhershëm Carlo Ancelotti, ndërsa shërbeu si trampolinë për Hansi Flick, i sapoemëruar në krye të Barcelonës.
Fitimi i Superkupës rezultoi vendimtar për fillimin e epokës Flick te Barcelona sezonin e kaluar, duke i dhënë shtysë ekipit për të fituar La Liga-n dhe Kupën e Mbretit.
Në tre sezonet e mëparshme, fituesit e Superkupës kishin triumfuar edhe në kampionatin spanjoll.
Katalanasit e mposhtën Realin katër herë në sezonin e kaluar, por skuadra e Alonsos fitoi 2-1 ndaj rivalëve në Tetor në La Liga.
Superkupa përball fituesit dhe nënkampionët e La Liga-s me ata Kupës së Mbretit. Edhe pse prej vitit 1982 u zhvillua vetëm mes fituesve të kampionatit dhe kupës, formati u zgjerua në katër skuadra në vitin 2020.
Barcelona është kampione aktuale, ndërsa Real Madrid përfundoi i dyti. Të dyja skuadrat ishin gjithashtu finaliste të Kupës së Mbretit, çka bëri që Atletico Madrid dhe Athletic Bilbao të luanin në gjysmëfinale, pas renditjes së tyre në vendet 3 dhe 4 në La Liga, sezonin e kaluar.
Hansi Flick dhe Xabi Alonso
Kjo do të jetë përballja e 262-të mes dy skuadrave ku Real Madrid ka fituar 106 herë, ndërsa Barcelona 104. Ndërsa 52 ndeshje kanë përfunduar në barazim mes tyre.
Lajmet e fundit nga Barcelona
Marc-André ter Stegen, Gavi dhe Andreas Christensen mungojnë. Dy të fundit kanë probleme në gju, ndërsa portieri gjerman është jashtë për arsye të paspecifikuara.
Lamine Yamal pritet të rikthehet në formacionin titullar, pasi nuk ishte i gatshëm të startonte në gjysmëfinalen ndaj Atletico Madrid, edhe pse hyri nga stoli dhe shënoi.
Ronald Araújo është rikthyer në stërvitje të plota, por pritet të jetë vetëm në stol.
Lajmet e fundit nga Real Madrid
Pikëpyetja kryesore është nëse Kylian Mbappé do të jetë i gatshëm për të luajtur, qoftë si titullar apo zëvendësues, pas spekulimeve të një jave mbi dëmtimin në gju.
Trent Alexander-Arnold, Éder Militão dhe Brahim Díaz mungojnë ende, ndërsa ka shpresa që Rodrygo, Antonio Rüdiger dhe Raúl Asencio të kalojnë testet fizike pas goditjeve të marra në gjysmëfinalen kundër Atletico-s.
Dean Huijsen u rikthye në stol në derbin e Madridit dhe mund të startojë në vend të Rüdigerit, nëse ky i fundit nuk është i gatshëm.
Formacionet e mundshme
Barcelona: J. García, Koundé, Cubarsí, E. García, Baldé, Pedri, De Jong, Yamal, Raphinha, Fermín, Ferran Torres
Nga Gazeta Si – Janë zhvilluar 84 ndeshje zyrtare mes Inter dhe Napoli-t në Milano.
Bilanci flet për 54 fitore të Inter-it (e fundit 1-0 në sezonin 2022/23 në Serie A), 20 barazime (i fundit 1-1 në sezonin 2024/25 në Serie A) dhe 10 fitore të Napoli-t (e fundit 1-0 në Kupën e Italisë, sezoni 2019/20).
Inter është vetëm një pikë larg mbylljes së gjysmës së parë të sezonit në krye të tabelës: pas fitores ndaj Parma-ss dhe barazimit të Milan-it me Genoa-n, “Nerazzurrët” kanë mundësinë ta mbyllin gjysmën e parë të sezonit në vendin e parë, nëse fitojnë ose barazojnë në ndeshjen e prapambetur të javës së 16-të, kundër Lecce-s.
Hera e fundit që Inter u shpall Kampion i Dimrit ishte sezoni 2023/24, i cili përfundoi me fitimin e “Scudetto-s”.
Inter është gjithashtu skuadra e fundit që kryesoi tabelën në gjysmën e parë të sezonit dhe më pas e humbi titullin (sezoni 2021/22, kur Milani u shpall kampion).
Zikaltërit vjen pas një serie prej 6-të fitoresh rradhazi në kampionat: humbja e fundit ishte ndaj Milan-it më 23 Nëntor (0-1 në derbin e Milanos).
Ata janë skuadra që ka shënuar më shumë gola në Serie A 2025/26 (40), si edhe ajo me më shumë gola në 15 minutat e fundit, përfshirë shtesën (9).
Vetëm Juventus (15) ka më shumë lojtarë që kanë shënuar këtë sezon sesa Inter, i cili renditet i dyti me 13, po aq sa Cagliari.
Napoli do të përballet me një nga skuadrat që nuk ka marrë asnjë karton të kuq deri tani (Inter, ashtu si Torino, Lecce, Verona dhe Cagliari).
Në anën tjetër, Napoli është skuadra që ka përfituar më shumë nga ndëshkimi me karton të kuq i lojtarëve kundërshtarë (4 raste).
Napoli është skuadra që ka shënuar më shumë gola nga minuta e 31-të deri te e 45-ta, përfshirë shtesën (7), aq sa Atalanta.
Para ndeshjes Napoli–Verona, vendasit nuk kishin pësuar 2 gola në pjesën e parë në Serie A që nga humbja Milan 2-1 Napoli, më 29 Shtator 2025.
Mes Cristian Chivu dhe Antonio Conte-s, janë zhvilluar 3 përballje zyrtare: bilanci është një barazim dhe një fitore për trajnerin e Napoli-t.
Në 30 ndeshjet e para si trajnerë të Interit, Simone Inzaghi edhe Cristian Chivu kanë fituar secili nga 21 ndeshje.
Antonio Conte do të përballet me ish-klubin e tij: ai e drejtoi Inter-in në sezonet 2019/20 dhe 2020/21.
Conte zhvilloi 102 ndeshje si trajner i zikaltërve, me bilanc – 64 fitore, 23 barazime dhe 15 humbje, duke arritur Finalen e Europa League në sezonin e parë dhe duke fituar titullin kampion në sezonin e dytë.
Lautaro Martínez është aktualisht golashënuesi më i mirë i sezonit pas 18 ndeshjesh (10 gola).
Që nga debutimi i tij në Serie A, Manuel Akanji ka luajtur 100% të minutave të mundshme, i vetmi lojtar i Inter-it që e ka bërë këtë.
Giovanni Di Lorenzo shënoi golin e tij të parë në Serie A 2025/26 kundër Verona-s: kapiteni i Napoli-t nuk kishte shënuar që nga 26 Tetori 2024 (Napoli 1-0 Lecce në stadiumin “Maradona”).
Nga Gazeta Si – Rikthimi i jashtëzakonshëm i Max Verstappen-it në fund të sezonit mund të mos ketë qenë i mjaftueshëm për ta çuar atë drejt titullit të 5-të rradhazi Kampion Bote në Formula 1, por kjo nuk e ndaloi që të votohej si “Piloti i Vitit” për herë të 5-të rresht nga kolegët e tij.
Në edicionin e 8 të votimit, pilotët vlerësuan rivalët e tyre duke rendistur 10 pilotët më të mirë të vitit 2025.
Pikët u shpërndanë sipas sistemit aktual të pikëzimit në F1, ku piloti i renditur i pari në çdo listë merrte 25 pikë, deri në një pikë për pilotin e renditur në vendin e 10-të.
Këto pikë më pas u kombinuan për të krijuar renditjen e përgjithshme të 10 pilotëve më të mirë.
Verstappen realizoi një rikthim të jashtëzakonshëm në fazën përfundimtare të sezonit, duke fituar 6 nga 9 garat e fundit, për ta mbyllur kampionatin vetëm 2 pikë pas liderit Lando Norris, pasi kishte qenë 104 pikë larg tij pas “Çmimit të Madh” të Holandës në Gusht.
Norris, i cili fitoi titullin e tij të parë Kampion Bote në Formula 1 pasi përballoi Verstappen dhe shokun e skuadrës, Oscar Piastri, u rendit i 2-ti në për të dytin vit rradhazi.
George Russell kompletoi podiumin, duke u ngjitur një vend krahasuar me vitin e kaluar, pas një sezoni të shkëlqyer me Mercedes ku mori dy fitore dhe u ngjit 7 herë në podium.
Piastri ishte favorit i madh për titullin dhe në një moment kryesonte kampionatin me 34 pikë, por një rënie forme në vjeshtë e nxori jashtë garës për titull.
Ai u rendit i 4, një vend më lart se vitin e kaluar. Ferrari pati një sezon të vështirë dhe e mbylli vitin në vendin e 4 në Kampionatin e Konstruktorëve, 2 vende më poshtë se një vit më parë, kur garoi për titull deri në garën e fundit.
Charles Leclerc shfrytëzoi maksimalisht makinën që kishte në vitin 2025, duke siguruar 7-të podiume, por ai bie 2 vende në renditje, në vendin e 5-të.
Carlos Sainz u rikthye pas një fillimi të vështirë te Williams me një gjysmë të dytë sezoni sensacionale, që i solli jo 1 por 2 podiume.
Këto paraqitje i siguruan vendin e 6-të në renditjen tonë, i njëjti pozicion që kishte edhe vitin e kaluar kur garonte për Ferrari-n.
Fernando Alonso u rendit i 7-ti, duke u ngjitur 2 vende. Dy herë kampioni i Botës u fut në 10-shen e parë të renditjes falë disa paraqitjeve të jashtëzakonshme me Aston Martin, i cili përfundoi i 7-ti në kampionat.
Tre hyrje të reja plotësuan 10-shen e parë. Sezoni më i mirë i karrierës për Alex Albon me Williams që u rendit i 8 në kampionat, u shpërblye me të njëjtin pozicion edhe në renditjen tonë.
Debutuesit Ollie Bearman dhe Isack Hadjar u votuan përkatësisht në vendin e 9-të dhe të 10-të nga rivalët e tyre, pas sezoneve mbresëlënëse.
Bearman pati një seri të shkëlqyer prej 5 garash me pikë, që përfshinte edhe një vend të 4 në Meksikë, ndërsa Hadjar siguroi podiumin e tij të parë në Zandvoort.
Pas një sezoni debutues të vështirë te Ferrari. 7-të herë Kampioni i Botës, Lewis Hamilton, nuk arriti të përfshihej në 10-shen e parë për herë të parë që nga nisja e këtij klasifikimi.
Pilotët që pranuan të merrnin pjesë në votim (sipas rendit alfabetik) ishin: Alex Albon, Fernando Alonso, Kimi Antonelli, Ollie Bearman, Gabriel Bortoleto, Franco Colapinto, Pierre Gasly, Isack Hadjar, Liam Lawson, Charles Leclerc, Lando Norris, Esteban Ocon, Oscar Piastri, George Russell, Carlos Sainz dhe Max Verstappen.
Nga Gazeta Si – Thomas Strakosha nuk fshihet, përkundrazi. Ai e thotë me krenari se është një shqiptar nga Himara.
I lindur dhe rritur në Athinë, ai pranon se shumë shqiptarë e fshehin origjinën e tyre.
“Takoj shpesh fëmijë në Akademinë e AEK. Ata vijnë më takojnë dhe më thonë se janë shqiptar. Kjo më bën krenar. Unë e respektoj Greqinë, origjina ime është nga Himara dhe unë jam krenar që jam shqiptar” – tha për Athletico.gr portieri kuqezi.
Në podcast-in ku mori pjesë u fol edhe për babain, Foto Strakosha, në gjurmët e të cilit po ecën edhe Thomasi 30 vjecar.
Hapat e parë ai i hodhi te APOEL (në Nicosia) për të vazhduar te Panionios (në Athinë) dhe Lazio (në Romë).
Pikërisht te kryeqytetasit në Apenine, Strakosha debutoi si profesionist. Pas 9 viteve në Serie A, u transferua te Brentford në Angli.
U kthye në vendlindje në vitin 2024 ku firmosi për AEK në Athinë, aty ku luan edhe sot.
Aktualisht, Thomas Strakosha është një ndër 5 portierët më të suksesshëm në 15 kampionatet kryesore.
Ai e ka ruajtur portën të paprekur në 22 ndeshje në të gjitha kompeticionet në vitin kalendarik 2025.
Nga Gazeta Si – Lamine Yamal kaloi Erling Haaland si futbollisti më i shtrenjtë në Botë.
Ylli i Barcelonës, vlerësohet në 298 milionë paund ose 399 milionë dollarë.
Ndërsa sulmuesi i Manchester City-t, Haaland, vlerësohet në 221 milionë paund ose 297 milionë dollarë.
Më poshtë ju njohim me 20 futbollistët më të shtrenjtë.
Këto vlerësime janë llogaritur sipas modelit statistikor të “CIES Football Observatory”, ndërsa monedha është euro.
Çdo shifër përfaqëson milionë euro.
343.1 – Lamine Yamal – Barcelona 255.1 – Erling Haaland – Manchester City 201.3 – Kylian Mbappé – Real Madrid 153.1 – Jude Bellingham – Real Madrid 136.9 – Michael Olise – Bayern Munich 135.8 – Florian Wirtz – Liverpool 134.6 – Désiré Doué – Paris Saint-Germain 130.6 – João Neves – Paris Saint-Germain 130.3 – Arda Güler – Real Madrid 130 – Pedri – Barcelona 127.5 – Julián Álvarez – Atletico Madrid 125.9 – Morgan Rogers – Aston Villa 124.1 – Hugo Ekitike – Liverpool 121 – Kenan Yildiz – Juventus 120.5 – Nick Woltemade – Newcastle 118.9 – Estêvão – Chelsea 115.8 – Cole Palmer – Chelsea 109.6 – Pau Cubarsí – Barcelona 109.6 – Lautaro Martínez – Inter 108.3 – Dean Huijsen – Real Madrid
Lojtarët më të shtrenjtë sipas pozicionit
– Portier 81.4 – Gianluigi Donnarumma – Manchester City
– Qendërmbrojtës 190.6 – Pau Cubarsi – Barcelona 108.3 – Dean Huijsen – Real Madrid 95.6 – William Saliba – Arsenal
– Mbrojtës krahu 90.3 – Nico O’Reilly – Manchester City 86.9 – Warren Zaïre-Emery – Paris Saint-Germain 86.5 – Nuno Mendes – Paris Saint-Germain
– Mesfushor difensiv 130 – Pedri – Barcelona 103.7 – Enzo Fernandez – Chelsea 100.6 – Ryan Gravenberch – Liverpool
– Mesfushor sulmues 153.1 – Jude Bellingham – Real Madrid 135.8 – Florian Wirtz – Liverpool 130.6 – João Neves – Paris Saint-Germain
– Sulmues krahu 343.1 – Lamine Yamal – Barcelona 136.9 – Michael Olise – Bayern Munich 134.6 – Desire Doué – Paris Saint-Germain
– Qendërsulmues 255.1 – Erling Haaland – Manchester City 201.3 – Kylian Mbappé – Real Madrid 127.5 – Julián Álvarez – Atletico Madrid
Nga Gazeta Si – Në përfundim të ndeshjeve për raundin e ⅛-ve në Kupën e Shqipërisë, ajo shndërrohet në Kategori Superiore.
Kjo pasi 8 skuadrat që do të vazhdojnë rrugën në ¼ finale vijnë nga niveli më i lartë i futbollit në vend.
Në ndeshjet e pasdites u shënuan 7 gola dhe u kualifikuan Egnatia, Vllaznia, Teuta dhe AF ELbasani.
Dy herë kampionët në fuqi u mjaftuan me golin e Buric (19’) për të eleminuar Apoloninë.
E kursyer u tregua edhe Vllaznia që për të eleminuar Pogradecin priti 7 minutat e fundit kur shënoi golin e fitores me Gjinin.
Ndryshe nga dy “simotrat”, Teuta shënoi dy herë, një gol për cdo pjesë ndaj Vorës.
Jurgens (16’) dhe Toli (52’) kualifikuan më tej “djemtë e Detit”.
Ndërsa në Elbasan u luajt e treta ndeshje në shtesë. Lajthia (30’) zhbllokoi për vendasit por ishte Oshafi (59’) që barazoi për miqtë.
Rezultat që nuk ndryshoi deri në 113’ kur Ibraimi gjeti avantazhin e dytë për vendasit që në fund rezultoi goli edhe goli i fitores.
Në këtë raund u dhanë edhe 3 kartonë të kuq (2 pas dy të verdhëve) për Sulovarin (Bylis) ndaj Lacit dhe Mustën (AF Elbasani) ndaj Flamurtarit.
Si dhe një i kuq direkt për Murrën (Burreli) ndaj Partizanit.
Kryeqyteti vazhdon rrugën drejt Kupës pas fitoresh të pastra që Dinamo City dhe Partizani arritën ndaj Besës dhe Burrelit.
Ndërsa Tirana kërkoi kohën shtesë për të mposhtur skuadrën më të mirë të Kategorisë së parë.
Kundërshtarët nga një kategori më poshtë ishin të pafuqishëm duke u kthyer në objektivat e tyre një nivel më poshtë.
Bernard Berisha (12’), Devi Bregu (80’) dhe Hekuran Berisha (90’) ishin autorët e golave për blutë ndaj verdhezinjve.
Në ndryshim nga Dinamo City, të kuqtë e Kërnajës vendosën gjithcka në pjesën e parë, pas golave të Human (19’) dhe Contreras (45’).
Ndërsa Skuka shënoi golin e fundit në minutën e 85 kur gjithcka ishte në pritje të vërshëllimës së fundit.
Tirana shënoi e para në “Selman Stërmasi”. Ishte Myslovic (41’) ai që i coi vendasit në avantazh në pushim.
Rezultat që mbeti në fuqi deri në minutën e parë shtesë kur barazoi Janaqi për korcarët.
Shtesa e parë u mbyll me të njëjtin rezultat ndërsa 4’ përpara penalltive, ishte Tare që shënoi golin e fitores pas topit të ardhur nga Ernest në krahun e majtë.
Bylis është skuadra e 4-rt që vazhdon më tej pasi eleminoi Lacin (një tjetër skuadër e Kategorisë së parë) në shifrat 3-2.
Mouctar (16’) dhe Mustapha (61’) shënuan dy herë për vendasit por Muhammad (45’) dhe Jiakponna (90’+4) barazuan për miqtë.
Në kohën shtesë dhe me një lojtar më pak, ballshiotët shënuan golin e fitores me Abdullahin në 107’.
Nga Gazeta Si – Eintracht Frankfurt pret Borussia Dortmund në ndeshjen hapëse të javës së 16-të.
Dy nga ekipet më në formë të Bundesligës me stile loje kontrastuese përplasen në një përballje që premton të jetë shumë interesante…
Ka qenë një sezon i turbullt për Frankfurtin, i cili e nisi kampionatin me 3 humbje në 6 ndeshjet e para të Bundesligës.
Pas humbjeve Rradhazi ndaj Bayer Leverkusen dhe Union Berlin në shtator, ekipi i Dino Toppmöller u mposht 3-0 në shtëpi nga Bayern në javën e 6-të.
Një forcë për t’u marrë parasysh në “Deutsche Bank Park”, Frankfurt ka grumbulluar më shumë pikë në 4 ndeshjet e fundit në shtëpi (10) sesa çdo skuadër tjetër, përveç Hoffenheim (12).
“Die Adler” kanë Rregjistruar fitore me portën e paprekur ndaj St. Pauli-t, Mainz dhe Augsburg, ndërsa penalltia e Michy Batshuayi në minutën e 5 shtesë, ruajti një pikë të vlefshme kundër Wolfsburg në javën e 12-të.
Përballja e sotme është takimi i 105-të mes dy klubeve, dhe Dortmundi ka rregjistruar 51 fitore kundrejt 32 të Frankfurtit.
Në fakt “Die Schwarzgelben” kanë më shumë fitore kundër kundërshtarëve të javës së 16-të sesa kundër çdo klubi tjetër të Bundesligës, duke shënuar mesatarisht pothuajse dy gola për ndeshje ndaj ekipit nga Hessa.
Ndërkohë që Dortmund ka triumfuar në 6 nga 8 përballjet e fundit të Bundesligës me Frankfurtin, ishte Frankfurt ai që fitoi në takimin e fundit, 2-0 në javën e 18-të të sezonit 2024/25.
Ajo fitore ndihmoi Frankfurtin të kualifikohej në UEFA Champions League për herë të parë në histori, pasi skuadra e Toppmöller për herë të parë që nga viti 2008, u rendit në vendin e 3 përpara Dortmundit.
Nga Gazeta Si – Erling Haaland shënoi një gol historik në barazimin 1-1 të Manchester City-t ndaj Brighton & Hove Albion të mërkurën në mbrëmje, i 35000-ti në historinë e “Premier League”.
Penalltia e Haaland në minutën e 41-të zhbllokoi rezultatin në “Etihad Stadium”, përpara se Kaoru Mitoma të barazonte në pjesën e dytë për Brighton.
Nga pika e bardhë ishte goli i 150-të i Haaland në 173 ndeshje për Manchester City-n në të gjitha kompeticionet – 28 sfida më shpejt se çdo lojtar tjetër që ka arritur kuotën e 150 golave për një klub të “Premier League” që nga themelimi i kompeticionit në sezonin 1992/93.
Alan Shearer i shënoi 150 gola në 201 ndeshje në të gjitha kompeticionet.
Ky ishte momenti historik i rradhës për gola në sezonin e 33-të të kompeticionit që nga krijimi i tij.
Goli i 35000-të u shënua 4 vjet dhe 131 ditë pasi Chris Wood (Burnley) shënoi golin e 30000-të kundër Leeds United në Gusht të vitit 2021.
Golin e parë në historinë e Premier League e shënoi Brian Deane në Gusht të vitit 1992, në minutën e pestë të fitores 2-1 të Sheffield United ndaj kampionëve të ardhshëm të atij sezoni, Manchester United.
Gola historikë në “Premier League”…
Goli i 1’rë – Brian Deane (Sheffield United vs Manchester United) 15 Gusht 1992 Goli i 100’të – Eric Cantona (Leeds United vs Tottenham Hotspur) 25 Gusht 1992 Goli i 500’të – Lawrie Sanchez (Wimbledon vs Norwich City) 5 Dhjetor 1992 Goli i 1.000’të – Mike Newell (Blackburn Rovers vs Nottingham Forest) 7 Prill 1993 Goli i 2.000’të – Mick Quinn (Coventry City vs Manchester City) 19 Shkurt 1994 Goli i 3.000’të – Klas Ingesson (Sheffield Wednesday vs Everton) 26 Dhjetor 1994 Goli i 4.000’të – Alan Shearer (Blackburn Rovers vs West Ham United) 2 Dhjetor 1995 Goli i 5.000’të – Andy Townsend (Aston Villa vs Southampton) 7 Dhjetor 1996 Goli i 6.000’të – Nathan Blake (Bolton Wanderers vs Wimbledon) 29 Nëntor 1997 Goli i 7.000’të – Dennis Bergkamp (Arsenal vs Aston Villa) 13 Dhjetor 1998 Goli i 8.000’të – Gustavo Poyet (Chelsea vs Sunderland) 4 Dhjetor 1999 Goli i 9.000’të – Trevor Sinclair (West Ham United vs Southampton) 25 Nëntor 2000 Goli i 10.000’të – Les Ferdinand (Tottenham Hotspur vs Fulham) 15 Dhjetor 2001 Goli i 15.000’të – Moritz Voltz (Fulham vs Chelsea) 30 Dhjetor 2006 Goli i 20.000’të – Marc Albrighton (Aston Villa vs Arsenal) 21 Dhjetor 2011 Goli i 25.000’të – Zlatan Ibrahimovic (Manchester United vs Swansea City) 6 Nëntor 2016 Goli i 30.000’të – Chris Wood (Burnley vs Leeds United) 29 Gusht 2021 Goli i 35.000’të – Erling Haaland (Manchester City vs Brighton) 7 Janar 2026
Nga Gazeta Si – Çerekfinalet e Kupës së Kombeve të Afrikës “Marok 2025” sjellin së bashku një grup përfaqësuesesh, trashëgimia e përbashkët e të cilave nënvizon madhësinë e sfidës që i pret. 8 kombëtaret e mbetura kanë fituar titullin continental, 22 herë së bashku.
Shtatë nga 8 çerekfinalistet janë ish-kampione të Afrikës, një përqendrim historik që rrallëherë shihet në këtë fazë të kompeticionit dhe që vendos tonin për një rrugëtim jashtëzakonisht konkurrues drejt Finales.
Egjipti (7 herë kampion) kryeson sërish listen e pretendentëve, shoqëruar nga Kameruni (5 herë fitues),
Bregu i Fildishtë (3) dhe Nigeria (3), si dhe ish-kampionët e Algjerisë, Senegalit dhe vendasit e Marokut.
Përjashtimi bën vetëm është Mali, që ende është në kërkim të trofeut të parë kontinental, por që ka fituar admirimin për qëndrueshmërinë dhe vazhdimësinë e treguar në edicionet e fundit.
Vlen të theksohet se të gjashtë fituesit e grupeve — Maroku, Bregu i Fildishtë, Senegali, Egjipti, Algjeria dhe Nigeria — u kualifikuan drejtpërdrejt në ¼ finale, duke përforcuar idenë se pretendentët kryesorë të turneut janë afirmuar në momentin vendimtar.
Kameruni dhe Mali, që zunë vendin e 2 në grupe e tyre, gjithashtu avancuan, ndërsa të gjitha skuadrat që u kualifikuan si vendet e 3-ta më të mira u eliminuan në fazën e 1/8 të finaleve.
Edhe faza e 1/8-ve theksoi peshën e përvojës që mbajnë çerekfinalistet.
Mali eliminoi pas penalltive kampionen e vitit 2004, Tunizinë.
Egjipti avancoi pas kohës shtesë; Nigeria rregjistroi një fitore deklarative; Algjeria u kualifikua falë dramës së minutave të fundit; ndërsa vendasit e Marokut dhe kampionët në fuqi të Bregut të Fildishtë, kaluan përballje tepër të tensionuara nën presion të lartë.
Një nga përballjet kryesore është çerekfinalja mes Egjiptit dhe kampionëve në fuqi Bregut të Fildishtë, që do të luhet të shtunën.
Organizatorët e Marokut përballen me pesë herë kampionët e Kamerunit, në një ndeshje që pritet të jetë ndër më të fortat e kësaj faze.
Çerekfinalja e parë sjell një duel tërësisht afrikano-perëndimor që vë përballë kampionët në fuqi të Senegalit dhe një Mali të vendosur e plot talente.
Dy nga fuqitë tradicionale të kontinentit Nigeria dhe Algjeria, do të përballen në ndeshjen e pare të së shtunës.
Me trashëgimi dhe ambicie të dukshme në çdo skuadër, ¼ finalet premtojnë një seri përballjesh tërheqëse ndërsa turneu i afrohet përfundimit të tij.
Me kaq shumë histori të përqendruar në 8-en e fundit, ¼ finalet garantojnë një nivel intensiteti dhe cilësie taktike që i shkon për shtat fazave përfundimtare të kompeticionit më prestigjioz të futbollit afrikan.
Historia, pritshmëritë dhe ambicia tani bashkohen, teksa ekipet e mbetura ndjekin supremacinë kontinentale në Marok.
22 Tituj kampionë mes ¼ finalistëve
7 – Egjipti 5 – Kameruni 3 – Bregu i Fildishtë, Nigeria 2 – Algjeria 1 – Senegali, Maroku
¼ finalet në “AFCON 2025”
E premte 9 Janar 16:00 – Mali vs Senegal 19:00 – Kamerun vs Marok
E shtunë 10 Janar 16:00 – Algjeri vs Nigeri 19:00 – Egjipt vs Bregu i Fildishtë
Nga Gazeta Si – Real i Madridit fitoi 2-1 ndaj Atletico Madrid falë golave të Federico Valverde-s dhe Rodrygo-s, duke siguruar një “El Clásico” në Finalen e Superkupës së Spanjës, e cila po zhvillohet në Arabinë Saudite.
Valverde e kaloi Real-in në avantazh që në minutën e dytë të ndeshjes në Xhedah, kur mesfushori uruguaian shënoi drejtpërdrejt nga goditja e dënimit me një silurë prej 108 km/h
Rodrygo dyfishoi rezultatin me golin që rezultoi vendimtar në minutën e 55-të, përpara se Alexander Sørloth ta rihapte rezultatin për Atletico-n vetëm 3 minuta më vonë.
Real Madrid luajti pa të dëmtuarin Kylian Mbappé, i cili mungoi në ndeshjen e dytë rradhazi.
Skuadra e Xabi Alonso-ss do të përballet me Barcelona-n në Finalen e të dielës.
Barcelona shkatërroi 5-0, Athletic Bilbao-n të mërkurën, në ½ finalen e parë.
Nga Gazeta Si – Derbi i Madridit zhvendoset në Lindjen e Mesme, ku Real Madrid dhe Atlético Madrid do të përballen në gjysmëfinalen e Superkupës së Spanjës në Arabinë Saudite.
Reali kërkon hakmarrje pas humbjes së finales së vitit të kaluar ndaj Barcelonës, ndërsa Atleti synon titullin e tretë të Superkupës në historinë e klubit, të parin që nga viti 2014.
“Los Blancos” vijnë pas një fitoreje bindëse 5-1 ndaj Real Betis të dielën, udhëhequr nga një tregolësh i Gonzalo Garcias.
Kjo fitore — e katërta radhazi e Realit në të gjitha kompeticionet i dha mundësi skuadrës së Xabi Alonso-s të ruajë hapin me Barçën në krye të tabelës së La Liga-s duke mbetur ende katër pikë pas rivalëve të përjetshëm
Atleti, nga ana tjetër, u ndal në një barazim 1-1 ndaj Real Sociedadit gjatë fundjavës, ku të dyja skuadrat shënuan brenda pesë minutash nga njëra-tjetra në fillim të pjesës së dytë.
Me 38 pikë, Rojiblancos vazhdojnë të mbajnë vendin e katërt në renditjen e kampionatit, aq sa Villarreali, pavarësisht se kanë luajtur dy ndeshje më shumë.
Djemtë e Diego Simeones dolën fitues ndaj rivalëve të qytetit më herët këtë sezon, duke triumfuar 5-2 në Riyadh “Air Metropolitano” në Shtator.
Të rejat nga Atlético Madrid
Simeone do të ketë në dispozicion një skuadër pothuajse të plotë për derbin e sotëm, ku do të mungojnë Nico González dhe Clément Lenglet (për shkak kartonash).
Përforcimet e verës, Marc Pubill dhe David Hancko, mund të formojnë çiftin në qendër të mbrojtjes, ndërsa një tjetër afrim i ri, Matteo Ruggeri, pritet të luajë në krahun e majtë të mbrojtjes.
Pablo Barrios është në dyshim për t’u aktivizuar ndërsa kapiteni Koke mund ta nisë ndeshjen në mesfushë përkrah Johnny Cardoso-s të përfaqësueses amerikane.
Në repartin ofensiv, Julian Álvarez dhe Alexander Sørloth do të synojnë të gjejnë rrugën e rrjetës disa herë si binom sulmues.
Të rejat nga Real Madrid
Real i Madridit po kalon një tjetër valë dëmtimesh, duke e lënë Xabi Alonson me disa vendime të vështira për tu marrë ndaj Atléticos.
Mungesa më e rëndësishme është ajo e Kylian Mbappé, i cili është përjashtuar nga mini-turneu për shkak të një dëmtimi në gju dhe nuk ka udhëtuar në Arabinë Saudite.
Eder Militão dhe Dani Carvajal mbeten gjithashtu të padisponueshëm, ndërsa Trent Alexander-Arnold vështirë se do të aktivizohet, pasi vazhdon rikuperimin nga një dëmtim në kofshë.
Brahim Díaz nuk ndodhet në skuadër, pasi po luan me Marokun në Kupën e Kombeve të Afrikës.
Nga ana tjetër Gonzalo Garcia shpreson të vazhdojë momentumin pas tregolëshit në fundjavë për të mbushë boshllëkun e lënë nga Mbappé në repartin ofensiv.
Formacionet e mundshme
Atlético Madrid (4-4-2): Jan Oblak (GK) – Marcos Llorente, Marc Pubill, David Hancko, Matteo Ruggeri – Giuliano Simeone, Johnny Cardoso, Koke, Alex Baena – Alexander Sorloth, Julian Alvarez.
Real Madrid (4-2-3-1): Thibaut Courtois (GK) – Federico Valverde, Raul Asencio, Antonio Rudiger, Alvaro Carreras – Eduardo Camavinga, Aurelien Tchouameni – Rodrygo, Jude Bellingham, Vinicius Jr – Gonzalo Garcia.
Nga Gazeta Si – Kjo do të jetë hera e parë ndonjëherë që Arsenal dhe Liverpool përballen në Premier League ditën e enjte, ndërsa përballja e tyre e fundit në ligë në një të enjte u zhvillua në Anfield në Dhjetor 1947 (fitore 3-1 për Arsenalin).
“The Reds” do të jenë vetëm skuadra e dytë që Arsenali ka përballur në të shtatë ditët e javës në Premier League, pas Southamptonit.
Arsenali ka fituar shtatë ndeshjet e fundit në shtëpi në Premier League – vetëm një herë nën drejtimin e Mikel Artetës kanë pasur një seri më të gjatë fitoreje në shtëpi në ligë, kur fituan 10 ndeshje rradhazi mes Prillit dhe Dhjetorit 2022.
Liverpool synon të kompletojë “dopietën” në Premier League ndaj Arsenalit për herë të tetë, dhe për herë të parë që nga sezoni 2021-22.
Ndaj asnjë skuadre tjetër Arsenali nuk ka humbur më shumë ndeshje në Premier League sesa kundër Liverpoolit (26, po aq sa ndaj Manchester United).
Vetëm ndeshjet e Burnley-t në Premier League këtë sezon kanë parë më shumë gola në minutën e 90-të ose më vonë (10) sesa ato të Liverpoolit (9 – 5 të shënuar, 4 të pësuar).
Në sezonet 2023-24 (13), 2008-09 (12) dhe 2010-11 (10) Liverpool ka qënë dëshmitar i më shumë gola në minutën e 90-të ose më vonë në një sezon të Premier League.
Arsenali ka pësuar gol në secilën nga 20 ndeshjet e fundit të Premier League kundër Liverpoolit, që nga barazimi 0-0 në gusht 2015.
Vetëm kundër Manchester United (30 ndeshje mes 1953 dhe 1968) dhe Tottenham (24 mes 1955 dhe 1967) Arsenali ka pasur një seri më të gjatë pa mbajtur portën e paprekur në historinë e ligës.
Cody Gakpo ka shënuar tre gola jashtë fushe në ligë këtë sezon, të gjithë në katër paraqitjet e tij të fundit në Londër (gola kundër Chelsea-t, West Ham-it dhe Fulham-it); më parë ai kishte shënuar vetëm katër gola në 18 ndeshjet e para të “Premier League” në kryeqytet.
Gakpo mund të bëhet lojtari i dytë i ndryshëm i Liverpool-it që shënon në katër ndeshje të ndryshme jashtë fushe në Londër në një sezon të Premier League, pas Mohamed Salah (dy herë – 2017-18 dhe 2020-21).
Arsenali ka fituar dy ndeshjet e fundit në shtëpi në Premier League kundër kampionëve në fuqi, duke mposhtur Manchester City-n në sezonet 2023-24 dhe 2024-25.
Herën e fundit që e arritën këtë në tre sezone radhazi të ligës ishte mes 1961-62 dhe 1963-64, kur mposhtën Tottenhamin, Ipswich-in dhe Everton-in.
Bukayo Saka ka shënuar në secilën nga tre ndeshjet e fundit në shtëpi në “Premier League” kundër Liverpool-it në historinë e ligës, asnjë lojtar i Arsenalit nuk ka shënuar ndonjëherë në katër ndeshje radhazi në shtëpi kundër “The Reds”.
Vetëm Bruno Fernandes ka qenë i përfshirë në më shumë sekuenca nga aksioni që përfundojnë me një goditje në “Premier League” këtë sezon (116) sesa Dominik Szoboszlai i Liverpool-it (103).
Ndërsa për 90 minuta, nga lojtarët me mbi 1,000 minuta lojë, vetëm Jérémy Doku (7.2) dhe sërish Fernandes (7.1) kanë qenë më të përfshirë sesa Bukayo Saka i Arsenalit (6.4) në këtë sezon të Premier League.
Nga Gazeta Si – PSG dhe Marseille janë gati të përballen në një “Le Classique” të paharrueshme, këtë herë në Kuvajt.
Superkupa e Francës bëhet sërish globale, duke premtuar dramë, gola dhe spektakël.
“Trophée des Champions” do të zhvillohet në “Kuwajt City”, duke shënuar një moment historik për këtë kompeticion.
Përballja mes kampionëve të “Ligue 1” dhe Kupës së Francës, Paris Saint-Germain, dhe nënkampionëve të Olympique de Marseille, është planifikuar të luhet në stadiumin “Jaber Al-Ahmad”.
Superkupa është luajtur jashtë Francës që nga viti 2009, me edicione të mëparshme në Katar, Izrael, Kinë, Marok, Shtetet e Bashkuara, Tunizi dhe Kanada.
Tani Kuvajti i bashkohet kësaj liste, duke e kthyer Superkupën e Francës në një vitrinë vërtet globale.
Synimi i PSG-së për dominim të vazhdueshëm
Paris Saint-Germain ka qenë mbreti i padiskutueshëm i “Trophée des Champions” për më shumë se një dekadë.
Që nga viti 2013, ata kanë fituar çdo edicion, me përjashtim të vitit 2021, kur Lille befasoi gjigantët francezë.
Nën drejtimin e Luis Enrique-s, PSG mbetet një forcë e mbushur me yje, me talente si Ousmane Dembélé, fitues i fundit i Topit të Artë, çmimit “The Best” dhe “Global Soccer Award” si dhe Vitinha.
Parizienët e shohin këtë përballje si mënyrën perfekte për të vendosur tonin e vitit 2026, veçanërisht pasi OM arriti t’i mposhtë në “Classique-n” e fundit të “Ligue 1”.
PSG do të mbërrijë në Kuvajt me një synim të qartë për të provuar veten — dhe me pritshmërinë se çdo rezultat tjetër përveç fitores do të konsiderohej dështim.
Shansi i Marseille-s për rehabilitim
Për Olympique de Marseille, kjo është më shumë se një Finale kupe — është një mundësi për të tronditur hierarkinë e futbollit francez.
Klubi nga Jugu nuk e ka fituar “Trophée des Champions” që nga viti 2011, dhe një fitore ndaj PSG-së në fushë neutrale do të ishte një deklaratë e fortë.
Stadiumi “Jaber Al-Ahmad” është një nga arenat më moderne të rajonit, dhe organizatorët presin një stadium të mbushur plot, me tifozë që do të udhëtojnë nga i gjithë Gjiri për të ndjekur këtë duel.
Kjo nuk do të jetë thjesht një ndeshje — do të jetë një deklaratë. PSG dhe OM janë gati të ndezin Kuvajtin dhe të dhurojnë një nga edicionet më dramatike të “Le Classique” deri më sot.
Nga Gazeta Si – FSHF njoftoi rinovimin e kontratës me trainerin Sylvinho dhe stafin teknik të brazilianit
“Vendimi për rinovimin e kontratës reflekton besimin e plotë të FSHF-së në stafin aktual, filozofinë e punës së ndërtuar ndër vite dhe angazhimin për stabilitet, vazhdimësi dhe ambicie të larta. Ky hap synon forcimin e mëtejshëm të Kombëtares, rritjen e konkurrencës dhe përfaqësimin sa më dinjitoz të futbollit shqiptar në arenën ndërkombëtare” – thuhet në njoftimin e institucionit më të lartë futbollistik në vend.
Në fakt FSHF ka vënë në funksion klauzolën në kontratën e mëparshme që parashikonte një zgjatje të bashkëpunimit, nëse Kombëtarja do të ishte ende në lojë për një kualifikim të mundshëm në Botëror.
Ndërsa ajo befason është se në federatat simotra, rinovime të tilla nuk janë për periudha 6 mujore, por përfshijnë fushatat eleminatore pasardhëse.
Nga Gazeta Si – Barcelona do ta nisë mbrojtjen e Superkupës së Spanjës përballë Athletic Bilbao-s në Arabinë Saudite.
Rivalë në “La Liga”, do të luftojnë për një vend në Finale, ku do të përballen me fituesin e gjysmëfinales tjetër mes Realit të Madridit dhe Atlético Madridit.
Barça vjen pas një fitoreje emocionale ndaj rivalëve të qytetit, Espanyol, duke marrë 3 pikë pasi shënoi 2 herë në minutat e fundit.
Portieri Joan Garcia, ishte vendimtar në rikthimin e tij në stadiumin “RCDE”, duke 6 pritje ndërsa përballej me fishkëllima të pandërprera nga tifozët e Espanyol-it, të cilët dikur brohorisnin emrin e tij.
Fitorja – e 8 radhazi në të gjitha kompeticionet – i lejoi “Cules” të ruanin epërsinë prej 4 pikësh ndaj Realit të Madridit në krye të tabelës së klasifikimit.
Nga ana tjetër, Athletic Club u mjaftua me një barazim 1-1 ndaj Osasunës në fundjavë dhe nuk ka fituar në 3 ndeshjet e fundit të kampionatit.
Aktualisht renditet në vendin e 8 në La Liga me 24 pikë pas 19 ndeshjesh, 4 pikë larg zonës së Evropës.
Katalanasit e mposhtën Bilbao-n edhe në përballjen e këtij sezoni, 4-0 në “Camp Nou” në Nëntor.
Të rejat e fundit nga Barcelona
Skuadra e Hansi Flick po funksionon në mënyrë perfekte aktualisht dhe trajneri gjerman shpreson ta transferojë këtë formë edhe në Arabinë Saudite për të fituar një tjetër trofe.
Joan Garcia bëri diferencën ndaj Espanyol-it dhe pritet të jetë sërish titullar kundër Athletic Club.
Gerard Martin ka luajtur me dinjitet në qendër të mbrojtjes përkrah me Pau Cubarsí.
Eric Garcia është i vetmi lojtar që ka luajtur në çdo ndeshje të Barcelona-s këtë sezon dhe pritet ta nisë sërish në mesfushë përkrah Pedrit të mërkurën.
Fermín López asistoi dy golat e së shtunës, çka me siguri e rikthen në formacionin titullar.
Robert Lewandowski mund të jetë gjithashtu në formacion, pasi humbi vendin ndaj Ferran Torres javët e fundit.
Të rejat e fundit nga Athletic Bilbao
Trajneri bask, Ernesto Valverde – i cili ka luajtur dhe drejtuar më parë te Barcelona – do të ketë në dispozicion një skuadër të plotë për duelin e sotëm.
Vëllezërit Williams, Iñaki dhe Nico, pritet të aktivizohen në krahët e sulmit.
Oihan Sancet ka shumë gjasa ta nisë si numri 10 dhe, ndonëse është i aftë të ndryshojë një ndeshje me një moment brilant, do t’i duhet të kontrollojë emocionet, pasi shpesh rrezikon ndëshkimet me karton.
Portieri titullar i Spanjë, Unai Simón, do të jetë në portë.
Formacionet e mundshme
Barcelona (4-2-3-1): Joan Garcia (P) – Jules Koundé, Pau Cubarsí, Gerard Martin, Alejandro Balde – Pedri, Eric Garcia – Lamine Yamal, Fermín López, Raphinha – Robert Lewandowski.
Athletic Bilbao (4-2-3-1): Unai Simón (P) – Andoni Gorosabel, Daniel Vivian, Aitor Paredes, Adama Boiro – Iñigo Ruiz de Galarreta, Mikel Jauregizar – Iñaki Williams, Oihan Sancet, Nico Williams – Gorka Guruzeta.
Login
